ما غرام يشرح الصدر طاريه و إلا صدود و عمرنا ما عشقنا للكاتبة صدود كاملة - الصفحة 15

3 - 1 - 2022, 07:58 PM

وقربت من هادي اللي كان واقف ينتظرها توصل له..
مستحيل ينسى نظراتها له..
كل اللي سوته له صرخت في وجهه بكلمة وحدة..
هديل\أكــــــــــــــــــرهك ..

سحبه علي من قدامها وطلعه من البيت غصب عنه..
وعطاهـ ذياب اللي كان يبكي يبي يرجع لهديل..
وطلب منه يوصله لامه ولا يرجع لهديل..

طلع من البيت وهو يسمعها تعاتب أبوهـ ..
وكانت أخر كلمة سمعها تقولها..
كانت أقوى واقسى كلمة يمكن يسمعها هو أو ابوها..
لما قال لها يابنتي قالت أنا مو بنتك..
أنا بنت غازي..

وقف من على سريرهـ وطلع من غرفته ..
كان حاقد عليها بسبب كلمتها..
ليه تقول إنها بنته..
معقولة بترضى ترجع له بعد كل اللي سواهـ ..

صار ابوها..؟؟!
مافيه بنت بتعتبر زوجها مثل أبوها...
إلا إذا كان بحنية وطيبة ابوها..
وإذا كان يراعيها ويهتم فيها مثله..
معقولة كان مثل أبوها لها..
صرتي بنته يا هديل..؟؟
صرتي بنت اللي فرقك عنا وغربك..؟؟
بنـــت عدونا..؟؟!

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

جالسين بالصالة العلوية لبيت ام غازي..
شوق تضرب رشا اللي تتمسخر عليهم..
رشا\ألحين من كل وعيك إنتي وإياهـ ..
طيب قلتوا بتسوون حفلة وخرابيط ماقلنا لا..
بس يعننكم ماتشوفون بعض من فترة عشان تلتقون ليلة الحفلة..
شوق\عذوووول قومي نامي...
رشا\ههههههههههه ماعندك رد يا شوكة..؟؟
شوق تبتسم\انتي وش حاشرك بينا..
انا وإياهـ ننفلق مالك شغل..
رشا\وش حشرني..هذا اخوي خنت حيلي..
ابي له الزين..
لو علي زوجته بحرمة ثانية سنعة ماهو عصقول..
شوق\اممم أنا عطيتك بطاقة دعوة تحضرين حفلتي..
خلاص انا تراجعت لا تحضرين..
رشا تضمها\وهـ أختك حبيبتك لازم أحضر..
شوق\ياربي كل شيء يتم على مافي خاطري..
رشا\إن شاء الله..
امممم طيب بأقووولك شيء بس ما تحششين أمي علي..؟؟
شوق\والله ما أحششها عليك هههههههه أعجبتني الكلمة..
رشا\المهم إسمعيني أنا إحم..
أخاف تنقدين علي يا شوكة..
شوق بعصبية\صح أنتي نقدتي علي وشرشحتيني..
بس أنا طيبة ماب أنقد عليك..
رشا بنص عين\أنتي طيبة..؟؟
شوق\قومي نامي..
رشا\هههههههههه طيب اسمعي..
أنا محضرة مفاجئة لرجوحي..
شوق بحماس\وش محضرة يا قليلة الادب..؟؟
رشا تبتسم\انا قليلة أدب يا اللي بتتزوجين وأنتي حامل..
شوق\هههههههه ذكرتين باللي في الافلام...
لما تخلف منه ثلاثة وتكون حامل في الرابع يقررون يتزوجون..
رشا\لا وبزارينهم هم اللي يزفونهم..
شوق\الحمدلله لحقت على عمري اتزوج قبل يولد..
عشان اذا شاف نفسه بالصور معنا يقول وش السالفة..؟؟
رشا\ههههههههههههه خلاص أسكتي واسمعيني..
شوق\طيب كملي مفاجئتك..
رشا\اممممم بعد حفلتك بأسوي لرجوحي حفلة..
طبعاً أنا مو مثلك وجهي مغسول بمرق..
حفلة بيني وبينه..أبي ألبس له فستان عروس هادي طبعاً..
لأني ما لبست له فستان ولا صار له حفل مثل الناس..
وأنا عشت خرابيط الفستان مع سعود الله يرحمه..
شوق\الله يرحمه..
بس المهم لا تنامين وتخربين المفاجئة اعرفك رأسك والمخدة..
ضربتها رشا\الشرهة مو عليك..
علي اللي معطيتك وجه..
شوق\هههههههههه لا بجد رشا إنتبهي..
إلا ماقلتي لي عديتي نص عارضه الثاني..؟؟
رشا بزعل\لا..كنت متحمسة كثير..بس حلق وضاع علي العد..
شوق\ههههههههه يالله الجايات أكثر..
رشا بسخرية\طالب جاء قومي تخبي منه عيب يشوفك قبل العرس..

توقعت إن شوق بتهرب منه..
لان لها فوق الأسبوعين تتغلى عليه ولا تسمح له يشوفها او يكلمها..
طالب\هجت ام السعف والليف..؟؟
رشا\هههههههههههههه إيه هجت..
طالب بابتسامة\تزوجت لي وحدة خبلة..
المشكلة خبالها هـ اليومين عاجبني..
حسيت إنها انثى تستحي..
شوق من بعيد\طويلب وقص بلسان رشا..
طالب\أرهفي صوتك يا مرهـ عيب أسمعك..
رشا\هانت يا أبو رشا يومين وهي حلالك..
طالب بصوت خفيف\بالله قولي الصدق..
هي تغيرت وجها خشمها كشتها..
أي شيء فيها تعدل ولا باقي على خبري..
شوق\لا ماتغيرت على خبرك..
طالب يوقف\وقطع شكلي باكشت فيك واخليك على الكوشة لحالك..
شوق\عادي أنت الخسران..
طالب\أنتي بتروحين غرفتك ولا اجيك..؟؟
شوق\لا خلك مكانك بينا إتفاق..
طالب\الخبل اللي يرضى بإتفاقاتك..

مشى بإتجاها وهي صرخت بمكانها تضحك وتحلفه يرجع..
رجع لرشا وهو يضحك على خوفها..
طالب\والله اللي طحت من عين ام غازي..
مابتعطينا من الورث كله بسببك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مرت عليها ايام وهي صادة عنهم كلهم..
ولاتنزل من غرفتها ..
بس اليوم طلعت منغرفتها وجلست مع امها في الصالة..
كلهم لاحظوا تغير خفي فيها..
بس ماقدروا يحددون وش يكون..
ما تتكلم إلا إذا أحد سألها أو تكلم معها..
متجاهلة وجود هادي بشكل كبير..
ولا كأنه موجود معها بنفس المكان..
حتى ابوها وأخوانها بينت لهم غن مالها اي رغبة في الكلام معهم..

كانت شايلة هديل الصغيرة بحضنها..
لما ضربها ذياب بزعل..
ناظرت فيه بهدوء..نزلت هديل وشالته بحضنها..
ماقدرت تسمع كلام امها وغادة وجدتها وماتتفاعل معهم..

الجدة\لا يكون حامل يالغبراء..؟؟
غادة بزعل\إيه يومه حامل والنتيجة عندي من شهرين..
الجدة\هههههههههه أجل ماحولك شر..قلتي تبين الطلاق..؟؟
غادة بغيض\إيه أبي الطلاق..هو رجال مؤذي وكريه..
وما اطييقه..كل شيء يخترب علي بسبته..
أم علي بصدمة\غادة صاحية انتي..؟؟
غادة تبكي\يومه والله إن نفسي عايفته..
ما اباااهـ..خلوه يطلقني..
الجدة\ياجعل يضحك سنك يا غادة..
هذا نفس اللي جاني على ابوك..
بس جدك ماحبني على راس خشمي وقال لبيك..
إلا هفني على وجهي وقال قدامي..
تعيفيني ياالجيد عنبوا من حبك بعد اليوم..
غادة بزعل\شكل زعله كان كبير عليك يومه..؟؟
الجدة تتنهد\كان ابوك لاعبن فيني..
بس قلبي ماتحمل زعل جدك..
رحت اراضيه وقلت له كله من ولدك ماهو مني..
هديل بجمود\ضربك ورحتي تراضينه..؟؟

3 - 1 - 2022, 07:58 PM

ألتفتوا كلهم عليها..
والجدة أنبسطت إنها قدرت تجذب إنتباهـ هديل..
فجاوبتها وهي متأكد إن إجابتها يمكن تلينها..او تثورها عليهم..
الجدة بمحبة\رحت اراضيه لاني أدري ما بيعزني احد كثرهـ..
جرحته يوم عفته وقلت ما ابيه..والحمل مالين قلبه علي وقال بأعذرها..
الجرح يابنتي جرح إن كان بسكين ولا بكلمة..
رحت له مشتاقة ارجع واصير الجيد بقلبه..
وأكون الأوله والتالية..
بس جدكم كان اهم ماعندهـ نفسه وكرامته..
صدني وأنا ظليت اركض وراهـ..
هديل بقهر\ليه تركضين وراهـ..
أنتي معذورة بصدك عنه..وضربك وهو ماله حق..
ليه تبين ترضينه وهو غلطان وجارحك..؟؟

حست بقلبها يتقطع على حال هديل..
كانت شاكة إن اللي صار فيها اكبر من ماتقوله لهم..
وغضبها من جدها دليل إنها تعرضت لضرب وقسوة..
الجدة بحسرة\إيه غلط وضربني..
بس يابنتي أنا لقيته يحبني أكثر من امي وابوي..
ضربني وانا ادري إن ضربه لي أوجعه قبل يوجعني..
يكفي إن شفت زعله علي أكثر من زعلي على حالي..
ويوم إني بكيت عندهـ..شفت الندم يأكله وهو ساكت..

هديل بغصة\ماهو مستحيل نلقى اللي يحبنا اكثر من امنا وابونا..
بس وش يسوى حبه وهو قاسي وحقير..
غادة بشهقة\جدي حقير..؟؟
الجدة تضرب غادة\وجع عساك لـ الجرب..
غادة\هي اللي قالت ماهو بانا..
هديل بسخرية\الله يرحمه..
ودامك رضيتي بمذلته لك تحت عنوان إنه يحبك..
فيا كثركم ياللي رضيتوها على انفسكم..
أم علي\يابنتي إذكري ربك..وش فيك محاربة الدنيا وهلها..
مابه إنسان معصوم عن غلط وزلة..
يابنتي ماخبرتك قاسية وماتراعين..
هديل بصد\رباني يومه وأحسن تربيتي..

وقفت وطلعت من الصالة وهي تشوف أبوها ومحمد داخلين البيت..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛

قفلت جوالها بعد ما انهت إتصالها مع أخوها..
وأنتبهت على إبتسامت سارة ..
ياسمين\ياساتر سامعة نكته..؟؟
سارة\يابنت لهجتك رهيييبة..
بالله إنتي تدلعين عند سلمانوه كذا..؟؟
يامسين\ههههههههه في البداية..بس هلا صرت سعودية..
سارة تهز راسها\لا لا يا وردة ما اتفقنا كذا..
حافظي على دلعك..متى ماحبيتي تجيبين راسه إستخدميها..
ياسمين\أجيب راسه..؟؟
سارة تبتسم\هذا مصطلح عندنا معشر الخليجيات..
يعني إذا حبيتي تلينين راسه لك وتخلينه يطيعك بشغله إستخدمي دلعك..
ياسمين\سارة أنتي تدلعين..؟؟
سارة بنص عين\أجل وش شايفتني..وعند أنواع أسلحة قصدي أنواع دلع..
ماتعرفينها لا انتي ولا المبتدئات من شاكلتك..
ياسمين\علميني بعض أسلحتك..
سارة بغرور\تعقبين ياحرمة أخوي..
خلصي الأسلحة اللي عندك أول وبعدها امولك من اللي عندي..

سلمان\خير يا خرابت البيوت..
وش مخطط التخريب اليوم..؟؟
سارة\الله يسامحك..جزاتي جاية أشوف حرمتك..
أسنعها لك واجملها..
سلمان بغمزة\قمر وعاجبتني حتى بالمنشفة..
سارة بشهقة\ياسمين منشفة من وراي..؟؟
وين اللي خططنا له..
ياسمين\إنطمي لا يسمعك الحين..
سارة\طيب يا هبلاء خليه يلعب عليك..
سلمان\سارة حبيبتي زوجك سافر..؟؟
سارة\لا بسم الله عليه بعد تسبدي..
سلمان\إستحي..
سارة\توها ياسمين تقلدني وتقول بعد تسبدي سلمان..
سلمان بضحكة\ههههههههه لازين دامك تعلمينها السنع اللي كذا ماعندي مانع..
ياسمين بقهر\كذابة..
سارة بهمس\أجل منشفة ومن وراااااي..
ياسمين\طيب بأقولك بس لا تحرجيني معه..
سارة تبتسم\ترى ماقالت بعد تسبدي قالت بعد حيي سلمان حبيبي..
ياسمين بشهقة\والله كذابة لا تصدقها..
سلمان\هههههههههههه طيب ما باصدقها لأني أعرفك أكثر منها..
يالله أنا طالع تبين شيء ياوردة..؟؟
ياسمين\شــكراً..
سارة حمقت\بلى تبي..إسمع وانا أختك..
ترى يمدحون الورد..والهدايا الرومنسية..
تبيها ترضى من دون رشوة ترى مايصير..
عيب حس على دمك..كفاااية أعلم في زوجي..
ما يجيب هدية الا بعد ما اترجاه يجيب هدية..
لا وبعد اقوووله خلها لي مفاجئة لما تجيبها..
سلمان\هههههههههههههههه الله يرزقك بهدية الليلة..
سارة تضحك\ههههههههه إن شاء الله..بس ماظنتي فيه هدية..
لاني لازم ازن على راسه قبل الهدية بإسبوعين وإن زادت ثلاثة..

سلمان\يعني يا بعض الناس تبون هدية من أنت اللي مزعلكم..
ياسمين\شكــراً ما ابي منك شيء..
سارة\ترانا حريم ونفهم على بعضنا..
جيب لها هدية وأنا أتصرف فيها..
ياسمين\والله ما اخليك تاخذينها..
سارة\هه شفت يا فديتك..
عرق النساء لازم يظهر..

ضحك على شكل ياسمين المعصبة من سارة..
قرب منها وقبلها على خدها بحنيه..
سلمان\تعقب سويرة تاخذ هديتك..
ياسمين\.......................
سلمان يبتسم\لا تردين يكفيني أنفاسك..

سارة بهمس\الخطة الخطة..
سلمان\إكفينا شر خطتك يا سارة..
سارة\مالي شغل أنا في صفها لحتى ترضى عليك بكامل قواها العقلية..
سلمان\وإن شاء الله بترضى..

قبل يطلع نادته سارة..
سارة\سلمان حبيبي..ترى يمدحوون زارا..
سلمان يضحك\ابشري باللي تبين..
سارة\الله يصلحكم دائماً أذكركم تهدوني ولا ما احد يهديني..

طلع سلمان وهو يضحك عليها..
ياسمين بعصبية\مشفووحة..
سارة\ههههههههههههه لبى السعوودية ياعرب..
من علمك مشفوحة..
ياسمين\مذبوحة على الهدايا..؟؟
سارة\اعوذ بالله..خلينا نترزق..
يقولون الرازق في السماء والحاسد في الأرض..
ياسمين\مابتاخذن الهدية ..
سارة\من على خشمك..وألحين قولي وش سالفة المنشفة..؟؟
ياسمين بإحراج\خلي أخوك يعلمك..
سارة بنص عين\كذا يا وردة..؟؟
ياسمين\مالك أمان..خلاص أقووولك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛

نزلت وهي لابسة عبايتها وعبدالله معها..
كانت ناوية تتوجه لـ الجامعة وتقابل خلود هناك..
أيقنت غنها مهما حزنت او تحطمت..
بتظل لوحدها في كهف الماضي..
فقررت ترجع وتبدأ حياتها وتتجاهل كل اللي حوالينها..

غادة\هديل شفتي اخت زوجك وش مسوية...

جذبت إنتباها بكلمة اخت زوجك..
تحفزت كل حواسها لغادة..
تتكلم عن أعدائها..
وأعدائها ياكثرهم..
كلهم من الــ جالي..
غادة\مسوية حفلة زفاف لها..
أذكر إنها لما جات تزورك بعد مارجعتي..
تقول إنها حامل..كيف تسوي عرس وهي حامل؟؟
الجدة بنقد\وش ذا العلم..
حامل قبل تعرس..؟؟
غادة بصدمة\هاهـ..؟؟استغفر الله يومه..
لا ماهو كذا..لا ان شاء الله مو كذا..
هديل وش سالفتها..؟؟مو هي متزوجة؟؟

رسمت في بالها صورت شوق..
لو تنسئل هذا السؤال عن هديل وش بيكون ردها..
يمكن تذمها وتشهد بالباطل..
بتقول إيه جارية وحامل بالحرام..
همس ضميرها..أنتي مو مثلها..
وهمست لضميرها..متى تموت وتريحني..

هديل بهدوء\هي متزوجة من سنين..
الجدة\الحمدلله ..بس وش بلاها مئجلة حفلتها؟؟
هديل بسخرية\كانت مشغولة باعراض الناس..
قصدي بدراستها مع زوجها..
غادة\أحس مالها داعي تسوي حفلة الحين..
هديل بجمود\ليه مالها حق..؟؟
انتي ما اعتقد أحد منعك من حفلة وفستان وطرحة..
وهي ظروفها أجبرتها تتخلى عن الفستان والحفلة..
من حقها تحتفل بنفسها مثل ماتحب..
ولا أحد له حق ينتقدها لان ما أحد يعرف ظروفها كيف كانت..
غادة بإستفهام\اللي يسمعك يا هديل يحتار إن كنتي تحبينها أو تكرهينها..
هديل بواقعية\لا احبها ولا اكرها..
لانها ولله الحمد ما تستاهل أوهبها من قلبي شيء..
لا حب ولا كـــرهـ وهذا حالها وحال الجميع..

غادة\أرسلت بطاقة دعوة لك..
تبيك تحضرين حفلة زفافها..
هديل برفعة حاجب\دعوة..؟؟
غادة\إيـــه..
هديل\متى الحفلة..؟؟
غادة\بكـــرهـ ..
أم علي\وليه تسألين..؟؟
لا يكون ناوية تحضرين حفلتها..؟؟
هديل بحقد\وليه لا..
أهل زوووجي يومه..
ويمكن ارجع لزوجي بعدها..

تجاهلت شهقات امها وغادة..
ناظرت في عبدالله الي واقف مصدوم من كلمتها..
هديل\عبدالله غيرنا طريق المشوار..
مابأروح الجامعة..خذني على المملكة..
يالله حبيبي السواق ينتظرنا..

3 - 1 - 2022, 07:59 PM

طلعت من البيت وعبدالله يشد شعرهـ بقهر
عبدالله\بنتك وش بلاها..؟؟
تقول بترجع له..أروح معها ولاأسحبها من كشتها..
غادة بإبتسامة\روووح معها بسرعة..
وانا باكلم سارة ونلحقكم المملكة..

طلع عبدالله بعد هديل وركب معها السيارة..
كان جالس قدام جنب السواق وكل لحظة يلتفت عليها..
أنتبهت على حركته وكانت متاكدة إنه يبي يصرخ عليها..
أتصلت على خلود واعتذرت منها ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

أنهى كلامه لاخوهـ وعياله..
قال لهم كل اللي قاله غازي..
رد عليه هادي بصوت مقهور..
هادي\وتبي ترجعها له..؟؟
أبوعلي\إذا وافقت ترجع له ما بأقول لها لا..
وإذا رفضت ما احد بيجبرها..
علي\يعني هو يهدد..
ابوراكان\ليه يهدد..؟؟
علي بقهر\لأنه يدري إنه بيحرجنا بالجاهة اللي بيجيبهم معه..
ومالنا قدرة نرد جاهة كبيرة جايين يطلبون بنتنا ترجع لزوجها..
يبي يذلنا ويلوي ذراعنا..
راكان\لاتأخذ الامور بالعصبية يا علي..
المسلمين كلهم يدرون إن الزواج قسمة ونصيب..
وإن مارجعت له ما أحد له علينا شيء..
القرار لها ماهو لنا..
ابوعلي\وانا مع راكان..
علي بغضب\يوبه هو لازم يتراجع عن جمع القبايل..
ماهو بكفو يذلنا قدامهم..هديل مابترجع له..
ابوعلي\إلى متى بامشي حكم الناس على بنتي..
ما عطيته إياها بالدس زمان الا بسبب الناس..
وش فادونا فيه..لارفعونا لـ السماء ولا خسفونا بالأرض..
خلنا نبين لها قبل لا نبين له..
إن مابه من يستاهل نوجعها عشانه..
هادي\انا بأروح اكلمه..
ابو علي\والله العظيم ماتروح ولا تقابله..

هادي بقهر\يوبـــــه تكفى خفف حلوفك من علي..
لا انت ولا امك ولا أخواني..
كل من ضاقت فيه حلف علي..
خلني أقابله ومابيصير إلا كل خير..
ابوعلي\حلفت ما تقابله ولا تطلبه شيء..
هادي\ليه تقصيني عن الموضوع وانا راس السبايب..
ماهو خذاها براسي..
خلني أبيض وجهي مع اختي..
علي\صل على النبي يا هادي..
هادي\عليه الصلاة والسلام..

وقف وطلع من المجلس..
يبون يرجعونها لي..يساومون فيها من جديد..
ما بترجع له لو تصرخ بكل صوتها إيه أبيه..
أعرفها كتوووم..حاس بقهرها بوجعها..

ترددت في ذاكرته كلمتها..
غازي هو أبوي..
يعقب ماهو بابوك..
لو كان حنون عليك ما ضامك وحرمك من هلك..
لو يحبك مثل ما يدعي..
ما كنتي مقهورة اليوم وتصرخين..
لو كلهم يعمون عيونهم عنك..
انا عنك ماعميت..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

وصلوا لـ المملكة نزلت وعبدالله معها..
ناظرت حواليها بحنين..
خمس سنين وزيادة ما زارت اسواق المملكة..
حتى اغراض ذياب واغراضها..
كانت غادة هي تنزل المول وتتشرى لها..

دارت بالمول وفي ابلها ستايل معين تبي تظهر فيه..
ماتدري غن كان قرارها بحضور الحفلة صح أو غلط..
بس مستحيل تتراجع عن هذي الخطوة..
كلهم يكملون حياتهم وأنا لازم أكون اقوى منهم..

طلعت جوالها وشافت اسم سارة..
ردت عليها بهدوء..
سارة بمرح\يالخااااايسة وييينك..؟؟
طبينا المول عشانك..ولا بنحضر الحفلة معك..
هديل تبتسم\يصير خير..

دلتهم على مكانها وأنتظرتهم لحتى وصلوا لها..
سارة بسرعة\يالله لازم أكشخك واعدلك..
إمشي وراي..
هديل\لا يا حلوة..
انا اعرف وش بألبس..
ورجاءً ما احد يتدخل بلبسي..
سارة بقهر\تعقبين..إذا ما اعجبني ماتلبسينه..
هديل بثقة\بيعجبكم يا سارة..

أبتعدت عنهم ودخلت المحل اللي عارض الفستان اللي تبيه..
أشترت الفستان ولوازمه من نفس المحل..
طلعت وسارة وغادة واقفين ينتظرونها..
غادة\خلصتي..؟؟
هديل\إيه خلصت..
سارة\ترى بأحضر معكم الحفلة..
أبي اضحك شوي واعلق على كرش العرووسة الحامل..
هديل\حياك حضورك معي بيبسطني..
غادة\حتى أنا وامي وعسوولة بنحضر..
هديل بإبتسامة\لازم تقومون بالواجب..
مو هذولاء أهل نسيبكم حبيب قلوبكم..

أبتعدت عن سارة وغادة ومشت جنب عبدالله..
اللي كان يخز بنت في السوق لابسة عباية ضيقة..
هديل\غض البصر..
عبدالله\ياليتها اختي..كان لبستها خيمة..
هديل تبتسم\طيب روح لها قل عيب عليك يابنت إستحي..
عبدالله\عيب أتكلم معها..
هديل\اجل أمش وإن شاء الله ربي يهديها..

جلست بالمقهى وأنضمت لها سارة وغادة..
كانت تدري إن فيه كلام كثير يدور في بالهم..
بس ماتبي تعطيهم فرصة يتكلمون..
ولما تكلمت سارة ضحكت على حالها..
من اللي يقدر يهرب من سارة..؟؟

سارة\هدوولة في خاطري سؤال..
أخاف يضايقك..
هديل بهدوء\تفضلي..
سارة\اممم غادة حكت لي عن كلامك عن هذي أخت زوجك..
وعرفت إنها ماسوت حفل زفاف بسبب ظروف الله العالم فيها..
هديل بهدوء\طيب..؟؟
سارة\طيب حتى انتي ماسويتي حفلة زواج..
وظروفك يمكن اصعب من ظروفها..
هديل\والمطلوب..؟؟
سارة\أنتي أبد ماتساعدين الواحد يأخذ ويعطي معك..
يعني ليه ما تحتفلين بنفسك..خلينا نحضرلك حفلة أكبر من حفلتها..
إلبسي الأبيض وإنزفي قدام كل الناس..
خلي اللي تكلم يبلع لسانه..
غادة\إيه هدولة..امي قالت كيف تبي تحضر..
وش يقولون الناس عنها..مو هي طالبة الطلاق من زوجها..؟؟
خلينا نسكت الناس ويدرون إنك زوجة غازي وهو يبيك ماعافك..
هديل بهدوء\تدرون كنت مثلكم..
طيبة كذا وعلى نياتي..
احسب إن الزواج مايكتمل إلا بفستان وحفلة ومعازيم..
بس تعلمت إن كل هذا مايسوى شيء..قدام فكرة وحدة بس..
فكرة إنك تكونين على علم إن هذا الإنسان زوجك..
وإنتي عايشة معه بالحلال..
سارة\غريب هذا المنطق..كيف تدرين إنه زوجك؟؟
أصلاً وش العذر اللي بيخليك تعيشين معه إذا كان مو زوجك؟؟
هديل بسخرية\ههههههه يمكن فزعة..او يكون مالك قيمة..
غادة\مافهمت عليك تقصدين مسيار..؟؟
هديل تتنهد\حتى المسيار كان ممكن يكون ارحم..
ع الأقل يعتبر زواج..
سارة بعصبية\أنتي تلعبين علينا وضيعتي السالفة المهمة..
ألحين نروح نشتري لك ثوب زفاف ونحضر لكل شيء..
بس أنتي ماعليك إلا تعطينا الضوء الأخضر..
هديل تبتسم\بشـــرط..
سارة بفرح\إشرطي مثل ماتحبين..
هديل بجمود\لون الفستان يكون اسووود..
والطرحة تكون بلون الفستان..
والمعازيم كلهم يلبسون أسود..
وأهم شيء..مايكون فيه رجال في الحفل..
أقصد هذا اللي تسمونه زوجي مايكون موجود..
غادة بغصة\ليييه أنتي كئيبة كذا..؟؟
وش سوى فيييك..؟؟
سارة بصوت خانقته العبرة\هديل إحكي لنا وش اللي مزعلك وقاهرك..
حن إخواتك..كلامك فيه وجع كثيير..
جمووودك مرعبني منك..

شالت أغراضها ووقفت..
هديل\أنا راجعة البيت..
عيييب أظل برا اكثر من كذا..
وش يقولوا الناس عني..؟؟
يمكن أبو علي وشلته قالبين الدنيا يدورون على عرضهم الضايع لا يضيع مرة ثانية..

طلعت من المقهى وأتصلت على عبدالله..
طلعت معه من المول ورجعوا البيت..
وفي بالها كيف ممكن تظهر بكرة في حفلة شوق..
مالها نية تخرب فرحتها بعمرها..
بس كانت هذي فرصة لحتى تبدأ أول خطوة في إسترداد كيانها إللي أستباحوهـ..

طلبت من السائق يوقف عند صالون نسائي كبير..
دخلت الصالون وطلبت تقابل المديرة..
تكلمت معها وطلبت أحسن العاملات في الصالون..
المديرة ادركت إن عميلتها الجامدة لها نفوذ..
صار عندها خبرة بإسلوب اصحاب النفووذ..
رحبت فيها وطلبت من العاملات الإهتمام فيها ومراعاتها..

بعدما خلصت شكرتهم بإحترام وطلعت من الصالون..
انتبهت على عبدالله ينفخ بقهر..
تدري إنها تعبته معها بمشاويرها..
كانت بتطيب خاطرهـ بكم كلمة..
بس حست بجموود كبير يطغى عليها..
فتجاهلته وركزت نظرها بالشوارع..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

3 - 1 - 2022, 07:59 PM

قامت من على كرسي التسريحة تركض..
ومسكته قبل يدخل غرفة الملابس..
رشا بإبتسامة\وين وين..؟؟
راجح يضحك\ههههههههههه البر..
وين أبي أبدل..
رشا\لا مافيه..
راجح\بعدي خليني أبدل وانام..
رشا\أولاً أنا باعطيك ملابسك وبدل هنا..
لاتدخل الغرفة..ثانياً مافيه نوووم..
راجح\ليه ماتبين ادخل الغرفة..؟؟
رشا\اممم كيفي غرفتي..ما ابيك تدخلها..
راجح\لا والله..
رشا\إي والله..

لم يدينه على خصرها وشالها يبعدها من قدام الباب..
صرخت بصدمة ولما حطها على الأرض..
لمت يدينه من ورى وترجته يوقف..
رشا\ههههههههه راجح تكفى لا تدخل..
راجح مبسوط\إلا ادخل واعرف وش في الغرفة..
رشا\خلها مفاجئة يا قلبي لا تخرب علي تكفى..

فك يدينه عنها ولم يدينها بحركة سريعة..
راجح\يعني المفاجئة لي أنا.؟؟
رشا بإستعباط\لا ابي أفاجىء نفسي تصدق..؟؟
راجح\هههههههههههه يابنت عيب ..
رشا تضحك\آآآآآي طيب خلاص قلت لك مفاجئة..
لا تخربها عليك حبيبي أنت..
راجح يرفع حاجب\طيب هذي المفاجئة من اي عيار..
يعني من العيار الثقيل..
او العادي..او ...
رشا برفض\لااا بكرهـ تعرف..
راجح بقلة حيلة\مصممة..؟؟
رشا بمرح\إيه بكرهـ إن شاء الله تعرف..
راجح\طيب عطيني ملابسي أبي أنام...
رشا\لازم تنام..؟؟ماتشبع نوم انت..
راجح\قل أعوذ برب الفلق..
متى أنام بآخر الليل عشانك..

بعدت عنه وناظرته بتهديد..
رشا\خلك مكانك..باجيب ملابسك..
لاتقرب من الغرفة..
راجح يبتسم\طيب..على أمرك..

بدل ملابسه ونام..
وهي استغلت نومه وخرجت من الغرفة تحضر باقي مستلزمات حفلتها..
واللي كان ناقص كتبته في ورقة عشان ماتنساهـ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛

ناظرت نفسها بالمرآية..
راضية كل الرضى عن شكلها..
الفستان مايبين إنتفاخ بطنها ..
والطرحة أستغنت عنها مالها اي داعي..
تسريحتها ومكياجها مغير في شكلها كثير..
مبسوطة إنها بتقدر تحتفل بوجود امها واخوها واصحابها..

ناظرت بامها اللي دخلت عندها..
وخافت من شكلها..
شوق\يومه..وش فيك..؟؟
أم غازي بصدمة\هديل..جات..
شوق بشهقة\صدق يوومه..فديتك على هذا الخبر..
ام غازي\ليه جات..؟؟
شوق بفرح\حياها الله..ليه زعلانة؟؟
ام غازي\ماني زعلانة..انا خايفة من ذا الليلة..
غازي عصب امس لما عرف إنك ارسلتي لها بطاقة..
شوق\ليييش يعصب..؟؟مو هي زوجته..؟؟
ام غازي\يابنيت أنتي متى بتفهمين علينا..
البنت حالها حالك..
ما احتفلت بزواج اصلاً مادرت بزواجها..
غازي مايبي تنجرح من شيء..
شوق\لو زعلت ماكانت بتحضر اليوم..
ام غازي\انا واخوك كنا واثقين إنها مابتجي..
بس لودرى إنها موجودة وش بيسوي..
شوق بخوف\والله غازي ماله امان يومه..
ماله داعي يدري إنها جات..
إنتي لا تقولين له وأنا ما بأقول..
ام غازي\إيه احسن كذا..
بأقول لرشا لاتطري الموضوع له..

طلعت أم غازي من غرفة شوق..
نزلت الدرج ودورت على رشا..
رشا تبتسم\يومه شفتي هديل..ذياب معها..
ام غازي\إيه شفتهم..أنا بأروح اسلم عليهم..
بس أنتي إنتبهي لا تعلمين غازي إنها موجودة..

راحت أم غازي ولا انتبهت لحركة رشا لما عضت على شفايفها..
رفعت جوالها وشافت اسمه..
راحت بمكان بعيد عن الحريم وكلمته..
غازي\عيدي اللي قلتيه..؟؟
رشا\كيفك..؟؟
غازي\جااات.؟؟
رشا\غازي تكفى امي بتذبحني قالت لا اعلمك..
غازي يبتسم\علمتيني وأنتهينا..
رشا يا اخوك أبيك بفزعة..
رشا\غازي تكفى لا تطلبني أسوي شيء لهديل..
غازي\لا يا روح اخوك..
مابتسوين لهديل بتسوين لي أنا..
رشا\اممم طيب قول واشوووف..
غازي\......................
رشا بشهقة\لاااا تكفى غازي..
مستحيل اسويها..
غازي بحدة\رشا لا تجننيني..سوي اللي قلت لك..
رشا\مالي شغل..لا تدخلني بينكم..
يمكن ربي يعاقبني..
غازي\يابنت هذي زوجتي حلاااالي..
واللي بتسوينه ماهو حرام..
رشا\بس عيب..
غازي بحدة\في عينك عيب..
رشا\غازي أمي تناديني مع السلامة حبيبي..
غازي\سوي اللي قلت لك عليه..

قفلت الجوال وهي ترتجف من اللي قاله لها غازي..
والله لو تكشفني امي إن تذبحني..
بس وش أسوي فيه بيزعل علي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛

بعد ماسلمت عليهم ام غازي..
ضمت هديل لها بحنية..
حست بصد هديل عنها..
أبتسمت لها بمحبة..
وغصب عنها حطت يدها على راس هديل وقرات عليها..
ام غازي تبتسم\حصنوا بنتكم يا أم علي..
بسم الله ماشاءالله..
أم علي تبتسم\الله بيحفظها إن شاء الله ويحفظنا..
ام غازي\مشكورة لانك جيتي..

ما انتظرت رد من هديل لانها تدري إنها مابترد عليها..
انحنت وشالت ذياب من حضن غادة..
أستئذنت منها إنها بتاخذهـ معها وبترجعه..

بعد ما ابتعدت عنهم بدأت سارة وغادة يحللون الوضع..
سارة\شفتي كيف بتأكلك بعيونها..
ولا كأنها شافتك من قبل في فستان وكاااشخة كذا..
غادة\ولا عبرتنا يا اختي..
سارة بحسرة\وين تشوفنا وأم الأحمر ماخذة الصدارة علينا..
ام علي\أذكروا الله..العين حق..
غادة\هديل إنتي لما كنتي عندهم ماغيرتي بشكلك..؟؟
يعني هذا الهاي لايت ماشافوك فيه من قبل..؟؟
هديل\لا..
سارة بقهر\هذي تبط الكبد..تكلمي معنا سولفي..

وقفت هديل وحركت شعرها بغرور..
هديل\هذي حفلة اخت زووجي..
لازم أقوم بالواجب..
غادة\وين..؟؟وش بتسوين..؟؟
هديل بخبث\أبي أرقص ..

طلعت بخطوات واثقة وهي تدري إن خبر رقصها بيوصل له..
كانت فاله شعرها اللي يوصل لنص ظهرها..
وحاطة مكياج أوفر..
فستان أحمر قاني مرسوم على جسمها ..
ماسك من على صدرها..
بوجود كرستالة متوسطة تحت الصدر..
بدأت ترقص وهي معمية عيونها عن كل اللي يناظرونها..
ويهمسون هذي زوجت غـــازي ..
ركزت عيونها على رشا اللي كانت تكلم في الجوال وتراقبها..
كانت متأكدة من إنها تكلمه هو ..
صدت عنها ولا درت بالامر اللي أصدرهـ غازي..

إلى الملتقى بإذن الله تعالى فجر الخميس ...

كونوا بخيـــــــــــــــــــر ...

صدووود’’’

3 - 1 - 2022, 08:00 PM

البارت الرابع والسبعــــون ..

وفيم أتيتِ؟ ما تبغين عندي؟
وهل عندي سوى حلمٍ صريعٍ؟

وهل عندي سوى عمرٍ تعاني
بقاياهُ.. بمِقصلة الصقيع؟

وماذا تصنعين بموتِ شمسٍ
هوتْ في الغرب.. يا وَهَج الطلوعِ؟

فيا أفياءُ! حين أغيب قولي:
مَضى في موكب الليل الوديعِ

وكان كشمعةٍ.. أعطت..
وأعطت إلى أن ضمّه قدر الشموعِ ..

المرحوم بإذن الله تعالى ..غازي القصيبي ..

بدت ترقص وهي معمية عيونها عن كل اللي يناظرونها..
ويهمسون هذي زوجت غـــازي ..
ركزت عيونها على رشا اللي كانت تكلم في الجوال وتراقبها..
كانت متأكدة من إنها تكلمه هو ..
صدت عنها ولا درت بالامر اللي أصدرهـ غازي..

أنتهت الأغنية وهي تتمايل مع أنغامها..
رغم غرابة الموقف..
ورقصها لوحدها من دون شريكة لها..
إلا إن هذا كان مرحب فيه من قبل جميع الحاضرين..
حبوا تكون الساحة لها ولرقصها الرائع..

بعد ما انتهت الأغنية رجعت بخطوات ثقيلة لطاولة عائلتها..
سارة بإعجاب\تنكس يا احمــــــــــر..
غادة تبتسم\بسم الله عليك جريئة رقصتي لوحدك..
سارة\هديل أنتي كنتي ترقصين في إيطاليا..؟؟
غادة\انا متأكدة إنها كانت ترقص على طول..
ولا ليش إلى الحين ترقص أحسن مني ومنك..
ام علي بعصبية\ومن شر حاسد إذا حسد..
إذكري ربك أنتي وهي وصلوا على النبي..
تبون تحرولونها قبل ترجع البيت..
سارة\ياليل التكفخ..خالتي الله يسعدك..
كل شوي تجرحينا وتقولين لا تنظلون بنتي..
ليه حرمة اخوي ماهي بنتك..؟؟
ولا تفضلين الإيطالية على حرمة اخوي..؟؟
غادة\انتي لا تحاولين تنشرين الفتنة بين الأم وبناتها..
روحي لاخوك أبو المشاكل الموووذي..
سارة\جزاتي أسعى في خيرك يالمتوحمة..
ام علي\خلاص إسكتوا العرب بينتبهون عليكم..

قربت منهم حرمة بعمر أمها..
سلمت على أم علي والبنات..
وكانت مركزة نظراتها على هديل..
تعرفت عليهم وسألت عن هديل..
الحرمة\بسم الله ماشاء الله..حبيت اسأل إذا كانت بنتكم مرتبطة..؟؟
ردت على الحرمة قبل لا ترد أمها..
هديل بجمود\أنا مطلـــقة..

أبتسمت بسخرية لما تغيرت نظرات الحرمة..
من الإعجاب لـ الصدمة وبعدها لـ التوتر.. ثم الإنسحاب..
سارة بحدة\خييير وش طرالك تفاولين على عمرك..
ام علي بزعل\يابنتي ما أنتي ناقصة كلام حتى تطلعين على نفسك إشاعة..
هديل ببرود\وش الغلط اللي قلته..؟؟
مطلقة وأهون علي من إني أكون متزوجة..
غادة بصدمة\يعني مابترجعين له..؟؟
هديل\لا..
سارة بقهر\وقوطي الطماط وش بتسوين فيه..؟؟
هديل\ذياب لي..وبأروح أخذهـ منهم..
كفاية الدم اللي بعروقه منسوب لهم..

صدت عن أمها وغادة وسارة اللي ألتزموا الصمت بعد ماناظرتهم أم علي بتهديد..
وكانوا متأكدين لو كانت الجدة حضرت معهم..
كان كسرت الدنيا على راس هديل وراس الحرمة اللي تسأل عنها..

أبتعدت عنهم وتوجهت لام غازي ..
اللي كانت واقفة مع ناس من جماعتهم..
سألتها عن ذياب..
ولما الحريم سألوا ام غازي من تكون هديل..
جاوبتهم إنها زوجة غازي ولدها..
ردت على الحريم بإبتسامة باردة..
وابتعدت عنهم..
أستئذنت ام غازي منهم وقربت من هديل الي باين إنها متضايقة منهم..
هديل\وين ذياب..؟؟
ام غازي\وش فيك..احد زعلك؟؟
هديل\مابه احد يستاهل يزعلني..
أريد ذياب..
ام غازي بهدوء\مع شوق..رشا توديك لهم..
هديل بحدة\اتمنى ماتعرفين أحد علي باسم حرمة ولدك..
لانه وبكل صراحة ما اتشرف بحمل هذا الاسم..

صدت عنها من غير ماتحس بندم على كلامها..
إزعلوا..إكتوا باللي كويتوني فيه..
كلاااام ..بنظركم كان بس كلام..
بس كان مثل السيوووف تقطعني..

قربت من رشا نزلت اللي بيدها وحاولت قد ماتقدر ماتبينه لهديل..
تجاهلت هديل حركتها ولا أعتبرت لسلامها..
هديل\ذياب وينه..؟؟
رشا بإرتباك\اممم ممــ.... مع شوق فوق..
هديل\روحي جيبيه لو سمحتي..
رشا\طيب تعالي معي..
هديل بحذر\بانتظرك هنا..
رشا\راح أتأخر عليك..
هديل\عادي المهم ذياب يجيني..
رشا بمحاولة اخيرة\هديل أنا تعبانة..
فيني نوم قهري..وأخاف أشيل ذياب ويطيح مني..
هديل بجمود\ما اريد ولدي يتعاقب بعقاب غيرهـ ..

سكتت رشا وماردت عليها..
وحمدت الله إن هديل إكتفت بهذا الكلام..
كانت خايفة تسمع ملامة اكبر او تشمت في حالها..
مشت وهديل جنبها..
دخلوا الأصنصير وتم الصمت هو اللغة بينهم..
طلعوا منه ومشت هديل جنبها بخطوات بطيئة وبعدها وقفت..
ألتفت عليها رشا بإستفهام..

هديل\أستناك هنا..
رشا\هذي غرفة شوق هنا..
هديل\مالي خاطر أشوفها وأنغث..
ممكن تجيبين ذياب..؟؟
رشا بقهر\براحتك..بس لو تدخلين بهذي الغرفة يكون احسن..
لان طالب موجود ويمكن يطلع من غرفته ويشوفك..

حست برجفة قوية لما سمعت اسم طالب..
توجهت لـ الغرفة اللي أشرت عليها رشا..
قفلت الباب وراها وهي تفكر ليش طالب موجود في البيت..
حاولت بقد ماتقدر تسحب نفسها من التفكير في الماضي..
وفي اللي سوته شوق وطالب فيها..
لازالت الآثار محفوورة بجسمها وذاكرتها..
مستحيل تنسى إنه ضربها بالسوط بسببهم..

رفعت راسها وناظرت في جدار من مرايا..
مشت بخطوات الثقة المقهورة..
وقفت تناظر نفسها بنظرات جامدة خالية من اي تعبير..
كلهم انعجبوا بشكلها..
بس مايدرون كيف تشوف نفسها مشوهة..
تسألت بآسى مايشوفون إنكسارها..
مايسمعون شهقاتها وأنينها..؟؟

مالاحظوا مدينة من سراب عايشة بعيوني..
مايسمعون أنين اليتامى داخل ضلوعي..
آثار الحروووب على جسمي وأفعالي..

ألتفتت وررفعت شعرها من على كتفها المجروح..
حطت كفها على الآثر ومررت اصابعها عليه..
حست بنار تشتعل بظهرها..
وكان السوط من ثواني ضربها ماهو من سنين..
كيف يطلبون مني أنسى وأتنازل..؟؟
وكل مارفت عيني شفت ذلي وإهانتي..

بالجهة الثانية من المرايه..
كان واقف مبهووور بجمالها وروعتها..
وصفت له رشا انثى بس ماقالت له حوور..
يشوفها تقرب من المرايه وتناظر نفسها بفخر..
تستعرض روعتها بفستانها الحالم..
وجسمها مرسوووم بفتنة لكل عين..
وجها مايمد لطفلته بأي صلة..
اللي قدامه انثـــــى مذهلة..
مابقى لـ الطفولة اللي أستوطنها آثر..
مايلومها على تأملها لنفسها..
أتسعت إبتسامته اكثر لما رفعت شعرها تبين ظهرها وكتوفها..
حط يدهـ على مفتاح الباب ..
مشتاق يحضنها يقبلها..
يكسر كل حواجز بنتها على حالها..
ومقرر يحبسها بجناحه..
بما إنها جاته بأرجولها فمستحيل يتركها تروح..

بس تجمدت يدهـ..
أختنقت انفاااسه..
لما هزته بحركة ضعييفة كسيرة منها..
أكتشف مدى هشاشة مقومتها..
ولاي مدى وصلت جرووحه بقلبها..
حركة بريئة تقصد منها مداواة جروحها..
هزته بعنننف..حس إن كل كيانه وكل مخططاته..
تبعثرت تشتت بحركة وحدة منها..

شافها تقبل أصابعها وتحطها على الجرح اللي بكتفها..
هل هذي تعزية لنفسها..؟؟
مواساة لروحها المصدوومة..

حزت بخااطرهـ دموعها المتحجرة بعيونها..
رجفة شفايفها معرووفة له..
كانت لما تعاندهـ وتقاومه ترتجف شفايفها..
لانها تمنع نفسها لاتبكي عندهـ..

رفعت راسها لفوق تمنع دموعها لا تخونها..
حطت يدها على صدرها وهي تتنفس..
سمع آآآآهـ تطلع منها بالغصب..

هتفت رووحه بيأس..
إلى اي درك رميتها يا جلموود ..؟؟

لا ياهوى القلـب المعّنـا ورجـواه
لاتتركيـن احـداً يحّـس بوجعنـا
ماظني احـداً يحمـل اللـي حملنـاه
حنـا خلقنـا والمعـانـاه معـنـا
الهـم بادرنـا وحـنـا كتمـنـاه
والوقـت شتتنـا بعـد ماجمعـنـا
والصبـر حنـا فالغـرام ابتدعنـاه
لكـن حسافـه صبرنـا مانفعـنـا
مـا مـر يـوم ببعدنـا مابكينـاه
ومن ضيقنا كن الوطـن ماوسعنـا
لامن ذكرنا وقتنـا اللـي قضينـاه
صحنا بعالي الصوت محـدن سمعنـا
للوصل دربٍ مـن عنانـا مشينـاه
وفآخره لـدروب المفـارق رجعنـا
يومن جزعنـا مـن ثقيـل المعانـاه
محدن درى في حالنـا لـو جزعنـا
ارواحنـا تلقـى بعـض فالمناجـاه
نبحر واذا جانا العنا نقـول : دعنـا
مـا واحـداً منـا تنّكـر لمـبـداه
في إحساسنا ماقد شرينا وبعنا
لو غيرنا زلّـت بـه اقدامـه وتـاه
واهداف عمره كلها دون معنـى
حنا عرفنا الوقـت فأولـه واتـلاه
لوينخدع به غيرنا .. مـا انخدعنـا
ويانـور عينـي بادلينـي المواسـاه
يكفـي تـرا ممـا دهانـا شبعنـا
ارجوك كفي دمعتك واكتمي الآآآآآه
لاتتركيـن احـداً يحـس بوجعنـا..

صدت عن المرآيه وهي تسترجع ثقتها اللي أنهزت بثواني..
قررت ترجع عند امها ومصير ذياب يرجع لها..
قبل لا تفتح الباب قرأت المعوذات علها تهدي قلبها..
طلعت من الغرفة ومادرت بوجود غازي معها بنفس المكان..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛

قفل طالب جواله وهو يسب رشا..
طالب\لو نامت وريحتنا من حضورها كان ابرك..
راجح بعصبية\أنت ما تحس على دمك..
والله إن قلت لها شيء يزعلها ماتشوف حرمتك الا بعد شهر..
طالب\لا ياشيخ ليه معصب أنت..
المفرووض انا اللي أعصب..
زوجتي صايبتها حمى الترزز قدام الحريم بفستان وطرحة..
وزوجتك كل ما اكلمها تقول وش تبي..مو فاضين لك..
انا رجالن مطنووخ..وزوجتي باسحبها من كرشها..
راجح\أنت اللي وافقتها على الفستان لا تنكر..
وبعدين وش عندك تتصل عليهم وش تبي فيهم..؟؟
طالب يبتسم\أبي أنزف مع حرمتي..
راجح\ههههههههه ما أنت بصاحي..

أستوى طالب في جلسته وعدل شماغه..
ومد يدينه قدام راجح وصار يحركهم يمين يسار..
راجح\سكنهم مساكنهم وش بلاك..؟؟
طالب بنص عين\لاااحظ شيء غريب في يدي..
راجح\زايدة صبع ولا ناقصة..؟؟
طالب\اوووف منك لاحظ إني لابس ازرار في الكم..
وهذي أول مرة أسويها..طبعاً لاني عريس..
راجح\يوووهـ ههههههههه ع البركة..
حاجز في فندق الليلة..؟؟
طالب\لا وش هو له التبذير..
راجح\ياقوة عينك بتقضي ليلة عرسك في بيت حرمتك..
طالب\وش عندك ترى جدي سواها وانا أقتدي به..
راجح\هههههههه لا والله حالتك صعبة..
طالب\شفت اخوي خلاني في اشد لحظاتي حاجة له..
من بيلبسني البشت ويزفني لعصقووول..؟؟
راجح\ليه ماعندك خبر ان غازي بيزف شوق..
وانت انتظرها برا..
طالب بصدمة\احلف انك صادق..
راجح مبسوط\والله اني صادق..
طالب\يزف اخته ولا يزف اخوووهـ..؟؟
اطب عليهم يعني اطب عليهم ولا شافوني يتيم ياكلون حقي..
راجح بسخرية\أنت ينوكل حقك..؟؟
طالب\الخاينين ماقالوا لي..
طيب يا عصقووول تزفين اخوك ولا تزفيني..
يارب يطيح وتخرب الزفة عليكم..
راجح\هههههههههه طيب ليه ماتقول تطيح هي..؟؟
طالب\لاتظن إني مادعيت عليها عشان وجها..
بس عشان اللي في بطنها..
يالبيه لو يطيح غازي ويتفشل قدام الحريم..
مرة ثانية ما يكشت في اخووهـ وينزف مكانه..

أتصل طالب على غازي وهاوشه..
بس غازي قفل منه وهو يهددهـ إما يعقل أو مايأخذ حرمته..
ضحك عليهم راجح وقضى باقي الوقت مع طالب..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

تدري وش اللي بـ هالدنيآ يضآيقني؟؟
إنك على طول تنسآني مع أحبآبك..

أنا غيآبك ورب البيت يخنقني..
بس إنت قلي بغيابي كيفهآ أعصآبك؟؟!

لبست عبايتها ولمت طرحتها على راسها بإهمال..
وحالها حال الموجودين وجهت عيونها ناحية الدرج..
رغم إن في قلبها زعل على اللي سوته مع شوق..
ماتحب تكسر فرحت أحد ولا تجرح احد..
هم أستفزوها رشا وشوق كانوا يظنون أنهم ممكن يصلحون الوضع..
بس لما عرضت كتفها قدام شوق بسخرية..
ووعدتها ماتنسى إن شوق وطالب هم السبب في الآُثر..
أنخرست شوق وادركت إن الصلح بينهم مستحيييل..
ونطقتها..الصافع ينسى..والمصفوع ماينسى..

كانت تنتظر تشوف وجه شوق كيف بعد المواجهة اللي صارت بينهم..
وانصدمت لما شافت غازي ينزل الدرج جنبها..
ماسك يدها ويزفها..
يحاوطها بإهتمامه ورعايته..
يبتسم لها وهي ترد الإبتسامة بفرح..
حست بقلبها ينقبض بقسووووة..
والدموع تتجمع بعيونها بحرقة..
ظلم جائر حست فيه يسيطر عليها..
حاولت تكتم كل فكرة حزينة تحاول توجعها..

وصلها لـكوشتها الصغيرة الانيقة..
جلسها على مقعدها بحنية بعد ماقبلها على جبينها..
كانت تراقب كل حركة يسويها..
يزفها وهي تدري إنها متزوجة..
يراعيها لانها حامل..
طيب أنا ليه مازفني مثلها..؟؟
ليه ما اهتم فيني وانا حامل..؟؟
ليه عذبني وقهرني سنييين..
ليه هو طيب معها ومعي قاسي..؟؟

رشا وأمه كانوا واقفين جنبه..
شافته يأخذ ذياب من يدين رشا..
سلم عليه وهو يضحك له..
وبعدها ضمه له بقوووة..
حست بكل قهرها ممكن ينفجر بلحظة..
عضت على شفايفها بقوووة وهي تحس بطعم الدم..

وزاد عليها تعليق سارة وغادة..
وكانهم يحاولون يثيرون غيرتها..
او يستفزونها ترد عليهم..
ويضحكون لما يقولون ماتبي ترمش بعيونها من عليه..
وتقووول ماتحبه..

كانت بتصرخ..
ورب الكووون ما أحبــــه..
بس اكتفت بكلمة وحدة..
هديل بغصة\غادة روحي جيبي ولدي..
غادة\من جد تتكلمين..؟؟
هديل\روحي جيبيه..
غادة\يا قلبي تخيلي شكلي أروح لزوجك وأقول عطني ولد أختي..
عيب أروح له..أنتي يومه روحي..
أم علي بحنية\خليه مع ابوهـ شوي يا هديل..بترجعه لنا ام غازي..

ليييه ماتحسووون..؟؟
كل اللي قدامكم مجرميين..
عذبوووني يومه وقهروني..
صعبة علي اشوف ولدي واقف معهم وانا لحالي..
ظلم يومه والله ظلم..

وقفت وتلثمت بطرحتها..
سارة\هدوول وين..؟؟
هديل\يالله مشينا..أتصلوا على احد يجينا..
سارة\باتصل على راكان..
غادة بقهر\لا والف لا..
رويكن ما اركب معه..شوفي غيرهـ..

بعدت عنهم هديل بعد ما استعجلتهم..
كانت تتمنى لو يعطي ذياب لرشا..
بيكون اهون عليها تاخذه من رشا ولا منه..
طلعت الدرجتين ووقفت قدامهم..
أم غازي ورشا استنكروا وجود حرمة معهم على الكوشة..
وخصوصاً في وجود غازي..
بس هو ما استنكر وجودها لانه عرفها من عيونها..
وشاف فيها الحسرة اللي لو أخفتها عن الكل عنه هو ماتقدر تخفيها..
يدري إن كل اللي يصير يقهرها..
وحضورها اليوم بس عشان تزيد في قهر حالها..
من اول ما تعرف عليها..
وعندها طريقة غريبة في عقاب نفسها..
أي شيء يقهرها ويوجعها تسويه..
شغل جواله ومدهـ لرشا بسرعة..
أخذته منه ونزلت لمشغلت الدي جيه..
قربت منه هديل ومدت يدها بصمت..
قبل ذياب على خدهـ مرتين..
غازي\وحدة لك ووحدة لروحي..

مد لها ذياب اللي تعلق برقبة ابوهـ وصد عن هديل..
طمنت نفسها..
طفل مجرد حركات طفولية..
شدت يدينها عليه وهو فك يدين ذياب وقبلها..
قبل لاتصد عنه وقدام كل الحضور..
ضمها مع ذياب لحضنه وطبع قبلة على راسها..
هتفوا البنات اللي كانوا موجودين بصراخ وتصفير..
احتقرته وأحتقرت كل الموجودين..
أبتعدت عنه وتمنى لو بضمته لها مسح شوي من الوجع اللي بعيونها..

نزلت وهي ضامة ذياب..
وتجمدت بمكانها لما سمعت القصيدة..

ياهيه [التفت] لي واسمع [دعاي] لك يا هيه
ترى [عادك] بتشبع من [البعد] وتواجه

دعيتك [بصوتاً] ياصلك [ليه] ما توحيه
وأنا اسمع [ضلوعك] من صدأ [الصوت] لجاجه

عليك [الفؤاد] أخلاجه [مصمخاً] راعيه
خاف [الله] في راعية ما [تسمع] خلاجه

ترى [العفو] قد جاك اوله [واغتنم] تاليه
وترى [الحلم] بحراً غير لا [تامن] امواجه

وترى [الود] ليلٍ [مظلماً] جيت لك سارية
سراجه [وصالك] والجفا [ينفخ] سراجه

وترى [قصرنا] الي كم سنه [نجمع] ونبنيه
هوى [العدل] طيح بابه [العود] وسياجه

لي ايام [مدري] وين [دارك] ولا ادري ليه
وانا [خابر] اني باب [شفك] ومزلاجه

غياباً بلا [سبه] هجاداً بلا [تنبيه]
وجفا اغلا [العرب] ناراً على [الكبد] وهاجه

مشت متجاهلة القصيدة بكلماتها ومعانيها..
تدري إنها منه هو..ويقصدها فيها..
زفرت بتعب ياليت لو يرد عليك شاعرها..
بقصيدة تكبل رجولتك وتعرفك قدرك..

طلعت من البيت من دون ماتلتفت عليه..
وجلست بالحديقة وأنضمت لها امها واخواتها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بعد خروج أكثر المعازيم..
دخل طالب بعد ماهاوش رشا ومنعها لا تزفه..
وهي غصب تمسكت فيه ودخلته لهم..
سلم على شوق وجلس جنبها وهو مفتح عيونه ع الآخر..
رشا\هههههههه لاعب دوورهـ ع الأخير..
طالب\اص يعنني توني اشوفها..
رشا\أجل مبرووك عليك..
طالب\ليه ماخليتوني أزفها..؟؟
وش معنى اخوي يزفها ماتدرين إنه عيب يزفك أخو زوجك..
شوق تبتسم\اخوي قبل يصير أخوك..
طالب\شوق كملي تمثيل يعننك مستحية لا تردين علي..
شوق\ههههههه طيب..
رشا\والله إنكم فلللة..

كان جالس على نفس المقعد اللي كانت جالسة عليه..
وامه جالسة جنبه وتعاتبه على اللي سواهـ..
ام غازي\ماكان المفروض تحرجها باللي سويته..
غازي بهدوء\لو باقي ماراحت..ماكنت بأخليها تطلع من البيت..
ام غازي تتنهد\ياولدي خاف ربك في البنت..
ترى اللي سويته فيها ماهو شوي..
خلها تعز نفسها بعد ماذليتها..
إن كانت تبى ترجع لك فخلها ترجع وهي راضية..
وإذا تبي فراقك خل لك عندها شيء طيب تذكرك فيه..
غازي\مابه إلا فراق واحد بأسمح لها فيه..
وهو الموت..بس غيرهـ ما تعرف..

وقف وطلع من البيت توجه لسيارته..
والتفت على صوتها اللي يعرفها من بين مليون..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ركبوا السيارة وامها خذت ذياب اللي نام وسدحته بحضنها..
جلست ورى راكان وغادة جنبها بينما سارة جلست قدام..
ام علي\كيفك ياسلمان..؟؟
سلمان يبتسم\الحمدلله طيب..كيفك ياخالة..
وأنتوا يابنات عساكم بخير..

هديل بقوة\وقف..
من حدت صوتها أنرعب ووقف السيارة بسرعة..
ألتفت عليهم يشوف وش صاير..

حست بنار تشب بقلبها..
هذا هو مجرم مثلهم..
هو وهادي بنفس المنزلة..
تشوف وجهه قدامها وتحس وكأنه أبشع إنسان ممكن تشوفه..
سلمان بحدة\وش فيك..؟؟
هديل بكرهـ\أمووت الف مرة..
ولا اقبل منهو مثلك يوصلني يامجرم..

3 - 1 - 2022, 08:01 PM

أنصدم من كلامها له..
أول مرة يقابلها..من بعد هربه..
ومن بعد موتها ورجوعها من الغربة..
اول مرة يقابلها وهو يدري إنها راحت لغازي عشانه وعشان هادي..
بس ماكان يدري إنها حاقدة عليه وكارهته كذا..
كلامها احرق قلبه عليها ومنها..

وقبل لا يرد عليها فتحت الباب ونزلت..
نزل من السيارة وهو معصب..
ومشى وراها..
وقف قدامها وتكلم وهو يحاول يكتم عصبيته..
سلمان\إرجعي السيارة..
هديل بحقد\هربهم قطر..ترى قتلوا عشرة داخل البيت..
سلمان بغضب\إبلعي لسانك وإرجعي السيارة..
هديل بتمرد\ما بأرجع..
سلمان\لاتخلينا فرجة لـ الناس..
إرجعي السيارة ومالك الا اللي يرضيك..
هديل بحدة\إنت ما تفهم..ولا الغباء لازال مستحكم فيك من سنين..
سلمان بحدة أكبر\أقسم بالله لو طولتي لسانك اكثر ماتمسين سالمة..
هديل بقهر\وش بتسوي..؟؟
بتقتلني وتهرب مثل الأولة..
سلمان يتنهد\يابنت الحلال أنا مثل أخوك..وأنــ........
هديل\إيه أنت مثل هادي..ما اقصد منزلة الأخوة..
لا منزلة الجبن والنذالة..جبناء ..

مد يدهـ ومسكها من ذراعها بقوة..
وحاول يرجعها السيارة..
ضربته على ظهرهـ وابتعدت عنه..
هديل بكرهـ\أنقصت يمينك يالجاني يا الظالم..
سلمان بحقد\بس فضحتينا..
ولا كأن إحنا اهل..
هديل\ما اتشرف تكون من هلي..

صدت عنه ومشت ع الرصيف..
وكلامها تعدى مرحلة الصدمة عندهـ..
ووصل لمرحلة الإنتقام منها..
غلطت عليه وهو رجال مايرضى على نفسه..
مستحيل هذي تكون هديل اللي أعرفها من صغرها..
السحاوية الخجوولة..هذي مو هديل هذي وحوش..

وقف بوجها\نسيتي تربيتك يابنت عمي..
أنا اعلمك الادب اللي جهلتيه..
ضربها كف على وجها وسحبها معه غصب عنها..
وقبل لا يوصل لسيارته..
أنسحبت هديل من يدهـ ..
ألتفت على وراهـ وبسرعة إلتفاته..
وصلته ضربه قوية على وجهه..
وتلتها ضربات غااااضبة على بطنه وظهرهـ..
وكان ردهـ على صاحب الضربات بنفس الغيض ولاقهر..

أبتعدت عنهم ووقفت تناظرهم يتضاربون بقوة..
تسمعه يسبه ويشتمه ليه يضربها وبأي حق..
تبسمت على حالهم بسخرية..
وأما والبنات كانوا يصارخون في السيارة..
كانت ام علي بتطلع من السيارة وتروح لهم..
بس راجح وصل لهم وابعدهم عن بعض..
وجاته كم ضربه من الاثنين..

غازي بحقد\إن سولت لك نفسك ترفع يدك عليها ذبحتك..
سلمان بغضب\تخسي وتعقب..
غازي\أقسم بالله العظيم..لوتطلب روحك لاطلعها منك ألحين..
راجح\بسسس صلوا على النبي..
وش بيقولون الناس عنكم وعنها..

أبتعد غازي عن راجح وراح لها..
لم يدهـ على كتوفها وسحبها له..
سلمان بغيض\تدرين تستاهلين تروحين بالرخيص..

دفها عنه ورجع لسلمان..
وهذي المرة ماتدخل راجح وتركهم يتضاربون..
لحتى وصل راكان اللي أتصلت عليه سارة..
وماقدر يوقف غازي عن جنونه الا بضربه..
راكان\بس يامجنون..
غازي\هذا الرخمة تاخذهـ وتقلعه..
ولا والله العظيم لأسلبه رووحه..

أبعد راكان عنه بالقوة..
وناظرها بقهر لما سمع سؤال راكان لها..
راكان\يالله يا هديل..
هديل بجمود\ما ارجع معكم..
راكان\لازم ترجعين..
هديل\لا..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

قدام جناحهم في الفندق ..
وقبل لا تدخل شوق وقفها..
طالب\خوووشي برجلك اليمين ياعروووصة..
أبتسمت على كلامه ودخلت مثل ماقال..
فسخت عبايتها وجلست جنبه..
طالب بشهقة\هئئئئئ قومي أشوووف قووومي..
وقفت بسرعة ووقف جنبها..
طالب بصدمة\وش ذا..؟؟
شوق شكت بنفسها\وشهو..؟؟
طالب\انتي حااامل..؟؟غشيتوني..؟؟
من مييين حامل ياللي ماتستحين..؟؟

ضربته على صدرهـ وراحت لغرفة النوم..
مسكها وهو يضحك بقوووة..
شوق\إبعد لا أحووسك..لا تلمسني..
طالب\أفا فيه عرووصة تقول لزوجها لا تلمسني..؟؟
وبعدين انتي قلتي نمثل إنها اول ليلة لنا..
يعني ضروري أنفجع إنك حااامل ولا مايزبط التمثيل..
شوق\امحق عروووسة كل شيء تخربوونه..
وخر عني ما احبك..
طالب\معليه توها اول ليلة..بتتعودين علي وتحبيني..
وين تحبين تقضين شهر العسل.؟؟
هو كذا يقولون في ليلتهم الأولى.؟؟
شوق تضحك\ههههههههه والله مدري..
طالب\لا اذكر واحد من اصحابي يقول..
طلبوا العشاء أول..
ويقول لحرمته كلي..وهي مستحية ماتأكل..
ياحرمة كلي لا تستحين..بس مانفع مستحية ما كلت..
عاد هو قال رحت الغرفة اجيب هديتها..
رجعت إلا الحرمة تطفح الأكل طفح..
وأنا وقفت اراقبها وهي ماتدري وصورها بعد..
شوق بقهر\النحييييييس صورها بيستفزها..
وبعدين ليه يقول لكم ما يستحي..؟
طالب\حتى انا هاوشته قلت عيب عليك إستح على وجهك..
شوق بنص عين\تصدق كنت بأصدقك..
طالب\هههههههه فديييت اللي فاهمتني..
والله محلووة يا عصقووول..
تعالي أقولك القصيدة اللي كتبتها في غيابك..
شوق\وانا كتبت فيك ملحمة..
طالب\انا الرجال..والرجال هو اللي يقول الشعر ويتغزل في حرمته..
والحرمة تسكت ولا تقول حرف..لا تتغزل فيه ولا تُعجب فيه..
شوق\ياساتر وين يصير هذا الشيء..
طالب\أسكتي واسمعي القصيدة..
وسلامتكم..
شوق\وين القصيدة..؟؟
طالب\قولي صح لسانك..
شوق\صح بدنك..
قبلها وهو يتشرهـ على تغليها عليه..
ابتعدت عنه بالقوووة وهو يهددها..
وراحت تبدل ملابسها..
دخلت دورة المياهـ وقفلت الباب وراها..
تحممت بذهن غائب..
ولبست ملابسها..
جلست على الكرسي وتفكيرها كله في هديل..

تمنت لو انها ماخرجت من غرفتها ولا قابلتها..
كان المفروض تدرك من زمااان إن اللي بينها وبين هديل أكبر من المسامحة..
مثل ماقالت تصفية حساب..
هديل بجمود\أنتي بتنسين يا شوق..
وأنا ماراح انسى..لاكلامك ولا هذا..
أدرت ظهرها لها ورفعت شعرها..
شوق\لا هذا مو مني..انا ماضربتك لا تظلميني..
هديل بسخرية\مين اللي تبلى علي..؟؟
مين اللي قال إني ناوية اهرب مع طالب..؟؟
ضربي بالسوط كان بسبايب من..؟؟
بسببك انتي..وغن نسيتي ذكرتك..
رشا\ياهديل يا حبيبتي..الماضي جرحنا كلنا..
خلينا ننساهـ وندفنه..
هديل بصد\عاجبني الجفاء..
يرضيني لما اصد عنكم ولا كأنكم موجودين..

فزت على صوت طالب يدق عليها الباب..
طالب\شوق حبيبتي فيك شيء..؟؟
شوق\لا..الحين طالعة..

وقفت وغسلت وجها ماتبي يبين عليها أثر البكاء قدام طالب..
طلعت من الحمام وهي تتحاشى النظر فيه..
لم يدينه حوالينها وضمها له بحنية..
غصب عنها بكت في حضنه وهي ترتجف..
طالب بصدمة\شوق بسم الله عليك..وش فيك حبيبي..؟؟
شوق\......... تعبانة شوي..

جلسها على السرير وشربها مويا..
طالب\وش اللي متعبك..
تبين أخذك المستشفى..؟؟
شوق\لا مو لازم مستشفى أنا بخير..
طالب\شكلك ماهو عاجبني..
من اللي زعلك..؟؟
شوق\أنا..مزعلة حالي من سنيييين..
طالب بهدوء\وش اللي صار وخلاك تتضايقين كذا..؟؟
شوق\أنا أنانية..لان حياتي استقرت ومبسوطة فيها..
أريد كل شيء يصير مثل ما احب..
أبي الناس ينسون المآسي ويعيشون مرتاحين..
مآسي أنا سببتها لهم..وأذيتهم كثير..
مافكرت فيهم كيف بيعيشون حياتهم..
وانا كنت سبب رئيسي في ضياعهم..
طالب\لا تفكرين بهذا الشكل..
الله قدر وكتب لكل إنسان قسمته ونصيبه..
ولو كنتي صديقة وفية لها اللي صار معها كان بيصير..
بك أو بدوونك..لانه نصيبها..

لمت يدينها على رقبته وضمته لها بقوووة..
أنا وإياك السبب في ضربها..
آآآهـ يارب أشفها من ماضيها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مسك يدها ودخلها بيته..
بعد ماطلبوها ترجع ومارضت..
مابيسمح لهم يتطاولون عليها وحتى لو كانوا عيال عمها..
وصلت فيهم يضربونها ويهينونها بالكلام..
وقفت بالحديقة وسحبت يدها منه..

غازي\أنا ارجعك بيتكم..
هديل\ما ابي أرجع بيتنا..
غازي بهدوء\تظلين معي..؟؟
هديل\وما ابي أظل معك..
غازي\اجل وش تبين..؟؟
هديل\علـــي أخوي..
غازي يتنهد\طيب أتصل عليه وأقوله يجي..
تعالي داخل..
هديل بصد\بانتظرهـ هنا..

مسك يدها ومشاها معه..
دخلها البيت وأخذها لــ مجلس الرجال..
وقف عند المغاسل القريبة من المجلس..
رمى شماغه وغسل وجهه ورقبته..
وبعدها نسف شماغه وعدله..

وهي صدت عنه ودخلت المجلس..
جلست ولازالت متلثمة بطرحتها..
"تستاهلين تروحين بالرخيص"
هذي جزاتي يا سلمان..؟؟
أستاهل اروح بالرخيص..
والله ماهمك اموت ولا أعيش..
اللي يهمكم جاهة تجي تطلبني منكم أرجع لزوجي..
وبعدها لو يقطعني ما همكم..
تستقوي علي وتطعني قدامه بالحقران..
بس معك حق..
أنا استاهل اروح بالرخيص وبالتراب بعد..
لاني فديتك وفديت شبيهك..
لو أنقصت رقابكم ماشكيت اليوم وبكيت..
لو انقصت رقبتك ما سمعتك تهيني..
ولا انمدت يدك علي وضربتني..
خسارة فيك هديل يوم فدتك..
وخسارة فيك ياسمين..

وقفت بسرعة وضربته تبعدهـ عنها..
بعد ماسحب طرحتها من عليها..
قرب منها وهي تبعد عنه..
حط يدهـ على خدها على آثر الكف..
غازي\يعورك..؟؟
هديل ببرود\لا..
غازي يتنهد\تغيرتي كثير..
برودك مايشبهك..
هديل\كيف حسيت وانت تزف أختك..؟؟
حسيت بفخر..؟؟برجوولة..؟؟
حسيت إنك رجعت حقها..؟؟
غازي\ليه تسألين عن أشياء ما تزيدك إلا غم..؟؟
هديل تبتسم بسخرية\لاني نكدييية..
غازي\لا انتي مو نكدية..
انتي تحاولين تتشبهين بشخص ميت..
هديل\أتشبه فيك يالميت..
غازي\أدري..
انا ما ابيك تعيشين بظلال الماضي..
إما تنتقمين لنفسك وتكملين حياتك..
أو تنسين اللي صار وبعدها تكملين حياتك..
هديل بحقد\ماهو انت اللي تقرر..
غازي\إذاً قرري وإرسي على بر..

صدت عنه وماردت عليه..
وكانت بتطلع من المجلس لما مسكها وقفل الباب..
سحب العباية من عليها وابعدها عنها..
ناظرته ببرود..
وهي تشوف نظرات الإعجاب تنبض بعيونه..
غازي بهمس\جمالك طاغي..
هديل\عجبتك..؟؟
غازي\موووت..
هديل بإنتقام\لأني رخيصة..؟؟

صار اللي كانت متاكدة إنه بيصير..
أنقلب لون وجهه من شدة الغضب..
ورمى طرحتها عليها طاحت على صدرها..
بس طرف صغير من الطرحة ضرب في عينها..

طلعت منها آآآهـ خفيفة..
وحطت يدها على عينها اللي بدت تدمع من الألم..
قربها منه..
ولصقها فيه لما حس فبها تبتعد عنه..
رفع يدها من على عينها وقرب وجهه منها..
أخذ طرف شماغه ومسح أسفل عينها بحنية..
كانت حاطة يدها على يدهـ ..
وتهاوشه بقهر..
هديل\مابقى إلا عيني..بطها وريح عمرك..
ماكفاها العمى اللي صار لها بسببك..
غازي\هشششش...
هديل\كل شيء تسويه توجعني فيه..
لو ما سببت لي الوجع ماترتاح..
غازي\هشششش
هديل بقهر\هشش في عينك..ترى أنا ماعدت بزر..
لما تضربني تقوول هشش وتراضيني..

كانت مغمضة عيونها وتتكلم..
ولا تدري إنه يتأملها وهو مبسووط..
قطع كلامها لما نزل راسه لها وقبلها بعمممق..

تزعل واراضيـك واتلـذذ بتزعيلـك
تبي الصراحه انـا مجنـون زعلاتـك

لاقمت تبعـد وانـا اقـرب وادنيلـك
وامسك طرف غترتي وامش دمعاتـك

وتبدي تعاتب وانا كـل انتبااهـي لـك
ما اسمعك شتقول انا عيني على شفاتك

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

دخل غرفتها وهي كانت منسدحة وبيدها كتاب تقرأهـ ..
ماسلم عليها ولا ناظرها..
أخذ منشفته ودخل دورة المياهـ..
بعد نص ساعة طلع وأنسدح جنبها..
سحب الكتاب من يدها ورماهـ بعيد عنها..
حط راسه على صدرها ولم يدينه على خصرها..
سلمان برجاء\قولي هديل كيف كانت عايشة هناك..؟؟
حطت يدها على راسه وهي مصدومة من سؤاله..
كانت تعتقد غنهم تعدوا هذي المرحلة ولا راح يسألها ويضايقها في هذا الموضوع..
سلمان بقهر\ضربتها وسبيتها اليوم..
وهي هديل اللي راحت له عشاني وعشان اخوها..
لمتها ليييه تزعل..؟؟
ليه تزعل وهي متغربة سنين من غير سبب..
أغضبتني الحقيقة اللي قالتها في وجهي..
سخريتها منه ومن تصرفي المتهور أثارتني..
كسرتها قدامهم وهي هاربة منهم وكارهتم..
قلت لها تستاهلين تروحين بالرخص..
ليته ذبحني قدامها يا ياسمين..
ليت يدي أنشلت ولساني انقص ولا اوجعتها..
يدافع عنها ويموت عشانها..
وهي تصدهـ وتعلن رغبتها بالإنفصال عنه..
أرحمي حالي وجاوبيني بكلمة وحدة..
حياتها معه كيف كانت..؟؟

حاولت تبعدهـ عنها وهي تضربه..
بس ماتركها..
ياسمين تبكي\بتظل مالك أمان..
تضربها وتهينها وهي اللي تعذبت بسببكم..
إنتوا رجال ومستحيل تتحملوا اللي هي تحملته..
هديل طيووبة كتير..حنونة وحساسة..
هديل اللي بعرفها تنجرح من كل إشي..
كيف بيقوى قلبك تغدر فيها وتوقف بصفهم..
صارت رخيصة لما سلمت حالها عنك وعن أخوها..
ياليتها مارجعت لهوون..
كان معها حق لما قالت مابقى إلها مكان بمملكتها..
سلمان إبعد عنييييي..

رفع راسه لها وركز عيونه بعيونها..
سلمان\جاوبيني..
ياسمين\تعرفت عليها وهي حامل..
وحالتها كانت تصعب ع الـــكافر..
وغير هذا ماراح اقووول..
قوم إطلع من غرفتي..ما ارييد أشوووفك..
أنت إنسان مالك امااان يا سلمان..
تضرب بنت عمك قدام أعدائها واعدائك..
تهينها وتظلمها بإهاناتك..إطلع من عندي إطللللع...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

بالمووت قدرت تبعدهـ عنها..
ضربته وراحت تلبس عبايتها ناوية تطلع وتنتظر علي في الشارع..
بعد مالبست عبايتها سمعت صوت غريب ألتفتت عليه..
وشافته يناظرها وبيدهـ جهاز صغير..
غازي بخبث\وش رأيك تعيدين الرقصة الحلوووة هنا قدامي..؟؟
أرهفت سمعها وعرفت الأغنية ..
نفس الأغنية اللي رقصت عليها بالحفلة..
راحت له بخطوات سريعة..
وأخذت الكاميرا من يدهـ ..
شافت نفسها وهي ترقص في الحلفة ..
ومن دون اي شك عرفت من اللي صورها..
غازي بهمس\حركت خصرك خطييييرة...

أبتعدتت عنه ورمت الكاميرا بكل قوتها بالجدار..
وخرجت من المجلس وطرحتها على راسها..
دخلت الصالة الكبيرة وصرخت باسم رشا..

كانت أم غازي ورشا مع الخادمات يرتبون البيت..
وسمعوها لما نادت رشا بصوت عالي..
حتى راجح اللي كان بالمكتب طلع بسبب صراخها..

لما شافت رشا واقفة جنب أم غازي راحت لها..
وقفت قدامها وبدون اي كلمة صفعتها على وجها بقوووة..
هديل بحقد\هذي ممكن تربيك وتعدل اخلاقك..

شهقت رشا بصدمة وحطت يدها على خدها..
سحبها غازي بسرعة ..
وابعدها عن رشا قبل تضربها مرة ثانية..
نفضت نفسها من بين يدينه وابتعدت عنه..

أم غازي بحدة\هديييل..!
هديل\بأسالك أنتي ليه تربيتك عاااطلة..
بنتك.. ولدك..و أخوان عيالك..
كلللللهم ناقصهم دييين ناقصهم أخلاق..
ناااقصهم رضى بقضاء رب العالمين...
أم غازي\مالك حق تضربينها..
هديل\لا يا أم سعوود..
لي حق أضربها..

راجح بحدة\وضحي كلامك يا هديل..
هديل بجمود\انا في بيتك يا ام سعود..
وبغض النظرعن كوني زوجة لولدك..
كان المفروض تحفظني..
ماهو تصورني بالدس وتعطي الصور
لــ المريض النفسي اللي بليتوني فيييه..

راجح\صورتك..؟؟
هديل\إسألها وهي تجاوبك..
أنا أعلنت لك ولشووق..
إن اللي بينا مابيتصلح..
قلتوا نصير خوات..انا ما اريد اصير أخت لكم..
لاني إن رضيت باكوون اسواء منكم..
لا اخلاقكم ولا حقدكم يناسبني..
أنا ماتربيت على الكرهـ ..
ماشربت الحقد ولا اكلت القهر..
أنا ربي فطرني راضية بحكمه وقضاهـ ..
غازي بغضب\انا اللي طلبت منها تصورك..
هديل ببرود\بكرهـ إطلب منها تنشر الصور مابتقول لا..

غازي بوعيد\تمردتي كثير..
ونسيتي إنك في بيتي..
هديل بسخرية\وش العقاب بيكون..؟؟
ضرب بالسووط ولا انظف إسطبلات الخيل..؟
غازي\سجن مؤبد في بيتي..
هديل بتحدي\في خيــــالك وابعد أحلامك..
غازي بهدوء\تغيرتي كثير يا الواثقة..
هديل\إحصد مازرعت..

قرب منها وكان بيشيلها ويأخذها لجناحه..
بس راجح سحبه منها وابعدهـ عنها..

أستغلت إنشغاله براجح..
وطلعت من البيت بسرعة..
خرجت على الشارع..
وشافت علي واقف ومستند على سيارته..
صرخت باسمه وهو جاها بسرعة..
تمسكت فيه\ليييه تاخرت..؟؟
علي\أنتظرك من نص ساعة ماتردين على جوالك..
هديل\مدري وينه..

أبتعدت عنه وركبت السيارة بسرعة وقفلت الباب..
حرك علي السيارة وهو ملاحظ رجفة يدها..

طلع ووقف على الشارع يناظر سيارة علي تبتعد..
أبتسم من زود همه عليها ..
غازي بحنين\أنا كل مادعيت الله يجيبك زدتني ببعاد..
رح الله لايردك يمكن الدعوات مقلوبه ...

علي بهدوء\كيف كانت سهرتكم الليلة..؟؟
هديل\......................
علي\هديل احد زعلك..؟؟

آآآآآآآآهـ ما أكبر سؤالك يا علي..
أحد زعلني..؟؟
أبد يا أخوي..اللي زعلوني ماهم كثير..
وتقدر تعدهم بثواني..
إحسب على يدك..كل هــ العالم جفاني..

علي بحنية\هدوول ردي علي..
هديل\طلعني من الديرة يا علي..
خرجني من الرياااض..
تكفى يا علي طلعني..
علي\ماطلبتي غالي..
إقري دعاء السفر..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طلعت من غرفة التبديل وهي تنشف شعرها..
أخفت الفستان عن عيون راجح..
لانها قررت إن هـ الليلة انعدمت وراجح ماهو راضي عليها..
من بعد مارجعت من بيت أم غازي وهو مايتكلم معها..
وقفت عند التسريحة وناظرت بوجها..
مافيه أثر لـ الكف اللي ضربتها فيه هديل..
بس كلامها وغهانتها لها قدام الكل واهمهم راجح توجعها كثير..
ألتفتت عليه لما دخل الغرفة ..
ماتكلم معها ولا كأنها موجودة..
تحمم بدل ملابسه وطلع من الغرفة ..
راحت وراهـ وشافته يدخل الغرفة الثانية وينام فيها..

قربت منه وجلست على السرير..
راجح\قومي إطلعي برا..
رشا بغصة\راجح أنا آسفة..ما قصدت الشر..
راجح بحدة\إطلعي برا يا رشا..
رشا تبكي\والله العظيم ما في نيتي ازعلها..
صورتها عشان غازي..
راجح بقهر\لا تتعذرين بعذر اقبح من ذنبك..
رشا\أدري إني غلطت..بس هي زوجته..
راجح\غلطتي وبسسسسس..
لا تقولين زوجته لأن أنا وانتي نعرف طبيعة العلاقة بينهم..
أخوك لا عزها ولا قدرها مثل ما أنا مقدرك..
ما احترمها مثل ما احترمتك..ماعطاها أدنى حق..
إللي هو مسمى زوجة..حرمها منه واهداء لها مسمى جارية..
مهما تعذر غازي وحاول يصلح أمورهـ معها..
بأظل واقف بصفها..واي شيء يصب في مصلحتها راح اسويه..
ولو بيدي أطلقها منه طلقتها وريحتها..
تدرين ليش لأن أخووك ما يستاهلها..
رشا تبكي\بس هو يبي يراضيها..
يبي يعوضها عن كل شيء..
طلب مني أصورها..صورتها لأني أحبه ولا اقدر أردهـ..

وقف وابتعد عنها..وقبل يطلع من الغرفة..
راجح\أنتي أخته ولا راح امنعك منه..
ولا راح اخيرك بيني وبينه لأني مو مثله..
بس والله العظيم يا رشا إذا تعرضتي لهديل مرة ثانية..
ولا سويتي شيء لها بأمر من غازي فأنتي علي حرام..
وعليك يمين الطلاق..

تجاهل شهقاتها وصوتها اللي أعتلى بالبكاء..
هي صدقت تربيتكم قاسية ماترحم..

إلى الملتقى بإذن الله تعالى ...

أعلم بأن البارت قصير ..
ولكن هذا ما استطعت كتابته ..
فلي ظروفي ويدي لازالت مكسوورة..
فـ ألتمسوا لي العذر ولا تقسوا علي..

كووونوا بخيـــــــــــــر ..

صدووود’’’

3 - 1 - 2022, 08:02 PM

البارت الخامس والسبعـــــون ..

قبل أن ترتعش الكلمة كالطير.

قفي!

وانظري أي غريب

أي مجهول طواه معطفي

وخذي صبوتك عني..

واختفي.

واقفٌ وحديَ في الميدان

والفجر على الأفق حصان

شده الشوق وأرخاه العياء

والمدينة

تتلقى قبلة الصبح بشيء من حياء

وعلى كفيَّ منديلك أشذاء حزينة

آه! ما أقسى طلوع الفجر
من غير حبيب

ورجوعي كاسفا لا شمس عينيك

ولا سحر اللقاء

المرحوم بإذن الله تعالى..غازي القصيبي...

قد يكون خشـــوع ورهبة..
وربما شوق وحنين لـ لقاء اسمى وأطهر من كل لقاء..

حست برجفة قوية تتملكها..
من أعلاها لأسفلها..
جلست على ركبها بضعف..
متعلقة عيونها بـ الكعبة..
غصب عنها تطلع شهقات متتالية أليمة..
لمت يدينها حواليها وهي تناجي ربها بصمممت ودموووع..
مالقت احد من البشر ممكن يتحمل وجعها..
أو يقوي قلبه ويكتم شكواها..
لكن الله لا يخذلنا ابداً ..

هو الله..
من يعلم مافي السرائر..
من يشرح الصدر بنفحات من الإيمان والرضى..

الدموع اللي كانت كابتتها من فترة..
ماقدرت تتحكم فيها..
تبكي بصوت حاولت تكتمه لا يطلع..
ماقدرت تدعي عليهم ..
وقوفها في بيت الله منعها من الحقد..
منعها تدعي على الناس إلا بالصلاح..
حرام تجرح عمرتها بالدعوة عليهم..
فطرة من ولادتها وهي كذا..
مهما أنجرحت او أنظلمت..
ماتقدر تدعي على اللي ظلموها..

دعت الله يصلح حالها وشانها كله..
يقدم لها اللي فيه الخير..
ويجبر قلبها ويدمل جروحها..
لأنه الوحيد القادر على تصبيرها وإعانتها..

حست بعلي أخوها يوقفها ويبتسم لها..
علي يبتسم\لازم نكمل عمرتنا..

تمنت لو تحضنه لو تشيله على راسها..
طلبته يطلعها من الرياض ولا درت وين يوديها..
لحتى وصلوا الميقات واحرموا ونزلها الحرم ..
لما عرفت إنه ماخذها لمكة..
كانت تحس بخجل وشوووق عظيم من دخول الحرم..
لأنها سنين مضت ما اعتمرت ولا طافت وسعت..
وهي متعودة من صغرها في كل سنة تزور الحرم..

أنبسطت لأنها صارت تحس بإحساس أنسلب منها من زمان..
حست إنها رجعت مثل ماكانت ..
طاهرة طيبة ومسئولة من هلها..
لو كانت أمها وابوها أخوانها معها..
كانت فرحتها بتكون اكبر ..

شدت على يد علي وبدو عمرتهم..
وهي طول الوقت تبكي وتستغفر..
ومن شدة إنفعالاتها توشك إنها تفقد وعيها..

خلصوا عمرتهم وصار وقت الوداع..
ترجت علي ما يوادعون ويظلون اكثر..
وقضوا بمكة أربع ايام ..
وكانت كل فرض تصليه بالحرم..
وإذا ماطلع معها علي تنزل لوحدها وتروح الحرم..
ماكلمت احد من اهلها..
حتى ذياب ماحست بخوف عليه مثل قبل..
كانت مطمنة لانه مع أمها..

مع حلول وقت الفجر بأحد الأيام ..
حست برضى كبيير على حالها..
وإن كل شيء صار معها تشوفه بمنظر التفاهه وعدم الأهمية..
أهلها بخير..ولدها طيب..
هو وهله ما اذتهم بشيء..
ومصير الدنيا الفناء..

مآفيهَ حاجة تستحق الاكَتئآبْ
دامكَ تصلي الخمَس و أحَبابك بـ خيرَ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛

مرت عليها أيام صادة عنه وصاد عنها ..
يتشاركون بنفس الغرفة وحالتهم مثل الأغراب..
ينام الليل وهي صاحية...
يوطلع النهار وتظل صاحية..
مضت ثلاث أيام مانامت كانت تحس بنعاس هادي..
لكن تقاومه وتمنع نفسها من النوم ..
لما حست فيه طالع من دورة المياهـ ..
تركت الغرفة واخذت غازي معها..
نزلت المطبخ..حضرت وجبته..
وجلست تأكل غازي..
دخل المطبخ سلم بهدوء وردت عليه بهمس..

أخذ كوب الحليب وهو مركز عيونه عليها..
كان يدري إن نتيجة تهديدهـ لها وهواشه بيكون قاسي عليها..
متفهم إنها أخته وتبي تساعده عشان راحته..
بس يكفي على غازي اللي دمره بحياة هديل وأهلها..
ومايبيه يدمر اللي بينه وبين زوجته بطلباته المتهورة..
لاحظ رجفة يدها وهي تأكل غازي ..
أبتسم وهو يتخيل نفسه مكان غازي الصغير..
تبتسم له وتقبله..
قرر ينهي البرود اللي صاير بينهم ..
ويحاول يسترجعها قبل اللي صار بينهم..

وقف وراح لها قرب منها مرررة..
أنحنى من وراها وحط وجهه على كتفها..
وتكلم وهو موجه كلامه لغازي ظاهرياً ..
بينما المقصود منه هي رشا..

راجح بحنية\مشتاق لك يا دوب..
غازي يضحك\دوب انت..
راجح يضحك\ههههههههههه وحتى لو دوب أحبك..
غازي\اروح معك..؟؟
راجح\ياصبح اصبح..لا مابتروح معي عندي شغل..
غازي\كل يوم شغل..؟؟
راجح\وانت كل يوم زعل..؟؟
غازي\بنروح لشوق..
راجح\شوق راحت الشرقية..
وانتوا خلوكم معي ماحد يبيكم كثري..

بعدت عنه ونزلت غازي من على الكرسي..
غسلت يدينها وقبل لا تلتفت حست فيه يحضنها من ورى ويقبلها على رقبتها..
راجح بحب\ماتهونين علي..
انتي هلي وربعي..خلينا ننسى اللي صار..
رشا بهدوء\طلقتني مرة..وباقي مرتين..
شكلها بسيطة عندك وتقدر عليها..
راجح\الأولة عذرتيني عليها..
رشا\عذرتك عليها وهي أصعب من سواتي مع هديل..
على الاقل صورتها لزوجها..
ماشككت بدينها واخلاقها مثل ما انت سويت..
عذرتك على شكك وسامحتك..
بس ما اعذرك على طاري الطلاق..
وكأن فراقي عادي ومايهمك..

حاولت تبتعد عنه بس ماسمح لها وقربها منه اكثر..
راجح\أعرف إن كلامي كان جارح ويوجع..
بس إلى الحين ماني عاذرك على اللي صار..

نفضت نفسها عنه وواجهته بحدة..
رشا بقهر\ومن قال إني أبيك تعذرني..
أو إنه باقي يهمني رأيك ونظرتك لي..
راجح بهدوء\يعني مايهمك..؟؟
رشا\لا مايهمني..لانه الشخص الطيب اللي عايش جواتك..
يصحى لحظات ويغفى بنوم قهري ظااالم..
يعني أنا ما استاهل من حنيتك شوي..؟؟
راجح\لا تصيرين من مكفرات العشير..
أنا ماقسيت عليك من غير حق..
رشا بصوت باكي\ما باظلمك..تقسى علي بحق..
بس أنت لما تقسى تجرح يا جااارح..
لما قسيت علي زمان طلقتني..
وهذي المرة هددت بالطلاق..
لانك تدري إن اقسى شيء يجرح الحرمه هو طاري الطلاق..
وخصوصاً لما يتكلم زوجها عن الطلاق وكأنه يتكلم عن هواية..
وتحس إن وجودها وعدمه واحد بحياته..

قرب منها وهي بعدت ومدت يدها تمنعه يقرب..
رشا بغصة\أدري إنك مو متهني معي..
ومن قبل لا نتزوج وأنا معذبتك بهمي..
بس رجيتك إذا لي خاطر عندك..
إن جيت تقسى مرة ثانية..
إقســـى بس لا تشهر سيف الطلاق..

طلعت وتركته من دون ما تستمع له أو تسمح له يلمسها..
تنهد بيأس وهو يقدر كل كلمة قالتها..
الطلاق شيء ماهو سهل..
كان بإمكانه يعاقبها أو يضغط عليها بشيء ثاني..
باين من كلامها ومن دموعها إنها مجروحة منه..
راجح بقهر\الله يصلحك يا غازي..
محتاس مع حرمتك إلا تحووسني معك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

طلع من المحكمة ومعه ثنين من أصحاب المهنة..
وسيارة شرطة تنتظر نقل المحكوم عليه..
كان يتناقش معهم عن القضية اللي هم مستلمينها..
وأنجبر يصد عنهم بسبب اليد اللي على كتفه..
ألتفت على اللي وراهـ وعقد حواجبه مستنكر وجودهـ ..
غازي بحدة\ممكن يا سيادة المحامي..
هادي بهدوء\عن إذنكم يا شباب نلتقي في المكتب..

ابتعد عنهم وغازي معه..
غازي\وين وديتوها..؟؟
هادي بإستغباء\من هي..؟؟
غازي بجمود\زوجـــــتي ..
هادي بسخرية\مضيع زوجتك..؟؟
غازي\أكثر من إسبوع وين مخبينها..؟؟
هادي ببرود\يمكن رجعت إيطاليا..
أو سافرت تكمل دراستها اللي حرمتها منها..
أو...... الله أعلم وينها فيه..
غازي بغضب\إما ترجعونها أو رجعتها غصب عنكم..
هادي بإستخفاف\كيف بترجعها غصب عنا..؟؟
يعني بتخطفها ..؟؟
غازي\القانون معي..
هي زوجتي وبترجعها لي المحكمة يا محامي..
هادي بحدة\ما انصحك تدخل المحاكم..
لأنك بتجبرنا نفتح ملفات لازم تتقفل..
وفي النهاية بيحكم القاضي لصالحها..
غازي بتحدي\أكيد لصالحها وهو إنها ترجع لبيتها..
هادي بتحدي مشابه\إنساها سافرت ولا بترجع..

تمالك الاعصاب والثقة الكاذبة غابت عنه..
التوتر والغضب اللي صاحبه الفترة الماضية سيطر عليه..
شدهـ من جيب ثوبه وضربه على الارض..
غازي بغضب\وين وديتوها..؟؟
هادي\ههههههههه خمس سنين ونرجعها لك..
إحسب من الحين ترى بسيطة بتمر بسرعة..

ضربه بقهر وهو يستجوبه عنها..
ويزيد قهرهـ من ضحك هادي وسخريته منه..
تدخلوا الشرطة الموجودين عند المحكمة..
وهادي قال لهم إن غازي يتهجم عليه من غير حق..
ولأنه محامي عن عدو غازي اللدوود..
فأخذوهـ معهم لمركز الشرطة..
وغازي يتوعد في هادي اللي يودعه بخبث..
وبعدها أتصل على علي وقاله اللي صار وهو مبسوط..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

طلعت من الغرفة وهي لابسة عبايتها ولامة طرحتها على شعرها..
شافت علي يكلم في الجوال ويضحك بصوت عالي..
أبتسمت على صوت ضحكته وجلست جنبه..
علي\ههههههههه طيب يالشري..
خلاص أنا اقول لها المهم ماكسر لك ضلع او عظم..
هادي يضحك\ههههههههههه لا ابشرك بس طق لي ظهري..
علي\ههههههههههههه الحمدلله على السلامة ..
هادي\الله يسلمك...عاد قول لها خلها تنبسط شوي..
لانه بيطلع بسرعة واصل ابو ذياب..
علي\ألحين طلع منها ولا على باله..فمان الله..

قفل جواله والتفت عليها وتامل وجها..
ملاحظ عليها التعب من عيونها..
أنبسط كثير لانه أخذها لـ العمرة..
تغيرت مرررة..
تسولف معه تضحك وتحاول ترجع حياتها اللي أنسلبت منها..
تمنى لو ياخذها المدينة المنورة ..
بس ظروفها الخاصة منعتها تروح لـ المدينة وتزور الحرم..
ولما طلبته مايرجعها الرياض ..
قرر يأخذها معه لـ الشرقية..وألحين هم في الشاليه..

هديل بإبتسامة\ضحكتك عجيييبة..
علي\انتي سبب ضحكتي..
هديل\يا فديتك..وش سويت وكسبت اجرك..
علي\توهـ هادي مكلمني..يقول فيه خبر بيسر خاطرك..

رمشت وأبعدت عيونها عن عيون علي..
هادي مجرد ذكر اسمه يكسر قلبها..
تدري إنها جرحته كثييير..
كل شيء بيتصلح مع أهلها..
بس مع هادي مشوارها طووويل..
علي\ويين سرحتي..؟؟
هديل تبتسم\معك ماسرحت..
علي\طيب إسألي وش الخبر اللي عندهـ ..
هديل\الله يسعدك ويسعده..
دامكم بخير فكل شيء بيفرحني..
علي\واللي يقولك إن غازي في السجن..
هديل بصدمة\.........................سجن..؟؟
علي يضحك\هههههههههههههه إيه نسيبنا في السجن..
هديل بهدوء\ليـــ...ــش..؟؟
علي\ماسكينه في الشارع يتضارب مع واحد..
هديل\علي ...!
علي\هههههههههه استغفر الله..
طيب بأقولك..
الاخ صارله فترة يدور عليك..
خايف لا يكون هربناك خارج المملكة..
عاد كذبنا عليه وقلنا إيه سافرت لـ الخارج..
عاد هو له معارف وقدر يعرف إنك ماطلعتي من السعودية..
وراح اليوم لهادي وكفخه قدام المحكمة..
الشرطة فزعوا وخذوا الجاني لـ المركز..
هديل\الجاني..؟؟
علي\ههههههههههه يا اختي عاجبتني الكلمة..
لما قالها هادي حسيت إن الكلمة لايقة عليه..
هديل تبتسم\لا ماتلبق عليه..
علي\؟؟؟؟؟؟؟؟؟؟؟؟؟
هديل بهدوء\علي أبيك تطلب منه يجي هنا..
لازم نتفاهم معه..
وأنا اعرفه عنيد وإذا رجعت الرياض يسوي اللي في باله..
علي\لا تشيلي هم..هو يدري انك مو في الرياض..
وبكذا ما بيقدر ينفذ خطته..
هديل\خله يجي..وأنت بتكون موجود..
لازم يفهم إني مابارجع له..
ما ابيه يحرجكم مع الناس..
علي\أنا ماصدقت أشوفك مرتاحة وتبتسمين..
تبيني أجيبه ينكد عليك..
هديل تبتسم\لا تخاف الكآبة الزعل دفنتها وأنا أطوف على البيت..
الحمدلله انا مرتاحة..ويكفيني إنكم بخير..
علي بحنية\كلمت أبوي..
بكرهـ بيجي مع الأهل وننبسط كلنا هنا..
هديل تبتسم\إيه كلمني وحسيته بيطير من فرحته..
علي\خلاص أجل إنسي غازي وإنبسطي معنا..
هديل بتردد\لا خله يجي اليوم..
ما ابيه يقابل هلي أو يغثهم..
خلني أرمي هذا الهم وارتاح..
علي\طيب بأقول لهادي يدله على مكانا..
بس إذا مسخها الله يعينك تفكين بينا..بس ترى بنفغصك..
هديل بتعب\لاااا تكفى ما مليتوا ضرابة وهواش..
علي\بصراحة لما اتضارب مع زوجك أحس براحة..
خليني ابرد حرتك وحرتي فيه..
هديل تبتسم\كفخه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

3 - 1 - 2022, 08:03 PM

قفل جواله وهو يغلي من الغضب..
وش تبي فيه تطلب حضووورهـ ..
معقولة يكون غالي عندها وتبيه يطلع من السجن..
يعني تبي تتصافى معه وتقاطعني..؟؟
دخل المركز وهو يتوعد في غازي مايطلع من السجن..

دخل المركز وطلب يشوف غازي..
ما انصدم لما شافه في مكتب العقيد..
سلم وجلس معهم..
وعرفه العقيد لانهم يتقابلون كثير..
هادي بسخرية\يا عقيد انا أشتكي على نسيبي..
ضربني قدام الناس..
العقيد\ههههههههه الأخ غازي قال عن مقلبك فيه..
بصراحة انصدمت إنك تشتكي على نسيبك..
هادي بإبتسامة\متسلف مني من خمس سنين ..ولا رد الدين..
غازي بسخرية\الليلة ارد الدين يا ابو نسب..
العقيد\الحمدلله اللي كسبنا شوفتك اليوم يا ابو ذياب..
وانت يا أخوي هادي..مقالبك خلها بعيدة عن السجن..
هادي\ماحلت الا في السجن..بس ماعرفت إن بينكم معرفة..
لا يكون خريج سجون يا ابوذياب..؟؟
العقيد بإحراج\حشاهـ ما انسجن الا في خير..

أستئذن منهم العقيد وخرج من المكتب..
لأنه لاحظ عصبية غازي..
وكلامه ما أثار آي فضول عند هادي..
هادي\تبي تعرف وينها فيه..؟؟بشرط..
غازي\وينها..؟؟
هادي\بأقولك لأنها طلبتني اقولك..
بس انا عندي شرط..تقضي الليلة في السجن..
بأي تهمة تعجبك..إختطاف..تزوير..قتل..اللي تبي..
وبكرهـ إطلع من السجن والعنوان معك..
غازي بتحدي\دامها طلبت إني أعرف وين مكانها..
فانا باعرفه من دون مساعدتك..
ألبي لها وين ما تكون..

طلع من المكتب وهادي مبسوط لانه ما قاله وينها فيه..
مثل ما درت في إيطاليا أدورها..
دوور على المملكة ودور عليها..
أدري ما بتلقى ربع ما لقيناهـ ..

وباقي حساب النذل سلمان..
خله يرجع من دبي ولكل حادث حديث..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

خرجت من البيت ومشت في الحديقة..
صار لها اكثر من شهر وهي في بيت اهلها..
لما يتصل عليها تقفل جوالها..
ولما يرسل رسالة تحذفها قبل تقرأها..
تحس بنفوور كبير منه..وبنفس الوقت تتمنى تشوفه..
جلست على مقاعد الحديقة ..
وكان جوالها في يدها وتقرأ رسالة من راكان..

شفت الليالي وش تسوي و الايام
شفت الخوي وشلون ينسى خويه..؟

غادة بتعب\أوف حتى رسالتك معطرها بريحتك..
قفلت الجوال بعد ماحذفت الرسالة..
راكان يبتسم\يالكذوووب الرسالة بعد فيها ريحتي..؟
وقفت بسرعة وبعدت عنه..
غادة\وع وش جابك..رووح لبيتكم..
راكان بضحكة\المفروض أعطيك بوكس على اسنانك..
يعلمك كيف تقولين وع..بس عاذرك..
غادة بقهر\ياربي راكان روووح تنظف..وعععع..
راكان بمرح\والله انتي جنيتي على نفسك..

لم يدينه حواليها وضمها له وقبلها بقوووة..
أنبسط على محاولتها تبتعد عنه وهي تضربه وتصرخ..
راكان بحب\أبى اعرف مالقيتي غيري تنفرين منه..
عنبوا ابليسك نسيتي أيامنا الحلوة والرومنسية..؟؟
غادة تبكي\وخررر عني..طلقني ما ابيييك طلقني..
راكان\أوف بس أنتي عدي الشهرين الجاية وحسابك عندي..

بعد عنها لما زادت في البكاء..
غادة\والله اعلم ابوي إنك تتحرش فيني..
راكان\هههههههه اتحرش مرة وحدة..
غادة وبدت تحس انها بتزوع\طلقني..

دخلت البيت تركض هاربة منه وهو يضحك عليها..
تهرب منه حتى في الإتصالات..
من لما عرف إنها حامل وهو مشتاق لها ..
كان يتمنى لو يشوفها ولو بالصدفة بس هي ما تسمح له..
ولما ينذكر اسمه تبكي وتطلب الطلاق..
كان يتوعد فيها بس تهدأ نفسها وترتاح يطلع كل فعايلها من عيونها..
وكل ما تذمر يقول مالقت غيري تتوحم عليه..

ألتفت على صوت محمد الغاضب بتمثيل..
محمد\خيييير جالس تتحرش في أختي..؟؟
راكان\ههههههههههه سمعتها المهبولة..
محمد\هههههههههه قليل أدب طلقني..
راكان\هههههههه تبطين عظم..
محمد\ترى بتروح معنا بكرة..
راكان\وين رايحين..؟؟
محمد\الشرقية..يومين وراجعين..
راكان\أفا ولا تعزمون ولا شيء..؟؟
محمد\هذي سفرة عائلية..يعني بس الـ حسين بن جاسم يروحون..
راكان\ولدي ماهو منكم..لذلك مايروح..
محمد\نذل..
راكان\ههههههههههه الله معكم ترجعون بالسلامة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

توني حسبت حساب بعدك وفرقاك
توني دريت اني بدونك ولاشي
خليتني مابين طيفك وذكراك
عذبت حالي ليش ماترفق شوي
ارجع ولو تامر على الروح تفداك
ارجع ترني شفت موتي وانا حــــي ...

ركب سيارته متوجه لـ الشرقية ...
قدر يعرف مكان علي عن طريق أصحابه في البنك..
اتصل عليهم يسأل عن علي وإنه ضروري يلقاهـ قبل يسافر..
بس تعذروا منه وقالوا إنه مسافر ماهو في الرياض..
وسأل عن المدينة اللي هو فيها..
وعرف إنهم في الشرقية..

وصل الشرقية وأتصل على جوال علي..
وكان متأكد إنه راح يرد عليه ولا بيطنشه مثل قبل..
لانهم وأخيراً رضوا يدلونه على مكانها..
غازي\وينها..؟؟
علي ببرود\معي..
غازي\ويـــن..؟؟
علي بهدوء\هي طلبتك عشان تتفاهمون على كل شيء..
أتمنى تحترم رغبتها وتريحها..
ما ابي اتمشكل معك بوجودها..
غازي بسخرية\خايف..؟؟
علي يبتسم\إلا متمني اغرقك في البحر..
غازي\حلووو في أي شاليهات أنتو..؟؟
علي\تدري خسارة الذكاء اللي فيك عليك..
غازي\قل اعوذ برب الفلق..
علي\هههههههههه حن في شاليهات..........رقم......

قفل الجوال وهو يتوعد فيهم وفيها..
مثل ما تركت الرياض من غير علمه..
أجل تبين نتفاهم يا دلووعة هادي..؟؟
تستقوين فيه ومبسوطة بلمتهم حوالينك..
كابري ومثلي بقد ماتقدرين..
راجعة لي بعون الله راجعة..

إسبوع وزيادة مرت عليه..
لما كان ناوي يحدد اليوم اللي يروح فيه مع جاهة كبيرة جامعها من قبايل كثير ومشايخ..
حتى الأمراء دخلهم في جاهته ولبوا طلبه..
بس اجل زيارته لما اعترف ابوها وحلف غنها ماهي موجودة في البيت..
وإذا جاب جاهته معه ما بياخذها لانها مسافرة..

قلب الدنيا عليها..
سأل عنها في المطار في الرحلات الداخلية والخارجية..
بس ماأنذكر لا اسمها ولا اسم علي..
واليوم عرف مكانها وحالف ما يرجع الا بها أو بوعد منها ترجع له..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛

دخلت الغرفة بعد ما نيمت غازي بغرفته..
كانت ناوية تترك الغرفة له وتطلع منها..
بس هذا الشيء راح ينحسب عليها..
فقررت تظل في الغرفة وإن كان يبي يترك الغرفة ويهجرها بكيفه..

شافته واقف ويناظرها بنظرات غريبة..
ماقدرت تفهم شيء من نظراته..
بس الرجفة اللي حست فيها نبهتها إنه شيء مو لصالحها..
توجهت لدورة المياهـ..
اخذت علاجها من الصيدلية الصغيرة..
وهي ملاحظة إنه يراقبها..

قررت تطلع من الغرفة بسرعة..
لأنها حست بشيء غير طبيعي صاير في راجح..
رفعت عيونها والتقت بعيونه..
مرت دقيقة ولا واحد منهم تكلم أو شال عيونه عن الثاني..

فقدت كل ثقتها بنفسها..
كانت بتصرخ فيه وش فيك..؟؟
ليش تناظرني بهذا الشكل..؟؟

الخوف من شيء مجهول سيطر عليها..
فلما قرب منها صدت عنه بسرعة وخرجت من الغرفة..
دخلت غرفة غازي وقفلت الباب عليها..

جلست على الكنبة وهي مغمضة عيونها..
لا فيه شيء..والله فيه شيء..
أول مرة اشوف راجح كذا..
هو يحبني..أدري يحبني..
بس اليوم هو غير..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

3 - 1 - 2022, 08:03 PM

تقول اللي طرف عينك انا مدري هدب او عود
احس اني من اللي صابها ماشوف قدامي ..
همست و قلت لا تخافي على بحرالعيون السود
على شط الكحل مريت و هذا موضع اقدامي...
ادور عن ذهب عمري بقايا كنزي المفقود
و اشوف الموج يطوي الموج و يبحر مركب ايامي ...
عيوني بسمة عيونك ولو صارت مطر و رعود
ابشرب من ضما دمعك و بغسل جرحي الدامي ...
عطيني عيونك الليله و باكر ياعساه صدوود
امانه لا مسحتي الكحل خلي طيف احلامي ...
أحبك كان يكفي الحب جروحي في هواك شهود
انا اللي راس مالي حلم و هم الدنيا قدامي....

وقف عند الشاليه وألتفت على البحر..
كانت واقفة قدامه ولامة عليها وشاح..
نزل لها عرفها مع ظلام الليل..
وكيف ما يعرفها وقلبه نبهه إنها غلاهـ ..

قرب منها مرررة..
وأستغرب ليه ماتلتفت عليه..
من قربه لها عرف إنها ماحست فيه ولا تدري عن وجودهـ ..
تناظر البحر البعيييد..
وكأنها ممكن تشوف نهايته أو اللي بداخله مع الظلام..

ذكرته نظراتها بحالها في القصر بإيطاليا..
لما كانت كلها امل برجوعها لـ السعودية..
ونظراتها لما كسرها وأحرق لها ذاك الامل..

قرب منها ومد يدينه لها..
وقبل يلمسها تكلمت..
هديل بتعب\اللي بدأ المأساة هو اللي ينهيها..
أنت بديتها وأنت لازم تنهيها..

لم يدهـ على كتفها وقربها منه..
غازي\وإذا صار اللي تبينه..
وش نهايتك ونهايتي تكون..؟؟

هديل\اللي ماله بداية ماله نهاية..
أعترف..أنا مستحيل أتخطى اللي سويته معي..
وإن تركتني أضـ...................

هزت كتوفها دليل على الحيرة والعجز عن الكلام..
غازي بكفاح\طيب ليه أتركك..
إرجعي وخليني أصلح شيء من ما هدمته..
وعد إن ماقدرتي تتحملين حياتك معي..
باتركك تروحين وبأبتعد عنك..

هديل\وش ترتجي مني..؟؟
تبيني أرجع ليه..؟؟أنا ما اقدر أكون لك زوجة..
أنا ما بأريحك ولا بأريح حالي..
أنا مم.. مــ..ــانـــ.......

غازي يرفع وجها له\فقدتي ثقتك بنفسك بسببي..
هديل انتي قلتي لا تداوي الجرح بجرح..
كلمتك حكمت عقلي وأنا أبي أداوي الجرح..
خليني أداويه..

هديل برفض\رووووح إطلع من حياتي وأنا اطلع من حياتك..
ماجبنا لبعض الا الشقى والهم..
مافيه شيء بينسينا اللي صار..

غازي بغضب\ماهو أنتي الوحيدة اللي تتعذبين..
أجرمت في حقك عذبتك وأسئت لك كثير..
بس في السنين اللي قضيتيها ميته..
تعاقبت على كل شيء سويته معك..
ماكان يغيب عن ذاكرتي شيء..
ولاكلمة منك نسيتها..
أنا تعاقبت على ذنبك قبل أعرفك بـ 16سنة..
كنت أتسأل يارب وش الذنب الي اقترفته وصار فيني اللي صار..
ولما عرفتك وصرتي لي..
أدركت إنك أنتي الذنب اللي تعاقبت عليه..
وكنتي أطهر ذنب..أطهر ذنب يا هديل..

هديل بجزع\لا تظلمني..قبل 16 سنة كنت بزر ..
كنت بعدني انام بحضن امي..
وش يكون العقاب اللي كنت سبب في حصوله لك..؟؟

غازي بهدوء\بيجي يوم ونتكلم عن العقاب والي صار..
المهم ترجعين..

هديل بقهر\ان كنت تعاقبت قبل 16 سنة..
فأنا اتعاقب على موت سعود من سبع سنين..
من قبل لا يموت سعود وانت غازي أحلامي..
مسبب لي الكوابيس والخوف..
أنا ما اعرفك من خمس سنين..لا أنا شفتك قبل يموت سعود..
ليه عجلت بعقابك قبل مووت أخوك..؟؟
أنا ما اقدر أعيش معك..حن نجرح بعض مانداوي..
الجاهة اللي تبي تجيبهم..لا تجيبهم..لاتجون تطلبوني..
لاتكسر ظهر أبوي واخواني ويردون القبايل ويفتشلون..

غازي\لو أنتي ما سافرتي..
كان رجعتي من بداية الأسبوع..
هديل بيأس\قلت ما بأرجع لك..

غازي بهمس\ليه ترجفين..؟؟
هديل\خايفة..
غازي\مني..؟؟
هديل بتعب\غازي رووح مكة..
روح إعتمر..إطلب من الله يريحك مني..
لاتوجعني بدعوتك علي..
والله مادعيت عليك..روح بترتاح نفسك..
بيندفن همك..يمكن تسامحني على اللي صار فيك وتعتقني..

غازي بحنية\رحتي العمرة..
عرفت ليه أختفى ذاك الجمود..
هديل تتنهد\خلني أرتاح يوم دفنت الهم..
غازي\خلينا نبدأ من جديد..

بعدت عنه ودخلت البحر بخطوات سريعة..
لما وصل حد الماء لخصرها..
جلست على ركبها ونزلت وجها في البحر..

رفعها غصب عنها..
وهي ضربته ورمت نفسها بالماء مرة ثانية..
رفعها ووثقها فيه..مصدوووم من حركتها..
هديل بألم\أنت تخنقني..
محاااصرني بكل وقت وبكل مكان..
ما اقدر اتنفس ولا اقدر امووت..
تبي تحس انا كيف عايشة..؟؟
تبي تتنفس الموت اللي أتنفسه..
تعال معي..

لمت يدينها على رقبته ونزلته معها تحت الماء..
مرت فترة وهم تحت الماء..
وهي ضامته لها...
طلعها وهو شايلها بين يدينه وخرجها من البحر..
هديل بحسرة\حسيت فيني..
عرفت كيف أموت بسكات..؟؟
أنت الوحيد اللي يعرف بسري..لانك أنت سري..

جلس على الارض وهي بحضنه..
حط جبينه على جبينها..وقبلها بحنية..
غازي بهمس\وتقولين أخليك..
أحبـــــك يا هديل إرحمي حالك...

سمع صوت علي يصرخ باسمه..
سحبها منه بسرعة وضمها له وهو يناظر غازي بقهر..
علي بخوف\هديل وش فيك..؟؟
صارلك شيء..؟؟
هديل بتعب\تعبانة..
علي بقهر\وش سويت لها..؟؟
ومتى وصلت هنا..؟؟
غازي بجمود\دخلها هي تعبانة من قبل لا اجي..
علي بوعيد\راجع لك..
غازي ببرود\لا انا جاي معك..

شالها ودخلها الشاليه..
طلب منها تبدل ملابسها وهو بيطل عليها بعد دقايق..
بس هي ماردت عليه وانسدحت بملابسها الغرقانة..
أنحرج معها وماعرف كيف يتصرف..
هي أخته ومستحيل يقدر يساعدها تبدل..
هي وش اللي نزلها البحر ..
محمومة ودايخة لها يومين تنزل البحر ليه..؟؟
لا يكون هذاك أجبرها..؟؟

طلع من الغرفة وشاف غازي يبدل ملابسه في الصالة..
وشاف شنطته على الكنبة..
يثير إستغرابه..
وكأنه واثق إنه بيصير شيء يجبرهـ يبدل ملابسه..
علي بحدة\كيف دخلت البحر..؟؟
غازي\حبت تسبح..
علي\هي تعبانة ومالها حيل تسبح..
غازي\ودامها تعبانة ليش خليتها لحالها..؟؟
علي\ماكانت ادري إنك عفريت وإنك بالشرقية..
ورحت أجيب لها علاج ..
غازي\تفاهمنا..وهي بترجع لي..

علي بصدمة\نــعم..؟؟لا ما بترجع لك..
غازي\خلك محضر خير..
حن متفقين وبترجع إن شاء الله..
ممكن تناديها ابي اشوفها قبل أمشي..
علي بحدة\متفقين..؟؟
أنتي كيف تفهم..؟؟هي مابترجع لك..
غازي\طيب تقدر تناديها وتسألها..

قهرهـ بثقته القووية بنفسه..
شكه في هديل وإنها قبلت ترجع معه..
راح لغرفتها وشافها على حالها..
بس كانت ترجف وتهذي بكلمات غريبة..
بس الكلمة اللي كانت ترددها أكثر شيء..
أجبرته يطلع من الغرفة ويطلب من غازي يدخل ويشوفها..
هو زوجها وبيقدر يتصرف معها ويساعدها تبدل..
تناديه..تنطق باسمه..ولا كان يدري ليه تنطق اسمه..

علي بهدوء\روح لها..هي تعبانة وماتقدر تطلع..
غازي\.......................
كان مصدوووم من ردت فعل علي..
قبل دقايق كان بيذبحه ويمنعه من هديل طول عمره..
والحين يطلب منه يدخل عندها لغرفتها..
مشى ناحية الغرف وقبل يدخل غرفتها عطاهـ علي علاجها..
أخذه منه ودخل الغرفة..

شافها نايمة على سريرها بملابسها اللي كانت لابستها في البحر..
فهم سبب تصرف علي وليه طلب منه يدخل لها..
لو كان يدري بطبيعة العلاقة بينهم..
كان أهون عليه تموت ولا يسمح له يدخل عندها ويبدل لها..

قرب منها وجلسها بهدوء..
سدحها مرة ثانية وابتعد عنها..
سب علي في خاطرهـ ..
أي عذاب وأي شقى بتعذبيني إياهـ الليلة..
فتح الكبت ولقى لها ملابس قليلة..
أخذ بجامة وراح لها مرة ثانية..
جلس على السرير جنبها..
ناداها بحنية يبيها تصحى وتبدل لنفسها..
لانها لو تدري إنه يلمسها بهذا الشكل يمكن تجن..

ماردت عليه الا بترديد اسمه ..
حط راسها على كتفه ونزل بلوزتها ..
وقبل لا يلبسها البجامة انتبه على اللي بكتفها..
حط يدهـ عليه ونزل راسه لكتفها وقبلها عليه..
حس نفسه بيزعلها منه بتصرفات متهورة..
لبسها القميص وهو يغض بصرهـ عنها..

رمى بنطلون البجامة بالكبت..
ورافض يلمسها بهذا الشكل وهي غايبة عن وعيها وتعبانة..
مايقدر يجرحها أكثر من اللي صار معها..
ولا يضمن نفسه لو أستمر باللي يسويه..

سدحها على فراشها وقبلها على جبينها..
قرب لها العلاج وشربها إياهـ ..
وبعدها ضمها له بحنية..

ألف بسسمْ الله على مترِفْ زمآنَه !
آلمَرض مثلَه مثلْ غيرهـِ ، يبيكْ . .
وآلمرض معذور لو إنّي مككآنَه . .
كآن أخلّي كلْ هآلعآلمْ وأجيييك...

قرب شفايفه لها وقبل يقبلها..
همست بكلمة أجبرته ينسى كل وعودهـ لنفسه ولها..

إلى الملتقى بإذن الله تعالى ..فجر السبت ..

كونوا بخيـــــــــــــــر ..

صدووود’’’

4 - 1 - 2022, 01:05 AM

البارت الســـادس والسبعـــــــــون ..

من القمر

سيدتي

أقسم بأنني جننت

ظننت هذا الحسن

مخلوقاً لنا

نحن البشرْ

ما كنت أدري أنه

على انتظار عاشقٍ

من القمر...

المرحوم بإذن الله تعالى ..غازي القصيي ,,,

سدحها على فراشها وقبلها على جبينها..
قرب لها العلاج وشربها إياهـ ..
وبعدها ضمها له بحنية..

ألف بسسمْ الله على مترِفْ زمآنَه !
آلمَرض مثلَه مثلْ غيرهـِ ، يبيكْ . .
وآلمرض معذور لو إنّي مككآنَه . .
كآن أخلّي كلْ هآلعآلمْ وأجيييك...

قرب شفايفه لها وقبل يقبلها..
همست بكلمة أجبرته ينسى كل وعودهـ لنفسه ولها..
كيف بعدها تفكر بهذا الشيء..

هديل\أنـ...ـا رســـل..
غازي يهزها بقهر\لا أنتي مو رسل..
أنتي روحي وذنبي..أنا مو ابوك وأنتي مو بنتي..
رسل ماتت ويمامتي حية..إنسي طعوني..
هديل\انا رسل سامحني..سامحني..
غازي بحدة\لا أنتي زوجتي..
لاتخليني أسوي شيء يزعلك مني..

يدري إنها تتكلم من غير وعي..
لكن هذا مامنعه من الغضب..
هي تعيش لحظات إغتصابه لها..
كانت تردد انا رسل سامحني..
تترجاه يتركها ويرحمها..
غاااضب من اللي سواه فيها..
وغاضب أكثر من ذاكرتها اللي مستحيل تنسى..
قبلها وكأنه يطلب منها ماتذكر اسم بنته..
بس قبلاته وضمه لها مامنعها تكمل هذيان وترتجيه يرحمها..

رفعها من على فراشها ودخلها دورة المياهـ ..
مسح على وجها ورقبتها بالماء..وهي شهقت برجفة..
غازي بحنية\هشششش إهدي ماعليك شر..
هديل\لاتضربني..خلاص سامحني خلاص..
بعدت وجها عن يدهـ المبلولة..
وخبته في صدره..
ضمها له بقوووة..
غازي\إذا مابطلتي حركاتك رجعتك البحر وصحيتك..

من بين كلماتها نطقت اسمه واسم شخص ثاني..
شخص يكرهه لانه كان بحياتها أيام موتها المزعوم..
..مسفر..
منقذها مثل ما ادعت أيام إيطاليا..
اللي مستحيل تنسى وقفته معها ومساعدته لها..
يدري بعدم وجود مكان لمسفر في حياتها..
بس هي ماتدري إن لها مكان كبييير عند مسفر..
هو زوجها لاحظ إنهزام مسفر في حرب مابداها..
لاحظ حسرته في فقدان شيء ما ملكه ومستحيل يملكه..
بس اسمه لازم ينمحى من لسانها من حياتها كلها..
تملك أو حق أوجنون..
مايهم وش مسمى طلبه المهم ينمحى من حياتها..

خرجها من الحمام ولفها بفراشها..
غازي بوعد\إرجعي الرياض..
والله اليوم اللي بترجعين فيه ماتمسين الا في بيتي..

قبلها وهو يودعها..وحب انه يترك لها علامة..
لانه واثق إنها مستحيل تتذكر شيء من اللي صار..
لوكان علي بعيد عنهم..
لوكانت الظروف بصالحه..
يقدر ياخذها غصب عنها..بمعنى يختطفها..
بس هذا بيزيد عنادها..
وبترجع تتأمل ترجع لاهلها..
هي شكت له مالها مكان عندهم..
هي قالت تحس بغربة..
وهذا نفس احساسه لما رجع من غربة السجن..
حس ان الوطن ما يبيه..
وهله وناسه متغيرين عليه..
لازم تدرك إن التغير ماهو من الناس..
والرفض ماهو منهم..
هي اللي تغيرت وصار كل شيء عكس حقيقته..
مايبيها تضيع سنين لحتى توصل لنفس النتيجة اللي وصلها..

خرج من غرفتها وقابل علي..
كان باين عليه العصبية والقلق..
فاهم شعورهـ..وابتسم بخبث..
هم بكل مرة يحاولون يقهرونه فيها ويغيضونه..
غازي بشطانة\مشكور يا ابو عبدالله..
أصلحت بين راسين بالحلال..
علي بقهر\بكرهـ أفرق بينهم وبعد بالحلال..
غازي بتحدي\والله ما تطول..
وترى الرياض مشتاقة لكم..
إرجعوا بدري..
علي\أعجبتنا الشرقية والغربية..
وشكلنا والله اعلم بنستقر هنا..
غازي\ولو رحتوا الجنوبية جايتكم الجاهة وبترجع هديل..
علي ببرود\وحتى لو جات الجاهة..
وطلبتوها وتعنيتوا..مابترجع الا اذا كان برضاها..
جاتك بالرخص والسهولة قبل سنين..
وشكلك لا صنتها ولا عرفت قدرها..
لاتظن إنا أنا مصدق ملحمتها عنك..
لو كانت صادقة وإنك طيب ومراعيها كان رجعت لك مبسوطة..
غازي\بترجع..
غصب عنكم غصب عنها بترجع..
برضاها ورضاكم بترجع..
أنا راعي حق وهي زوجتي..
وماتركتها طول هذا الوقت الا عشان خاطرها..
ولا من اول يوم وصلت فيه لامها كنت اقدر اخذها..
علي بحقد\دامك قوي وراعي حق مثل ماتقول..
انصفها عند اخوها..وقول وش سويت فيها..
غازي\هي مارضت تقول لكم لغاية في نفسها..
وانا ما بأقولك عشانها..
بس تقدر تشغل مخيلتك ..
وأي شيء مايطرى على بالك أنا سويته معها..

شال أغراضه وطلع من الشاليه..
ركب سيارته ورجع الرياض..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛

بدت تبكي بخوف وشدت عليه تصحيه..
رجع البت وكانت نايمة وتوهـ تغطى عشان ينام..
شوق\طاااالب قووم باولد..الحق علييييييييي..
طالب\نامي ياموسوسة..ماحد يولد في السادس..
شوق\بلى قوووم احس فيه بيولد..
طالب جلس\شوفي يا تيتشر إن ولدتي ألحين مايصير لك طيب..
خليك بنت طالب واركدي ونامي في بطن أمك..
شوق\طااالب ماهو وقت هبالك قوووم..
طالب\عنبوا ابليسك من الشهر الرابع..
والطلق ماشي معك..كل مامغصك بطنك قلتي باولد..
وأنا خبل اوديك واقول لهم زوجتي بتولد..
كفاية الدكتورة تشرشحني بسبتك أنتي وتيتشر..
شوق بوجع\حرااام عليك انت ماتحس بالوجع..
طالب بحنية\والله ادري يتعبك الحمل بس وش اسوي اشيله بدالك..؟؟
شوق بقهر\ترى ما احمل مرة ثانية..
طالب بنص عين\ابي درزن تيتشرات..بنات بس ما ابي عيال..
شوق\طالب خلاص راح الطلق..
طالب بسخرية\قولي والله..توني باقوم اوديك..
شوق بعصبية\وانا وش عرفني انه انذار كاذب..
مثلا ولدت هنا في الغرفة وش بتسوي انت..؟؟
طالب\انتظرك برا الغرفة..
لما ولدتي نادي علي..
شوق\شفت انك نذل..امي لازم تجي عندي..
طالب\ايه تجي عندك عشان كل ماقلتي ولادة تهفك بوكس..
لحتى تتعدلين وتعرفين متى ولادتك..
شوق\سبحانه كتب علينا الحمل..لو تحس بشوي منه ماكنت بتنكت علي..
طالب بنذالة\عاد ياويلك يا شوق يقولون الولادة صعبة..
شوق\ياربي رحمتك..رجال مايحس..
طالب\منهو اللي مايحس..؟؟
شوق توقف\أبو تيتشر من غيرهـ..قووم وراك دوام..باجهز فطورك..
طالب\هههههههههه يا مخرفة تونا الساعة 12 نص الليل..
نامي يا ام تيتشر..
شوق بفشلة\تصبح على خير..

تغطت تبي تنام بس هو ماخلاها بحالها..
كل دقيقة يسألها متى بتولدين..
او يذكرها بانه سمع ان الولادة صعبة..
ضربته وقالت له يطلع من الغرفة..
طالب\خلاص باسكت..مرة ثانية لا تصحيني تقولين بتولدين..
الا بعد ماتولدين..امي الله يرحمها ولدت بي في المزرعة..
كانت تحرث الأرض..عاد يوم ولدت أنا قمت اساعدها وكملت عنها حرث..
ولما رجعنا البيت قال ابوي من هذا النشمي..؟؟
قالت ولدك جاء يساعدني في المزرعة..
عاد أبوي راعي واجب ذبح الذبايح وعزم العرب وقلطني على العشاء..
وأنا اقول ماعندكم حليب؟؟توني والد اليوم..
شوق\ايه أذكر هذاك اليوم..
طالب\كذوب مابعد ولدتي يوم انا ولدت..
شوق\خلني أهايط مثلك..
طالب\هايطي بقصة حياتك لاتهايطين بقصة حياتي وتزورين فيها..
شوق\ههههههههه ما اعرف مثلك..
طالب بضحكة\لـ الهياط اصووول..
شوق\طالب شكل الطلق رجع..
طالب بسرعة\تصبحين على خير..

تغطى بالكامل وهي تضحك عليه..
طالب بنذالة\بجد يا شوق قالوا الولادة صعبة ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛

المواضيع المتشابهه لموضوع: ما غرام يشرح الصدر طاريه و إلا صدود و عمرنا ما عشقنا للكاتبة صدود كاملة لموضوع: ما غرام يشرح الصدر طاريه و إلا صدود و عمرنا ما عشقنا للكاتبة صدود كاملة
الموضوع	كاتب الموضوع	المنتدى	مشاركات	آخر مشاركة
سجود السهو	نجمة المساء	نفحات اسلاميه	15	8 - 6 - 2021 12:49 PM
يشرح القلب طاريه ولا صدود وعمرنا ما عشقنا	شيخة الزين	همس عالم حواء	6	1 - 7 - 2018 10:50 PM
فستق صيني	همسة الشوق	همس لعالم النبات والثروه والزراعه والحيوانيه	8	13 - 9 - 2015 06:35 AM
علمو سدني	سجات التهاويل	همس للرياضه السعوديه والخليجيه	3	6 - 3 - 2015 08:50 PM
صور غنى 6 شيوخ في الخليج	علياء	همس للاخبار الفنية العربية والعالمية وصور المشاهير	7	29 - 10 - 2014 03:59 PM

الذين يشاهدون محتوى الموضوع الآن : 5 ( الأعضاء 0 والزوار 5)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع