عيونك شوكة في القلب توجعني و عبرها للكاتبة ديم الراشد مكتملة

#1 10 - 1 - 2022, 01:20 AM

عيونك شوكة في القلب توجعني وأعبرها للكاتبة أديم الراشد مكتملة

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

نقدم لكم رواية
عيونك شوكة في القلب توجعني وأعبرها
للكاتبة : أديم الراشد

قراءة ممتعة للجميع.....

الموضوع الأصلي :‎ عيونك شوكة في القلب توجعني و عبرها للكاتبة ديم الراشد مكتملة || الكاتب : || المصدر : شبكة همس الشوق

10 - 1 - 2022, 01:21 AM

المـــلـــخـــص

�� @storykaligi ��

* فيصل يعيش حالة من التخبط النفسي بدأت منذ وفاة والدته يعيش حالة من الإهمال لحياته ودراسته وصحته حالة من الخوف والقلق بأن تأتي لهُ خالة تأخذ مكان أمه فمالذي ينتظره وخاصة عندما يقرر والده الزواج ..

* عادل الأخ العاقل هادي مسالم وعملي يحاول يساعد فيصل في تنفيذ خططه لمنع والده من الزواج يطلب من والده في أحد الأيام الزواج من بنت عمه ولكن الوالد يعارض سنعرف ماهو السبب

* رائد أبن عم فيصل وصديقه ، الصديق العاقل المساند له والناصح مساعدة في تنفيذ الخطط المتألم من تعامل والده مع أخته كيف ستكون حكايته ؟

* عساف صديق فيصل النسخة الثانية منه دكتور ولحد الأن لا يعرف كيف أصبح دكتور واقف دائماً مع فيصل في الصح والخطأ ؟

* أديم الهايمة في أحد الأيام يجذبها ضحكة أحد الشباب وهي عند إشارة المرور لتسوقها الأقدار ناحيته فتبدأ تتعلق به ولكن يحصل أمر يغير حياتها ما هو؟

* ريمان تتغير شخصيتها بعد حدث يمر عليها لتتحول لإنسانه لسانها طويل ترد تحاول أن تكون شخصيتها قوية ولكن دائما والدها يحاول كسرها وذلك من خلال ضربها ماالذي ينتظرها وما قصتها ؟

* نسرين الفتاة الحالمة رسمت حياتها مع ابن عمها ولكن تتحطم كل أحلامها عندما يقوم إبن عمها ب........ سنعرف خلال عرض الرواية ..

شخصيات كثيرة تنتظرنا ولكل شخصية قصة وحكاية

( طلال ، منى ، نواف ، أم رامي ، وسن ، سهام ، مروى ، نوره ، نرجس ، ............. )

( وفاء ، إخلاص ، حب ، صبر ، تضحية ، حقد ، حزن ، إنتقام ، مؤامرات ، ضحك ، مقالب ، كره ، رومانسية )

كل هذا في رواية مميزة بكل ما تحمله الكلمة من معنى ..

تـــــابــعـــــونــــــــــا. ..

الشـــخـــصـــيـــات

بيت الجد ناصر ابو طلال
* الجد ناصر : حبيب وطيب ومسالم متدين ومحافظ وماله شغل بأحد شغله الشاغل صلاته وعبادته وهالشيبان اللي بسنه .

* العمه منى : عايشه مع ابوها في البيت هي وزوجها ماعندها عيال لكن تعد عيال ابو عادل مثل عيالها وتموت عليهم

* طلال ابو عادل : انسان متفهم روحه حلوه عملي جدا معطي عياله كامل الحريه في كل شي معطي كل واحد حرية القرار في حياته شوي شديد لكن تغلب عليه حنيته ومستعد يسوي كل شي عشان خاطر عياله ..

(عائله ابو عادل )
عادل : الابن الاكبر انسان هادي مسالم عملي انسان يحب الحريه مثقف عقله كبير و رزين دايما يكون منصف وعادل لكن اذا تدخل فيصل بالموضوع يطير عقله واتزانه عمره ظ¢ظ§ عزوبي ..

* فيصل ( بطلنا ) : الابن الاوسط او مثل ما يسمونه ( مقباس الشر ) انسان فوضوي وطايش اهم ماعليه الضحك الوناسه والبنات والغزل ماله شغل لا بدراسه ولا عمل ولا بجديه 24 ساعه يضحك ياكل يرقص المفروض متخرج من الجامعه من سنتين لكن للاسف فاااشل ونص المواد حاملها شغله الشاغل يمنع ابوه من الزواج بعد وفاة امه ضارب الكل بالجدار واللي يعجبه يسويه واللي مايعجبه لو يتقطعون ما يسويه عناده درجه اولى ولا يسمع الكلام له تأثير كبير على اخوانه واذا حقد على احد يتحول بشكل مو طبيعي عمره ظ¢ظ¤ ..

* نواف : الاصغر عمره ظ،ظ،منقاد تماما تحت امر فيصل متعلق في فيصل بدرجه كبيره ملقوف نوعا ما عايش تحت هوس زوجة الابو اللي زرعه فيصل في نفسه وكبره واصبح شبهه بالكابوس
حساس حيل وخواف وطبعا بيكون اغلى واحد بالعيله ( بعد وفاة ام عادل تغيرت نفوس العيال وصار هاجس فيصل الوحيد انه ما تدخل حرمه غير امه البيت لو اضطر انه يسوي بلاوي زرع المخاوف في قلوب اخوانه وصاروا معه في كل شي وهو اللي متحكم ما ننكر بعد خوف فيصل من زوجة الاب اللي بإعتقاده انها بتفرقهم وتشتتهم وتمحي كل ذكرى حلوه ومرتاحين لوجود عمتهم اللي تاخذ بقلوبهم مكانه كبيره )

ظيمنعظيمنعظيمنعظيمنع
ابو محمد : الابن الثاني للجد ناصر انسان شديد وعصبي على عهد الشياب اللي زمان ماعنده خرابيط نادرا مايكون رايق ويضحك
ام محمد : مثل اي ام هاديه ورايقه وتحب عيالهاا

محمد : شخصيته طبق الاصل من ابوه رايح بحاله ماله شغل بأحد متزوج وتوها زوجته حامل بأول مولود عمره ظ¢ظ§
نسرين : اختهم الدلوعه الكيوت صح اكبر وحده لكن تعتبر اصغر وحده شكلاً وعقلاً كانت منجذبه لعادل وكل فتره تروح لبيتهم بحجة انها تدور على عمتها طبعا وعادل ولا درا عمرها ظ¢ظ¥

رائد : شاب راكد وراكز بعيد كل البعد عن العصبيه والزن والقلق مشتري راحة باله صاحب لفيصل صحبتهم قويه رغم الاعتراضات اللي تصير على اسلوب فيصل وطريقة حياته الا انه معاه ويزعل ويضيق اذا احد كدر فيصل ودايم بصفه عمره ظ¢ظ¤

ريمان : الاخت الاصغر لكن اكثر انسانه عربجيه فالبيت لسانها طويل وشخصيتها شوي ثقيله اغلب وقتها مناقر مع اخوانها وعيال اعمامها واكثر شي فيصل
ظيمنعظيمنعظيمنعظيمنع

في بيت ام رامي ( خالة عيال ابو عادل )
ام رامي : انسانه تحب الفلوس وطماعه ومن بيت لبيت والحش والنميمه ما توقف عادي تبيع عيالها عشان الفلوس
ومصره تزوج بنتها من عيال اختها ي فيصل ي عادل
رامي :ولدها الكبير مبتعث ويدرس في امريكا
وسن: البنت الوحيده بتموت وتتزوج فيصل عينها عليه ومصره الا تتزوجه نفس وضع امها
ظيمنعظيمنعظيمنع

في بيت بعيد بيت ابو مشاري ( من معارف الجد ناصر )
ابو مشاري : انسان دبلوماسي وراقي من الشخصيات الكبار المهمه له مزاجه ورونقه الخاص بالعربي ( انسان جدا هاااادي وانحيادي ) من اهم مبادئه انه مايضغط على اي احد ومؤمن بالحريه الشخصية لذلك نحصل تربيته لعياله راقيه ومعتمده على الترف والدلع والامبالاة
ام مشاري : غير جدا عايشه حياتها ببرستيجها الخاااص والعزايم والروحات والجيات ومع ذلك ما نست عيالها
مشاري : الكبير نفس شخصية ابوه وله منصب مهم متزوج وعنده اولاد ( طارق .يوسف . مصعب )
امل : الاخت الكبيره متزوجه وعايشه برا عندها بنت وحده ( تولين )
أديم ( بطلتنا) : انساانه فرفوشه حيل روحها خفيفه وجميله متسامحه دلوعة وحساسه تخاف حتى من ظلها دايم مبسوطه وراضيه بحياتها رومانسيه جدا ما تعرف تحقد على احد الكل متعود على حيويتها ورقتها عمرها ظ¢ظيمنع
مروى : انسانه عاقله وعقلها اكبر من عمرها الكل بالبيت ياخذ رايها مثل ما تقولون انسانه لها شأن وراي ومتثقفه عمرها ظ،ظ¨
ظيمنعظيمنعظيمنعظيمنع

العمه سهام ( اخت ابو مشاري ) مطلقه ماعندها عيال عايشه مع ابو مشاري ببيته نفس شخصية اخوها نقدر نقول فيها شوي كيد وقويه لكن في نفس الوقت طيبه وحنونه

العم يحيى ابو نوره : اخو ابو مشاري ( ومثل مايقولون له ابو البنات )
ام نوره : انسانه حقوده ونيتها مو صافيه ابدا وغيوره
نوره : نفس امها شايفين انفسهم وحالتهم حاله
نرجس : نفس الطينه وغيوره ومنافقه وتصرفاتها جدا بشعه ودايما جالسه لعيال عمها من بنات وعيال وتطلع عليهم اشاعات ..

10 - 1 - 2022, 01:23 AM

.... 1 ....

في صباح اول يوم دوامات دخلت العمه منى لبيت ابو عادل وهي تهز راسها بأسى على منظر البيت اللي يجيب الضيم ومكركب كركبه الدنيا وطبيعي انه يكون كذا مادام كل اللي فيه شباب
رتبت اشياء بسيطه وراحت تصلح لهم الفطور قابلها ابو عادل
ابو عادل : هلا هلا بمنى
منى : هلا ي اخوي كيفكم اليوم ان شاء الله بخير
ابو عادل : بخير بخير كيف ظهرك انتي امس نواف قالي انه اوجعك
منى: الحمدلله احسن
ابو عادل : وحنا بعد اتعبناك ي منى لكن وش الحيله
منى : افا ي اخوي تعبكم راحه لكن الحيله بيدك وراحتي بيدك ي اخوي انا كبرت وانت بعد بتكبر وتبي من يسندك ويقوم بشؤن بيتك وعيالك
ابو عادل نزل راسه بضيق : وش السوات ي منى وش السوات
منى : ي اخوي البيت يبي له مره تزوج وش يمنعك لا تتزوج باقي توك صغير وعيالك كبروا ماعاد هم الصغار اللي تخاف عليهم وبكره بيتزوجون وتجلس هنا لحالك
ابو عادل : مدري مدري يحلها حلال يحلها حلال
منى : اجلس افطر وانا بروح انادي هالعيال
ابو عادل جلس وهو يفكر وطلعت منى تصحيهم حصلتهم كلهم صاحين ما عدا فيصل اللي كالعاده يصحى الكل وهو ماصحى
توجهت لغرفته اللي كانت بأخر الممر بعيده ولحالها فتحت الباب وتعثرت بالاغراض المرميه بالارض ملابس وشوزات وشنط ومناشف ومخدات واسلاك والغرفه تفجع حطت يدها على راسها وهي متعوده على هالمنظر بغرفة فيصل عدت وهي تبعد الاغراض من طريقها شافته مرمي على سرير وهو نايم بس بالبوكسر واللحاف مرمي بالارض سكرت عيونها وهي تستغفر قربت وهي تصحيه : فيصل فيصل وجع فيصلوه
سحبته وهي تحاول تصحيه لكن لا حياة لمن تنادي راحت وهي تاخذ علبة المويه اللي ع الطاوله وكبته عليه فز وهو يشهق
منى: قوم عساك العافيه قوم
فيصل لف يناظر لها بتناحه :ي عميمه ي عميييييمه حرام عليك والله
منى : تستاهل من ساعه اصحيك ولا فكرت تصحى
فيصل سحب اللحاف اللي بالارض وهو يرجع ينسدح : انتي تعرفيني نومي ثقيل
منى سحبت اللحاف : قوووم قوووم باقي بترجع تنام
فيصل ناظرها بأستغراب : ايه ليش وليش اصلا اصحى
منى اشرت بيدها بمعنى ( انه انجن خلاص ) : قوم وراك جامعه قوم
فيصل لف وهو مفجوع : تمزحين اكيد مستحيل اداوم اول يوم لو يجوني الجامعه كلهم
منى: لا والله لا يكون ناوي تخلل سنه ثالثه بالجامعه بعد اقول قوم بلا كثرة حكي اللي بسنك متوظفين وزوجاتهم حوامل وانت مالك شغل الا تحمل مواد بس
فيصل ضحك وهو يلف لها : والله انتي عجيبه اذا قلنا بنتزوج قلتي انت طايش لو نزوجك بتذبح بنت الناس والحين تقولين اللي بسنك تزوجوا وانت باقي
منى رمت عليه المنشفه : قوم قوم انا اتكلم عن العقال الناس الصاحيين وانت مانك منهم
فيصل : الله يسامحك ي مزه بس تدرين انا ما راح ارد عليك
منى : وليش ان شاء الله
فيصل : لاني مابي اسولف ويطير النوم
منى : لا والله فيصلوه قوم قوم عليت قلبي
فيصل يدري انها مستحيل تروح وقرر يقوم يروح يشوف وش له وش عليه ويناظر جدوله وقف واخذ المنشفه وهو يرسلها بوسه بالهواء :اااخ بس اللي يسقي اليوم اللي اشوف فيه زوجتي بدالك
منى : وخير ان شاء الله شفيني انا
فيصل رفع يده استسلام : مافيك شي ي قلبي بس الواحد نفسه كذا يستقر
ضحكت منى وهي تقول : لا تصرفني وقولي كم مره صرت قايله لك ملابسك اللي مو نظيفه تحطها لي بالسله ليش ما تسمع الكلام ليش تعاند عاجبك هالمنظر ما ادري النظيف وين اللي مو نظيف وين
فيصل : ماعندي وقت ي عميمه
منى: بسم للله عليك وليش ما عندك وقت من الشركات المرصوصه رص والا من المعاملات اللي ما تخلص والا من العيال والا من النجاح الباهر
فيصل ميل فمه وهو متعود على هالاسطوانه ودخل يتروش ونزلت منى وهي تستغفر
ظيمنعظيمنع
.

في بيت ابو محمد طلع رائد وهو يصلح شماغه وكالعاده على صوت ريماان ونسرين تأفف وهو يوقف ع باب غرفتهم : خير خير انتي وهي يعني ما نخلص من هالاسطوانه
نسرين : بالله ي رائد شوف الخبله هاذي مو راضيه تعطيني العطر
رائد : خير انتي وبعدين تعالي تعالي شهالشكل لا يكون ناويه تصيرين لنا بويه بالمدرسه اسمعيني زين رتبي نفسك وشكلك لا تخليني اكلم ابوي عن هالوضع اللي صار عندك عادي
ريمان : شدخلك انت شتبي اسوي اللي ابي
تقدم رائد : خير وش قلتي .. سحبها من ياقة قمصيها وهو يهمس بغضب : ناظريني زين اقسم بالله لو ما يتعدل لسانك لتشوفين انسان ما تعرفينه

.... 2 .....

ريمان بعدت يده وهي مو مهتمه لكلامه ابدا ولا فكرت ابتعد رائد وهو يستغفر ولف لها لما ما قدر يتحمل تصرفاتها الصبيانيه مع نسرين وصرخ : ريمان
لفت ريمان: خير وش فيك تصرخ انجنيت
كان رائد متجه لها وهو ناوي يصفقها بس وقفه صرخة ابوه اللي كانت اقوى رعب في حياتهم
ابو محمد : رائد
غمض رائد ولف له بضيق : سم يبه
ابو محمد بغضب : وسم ان شاء الله كم مره اقولك مافيه صوت يرتفع في هالبيت غير صوتي ولا تربيه الا تربيتي
رائد : اسف يبه لكن بنتك هاذي ماعاد عرفت للاحترام طريق ولسانها صاير اطول منها ماباقي الا تضربني
لف ابو محمد بهيبته الطاغيه المخيفه وصرخ بريمان : اكيد انه انتي اكيد ومن غيرك عله بهالبيت
اتجه لها وهو يسحبها من يدها : كم مره اربي فيك انتي كم مره
ريمان بقوة وهي مو مهتمه : شسوي يعني له هو الملقوف وغير كذا شدخله بالبنات مو معقول يعني كل شي يشوفه يتدخل فيه
ابو محمد صرخ وهو يهزها : وتردين علي الكلام ي قليلة الادب لا واضح اني فعلا ما عرفت اربي
ضربها كف وهي ولا تحركت وعينها بعينه كان ورائد ونسرين واقفين بصدمه عمر ما احد تجرأ وحط عينه بعين ابوه مثلها
لما حس ابو محمد انها قوية عين لف وهو يقول : رائد
رائد : سم يبه
ابو محمد : جب لي الخيزران
نسرين حطت يدها على فمها برعب وهي تناظر ريمان اللي ما أهتزت ولا خافت
رجع رائد وبيده الخيزران اعطاها ابوه اللي صرخ بعدها وقال : اطلعوا برا
سحب رائد نسرين وطلعها برا وطلع معها ماكان وده ان ابوه يضرب ريمان بس ريمان تستاهل خصوصا انها ماحطت لاي احد احترام بالبيت
نزلو تحت واجهتهم امهم : وين ابوكم
رائد نزل راسه : عند ريمان
ام محمد : وش يبي فيها
نزل رائد وهو يقول : كالعاده
طلعت ام محمد تركض وجلس رائد وهو يستناهم ينزلون ويعرف ابوه لو نزل وماحصلهم كلهم ع الفطور راح يسوي مصيبه
ظيمنعظيمنع
.
في بيت ابو مشاري نزلت أديم وهي تركض من الدرج وقفت وهي ترفع يدها : صباحكم انا ي احلى فاملي
التفت ابو مشاري وهو يضحك : ي احلى صباح تعالي تعالي ي ضحكة هالبيت
أديم قربت وهي تبوس راسه بضحك وراحت لامها وهي تضمها وجلست نزلت مروى وهي مبتسمه : شعليك يحق لك تضحكين وانتي تسمعين كلام ابو مشاري اللي لناس وناس
ابو مشاري حط يده على راسه بضحك: دخلنا فالغيره الحين
مروى قربت وهي تبتسم بهدوء وهي تبوس راسه :ههههه لا تخاف خذ راحتك متعودين
ام مشاري : لا لا هنا ما معكم حق اذا جينا للحق مروى عقل البيت
ابو مشاري : صدقتي اي والله صدقتي الله يخليهم لي ولا يوريني فيكم مكروه
أديم ضمته وهي تقول : ولا يحرمنا اياك ي شيخ الشباب
ظيمنعظيمنع
.
في بيت ابو عادل لبس فيصل وجهز وجلس وهو يتعطر ويقرأ رسايل معجباته وحبيباته اللي اشكال الوان من البنات
ابتسم وهو يرمي الجوال : يالله شكثر احب البنات
دخل نواف بسرعه وهو يركض : فيصل فيصل
فيصل فز وهو مفجوع :اشبك اش صار
نواف : مصيبه
فيصل بطرب : هاي اللي احبها تهواني فدوة قلبها
نواف ضربه بشنطته : مو وقتك
فيصل : وشو
نواف : ابوي بيتزوج
لف فيصل بصرخه وهو يمسك بنواف : وشو وشو وشو عيد عيد
نواف :ابوي بيتزوج
فيصل : من قال كيف عرفت
نواف : من شوي وانا نازل سمعت عمتي تقول لابوي انها كبرت وابوي بعد كبر واحنا كبرنا وبكره بنتزوج ونتركه وضروري يتزوج وحده تشيل بيته
تركه فيصل وهو يحك بشعره: وش رد عليها
نواف : سكت وهو يقول على خير
فيصل : ماعطاها جواب
نواف هز راسه ب لا
فيصل جلس وهو يفكر وش ممكن يسوي نواف جلس : وش بنسوي
فيصل : مابنسوي شي بننتظر لما نعرف قراره اذا وافق اعلنت الحرب واذا رفض كفى الله المسلمين القتال
نواف : والله خايف ي فيصل تجي وحده وتفرقنا
فيصل حاس شعر نواف بيده : لا تخاف طول ما انا هنا
ابتسم نواف واخذه فيصل ونزلوا تحت ابو عادل : بدري بدري بدري كان تأخرتوا زياده مره جايين بدري تراكم
فيصل قرب وهو يبوس يد ابوه وكتفه خشمه وراسه وخده : روق ي باشا روق محد يستاهل اهم شي صحتك
ابو عادل : ايه بس هذا اللي انت فالح فيه
فيصل ابتسم له وهو يقول : عدول كيفك اليوم
عادل : احسن
منى : يلا يلا استعجلوا افطروا عشان ما تتأخرون
ابو عادل ناظر لفيصل : فيصل حط في بالك انك السنه هاذي بتتخرج من الجامعه والا
فيصل سبقه وهو يبوس يده : ابشر ابشر ي سيد القوم وبعدين ترا حفظت ذا الكلام

.... 3 ....

منى : دامك حافظه ليش ما تطبقه ليش
فيصل ميل فمه بضيق : خلاص تكفون ان شاء الله هالسنه اخر سنه
ابو عادل :اتمنى
عادل وقف : يلا انا استاذن
ابو عادل : الله معك ابوي انتبه لطريقك ولنفسك
عادل وهو يبوس راسه : ابشر
طلع عادل ووقف بعده ابو عادل : يلا انت وياه بتتأخرون
فيصل : يبه بدري
منى :لا مو بدري قوم
فيصل : ي ناس تراي بالجامعه مو ابتدائي بدري تونا ظ§
ابو عادل : ايه ظ§ لكن انت على ما تضحك مع هذا شوي وتسولف مع هذا وتاكل مع هذا وتنام في السياره وتلف وتدور بتصير ظ©
نواف :ههههه بالضبط
فيصل ابتسم : تمون تمون نقوم الحين ليه ما نقوم
ابو عادل : نواف بتروح معي والا مع فيصل
نواف : لا مع فيصل
ابو عادل : يلا اجل قوموا
وقفوا واخذ فيصل شنطة نواف وهو يحط ذراعه على كتف نواف ويسولف معه طلعوا وابو عادل يراقبهم ومنى
منى: الله يخليهم لبعض ولا يفرقهم
ابو عادل : امين والله ي فيصل هذا على كثر جنانه الا انه مثل البلسم
منى: مدري نواف شبيصير فيه لو تزوج فيصل او انشغل عنه
ابو عادل : وانتي صادقه
منى: لا تنسى موضوعنا فكر فيه
ابو عادل وهو يأشر بالرضا: زين الظهر نتباصر
منى :الله معك
طلع ابو عادل وهو يفكر يرتبط ببنت الحلال اللي تسعد عياله قبله
ظيمنعظيمنعظيمنع
.
في بيت ابو محمد نزل هو وريمان اللي كانت كأنها ما انضربت ونظرتها قويه باقي جلسوا على الطاوله وهو تنحنح ابو محمد : سموا بالله وبعدها كل واحد لدوامه وان شاء الله ارجع اشوف هالمشاكل
ابتدوا ياكلون بهدوء قطع الصمت المتوتر اتصال جوال رائد اللي كل الانظار توجهت له رفع راسه
ابو محمد : مين
رائد : فيصل
ابو محمد : سكر الجوال فيصل فاضي وبيشغلك معاه
رائد : بس يبه برد عليه اشوف وش يبي يمكن حاجه ضروريه
ابو محمد : مو شغلي سكر الجوال وش بيكون عنده مثلا طول عمره هايت ولا فيه اي شي مهم في حياته
رائد: ي يبه الله يخليك لا تقول عنه كذا انت تعرف ان فيصل ما انقلب حاله الا بعد وفاة امه وبعدين انت ليش تكرهه
تنهد ابو محمد : انا ما اكرهه بالعكس لكن تصرفاته ما تعجبني ولا ابيك تنجر معاه
رائد وقف وهو ضايق : انا بطلع تأخرت اصلا
طلع رائد وهو ما يعجبه تصرفات ابوه وكلامه عن فيصل اللي محد يعرفه كلهم نفس النظره لكن لو تعمقوا فيه بيشوفونه غير
رجع يتصل على فيصل اللي رد وهو يضحك : صبحه بالخير يالله
رائد ابتسم لصوت فيصل اللي طول عمره ضاحك : صباح النور ي رايق
فيصل : وش ورانا ليش ما نروق
رائد : يحق لك ياخي تروق ما وراك دوام
فيصل : من قالك هذاني رايح الجامعه
رائد : الله الله الله فيصل رايح الجامعه اول يوم ماعرفتك لايكون انا غلطان بالرقم
فيصل :ههههههه ياخي مو من طبعي لكن عمتك تعرف تخلي يتمسك بأطباعه من الساعه ظ¥ وهي بالبيت والا اداوم ولا يخفى عليك اسطوانة النجاح حقتهم
رائد : ههههه ي زينها عميمه والله ياخي انت شد شوي وتخرج خست تراك
فيصل : يالله حتى انت تكفى عاد ي اللي هامني التخرج الحين المهم تجي نفطر برا وبعدها كل واحد يتسهل
رائد : متأكد انك فيصل
فيصل : ليش؟؟
رائد : رايح للجامعه بدري واول يوم والحين بتفطرني على حسابك شصاير بالدنيا
فيصل :ههههه ومن قالك على حسابي على حسابك انت ي روحي من متى انا ادفع
رائد : اي وربي اني عارفك هههههه يلا يلا وين اجيك
فيصل بضحك:كالعاده
رائد : يلا
ظيمنعظيمنع
ظيمنع
عند أديم اللي كانت مع السواق رايحه الجامعه وقفوا بالاشاره لفت وهي تناظر السيارات لمحت واحد جميل منزل الشباك وطول الوقت يكلم ويضحك ضحكت على ضحكته اللي باين انه مبسوط او يكلم احد يحبه اخترعت لما لف يناظرها ولفت وجهها خافت وهي تحسه باقي يناظر لها سمعته يقول : هههههه ومن قالك على حسابي على حسابك انت ي روحي من متى انا ادفع
عرفت انه يكلم صاحبه سمعته يسكر منه نزلت راسها وهي تحاول ترفع الشباك بس ماتدري ليش ماقدرت رفعت راسها شافته يضحك دق قلبها كانت ضحكته حلوه سمعته يقول : لا تموتين ي بنت الحلال ما باكلك
فتحت الاشاره ومشى وهي باقي تسمع ضحكته حست بخوف وضحك بنفس الوقت وكملت طريقها وهي تتذكر ملامحه اللي كانت تشهد له بالوسامه
ظيمنعظيمنع
ظيمنع
عند فيصل وصل للمطعم وجلس وهي يتذكر شكل البنت ضرب جبينه : حسافه ليتني اخذت رقمها او اي شي والله انها باين انها مسكينه وخوافه
رائد من وراه : مين هاذي
فيصل وقف وهو يسلم عليه : ولا شي بنت حصلتها بالاشاره من شوي لفيت اناظرها وبغت تموت

.... 4 .....

رائد :هههههه لا حول ولاقوة الا بالله انت ما بتترك ذا الشغله حرام عليك
فيصل : ااااخ ي رائد احبهم احب البنات مشكلتي
رائد : الله يستر عليك من ذنوبهم
فيصل : فكنا من المحاضرات الحين واطلب لنا يلا
ضحك رائد وهو يطلب لهم وفيصل يوصف له شكل البنت ويضحك عليها
ظيمنعظيمنع
ظيمنع
عند منى اللي خلصت كل بيت ابو عادل وطلعت تشوف غرفة فيصل اللي تدري وميقنه انها مستحيل تخلصها بسرعه دخلت ابتدت تسوي ملابسه وهي مره تحصل أرقام ومره تحصل حروف ورموز ولا تدري لايش هي جمعتها وهي تحطها بالدرج شافت جوال ثاني استغربت : وش ذا الجوال من متى وفيصل معه جوالين
اخذت الجوال وهي تشوف الرسايل الكثيره وكل من بنات وكلها غزل ومواعيد طلعت وهي مصدومه ما توقعت فيصل يسوي كل هذا راحت لصور وشافتها اشكال وانواع البنات ومنهم العاقل ومنهم المنحرف كانت مفجوعه من كمية البنات وكلامهم وتوددهم لفيصل اللي كل ردوده تخلي البنت تخق غصب عليها وصوره معاهم سكرت الجوال وهي ما تدري وش تتصرف ما توقعت فيصل يلعب بأعراض الناس حطت يدها على راسها وطلعت وتركت الغرفه بحوستها نزلت وهي تتوجه للمطبخ عشان تصلح لهم غداهم وهي ما راح من بالها المصايب اللي بالجوال
ظيمنعظيمنع
ظيمنع
عند أديم دخلت الجامعه وهي تحس انها مبسوطه راحت لصاحبتها وهي تضمها : روان وحشتيني
روان وهي تبادلها الحضن : ي كذبك ي شيخه تو امس ملتقيين
أديم : هههههه يعني ما توحشيني بهالفتره
روان : هههههه اخلصي اخلصي قولي شعندك عشان مروقه
أديم :الله يسامحك متى عكر جوي انا
روان ابتسمت: صدقتي بس مدري احس فيك شي زياده
أديم: ولا شي بس شفت لك واحد عند الاشاره مز وبس يضحك ولا إرادي تنحت فيه وناظرني وعاد تعرفيني خوافه قمت اتخبط كأنه بياكلني
روان : بذمتك وبعدين
أديم : ابد ضحك وقال لا تموتين ي بنت الحلال ما باكلك وراح
روان : يمه قلبي
أديم : ي شيخه عليه ضحكة مو طبيعيه
روان: ليش ماصورتيه
اديم : خبله انتي تخيلي اصوره وهو يناظر وبعدين وش بيقول عني
روان : وش عليك هو مايعرفك حتى لو قال عنك
اديم: لا لا مو حلوه بحقي
روان : مالت تعالي تعالي نشوف لنا حااجه ناكلها
ابتسمت اديم وهي تقلد فيصل : على حسابك مو على حسابي
روان لفت بأستغراب : من متى بالعاده توقفين بحلقي عشان تدفعين
اديم : ههههه اقلد هذا اللي من شوي
روان هزت راسها بأسى : الحمدلله والشكر
ظيمنعظيمنع
ظيمنع
عند فيصل ورائد اللي افترقوا وكل واحد راح بطريقه فيصل راح الجامعه شاف جدوله وعدله ورجع للبيت وهو يكلم وحده من حبيباته وصل البيت وسكر وهو ينزل ويغني دخل ببتسامه
وهو يقول : عميمه وينك ي عميمه
طلعت منى وهي معصبه : وش رجعك بدري
فيصل نزل مفتاح ع الطاوله وجاء وهو يبي يبوس راسها بعدته منى قطب حواجبه بأستغراب : وش فيك عميمه لا يكون ريحتي مو حلوه
منى رفعت راسها وهي تقول : لا والله اخلاقك مو حلوه هاذي اخرتها ي فيصل
فيصل ضحك : وش بنا ي هوه وش صار وش سويت
سحبته منى من يده وهي تتجه لغرفته دخلت وسحبت الجوال وهي ترمي عليه : وش ذا
اخذ فيصل الجوال وهو يزفر بضيق : ليش فتشتي اغراضي
منى بصراخ : اي اغراض اغراضك هي اعراض الناس ما تخاف ربك انت ربيناك كذا احنا ربيناك كذا
فيصل لف وهو ينزل ملابسه : ما لعبت بأعراض احد
منى: اجل وش في ذا الجوال
فيصل: اشياء قديمه تركتها من زمان ونسيت احذفها
منى : تضحك علي ي فيصل
فيصل بتوتر وهو يحاول يفهمها انه شي انتهى : عميمه هاذي كانت فترة طيش وتركتها من زمان ادري غلط وتركته هاذي اشياء قديمه وكلنا نغلط ي عميمه
منى: وليش مخلي الصور باقي فيه
فيصل : كنت اصلا بفرمت الجوال ونسيت
منى : الحين قبالي تفرمته
فيصل قرب لها وهو يضمها ويبوس راسها: ابشري افا عليك ي عميمه ما تثقين فيني
منى : كنت
فيصل : عميمه قلت لك اشياء قديمه وفترة مريت فيها وكانت غلط وتركتها خلاص عاد ربي يغفر وانتتي ما تغفرين
منى : حلفتك بالله ي فيصل قديمه
فيصل حلف انها صح قديمه بس ما حلف انه تركها: اي وربك
منى وهي تمسح على كتفه : تكفى ي فيصل لا تمشي بهالطريق
باس فيصل يدها: ابشري ي غاليه
منى : يلا امسحها
اخذ فيصل الجوال وهو ماعنده اشياء مهمه فيه وفرمته عشان يفتك من السيره ابتسمت منى اللي وثقت فيه وهي تقول : ايوه ي حبيبي سوي كل شي تبيه بس لا تلعب بأعراض الناس
فيصل : ابشري
طلعت منى وهي مبتسمه ورمى فيصل نفسه على السرير وهو يزفر براحه : زين ما قالت لابوي والا والله لينتفني ..

.... 5 .....

لف وهو يرد على اتصال وحده بعد وابتسم وهو يسكر الباب وغطس في الغزل والحب ونسى انه يلعب بمشاعر بنات
ظيمنعظيمنع
ظيمنع
في بيت ام رامي جات وسن وهي تقول : يمه اليوم ما بنروح لعيال خالتي
ام رامي وهي تنزل الاكل : لا ما بنروح بدق عليهم يجون يتعشون عندنا
وسن : كلهم
ام رامي : ايه ليش
وسن: يمه بس نادي فيصل نواف وعادل ثقيلين طينه
ام رامي : فشيله انادي فيصل بس
وسن : عادي
ام رامي : زين زين لا تزعجيني اعطيني خليني اتصل عليه
وسن: خذي جوالي
اخذت الجوال وهي تدق ورد فيصل بعد عنا : هلا ي خالتي
ام رامي : هلا ي حبيبي وينك الله يهديك ما بغيت ترد
فيصل : والله ماكنت عند الجوال امري
ام رامي : اول شي كيفك
فيصل: تمام وانتي
أم رامي : الحمدلله اسمعني وانا خالتك اليوم انا عازمتك على العشاء ولا تعترض
فيصل: والله ي خاله مدري وش اقول بس اليوم العشاء ببيت جدي
ام رامي : لا لا ي فيصل كم مره اعزمك وترفض هالمره بخاطري وانت بكيفك
فيصل مايقدر يزعلها عشانها من ريحة امه : ي خاله والله لو اقدر اجي بس
ام رامي وهي تمثل الزعل : مالي شغل انا قلت لك وانت بكيفك
سكرت وهي تمد الجوال لوسن وسن بضيق : ما بيجي يمه
ام رامي : الا بيجي
وسن: بس هو ما قال
ام رامي : بيجي بيجي هو ما يقدر يزعلني عشان خاطر امه
وسن ركضت وهي مبسوطه وابتدت معركة التجهيز
ظيمنعظيمنع
ظيمنع
عند فيصل نزل وهو محتار وقرر يروح لها في النهايه بتزعل اذا ما جاء وهو مايقدر شاف عادل داخل وراح له : عدول كيفك
عادل : احسن
قرب فيصل : وجهك احمر لا يكون رجعت سخنت
عادل : لا لا بس من كثر ما عطست
ضحك فيصل: ماجور ماجور
جات منى : هلا يمه عادل كيفك الحين
عادل: احسن ي عمه
دخلوا ابو عادل ونواف : السلام عليكم
الكل: وعليكم السلام
ابو عادل: ماشاء الله الكل موجود
منى: ايوه يلا بدلوا وانزلوا عشان تتغدون وانت فيصل تعال ساعدني
فيصل: من عيوني ي الغزال الشارد
ضحكت منى وهي تسحبه من اذنه دخلوا المطبخ وابتدوا ينزلون الاكل والبقيه طلعوا يبدلون بعد عشر دقايق الكل صار ع الطاوله
ومنى واقفه ابو عادل : منى وش فيك تعالي كلي
منى: لا لا والله مالي نفس بلحق اشوف الخدم شمسوين بالبيت تعرف ما يصرفون شي واليوم عند ابوي العشاء
عادل: ارتاحي اول وروحي ي عميمه تعب عليك
ابوعادل : وهو صادق
منى: لا لا تخافون انا كويسه
فيصل: على الطاري اليوم انا بتعشى عند خالتي
منى: عشتوا تترك عشاء جدك عشان خالتك
نزل فيصل الكوب وهو يلف عليها : ي عميمه لا تقولين كذا مهما صار هي خالتي
عادل : بيني وبينكم خالتك هاذي ما تنزل من بلعومي
فيصل لف له بغضب : حرام عليك ي اخي هاذي من ريحة امك اللي بقى من اهلها صح انها تصرفاتها شوي ترفع الضغط بس تبقى من امي خافوا الله فيها
وقف فيصل وطلع بغضب وهو اللي من بعد موت اللي كان متعلق فيها بشكل كبير وموتها سوى فراغ بداخله وصار يدور اي شي من ريحتها ويهتم فيه كل شي له علاقه بأمه مهما كان مو حلو الا يحبه ويقدره دخل غرفته وهو يصفق الباب وراه جلس بضيق وقلبه يدق بقوه من الذكرى اللي طرت ليلة وفاة امه اللي ماكانت ع البال ولا ع الخاطر ارتمى على السرير وهو يناظر صورتها المعلقه بالجدار غمض عيونه بقوه وهو يداري دموعه وقف وهو يتجه لشباك اللي كان عليه مجموعة ورد وزريعه اخذ علبة المويه وهو يسقييها كانت امه تحب الزريعه والورد واخذ هالعاده منها سرح بفكره وهو يذكر كيف كانت امه وضحكتها وسوالفها وحنانها
ظيمنعظيمنع
ظيمنع
عند ابو عادل اللي نزل راسه بضيق وهو يقول : عادل كلامك هذا لا عاد تعيده كلام فيصل صحيح المفروض مهما تصرفت تكون غاليه
عادل: ليش يعني احطها غاليه
ابو عادل : لان الخاله ام
سكت عادل وكمل ابو عادل : قوم قوم راضي اخوك لا تتركه ضايق
عادل : ابشر
طلع عادل ومعه نواف عشان يراضون فيصل اما منى اللي طلعت وهي ما تحب خالتهم ولا تطيقها وتدري وش مقصدها من التلزق بفيصل دخلت بيت ابوها وهي تحلطم شافت ابوها جالس بديوانيته وقباله المصحف رفع راسه لما حس فيها: منى تعالي وش فيك
منى قربت : ولا شي تو قضيت من طلال وعياله وجيت
الجد : وش اخبارهم وش مسوين
منى: ابد الحال نفس الحال بس يبه ابيك شوي اذا جاء طلال تقنعه يتزوج
الجد : ي ابوي اذا الرجال ماله رغبه ما نقدر نضغط عليه
منى: له رغبه يبه بس مشكلته عياله
الجد : زين اكلمه شوي تعالي انتي خلينا نتغدى تعبت وانا استنى
منى: يلا اشوف سعيد واجي
الجد : تعالي سعيد مو فيه طلع يقول معزوم
منى: زين يلا ..

10 - 1 - 2022, 01:24 AM

كل الشكر والامتنان على روعهـ بوحـكـ
وروعهـ مانــثرت .. وجماليهـ طرحكـ
دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

لكـ خالص احترامي

10 - 1 - 2022, 01:36 AM

مشاركة رائعة
إبداع في الطرح وروعة في الإنتقاء
وجهداً تشكرين عليه
دمتي رائعة الطرح وافرة العطاء
أكاليل الزهر أنثرها في صفحتك
مع خالص تحياتى وفائق تقديرى

10 - 1 - 2022, 04:43 AM

منورين حبيباتي

10 - 1 - 2022, 04:44 AM

.... 6 .....

عند عادل ونواف دقوا الباب وفتحوا شافوا فيصل واقف عند الزريعه قربوا وهم يدرون انه ضايق
عادل : فيصل
لف فيصل وهو يناظر بطرف عينه : نعم
عادل : انا اسف ماكان قصدي اضيقك بس انت عارف الحقيقه يعني خالتك مره مالها حلو مهما حاولنا نحبها وضعها مزري
تنهد فيصل وهو يقول بضيق : ي عادل ي عادل هي مالها غيرنا اذا ما تحملناها احنا من بيتحملها ماعليه مافيها شي اذا تصرفت شوي تصرفات ي عادل هاذي اللي بقت لنا من امي مالنا اي حل الا نحبها ونداريها وهي ما تتصرف كذا الا لانها تمون علينا فهمتني تعدنا مثل عيالها .. صد لما تقطع كلامه : اقل شي عشان امك تحملها
سكت عادل وهو يقرب له حط يده على كتفه : خلاص انا اسف روق انت وبعدين انا قلتها كذا والا مستحيل اتخلى عنها
فيصل مارد عليه بس اشر له بمعنى خلاص نواف قرب وهو يقول : فصول خلاص روق والله مو حلو وانت زعلان
ابتسم فيصل وهو يلف اتجهه لسريره وهو يقول : زين خلاص انقلعوا بنام
نواف : بنام معك
انسدح فيصل وهو مطنش جاء نواف وهو ينسدح بجنبه عادل سكر النور وراح بالجهه الثانيه وانسدح وهو يدري ان فيصل اكيد بيرضاء اذا جو معاه
عادل: غريبه عمتي ما رتبت هالحوسه
فيصل تذكر سالفة عمته مع البنات : انا جيت وأشغلتها وما لحقت
عادل : اها
محد كان يتكلم غير نواف اللي يشرح وش صار معاه بالمدرسه اما عادل اللي نام وفيصل كان يسمع لنواف ويضحك على كلامه
ظيمنع
ظيمنع
عند أديم رجعت لبيتهم وهي تناظر بكل سياره تمر عندها احساس انها بترجع تلتقي بفيصل لكن خاب ظنها لما وصلت البيت دخلت وهي تنزل عبايتها اعطتها لشغاله ودخلت لأمها اللي كانت تنتظرها هي ومروى ومشاري وعياله وابوهم وزوجة مشاري
اديم : سلام
الكل رد : وعليكم السلام
اديم اتجهت لابوها وهي تبوسه وامها ومشاري وزوجته وعياله جلست وهي تبوس مروى : ما بقى الا انتي
مروى ابتسمت
مشاري : ماشاء الله عليك مزاجك عالي وانتي توك جايه من دوام وقرف
اديم : ههههه قول ماشاء الله
رويده زوجة مشاري : انتي وش بك موسوسه قال ماشاء الله
ابو مشاري : ايه مافيها شي بعد يذكر الله
ابتدو يتغدون واديم تسولف وتسولف وهي اللي صوتها بينهم كلهم وهي مو متعوده انها ما تسولف وتضحك ع الاكل والكل يكون مستمع
ظيمنعظيمنع
ظيمنع
ع العشاء في بيت ام رامي اللي كانت تطبخ العشاء ووسن مجهزه نفسها ع الاخر وهي اللي يشوفها يقول بيجي زوجها
سمعوا صوت الجرس ركضت وسن وهي تفتح باب بحجاب وجوده وعدمه واحد دخل فيصل اللي متعود على منظر وسن هذا
فيصل : سلام كيفك وسن
وسن بدلع يفجر المراره : بخير دامك بخير
ابتسم فيصل : وينها خالتي
وسن: بالمطبخ ادخل الحين اناديها
فيصل : لا لا بروح لها
تقدم فيصل ودخل لخالته وهو مبتسم وصوته الضاحك بكل البيت : سلام ي برنسيسه
لفت ام رامي وهي تضحك : هلا ي حبيبي هلا حي هالصوت
تقدم فيصل وهو يضمها كعادته ويبوس راسها: كيف الحلو
ام رامي: بخير دامك بخير وينك ي امي من زمان ما جيت لازم يعني ندق عليك
فيصل : والله ي خاله اني مشغول ووقتي يركض ركض ي دوب اطلع بشغلي وارجع البيت
ام رامي : واخوانك هذول ما كأن عندهم خاله الواحد ما يكلف نفسه يرفع السماعه اقل شي
فيصل بضيق : ما علينا ي خاله الناس مشاغل عادل من اسبوع مسخن وحالته حاله ونواف طول الوقت مع ابوي وغير كذا وش نبي بالعتاب تعالي بس خلينا نسولف
ام رامي : بنزل لك الاكل عشان تتعشى وتقدر تروح لجدك احسن ما تقوم منوه عليك القيامه اعرفها تدور الشر
فيصل: يالله ي خاله لا تزعليني تكفين وانتي تعرفين ان عمتي طيبه وتنحب ولا ارضى عليها الكلام
ام رامي : زين زين روح غسل واجلس وبنزل الاكل واجي
راح فيصل يغسل وهو راسه مصدع من كره عمته وخالته لبعض وهو ضايع بالطوشه نزل يغسل وجهه بس فز لما حس بأحد يمسح على ظهره لف وهو مرعوب : وسن وش تبين
وسن : جيت اساعدك
فيصل صد : مو محتاج مساعده
وسن : فيصل انت ليش كذا فيصل افهمني الله يخليك انا احبك فيصل
توتر فيصل من كلامها وهو ما عمره عدها الا اخت مسح جبينه وهو يقول : وسن الله يسعدك بطلي هالكلام انتي تدرين انك عندي اخت ومستحيل نتعدى هالمفاهيم طيب وأبعد قبل تصير مشاكل ..
طلع وتركها وهو مايبي اي احتكاك سلبي مع وسن طلع لخالته اللي كانت ع السفره جلس وهو ساكت وابتدا ياكل مع خالته اللي كانت تسولف وهو يرد عليها ويضحك بعد شوي جات وسن اللي جلست قباله

.... 7 ....

وصارت بس تناظر فيه لدرجة انه ما عرف ياكل
ام رامي : فيصل يمه وش فيك كل ما اكلت شي
فيصل: لا لا كذا خلاص ي خاله والله كثير
ام رامي حاولت فيه ياكل بس خلاص انسدت نفسه اخذ شوية على نظرها وبعدها قاموا وجلسوا لشاهي بس فيصل ما طول وطلع وهو مو طايق الجلسه واول مره تصير معاه مو كره لوسن بس خوف انه يكسرها وبعدها يخسر خالته اللي بقت من ريحة امه ومايقدر يفرط فيها ويحس انه اذا زعلها بتزعل امه
ركب سيارته وبوجهه لبيت جده
ظيمنعظيمنع
ظيمنع
في بيت الجد الكل كانوا موجودين بديوانية الجد وازعاج اخر شي دخل فيصل وهو يقول بصوته الجهوري: سلاااااااام عليكم
الكل رد السلام وتقدم فيصل وهو يضم جده : وحشتني ي شايب
ضحك الجد : واضح اني وحشتك وانت ماتدري عني اصلا
فيصل يمثل الصدمه : افا والله افاااا انا مدري عنك انت هنا بقلبي والله بقلبي ما انساك وبعدين كيف تقول انا مدري عنك وانا تو امس بالليل محاكيك
منى جات من وراه وهي تشد شعره: ما يمديك ي ابوي عليه رره ما يمديك يأكل قلبك باللسان المعسول
ضحك فيصل وهو يلف عليها ويبوسها وراح يسلم على عمه ابو محمد اللي كان قالب خلقته فيه وتوجه لمحمد ورائد يسلم عليهم
في الطرف الثاني كانت نسرين تراقب عادل وهو جالس بهدوء مو مثل فيصل اللي من اول ما دخل وصوته بكل المكان ولا سكت
ابتسمت بخفه على روقانه ودعت بقلبها ربي يكتبه من نصيبها
اما فيصل جلس بجنب جده وهو يسولف معه لكن قطع كلامه صوت ابو محمد اللي قال : فيصل
لف فيصل بضيق : لبيه
ابو محمد : امس بالليل وش كنت تسوي بمواقف السيارات
عض فيصل على شفته وهو فاهم قصد عمه : اخذت اغراض من السياره
ابو محمد : بس ماكانت سيارتك هناك
فيصل : من سيارة عادل
ابو محمد : وانا شفت بيدك زقاره
الكل لف لفيصل ويناظرونه ناظر فيصل في عمه بقوه : ايه وش فيها اذا كانت بيدي زقاره
لف ابو عادل بقوه وهو اللي طول عمره يحرص ان ما يكون واحد من عياله يدخن : وش تسوي بالزقاره ي فيصل
فيصل اللي تورط لكن مستحيل يبين وخصوصا ان عمه احرجه بين الناس الكل كان يناظر فيصل اللي كان يتكلم ببرود يقتل : وش يعني بسوي فيها يعني
منى بصدمه: تتدخن ي فيصل
فيصل ماكان قدامه الا انه يقول انه يدخن في النهايه ما يقدر يكذب عمه والا بتقوم القيامه : يعني ما اتوقعها مصيبه
وقف ابو عادل بقوه وهو الشر يطير من عيونه : تبي تذبح نفسك انت
مسكه ابوه وهو يقول : ي طلال تعوذ من ابليس وادحر الشيطان مو وقت المحاسبه الحين اجلسوا وتعوذوا من ابليس
ابو عادل اللي يفور كان ناقصه ان فيصل يدخن كان مطول باله عليه بس خلاص هنا وبس ماقدر يجلس ابد
فيصل اللي ابد ما اهتم ورد على عمه بكل قوه : هذا مو شغلك ادخن اسكر وبعدين من اللي عينك علي عشان تراقبني كنت ادخن والا اتسمم والا انت مخلوق عشان تنكد بس
هنا صرخ ابو محمد : ماباقي الا انت ي الصعلوك تطول لسانك علي هاذي تربيتك ي طلال
هنا انفجر ابو عادل اللي ما حس بنفسه الا ويده تنطبع على وجه فيصل وشهقت منى اللي جات تركض وهي تسحب فيصل عن ابوه اللي كان معصب : الله يسامحك ي طلال هاذي مو طريقه
ابو محمد : لا والله محد وداهم بستين داهيه الا دلعكم لهم
الجد : خلاص ماعاد لوجودي احترام
الكل كان اخذين موقف من التدخين بسبب ان لهم عم توفى والسبب الدخان والسرطان فصار الدخان موت بالنسبه لهم وفيصل اول واحد يطلع يدخن ومن هاللحظه ابتدت منى تبكي وفيصل اللي ضاق وطلع وهو وده يتوطى في بطن عمه
رائد فز بيروح وراه بس صرخ فيه ابوه : وين رايح انت انثبر مكانك باقي تدخن لي مثله وترد علي الكلام
وقف عادل اللي ما رضى على اللي صار : كان فيك ي عمي تسكت وتناقشه بينك وبينه ماله داعي هاللي صار كله
ابو محمد : باقي تعلمني شلون اتكلم انت
عادل : مافيها شي لو علمتك مو احسن من اللي سويته
الجد : ي عادل اجلس خلاص
ابو محمد : عجيب والله
ابو عادل وقف وهو يقول : نواف عادل يلا
الجد : طلال وين رايح اجلس باقي ما تعشينا
ابو عادل : دايمه يبه دايمه
طلع ابو عادل ومعه عياله وهو معصب من كل شي صار معه والكل تضايق
ابو محمد اخذ عياله وراح لبيته وجلست منى اللي كانت تبكي وتدعي ان ربي يفك فيصل من الدخان اللي هو الموت البطي
ظيمنعظيمنع
ظيمنع
في بيت ابو عادل دخل ابو عادل ويتنهد بتعب جلس وهو يقول : نواف اعطيني مويه
راح نواف يجيب المويه وجلس عادل وهو يقول : يبه الله يهديك اللي سويته غلط ..

.... 8 .....

ابو عادل : وش تبيني اسوي اضمه واقول برافو
عادل : لا بس انت تدري فيصل مايجي معاه عصبيه وصراخ وعناد وتدري انه بيعاند اكثر وممكن ما يتركه
ابو عادل: وش اسوي يعني
عادل:اطلع له الحين كلمه بهدوء لا تعصب ناقشه كويس اعطيه كلمتين في العظم بس بهدوء وحسسه بغلطه انت تعرف فيصل حاول تجيه من نقاط ضعفه
جاء نواف معاه المويه اخذها ابو عادل وشربها ووقف وهو يستغفر ربه طلع ونواف وعادل يراقبونه بضيق وصل غرفة فيصل كانت هدوء وهذا مو من اطباع فيصل دخل وشاف فيصل جالس مقابل الزريعه تقدم وسكر الباب وهو يقول : فيصل
فز فيصل والتفت لابوه بضيق :نعم
تقدم ابو عادل وهو يجلس ع السرير : تعال اجلس هنا
جلس فيصل قبال ابوه : امر
رفع راسه ابو عادل وشاف طبعة يده ع خد فيصل اوجعه قلبه وهو اللي ما تعود يضرب عياله غمض عيونه : فيصل انت تدري عمري ما ضربتكم ولا مديت يدي عليكم الا انكم على غلط وانت تدري بعد انك غلطان مليون بالميه بس ابي اسالك سؤال وجاوبني عليه بصراحه ليش دخنت وش اللي حدك على الدخان
ومن متى تدخن
فيصل : كان فضول وبعدها تورطت ما قدرت اتركه من ستة شهور تقريبا
ابو عادل وهو يحاول يكتم غضبه : فضول ايش ي ابوي فضول ايش هذا موت موت انت كذا ترمي نفسك للموت على العموم انا ما بحاسبك عليه لان الموضوع ابتلاء وانتهى الموضوع لكن اللي ابيه منك انك توعدني تتركه وانا مستعد اساعدك فيصل انت تدري اني مستحيل اتحمل ان يصيبكم شي او اشوفكم تضرون انفسكم واسكت انتم اللي طلعت فيكم من هالدنيا مستعد احط اللي وراي واللي قدامي عشانكم ابيك ي ابوي تنتبه لنفسك لا تذبحني من الخوف عليكم
فيصل : بعيد الشر عنك يبه
ابو عادل : مابي كلام ي فيصل ابي فعل
فيصل بضيق : ابشر
ابو عادل : الدخان وانتهينا منه وانا واثق انك ما بتضيقني وبتتركه لكن الحين بنجي لطريقه اللي كلمت فيها عمك من متى ربيتكم انا كذا من متى وانتم تردون الكلام وتتلفظون على عمكم
فيصل : انت شفت شلون تكلم وماقدرت امسك نفسي
ابو عادل تكلم بحده : هذا عمك بمثابة ابوك ما تكلمه كذا له احترامه مهما سوا سامعني
سكت فيصل ولا رد رجع ابو عادل يعيد كلامه بصرامه : إياني واياك اسمعك تكلمه كذا مهما صااار له منك حاضر وامر ولبيه وقلت الادب اللي صارت اليوم مابيها تتكرر
فيصل بحقد : ان شاء الله
وقف ابو عادل : اتمنى انك ما ترجع تخليني افقد السيطره على نفسي ثاني مره ولا تعرضني للكلام من اي احد
فيصل وقف وهو يبوس راسه : تبشر بكل خير
طلع ابو عادل وترك فيصل اللي تفجر صدره من الحقد على عمه التفت على جواله اللي يرن بأسم رائد طنش ولا رد لانه مايبي يتكلم ويزعل رائد
ظيمنعظيمنعظيمنع
ظيمنع
من بكره الصبح عند اديم اللي صحت من الصبح وجهزت ونزلت تحت حصلت اهلها كعادتهم موجودين ع السفره قربت وجلست ومثل ماهم متعودين عليها ابتدت تسولف وتتكلم
مروى: انتي ما يوجعك حلقك من كثر ما تسولفين ولو مره انزلي واجلسي بدون كلام
اديم بطرف عين : شدخلك انتي خليني اسولف مع امي وابوي
ابو مشاري : اصلا الفطور او الغداء اللي ما تسولف فيه اديم ما يتعبر
ام مشاري :معك حق مدري شلون بتتزوجين وتروحين وتتركينا
اديم :ههههههه وش دعوه يمه
ابو مشاري : ههههه الود ودي ما ازوجكم لكن وش نسوي سنه الحياه
مروى : انا عني بعنس ارتاحو مابي اتزوج
ام مشاري :وانتي اديموه
اديم : انا عني اول من يتقدم بتزوج ياخي بشوف حياتي هههههه
ابو مشاري :هههههه من الاخير
ام مشاري : ايه بنتك هاذي ما تستحي ولا تخاف اللي مثلها تقول بجلس مع ابوي مع امي لكن وين
اديم قربت وهي تبوس خدها: لا تخافين بزوركم كل يوم
ابو مشاري : مصره ع الزواج هاه
اديم :ههههه ايه
وقف ابو مشاري وهو يضحك : الله يكتب لك النصيب الحلو ي ابوي
وقفوا البنات وطلعوا اللي راحت المدرسه واللي توجهت للجامعه
ظيمنعظيمنع
ظيمنع
عند فيصل اللي ما نام ولا قدر ينام مقهور من عمه بشكل مو طبيعي وقف وهو يلبس ع اساس يروح الجامعه حس بالباب ينفتح وكانت عمته اللي دخلت وهي متوقعه تحصل فيصل نايم بس تفاجأت انه صاحي : فيصل
فيصل لف لها : اهلا ي عميمه
منى : غريبه صاحي فيك شي يوجعك شي
فيصل : لا عادي ماجاني نوم وقلت اعفيك من صراخك عشان تصحيني
ضحكت منى : ايه زين تسوي لكن ليتك عفيتني من ترتيب هالكركبه
فيصل رفع يده : والله حاولت اني ما اكركب بس ما قدرت
منى : زين زين انزل يلا ابوك واخوانك ينتظرونك من ساع ع الفطور
فيصل : زين ..

.... 9 .....

�� @storykaligi ��

نزل فيصل ببتسامة قهر جلس وهو يبوس راس ابوه وابتدأو يفطرون نزلت منى وهي بيدها السله ومليانه ملابس: فيصل وش ذا والله لو انك عريس ما ظل بالدولاب ملابس
فيصل لف وهو يقوم يساعدها بضحك: ياليت والله اصير عريس ي عميمه
عادل:ههههه انت همك الوحيد الزواج والحريم
فيصل : هههههه والله حلوين ي اخي
ابو عادل : هيا اتخرج سريع عشان ازوجك
فيصل ترك السله بضحك وهو يركض وياخذ مفتاح سيارته : تبون شي انا رايح الجامعه
نط نواف وهو يركض معاه :خذني معك بتخرج انا بعد واتزوج
عادل :ايوه ما دام كذا خذوني معاكم انا بعد
ابو عادل وقف : هههههه لو داري من زمان قايل
فيصل : البركه بعميمه
ابو عادل : يلا يلا على دواماتكم
منى: ابو عادل انتظر شوي بكلمك بموضوع
الكل لف عليها واولهم فيصل ابو عادل : زين
منى: يلا انتم شتنتظرون على دواماتكم
نواف : ننتظر ابوي
منى: بيتأخر لا تنتظرونه
فيصل نغزه قلبه وقال: يلا يلا ما معنا وقت ورانا زواج
اخذ اخوانه وطلع وهم مستغربين عادل : فيصلوه عمتك اكيد بتزوج ابوك ليش طلعت
فيصل ركض وتركهم وراح من ورا ودخل من الباب الخارجي وهم معاه جلس وهو يتنصت عليهم ابو عادل : امري ي منى وش فيه
منى : انت تدري ي طلال ابتديت ادور لك على بنت الحلال اللي تناسبك وصراحه لقيت وحده عاقله واهلها طيبين وهي وكيلة بمدرسه ومصليه ومسميه واكيد مابتشوف منها انت وعيالك الا كل خير وانا اعرفها معرفه شخصيه وعمرها ظ£ظ¥
ابو عادل : والله ي منى انا تفاجأت ما توقعتها بهالسرعه انا ماني عارف والله انتي تشوفينها مناسبه
منى: انا اشوفها مناسبه ابوي بعد
ابو عادل : ابوي عرف
منى: انا كلمته وكان بيقولك بس انت عارف وش صار امس
ابو عادل: بيني وبينك ي منى مدري وش اقول احس اني متردد
منى: وشو له متردد
ابو عادل : يعني لو ناخذ راي العيال مو احسن
منى: انا ما اشوف له داعي في النهايه مابيعارضون لانهم يبون راحتك
ابو عادل : قولك
منى: ايوه
ابو عادل : توكلنا على الله
منى : اجل اسمع الليله بنروح نشوفها ونتفق معها
ابو عادل : انتي مستعجله حيل ي منى
منى : خير البر عاجله ي طلال وانتم مو صغار وبعدين احنا مانبي طقطقه وحفلات كتب كتاب وينتهي الموضوع اليوم تشوفها وبعد اسبوع تتزوجها اذا ربي كتب نصيب
ابو عادل وقف : الله يكتب اللي فيه الخير خليني اطلع لدوامي والظهر نتفاهم
عند العيال انجلطو واول واحد فيصل طلعوا بسرعه قبل يجي ابوهم ويشوف السيارات وكلهم كانوا بسيارة فيصل
عادل : فيصل وش بتسوي
فيصل : ضروري نخرب كل شي
نواف: كيف اليوم يروحون يشوفونها
فيصل : مدري انتم روحوا واتركوني افكر وش بنسوي عشان نمنع ابوي من الروحه لهم
عادل: مدري متى امداها عمتي تخطط
فيصل : عمتك ما يصعب عليها شي المهم يلا يلا كل واحد لدوامه
تفرقوا وكل واحد راح لدوامه كمل فيصل طريقه للجامعه وهو يفكر وش ممكن يسوي وقف بالاشاره المعتاده نزل الشباك وهو يشعل زقارته
ظيمنعظيمنع
ظيمنع
عند اديم اللي كانت واقفه بنفس الاشاره وتفتش على جوالها رفعت راسها وهي تشم ريحة الزقاره ضحكت بصدمه وهي تشوف نفس الشخص اللي امس ( مو معقوله الصدف مستحيل ) تنحت تناظر فيه شافته باين انه يفكر ويفكر تركت كل شي بيدها وجلست تناظر فيه كانت تمشي السيارات واديم حريصه انها ما تضيع سيارته بس للاسف ضاع مابين السيارات ضربت المرتبه بقهر وهي نفسها تعرف وين رايح كل يوم عندها فضول عشانه بشكل مو طبيعي لكن سرعان ماصرخت لما شافته واقف قبال سوبر ماركت قالت لسواق يوقف هناك ع اساس بتاخذ شي من السوبر ماركت نفسها تشوفه كذا نزلت وهي ترتجف اول مره تسويها بس جذبها دخلت وهي تتلفت شافته واقف وهو يدور على شي شوي شافته اخذ اغراض وراح يحاسب سحبت اي شي وراحت تحاسب بعده وهم واقفين بالدور كان فيصل يكلم عادل : اسمع حاول تطلع بدري وانتظرني قبال البيت لا تدخل بلا ما تشوفك عمتي حصلت خطه مجنونه وانت الضحيه
عادل : وشو وش ضحية فيصل لا تجيب العيد الله يرحم والدينك وش السالفه
فيصل : ولا شي ارتاح ما بيصير شي خطير بس عشان نشغل ابوك عن موضوع الزواج
عادل : طيب وشو
فيصل: خلص الحين واطلع وانا بوصل الجامعه اسجل حضوري واطلع
سكر فيصل وسط ذهول اديم اللي كانت خلفه وتسمع وطقت مرارتها الا بتشوف وش بيسوي وليش ابوهم بيتزوج لف وهو يناظر وراه واختبصت اديم وهي تلف يمين رجع يناظر قباله ورجعت اديم تناظر له وحاسب وطلع

.... 10 .....

وطلعت بعده لفت تدور عليه وصرخت لما شافته وراها ضحك فيصل وهو يقول : بسم الله عليك انا اول مره ادري اني اخرع وبشع
اديم انخلع قلبها ولفت وهي تدور لسواق شافته وركضت ونست اغراضها كانت من سرعتها حطت البوك تبعها في كيس الاغراض ولما خافت ركضت ونست الكيسه باللي فيها ركبت وهي تقول : سردار روح جامعه سريع
حرك السواق بسرعه وراح وهي قلبها يدق وبكت من الخرشه وهي تلعن نفسها على اللي سوته
ظيمنعظيمنع
ظيمنع
عند فيصل اللي كان واقف ومبتسم ولا يدري وش فيها هالبنت اصلا ماعرفها نزل للاغراض وهو يشوفها كانت مويه وشوية شوكلت لكن معها بوك قطب حواجبه واخذ الاغراض وراح لسيارته تردد قبل يفتح البوك بس في النهايه فتحه شاف فلوس اوراق وبطاقات وصورة لرجل كبير بالسن ولواحد شباب شاف بطاقتها الجامعيه وكان مكتوب : اديم سلمان ال جاسم
ابتسم : اي والله حليو اسمها واضح انها مزه عسى يكتب لنا حظ معاها
جلس يفتش بالبوك وشاف ارقاام كثيره احتار اي واحد رقمها. دق على اول رقم وهو ينتظر رد عليه صوت بنت خايف ومرعوب عرف انها هي وما حب يخوفها زياده : لو سمحتي انتي اديم
اديم ارتجف قلبها ولا قدرت ترد لا إرادي بكت تكلم فيصل بسرعه وهو مايبيها تبكي : لا تخافين انا بس ابي اعطيك البوك تبعك طاح منك بالسوبر حصلت الرقم واتصلت كنت بقول اني بتركه في السوبر وانتي خذيه
سكر وهو ضايق من صوتها وهي تبكي ما يحب احد يبكي وبالذات اذا كان هو السبب نزل وهو يترك لها اغراضها عند الكاشير وراح لجامعته
ظيمنعظيمنع
ظيمنع
عند اديم رجعت وقالت لسواق يروح يجيب الاغراض واخذتها وراحت للجامعه كانت خايفه من كل اللي صار وندمت انها نزلت وراحت وزين انه ما سوى لها شي او هددها بأغراضها واوراقها الرسميه وصلت للجامعه دخلت وراحت لدورات المياه وهي تضبط مكياجها كانت فيها فرح انه طلع كويس وماهو نذل وخايفه من اللي سوته فتحت بوكها وتأكدت من اغراضها وراحت سيده لجوالها وحفظت رقمه كذا بس تبي تحفظه عندها راحت لروان وسحبتها من بين البنات وهي تقول : الحقيني الحقيني
روان : وش فيك
اديم : سويت مصيبه وبغيت اروح فيها بس الحمدلله
روان : وشو
اديم حكت لروان اللي انجلطت منها : صاحيه انتي صاحيه كيف تروحين وراه ولا ونزلتي معاه لسوبر زين انه ما انتبه لك اولا قال هاذي فاسده ودور الشر احمدي ربك انه طلع ابن حلال ورجع اغراضك وبعدين من متى وانتي عندك هالحركات هاااه
اديم : قصري صوتك وجع والله ماكان قصدي كنت بشوفه كذا من قريب مدري ليش احس يهمني
روان: اديموه وجع ان شاء الله امداه يهمك توك امس شفتيه شوفيني زين جنانك هذا فكينا منه بلاش تتورطين معاه وقتها لا انا ولا الدنيا بيفكونك سامعتني وربي لو ماتعقلين مايصير طيب
اديم : زين اصلا تبت خلاص والله ما اعيدها بس تدرين نفسي اعرف وش بيسوي في اخوانه
روان شهقت : انتي باقي تفكرين اديم دامك اهتميتي كذا اكيد انك خلاص رحتي وطي وش دخلك فيه وفي اخوانه وابوه هاااه ولا هاويه مشاكل وشقا
اديم :اوف خلاص عاد انتهت السالفه
سكتت روان وهي تستغفر واديم بعد خايفه بس نفسها تعرف وش بيصير
ظيمنعظيمنع
ظيمنع
عند عادل اللي قضى من شغله ورجع للبيت وهو خايف من اللي بيسويه فيصل بس ما دخل وجلس ينتظره بالسياره كلها شويات وجاء فيصل اللي كان معاه اغراض
عادل : وشو وش ذا
فيصل : تعال تعال اجلس اشرح لك
جلس فيصل وهو يشرح لعادل وقف عادل : نعم وش قلت وش قلت لو تموت لو تموت
فيصل : عويدل عديها عاد بعدين من تبي يكون
عادل : ليه ما يكون انت
فيصل: اوووف منك انا بجلس عشان اخرب من جهه ثانيه واذا حصل اي شي اقدر اتصرف
عادل : طيب نواف ابوي بيخاف عليه اكثر
فيصل: نواف صغير وخواف وبعدين نواف مجهز له شغله غير
عادل بصدمه : وشو
فيصل: يوه مو وقت اسألتك
عادل : فيصل انا وراي دوام
فيصل : عادي عذر ما بتموت
بالقوه اقنع فيصل عادل يوافق ع الخطه وما نقول انه اقنعه تماما اقتنع شوي بس نزل عادل وفيصل راح يجيب نواف من المدرسه
ظيمنعظيمنع
ظيمنع
عند رائد كان يدق على فيصل ولا يرد عليه ويدري ان فيصل ضايق من سوات ابوه فيه ورائد ما حب اللي صار وكان يدري ان فيصل يدخن بس مابيده حيله رمى الجوال بالمرتبه اللي جنبه وكمل طريقه لبيتهم اللي كان بجنب بيت عمه وجده
ظيمنعظيمنع
ظيمنع
في بيت ابو مشاري الكل كانوا ع السفره ويستنون اديم تجي من جامعتها وكانت عندهم العمه سهام ومشاري دخلت اديم وهي ما تبي اي شي غير انها ترتمي في غرفتها وتفكر في هالفيصل

10 - 1 - 2022, 04:46 AM

.... 11 ....

خابت امالها لما شافتهم متجمعين قربت وهي ترد السلام وجلست بهدوء بعد ما سلمت عليهم وابتدت تاكل بهدوء
مشاري : غريبه ساكته وين الاحداث اليوميه
اديم ضحكت : اعطيتني عين
مشاري : ي سلااام على طول حطيتيها فيني
اديم : امس شقلت
ابو مشاري : وانتي وش فيك جلستي ولا قلتي شي
اديم بترقيع:ولا شي بس كنت ميته تعب حر
ام مشاري : زين سمي بالله وكلي
ابتدت اديم تاكل وهي بالها كله مع اللي صار معها بعد شوي وقفت وهي تقول : الحمدلله
لفت وراحت تغسل لحقتها مروى : اديم اشبك وش صاير معك
اديم لفت : ولا شي شفيكم علي
مروى: احسك غريبه
اديم : لا عادي بس مواصله ومصدعه اخر شي
سهام : لا تقولين مواصله جايه عشانك
اديم :ههههه ولا تزعلين بجلس معك ما بنام الا اقول اليوم مشاري غريبه ما جاب رويده وعياله
مروى : رايحين عند اخوالهم
اديم : اها
طلعوا لصالون اللي فيه ابوها ومشاري وامهم وجالسين قبال التليفزيون ومعاهم الشاهي
ظيمنعظيمنع
ظيمنع
عند فيصل جاب نواف ودخلوا البيت شافوا سعيد زوج عمتهم عندهم فيصل همس لنواف : يوه وش جابه ذا
نواف : اكيد جاي مع عمتي وانت ليش ضايق
فيصل : اكيد بيكشف خطتنا ويعل قلوبنا
نواف : انت ما قلت لي الخطه طيب
فيصل: انتظر نطلع فوق
منى : خير انت وهو وش بكم واقفين ادخلوا
فيصل : داخلين داخلين
دخلوا وسلموا على سعيد وجلسوا حضرت منى الاكل ولفت لهم :يلا تفضلو الغداء جاهز
فيصل همس لعادل : عويدل البطريق( سعيد) هذا وش جابه هنا
عادل : جاي مع عمتي
فيصل : اوف متى بيطس
عادل : مدري بس اتوقع بعد الغداء
جلسوا ع الغداء والكل كان ساكت وكل واحد ويفكر بشغله
منى : فيصل خير وش صاير ساكت اليوم
فيصل لف بتناحه: وليه لازم اتكلم
ابو عادل : مو لازم تتكلم لكن هالعاده غريبه عليك دايما تزعجنا بسوالفك اللي ما تخلص ونواف بعد وش صاير ليه ساكتين
فيصل : انا صرت ازعج خير ان شاء الله يبه خير من اليوم ورايح ما راح اسولف لكم ابد
نواف : وانا بعد
عادل : وانت اي شي يسويه فيصل تسويه
نواف : ايه
ابو عادل :ههههه لا لا ما نقدر صراحه ضروري كل يوم تقولون سوالفكم يلا
فيصل : والله اليوم ماعندي اي سالفه
منى: دام ما عندك سالفه اكيد انك داومت في الجامعه ودخلت المحاضرات
فيصل: هههههه اكيد
نواف : انا انا يبه عندي سالفه صارت اليوم هوشه
وكمل نواف يسولف وهو اخذه الحماس والكل يسمع له بعد الغداء تفرقوا ابو عادل راح ينام شوي ومنى وسعيد راحوا لبيت الجد اما العيال تجمعوا كلهم بغرفة فيصل
عادل : فيصل والله قلبي مو مطاوعني
زفر فيصل بضيق : يالله ي عادل ما بتموت اسبوع بالكثير وينتهي الامر بعدين وش بنسوي اذا قلنا تعبان واذا قلنا مسخن ما راح يأثر في ابوي ابدا بيقول خذلك بندول او قوم ي فيصل وديه المستشفى ويروح
عادل : طيب نقول نواف مريض ويبغاك جنبه
فيصل : يالله عادل وش بك
عادل : وشو
فيصل : نواف نحتاجه بشي ثاني
نواف وعادل :كيف
قرب فيصل وهو يقول : ماعليكم كيف ابي بس صمله
عادل : اوووف والله خايف
نواف :وانا بعد
فيصل : زين خلاص خلكم خايفين لما يجيب لكم زوجة ابو تمسح فيكم الاراضي وترمي كل واحد بأرض ووقتها قولوا حنا خايفين
سكت فيصل ولف وهو يمسح يده وكأنه مو هامه عادل ونواف فعلا خافوا عادل : زين خلاص بس بشويش
نواف: مدري وش بتسوي بس بشويش
ضحك فيصل ولف لهم وهو يبوس خدهم : ايوه كذا ما نبي خوافين
عادل : متى نبداء
فيصل : الحين نواف قوم تطير عند ابوي وابدا تشكى خلي كل شي بجسمك يوجعك طيب راسك معدتك رجولك يدينك خشمك كل شي ولا اوصيك قد ماتقدر تبكي ابكي واذا قال نروح المستشفى ارفض كعادتك وبعدين كأنك رايح الحمام وتعال هنا طيب وانتبه يكشفك
نواف : بس كذا تم
فيصل ابتسم واخذ نواف وطاروا لغرفة ابوهم وعادل وراهم راح نواف لابوه وهي يمثل بأحتراف : يبه يبه قوم
فز ابو عادل بخوف : نواف وش فيك وش صار
نواف وهو يغصب نفسه على البكيه: موجوع يبه بطني يوجعني
ابو عادل :من ايش يوجعك وش اكلت
نواف وهو يبكي بكذب : مدري يبه ما اتذكر بس مره يوجعني بطني وكل جسمي
ابو عادل وقف وهو محتار : وين يوجعك بالضبط
نواف : مدري كله يوجعني
ابو عادل : تعال تعال هنا انسدح لما اجيب دواء
ركضوا فيصل وعادل وهم يتخبون راح ابوهم يجيب الدواء وركض فيصل وهو ياخذ كاسة العصير ويصب فيها محلول وركض لغرفة ابوه عادل : فيصل وشو ذا ي حمار
فيصل: اش مو شغلك روح راقب ابوي .

.... 12 ....

عادل مسك فيصل بقوه: فيصل الله يهديك بلاش تسوي في الولد شي
فيصل : عااادل اتركني كبيته ي طعس ابعد الله يهديك خليني اخلص قبل يجي ابوي
عادل : اول قولي وشو
فيصل قرب من عادل وهو يعضه بقهر : اكيد ما بذبحه ي تيس ابعد
تركه عادل وهو يتألم وراح فيصل بسرعه لنواف وهو يبوسه: براع¤و عليك مضبوط لكن خذ هالعصير عشان تكمل
نواف بخوف : وش ذا
فيصل: سم وش يعني عصير اشربه
نواف :ليه
فيصل ضرب جبينه: نوافوه مو وقتك تستغبي عصير البرتقال يرفع الحراره شوي بس عشان ما يكشفنا ابوي
نواف :مابيصير لي شي يعني
فيصل انجن :نوافوه حبيبي انت اخوي ي شاطر معقوله اسوي فيك شي خذ اتسمم
نواف اخذ العصيير وشربه وهو خايف وقف فيصل وهو يبوس راسه : نوافو حبيبي انا اسف بترجع شوي ويمسكك بطنك بس لا تخاف مابيصير شي ينظف بطنك بس لا تقول لابوي
ركض فيصل ونواف انجن خاف جد وصار يبكي وهو مايقدر يقول لابوه شي فيصل اللي ركض لعادل اللي كان جاي يقوله ان ابوه جاء وصكوا ببعض وطاحوا وفزوا لما قرب ابوهم ورجع طاح عادل
وسحبه فيصل وهو يتخبون وراء الباب
ابو عادل دخل معاه الادويه وتوه بيقرب من نواف اللي بدت تتعكر معدته وطاح بالارض وهو يرجع انفجع ابو عادل وترك كل شي بيده وركض وهو يسند نواف اللي كان باقي يرجع (وانتو بكرامه)
ابو عادل : نواف نواف وش بك بسم الله عليك
نواف ماكان قادر يتكلم وركض للحمام وابوه وراه طلع فيصل وهو يهز راسه بضيق :الله يقرفك ي نواف
عادل ضربه على راسه :الله يقرفك انت وش مسوي بالمسكين فيصل والله لو فيه خطر بقول لابوي
فيصل سحبه وهم رايحين الغرفه : تستهبل انت تقول لابوي بعدين مافيه خطر بالعكس صحي مليون بالميه اخوك هالايام صاير يخربط بالاكل طايح بالمطاعم وزاد وزنه انا قلت ننظف له بطنه بس ساعتين ثلاث ويصير زي الفل لا تخاف
عادل : ي ويلي منك ي فيصل انا مدري وش باقي بتسوي فيني
فيصل : تعال معي بس ع اساس بنشوف وش فيه نواف
ركضوا لابوهم اللي كان ورطان بنواف اللي كان ماسك وصية فيصل ورافض يروح المستشفى
عادل : يبه وش فيه
ابو عادل : مدري وش صار له ولا هو راضي يروح المستشفى
فيصل : اعطيته دواء يبه
ابو عادل : لا ما امداني
فيصل : وين طيب الدواء
ابو عادل : ما راح يشرب الدواء الحين
نواف كان نازل بكي وترجيع فيصل : يبه انادي عمتي
ابو عادل : لا لا اخاف تفجعها
سكتوا فيصل وعادل وهم يراقبون نواف اللي كانت حالته يرثاء لها سحب عادل فيصل وطلعوا برا: فيصلوه الولد مات من كثر ما رجع اخف يأثر
فيصل: اوف اوف قلت لك بخير وبعدين هذا محلول طبي طبي
عادل :من وين جايبه
فيصل : من عند عساف
عادل حط يده ع راسه : لا ي ربي راح اخوي ما لقيت الا عساف اللي داخل الطب الا بدعوة والدينه
فيصل : لا ملعليك انا سألت وتأكدت ماني بخبل
عادل : مدري والله لاول مره اخاف
فيصل : لا تشغلنا انت وتعال ( عساف صاحب فيصل نفس الطينه وكل شي اكثر انسان يعرف بنات في الحياه ومشبك نص الرياض وداخل الطب مايدري وشلون دخله فاغر بكل ما تحمله الكلمه وعمره ظ¢ظ¤)
ظيمنعظيمنع
ظيمنع
عند رائد كان بغرفته وضايق حيل نفسه يروح لفيصل ويعتذر له عن اللي صار من ابوه بس يدري انه بهالوقت بيكون نايم لف على دق الباب وكانت نسرين : رائد
رائد :نعم
نسرين : اخوي انت الله يسعدك ابيك كذا توديني السوق
رائد لف لها بضيق : انتي وبعدين ما تملين من السوق قولي لي ما تملين
نسرين : رائد والله هالمره ضروري يعني اذا ما وديتني انت من بيوديني الله يخليك
رائد : نسرين نسريييين نسريييين انا شياطين الانس والجن كلهم فوق راسي ابعدي واتركيني
محمد دخل : خير وشوله شياطين الانس والجن متجمعين وش فيك
رائد : اوهوه كملت
نسرين :انت ليش مكبرها ؟
رائد : لان مالي خلق اسواق من النهايه
محمد : والا زعلان عشان فيصل
رائد : ايه زعلان عشان فيصل وش تبي
محمد : ابي افهم وش اللي تشوفه فيه واحنا ما نشوفه
رائد :مو لازم تشوفون شي بس ابعدوا عنه
محمد : استغفر الله وانت اخذت حتى الاخلاق وبعدين احنا وش سوينا له عشان نبعد عنه عمه وخايف عليه طبيعي وجدا بعد انه يهاوشه اترك حزازيات عنك
رائد: ماشاء الله خايف عليه وهو اللي احرجه قبال الكل كان فيه ياخذه بجنب ويهزاءه زي مايبي وانت تدري فيصل مايرد طلب لابوي ابدا رغم ان ابوي يضغط عليه
محمد : فيصل ما يرد طلب لابوي فيصل اكل ابوي امس والا عاجبتك طريقة كلامه مع ابوي

....13 ....

رائد : طيب ان فيصل تمادى لكن حط نفسك مكانه يعني يجي عمي طلال ويحرجك ويهاوشك وفوق ذا تنضرب من ابوك قبال الناس وش بتسوي اقل شي بتقول اللي قاله فيصل
محمد : زين ابوي غلط وفيصل بعد غلط لكن هذا مايعطيك الحق انك تقلب وجهك
رائد :فكنا بس
نسرين : اتركوا فيصل وابوي وقوم يلا
محمد : قوم تعوذ من ابليس واخذ اختك وديها
رائد :وليش ما توديها انت
محمد :انا ما حب الاسواق
رائد :هالمره حبه
محمد : رائد فكنا ويلا
وقف رائد بضيق بعد محاولات نسرين :يلا خلصيني
ركضت نسرين تجهز ورائد بعد يجهز اما محمد استاذن وراح
ظيمنعظيمنع
ظيمنع
في بيت ابو عادل كانوا جالسين فيصل وعادل وهم يسمعون معاناة ابوهم مع نواف وقف فيصل وهو يقول : عويدل يالله دورك
لف عادل برعب : فيصل امانه غيرها
فيصل سحبه وهو ياخذه الغرفه :خلك رجال الحياه تحتاج تضحيه
عادل : يالله وش ذا الابتلاء
فيصل :خلصني عاد اشوف رجلك
عادل جلس وهو يمد رجله وهو فيه بكيه من اللي بيسويه فيصل اعطاه فيصل الشماغ :عضه عشان ما تصرخ وتفضحنا
عادل : ي ويلي على حالنا منك ي فيصل
ما رد فيصل عليه وهو يرش الفليت على رجوله عشان تتخدر ولما حسها خلاص تخدرت جاب العصايه وهو مغمض وضرب عادل على رجله حس انها انكسرت خلاص وعادل عض على الشمااغ بقوه وهو يسحب شعر فيصل اللي كان ميت ضحك على شكله وبالقوه بعد عادل انجن : فيصل الله لا يوفقك رجولي اااااه ي فيصل
فيصل ابتعد وهو يضحك : عوديل اسكت لا تفضحنا وقوم معي شوي وصارخ على كيفك
عادل : وش باقي بتسوي حسبي الله عليك
فيصل سنده وعادل بسر يضربه ويعضعض فيه راحوا لدرج وقفوا وهم يسمعون ابوهم يقول :عااادل اركض نادي لعمتك بسرعه
فيصل ابتسم وهو يقول : يلا ع اساس رايح تنادي عمتي واتزحلقت وطحت
توه عادل بيتكلم الا دفه فيصل بشويش من الدرج وصرخ عادل وركض فيصل يتخبى طلع ابوعادل على الصراخ عادل وركض : وش فيك
عادل هنا انفجر يصرخ ويدعي ويسب وخصوصا ان راسه انجرح بعد من الدرج
رجع فيصل وهو يركض : عااادل عادل وش فيك وش صار
عادل :ااااااااااه رجولي يبه رجولي
ابو عادل بخوف : شلون طحت الله يهديك انا ناقصك الثاني
فيصل : عادل صار لك شي
مارد عادل اللي كان يصارخ من الم رجله فيصل : يبه بروح انادي لعمتي
ابو عادل : اركض وانتبه لا تطيح انت بعد
فيصل ركض وهو يحاول يخبي ضحكته طلع وشاف رائد ونسرين قباله رائد: فيصل وش فيك
فيصل : ابي اروح انادي لعميمه
رائد:ليش وش صار
فيصل: شكله ي رائد صابتنا عين
رائد: بسم الله ليش
فيصل : نواف تعبان وعادل طاح من الدرج واتوقع اتكسر
رائد: بسم الله ليش ذا كله
فيصل جالس ياخذ ويعطي عشان يمشي الوقت ويتأخر ابوه : مدري وش صار
رائد طالع لفيصل بشك وهو يدري لو اخوانه تعبانين بينجن وش فيه اليوم انتبه فيصل لرائد وغصب عليه ابتسم وراح وهو يحاول ما يبين عرف رائد ان الموضوع فيه شي ولف لنسرين : يلا
نسرين ماكانت معاه وهي خايفه على عادل وتراقب بيتهم رائد :يلا اشبك
نسرين :مابتروح تساعدهم
رائد : لا فيصل عندهم مايحتاجوني يلا
نسرين: اخاف يحتاجونك
رائد: نسرين امشي وخلصيني
ركبت نسرين وهي مستغربه من رائد وليش ماراح يساعدهم اما رائد بيموت ويعرف وش صار وفيصل وقف عند باب جده وهو يحاول يلقط نفسه ويوقف ضحك ويبين خايف خمس دقايق من استعداده ورفس الباب ودخل وهو يصرخ: عميمه الحقينا وينك عميمه
انفجع الجد اللي كان بالديوانيه وركض له: فيصل وش فيك
فيصل وهو يسوي انه خايف: وينها عميمه ابوي يبيها
الجد : وش فيه وش صاير
فيصل تعمد يقول عشان يحوسهم ويخوفهم: نواف تعبان مدري شصار له وعادل طاح من الدرج وتكسر تكسير وابوي يبي عميمه
الجد انفجع: لا اله الا الله وش ذا اللي صار اطلع لعمتك هذا هي فوق وانا رايح لابوك
فيصل ركض فوق وهو يتحلطم : ايه فرحانين هاه متجهزين بتروحون تخطبون ما اكون فيصل اذا خليتكم تهنون
وصل غرفة عمته وصار يدق البباب :عميمه
ركضت منى: فيصل وش فيك
فيصل انصدم منها كيف كاشخه ( بدري على الكشخه ي عميمه اذا ما حستها لكن طيب ): الحقينا الحقينا اخواني بيموتون
منى شهقت : وش فيهم وش صار توكم شزينكم
فيصل وهو يبالغ : نواف نواف ي عمه مدري شصار طاح من طوله فجاءه وحالته حاله مصفر ومزرق وبس يرجف وعادل انخلع عليه وطاح هو الثاني من الدرج وتكسر تكسير ودمه مطشر بكل مكان ابوي يقول تجين بسرعه ..

.... 14....

صرخت منى وركضت وهي تاخذ عبايتها ومفجوعه من كلام فيصل اللي كان يركض وراها وهو يقول ويضحك بخفى : ي ويلي عليكم ي اخواني الله يستر عليكم تكفى ي ربي توهم صغار على الموت
لفت منى عليه وعلى طول تغيرت ملامح وجهها لخوف : وجع ان شاء الله تفائل خير
فيصل اللي اخذ وضعه خلاص :من وين يجي الخير ي عمه عين عين وطشرتنا
منى انجنت وركضت لبيت ابو عادل ودخلت على صراخ عادل اللي ماسكه جده ونواف اللي يبكي عند ابوه والوضع مره متأزم
منى : يمه وش صاير ي طلال وش فيهم
ابو عادل كان خايف : مدري ي منى دخيلك تعالي شوفي نواف
الجد :خذوهم المستشفى خذوهم
نواف :لا مابي مابي
ابو عادل : ليه ي نواف ما تبي ليه
نواف اللي كان يناظر لفيصل اللي يغمز له : اخاف يبه اخاف
منى: نواف ي حبيبي ما بيصير لك شي
عادل دخل بصراخه : ااه راسي رجلي بموت بموت يبه الحقني
ابو عادل ؛ فيصل وجع قوم اخذه عشان نوديه المستشفى
قرب فيصل وهو يسند عادل وفيه ضحكه مو طبيعيه وابو عادل اخذ نواف وراحوا المستشفى اتصل فيصل على عساف وقاله يكون هناك ويستلم نواف عشان لا يكشفون المحلول
وصلوا المستشفى وراح فيصل ينادي عساف : عسافوه انتبه لا تخربط
عسااف: ماعليك خلها علي
فيصل: شد حيلك
اخذ عساف نواف وابتداء يكتب له تقرير من راسه وشوية مضادات على نظر ابو عادل
اما فيصل كان عند عادل اللي انكسرت رجله وجالسين يجبرونها وبس يدعي على فيصل
فيصل : عاااادل قضينا عمى بعينك قضينا
عادل: اي قضيت عاجبك اللي صار فيني
فيصل :مافيك شي وبعدين تكفير ذنوب
عادل: عسااااك ي فيصل بالزهايمر
فيصل شهق: وجع استغفر ربك
عادل : اخ منك وش اسوي فيك
ضحك فيصل وهو يبوس خده : مشيها ابو طلال وش فيك
عادل : والله والله لو تعيدها ثاني مره اذبحك
فيصل : ابشر
طلع فيصل من عند عادل وراح لابوه وعساف دخل وهو يشوف عساف شاد حيله ويتفلسف على ابوه لا إرادي باغته ضحكه قويه وطلع وهو يضحك بالقوه قدر يتماسك ودخل :سلام عليكم
الكل :عليكم السلام
فيصل: يبه شصار على نواف
ابو عادل : يقول الدكتور نزله معويه
فيصل لا إرادي لف يدور الدكتور واول ماطاحت عينه على عساف غمض وهو يحاول يمسك نفسه لا يضحك : يبه انا بجلس مع نواف روح لعادل
ابو عادل: زين
اول ما طلع ابو عادل انفجروا الاثنين ضحك عساف :ههههه حسبي لله عليك ابوك طلع فاهم اكثر مني بالطب جلست اسعى بالانقليزي اي كلام يمكن اقدر اقنعه
فيصل :هههههه عسافوه ما عرفتك وانت شاد حيلك وتتكلم قسم بالله واضح انك حمار
عساف : والله ماعمري عينت حاله ولا ادري عنها انا هنا تشبيك الف
فيصل : هههههه اخ ي ربي بس تعال تعال نشوف نواف شصار له
دخلوا لنواف اللي بيده السيروم قرب فيصل وهو يضمه: سلامتك ما تشوف شر
نواف : انقلع عني كله بسببك ذبحتني
فيصل: ماعليه كله عشان مصلحتنا وبعدين ماسويت لك شي مره بس نظفت معدتك
نواف :من قالك ابيك تنظفها
ضحك فيصل : ههههههه خلاص اسفين اخر مره
صد نواف وهو حاقد من قلبه على فيصل وفيصل يحاول يراضيه
ظيمنعظيمنع
ظيمنع
عند اديم اللي نست كل شي واخذتها السوالف مع عمتها واختها بعد ما راحت سهام طلعت اديم لغرفتها وفجاءه تذكرت اللي صار ونطت وهي تجلس سحبت جوالها وهي تدور على رقمه حفظته ودخلت الواتس تبي تشوف حالته لكن انصدمت وتجمدت اطرافها لما شافته كاتب (‏أذكِر صباح الخيّر وأذكِر مغيبك
‏وأذكِر وصايا ديِر بالَك على الحال.!
‏
‏ ( الله يرحمك يا يمه )
‏âپ§ماقدرت اديم تعبر عن صدمتها تذكرت كلامه لما يقول لازم نمنع ابوي من الزواج لا شعوريا بكت فقد الام مو سهل وابوه بيتزوج اكيد عنده اخوان صغار وخوات يبي يحميهم من زوجة الاب دخلت لصورة العرض اللي كانت بعد تعبر عن حزنه لامه ضاق صدرها نزلت الجوال ماقدرت ما تضيق مر عليها خيال سريع عن حياة فيصل تمنت لو تقدر تشوف كيف عايش تعوذت من ابليس وراحت تمسح دموعها : استغفرالله العظيم مسكين الله لا يحرمني امي ي رب
راحت لسناب وهي تدور على اسمه في جهات الاتصال حصلت له سناب سوت تسجيل خروج وصلحت حساب ثاني بأسم مستعار وضافته حدتث وشافته منزل صوره لواحد مكسوره رجله وراسه مضروب وكاتب ( ما تشوف شر عادل )
استغربت وتذكرت لما قال :انت الضحيه انفجعت :لا يكون هو اللي مسوي كذا

.... 15 .....

�� @storykaligi ��

كملت السناب وشافته مصور بزر وكاتب نفس الكلام نزلت الجوال بصدمه وهي تفكر لو هو اللي مسوي كذا بأخوانه او تمثيل حصلت له صوره ولقطتها وهي تتأمل فيه :معقوله يأذي اخوانه
احتارت وهي تناظره سكرت الجوال لما دخلت مروى : وش فيك انتي غريبه ترا
اديم : ولا شي
مروى: مدري ليه مو مصدقتك
اديم : والله عادي المهم تعالي تعالي نصلح لنا شي نشربه
ظيمنعظيمنع
ظيمنع
عند منى والجد اللي كانوا ببيت ابو عادل منى : يا ربي تأخروا
الجد : اجلسي اجلسي بيجون لا توترينا
منى : لا اله الا الله
شافت الباب ينفتح ركضت : طلال وش صاار
دخلوا وهم ساندين عادل وابو نواف معاه نواف : اصبري خلينا نرتاح
جلسوا وجات منى وهي تبوس راس عادل ونواف : سلامتكم ما تشوفون شر
الجد: وش قال الدكتور
ابوعادل : نواف قالوا معاه نزله معويه اما عادل مكسور رجله ومطوله على ما تجبر وراسه فيه ضربه
الجد : عادل انت خبل ما تعرف تنزل شوي شوي من الدرج
عادل: شسوي كنت خايف على نواف
نواف : يبه بطني يوجعني
منى فزت : لا يكون بترجع
فيصل :نوافوه بترجع
نواف : لا
عادل : اااي رجلي يبه
منى : ما بنجوها
عادل: لااااا ايييي
ابو عادل كان قلقان : فيصل خذ اخوانك لغرفهم يرتاحون
فيصل : زين
قرب لنواف وهو يغمز له
نواف : مابي اروح بجلس. معاك يبه انا خايف يبه الله يخليك خلك معي يبه تكفى
ابو عادل : روح فوق وانا بجي
نواف : مابي بجلس معك
منى: ابوك بيجي روح مع فيصل
نواف : لااااااا
ابو عادل تنهد : خلاص ي فيصل خذ عادل واتركه عندي
فيصل : طيب
اخذ عادل وطلعوا واول ما صاروا فوق جلس فيصل عادل على الارض وركض وهو يسمع لهم وش بيقولون
منى اخذت ابو عادل : طلال وش بيصير لناس احنا موعدنا معهم ظ© والحين ظ¨ ونص
ابو عادل : ي بنت الحلال وين اروح انتي شايفه الحال عيالي مرضى اروح واتركهم تبينهم ينجنون وبعدين مالي مزاج اصلا
منى : ي طلال فيصل عندهم
ابو عادل : فيصل حماار لو اخليه بيذبحهم
منى: يا ربي ي طلال طيب روحوا وانا اظل عندهم
ابو عادل : يوه ي منى والله مالي نفس اجليها بكره اتصلي وقولي بكره
راح ابو عادل وترك منى اللي ضاقت وهي ماتدري كيف تتصل على الناس
عند فيصل اللي وقف وهو يهز بكتفه وراح لعادل :تمممت
عادل: وش صار
فيصل : انا اول مره استانس اذا ابوي سبني المهم اليوم خلاص تم بس المشكله بكره وش بنسوي
عادل: فيصل انا اليوم طاح مني عشرين كيلو تكفى بكره هدي اللعب
فيصل : لين بكره يحلها حلال قوم اوديك ترتاح وبنزل احرس الوضع
عادل : حشى في حرب
فيصل : الواضح ان عمتك مالها نيه تعلن الهدنه
عادل : قوم قوم بس ودني انام
اخذه فيصل لغرفته وبعدها نزل تحت جلس وهو يراقب وضع عمته اللي ضايقه وتكلم ورجعت وهي تقول : خلاص
الجد: يلا اجل انا اخليكم بروح
منى : وانا بعد بروح اصلح لكم عشاء وارسله مع الخادمه
ابو طلال : ما تقصرين
راحوا الجد ومنى وظل ابو عادل وفيصل ونواف وقف ابو عادل وهو ياخذ معاه نواف وراحوا لغرفة نواف
اما فيصل جلس وهو يفكر وش يسوي بكره وقف وهو يدق على عساف : عسافوه وينك
عساف: ابد اتمشى وش بغيت لا يكون صار لاخوانك شي
فيصل : لا بعيد الشر بس ابيك تمرني في موضوع براسي ومالقيت له حل
عساف : يلا مسافة الطريق
سكر فيصل وجلس ع الدرج وهو يطلع زقارته وسرح يفكر وش بيصير وش بيسوي انتبه للي يدقه من وراء لف شاف رائد : فيصلوه وش فيك جالس هنا
فيصل ابتسم لرائد وهو يدري انه متفشل من سوات ابوه : جيت وجابك الله تعال الحين جاي عساف
رائد : اي وش سويت بأخوانك
لف فيصل وهو يضحك: شدراك اني سويت
رائد : اعرفك اقشر
ضحك فيصل وهو يحكي لرائد وش سوى رائد كان مجلوط تماما من اللي سواه فيصل : انت صاحي في راسك عقل شلون تسوي كذا
فيصل: الم يوم ولا الم سنين
رائد: انا كنت اشك انك خبل لكن الحين تأكدت مساكين عزرت فيهم وش ذنبهم
فيصل : ماعلينا صار وانتهى لكن الحين ابوي بيرجع لهم بكره ضروري اسمع ابوي بكره بيروح لهم ضروري ادور شي امنعه من الروحه
رائد حط يده على راسه : بعد باقي بتسوي فيصل اتق الله ي مسلم حرام
فيصل: يوه منك ي رائد خلاص انتهى الموضوع
وصل عساف ونزل : سلاام
فيصل : وعليكم
رائد : هلا ي دكتور الضياع
عساف :هههه مالي شغل فيصل هو السبب
رائد: انت وفيصل كوارث الارض
ضحك فيصل : زين تعالوا خلونا نفكر وش نسوي بكره
عساف : في ايش
رائد: واحنا عندنا قضية غير قضية عمي وزواجه
عساف :ههههه والله انها صارت مثل داحس والغبرا
فيصل: لا تطقطق انت وهو
عساف : خلاص تعال
ركبوا السياره وراحوا لمقهى قريب من بيتهم نزلوا
فيصل : يلا اللي عنده حل ينورنا
رائد : طيب امرض انت
فيصل : لا انا لا افترض صار شي عكسي وانا مريض
رائد: مثل يعني
فيصل: هي نفسها
عساف : طيب كمل كذبة المرض انت واخوانك
فيصل: لا ما بتزبط نواف اتشافى خلاص وعادل لو اموت مابيخليني اعيدها
عساف : نواف ارجع حط له محلول وعادل لا تسوي له شي
فيصل: لا لا ما تزبط والله ليفضحنا نواف
سكتوا العيال وهم يفكرون فز فيصل وهو يقول :لقيتها لقيتها لقيتها
رائد: وشو فيصل اذا فيها مصيبه لا دخيلك
فيصل :لاااا عساف مين هذاك اللي يقرب لك ضابط
عساف بشك :ولد عمتي بس ليش وش بتسوي فيصل تهم ومصايب مانبي
فيصل: تمون عليه صح
عساف : ايه
فيصل ضحك بحماس :زين زين
رائد : فيصل وش بتسوي
فيصل ابتسم : ولا شي لا تخافون
رائد :انا والله خايف
عساف :وانا بعد
فيصل سحب جوال عساف :دق عليه وقوله انك تعزمه للغداء بكره وتبيه بموضوع انساني جدا وانقاذ للارواح
عساف انهبل: وش ارواحه وانسان صاحي انت هاذي حكومه محد يلعب فيها وش فيك عمى بعينك وبعدين انا مطفر وشلون اعزمه
فيصل :مو شغلك كل شي علي اعزمه وبس
رائد تربع وهو خايف من فيصل الخبل اللي مستعد يسوي مصايب الدنيا ولا يتزوج ابوه : فيصل قول لا اله الا الله وفهمنا
فيصل توه بيتكلم قطع عليه اتصال ابوه :هلا يبه
ابو عادل: انت وينك فيه
فيصل :مع رائد في المقهى القريب من البيت
ابو عادل : فيصلوه شوف مالي خلقك اصلا راسي مصدع من اخوانك ارجع البيت الحين
فيصل : ابشر ي سيد القوم لكن انت روق
ابو عادل : خلص يلا
سكر ابو عادل ووقف فيصل : يلا دق عساف
عساف :والله ما دق لما تقول وش بتسوي
فيصل بتمثيل : بتمن علي ي عساف هاذي اخرة العشره هذا وانا عادك اخو ورفيق
عساف :اوف ي فيصل مو كذا بس عشان ما ترمي نفسك بمصيبه
فيصل : لا تخاف انا حريص اكثر منك
عساف : رائد قول شي
رائد :ما عندي اي تعليق هالحماو بس يصمم على شغلها محد يرده
نزل فيصل وهو يبوس راس رائد: ي لبى قلبك ي شيخ
عساف اخذ الجوال وهو متردد ودق : الو سلام سلطان كيفك
سلطان: اهلين يالقاطع وينك مختفي
عساف : تعرف مشاغل الدنيا
سلطان : اي والله الله يعين طمني عنك
عساف : بخير وانت
سلطان: على احسن حال
عساف : سلطان وش عندك بكره
سلطان: متى بالضبط
عساف : الظهر
سلطان : ولا شي امر
عساف : عازمك على الغداء فيه موضوع انساني ابي اكلمك فيه
سلطان : خير وشو
عساف : بكره تعرف
سلطان: زين اجل على خير
عساف :حبيبي انت ماتقصر
سلطان : فمان الله
فيصل خم عسااف وهو يبوس راسه : ياخي انت فضيع صدق اخو دنيا
رائد: نقدر نفهم وش تبي
فيصل : بكره اقولكم خلوني الحق ابوي قبل ينجن
رائدد:خذني معك
عساف :خلوني اوصلكم ..

وصل فيصل لبيتهم ودخل وشافه هدوء راح للمطبخ وهو جوعان شاف فيه اكل جلس وهو يشوف صحون ابوه واخوانه اللي باين انهم تعشوا جلس وهو يطلع جواله ويتصفح لمح اضافه جديده بالسناب ولقطات شاشه استغرب بس توقعه احد البنات اللي سبق وشبكهم كان اسمها "حنين " ابتسم للاسم ودخل وهو يكتب : اي حلو شرفنا اليوم
ظيمنعظيمنعظيمنع

#يـــــتـــــــبــــــــــع...

10 - 1 - 2022, 04:48 AM

.... 16 ....

اديم اللي كانت جالسه تسوي مرطبات ولوشنات سمعت صوت سناب وفزت ركضت وهي تشوف " فيصل ال طلال يكتب " وبعدها رساله كانت شوي ويغمى عليها ماقدرت حست برجفه مو طبيعيه بعد مده فتحت الرساله وانجلطت من الرد :مو معقوله حق بنات
كتبت وهي ترجف ( ليش انت الحلوين عندك كثير)
فيصل سمع الرساله وفتحها وهو يبتسم ناوي يتسلى اليوم ( ههههه يعني تقدرين تقولين كثير )
اديم رفعت حواجبها بأستنكار وكتبت ( واو اعتراف جدا صريح)
فيصل ( وليه لازم اكذب )
اديم ( حقيقي مو لازم تكذب بس اول مره اشوف واحد يعترف بعدد كبير من علاقات حبه )
فيصل ضحك ( من جاب طاري علاقات الحب ؟ والا لازم يكون الكلام الحلو مقصور على الحبيبات .. ليه مايكونون خالاتي عماتي اخواتي )
اديم تربعت وهي تقول : شكله مو سهل لكن شغلك عندي ( يعني شكلك يقول ان الكلام الحلو مو محصور على خالاتك وعماتك ويبدو انك متمرس في موضوع الحبيبات )
فيصل (واه كلام كبير لكن اقدر افهم بأي داعي خمنتي هالتخمين )
اديم ( ههههه تقدر تقول عندي نظرة مستقبيله او حدس)
ضحك فيصل ( واضح انك تحبين التفاصيل )
اديم ( تقدر تقول )
فيصل ( حلو ي حلو لكن انتي للان ماقلتي لي مين انتي )
اديم ( انا حنين )
فيصل( عاشت الاسامي حنين اسمك حلو )
اديم ( ههههه انت حتى الاسامي تشملها كلمة حلو )
فيصل (ههههه اي شي يخص البنات يعتبر عندي حلو )
اديم ( صراحتك جباره !! لكن ما تخاف منها )
فيصل( وليه اخاف)
اديم ( يعني انت حسب كلامك واضح انك تعرف كثير بنات لكن ما تخاف من ذنوبهم لما يتعلقون الكل فيك وانت بكل برود تتركهم )
فيصل( اها لا ي حبيبي ما يهمني تدرين ليش)
اديم ( ليش)
فيصل ( بأختصار لان اللي تبي تصون نفسها من الانكسارات والخدوش ما تجي لها فهمتي علي ؟) اديم ( يعني قصدك تقول ان البنات هم اللي يجون)
فيصل ( ايوه واذا ماجت بنفسها كلمه تجيبها)
اديم ( ما اقدر صراحه على هالكلام المغرور انت اللي تتسلط عليهم وتصفهم بهالصفات )
فيصل ( يعني انتي بتقنعيني انك مو من هالبنات)
اديم ( ايه بقنعك وبقنعك بعد ان مو كل البنات يجون لك يدورون الانكسارات والخدوش )
فيصل ( زين كلامك محسوب عليك خليني اثبت لك كلامي المغرور طيب واثبت لك بعد انهم كذا كلهم !)
اديم ( كيف!؟؟)
فيصل ( عطيني شهر او شهرين واثبت لك انك انتي مثلهم وان بعد هم اللي يجون يدورون الانكسارات والخدوش واللي ما تجي وحافظه نفسها محد يخدشها )
اديم ( زين انا من الحين اقولك انك غلطان وخسران )
ضحك فيصل (هههه والله ابهرتيني بثقتك لكن انا اسف ي حبيبي من البدايه قبل يجي لك اي كسر )
اديم نزلت الجوال بتعجب من شخصيته المتعجرفه المغروره : واضح انه مو هين وراعي بنات لكن انا اوريك انا اللي بكسر راسك
رفعت الجوال وهي تكتب ( زين ي فيصل ال طلال تستاذنك حنين ولا تنسى اسمي في زحام حبيباتك لانه بيكون اول كسر بغرورك)
فيصل رفع حواجبه :ههه عشنا وشفنا ( زين زين ي حنين ي اول كسر ههههه)
سكر الجوال وهو يقوم وطلع وهو يحاول يتذكر من هاذي حنين وهل هي تستحق كل هالغرور والكبرياء ماطول كثير وهو اصلا مو فاضي لها وانسدح بجنب عادل ونام
ظيمنعظيمنع
ظيمنع
عند اديم سكرت الجوال وهي خايفه انه يثبت كلامه ويسحبها وضحكت لما تذكرت اسمه اللي كان عنوان جدا واضح لغرور فيصل غمضت عيونها وهي تتذكر شكله وملامحه كان واضح عليه انه لطيف ونامت وهي تتوعد بفيصل
ظيمنعظيمنع
ظيمنع
عند نسرين اللي ما نامت ابدا وهي تفكر بعادل واللي صار فيه ضاقت ونفسها تتطمن عليه سحبت جوالها وهي متردده تدق او ما تدق راحت بشويش وهي تطلع الرقم اللي اشترته مخصوص عشان جامعتها طلعته وهي خايفه سجلت رقم عادل ودقت وهي ترجف تبي بس تسمع صوته اذا بخير او لا
انتظرت مره مرتين وجاها رد: الو الووو الوووو استغفر الله العظيم
سكر وجلست وهي تبتسم لصوته اللي كان نايم بس كان واضح انه شوي تعبان ضمة الجوال وهي تقول : ليته فيني ولا فيك
ظيمنعظيمنع
ظيمنع
من بكره الصبح وكالعاده دخلت منى وهي تشوف نفس المنظر طلعت لغرفة ابو عادل وشافته صاحي : صباح الخير
ابو عادل : صباح النور
منى: هاه كيف نواف وعادل
ابو عادل : عادل والله طول الليل يتوجع تو جيت من عنده اما نواف ما عليه كويس
منى: بيروحون دواماتهم
ابو عادل :لا كلهم معاهم اجازات الا فيصل صحيه
منى: زين
ابو عادل : شوفيه بغرفة عادل مو غرفته
منى: شوداه هناك
ابو عادل : ع اساس يظل مع عادل اذا احتاج شي لكن انتي ادرى مات جنبه عادل من الالام وهو ما حولك احد ولا يدري
منى: اما ذا الفيصل مو تبع مسؤليه ابدا مدري متى يتعدل
ابو عادل : يتعدل يتعدل ..

.... 17 ....

راحت منى لغرفة عادل اللي كان نايم وباين انه تعبان احتارت شلون تصحي فيصل من دون ما تصحي عادل قربت وهي تهزه : فيصل فيصل فيصل فيصلوه وجع

ولا كأن احد ينادي له رجعت وهي تضربه بشويش على خده : فيصل فيصل
مو مع العالم ولا يرد قربت منى بشويش وهي توها تحط يدها على ظهره وفيصل اصلا كان يحلم وفز وهو يصرخ : يمه
ورفس عادل اللي طاح من السرير وصرخ هو الثاني بألم مسكت منى راسها : ي ربي
فيصل جلس برعب وهو يساعد عادل :تعورت
عادل كان ضايق من وجع رجوله ولا قدر ينام من الألم ومن فيصل اللي بس يتقلب ويتشقلب ويرفس :انقلع ياخي مابي شي
فيصل لف لعمته بعتب :الله يسامحك عميمه هاذي طريقه تصحيني فيها
منى قربت وهي تضربه بالعصايه : عمى بعينك ما بقى طريقه ماصحيتك فيها ماكنت تصحى وجع
فيصل: رعبتيني والله
منى: تستاهل قوم قوم روح لغرفتك اترك المسكين هذا ينام
عادل انسدح وهو شوي يبكي وقام فيصل وهو يبوس خخده: عدوله اسف
عادل: خلاص روح عني
وقف فيصل بضيق وطلع من الغرفه ومنى وراه : يلا البس وانزل للفطور
فيصل :نواف بيداوم
منى: لا نواف تعبان
فيصل صرخ: نعم ان شاء الله بتجلسون كلكم بالبيت وانا اداوم
منى صرخت : خير ان شاء الله وانت مربوط فيهم
ابو عادل : فيصلوه حنتك هاذي من الصبح اتركنا منها وقوم البس وروح لجامعتك ترا مالي مزاج لك ولعباطتك
منى: لا تنسى انك لازم تنجح وغياباتك ماتنفع
فيصل : يبه والله اول اسبوع ما احد يداوم
ابو عادل : فيصل فيصل وعله عليت قلبي عليته بتداوم وانت ساكت عساك ما تداوم الا مع الكلاب والقطاوه مو شغلي
فيصل : يوه والله حرام تكفى يبه والله انا امس ما نمت عدل
ابو عادل دخل وطنشه وختم النقاش باليمين :والله والله والله لتداوم لو انك مشلول
فيصل هنا انجلط راح لغرفته وهو ضايق ويهابد مثل المجنون وكعادته قلب الدنيا ونزل وهو معصب وطلع من دون فطور بس تذكر انه يبي يسمع وش اخر اخبارهم ورجع بسرعه وهو ينزل جزماته عند الباب ودخل بهدوء
منى : هاه اليوم ان شاء الله
ابو عادل : ان شاء الله
منى: ترا اتفقت مع الناس انتبه ي طلال
ابو عادل : زين ي منى خلاص
وقف ابو عادل وهو يضبط شماغه عشان يطلع وركض فيصل وياخذ جزماته بيده وماسك غترته وصل نص الطريق وقابله عمه ابو محمد وهو يناظره بحده ويناظر شكله الغريب ومعاه محمد ورائد والبنات نزل فيصل الجزمه وهو فاغر وخايف انه يكشفه لبسها وبعدها توجه لعمه وهو يقول : صباح الخير
باس راسه ورد ابو محمد :صباح النور وين ابوك
فيصل:جوا
محمد :فيصل سلامة اخوانك وش صار معهم
فيصل :لا لا كويسين الحمدلله انا رايح تبون شي تأخرت ع الجامعه
ابو محمد :وش عدا ما بدا رايح الجامعه بدري واول اسبوع
فيصل لف بضيق : الله يهدي من يشاء ..
راح فيصل لسيارته وابو محمد وعياله راحوا يسلمون على ابوعادل اللي طلع
ابو محمد : سلام عليكم ماجورين
ابو عادل : ياهلا ي هلا
ابو محمد : سلامة عيالك وش صار لهم فجاءه
ابو عادل : الله يسلمك ابد امس الظهر تعب علينا نواف ولما عجزت فيه ارسلت عادل ينادي لعمته وشكله بعد خاف عليه وارتبك وطاح من الدرج وانكسرت رجله وانخدش راسه
ابومحمد : لا حول الله وش اخبارهم الحين
ابو عادل : كويسين وهذا هم جوا ما داموا
محمد : صاحيين ي عمي نروح لهم
ابو عادل : لا والله نايمين
ابو محمد : يلا نجيكم شوي للغداء
ابو عادل : حياكم الله
افترقوا وكل واحد راح في طريقه
ظيمنعظيمنع
ظيمنع
عند فيصل اللي كان يفكر في اللي بيسويه وابتسم لما تذكر حنين ( اديم ) رفع جواله وهو يدخل لسنابها ماشافها مو منزله شي صور سيلفي وهو يكتب تعليق ( ‏ثقتي بنفسي مازالت على مايرام ‏وهذا فقط كل ما يعنيني )
نزلها وهو متأكد ويجزم انها بترد عليه نزل شباكه كالعاده وهو يشعل زقارته بإبتسامته المعتاده اللي ما تختفي عن وجهه رغم كل الظروف
ظيمنعظيمنع
ظيمنع
عند اديم اللي نزلت بسرعه وشبه تركض مرت لامها وابوها ومروى وهي تبوسهم : صباااح الخير
ابو مشاري : صباح النور بشويش شفيك طايره
اديم وهي باقي واقفه : مستعجله بروح ومتأخره تبون شي
ام مشاري : بدري ظ§
اديم ببتسامه حلوه : المشكله انها ظ§
لبست وطلعت وهي تودعهم والكل مستغرب من اللي فيها بالعاده ما تطلع ظ§
ركبت اديم وهي تقول :سردار سريع روح جامعه
تحرك سردار وفتحت اديم جوالها وشافت صورة فيصل ضحكت وهي تقول : يالله ع الثقه ظيمنعظيمنع

.... 18 ....

رفعت حواجبها وهي تدري انه ما نزلها الا يستنى ردها طنشت وراحت تصور صوره وكتبت ‏"نحن من يصنع غرور الاخرين ..
‏لأننا نعطي قيمة لمن لا قيمة لهم !"
نزلتها وهي متردده بس ضروري تكسر غرور فيصل وتعلمه انه عادي مافيه شي زياده ولا كل البنات بيموتون عليه
وقفت عند الاشاره وهي تدور لسيارته مابين السيارات ماشافته ارتخت وهي تقول : يالله لو اشوفه
شمت ريحة زقاره فزت وهي تناظر بس خاب ظنها لما طلع مو فيصل صدت وهي تشوف اذا شاف السنابه او لا
ظيمنعظيمنع
.
عند فيصل اللي جات له ردود من كل اللي عنده ومن كل البنات الا (اديم ) حنين زفر وهو يرجع لسنابته شافها شافت السنابه رفع حاجبه : شفيها ما ردت
نزل لما شاف انها منزله دخل بسرعه لكن انصدم من كلامها وكأنه رد صريح له ما حس نفسه الا هو يرد ( كيف نفهمها هالسنابه )
اديم ضحكت اول ماجاها الرد واحتالت وهي تسوي نفسها مافهمت عليه ( وليش تفهمها سنابه جدا عاديه )
فيصل وقف على جنب وهو مقهور ويدري انها له ( اتمنى ما تسوقين الاعباطات علي لانها صريحه جدا )
اديم ( هههههههه انت ليش مصر تنسبها لك والا نفهم ان ثقتك مهزوزه )
اديم قدرت انها تستفز فيصل اللي ماقدر يكتب وسجل لها ( حنين اتمنى انك ما تستغبين لان هاذي الحركه تستفزني طيب وبعدين ليش ما نقول ان اللبيب بالاشارة يفهم وهالسنابه اقص يدي اذا ماكانت مقصوده لي ورد على سنابتي)
اديم انفجرت ضحك على صوته اللي واضح انه معصب كتبت وهي تضحك ( زين ما بستغبي انا ادري انك تستنى ردي على سنابتك وعشان كذا نسبت الكلام لك واعتبرته رد لكن احب اقولك انه مو موجه لك وبطل تعتبر نفسك محط للانظار لان بأختصار محد درا عنك )
فيصل هنا انجن وعصب بقوه لان اول مره يجيه مثل هالرد اللي وقع بنفسه ورد ( وانتي من وين لك الثقه اللي تخليك تقولين اني انتظر ردك )
اديم ( لانك ببساطه بتعليقك اللي كتبته تدعم كلامك المغرور امس)
فيصل كبرت في نفسه كلمتها وارسل ( ادري انك تحاولين تحققين كلامك وتوضحين اني مو هامك لكن انا مستعد ابصم لك بالعشره اني هامك ومو مره عشرين مره.)
اديم ( صادق تهمني لكن من جهة اني اوضح لك انك جدا عادي)
سكر فيصل الجوال وهو متنرفز من كلامها ولا رد وكمل طريقه للجامعه
اما اديم انفجرت ضحك وهي تتخيله معصب هو كلامه جد هو يهمها وعشرين مره ويعني لها وثقته بنفسه بمحلها ويحق له يثق بس ما تبيه يتعود على الغرور
ظيمنعظيمنع
ظيمنع
عند عادل اللي صحى وهو يتألم من رجله اعتدل وهو يقول : الله يسامحك ي فيصل الله يسامحك
اتكى وهو يسحب جواله شاف دخل وهو يشوف ناس تتحمد له بالسلامه وناس تبارك لواحد من اصحابه متزوج ابتسم وهو يقول : انا وش انتظر ليه ما اتزوج مثل هالناس خلاص صكيت الثلاثين ومنها نرتاح من شقاء فيصل واتزوج وحده تقوم بالبيت وتريحنا
ابتسم على هالخاطر ورجع انسدح
ظيمنعظيمنع
ظيمنع
الظهر بالمطعم كان فيصل وعساف ورائد هناك
فيصل: عسافوه وينه ذا تأخر
عساف وهو يناظر جواله: يوصل ي رجال انت اركد
رائد : انت مصر على هالشغله
فيصل :ايه ولا تجلس تعيد هالموال
عساف : طيب انت ليش ما تروح تصارحه وترتاح
فيصل :مقدر
رائد :ليه عمي ماهو صعب
فيصل : ادري مو صعب بس مابي اعطيه كذا بوجهه يعني ويحسبنا نمنعه ونحكمه احسن بدون ما يدري عشان ما يتأزم
عساف : هذا هو سلطان جاء
وقفوا كلهم وهم يسلمون على سلطان اللي كان له من جلادة الشكل نصيب كبير جلسوا وهم يطلبون غداهم
عساف : سلطان هذا فيصل صاحبي ورائد
سلطان: ي هلا تشرفنا
فيصل ورائد :لنا الشرف
عساف : سلطان ادري انك مشغول ولا بناخذ من وقتك كثير السالفه والموضوع كلها عند فيصل بيفصلها ويشرحها لك واحنا نبي فزعتك مالنا رجاء الا فيك
سلطان: ابشروا باللي تبون امروا
فيصل : الله يعطيك العافيه ادري بنثقل عليك لكن اعتبرها خدمه انسانيه
سلطان : ابشر انت قول الحين
فيصل جلس عدل وهو يشرح لسلطان كل القصه من إلى وقال : يعني انت ابيك تحجزني عندك اليوم بحجة اني متضارب مع احد وضروري تحجزني بالتوقيف ليله وقد ما تقدر تماطل بالإجراءات ماطل اهم شي يروح الوقت لا تتركه يروح الا ظ،ظيمنع:ظ£ظيمنع او ظ،ظ، المهم يتأخر ويتفركش كل شي
سلطان ناظر لفيصل بطريقه غريبه وهو يحاول يفهم اذا هذا صاحي او مجنون
ضحك فيصل : ادري بتقول مجنون وخبل واللي تبي تقول قوله لكن من جد محتاج هالخدمه
عساف : ولو سلطان ماهي صعبه عليك
سلطان جلس بتفكير وهو يناظر فيصل اللي كان يراقب اجابته .

.... 19 ....

رائد : يعني انت انتبه انك بتحافظ على ارواح
سلطان : تم
ابتسم فيصل وهو يقول : الله يطعني ي شيخ وربي انك دواء
ضحك سلطان: الحين ابي افهم ليش ماتبي ابوك يتزوج
فيصل : يعني تقدر تقول اناني في ابوي
سلطان : والله كلامك يحسسني انك خبل واللي زاد انك صاحب عساف اللي اخبل منك
فيصل ضحك : خذ راحتك سوي اللي تبي وقول اللي تبي مجالك مفتوح
سلطان: هههههه امزح عليك وابشر بالطيب
عساف : زين يلا نتغداء ترا من ساعه وانا اراقب صحون الناس
رائد : وهو صادق
فيصل : ههههههه يلا يلا
ابتدوا يتغدون وعساف يحكي لسلطان مصايب فيصل اللي سواها عشان يمنع ابوه الزواج وسلطان مره ينذهل ومره يضحك واحيان كثيره يقول خبل
ظيمنعظيمنع
ظيمنع
في بيت ابو عادل كانت منى تجهز الغداء وتحت موجودين كل العايله متجمعين
الجد: وينه فيصل
عادل اللي ماهو متطمن لفيصل: تو دقيت عليه يقول بيتغداء
منى: مدري وش يبي بأكل هالمطاعم اللي يجيب الضيم
ابو عادل : ما عليه خلينا نرتاح شوي من ازعاجه
منى: حرام عليك والله ماله ازعاج
نواف : لا تحشون بفيصل بقوله ترا
محمد: عاد اذن فيصل انت
ضحكوا الكل وبعدها اعلنت منى عن الغداء وقاموا الكل ما عدا عادل اللي كان يدق ويدق ويدق على فيصل اللي مايرد : اوووف ي فيصل
ابو محمد : وش فيك ي عادل وش فيه فيصل
عادل لف :هاه لااا مافيه شي بس دق علي واحد من اصحابه بجوالي وازعجني يبي فيصل ومو راضي يقتنع انه مو جوال فيصل
ابو محمد : عطني ارد واقوله ماهو جوال فيصل
عادل:لاااا لا ههه مو محتاج خليه شوي وبيزهق ويسكر تعال نتغداء ماعليك ناس فاضيه اللهم لا شماته
مشى ابو محمد وعادل معاه وقلبه مقبوض وحاس ان فيصل بيجيب العيد
ظيمنعظيمنع
ظيمنع
عند فيصل اكل وسولف وضحك ودق الميانه مع سلطان
رائد: فيصل الكل متجمعين ببيتكم
فيصل :اوووه عال كذا تمام اول مره يسوون شي صحيح
رائد :وليش يعني
فيصل :لانهم بينشغلون كلهم
عساف :انا مدري ليش تحب تشقي العالم معاك
سلطان: اي والله
فيصل: هههههه والله اني حبيب وطيب بس الظرووف
رائد : ي شيخ توكل على الله بس قال حبيب وطيب انت جني جني
عساف وقف وهو يروح لرائد ويبوس راسه: جني وبس هذا تعرف اللي يقولون شياطين الانس هذا هو
فيصل بطرف عين: خير انت وياه وش سويت لكم
رائد: ماسويت لنا شي بس حكيت عن بلاوي لو تسويها فينا من زمان ما نكلمك
فيصل : اصه بس لا تخلوني اقلب عليكم
سلطان ضحك : يلا يلا ي مجرم قوم وراك سجن
فيصل:هههههه توكلنا على الله
عساف : قايل لك معك انفصام احد ينبسط انه بينسجن
فيصل : ماتفهم لي يندق خشمك صح
رائد : وين بتروح الحين
فيصل: السجن
رائد : ليه ما تروح البيت ويقبضون عليك من هناك احسن واكشن اكثر يعني وهم يجهزون يجي سلطان ويقشك
فيصل سكت وهو يبتسم ابتسامه عريضه وفجاءه ركض لرائد وهو يضمه ويدور فيه : ياخي من زمان شغل هالطاسه
عساف وسلطان : لا لا لا مجانين فيصل حلك اريح
عساف : انا قايل عايلة مجانين ي ربي
فيصل لف له وهو رائد : تلايط
سلطان: فيصل انسى كلام رائد هاذي اسهل
ضحك فيصل وراح له : افا ي سليطين ما هقيتك جبان ارفع علومك وخلك رجال
سلطان: تستهبل انت وش سويت
فيصل : اسمع اسمع خطة رائد جباره احسن يلا
سلطان: واذا حشروني وش اسوي
فيصل: طنشهم لا تشوفهم شي قول لهم في القسم تعرفون كل شي وفي القسم كل القضايا اللي ساحبين عليها طلعوها والطعوهم بالانتظار لين يخيسون
عساف : تراهم اهلك ي حمار
فيصل : عساف اخر تنبيه
رائد: صح احسن حل ي سلطان
سلطان: امرنا لله
فيصل : يوه ي محلاك والله وانت كذا
سلطان: يلا يلا روح بيتكم
عساف :بس هاااه خلك تمثل كويس وضبط امورك خلهم يشكون فيك
رائد : يعني اجلس ساكت وهاذي كفيله تخليهم يشكون انك مجرم اذا تبي
سلطان بأستغراب :وشوله
رائد: اخوك في الله فيصل لسانه مايدخل فمه دايم يهذر زين واذا سكت على طول يشكون
فيصل سحبه من شعره: لو اذبحك الحين وادخل فيك قصاص تهقى يتنازلون
رائد : ههههه امزح وش بلاك
فيصل تركه : المهم اسمع خلك على الخط وجاهز
سلطان: زين انا اصلا بداوم عطني اتصال بس
فيصل :من عيوني
افترقوا وكل واحد راح بطريق طبعا فيصل رجع للبيت وهو محوس شكله ورمى شماغه وعقاله وشق جيب الثوب وحاس شعره ع اساس انه بهوشه دخل بهدوء الدنيا لكن جواته ضحك مو طبيعي اتجه لدرج بسرعه لكن وقفته عمته: فيصل
رد فيصل وهو معطيهم ظهره: نعم
منى: شفيك دخلت لا احم ولا دستور
فيصل : ولا شي ببدل
منى: تغديت
فيصل :ايه .

.... 20 ....

ابو عادل : وراك تكلمنا وانت معطينا ظهرك وش بلاك
فيصل وهو يسوي نفسه مستعجل : ولا شي قرفان من نفسي وبروح ابدل
ابو محمد : وراك مرتبك كذا
فيصل ( ياخي انا اليوم بتحمل سماجتك ي عمي خذ راحتك اكثر ) : ماني مرتبك
طلع وهو شبه يركض والكل وقفوا وهم خايفين من هيئته
الجد : وش بلاه كذا
ابو عادل ما تطمن : مدري ابصر وش مسوي
منى : بروح اشوفه
طلعت منى واتجهت لغرفة فيصل اللي نزل ثوبه ورماه بالزباله ودخل يتروش دخلت وسمعته يتروش شافت ثوبه بالزباله استغربت اخذته ورفعته وهي تناظر لجيبه المقطوع جلست وهي تتأمله :وش مسوي ي فيصل
بعد خمس دقايق طلع فيصل :عميمه خير
منى: وش فيه ثوبك
فيصل: ولا شي كنت العب و العيال قطعوه
منى: بزران انتم
فيصل:متحمسين ي عميمه
منى: زين انزل عشان تشرب معنا شاهي
فيصل : طيب
طلعت منى وفيصل وقف وهو يطق اصبع :الله الله ي فيصل ي سلام عليك ي فيصل هذا التخطيط ي فيصل هذا التزبيط ي فيصل هههههه
لبس و نزل وهو جامد سلم عليهم وجلس والكل يراقبه
الجد: غريبه اليوم ساكت
فيصل :ما غريب الا الشيطان
ابو محمد :صاير غريب ذا الايام
فيصل : الدنيا تغير
ابو عادل :قلبي يقولي ورا هالهدوء مصيبه
فيصل : الله يكملني بالعقل
منى : بس بس من يوم صار يقول حكم وراه مصايب مو مصيبه
فيصل ناظر عمته : الله واكبر ي عميمه انا صرت مصدر مصايب
عادل هنا انشل عرف انه مسوي كارثه الكل كانوا مستغربين من فيصل اللي ما نطق ولا حرف وساكت وقف الجد ع اذان العصر : يلا انا استاذن بروح اصلي وانتظر اخوياي يجون
ابو عادل :ليتك جلست عندنا يبه
الجد: انت تعال لنا في الديوانيه
ابو عادل: ان شاء الله
استاذنوا الكل وطلعوا ووقف فيصل بيطلع لغرفته بس وقفه ابوه: تعال تعال وين رايح
فيصل:نعم يبه
ابو عادل :فيصل اذا انك مسوي شي قولي انا ابوك وبحميك
فيصل :مو مسوي شي يبه شفيكم علي
منى :شكلك ما يطمن
فيصل : عميمه الله يهديك
منى: نعرفك من طبعك ما تسكت
فيصل :عادي بس مصدع
نواف وعادل كانوا يناظرون فيصل وشاكين انه وراه مصيبه
فيصل : بطلع اريح شوي
ابو عادل : زين
طلع فيصل ولحقه نواف :فيصل وش فيك
فيصل :وش فيني
نواف: يعني مخطط على شي
فيصل:نوافوه مو مخطط على شي وروح وقول لعادل لايموت مابسوي شي خطير
عادل جاء بعكازته: فيصلوه يمين الله لو ماتقول وش مخبص لكسر العكازه على ظهرك
فيصل : يوه ي عادل وش بخبص يعني
عادل: ادري انك مسوي كارثه فا انطق
فيصل: مو مسوي شي المهم قولوا لي وش اخر التطورات
نواف : ابوي وعمتي وجدي رايحين المغرب لناس
فيصل : وبعدها
نواف: بيشوفون البنت ويجون
فيصل بستهزاء :بنت ابوك بيتزوج بنت خير ان شاء الله
عادل: وليش مستخف في الشغله يعني
فيصل : ولا شي
شاف الساعه وكانت ظ£ : انا بنام شوي يعني فارقوا
طلعوا نواف وعادل وهم ابدا مو مرتاحيين له
ظيمنعظيمنع
ظيمنع
عند اديم كانت بغرفتها وهي تنتظر روان تجي وصلت روان وقامت اديم وهي تسلم عليها
روان: وش فيك انطقي جبتيني على ملا وجهي
اديم ركضت وهي تقفل الباب :سويت شي بس مدري صح والا غلط
روان بشك:هذاك الرجال
اديم غمضت وهي تأشر بأيه روان فزت وركضت:عمى يعمي العدو انطقي وش مهببه
اديم : انثبري اقولك
روان جلست وجلست اديم وهي تحكي لها بخوف من ردة فعلها وكانت متوقعتها روان لطمت خدها :اديموه وجع وجع مليون مره وجع انتي انهبلتي انجنيتي ماعاد فيك عقل هاه تعرفين هالاشكال مايوفرون والله يورطك وياخذك بحباله اديم لا تخونين ثقة اهلك
اديم بخوف : والله بس رسايل
روان: حتى حرام وين تودين وجهك من ربي
اديم سكتت وبعدها قالت: بس انا مابي علاقه وخرابيط
روان: اديم مسألة تكلمين رجال مايحل لك هي المشكله
اديم : شوفي غروره وتعرفين كيف شعوري
روان: بلعنته وش تبين فيه
اديم سكتت: ابي اكسر غروره
روان : اديم لا تتحدين الاشكال هاذي واتركيه يموت بقلة حياه
اديم :زين
روان:اديم انا جايه وتاركه اهلي انتبهي تغلطين طيب انتبهي وامسحي هالخبل من راسك
اديم: زين
طلعت روان وهي خايفه على اديم من تهورها
اديم خافت وقررت تنسحب بس بتراقبه من بعيد ولا بترد عليه
ظيمنعظيمنع
ظيمنع
قبل المغرب في بيت ابو عادل كان يجهز ويلبس ومنى فيه وفيصل يراقبهم من غرفته ابتعد وهو يسحب جواله : شدي حيلك ي عميمه شدي نشوف من اللي يفوز
اتصل على سلطان اللي كان ينتظر اشاره وارسل الدوريات عادل ونواف كانوا جالسين بالصاله

10 - 1 - 2022, 08:12 PM

.... 21 ....

عادل: فيصل للحين ما طلع من غرفته اخاف صدق طايح بورطه
نواف :مدري حتى انا احس
دخل الجد: السلام عليكم وين ابوكم
نواف : فوق
نزل ابو عادل ومعاه منى: يلا يبه نازلين
منى:ماشاء الله عليك ي اخوي
عادل: خير يبه وشولوه كل هالكشخه
ابو عادل بتوتر : رايح لناس اروح معفن
عادل: لا لا ابدا
الجد : يلا يلا بنتأ ....
سمعوا دق على الباب قوي الكل فز وفيصل كان بغرفته وهو يضحك ركض ابو عادل :مين
الشرطي :افتح الباب احنا الدوريات
ابو عادل لف لابوه وفتحوا الباب: خير ي ابوي وش فيكم
الشرطي:انت والد فيصل طلال ناصر
ابو عادل: ايوه ليه وش فيه
الشرطي :لوسمحت معنا امر بألقاء القبض على ولدك طلعه لنا
الجد :ليه ي ولدي وش مسوي
الشرطي :نادوه لو سمحتوا ما معي وقت
ابوعادل ؛ لو تفهموني السالفه اول
الشرطي : بتجيبه والا ندخل نجيبه
الجد: بنجيبه بنجيبه
لف الجد. :نواف نادي لفيصل ركض نواف الخايف: فيصل الحق في شرطه يبونك
فيصل يبي يبين خايف:ليه
نواف:مدري
نزل فيصل وهو متقن دور الخايف :نعم
الشرطي :انت فيصل
فيصل :ايوه
الشرطي : شرف معنا
فيصل ::ليش
الشرطي :لا تكثر كلام واطلع قبل اخليهم يسحبونك
ابو عادل : فيصل وش مسوي
فيصل:ولا شي
الشرطي :جيبوه
دخلو وهم يكلبشون فيصل واخذوه وسط بكى منى وفجعة ابو عادل والجد وعادل اللي ركضوا وراحوا وراهم عادل ماكان قادر يروح وقف بحيره على الباب وهو مايدري وش يسوي نواف كان خايف ويبكي والكل متخوف
ظيمنعظيمنع
ظيمنع
في القسم وصل فيصل ودخلوه غرفة التحقيق وكان فيها سلطان
فيصل ابتسم له وقرب وهو يضمه من وراء الكلبش
ضحك سلطان وهو يقول :هاه وش صار
فيصل : تم وتم وتم هذا هم برا وانت شد حيلك فيهم اقليهم قلي
سلطان : اجلس اجلس بنتكي نص ساعه وبعدين اطلع لهم
جلس فيصل وسلطان وطلعوا قهوتهم وحلاهم وهم مسبوطين ويسولفون ويضحكون وابو عادل والجد واقفين برا بعد نص ساع طلع سلطان وهو يقول :ي عسكري تعالوا خذوه لتوقيف وجيبوا اللي بعده
ابو عادل: لو سمحت لو سمحت
سلطان: نعم
ابو عادل :ابي اعرف ولدي وش موضوعك
سلطان: ومن ولدك
ابوعادل :هذا اللي جوا
سلطان :باقي ما تحددت تهمته انتظروا شوي
طلع فيصل مع العسكري ومكلبش واخذو فيصل التوقيف دخل فيصل التوقيف وهو يشوف امة محمد اشكال وألوان جلس بأول مكان صادفه وهو مبتسم
ظيمنعظيمنع
ظيمنع
اما ابو عادل والجد جلسوا برا بالانتظار وهم يردون على منى وعادل اللي اقلقوهم عادل كان شبه مطمن ويحس انها من نسج فيصل بس مايدري اذا هو صدق او لا
كان جالس ع الباب وهو يستنى خبر جاه رائد اللي مسوي انه مايدري عن شي
رائد: عادل وش فيك وش صار
لف له عادل وهو يناظر فيه بتمعن: فيصل محبوس
رائد :وشو ليش
عادل :تدري ليش لا تستغبي
رائد توتر:وشو وش ادري عنه
عادل :ادري انك تدري على ايش مخطط فيصل رائد حلفتك بالله اذا فيصل مخطط قولي وريحني
رائد ضاق وهو مايدري يقوله او لا عادل :اسمعني مابقول لاحد ولا ببين
رائد: ايوه مخطط بس لا تقول لاحد
عادل وقف وهو يقول :كنت حاس هالغبي بيسوي كارثه
رائد: لا تخاف سهالات انت ادخل لا توجعك رجلك
عادل : بجلس هنا عشان محد يشك انت ألحقهم ولا تشككهم
رائد : زين
وقف رائد وراح القسم وعادل ارتاح هو يضحك على فيصل المجنون اللي وصلت فيه لهالمواصيل بس بنفس الوقت انكسر قلبه عليه يسوي المستحييل عشان ما ينمحي ذكر امه من البيت ولا تنمحي قوانينها ورموزها وذكرياتها غمض وهو يقول :الله يرحمك يمه
ظيمنعظيمنع
ظيمنع
عند فيصل اللي ابتداء على طول يسولف مع هذا ويضحك مع هذا ويتكلم مع هذا وجوه عليل ولا هو داري عن حال ابوه برا وجده واللي انضم لهم رائد وابو محمد جلس بجنبه واحد وهو يقول : سلام ي طيب
فيصل:وعليكم السلام يالحبيب
صالح: خير ي اخوي وش اللي جابك هنا
فيصل : هوشه
صالح : لا حول وعسى مافيه شي بليغ
فيصل: لا سليمين انت وش عندك هنا
صالح :الدين والدين عماة عين
فيصل ضاق : الله يفك عوقك كم دينك
صالح : ظ¥ظيمنعظيمنع الف
فيصل :لا اله الا للله وش بتسوي
صالح : علي وعلى عيال الحلال صد بضيق وهو مايبي يتكلم زياده تنهد فيصل وهو يتمنى لو معه المبلغ ويفك اسر المسكين
لف يشوف الساعه والوقت وشافه مطول وانسدح ونام
ظيمنعظيمنع
ظيمنع
بعد ظ¥ ساعات من الانتظار والساعه ظ،ظ، بالضبط طلع فيصل بعد ما شرح سلطان لابوه انها مجرد هوشه وانحجز فيصل قيد التحقيق واتضح ان ماله علاقه فيصل طلع وهو مستعد يسمع كل التهزئ الموجه له وماعنده اي مشكله بالعكس مرتاح ومسبوط ..

.... 22 ....

ركبوا السياره وابو عادل فاير وكان ساكت ويستنى يوصل البيت بس اما رائد اللي خاف على فيصل من وجه عمه الغاضب وحس ان فيصل نكب نفسه بس مافيه حل
وصلوا البيت ونزل فيصل وهو يحاول يسبق خطوات ابوه وتوه دخل الا قابلته منى :فيصل ي حبيبي
ابو عادل : حبته القراده
عادل: فيصل وش صار
فيصل: ولا شي
ابو عادل بصراخ :انت وبعدين معاك متى ناوي تعقل وتصير رجال وتريحني من ركضي وراك
فيصل: يبه الموضوع عادي
ابوعادل: اي عاااادي اي عااادي هااااه لين متى واحنا بنرقع اخطاءك بكلمة عادي لين متى اسمعني ي فيصل زين ويمين الله لو توقف هبلك هذا وتصير رجال لتشوف شخص ثاني
ابتسم فيصل بضيق وقرب وهو يبوس راسه :حاضر
طلع فيصل بهدوء لغرفته جلس وهو ضايق شاف عادل جاء :فيصل
فيصل :نعم
عادل: وش ذا اللي سويته مالقيت طريقه افضل
فيصل :من قالك
عادل :رائد
فيصل: مو مشكله المهم تفركشت
عادل: لا تضيق من هواش ابوي هو بعد تعب وخاف عليك
فيصل ضحك :ههههه لا لا وليش اضيق بالعكس انا مستانس مستعد اتحمل كل شي المهم ما تجي وحده تزيل مكان امي
عادل: ما احد يقدر يزيله
فيصل وقف وهو ينزل اغراضه من جيبه وتكلم بضيق : تصدق اشتقت لها حيل جاي على بالي اوقف قبال ابوي كالعاده وهو يهاوشني ويمسح فيني الاراضي وتجي امي واسمعها وهي تدافع عني مهما كلفها الامر وتعاتب ابوي اذا ضربني او ضايقني واذا شافتني ضقت تدخل علي من هالباب وبيدها كاس العصير وتحاول ترضيني .. سكت شوي وهو يناظر الباب بضيق وقال: ياه ي عادل ي شين البيت من دونها
وقف عادل ع العكاز وهو يقرب لفيصل ويضمه : الله يرحمها ي فيصل هذا اللي بيدينا ونقدر نقوله
تنهد فيصل وهو ينسحب من عادل ودخل الحمام وهو يعصف داخله انواع الذكريات
وقف عادل بضيق وطلع شاف نواف واقف وهو يبكي غمض بضيق وقرب وهو يقول : نواف شفيك
نواف بشهقه :وحشتني امي
جلس عادل وهو يجلس بحضنه: نواف الله يهديك شهالكلام مو قلنا اذا اشتقت لامي تروح تصلي تتدعي لها
نواف :ايوه
عادل: زين قوم معي نصلي وندعي لها
نواف : وفيصل
عادل : فيصل بعد بيصلي ويدعي لها
اخذ عادل نواف وصلو ركعتين وهم يدعون لامهم اللي عمرهم ما نسوها وقف نواف وهو يقول : بروح انام مع فيصل
عادل :زين
راح نواف ودخل وهو يشوف فيصل جالس على سجادته ويدعي وجهه احمر وباين انه كان يبكي قرب وهو يقول : فيصل انت تقول حرام نبكي على ماما عشان ما نعذبها
فيصل وقف وهو يمسح دموعه ويحاول يهدي : نسيت انت شفيك ليش جيت هنا
نواف :بنام ومعاك
تنهد فيصل واخذ نواف وراح وهو ينسدح انسدح نواف جنبه وكان سكون الغرفه كفيل انه ينومهم لكن دخل عادل وهو يقرب وانسدح بجنب نواف وهو. يراقب وجيهم اللي باين عليهم الضيق والفقد
( كانت احلى صفه فيهم انهم اذا ضاق واحد يتجمعون كلهم عنده وينامون معاه ولايخلونه )
بعد شوي جاء ابو عادل اللي دخل بهدوء وابتسم لما شاف كيف قلوبهم على بعض وضاق انه هاوش فيصل بس ضروري يشد عليه طلع وتركهم ينامون براحتهم
ظيمنعظيمنع
ظيمنع
عند اديم اللي ماقدرت تنام وهي تفكر ليش مختفي فيصل ولا له حس بعد تعب التفكير قررت ترسل وبعدها ترددت ولا عرفت وش تسوي جابت رقمها القديم واللي ما تستخدمه حيل وجربت تدق بس مارد عليها قالت يمكن نايم وسكرت الجوال وهي تفكر وش ممكن يصير معها ومعاه
ظيمنعظيمنع
ظيمنع
من بكره الصبح عند منى اللي اتصلو عليها الجماعه وقالوا انهم كنسلو الخطبه ولا عاد يبون يزوجون بنتهم تفشلت وجلست وهي متضايقه على حظ اخوها
سعيد : وش فيك من اللي دق
منى: هذول الجماعه اللي كنا بنخطب منهم دقوا وكنسلوا كل شي وقالوا ماعاد نبي نزوج بنتنا
سعيد: الله يعين انا رايح لشغل تبين شي
منى: سلامتك انتبه لنفسك
سعيد : زين
طلع سعيد وراح ونزلت منى واتجهت لبيت ابو عادل وهي ضايقه دخلت وهي تشوف البيت هادي وساكن اتجهت للمطبخ وجهزت الفطور وطلعت تصحيهم فتحت غرفة ابو عادل اللي كان جالس وهو يقرأ المصحف سكره وهو يستغفر
منى: صباح الخير
ابو عادل: صباح النور
منى: كيفك اليوم كيف صحتك
ابو عادل: الحمدلله احسن
منى : العيال وينهم
ابو عادل :نايمين
منى: اقول ياخوي الناس اتصلوا وقالوا ماعاد يبون يزوجون
ابو عادل تنهد : خيره
منى: لكن لا تضيق ولا تزعل فيه وحده احسن منها مليون مره نكلمهم ونروح نشوفها
ابو عادل : ي اختي ي اختي احنا تونا طلعنا من سالفه انتظري شوي
منى: ي اخوي ماعليه ماصار شي وخير البر عاجله قلبي يقولي ان لك فيها قسمه

.... 23 ....

ابو عادل : مدري مدري
منى: لا تدري ولا شي اجهز نروح المغرب ونشوفها انا اكلمه الحين واخلي ابوي يكلمهم
ابو عادل وقف وهو يقول :وانتي احد يقدر يقولك لا
منى: على خير انزل تحت افطر وانا اصحيهم
نزل ابو عادل واتجهت منى لغرفة عادل حصلتها فاضيه راحت لغرفة نواف بعد مافيها احد وراحت غرفة فيصل فتحت للباب واستقبلها الظلام والمكيف البارد شعلت النور وهي تناظر بأستغراب شافتهم متجمعين كلهم ونايمين مع بعص وفيصل نومته هاديه مو مثل العاده عرفت انهم متضايقين ووقفت وهي تنادي :عادل عادل عادل
عادل فز :هلا عمه شفيك
منى: ولا شي بس ابيكم تقومون تفطرون
عادل : ايه زين
مد يده يصحي نواف :نوااف يلا قوم نوااااف
صحى نواف وهو اللي تقلب ماله خلق يقوم : مابي بنام
منى: نواف قوم احسن لك مالي خلق احاربك انت الثاني
نواف :تكفين عمه بنام
منى: يلا قوموا يالله يمديكم وراكم صلاة جمعه
نواف قام وهو ضايق وقام عادل اللي اخذ عكازه وطلع باقي فيصل اللي ما صحى على هذا كله وقربت منى: فيصل فيصل فيصل
فز وهو يناظرها بضياع: عميمه شفيك
منى: قوم يلا عشان تجهز اليوم جمعه ي دوب تلحقون الخطبه
فيصل اتكى على السرير وهو يمسح وجهه وبعد شوي قام ودخل الحمام جهز وتروش ولبس ونزل وهو هادي سلم وجلس بهدوء كانوا الكل جاهزين لصلاة وكلهم ساكتين بعد الفطور
وقف ابو عادل : يلا عشان نلحق الصلاة
الكل راح للمسجد وهم ملاحظين سكوت فيصل طالما هم بالسياره
ظيمنعظيمنع

عند اديم صحت ولبست وترتبت وراحت لجوالها فتحت وهي تشوف السنابات ماكان فيصل بينهم ولا نزل شي راحت للواتس وكان ظهوره من امس استغربت ونزلت الجوال ونزلت تحت ماحصلت ابوها راح للصلاة شافت امها ومروى جالسين بالصاله ومعاهم رويده وعيال مشاري :سلام صباح الخير
الكل :وعليكم السلام
اديم راحت ركض وهي تبوس عيال مشاري : وحشتوني
مصعب : وانتي بعد وحشتينا
طارق : عمه اديم نبغى نروح الحديقه روحي معانا
اديم :ههههه حبيبي انت اروح ليش ما اروح بس اذا جاء بابا قولوا له يخرجنا طيب
يوسف: طيب
رويده: اديم ترا انتي جالسه تخربينهم على مشاري
اديم : ليش شسويت
رويده: تعرفين مشاري مشغول مو فاضي وهم بيقروشونه
اديم : خير ان شاء الله مشغول ايش عن عياله من حقهم يوديهم ويجيبهم قال ايش قال مشغول
ام مشاري : وش فيك على اخوك وهي صادقه مشغول
اديم: يمه ترا انتم اللي تجردونه من مسؤلياته من واجبه انه يودي عياله ويطلعهم السواق مو مجبور لهم
رويده: فكينا تكفين
مروى: اديم صادقه
ام مشاري : اشتغللوا مع بعض خلاص فكونا مالكم شغل
سكتت اديم ووقفت وهي تتوجه للمطبخ طلبت الخادمه تصلح لها فطور وجلست وهي تفكر ي ترى وين مختفي فيصل
ظيمنعظيمنع
ظيمنع
عند ام رامي اللي كانت تكلم ولدها رامي وتطمنه عن احوالهم وبعد ماسكرت جات وسن : يمه مافيه فطور
ام رامي : وليه ان شاء الله خدامه عندك انا قومي انقلعي سوي لك فطور هذا اللي ناقص
وسن: استغفرالله شقلت انا والا عشان كلمتي ولدك المدلل صرت ما أملي عينك
ام رامي : اقول انقلعي انقلعي لا بارك الله فيك
راحت وسن وهي تتحلطم اما ام رامي اللي دقت على فيصل عشان تشوف وشلونه بس مارد لها
ظيمنعظيمنع
ظيمنع
في بيت ابو محمد كانت نسرين جالسه ع الشباك وهي تشوف عادل وهو طالع للمسجد وفيصل سانده سندت راسها وهي تقول ( ي ليته فيني ولا فيك وليتني جنبك اخفف عنك الوجع)
دخلت ريمان : وش عندك لازقه بالشباك ودك ابوي يشوفك ويتوطى بطنك
نسرين : شدخلك اجلس باللي ابي انتي شعليك
ريمان : في ستين داهيه لكن قومي طسي بنام يلا
نسرين : على كيفك الغرفه مو غرفتك لحالك
ريمان : شوفيني عاد حركات البنات هاذي ما تمشي علي وقومي انقلعي من هنا خليني انام
نسرين لفت وهي مطنشه بس جات ريمان وسحبتها من يدها وهي تطلعها برا وتسكر الباب لكن هنا دخل ابو محمد اللي كان رايح للمسجد وسمع الهواش : ريمان
ريمان لفت :نعم
ابو محمد : انتي صاحيه وشلون تسوين بأختك كذا
ريمان : هي اللي مزعجتني
ابو محمد : هي اللي مزعجتك انتي تزعجين بلد اسمعيني ترا قلبي تعب منك اقسم بالله لو ما تتعدلين لتشوفين شي مو على بالك
ريمان: شسويت انا هاااه
انطبع كف على خدها من ابوها انهى فيه النقاش وطلع نسرين حست بالذنب ووقفت تبي تهديها بس دفتها ريمان: انقلعي كل شي بسببك
دخلت وصفقت الباب بوجهها وقفت نسرين وهي ضايقه توجهت لغرفة رائد شافته واقف وهو يعدل شماغه: خير نسرينوا وش فيك

.... 24 ....

نسرين جلست بضيق : ابوي رجع يضرب ريمان
تنهد رائد : وش الجديد هذا هو ابوي وهاذي هي ريمان ونفس المشكله
نسرين: مدري ليش تعانده ليش
رائد: مدري المهم انا بروح الصلاة وانتي فرديها وش بيدينا
نسرين : ابي اعرف وش اللي غيرها كانت شزينها وش اللي تغير
رائد : كلنا محتارين محد يدري وش السالفه محد يدري ليش صارت كذا عنيفه وتغيرت
نسرين: ما ادري وش العله
طلع رائد وهو مايدري كيف يحل هالخلاف اللي بين ابوه وبين ريمان اللي صار شي ممل
ظيمنعظيمنع
ظيمنع
اما ريمان اللي ارتمت بفراشها وهي ضايقه وتكره معاملة ابوها لها هي مسكينه مابيدها شي بس تبي تبين قويه ماتبي ترجع لنفس الضعف اللي كان سبب في دمار حياتها ومستقبلها
مرت قبالها هاذيك الذكرى ايه ذاك اليوم ذاك اليوم اللي كانت فيه ضعيفه ما قدرت تدافع عن نفسها غمضت عيونها بقوه وهي ماتبي تتذكر اللي صار
ظيمنعظيمنع
ظيمنع
عند فيصل خلصوا صلاة وساعد عادل لما وصله السياره ولف بضيق :انا بمشي شوي انتم اسبقوني لاحقكم
ابو عادل :خير وش صار
فيصل: ولا شي
ابو عادل :زين لا تتأخر
فيصل : طيب
تحرك ابو عادل وهو تارك وراه فيصل اللي متحطم ومكسور ومشتاق لأمه اخذته رجله لمكانها لقبرها وقف وهو يناظر القبر بضيق جلس وهو يبوس ترابها ودموعه ما وقفت تكلم بصوت مخنوق : يمه اشتقت لك والله اشتقت لك مو بس انا كلنا ضايعين يمه بدونك خايفين ومرعوبين ي ليت الايام ترجع وترجعين مابي شي مابي الدنيا مابي كل ذا نبي بس ترجعين معنا غيابك والله سبب فراغ فينا ادري مليتي من هالكلام اللي كل مره اردده بس هاذي الحقيقه والله يمه بدونك احنا ضعاف ..جلس وهو يضحك من بين دموعه :لا تخافين بقولك كل شي. صار معنا هذا الاسبوع ههههه بقولك وش اخر الاجرامات زي ما يقول عادل لا تخافين محد بياخذ مكانك يمه
جلس فيصل وهو يسرد لامه كل شي صار وهو يدري ما تسمعه بس يخفف عنه همه
كان يتكلم ويتكلم وناسي نفسه قطع عليه اتصال عادل سكر الجوال ووقف وهو يقول :انا بروح يمه لكن برجع لك
وقف وهو يمسح دموعه بطرف شماغه وطلع من المقبره ووقف تاكسي وراح للبيت
ظيمنعظيمنع
ظيمنع
في بيت الجد ناصر كان الحريم بجهه والرجال بجهه والكل موجود ماعدا فيصل وريمان ريمان مو شي جديد ونادرا ما تحضر اما فيصل اللي كان غيابه غريب في كل الجلسه كانوا كثير يراقبون بعض بس محد حاس بأحد نسرين كانت عينها على عادل

وعادل في باله اشياء كثيره ومنها سبب غياب ريمان عن تجمعاتهم وخصوصا انه سمع رائد يتكلم مع ابوه عن مشاكله مع ريمان ابو عادل اللي ينتظر فيصل يجي وخايف ابو محمد يرمي كلمه كالعاده وينكد عليهم اما منى كانت تراسل الحرمه اللي بيخطبون من عندهم وتوصف لها حال ابو عادل وعياله
وكانت مبسوطه من ردود الحرمه اللي كلها ايجابيه اما رائد اللي باله مع فيصل ومن جهه ثانيه يفكر كيف يحط حد لمشاكل ابوه وريمان والبقيه يسولفون
ظيمنعظيمنع
ظيمنع
عند اديم اللي كانوا جالسين الكل وموجودين عمها ابو نوره وعمتها سهام كانت اديم جالسه وهي كارهه وجود بنات عمها بس ماتقدر تعترض وكان الكلام مقتصر بس على الكبار رويده ومروى يسولفون وام مشاري وام نوره يسولفون والرجال يسولفون اخذت اديم جوالها وهي مو شايفه اي اثر لفيصل او يدل انها بخير شافت اخر حل انها تنزل سنابه واذا رد معناته بخير صورت سنابه وهي تعلق بشي يوصف داخلها (‌‏يا اخر اخبار قلبي وش هي اخبارك !؟)
سكرت جوالها وهي تنتظر رد منه
ظيمنعظيمنع
ظيمنع
عند فيصل اللي وقف قبال بيتهم وهو محتار ماله خلق يحضر اجتماع العايله يبي ينفرد بنفسه شوي تنهد وهو مايدري وين يروح لكن بنهاية الامر قرر يروح لبيت جده ويفتك من كلام عمه ولا يعرض ابوه للاحراج تقدم وهو يحاول يبتسم ودخل: السلام عليكم
الكل :عليكم السلام
توجه فيصل لجده وابوه وعمه وهو يبوس روسهم وبعدها جلس وهو ساكت الجد :وينك تأخرت لايكون رجعت تهاوش
ابو محمد :ماهي بعيده عليه
فيصل رفع راسه وهو يتكلم بهدوء : لا تخاف ما رجعت اتهاوش بختصر عليك اليوم كثر الكلام
ابو عادل: وين كنت تأخرت
فيصل رفع راسه لابوه وهو يجاوبه وعينه بعين ابوه وكأنه يذكره بأمه : كنت عند اللي نسيتوها
وصلت الرساله لابوعادل اللي ارتعش قلبه ولا قدر ينطق بشي الكل فهم على فيصل اللي لف وهو يقول :نواف صب لي شاهي
قام نواف وصب الشاهي وجابه لفيصل ورجع جلس اخذ فيصل البياله وعشان يتجنب الاحتكاكات طلع جواله وابتداء يشوف الرسايل وفضاوة الناس راح للسناب وشاف اديم منزله السنابه دخل وهو مستغرب من ذا اللي تسأل عن اخباره ما رد عليها لكن سواء نفس حركتها

.... 25 ....

ونزل سنابه وعلق عليها وهو حاس انها له ( ‏اي والله إني ضايق ومرهق ومخنوق وحزين)
اديم دخلت تشيك وشافته نزل سنابه بسرعه دخلت وشافته منزل صوره مغبشه وعليها التعليق انقبض قلبها وحسته فعلا حزين رجعت تصور سنابه وتكتب ( ‏ي صاحبي لا تضايق تراني ضقّت
‏تعال اطلب عيوني و حاجتك مقضيه )
فيصل اللي كان مو مع الناس من لما قرا السنابه ابتسم وهو يدري انها له بس بطريقه ذكيه رجع ونزل (‏'صاحبك له تجربه مع رحلة الفرقى ‏أنا أكثر أنسان بالدنيا ؛ فقد غالي )
اديم هنا ضرب قلبها تذكرت امه ضاق خاطرها فعلا كان نفسها ترد عليه مباشره بس ماطاوعها قلبها (‏عِندما تَشعر أنك فَقدت كُل شيء، تذكر أن الله معك وهو رب كل شيء .)
فيصل اللي انشرح قلبه على طول وماقدر يجلس بعيد دخل لها خاص وهو يقول ( لا تقولين انك مو جالسه تردين علي !)
اديم ارتجف قلبها وكتبت ( وليه نسبتها لك )
فيصل ضحك ( حنين بطلي واضح انك تردين وبعدين تعليقا على السنابه الثانيه تسلم عيونك )
اديم قطبت حواجبها بأستغراب وطلت شافت سنابتها وغمضت لما ادركت انها قالت اطلب عيوني ولا اعرفت ترد (انا اتكلم كذا بدون ما احس اذا شفت احد ضايق )
فيصل ( المشكله عذرك غبي )
اديم ( رجعنا على الغرور )
فيصل ( خلاص ما بجادل اليوم بالذات مالي خلق )
اديم ( وش فيك ليش حزين دايم شاق الكشره)
فيصل ( ولا شي ملح الحياه)
اديم (ما فهمت؟!)
فيصل( ههههه اقصد مشاكل الحياه)
اديم ( وليه قلت عنها ملح)
فيصل ( يعني عشان اخفف ثقلها عني )
اديم (بس انت جالس تضغط اكثر على نفسك)
فيصل ( ليش)
اديم ( مشاكل الحياة احيان تكون ملح وينكب على جرح )
فيصل ( ههههههه وشوله قلتي اني مجروح)
اديم ( كذا طرا لي )
فيصل ( حتى لو كانت تضر شوي بس تداوي )
اديم ( صح )
سكتوا شوي وفيصل اللي نسى همه وغرق بالسوالف وانشد واديم اللي كانت بعد ناسيه الدنيا ومنشده لكلام فيصل ونفسها تعرف اكثر عنه
فيصل ماكان وده ينقطع الكلام وكتب ( انتي دايم كذا احساسك صايب )
اديم (هههههه لا نادرا )
فيصل ( اها ونادرا هذا كلها جت علي)
اديم ( يعني تقدر تقول احساسي يضرب احيان بس احيان يصدق اذا حطيت فراسي شي )
فيصل ( رجعنا لدوامت الاهتمام المزيف)
اديم( كيف)
فيصل ( ولا شي بخليك تلعبين شوي على نفسك)
اديم ( تصدق انك ما تنعطى وجهه)
فيصل بدقه (بس انعطى قلب )
ارتعبت اديم وهي خايفه انه كشف انها خاقه معه ( اقول توكل على الله )
ضحك فيصل وارسل ( تعالي امزح معك بس صراحه بعترف )
اديم : يمه يعترف بأيش معقوله حبني يمه ..(تعترف بوشو)
فيصل ( انا لاول مره في حياتي تقابلني وحده متمرده مثلك )
اديم تفشلت : وجع قال ايش قال حبني وهو تو يعرفني ملقوفه انا ملقوفه ( ليش متمرده بأيش )
فيصل ( يعني طريقة كلامك اسلوبك ردودك الصادمه )
اديم( صدمتك بأيش يعني )
فيصل ( مثلا من شوي لما نزلت سنابة اني ضايق وزعلان : بنات كثير ردوا علي بس بطريقه الاستعطافيه الغزليه المعتاده لكن انتي رديتي بغير رد بحركة ذكيه منك)
اديم ابتسمت وهي تقوم وراحت لغرفتها دخلت وقفلت الباب وهي تبي تاخذ راحتها ( وهذا يعني تمرد )
فيصل ( ايه خصوصا انك في كل ردودك تحاولين وتوصلين لي معلومة انك مو مثلهم واني ما استحق هالغرور كله )
اديم ( الحق عندك تمرد ؟؟)
فيصل ( لكل من نظرته لكن خليني اقترح عليك اقتراح )
اديم ( وشو !)
فيصل ( بما انك مصره على رايك وانا بعد مصر الواضح انه مافيه حل لذلك انا اقول تعالي نصير اصحاب)
اديم ( شلون يعني )
فيصل ( يعني نبعد عن وصف انك مثل كل البنات واني مغرور )
اديم (يعني تعترف اني ماني مثلهم)
فيصل(ماقلت اعترف اقول نبعد عن هالاحتمال وبعد مده نحكم )
اديم( زين اتفقنا)
فيصل ( دام اتفقنا خليني استاذن وصل الغداء)
اديم(زين)
سكر فيصل جواله وهو يشوف جاي بإتجاهه :فيصل وشفيك
فيصل لف وهو مبتسم: ولا شي
رائد: زين قلي وش صار معك امس
فيصل : ولا شي تهزأت كالعاده
رائد: عشان كذا ضايق
فيصل:ههههه لا تستهبل انت تدري اني مايهمني
رائد: زين وش فيك
فيصل : ولا شي والله بس طرت لي امي
سكت رائد وبعدها قال:الله يرحمها مابيدينا حل
فيصل: صدقت
رائد: زين وين ناوي نطلع اليوم
فيصل: للحين مافي راسي شي الا اني انام بس
رائد: ياخي انت وبعدين مع ذا النوم حقك
فيصل: نفسي انام وش فيك وبعدين نطلع بالليل
رائد: زين .

المواضيع المتشابهه لموضوع: عيونك شوكة في القلب توجعني و عبرها للكاتبة ديم الراشد مكتملة لموضوع: عيونك شوكة في القلب توجعني و عبرها للكاتبة ديم الراشد مكتملة
الموضوع	كاتب الموضوع	المنتدى	مشاركات	آخر مشاركة
حروفك سرقتني من بين الحضور اهيم بك دهرا ولا اكتفي للكاتبة ثرثره صامته مكتملة	همسه الشوق	همس للقصص وحكايات وروايات	42	11 - 7 - 2024 07:31 AM
عزاي إنك رجاي العذب لو كل الدروب عثور للكاتبة اديم الراشد	همسه الشوق	همس للقصص وحكايات وروايات	85	19 - 2 - 2022 08:50 PM
وظائف بشركة الراشد عبد الرحمن الراشد إدارية لحملة الدبلوم و فوق بعسير	همسه الشوق	همس للوظائف في جميع القطاعات	2	20 - 10 - 2021 05:06 PM
ياشجون القلب لو تدري بإن قلبي يعشق عيونك	حنين الأشواق	همس الشعر والقوافي	4	30 - 9 - 2021 03:25 AM
روايه خاني وذليته للكاتبة مشاعل الراشد	جروح الم	همس للقصص وحكايات وروايات	65	8 - 6 - 2018 01:24 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

عيونك شوكة في القلب توجعني و عبرها للكاتبة ديم الراشد مكتملة

همس للقصص وحكايات وروايات