الله كريم وجاب لي قلبن كريم
فيه الموده والمحبه والغلا
اليوم جوي روعه وممطر وغيم
من يوم شفتك مرحبابك ياهلا
بشب لك ناري والاظلاع الهشيم
اقلط بقلبن عن غرامك ماسلا
يعطيك حبً ماتلاشى من قديم
اشرب وقلبي من محبتك امتلا
ماهي محبة شلة الحب الذميم
اللي محبتهم يجي فيها بلا
محبه من الله على النهج السليم
واقولها واثق وقدام الملا
قريحة اشعاري معك ماهي عقيم
تنجب لك اغلا شعر في سوق الغلا
لانك حلا مصبوب والله العظيم
هو فيه احد بالكون مايحب الحلا
في زمتك تاخذ من الحر العديم
وفي طاعتك تاخذ من الشعب الولا
من عاش معك يعيش عمره في نعيم
حتى لو انه ماشرب والا كلا
بقول للعاشق وانا ماني غشيم
العشق سيف وكم من العشق اقتلا
اما تكون بعيشة احبابك مقيم
وتذوق طعم احساسهم والا فلا ..!
|
|
|
|
او 
لمشاركة اصدقائك!
عضويتي
يعطيك حب ماتلاشى من قديم 
العرض العادي
