شبكة همس الشوق - عرض مشاركة واحدة

16 - 9 - 2014, 10:51 PM

************************************************** ************************************************** ************************************************** ***************************
بيت ابو سطام
ابو سطام وهو يصد بوجهه:هذا اخر كلام عندي ياسلطان
سلطان بقهر:بس يبه .....
ابو سطام قاطعه:وحطبه تبي تناقش ابوك بعد
سلطان قام وحب راس ابوه وايده:اللي تأمر فيه ياللغالي
ابو سطام ربت على كتفه:ايه هذا ولدي اللي ما يكسر كلام ابوه متى تبي الملكه
سلطان تنهد ويحس انه مخنوق:اللي تامر فيه انت وعمي وبنت عمي انا مالي كلام من بعدكم
ابو سطام ابتسم:الأسبوع الجاي زين ؟؟
سلطان شد على قبضته بقهر:ان بغيت بكره براحتك تبي شي الحين
ابو سطام:لا بس ارجع بدري وجهز نفسك بكره ملكتك
سلطان طالع ابوه بأندهاش وطلع بسرعه من البيت وتوجه للبحر وكل تفكيره بالبنت اللي يكلمها بالأيميل وكيف يخبرها
وكيف يبعد عنها وهو مره تعود عليها مع انه حتى مايعرف اسمها للحين تنهد بقهر وهو يقول:ربي دبرني فأني لا أحسن التدبير
اللهم اني عبدك ابن عبدك راضٍ فيا حكمك عدلٌ فيا قضائك اسألك بكل اسمٍـ هو لك ان تكتب الخير لي حيث كان
************************************************** ************************************************** ***************
بيت ابو نايف صرخت
دانيا:نعععععععععععععععععععععععععععم بكره ملكتي وليه انشالله وبأمر مين
ام نايف كانت بتتكلم بس سبقها ابو نايف:بأمري انا
دانيا بدموع:بابا بليز انا ادري انك ماراح تسوي فيني كذا انا حتى مدري وش اسم العريس
ام نايف قربت بتضمها اعطاها نضره ابونايف وهو يقول:اقول انتي ماتنعطين وجه من يوم تززوجت اختك والعرسان ماغير يدقون بهالباب وانتي تدلعين
وانا اسايرك واقول كل مره هالمره بتعقل وبتوافق ولكن انتي تماديتي وبصراحه يوم كلمني اخوي مارديته وكلامي صعب اغيره لعيونك
دانيا طالعت ابوها بقهر: لا يابابا الكلام يتغير ومو معجزه تغيره ولا عيب وترى والله اللي تسويه فيني ما نشوفه الا بالمسلسلات بهالزمن محد يغصب بنته يبه اافهمني الله يخليك
ابو نايف جلس على الكنب وبتمثيل للأنكسار:طيب يابنتي سوي اللي تبينه ويجي على هواك بكره لا جا عمك نزلي كلمتي قدامهم وفشليني واذا سألك الشيخ ارفضي
داليا طلعت غرفتها وهي بقمة عصبيتها وقالت وهي طالعه:وهذا اصلاً اللي بسويه
ام نايف والدموع بعينها:والله هالبنت بتفشلنا بكره
ابو نايف:الله يعين بس تهقين اني تسرعت يوم رديت على اخوي بالموافقه
ام نايف تهربت بنضراتها:والله مدري ياناصر وش اقول بس الله يلم شملهم بخير
************************************************** ************************************************** ************************************************** ***************