شبكة همس الشوق - عرض مشاركة واحدة - رواية وش حيلتي اذا الشوق صوبك دعاني كاملة

15 - 11 - 2014, 06:52 PM

وبعد ماهدت نفسيتها وصارت أحسن من قبل
سعود: سعاد اخو طارق جا يدوره ,, انتوا شلون صار هو معكم
سعاد وهي تتذكر مواقف طارق معهم النبيله: طارق كان كرسيه جنب ابوي,, ولما صارت الهزات ابوي جاته نوبه قلبيه واسعفه طارق قاله يكح وحط لا الاوكسيجين وشوي تحسنت حالة ابوي
سعود بإصغاء: طيب
سعاد: قالوا بعدين نخلي الطياره وخذت حنان حجابها وشقته وربطت يدي بيدها ويد ابوي بيد طارق ,, وطبينا من فوق,, وبعدها جلسنا على حطام واللي يموت,, وصوت الصراخ وبعدها صووت قوي انفجار الطياره,, وناس ماتوا بسبب حطام طاح فوقهم
سعود وهو متأثر: لاحول ولا قوة الا بالله
سعاد وهي تكمل وكانها مسجل: وجاب لنا طارق حطام لابوي ورفعه عن البحر,,وانا انسدحت معه,, وحنان بحطام جنبنا وبعدها غفيت وصحيت لقيت الفرق جايه وحنان مو عندنا ودمعت عيونها

سعود: وطارق
سعاد: طارق من جاب الحطام للرجال وولده اللي معنا وبعدها راح يجيب له,, شفته لقى واحد وركب فوقه ولا عاد شفته بعدها
سعود: حركه الموج,, واحد شافه يقول هالكلام
سعاد بقهر: طيب ليه مايحسوون
سعود: سعاد الواحد اذا طاح من عتبه انهد بدنه وحس بوجع,, شلون انتوا الطياره انتفضت فيكم,, وبعدا طبيتوا من ارتفاع 1000 متر,, وعلى محيييط موجه عالي وقوي,, زين ان في احد حيا,, والله ماهقينا بعد هالمنظر المخيف احد بيحى
سعاد: كنا بفلم رعب ياسعود,, جثث وناس حيه ماتت قدام عيوننا,, وأبوي كانت حالة خطره ماكان يتكلم,, مايقدر يتحرك ,, انا خايفه يصير في أبونا شي
سعود وهو يمسك يد أخته: بيقوم بالسلامه ان شاء الله
سعاد:ابي اشوفه لو من ورا النافذه
سعود: بكره نشوفه ,, أنتي الحين أحسن
سعاد: إيه
سعود: أجل يالله قومي خل نروح لأقرب فندق
سعاد: وأبوي
سعود : نجي بكره بس أبي اتمدد لو ساعتين ,, احس ان بيغمى علي من التعب
سعاد: بسم الله عليك يالله خل نروح
سعود: ماعندك عبايه
سعاد بحرج:لا في شنطتي
سعود : طيب بروح أجيب لك شي تلبسينه

وطلع سعود يسأل موظف تبع السفاره اذا في مكان يلقى فيه عبايه لأخته
ودله الموظف على محل الجلابيات المغربيه واخذ لأخته جلابيه وشاال وعطاه اخته تلبسها

وتوجهوا للفندق بعد ما خلصوا اجراءات الخروج لسعاد
وأول ماوصل سعود للفندق انسدح ع السرير بملابسه وغررررق بالنووم من التعب

اما نايف راح للسفاره وطلب منهم انه يروح مع الطيارات والسفن في البحث عن أخوه واصر بالذهاب وطلب من السفاره انه تطلب من الملاحه البحريه انهم يسمحون له ,,
وبالفعل وافقت القوات البحريه وارسل لسعود رساله, انا رحت أدور عن اخوي واختك بالبحر مع سفن الانقاذ , وهذه خر سفن تتوجه لموقع الحادث وان شاء الله ارجع ومعي اللي يسر خواطرنا,, اخوك نايف

وعطى نايف خبر لاخوه وزوجته نجود انه راح يروح مع السفن ويوم او يومين بالكثير ويرجعون.