روايه زهرات صغيرات على الحياه

#1 12 - 2 - 2022, 02:11 AM

روايه زهرات صغيرات على الحياه

روايه:((زهرات صغيرات على الحياة))

للكاتب:سامي العوبثاني

تعريف بشخصيات الروايه

...عائله عبدالله...
الاب:عبدالله
العمر:٥٥سنه
المهنه:رجل اعمال

الام:هند
العمر:٤٧سنه
المهنه:ربة بيت

الابنه الوحيده:سندس
العمر:٢١سنه
المهنه:طالبه جامعيه
((مواصفات:بشرتها بيضه خشمها طويل شوي مناسب لوجها المربع عيونها سوده ووسعها ورموشها طويله وكثيفه شعرها اسود طويل لنص ظهرها))

...عائله عائشه...
الام:عائشه
العمر:٦٥سنه
المهنه:ربة بيت

الابن العود أو الكبير:محمد
العمر:٣٥سنه
((مواصفاته بشرته تميل للقمحيه خشمه طويل شوي وجه متوسط الطول شعره اسود وعادي عيونه كبار شوي ولونهم عسلي رموشه صغار مررره لحيته بعد عاديه وعشوائيه ووسامته بعد وسطانيه))

الزوجه:رنا
العمر:٢١سنه
المهنه:ربة بيت
((مواصفاتها:جمالها عادي بشرتها برونزيه خشمها صغير ودقيق وجها متوسط الطول ودائري عيونها سود وحلوه لايقات لشكلها شعرها اسود لتحت كتفها))

الابنه:دينا
العمر:٢١سنه
المهنه:طالبه جامعيه
((مواصفاتها:حلوه بشرتها بيضه خشمها متوسط الطول وجها دائري عيونها عسليه وصغار شوي رموشها اسود ومو كثيفه كتير شعرها اسود وناعم لآخر طهرها))

...ببيت حصه...
الام:حصه
العمر:٧٠سنه
المهنه:ربة بيت

الابنه الوحيده:منار
العمر:٢١سنه
المهنه:طالبه جامعيه
((مواصفاتها:جميله وجمالها فاتن بشرتها بيضه بس مو بذاك الابياض خشمها طويل كالسلت السيف وجها دائري عيونها اسود وواسعه بس مو كتير رموشها اسود طوال وكثيفه شعرها اشقر طويل لنص ظهرها وزود شوي))

...ببيت فاطمه...
الام:فاطمه
العمر:٥٠سنه
المهنه:ربة بيت

الابن الوحيد:سامي
العمر:٢٦سنه
المهنه:السعي نحو الانتقام
((مواصفاته:ملامحه جميله بشرته تميل لبياض خشمه طويل وصغير عيونه اسود متوسطات الحجم رموشه عاديه شعره اسود كثيف لحيته صغيره عطته جذبيه اكثر))

باقي شخصيات مانبي نحرقها عليكم بتشوفها بالقصه

ويالله توكلنا ياكريم

الموضوع الأصلي : روايه زهرات صغيرات على الحياه || الكاتب : حنين الأشواق || المصدر : شبكة همس الشوق

12 - 2 - 2022, 02:12 AM

رائع ماتقدموه من ابداع جميل
ننتظر المزيد منكم
لكم مودتي

12 - 2 - 2022, 02:12 AM

روايه((زهرات صغيرات ع الحياة))

للكاتب:سامي العوبثاني

البارات 1

...ببيت عائشه...
بصاله ع طاولة الاكل الكل قاعد يتغذى...دينا تتكلم:يمه عادي اروح مع صديقاتي للسوق؟؟
محمديتدخل:لاموعادي...هذا الي قاصر تتهايتين بالاسواق...أن فكرتي تخطين خطوه برى البيت...بحش رجولج حش...ماعندنا بنات يرحون للأسواق بروحهم
رنا:حرام عليك محمد...خلها تستانس مع صديقاتها
محمد يطالع برنا:سالفه بيني وبين اختي...انتي شكو؟؟
رناتفشلت:اسفه...وتقوم:حمدلله
عائشه:قعدي يمه بعد مااكلتي شي
رنا:لاخالتي حمدلله شبعانه...عليكم بالعافيه...وصعدت ع درج
عائشه:محمد يمه مايصير جذيه...تفشلها قدامنا
محمد:خلج منها

...ببيت هند...
بالغرفه سندس قاعده ع كنبه تسوي مناكير ع اظافرها وتغني:كون نصير اني وياك
نجمه بسماء وغيمه
نسافر فوق مانرجع
نعوف كوكب وضيمه...بهالحظه دخلت عليها امها:ليش مانزلتي تغذيتي معانا؟؟
سندس مندمجها بشغلها:اولا ماني جوعانه الحين...ثانيا بروح سوق انا وصديقاتي ومنها بناكل لنا شي هناك
هند:ومنوصديقاتج هذولا؟؟...لايكون بنات الفقراء الي تماشينهم
سندس:ماما حبيبتي شماته بناس مو زينه...وبعدين الفقر عمره ماكان عيب...والاهم من هذا كله يكفي انهم بنات ناس ومحترمين... مقياس بني ادم اخلاقه موفلوسه
هند:والله وصرتي تعرفين تتكلمين ياسندسوه...خلهم يقصون عليج وياكلون حلج وحلالج
سندس:يستاهلون عليهم بالففففف عافيه
هندتقلدصوتها:يستاهلون عليهم بالف عافيه...وترجع لنبره صوتها:قليله الحياء
سندس:يمه تكفين خليني ساكته احسن
هند:وتهدديني بعد؟؟
سندس:ماني راده عليج...عشان ماتروحين تتشكين عند ابوي وتعورين راسه

...ببيت حصه...
بصاله حصه قاعده تمسح الارض طلعت منار من الغرفه:قوه يمه
حصه وقفت شغلها وتلف لها:هلايمه
منار:بروح السوق مع صديقاتي
حصه:روحي يمه بحفظ الرحمن وصونه
منار:تبيني اجيب لج شي بطريقي؟؟,
حصه:لايمه سلامتج
منار:يله مع سلامه
حصه:حافظج الرحمن

...ببيت عائشه...
بالغرفه دينا قاعده ع كنبه مسويه روحها زعلانه دخلت عليها امها:زعلانه؟؟
دينا من غيرماتطالع فيها:لا
عائشه:سمعي اخوج قبل شوي طلع
دينا:ادري
عائشه:دامه طلع بخليج تطلعين مع صديقاتي...بس ها!!!....لاتطولين عشان اذا جاء مايشك بانج مو موجوده بالبيت
دينا من الفرحه نطت وحضنت امها:ياعساني ماانحرم منج يااحلى واغلى ام بالكون كله
عائشه بمزح:عن العياره عاد وروحي جهزي روحج على مايجون صديقاتج
دينا:زين...زين...وع طول للحمام

... ببيت هند...
بصاله هند وعبدالله قاعدين ع كنبه يطالعونTv...هندتتكلم:اصب لك چاهي؟؟
عبدالله:ايه صبي...مسكت هند الداله وصبت له بالاسكانه((فنجان اوالكاس)):احط لك شكر؟؟
عبدالله:ايه شوي...بهالحظه نزلت سندس من ع درج:قوه دادي
عبدالله:هلاوالله بنيتي...هلا بحبيبه ابوها...هاعلى وين العزم أن شاءالله؟؟
سندس:بطلع مع صديقاتي
هندبصوت شبه مسموع:الله وصديقات عاد...بنات الفقر
عبدالله:توكلي يبه الله معاج...تبين شي؟؟...محتاجه شي؟؟
سندس:لادادي انت مومقصر معاي بشي...يا الله بخاطركم
عبدالله:الله معاج...وطلعت
هند بعصبيه:بنتك هذي بتموتني قاصره عمره...وعليها لسان اللهم كافي
عبدالله:هند يبه خلي البنت بحالها ولا تطغطي عليها
هند:والله ماحد خربها وكبرها غير دلعك ودلالك لها
عبدالله:بنتي ووحيدتي...اشلون ماتبيني ادلعها؟؟
هند:خلك ع عامك...بنتك الغبيه قاعده تصرف الآلاف للبنات الفقراء
عبدالله:بنتي عقلها براسها وتعرف تتصرف بفلوسها...ودامها تعطيهم جزاءها الله خير صديقاتها وتبيهم يستانسون معاها
هند:انت وبنتك تغثون الواحد بكلامكم

... بسياره سندس...
سندس تسوق وعندها منار وبالكرسي الي وراء دينا...سندس تتكلم:بنات من وين تبونا نبلش بتسوق؟؟
دينا:نبلش من مجمع*****
سندس:ويع وايد قديمه انتي
دينا:عيل من وين؟؟
سندس:من مجمع*****...شرايكم؟؟
منار:زين اتفقنا
دينا:سندوس شغلي لنا شي خليني نسمع...بهالحظه رن تليفون منار:لحظه بنات...وردت ع تليفونها: هلا حبيبي...لاانا رايحه مع صديقاتي للمجمع...اسفه حبيبي نسيت...مجمع ال*****...اوكيه...يله باي
سندس:لايكون بيجي هناك ويشوفج
منار:ايه...يقول مشتاق لي
دينا:مالت عليج...طيح الله حطج انتي وهالبدر هذا...انا لو حبيبي نفس هذا...كان كرهت الحب ورومانسيه
سندس:ههههه...تخيلي دندون يكون عندج حبيب
دينا:انا لوعندي حبيب...ابيه يكون طويل نحيف شوي معضل اشقر...بشرته قمحيه...بمختصر مهند التركي
سندس:صج صج قديمه...انا لوعندي حبيب ابيه يكون اسمر نحيف خشمه طويل
دينا تقاطعها:عرفته...بارك اوباما ههههه
سندس:ويه بسم الله علي...اخذ واحد مثل بارك اوباما...فال الله ولا فالج
منار:خلاص... خلصتوا؟؟ تطنزتوا؟؟...عيل من بقى ما تطنزتوا عليه
سندس:باقي دور عليج انتي ههههه
دينا:هههههه

... بالمجمع...
دينا وسندس ومنار يمرون ع محلات...يدخلون محل ملابس...سندس تتكلم:بنات شرايكم بالفستان الي لونه احمر؟؟
دينا:حلوبس أحسه وايد ضيق
سندس:انا احب البس جذيه...توجه كلام لصاحبة المحل:لوسمحتي اشوف فستان الي ع اليمين
منار:بنات بخليكم شوي
سندس:وين رايحه؟؟
منار:بدر ناطرني بالكوفي
دينا:بليز رجعي بسرعه مانبي نتاخر
منار:ربع ساعه وانا عندكم...ماني متاخره...وطلعت
سندس تمسك فستان:اخذه؟؟
دينا:احس الاسود الي ع جهه يمين احلى
سندس:زين...وتوجه كلام لصاحبة المحل:بليز نزلي الاسود

12 - 2 - 2022, 02:15 AM

انسكاب عطر
حضورك غيم
وحروفك مطر
فلا غرابة ان يكون الربيع هنا

12 - 2 - 2022, 02:15 AM

البارات 2

...بالمجمع...
بالكوفي ع أحد طاولات بدر ومنار قاعدين مقابلين بعض...بدريتكلم:حبيبتي كلما تصيرين احلى
منار مستحيه:مشكور حبيبي...عيونك الحلوه
بدر:ماكوشي محلي عيوني كثر شوفتج...شوفتج بنسبه لي تسوي الدنيا ومافيها
منار:ياحياتي والله استحي من هالكلام
بدر:لاتستحين ولاشي...وبعدين شفيها لو واحد تغزل بحبيبته وقلبه وعيونه وانفاسه وشرايينه و
منار تقاطعه:ههههه...هالله انا كل هذا بنسبه لك؟؟
بدر:وبتعرفين اكثر لو فتشتي بقلبي...انا ماشفت الحب الحقيقي الي معاج
منار:من غير ماتقول هالشي باين بعيونك
بدر:فديت انا الي تقراء نظراتي
منار:هههه...بهالحظه رن تليفونها:هذي سندس...وردت عليها:هلاسندس...اوكيه شوي وجايه...يله مع سلامه...حبيبي تاخرت ع صديقاتي ولازم امشي الحين
بدر:وانا؟؟
منار:ماعليه حياتي خلها مره ثانيه...نقعد اطول من جذيه...بليز لاتزعل ولاتاخذ بخاطرك مني
بدر:توعديني؟؟
منار تقوم:ايه حبيبي اوعدك
بدر:يله ماشي
منار:باي
بدر:باي...وراحت منار...ابتسم بدر بخبث:ماشي يا حلوه

...بالمجمع....
بالكوفي ع أحد طاولات سندس ودينا قاعدين ع كراسي مقابلين بعض...دينا تتكلم:وينها؟؟
سندس:شوي وبتجي...بهالحظه لمحتها تمشي صوبها:كاهي جات
منار وصلت:هاي...وقعدت
سندس ودينا:هايات
دينا:وين الي تقول ربع الساعه وجايه
سندس:هههه...اظاهره نستنا ونست نفسها واغرغت بالحب وغراميات مع حبيب القلب
ودينا:والله زين ردتي على تليفونج..تصدقين لومارديتي كان ناوين نمشي ونخليج هني
منار:ع بالج اذا رحتو ماراح اقدر ارجع بروحي
سندس:تركي عنج هالكلام...ويله خلصينا طلبي
منار:انتو شنو طلبتوا؟؟

...ببيت هند...
بالغرفه سندس قاعده ع كرسي تطقطق بتليفونها دخلت عليها امها:رجعتي؟؟
سندس:ايه يمه
هند:شنو شريتي؟؟...وتقعد ع سرير تفتح الاكياس طلعت فساتين وساعه:هذا الي شريتيهم؟؟
سندس:ايه يمه...شرايج؟؟
هند:هذي انتي من يومج ماتعرفين تنقين مثل ناس...كلش مو طالعه علي...ماعلينا...كم صرفتي اليوم؟؟
سندس:مادري...بحدود ظ،ظ¥...ظ¢ظ جذيه
هند:ع دولا؟؟...والله مايستاهلون حتى دينارين...زين كرت بعده معاج ولا عطيتيه ابوج؟؟
سندس:بعده معي
هند:هتي اعطيني ياها...انتي قاعده تصرفين فلوس ع الاشياء ماتسوى وحق صديقاتج الخمه
سندس:يمه حبيبتي صديقاتي عمرهم ماطلبوا مني شي...وانا اذا عطيتهم اعطيهم بقناعتي...تراهم عندهم عزة نفس وشايفين خير
هند:عيال الفقر هذي حركاتهم يتمسكنون لين يتمكنون

...ببيت عائشه...
بالغرفه دينا قاعده ع سرير سمعت طراق صوت الباب:منو؟؟
رنا تفتح الباب:ممكن اقعد معاج شوي؟؟
دينا:حياج تعالي...الله جابج بروحي متملله
رنا تقعد:ها اشلون كان السوق اليوم؟؟
دينا:يوه...انتي تدرين باني رحت للسوق؟؟
رنا:ايه خالتي قالت لي
دينا:لايكون محمد درى بعد؟؟
رنا:تطمني ولاتخافين محمد من العصرمارجع البيت
دينا:اشوا ريحتيني
رنا:الا ماقلت لي...شنو شريتي من سوق؟؟
دينا:الساعه الي قدامج...لا وبعدها هديه من سندس
رنا تأخذ الساعه وتطالع فيها:والله حلوه وتهبل
دينا:اذا عجبتج خذيها...انا عندي وايد ساعات بالكبت
رنا:لايامعوده...لاتبلشيني مع اخوج...اذا شافها بيفتح معي محضر تحقيق

...ببيت حصه...
بصاله منار وحصه قاعدين ع كنبه...حصه تتكلم:منار يمه
منار:هلايمه
حصه:روحي للغرفتي جيبي لي دوائي
منار:أن شاءالله يمه...رحت منار وبعد دقيقتين رجعت بيدها كيس وسكانة ماء ومدتهم لامها:تفضلي يمه
حصه تأخذهم:مشكوره حبيبتي
منار تقعد:يمه من هاليوم ورايح لاتقومين بشغل البيت...شوفي وجهج اشلون صاير
حصه:انا متعوده ع شغل البيت...اذا قعدت ماارتاح
منار:بس يمه انتي بروحج تعبانه و
حصه تقاطعها:انا بخير ومافيني الا العافيه...بهالحظه رن تليفونها بأسم نصفي الثاني:يمه انا اخليج شوي بكلم صديقتي
حصه:سلم لي عليها
منار:أن شاءالله يمه...وهي تمشي صوب غرفتها:الو

... بالجامعه...
بالكوفي ع أحد طاولات سندس قاعده ع كرسي وقدامها سكانه عصير جات لعندها امل:هاي سندوس
سندس:هلاامول
امل:عادي اقعد معاج؟؟
سندس:ايه اكيد تفضلي
امل:مشكوره حبيبتي ماقصرتي
سندس:قبل اي شي...شنو تطلبين؟؟
امل:مشكوره حبيبتي ماابي شي...الا اقول وين منار ودينا اليوم؟؟...مااشوفهم معاج
سندس:عندهم محاضرات

... بالجامعه...
دينا توها طالعه من القاعه:اوفففف...مابغى يخلص هذرته...طلعت تليفونها من جنطتها ودقت ع منار:منور انتي وينج فيه؟؟
منار بصوت شبه مسموع:بالقاعه عندي محاضره
دينا:شنو؟؟...مااسمعج
منار:بالقاعه عندي محاضررررره
دينا:شقاعده تقولين انتي؟؟
منار:عندي محاضره
دينا:والله مااسمع شقاعده تقولين...المهم سندس ناظرتنا بالكوفي ...تعالي ولاتتاخرين...يله باي...صكرت الخط:شفيها هذي؟؟...تشح وكأنها ثعبان...ومشت

...بالجامعه...
بالقاعه الدكتور يشرح وكان في مجموعه من الطلاب قاعدين ع كراسيهم ومن بينهم منار الي توها خلصت مكالماه من دينا وحطت تليفونها بالجنطه...الدكتور ينتبه لها:يابنت شعندج؟؟...كل شوي تتلفتين...وتطلعين التليفون اذا ماتبين محاضره طلعي برى
منار:اسفه دكتور
دكتور:زين خلج منتبه معاي...وكلكم انتبهوا لان هالمحاضره وايد مهمه...بهالحظه جاتها رساله وتساب من دينا:((وينج؟؟))
منار طلعت تليفون من جنطه شافت الرساله وردت عليها:((انا بالقاعه عندي محاضره...مابقى شي واخلص نطروني بس دقائق))
دكتور يوجه كلام لمنار:يابنت طلعي برى
منار:دك
دكتور يقاطعها:اقولج طلعي برى...منار قامت وطلعت برى وهي حيل مفتشله

12 - 2 - 2022, 02:16 AM

البارات 3

...بالجامعه...
بالكوفي ع أحد طاولات سندس ودينا قاعدين مقابلين بعض...دينا تتكلم:شفيها هذي؟؟.. لما شافتني راحت
سندس:شكلها كانت تبي تقول لي شي...لما شفتج راحت
دينا:من زين سوالفها ومواضيعها عاد
سندس بمزح:حدج عاد...تراها بنت خالتي وماارضى عليها
دينا:ماغلطنا ولاكفرنا
سندس:ماعلينا...الا منار وينها؟؟...بهالحظه جات منار:فشله والله فشله
سندس:خير...شصاير؟؟
منار:دكتور طردني من القاعه
دينا وسندس:هههههههه
دينا:ههه..ليش؟؟..شمسويه؟؟
منار:ولج عين بعد تسالين؟؟...هذا كله منج
دينا:تقصدين لما دقيت عليج كان عندج محاضره...هههه...وانا اقول ليش تشحين كانج ثعبان ههههه
منار:ايه ايه ضحكي ضحكي...مااكون انا منار لومارديت لج فعلتج هذي ياغبيه
سندس:ع الي سوته تستاهل تردينها لها
دينا:وانا شدراني كان عندها محاضره
منار:لاتحاولين تبرري...بردها لج بردها لج

...ببيت عائشه...
بالغرفه محمد قاعد ع سرير ورنا قاعده ع كرسي تطالع Tv...محمد:قصري ع صوت تلفازيون
رنا اخذت الريموت وقصرت ع صوت وبعد بتردد تكلمت:محمد...انا بروح باجر بيت ابوي...عازيمين عمي سالم وعياله...وحتى انت وخالتي ودينا معزومين بعد
محمد:كلمني ابوج واعتذرت منه
رنا:انزين...انا منو بيوصلني؟؟
محمد:حتى انتي مابتروحين
رنا:محمدليش؟؟...والله من يوم تزوجنا...مازراتهم الا مره او مرتين...شتبيهم يقولوا عني
محمد:لما اعتذرت من ابوج ماقال شي...لأنه يدري شورج بيدي
رنا:اشلون يعني مااروح؟؟
محمد:لالا تروحين اقعدي انثبري هني...و صكري النور وتعالي ابيج

...ببيت هند...
بصاله عبدالله وسندس وهند قاعدين ع كنبه...سندس تتكلم:يبه
عبدالله:هلا بحبيبه أبوها...امريني
هند:عشتوا...ترى ماحد بيخربها غير دلعك لها
سندس تمزح:يبه شكلها امي تحبك وايد وتغار عليك مني
عبدالله يمزح:صج كلامها؟؟
هند:لارد
عبدالله:اطاهر كلامها صج...هههه
هند:انت لوتفكر وتفهم...اكو ام تغار من بنتها؟؟...بس انا الي أقصده مايصير تدلعها وايد وتعطيها الي تبي...خلي ايدك ثقيله عليها شوي
سندس:يمه اشلون يخلي أيده ثقيله علي؟؟...يطقني؟؟...ترى انا جسمي حساس و مايتحمل طق
عبدالله:ترى هذي بنتي الوحيده...مااخلي شي بخاطرها
هند:ع راحتك
سندس:يمه شفيج علي؟؟...تراني بنتج مو عدوتج
عبدالله يمزح:امج الغيره شابه بداخلها...ماتبي أحد ياخذ قلبي غيرها
سندس:اظاهره جذيه ههههه

...ببيت عائشه...
بالمطبخ رنا تغسل موعين دخلت عليها عائشه:رنا انتي هني؟؟...ماراحتي بيت ابوج؟؟
رنا:لا مارحت
عائشه:ليش؟؟...فيج شي؟؟
رنا تلف لها:مافيني الا العافيه...بس محمد مارضى
عائشه:هوو...وليش مارضى؟؟...ماانتي رايحه بيت احد غريب...وبعدين انتي من زمان مارحتي وزرتيهم
رنا:تكفين خالتي كلمي محمد عشان يخليني اروح
عائشه:تدرين فيني مااقدر عليه...بس بحاول عشانج

...ببيت حصه...
بالغرفه منار قاعده ع كرسي تتكلم بتليفون:صج؟؟
بدر:اكيد صج حبيبتي...اقول حبيبتي
منار:امرني حبيبي...شتبي؟؟
بدر:انا صراحه هالايام جيبي خالي...ومحتاج شوية فلوس...بمختصر ابي منج سلفه واردهم لج
منار:والله انا الحين ماعندي شي...بس بحاول ادبر لك من اي احد
بدر:تكفين حياتي...خلال هاليومين
منار:أن شاءالله
بدر:يخليج لي ياعمري ولا يحرمني منج

...ببيت عائشه...
بصاله محمد وعائشه ودينا قاعدين ع كنبه...عائشه تتكلم:محمد...خلي رنا تروح تشوف اهلها...مسكينه من زمان عنهم
محمد:هي قلت لج شي؟؟
عائشه تكذب:لايمه حشى ما نطقت بكلمه...بس كاسره خاطري
محمد:انا مقدر انج امي وكلامج ع عيني وراسي ...بس هالشي بيني وبين زوجتي ماحد له شغل فيه
عائشه:انا قلت الي عندي وانا كيفك
محمد يوجه كلام لدينا:روحي لها فوق قعدي معها
دينا تقوم:ان شاءالله

...مكالمه بين منار وسندس
منار:سندوس ابي اطلب منج شي...بس مستحيه
سندس:شدعوه منوره قولي عادي...ترى احنا خوات
منار:ابي منج كم دينار سلفه...لين اردهم لج
سندس:كم تبين بتحديد؟؟
منار:مادري والله...الي عندج
سندس:الي عندي خير والحمدلله...بس انتي حددي الرقم
منار:خمسائه اربعه جذيه
سندس:اوكيه بالليل بمرهم لج
منار:مشكوره سندوس ماقصرتي
سندس:احنا خوات ومابيننا هالكلام واذا تبين شي مايردج الالسانج
منار:سندس
سندس:هلا
منار:تكفين دينا لاتعرف بموضوع
سندس:هالشي اكيد من غير ماتقولين
منار:يله حبيبتي اخليج...باي
سندس:باي

12 - 2 - 2022, 02:16 AM

البارات 4

...عند بيت حصه...
سندس ومنار قاعدين بسياره...سندس تمد فلوس لمنار:تفضلي...انتي طلبتي خمسائه خليتهم لج الف قلت يمكن محتاجه اكثر بس مستحيه
منار تأخذ فلوس:لااا...سندوس والله خمسائه كافي
سندس:انزين الباقي خشيهم ليوم الاسود ع قولتهم...والله لايجيب ذاك اليوم لا لج ولا لي ...وبمزح:ويله عطيني مقفاج...عندي مشواير بعد
منار:هالحزه؟؟
سندس:ايه هالحزه...اغراض امي بالمجمع وبروح اخذهم
منار:انزين اخليج عشان تخلصين بسرعه وماتتاخرين ع البيت
سندس:خايفه علي ها؟؟....ههههه
منار:هههه صديقتي وحبيبتي اشلون ماتبين اخاف عليج
سندس بمزح:أن شاءالله مايكون هالخوف عشاني عطيتج كم دينار
منار:كلش ماهقيتها منج تشكين بغلاتج عندي هههه
سندس:هههه حبيبتي

...ببيت عائشه...
بالغرفه رنا قاعده ع سرير دقت دينا الباب ودخلت قعدت عندها:رنوش انتي تبكين؟؟
رنا تمسح دموعها:عيل تبيني اضحك...واخوج منعني من شوفت اهلي
دينا:حبيبتي ماتلامين...كافي عليج صابره ع أسلوبه ومعاملة لج...انا ابي اعرف شي واحد بس...وين كان عقلج لما وافقتي تتزوجينه؟؟
رنا:اخوج قبل الزواج ماكان جذيه ولا كان هذا أسلوبه ومعاملةمعاي...جذيه تغير فجاءه بعد زواج
دينا:حبيبتي هذا كان يمثل عليج وانتي صدقتيه...محمد من يوم فتحت عيني ع الدنياء وهذي هي اطابعه
رنا:اخوج لو يزودها شوي..بخليه واروح بيت اهلي
دينا:والله احسن لج دام هذا أسلوبه معاج...اخوي مايتعاشر...احنا اهله مو متحملينه عيل انتي زوجته شتقولين...مااقول الا مالت ع حطج بس

...ببيت هند...
بصاله هند قاعده ع كنبه دخلت عليها سندس وبيدها اكياس:هاي مامي
هند:هلا
سندس تقعد:هذي اغراضج جبتهم لج
هند تفتح الاكياس:اها زين...بكم طلعوا لج؟؟
سندس:تطمني ماما مااخذت شي من حسابج كلش...كل هذا من حسابي
هند:اها زين سويتي...انا امج و اولا فيهم من الغريب
سندس تقوم:يله انا بروح انام...بأجر وراي جامعه...الاصج يمه...بابا وينه؟؟...مااشوفه
هند:ابوج راح دوانيه حق ربعه يشوف المباراة
سندس:اها زين...عيل تصبحين ع خير
هند:وانتي من اهله

....ببيت عائشه...
بالغرفه دينا نائمه ع سرير دخلت عليها امها:هذي للحين بعدها نائمه؟؟...ومشت لعندها تصحيها:دينوه...دينوه
دينا من تحت الغطاء:ها
عائشه:قومي...ماتبين تروحين للجامعه؟؟
دينا:لايمه مالي خلق
عائشه:ع كيفج هو؟؟...يله قعدي يله
دينا تقعد:يمه راسي يعوارني...ابي انام
عائشه:راسج يعورج من سهر لاخرالليل...والله يا دينا لوتسهرين مره ثانيه وصبح ماتقعدين تروحين جامعتج...بعلم عليج اخوج...واخليه يتصرف معاج
دينا تفتح عيونها بخوف:لالالا يمه تكفين الا محمد لاتدخلينه بسالفه
وتكمل:وبس خلاص ثوبه اسهر مره ثانيه...والحين بجهز نفسي واروح
عائشه:انزين زدتج ولاتتاخرين راه تحت ينظرج

...برى الجامعه...
بسياره بدر قاعد منتظر منار تطلع بعد لحطات لمحها وهي تطلع من البوابه:اخيرا طلعت
منار تركب سياره:صباح الخير حبيبي
بدر:هلاقلبي...صباح النور وسرور...تصدقين مانمت امس افكر فيج
منار:بدر حبيبي مو وقته هالكلام...اخاف حد من بنات تشوفني معاك واتوهق
بدر:انتي مو تقولين صديقاتج يدرون بعلاقتنا
منار:انا مااقصد ع صديقاتي...بنات الي يعرفوني وزميلاتي
بدر:زين... عيل وين تبينا نروح؟؟
منار:مانروح مكان...وتطلع فلوس من جنطتها وتمدهم له:هاك...هذي فلوس الي طلبتهم
بدر ياخذ فلوس ويطالع فيه:مشكوره حبيبتي ماقصرتي...صدقيني بعوضج عن كل شي تسوينه لي بعدما نتزوج
منار:متى؟؟...متى يابدر نتزوج؟؟
بدر:قريب ان شاءالله...بس خلج واثقه فيني
منار:اكيد واثقه فيك
بدر:ياعمري انتي...وباسها
منار مصدومه وبعصبيه:بدر شنو هذا؟؟...شهالجراءه الي فيك؟؟...ما هقيتك وسخ ونذل جذيه...صج انك قليل الادب...انا الغيبه اني حبيت واحد وقح مثلك...ونزلت
بدر:منار...منار...ياهوووه الحبيبه زعلت...ماعليه ارضيها بعدين بكلمتين وباقه ورد...هذي لوخسرتها...بخسر كل الي خططت له

....ببيت عائشه...
بالغرفه رنا قاعده ع سرير ومحمد واقف قدام المرايه يعدل غترته...محمديتكلم:شفيج؟؟...من امس مو ع بعضج
رنا:مافيني شي
محمد:ادري انج زعلانه لاني ماخليتج تروحين بيت اهلج
رنا بصوت خفيف:دامك تعرف شحقه تسال بعد
محمد:شنو قلتي؟؟...مااسمع
رنا:ماقلت شي
محمد:غسلي وجهج ونزلي تحت ساعدي امي
رنا:أن شاءالله
محمد:أن شاءالله...وانتي قاعده مكانج...امشي تحركي...رنا راحت للحمام عشان تغسل وجها بعدها طلعت خارج الغرفه

...بالجامعه...
بالكوفي دينا و سندس ومنار قاعدين مقابلين بعض...دينا تتكلم:منار شفيج؟؟...من جيتي من برى وانتي مو ع بعضج
منار:تهاوشت مع بدر
سندس:ليش تهاوشتو؟؟
منار ودموع بعينها:تخيلوا شسوى؟؟
دينا:منور خبصتي قلوبنا...تكلمي
منار:باسني
دينا وسندس شهقوا وبصوت واحد:شنو؟؟
سندس:هذا واحد قليل الادب ووقح...ومايستحي ع نفسه...شلون يتجراء يسوي جذيه؟؟
دينا:هي الي عطته وجه...لوماعطته وجه مايقدر يلمس شعره منج
سندس:ماعليج منه والي صار صار...ووو
دينا:اشلون ماعليج منه ولي صار صار...روحي اشتكي عليه عند الشرطه بتهمه تحرش جسدي
منار:هذا الي قاصر...عشان الي يسوى ومايسوى يتكلم عني
سندس:عيل سمعي...دامج عرفتيه ع حقيقته خلاص لا تكلمينه وسوي له بلوك ولا تخلينه يوصل لج باي شكل من أشكال...خله يعرف انج بنت ناس مو بنت شوارع

...بسجن...
كان في مجموعه مساجين كل واحد ماسك له مكان قاعد فيه جا شرطي وينادي من وراء الباب:سامي يوسف ال،،،،،،... سامي يوسف ال،،،،،
سامي يقوم:موجود
شرطي يفتح الباب:تعال
سامي يتقدم صوب الباب

12 - 2 - 2022, 02:17 AM

البارات 5

...بالمخفر...
ضابط قاعد ع كرسي مكتبه...سمع طراق الباب... الضابط:تفضل
دخل سامي: السلام عليكم
الضابط:عليكم السلام...حياك استريح
سامي يقعد:الله يحييك...خير شصاير؟؟...شحقه جايبيني لهني؟؟
الضابط:خلاص انتهت فتره محكوميتك...والف مبروك تم افراج عنك...ويطلع له الورقه:وقبل لاتمشي وقع على ورقه خروجك
سامي بفرحه ياخذ الورقه ويوقع:تفضل...يعني خلاص صرت حر؟؟...اقدر اسوي اي شي من غير قيود
الضابط:ايه اكيد...وانتبه ع نفسك مره ثانيه...لاتضيع عمرك وشبابك بهالمخدرات وبهاالبلاوي
سامي بخاطره:انا الذنب ماكان ذنبي ...طيحني بهالمصيبه عشان يتخلص مني وماافضحه...بس دامي طلعت وصرت حر بدفعه ثمن غالي...والله لخليه يلعن ساعه الي جاء فيها
الضابط:سامي...سامي
سامي ينتبه له:ها حضرت الضابط
الضابط:وين سرحت؟؟
سامي:معاك...معاك...اقدر اطلع الحين؟؟
الضابط:اكيد...قام سامي وسلم ع الضابط: مشكور ياحضرة ماقصرت
الضابط:حياك
سامي:يله فمان الله
الضابط:الله معاك

...ببيت حصه...
بالغرفه منار قاعده ع سرير تبكي رن تليفونها بأسم((نصفي الثاني))ردت عليها من غير شعور...وتتكلم بعصبيه:لك عين عقب الي سويته تدق
بدر:حبيبتي انا اسف...والله العظيم اسف...انا مادري اشلون سويت الي سويته...والله متحسف قد شعر راسي...تصدقين حبيبتي
منار تقاطعه:لاتقول حبيبتي...عقب الحركه الي سويتها اعتبر الي بيني وبينك انتهى...انت وين مفكر نفسك لما سويت هالحركه
بدر:والله طلعت مني تلقائيا" من غير مااحس...كح كح كح
منار بخوف:بدر شفيك؟؟
بدر:من لما زعلتج ضاق خلقي وايد...ورحت ع طول البحر...الي يشوفني يقول ميت علي احد...والله من صبح مااكلت شي وقاعد بهالبرود...وماراح ارجع البيت الا لما تكوني راضيه علي
منار:بدر انت لهدرجه تحبني؟؟
بدر:واكثر مماتتصورين
منار:خلاص ارجع البيت وباجر نتفاهم
بدر:صعب ارجع وانتي زعلانه علي
منار:بدر بيحوشك البرد وتمرض
بدر: أن شاءالله لواموت هني ماعندي مشكله...اهم شي تسامحني
منار:بسم الله عليك ...بدر شفيك؟؟...لاتقعد تفاول ع عمرك...انا والله اضيع بدونك
بدر بفرحه:افهم من كلامج بان طاح الحطب خلاص
منار:ايه خلاص بس لاتعيدها مره ثانيه...وتمسح دموعها:يله ارجع البيت

...ببيت فاطمه...
بالحوش فاطمه تنشر ملابس ع الحبل دخل عليها ولدها سامي فجاه:السلام عليكم
فاطمه بصدمه:سامي...نزلت دموعها من الفرحه وركضت صوبه وتحضنه:يهلا بنظر العين يهلا بنظر العين...البيت تنورت فيك ياخلف طوايفي...وتبكي
سامي يبعدعنها ويبوس ايدها:لاتبكين يالغاليه...دموعج والله غاليه...تعالي تعالي...ندش داخل...ونسولف
فاطمه:من فرحتي فيك و بشوفتك...يانظر عيني...ومشوا مع بعض لين دخلوا البيت

...ببيت عائشه...
بصاله ع طاولة الكل قاعد يتعشى...محمديتكلم:يوم الخميس بيجون ناس يخطبون دينا
دينا كانه احد صب عليها ماء بارد من صدمه:انا؟؟
محمد:ايه انتي...ولاموعاجبج الخبر؟؟
عائشه تتدخل:محمد يمه...دينا بعدها صغيره وتبي تكمل دراستها
محمد:الي بعمرها متزوجين وعندهم عيال...والمره مالها الا بيت زوجها...واذا ع دراستها نشرط عليه تكمل دراستها...أن وافق يكون خدمها وسوى لها معروف...وان ماوافق مانقدر نجبره ع شي مايبيه
دينا تقوم:حمدلله...وركضت صوب الدرج
محمد:شفيها هذي؟؟...ناس يبون لها الستر...وهي ماتبي...بنات اخر زمن
رنا تقوم:بروح اشوفها
محمد:قعدي...رنا قعدت
محمد:انتي تبين تشوفينها عشان تترسين مخها...موجذيه؟؟
رنا:لارد
محمد:اعرف سوالفكم انا

...ببيت هند...
بصاله سندس قاعده ع كنبه تطقطق بتليفون وهند قاعده ع كنبه تتكلم بتليفون:اهو متى العرس؟؟...أن شاءالله...أن شاءالله...ياحليلها...ايه والله صاجه...حبيبتي والله ماتقصرين...يله مع سلامه...صكرت الخط وتوجه كلام لسندس:هذي حليمه تقول عرس بنتها خميس الجاي...وبعد شوي بتطرش لنا كروت واحد لي وثاني لج
سندس مندمجه بتليفونها:قولي لها لا تطرش لي شي...ماراح اروح
هند:وليش ان شاءالله؟؟
سندس:مالي خلق لهالاعراس و هسوالف
هند:لا هالمره بتروحين وغصب عنج
سندس:انزين اذا تبين اروح معاج...قولي لها تطرش كروت بعد حق منار ودينا
هند:هذا الي قاصر اشترط عن الناس واتنازل عن كبرائي عشان بنات الفقر
سندس:دامج ماتبينهم خلاص انا بقعد حالي من حالهم
هند:انا ابي اعرف شي واحد بس...شنو مسوين لج...لهدرجه متعلقه فيهم
سندس:الي يفهم العشره ويقدرها يسوي اكثر من جذيه
هند:لا انتي يبي لج الملا يقراء عليج...لانج كلش مو صاحيه

...دردشه بين سندس ودينا ومنار بالوتساب...
دينا:((هاي بنات))
سندس:((هايات))
منار:((هايات...شفيج؟؟))
دينا:((محمد الدعله يقول بيجون ناس يوم الخميس يخطبوني))
سندس:((...جذيه من غير ماياخذ رايج؟؟))
دينا:((تخيلي))
منار:((احنا وين عايشين؟؟...وباي زمن؟؟...روحي قولي له زمن جدي وجدتي انتهى وقته ))
سندس:((شخبري...بعده ماسك ع العادات القديمه؟؟))
دينا:((بنات تكفون...قولوا لي شنو الحل؟؟))
سندس:((الحل انج تقولي رايج قدامه ولاتخليه يفرض شخصيته عليج))
دينا:((محمد انسان متوحش ماحد يقدر يوقف بوجه))
منار:((مرضي...تحججي باي شي))
دينا:((مااقدر والله مااقدر بنفضح قدامه))
سندس:((خلهم يجون يخطبونج وطلعي لهم وسوي نفسج وحده عقلها ع قدها وماتعرف شي))
منار:((ههههه...افكارج��...هههه))
دينا:((تتوقعون بنجح؟؟))
سندس:((اكيد بتنجحين دام خليت أحد يساعدج))
دينا:((بخلي امي ورنا يساعدوني))

...ببيت فاطمه...
بالغرفه سامي منسدح ع سرير دخلت عليه امه:للحين مانمت؟؟
سامي يقوم ويبتسم:هلا هلا يمه
فاطمه:ها؟؟...شعندك مانمت للحين؟؟...بشنو قاعد تفكر؟؟
سامي:يمه قاعد افكر وخطط اشلون انتقم من الي ورطني بقضيه مخدرات ودخلني السجن
فاطمه:لالا يمه...خلي عنك هالكلام والافكار...انت خلاص الحين طلعت...وابدء حياتك من جديد...بعدين عنهم وعن مشاكلهم...والله فوقهم وبياخذ حقك منهم
سامي:والله مابقدر اعيش مرتاح...دامي تخليهم جذيه وماخذيت حقي منهم
فاطمه:سامي يمه تعوذ من ابليس...اناماصدقت ع الله اشوفك مره ثانيه واكحل عيني بشوفتك
سامي:لاتخافين علي يمه ولدج رجال...ورجاجيل ماينخاف عليهم

12 - 2 - 2022, 02:17 AM

البارات 6

...ببيت فاطمه...
بالغرفه سامي واقف قدام المرايه يمشط شعره دخلت عليه امه وبيدها بخور:صباح الخير
سامي يلف لها:صباح النور...ياهلا بالغاليه...ويحبها ع راسها
فاطمه تقرب بخور من سامي:ماشاءالله...وتبارك الرحمن...ياحلاة الوجه...من زمان عنه...وترفع ايدها وتدعي:ياالله ياحبيبي تخلي لي وليدي سامي...ولاتحرمني من شوفته...وياعساني اشوفه دووم مستانس وسعيد...وافرح فيه واشوف عياله...قول امين
سامي:امين
فاطمه:يله يمه اخلص عشان تتريق...ترى ريوق جاهز من الصبح
سامي:حبيبتي يمه ماتقصرني
فاطمه:وانا من لي غيرك ادلعه واستانس عليه

...ببيت هند...
بصاله هند وعبدالله قاعدين يتريقون...عبدالله يتكلم:سندس بعدها نائمه؟؟
هند:مالهاحسها اكيد نائمه
عبدالله يطالع الساعه الي بيده:الساعه قربت توصل ثامنه...عندها محاضرات بالجامعه...ليش مااحد قعدها؟؟...بهالحظه نزلت سندس من ع درج وتغني:بلاني زماني بواحد اناني

نسى طيبة قلبي وعطفي وحناني
عبدالله:هلا بهالصوت...هلا بحبيبة ابوها...هلا بالقمر البيت...تصدقين يبه تونا ع طاريج
سندس تمشي صوبهم:لايكون تحشوا فيني
عبدالله:افا ياابوج...ابوج مايدكرج الا بالخير
سندس تحبه ع راسه:ياحياتي بابا...وتمشي صوب امها وتحبها ع رأسها :وحبيبتي ماما...بشنو كانت تتكلم عني؟؟
هند:قعدي تريقي...واتركي عنج الدلع الماصخ...وبصوت شبه مسموع:حتى الدلع مولايق عليج...احم
عبدالله:هند...علامج ع البنيه؟؟...ماحد يتغشمر معاج انتي؟؟...صايره كبريت نار...تتحساسين من اي شي
سندس:باباحبيبي لاتحر روحك...تراها امي وماازعل عليها
عبدالله:طول عمرج دربه واصيله ياابوج...ويطالع بهند:ياريت بعض الناس يتعلمون منج

...ببيت عائشه...
بالمطبخ رنا ودينا وعائشه قاعدين يتريقون...عائشه تتكلم:للحين حرارته مرتفعه؟؟
رنا:يقول الحين احسن
دينا:بدق ع سندوس عشان اروح معها الجامعه...وطلعت تليفون من جنطتها ودقت:هلا حبيبتي...اشلونج؟؟...حمدلله زينه...انتي وينج فيه؟؟...بليز مريني البيت بروح معاج الجامعه...يله اوكيه...باي
عائشه:بتمر عليج؟؟
دينا:اكيد...سندوس بعمرها ماترد احد
عائشه:هذي موبنت هند؟؟
دينا:ايه يمه
عائشه:امها قشره ما يعجبها العجب...بس البنت ماشاءالله تهبل طيبه وخلوقه وفوق هذا كله جمال الدنياء كله فيها...حطيط الي بياخذها
دينا:يمه هذي انتي شفتيها مره او مرتين جذيه تقوليني عنه...عيل احنا الي مرافقينها شنقول وشنخلي فيها...البنيه ماشاءالله عليها حبيبه
عائشه:الله يحفظها ويخليها للاهلها...وتوجه كلام لرنا:ريوق محمد حطيته لج بالفرن...انا بروح اغسل ملابس...وطلعت
دينا:ابيج بسالفه...بس موالحين عقب ماارجع من الجامعه...اوكيه؟؟
رنا:أن شاءالله

...بمكان قريب من شركه عبدالله...
عبدالله توه طلع من سياره يمشي صوب الشركه... وسامي كان واقف قريب من الشجره:لك كم يوم تستانس فيهم...عقبه صدقيني مابتذوق السعاده طول حياتك...بعيشك بالجحيم...ومشى

... بالجامعه...
بالكوفي دينا وسندس ومنار قاعدين مقابلين بعض...سندس تتكلم:ها؟؟...شصارع سالفتج؟؟
دينا:سكتي ولي يعافيج لاتذكرني
منار تشرب شوي من عصير وتتكلم:ترى الفكره الي قالتها سندس زينه وبتفكج من عريس الغفله
دينا:لالا اخاف محمد يشوفني ويسوي لي سالفه
سندس:ردت وقالت محمد...موانتي تقولين بانج بتخليني امج ورنا يساعدونج؟؟
دينا:ايه قلت...بس خايفه ومتردده
منار:دينا سمعي ترى هذا زواج مولعبه...افرضي اخوج دبسج بواحد سكير أو مثله متخلف...أو بمليادير كبرجدتج...اخوج توقعي منه أي شي...لأنه يبي فكه منج
دينا:زين قولوا لي شسوي؟؟...دبروا لي الحل
سندس:ماعندنا غير هالحل الي قلناه بالقروب...وتقوم:يله بخليكم...عندي محاضره...وراحت بعدها بثواني رن تليفون منار:بروح ارد ع مكالماه وارجع لج...وراحت
دينا:اوففففف

...عند البحر...
سامي وراشد قاعدين عند السيار...سامي يتكلم:ابيك تاجرني سيارتك
راشد:اخذها بلاش ماتغلى عليك
سامي:بس انت رزقك منها
راشد:الي خلقني مابينساني
سامي يطلع فلوس من جيبه ويمدهم له:هاك...هذا كم دينار دبر حالك فيهم...لين ارجع لك سيارتك
راشد:بس
سامي يقاطعه:من غير بس...لو ماخذيتهم بزعل عليك
راشد ياخذ فلوس ويحطهم بجيبه:مشكور ماقصرت
سامي:يله قومي خليني اوصلك بيتكم وأخذ السياره

...ببيت عائشه...
بصاله دينا ورنا قاعدين ع كنبه...رنا تتكلم:قولي...شعندج؟؟
دينا:اكيد انتي تدرين بسالفه الناس الي بيجون يخطبوني
رنا:ايه ادري
دينا:وتدرين بعد باني مو موافقه
رنا:ايه ادري... وبعدين؟؟خلصي
دينا:وعشان اني ماابيه ا
رنا تقاطعها:دينا وبعدين معاج...تراني مليت...اخلصي قولي شعندج
دينا:زين زين...بقول...بنتفق ع الخطه انا وانتي وامي
رنا:دام سالفه فيها محمد طلعيني منها خير شر...مالي خلق لمشاكل وعوار الراس...وقامت:بصعد فوق...تصبحين ع خير...وصعدت
دينا:اوفففف...انقطع حبل من احبال الامل...باقي اشوف امي شتقول

...قريب من بيت حصه...
بدر قاعد بسياره طلعت منار من البيت وركبت معه...بدر يتكلم:هلا بزعلانه
منار:بدر...شعندك جاي هالحزه؟؟
بدر يقدم لها الورد:هذا
منار:بدر انت من صجك؟؟...داق علي اخر الليل عشان هلورد
بدر:شسوي؟؟...مايهدى بالي الا لما اشوفج
منار:الي يسمعك يقول كل يوم تشوفني
بدر توهق:ماعلينا...بأجر عازمج ع عشاء بنسبه رضاج علي
منار:اوكيه
بدر:يله نزلي قبل لا احد يشوفج
منار:زين زين
بدر:قودباي....وطلعت منار من سياره
بدر بخاطره:باجر بتكون نهايتج ع ايدي يالعذر العفيفه...هههههههه

...بشارع...
بسياره سندس تسوق ومشغله اغنيه ومندمجه معها:كوني نصير انا وياك

نجمه بالسماء وغيمه

نسافر فوق مانرجع

نعوف الكوكب... فجاءه ظهرت سياره قدامها ولولا لطف الله لكان صدمت سندس سياره الي قدامها وصار حادث...يطلع سامي من سياره ويروح لها.((طبعاءهو متعمد سوى هالحركه)):اختي صار لج شي؟؟
سندس من صدمه ماقدرت تتكلم:
سامي يضرب الباب:اختي...اختي...فيج شي؟؟...صارلج شي؟؟
سندس:لارد
سامي يحاول يفتح سياره:اختي...اختي
سندس:لارد
سامي بعد تعب فتح الباب:اختي صار فيج؟؟
سندس توها تصحى من صدمتها:لالا مافيني شي...وتحاول تسترجع قوتها وبعصبيه:,منو انت؟؟...ماتشوف سياره جايه صوبك؟؟
سامي:اسف اختي والله حقج علي...ومستعد اودي سيارتج تصليح واصلحها
سندس:وخر ماابي منك شي
سامي:اختي انا اسف والله اسف
سندس:اقولك وخر...وصكرت الباب وحركت
سامي بخاطره:هذي بدايه ياعبدالله

12 - 2 - 2022, 02:18 AM

البارات 7

...ببيت هند...
بصاله عبدالله قاعد ع كنبه دخلت عليه سندس تبكي:اهى اهى اهى
عبدالله يقوم وبخوف:شفيج تبكين؟؟
سندس تقط نفسها بحضن ابوها:اهى اهى اهى
عبدالله:يبه شفيج؟؟...ليش قاعده تبكين؟؟
سندس:يبه كنت بموت...لموت
عبدالله:شنو يبه كنتي بتموتين؟؟... قولي شصار؟؟
سندس تبعد عن حضن ابوها:يبه قربت اصدم سياره واحد...مو متعمده والله العظيم مو متعمده...هو الي دش بطريقي...موانا الغلطانه...هو الغلطان...اهى اهى اهى
عبدالله:ومنو الواحد هذا؟؟...وشقال لج بطبط؟؟
سندس؟تبكي:مااعرفه اول مره اشوفه...كان قاعد يعتذر مني...بس انا خفت يخبر الشرطه...لان الي يشوف وضع السيارات يقول انا الي غلطانه
عبدالله:دامه قاعد يتعذر اكيد عارف غلطته
سندس:يعني مايقدر يبلغ علي؟؟
عبدالله:ماحد يقدر يبلغ عليج او يلمس شعره من راسج دامي موجود
سندس رجعت حضنت ابوها

...ببيت عائشه...
بالغرفه محمد مريض منسدح ع سرير ورنا قاعده مقابلته تحط له كمادات...محمد يتكلم بتعب:بس خلاص...خلاص لا تحطين لي شي
رنا تحط يديها ع جبهته:محمد حرارتك بعدها مرتفعه...روح مستشفى...خلي دكتور يشوفك
محمد بعصبيه:هذا مو شغلج...حتى لو اموت ماحد له شغل فيني
رنا:والله براحتك...وقامت:تبيني احط لك العشاء الحين ولابعدين؟؟
محمد:ماابيه عشاء...بهالحظه دخلت عائشه: السلام عليكم
رنا:عليكم السلام
عائشه تمشي صوب محمد وتقعد عنده:يمه شلون صرت الحين؟؟
محمد:الحمدلله زين
عائشه تلمس جبهته:يمه حرارتك وايد مرتفعه...روح المستشفى...خلي دكتور يشوفك...مايصيرتقعد جذيه
محمد:يمه مافيني شي
عائشه:اشلون مافيك شي...وانت موقادر حتى تقوم من سريرك...اسمع كلام اميماتك...وقوم معانا نوديك لمشتشفى
محمد:يمه قاعد اقولج مافيني شي
عائشه:لاحول ولاقوه الابالله...وليش كل هالعناد يمه...احنا نقول جذيه من خوفنا عليك
محمد:اذا تبون تخافون خافوا على نفسكم واتركوا خوفكم علي
عائشه:لاحول ولا قوه الا بالله...الله يهداك بس

...ببيت فاطمه...
بصاله فاطمه قاعده ع كنبه دخل عليها سامي:السلام عليكم
فاطمه:عليكم السلام...وينك يمه تاخرت؟؟...قعدت احتايك
سامي يقعد:رحت حق ربعي...ستانست معهم شوي
فاطمه بشك:اكيد رحت حق ربعك؟؟
سامي:يمه رحت حق ربعي...واذا تبين تتاكدين الحين ادق لج على ع رشود واساليه
فاطمه:لاخلاص ماله داعي صدقتك...ايه يمه خلك جذيه بعيد عن مشاكل وعوار الراس...لاتفتح لنا ابواب احنا بغناء عنها
سامي يغير السالفه:ايه صج شنو مسويه لنا عشاءاليوم؟؟
فاطمه:كل خير ياحبيبي...الحين احط لك...وراحت للمطبخ...طلع سامي تليفون من جيبه ودق ع واحد من ربعه:اسمع ابيك تشوف لي باي جامعه تدرس سندس بنت عبدالله...ابي خبر يوصلني الليله...يله اوكيه...فمان الله

...بشقه بدر...
بصاله بدر ونعيم وفواد قاعدين يلعبون قمار...بدر يتكلم:اقول شباب...بأجر ابيكم تفضو لي الشقه
نعيم:ليش؟؟...شحقه؟؟
فواد:لايكون طايح لك ع صيده جديده
بدر:برع¨واعليك ماحد يفهمني كثرك
نعيم:افاعليك احنا بالخدمه...واذا تبي مساعده احنا مانقصر
بدر:انا الصيده هذي لي اكثر من خمسه شهور احاول اوصل لها لكن ماقدرت...لكن بأجر ناوي عليها بطيب بالغصب...وبعدها خلاص بسافر وماراح تشوفون وجهي مره ثانيه

...بالجامعه...
بالحديقه دينا وسندس ومنار قاعدين ع الارض يسولفون...سندس تتكلم:اقولكم متت من الخوف
منار:اشلون كان شكله؟؟
سندس:مادري...صرت ارتجف من الخوف...رجعت البيت وانا ابكي...تخيلي...قاعده ابرر حق ابوي باني موانا الغلطانه ومن هسوالف...عاد ابوي ماقصر هداني وطمني
منار:الحمدلله جات ع جذيه
سندس:ايه والله الحمدلله...وانتبهت لدينا الي سرحانه ومو معاهم كلش:دينا...دندون
دينا تصحى من سرحانها:ها
منار:اظاهر مو معانا كلش
سندس:هههه...شفيج؟؟
دينا:بنات عقب بأجر الخميس وللحين انا متوهقه ومادري شسوي
سندس:قولي انج ماتبينه وخلاص
دينا:انا كم مره اعيد واكررنفس الكلام...قاعد اقول لكم محمد اخوي مايعرف هالكلام
منار:عيل شنو بتسوين؟؟
دينا:موانتو صديقاتي؟؟...يله ساعدوني حلوا لي مشكلتي
منار:انا عن نفسي احس خلاص مخي متوقف
سندس:شتبينا نسوي؟؟...كل الحلول مافادت معاج...ماعليج الا ترضين بالأمر الواقع
دينا:هذا الي طلع منكم؟؟...مااقول الا مالت عليكم وعلى صداقتهم

...ببيت عائشه...
بصاله رنا وعائشه قاعدين ع كنبه...رنا تتكلم:تصدقين خالتي امس ماانام قاعد يون لين اذن الفجر
عائشه:عيزت وانا اقنعه يروح للمشتشفى...الله يهديه مايسمع الكلام
رنا:كلمي أحد عمامه عيال عمامه يمكن يقدرون يقنعونه
عائشه:ايه والله صاجه...اشلون راحت عن بالي...بهالحظه سمعوا صوت محمد ينادي رنا:رنا...يارنا وينج؟؟
رنا:أن شاءالله...أن شاءالله...بروح اشوفه شيبي...وراحت
عائشه:ودينا بعد مسكينه كاسره خاطري...ماتبي تتزوج

...برى الجامعه...
دينا وسندس ومنار واقفين عند السياره...دينا تتكلم:بنات لحظه...نسيت دفتر محاضراتي بالقاعه...وراحت صوب بوابه الجامعه بهالحظه طلع سامي من سياره وجالعند سندس ومنار: السلام عليكم
سندس ومنار:عليكم السلام
سامي:اختي اكيد عرفتيني؟؟
سندس:انت قاعد تكلم منو؟؟
سامي:اكلمج انتي...مو انتي امس قربتي تصدميني سيارتي؟؟...انا جيت اعتذر منج شخصيا واعترف بغلطتي
سندس:اخوي مادري شقول لك...والي صار صار
سامي طلع لها كرت فيه رقمه:هذا رقم تليفوني...سبحان الله تحتاجين مني شي...انا بكون بخدمتج ع اقل اكفل عن غلطتي وما احس بدنب تجهج
سندس اخذت الكرت:
سامي:يله ع اذنج...ومشى
منار:لالا كلش مو مصدقه الي اشوفه قدام عيوني...معقوله في شباب بهالوقت مثله...مسكين قاعد يعتذر
سندس:احس قلبي قاعد يطق بقوه...مادري ليش؟؟
منار:اكيد دخل قلبج
سندس:بهالسرعه؟؟
منار:ماتسمعين عن الحب من اول نظره؟؟...هذا هو
سندس:لامو من صجج

المواضيع المتشابهه لموضوع: روايه زهرات صغيرات على الحياه لموضوع: روايه زهرات صغيرات على الحياه
الموضوع	كاتب الموضوع	المنتدى	مشاركات	آخر مشاركة
نساء صغيرات	همسه الشوق	عالم الانمي والكاريكاتير	17	20 - 9 - 2023 08:57 PM
مع او ضد زواج كبار السن من صغيرات	عادل ابن الرافدين	همس للنقاش والحوار الجاد	10	12 - 2 - 2021 04:28 PM
روايه روحي لك وحدك للكاتبه ريم الحجر روايه رائعه لا تفوتكم	جروح الم	همس للقصص وحكايات وروايات	81	8 - 6 - 2018 01:02 PM
ازياء بنوتات صغيرات وجميلات	همسة الشوق	همس للاسره والطفل	12	17 - 8 - 2015 02:32 PM
صغيرات لكن انيقات	لبى انا	همس عالم حواء	2	4 - 1 - 2013 11:53 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع