سجل دخولك للمنتدى ببيت شعر يعجبك

أسألك باللي فتني فيك صارحني=هو أنت صادق معي والاّ تسلابي ؟!
أي والله أنك بسيف الود ذابحني=أبكي أفراقك وأنا أشوفك على بابي
لا أقفيت عني سموم الشوق تلفحني=ولا أقبلت كنك تصب النار بثيابي !!
أتعبتني حيل .. تكفى لا تريّحني=بك عــّدني عن هواك ولا تعدابي
الى متى وأنت طيفً .. مايصافحني ؟=وأنا أدمح الذنب وأمسح دمعة عتابي
أن جيت أخفــيـّـه : وسط الصدر يفضحني=سيلاً من الشوق يمك ياأقرب أصحابي
أبي الصراحه حبيبي .. أيه صارحني=وش صار مـني ؟ وش اللي صار بغيابي؟
ماني بخاسرك وأنته ماأنت رابحني=ذاك أول اللي ليامن جيت تلقابي ؟
أموت لك من وفايه وأنت تذبحني=والله مـصـيـبه أذا قصدك تلهابي !!
أعـظـم ذنوبي ( أحبك ) وأنت سامحني=عن كل ذنبٍ تحملته من أسبابي
يلعن ( أبو الحب ) لو الحب مالكني=يلعن ( أبو الصدق ) لوهو ساكن أهـدابي
وأسألك بالله : وش ناوي وريحـني ؟=ياأول وآخر وأصدق وأكذب أحبابي !!