سجل دخولك للمنتدى ببيت شعر يعجبك

4 - 5 - 2015, 01:38 AM

يا رفيف الماء .. وفجر العيد .. وأحزان المواني
يا أكثر أهل الأرض طيبة قلب .. وأسرار دفينه

المكان اللي هنا .. مليان ضحكات ، وأغاني
والكلام اللي بغيت أقول .. يحتاج ل سكينه !

4 - 5 - 2015, 01:38 AM

شوفي الركن البعيد هناك .. كنه صدر حاني
هذا هو اللي يليق ب شاعر و بنت حزينه!

أنسي الشارع ، وعتمات الزوايا ، والمباني
هاتي يدينك نلف الغيم و نشكل مدينه !!

4 - 5 - 2015, 01:39 AM

عندي الليلة كلام و صمت .. وأخاف الثواني
تظلمه .. أو تظلم اللي فيه كم ضاعت سنينه

بس لازم تسمعين اللي أبي ولا تراني
لو ب أعيده لك .. نسيت .. ورحت أقول اللي تبينه

4 - 5 - 2015, 01:39 AM

شي واحد قبل ما أبدأ .. ما أبي أي شي ثاني
يخطر ف بالك .. وأنا أكشف لك شعور تجهلينه !

إن أنا .. وبكل ما تحمله " أحبك " من معاني
كنت ، وراح أبقى أحبك .. لين .. مدري وش هو لينه !!

4 - 5 - 2015, 01:40 AM

بس والله ماقدرت أنسى .. ولا همي نساني
لا ذكرت إنسان .. فيه أسرار مابينك وبينه

كل ما تطري علي فكرة هواك الأولاني
أشعر إني أنطعن مليون مره من يدينه!

4 - 5 - 2015, 01:40 AM

أشعر إن عيونك .. الله ما خلقها إلا عشاني
كيف كانت تبتسم له؟!.. قولي إنك تخدعينه !!

صورة إنه كان يمسح دمعك .. تزلزل كياني
وكيف كان يلم شعرك .. ويتبعثر في يمينه

4 - 5 - 2015, 01:40 AM

حتى اسمك يوم رحت أدلله .. حظي رماني..
بنفس الاسم اللي يقول .. بذمتك ماهي غبينه !؟

وكني اللي .. كل ما أناديك بالاسم الفلاني
أطلب النسيان .. يترك منه شي تذكرينه !!

4 - 5 - 2015, 01:41 AM

لا تظنيني أناني .. لا .. أنا مانيب أناني
لو سلمت من الغرق . ب أموت في ظهر السفينه!

يا إني ما أكمل وأعاني .. أو أكمل ثم أعاني..
كل ما اسمع طاري اسمه .. أو تجي عيني في عينه!

4 - 5 - 2015, 01:41 AM

أينا كان الضحيه ؟.. وأينا اللي كان جاني ؟
مدري !.. ولكن قراري لازم إنك تقبلينه:

مثل ما أكره فكرة إنه واحدٍ ياخذ مكاني
ما أقدر أجلس في مكان إنسان.. كنتي تعشقينه!

11 - 5 - 2015, 10:34 AM

نامي على كف العتب والمشاريه
يادمعة سالت من الضيق نامي
لك خـاطرلاضـاق محـد يداريه
حتى ولوسيلك على الخدهامي
تكفين كفي ماك ياعين كفيه
الدمع مايروي كبود الضوامي

طاري

المواضيع المتشابهه لموضوع: سجل دخولك للمنتدى ببيت شعر يعجبك لموضوع: سجل دخولك للمنتدى ببيت شعر يعجبك
الموضوع	كاتب الموضوع	المنتدى	مشاركات	آخر مشاركة
عندما يعجبك قلم عضو في طرحه وفكره	سجات التهاويل	همس للنقاش والحوار الجاد	3	6 - 2 - 2015 11:02 PM
بجاهك دعيتك يا الهي ولي طلب	جروح الم	همس الشعر والقوافي	6	13 - 9 - 2014 05:24 PM
يانجم السماء كم دعيتك	ملك الود	همس الشعر والقوافي	4	11 - 7 - 2014 04:51 PM
سجل حضورك بزي رجالي يعجبك	اخفي غلاك	همس عالم ادم ازياء الرجل عالم الرجل العصري	13	5 - 2 - 2013 07:28 AM
سجل نورك با كاركتير يعجبك	امر تدلل #	همس للاخبار الفنية العربية والعالمية وصور المشاهير	6	13 - 8 - 2012 08:16 PM

الذين يشاهدون محتوى الموضوع الآن : 75 ( الأعضاء 0 والزوار 75)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

سجل دخولك للمنتدى ببيت شعر يعجبك

همس الشعر والقوافي