عبر عن حالتك النفسيه ببيت من الشعر - الصفحة 240

20 - 1 - 2018, 12:18 AM

ياهيه قلي كيف ودك. احكيلك
من باب حب وشوق ﻭﻻ صداقه

ﻫﺬﺍ ﺍﻟﺴﺆﺍﻝ ﺍﻟﻠﻲ ﻫﺪﻡ ﻗﻠﺐ ﻣﻐﻠﻴﻚ
بعد الجفي ﻭشلون ترجع علاقه

20 - 1 - 2018, 12:23 AM

هالله هالله

20 - 1 - 2018, 12:24 AM

تعال اسولف لك عن الشوق يالليل
ليه البشر ي يا ليل تهجر بلا اسباب

وليه القلوب بهالزمن قاسيه حيل
لا تقدر العشره ولا تذكر احباب

20 - 1 - 2018, 07:50 PM

شميت عطرك وأنتشر فيني الشوق
من دون ما أشعر زاد فيني حنيني

من يوم شفتك والغلا ساقني سوق
جيتك وأنا كلي أمل تحتويني..

20 - 1 - 2018, 08:45 PM

انت تبت؟!
ولا من حبي تعبت؟!!
اي عذر لغيبتك اقدر اجيب!
كنت لي ظلي القريب
ويوم غاب النور غبت
،،،

21 - 1 - 2018, 07:13 PM

لي الشرف غير الزمن ماكسرني
اطيح واضحك وانا كلي طعـون

حتى ولو طيبي ذبحني و دمرني
اموت لي منه ولا امووت ممنون

21 - 1 - 2018, 09:00 PM

الشوق لازم يعتبر عذر طبي
قاسي وقلب اللي يحب مايقاوم
خوفا على قلبي ونبضي وحبي
اذا انا مشتاق مارااح اداااوم

21 - 1 - 2018, 10:45 PM

مدام به ناس دون الحق مستحيه
يالذيب لاتامن الميزان والقاضي

الوضع ماعاد به شارب ولا لحيه
طزين يااهل الكلام الكاذب الفاضي

22 - 1 - 2018, 08:53 PM

اذا طبعك كذا ماابيك
بترضى ولا مايرضيك
نصيحه لاتزودها ترى اسويها واخليك
انا كلي اجي لاجيت
وابيع الدنيا لا حبيت
ولكن تدري وش عيبي؟!
اذا صديت انا صديت،

23 - 1 - 2018, 05:21 AM

ماعاد تفرق معاي إنْ رحت والا رجعْت
جيَّتْك / والا عدم جيَّتْك / عندي استوَت

علمني الوقت يوم إني صغير وسمعْت
النفس / تظهر ملامحها على ما حوٓت

وانا على حسْب ما شفته معك وإطلعْت
نفسي قوَت / يوم لك نفْسٍ لبعدي قوَت

وش نزَّلك منت كنت اتشوف بأنْك إرتفعْت
الظاهر إنَّك دريت / إن الخطاوي هوَت

والظاهر إنَّك دريت إنَّك نزلت و خضعْت
مؤلم شعور النفوس / اللي تجي لـَ أنكوَت

ماقول ما كنت نجمٍ في حياتي سطعْت
لكن يا كثر النجوم اللي طفَت من ضوَت

وما آقول كارهْك / لكنِّي بعَدْك إقتنعْت
إنَّ المحبَّة لها أغصانٍ / من إيدك ذوَت

وما قول ماضقْت / لكنِّي بعَدْك إستطعْت
أروِّض ذيابة الضيقة / بعَد ما عوَت

قصرت فيني وخاويت الغياب وقطعْت
حتى رويت العيون مْن الجفا وإرتوَت

والحين ناوي تبي ترجع بعَد مـَ انت بعْت
نويت ترجع / ولكن عزتي ما نوٓت

ياليتك بيوم فرقانا / بوجهي دمعْت
على الأقل مـَ أعتبرتك / صفحةٍ وإنطوَت

المواضيع المتشابهه لموضوع: عبر عن حالتك النفسيه ببيت من الشعر لموضوع: عبر عن حالتك النفسيه ببيت من الشعر
الموضوع	كاتب الموضوع	المنتدى	مشاركات	آخر مشاركة
عبر عن حالتك النفسيه ببيت من الشعر	همسه الشوق	همس الشعر والقوافي	756	14 - 7 - 2025 12:30 AM
احذر عادات تستنزف حالتك النفسيه	عادل ابن الرافدين	تطوير الذات والبرمجه اللغويه العصبيه	7	22 - 4 - 2021 11:28 AM
لسانك مؤشر حالتك الصحية	نظرة عين	همس للطب والصحه	8	19 - 2 - 2015 08:45 PM
سجل حالتك بالمسن	●∫قْلبهآإ مغ‘َـرِورْ !	همس للمسنجر توبيكات وثيمات والصور	205	19 - 2 - 2014 08:15 PM
كوب يعبر عن حالتك المزاجية	تالا**	همس للصور والغرائب	11	21 - 3 - 2012 04:00 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟