روايه ودك تنامين نامي

28 - 3 - 2014, 11:31 AM

(( بيت ابو فيصل ))( بعد ربع ساعة )دخل فيصل البيت مستانس وشااااق الوجه " والله وكبرتي يا لينا وصرتي قمر ... !! "يمنعدخل البيت وشاف شوق تناقز وامل قاعدة ف الكرسي حقها ... ونسايم تكلم بالتليفون شكلها تصيح ..يمنعسكت فيصل ومشى بهدوووء عشان ما تحس نسايم عليه ... وسمعها تكلم امها ..يمنعنسايم تصيح : والله يا ماما ادري .. بس ايش اسويله..؟؟ كلمته مية مرة .. مو راضي .. يقول كلميهم وخلاص !!!! ادري والله ادري .. والله كلكم وحشتوووني .. وابغى اشوفكم .. بس .. يا ماما الظروف ما تسمح ...يمنعسكتت شوي بعدين قالت : لأ .... الله يخليكي يا ماما لأ .. والله لايزيد علي والله .. لاتكلميه ولا شي... انا بحاول معاه مرة ثانية .. لأ ولا بابا لاتخليه يكلمه .. كذا بيقول اني انا اشتكيت لكم .. الله يخليك يا امي ماني ناقصة مشاكل وهواش ...يمنعقعدت تسمع وش قالت لها مها بعدين فجأة صرخت : للللللللللللللللللللللللللأ .......!!!!لأ امي لأ الله يخليك .. لا تسوين كذا فيني لأ.... واللي يعافيك ...يمنعشوي الا انهارت صياح يوم انقطع الخط وجلست تصيح ع الكنبة صياح قوي ويقطع القلب....يمنعانكسر خاطر فيصل عليها .. وكره ابوووه زيادة ....يمنعفيصل " الله ياخذه انشالله ..!! شووف شلون حالة هالانسانة وهو مو مهتم ... ما اقوول غير بس الله الله ياخذك مننا ونفتك منك ومن مشاكلك ....!! "تقدم فيصل وقعد ع الكنبة جنب نسايم وبدون ولاكلمة حضنها بقوة لصدره .. وقام يهديها ..يمنعفيصل : خلاص .. خلاص يا نسايم .. اهدي بس... فهميني وش صااار ...؟؟يمنعنسايم تشاهق : اهئ .. امي تقول بتتدخل وتكلم ابوك .. ويوم قلت لها لأ بتجيني مشاكل .. اهئ .. عص .. عصبت وقال ت.. ق .. قالت خلاص .. مادامك ماتبغي مساعدتنا .. ولا تبغي .. تتفاهمين .. م .. مع زوجك... دبري نفسك بن.. بنفسك .. ا.. احنا مالنا .. د .. دخل ............!!!!!!!!تنهد فيصل : هـــــــ... لا حول ولاقوة الا بالله .. هدي طيب انتي الحين .. وانشالله ربك يحلها ... تبغين اكلمه ....؟؟نسايم باستنكار : الحين انا اقولك ما خليت اهلي يتدخلون بدخلك انت عشان تتهاوش زيادة مع ابوك..؟!؟!؟!؟!!؟يمنعفيصل ضحك بسخرية : والله حالتنا احلى منها مافي...يمنعنسايم مسحت دموعها يوم شافت شوق جاية تركض : ماما ... سوفي ايس لونت ...!! ( شوفي ايش لوّنت ......!! )ابتسمت نسايم مجاملة لبنتها لصغيرة : اشووف .. اللللللله ...!!!! حلووووة .. بتصيرين احسن رسااامة لما تكبرين .... !!___________________________________(( بيت ابو بندر ))( الساعة 5 المغرب )اذن اذان المغرب .. ودخل وقت الصلاة .. والكل قام عشان يصلي في بيت ابو بندر اللي كان فيه رجال وربع بندر وثامر ....وبعد الصلاة .... رجعوا الكل البيت ... الا احمد .. الي استأذن وطلع ..يمنعوركب سيارته وتوجه فيها للمكان اللي قاده له قلبه وباله .... لين ما وصل ..يمنعوقف السيارة ونزل .. مر وسلم على الحارس .. ودخل .. طالع ف المكان شوي .. وبدى شعور بالرهبة الوخوف يدخل قلبه ... حس بانه جسمه كله ينتفض .. وقلبه يدق بقوة..مشى شوي وهو يدور بعيونه ع المكان .. لين ما وصل للي يبغاه ...يمنعقعد على ركبه وابتسم : كل عام وانت بخير يا عوض ....................!!!!!ومن بين الابتسامة نزلت دمعة خاينة من خده ...يمنعاحمد : شخبارك يا اخوي ...؟؟ شمسوي..؟؟ عساك بخير.... ؟؟ وما تحس بالوحدة ...يمنععوض .. عوض ياخوي فقدتك .. من جد فقدتك .. فقدت ضحكة العيد حقتك .. فقدت روحك .. فقدت صداقتك .. فقدت كل شي.. كل شي يا عوض فقدته من بعدك ...يمنعوالعيد .. ( بدى بصياح وهو يمسك التراب ويتحسسه ) والعيد ياخوي ما يسوى من دونك والله .. ماهو عيد اصلا... !!!!!!قال لي بيجي ..واخلف في وعده ونسانيهو عادتهيمنعينسى اني ع الوعد انتظر ..يمنعاكيد مو منه اكيد ..وارجع وارددها واعيدهي الظروووووووووووووف ..يمنعآآآآه يا الظروووفيمنعقعد احمد عند قبر خويه وصديقه .. يقوله عن حياته .. وعن كل شي صارله من يوم ما مات ....

28 - 3 - 2014, 11:32 AM

(( ثالث ايام العيد ))( الساعة 11 الظهر )كانوا عائلة ابو غادة على الجسر رايحين لجسر البحرين ... والكل كان مستانس .. لانهم حاجزين على مسرحية هناك ورايحين يشوفونها ...يمنعسمر : ونااااااااااااااااااااااااااسة ......!!!!ابو غادة : يا بنت انتي ما تشبعين صراخ ..؟؟ خلاااص عاد صجيتينا .... !!!! اقعدي اشوف وانتي ساكتةيمنعغادة كانت قاعدة بهدوووووء وتسمع الاغاني اللي على الاذاعة وهي مروقة على الآخر وكانه محد حولها ....يمنعوابوها وامها كانوا مندمجين ف السوالف ... وماخلوا شي ما تكلموا فيه .. حتى ف انواع الافران حقت المطبخ تكلموا فيها وهم واقفين على الجسر يستنون الزحمة تمشي ...يمنع___________________________________(( بيت ابو فيصل ))( الساعة 4 العصر .. )كانت نسايم ف الغرفة ترتب التسريحة حقتها وابو فيصل قاعد على السرير يقرا جريدة..يمنعقعدت نسايم على السرير جنبه وقالت : بو فيصل....يمنعبو فيصل ولا التفت لها : هممم....؟؟نسايم : بو فيصل ابغى اكلمك اسمعنييمنعطالعها باستغراب وحط الجريدة جنبه على السرير : وش عندك...؟؟نسايم برجى : يابو فيصل ... امس كلمتني امي .. تقول من زمان ما شافوووني ويبغوا يشوفوني ..بو فيصل يقاطعها على طول : لأ ... مافي ... سكري الموضوووووع... قوليلها مو فاضييننسايم تترجاه : بو فيصل .. الله يخليك .. ابوووس يدك يابو فيصل .. والله اهلي من تزوجنا انا ما شفتهم .. تكفى خليني اروح لهم انا وبناتي .. تراهم ولا مرة شافوهمبوفيصل بصرامة : مو لازم يشوفونهم .. عشان لارحتي هناك تاخذين العيال ولا ترجعينهم ....!!!!!!نسايم متفاجأة : إيــــــــــــــش....؟؟ انا آخذهم ولا ارجعهم..؟؟ يابو فيصل لاتنسى انا زوجتك وهذولي عيالي وعيالك..... وشلون آخذهم واشرد فيهم .. شلون ابعدهم عن ابووووووهم.....!؟؟!؟!!؟!؟ابو فيصل بدى يعصب : مااااااااافي.... قلت لك مافي يعني مافي..يمنعنسايم آخر محاول : الله يخليك .. طيب احضر عرس هيفاء بنت عمي بس .. الله يخليك .. والله من زمان عنهم..... !!!!!!!!!!قام ابو فيصل من على السرير ولبس ثوبه : مالت عليكم .. وعلى العيد اللي بقضيه معاكم .. انا خليني اروح مع ربعي احسنلي من مقابل وجهك ووجه عيالك .. مالت عليك انتي وياهم ..!.!.!.!.!!!!! اصلا الله يلعنكم من عائلة ......!!!!! انتوا وولدي الحيوان معاكم .... !!!!!!... وطلع من البيت ... وتركها المسكينة تعاني من اليأس والعذااااااااااب ..... !!!! هذا غير الجرح اللي يوم عن يوم يزيد في قلبها .. ويزيد ندمها على الزواج اكثر من قبل ...يمنع___________________________________(( بيت ابو سعود ))( الساعة 6 المغرب )رجع سالم ومعاه فيصل من صلاة المغرب ودخلوا مجلس الرجال لانه البيت كان فيه حريم ...رفع سالم السماعة ودق على تحويلة المطبخ .. الا وترد عليه دلع : مين ..؟؟يمنعسالم : هلا دلع .. خلي الشغالات يجيبون لنا قهوة وشاهي .. فيصل عندي..يمنعالا وتدخل لينا عرض : ساااااااالميمنعسالم : شتبغين انتي ...؟؟ لا تصارخين ..يمنعلينا شوي وتدخل ف التليفون : اقووول من عندك...؟؟سالم : فيصل مين يعني ...؟؟يمنعلينا بتشقق من الفرح : ا... اها ... طيب .. وش كنت تبغى ...؟يمنعسالم بدى يزهق : اقووولك قولي لدلع ترسل الخدامات يجيبون لنا قهوة وشاهي .. ما ضيفت الرجال شي ...لينا : مو لازم يتضيف......يمنعسالم بتعجب : انتي وش فيك اليوم ..؟!؟!؟ تفهمين عربي ولا ما تفهمين ..؟؟ قولي لدلع وانتي ساكتة فاهمة ..؟؟سكر سالم ولينا جات في بالها خطة ...يمنعبعد 10 دقايق )دخلت دلع المجلس وهي شايلة صينية القهوة والشاهي .. ولابسة تنورة وردية وبلوزة بيضا نص كم ... وفاتحة شعرها مع روج وردي .. وداخلة تتمخطر بالصينية ...يمنعسالم : حطيها على الطاولة ..يمنعبس الهبلة لينا مسوية فيها بنت سنعة .. راحت تضيف فيصل .. الا تكب نص الشاهي عليه ....يمنعفيصل نقز مكانه من الشاهي الحااار اللي انكب عليه : آآآآآآآآآآآآآي .......يمنعلينا صرخت وحطت الصينية على جنب .. ووقفت منحرجة من اللي صار : يوووووه ... سوري والله سوووووري .. !!!!!!!يمنعسالم من هبال اخته وقف منصدم : انتي وش سويتي ...............؟؟!؟!؟!لينا : اولله ما دريت .. آسفة .. انا بمسحه ..يمنعسالم : وين تمسحيه ..؟؟ نادي الخدامة تجي تنظفه قبل ما يتشربه الكنب وما يوح بعدين .....فيصل يضحك ويخفف الجو : هههههه حصل خير .. ما صار شي .. عاادي .. تصير في احن العائلات بعد .........يمنعسالم : هههههه والله سامحنا يا فيصل .. مدري هذي وش فيها اليوم ... مو على بعضها ابد ......يمنعفيصل : خخخخخ بس اليوم..؟؟ دومها كذا تعودنا ... عااااااادي .. انت هدي وما صار شي .. بس .. شد حيلك وقوم جيبلي ثوب ثاني عشان المشوار اللي ورانا ..يمنعلينا للحين واقفة ف الزاوية وحاطة يدها على فمها من الفشلة .. ووجهها صاير احممممممممممممممممممممممر ...يمنع_________________________________________مر العيد على ابطال قصتنا بفرح وسعادة .. الا بعض اللحظات اللي عانت منها بعض الشخصيات ... بس بشكل عام .. كان احسن من العيد اللي قبله ....بعد 4 ايام رجع ابو عوض وعائلته من دبي مع الكثير من الهدايا للكل..يمنعوبعدها بيوم .. بدت دوامات المدارس ورجع الكل للشغل والدوامات .. بنفسية حلوة ..يمنعودانة كانت تكافح عشان تخلص الفستان بالوقت قبل الملكة .....يمنعبعد مرووووور اسبووووع ...........يمنع(( بيت ابو بندر .. يوم السبت ))( الساعة 7 بالليل )ام بندر : طيب أي واحد بتلبسين ..؟؟ اللي لونه نفس لون الفستان ولا لون الديزاين...؟؟دانة : اللي لونه نفس لون الفستان .. عشان يطلع مرتب ...يمنعام بندر علقت الفستان ف الدولاب وقعدت جنب بنتها ...يمنعام بندر : ترى ملكتك بعد بكرة .. متأكدة انك مستعدة ..؟؟هزت دانة راسها بالموافقة ....يمنعام بندر : متأكدة ...؟؟ مو خاطرك بشي بعد...؟؟يمنعدانة حطت يدها على يد امها : لا يما .. تطمني ....يمنعام بندر والدموع ف عيونها : والله وكبرتي يا دانة ... وملكتك بعد بكرة ... ما اصدق ..!!!يمنعدانة حطت راسها على كتف امها : الله يخليك لي يارب ... !! ولا يحرمني منك ..يمنعام بندر باست بنتها على راسها ...وسكتوا الثنتين شوي .. وبعدينيمنعام بندر : الحين تعرفين وش بتسوين يوم تدخلين على زوجك....؟دانة باستغراب : أيـــــش...!؟!؟! لا والله .....يمنعام بندر : خخخخ وش فيك كذا قلبتي وجهك ... يعني وش بيصير ... ما تعرفين ..؟؟دانة تهز راسها بالنفي وهي فاتحة عيونها الثنتين على الاخير ...يمنعام بندر : هههههه طيب ما بقولك .. كل شي بيصير بوقته....دانة : هههههههه ... يا زينك يا يما والله ..........!!!___________________________________

28 - 3 - 2014, 11:33 AM

(( بيت ابو سعود ))( الساعة 9 بالليل )كان سعود قاعد ف غرفته ومسكر الليتات وقاعد يكلم بجواله خويه خالد .. اللي صحته بدت تتحسن وصاير يمشي بعكاز واحد بس ...يمنعسعود : اقووول ... انت وجهك وجه طلعة بس .. اخاف تتكسر زيادة علينا .. خلك في بيتك احسنلك ..يمنعخالد : والله حرام عليكم .. يعني يكفي الحفلات وقفناها .. بعد نوقف روحة للاستراحة ليش......؟؟يمنعسعود : ياخي انت ما تفهم .. اقولك الشرطة تحقق ف موضوع الشقة .. تعرف ايش يعني ..؟؟ يعني لو صادوا واحد فينا ... رحنا فيها ...يمنعخالد : انت مو تقول انك مستخدم واسطة كبيرة عشان تتسجل الشقة باسم واحد موجود .......!؟!؟!؟!؟يمنعسعود : أي .....يمنعخالد : طيب ... ليش خايف اجل .. مدام وراك ظهر وسند ....!.!!!!سعود فكر : يا خالد والله اني خايف .. ابوي سالني اول امس عن الفلوس اللي ف الحساب وما عرفت وش ارد عليه ....خالد : ووش قلتله ...؟؟يمنعسعود : وش قلتلته يعني ...؟؟ قلت له طلعات ومصاريف عشا وغدا واجار سيارات وشاليهات .....يمنعخالد : يووووه ... الله يستر بس يا شيخ ... طيب البنات ...؟؟سعود زهق من هالموضوع : ياخي والله مدري .. انا كل اللي اعرفه انهم عرفوا بالشقة .. وقبل ما يوصلون لها شردوا منها الشباب .. وحصلوا البنات .. بس وش صار عليهم ما دريت.. ولا بغيت اتدخل عشان ما اكون ف الشبهة .....يمنعخالد : الله يعين يارب ... خلاص اسمع .. انا لازم اسكر ..يمنعسعود : يللا مع السلامة ...خالد : مع السلامة ..يمنعسكر سعود عن خالد وهو يفكر بهالورطة الي انحط فيها .... الشقة الي كانوا يسوون فيها احتفالاتهم ويجيبون فيها بنات .. حصلوها الشرطة وحصلوا فيها بنات بس ما حصلوا ربعه .. وللحين قاعدة تسوي تحقيق ف الموضوع.. ولو دروا انه هو اللي مستأجرها .. راح فيها ...... !!!وبين ما هو يفكر ... جات على باله دلع .. تذكر شلون كلمته اول يوم عيد وابتسمت في وجهه .. كانت هذي اول مرة تبتسم في وجه من يوم المشكلة اللي صارت..يمنعسعود " ياترى هذي وش صار فيها ..؟ لا يكون استخفت او صار شي لعقلها .. معقووولة صارت مجنووونة ...!؟؟! المشكلة مو من عادتها تعطيني وجه ... لاااااا... اكيد السالفة فيها شي ......!!! "(( ورشة ابو بندر ))( الساعة 10 الصباح )دخل رائد الورشة مستانس وشاق الوجه ...يمنعرائد : صباح الخير ......ناصر : جا العريس .. هلا والله صباح النور ...يمنعرائد : شخباركم ..؟؟ شمسوين..؟؟يمنعالكل : بخير الحمدلله ..يمنعدخل يسلم على ابو بندر كالعادة ...رائد : السلااام عليكم .... صباح الخير ابو بندر ..يمنعابو بندر متفاجئ : رائد...؟؟ وعليكم السلام .. صباح النور .. شتسوي هنا ...؟رائد باستغراب : ايش شسوي هنا ...؟؟ انا اشتغل هنا ولانسيت يا عمي ..؟؟ هههه .. لااا .. شكلها الشمس ضربتك زين اليوم ... الله يهديها ههههههههابو بندر : خخخخ الله يسعدك يارب دوووم قول آمين ...رائد مبتسم : آمين .... اجمعين ياربيمنعابو بندر : صدق والله شتسوي هنا ..؟؟ ملكتك بكرة .. المفروض ما تدوام .. روح جهز عمرك .. فصلك ثوب جديد واشتري لك شمااااغ ... عفنت بشماغك انت .. صارلك سنة ما غيرته ....رائد : ههههه الله يهديك ياعمي .. الشماغات ف دولابي فائض .. يا كثرهم .. حتى في جدد لسة ما لبستهم ....يمنعابو بندر : مالي شغل ...ع الاقل روح ارتاح ونام .. اهم شي اليوم انت عريس .. المفروض ما تدوام ....يمنعرائد ابتسم : لا ياعمي .. والله انا كذا مرتاح .. ماله داعي هالإجازة .. ما بعرف اصلا وش اسوي فيها ....يمنعابو بندر : اقولك رووح .. شوف الوالدة اكيد محتاجتك بشي ولا حاجة ..يمنعرائد ابتشم من قلب : مشكور ما تقصر يابو بندر .. والله جميلك كبير علي ...يمنعابو بندر يمشيه : روح روح روح بلا كلام فاضي وخرابيط .... اشوفك بكرة ف بيتنا ...يمنعرائد وهو طالع وقف : حتى بكرة ...!؟؟!!؟!ابو بندر : أي حتى بكرة .. وان جيت طردك من عند الباب ....يمنعضحك رائد على ابو بندر وانبسط بنفس الوقت انه بيناسب ناس زي هالناس .. طيبة وما تعرف الحقد ابد .....يمنع___________________________________(( بيت ابو بندر ))( الساعة 2 الظهر )كان بيت ابو بندر مشغوووول وحوسة من الصباح ... ترتيب وتجهيز ضيافة .... وام غادة بعد كانت موجودة معاهم عشان تساعدهم .....يمنعام بندر : يا نورة شرايك احط هذي الكنبة هنا ولا هناك....؟؟ام غادة : لا خليها هناك ... عشان لما يجيبون الكراسي يكون في مكان لها ...يمنعام بندر : والله خيمة الرجال اللي مدري وش صار فيها ....يمنعام غادة : ليش ما شفتيها ...؟؟يمنعام بندر : لأ.... بندر واقف برى معاهم ... بس مدري وش قاعدين يسوون لازم انا اكون موجودةيمنعام غادة : خلاص البسي عبايتك وروحي شوفي الوضع ... وانا بقعد هنا واشرف على الخدامات ...يمنعام بندر وهي ماشية : ماتقصرين ... وقولي لدانة تساعدك ...يمنعام غادة : انشاللهيمنع

28 - 3 - 2014, 11:33 AM

نهاية الجزء العاشر...وش تتوقعون يصير..؟؟الملكة كيف بتكون ... وشخصية رائد الجديدة اللي بتظهريمنعوش تتوقعونها.....؟؟يمنعسعود لوين هو ودلع راح يوصلون ... ؟؟يمنعوفيصل ولينا ليش هالحركات الغريبة اللي صايرة عليهم ...؟يمنعولا هو بس طيش مراهقة ...؟؟يمنعونسايم شلون بتحل مشكلتها مع زوجها ..؟؟كل هذا واكثر ف الجزء الحادي عشر باذن الله

28 - 3 - 2014, 11:34 AM

الجزء الحادي عشر ( الحدعش ):.(( بيت ابو بندر .. الملكة ))( الساعة 10 بالليل )دانة بتموت خووووف ويدها ترجف : ماني قاااااااااادرة ... والله ما اقدرريم مسكت كتوفها : سمي بالله ووقعي .. وما بيصير الا كل خير......يمنعدخلت غادة : ما خلصتي...؟؟دانة بياس : ماني قااادرة .. والله خايفةيمنعريم بياس : افففف.. ماهي راضية توقع ... جننتني .. مو انتي اللي وافقتي عليهغادة بدلع قربت ومسكت يدها تفركها : هدي انتي ما عليك .. اذا ما تبغيه ترى عادي قولي....يمنعدانة : لا شلون ما ابغاه..؟؟ اكيد ابغاه .. اصلا انا فكرت زينغادة : اصلا حتى لو ما تبغينه خلاص .. طاح ف كبدك خخخخخخخخخ بس يعني اخليك تعيشين الجو شوي ....يمنعدانة : هههههههههسمت بالله ووقعت وهي ترتجف .. واول ما وقعت .. طارت ريم مع الورقة برى ..يمنعوالحريم بدت اصواتهم تعلى ...كلولولولولولوولولولولولولولولوولولولولولولولولو للو وللوولوللولولولولولولوولولولولولولولولولوشونزلت دانة على زفة حلوة ورايقة والكل يطالعها .... ويسمي عليها ...يمنعسلمت على الناس وقعدت ....يمنع( عند الرجال )ابو بندر لرائد : مبروك يا ولدي .... الله يسعدك يارب...يمنعرائد شق الوجه : الله يبارك فيك يا عمي ... عقبال بندر وثامر ...تنهد ابو بندر : خخخخخخخخ خلها على ربك بس... !!!!!!ثامر : هههههههه مبروك يا عريس...يمنعبندر : الف مبروك .. يللا الله يوفقك يا رب....يمنعرائد : الله يبارك فيكم .. عقبالكمطالعوا الاثنين ف بعض برعب : الله لا يقوووول...!!!!!!رائد : ههههه بنشوف بعدين ...يمنعوقاموا الرجال يباركون لرائد .. ويسولفون معاه شوي .... لين ما جا العشا ...يمنعوالكل قام يتعشى ...يمنع( بعد ساعة عند الحريم )ام بندر : اقول دانة حبيبتي ....يمنعدانة : هلا يما ..يمنعام بندر : ابغاك تجيني معاي المجلس عشان يسلمون عليك اخوانك وابوك والعريس وتتصورين وياه ... ويلبسك الشبكة ...يمنعدانة برعب : يماااااااا...!؟!؟!؟؟ لا تكفين ..يمنعام بندر : وشووو لا ..؟؟ قومي يللا قدامي اشوووف ..يمنعقامت دانة مع ريم وام رائد وامها للمجلس .. طبعا بعد ما عدلت شكلها وفستانها البنفسجي الغامق وتاكدت انها بيرفيكت زي ما يقولون ...يمنعمشت معاهم لين ما وصلوا للمجلس .. والكل دخل .. الا هي وريم ...يمنعدانة وقفت : لا .. ريم ما اقدرريم تهمس : امشي يللا .. ترى اخوي حلوووو ... لا تخافين ما بيخرعك ..يمنعدانة نفسها بدى يعلى : لا لا لا لا استحي ما اقدر ..يمنعريم طلت على اخوها ورجعت لدانة : يا حلوه والله .. كشاخ بشماغ وعقال .. كله بس علشانك .. ما يصير ما تشوفينه... يتحطم اخوي بعدين ...يمنعدانة : افففف .. الحين وقتك انتي ..؟؟يمنعسحبتها ريم من يدها للمجلس : انتي ما ينفع معاك طيب... !!!دخلت وهي منزلة راسها بالارض ولاهي قادرة ترفه .. تحس انها لو ترفعه بتمووووت ..يمنعام رائد : قربي يا بنتي ... مبروووك عليك انشالله ...يمنعام بندر : الله يسعدكم يارب ...يمنعقربت دانة وسلمت على ام رائد وعلى ثامر وبندر اللي قاموا يتطنزون عليها ..يمنعام رائد : يا ولد سلم على زوجتك ....يمنعرائد اللي سرحان ف شكل دانة : ... ا .. ها...؟؟ اي .. اي..يمنعقرب منها وباسها على راسها : مبروك ....يمنعدانة الدم احمر .. ازرق ... اصفر ... بنفسجي .. برتقالي ....يمنعدانة بصوت واطي : الله يبارك فيك ...يمنعقعدت ع الكنبة جنب امها وهو قعد جنب اخته ريم اللي كانت ع الكنب المقابلة لدانة ...يمنعبعد 10 دقايق .... طلعوا الكل وما بقى غير دانة ورائد ف المجلس ... خخخخخيمنعرائد تعدل في جلسته : يا هلا والله بدانة ..... !!!!دانة بهدوء وابتسامة خفيفة : اهلين ....يمنعرائد : مبرووووووك ...يمنعدانة : الله يبارك فيك ...يمنعرائد : ممكن اقعد جنبك ولا لأ..؟؟يمنعدانة سكتت شوي ... " يما بيصيح " : ا.. اي اكيد ..يمنعقام رائد وتقدم لجهتها شوي شوي وهو للحين مبتسم وشاق الوجه ولا شال عينه من عليها .... قعد جنبها وتسند .. والتفت يطالعها ...يمنعدانة من شافته يطالع فيها تصنمت مكانها تطالع قدامها ولا هي قادرة تتحرك .. تحس شكلها خايس ويفشل .....دانة " ياربيييييييي... احس اني اخرع .. ليش يطالعني كذا..؟؟ شكله فيني شي غلط.. اكيييد .. انا قايلة هالكحل شكله سايح ..!!! .... "فجأة ضحك رائد : هههههههههههاااااااا هاهاهاهاههاهيمنعدانة لفت عليه مستغربة بس ضحكت من شافة ضحكته ... كان يضحك وكانه بزر صغير..دانة : ههههههه ...يمنعرائد يمسك نفسه : ههههه ايوووووه ... خلك كذا .. اضحكي .. لا تستحين .. عااادي .. انا زوجك الحين .. تسدحي ع الارض من الضحك ولا عليك ... !!!!!!!!!!!!دانة ابتسمت واستحت مرة : هههههه ...يمنعرائد : دانة ....يمنعدانة التفتت : هم...؟؟يمنعرائد : ا... بقولك شي بس جاوبيني بصراحة ...يمنعدانة لفت وجهها وجسمها وقابلته : قول ....يمنعرائد مسك يدها وحضنها بيده وقال باستفسار : ا.. الحين انتي وافقتي علي.. بعد ما كنت الاحقك واضايقك دوووم صح..؟؟ بغيت اعرف انتي مقتنعة ولا مغصوووبة .. لانه لو وحدة غيرك ما اتوقع بتوافق ...يمنعسكتت دانة شوي تجمع كلامها براسها تخاف تقول كلام غلط .. وبعدين قالت بهدوء :يمنعرائد .. انا لما انت تقدمت لي كنت خايفة .. وطبعا هذا شي اكيد بعد كل اللي صار بينك وبيني من مواقف .. وخصوصا انك كنت زي البدي غارد حقي ههههه .. ومع هذا يوم صليت الاستخارة وفكرت بعقلي ... وسمعت قلبي .. اكتشفت شي ..يمنعرائد سرحان معاها : اكتشفتي ايش...؟؟يمنعدانة وجهها حمممممر : اكتشفت شي .. لا جا الوقت المناسب بقولك اياه ...يمنعرائد : خايفة ..؟؟يمنعدانة ترفع شعرها عن رقبتها : ا... تقدر تقول شوي ..يمنعرائد : من ايش..؟؟دانة طالعت فيه وضحكت : ههه .. مو منك والله .. بس تعرف الحين الوضع بيختلف .. صرت متزوجة ....يمنعرائد : يعني تغيير صح ... ؟؟دانة : ا.. اي...يمنعسكتوا الاثنين شوي يدورون سالفة ....يمنعدانة مترددة : ا... رائد ..؟؟رائد ابتسم يومسمع اسمه : عيونه ..... !!!!دانة : احم .. ا.. نسي السؤال تصدق ههههههههيمنعرائد : هههههه كملي ..يمنعدانة : ا.. ليش كنت تلاحقني اول ...؟يمنعرائد : صدق تبغي تعرفين ..؟؟دانة : اكيد ....يمنعرائد : طيب اسمعي .. يا دانة انا واحد عزااابي ... طبعا مو بعد اليوم ههههه ... المهم .. وملقووووف مرة ... ذاك اليوم اختي راحت حفلة .. واتوقع كانت حفلة عيد ميلاد وحدة من البنات اللي عندكم ف الجامعة .. المهم يوم رجعت ... كانت قاعدة ف الصالة توري امي الصور اللي صورتوها ... عاد انا يوم جيت هي خبت الصور .. انا هنا جاتني لقااافة .. صرت ابغى اعرف مين ف الصورة ... يوم سالتهم قالولي صديقات ريم .. انا هنا قلت طيب .. وبعد يومين كنت داخل غرفتها آخذ شاحن للجوال حقي الا واشوف الظرف حق الصور موجود على التسريحة .. وكالعادة جاتني حالة اللقافة هذي وفتحت الظرف ... وما حصلت الا صوركم انتي وبعض البناات ....يمنعدانة فتحت عيونها ع الاخير .........رائد : ههههه .. اسمعي طيب .. المهم ورحت اخذت الصورة لريم اختي وسالتها عنك .. عاد تعرفين اختي متربية ف بيت منتفح .. يعني مانا متشددين .. فقامت وتعطيني كل شي عنمك ... شوي شوي .. ما حصلت نفسي الا مهتم مرة فيك .. وما حصلت الا اني اركب سيارتي يوم من الايام واجي للعنوان اللي قالت لي عليه ريم انك تسكنين فيه ... ومن يومها وانا وراك وراك .. وين ما رحتي وراك ....يمنعسكت رائد ....دانة : وبعدين ...؟؟رائد : انا حبيتك .. من جد يا دانة حبيتك .. ويشهد ربي على اللي اقوله .. والله العظيم اني كنت افكر فيك معظم يومي .. تعرفت على اخوانك مرة من المرات يوم كانوا ينظفون الحوووش...دانة : ههههههههههههههه ... ياحلوهم اخواني ...رائد : تبغي الصراحة .. اخوانك شي والله .. طيبين وراعين فزعات وناس راقية والله ..دانة ابتسمت : تسلم ...يمنعرائد : المهم وبعد ما تعرفت عليهم .. جاتني الفكرة العبقرية هذي ..دانة : أي فكرة ...؟؟رائد : اني اتزوجك .. واعيش معاك ببيت واحد .. وتكونين لي وحدي .. لي انا وبس .. محد يشاركني فيك .. فهمتي ...؟؟ .. ساعتها استوعبت اني لازم ابدا افكر وابني مستقبلي .. عشان اكون قد الخطووبة والزواج .. وما حصلت احسن من الشغل عند ابوك .. منها اكون مستقبلي .. ومنها حصلت وظيفة تناسبني . ومنها يرضى علي ابوك ويكون واثق فيني يوم اتقدم لك ....يمنعسكتت دانة تطالع وجه رائد وهو يتكلم .. حست نفسها تحلم .. ولاعمرها تصورت انه احد بيسوي كل هذا علشانها .. ويخطط ويسهر بس عشان ياخذها ف النهاية .. !!يمنعرائد : دانة ... داااانة ... دانة حبيبتي .....!!دانة قامت : ا.. ها..؟؟يمنعرائد : هههه وين رحتي ..؟؟يمنعدانة : ولا مكان .. افكريمنعرائد : في ايش..؟؟يمنعدانة : احس اني احلم ..يمنعرائد ابتسم ورجع خصلة من شعرها ورى اذنها : ليش...؟؟يمنعدانة نزلت راسها مستحية بس رفعته بعد ثانية : ا... من جد ما توقعت أخيرا احصل واحد زيك .. توقعت انك واحد من الروايات ما نحصل زيه ف هالدنيا ...يمنعخق رائد وحضنها لصدره بحب وحنان : فديتك انا ..... الله لا يحرمني منك!!(( يوم الثلاثاء ... شركة ابو سعود ))( الساعة 11 و نص الصباح .. )سكر ابو سعود التليفون معصب .. وما يشوف الا النار قدامه ...يمنعدق على السيكيوريتي يصارخ : يا عصاااااااااامعصام تخرع : ا ... نعم بو سعود...؟؟يمنعابو سعود : وين الحيواااااااااان سعود..!.؟!؟!!؟؟!عصام : ا... يابو سعود ما داوم اليوم ....يمنعبو سعود عصب وعصب زيادة وقام يصارخ : الله يلعنه ويلعن الساااااعة اللي جبته فيها ... اتصل لي الحين عليه وقوله يجي الشركة الحييييييييين .. فااااااااااااهم....؟!؟!؟!؟عصام بيموت خوف : ا... ح .. حاضر يا طويل العمريمنعابو سعود : بسرررررررررررررعة ....يمنعسكر ابو سعود وقعد ع المكتب وهو يفكر : سويتها يا كلب... شوهت سمعتي الله يشوه سمعتك انشالله ...!!!!!!!!! بس وين بتروح عني .. انا اوريك يا سعود .. ان ما رجعت ربيتك من جديد وخليتك تصير رجال ي الناس ... ما اكون ابو سعود ...!!!!( من جهة ثانية )تنهد عصام بخوووف وبلع ريقه يوم سكر ابو سعود الخط في وجهه : بسم اله ... هذا وش فيه ..؟؟ اكيد سعودووو مسوي شي .. اكيد .. هالولد ما منه فايدة ... خليني اتصل اشوف وينه لا يقطعني ابو سعود اليوم ويرميني برى الشركة ... ماني ناقص ..دق على جوال سعود... بس محد رد ...عصام : يوووووووه ... هذا وينه الحين ..؟؟ اكيد نايم ... لا حووول .. انا احصلها من مين ولا من مين ..؟؟ والله بيطردني ابو سعود اليوم ... شلون اجيبه هذا الحين ..؟؟؟رجع يدق ويدق عليه كم مرة بس مافي فايدة .. الولد رايح بسابع نووومه ...يمنععصام يدور ف المكتب بخوف يطق يدينه ببعض : رحت فيها يا عصااام ... هللي ناقصني .. انطرد بسبب واحد مهمل وكل يومين له مشاكل ....!!!!!!!!يمنعوبعد تفكير دقيقة .. جاته فكرة خطيرة ....يمنعطلع من المكتب بسرعة واخذ مفاتيح سيارته ... وراح طيران على بيت ابو سعود ...( بعد ربع ساعة )كان عصام واقف قدام بيت ابو سعود .. دخل بالسيارة الحوش لانه الباب كان مفتوح ..يمنعوقف السيارة ونزل .. ويوم قرب عند الباب حق البيت .. سمع اصوات صرااااخ ..يمنع.........: خليني اروووووووووح ... حرااام عليك .. والله تعبت من القعدة ف البيت والمشاكل والصراخ .....!!!........: تروحين حهنم انشالله قولي آمين .. تدرين ليش..؟؟ لانه اللي يسوي فعلتك ماله غير النار مكان يروح له .... ما تفهمين ..؟؟ اقولك طلعة من البيت مافي .. انا عطيتك شوي راجة ف العيد قلت اكسب فيك اجر .. بس طلعتي ما تنعطين وجه ...يمنع..........: انا ما انعطى وجه ....؟؟؟ ايش تبغين اكثر ...؟؟ قلت لك ولدك هو اللي سوى فيني كذا .. وقلت لك انه انا مالي ذنب .. وقلت لك انه انا تعبت واني عانيت كفاااية ... ارحميييييييييييني .. ترى الرحمة حلوة والله ... ارحميني الله يرحمك دنيا وآخرة ...!!!وبعد دقيقة ... بدى يسمع اصوات ضرب وصراااااااااخ ....عصام مرعوووب : اعووووذ بالله .. وش فيهم هالناس اليوم ...؟؟ وبعدين هذي وش فيها ..؟؟ ليش كذا تتكلم ..؟؟ تقول هو الذنب ذنبه مدري ايش .. اكيد سعود مسوي مشكلة بعد ... الله يكفينا شر هالسعووود .... طيب .. الحين ادق الباب ولا لأ...؟؟ بس يا أدق وآكل لي تهزيئة من الحريم اللي معصبات ف البيت ... يا انطرد واخسر شغلي من ابو سعود .... لا والله.... الاول اهون لي... !!!!!!!!!دق الباب وقلبه يدق مع كل دقة ....يمنعشوي الا وقف صوت الصراخ ... وبعد ديقيقة فتحت الخدامة الباب : نأم...؟؟عصام : ا .... وين سعود ..؟؟الخدامة : سؤوود في نوووم ..؟؟ وس تبغى...؟يمنععصام : لا حووووووووول ... ادري انه نايم ... قوميه ...يمنعالخدامة : لا ما يسير ... بعدين هاوس كثييير....يمنعوسكت الباب بوجهه وهي تتحرطم ...عصام : الله ياخذك انتي واللي خلاك تشتغلين يا بنت الكلب ... مو نا قصني الا انتي ..يمنعورجع من جديد يدق الجرس مرات ومرات .... لين ما انفتح الباب بقوة وطلعت حرمة متحجبة بشيلة خفيفة : نعم...؟؟ عسى ماشر ...؟؟ وشفيك صرعتنا بصوت الجرس.؟؟يمنععصام تخرع ونزل راسه : ا... السلام عليكم ...ام سعود : وعليكم السلام ... خير..؟؟يمنععصام : لو سمحتي سعود موجود ...؟؟؟يمنعام سعود : سعود نايم الحين .. وش تبغى فيهعصام : يا خالتي ابو سعود مرة معصب ويبغى سعود يكون ف المكتب باسرع وقت .. يقول السالفة ضرووورية وشكله زعلان مرة عليهام سعود : اففففف... هذا وش فيه بعد....؟؟يمنععصام فتح عيونه الثنتين ع الاخير " هذي صاحية تتكلم كذا عن زوجها ..؟!؟!؟ "يمنعام سعود : طيب لحظة بروح بناديه ...يمنعطلعت ام سعود لغرفة سعود تقومه وهي واصلة معاها ومعصبة : سعود ... سعوووووووووود......يمنعسعود رايح بسابع نومة ولا يرد .....سحبت الغطا من عليه تصارخ : قوووم... قوووووم الحين يا سعووود... قووووووووووومفتح سعود عيونه الثنتين بتعب : يووووووه ..... نعم نعم..؟؟ خير ..؟؟ وش صار بعد...؟؟ ترى ما سويت شي هالمرة .... !!!!!!ام سعود فتحت عيونها ع الاخير : صدق ما تستحي ... انا تكلمني كذا ...؟؟؟ حسابي معاك الحين ... قوووم الحين البس بسررعة وروح شوف ابوك وش يبغى منك ف الشركة .. تراه مرة معصب وراسل السكرتير حقه يناديك بسرعة .....يمنعسعود بتعب : لاحووووول ... خلصنا من الام .. جانا الابوووو ... والله حااااااااااالة ....!.!!!!ام سعود عصبت وطلعت من الغرفة وهي تنافخ وتدعي على هالعائلة وتتحرطم ..___________________________________يمنع

28 - 3 - 2014, 11:37 AM

(( شركة ابو سعود ... ))( بعد ربع ساعة )دخل سعود الشركة مع عصام والبرود يغطي وجهه .. عكس عصام اللي كان محترق لانه يدري انه بياخذ زفة الحين من ابو سعود لانه تاخر .. بس وش يسوي .. ؟؟؟يمنعدق الباب ودخل سعود وعلى ملامحه النوم والتعب : السلام ...قعد ع الكرسي بتعب وتسند ع المكتب ...يمنعابو سعود تنرفز زيااادة : ولك وجه تقعد بعد...!؟!؟!!؟؟ ها كلب يا حيواااان .... ؟؟؟؟ الله يسود وجهك زي ما سودت وجهي ....يمنعسعود تنهد وشال يده وتعدل بجلسته : اففففففف.... وش سويت بعد ...؟؟يمنعابو سعود قام من مكانه متنرفز ويقعد يدور ف المكتب ويصارخ : وش سويت..؟!؟!؟! بكل برود وش سويت..!؟!؟ قول وش ما سويت الله يخزيك انشالله ..!!!!!!!! الحين قوللي ... قوللي يا سيد سعووود .. انت وش مسوي عشان الشرطة يتصلون فيني ويحولونك على التحقيق .... ها...؟؟؟ تكلم اشووووووووووووف .... !!!!!!!عصام : .. احم .. انا عندي شغل بروح اكمله ...طلع عصام من المكتب بسرعة وسكر الباب .. ونبه الموظفين لا يقربون من المكتب واي مكالمات يعتذرون بحجة انه ابو سعود ما داوم اليوم .......يمنعف المكتب .....يمنعابو سعود : تكلم ... قووووووول ... سمعني آخر فضايحك .. وآخر سواياك مع شلة السوء اللي مصاحبها .. تكللللللللللللللللللللم ....!!!!سعود بيموت خووووف بس يحاول يتصرف على طبيعته : ا .. ا... وشدراني .. تعرف القسم ماسكين علي .. أي شي على طول يكبرون السالفة..... تعرفهم انت يبا ..ابو سعود : مو بس اعرفهم .. حتى انت اعرفك .. اعرف انك واحد ما تنعطى ثقة .. ومنت بوجه نعمة اصلا.... اصلا حرام والله الفلوس اللي اخسرها عليك .... والله لو اكفل لي يتيم فيها اربيه بيطلع ابر منك واحسن منك .... ع الاقل محترم نفسه وما يخلي نفسه في موقع شبهة وتحقيق شرطة ....!!!!!!سعود : يبا اليحن وش السالفة ...؟؟؟ابو سعود : تسالني انا .. مسوي فيها بريء...؟؟ انا اللي مسوي لي مشكلة ولا انت؟!؟!؟! وش دراني وش سويت الله ياخذك سودت جوهنا ... قوللي الحين وش سويت ..؟؟ لا تخليني كذا زي الاطرش ف الزفة ...سعود : يبا والله .... ما سويت شي ...يمنعابو سعود قاطعه : لااا ... لا تحلف .. حلفك هذا كله كذب ... لا تحلف .. قول الصدق يا سعود... قوووول عشان اعرف اتصرف واشوف لك صرفة اطلعك من المشكلة .. وبعدها لي حساب زين معاك ... انا اوريك ...يمنعسعود : يبا ما سويت شي .. ليش مو راضي تفهم .. انا ما سويت شي ...؟؟ ما غير فحطت قبل يومين ... بس .. وقطعت اشارة اول امس ... وامس عطوني مخالفة سرعة ..بس ..........!!!!!!!!!ابو سعود : بس.......!!!!! اجل ليش متصل فيني القسم وقايلين لي انهم طالبينك على التحقيق .. ها...؟؟؟ يقولولي اجيبك في اقرب وقت .. وانا قلت لهم انه اليوم العصر انا جايبك لهم .. فتكلم انحسنلك عشان اشوووف لك محامي يطلعم من السالفة اذا كنت مسوي شي .... تكلم بسرعة ترى ما عندنا وقت وكلام الناس ما يرحم .. فتكلم الحين قبل ما سنتشر الخبر ... فاهم ...؟؟؟يمنعسكت سعود وكانه الوضع مو عاجبه .....يمنعابو سعود قعد ع المكتب يهدي نفسه : شووووف ... معاك ساعتين .. ان ما جيت وقلت لي انت وش مسوي .. واله يا سعود ترى مالي دخل بللي بيصير لك .. واذا كنت مسوي مشكلة لا امسكك من خشتك وارميك للشرطة واقولهم اسجنووه ما ابغاه ... فاهم ...؟؟؟ ترى والله حلفت انا يا سعود .. انت تعرفني لا حلفت ما اكذب بحلفي ابد .. ففكر زين وحكم عقلك واعرف وضعك زين من الحين وفكر .... فهمت ..؟؟ مخ البقر هذا ابغاك تشغله وتفكر زي الناس وتشوف وين مصلحتك ... ف الشغل والمستقبل مه اني اشك من مستقبلك .. ولا ف السجن مع المجرمين والقتلة ورجال العصابات والارهابيين.... ؟؟؟ والحين ... يللا انقلع من وجهي .... ما ابغى اشوووف رقعة وجهك الا لما تقرر تتكلم ..... انقللللللللللللللع ....!!!!!طلع سعود من المكتب وهو خايف .. مو عارف وش يسوي .. وما يدري بالضبط وش قالوا الشرطة لابووه .. او ليش مستدعينه بالاحرى ....يمنعمشى على طول وركب سيارته وطلع من الشركة رايح لبيت خالد صديقه .. ملجأه الوحيد والمكان اللي يرتاح فيه ويفكر فيه زين .....يمنع___________________________________

28 - 3 - 2014, 11:37 AM

السيارة ... بعد نص ساعة ... ))( الساعة 9 ونص )ركب رائد سيارته مستانس .. اليوم كانت قومته من النوم سهلة وخفيفة وحلوة .. يمكن لانه نفسيته متحسنة وصار متطمن على مستقبله ...يمنعدخل السيارة وقبل ما يمشي تذكر شي ...طلع جواله ورسل مسج لدانة اللي قالتله انها الحين تكون ف الجامعة ...يمنعصباح الخير أو تدري صباح (عيونك الحلوهـ)صباح عيونك اللي تستفز شوقي إذا سلهمتصباح الذوق والرقه صباح خدود محلوهـفديت الخد ووجونك فديت عيونك اليا قمتفديت الشفه اللي ذابت بتدليعها القهوهـفديت اللي بحبه عفت فنجال الشقا وكرمتابتسم يوم شاف تقرير الاستلام وشغل سيارته وتوجه للورشة عشان يبدا يوم جديد كل فرح ووناسة ....يمنع___________________________________(( ف الجامعة .. ))( نفس الوقت )كانت دانة قاعدة ف الكافيتيريا وقدامها كوب قهوة وحولها بنات كثار يسالونها عن الملكة اللي كانت امس .. او يباركون لها .. او يسمعون منها وش كان شعورها ومن هالسوالف ... يوم رن جوالها يعلن عن وصول مسج ....يمنعابتسمت دانة والكل قام يصفق.....يمنعدانة : هههه شفيكم..؟؟وحدة منهم : بدينا .. بدينا ..؟؟ من الحين يعني ...؟؟يمنعدانة : طيب يمكن يكون واحد من اخواني ولا امي ..؟؟يمنعوحدة ثانية : لا انا متأكدة .. هو يعني هو ...!!!فتحت دانة المسج قدام كل العيون اللي تطالعها بفضولية .. وقعدت تقراه شوي شوي..وكانت مع كل كلمة يزداد حمار خدينها لين ما سكرت جوالها ودخلته ف الشنطة واعتدلت في جلستها ....يمنعوحدة : ها...؟؟ مين طلع....؟دانة سكتت وابتسمت : مالكم دخل....!!!!هنا الكل فقع ضحك وقاموا يعلقون على دانة وعلى شكلها ويحاولون يجننونها شوي ..___________________________________(( ف بيت ابو خالد .. المجلس ))( بعد ساعة )سعود وقف بحسرة : ياخي والحييييييييييين ... يعني وش اسوي ..؟؟ ترى ابوي لا حلف ما ينقض حلفه لو ايش .. والله لا يرميني ف السجن ويخليني اتعفن فيه زي الكلاب ولا يسأل عني .... !!!خالد محتار ويشد شعره لورى : افففففففففففف... والله مدري يا سعود .. طيب ما عرفت وش قالوله القسم ...؟يمنعسعود بيستخف : وهذا اللي بيجنني .. انني ما اعرف على ايش مناديني ... على مخالفات المرور ولا على الشقة .. ولا على سالفة البنت اللي ف المجمع ذاك اليوم..؟؟!!خالد قام وقف ومسك كتف سعود : طيب .. اصبر شوي .. اكيد في حل .. ما تقدر تكلم واحد من اللي تعرفهم وتخليه يستفسرلك على الموضوع ...؟؟؟؟ كلم واحد من الشباب ...يمنعسعود : انت ما تفهم..؟؟؟ اقولك الشلة بما فيهم دحوووش مسكوهم وحاطينهم ف التحقيق ....يمنعخالد : يوووووه ... اخاف دوري جاي..؟؟ لا لا لا .. سعود انا ابغى اتزوج واستقر .. ماني قد السجون والمحاكم .... !!!!!!!!!!سعود : وهذا اللي انا خايف منه ... اخاف نروح فيها انا وياك .. وندخل السجن ونقضي باقي عمرنا هناك ..يمنعخالد خاااف : يا رجااااااال ... الله لا يقول انشالله .. شوووف .. انت الحين وش بتقول لابوك...؟؟طالعه سعود معصب بنص عين : وانا ليش جاي عندك بالله عليك...؟يمنعخالد : قوله مدري وش سويت ..؟؟يمنعسعود : شووووووووف ...!؟!؟!؟!؟ اقولك بيوديني بيدينه الثنتين القسم اذا ما اعترفت له تقولي قول ما سويت شي...!؟!؟!؟! صاحي ..!؟!!؟ شعليك .. مو انت اللي محطوط في هالموقف !!!!!___________________________________(( مكتب المحامي حمد ))( الساعة 12 ونص بعد صلاة الظهر )دخل بندر مكتب المحامي حمد بسرعة ...بندر : السلام .....حمد مستغرب : وعليكم السلام .. وشفيك طاير..؟؟ عسى ما شر...ابتسم بندر : مافي شر .. الخير كله بوجهك ...يمنععقد حمد حواجبه : وش السالفة ...؟؟بندر : اتصلوا فيني مكتب الشرطة ...يمنعحمد : طيب...؟؟بندر : صادوا مشتبه فيه ... بس للحين ما حققوا معاه ...يمنعحمد : حلووو .. يللا انشالله ينعرف قريب ...يمنعبندر : مو كذا السالفة ...حمد : ها ..؟؟بندر : اتحداك تعرف مين ...؟؟حمد : مين ..؟؟بندر وهو يقعد ع الكرسي : سعود عبد الله الـ ( ..... )!!!!!!حمد فتح عيونه الثنتين : قول والله ...!؟؟!؟!!؟بندر ابتسم : والله العظيم ....حمد : ولد عبدالله له يد بالسالفة ..؟؟ وانا اقول اللي مسويها اكيد وراه ظهوووور كثيرة..بندر : بس لسة ما حققوا معاه ... كلموا ابوه واستدعوا ولده للتحقيق ....يمنعحمد : غريبة والله هالدنيا .. اجل ولد عبدالله ... ولد اطيب انسان واحكم انسان ف هالعالم .. له يد ف سالفة زي كذا ..؟؟!؟!؟ والله والزمن .......!!!!بندر : على بالك زي زمان اول ..؟؟ لا يا حمد .. الناس الحيت تغيرت .. كل واحد يسوي اللي يعجبه ولو كان غلط ... مدام عنده فلوووس .. ما بيهتم ... لافي سمعته ولا ابووه ولا امه .. ولا أي احد .. مهما كانت مكانته ... !!!حمد : الله على الدرر يا بندر .... اقووووول .. انت الحين خلصت دوامك ف الجامعة ...؟؟يمنعبندر : أي .....حمد بنص عين : متاكد ....؟؟يمنعبندر : ههههههه يعني بكذب عليك..؟؟ أي والله خلصت ..يمنعحمد : ياويلك لو يوم تغيب عن الجامعة وتجي هنا .. والله لا اطردك فاهم..؟؟بندر قام : هههه انشاااالله ... لا توصي .. يللا طال عمرك استأذنحمد : اذنك معك ...يمنع___________________________________(( شركة ابو سعود ... ))( الساعة 1 ونص الظهر )كان ابو سعود قاعد في مكتبه ويفكر .....ابو سعود " يا ربيييي... وش اسوي في هالولد اللي مو عارف شلون يصير رجال..!؟؟!؟! ياخي بيذبحني .. الحين انا اربيه واتعب فيه آخرتها يطلع كذا ...؟؟ الله يفشلك يااارب .. بنااات وخمر ومخدراااااات ...!؟!؟؟!! وش خليت بعد ...؟؟ ما بقى شي .. ما بقى غير تذبحلي واحد بعد ...؟؟!!! بس وين بتروح مني .. انا اوريك .. انا ما عندي ولد يسوي كذا ... يا يعترف لي ويتكلم واطلعه بكل سهولة ... ولا بخليه يتعفن ويدخل السجن .. عشان يعرف شلون يصير رجااال ... ويحاسب نفسه وينتبه لافعاله .. لاني خلاااص .. هالولد فقدت الامل فيه .. يا يعترف واربيه من جديد... يا ارميه ف السجن عشان يتادب لوحده ..... !!!!!! "قام ابو سعود من مكانه ورفع سماعة التليفون ودق على عصام ....عصام : سم طال عمرك ....؟؟ابو سعود : وين سعووود...؟؟؟عصام بلع ريقه من الخوف : ا... سعود طال عمرك طلع من الشركة من زمان ...ابو سعود : مارجع....؟؟عصام : لا طال عمرك.. لسة ما رجع ... تبغى ادق عليه ...؟يمنعابو سعود : لا لا تدق ... انا طالع الحين .. اكيد بحصله ف البيت .....يمنعسكر ابو سعود واخذ مفاتيحه وطلع من الشركة راجع للبيت ....يمنع___________________________________(( في بيت ابو رائد ))( الساعة 4 العصر .... )كان احمد قاعد ف المكتب مع ابو رائد يراجعون حسابات الشركة ....يمنعابو رائد : طيب كم يوصل سعر كل هالبضاعة ....؟؟يمنعاحمد طقطق شوي على الآلة الحاسبة بعدين قال : ا.. حوالي 000 500ابو رائد : طيب ...؟ والارباح كم تتوقع ....؟؟احمد شوي فكر بعدين قال : ممم ... حوالي 4 ملايين ...ابو رائد ابتسم : حلووو ... توكل على الله ..يمنعاحمد : وانا رايي كذا .. لانه صفقة حلوة ... وارباحها عالية وتكلفتها رخيصة ..يمنعابو رائد : خلاص من بكرة اتصل ف المندوووب وخليه يجي عشان تتفاهم معاه .. او اذا تقدر انت روحله ....احمد : خلاص انا بمر عليه بكرة الصباح واشووووفه ....يمنعسكر احمد الملفات وقام يرتبها ف المكتب ... اما ابو رائد فصخ نظارته وقعد ع الكنب ..يمنعابو رائد : وش تشرب...؟؟احمد : تسلم ولاشي ...ابو رائد : افا...؟؟ داخل بيتي ولا تشرب شي ..؟؟ ما يصير ..يمنعاحمد ابتسم وجا قعد قريب منه : اللي تشربه اشربه ...ابو رائد : يناسبك الشاهي .. ولا انت ما تشرب الا كبتشينو وكوفي...؟؟يمنعاحمد : ههههه لا لا لا لا مو لهالدرجة ... اشرب شاهي شدعوة ..؟!؟!؟ابو رائد : هههه احسب بعد ... لانه الشباب هالايام كلهم كذا...يمنعاحمد : انا كنت كذا .. بس الحين لأ...يمنعابو رائد : كبرت صح ....؟؟يمنعاحمد : مو على كذا ... لاااااااا.. بس .. الظروف تخلي الواحد كذا ...يمنعسكت ابو رائد يوم عرف انه احمد مشتاق مرة عوض ... ومفتقده بحياته ....يمنعابو رائد : من بعد عوض الله يرحمه صح ....؟؟؟غمض احمد عيونه بالم وتنهد : الله يرحمه .... ولاله الحياة ما تسوي من دونه ...يمنعابو رائد : أجمعين يارب ... هذي الدنيا..محد باقي .. كلن بيموت ... وكل واحد بيموت بالطريقة اللي كاتبها ربه له ... لو ايش نسوي .... كلمة الله سبحانه وتعالى وحده هي اللي بتمشي.....يمنعاحمد : ونعم بالله ....يمنعقام ابو رائد : عن اذنك بقولهم يسوون لنا شاهي ....يمنعاحمد : استريح ماله داعي ..ابو رائد : تمزح...؟؟ ياخي والله راسي بينفجر من هالشغل .. حتى انت شكلك مرة تعبان .. يخليك تصحصح شوي ...يمنعابتسم احمد مجاملة لابو رائد اللي مغطي عليه بافضاله مررة ..يمنعطلع ابو رائد من المكتب وقعد احمد سرحان يناظر الشباك .. ذكرى عوض دايم تخليه يرجع للسرحان والتفكير الكثير .. لانه ذكريات كثيرة تجي على باله لما يطرونه ... ذكريات حلوة وحزينة .. مؤلمة ومفرحة .. ذكريات لو يمضي دهر كامل ..ما ينمسح ولا شي منها .... بتبقى راسخة وباقية ف ذاكرة شخص واحد ... ذذاكرة انسان واحد قريب منه مرررة .. والقدر كتب انه هالانسان يكون احمد .....يمنع.........:. اووووه انت هنا...؟؟ ما دريت ...

28 - 3 - 2014, 11:44 AM

ابو سعود : السلام عليكم ...فيصل وسالم : وعليكم السلام والرحمة ...سالم : وش فيك يبا ..؟ سلامات .. شي مضايقك ...؟؟قعد ابو سعود وفتح الزر الاول من ثوبه وحط شماغه على الكنب : آآآآآآه اشياء مو شي واحد ..يمنعفيصل : ا.... اعذروني انا استاذن .....يمنعابو سعود : لا لا لا يا فيصل .. اقعد .. انت واحد منا وفينا ..يمنعفيصل : لا يا عمي .. يمكن عندك موضوع خاص تبغى تتكلم فيه .. وبعدين بكرة علينا دوامات لازم اروح انام ...ابو سعود مصر : اقعد بس . حلفت عليك تقعد .. منت غريب يا فيصل .. ولدي واكثر والله ...يمنعفيصل منحرج : تسلم ...يمنعابو سعود : سالم ...سالم : سم يبا ...ابو سعود : روح ناديلي امك ...يمنعسالم : انشالله ..طلع سالم ينادي امه ... وبعد عشر دقايق ...يمنعنزلت ام سعود ورى سالم وقعدت ع الكنب : بغيت شي يا بو سعود ...؟؟يمنعابو سعود : شوفي .. انا بغيتك في مووع بخصوووص ولدك سعود ...ام سعود خافت : وش صاير ....؟؟يمنعابو سعود : انا هالولد خلاااص ... تعبت منه ... بيجنني .. كل يوم طالعلي بمشكلة اكبر من اللي قبلها ... وياليت بار بابوه وامه ولا منه خير .. لاااا ... مشاكل ع الفاضي وصرفيات فلوووس على ولاشي ... وعلى خرابيط وصياعة ....ام سعود : ليش وش صاير ...؟؟ وينه الحين ...؟؟ابو سعود : انا هالولد حاولت اتفاهم معاه بس ما يبغى يتفاهم .. والشرطة اتصلوا فيني اليوم الصباح وطلبوا مني اجيبه للتحقيق في مشكلة بنات ومخدرات وشقة ..يمنعام سعود شهقت : هيييييي.... لا حول لله ... وسعود وينه ...؟؟ابو سعود : الولد حاولت اتفاهم معاه واخليه يصارحني .. بس هو وراسه العنيد ما رضى يقول لي وش صاير .. ولا اا اقدر بتليفون واحد اطلعه من المشكلة بدون أي مشاكل .. بس عناده خلاني اوديه القسم واسلمه للتحقيق وهو الحين ف التوقيف تحت التحقيق..يمنعام سعود : بنات ..؟؟ مخدرات..؟؟ وش تقول انت .. والشقة هذي وش سالفتها ..؟ابو سعود : ولدك يا هانم .. مشتري شقة باسم واحد مو موجود .. ودافع اجارها من الحساب حقه ... اللي يدخل ف البنك بدون مجهوود طبعا .. انا اللي اصرفه عليه .. عشان يعيش بعز واحترام .. ورقي ... بس ولدك طلع مو وجه نعمة ... راح صرفلي هالفلوس بطالريق الغلط ... خليه ينفع نفسه الحين .. ربعه كلهم اللي كان يصرف عليهم الحين علموا عليه ... واعترفوا انه هو صاحب فكرة لشقة وهو اللي استاجرها .. وهو اللي كان يصرف عليها وكان يعزمهم بعد ... وهو كل شي طاح على راسه ..يمنعام سعود : طيب والحين ..؟؟ انت رميت ولدك ف السجن ..ابو سعود بحدة : خليه .. خليه يتادب ويصير رجال يتعلم من اغلاطه .. خليه يدف الثمن .. يبغى يسوي اشياء غلط .. خليه يتحمل اللي بيجيه من وراها .. !!!!قام ابو سعود وترك الكل في صدمة من اللي سواه سعود .. كلهم يدرون انه صايع .. بس محد درى انه صياعته هذي ممكن توصله لهالحد .. السجن والقضايا المحاكم ...يمنعمحد توقع ابد .....يمنع

28 - 3 - 2014, 11:45 AM

نهاية الجزء الحادي عشر ..يمنعوشرايكم ...؟؟يمنعسعود وش مصيره ...؟يمنعوابو سعود هل بينفذ اللي وعد سعود فيه ويخليه ف السجن ..؟يمنعورائد ودانة .. والحلم الوردي اللي عايشينه ...؟؟يمنعكل هالاسئلة واجوبتها ف الجزء الجاي انشالله ..يمنعانتظروووني ..

28 - 3 - 2014, 11:45 AM

الجزء الثاني عشر ( الثناعش ):.(( يوم الاربعاء .. بيت ابو سعود ))( الساعة 11 الصباح ))طلعت دلع من غرفتها .. اليوم تاخرت ف النوم .. بالعادة تقوم الساعة 9 ونص ولا عشرة .. بس لانها سهرت امس .. فاليوم عوضت الي سهرته ..يمنعنزلت تحت وسوت لها كوب كوفي كالعادة مع ساندوش لبنة .. ورجعت طلعت فوووق ..يمنعويوم جات بتدخل غرفتها التفتت على غرفة سعود اللي كان بابها مفتوح والمكيف فيها مطفي .....يمنعدلع باستغراب : مو معقووولة ..!؟؟!!؟ راح الشغل ..!؟!؟! معجزة ..!!!!شافت الخدامة طالعة من غرفة سالم اللي جنبها ...دلع : يا ريني ....ريني : نأم مدام ...؟؟يمنعدلع : سعود طلع .........؟؟؟يمنعريني : لأ.... من امس مافي جا ...يمنعدلع : ؟؟؟؟ ما جا...؟؟ وانا اقول هذا مو معقووول يروح الشغل .. وخصوصا انه اليوم اربعاء .. شكله نايم عند واحد من ربعه .....يمنعدلع للخدامة: طيب خلاص روحي شكرا ....يمنعراحت الخدامة تكمل شغلها .. ودلع دخلت غرفتها تقرالها كتاب تتسلى فيه ..يمنع___________________________________(( ف مركز الشرطة .. ))( الساعة 2 الظهر )كان سعود قاعد في زنزانة التوقيف مع 3 اشخاص .. ما يعرف عنهم ولاشي .. وكل واحد وجهه ما يطمن بخير ابد .... للي مجروح وجهه .. واللي وجه من الوصاخة صاير اسود وريحته طالعة .. والثاني الدب اللي قاعد بدون فنيلة بس بسروال السنة ...يمنعوهو الويحد فيهم اللي كان قاعد بملابس نظيفة وشكله مرتب ... والكل يطالعه نظرات تخوف .....يمنعشوي الا يجي الضابط جايب الغدا ... فتح الباب ..يمنعالضابط : سعود ...سعود قام : نعم ..؟؟؟يمنعالضابط : هذا غداك ارسلوه اهلك ...يمنعاخذ سعود الكيس بامتنان : مشكور ما تقصر... بس لو سمحتيمنعالضابط : نعم ..؟؟سعود : ا... ما اقدر استخدم التليفون ...يمنعالضابط ابتسم : بسالك وبردلك خبر قريب انشاللهيمنعسعود : مشكوووور ...يمنعالتفت الضابط : هذا غداكم انت وياه ...يمنعحط الضابط الغدا ع الارض وطلع وسكر الزنزانة وراه وراح ....يمنعاما سعود فقعد ومااات خوف يوم شاف الثلاثة يطالعونه كلهم بوقت واحد ويطالعون اكله..سعود " يماااا... بسم الله علي.. اخاف اغص بالاكل الحين واموووت من عيونهم "يمنعفتح الكيس وحصل صحن مغلف بقصدير .. ويوم كشف القصدير كان فيه خبز ومشاوي .. كباب واوصال لحم .. وقطع دجاج .. مع علبة بيبسي ...يمنعابتسم سعود .. كان مرررة الجوع بيقطعه ... الا ويقطع وناسته ..يمنعالاول : اقول يابو الشباب ... منت بعازمنا ...؟؟؟؟الثاني : أي يعني بتاكل كل هذا لوحدك ..؟؟؟يمنعفتح سعود عيونه ع الاخير من الخوف .. اخذه له قطعة كباب واوصال حطها ف خبزة ... والدف الصحن للثلاثة : ا .. خذوووه حلال عليكم .... ما ابغاهالدب : متاكد ....؟؟؟يمنعسعود : ا.. أي أي متاكد .. م .. ما ابغى شبعان .. و ... والحمدلله ..يمنعبدوا الثلاثة ياكلون وسعود في آخر الزاوية وياكل لوحده وميت من الخوف " ياربيييييي طلعني من هالمكان قريب .. "يمنع___________________________________(( بيت ابو فيصل ))( الساعة 5 العصر .. )دخل ابو فيصل البيت وكان تعبان من الشغل ... وماله خلق ولا احد ...يمنعشوي الا تقرب منه بنته الصغيرة شوق : بابااااااااا .... انتا زييييييت ( انتا جيت )ابو فيصل بدون نفس : هلا حبيبتي ... تعبان وخري عني....تعلقت شوق الصغيرة برجله : ما ابغى ... ابغى تسيلني ( تشيلني )ابو فيصل : لا حول ولا قوة الا بالله .. ( على صوته ) اقولك وخري عني تفهمين .. وخري لايجيك كف الحين يصقع راسك بالجدار .. !!!!!!!خافت شوق وراحت تركض لامها اللي كانت ف المطبخ وتسوي الغدا ...شوق متعلقة بامها وتصيح : ماما .. ما ماااااااااااا ..نسايم بالملعقة اللي بيدها : نعم حبيبتي ..؟؟ وشفيك تصيحين ...؟؟شوق : اهئ اهئ .. بابا ... بابا يبغى ... يدلبني ( يضربني )....!!نسايم اتنهت : رجع بابا ...؟؟شوق : أي ... اهئ اهئ ...يمنعنسايم : استغفر الله العظيم واتوب اليه .... طيب حبيبتي .. روحي غرفتك ولما يجهز الغدا بجي باخذك ..يمنعيمنعشوق : لاااااااااااااااااااا ...نسايم حطت الملعقة وشالتها وودتها لغرفة .... وبعدها مرت على غرفتها وحصلت زوجها هناك ...يمنعنسايم مبتسمة : رجعت ..؟؟؟يمنعابو فيصل معقد حواجبه وضايق خلقه : يعني وش شايفة ..؟؟نسايم " يارب صبرني بس .." : شلون الدوام ...؟؟ابو فيصل : زففففففففت ....!!نسايم ابتسمت ابتسامة اوسع : معليش .. لانه اليوم اربعاء .. يللا بكرة ترتاح وتنام زين....ابو فيصل ولا كانه يسمعها : خلص الغدا..؟؟نسايم : أي جاهز احطه الحين ...؟؟ ولا تتسبح اول ...؟؟يمنعابو فيصل : اكيد الحين .. ماني قادر اتسبح .. بعد الغدا بتسبح وانام ..يمنعنسايم وهي طالعة : على راحتك ...يمنعطلعت نسايم وراحت تحط الغدا " مااااااالت عليك وعلى اللي بيسولف معاك .. ما تنعى وجه والله "يمنع___________________________________

المواضيع المتشابهه لموضوع: روايه ودك تنامين نامي لموضوع: روايه ودك تنامين نامي
الموضوع	كاتب الموضوع	المنتدى	مشاركات	آخر مشاركة
يمد لي يده وامد له روحي	حنين الأشواق	همس عالم حواء	5	8 - 11 - 2023 03:30 PM
نامي بصدري	نجمة الليل	همس الشعر والقوافي	6	25 - 3 - 2023 05:41 AM
روايه روحي لك وحدك للكاتبه ريم الحجر روايه رائعه لا تفوتكم	جروح الم	همس للقصص وحكايات وروايات	81	8 - 6 - 2018 01:02 PM
روايه	خفہَ’ـايِـِـا	همس لمدونات الاعضاء	2	4 - 1 - 2016 05:16 PM
روايه بعت الجسد	الحب ياسمين	همس للقصص وحكايات وروايات	8	12 - 6 - 2013 01:31 PM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

روايه ودك تنامين نامي

همس للقصص وحكايات وروايات