روايه ودك تنامين نامي

1 - 4 - 2014, 06:28 PM

(( سيارة بندر ))( نفس الوقت )كانت عيون خلود طول الوقت على بندر .. تتامل وجهه اللي صارلها زمان ما شافته .. جققت ف كل حركة يسويها وهو يحرك الدركسون حق اليسارة بكل احترافية وهو يسوق ..يمنعغادة قالت لها بصوت واطي : بالله عليك مو نسخة من ثامر ..؟؟ اللهم لون العيون غير...!!خلود التفتت وسرحت ف عيووونه من المرايا اللي قدام ..يمنعدانة " الله يستر من اللي بيصير اليوم .. انا مدري وش بسوي...؟؟ اخاف نتهاوش..! لا لا لا .. ما اتوقع .. انا ما بعصب .. بسكت اليوم .. خلي هالليلة تعدي على خير .. صح للحين انا زعلانة منه ... بس .. مهما كان .. هذا رائد .. هذا روحي .. هذا النفس اللي اتنفسه ... "يمنعغادة ضربت خلود : هيييييييييييييييي اكلمك انا ...يمنعخلود النتبهت : هااأ....؟؟ انتي شفيك...؟؟ خلاص اسكتي ..يمنعدانة التفتت على ورى : شفيكم ...؟؟ شصاير ...؟؟يمنعغادة تفشلت : ها..؟؟ ل .. لا ولا شي..رفع بندر عيوونه يشوف شصاير ورى .. بس شاف عيون خلود تراااقبه ... تالم مرة .. نزل عيووونه وركزها على الطريق " اخخخخخخ .. تطالعيني بعد...؟؟ بعد ما هدمتي كل شي بيدك..؟؟!! "يمنعدانة التفتت تكلم بندر : اقووول بندر ..بندر التفتت وطالعها .......دانة : شغل لنا شي .. ما احب اقعد كذاا ... بعدين خلينا نستانس شوووي ..يمنعبندر مد يده وضغط على play ف المسجل حق السيارة ... وعلا الصوووت ..يمنعالحكاآيه بختصرها بكلمتينيمنعأنا حبيتك وانتآ خنتنييمنعوآعتقد في فرق بين الحاآلتينيمنعقلبي ذآق المر.. وقلبٍ مهتني..خلود نغزها قلبها .. حست انه المكان ضااآق فيها.. خصوصاآ لما شافت عيووون بندر تراقبهاآ وكانها تنتظر ردة فعلها ... فهمتها على طوووول انها الاغنية هذي لهاآ ..يمنعآآآه .. ياليتك تصورت الحنينوالعذاآب اللي بغيابك مرني..شايفك تضحك واناآ بهم وانينيا هني القلب .. ليتك شفتني..صورتك ذكرى على الرف الحزينكآنه شي برمش .. عينك شدنيالحكاآيه بختصرها بكلمتينيمنعأنا حبيتك وانتآ خنتنييمنعنظرتك ذيك البريئة والجبيناللي من روووعة جماآله هزني..يللي انهيت الحكايه بطرف عينواختصرت سنين عمري ... وبعتنيماآ اصدق حتى لو مرت سنينمستحيل يكون قلبك حبني ..يمنعخلصت الاغنية وخلود تتمنى انها ماتت ولا عاآشت هاليوم ... حست بضيق مو طبيعي... حست انه ودهاآ تتكلم .. ودها تدافع عن نفسها ... بس ما تتوقع بيصدقها.. لانه اللي شافه غير اللي بتقول له اياه ...يمنعدانة التفتت على بندر متضاقة : والله لو تحطلي رابح من جديد لا انزل من السيارة .. اقوووولك ابغى استانس رحت حطيت لي خيانة ومدري ايش... فال الله ولا فالك يا بندر.. حط لنا شي زي النااااس ...يمنعبندر طالعها وابتسم : طيب .. انتي ما يعجبك غير راشد الماجد ..يمنعدانة : ايوووا .. هواا داا... حطه حطه بسرعه .. ما بقى شي ونوصل ..يمنع___________________________________يمنع

1 - 4 - 2014, 06:29 PM

(( شقة سعود ودلع ))( الساعة 8 المسا )طلع سعود من الغرفة بعد ما غسل وجهه وصحصح شوي .. وتفاجأة يوم شاف شكل دلع اللي يخررررع ...يمنعكانت قاعدة ع الكنبة قدام التلفزيووون .. وتصيح صيااااح يقطع القلب ...يمنعسعود مستغرب : دلع حبيبتي شفييييييييك ..؟؟يمنعدلع تحاول تمسح دموعها بس كلما مسحت وحدة نزلت ثانية : م .. م .. ما .. ما فيني .. ش .. ش .. شي....!!سعود قرب وقعد جنبها ومسح دموعها بيدينه : شلون ما فيكي شي...؟؟ شوفي شكلك كانه احد ميت ... تكفين قوليلي لاتخليني كذا ....!!دلع انهارت بحضنه تصيح وتشااهق وتبكي بحراارة : اهئ .. م .. ما .. ما ادري.. اهئ..يمنعسعود حضنها وهو خايف عليها .. وقعد يطبطب على ظهرها شوي شوي عشان تهدى" ياربي شفيها...؟؟ والله ما صرت اعرف ليش قاعد يصير فيها كذا..؟؟ " : ششش .. خلاص حبيبي .. خلاص يا روح سعود انتي... ششش... خلاااص ..يمنعوفجأة شوي وسكتت .... ما طلع منها ولا صوووت ..يمنعطالعها سعود وشافها مسكرة عيووونها ... بس دموعها للحين ما نشفت من على خدها ..يمنعسعود هزها : دلع . دلع حبيبتي ..يمنعدلع : ............. ولا حركة وولا رد ..يمنعهزها بقوة اكثر ... بس ابد .. ما تحس بولا شي ... !!خاف سعود " شفيها..؟؟ ليش ما تتحرك ..؟؟ لا يكون صار لها شي...!! "شالها من حضنه وخلانها تنام ع الكنبة ... وطلع من الشقة بسرعة .. دق الجرس حق الشقة اللي جنبه بس محد رد عليهيمنعسعود " يوووه .. توهقت .. وش اسوي الحين..؟!؟! "شاف واحد مع حرمة جايين بيدخلون الاصنصير .. ولا اراديا قال : لو سمحت اخوووي ..التفت الرجال : هلا..يمنعسعود منحرج : بغيتك بخدمة ...يمنعقرب الرجال : آمر ..يمنعسعود متوهق : لو سمحت .. زوجتي مدري وش فيها .. طاحت فجأة لاتتكلم ولا تتحرك .. ممكن اذا مافي مانع تخلي زوجتك تشوووف ايش فيها .. لاني مدري اوديها المستشفى ولا ما يحتاج ...؟!؟!؟ابتسم الرجال : طيب دقيقة بس ..يمنعراح الرجال شوي بعدين رجع لسعووود وقف معاه يطمنه : خلاص الحين بتدخل تشووفها انت بس هديلي بالك شوي...يمنعسعود مرتبك : تسلم .. والله ما اعرف اتصرف بهالمواقف .. يوقف الدم بعروووقي واتشنج..يمنعالرجال : توك متزوج صح ..؟؟سعود مو قادر يوقف ويثبت بمكانه : أي تقريبا ..يمنعشوي وتطلع البنت بسرعة وهي خايفة : بسرعة ودووها المستشفى ضروووري ..يمنعسعود فتح عيووونه ع الاخير : ليش شفيها...؟؟؟؟يمنعالرجال : الله يهديك تحرك.. الحين وقت الأسئلة ...؟؟؟ بسرعة طلعها وركبها السيارة ..يمنعالحرمة : انا لبستها عبايتها .. بس شيلها بسرعة ووديها المستشفى ضرووري..يمنعسعود ركض لداخل الشقة مرعوووب .. كان لونا اصفر .. شالها ونزل فيها للسيارة ....يمنع___________________________________

1 - 4 - 2014, 06:31 PM

(( ف الفندق ))( الساعة 9 المسا )الناس اللي كانوا حاضرين كثار .. والكل كان كااشخ ع الآخر ... البنات كل وحدة احلى من الثانية ... حتى مها .. مع انه التعب كان مبين عليها .. بس المكياج كان مخبي السواد اللي تحت عيووونها .. والفستان من فووق وسع عليها .. لانها ضعفت كثير ف آخر يومين .. بس كانت طالعة بشكل عااام حلوة ..وصلت اروى اللي جات مع امها لانه غادة عزمتها ولزمت عليها تجي .. وكانت طالعة قمر ..غادة فتحت عيووونها الثنتين : اوووخص ... وش هالحلا يا دووووبه ...!؟!؟اروى مستحية : اووووص .. ولا كلمة .. مو لهالدرجة ..يمنعغادة : مااالت عليك .. غطيتي علي والله ..اروى طلعت لسانها تغايضها .....يمنعغادة مسكتها وسحبتها : تعالي سلمي على خالتي خليها تشوووفك ..اروى : استحي يا غادة ..يمنعغادة : امشي بس ...راحت غادة مع اروى وسلموا على كم وحدة موجودة ومنهم ام غادة وام بندر ..ام بندر شافتها وطالعتها باعجااب : اروى..؟؟ بسم الله ما شالله عليك متغيرة مرة .. وش هالحلا...؟؟اروى منحرجة حدها : تسلمين خالتي ...ام بندر : اعترفي يا منى بنتك وش مسوية عشان كذا طالعة قمر ...؟؟ام عوض : والله ولا شي.. بس من زمان ما شفتووها كاشخة عشان كذا شكلها غريب عليكم شوووي...يمنعام بندر : بس ما شالله .. الله يحفظها لك .. سبحان الله .. فيها لمحة من اخوووها الله يرحمه ...يمنعام عوض ابتسمت مع انه قلبها معورها على ولدها : الحمدلله .. ربي عوضنا فيها ..يمنعام بندر : الله يرحمه .. ماشالله عليه كان رجال عن 10 رجال.. شكلها اخته طالعه عليه صح ..؟؟ام عوض تتامل بنتها : أي.. مرة كانت مع اخووووها .. ماخذه منه كل شي .. حتى الشخصية والتصرفات ..___________________________________

1 - 4 - 2014, 06:35 PM

(( المستشفى ))( الساعة 9 وربع )سعود اللي كان واقف ويمشي ف الممر رايح جااي.. مو عارف وش يسوي ..يمنعسعود : الله يستر .. يارب ارفق فيها يااااارب ..يمنعطلعت الدكتووووورة .. وعلى طول راح لها سعووود : ها دكتووورة .. عسى ما شر..؟؟يمنعالدكتورة مستغربة : شر ايه...؟؟؟ ( شقت وجهها تضحك ) يا اخي المدام حامل ف الشهر الثاني ....!!!!سعود وقف متفاجئ وعيونه مفتووحة ع الاخير : ايش...؟؟ دكتووورة بلا مزح الحين .. قول لي الصدق ...يمنعالدكتوور ة: اييييه ... فيك اييييييه ..؟؟ بؤووولك مراااتك حاااااامل ... حااااااااامل يا سيدي.. افرح ........!!!شوي شوي بدت الابتسامة تنرسم على وجه سعود لين ما تحولت لضحكة : الله يبشرك بالخير... وينها الحين..؟؟يمنعالدكتووورة : ف الغرفة ..يمنعسعود مو قادر يوقف مكانه من الوناسة : طيب .. ا .. اقدر اشووفها..؟؟يمنعالدكتووورة : ايووااا طبعا .. اتفضل ..يمنعدخل سعود على طوووول الغرفة وهو شاااق وجهه مبتسم .. مو مصدق عمره ..يمنعوشافها منسدحة وخشمها احممممممر ... واول ما شافته .. طاحت دموووعها ..يمنعسعود جاته الضحكة : هههههه شفيك ..؟؟ لسة ما وقفتي صياح..؟دلع مسحت دموووعها : سمعت ايش قالت الدكتووورة ..؟؟يمنعسعود قعد ع الكرسي اللي جنبها ومسك يدها وقعد يتامل وجهها ... وهو مبسوووط ..يمنعدلع : شفيك ...؟؟سعود مبتسم وهو يبوس يدها : أي سمعت ... مبروووك يا رووحييمنعدلع طاحت دمعة زياادة : ماني مصدقة .. احس الدكتووور يكذب..يمنعسعود : هههه لا ما يكذب .. وبعدين وش قصة الدموووع معاك ..؟؟يمنعدقت الدكتووورة الباب ... ودخل ..يمنعالدكتووورة : ايه الاخبااار ...؟؟يمنعدلع : بخير دكتوورة ..يمنعالدكتوورة : بصي ... دنتي دلوأتي بئيتي حامل .. عارفة يعني أيه..؟؟يعني مش لازم تتعبي نفسك ابدا .. الاشياء التئيلة .. ما تحمليهاااش ولا تأربي عليها .. والادوية ابتعدي عنها نهائيا الا ازا رحتي لدكتوورة متخصصة وعطتك دوا خاص للنساء الحوامل ..يمنعالتفت الدكتووورة لسعود : سمعت يا اوووستاااز سعود ..؟؟سعود : أي سمعت .. انشالله ما بتعبها .. بس يا دكتوورة في شي يعورها..؟؟الدكتوورة : بتحسي بحاجة يا دلع ..؟؟دلع مستغربة : لا دكتوورة مرتاااحة ..سعود طالعها : اجل هالدموووع اللي من الصباااح ليش..؟؟دلع منحرجة : مدري .. والله تنزل بنفسها ...يمنعالدكتوورة تذكرت : آآآآآآآه .. وفي حاجة كمااان .. النفسية .. النفسية مهمة جدا .. لازم تكون مرتاحة ونفسيتها زي الفل عشان الجنين ما يتاثر بنفسيتها ... يعني لازم تداريها وتاخد بالك منها .. واي حاجة تطلبها .. لازم تتنفز ...يمنعسعود : اووخص .. رحت فيها اجل... ههههههههدلع ابتسمت : شفت شلوون .. لازم تسمع كلامي من اليوم ورايح..سعود بحب : انتي تآمرين امر ...يمنعالدكتوورة : وبالنسبة للدمووع والعياااط دا .. دا حاجة طبيعية لانه الست بتصير حساسة شوية فترة الحمل .. وطبعا درجة التاسر تختلف من ست للتانية .. والواضح انه دلع حساسة شوية أبل الحمل ..عشان كدا زادت بشكل وااضح فترة الحمل ..يمنع___________________________________

1 - 4 - 2014, 06:37 PM

(( ف الفندق .. ))يمنع( الساعة 11 )يمنعوقفت دانة تنتظر تنزف هي ورائد .. اللي واقف جنبها .. وشاق الحلق..يمنعرائد لدانة : مين قدك .. بتنزفين الحين معااااي ...!!!دانة ابتسمت وبنص عين : قصدك انتا اللي يا حظك ... !!رائد وقف بغرووور شايف عمره : لا والله انا احلى منك ..يمنعدانة لفت وجهها عنه : هللي ناقص تصير احلى مني...يمنعام رائد : هههه خلصتوا هواش انت وياها ..؟؟رائد : يما بالله عليك مين احلى انا ولا هي...؟؟دانة : أي يللا عمتي قولي .. صح انا احلى...؟؟ام رائد : كلكم حلوين .. يللا اسكتوا الحين واشبكوا يدكم بيد بعض اشوووف ..يمنعسووا رائد ودانة اللي قالت لهم عليه ...يمنعرائد : مو كانك طولانه ...؟؟دانة طالعت فيه : اصلا انا طويلة ..يمنعطالع رائد ف رجووولها : هههه مو منك .. من الكعب اللي لابسته ..يمنعام رائد : يعني مت بتسكتوون ..؟؟ ما تبغوا زفة..؟؟ نكنسلها يعني..؟؟دانة : لا لا عمتي .. والله هذا ولدك مو راضي يسكت ..يمنعرائد : شوووف ...!؟!؟ طيب طيب.. خلاص بسكت ..سكت رائد وسوا شكله زعلان ..يمنعام رائد : ياهووو ابتسم ...يمنعرائد مسوي زعلان : ما ابغى .. انا زعلت ..يمنعام رائد : بلا دلع عاااد .. يللا ابتسم .. مو حلوة تنزف وانتا مكشر .. بعدين يحسبونا غاصبينك ..يمنعرائد بعناد : ما ابغى .. واذا مو عاجبكم .. الغوها .. مو لازم ننزف مع بعض .. زفوها لوحدها اول ... بعدين زفووني لوحدي على كيفي ...يمنعدانة فتحت عيووونها الثنتين على الاخير : رائد ..!! انت من جد تتكلم.. خلاص عااد بلا لعب اطفاال .. خلينا نخلص والله هالفستان ثقيل يالله قادرة اوقف ..يمنعرائد سكت ومو عاجبه الوضع << يتدلع شوي ...يمنعدانة " استغفرالله .. الحين وقتها يعني..؟؟ " : رائد ... رائد حبيبي .. خلاص آسفة .. والله ما كنت اقصد .. بس ابغى اخلص بسرعة .. الله يخليك ابتسم .. خليني اشوووف الوجه الحلوووو ....!!رائد " فديتك انتي...!! خليكي شوي .. خاطري اتغلى!! " : حتى لو ما يصير تسكتووووني .. هذا وانتي زوجتي تقومين تكلميني بهالطريقة..؟؟!!دانة نست انه ام رائد هنا .. باسته على خده وهمست ف اذنه بكل جرأة : ما ودك نخلص عشان نطلع الغرفة ونكون بروحنا...؟؟!! عشان الله يخليك يللا خلصنا ..رائد طالعها بحب وابتسم : تدرين انك قمر اليوم ...!!ام رائد : اخيراً....!! يللا بسرعة استعدوا ..يمنعوانفتح الباب ... وعلا صوت الموسيقى .. وانزفوا الاثنين جنب بعض وسط نظرات الاعجاب والفرحة .... وبالرغم من المشاكل اللي كانت بينهم .. الا انهم من شافوا بعض .. نسوا كل المشاكل ... وما كان بينهم غير الحب اللي يبين من نظراتهم ...يمنع

1 - 4 - 2014, 06:37 PM

>> الفصل الثاني <<(( الفندق ))( الساعة 7 الصباح )في وسط اجواء الهنا والسعادة اللي ف الغرفة .. فتح رائد عيووونه .. التفت جنبه وشاف دانة نايمة .. زي الملاك الصغير ...يمنعقام وقعد .. ومد يده العريضة لوجهها الناعم البري .. لمس نعووومة خدووودها .. وبكل رقم قرب راسه وباسها : دنّووو .. دنّووو يا عمري ..يمنعدانة فتحت عيووونها شوي شوي وشافته فوووقها .. ابتسمت على طوووول ابتسامة واسعة ...يمنعرائد ضحك على طووول وغمازاته طلعت : فديت ضحكتك انتي... قومي حياتي يللا ما بقى على الطيارة شي...يمنعدانة مستغربة : طيارة ..؟؟ أي طيارة ..؟؟رائد ضحك بزيااادة : هههههه... دانة حبيبتي شفيك .. الطيارة اللي بنروح فيها شهر العسل هههههه ...يمنعدانة تذكرت وقامت قعدت : آآآآآآآه .. أي صح .. ههههه مدري شلون نسيت ..؟؟رائد بنظرة تخقق قرصها على خدها : معذووورة .. من شاف هالحلا قدامه ما يتذكر نفسه .... !!دانة فتحت عيووونها وهي تاخذ المخدة اللي جنبها وترميها على رائد : لاوالله ...!! قووم.. قووم الحق عمرك وروووح الحمام قبل ما اضربك قوووم ..يمنعرائد قام بسرعة وهو يضحك ويشرد للحمام : ههههه خلاص تووبة .. اقووولك توووبة ههههههههيمنع___________________________________(( شقة سعود ودلع ))( الساعة 11 الصباح )قامت دلع بعد ما تقلبت شوي بتعب ... ووقفت على رجولها وتذكرت اللي صار امس .. ابتسمت بزيااادة وهي تعض شفايفها ... فتحت يدينها وقامت تدووور ف الغرفة زي المجنوووونة ...يمنعوقف فجأة وحطت يدها على بطنها تتذكر اللي صار فيها ذيك المرة .. خافت .. خافت مرة تفقد الجنين هالمرة ..يمنعدلع " لأ .. انا مالي دخل .. هالمرة بالذات محد بيمنعك انك تجي ... اوعدك... اوعدك يا حبيبي .. هالمرة غير .. هالمرة ابوووك هنا .. هالمرة لك الحق انك تطلع .. لك الحق انك تعيش ... تعيش زي أي طفل من الاطفال .. وانا ما بقصر معاك ابد .. اوعدك..!! "___________________________________(( بيت ابو راكان ))( الساعة 12 الظهر )بينما الكل كان قاعد يقوم من النوم ... طلعت مها توها لغرفتها عشان تنام .. كانت طول الليل .. تفكر ف حل للي هي فيه ... يوم شافته امس .. حست انه روحها بتطلع مكانها من الفرحة ... كان كاشخ ع الآخر .. ويمشي بكل هيبة ورزة .. كان خاطرها تروح تركض له .. وترتمي بحضنه .. كان ودها تعترف له بالحقيقة ... وتقوله عن مشاعرها تجاه..بس كل هذا ما صار ... دخلت غرفتها .. وسكرت الباب على نفسها ..يمنعوقعدت ع الارض بقلة حيلة ...مها " انا الغبية .. انا الغبية .. على بالي بنتقم من خلووود .. !! خلود وش خسرت ..؟؟ ما خسرت شي.. انا اللي خسرت ثامر وخسرت حبه لي ووده .. اما خلود .. خلود ما تحبه .. وش استفدت غير اني هدمت حبي اللي بنيته بيدي مع الايام ...؟؟!؟!

1 - 4 - 2014, 06:39 PM

(( بيت هشام ))( نفس الوقت )حال خلود ما كان مختلف مرة عن حال مها .. غير انه خلود كانت مستغربة ... ليش يصير فيها كذا وهي بريئة.... مالها ذنب ف كل اللي صار ..يمنعخلود اللي كانت قاعدة على السرير وحاضنه دبدوووبها بقوة لصدرها وتصيح " كيف تتهمني بهالتهمة ...؟؟ كييييييييف..؟؟ كيف وانا اللي حبيتك من كل قلب .. وانا اللي حلمت فيك طول الليالي وتمنيت اننا نكون مع بعض ولا يفرق بيننا أي شي...؟؟؟ وكيف أصلا اقدر اسوي هالشي...؟؟ كيف اقدر اجرح روحي..؟؟ قول لي كييف..؟؟ "رفعت راسها لفوووق .. تلتمس الرحمة من ربها ... " يا رب .. يا رب ارحمني .. يااارب اذا مالنا امل .. شيل حبه من قلبي يااااآآرب ... شيله ... خليني انسااه .. يا رب لا توفق كل من كان له يد فللي صار .. يااارب لا توفقه يااارب ف حياااته ... "يمنع___________________________________(( بيت ابو بندر ))( الساعة 2 الظهر )سكرت ام بندر وهي مستانسة : الحمدلله وصلوا بالسلامة ...ابو بندر فرح : والله ..؟؟ام بندر : أي والله .. توها دانة مكلمتني .. تقول وصلوا وهم الحين ف الفندق .. بيرتاحوا شوي وبعدين بيطلعوا ...يمنعاحمد فرحااان : شلون شفتي صوتها ..؟؟ مرتاحة ..؟؟ام بندر : أي الحمدلله .. متحمسة مرة .. الله لايغير عليهم ...الكل : آمينابو بندر : الا وين عيالك ..؟؟ام بندر : يعني فوووق كالعادة .. نايمين اكيد ..يمنعاحمد : هههههه امس يوم دخلوا الصالة .. كل واحد كانه جاي من حرب ..يمنعام بندر ضحكت : ههههه أي انا عطيتهم زفة محترمة ..يمنعابو بندر مستغرب : ليش..؟؟ شسوو..؟؟يمنعام بندر : والله ما سوو شي .. بس انت تعرف عيالك .. طايشين وما يفكرون بللي يسوونه ولعابين .. عشان كذا انا كنت ابغاهم يوصلون بنات خالاتهم الصالون .. وعطيتهم زفة .. ونبهتهم انه اللي يغلط مع أي وحدة من بنات خالته او بنات عمه ما راح يكون حسابه يسير .....

1 - 4 - 2014, 06:40 PM

احمد فتح عيووونه متفاحئ وفيه الضحكة : ههههههههااااي ... ان شاء الله هاوشتيهم قدام البنات ...ام بندر : أي نعم .. عشان يسمعوون الكلام ..يمنعابو بندر : زين سويتي فيهم ..يمنعام بندر وف خاطرها شي : والله امس البنات كل وحدة احلى من الثانية .. ماشالله عليهم اميرات ...يمنعابو بندر : أي والله .. امس يوم شفت سمر وغادة ماشالله عليهم ... كل وحدة قمر ..ام بندر باعجاب وااضح : لااا ... انت ما شفت اروى .. ما شاء الله عليها .. مسكته الكل..يمنعحتى خلود بنت هشام ما تجي جنبها شي .. لا اله الا الله ...ابو بندر : اروى هذي اخت رائد ..؟؟احمد بسرعة رد : لا هذي اخت عوض .. يعني بنت عم رائد ..يمنعابو بندر طالع احمد بنص عين .. قام احمد انحرج وسكتيمنعام بندر عجبها الوضع : جمال واخلاق .. ما شاء الله عليها .. حتى ريم اخت رائد حلوة مرررة .. وناعمة .. ومرة انيقة بفستانها الفوووشي الفاقع .. بس .. مدري .. حسيتها جريئة شوي .. يعني ماشفتها ولا مرة انحرجت لما الحريم يكلمووونها .. تحسها طايشة مع انها اكبر من اروى .. بس اروى اعقل .. واعية ورزينة ...ابو بندر : أي لا تنسين اللي صار لها بعد وفاة اخوها مو سهل .. اكيد بتتاثر وتعقل .. صدمة قوية اللي تعرضت لها ..احمد طلع جواله ومسوي يلعب فيه وهو يسمع كلامهم .. اعجابه بهالبنت يزيد يوم عن يوم ..ام بندر التفتت على احمد بعد ما غمزت لابو بندر اللي فهم الموضوع : ها احمد .. شرايك بالموضوووع ..؟؟احمد بنظرات متفاجأة : ها..؟؟ عن ايش..؟؟يمنعام بندر : عن البنت .. اروى .. اللي تونا كنا نتكلم عنها ..يمنعاحمد حط عيووونه بالجوال : ماشالله عليها .. مو ناقصها شي من اللي سمعته ..يمنعابو بندر عطاه اياها كااش : يعني تبغاها ولا لأ...؟؟احمد فتح عيووونه ... ما قدر ينطق .. السؤال اللي سأله اياه اخوه سؤال صعب ..يمنعاحمد : .....................انعقد لسانه ..يمنعابو بندر : يووووه .. احمد شفيك .. رد ..؟؟ شرايك..؟؟ تبغى نخطبها لك ولا لأ..؟؟ ما اعتقد انك صغير .. انتا الحين بسن مناسب عشان تتزوج .. و اروى زي ما تقول ام بندر ما يعيبها شي... وش قلت ..؟؟يمنعاحمد : ا... م...ا .. مدري ..يمنعام بندر : شلون ما تدري..؟؟تبغاها ولا لأ... بعطين انتا شوفها اول .. يمن تعجبك ..يمنعاحمد بلع ريقه مو عارف وش يسوي " ياربييي وش هالورطة .. أي اقوول الحين ..؟ "وقف احمد وجا بطلع من البيت : عطوني فرصة افكر ...يمنعطلع من البيت .. ووقف ف الحوووش يفكر " معقووولة .. انا آخذ اروى..؟؟ اخت عوض.. انا آخذهااااا ...!؟!؟!؟ آآآآآآآآآآآآآآه والله البنت ما يعيبها شي .. حلوة وعاقلة زي ما قالوا ..بس ... بس .. ريم ... ريم شلووون اخليها وافرط فيها بهالشكل ..؟؟ ريم اللي حبتني .. ريم اللي وقف جنبي يوم ضيقتي .. ريم اللي طلعتني من قوووقعة الهم اللي كنت عايش فيها ... ريم اللي خلتني اعيش الحياة من جديد ... يووووووه يا احمد .. انت شفيك..؟؟ لسة الموضوووع مو اكيد .. يعني تقدر ترفض .. وتقدر توافق .. فكر فيها زين ... ولا تضيعها ابد .. ما تدري ايش ممكن يصير.......!!! "يمنع___________________________________(( بيت ابو رائد ))( الساعة 3 العصر )ريم نقزت يوم امها سكرت التليفووون معصبة : يوووووه ... ماما الحين قاعدة ساعة اصاااارخ واقولك ابغى اكلمه ... ليش ما عطيتيني اياه ...يمنعام رائد : افففففف .. ريم حرام عليك ... توهم طالعين من الفندق ورايحين يتغدووون .. حرام عليك .. خليهم شوي مع بعض . ولا تتصلين فيه فاهمة ...؟؟ريم : ليش يعني..؟؟ ما بتضر دقيقة ... لو كلمتهام رائد : اخوك توه معرس .. ما يصير تزعجيه ف شهر عسله .. خليه مع زوجته ينبسطوا ...يمنعريم : اففف ... متى انبسط انا واروح شهر عسل ياربييييييي...؟؟ام رائد : انتي دامك كذا زي الهبلان عمره محد ماخذك ...يمنعريم بغرووور ونعوومة : نعم ..؟؟ اصلا انا كل يوم طوابير الخطاب على الباب .. بس انا للحين ماجا اللي ابغاه ويبغاني ... اناسبه ويناسبني ..يمنعام رائد تتظنز : ماااالت .. انا مدري مين اللي ناوي على عمره وبياخذك ..ريم : طيب طيب .. بكرة بتشوفين ...!!___________________________________

1 - 4 - 2014, 06:40 PM

(( جزر الباهاما ))( الساعة 11 المسا )في ظلام الليل وتحت نور القمر ... اصواات الامواج اللي تصدم ف رمال الشاطئ هي الوحيدة اللي تنسمع ... ولغة العيووون بين رائد ودانة اللي يتمشوووون جنب البحر .. هي سيدة الموقف ....يمنعرائد قطع الصمت : الجو مررررة حلوو ..دانة غمضت عيووونها تتنسم الهوا البارد : مممم... فرق عن الجو اللي طلعنا منه ..يمنعرائد : لا تذكريني بالحريقة اللي كنت فيها .. والله لما ارجع من الجيم اعصر التيشيرت ويصب ماااي يروي بلد ...!!!!دانة بدلع : هههههه يعععععععع ...يمنعرائد طالعها شوي ...يمنعدانة مستحية : شفيك ..؟؟يمنعرائد لف يده حولها وقال وهو يهمس لها : احبك...يمنعدانة طالعته بخجل وقالت بكل رقة : حتى انا احبك ..يمنعرائد وقف مستغرب ومتفاجئ وكانه احد معطيه كف ....دانة مستغربة : بسم الله شفيك..؟؟رائد غمض عيوووونه مبسوووط : الللللللللله ... عيديها .. عيديها تكفين .. !!دانة تضحك على شكله : ههههه شوووف شكلك شلون صاير .. ماني عايدتها ..يمنعرائد قرب : الله يخليك عيديها ..يمنعدانة فعت حاجب : واذا ما عدتها ..؟؟يمنعرائد التفت حوله وضحك : بشيلك .. قدام كل هالناس وادووور فيك واصااارخيمنعدانة : هههه صراحة هذا عرض ما يتفوت ..يمنعرائد : كيفك ..يمنعقرب وشالها من رجوولها وهي تضحكدانة : يا مجنووون نزلني .. لا احد يصورنا ولا شي.. والله نروح فيها فضيحة .. !!رائد : لا تخافين محد بيصورنا ... الا تعالي .. انتي ليش ما تاكلين؟؟ زي الريشة ..دانة متعلقه فيه : انا مو ريشة .. بس انت ما تعودت الا على رفع الاثقال .. لازم تتعود على رفع شي اخف من اليوم ورااايح ..يمنعرائد : انتي تامرين امر ..يمنعدانة قربت راسها منه وقالت : احبك ...يمنعرائد من الوناسة قام يناقز فيها ويدووووور .. ودانة تضحك وتصاااارخ

1 - 4 - 2014, 06:41 PM

(( بيت ابو رائد ))يمنع( الساعة 5 المغرب )ريم اللي كان الزهق واصل معاها حده ...يمنعريم : افففف .. ماما .. والله طفشت !! ما صاااارتيمنعام رائد وهي تلبس عبايتها : يللا ما بقى شي .. بعد بكرة احنا ماشيين ...يمنعريم : اففففففيمنعام رائد : انتي خلصتي كل شي ..؟؟يمنعريم : أي .. كل شي جاهز حتى الشنطة سكرتها .. الله يخليك خليني اكلم رائد ..يمنعام رائد بتحذير: لأ يا ريم .. والله لو ادري انك دقيتي عليه بزعل منك والغي السفرةيمنعريم بخوف : لا لا لا خلاص خلاص ما ابغى اكلمه .. كله ولا السفرة ..يمنعام رائد : طيب انا طالعهيمنعريم : وين ..؟؟ام رائد : بروح اشتري لي كم شيلة ملونة ..يمنعريم : اهاااآآ يعني سووووقيمنعام رائد : أي.. تجين ..؟؟ريم : اففف ... لأ .. وين بابا ..؟؟ام رائد وهي طالعة : ابوك راح مشوار مع واحد من اللي يشتغلون عنده وبيرجع بعد شوي .. أي صح .. ( التفتت ) شوفي .. يمكن احمد هذا هو اللي رايح معاه .. خلي الشغالات يجهزون المجلس طيب.. خليهم يبخروه ويجهزون القهوة وصحون الحلا ..يمنعريم نقزت بونااسة : والله ..؟؟ مو مشكلة انا بسويهم ...ام رائد : من متى انتي تسوين قهوة ..؟؟ لا تسوينها .. اخاف تخربينها وتفشلينا قدام الرجال.. بعدين ليش مهتمة للموضوع لهالدرجة ..يمنعريم تورطت : ها..؟؟ ا.. لأ ... ب ..بس حصلت لي شي اسويهيمنعام رائد : طيب زي ما قلت لك .. لاتنسينريم : اوكي ..يمنعطلعت ام رائد وريم صرخت من الوناسة : يس......!!!!وعلى طول طلعت تغير ملابسها بعد ما قالت للشغالات يجهزون المجلس ..يمنع

المواضيع المتشابهه لموضوع: روايه ودك تنامين نامي لموضوع: روايه ودك تنامين نامي
الموضوع	كاتب الموضوع	المنتدى	مشاركات	آخر مشاركة
يمد لي يده وامد له روحي	حنين الأشواق	همس عالم حواء	5	8 - 11 - 2023 03:30 PM
نامي بصدري	نجمة الليل	همس الشعر والقوافي	6	25 - 3 - 2023 05:41 AM
روايه روحي لك وحدك للكاتبه ريم الحجر روايه رائعه لا تفوتكم	جروح الم	همس للقصص وحكايات وروايات	81	8 - 6 - 2018 01:02 PM
روايه	خفہَ’ـايِـِـا	همس لمدونات الاعضاء	2	4 - 1 - 2016 05:16 PM
روايه بعت الجسد	الحب ياسمين	همس للقصص وحكايات وروايات	8	12 - 6 - 2013 01:31 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

روايه ودك تنامين نامي

همس للقصص وحكايات وروايات