روايه يا وين برمي هاجسد فيه وانساه

22 - 10 - 2014, 05:10 PM

لعصر ..
ببيت معياد ..
رفضت بنته تجلس مع امه واخته وعيالها ..
ماجد شالها: خلاص بروح فيها بالمستشفى ..
امه: وين ياولدي توديها معك..وتين اقعدي ..
تمسكت برقبه أبوها حتى خربت شماغه ابتسم : خليها يمه ماعندي الليلة مراجعين كثير .. يلا عن اذنكم ..
امه: الله يحفظكم ..
معياد تحاول محاولة اخيره قامت عند اخوها وبنته : وتين هاتيك وبعد شوي نروح الحديقة مع جده ..
وتين :لاآآآآآآ ..
ضحك ماجد وومعياد ..
ماجد: ماعليك راح تطفش الليلة وبكرة راح تجلس معكم .. عن اذنكم..
طلع ماجد وبنته ..
امه : الله يهديها معذبه ابوها ماتخليه يرقد ولايرتاح ..
معياد: ههههههههه ..
امها: ودي انها قعدت احسن لها ..
معياد : على قوله ماجد راح تطفش الليلة ..
امه: ههههههههه مهيب زهقانة تموت بأبوها ..
ضحكت معياد .. وصبت لامها فنجان قهوة ..وقعدو يسولفون..
.
.
.
بريطانيا ..
شقه فارس*سارة ..
سارة كانت تلعب بأظافيرها وتبردها ..
فارس يناظرها ..
سارة رفعت راسها : ممكن اعرف ليه تناظرني؟
فارس متضايق من شراستها : ممكن تخففين من حدتك معي بالكلام..
ساره خزته: لا ..وبعدين منيب نصب تذكاري لاجل تقعد تناظرني فيني كذا ..
فارس وقف لما شافها وقفت وقرب شوي ..
ساره: لاتقرب ..
فارس : طيب ليه ؟
ساره : كيفي .. حلوه ليه ..
دخلت غرفتها وكانت راح تسكر الباب بس فتحه : خلينا نتكلم مع بعض..
سارة تفتح لابها وتالي ناظرته : بـ وشو ؟
فارس يحرك اكتافه ويدينه: مدري بس المهم تنكلم .. أو اقولك خلينا نطلع..
سارة :طيب أنا بقولك بما ان عندك اليوم ويكند لاتقعد عند راسي خلني بحالي وأنت خلك بحالك ..أو اطلع مع أصحابك ..
فارس تكتف: موب أنتي زوجتي يعني مفروض نكون مع بعض.. وبعدين ناصر وعبدالرحمن أكيد مع حريمهم .. وأنا أبي اكون معك تكفيين ..
سارة : أنت بعدك حاس بالذنب لاجل كلامك وضربك ؟ لاجل كذا قاعد عندي تبي نطلع مع بعض .. على بالك لو طلعنا راح نغير هالطلعه شي من اللي بيننا .. اقولها لك من الحين .. مشكلتك قبل ماتقط كلامك ماعرفت مين اللي قطيت عليها .. فارس بجد بجد عففتك من عقب كلامك .. وبعدين خلك معي صريح لاجل ترتاح ولاتلعب على نفسك.. أنت ماتحبني ماتحبببني مستوعب هالكلمة .. بس الحين شفقان علي لانك بزعمك جرحتني ..
نزلت راسها وقعدت تفتح النت ..
وفارس يناظرها وبقلبه لا بديتي تدخلين لقلبي يابنت أبوك .. تقدم وجلس على طرف السرير..: سارة ..
ساره تناظر لابها: نعم ..
فارس: تكفين خلينا نطلع ..
سارة : لا ..
فارس : عشان أبوك كأنك تحبينه اطلعي.. وحتى اشتري لك ملابس لاجل الجامعه..
سارة : عندي..
فارس : سارة لازم بلايز طويلة وحجاب العباية الله حسيبهم ممنوعه.. يلا قومي ..
سارة : لا ..
فارس : عشان أبوك .. يلا عاد ..
ناظرته ..وتالي قامت ..
ابتسم (آخ ياعنادها ).. قام يبدل لاجل يطلعون .. وتالي جلس بالصالة ينتظرها الين تخلص ..
طلعت من غرفتها .. وشافته ينتظرها ..
فارس ابتسم وطلعوا من الشقة ..
فارس : وين تبين نروح اول شي ؟
سارة : أي مكان ..
وصلوا لسيارته ..
وفتح فارس لها وركبت وتالي سكر وركب ..
سارة: سيارتك ..
ابتسم : آييه .. ماتدرين ان عندي سيارة ؟
سارة: لا..
فارس: معك حق لاني ماقلت لتس.. ناصر وعبدالرحمن لما شرو سيارات لهم اختارو لي بنفس المواصفات اللي طلبتها وحولت لهم فلوسها ولما جيت خلصت الاجراءت وتوني امس اسلمتها ..
سارة: الله يعطيك خيرها ويكفيك شرها..
فارس ابتسم: الله يجزاك خير..
.
.
.
الرياض ..
المستشفى ..
دخل ماجد للمستشفى وهو شايل بنته .. وقف قبال الاستقبال :السلام عليك ..
الموظفه: وعليكم السلام ..
ماجد : شوفي لي لو سمحتي مواعيدي اليوم..
الموظفه فتحت الجهاز وشافت : آمممممم عندي 4 حالات لليوم وفيه ناس قدموا مواعيدهم ..
ماجد بسرعة: لالا شوفي هالحلوه معي يالله اربع حالات .. مقدر اليوم..
الموظفه خاقه مع بنت ماجد دبدوبة وصغنونه حييل واسنانها صغار ومصفوفة وبيضا ووجهها الدبدوب وخدودها وحمرتهن من البرد .. من غير عيونها اللي تشبه لابوها بوسعهن وكثافة رموشها وغايرة .. : طيب حطها عندنا .. حرام راح تمل .. وبعدين يمكن تضيق من الحالات اللي تجي لك ..
ماجد يناظر بنته وهو شايلها ويعدل شال البرد حول رقبتها بيده الثانية: وتين تجلسين مع البنات هنا ..
وتين تخز أبوها .. ضحك ماجد : رافضة حتى تجلس بالبيت .. معليش راح تجرب اليوم جو البابا اليومي .. عن اذنكم ..
مشى عنهم وهو يسمع لسوالف بنته ..
داليا(الموظفه) : ياخقققه تزنن بنته ..
شروق ترتب الملفات : آيييه الله لايضرها .. دوبا ماجلست معنا .. مشششالله تزنن ..
...
دخل ماجد لمكتبه ونزل بنته على الكرسي الداور الخاص فيه وشغل لها الكراتين : وتين مافيه صوت خليه صامت ..
وتين بزعل: لا عشان افههم ..
ماجد دنق لبنته : يابابا الحين فيه مراجعين خلالاص ..
دق الباب ودخل مراجع ..
جلسه ماجد وجلس مقابله على الكرسي وبدت جلسته .. وبنته لهت مع الكراتين وسكتت ..
.
.
.
بريطانيا ..
كان الهدوء يعم بالسيارة .. الين وقف فارس امام محلات ملابس ونزلوا..
سارة : ننزل..
فارس يطفي السيارة : آييه ..
نزلوا .. ودخلوا للمحلات ..
شافت سارة قمصان طويلة وحيل راقت لها .. دق جوال فارس وطلع من المحل لاجل يكلم.. وسارة اختارت وأخذت كم جنيز وتالي عطتها بطاقتها وحاسبت وطلعت من المحل وشافته باقي يكلم ..اشرت له راح تدخل المحل الثاني لاجل تشتري شوزات .. اختارات بنفس الالوان الخاصة بالقمصان .. ولاطولت لاجل ماتبي فارس يدخل ويحاسب ماتبي أي شي منه ..
خلصت وطلعت وكان بعد يكلم انتظرت شوي وسكر وكان وجهه ضايق شوي بس ماانتهبت كثير ..
فارس دخل جواله بجيب الجنيز : معليش كانت مكالمه مهمه.. خلصتي؟
سارة : آييه ..
فارس : طيب خل ادخل لاجل احاسب..
سارة : حاسبت وقضيت..
ناظرها بنظره استفسار عن هالتصرف ..
سارة طنشت نظراته : أبي ادخل المحل ذاك (اشرت بيدها) ..
فارس :ليه سويتي كذا وماخليتني احاسب..
سارة تمشي معه : لاتناقشني بهالموضوع ..
فارس : أوك .. أوك .. لما نروح للشقة تنفاهم ..
دخلوا للمحل وكان محل اكسسورات .. أخذت لها وتالي حاسبت وصلت مع فارس من تصرفه ..
سارة : نطلع الحين ..
بسيارته ..
فارس : فهميني بس معنى تصرفاتك ؟
سارة: لاينط لك عرق بس.. أنا متعوده .. ولاتفكر تصرف علي..
فارس سكت :طيب طيب نشوف هالتعود بالبيت ..
سارة بتهديد: قصدك تضرب.. جرب ويعلمك بابا واخواني كيف تمد يدك.. موب كل مره راح اسكت لك ..
فارس سكت ولاتكلم ..الين وصولوا امام العمارة اللي ساكنين فيها ونزلوا .. شالت الاكياس وفتح فارس الباب ..
فارس صك الباب: وقفي هنا ..
سارة ناظرته بنظرة ..وتالي كملت الطريق لغرفتها : ساااااااااااااااااارة..
دخل وراها للغرفة : سارة بلا سفط لي ..
سارة رمت الاكياس على السرير وبعصيبه : وش تبي؟
فارس: وش تصرفك ذا .. خير تحاسبين موب معبي عينك ؟
سارة : ياخي اغراض لي أنا .. احاسب عليها بفلوسي .. عندك شي ؟ الله .. كيفي .. وبعدين هذي حياتي واسلوبي .. لاتقعد تسوي فيها انهانت كرامتك لاجل ماخليتك تحاسب.. وبعدين من قاصرها ماابي منك ولاشي ..
فارس : أنتتي زوجتي ومسؤلة مني .. خلي هالكلام الفاضي..
سارة : مافاضي غيرك .. آفففف انسان نكدي..
فارس يأشر على نفسه : أنا نكدي؟!
سارة : ليه وش حاسب نفسك .. تكفى يافارس خلني بحالي .. تراي منيب طايقة نفسي ..
فارس : آييه أكيد موب طايقه نفسسك من نفسك الشينة.. أنتي على وشو شايفة نفسك ؟ لاجل أبوك دكتور ومن أكبر الدكاترة بالمملكة وصيته عالي .. أو لاجل أخوك الدكتور زياد أو لاجل طلال رجل الاعمال.. أو لان أمك دكتورة ورئيسة قسم بالجامعة .. أو لاجل اسم العائلة ؟ أو لجمالك .. يكون بعلمك لو لفتي انتباهي كان حبيتك ونسيت كل رفضي للزواج(قال هالجملة الاخيرة وهو موب مقتنع فيها لان فيه شي بداخله بدء يكبر لسارة) ..
سارة صرخت فيه : أسسسسسسسسسسكت اسسسسكت أنت مخلوق لاجل بس تجرح الناس (شدت شعرها ) رررد علي..
فارس خاف عليها من انهياراها الزايد ..
سارة بنفس الصوت: أنا تعبااااانة كثثثثير منك .. اهنتتتني كثثثثير ..كل شوي تجرح كل شوي تقط كلام .. (جلست على الارض وهي تتمتم بكلام يعبر عن ضيقها من الوضع اللي هي عايشته معه)
فارس وقف يناظرها الين بدت تهدى ولاتتكلم وتقدم لها ..
سارة بهستريا: لا تقرب مني ..
وقف وهو يناظرها ومتأزم لاجل اللي سببه لها ..
سارة رفعت راسها وناظرته وهي تبعد شعرها عن وجهها وبألم: مستانس لاجل أنك بكيتني ..(بقوة) أنا مابكيت لاجل كلامك لا .. بكيت على حالي وعيشتي .. أنا كنت معززة ومكرمة بييت اهلي وهنا كل مره اهاااانه .. ويكون بعلمك الغرور والكبر اللي تشوفه فيني ابعد مااكون عنه .. لانك أنت تشوفني بنفس منظارك ..
فارس :يعني أنا مغرور ومتكبر؟
سارة : أنت ..(سكتت شوي وتالي اشرت بيدينها بمعنى قوسين ) ..
( أنت اقسسى من عرفت ) ..
فارس بصدمة : أنا قاسي ..
سارة وقفت وبطنازة : لا أنت حنون وطيب وراقي وماتجرح ..
فارس : أنا عكسها بنظرك ..
سارة : أكييد .. حرام على شهد وامك والكل قالوا فيك كل الصفات الزينة الين امي وأبوي وافقوا عليك واقنعوني فيك ورضيت وانصدمت بالعكس ..
فارس جلس على السرير وبذهول : كنتي رافضتي ؟
سارة : يكون بعلمك بسس كان متقدم واحد غيرك بس أبوي اغتر فيك وقال وافقي عليه لاجل انه مافيه مثله .. آآآه بس لو يدري وشو أنت مسوي ببنته ..
فارس حط يدينه على وجهه وتالي قعد يمررها بشعره بندم واضح..
رفع راسه وهو يسمع صكه الباب للحمام (وأنتم بكرامة) دخلت سارة تبكي وهي شايلة هموم الدنيا فوق راسها جلست على ارضية الحمام وهي تبكي ..
فارس سمع صوتها وقام بسرعة : ساررررة افتحي .. سارررة افتحي مهوب زين تبكين عندك .. سارررررة ..
ركض لغرفة النوم وقعد يفتح بالدروج ولقى مفاتيح وبسرعة مشى لغرفة سارة ودخل لاجل الحمام داخل الغرفة قعد يجرب بالمفاتيح وفتح معه واحد ..دخل بسرعة وشال ساره بالقوة :خللللللللني..
فارس نزلها على السرير وهو يبعد الاكياس وينزلها بالارض وبعصيبه: مجنونه تبكين بالحمام .. ماتدرين انه مهوب زين .. خلالاص ياسارة دخيل الله تراني تعبت .. ارحميني .. وارحمي نفسسك ..
..ماقدر يقاوم شعور بداخله وجلس مقابلها مسك يدينها ولاقدرت تفكه منه .. لمها لصدره هو يأخذ نفس ويزفره..
سارة حاولت تبعده عنها ..ضمها أكثر لصدره: آوشششش خليك بحضني..
ارتخت بين يدينه وتبدلت كل مقاومته له ولاحضانه باستسلام تام .. وكانت محتاجه كثير لحنانه ولمته لها وخاصة ان فارس حنون بدرجة مجنونة همس لها : قولي اللي ببالك وقولي يكذب وقولي أي شي.. بس دخلتي لقلبي .. ولالي على القلب سلطة .. لما اشوفك ضايقة ومخنوقة تضيق فيني الدنيا .. لما ازعلك ازعل نفسي قبل .. دخليك دامني صرحت بمكنون قلبي لاتذلين هالحب وصاحبه..
انا لا قلت حبيتك! ربطت القلـب بحبالك
اسرني حبـك الغـالي حشا لله تملكنـي,,
انا لا قلت حبيتك! جرفني عذب شلالك
حلو واحلا من السكـر واراهن من يراهني,,
انا لا قلت حبيتك! اهد الناس وافضى لك
ومن غيرك تراه يقدر على غيابك يعوضني؟!
انا لا قلت حبيتك! جعلت بقلبي منزالك
انا لا قلت حبيتـك ! دخيلك لاتعذبنـي
ضلت بحضنه وهو ضامها لوقت وتالي بعدت عنه وهي تناظره وأنفها وشفايفها حمرآ وعيونها الدمع برموشها ماجف ويدينها تجف من قرب فارس لها ولمته لها وهمسه وصوته وكله قالت وصوتها متقطع ودموعها تتساقط ..: تبي اسلمك قلبي وامري..
فارس مسك يدينها اللي ترجف .. :أبيك كلك ..
سارة بنفس حالها فكت يدينها منه وبعدت عنه وتغطت باللحاف رجولها وحطت راسها عليها وضمت نفسها وهي تكمل شهقاتها..
فارس قرب لها :سارررة..
سارة دفت يده : لاتقرب مني .. ولاتفكر اسلمك قلبي.. لانك كرهته فيك.. لك حياتك ولي حياتي .. والحين اتركني بحالي ..
فارس: سارة..
ساره تصد عنه أكثر: الجروح اللي سببتها لي حاجز وراح تضل حاجز بيينا .. الا كرامتي ترى اغلى شي ولانيب مفرطة فيها لاجل حبك..(ناظرته) أنت رفضتني بليلة الزفاف وأنا راح أرفضك العمركله ..
فارس انذهل من قوة كلامها ..
سارة : لاتناظرني كذا.. الا الكرامة فوق كل حساب ..

كرامتي فوق كل حساب يا حبي
الا الكرامة حبيبي اعمل حسابك حبيبي

فارس :بسس....
سارة تقاطعه: قلت لك الا كرامتي .. خلني وحدي لو سمحت ..
رجعت حطت راسها على ركبها وهي ضامه نفسها وصاده عنه ..ناظرها شوي وتالي تركها وقام ..
سارة: صك الباب ..
مسك مقبض الباب وناظرها وتالي صكه وطلع .. حطت راسها على المخده وهي ترمي باقي الاكياس ..وتبكي وتسب نفسها وفارس وكل شي بحياتها ..
دخل فارس ومشى بسرعة عند سريرها :سااااااااااااره..
سارة مغطيه نفسها وبجنون: خلنننننننننننننننننننني .. اطلـــــع..
فارس يهديها : خلاص خلاص ..
طلع وصك الباب وتكى عليه وهو ماسك المقبض ويتنهد من حر مافيه..
.
.
.
الرياض ..
المستشفى ..
شهد بهستريا: عممممممي وقف جهاز القلببببب وقف ..
عناد دمعت عيونه: لالا أكيد موب عبدالله ..
شهد تمسك بعبايتها وتشدها وهي تبكي : لاعبدالله ..عبدااااااااالله لالاتتركني لمين تخليني .. عمممممي شوفه بنفس الخط مستققييييم ..
كان اثنين دكاترة يركضون بسرعة ..
شهد مسكت بيد الدكتور من غير حس منها : دكتتتتتتتور مامات صح مامات ..
عمها لمها لعنده وهو عارف انها بغير وعيها لما مسكت يد الدكتور ..
شهد : ططططططفى صووته يكذب عبدالله مامات متأكده عمي والله متأكدة .. طففففف هالجهاز عبدالله حي ..

طف الجهاز / أرجوك مزعج طنينه !
ياحضره الدكتور ما / مات .. ما / مات !
ناظر : هنا أرجوك .. رعشه : يدينه
لا لا تهمك كلها أصوات .. / فـ اصوات

دخل الدكتور للغرفة بسرعة وصك الستاير وحالتها مأثره فيه ..

شهد تفك عمها عنها : وخر عمممي آبي ادخل له تكففى ..بيقوم لامن شافني آعررفه يفز لجيتي ..

وخر / أبشرب دم من : شفتينه !
صاحي و لكن صرت من ضمن الأموات
يمكن أموت وتحتضني سنينه !
يمكن يقوم ألحين ولا .. شويّات !

.
.
.
ببيت ....
امها بصدمة وحزن وهي تناظر روقة طلاق بنتها وتناظر بتاريخ اللي تم فيه الطلاق .. : طلقك ..
.
.

22 - 10 - 2014, 05:11 PM

الجزء الخامس والثلاثين ..
ببيت أبو بندر ..
نورة جلست بصدمة :آيششش ؟!!
امها مدت لها الورقة : ورقة طلاقك ..بعرف وش اللي صار بينكم وخلاه يطلقك وطلقك قبل مايسافر من شهر وتوه اليوم يجي التبليغ بالطلاق من المحكمه ..
نورة دمعت: يعني من قبل سفره مطلقني ..
امها: هو جابك بالليل .. واليوم الثاني طلقك ..
نورة تمسح دموعها: حقققير ..
امها: ماطلقتس تسذا وش اللي صار بينكم ؟
نورة تذكرت لما تهاوشوا وقالت له مفروض ماتكون له ومفروض تتزوج غيره وهي تكرهه ..
رجعت راسها على الكنبة وهي تهمس: آحسسن طلقني (ناظرت الورقة وهي تحسب ) والحين مر شهر من العدة وبديت بالشهر الثاني منها من كم اسبوع ..
امها :يابري حالي تحسبين وفرحانه .. ابوك نزل الورقة وطلع لعمك وعبدالله بالمستشفى وهي متكابله عليه المصايب والهموم..
نورة :حققير وأنا اقول ليه مايدق علي ولايرد على مكالمتي اثرايه مطلقني ..
امها : نوورة وش اللي صار بينكم وخلاه يطلقك ..
دخل أبوها وبندر ..
سلموا وجلسوا وبندر مايكلم نورة ولاهوب معطيها وجهه ..
أبوها: دريتي يانورة ..
نورة : آييه ماعليه حسافة ..
أبوها عصب: عبدالاله من خيره الرجال وعليه الف حسوفة .. وش اللي صار بينكم وخلاكم تتطلقون من بعض .. ولا الطلاق غيابي وزين المحكمه بلغتنا ..
نورة وقفت: ماوقفت الدنيا عليه .. أحسسسن اني تطلقت منه..
طلعت لغرفتها ..
بندر قابض يده : يبي لها تربية من جد وجديد ..
أبوه : الله يصلحها ..
أم بندر: وين غاده؟
بندر: ببيت اهلها ..
امه: الله ييسر ولادتها هي بشهورها الاخيره ..
بندر: آييه قربت ..
أم بندر : الله يخزي ابليس انتسني سالفة طلاق نورة .. كيف عبدالله؟
أبو بندر : حاله مايسر..
أم بندر: الله يحففظه لشبابه ولامه وشهد وعياله .. وأخوك ؟
أبوبندر: أخوي مايتكلم ماغير يهوجس ..
أم بندر: الله يشفيهم ..
بندر:اللهم اميين..(وقف) راح اطلع للشركة ..
امه: ارجع تعشى معنا..
بندر: فيه وفد يمه وراح يكون فيه اجتماع مطول.. يله عن اذنكم..
امه: الله يحفظك..
مسك بندر على كتف أبوه: هونها يأبو ناصر..
قالها وطلع للشركة..
.
.
.
المستشفى ..
غرفة خاصة ..
شهد انهارات خلاص ماتت قدرتها على الصبر والتحمل ..
ريما تناظرها وهي غايبه عن الوعي :يارب ..
عناد كان جالس جنبها وحاط يده على خده ويناظرها منظره كان يدل على قله الحيله وإن مافي يده شي ..
الدكتورة : راح ننقلها قسم التنويم لاجل فيه معاها انهيار عصبي وبعد لاجل نشوف كيف وضع الجنين ..
عناد وقف : مافيه مشكلة ..
نقلوا شهد لغرفة خاصه بالتنويم .. وكان عناد يناظر الممرضة وهي تحط المغذي لشهد وتعدله .. خلصت الممرضة وطلعت .. جلس عناد وكان حيل مهدود وتعبان ..
ريما : حبيبي خلها للي عيونه ماتنام ..
عناد :والنعم بالله .. اجلسي ارتاحي..
ريما : اوك .. بس لحظه ..
مشت لشهد وبعد الشيله وفكت العباية لاجل توخرها عنها وطلعتها بهدوء لاجل ماتتعور من المغذي .. سفطتها وحطتها على جنب ودموعها سقطت لاجل حال شهد وذبولها المسأوي ..
وقف عناد ومسك زوجته من أكتافها ولمها لعنده .. وتالي مسح دموعها : تراني متماسك يالله ويالله ماعمري مريت بأصعب من هالموقف ..
ريما : أخوك موب بششر ..
عناد : آه بس .. (كانت عيونه فيها اللون الاحمر راسم رسمته وفارض نفسه مع التعب والارهاق لعناد) .. بطلع بشوف عبدالله .. يارب تحفظه..
ريما: اللهم امين .. طمني..
عناد: طيب..
طلع ..
عند العناية ..
كان متعب وبدر وافقين ..
متعب: عمي صار في عبدالله شي؟
عناد شاف الستار على القزاز الخاص في غرف العناية مغطى ولاحب يروعهم : لا ماصار الا كل خير..
متعب : فيه شي .. ليه اجل مسكره ؟
بدر : لاتهوجس ..
طلع الدكتور وبسرعة مسكه عناد:بشر..
الدكتور :تم انعاشه .. وين زوجته بشروها ..
عناد بحزن: الحين معها انهيار عصبي ..
الدكتور: لاحول ولاقوة الا بالله .. الجهاز ماتوقف ولله الحمد عن العمل بس نبض عبدالله نزل شوي الين بدء يقرب من الخط المستقيم وهو توقفه بس الحمدلله..
عناد جلس ماحس رجوله تشيله من الفرحة: اللهم لك الحمد ..
الدكتور : الله يقومه بالسلامه .. يأخ عناد الاوراق تم اعتمادها .. وتم عمل كل شي ..
عناد : خلاص ولايهمك ..
جا أبو طلال وطلال .. وطلع يعرف الدكتور ومشى لاجل يتكلم معه عن حاله عبدالله ووضعه الصحي ..
طلال : شباب كيف عبدالله الحين ؟
بدر: تحت رحمه الله ..
طلال: الله يحفظه ..
بدر: عمي وش سالفة السفر ؟
عناد يناظرهم وكان جالس على كراسي الانتظار: عبدالله راح يسافر لالمانيا لاجل يتعالج هناك ..
بدر: طيب هذا رأي الدكتور..
عناد: شهد اقترحته على الدكتور ..
بدر : آه ياشهد مارحمت بحياتي مثل ذيك البنت ..
عناد سكت وهو يتأمل حالها من ربي خلقها فقدت امها وهي صغيرة توها تدرس ثالث ابتدائي وتعذبت كثير لاجل فقدها .. ومامرت ودرست بالمتوسط الا وفقدت أبوها وكانت صدمتها أكثر لانها بدت تعرف الدنيا أكثر ..تالي نقلت لبيت عبدالعزيز(أبوعبدالله) وكيف شاف الفقد والحزن واضح بعيونها والعذاب .. والحين ياخوفه تتجدد هالنظره بعيونها وتفقد عبدالله ..!
.
.
.
الليل ..
ببيت أبو عبدالله ..
بدر : اسمعني الحين اخذت لك التوكيل من عبدالله .. متعب أبيك تكون رجال يعتمد عليه .. امسك الشركة مع طلال وبندر ولاراح يقصرون راح يعلمونك كل شي يخص الشركة .. ووقتك نضمه ترجع للبيت قبل 12 وتنام لان وراك دوام ممكن يكون فيه اجتماعات من الصبح وبكل وقت .. وبالنسبة للدراسة لايلهيك الشغل عنها أنا كلمت طلال وقالي وقت الدراسة راح يمسك شغلك ويمشيه بس تمر عليهم لاجل توقع الاوراق المهمه..
متعب حس بثقل الحمل عليه وسكت..
بدر: أدري توك صغير وعمرك 19 سنة لاكن وأنا أخوك الدنيا تجارب ولايصقل الرجال يكود التجارب ..
متعب: طيب وأبوي؟
بدر: الوالد الله يعافيه مهوب داري عن الدنيا من صار لعبدالله الحادث.. اهم شي تنسى السالفة اللي صارت ومهما يكن ذا أبونا .. ونسيت شي مهم اجلس مع الوالد والوالدة وفواز خل عينك عليه انتبه .. ووجن والعنود ترى أنا وعبدالله متعودين نمر عليهم بين وقت ووقت مر عليهم لاجل مايحسون أزواجهم ان ماوراهم عزوة ولما تمر خذ فواز معاك .. ولا أوصيك على زوجتي وبنتي لان وعد راح تكون عندي اهلي واهلها يعني تقسم الوقت ..
متعب : لاتوصي .. والله يرجعكم بالسلامة ..
بدر:اللهم اميين ..
متعب: طيب ونوال راح يطلقها ابوي؟
بدر: ماعندي خبر عن هالسالفة لاكن خلها منطقه ببيت اهلها تبي الطلاق تطلبه ..
متعب: لا يطلقها الوالد ..
بدر: الله يهديك موب شايف الحالة اللي يمر فيها وتبيه يطلق ..
دق الجرس وقام فواز لاجل يفتح وشوي ودخل معه أخوان نوال ..
رحب فيهم بدر وقام لاجل ينادي أبوه بس اعتذر لانه مريض..
جلس بدر ..:الوالد مريض مايقدر..
أخو نوال: خل أبوك يجي لاجل تنفاهم ..
متعب: ماتوحي للحكي .. قالك الرجال تعبان .. واحنا عياله عنه وش طلبكم ..
أخو نوال: ياأنه يطلع اختي لبيت وحدها او يطلقها ..
بدر: الحل الثاني ولافيها تفكير ..
أخو نوال وقف: مهوب أنت اللي تقرر ..
بدر وقف معه: احشم البيت اللي انت فيه ولاتعلي صوتك .. وأنت حطيت الخيارات .. وقلت لك الاختيار الثاني وهذا اختيار الوالد ..
أخو نوال: يدفع اجل مؤخر الزواج ..
بدر ضحك : ارفعوا للمحكمة ويجيكم حقكم ..
أخو نوال بعصيبه : ببينا المحاكم ..
طلعوا ..
فواز: خير يدفع الوالد مؤخر العقد وشو ذا..
بدر بثقه: خلهم على عماهم .. دامهم هم يبون الطلاق ماراح يجي لهم ولافلس ولا راح يدفعون كل اللي اندفع من جيب أبوي .. ماقام حظهم وبدر بوجههم ..
.
.
.
بعد يومين ..
المطار ..
شهد : أدري مايدري عني بس أبي اشوفه ووحدي..
عمها أبوبندر: ياشهد ..
عناد بحده : زوجها ولها حق تشوفه ..
أبوطلال: تعالي ياشهد معي وشوفيه .. أخذت لتس اذن ..
دخلت مع عمها داخل الصالات الخاصة .. وتالي وصلت لمكان عبدالله..
عمها : أنا برى ..
طلع وصك الباب ..
شهد فكت غطاها وطاحت دموعها على وجهه عبدالله .. حطت كفوفها الباردة على وجهه عبدالله وانحنت عليه بهدوء:ياعمري أنت .. (رفعت راسها وهي تتلمس خده وذقنه وعيونه المسكرة ) عبدالله..عبووودي فتح عيونك شوفني معك .. يلا حبيبي قوم.. (مسكت يده اللي مافيها المغذي رفعتها وحطتها على وجهها ) حبيبي أنت ليه يدك بادرة ..بردان (نزلت يده وغطتها بالغطا الكثيف) ها حبيبي دفيت الحين ..حبيبي تعالج وارجع لي ولعيالنا .. (مسحت دموعها وهي تسولف له وتناظر عيونه المسكرة كأنه يسمعها ويبادلها الحكي ) شفت عيالنا ماراح اعرف جنسهم الين تجي ونشوف سوى أنا وأنت .. طيب حبيبي..
دق الباب ..
ناظرت الباب ودخل عمها.. قامت وهي تناظر عبدالله ..
عمها : راح يرجع بأذن الله .. وكل يوم راح اكلمك واطمنك عليك واخليك تشوفينه ..
شهد كانت مدمعه وتناظر عبدالله : استودعك الله الذي لاتضيع ودائعة ياللي غصب عن عيني مسافر..
غصب عن عيني مسافر .. وهذا كان لازم يصير
دمعتي بعيني تكابر .. ما انت عندي شئ كبير

بس حبيبي لا تطول .. بس حبيبي لا تطول
المهـــــــــــــــــم ترجع بخـــــــير

كل احاسيسي وشوقي .. سافروا والله معاك
إنت في نبضي وعروقي.. لو طلبت العمر جاك

بس حبيبي لا تطول .. بس حبيبي لا تطول
المهـــــــــــــــــم ترجع بخـــــــير

كل ساعة في غيابك .. تمضي من عمري سنة
والمسافة والمكان.. ما تفرق بيننا

بس حبيبي لا تطول .. بس حبيبي لا تطول
المهـــــــــــــــــم ترجع بخـــــــير

فرقتك عزت عليا ..صرت بين اهلي غريب
واللي هونها عليا.. وعد ترجع لي قريب

بس حبيبي لا تطول .. بس حبيبي لا تطول
المهـــــــــــــــــم ترجع بخـــــــير

لبست نقابها وطلعت مع عمها أبو طلال وتالي طلعت مع عمها وكان عمها عناد ينتظرها ..
راحت جلست بصالات الانتظار ومعها ريما عقب ماودعت عمها محمد لاجل راح يسافر مع عبدالله أهو وبدر..وهي تناظر المسافرين كم شخص حزين مثلها .. سهت بطفلة تمسح دموعها بقفا يدها وهي تناظر شخص مسافر .. جا عناد : بنات مشينا ..
وقفت شهد وريما ومشوا ..
بسيارة عناد ..
ريما : طيب أخوك أبو بندر مع مين راح؟
عناد : مع ولده بندر..
كانت شهد تناظر بالطريق وساكته تحس استنفذت كل شي بس بداخلها حرقة والم وهم .. غطت قطرات المطر الهادئة الساقطة على الرياض قزاز سيارة عمها .. وتحس الشوراع ونورها متضامنة معها لفراق عبدالله لان اغلبيتها طافية والجو برغم انه مطر الا أنه كئيب وحزين مسا الرياض ..

الشوارع [ مَظلمْه ] والنّور خـافت
والمَطْر من أمسْ ماوقَفْ صبيبَه

هذا جَو وحسْ وشعوُر وتهافَت
الحَبيب اللي مفَارق له حَبيبَه..!

.
.
.
ببيت أبو عبدالله ..
كانت أم طلال عند أم عبدالله وتهديها وتقولها توكل امرها لله .. قامت وجن لاجل طلال يبيها ..
راحت له المجلس .. سلمت وجلست ..
طلال : شخبارك ؟
وجن : الحمدلله .. كيفك ؟
طلال :تمام بشوفتك ..
قام وجلس جنبها : ليه ضايقه ؟ ضيقتك راح تعدل بالاوضاع شي.. الا راح تزيد النفسية سوء ..خليك متفائلة وعندك ثقه بالله عز وجل أولا وآخير .. وحاولي تشيلين هالتوتر والخوف لاجل عمتي وعمي تراه متحاج لكم بالوقت ذا لاجل يرجع مثل قبل ..
وجن تمشي بأبهامها على أصابعها الثانيات وبتوهان : الله كريم ..
طلال : الله ييسرها .. كيف عبدالعزيز ؟
وجن ناظرته: ماجا هنا ؟
طلال: لا ..
وجن : أكيد مع فواز ..
طلال: وجن بطلبك ولاأبيك تزعلين.. أدري صعب عليك تتركين الاهل هنا وحدهم بس أمي راح تجي معي لاجل الوالد مسافر ممكن تجين..
وجن : أكيد طلال راح اجي من غير ماتقول .. بس خبرك كنت جالسة الين تهدى امي شوي ويطلع أبوي من المستشفى ..
طلال ارتاح لاجل انها متفهمه الوضع ..
وجن وقفت : طيب بقوم لاجل اجهز ..
طلال: انتظركم بالسيارة ..
دخلت وجن لداخل وطلع طلال ..
وجن : فواز روح لطلال شوفه طلع وعطه عزوز ..
فواز: راح تروحين بيتك..
وجن: آييه حبيبي لاجل عمتي معنا .. بس راح اجي دايم ..
فواز تضايق لان عزوز هو اللي مسليه ..
وجن قربت لاخوها: لاتضايق .. وكل مره أنا عندكم .. وكان همك هالدب لاتخاف برسله لك كل يوم مع الشغالة وخله عندك ..
فواز يبوس ولد اخته : لان بجد مافيه احد يسلي بالبيت ذا غيره .. وبنت بدر بعدها صغنونه وماتسولف ..
وجن: يابعد قلبي .. برسله لك من عيوني ..
فواز: خلاص بمره اجل وأخذه منك وارجعه بالليل ..
وجن: اوك ..
طلع فواز لطلال .. ووجن راحت لامها لاجل تقولها ..
أم طلال: لا وجن اجلسي وماعليك مني ..
أم عبدالله : لا وشدعوه .. أنت بمقامي عندها .. وحتى الحمدلله حنا بخير ..
قامت وجن لاجل تجيب عباتها وجوالها ..وخلت باقي اغراضها عند اهلها لاجل راح تمر بين وقت ووقت ..
.
.
.
ببيت اهل شهد ..
فهاد : لاعمي أنت عندك رحلة أنا راح اجلس مع شهد..
شهد : أنا عادي اجلس وحدي ..
فهاد ناظرها وكسرت قلبه نظره شهد التايهه كثير..
عناد : شهد .. تكفين نظرتك لاتخلينها تطغي عليك ..
شهد كانت حيل تعبانة ومخنوقة : ودي انووم ..
عمها سندها وقامت معه..
دخلت لغرفتها ..
ريما كانت ترتب ملابس شهد .. أخذتها من عناد ..
عناد : ريما سوي أي شي ساخن ..
شهد: لا تتعبين نفسك .. مالي نفس بأي شي ..
عناد: شهد لازم تأكلين ولاجل ضناك ياحبيبه عمك ناسية أنك حامل بتؤام ..
شهد أخذت نفس وناظرت عمها: عمي لاتلومني عبدالله بالنسبة لي كل شي.. الحياة قبل مااتزوج عبدالله كانت سودا بنظري مافيها شي يستحق اعيش عشانه .. بس لما عرفت عبدالله بحياتي تبدلت كلها عبدالله عوضني عن كل شي بحبه وحنانه علي .. حسيت أني مهمه لاحد قبل محد كان يدري عن العذاب اللي كنت اعانيه وخاصة بسفرك للدراسة برآ .. تعذبت ياعمي من اعمامي كلهم الا عمي محمد وعماتي هيله وبسمة .. بس عبدالله قعد يقنع فيهم الين تزوجني وتعدلت حياتي كلها ..
عناد : كانوا يضايقونك ؟ ليه لما كنت اكلمك تقولين مافيه مثلهم ..
دمعت : خلها بالقلب تجرح ولاتطلع وتفضح ..
ريما : خلاص عناد خل شهوده ترتاح وأنا راح اسوي لها عشا بس ابيها تنوم لان مانامت ..
عناد يناظر ساعته: الحين تسع ..
ريما: ماعليك راح اصحيها بس خلها ترتاح..
عدل لها عمها المخده وانسدحت ..
طلعت ريما مع عناد لبرآ الغرفة ..
لمت مخده عبدالله وحطتها على وجهها وبقلبها : ياعمري أنت .. فديتك وفديت كل شي من ريحتك .. ربي يردك لي بالسلامة ..(زفرت بصوتها وبقلبها ) آه ياتوديعك ادمى جروحي ..

توديع الاحباب مثل الموت له سكره
ادمى جروحي وشق الصدر منيـا

.
.
.

الصالة تحت ..
فهاد : نامت..
عناد: ابعد مايكون النوم عن عيونها الحين..
فهاد: بعد عيني وخيتي.. متى رحلتك؟
عناد: الساعة 3 الفجر..
فهاد: ازهلها .. شهد بعيوني..
عناد: انتبه عليها يافهاد تراها أختك ومالها بعد الله سبحانه بالرياض غيرك..
فهاد: لاتوصيني على وخيتي ياعم ..
طلع عناد وفهاد ..
بالحوش ..
عناد يفتح سيارته : أنا راح اترك زوجتي هنا لانها صديقتها بس أنت طل عليهم وكلمها.. تكفى لااوصيك عليها ..
فهاد حس بخوف عمه عناد وحبه لشهد: أعتبرني مكانك وعيونك هنا.. سافر وأنت متطمن..
عناد ودع فهاد وركب سيارته عقب ماقعد يوصيه أكثر..
.
.
.
بريطانيا..
سارة كانت تكلم العنود لمعت عيونها: عبدالله بغيوبه وسافر لـ آلمانيا..
العنود تمشي بصالة بيتها وهي تمسح دموعها: آييه.. صدمه لما دريت..بس الله كريم .. آآآه ياسارة مخنووووقة أحس بضيقه مجنونة مو متخيله حياتي من غير أخوي عبدالله وحنانه وطيبته يالله ..
سارة : ان شاء الله يرجع وماراح ننفعه الا بالدعاء ..
العنود جلست : وأبوي مايتكلم من سمع بحادث عبدالله .. تخيلي أبوي تزوج ..
سارة بصدمة ووقامت سريرها: وشو ..
العنود : انصدمتي.. أجل وشو اقول عني .. بس انقلعت الحين عقب ماطاح أبوي .. بس احس فيه شي غامض بالسالفة ..
سارة : شي غامض وشو؟
العنود: طلعه نوال من البيت .. وصدمة ابوي .. آشياء كثيرة بس راح اروح لاهلي اجلس معهم ..
سارة: ياعمري يالعنود وليه ماتكلميني ليه آخر من يدري أنا..
العنود: صدقيني سارة من دريت بخبر زواج أبوي وأنا تقريبا طايحة يا بالمستشفى يالبيت ممنوعه من الحركة والحين زاد الحمل علي بحادث عبدالله ..
سارة: آه ياقلبي أنتي.. ليتي عندك..
العنود: ياليت بجد ضايقة .. المهم طمنيني عنك ؟
سارة (ماتبي تشغل بالها كفاية مشاكلها وهمومها) : أنا تتتتمام بس مرآ مشتاق لك ووللكل..
دق فارس الباب وفتح وهو واقف يناظر سارة ينتظرها تخلص..
سارة سفهته وقعدت تكمل سوالف مع العنود تقريبا ربع ساعة زيادة وتالي سكرت..
سارة نزلت جوالها وجلست على السرير لاجل تكمل على لابها ..
فارس: معليش ممكن بلا سفط (تطنيش)
سارة ماعطته وجهه ..
فارس: ساررة ..
ساحبه عليه ..
فارس بحده : سارررررررررررررة ..
رفعت راسها ببرود الدنيا: خير ياقلق ..
فارس مقهور منها : سسسسساره كفاية يومين من مرت السالفة وأنتي رافضة الكلام معي..
سارة ناظرته: أفضل لي ولك ..
فارس جلس على طرف السرير ويده على اللحاف يشده :لا مو أفضل.. سسساره خلاص يومين كفاية ..
سارة : فارس ترى راسي مصدع ولاناقصتني هموم لاجل تجي تتناقش..
فارس :وش همومك يامدام؟
سارة صرخت فيه : ولد عمي بغيبوبة تامه وعمي مايتكلم والعنود نفسيتها تراب وش تبي اكثر ..
فارس كان يدري : عبدالله نسيبي طيب ويهمني امره .. ولايوصل للامر انه تضيقين بهالدرجة ..!
لمحت سارة بكلامه شك اكتفت بنظرة وفهمها فارس : آييه اغار لو هو ولد عمك ونسيبي وأدري مابينكم شي بس خوفك على أي أحد من اهلك لاتبدينه لا امامي ولاخلفي..
ساره :اطلع برآ .. وعبدالله أخوي وولد عمي سوى واخاف عليه واتمنى قومته بالسلامة .. ومرض الشك والغيره طيرها من سماك..
فارس : سساره ..
ساره :ساره وساره .. تدري (صكت لابها وخلته يشحن) ..بننننام .. اطلع..
فارس ناظرها شوي ..
سارة خافت من نظراته بس بينت العكس ..
فارس وقف: الحين وش نوع العلاقة بيننا؟
ناظرته ولافهمت ..
فارس: انتظر اجابه على سؤالي .. لاتطولين ياحلوه ..
طلع وهي مشت وصكت الباب بالمفتاح ..ووقفت عليه :ييمه وش يقصد؟
وقفت شوي وتالي مشت وجلست على السرير ورجعت فتحت لابها وهي تفكر بكلامه ..رجعت سكرت لابها وحاولت تنام بس سؤاله وش المغزى منه؟!
حطت راسها على المخده وهي ضامه نفسها وتفكر بسؤال فارس..!
.
.
.
الرياض..
ببيت زياد ..
زياد :راح تنامين؟
العنود تغطي نفسها: آييه..
زياد : طيب فيك النوم؟
العنود ناظرته: تبي شي؟
زياد يحك ذقنه والشعر الخفيف النابت على خده لاجل انه محرم وماراح يحلق الا لما يذبح الاضحيه : آييه خلي نسولف..
العنود حطت مخده ثانية تحت راسها وناظرته..
زياد مايدري وش يحكي بس قال اللي بقلبه: تراك مهملتني كثير..
العنود ماقدرت الا انها تبتسم ..
زياد يكمل ولاغفل عن ابتسامتها: بالحيل متغيره علي ولا تكلميني ولاتهتمين فيني مثل قبل ..ولاتسألين عني مهلمتني كثثثير ..
العنود حست انه طفل لما شكى لها كذا :تعال..
زياد يناظرها ولاتحرك..
العنود ابتسمت: تعال مافيني اتحرك ظهري يألمني .. تعالي حط راسك على صدري .. تعال بيببي..
ابتسم وتحرك لعندها وهو يحط راسه على صدرها ..
العنود : حبيبي اعذرني لو لهيت عنك بس أنت شايف الظروف..
زياد ماسك يد العنود وحاط كفه على كفها اللي حاطته على بطنها ويدها الثانية محتوية فيها زياد ..
العنود : بيبي ..
زياد : آمم..
العنود ضحكت :خلالاص نام .. بس تكفى لاتتهور وانتبه لبطني..
ضحك : لامنيب معورك .. بس بجد مشتاق لتس ..
العنود : وأنا أكثثثر..
زياد بعتب: طيب قولي وأنا بعد مشتاقة لك اكثر بدل وأنا أكثر لانها احلى..

يقول (أنا أكثر) كل ماقلت أنا اشتقت
مايدري إن اشتقت أحلى من أكثر ؟؟

العنود : ماتعرف يعني شعوري تجاهك .. أنت عارف اني احبببك ..
زياد : أدري بس لان احس محتاج لك هالايام بزيادة .. ترى من حلمتي صرنا بعاد عن بعض بدرجة مجنونة لاجلسات ولاسهر ولا اكل ولاشي مع بعض (جلس زياد والعنود جلست وسندت المخده على ظهرها ) اصحى الصبح الاقيك طالعه للجامعة وارجع وقت البريك للغدا الاقيك ياانك بالجامعة او نايمة وحتى العصر والمغرب اكون بالمستشفى ولما ارجع الاقيك نايمة وش الحالة بجد مقدر استحمل هالوضع..
العنود كانت تسمع لكلامه ولما خلص سكتت شوي وتالي علقت : زياد أنا الحين حامل وحملي متعبني وأنا شايف هالشي معليش لو قصرت معاك بس هالشي خارج عن ادراتي .. والا خاطري انفذ لك كل اللي تبيه بس صعب..
زياد : شلون صعب ..
العنود : بيببي ممكن تهدى لان لو انفعلت ممكن انفعل .. وبعدين امرني بس وشو اللي بخاطرك؟
زياد كان ضايق من الاهمال :تدرين خلاص بنوم ..
العنود ناظرته وهي ينسدح بجهته ويغطي نفسه ابتسمت لانها بجد مهملته بس موب بيدها ..طرت ببالها فكرة لاجل تقومه حطت يدها على بطنها وصرخت بصوت خفيف .. فز زياد وحاس بنفسه الا هو عندها .. ماتحملت وضحكت..
زياد ناظرها شوي بقهر وتالي ضحك : لاتعدينها ترى يدي على قلبي من هالحمل..
ضحكت :تعال وانومك الليلة بحضني ..
زياد ابتسم : جد ..
ضحكت .. انسدح زياد وراسه على المخده الخاصة بالعنود .. العنود حطت يدها وتكت عليها وهي تلعب بشعر زياد وتالي حطت راسه على صدرها ويدها محوطته ويد زياد حاطها على بطن العنود والثانية تحت ماسك فيها يد الثانية ..
.
.
.

22 - 10 - 2014, 05:13 PM

الجزء الخامس والثلاثين ..
ببيت أبو بندر ..
نورة جلست بصدمة :آيششش ؟!!
امها مدت لها الورقة : ورقة طلاقك ..بعرف وش اللي صار بينكم وخلاه يطلقك وطلقك قبل مايسافر من شهر وتوه اليوم يجي التبليغ بالطلاق من المحكمه ..
نورة دمعت: يعني من قبل سفره مطلقني ..
امها: هو جابك بالليل .. واليوم الثاني طلقك ..
نورة تمسح دموعها: حقققير ..
امها: ماطلقتس تسذا وش اللي صار بينكم ؟
نورة تذكرت لما تهاوشوا وقالت له مفروض ماتكون له ومفروض تتزوج غيره وهي تكرهه ..
رجعت راسها على الكنبة وهي تهمس: آحسسن طلقني (ناظرت الورقة وهي تحسب ) والحين مر شهر من العدة وبديت بالشهر الثاني منها من كم اسبوع ..
امها :يابري حالي تحسبين وفرحانه .. ابوك نزل الورقة وطلع لعمك وعبدالله بالمستشفى وهي متكابله عليه المصايب والهموم..
نورة :حققير وأنا اقول ليه مايدق علي ولايرد على مكالمتي اثرايه مطلقني ..
امها : نوورة وش اللي صار بينكم وخلاه يطلقك ..
دخل أبوها وبندر ..
سلموا وجلسوا وبندر مايكلم نورة ولاهوب معطيها وجهه ..
أبوها: دريتي يانورة ..
نورة : آييه ماعليه حسافة ..
أبوها عصب: عبدالاله من خيره الرجال وعليه الف حسوفة .. وش اللي صار بينكم وخلاكم تتطلقون من بعض .. ولا الطلاق غيابي وزين المحكمه بلغتنا ..
نورة وقفت: ماوقفت الدنيا عليه .. أحسسسن اني تطلقت منه..
طلعت لغرفتها ..
بندر قابض يده : يبي لها تربية من جد وجديد ..
أبوه : الله يصلحها ..
أم بندر: وين غاده؟
بندر: ببيت اهلها ..
امه: الله ييسر ولادتها هي بشهورها الاخيره ..
بندر: آييه قربت ..
أم بندر : الله يخزي ابليس انتسني سالفة طلاق نورة .. كيف عبدالله؟
أبو بندر : حاله مايسر..
أم بندر: الله يحففظه لشبابه ولامه وشهد وعياله .. وأخوك ؟
أبوبندر: أخوي مايتكلم ماغير يهوجس ..
أم بندر: الله يشفيهم ..
بندر:اللهم اميين..(وقف) راح اطلع للشركة ..
امه: ارجع تعشى معنا..
بندر: فيه وفد يمه وراح يكون فيه اجتماع مطول.. يله عن اذنكم..
امه: الله يحفظك..
مسك بندر على كتف أبوه: هونها يأبو ناصر..
قالها وطلع للشركة..
.
.
.
المستشفى ..
غرفة خاصة ..
شهد انهارات خلاص ماتت قدرتها على الصبر والتحمل ..
ريما تناظرها وهي غايبه عن الوعي :يارب ..
عناد كان جالس جنبها وحاط يده على خده ويناظرها منظره كان يدل على قله الحيله وإن مافي يده شي ..
الدكتورة : راح ننقلها قسم التنويم لاجل فيه معاها انهيار عصبي وبعد لاجل نشوف كيف وضع الجنين ..
عناد وقف : مافيه مشكلة ..
نقلوا شهد لغرفة خاصه بالتنويم .. وكان عناد يناظر الممرضة وهي تحط المغذي لشهد وتعدله .. خلصت الممرضة وطلعت .. جلس عناد وكان حيل مهدود وتعبان ..
ريما : حبيبي خلها للي عيونه ماتنام ..
عناد :والنعم بالله .. اجلسي ارتاحي..
ريما : اوك .. بس لحظه ..
مشت لشهد وبعد الشيله وفكت العباية لاجل توخرها عنها وطلعتها بهدوء لاجل ماتتعور من المغذي .. سفطتها وحطتها على جنب ودموعها سقطت لاجل حال شهد وذبولها المسأوي ..
وقف عناد ومسك زوجته من أكتافها ولمها لعنده .. وتالي مسح دموعها : تراني متماسك يالله ويالله ماعمري مريت بأصعب من هالموقف ..
ريما : أخوك موب بششر ..
عناد : آه بس .. (كانت عيونه فيها اللون الاحمر راسم رسمته وفارض نفسه مع التعب والارهاق لعناد) .. بطلع بشوف عبدالله .. يارب تحفظه..
ريما: اللهم امين .. طمني..
عناد: طيب..
طلع ..
عند العناية ..
كان متعب وبدر وافقين ..
متعب: عمي صار في عبدالله شي؟
عناد شاف الستار على القزاز الخاص في غرف العناية مغطى ولاحب يروعهم : لا ماصار الا كل خير..
متعب : فيه شي .. ليه اجل مسكره ؟
بدر : لاتهوجس ..
طلع الدكتور وبسرعة مسكه عناد:بشر..
الدكتور :تم انعاشه .. وين زوجته بشروها ..
عناد بحزن: الحين معها انهيار عصبي ..
الدكتور: لاحول ولاقوة الا بالله .. الجهاز ماتوقف ولله الحمد عن العمل بس نبض عبدالله نزل شوي الين بدء يقرب من الخط المستقيم وهو توقفه بس الحمدلله..
عناد جلس ماحس رجوله تشيله من الفرحة: اللهم لك الحمد ..
الدكتور : الله يقومه بالسلامه .. يأخ عناد الاوراق تم اعتمادها .. وتم عمل كل شي ..
عناد : خلاص ولايهمك ..
جا أبو طلال وطلال .. وطلع يعرف الدكتور ومشى لاجل يتكلم معه عن حاله عبدالله ووضعه الصحي ..
طلال : شباب كيف عبدالله الحين ؟
بدر: تحت رحمه الله ..
طلال: الله يحفظه ..
بدر: عمي وش سالفة السفر ؟
عناد يناظرهم وكان جالس على كراسي الانتظار: عبدالله راح يسافر لالمانيا لاجل يتعالج هناك ..
بدر: طيب هذا رأي الدكتور..
عناد: شهد اقترحته على الدكتور ..
بدر : آه ياشهد مارحمت بحياتي مثل ذيك البنت ..
عناد سكت وهو يتأمل حالها من ربي خلقها فقدت امها وهي صغيرة توها تدرس ثالث ابتدائي وتعذبت كثير لاجل فقدها .. ومامرت ودرست بالمتوسط الا وفقدت أبوها وكانت صدمتها أكثر لانها بدت تعرف الدنيا أكثر ..تالي نقلت لبيت عبدالعزيز(أبوعبدالله) وكيف شاف الفقد والحزن واضح بعيونها والعذاب .. والحين ياخوفه تتجدد هالنظره بعيونها وتفقد عبدالله ..!
.
.
.
الليل ..
ببيت أبو عبدالله ..
بدر : اسمعني الحين اخذت لك التوكيل من عبدالله .. متعب أبيك تكون رجال يعتمد عليه .. امسك الشركة مع طلال وبندر ولاراح يقصرون راح يعلمونك كل شي يخص الشركة .. ووقتك نضمه ترجع للبيت قبل 12 وتنام لان وراك دوام ممكن يكون فيه اجتماعات من الصبح وبكل وقت .. وبالنسبة للدراسة لايلهيك الشغل عنها أنا كلمت طلال وقالي وقت الدراسة راح يمسك شغلك ويمشيه بس تمر عليهم لاجل توقع الاوراق المهمه..
متعب حس بثقل الحمل عليه وسكت..
بدر: أدري توك صغير وعمرك 19 سنة لاكن وأنا أخوك الدنيا تجارب ولايصقل الرجال يكود التجارب ..
متعب: طيب وأبوي؟
بدر: الوالد الله يعافيه مهوب داري عن الدنيا من صار لعبدالله الحادث.. اهم شي تنسى السالفة اللي صارت ومهما يكن ذا أبونا .. ونسيت شي مهم اجلس مع الوالد والوالدة وفواز خل عينك عليه انتبه .. ووجن والعنود ترى أنا وعبدالله متعودين نمر عليهم بين وقت ووقت مر عليهم لاجل مايحسون أزواجهم ان ماوراهم عزوة ولما تمر خذ فواز معاك .. ولا أوصيك على زوجتي وبنتي لان وعد راح تكون عندي اهلي واهلها يعني تقسم الوقت ..
متعب : لاتوصي .. والله يرجعكم بالسلامة ..
بدر:اللهم اميين ..
متعب: طيب ونوال راح يطلقها ابوي؟
بدر: ماعندي خبر عن هالسالفة لاكن خلها منطقه ببيت اهلها تبي الطلاق تطلبه ..
متعب: لا يطلقها الوالد ..
بدر: الله يهديك موب شايف الحالة اللي يمر فيها وتبيه يطلق ..
دق الجرس وقام فواز لاجل يفتح وشوي ودخل معه أخوان نوال ..
رحب فيهم بدر وقام لاجل ينادي أبوه بس اعتذر لانه مريض..
جلس بدر ..:الوالد مريض مايقدر..
أخو نوال: خل أبوك يجي لاجل تنفاهم ..
متعب: ماتوحي للحكي .. قالك الرجال تعبان .. واحنا عياله عنه وش طلبكم ..
أخو نوال: ياأنه يطلع اختي لبيت وحدها او يطلقها ..
بدر: الحل الثاني ولافيها تفكير ..
أخو نوال وقف: مهوب أنت اللي تقرر ..
بدر وقف معه: احشم البيت اللي انت فيه ولاتعلي صوتك .. وأنت حطيت الخيارات .. وقلت لك الاختيار الثاني وهذا اختيار الوالد ..
أخو نوال: يدفع اجل مؤخر الزواج ..
بدر ضحك : ارفعوا للمحكمة ويجيكم حقكم ..
أخو نوال بعصيبه : ببينا المحاكم ..
طلعوا ..
فواز: خير يدفع الوالد مؤخر العقد وشو ذا..
بدر بثقه: خلهم على عماهم .. دامهم هم يبون الطلاق ماراح يجي لهم ولافلس ولا راح يدفعون كل اللي اندفع من جيب أبوي .. ماقام حظهم وبدر بوجههم ..
.
.
.
بعد يومين ..
المطار ..
شهد : أدري مايدري عني بس أبي اشوفه ووحدي..
عمها أبوبندر: ياشهد ..
عناد بحده : زوجها ولها حق تشوفه ..
أبوطلال: تعالي ياشهد معي وشوفيه .. أخذت لتس اذن ..
دخلت مع عمها داخل الصالات الخاصة .. وتالي وصلت لمكان عبدالله..
عمها : أنا برى ..
طلع وصك الباب ..
شهد فكت غطاها وطاحت دموعها على وجهه عبدالله .. حطت كفوفها الباردة على وجهه عبدالله وانحنت عليه بهدوء:ياعمري أنت .. (رفعت راسها وهي تتلمس خده وذقنه وعيونه المسكرة ) عبدالله..عبووودي فتح عيونك شوفني معك .. يلا حبيبي قوم.. (مسكت يده اللي مافيها المغذي رفعتها وحطتها على وجهها ) حبيبي أنت ليه يدك بادرة ..بردان (نزلت يده وغطتها بالغطا الكثيف) ها حبيبي دفيت الحين ..حبيبي تعالج وارجع لي ولعيالنا .. (مسحت دموعها وهي تسولف له وتناظر عيونه المسكرة كأنه يسمعها ويبادلها الحكي ) شفت عيالنا ماراح اعرف جنسهم الين تجي ونشوف سوى أنا وأنت .. طيب حبيبي..
دق الباب ..
ناظرت الباب ودخل عمها.. قامت وهي تناظر عبدالله ..
عمها : راح يرجع بأذن الله .. وكل يوم راح اكلمك واطمنك عليك واخليك تشوفينه ..
شهد كانت مدمعه وتناظر عبدالله : استودعك الله الذي لاتضيع ودائعة ياللي غصب عن عيني مسافر..
غصب عن عيني مسافر .. وهذا كان لازم يصير
دمعتي بعيني تكابر .. ما انت عندي شئ كبير

بس حبيبي لا تطول .. بس حبيبي لا تطول
المهـــــــــــــــــم ترجع بخـــــــير

كل احاسيسي وشوقي .. سافروا والله معاك
إنت في نبضي وعروقي.. لو طلبت العمر جاك

بس حبيبي لا تطول .. بس حبيبي لا تطول
المهـــــــــــــــــم ترجع بخـــــــير

كل ساعة في غيابك .. تمضي من عمري سنة
والمسافة والمكان.. ما تفرق بيننا

بس حبيبي لا تطول .. بس حبيبي لا تطول
المهـــــــــــــــــم ترجع بخـــــــير

فرقتك عزت عليا ..صرت بين اهلي غريب
واللي هونها عليا.. وعد ترجع لي قريب

بس حبيبي لا تطول .. بس حبيبي لا تطول
المهـــــــــــــــــم ترجع بخـــــــير

لبست نقابها وطلعت مع عمها أبو طلال وتالي طلعت مع عمها وكان عمها عناد ينتظرها ..
راحت جلست بصالات الانتظار ومعها ريما عقب ماودعت عمها محمد لاجل راح يسافر مع عبدالله أهو وبدر..وهي تناظر المسافرين كم شخص حزين مثلها .. سهت بطفلة تمسح دموعها بقفا يدها وهي تناظر شخص مسافر .. جا عناد : بنات مشينا ..
وقفت شهد وريما ومشوا ..
بسيارة عناد ..
ريما : طيب أخوك أبو بندر مع مين راح؟
عناد : مع ولده بندر..
كانت شهد تناظر بالطريق وساكته تحس استنفذت كل شي بس بداخلها حرقة والم وهم .. غطت قطرات المطر الهادئة الساقطة على الرياض قزاز سيارة عمها .. وتحس الشوراع ونورها متضامنة معها لفراق عبدالله لان اغلبيتها طافية والجو برغم انه مطر الا أنه كئيب وحزين مسا الرياض ..

الشوارع [ مَظلمْه ] والنّور خـافت
والمَطْر من أمسْ ماوقَفْ صبيبَه

هذا جَو وحسْ وشعوُر وتهافَت
الحَبيب اللي مفَارق له حَبيبَه..!

.
.
.
ببيت أبو عبدالله ..
كانت أم طلال عند أم عبدالله وتهديها وتقولها توكل امرها لله .. قامت وجن لاجل طلال يبيها ..
راحت له المجلس .. سلمت وجلست ..
طلال : شخبارك ؟
وجن : الحمدلله .. كيفك ؟
طلال :تمام بشوفتك ..
قام وجلس جنبها : ليه ضايقه ؟ ضيقتك راح تعدل بالاوضاع شي.. الا راح تزيد النفسية سوء ..خليك متفائلة وعندك ثقه بالله عز وجل أولا وآخير .. وحاولي تشيلين هالتوتر والخوف لاجل عمتي وعمي تراه متحاج لكم بالوقت ذا لاجل يرجع مثل قبل ..
وجن تمشي بأبهامها على أصابعها الثانيات وبتوهان : الله كريم ..
طلال : الله ييسرها .. كيف عبدالعزيز ؟
وجن ناظرته: ماجا هنا ؟
طلال: لا ..
وجن : أكيد مع فواز ..
طلال: وجن بطلبك ولاأبيك تزعلين.. أدري صعب عليك تتركين الاهل هنا وحدهم بس أمي راح تجي معي لاجل الوالد مسافر ممكن تجين..
وجن : أكيد طلال راح اجي من غير ماتقول .. بس خبرك كنت جالسة الين تهدى امي شوي ويطلع أبوي من المستشفى ..
طلال ارتاح لاجل انها متفهمه الوضع ..
وجن وقفت : طيب بقوم لاجل اجهز ..
طلال: انتظركم بالسيارة ..
دخلت وجن لداخل وطلع طلال ..
وجن : فواز روح لطلال شوفه طلع وعطه عزوز ..
فواز: راح تروحين بيتك..
وجن: آييه حبيبي لاجل عمتي معنا .. بس راح اجي دايم ..
فواز تضايق لان عزوز هو اللي مسليه ..
وجن قربت لاخوها: لاتضايق .. وكل مره أنا عندكم .. وكان همك هالدب لاتخاف برسله لك كل يوم مع الشغالة وخله عندك ..
فواز يبوس ولد اخته : لان بجد مافيه احد يسلي بالبيت ذا غيره .. وبنت بدر بعدها صغنونه وماتسولف ..
وجن: يابعد قلبي .. برسله لك من عيوني ..
فواز: خلاص بمره اجل وأخذه منك وارجعه بالليل ..
وجن: اوك ..
طلع فواز لطلال .. ووجن راحت لامها لاجل تقولها ..
أم طلال: لا وجن اجلسي وماعليك مني ..
أم عبدالله : لا وشدعوه .. أنت بمقامي عندها .. وحتى الحمدلله حنا بخير ..
قامت وجن لاجل تجيب عباتها وجوالها ..وخلت باقي اغراضها عند اهلها لاجل راح تمر بين وقت ووقت ..
.
.
.
ببيت اهل شهد ..
فهاد : لاعمي أنت عندك رحلة أنا راح اجلس مع شهد..
شهد : أنا عادي اجلس وحدي ..
فهاد ناظرها وكسرت قلبه نظره شهد التايهه كثير..
عناد : شهد .. تكفين نظرتك لاتخلينها تطغي عليك ..
شهد كانت حيل تعبانة ومخنوقة : ودي انووم ..
عمها سندها وقامت معه..
دخلت لغرفتها ..
ريما كانت ترتب ملابس شهد .. أخذتها من عناد ..
عناد : ريما سوي أي شي ساخن ..
شهد: لا تتعبين نفسك .. مالي نفس بأي شي ..
عناد: شهد لازم تأكلين ولاجل ضناك ياحبيبه عمك ناسية أنك حامل بتؤام ..
شهد أخذت نفس وناظرت عمها: عمي لاتلومني عبدالله بالنسبة لي كل شي.. الحياة قبل مااتزوج عبدالله كانت سودا بنظري مافيها شي يستحق اعيش عشانه .. بس لما عرفت عبدالله بحياتي تبدلت كلها عبدالله عوضني عن كل شي بحبه وحنانه علي .. حسيت أني مهمه لاحد قبل محد كان يدري عن العذاب اللي كنت اعانيه وخاصة بسفرك للدراسة برآ .. تعذبت ياعمي من اعمامي كلهم الا عمي محمد وعماتي هيله وبسمة .. بس عبدالله قعد يقنع فيهم الين تزوجني وتعدلت حياتي كلها ..
عناد : كانوا يضايقونك ؟ ليه لما كنت اكلمك تقولين مافيه مثلهم ..
دمعت : خلها بالقلب تجرح ولاتطلع وتفضح ..
ريما : خلاص عناد خل شهوده ترتاح وأنا راح اسوي لها عشا بس ابيها تنوم لان مانامت ..
عناد يناظر ساعته: الحين تسع ..
ريما: ماعليك راح اصحيها بس خلها ترتاح..
عدل لها عمها المخده وانسدحت ..
طلعت ريما مع عناد لبرآ الغرفة ..
لمت مخده عبدالله وحطتها على وجهها وبقلبها : ياعمري أنت .. فديتك وفديت كل شي من ريحتك .. ربي يردك لي بالسلامة ..(زفرت بصوتها وبقلبها ) آه ياتوديعك ادمى جروحي ..

توديع الاحباب مثل الموت له سكره
ادمى جروحي وشق الصدر منيـا

.
.
.

الصالة تحت ..
فهاد : نامت..
عناد: ابعد مايكون النوم عن عيونها الحين..
فهاد: بعد عيني وخيتي.. متى رحلتك؟
عناد: الساعة 3 الفجر..
فهاد: ازهلها .. شهد بعيوني..
عناد: انتبه عليها يافهاد تراها أختك ومالها بعد الله سبحانه بالرياض غيرك..
فهاد: لاتوصيني على وخيتي ياعم ..
طلع عناد وفهاد ..
بالحوش ..
عناد يفتح سيارته : أنا راح اترك زوجتي هنا لانها صديقتها بس أنت طل عليهم وكلمها.. تكفى لااوصيك عليها ..
فهاد حس بخوف عمه عناد وحبه لشهد: أعتبرني مكانك وعيونك هنا.. سافر وأنت متطمن..
عناد ودع فهاد وركب سيارته عقب ماقعد يوصيه أكثر..
.
.
.
بريطانيا..
سارة كانت تكلم العنود لمعت عيونها: عبدالله بغيوبه وسافر لـ آلمانيا..
العنود تمشي بصالة بيتها وهي تمسح دموعها: آييه.. صدمه لما دريت..بس الله كريم .. آآآه ياسارة مخنووووقة أحس بضيقه مجنونة مو متخيله حياتي من غير أخوي عبدالله وحنانه وطيبته يالله ..
سارة : ان شاء الله يرجع وماراح ننفعه الا بالدعاء ..
العنود جلست : وأبوي مايتكلم من سمع بحادث عبدالله .. تخيلي أبوي تزوج ..
سارة بصدمة ووقامت سريرها: وشو ..
العنود : انصدمتي.. أجل وشو اقول عني .. بس انقلعت الحين عقب ماطاح أبوي .. بس احس فيه شي غامض بالسالفة ..
سارة : شي غامض وشو؟
العنود: طلعه نوال من البيت .. وصدمة ابوي .. آشياء كثيرة بس راح اروح لاهلي اجلس معهم ..
سارة: ياعمري يالعنود وليه ماتكلميني ليه آخر من يدري أنا..
العنود: صدقيني سارة من دريت بخبر زواج أبوي وأنا تقريبا طايحة يا بالمستشفى يالبيت ممنوعه من الحركة والحين زاد الحمل علي بحادث عبدالله ..
سارة: آه ياقلبي أنتي.. ليتي عندك..
العنود: ياليت بجد ضايقة .. المهم طمنيني عنك ؟
سارة (ماتبي تشغل بالها كفاية مشاكلها وهمومها) : أنا تتتتمام بس مرآ مشتاق لك ووللكل..
دق فارس الباب وفتح وهو واقف يناظر سارة ينتظرها تخلص..
سارة سفهته وقعدت تكمل سوالف مع العنود تقريبا ربع ساعة زيادة وتالي سكرت..
سارة نزلت جوالها وجلست على السرير لاجل تكمل على لابها ..
فارس: معليش ممكن بلا سفط (تطنيش)
سارة ماعطته وجهه ..
فارس: ساررة ..
ساحبه عليه ..
فارس بحده : سارررررررررررررة ..
رفعت راسها ببرود الدنيا: خير ياقلق ..
فارس مقهور منها : سسسسساره كفاية يومين من مرت السالفة وأنتي رافضة الكلام معي..
سارة ناظرته: أفضل لي ولك ..
فارس جلس على طرف السرير ويده على اللحاف يشده :لا مو أفضل.. سسساره خلاص يومين كفاية ..
سارة : فارس ترى راسي مصدع ولاناقصتني هموم لاجل تجي تتناقش..
فارس :وش همومك يامدام؟
سارة صرخت فيه : ولد عمي بغيبوبة تامه وعمي مايتكلم والعنود نفسيتها تراب وش تبي اكثر ..
فارس كان يدري : عبدالله نسيبي طيب ويهمني امره .. ولايوصل للامر انه تضيقين بهالدرجة ..!
لمحت سارة بكلامه شك اكتفت بنظرة وفهمها فارس : آييه اغار لو هو ولد عمك ونسيبي وأدري مابينكم شي بس خوفك على أي أحد من اهلك لاتبدينه لا امامي ولاخلفي..
ساره :اطلع برآ .. وعبدالله أخوي وولد عمي سوى واخاف عليه واتمنى قومته بالسلامة .. ومرض الشك والغيره طيرها من سماك..
فارس : سساره ..
ساره :ساره وساره .. تدري (صكت لابها وخلته يشحن) ..بننننام .. اطلع..
فارس ناظرها شوي ..
سارة خافت من نظراته بس بينت العكس ..
فارس وقف: الحين وش نوع العلاقة بيننا؟
ناظرته ولافهمت ..
فارس: انتظر اجابه على سؤالي .. لاتطولين ياحلوه ..
طلع وهي مشت وصكت الباب بالمفتاح ..ووقفت عليه :ييمه وش يقصد؟
وقفت شوي وتالي مشت وجلست على السرير ورجعت فتحت لابها وهي تفكر بكلامه ..رجعت سكرت لابها وحاولت تنام بس سؤاله وش المغزى منه؟!
حطت راسها على المخده وهي ضامه نفسها وتفكر بسؤال فارس..!
.
.
.
الرياض..
ببيت زياد ..
زياد :راح تنامين؟
العنود تغطي نفسها: آييه..
زياد : طيب فيك النوم؟
العنود ناظرته: تبي شي؟
زياد يحك ذقنه والشعر الخفيف النابت على خده لاجل انه محرم وماراح يحلق الا لما يذبح الاضحيه : آييه خلي نسولف..
العنود حطت مخده ثانية تحت راسها وناظرته..
زياد مايدري وش يحكي بس قال اللي بقلبه: تراك مهملتني كثير..
العنود ماقدرت الا انها تبتسم ..
زياد يكمل ولاغفل عن ابتسامتها: بالحيل متغيره علي ولا تكلميني ولاتهتمين فيني مثل قبل ..ولاتسألين عني مهلمتني كثثثير ..
العنود حست انه طفل لما شكى لها كذا :تعال..
زياد يناظرها ولاتحرك..
العنود ابتسمت: تعال مافيني اتحرك ظهري يألمني .. تعالي حط راسك على صدري .. تعال بيببي..
ابتسم وتحرك لعندها وهو يحط راسه على صدرها ..
العنود : حبيبي اعذرني لو لهيت عنك بس أنت شايف الظروف..
زياد ماسك يد العنود وحاط كفه على كفها اللي حاطته على بطنها ويدها الثانية محتوية فيها زياد ..
العنود : بيبي ..
زياد : آمم..
العنود ضحكت :خلالاص نام .. بس تكفى لاتتهور وانتبه لبطني..
ضحك : لامنيب معورك .. بس بجد مشتاق لتس ..
العنود : وأنا أكثثثر..
زياد بعتب: طيب قولي وأنا بعد مشتاقة لك اكثر بدل وأنا أكثر لانها احلى..

يقول (أنا أكثر) كل ماقلت أنا اشتقت
مايدري إن اشتقت أحلى من أكثر ؟؟

العنود : ماتعرف يعني شعوري تجاهك .. أنت عارف اني احبببك ..
زياد : أدري بس لان احس محتاج لك هالايام بزيادة .. ترى من حلمتي صرنا بعاد عن بعض بدرجة مجنونة لاجلسات ولاسهر ولا اكل ولاشي مع بعض (جلس زياد والعنود جلست وسندت المخده على ظهرها ) اصحى الصبح الاقيك طالعه للجامعة وارجع وقت البريك للغدا الاقيك ياانك بالجامعة او نايمة وحتى العصر والمغرب اكون بالمستشفى ولما ارجع الاقيك نايمة وش الحالة بجد مقدر استحمل هالوضع..
العنود كانت تسمع لكلامه ولما خلص سكتت شوي وتالي علقت : زياد أنا الحين حامل وحملي متعبني وأنا شايف هالشي معليش لو قصرت معاك بس هالشي خارج عن ادراتي .. والا خاطري انفذ لك كل اللي تبيه بس صعب..
زياد : شلون صعب ..
العنود : بيببي ممكن تهدى لان لو انفعلت ممكن انفعل .. وبعدين امرني بس وشو اللي بخاطرك؟
زياد كان ضايق من الاهمال :تدرين خلاص بنوم ..
العنود ناظرته وهي ينسدح بجهته ويغطي نفسه ابتسمت لانها بجد مهملته بس موب بيدها ..طرت ببالها فكرة لاجل تقومه حطت يدها على بطنها وصرخت بصوت خفيف .. فز زياد وحاس بنفسه الا هو عندها .. ماتحملت وضحكت..
زياد ناظرها شوي بقهر وتالي ضحك : لاتعدينها ترى يدي على قلبي من هالحمل..
ضحكت :تعال وانومك الليلة بحضني ..
زياد ابتسم : جد ..
ضحكت .. انسدح زياد وراسه على المخده الخاصة بالعنود .. العنود حطت يدها وتكت عليها وهي تلعب بشعر زياد وتالي حطت راسه على صدرها ويدها محوطته ويد زياد حاطها على بطن العنود والثانية تحت ماسك فيها يد الثانية ..
.
.
.

22 - 10 - 2014, 05:16 PM

الجزء السادس والثلاثون ..

ببيت أخو ريان ..
ركض ومعه متعب : هييييييييييييييييي ابعد عنها ..
دفه ريان :واااااااااطي ..
شده ريان وسحبه وقعد يضرب فيه بالسلك ومتعب ماقصر فيه ..
ريان : متتتعب اسحببه معي ..
سحبوه ورموه بالمجلس ..
ريان : والله منيب من ظهر أبوي أن مارميتهم بالسجن ..متعب صك باب المجلس ..
صك متعب الباب وكان المفتاح فيه سكرة ..
مسك جواله وهو يأخذ نفس : الكلاب ..
دق على الشرطة وعطاهم العنوان .. نزل جواله ..
متعب مسك كتفه : ريان البنت شوفها ..
ركض لبنت اخوه وكانت طايحه على الارض ..: ممممها ..
شالها وكانت منهاراة تماما .. :مها لمسسك سوى لك شي ..
دلت يدينها على أكتاف عمها وهي تبكي بشكل يقطع القلب : عمممممي آآآه ياعمممممممي ضععت ضعت خلالاص ..
كانت تبكي وتضرب نفسها بهستريا ..:خلالاص انتهيت ..
ضمها ريان وبكى على حال بنت اخوه : جعله مايتوفق لا هو ولاربعه..
متعب جلس بالصالة لاقرب كنبه :لاحول ولاقوة الا بالله ..
ريان قومها معه : ممهها وقفي بكى حقك وأنا عمك مايضيع وأنا ريان..
جلسها عمها على السرير.. مسكت يد عمها .. :لاتروح ..
ريان : لاتخافين أنا هنا ..
مها: لا عمي أكيد راح يجي ..
ريان جلس جنبها ولمها وهو مخنوق بنت أخوه ضاعت ..
دق جواله :ذولاي الشرطة بقوم لاجل يأخذون هالخمه..
قام فتح متعب ودخلوا ..
ريان صك الباب على بنت أخوه وطلع لهم : شوفوهم داخل..
العسكري فتح الباب :سكرانين ..
ريان كان مخنوق وجالس..
متعب: آييه .. كلهم شيلوهم ..
ريان ناظره: خلهم يخيسون بالسجن..
العسكري: وش تقربون لهم ..
ريان : واحد منهم أخوي والباقين الخمه ربعه..
كلم الدوريات العسكري : أبي دورية ثانية تجيني على هالعنوان .. آييه ..
كانت متعب يناظر ريان وحاس بثقل المصيبه اللي فيها خويه ..
العسكري: بما أن الحين تم استدعاء دورية ثانية ..
ريان قاطعه بحده: لاتقولي راح تحقق الحين لان ماراح اتكلم الا بقسم الشرطة والخمه اللي داخل يقضونها بالسجن ولا راح اتنازل عن حقي فيهم ..
العسكري كأنه فهم محتوى السالفة ..:لو سمحت ياخوي الحين أنتم تحت مسؤليتي .. على الاقل أبي اعرف اسمك وصلتك بالاشخاص داخل..
ريان : أخوي وربعه.. ولاتسألني أكثر..
العسكري: طيب انتهك عرض..
صرخ فيه رياان : خلالالالاص ..
هداه متعب ..
العسكري :ياخي اهدى شوي .. ترى هذا طيبعه شغلنا ..
متعب: وأنت ياخي ذا وقت اسئلتك ..
جات الدورية وشالوهم وهم سكارى مايدرون عن الدنيا ..
العسكري عطى ريان ورقة لاجل يراجعهم ..
متعب: بكرة راح نمركم ..
العسكري: وتجي المعنية او المعنيات بالسالفة .. عن اذنكم..
طلع العسكري ودخل ريان بنوبة بكا شديدة ..
متعب : ريان ..
ريان : مها ضاعت ..
متعب سكت ..
ريان تماسك شوي وقام لها ..
دخل عمها وكانت لامه نفسها وتبكي ..
ريان منظرها قدامه مهوب رايح عن عيونه : مها..
مها رفعت راسها لعمها وناظرته : بطلبك بس طلب .. لا أحد يدري تكفى عمي..
ريان : أفا يامها وش على بالك عمك ..
مها رجعت تبكي : أببببي اموت..
ريان ناظرها بقوة ودموعه تتساقط..
مها قامت وهي تتكلم: عممي لاتناظرني كذا مستغرب.. آيييه أبي اموووت قولي وش الحياة الحين .. مافيه شي عمي يستاهل خلاص أنا ضعت ..
ريان مسكها ورفع راسها: لا ماضعتي .. دام ايمانك بالله قوي ..
مها : ايماني بالله قوي .. بس عمي انت مستوعب وش اللي صار (شدت قميص عمها وبقهر وهي تصرخ من التعب والالم والحزن) عممممممي أنت شفت المنظر اللي كنت فيه ..
انهارات على الارض وهي تبكي وتصرخ من حر مافيها ..
ريان جلس يبكي جنب بنت أخوه مهوب من كبر عمره ولاتجربته بالحياة لاجل يتماسك بمثل هالموقف .. !
متعب كان يسمع بكى رفيق دربه وهلت الدمعة من عينه لاجل صاحبه وهمه ..
.
.
.
ببيت زياد ..
تقلب بالسرير ماقدر ينام ..أخذ جواله وشاف الساعة 2 الفجر..
دق على العنود وكانت نايمة .. :آمممم..
زياد بطفش: مو قادر انوم ..
العنود جلست وفيها النوم: مين زياد.. لييه موب قادر تنوم..
زياد يحط راسه تحت المخده : منيب قادر لي ساعتين اتقلب ابي ارقد ماقدرت.. عنود اجي أخذك..
العنود تحوس شعرها: زياد اجل وش راح تسوي لما اولد ترى راح اجلس عند اهلي شهر وشوي..
زياد جلس بسرعة: من الحييين تحلمييين ليلة ومنيب قادر اتحمل ..
العنود صوتها نايم: لاتتحدى .. ومعروف يالدب لما تولد الوحده تجلس عند اهلها..
زياد ينقل الجوال : مافييه تبين كم شغالة واجيب لتس بس تبعدين عني شهر وشوي لا يابعد زياد ..
العنود : آييه هين.. المهم حط راسك على المخده ونام أبي انام لاجل اصحى بدري واجلس مع امي وابوي..
زياد انسدح : طيب اقعدي سولفي الين ماتسمعين صوتي ووقتها سكري لاني بكون نمت..
العنود : زياد تنكت أنت..
زياد: والله صدق يلا سولفي ودي انوم..
العنود: آففف ..
زياد : طفشتي مني.. خلاص بسكر اجل مع السلامة..
سكر الخط ورمى الجوال على السرير .. وهو زعلان من العنود ..
.
.
.
ببيت أبوعبدالله ..
غرفة العنود ..
كانت تدق على زياد مايرد .. استمرت تدق اغلق جواله ..: يالله وقت زعل ذا ..
طلعت من غرفتها وصكت بالباب من النوم :آفففففف ..
فتحت وطلعت لغرفة وعد اللي كانت سهرانة تكلم بدر ..دقت العنود ..
وعد: عنوووود ادخلي..
دخلت العنود ورمت نفسها على السرير وعد :لحظه بدوري.. عنود مهبولة ترمين نفسك كذا على السرير بعلم عمتي عليك لاجل تركدين ..
العنود رمتها بمخده :كملي مكالمة يالدبا..
وعد ترجع المخده عندها:هههههههه تكفين يالعصلا.. (رجعت تكلم بدر) آييه بدر ..لا العنود جاية لعندي ...ههههههههههه شكلها.. طيب حبيبي انتبه لنفسك .. بحفظ الله ..
نزلت الجوال..
العنود: كيفهم؟
وعد تحط جوالها على الطاولة جنب السرير: تمام ويقول الدكتور طمنهم ان العلاج هناك حيل متطور وراح يتشافى عبدالله بأذن الله ..
العنود بأمل: ياررررب ..
وعد: مانمتي بعد ..
العنود : زياد دق وصحيت..
وعد ضحكت: ياحرام أكيد مشتاق..
العنود ضحكت: آييه يقول ماقدرت انام سولفي ..
وعد ضحكت .. :عنوده تعالي معي نأخذ أي من المطبخ جيعانة..
العنود جلست : يلا ..
باست بنت اخوها بقوة الين تحركت ..
وعد :اهئ اهئ لاتصحينها ماصدقت وخمدت..
العنود:هههههههههههههههههههه تحزنين ..
وعد: هههههههههه اشوف فيك يوم يالعنود أحد يجي ويصحي عيالك وتتورطين..
العنود تضحك وهم يطلعون من الغرفة : كم كف ويخمد ..
وعد: ياساتر تضربين نونو..
العنود: لما اعصب اتوطاه مهوب اضربه بس ..
وعد:هههههههههههههه يمه منك ..
نزلوا للمطبخ ..
وعد: فيه ورق عنب تبين ..
العنود: أكيييد .. وعد فيه ببسي ..
وعد : آييه ..
العنود: جيبي لي ..
طلعت وعد علبتين وصحن ورق العنب وطلعوا للصالة ..
العنود تفتح الببسي :يالبيييييييييييه وحشششني ..
وعد تناظر: وشو اللي وحشك ..
العنود : الببسي ..
وعد : ورى؟
العنود: زياد مسوي لي حظر من كل المشروبات الغازية ..
وعد: يؤ وأنا عطيتك ..
العنود:هههههههههههه صرت احببك أكثر..
وعد:هههههههههههه من الببسي ..
العنود تدق على زياد بس مغلق .. ضاقت شوي بس مابينت وقعدت تطالع مع وعد التلفزيون ..
.
.
.
شقه فهاد وصفا ..
صفا: لا شوف كم الساعة على الثلاث اجلس الين يأذن ونام..
فهاد :صحيني ..
صفا : مافيه اعرفك لامن نمت .. اقولك خل ننام وتقول لا..
فهاد ضحك : مافيه احلى من سهرتنا ..
صفا ضحكت: آييه مرآ ..
فهاد ابتسم: يالبى اللي زهقت مني وجننتها ..
صفا دفنت وجهها بمخده: خلاص ..
فهاد طار النوم من عيونه: ههههههههههههههه خلاص بهجد..
بعد المخده : ممكن افضفض لتس..
صفا ابتسمت له : تستأذن من روحك..فضفض..
جلس يسولف لها بس حست انه مخنوق وهو يسولف.. كانت تناظره وهو يتكلم عن حال شهد اللي حاز بخاطره كثير وعن سفر فارس وتركه له وعن ربعه اللي سافروا مع فارس مابقى الا كم واحد..وكانت تناظره وهي متابعه معه بأدق همومه وتفاصيلها ونظراته الحزينة وصوته الممزوج فيه الم بقهر ..
فهاد كان يلعب بالمخده ويمرر يده عليها ويتكلم وتالي رفع راسه وابتسم كأنه حس انه سولف بالحيل وخربها : اقول قمت ازود همك
صفا : ياقلبي أنتتت.. وتسولف وتضحك كأنك اسعد من خلق الله..كمل فضفضه ..
فهاد: بفور دمك لاني بفضفض عنا ..
ضحكت له ..
فهاد بعد المخده ومسك يدينها : اجل اسمعيني ..
صفا فيها الضحكه:فهااااد ..
فهاد ضحك وحط راسه بحضنها وتالي رفعه : اذوب فيك لاحاس خاطرك .. بس اسمعيني وناظري بعيوني ..
صفا دنقت ..
فهاد فيه الضحكه : لاطالعيني مافيه احلى من أنني اهذر وعيونك تناظرني ..
خلني آفضفض لين .. آفـوّر دمّـگ
وآلعب في حسبة خآطرگ .. وآحوسه
وآضآيقـگ .. وأشتّتـگ .. وألمّـگ
ويمگن مشآعر ضيقتي .. معگوسـه
شفني على آني قمت آزوّد .. همگ!
محبتگ فـي مهجتـي .. مغروسـه
حقي عليگ .. آنـگ تسگّـر فمّـگ
وحقگ عليّ .. آني آجي / و آبوسـه .!

.
.
.
اليوم الثاني ..
ببيت اهل شهد ..
شهد كانت صايمة يوم التروية (اليوم الثامن من شهرذي الحجه)..
شهد :كلمت عمي يقول الدكتور ان شاء الله يفوق قريب..
ريما : يارررب..
دقت ريما على الدكتورة لاجل تشوف موعد شهد وسجلته عندها..
شهد: ماعاد لي رغبه بشي..
ريما : شهد عشانك عشان عيالك عشان عبدالله .. ياااه ياكبر فرحته لامن رجع وعياله قباله ..
شهد دمعت: الا ياكبر فرحتي.. آآه ياريما لاشفت عبدالله قدامي وواقف على رجوله .. تدرين احاول من الحين اتخيل شعوري بذيك اللحظه..مدري وش اللي راح يصير لي .. ياااه ربي لاتحرمني شوفته متعافي ..
.
.
.

22 - 10 - 2014, 08:39 PM

.
.
.
ببيت أبو عبدالله ..
العنود : لا يمه تونا تسع الصبح .. بروح وابرجع..
امها: بحفظ الله ..
طلعت لاجل تروح لبيتها لان قلبها مع زياد مغلق جواله ..
أم عبدالله تناظر أبو عبدالله وحاله يكسر الخاطر ماغير يهوجس ولامن فتح الباب يناظر ويتخيل عبدالله يدخل عليهم ..
أم عبدالله : وكل امرك لله .. والمكتوب صار والحمدلله عليه.. ياعبدالعزيز ماينفع حالك تسذا .. أنت انسان مؤمن ودراي ان اللي صار لعبدالله مكتوب له وهو باقي ببطني .. لاتجزع وادعي له لان دعوة الوالد مستجابة ..
كان يناظرها ودموعه تخترق لحيته الطويلة والحمرا من الحنا ..
أم عبدالله حزنت ودمعت لاجل حال أبوعبدالله .. والتزمت الصمت وهي تناظر حاله المزري كثثير ..!
.
.
.
ببيت زياد ..
دخلت العنود ونزلت العباية وحطتها بالصالة على الكنب.. وتالي فتحت شطنتها ورشت عطر ..
طلعت للدور الثاني ودخلت لجناحهم .. شافت زياد باقي نايم ومنعرض بالسرير والجوال مرمي بآخر السرير..
عدلت بلوزتها وجلست على السرير .. :زياد .. زياد .. يالله ياثقل نومك قوم بيبي ..
انحنت عند راسه واشرقته بعطرها ..تحرك شوي .. العنود بعدها قريبه منه حيل: قوم ..
فرك عيونه وتالي سكرها وفتحتها ثاني : عننننود ..
العنود :آييه عنود .. قوم ..
زياد جلس وباسها : ناوية تجنيني من الصبح.. يالبى هالجمال..
ضحكت : يالله صباح خير قوم توك صاحي وتتغزل..
زياد ابتسم: وش صحاني غير ريحة عطرك ..
العنود قامت من السرير :قوم خذ لك شاور لاجل تصحصح وتالي نطلع نفطر ..
زياد مد يده لها وقومته..
زياد :غريبه جاية..
العنود ابتسمت :لاجل اللي زعل البارح ..
ضحك ومشى يحضر له ملابس : بجد زعلت .. العنود تفهمي احتياجي لتس ..
العنود جلست على الصوفا : وأنت تفهم ظروفي ..
زياد يصك الدولاب: على عيني وراسي.. بس أنتي لي مقدر على بعدك.. قدري بس هالشي.. ترى بجد بجد أحببببك ..
العنود : زياد تتكلم من جدك ؟
زياد يناظرها بجدية : آييه بجدية.. أنتي زوجتي ومن ابسط حقوقي عليك ماتباتين برى البيت .. أنا اولى الناس فيييك اولى فيك من امك وابوك واخوانك ..
العنود رفعت حاجب وهي تناظره ومستغربة من جديته ..
زياد : اعترف عندي حب تملك (قالها وهو مبتسم وتالي دخل يأخذ شاور) ..
العنود رجعت راسها على الصوفا : موال جديد ذا ..!
.
.
.
سيارة متعب ..
ريان : مها قولي كل اللي صار ..
مها كانت ساكتة وماينسمع يكود صوت بكاها ..
ريان : والله مايضيع حقك وأنا عمك ..
وقف متعب قدام قسم الشرطة .. ونزلوا ..
دخلت وهي تمشي ورى عمها ومتعب .. اللي وقف برى المكتب ينتظرهم..
دخلوا للمكتب ..
الملازم سعود : تفضلوا ..
ريان جلس وجلست بنت اخوه جنبه ..
الملازم سعود: طبعا عندي السالفة بشكل عام بس لازم اعرف السالفة بأدق تفاصيلها .. لان فيها سجن وغرامات وممكن ارواح تتلف..
ريان فرك يدينه ..
الملازم سعود: الحين ممكن تكون الاخت وحدها ..
ريان: نعم ؟!!
الملازم سعود: يأخ ريان هذي الاجراءت ..
ريان : العرف يقول ماتقعد البنت بدون محرم..
الملازم سعود :القضية حساسه جداً .. رجاء خلنا..
ريان همس لبنت أخوه وتركها ..
الملازم سعود: ممكن تعرفينا بأسمك وعمرك وكل شي عنك ..
مها قعدت تتكلم وتقوله ..
الملازم سعود: الحين راح ندخل الاشخاص المتهمين وراح تتعرفين على المتعدي عليك(قالها بألم)
مها بخوف وانمكشت على نفسها:لاآآ
الملازم سعود : لاتخافين أنتي بحما الله ثم حمانا .. بس لازم يدخلون..
مها رجعت تبكي ..قام الملازم سعود ونادى عمها بسرعة ..
جلس ريان يهديها وشوي الا بدخلتهم..
مسك العسكري ريان ..
الملازم سعود : ريييان جزاهم عندنا ..(كان واقف وبيده قلم ويأشر عليهم باحتقار) يامها مين منهم ..
انتظر وهو يناظرها وتنرحم اشرت على واحد منهم ويدها وكلها ترجف..
الملازم سعود بأسى: ووين أبوك منهم ؟
ريان : ذا ..
ماقدر يمسك نفسه قام ومسك أخوه من ياقه ثوبه ويهزه بقوة ودموعه تنزل :شفت وش جنيت من ورى الخمور والسكرة ..شفت ضعيت عرضك شرفك سمعتك..ضيععععت بنتتتك ..
كان أخوه بعده دايخ ..
الملازم سعود بعده : العتب والتأنيب ماينفع معه الحين لان مابعد صحى..
نادى العساكر لاجل يشيلونهم الا المتعدي على مها..
وسحبوا العساكر ريان وطلعوه برى لاجل ماقدر يمسك نفسه وضربه..
الملازم سعود : محمد ودوه واغلسوه الين يفوق ..الله لايبلانا..
سحبه محمد بقرف واضح .. وكانت مها منهاراة تماما ..
الملازم سعود:مها حقك ماراح يضيع ..
مها بدت تغيب عن الوعي تدرجيا من شافت المعتدي عليها..
الملازم سعود ركض ومسكها ونادى عمها ..اللي شالها ونقلها للمستشفى..
.
.
.
ببيت زياد ..
العنود : اوك طيب وصلني لاهلي..
زياد: خلاص خليك بالبيت..
العنود: متفقين على يومين..
زياد: وكلامي قبل شوي..
العنود تلبس شيلتها : رأيك .. بس ذولاي اهلي..
زياد: وأنا زوجك..
العنود: كلكم عينين براس.. بس أنت قدر..
زياد: مافيه شي لاجل اقدر..
العنود وقفت يدها : كل ذا يازياد ومافيه شي ..!
زياد مسك يدها: لا مااقصد كذا..
العنود: اجل ؟!
زياد: اقصد مايستدعي تجلسين ..
العنود: دامي حطيت اني راح اجلس فراح اجلس..
زياد ناظرها شوي : خلي شغل العناد..
العنود: زياد براسك حرش اليوم؟
زياد حس راح يتهاوشون وخمدها من بدايتها وهو يلمها :لاتلوميني يابنت ..
العنود تحاول تبعده: زياد خلالالاص ..
زياد ماتززح: وأن قلت لا..
.
.
.
بريطانيا..
سارة : خير ..
فارس: لبسك ماتطلعين فيه..
سارة: اقول لبسي محتشم وراح اطلع للجامعة وراح اطلع مع لطيفه..
فارس: وأنا اقول مافيه طلعه الين تبدلين..
سارة تخصرت : آييو ..
فارس: اللي سمعيته ..
سارة رمت الشنطة بالصالة :تدري منيب رايحة جامعة وبالطقاق..
دخلت وصكت الباب..مشى فارس وفتح الباب :بدلي وامشي اشوف..
سارة تفك الحجاب وترميه :لا..
جلست على طرف السرير وتفك الشوز ..
فارس تكتف وهو يناظرها وهي تفك الشوز ..ويبي يشوف اخرتها مع هالبنت..
فارس : بببنت ..
سارة خزته: اطلع برى..
فارس بعصيبه:سسسسسسسسسسارة وبعدين ..
سارة وقفت :أنت وبعدين معاك ..
فارس قرب لها وهو يمسك يدينها وبقوة: غررروك ورفعه خشمك نزليها لا أذلك بطريقتي الخاصة واخليك ذليله بعين نفسك ..
سارة : تخسسى .....
مامداها تكككمل كلامها الا ضربها بقوة في منطقة الرقبة على جنب : مايخسى ويعقب الا أنتي.. يكون بعلمك المره اللي ماتسمع حكي رجلها مالها قيمه ولاقدر بعينه..ولا أنتي متربية لو متربية ماكانت ذي حركاتك ..
سارة كانت تناظره بصمت وبعيونها اسئلة ممزوجة بصدمة من كلامه..وبقلبها كل شي يهون الا انه يشك بتربيتها واخلاقها ..
فارس بقسوة:كلامي ماينعاد ثاني مره والحين بدلي وخلي نطلع للجامعة..
سارة بعدت عنه بتوهان وجلست على السرير وهي حاطه يدنيها على أطراف وجهها.. فارس كان يناظرها رده فعل منها ماتوقعها ابد توقع تهاوش تصارخ تسوي أي شي بس ماتضل ساكتة .. طلع من الغرفة ورمى نفسه على الكنب بالصالة وهو يسترجع كلامه لها بهمس وهو يشد يده: جرحتها جرحتها الين متى ؟!!
جلس وقت وقام لغرفته دق على فهاد ..
فهاد:حي هالصوت..
فارس انسدح على السرير بهم : هلابك .. كيفك..
فهاد كانت بمكتبه سكر الملف : منيب بخير من عقب نبرة هالصوت..شفيك يالغالي؟
فارس: تهاوشنا..
فهاد قام يمشي بهدوء:مين السبب منكم؟
فارس:كلنا .. بس مشكلتي قلت لها مهيب متربية ..!
فهاد بغرابة: لييه ؟
فارس: لانها ماتطيعني بأي شي .. أقولها الدرب يمين تقول يسار..
فهاد : يعني عناد السالفة ؟
فارس جلس: عليك نور.. تعبت معها وتعبت معي.. (بتردد) ضربتها..
فهاد انصدم: مهبول تضربها ..
فارس :خلها تتأدب.....
فهاد قاطعه: طيب صارت لي مشاكل مع صفا مايعلم فيها الا الله وهواش الييم بس ماعمري فكرت امد يدي عليها..مفروض تمسك أعصابك..
فارس:تكفى يافهاد أبي منك الحل.. اعترف أنا بديت بصدها ولاكنت أبيها.. بس البنت جابت راسي وأنا أخوك والحين صاده عني صده بنت يهود ولا حاطه كل أغراضها بغرفة ثانية اقسم بالله حالنا زفت..
فهاد زفر بضيقه من حال تؤامه: شوف ماعندك الا أنك تعتذر لها لانك أولا جرحتها وثانيا ضربتها ..
فارس: الحين لما ضربتها ماتكلمت ماقالت شي .. ودي انها قالت شي لاكن سكوت تام..
فهاد: اصبر عليها..
فارس: اصبر وين الصبر .. !
فهاد: فارس ورى الصبر خيره.. وبعدين مثل ماقلت لك من قبل البنت ماتبغى غير الحنان عطها حنان ولمها لعندك كل ماضاقت منك وبعدين كأني سمعت أن كل منكم بغرفة ..
فارس :آييه ..
فهاد: ترى صارت معي لاكن اجبرتها تنام معي بالغرفة وكلن منا كلنا بحاله ..
فارس: أقولك هالبنت عنيدة العناد مخلوق منها .. ماتتنازل عن شي لو كان اللي كان .. ماتعرفها يافهاد ..
فهاد : ارجع واقولك خذ البنت بحنانك ..
فارس :بحاول ..
فهاد يبي يروقه : طحت وأنا أخوك في حبال بنت محمد ..
فارس ابتسم : لاكن علقت اخوك بهواها وصدت..
فهاد :تجيبها وأنت فارس ..
ابتسم وبقلبه ماتعرفها وأنا اخوك .. : اقول فهود يدق الجرس شكلها خويتها ..
فهاد: خلاص طمني ..
فارس: ان شاء الله ..
سكر من اخوه وطلع لاجل يفتح الباب وشاف مع العين السحرية وصد بسرعة ..
دخل للغرفة: شكلها زوجة عبدالرحمن ..
قامت ومرت من جنبه .. وشاف اثار يده في رقبتها ..
صك الباب لاجل دخلت لطيفه..
بالصالة ..
لطيفه: ماجهزتي ..
سارة : الا بس احس اني تعبانة شوي ومالي خلق..
لطيفه: اوك ..عطيني طيب اوراقك راح اروح أنا اوديها والدوام والمحاضرات ماراح تبدء الا الاسبوع الجاي..
سارة: يافديتك ماتقصرين .. بجد حيل كسلانة..
لطيفه وقفت: روحي عطيني ..
سارة فتحت الشنطة لانها كانت مرمية بالصالة وطلعت الاورق وعطتها..
أخذتها لطيفه وطلعت ..
طلعت سارة جوالها ودقت على أبوها ..
سارة: آهلين بابا ..
أبوها: هلا بحبيبه البابا .. شخبارك؟
سارة من سمعت ابوها بكت : زفتتت ..
أبوها تكدر :عسى ماخلاف..
طلع فارس من الغرفة وهو يناظرها وهي تكلم وتمشي بالصالة وتبكي حتى كلامها موب مفهوم كثير من صوت شهقاتها ..
سارة : الليلة تجي بابا .. آوك .. مع السلامة..
صكت الجوال وفارس يناظرها بصدمة :كلمتي أبوك ؟
ساره شالت شنطتها وجوالها ودخلت للغرفة ..
فارس كان واقف بباب غرفتها صك الباب ..
ساره لفت عليه : آييه كلمته.. ليه على بالك راح اسكت لك انا قلت لك من قبل لو مديت يدك تحمل اللي يجيك ..
فارس :أنتي استفزيتني ..
ساره : لا .. والمره اللي طافت بعد استفزيتك .. أنت مديت مرآ وسكتت لك بس تحمل اللي يجيك ..
فارس : أنا اسسف..
سارة :آسسف .. لما يجي البابا اشوف قوتك اللي كل شوي مطلعها علي.. ترى اللي يطلع قوته على بنت مهوب رجال.. !
فارس تماسك لاجل مايضربها ..
ساره: اطلع..
فارس تقدم لها :ممكن نتكلم مع بعض ..
ساره : تبي تعتذر او تبرر لكلامك مايفيد ؟ ماراح يفيد أنت ضيقت صدري وانتهينا..
الكـلام احيـان مـا منـه ثمـره
خلّني ساكـت وسـوّ اللـي تبـي
ضيّق الخاطـر كلامـك وكسـره
آه .. من كسر الخواطـر وتعبـي
ساره تكمل وهي تشوف نظراته :يالله عمري ماشفت شخص مثلك ياحبك للجرح ..الى الان احاول ادور فيك عن خصلة حلوه تخليني اتحمل واكمل الاربع سنين الجاية بس مقدر مستحيل لما يجي البابا اجلس معاك ..
فارس : راح ترجعين للرياض..
سارة: أكيييد وشاللي بالغربة ..
فارس بحزن: وأنا ..
ساره صدت : مابيننا شي ..
فارس: لا بيننا .. اسمى شي بالوجود كله ..
ساره ناظرته واكتفت فيها..
فارس: لاترجعين والحين تكفين كلمي ابوك وبلاش يجي..
ساره المتها رقبتها وحطت يدها .. فارس مشى وجلس مقابلها على السرير تردد وهو يبي يحط يده على مكان المها .. كيف هو سببه والحين يحاول يخفف عنها .. ماخاب ظنه لانها بعدت يده وهو يناظر بعيونها الممتلئة حزن على حالها ..
استند انه يقوم ويخليها لان عنده يقين ان شوفته تزود جروحها جروح ..!
.
.
.
الرياض ..
المستشفى..
الدكتورة : معاها انهيار عصبي وحاد للاسف..
ريان كان ساكت وباين الهم بوجهه ..
متعب: طيب الحين راح تجلس هنا..
الدكتورة: أكييد ..
متعب: يعطيك العافية ..
راحت الدكتورة ..
متعب: ريان هونها..
ريان ناظر رفيق دربه : يامتعب ذي مافيها هونها ولاغيرها..
متعب : بأذن الله ربك يحلها .. لازم تتماسك لاجل البنت..
ريان : أنا خايف عليها تسوي بنفسها شي..
متعب: الحين هي نايمة والدكتورة تقول مفعول المنوم يمتد لمده 12 ساعة لاتخاف..
ريان : يمكن تصحى..
متعب: ماراح تصحى قبل ماينتهى المنوم .. وحتى البنت تعبانة راح تطول أكثر.. مشينا ..
ريان: بدخل اتطمن عليها ..
دخل وجلس متعب ينتظر ريان .. دق جواله : هلا طلال.. وعليكم السلام.. بخير الله يسلمك..هههه خلاص بعد شوي بمركم.. سلام..
سكر جواله ودخل بجيبه على طلعه ريان ..
بسيارة متعب..
ريان : صورة مها بغرفتها مهيب قادرة تنمسح من ذهني..
متعب : تدري ماابشع منه الا حادث أخوي عبدالله ..
ريان مسند راسه واكد على كلام خويه بأييوه..
متعب: وش السواة الحين ؟
ريان : مدري احس اني مششوش تفكير..
متعب: ان شاء الله نلاقي حل..
ريان: حل السالفة يامتعب عرض انتهك وين الحل ؟ مافيييه لو نقلب الدنيا حل .. كل شي له حي الا هالاشياء مافيها حلول..
متعب : يحلها الله ..
وقف قبال شقه الشباب ..
ريان: راح تنزل..؟
متعب: لا بروح للشركة ..راح امرك العصر..
ريان: لا ارتاح .. ومششكور يامتعب تعبتك معي..
متعب: افا ياريان تقول هالكلام..الاخوان مابينهم مثل هالكلام.. وسع صدرك لاجل مايحسون الشباب ان فيه شي ..
ريان : ان شاء الله..يلا سلام ..
متعب: بحفظ الله ..
نزل ريان ومشى متعب للشركة..
.
.
.
اليوم الثاني..
المغرب ..
كانت شهد تسمع الاذان وهي تردد معه ..وأكلت تمره على سنة المصطفى صلى الله عليه وسلم وهي تدعي لعبدالله بالشفا العاجل..

قال ابن عمر : « كان يقال إن لكل مؤمن دعوة مستجابة عند إفطاره ، إما أن يعجل له في دنياه ، أو يدخر له في آخرته » . فكان ابن عمر يقول عند إفطاره : « يا واسع المغفرة اغفر لي ».

ريما: شهد خذي شوربة ..
شهد :مالي نفس .. (حطت يدها على خدها) سنويا أنا وعبدالله نصوم سوى ..وكان دايم نصوم العشر الاولى من ذي هالحجه بس هالسنة ماصام معي..
ريما كانت تناظرها وهي تتكلم وقطعت قلبها..دخل عناد..ولاحسوا فيه..
عناد:سلالالالالالام..
ريما لفت وهي مبتسمه:هلالالا والله..
قامت لاجل تسلم عليه وقامت معها شهد ..
ريما:صايم..
عناد ابتسم: أحد يتوفه يوم عرفة..

جاء عن النبي صلى الله عليه وسلم أنه قال" : صيام يوم عرفه أحتسب على الله أنه يكفر السنة التي قبله والسنة التي بعده "
[ رواه مسلم ]
ريما: متى وصلت؟
عناد: على صلاة العصر بس خبرك حوسة المطار وكم شغله.. (ناظر شهد ) شخبارك شهد؟
شهد ابتسمت ابتسامه ميته: الحمدلله..
عطت ريما عناد تمره وقهوة ..لاجل يفطر وتالي قدمت له شوربة..
عناد:شهد افطري..
شهد:بس عمي شربت موية وثقلت زود..
عناد:لازم تأكلين..
شهد وقفت:ان شاء الله.. بروح اصلي المغرب..
مشت ..
عناد : ماتأكل..
ريما:لا.. تكفى عناد حاول فيها.. أخوها فهاد امس تعب معها ..
عناد: شهد ماراح يتعدل حالها الا برجعه عبدالله..
ريما: راح يصير لها شي كذا.. ماتأكل ابد ..
عناد: خليها تصلي وراح اتكلم معها..
.
.
.
ببيت أبو بندر..
بعد المغرب..
أبوبندر: كلهم بكرة راح يتجمعون بالمزرعة وراح نتغدا هناك..
بندر: شورك وهداية الله..
نورة:بس يبه أنت شايف الظروف..
أبوها: لازم نعيد.. وحتى أخوي ودي يطلع من حالته ..
بندر: خلاص راح اكلم العيال ونطلع كلنا بعد مانصلي العيد..
أبوه: كلهم يجون ..لاحدن يتخلف..
بندر: ان شاء الله ..
.
.
.

22 - 10 - 2014, 08:44 PM

.
.
.
بريطانيا..
شقه عبدالرحن..
لطيفه صرخت فيه ..:ترى صاييممة..
عبدالرحمن بعد عنها: طيب طيب .. شوي وتعطيني كف..
لطيفه بيدها ملعقه تحرك الاكل: زين عرفت..
عبدالرحمن جلس: طيب معليش لاتبطلين صومك ..
لطيفه سمعت الجرس:قوم اكيد محمد اخوي..
قام عبدالرحمن وفتح ..
محمد دخل للمطبخ وسلم على اخته :يازين أكلتسس وريحته..
لطيفه: مابوه مثله هع هع..
محمد :مشكلة الثقة..
لطيفه :محمد روح بسس الحين تأكل اصابعك ورى اكلي.. او اقول ساعدني..عبدالرحمن شيل الصحون ..
محمد : اخسس تتخدم فينا..
لطيفه تضحك: خيي حبيبي وزوجي عادي تساعدوني..
.
.
.
شقه فارس ..
فارس كان توه داخل ومعه فطور .. وشافها تكلم ..سكرت وهو مشى يحط الاكياس على الطاولة ..
فارس: ذا الفطور..
سارة :افطر وحدك ..
فارس ناظرها بقهر ..:مين كنتي تكلمين ..
سارة: بابا وراح يجي بكرآ ..
فارس: غريبة ماجا امس او اليوم ..
سارة : تو اليوم لقى حجز وراح يجي فجر بكرآ..
دخلت للغرفة وصكت الباب .. جلست تحوس بملابسها وترتبها..
دخل فارس بعد وقت ..واستغرب لما شافها ترتب ملابسها..:وش تسوين؟
سارة : ارتب ملابسي ماتشوف..
فارس : طيب عطينا اخلاق تراك صايمة ..
دق الجرس ومشى وكان خوية عبدالرحمن مع صينيه فطور لهم ..
حطها فارس بالصالة ولاحب يدخل لها ويتكلم معها .. جلس على هالحال الين اذن وقام لاجل يناديها ..:تعالي افطري..
سارة طلعت وأخذت تمر وشربت ماي ..
فارس كان جالس ويناظرها وهي تشرب ماي ووقفت : ليه ماتفطرين..
سارة:الحمدلله ..
فارس: ماعجبك الاكل .. طيب جايب كل اللي تحيبنه وحتى شوفي فطور بيت من عند خويي عبدالرحمن ..
سارة : الحمدلله ..
دخلت لغرفتها وجلس فارس يفطر وهو يفكر بضيقه .. نزل المعلقه وراح يصلي ..
.
.
.
الرياض..
ببيت أبو عبدالله ..
متعب: آييه الاضحية جبتها ..
امه: مارحت مع عمك أبو بندر..
متعب: لا يمه ..
امه: كان رحت معه..
متعب: يمه تراي رجال منيب صغير لاجل اروح معه..المهم بطلع للشركة وتالي بروح لخويي لاتنتظروني للعشا..
امه: انتبه لنفسك ..ولاتسرع ..
متعب: ان شاء الله .. مع السلامة..
طلع متعب على دخله العنود ..
العنود: هلا والله ..
متعب سلم عليها: هلابك زود ..ششخبارك؟
العنود: تماام.. يؤ متعب وراك مرهق كذا؟
متعب :خبرك مسؤليه هع ..
ضحكت العنود: طيب على وين ؟
متعب: بطلع للشركة وتالي لخويي..
العنود: اوك اجل سي يا ..
متعب: وين زياد؟
العنود : وصلني وراح للمستشفى ..
متعب: آييه يلا سلام ..
طلع متعب ودخلت العنود وشافت وعد توها تنزل لاجل متعب كان موجود .. جلست وعد وعمتها شوي وتالي راحو للمطبخ ..
العنود جلست مقابل أبوها ومسكت يدينه : يانور عيون العنود شفيك؟
أبوها مسك يدينها ويناظرها ..
العنود لمعت عيونها: يبه مهوب أنت اللي تجلس هالجلسة وساكت أفا يانور هالدار وين هيبتك ؟ تكفى يبه ارجع وعبدالله راح يرجع بأذن الله.. ها يبه تكلم معي أنا العنود ..
أبوها تكلم: عبدالله ..
العنود كانت متأكده وبقين أن أبوها يتكلم بس بداخله صدمة ابتسمت بفرحة انه تكلم معها : آييه عبدالله بيرجع ..
أبوها: عبدالله سافروا فيه ..
العنود: آييه يبه بس يبرجع بعون الله ..
أبوها: من سافر فيه ؟
العنود :بدر وعمي محمد ..
أبوها: يالعنود أنا سبب بحادث عبدالله ..
العنود باستغراب: يبه كيف أنت السبب ؟
أبوها: أنا قلت له الله لايرده (تجهش صوته ) ..
العنود فكت يدين أبوها وناظرته مو مصدقة ..
أبوها: وصار له هالحادث..
العنود :ليه طيب؟
أبوها: لاجل هالفلوس .. خذوها كله بس انه يرجع لي اخوك سالم غانم..
العنود بهمس: لاجل فلوس يبه .. فلوس ..لييه ؟ ماخبرتك كذا.. ياااه يبه تدعي على البار الحنون فيك لاجل فلوس..
أبوها كان يناظرها وهي تتكلم .. العنود سكتت وناظرت أبوها بنظرات تأنيب ..!
.
.
.
ببيت ماجد ..
ماجد : وتين مافيه احد جده وعمه معياد راحو يقضون العيد بسدير ..
وتين: بروح معك ..
ماجد :للمستشفى .. مازهقتني يابابا..
وتين جلست : خلاص بابا روح .. اصلن كلكم ماتحبوني .. ماما تركتني وراحت بعيد .. وأنت مثلها..
ماجد جلس مقابل بنته : ليه يابابا تقولين هالكلام.. أنا وماما نحبك كثثير..
وتين : بابا الكذب يودي النار.. ماما ماتحبني ..
ماجد: لا الماما تحبك بس عندها شغل..
وتين : ماما ماتحبني .. وأنت مثلها .. بابا معانا بالروضة ولد راح الجنة ماجا ليه مااروح مثله ..
أبوها بفزه ولمها له: لا وتين بابا لاتقولين كذا .. تبين ماجد يصير له شي ماتدرين أنك حياة البابا ..
وتين كانت بحضن أبوها وساكته ..
شالها ماجد : الحين شرأيك نروح سوى للمستشفى ..
وتين ابتسمت ونست كل زعلها من أبوها ..
بالمستشفى ..
ماجد : ها وتين اجلسي هنا وبروح وبرجع ..
وتين تناظر أبوها ..
ماجد : وتين شويات وراجع لك.. خليك مع شروق وداليا..
شروق خذتها من الدكتور ماجد ابتسم ..
مشى للاجتماع وكان بعد متأخر شوي ..
شروق تطالع وتين : شو اسمك ياحلوه ؟
وتين تناظرهم يطالعون فيها كل الموظفات بالاستقبال وخافت منهم..
دخل زياد للمستشفى وشافهم ملتمين ..: سلام ..
تحركوا كل البنات لشغلهم ..
زياد ابتسم لما شاف البنوته : مشالله من بنته ؟
داليا طاح قلبها من زياد على بالها راح يهاوش: بنت الدكتور ماجد..
زياد : ياحليله ماجد .. هاتيها ..
عطته شروق وشالها زياد وباسها وتالي رجعها : ليه جابها هنا..
شروق: مدري .. وتركها لاجل عنده اجتماع ..
زياد ضرب على راسه : نسيت الاجتماع ..
مشى للاجتماع..
شروق: صح بنات شفتم زوجته..
داليا: متزوج ؟
شروق: آييه مرآ اذكر دخلت له ملفات .. اقسم بالله يابنات ملكة جمال زوجته خقه خقه .. حتى ذاك اليوم دقيت الباب ودخلت وكان جالس على مكتبه وهي كل الكرسي حقه ..
اسماء: طيب يمكن موب زوجته ..
شروق: الا قالي جيبي ملف العنود .. وحتى الحين حامل ..
داليا: لازم نشوفها لما تجي ..
شروق: توها قبل كم يوم كانت مراجعته .. بس ترى حتى هو يجنن..
داليا :آييه بجد عليه جسم وطول وجمال ..أو صوته شي ثاني ..
اسماء :بنات اتقوا الله ..لاتناظرون في الرجال كذا .. غضوا بصركم ..

( ‏وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ)
التوبة آية 31

داليا: استغفر الله بس ..
اسماء: صدقوني بنات من ترك شيئا الله عوضه الله بخير منه ..

عن أبي قتادة وأبي الدهماء وكانا يكثران السفر نحو البيت قالا أتينا على رجل من أهل البادية فقال لنا البدوي أخذ بيدي رسول الله صلى الله عليه وسلم فجعل يعلمني مما علمه الله عز وجل وقال: (إنك لا تدع شيئاً إتقاء الله تعالى إلا أعطاك الله عز وجل خيراً منه). رواه أحمد (5/363) وإسناده صحيح ورواه البيهقي (5/335) ووكيع في الزهد والقضاعي في مسنده.
شروق: ايو الله صادقة الله يغفر لنا بسس..
وتين كانت تناظرهم الين خلصوا من كلامهم وقالت :أبي بابا..
شروق شالتها وهي تبوسها: بابا في اجتماع .. تعالي نروح الكفرتيا..
مشت فيها شروق..
نجد جات وهي تنزل ملفات :بنات خلاص تعبت ..
داليا: اليوم مافيه ناس كثير..
نجد: كل البشر يجهزون للعيد بكرآ ..
داليا بحسره: الا احنا..
ضحكت نجد : قسمتنا ..
داليا: نجود اخوك متزوج ؟
نجد تربط نقابها زين: طلال وزياد كلهم متزوجين ..
داليا: اها ..
نجد : ليه؟
داليا: لان شفت ملف وحده وقالت لنا شروق انها زوجته..
نجد : آييه العنود زوجته والحين حامل ..
دخلت نجد ترتب الملفات ومعها اسماء وداليا تستقبل الموظفين .. شوي وجات شروق ومعها وتين ..
نجد جلست واسماء ..
نجد :يالببببي تزنن ..
شروق تفتح لها شكولاتة: بنت الدكتور ماجد ..
نجد : اوما .. عنده بنت ؟
شروق: آييه ..
وتين كانت جالسة على كرسي وتهز برجولها وتحركها وهي تأكل ..
نجد جلست مقابلها وباستها : تزنن ..
شروق : بقوووة .. بس ياحلوة وين ماما ؟
نجد قامت لاجل تكمل ترتيب الملفات .. وتساعدها اسماء..
وتين كانت تأكل شوكلاتة ووقفت عن أكلها..
داليا تناظرها : صح وين امها هذي ثاني مرة يجيبها الدكتور ماجد هنا.. وين ماما ؟
وتين طاحت الشوكلاتة من يدها وبدت تنزل دموعها لانها خافت منهم..
شروق قامت : بنات تبكي
داليا: مالي شغل ماقلت لها شي..
نجد نزلت الملفات ومشت جلست على رجولها قبالها: ياقلببو شفيك؟
وتين بدت تبكي أكثر: أبي باااابا ..
نجد: بنات وين الدكتور ماجد؟
اسماء :عنده اجتماع ..
نجد تمسح دموعها: بس قلببو .. بنات وش قلتم لها ؟
شروق: سألناها عن امها..
اسماء: فضولكم ماله داعي بكى البنت .. وتستاهلون لو جاكم أي شي من الدكتور ماجد ..
شالتها نجد :بنات بروح فيها لمكتبي لما يجي أبوها عطوني خبر وراح اجيبها ..
شالتها ومشت فيها ..
داليا: يمممه لو درى أبوها انها بكت بسببنا ..
شروق: لا ان شاء الله راح تسكت الحين ..
.
.
.
بمكتب نجد ..
صكت الباب وشالت نقابها ..
شالتها نجد وغسلت وجهها ومسحته : بس قلببو .. تعالي الحين راح اجلسك على الكمبيوتر وراح افتح لتس العاب ..
وتين :مابي ابي بابا ..
نجد بحنان : الحين بابا راح يجي ..شوفي العاب ..
عطتها الماوس وشوي سوت نفسها لهت وأخذت وتين وبدت تلعب..
لفت نجد عليها وابتسمت :يالبى براءة الاطفال ..
.
.
.
ببيت أهل شهد..
شهد : فهاد راح يمرني ..وراح ينام عندي ..
عناد : ترى بمرك بكرة ..
شهد :البيت بيتك ..
ريما: انتبهي لنفسك ..
شهد: اوك ..
طلع عمها وزوجته ..
وراحت لاجل تصلي العشا .. صلت وكانت جالسة على السجادة ..
جات ماري وقالت فيه ضيوف ..
قامت شهد على حيلها ..
شافت عمتها حصة ومشت لاجل تسلم عليها ..:تفضلي عمتي ..
جلست عمتها ..
شهد: ماري جيبي القهوة ..
حصة : لا خليها الين تجي عمتك هيله بس أنا جيتك قبل وبقولك سالفة تهمك ..
ناظرتها شهد وبقلبها يارب سترك ..
.
.
.
المستشفى ..
كان زياد يمشي مع الدكتور ماجد ووصلوا للاستقبال ..
زياد: اشوفك اجل ..
سلم عليه ومشى ..
ماجد وقف: وين وتين؟
شروق: آممم مع نجد ..
ماجد: مين نجد ؟
شروق: نجد ..
داليا: نجد بنت الدكتور محمد ..
ماجد: آييه نسيت .. طيب بمكتبها .. ؟
شروق: آييه .. لحظه بدق عليها وتجيبها ..
ماجد يأشر بيده: لالا أنا بروح ..
مشى عنهم ..
دق الباب ولبست نجد نقابها وكانت تقلب بملف الحسابات : ادخل ..
دخل :السلام عليكم ..
نجد نزلت الملف: وعليكم السلام ..
وتين :تعااااااال شوف بابا العاب هنا ..
ابتسم ماجد بنته جالسة على كرسي نجد ومأخذها جهازها تلعب.. : راق لتس الجو .. شكرآ نجد تعبناك معنا..
نجد : لاشدعوة ..
ماجد: هاتيك باابا ..
نزلت من الكرسي الدوار وركضت لابوها ..
ماجد ابتسم :ليه وتين كل التيشرت شوكلاته ..
وتين : هذيك عطتني ..
تقصد شروق..
ماجد مبتسم: ماقصرت .. يلا نجد عن اذنك ..
طلع ماجد ورجعت نجد لشغلها ..
.
.
.
ببيت أهل شهد ..
شهد دموعها تنزل : عبدالله متتتزوج ..!

سبحانك اللهم وبحمدك لااله الا انت استغفرك واتوب اليك ..
آنتهى ..

22 - 10 - 2014, 08:45 PM

الجزء السابع والثلاثين ..
ببيت اهل شهد ..
عمتها :آييه ..
شهد :مسسستحيل ..
عمتها: لامهوب مستتحيل ..
شهد : طيب مين زوجته ؟
عمتها : مهوب يهمك هالشي ..
شهد تنرفزت: وشو مايهمني وأنا زوجته .. يكون بعلمك لو تجبين المره قدامي مااصدقك بـ عبدالله لان عبدالله مستحيل يتزوج علي..قبل ماتقطين الكلام ياعمه أعرفي مع مين تقطينه ..!
عمتها ارتبكت وسكتت..
شهد :وبعدين ياعمه والله عيب عليك هالحركات شوفي وش كبرك وشو صغر عقلك ..!
حصة : شهههد ..
شهد بحده : عمه احشمي البيت اللي واطيه بساطه ..
عمتها: كأنك تطرديني من بيت أخوي ..
شهد : ماطردتك ولا لمحت لطردتك .. لو بغيت أقولك برآ قلتها ولاحزت(وقفت) بحلقي .....
قطع كلام شهد دخله عمتها هيله وجدتها .. :هلا والله ..
وقامت وسلمت عليهم .. :تفضلوا ..
جلسوا ..
جدتها :شهد وراتس تسذا..
شهد جلست : وراي ياجدة .. شايفه الحال وهوانه ..!
جدتها لمعت عيونها :بيرجع لتس إن ربي كاتب له حياة ..
شهد هلت دموعها: جعلني ماذوق حزنه ..
عمتها هيله بحنانها: ياشهد ماله غايب عنتس الا اسبوع وذا حالك لو طول وش بيصير فيتس .. يابنيتي وكلي امرتس للخالق وادعي له..
شهد : آه ياعمه محد حاس فيني .. أنتم كل واحد وله ناس يملون عليه حياته بس عبدالله مالي الا الله ثم هو ..
عمتها : لاكن يابنتي محد يرضى بحالتس ذا ..
شهد وقفت : بروح اجيب القهوة..
دخلت للمطبخ وهي تمسح دموعها .. حضرت القهوة وغسلت وجهها :ماري جيبي الحلا..
شالت شهد صينيه القهوة وطلعت ..
جلست وهي تصب لجدتها وعماتها القهوة ..
جدة شهد : وراتس ياحصة ماجيتي معنا ..
شهد ناظرتها وتالي ناظرت جدتها وقالت : تبي ياجده تقولي عن زواج عبدالله ..!
جدتها مستغربة : مين عبدالله ؟
شهد: عبدالله ياجدتي مافيه غيره ربي يرده بالسلامة ..
هيلة: عبدالله معرس ..!
شهد : معك حق ياعمه كل هالتعجب من هالخبر ..
هيلة: عبدالله ولد اخوي متزوج .. هو يالله طاع واعرس على شهد ..
حصة وقفت وبعصبيه وطلعت وهي مفتشلة من عمرها وكذبها ..
شهد تناظرها : عمه لو فيك ذره احترام لمين هو تحت الثرى (تقصد أبوها) ماكان تسوين ببنته كذا ..!
ركنت رجلها بالطاولة ومهيب درراية وهي تطلع ..
امها تناظر وهي طالعه : مهيب صاحية ..
شهد تناظر الباب وهو ينصك بقوة وباين انها متضايقة من تصرف عمها ..
عمتها هيله : شهد لاتكدر خاطرك والليلة ليله عيد ..
شهد بحزن: عيد .. مااحس هالعيد عيد ..
العيد جا والناس حولي سعيدين
الا انا ماحس للعيد فرحه !!

وشلون ابهنا العيد ياقرة العين
والقلب من غيبتك مفتوح جرحه..؟

الا بشوفك يصبح العيد عيدين
نهدم جدار الحزن ونهد صرحه

اليا.تعانقنا بليا (قوانين)
بلا شماااغ ولاعبايه وطرحه..!

الله اكبرياعناق المحبين
حتى الفرح في وقتهاااصعب شرحه

نشرب شراب الحب كاسين كاسين
في صحتك مرحا لها لحب مرحه

والله لوكل الخلايق سعيدين
في غيبتك.. ماحس للعيد فرحه

.
.
.
ببيت ماجد ..
ماجد يضحك على سوالف بنته لما تحكي له عن البنات ..
وتين : هذيك تقرص خدي ..حتى شوف بابا ..(توريه خدها)
ماجد يضحك: خلاص بكرة راح اعاقبها ..
وتين : واشترو لي حلاو ..
ماجد: آييه هم طيبات ..
وتين : وخلوني العب.. لا هذيك خلتني العب ..
ماجد: نجد ..
وتين: ماعرف اسمها..
ماجد: كنتي بالمكتب معها وجالسة على الكرسي..
وتين: آييه ..
ماجد : اسمها نجد .. وتين تجين ننام ..
وتين :لا..
ماجد :فيني النوم من الصبح كرف ..
وتين :طيب بنام ..
ضحك ماجد على بنته ..وشالها لاجل يروحون ينامون..
ماجد يغطيها..
وتين : بابا متى راح تجي ماما..
ماجد :وتين ماما مشغولة كثثثير ماتقدر تجي ابدا ..
وتين :أبي ماما ..
ماجد ماقدر يقول كلام بنته متعلقه حيل بأمها وصغيره اهتدى انه يحتويها..
.
.
.
اليوم الثاني ..
عيد الاضحى ..
المزرعة ..
الكل كان طالع عدا شهد رفضت الطلعة ..
عناد :يمه لولا زعلك ماكان جيت.. اجل اخلي شهد وحدها..
امه: شهد برضاها .. ولازم تكون معنا .. ماصدقت ياعناد ماعندك رحلات وتعيد العيد لو مره معنا..
عناد باس راس امه : ولاتزعلين يالغالية ..
أبوبندر:بنت أخوك مفروض انها تطيع وتطلع ..
عناد: مالك بشهد .. هي حره نفسها ..
بندر قام لاجل غاده تدق عليه ..
أبوه: وين أنت رايح ؟
بندر: شوي وراجع..
راح لزوجته من جهه المزراع.. وكانت نجد جالسة لانها تكلم أبوها وتتطمن عليهم ومعها أخوانها طلال وزياد..
وبنفس المكان بندر وزوجته ..
بندر :ههههههههه لاتخافين لما تتعبين راح اشيلك؟
غاده تضحك: لا بندر بلاش تهور ..
بندر باسها وهو حاط يدينه على خصرها ويمشي معها .. :متى راح تشرف هالحلوه؟
غاده: خلاص هانت كلها كم يوم او سبوع الله يعين كل يوم احس اني راح اولد ..
بندر حط يده على بطنها : تقومين لي بالسلامة ..
.
.
.
سكرت نجد من أبوها وهي مشوشه فكر من سمعته ضحكته وكلامه وغزله لغاده ..
شفتك مع اللي صار عقبى حبيبك
واحتارت العبرة بعيني وصديـت
مدري هي الصدفة لدربي تجيبك
مدري أنا اللي في دروبك تحريت..
بس مشت الوضع لاجل ماتبكي وأخوانها حولها لانهم كلموا أبوهم كلهم ..
ياحبيبي يابو القلب الجليييد
كلّ عآم وإنت ناسيني \ وانا
كلّ عآم اذْكرْك وابدا من جديد
وكل ّ عآم اعيّد \ بجرح وعنآ
آآآخ .. ياطعم الحزن .. واليوم عيد
ودي ابكي { لكن اخواني .. هنآ ..!

طلال شايل ولده : عزوز ليه توصخ ثوبي ؟
ضحك عزوز..
طلال : يالدب ..
زياد : اقول رح بدل لاجل الناس اللي راح يجون على الغدا ..
ضحك طلال: ماعندي ثوب بروح اخلي وجن تغلسه الله يعينها..وتعال شف ثوبك كله دم ..
نجد ابتسمت: لا ياقلبها جابت لك ثوب وجن..
طلال ابتسم ومشى هو وولده ..
زياد: ريحه الدم لو تشوفه العنود حرقتني ..
ضحكت نجد ..
زياد ناظرها ومستغرب:نجد شفيك احس وجهك متغير ..
نجد ابتسمت: ولاشي .. تدري احس العيد ناقص بدون أبوي ..
زياد :ايو الله .. الله لايبين غلاته ..
نجد: آمييين ..
زياد :بروح اخذ شاور عقب هالذبايح ..
ضحكت نجد على اخوها :اوكي ..
مشى أخوها وهي تقدمت لناحية الحيونات الموجودة لاجل تشوفها..
.
.
.
غرفة زياد ..
دخلت العنود :هلا زيود..
زياد :اشتقت لتس ..
العنود جلست :هع ادري .. بس زياد بليز يعني خلك بعيد ليه كل ملابسك دم ..
زياد : لان كنت اذبح الاضاحي اضحيتنا واضحيه اهلي ..
العنود وسعت عيونها زود: أنت تذبح ؟
زياد ينزل ثوبه :آييه أنا .. منيب معبي عيونك ..
العنود: تعرف؟؟
زياد: آييه..ترى حنا بدو ..
العنود : ياهوو ..
ضحك :بجلس اهذر معك رميت الثوب بعيد لان كله دم..
العنود: بس ريحتك دم ..
زياد : لا عنود مافيه .. بجلس معتس وبهذر ..
ضحكت ..
اتفتح باب غرفتهم .. وكانت نورة :يؤ سوري مادريت ..
العنود كانت موسعه عيونها وتناظرها باحتقار ولاراحت النظرة حتى لما سكرت الباب ..:خير وش تحس فيه ؟
زياد يناظرها: ماعليك منها ..
العنود: لا علي.. خيرك تناظرك كذا..
زياد : وش يعرفني عنها ..
العنود: قله حيا وربي..
زياد لمها :بسس ريلاكس..
العنود بعدته عنها ومسكت يده : تقهر..
زيادابتسم وقال وهو يناظرها وعيونه بعيونها..
البنات ياحلوتي صلصال طين
وانتي..من جمال الطين العبقري!
بالحسن..مالك شبيه ولا وزين
مثل ماصاغ الجواهر ..جوهري!
بالحلاوه والغلاوه تفرقين
مثل ما يفرق فقير عن ثري !
اختصرتي في الجمال كل زين
يوم غيرك في جماله مهتري !!!
العنود ابتسمت له عقب ماارضى غرورها ..
زياد قرب لها أكثر ..
العنود :زيااااااااااااد..
زياد بجنون: هااا ..
.
.
.
جانب المزرعة ..
لمح بندر زولها وعرفها كيف يتوه عنها وهي مرسومة بخياله بكل تفاصيلها .. حس هاللحظه أنه مشتاق لها بجنون نسى انه متزوج وان نجد ماعادت تحل حتى لو ناظرها نظر بس ..
بندر: غاده حبيتي روحي للحريم بروح للرجال تلاقين الوالد يحتريني
غادة: اوكي ..
مشت معه الين قرب فيها للحريم داخل المزرعة ..وتالي رجع لنجد وشافها جالسه على اطراف رجولها وتأكل الارانب.. تردد وغالب شعور بداخله يقول خلها وابعد عنها البنت مهيب لك بس شعور ثاني عكس وغلب شعوره..
شهقت نجد لما حست بشخص مسك يبدها وقومها ..
بندر : بجد بجد بجد مشششششتاق لك ..
نجد كانت ترجف وصوتها يرتجف: بــ ـ ـعـ ـد ..
بندر قربها لصدره أكثر: ليه ترجفين ؟ أنا أبيك ولازالت احبك..
نجد دفته بس مقدر: بعععععععععععععد ..
بندر بهدوء: محد راح يسمعك ..
نجد دمعت: بندددر أنت غبي ماتفهم فكني ..
بندر بجنون بعش وله شوق حب :لا مافهم لاني طلقتك ..
نجد : مالنا نصيب مع بعض ..
بندر: لا انكتب لنا نصيب مع بعض بس أنتي رفضتي عقب السالفة..رفضضضتي ..
حط يده على رقبتها وثبتها وجهه بوجهها ..
نجد صرخت فيه :لاآآآآآآآآآآآآآآ ..
بندر ماسمع لها ولا لصراخها ورجفتها وبكاها وتقطع صوتها اللي كتمه بأنفاسه .. بعد عنها وهو يأخذ نفس:آخيراً
نجد تهاوت من يدينه على الارض وهي تبكي وتمسح فمها بتراب من قرفها منه ..
بندر سحب يدينها :نجججججد خير تمسحين بتراب..
نجد بقرف وهي تصرخ فيه :لاننننننك نجسسسس حقير خاين كذاب ..
بندر: آييو كملي..
نجد تدفه وتضربه على صدره بيدينها المليئة تراب : حقققير كثثير وواطي ..
بندر مسك يدينها وقرب منها : لييه كل ذا ..!
نجد وقفت ونفضت يدينها من التراب ومنه : جعلك تشوفها بأغلى ناسك..
بندر كان جالس وقف :الله يانجد كل ذا لاني بس سويت كذا ..!
نجد : صرت اكرهك كثر اليهود..
بندر ابتسم بثقه: كذابه مابقلبك غيري ..
نجد باحتقار : أنت من بقايا الامس .. وكان باقي لك آثر بسيط بذاكرتي بس وأشكرك خالص الشكر الجزيل انهيت كل شي بداخلي لك ..

يا بقايا الامس دام إني نسيت
ما أبي يبقى اثر من ليل فات
ودي اكمل دربي اللي قد بديت
بالأمل اشوف فيه الفرح آت
صورته بالعين نادني وجيت
رافقتني في طريق الامنيات
كل صبح احيا في نوره لقيت
يمسح النسيان سود الذكريات
كم ليلٍ بالأمل خلاه ميت
وكم من الخطوات تحير مقبلات
يا بلابل رددي في كل بيت
رددي ليل الألم والخوف مات

بندر كان يناظرها وهي تتكلم .. دفته وكملت: يكون بعلمك مافيك ذره رجولة دامك رضيت تتصرف هالتصرف ببنت عمك وهي محرمه عليك حسافتي بس أنك كنت بيوم تعني لي شي وعديتك شي وأنت ولاشي..!
مشت عنه وهي تمسح دموعها وتنفض التراب من وجهها لانها ارتضت التراب وحفتنه على وجهها اهون من شي من بندر عليها ..!
بندر جلس على الارض وهو ساند ظهره للشبك ويناظرها ..اختفت عن نظره وجلس يفكر وهو مضيق عيونه ويسترجع اللي سواه لها جلس وقت واستوعب سواتها :ليييييييييه سويت كذا ..!(قالها وهو يضرب بيده التراب بقوة ) ..
.
.
.
دخلت نجد مع باب الفيلا الخلفي وتسللت لغرفتها بسرعة لاجل محد يلمحها ..دخلت وصكت الباب أكثرمن مره بالمفتاح وهي تبكي وركضت لاجل تغسل وجهها .. غسلت وجلست وهي تبكي وترجف من تصرفه الامبالي ..
.
.
.
بريطانيا ..
كانت سارة مع أبوها اللي وصل للصبح للندن ..
أبو طلال: اجلس يافارس ..
جلس فارس وكان أبو طلال مقابلهم ..: ممكن اعرف وش اللي فيكم ؟
سارة : هو السبب..
أبوها : طيب السبب بـ وشو ..
سارة ناظرته: تكلم ..
فارس خزها..
أبو طلال: كل واحد منكم يحترم الثاني وش هالكلام والنظرات بينكم..
فارس: هي عنيده..
سارة : وهو لسانه يجرح ..
أبو طلال : كيف يافارس هي عنيدة؟
فارس: اقول أي شي تسوي عكسه .. آخرها امس اقولها بدلي الملابس لانها مهيب مناسبة ورفضت ..
سارة : وأهو كل مره يمد يده ..
فارس : لانك أنتي حديتي ..
سارة: والمره اللي فاتت.. يابابا صار يضرب على أي شي..
أبو طلال : أولا مفروض ياسارة تطيعين زوجك .. وحاولي تناقشينه سبب رفضه للشي ذا .. وأنت يافارس تشوف أنه حل تضربها تصرفك غلط وأكبر من غلط سارة ..
فارس: هي تستفزني ..
عمه: كيف تستفزك ؟
فارس: زود على العناد امس قالت لي تخسى ولاجل كذا عصبت وضربتها ..
سارة : وناسي كلامك قلت اني مو متربية ..
أبو طلال يناظرهم وكل واحد يقط كلام الثاني عليه والمشكلة محد منهم منكر كلامه او متأسف عليه ..
أبو طلال : تبون الصدق كلكم غلطانين .. سارة عنيده ولسانك مفروض ينمسك لان هذا زوجك .. وفارس مأخذ قوتك وتضربها .. اهجرها ببترك عنادها ..
فارس :اصلن كلن منا بحاله ..
أبوطلال مستغرب: كيف كلن منكم بحاله ؟!
فارس: لي غرفتي ولها غرفتها ..
أبو طلال ناظرهم شوي وقال: مدري احد لاعب عليكم ..!
فارس حس عمه يتطنز عليهم :ليه؟
أبوطلال: الحين ليه كل واحد بغرفة .. ماتستحون على هالحركات ..
دنقوا اثنيهم وسكتوا..
أبوطلال: اكبروا عن هالحركات كل واحد بغرفة وكلن واحد يقط كلام مايثمنه وكل واحد يضرب .. صغار أنتتتم ..أنا مازوجتك يافارس الا ومتأكد أنك من خيار الرجال وراح تحفظ سارة وشف اني زوجتك وخليتها تسافر معك لاجل مطمئن عليها دامك زوجها .. وأنتي ياسارة ذا زوجك قدريه واحترميه ماعتقد شفتي أمك تعاند معي هالعناد والتصرفات.. اسمحولي أنتم الاثنين تصرفاتكم تصرفات مراهقين ..!
محد منهم تكلم ..
أبو طلال: اسمعوني أولا اساس كل شي الاحترام احترموا بعضكم مهما يكن .. راح تقولون من هالكلام مانحب بعض الحب مايجي كذا الحب يتولد مع العشرة الطيبه .. ثانيا كل واحد منكم بغرفة مايرضاها الله سبحانه وتعالى وعليكم ذنب واثم غرفة النوم الرئيسة اللي ناقل منها يرجع لها .. مين اللي طلع منها للغرفة الثانية ..
فارس يأشر عليها ..
أبو طلال: سارة كل أغراضك ترجع للغرفة وتطيعين زوجك اتركي العناد يابوي ..
سارة: هو السبب .. بابا مايبيني ..
فارس بسرعة: ورب البيت أبيها وأحبها ..
سارة : آيييه بس قدام البابا ..
أبو طلال : سارة قومي انقلي الاغراض لغرفتكم الرئيسة ..
سارة:لا..
أبوها :سارة قومي يابوي ..
سارة: اصلن مابيه خلاص برجع للرياض..
أبوها : يابوي الدنيا مهيب من أول هوشه تروحين للرياض ..يابوي الحياة يبي لها صبر وطولة بال ..وتوكم ببداية حياتكم ..اصبروا على بعضكم أول سنة زواج لازم يكون فيها صدام بالشخصيات بس الناس الركداة تعرف كيف تكسب بعضها .. قومي يابوي انقلي كل أغراضك لغرفتكم ..
ماقامت وتكتفت وهي مرجعة ظهرها على الصوفا ..
أبوها :افا ياسارة ماتطعين البابا..
فارس انقهر منها ومن عنادها ودلعها والادهي تدليع عمه لها..
أبوها: سارة ..قومي يابوي ..
قامت بعد وقت ..
أبوها: شاطرة بنيتي .. فارس قوم ساعدها ..
فارس قام معها ..
أبو طلال :الله يهديكم ..
بالغرفة ..
سحب فارس الشنطة ولمت سارة بعض أغراضها وحطوها بغرفة نومهم الرئيسة ..
أبو طلال وقف وهو يشوف باقي أغراض ونقلها لغرفتهم ..
سارة :خلصنا..
أبوها ابتسم: الحين اقدر اقول بداية حياة ..
دق جواله وقعد يكلم ومن كلامه قال ان رحلته العصر..سكر..
سارة :بابا راح تسافر؟
أبوها مسك كفها:آييه يابابا ..لاجل عبدالله الليلة عمليته وودي اكون متواجد ..
فارس يمشي مع عمه ويجلسون بالصالة: الا كيف عبدالله؟
عمه: نقول ان شاء الله انه بخير والليلة مع العملية ان شاء الله يصحى..
فارس: ان شاء الله..
سارة : طيب وين العملية؟
أبوها: بالراس ..
سارة: الله يحفظه..
فارس كان يناظرها وهي عناد فيه تتعمد تتكلم عن عبدالله ..
فارس:سارة ماراح تضيفين عمي ..
سارة ناظرته وقامت..
أبو طلال انتظر الين دخلت للمطبخ وقعد يتكلم مع فارس بينهم :ياولدي تصرفك وضربك لسارة لاتكرره .. مهما يكن لو غلطت عليك كلمني أنا وراح اكلمها أو أجي لكم.. طول بالك وأنت الرجال.. وترى سارة متعوده على الدلع مني ومن أخوانها وامها ..
فارس: لاتزعل مني ياعم ..وآخر مرة ان شاء الله ..
ابتسم أبو طلال لفارس وكبر بعينه اعتذاره عن غلطه واعترافه فيه..
.
.
.

22 - 10 - 2014, 08:49 PM

...
شُكـ ـرا غلاي ...
آبداع وتألق في الطرح ...
وفـي انتظاااار جديدكـ بشووق ...
سننتظر الكثير من المشآآركآآت الرائعه ...
.*. لكـ منـــ إجمل تحيه واحترام ـــــى .*.

22 - 10 - 2014, 08:50 PM

.
.
.
الرياض..
ببيت أهل شهد ..
فهاد يتغدا ويخلي شهد تأكل ..:لا راح تأكلين.. فاضي يرجع عبدالله ويهاوش فيني ..
ابتسمت: خله بس يرجع..
فهاد بثقه بالله عز وجل: بيرجع بعون الله ..خذي ..
حط لها قطعه لحم وقطعها لها ويحط لها عصير :كلي .. حرام وأنا اخوتس هالتؤام الحلوين مايتغذون.. شكلي كنت أنا وفارس مثل عيالتس الحين لما تزعل امي تسحب علينا وحنا ببطنها..
ضحكت شهد ..
فهاد مسك كفه أخته: اضحكي يانور عيون أخوك يازين ضحكتك ..
شهد :وسعت صدري بوجودك معي ..
فهاد: هههههه أجل بغثك الليلة برقد عندك ..
شهد: ينور البيت..
فهاد: النور نورك ..
دخلت امهم وشافتهم يتغدون ..:تغديتوا.. فهييد هما قلتك لاتسوي اختك غدا..
فهاد ابتسم: نسيت ..
شهد قامت لامها: تعالي يمه تغدي معنا ..
امها: جبت غدانا ..أبوتس راح لم أخوانه يتغدا عندهم ..عاد قلت نتغدا عندك ..
شهد : فديتك يمه ..
دخلت هديل وبشرى ورنيم ويزيد ..
فهاد: جاو الشلة ..
امه: مبسط عندك ياشهد ..وين مرتك؟
فهاد: زوجتي العزيزة عند اهل أمها ..لان تو امها جات من تبوك وخليتها معها..
قعد يأكل ويسولف وامه تسمع لسوالفه وتضحك ..
.
.
.
المزرعة ..
صحت نجد من النوم على صوت بنت عمتها تصحيها .. جلست وهي تكح وحاسه بكتمه ..
بنت عمتها:نجد فيك شي..
نجد اشرت بيدها بمعنى لا..
بنت عمتها:شوفي وجهك شكلك مكتومة..
راحت ونادت امها..
أم طلال: نجد شفيك..
نجد بكت وحطت راسها على صدر أمها: موب قادرة انتفس..
امها تمسح على راسها بحنان :اسم الله عليك .. بقوم انادي زياد..
رجعت امها راسها للمخده وكلمت زياد اللي ماطول وجا ..
زياد ينزل السامعات: يمه نجد معها ربو ؟
امه: لا ..
زياد: يبي لها اوكسجين..يمه ساعديها لاجل تلبس وبروح فيها للمستشفى..
امه: طيب ..
زياد: ونادي يمه العنود لاجل نروح كلنا منيب راجع فيذا ..
طلع زياد ..
عند الرجال..
زياد يلبس شماغه: آييه تعبانة معاها ضيق تنفس..
عمه :وراه هالضيق؟
زياد يعدل الشماغ ويناظر عمه: علمي علمك ياعم ..بس انها مخنوقة بالحيل..
بندر كان يناظر زياد وهو يتكلم وحاس بكتمه وهم لانه هو تسبب لنجد بهالشي..
طلال :اقول بحرك معك للرياض ..
عمه: وراه ماتجلس..
طلال :ورانا اشغال ياعم ..
متعب وقف: وأنا بعد بحرك ..
أبو بندر: افا يالعلم ..وأنت ياأبو عبدالله ..
كان يناظرهم وساكت ..
متعب: الوالد معي ..
أبو بندر: آجل كلنا..
طلعوا من الخيمة وكان زياد يفتح سيارته ويسند اخته ..وعيون بندر تناظرها بحزن ..
العنود ركبت جنبها وام طلال قدام ..
حرك زياد وطلع من المزرعه ووراه سيارة أخوه ونسيبه متعب..
زياد : نجد حطي راسك ياخوك الطريق طويل ..
خلتها العنود تحط راسها على رجلها ..
زياد: الوالد كلمني وتراه بخير..
امه: آييه كلمني يقول الليلة عمليه عبدالله..
زياد: ان شاء الله انها خير..
العنود كانت تسمع كلامهم وتدعي لاخوها بسرها ربي يحفظه ..
.
.
.
الليل..
المستشفى..
نجد :خلاص زياد مايستدعي هالشي ..صدقني الحين أنا تمام ..
زياد: بشوف للدكتور ..
طلع أخوها وهي تحط يدينها على عيونها لاجل تخفي مشهد من خيالها ماغاب من حركة بندر ..
دخل طلال :السلام..
نجد كانت سرحانة وبنفس حالها..
قرب لها أخوها وحط يده :نجد ..
فزت :بعد ..
طلال :نجد أنا أخوك ..
تعوذت من ابليس وجلست :آهلين طلال سوري..
طلال مستغرب: لا عادي.. الحمدلله على السلامة..
نجد: الله يسلمك ..
طلال: شخبارك عسى خفت الكتمة..
نجد: آييه الحمدلله ..
طلال: زين الحمدلله ..
دخل زياد وشاف طلال: هلا طلال ..
طلال: هلابك ..
زياد: خلاص نجد الليلة تطلعين ..
نجد:زين ..
قامت ..
زياد: ياساتر تبي الفكة..
ضحك طلال: ماتنلام المستشفيات ياثقل دمها وغمها ..
زياد :آخس ياللي الحين يقالي مجربها ..
ابتسم طلال وهو يتذكر سنه وشوي قضاها بالمستشفى ..
.
.
.
آخر الليل
المانيا ..
بدر : عمي نجحت..
أبو طلال ابتسم : آيييه الحمدلله .. (أخذ نفس) كانت معقده ..
بدر: اللهم لك الحمد ..
أبو طلال :وين جوالي يابدر ..
عطاه بدر ..
أبوطلال:لازم شهد تدري بهالخبر ولو كان الوقت متأخر ..
دق عليها ..
شهد: عمي هابشر نجحت ..؟
عمها ابتسم: ابشرك نجحت ..
شهد هلت دموعها: يارب لك الحمد .. طيب صحى..
عمها: راح يبان هالشي خلال اليومين الجايين ..
شهد جلست على طرف السرير:يارب يصحى ..
عمها: ادعي له ياعمك .. والله يشفيه .. شهد الحين راح يطلع من غرفة العمليات وبروح له ..
شهد :آنتبه له ياعمي.. غطوه زين ..
عمها رحمها حيل وهي توصيه : بعيوني عبدالله .. بكلمك واطمنك كل وقت ..
شهد:تسلم ياعمي ماقصرت والله .. بحفظ الله ..
أبو طلال : ماسويت ياعمك غير الواجب ..مع السلامة..
سكر من بنت أخوه .. وتالي راح لعبدالله ..
.
.
.
بريطانيا ..
شقه فارس*ساره..
غرفة نومهم ..
ساره سحبت شوي من الغطا ..
فارس لف وسحب الغطا ..
ساره جلست : خير تسحب الغطا ..
فارس :انتي بديتي ..
ساره: آففف منك ..
فارس قام وسحب بطانية :خلاص خذي ذي ..
طلع البطانية مع الكيس وتلحف :اقول طفي النور ..
ساره: منيب مطفيته ..
فارس : منب احب النور وأنا نايم ..
ساره: مهوب شغلي ..
فارس تحرك شوي وتكى على فخذها وطفى النور :ياويلك لو تشغلينه خليني اخمد ..
ساره شغلته: لو طفيته بعلم بابا ..
فارس جلس وجاته ضحكه : قولي ق .. كلمي اشوف البابا وقولي فارس طفى النور .. كلميه ..
ساره: آفففففف ..
فارس : أنتي اصغر أخوانك كلهم ؟
ساره خزته ..
فارس يتذكر: الا اصغرهم أنتي .. لاجل تسذا مبرزه ..
ساره : مابزر غيرك ..
فارس : لاجل أبوك بسكت يالجاهلة..
ساره :هيييييييي ..
ضحك فارس : أعصابك .. اقول بخمد وامري لله ..
ساره بهمس: طس ..
فارس سمعها لف عليها: شكرآ ياحياتي ..
ساره :هيهي مسوي اخلاق ..
فارس سحب ولاعاد رد ..
ساره حطت المخده وحطت راسها لاجل تنام ..
فارس :ساره طفي النور ..
ساره :لا..
فارس: اجل بكرة دوري وراح اطفيه فاهمه ..
ساره قعدت تتحلطم بصوت واطي ..
فارس بصوت نايم :طلعي صوتك ..
ساره: طس عني ..
حطت المخده على راسها ونامت ..
.
.
.
بعد يومين ..
الرياض ..
كانت شهد تكلم عمها وقالها ماصحى تحطمت وضاقت آخلاقها ..
عناد :ان شاء الله يصحى ..
ريما جات عقب ماسكرت من أختها : عناد الليلة الجمعة ببيت أهلي..
عناد :يصير خير ..
ريما: شهوده ترى أمي عازمتك ولازم تجين ..
شهد: ياقلبي صدقيني مافيني لاي طلعه .. حتى عند امي مارحت وشوفي الباب بالباب ..
عناد: اطلعي وسعي عن صدرك..
شهد : لا عمي مالي رغبة ابببد .. وحتى نجد راح تمرني الليلة وتقول راح تبات معي .. فـ عشان كذا لاتشيل ياعمي همي .. ماعلي خلاف..
.
.
.
المستشفى ..
كان بندر ينتظر .. شافه زياد : بندر هلا ..
بندر كان محتاس: هلا ..
زياد: سلامات شعندك هنا؟
بندر: زوجتي هنا راح تولد ..
زياد: آييه تقوم بالسلامة .. لاتتروع ..مين الدكتورة داخل؟
بندر: مروة..
زياد: لا تخاف بأيدي امنيييه دامها بمستشفى أبو طلال..
بندر: لها حول الساعتين ..
زياد ابتسم : ولادة تراها .. طيب متى جبتها؟
بندر: من ساعتين ..
زياد: تطمن ..بعون الله خير..
طلعت الدكتورة مروة وبشرت بندر بأن جا له بنت ..
زياد: من قدك صرت أبو .. مببروك وتتربى بعزك والله يصلحها ويجعلها من حفظه كتابه ..
بندر بفرحة: اللهم امييين ..
مشى زياد لان عنده شغل .. وبندر جلس ينتظر الين يطلعون غاده لغرفة الزيارة ويشوف بنته ..
.
.
.
بعد عده آسابيع ..
.
.
.
ببيت أهل أنفال ..
أنفال كانت تكلم عمر وصوته متغير ..:فيك شي؟
عمر : أنفال الليلة نامي ببيت اهلتس أو اقولك اقعدي الين تملين منهم..
أنفال استغربت: ليه طيب؟
عمر: ماتبين أهلتس ..؟!
أنفال : عمر لاتحور الكلام على كيفك .. أنا مستغربة بس..
عمر يمشي بالاستراحه وحده: كذا .. خلاص مزاجي أنا ارجع مثل قبل عزوبي مايقيدني أي شي ..
أنفال: اها .. يعني كذا ..
عمر بتوهان: وفيه غيرها ..
أنفال : وشو غيرها ..؟
عمر: منيب رايق لاجل اتكلم ..
أنفال شوي تبكي : لا تكلم ..
عمر: قلت لتس منيب رايق ..
أنفال :عمر قولي شفيك ؟
عمر بحده : أنفال تبين الصدق ..
أنفال: شرأيك يعني ؟!
عمر :غلطه أننا تزوجنا .. لانها نزوة طيش وراحت ..وحتى الكل يتكلم..
أنفال بعدها ماسكه نفسها ماتبكي : بـ وشو يتكلمون؟!
عمر : كل اهل الوالد .. لاني تزوجتك وأنتي مطلقه .. ومن كلامهم احس اني تسرعت.. وحتى اشياء كثيرة ..
أنفال جلست :آييه وشو الاشياء ؟
عمر: ماله داعي الحين ..
أنفال: أنت ندمان على زواجنا..؟
سكت..
أنفال: ندمان ياعمر صح ..
عمر مارد ..
أنفال: ماراح تغير كلمتك وردك علي الحين ..
عمر: خلينا نبعد عن بعض ..
أنفال: براحتك ماتفرق معي عقب كلامك.. اجل ندمان ياعمر لانك تزوجت مطلقه ..
عمر :لا ....
قطعت كلامه: وش راح تقول يعني .. يأخذ الجرح ياعمر لامن جا من غالي .. أنا كنت رافضة أننا تنزوج بس أنت اصريت وحديتني ..
عمر سكت ..
أنفال : سوى اللي تبيه ..
سكرت الجوال ونزلته ورده فعلها كانت متفاوته لانها كانت متوقعه هالشي يصير بأي لحظه ..
دخلت امها : انفال شفيك ؟
أنفال: لا يمه ولاشي .. يمه بنام هنا ..
امها ابتسمت: زين وافق عمر ..
ابتسمت أنفال لامها ولاقدرت تتكلم ..
امها : طيب كتبك هنا ..
أنفال: بجيبها بكرة ..
أمها: ماعندك دوام ؟
انفال: الا يمه .. بس الجامعة مانحتاج الكتب ..
امها: وملابسك ..؟
أنفال : محاضرتي تبدء ثمان بخلي ملوك يوصلني لاجل أخذ ملابسي وتالي يمرني سواق الباص..
قامت :يمه بروح انام ..
أمها تطلع معها: حتى أنا بطلع لاكن عبدالملك مابعد جا من الاستراحه الله يصلحه ..
أنفال: مع عمر يمه ..
امها: الله يهديهم هم وهالسهرات ..
وصلت امها لغرفتها :تصبحين على خير..
أنفال: وأنتي من اهله يمه ..
.
.
.
ببيت زياد ..
العنود تطالع ببطنها اللي برز شوي :خخخخخخخخخخ شكلي شي..
ضحك زياد : جعلني فدوة بسس..
العنود ابتسمت: ياااه وحشتني هالكلمة ليه ماصرت تقولها ..
ابتسم لها زود : جعلني فدوة لتس .. وجعلني مافارقك وجعلك تموتين فيني زود وزود ..
ضحكت وهي حاطه يدها بشعرها : مشكلة كأنك ماتدري اني ميته فييك يالدب..
زياد فك شعرها: خلييه كذا ..
العنود تفله أكثر وبان طوله وكثافته ..: يتعب زياد ..
زياد: لاتفكرين تقصينه ..
العنود : منيب قاصته ارتاح ..
ضحك ..
العنود : زياد بعد آحس راح يروح البيبي من كثر ماتحط راسك على بطني ..
زياد :هههههههههههه ياكثر خوفك على هالبزر..
العنود تحط يدها على بطنها:أكييد راح اخاف عليه .. المهم قوم ..
تحرك زياد وجلس :قمت شفيه؟
العنود :بنننننننام وراي جامعة الصبح ..
زياد : حتى أنا وراي دوام ..الله ياهو ضغط علي رهيب ..
العنود: ياقلبي أنت ..زيود تدري أنك ناحف ..
زياد : ضغط يالعنود ..مسؤليه ادراة المستشفى صعبه .. وكل شوي اجتماع من غير المشاكل ونجد شايله حمل كبير..
العنود: يالبى نجد ..الله يرزقه الزوج الصالح ..
زياد: ان شاء الله.. نجد يتقدم لها واجد بس هي رافضة وكل مره تقول استخير وماارتاح ..
العنود: خلاص اجل الخيره فيما اختاره الله ..
زياد: على قولتك ..
العنود : فييييني نوم .. تصبح على خير..
زياد يحك حاجبه: عنوده نامي بحضني ..
العنود :وبطني .. اخاف تتهور مع النوم وتضرب عليه ..
زياد ابتسم: لا .. بس تعالي نامي ..
راحت لحضنه ودفنت نفسه تحت حلقه :يالبى الدفا ..
زياد ابتسم ولمها أكثر ..

.
.
.
اليوم الثاني ..
الصباح ..
كانت أنفال في شقتهم لاجل تأخذ ملابس للجامعة وتبدل .. تحرك عمر على تقفيله الباب وقام بسرعة وشافها كانت تأخذ كتب المحاضرات ..
عمر واقف بعيد عنها:صباح الخير..
لفت عليه :اهلين ..
عمر: غريبة جاية .. احنا مو اتفقنا نبعد عن بعض ..
انفال رفعت راسها وناظرته وتتماسك قد ماتقدر ماتبكي ولايابن بصوتها رجفه : أنا جيت لاجل اخذ ملابسي من هنا وأغراضي ..
عمر سكت ..
دخلت للغرفة وسحبت الشنطة وهي تحط ملابسها فيها ..
عمر مسك يدها: لاتزعلين ..
أنفال دمعت ماتحملت : منيب زعلانة .. ماينجبر قلبك دامك ماتبيني..
عمر سكت ..
أنفال دق جوالها وردت :آهلين ..لا موب جاية اليوم ..مع السلامة..
عمر: ماراح تروحين الجامعة؟
أنفال تسكر الشنطه: لا ..
عمر: على مين تدقين ؟
أنفال: عبدالملك ..
عمر: لا خليه أنا بوصلك ..
أنفال : لا ماله داعي تتعب نفسك وترهقها ..
دقت على أخوها وقالت له يمرها ..
عمر : تذكري عمري ماكرهتك بس ماننفع لبعضنا ..
أنفال : عادي .. الله يسمح دروبك .. خل كل شي يتم بشكل هادي..
عمر ناظرها أكثر : شلون بشكل هادي؟
أنفال : قصدي طلاقنا ..
عمر : اوكي ..
صدت عنه وهلت دموعها تماسكت ومسحتها ولبست عباتها ..
عمر مسك الشنطة: أنا بنزلها ..
نزل الشنطة معها للحوش ..
عمر: أنفال بطلع لفوق مابي يكون لي أي احتكاك أو اسلئه من عبدالملك..
أنفال: لاتخاف ماراح اقول أنت رفضتني هي كلمه لما أي احد يسألنا مافيه فيه نصيب وانتهينا ..
مارد وناظرها شوي :تدرين ليه رافضك بعد ..
ناظرته ..
عمر: لاني اشك فيك ..!
أنفال بصدمة: تشك ؟
عمر: آييه اششك ..ناسية أنك كنتي تكلميني لما كنتي على ذمه عبدالله..
أنفال ضاع الحكي منها ..
عمر: صدقيني أنفال ماننفع لبعض ..
أنفال كانت الصدمة تحل مكان أي كلام ممكن يقال ..
عمر مسك يدها: الله يوفقك ..
قالها وطلع وهي تناظر مكانه ودموعها اللي بدت تنزل ..
دخلت سيارة أخوها لحوش بيت خالتها ..
عبدالملك نزل من السيارة :وش ذا الشنطة..؟
أنفال: حطها بالسيارة وخل نطلع تكفى ..
عبدالملك شالها وحطها بالخلف وركبوا ..
عبدالملك :شفيك ؟
أنفال: راح نتطلق ..
عبدالملك وقف السيارة: وشو ؟!
أنفال: أي سمعته ..
عبدالملك : مهبولة مامر عليك شهر وشوي وتتطلقين ..
أنفال: تكفى اللي فيني مكفيني ..
عبدالملك : فجأه تتطلقون .. لاتقولين اللي فيني مكفيني .. انفال انتي تشوفين وش اللي قاعدين تسوونه ..؟
أنفال ماعاد ردت على أخوها وسكت : اشوف الاخ عمر ليه بعد هو راح يطلق مهوب كان راح يموت علينا لاجل يتزوجك والحين تتطلقون..!
.
.
.

22 - 10 - 2014, 08:51 PM

.
.
.
الجامعة ..
بالكفرتيا ..
صفا :لا مالي رغبه بشي.. ابي حلا..
العنود فتحت عيونها زود : لا صفو لاتقولين انتس حامل ؟!
صفا :يؤ وشو حامل .. لا شدعوة ..
غدير : وشو اللي لا شدعوة يمكن حامل ..
صفا : اوما حامل ولا ادري ..
غدير: ماتدرين ..
صفا: لا مااعتقد مالنا شهر وشوي مع بعض ..
العنود: عادي تحملين الحين ..
صفا: لا ماابي احمل الحين مابعد استانست بحياتي .. وحتى أنا وفهاد متفقين مانجيب عيال الحين الا بعد سنه ..
العنود: ولو حامل ؟
صفا : وش اسوي الله يعين ..(ابتسمت) لا بنات فكرتن مهيب بطالة اني احمل واجيب عيال..
ضحكوا البنات ..
العنود :ترى حلوين الصغار .. أنتي تأخذين مانع شي؟
صفا: لا ..
غدير: انثبري اجل وماتبي تحمل ..
ضحكت صفا والعنود ..
العنود : خل ندق على سارة يالها وحششششه الشينة ..
غدير: آييه يالبى قلبببها .. كيفها مع فارس؟
صفا: تقول تمام بس دايم اسمع فارس يكلم فهاد وشكله يشكي له .. بس فهاد لما اسأل يقول مافيه شي ..
العنود سكتت وهي تفكر دوم لما تكلم سارة يكون صوتها متغير وكل مره تقعد تبرر وحتى لما تقولها تبي تشوفها على الكام ترفض ..!
.
.
.
ببيت أبو بندر ..
نورة تفطر: هم وانزاح اني خلصت العده ..
امها: وفرحانه انه ولافكر يرجعك وحتى جا للرياض ولامر أبوك ..
نورة قامت: احسسسن مابيه ..
أمها: من الهبال اللي بمختس ..
نورة تلبس عبايتها : اقول يمه بروح للجامعة.. وتالي بطلع اتغدا مع بنت عندنا مشروع ..
امها: لاتبطين ..
نورة: طيب ..
طلعت نورة من بيتهم لبيت صديقتها ..
.
.
.
العصر ..
ببيت أبو مها ..
ريان : مها قومي معي ..
مها : ماابغى عمي خلني هنا..
عمها: الين متى مر شهر وشوي على السالفة وأنتي بنفس الحالة .. على الاقل فكري بمستقلبك ..
مها: أي مستقبل ؟
عمها: دراستك ..
مها: ليه أبوي خلاني ادرس ..
عمها: السنة الجاية قدمي وأبوك هذا هو بمستشفى الامل يتعالج هو والخمه ربعه .. مها السالفة سربيننا ولاراح تطلع حتى جدانك والباقين محد يدري ولا راح يدرون .. قومي الله يرضى عليتس .. شوفيني جبت لنا غدا .. قومي كلي لاجل عمك ..
قامت مع عمها ..
دق متعب لاجل يتطمن عليها .. وتالي قاله راح يمر ..
شوي وجا متعب ..
بالمجلس ..
ريان يناظر خويه ورفيق دربه وهو يتكلم ..
متعب ابتسم من نظرات خويه : وراك تناظرني كذا .. تهقى اني بناسب ناس افضل منكم ..
ريان بجدية: أنت تبي مها لاجلي لان حالتي النفسيه زفت وتبي تطلعني منها ..
متعب: لا أبي مها لاجلها هي .. ويكون بعلمك شهر وشوي افكر بالموضوع الين قررت أني أبيها .. ياريان مها ماضعيت نفسها بنفسها مها اجبرت .. !
ريان : لا يامتعب ..
متعب قاطعه بعتب: أنت الظاهر ماتبي تناسبني .. ؟!
ريان :افا يامتعب .. أحد مايبي يناسب متعب .. بس أنا عارفك ليه تقدمت لها وتبيها ..
متعب يناظره ..
ريان ابتسم : خلاص ..
متعب بادله الابتسامه: اجل قوم خذ رأي البنت ..
.. بغرفة مها ..
مها بسرعة: لا ..
عمها: هو يبيك ..
مها: لا زواج اخر ماافكر فيه .. ولا راح اتزوج لان اللي مثلي ماتتزوج..
ريان تنرفز: خير مها ليه منقصه من قدر نفسك كذا ؟
مها : ليه أنت وشو شايفني ..؟ أنا الحين ولاشي عارف عمي ولاشي..
عمها : مها معك كم يوم وتفكرين ومتعب عارف بكل السالفة ويبيك ويكون بعلمك هالقرار مهوب وليد الليلة لا الرجال يبيك من شهر ..
مها :اهو كيف يرضاها على نفسه يأخذ وحده مثلي ..
عمها : وأنتي كيف ترضين تقولين على نفسك مثل هالكلام ؟
مها : آه ياعمي النار اللي بقلبي محد راح يحس فيها وربي ..
عمها: مها أنا حاس فيك بس متعب يبيك ..بيبك لانك مها الطاهرة العفيفه .. تكفين لاجل عمك فكري بالسالفة .. وحتى الين متى راح تظلين مها عمرك 19 سنة توك يامها صغيييره ..
مها: بس ضعت ..!
عمها قام : مها بعطيك فرصة لمده كم يوم وبعدها الاقي اييه موافقه مافيه غيرها ..
.
.
.
ببيت أهل شهد ..
شهد تناظر عمتها : نعم تبين البيت ؟
حصة : آييه همى هو بيت أخوي .. أبي نصيبي من الورث ..
شهد وقفت: لاجل كذا جاية ومتعنية من القصيم لاجل هالشي؟
عمتها تناظرها: اجل ..
عمهاأبوبندر: حاولنا بعمتك لاكن ماطاعت والا كل عمانك وعماتك متنازلين ..
شهد : عمه اطلعي برآ ..
وقف أبو بندر ومعه حصه ..
أبو بندر: شهد ..
شهد : من هاللحظه مالي عمه بهالاسم اطلعي برآ ..
عمها صرخ فيها لاجل ماتطرد عمتها ..
شهد بصوت عالي : كلكم أطلعوا لبرآ هالبيت ولا أبي يكون عندي اعمام ولاعمات مثلكم .. ولاتفكرون أن عبدالله بغيبوبة وأعمامي عناد ومحمد مسافرين راح تتحكمون .. لا يبطي أي شخص يحكمني.. كنت صغيرة ولكم الحكم والشور علي بس الحين كبرت ..
عمتها : كبرتي وطال لسانك ..
شهد : من بركاتك ..
دق الجرس ودخل فهاد لان شهد مكلمته قبل يجون لاجل يكون معها لانها عارفه اعمامها ..
تغطت حصه لما دخل ..: تعتزين بذا ..
شهد : آييه أخوي وعزوتي ..
فهاد سلم على أبو بندر : شفيه ؟
شهد: العمه تبي نصيبها من الورث ..
فهاد : أي ورث؟
شهد: ورث أبوي ..
فهاد يناظرها من فوق لتحت وهي متغطيه : ذي حصة كان ماخاب الظن ؟!
شهد: الا ..
فهاد: اسمعيني يالعمه .. مالك الا بياض الوجه مننا فرجاء خلي شهد بحالها لاتجي علوم ..
أبوبندر : فهاااااد ..
فهاد تخرب أخلاقه بسرعة : اسمعوني كلكم .. طاح حظكم كأن على بالك شهد مالها عزوة الحين يأنكم تجلسون باحترامكم او الباب يفوت ثيران مهيب جمال وحدها ..
حصة قعدت تهاوش وكانت راح تضرب شهد .. مسك يدها فهاد :لو مديتيها على شهد كان ماطلعتي من هالبيت الا على جنازة ..روينا عرض الاكتاف ..
حصة : أبو بندر ..
أبو بندر : المحاكم دامها وصلت هالحد بيننا ..
فهاد يمسك بذقنه : مهيب على رجال أن أخذتم شي من وخيتي .. توكلوا ..
حصة : حسبي الله عليك ياشهد جعلك ماتقومين بالسلامة ..
فهاد صرخ فيها : اطلعععععععععععععععععععععي ..
طلعت برى وهي تتوعد مع أبو بندر..
شهد جلست ومسكت يد أخوها وهي تصر على اسنانها : فهاااااااد المممم ..
فهاد اختبص: راح تولدين ..
شهد دمعت :مدري المممم ..
فهاد نادى الشغالة: بسسسسسرعة جيبي العبايه ..
طلعت الشغالة لاجل تجيبها ..
فهاد دق على امه: يمممممه شهد راح تولد ييممه تعالي ماعرف اتصرف..
جابت الشغالة العباية وقعدت تلبسها لشهد مع فهاد .. :وين كرت العايلة شهد ..
طلعت الشغالة لاجل تجيبه .. سند اخته على دخله امهم اللي سندت شهد وطلعوا ..
.
.
.
شقه فهاد ..
صحت صفا من النوم على صوت الجرس ..
صفا: مين؟
أبوها: أنا ياصفا ..
صفا بخوف: أبوي ..
أبوها: آييه افتحي لي ..
فتحت الباب: هلا يبه ..
سلمت عليه وهي ميته خوف ..
أبوها جلس: رجلتس مهوب فيذا ..
صفا جلست على طرف الكنبة :لا يبه ..
أبوها: لاجل كذا جيت .. البسي وامشي معي ..
صفا وقفت: وين ؟
أبوها: لاتسألين واجد .. والبسي بسرعة ..
صفا: لا يبه ماقدر اطلع وفهاد مهوب بالبيت ..
أبوها بصرخه تروع وسحبها من شعرها : وين عباتك ..
صفا: منيب طالعه معك ..
أبوها :لا راح تطلعين .. وين عباتك ؟
صفا تبعد أبوها : لاآآآآ منيب طالعه معك ..
أبوها: مهوب كيفك ..
كان يسحبها من شعرها الين دخل لغرفه نومها وشافت العباية معلقه وخلاها تلبس ..
صفا تترجى أبوها : يبه الله يخليييك ..
أبوها :اممممممشي ..
سحبها وطلعوا من الشقه وهي تبكي ..
بسيارة أبوها : اسكككككتي .. أنا صبرت عليك لاجل تجين معي للبيت لاكن سمعتي كلام جدتس ..
صفا: مابغااااااك أبي فهااد ..
أبوها: انطمممممممممي ..
.
.
.
المستشفى ..
الدكتورة : معاها تقلصات هي تعرضت لشي ..
ام فارس: مدري يادكتورة كلمني اخوها ..
الدكتورة :عموما هي الحين بالثامن ولو استمرت معاها الالم راح نعطيها طلق صناعي ..والحين راح تجلس معنا وتدخل التنويم ..
ام فارس: تكفين انتبهي عليها .. ترى مالها الا الله ثم هالضنا ..
الدكتورة ابتسمت: أدري بظروف شهد .. الا عبدالله مابعد فاق..
ام فارس :لا يادكتورة الله يقومه ويحفظه لبنيتي ولشبابه ..
.
.
.
الليل ..
دخل فهاد وانصدم باب الشقه مهوب مسكر ركض لداخل وهوينادي صفا.. دق على جوالها وشافه على الطاولة .. قعد يدق على اهله ويدق على صديقاتها من جوالها بس محد يدري..
طلع من الشقة وهو مايشوف الدنيا قدامه من الخوف عليها ..
.
.
.
ببيت أبو صفا ..
صفا كانت محبوسة بالملحق وتبكي .. دخل أبوها : ماتعبتي من البكا.. محد راح يدري عنتس ..
صفا: حراااام عليك يبه .. وش الذنب اللي ارتكبته لاجل تسوي فيني كل ذا ؟
أبوها : ذنبك امك .. اللي تطلقت مني وتركتني ..مفروض أنتي تموتين وأنتي ببطن امتس..
صفا حست بشي داخلها وتلقائيا حطت يدها على بطنها لاجل تمنع أي اذى من أبوها ..
أبوها سوى حركه ترعب: ليكون حامل ؟
صفا برعب: لا .. لا يبه.. لا ..
أبوها : آيييوه منتيب حامل اجل ..
صك الباب وطلع وهي تبكي وميته خوف وهي تضم نفسها ..
شوي ودخل أبوها ..
صفا صرخت لما ضربها على بطنها وجلس يدوس عليه برجله ..
صفا كانت تبكي وتصرخ من حر مافيها ..
أبوها : اجل حاااامل .. مايعيش هالضنا دامني عايش ..
طلع عقب ماقضى على روحين ..!
.
.
.
بسيارة فهاد ..
كان يمشي ولايدري وين وجهته من الضيقه والهم .. فكر ببيت أبوها وبسرعة حرك له ..
دقت امه : لا يمه يمكن ببيت أبوها .. مدري يمه .. وين ابلغ يمه لازم يمر على الاختفاء 24 ساعة ..... أكيد انها عند أبوها أنا مدري شلون مافكرت كذا .... طيب راح اطمنك .... مع السلامة..
وقف قبال بيت أبو صفا ونزل بسرعة ..
دق وفتح السواق..
فهاد : وين عمي؟
السواق عرفه : انتا زوج ماما صفا ..
فهاد مسكه: هييي هنا ..
السواق :لا أنا اخااف اقول..
فهاد يهزه: وين صفا لا اذبحك الحين ..
السواق : ماتقول لبابا انا قلت..
فهاد اعصابها تالفه: قووووووول ولانيب قايل..
السواق خاف : داخل ملحق (اشر له عليه)
ركض فهاد وهو يدق الباب .. وسمع بكاها..
ركض وهو يدق الباب الداخلي للفيلا ..فتح أخو صفا وشاف فهاد ومافهم منه لانه كان يصرخ وشكله يخوف ..
نزل أبو صفا :نعععم وش تبي ؟
فهاد تقدم له : بسرعة رح افتح الملحق ..
أبو صفا : منيب فاتحه..
فهاد بشر: اقصر الشر وافتحه ..
أبو صفا: منيب فاتحه..
عمه صفا: شفيكم ؟
فهاد : الواطي مأخذ صفا وحابسها بالمحلق ..
عمه صفا: مهوب صحيح صفا ماجات عندنا ..
فهاد بصراخ : لا اكذب الا صفا هنا ..
عمه صفا طلعت لغرفتها ورجعت ومعها المفتاح ..
أبو صفا بعصيبه : ياممممممممممممره اطلعي لفوووووق..
عمه صفا نزلت وبقوة وهيبه : ذا المفتاح
رمته بسرعة لفهاد لان أبو صفا كان بيفكه ..
طلع فهاد ويدينه ترجف .. مسك أخو صفا الباب وفتحه وكانت مرميه على الارض ..
فهاد جلس على الارض وهو يشيلها ..
صفا كانت على وجهها وطايحة .. جلس فهاد :صفا .. صفا ردي علي..
أخوها :شيلللللللللللها ..
فهاد كان يرجف :كلها دم ..
أخوها شالها : وين سيارررتك ؟
فهاد كان يمشي ولاهوب بفكره منظر صفا حيل مأساوي..
فهاد كان يناظر صفا ومسرع اخر شي .. :يارب احفظها ..
.
.
.
المسشتفى ..
شهد كانت تناظر عيالها وهي تمسح دموعها ..
الدكتورة : الحمدلله على السلامة..
شهد :الله يسلمك..وشو جنسهم ؟
الدكتورة ابتسمت: مثل ماتمنيتي بنت وولد ..
شهد: الحمدلله .. متى ولدت فيهم؟
الدكتورة: على صلاة العشا لان جالك تقلصات واضطرينا نعطيك طلق صناعي..
شهد غمضت عيونها لما تذكرت الالم ..
الدكتورة ابتسمت: شوفي هالحلوين وراح ينسوك الالم كله ..
شهد: الله يحفظهم ..
الدكتورة: راح اعطيك مخفض للالم والصغار راح نوديهم للحضانة..
شهد: اوك..
طلعت الدكتورة وشهد تناظر عيالها من وهم نايمين بسلام وابتسمت :يارب رد لي أبوهم واحفظهم لنا..
.
.
.
بنفس المسشتفى ..
فهاد : كل شي خذه بعدين الحين بسرعة شوف صفا شفيها ..
الدكتور: اخذنا تحاليل وراح تطلع بعد شوي.. تفضل ارتاح لان حاليا يتم تنظيف الجروح ..
فهاد:فيها جروح ؟
الدكتور: البنت عبايتها كلها دم .. وجسمها فيه خدوش..
جا التحليل ..
الدكتور: اجهضت ..
فهاد بصدمة: كانت حامل؟
الدكتور: آي نعم .. الله يعوضكم خير ..
فهاد كان واقف ومكتفت ولاهو متسوعب اللي يسمعه ولاللي صار لصفا ..
الدكتورقعد يكلم الممرضة لاجل تجهز غرفة العمليات
الدكتور:وقع على عمليه تنظيف راح تجريها الدكتورة رنا..
فهاد كان يناظر الدكتور :وشو ذا؟
الدكتور:عمليه تنظيف لاجل الاجهاض ..
فهاد وقع وجلس وهو مخنوق ..
دق عليه عناد لانه يدق على شهد وماترد ..مارد وحط جواله صامت وقام لاجل يشوف شهد ويتطمن عليها .. سأل قسم النسا والولادة ..ابتسم لما عرف انها ولدت :طيب مايصير اشوفها ؟
الممرضة:الحين الساعة 11 صعب تدخل لها ..
فهاد:طيب ذا مستشفى خاص يعني ادخل متى ماابي ..
الممرضة:على الاقل قدرهي بالحيل تعبانة وأكيد نايمة ..
فهاد: طيب أبغى اشوف عيالها ..
الممرضة :تعال معي ..
مشى للحضانة وابتسم وهو يشوفهم لما اشرت له الممرضة عليهم ..لما تطمن على شهد وعيالها دق على عمه عناد وقالها ..
عناد :أحلــــى خبببببر ..
فهاد ابتسم وقعد يسولف لعمه عن عيال شهد وتالي قال راح يصورهم ويرسلهم له ..
سكر منه ..
دق الباب للحضانة وكلم المسؤوله عن الحضانة ولما ابرز البطاقة وانه خالهم صورهم وارسلهم لعناد ..
تالي راح لقسم العمليات الخاصة بالنسا والولادة ودق طمن امه عن صفا وهو ينتظر ..
طلعت الدكتورة ..
فهاد:هادكتورة ؟
الدكتورة ابتسمت: الحمد لله هي عملية تنظيف عادية ولحين راح ننقلها لغرفة خاصة وتقدر تجلس معها ..
فهاد : آييه بجلس معها ..
ابتسمت الدكتورة على كلامه :تستاهل سلامتها .. عن اذنك ..
طلعت صفا من غرفة العمليات وشافها فهاد وهي على السرير ونايمة من اثرالبنج ..
دخلوها للغرفة وفهاد معها ..
فهاد يناظر الممرضة :ليه موب صاحيه ؟
دخلت الدكتورة ..
فهاد يسألها : ليه نايمه؟
الدكتورة : من اثر البنج .. أول مره تجي هالقسم ؟
فهاد: آييه ..
الدكتورة: يعني توك متزوج ؟
فهاد: آيييه ..
الدكتورة : شي طيبيعي هالخوف .. لانها اول مره تمر فيك .. بس هي يابني شي طبيعي لك .. راح تصحى مع الصبح بأذن الله تعالى ..
فهاد كان يناظرها ..وتالي راح مكتب الحسابات .. واستغرب ان شهد دفعت كل المبلغ الخاص بأقامتها بالمستشفى .. دفع حساب صفا وتالي راح لها بالغرفة وجلس معها ..
مسك يدها بالمغذي وهو يكلمها: طفلنا راح والسبب مين ابوك..!
تذكر سواه عمه ومن حره قلبه طلع للشرطة : أذ تركت لك هالتصرف منيب رجال ..!
.
.
.
اليوم الثاني ..
الجامعة..
نورة : وجع طيب الحين تطلقت وطلعت من العده ليه مايتقدم ؟
ريناد : طيب خلاص أكيد نساك ..
شافت العنود وصديقاتها يمشون .. : بالله شوفي زوجته مشالله تجنن..
نورة عصبت :وش تقصدين ؟
ريناد وقفت : يعني محد عنده مثل جمالها وراح يلتفت عندك وعندي.. نورة تعبنا منك كل ماجلسنا مالك سيرة غير الحقد عليهم خلاص كرهت الجلسة معاتس ..
نورة : اجل انقلعي تفضيلن العنود علينا ..
مشت ريناد ..
نورة بحقد : آووووووووف ليه ماخطبني للحين ..
مريم : جريه عندتس ماتعرفين ياهلبه وأذا زوجته العنود الرجال عند الحريم مايدرون وين الله قاطهم .. جريه بطريقتس ..هما هو كان يحبك..
نورة ابتسمت وهي تفكر باللي يجيب زياد لحد عندها ..!

المواضيع المتشابهه لموضوع: روايه يا وين برمي هاجسد فيه وانساه لموضوع: روايه يا وين برمي هاجسد فيه وانساه
الموضوع	كاتب الموضوع	المنتدى	مشاركات	آخر مشاركة
روايه روحي لك وحدك للكاتبه ريم الحجر روايه رائعه لا تفوتكم	جروح الم	همس للقصص وحكايات وروايات	81	8 - 6 - 2018 01:02 PM
يا هاجسي دامك براس نايف ومدهال ذيب	الــســاهر	همس الشعر والقوافي	2	20 - 4 - 2017 03:10 PM
شيلة الا يا هاجسي	سجات التهاويل	همس الشعر و الشيلات الصوتيه	3	29 - 4 - 2015 07:54 PM
لا ترمي الليمونة بعد عصرها	امون	همس عالم حواء	15	20 - 8 - 2013 08:57 PM
إِن لم ترمي يرمى عليك	ورد الجورى	همس المواضيع العامة	5	13 - 6 - 2013 12:36 PM

الذين يشاهدون محتوى الموضوع الآن : 3 ( الأعضاء 0 والزوار 3)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

روايه يا وين برمي هاجسد فيه وانساه

همس للقصص وحكايات وروايات