أسهر معاك الليل كلـه وأناجيـك
ياصاحبي لاتحسب إنـي مجافيـك
ولاتحسب إن سكوتي منـي تغلـي
أنا هـواي ورغبتـي كلهـا فيـك
مالي بغيرك غايـة لـو حصلـي
في ذمتي ماأحد بعينـي يساويـك
انت الـذي تملـك حياتـي وكلـي
خذني معك خاتم بأصابـع أياديـك
أو نجم صيف في سمـاك متعلـي
أفز من نومـي ليـا مـر طاريـك
وأتعوذ من ابليس وأقـوم أصلـي
لأحتجتني فأعرف تراني حواليـك
طيفك معي دايم ترى مثـل ظلـي
أشتاق لك وبغالي الـروح أفديـك
ولاشفت زولك قمت أرحب وأهلـي
وأبيع كل الناس لجل إني أشريـك
وسيف الجفا في وجه غيرك أسلي
فتحت لك باب الغـلا والشبابيـك
تعال وأسكـن خافقـي وأستحلـي
ولأمسى علي الليل بالخير أمسيـك
ولا أشتقتلك بس أتهايـق وأطلـي
بسقيك من نبع الغلا كيف ما أسقيك
ما دام قلبـي لـك مقـر ومحلـي
وأسهر معاك الليل كلـه وأناجيـك
أشرح لـك همومـي ولاتستملـي
وأبقى على عهد المحبه مصافيـك
وأعيش أنـا ويـاك خـل وخلـي
آمر تدلـل لوتبـي عيـن مغليـك
ماأبغى عيوني دام عينك ضواً لـي
من قال لك إني أنـا ميـت فيـك
لا والله إلا فـي غرامـك مـولـي
تبغاها بالمصري انا موت بعينيـك
إزاي سرقـت القلـب تعـال قلـي
خلاصة الموضوع وشلون أجافيـك
وانت الحبيب اللي لعمري يسلـي
وختامهـا بعـداد ماقيـل لبـيـك
على رسـول الله اسلـم وأصلـي
|
|
[/QUOTE]
عضويتي
]
العرض العادي
