قصدك عذابي لاتوصي حريص=الزمن مايقصر وأنت فيك ابركه
\n
\nلاتعاند تراني صرت مثل القريص=ماحدٍ راح يمه والعذاب انهكه
\n
\nلمعة الشوق فيني مثل لمع الفصيص=والقدم سقتها لك والطريق اسلكه
\n
\nقانصٍ لك وطحت برمش عينك قنيص=يوم شفته غدا بالقلب صوت ادبكه
\n
\nجيت بافر منك واثر مالي محيص=اثر سهمك تعدا للحشا وادهكه
\n
\nاشهد اٍنك بقدرك وبغلاتك بخيص=من كثر زود حبك طحت وسط اشبكه
\n
\nخل قلبي بحبك ياغناتي يهيص=بين روحي وروحك وقف المعركه
\n
\nماهو بشرط من دش البحر صار غيص=كم وكم واحدٍ شاف البحر واربكه
\n
\nاشتوت كبدي وصارت ابعدك حميص=وقرقعة قلبي ابصدري تقول اٍتنكه
\n
\nالأمل اٍنطفأ نوره وباقي بصيص=والعمر فات دوره والزمان ادركه
\n
\nصح قلت أبتعد لاشك منت ابرخيص=ما تناساك عقلي دام فيه اٍحركه
\n
\nما يأثر عذولٍ جى.. عيونه نفيص=راح مني وكفه بالقهر يفركه
\n
\nياحبيبٍ جعلني من غلاته خبيص=له عيوني وطن والروح له مملكه
\n
\nما علي غير شوفك يا حياتي نقيص=هاك خيط المحبه وابيديك امسكه
\n
\nبين همٍ وتفكيرٍ وحظٍ عويص=كل من قال خله . قلت كيف اتركه ؟
\n
\nكيف اخلي حبيبٍ في المحبه خليص ؟=فارضٍ اٍحترامه والحنان اٍملكه
\n
\nلوجعل لي رسالة وسط مخبأ القميص=ادري اٍن التجافي والزعل فبركه
\n
\nويوم قلت ابتعد والله منت برخيص=كيف يرخص مقام اللي هواه اٍحبكه ؟
\n\n