رواية فرسان على جمر الغضى للكاتبة وديمة العطاء

8 - 5 - 2015, 02:22 AM

فرسان على جمر الغضى

الجزء الرابع

دخل فهاد الي كان يسابق الريح وشاف الي ماكان يريد ايشوفه المها لامه فراشها لصدرها والذيب على مسافة خطوتين منها وتشوفه وهي مرعوبه

صوب فهاد الباروده على الذيب وطخه طختين خلت الذيب ينرمى على ورا ميت وبدا حينها صريخ المها

فهاد بتردد قرب منها واخذها لحضنه يهديها وهي تصرخ تناديه باسمه ترتجف وهو يلمها اكثر ويقول الها ان الذيب مات خلااص

دقايق والمها ترتجف بحضنه ومتمسكه فيه بقووهو يحس انه بعالم ثاني من قربها وهي ناشبه بصدره وتحيط خصره بيديها....حس بعدها انها هديت اشوي والتفت للذيب وهو شاك ان المها وكاد سمعت دقات قلبه الي صارت صامه اذونه مثل ما يتخيل..حاول انه يقوم لجل ايطلعه للخارج الا انها تشبثت فيه بالحيييل

اهنيا حس بمشاعر ثانيه وهو يبتسم

فهاد:راجع يالمها ودي اطلعه للجماعه بالخارج

هزت راسها بلا وانها ماودها تتركه وهي بعدها ترتجف من الخوف

فهاد:ما هقيت انج تخافي هالكثر

المها برجفه:انت...ليييه ....تركتني ....لحااااالي

فهاد:ماكنت ادري ان الذيب موجووود والحمدلله اني لحقت عليييه

المها:لا تتركني يا فهاااد ارجاااك لا تتركني

فهاد وهو مايعرف وش الي يصير له رد عليها بصوت حنين:والله اني راااجع مير لزوووم اطلعه للخارج

وبشويييش بدت المها تتركه وهو يستعد يوقف...ناظر عيونها الخايفه وقام وهو ناوي يطلعه ويرجع لها

بالخارج كانو الرعيان والفرسان واقفين وطلع لهم فهاد وهو يسحب الذيب

تراكضو ناحيته خايفين من الي وده يقوله

فهاد:الحمدلله لحقت عليه قبل لا يتهجم عليها

الكل قال الحمد لله والتفت عتيبه يلوم الرعيان كييف انهم ما انتبهو للذيب يوم يدخل القبيله التفت لفهاد واعتذر منه وانها ان شالله تكون اخر مره

هز فهاد الهم راسه وبعدها خذو الذيب وراحو

التفت فهاد وده يرجع للمها لاكنه انتبه لحاله اخيرا

فهاد"انت وييين ودك تروووح يا فهاااد انت ناااسي الي بينك وبينها...ناااسي انك من بعد ماتاخذ بثارها ودك ترجعها لديرة ابوها...يا جهد البلا

بخطوات متردده دخل الشق عندها وناظرته وعيونها تحثه يقرب منها لجل ايحسسها بالامان

فهاد وهو واقف بعيد عنها:الذيب امره انتهى ومعاد تشوفيه مرتن ثانيه...نامي وانسي امر الذيب

التفت لجل ايروووح

المها:ودك تتركني يا فهاااد؟

التفت ليها:انا رايح المجلس اهنيا ودي انااام

المها:وتتركني لحااالي

فهاد:قلتلج الذيب انتهى امره

المها:كود انه يرجع مرتن ثانيه

فهاد:وشلون يرجع وانا ذبحته قدامج

المها:يمكن تكون له انثى تدور عليه ارجاااك يا فهااااد لا تتركني لحالي الليله خلك قريب مني والله اني احس بالخوف يرجف بعظامي ارجاااك

ناظرها وشاف نظرة عيونها الخايفه

فهاد:انا اهنيا ماني ببعيد

المها:اجل اجي واجلس جنبك ما ودي بالنوووم

فهاد:تعوذي من ابليييس خلاااص اجييب فراشي واجي

راح فهاد وهو متوتر من الي يصير معه ومع المها وش اخرتها يعني

فرش فراشه بعييد عنها وبدا يفك حزامه وسلاحه والمها بفراشها تناظره...تمدد بفراشه والتفت ناحيتها وكانت تناظر لجوانب الخيمه وهي خايفه اعتدل بجلسته

فهاد:المها لييه كل ذا الخوووف الذيب انتهى امره

ناظرته:مدري ما بحياااتي شفته ولا.......وبنبره قريبه على البكا..... كااان وده ياكلني يا فهااااد والله ان قليبي وقف يوم شفته

فهاد وقليبه هو الي وده يوقف"سلااامة قليبج

فهاد:تطمني اوعدج انج ما رااح تشوفيه مرتن ثانيه نااامي وامني

تمددت المها وعيونها تناظره وهو يناظرها من بعيييد حس انه ما يقدر يشوفها اكثر والتفت للجهه الثانيه يحاول يقنع اعيونه وقلبه ينامو

بعد ثواني نط فهاد وهو يحس بحركه جنبه ومسك السلاح لاكنه انتبه انها المها كانت جاره لحافها جنب لحافه

المها وهي تناظره:انا خااايفه يا فهاااد

كان وده انه يلمها لحضنه ويطمنها اكثر مير انه رجع وحط راسه وهو يناظرها وعن قرب اكثر من اول سحرته ازود وهي قريبه حييييل منه ظلت عيونه تناظر كل ملامح وجهها من قريب حس انه سكر من قربها

غمض عيونه ونام على صدره وهو صاد للجهه الثانيه وبعدها بشوي حس بيدها تمسك بواحد من اصابع ايده الممدوده جنبه ما يدري ليييه اختبص حاله شبك ايده بيدها وضغط عليها بالقو لجل ايحسسها بالامان وهو ينطبخ على جمر مادريت عنه المها

8 - 5 - 2015, 02:24 AM

..............................................

في خيمة الرعيان كان الذيب متمدد جنبهم جثه بدون رووح وعيونه تناظرهم

قماد وهو يظرب الذيب على راسه ويكلمه

قماد:رايح لخيمة مرة الشيييخ يا المخبووول هاااه مرة الشيييخ ...انت وش مفكر حااالك هااه

اتحسب الديره مافيها رجاجيل هااه

ورجع يظربه على راسه ..عتيبه هزراسه بلاحول ولا قوة الابالله من حال اخووه

عتيبه:يا قماااااد اترك الذيييب عنك تراااك رجيتنا

قماد يناظر عتيبه وشعره من قدام مغطي عيونه:انت ليييه ما ودك اياني افهم المخبووول

عتيبه:هو لوكان حي جلست جنبه كذا؟

قماد:ولييه لا...... تحسب اني خايف منه

عتيبه :قمااااد ودك اذكرك النوبه الي فاتت يوم اتهج وتتركنا مع الذيييب

قماد التفت للذيب:تسمع يقول اني هجيييت يعني ثارك عندهم مهب عندي هم الي قتلو خويتك

قام عتيبه :قم قم انقلع من اهنيا انت ودك اترجني اليوووم قال خويته قال يحسب ان كل شي لابد له من خويه

زفر غيث الي كانت عيونه تناظر عيون الذيب وعيون كحيلة العين ترسم بعيون الذيب

قام وسحب الذيب لبعيد ورجع لجل ايحط راسه ويناام

8 - 5 - 2015, 02:24 AM

..............................................

في خيمة الرعيان كان الذيب متمدد جنبهم جثه بدون رووح وعيونه تناظرهم

قماد وهو يظرب الذيب على راسه ويكلمه

قماد:رايح لخيمة مرة الشيييخ يا المخبووول هاااه مرة الشيييخ ...انت وش مفكر حااالك هااه

اتحسب الديره مافيها رجاجيل هااه

ورجع يظربه على راسه ..عتيبه هزراسه بلاحول ولا قوة الابالله من حال اخووه

عتيبه:يا قماااااد اترك الذيييب عنك تراااك رجيتنا

قماد يناظر عتيبه وشعره من قدام مغطي عيونه:انت ليييه ما ودك اياني افهم المخبووول

عتيبه:هو لوكان حي جلست جنبه كذا؟

قماد:ولييه لا...... تحسب اني خايف منه

عتيبه :قمااااد ودك اذكرك النوبه الي فاتت يوم اتهج وتتركنا مع الذيييب

قماد التفت للذيب:تسمع يقول اني هجيييت يعني ثارك عندهم مهب عندي هم الي قتلو خويتك

قام عتيبه :قم قم انقلع من اهنيا انت ودك اترجني اليوووم قال خويته قال يحسب ان كل شي لابد له من خويه

زفر غيث الي كانت عيونه تناظر عيون الذيب وعيون كحيلة العين ترسم بعيون الذيب

قام وسحب الذيب لبعيد ورجع لجل ايحط راسه ويناام

8 - 5 - 2015, 02:25 AM

.................................
اول ما قام فهاااد التفت للمها وشاف انها نايمه وهي تحضن طرف اللحاف تذكر ان النوم ما جااه الا بالساعهات الاخيره كان حاس بيها وهي كل شوي تجلس وتناظر اطراف الخيمه

تتوكد ان ماجا شي وكان يموووت يوم ايحس انه تقرب منه وتحضن ايده بالكامل بدال كفه

مير انه مسك حاله وتجاهلها لجل ما يصير شي يندم عليه

فهاد وابتسامه تلوح بشفايفه"هالحييين نايمه يالمها من بعد ما طلع الضو

رفع فهاد صدره وحيله متكي على ايدينه وهو يقرب منها وينفخ خصلااات شعرها الي متناثر على وجهها ظل ايناظرها من قرب اكثر ووده لو شفايفه تلامس خدها

فهااد"يا جهد البلا وش الي قاااعد يصيرلي

نط فهاد بسرعه وهو يطرد كل الي يتمناه واخذ سلاحه وحزامه وطلع بالسرعه للمجلس

.صحيت المها وماشافت فهاد جنبها اكيد ماحست به وهي طووول الليل صاحيه وخايفه

قماد كان يمشي يحوش الحلال وتلاقى مع الشيخ طايل الي نادا علييه

الشيخ طايل:انت يا ولد ترعى الحلال ذا

قماد:ايييه يا عمي

طايل:خويك عتيبه وين رااح؟

قماد:طلع مع الشيخ فهاد من طلعة الضو وهو جااي وكاد هالحيين

الشيخ طايل وهو يحك لحيته ومحتااار:ايييه ...اسمع يا ولد اترك الحلال اهنيا ورح مع بنيتي من الجهه ذي هي ودها تتدرب على ركوب الفرس ودي اياك تكون رفيق الها

قماد وحس بقليبه فز لاكنه تذكر ان عتيبه وكاد راح يانبه لو رااح:بس انا ياعمي الشيييخ رجال اخاااف ومقدر ابعد عن الديره اخااف يجينا حد من قطاعين الطرق

الشيخ طايل:مابه قطاعين طرق اهنيا انت بس رح وخلك متواجد قريب منها ما ودي اياك تسوي شي

قماد:وو والحلاال يا عمي

الشيخ طايل:الحلال ماعليه شر بالمرعى وانت تقول ان عتيبه بيعاود هالحيين

هي بس ساعه يا ولد وبعدها عاودو

قماد:الي تشوفه يا عمي

راح الشيخ طايل ونادى على بنيته شووق الي قربت منهم وهي على ظهر الفرس ولان شوق وحيدة ابوها كان مدلعها حيييل وكل الي تبيه يتنفذ

شووق:يبه انت كل يوم ودك تخليني اطلع مع واحد من الرعيان

طايل:يا بنيتي الرعيان ماعندهم وقت وكل اوقاتهم مشغولين والي احصله فاضي اطلعج معه

ابتسمت شوووق وهي تشوف قماد الواقف بثوبه القصير ومتلثم

شووق:يبه تدري اني من زمااان كان ودي اشوف وشلون هي النخله مير هالحييين الرويعي ذا وفا عن شوووفهااا ههههه

الشيخ طايل:يا بنيتي وش الهرج ذا؟

شوق وهي تدور بالفرس حولين قمااد وهي تضحك: وش بك يبا تراااه الا رويييعي خلنا نوسع صدورنا عليييه انت ماتشوووف شكله اقووول يا نخله الحقيييني ههههههه

ركضت الفرس بشوووق وناظر قماد الشيخ الي كان مبتسم وهو يناظرها تروووح

طايل:الحقها يا ولد

قماد وهو يلحقها"رويييعي ونخله هذا والله شين جديد مير بعدج ماعرفتي قماااد يا بنت الشيييخ"

ركض قماد وراها وكان ركيضه عجييب قدر انه يلحقها بالسرعه وقفت شوووق ودارت بالفرس حوليه

شوق:وكل ذا يطلع من رجيلاااتك وش السرعه ذي الي تركض بيها

قماد:اا ااا انتي امااانه يا عمتي ولزوووم الامااانه ما تغيييب عن عيييني

شوق وهي تضحك بصوت عاالي:ايييه ما دريييت اني مرافقه زرااافه ...زرافه ولا نخله هههه الحقيييني الحقيييني يالزراافه

لحق قماد شوووق وصار يركض قريب منها وهي كل ما التفتت وراها شافت انه مهب بعيد عنها حاولت تسرع اكثر وتتركه

وقفت الفرس والتفتت له وكانت متضايقه انه ملازمها وما فارق عنها

شوق:اسمع انت ما ودك توقف من لحاااقي اتركني لحالي

قماد:للا يا عمتي ما اتركج لحالج انتي امااانه من عمي الشيخ

شوق:ايييه وش هالبليه..اسمعني زييين رح واجلس فوق التل ذا وانا ودي العب بالفرس شوي

قماد من اول ماشافها انهبل عليها وعلى ضحكتها ...هز راسه بلا

قماد:مقدر يا عمه لزوووم اكون معج

شوق انقهرت منه:ايييه انا ودي العب بالفرس خلك بعيييد عني

قماد:العبي يا عمه وانسي اني اهنيا

شوق:تراك مهبووول وماتفهم لحجيي انقلع اقعد فوق التل

قماد يهز راسه بلا:للا

شوق وهي تركض بلفرس:الله يوخذك

كانت تناظر على جنب وهيه معصبه حدها منه وهو يلحقها بكل مكان

وقفت الفرس الي رفعت حوافرها لفوق والتفتت له صرخت عليه

شوق:اسمعني زييين تراك اتعبتني والله ان ما تركتني لحالي اني اشكيك عند الشييخ تفهم

قماد :ايييه يا عمه انا خايف علييج ما ودي الفرس تاذيييج

شوق:وانت وش تقدر اتسوي؟؟هبيييل انقلع من قدامي

تركها قماد وراح عنها مسافه صغيره وجلس يناظرها

ابتسمت شوق :هالحييين ودك تشوف وش انا اقدر اسوي

فكت الشال الي على راسها ورمته لبعيد قماد انهبل ازود من زينها الي فتنه حييل

8 - 5 - 2015, 02:26 AM

قامت شوق وحاولت انها توقف على ظهر الفرس لجل تخلي الفرس تمشي بها وهي واقفه قماد انجن من الي تسويه ووقف بسرعه وتداركها قبل لا توقع وطاحت بحضنه على الارض انقرفت شوق منه ومن ريحته الي كانت بسبب المرعى

اعتدلت شوق بسرعه وكانت معها جربة مي صغيره معلقه على طرف واحد من اكتافها نزلتها وبدت تضربه بيها

حط قماد ايديه حاجز من ظربها وهي تضربه وتسبه

شوق بقهر:كله منك انت..انت الي خوفت الفرس وش الي يخليييك تنط قدامها هاااه

قماد وهو يحاول يتفادى الضرب:يا عمه ياعمه هونج بي انا والله مقصدي انج ما توقعي

شوق:انت هبييل هبيييل ماتفهم والله اني اشتكييك عند الشيخ ابوي

قامت من بعد ما فكت حرتها بيه بالضرب ومشت للفرس

قماد كان نفسه يضحك بصوت عالي مير انه كتم ضحكته وهو مبتسم من تحت لثامه

ولانه كان قريب من الفرس وجالس على الارض اول ما شافها جت تركب الفرس ظرب برجله رجل الفرس الي رفعت حوافرها لفوق ورجعت شوق وطاحت مرتن ثانيه بحضنه وهو كان يريد ذا

ثارت عليه ازود وجلست وهي تضربه ازود بالجربه

شوق:الله يوخذك الله يوخذك

قماد ما زاال يحاول يصد الضرب الي يجيه:يا عمه هونج علي انا ما سويييت شي

شوق:انقلع انقلع من قدامي الفرس ما ودها فييك

قماد ولازال حاطط ايديه متفادي اي ضربه منها:زيين زييين يا عمه

قامت شوق وهي مقهوره منه وظلت تناظره بغيظ

قماد سحب حاله وهو يزحف على ورا

قماد"يا ويلي ويلااااه وش هالبنيه والله انها ناويه تهبلبي اجل انا قماد تضربني بنيه ...ماعليه اضربيني وسوي بي الي ودج اياه

راااضي يا بنت الشيخ

ركبت شوق الفرس وركضت بيها لبعييييد وقماد صار يلحقها حاولت انها تهلكه مير هي تعبت وهو بعده ماتعب

رجعت بالفرس وعاودت للديره وهو يركض وراها وقبل لا يوصلو الديره بمسافه وقفت شوق والتفتت له وهي مقهوره منه حييييل

شوق:شالي .....شفت شالي وييين

وقف قماد يلهث من التعب وهو متساند على ركبه بيديه:للا للا يا عمه

شوق:وشلووون وشلووون هالحييين ادخل الديره من غير شالي اسمعني زييين تعرف المكان الي وقعت فييه

قماد:ايييه

شوق:اجل عاود اهنااك وهاات الشال

قماد:ماقدر مقدر يا عمه انهد حيييلي

نزلت شوق من الفرس:خذ الفرس ورح جب الشال

قماد:ييييه يا عمه وانا وش يعرفني بركوب الفرس

شوق بغيض تحاول تكتمه:اسمعني زييين هالحييين تركب الفرس وتروووح تجيييب الشال

قماد:يا عمه

شوق وهي تضربه بنبته اقتلعتها من الارض:اركب الفرس اركب

قماد:ايييه زين زيين هالحييين اركبه مييير يا عمه وشلووون يركبووونه

شوق:اهنيا اهنيا حط رجولك وخذ ثقلك لفوق

قماد وهو متوهق كيف وده يركب الفرس..حط الرجل الثانيه وارتفع وركب الفرس بالعكس تحركت الفرس وانبطح عليها وهو متشبث فيها ورجوله واصله لرقبة الفرس

قماد بصراخ:يا ويلي ويلاااااه ياعمه ويييينج وش الي يصيرلي

شوق ما قدرت تمسك حالها من الضحك وصارت تنط على الارض وهي تضحك بصوت عالي والفرس رايحه به للمكان الي كانو بيه كان قماد يناظرها لانه جالس بلمقلوب ومبتسم

قماد"يالبي هالضحكه ...وش علييج اضحكي

من كثر ما ضحكت على شكله جلست على الارض

وصل قماد للمكان الي بيه الشال وخذ الشال وعاود وهو معتدل بالجلسه الا انه منبطح على الفرس ومتمسك بشعرها

اول ما وصل عندها رمى حاله على الارض وقعد يتوجع

شوق:والله انك مهبووول

خذت الشال واخذت تلفه على راسها بعدها ركبت الفرس وراحت تاركتنه وراها سند قماد راسه على ايده وهو يناظرها تبتعد للديره

قماد:يا ويلي ويلااااه والله انها دلوووع ويحق لها الدلع مير اصبري على وانا اورجيج الدلع وشلووون

8 - 5 - 2015, 02:32 AM

في ديرة الشيخ حماد كانت العمه مع البدور تمشي رايحه ابها للغدير

البدور:يا عمه كااافي كااافي والله اني ماقوء

العمه:يا بنيتي حنا ما مشينا غير اشوي وشلوون تتعبي

البدور:يا عمه ماقوء احس بجسمي يرتجف ماقوء على السيير

العمه:هذا كله من جلوووسج بالبيت لزووم كل يوووم تمشي وتطلقي رجيلاااتج

البدور وهي تناظر حريم الديره باحرااج:يا عمه الحريم يناظرن بي

العمه:ما عليج انتي مرة الشييخ وما علييج من حد

البدور:للا يا عمه ماقوء على السير وما ودي اياهن يناظرن بي جذا ...وكاد هالحيين يناظرن بوزني وشكلي

العمه:يا بنيتي الحريم كلهن يحبلن وش الي يخلفج عنهن

البدور:نرجع يا عمه نرجع ارجاااج

العمه:الي تشوفيه يا بنيتي الي تشوفيه

..........................

دخل فهاد على المها الي قفزت من الخوف على دخوله

فهاد:بعدج خايفه؟

المها ونظرها لتحت:انت فاجئتني يا شييخ

فهاد:تعالي

قعد فهاد وجت المها وجلست قريب منه

فهاد:انتي تعرفين للسلاح يا المها

المها:وشلووون يعني

فهاد:تعرفي وشلون تستخدميه

هزت المها راسها بلا

فهاد:ولا للخنجر

المها:لا ماعمري استخدمت سلااح

فهاد:وشلوون ابوج واخووج ما علمووج على السلااح لو ما قدرت الحق علييج البارح وش تتوقعي يصير بج

ارتجفت وهي تذكر الذيب

فهاد ومن بعد ما حس انه رجفت لطاري الذيب وطى صوته معها:لزووم يا المها تتعلمي تمسكي السلاح

هزت راسها:ما اقدر اخاااف

فهاد:يوم تتعلمي لزوم ان الخوووف يروح

المها ظلت تناظر لتحتوهي تفكر بحجيه

فهاد:باقي لي يومين ثلاثه واروووح لجل اخذ بثار اخووج

وقف

فهاد:بالعصير ودي اخذج ونطلع للبريه بعيد عن الديره واعلمج كيف تمسكي السلاح وتستعمليه

رفعت نظرها له متفاجئه

المها:الذيب وده يعااود مرة ثانيه؟

ابتسم فهاد:لزوووم يا المها تتعلمي والدنيا مهب بس فيها ذياب

المها:مقوا على مسك السلااح....ارجاااك لا توجع راسك بي

فهاد:العصير خليج جاهزه

وقفت المها:ودك ترووح؟

التفت ليها:تريدين شي؟

المها:ا اا انت مترييد قهوه

تردد فهاد انه يجلس مير رجع والتفت وجلس:هاتي اقهوتج

ابتسمت المها وراحت للضو وين لقهوه وجابت الدله جلست اقباله وبعدها متبسمه فهاد حاول يصد بنظره من بعد ما هبلت فيه بسمتها

المها:لقهوه يا شيييخ

ناظرها ورجع يناظر لمكان ثاني واخذ الفنجال كان يدري انها تناظره وهو يشرب لقهوه

كانت اتشوف عيونه الي تلمحها اشوي وتصرف نظرها لمكان ثاني ..ما وده يناظرني

المها:ازيييدك يا شيييخ

انتبه فهاد انه شرب فنجاله وما اعطاها اياه وهو سارح

قام بسرعه وهو يذكر حاله بالي بينهم :ودي اروووح لمجلس ابوووي لا تنسي تكوني جاهزه

تركها وراح وهي تناظره لين ما غاااب

8 - 5 - 2015, 02:34 AM

غيث:يا عتيبه لزووم نغزي الديره باكر ولا ورااه

عتيبه:ما عليه بالاول نشوف احوال الشيخ فهاد لجل نقدر نطلع.....وبنية الشيخ طايل بعد ودها من يطلع معها كل يوووم

قماد:انا ما ودي اطلع معها من بعد اليوووم هلكتني ومعاااد بي حييييل

ابتسم عتيبه:اييييه انت تحجي جذا

قماد:ايييه وانا وش انا عندها راعي مغير رح اهنيا ورح اهنيا انا ما ودي اطلع معها نوبتن ثانيه

عتيبه:لااا ودك تطلع معها ومحدن راااح يطلع معها الا انت

قماد:يا خوووي اليوم مسكت حالي مير نوبتن ثانيه مقدر

عتيبه:والله انه يكون اخر يوووم بحياتك ان فكرت تسوي الي تريده

قماد:ما ودي اطلع معها

عتيبه:باكر نشوف من الي يطلع معها

.................................................. ....

وقف فهاد فرسين قدام بيت الشعر ونادى على المها الي طلعت وتفاجئت بالفرس

فهاد:جاهزه

المها:ودك اياني اركب الفرس؟

فهاد:ليييه وش بيها

المها:انا يا شيخ مقد ركبت الفرس وانا اخاااف منها

التفت الها متفاجئ:وش اتقولي مقد ركبتي الفرس لييييه يا المها وشلووون كنتي عايشه ذي امووور لابد منها

المها:يا شييخ انا كل كائن حي اخااف منه ويوووم كنت بالهودج كنت ارتعد من الخووف

تقرب منها فهاد لين صار واقف قدامها وهو يناظر بعيونها

فهاد:وش الهرج ذا....لزوووم تكوني فارسه وتمسكي السلاااح الدنيا دواره

نزلت نظرها تحت مستحيه من قربه وكيف كان يناظرها

فهاد:وشلووون ودي ارووح وانتي ماتعرفي لركوب الفرس ولا السلاح

المها:انتــ....انت ليييه عاصب راسك بي يا شيييخ

فهاد:مهب مرتي؟

المها:اييه مير... انت.... قلت ....انه ودك ترحلني

فهاد:ايييه حنا اتفقنا على هالشي وانتي الي حديتيني عليه مير ما ودي تكوني جاهله بامر السلاح

التفت عنها وهو متوتر

فهاد:اسمعي ....

صعد على الفرس ومد ايده لها

فهاد:تعالي

هزت راسها بلااا

فهاد:هاتي ايدج ...اليوم اعلمج على السلاح وبااكر على الفرس هاتي ايدج

ترددت بالبدايه وبعدها مدت ايدها وجرها لفوق لجل تجلس قدامه ورجولها على جنب تشبثت فيه بالحيييل لين ما طوقته بيديها وراسها بحضنه

ابتسم فهاد ومشاعر دوخته صارت تعصف بيه وهو ينطلق بالفرس لوجهته

!! !!
!! !!
!! !!
وديـــــــــــــــــمه

8 - 5 - 2015, 11:06 PM

فرسان على جمر الغضى

الجزء الخامس

بعيد عن الديره وصل فهاد ومعه المها الي كانت دافنه راسها بحضنه وهي ترجف

اول ما وصل بعد راسها عنه واخذ يناظرها بابتسامه وهو ماسك وجهها

فهاد وصوته متغير من قربها:وشلون اقدر اعلمج على السلااح وانتي ترجفي من خوفج من الفرس... انتي وش انتي يا المها.. الي يشوفج اول ما جيتي على الهودج وتطلبي الي طلبتيه ما يقول انج انتي الي جالسه قدامي ترجف

المها:قليبي محروووق على اخووووي وابوووي مات من حرقة قلبه عليييه...النار بعدها قايده بصدري يا فهاااد

فهاد:عهدا علي اني اخذ بثااارج وبقلبه قال ليت انج تكلمتي معي بس

ناظرت المها فهاد وظلت عيونهم متشابكه لين ماتحركت الفرس ومسكت بيه بقو

نزل من على الفرس ونزلها معه

مشى لبعيد عنها يحاول يسيطر على مشاعره ووقف عود من الحطب ورجع لعندها

فهاد:تعالي

قربت منه

فهاد:اجلسي اهنيا

جلست المها وهي تناظره وهي متدري وش اتسوي

فهاد:امسكي الباروده ذي

المها:ارجااااك اتهقا اني راح اقدر والخوف يدب بصدري

زجرها:امسكي

مسكت المها الباروده وكانت تحس بيها ثقيله

فهااد:ترا دلع البنات ماودي بيه ودج الييوم تتعلمي زيين

هزت له راسها بالسمع والطاعه ووقف ومسك بارودته وصوبها للعود

فهاد:وهالحيين امسكيها مثل ماتشوفي

حاولت المها بالبدايه وكان الامر صعب عليها:ارجاااك يا فهاد

فهاد:تعالي واجلسي اهنيا

ومن بعد ما جلست قرب منها وحاوطها بيديه ومسكها الباروده وهو يورجيها اشلون تصوب الباروده

المها برجفه:يا فهاااد مقدر مقوا

فهاد:الامر بسيط اضغطي على الزناد

كان هو بعد يحاول ما يبين توتره من وجودها بقربه

صارت ترجف وهو محتويها لين ما ضغطت والطلقه راحت لفوق تركت الباروده والتفتت متخبيه بحضنه هو ما قدر غير انه يضحك بصوت عااالي

فهاد:ليييه هذي بدايتها صار جذا الله يعييين على تاليها

المها:ما ودي ما ودي

فهاد:ناظريني الامر بسيط والله انه بسيط...اتركي عنج الخوف

ظل فهاد يحاول يعلمها بالاول حصل صعوووبه معها لين ما قدرت اخيرا تمسكها وتصوب لحالها مير انها ما كانت تصوب على الهدف زييين

فهاد كان الوقت الي مضاه معها من اجمل الاوقات الي مرت فيه حس بسعااده غييير ولذه حلوه بتعليمها... كل شي بيها ابهره رجيفها كلامها مسكاتها ليديه حتى خوفها ونظرة عيونها وده يحس ان مابينهم حواجز مير كل ما تذكر الي لزوووم يصير بينهم يبعد حاله عنها

8 - 5 - 2015, 11:07 PM

فرسان على جمر الغضى

الجزء الخامس

بعيد عن الديره وصل فهاد ومعه المها الي كانت دافنه راسها بحضنه وهي ترجف

اول ما وصل بعد راسها عنه واخذ يناظرها بابتسامه وهو ماسك وجهها

فهاد وصوته متغير من قربها:وشلون اقدر اعلمج على السلااح وانتي ترجفي من خوفج من الفرس... انتي وش انتي يا المها.. الي يشوفج اول ما جيتي على الهودج وتطلبي الي طلبتيه ما يقول انج انتي الي جالسه قدامي ترجف

المها:قليبي محروووق على اخووووي وابوووي مات من حرقة قلبه عليييه...النار بعدها قايده بصدري يا فهاااد

فهاد:عهدا علي اني اخذ بثااارج وبقلبه قال ليت انج تكلمتي معي بس

ناظرت المها فهاد وظلت عيونهم متشابكه لين ماتحركت الفرس ومسكت بيه بقو

نزل من على الفرس ونزلها معه

مشى لبعيد عنها يحاول يسيطر على مشاعره ووقف عود من الحطب ورجع لعندها

فهاد:تعالي

قربت منه

فهاد:اجلسي اهنيا

جلست المها وهي تناظره وهي متدري وش اتسوي

فهاد:امسكي الباروده ذي

المها:ارجااااك اتهقا اني راح اقدر والخوف يدب بصدري

زجرها:امسكي

مسكت المها الباروده وكانت تحس بيها ثقيله

فهااد:ترا دلع البنات ماودي بيه ودج الييوم تتعلمي زيين

هزت له راسها بالسمع والطاعه ووقف ومسك بارودته وصوبها للعود

فهاد:وهالحيين امسكيها مثل ماتشوفي

حاولت المها بالبدايه وكان الامر صعب عليها:ارجاااك يا فهاد

فهاد:تعالي واجلسي اهنيا

ومن بعد ما جلست قرب منها وحاوطها بيديه ومسكها الباروده وهو يورجيها اشلون تصوب الباروده

المها برجفه:يا فهاااد مقدر مقوا

فهاد:الامر بسيط اضغطي على الزناد

كان هو بعد يحاول ما يبين توتره من وجودها بقربه

صارت ترجف وهو محتويها لين ما ضغطت والطلقه راحت لفوق تركت الباروده والتفتت متخبيه بحضنه هو ما قدر غير انه يضحك بصوت عااالي

فهاد:ليييه هذي بدايتها صار جذا الله يعييين على تاليها

المها:ما ودي ما ودي

فهاد:ناظريني الامر بسيط والله انه بسيط...اتركي عنج الخوف

ظل فهاد يحاول يعلمها بالاول حصل صعوووبه معها لين ما قدرت اخيرا تمسكها وتصوب لحالها مير انها ما كانت تصوب على الهدف زييين

فهاد كان الوقت الي مضاه معها من اجمل الاوقات الي مرت فيه حس بسعااده غييير ولذه حلوه بتعليمها... كل شي بيها ابهره رجيفها كلامها مسكاتها ليديه حتى خوفها ونظرة عيونها وده يحس ان مابينهم حواجز مير كل ما تذكر الي لزوووم يصير بينهم يبعد حاله عنها

8 - 5 - 2015, 11:35 PM

عتيبه جاب رعيان يكونو بدالهم لجل يقدر هو وغيث وقماد يطلعو ومحد يدري بيهم وترخص من الشيخ طايل انهم باكر ما يقدرو يطلعو مع ابنيته

قبل طلعة الضو راحو لوجهتهم ديرة السدر وقبل لا يوصلوها ابعثو رجال يقول لهم ان عيال العطاوي اليوم ناوييين يغزونهم

طاري عيال العطاوي يكفي لجل يبعث الرعب والخوف في القبيله لجل تسهل المهمه لهم لان كثير من القبايل اول ما يوصل الخبر لهم الشيخ وبعض جماعته يهربو تاركين القبيله وهم متاكدين انهم ما ياذون الشيوخ والحريم

على الضحى صار الهجوووم وكانت المعركه بسيطه رجال قلايل الي واجهوهم حوشو النسوان والصغار لمكان وحطو عليهم حاجز جمعو الي يريدونه من الحلال

قوت كانت من الي حجزوهم بالحاجز وكانت مقهوره حيييل من الشيخ وربعه الي فرو من الديره

دخل غيث للحاجز وصار يكشف عن كل وحده متلثمه ويناظر بعيونها

غيث بنبره جاده:هاتي ذهباااتج

الحرمه:ما عندي ذهبااات

التفت لعتيبه الي واقف من ورا الحجز

غيث:وذي بعد تقول ما عنده ذهبااات

عتيبه ارتاب بالامر:الي ما ودها تقول عن مكان الذهبااات نقطع من اذونها شوي

بدت الحريم تصارخ وكلا يحلف ويقول انهن انهبن

غيث وهو يرفع سلاحه عليهن:انكتمن ولا ترا بالباروده ذي تنكتمن

وحده من الحريم:حنا ما عندنا ذهبااات الديره كل يووم بيها حد يسرق الذهبااات ماندري والله من الي يسرقها

كانت قوت جالسه بين الحريم وساكته ما ودها تكون بالصوره

عتيبه:اييييه وحنا بهايم نصدق الحجي ذا....اقول يا لييث خرج لي النسوان وحده وحده والي ما ودها تقول الذهووب وين اقص الها اذونها

غيث بقسوه:انتي اطلعي لبرا

الحرمه:والله انه ما عندي شي والله ان ذهباااتي انسرقت

غيث:امشي يا حرمه

عتيبه:هات السكين يا ليث

مد ليث بالسكين لعتيبه

طلعت الحرمه واخذها عتيبه لمكان بعيد وما انسمع منها الا صرخه

كل الحريم الباقيه رجفت من الخوف وصارن يبكن ويقسمن بالي صار لهن

رجع عتيبه وهو يمسح الدم الي بيده

عتيبه:هااه وين الحرمه الثانيه

المكان على بيه العويل والبكاء

وناظر غيث عتيبه وهز له راسه

قوت وهي تمسك بالحاجز وتنادي بيا جده

قرب منها عتيبه:وش بج يا حرمه

قوت وهي تمثل انها عميا:اريييد جدتي جدتي وييين ...وش الي يصير

ظل عتيبه يناظرها:انتي ماتشوووفي عميا

قوت:جدتي وييين اتركني اروح اشوووف جدتي

عتيبه باستغراب:تشوفيها !!!؟

قوت:اريييد جدتي اتركني ارجاااك جدتي كبيره ووكاد انها طاحت بمكان

عتيبه:ما شفتيها مع النسوان

قوت:للا ماهي موجوده انا ما خليييت حرمه وما لقيتها ارجاااك تتركني ارووح اشوفها

فتح عتيبه الها الحاجز

عتيبه:تعالي من اهنيا

غيث:ليه تتركها تطلع

عتيبه:عميا ما منها خوووف

غيث:ووين ودك تتركها تروح الديره ما بها حد

ظل عتيبه يناظرها وهي تروح وتتخبط بمشيها

عتيبه:ما عليها خلها تشوف سبيلها

من بعيد ظل عتيبه يناظر قوت وهي تمشي وتدووور بالقبيله متخبطه ومتعثره بمشيتها

شافها وهي تتعثر بحجر كانت مربوطه فيه فرس وانفك رباط الفرس بدا يمشي وراها من بعيد لبعيد وده يعرف وش ناويه عليه

الفرس خذت طريق وقوت خذت طريق ثاني لخيمتها متامله من بعد ما تنهي مهمتها انها تركب الفرس وتهرب

شافها وهي رايحه للخيمه وبدون ما تشعر لحقها وظل يناظرها من فتحة الخيمه شاف الي وده يشوفه ورجع وهو ينادي تركت الذهبات مكانها وطلعت

اول ما طلعت

عتيبه:هاااه لقيتي جدتج

قوت وهي تبكي:ما لقيتها مالقيتها ارجاااك تدورلي عليها وييين ودي هالحييين القاها

عتيبه:اسمعي زيين انتي تعرفي تمشي بالقبيله لحالج

قوت:ايييه

قرب منها ولفها لمكان معين

عتيبه:سيري بالدرب ذا وكاد انها هي العجوز الي لمحتها من قبل اشوي

قوت بريبه:انت شفتها

عتيبه:ايييه كثير من العجايز حنا ما قدرنا عليهن وكاد انها وحده منهن

مشت قوت وظلت تمشي بينما ابتسم عتيبه وهو يدخل ويكشف عن المكان الي شافها تكشف عنه وطلع الذهبااات

عتيبه:ملعوونه تقول انها عميا وودها تاخذ الذهبات وتهج وكاد ان حريم القبيله مامنه ذهباتها عندها

طلع عتيبه ورجع للمكان الي بيه قماد وغيث واشار لهم ان كل شي منتهي

الحرمه رجعت للحجز وماكانت اذنها مقصوصه مثل ما وهم عتيبه الحريم الباقيه انه قص اذنها تطمنت الحريم

قوت رجعت للخيمه وما حصلت ذهباتها وماااتت من القهر عاودت للمكان الي فيه الحريم محجوزه وكانت تمشي وهي تشوف قدامها

عتيبه وهو يرفع لها حواجبه:اجل عاودتي وانتي تشوفي

ناظرته بنظره وكملت طريقها لجنب الحجز

ركب غيث وعتيبه كل واحد فرسه ونادو على قماد الي قرب منهم وهو مجلس بنتين وراه

عتيبه:قماااد!!!!

قماد:عهدا على ما نزل وحده منهن والي ودكم تساونه ساووه البنيات راضيات ومن حالهن جن

انطلق حينها بفرسه مبتعد عنهم

حرك غيث وراه الا ان عتيبه اعترضت طريقه قوت

عتيبه:وش اتريدي

قوت:ليه خويك اخذ البنياات؟

عتيبه:حلاله

مسكت بلجام الفرس:ايييه اجل خذني معك انا بعد

التفت لها عتيبه:وش اتقولي انتي انجنيتي؟

قوت:وش ودك اياني اسوي اهنيا انا مالي حد بالديره ذي ودي اروووح معك ارجاااك

عتيبه:اسمعي يا حرمه اتركي لجام الفرس وانقلعي من قدامي

قوت:ارجاااك ارجاااك ودي اروووح معك انا سبيه حالي حال غيري ارجاااك

عتيبه:وش هالنشبه ...قومي من طريقي اقووول

قوت باصرار وترجي:ليييه ما ودك تاخذني هذا هو خويك اخذ ثنتين

عتيبه:هذا مهبول وانا لاحقه لجل يترك لبنيات يعاودن وش الديره ذي

قوت:انتو نهبتو كل حلالنا ورجالنا هجو من الديره حنا وشلووون ودكم ايانا نعيييش من بعد الحلال والرجال

عتيبه:ابعدي ابعدي وانقلعي من طريقي

قوت:ارجاااك ارجاااك والله اني اكون تحت رجيلك وانفعك بكل الي تريده كل حاجه تريدها اسويها ودك اياني اطبخ اكنس ارعالك الحلال اي حاااجه انا مستعده اسويها

عتيبه:يا جهد البلا اتركي لجام الفرس وعاااودي ما ودي ايااااج

ظلت قوت تلحقه وهو يحوش الحلال الي اخذه وماتركته وهي تعيد وتزيد انها لزوم تروح معه

طلعو لمكان بعيد من الديره وهي تترجى وتطلب منه ياخذها معه

عتيبه صرخ عليها:والله انج نشبه انقلعي اقووول

قوت:ارجاااااك خذني معك

عتيبه نزل من فرسه ومسكها من كتفها وهو يهزها:وش اتريدي هااه وش اتريدي تروحي مع الرجال اسمعيني زييين...والله ان لحقتيني انك تشوفي شي ماتمنيه تفهمي

تركها بعد ما رماها على الارض وركض لفرسه وركبها وانصاب انها واقفه قدامه وماسكه بلجام الفرس مره ثانيه

عتيبه:انتي ناويه تجننيني يا حرمه انقلعي اقووول

قوت :للا ودي تاخذني معك ارجااااك

ناظر عتيبه لبعيد وهو منتشب معها وماقد نشب به حد بحياته مثل ما انشبت هي

سحب بارودته من ورا ظهره وصوبها عليها

عتيبه:تدرين ان الحجي معك ضايع انقلعي اقووول قبل لا اصوبك بالباروده

قوت:للا خذني معك او اقتلني ما ودي شي من الدنيا

عتيبه:يا ويلي ويلاااااااه

حرك فرسه من بعد ما ابعدها من طريقه وابتعد عنها وهي تلحقه وتترجاه حاول انه يتجاهلها ويكمل تحويشه للحلال وقال انها وكاد تتعب من المشي وراه

كانت قوت تلحقه وهي تحوش الحلال معه اتورجيه انها اتساعده

عتيبه:اتركي الحلال وارجعي للديره

ما سمعت وش يريد وصارت تلحق الي يهرب من الحلال وترجعه

حط ايده على راسه منتشب بيها:وش اسوي هالحييين هذي نشبه مقد انتشبت بحد مثلها

..............

المواضيع المتشابهه لموضوع: رواية فرسان على جمر الغضى للكاتبة وديمة العطاء لموضوع: رواية فرسان على جمر الغضى للكاتبة وديمة العطاء
الموضوع	كاتب الموضوع	المنتدى	مشاركات	آخر مشاركة
رواية ليل لا ينتهي للكاتبة جاثا كريستي	همس الشوق	همس أجاثا كريستي	2	26 - 1 - 2024 10:12 AM
رواية بين ضلع و بين روح للكاتبة ريم سليمان	همسه الشوق	همس للقصص وحكايات وروايات	71	7 - 2 - 2022 02:27 AM
رواية الجوهرة للكاتبة علياء الكاظمي	همسه الشوق	قسـم البحوث والكتب العلميه او التعليميه	2	10 - 8 - 2021 04:58 AM
رواية-وتمضي الحياة-للكاتبة منار	الحب ياسمين	همس للقصص وحكايات وروايات	5	4 - 4 - 2019 10:12 AM
رواية رجفة قلوب اسود الصحراء للكاتبة وديمة العطا	سجات التهاويل	همس للقصص وحكايات وروايات	38	8 - 6 - 2018 12:57 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية فرسان على جمر الغضى للكاتبة وديمة العطاء

همس للقصص وحكايات وروايات