من بين بد العرب ماخذني لحالك
ومن بين كل البشر ما خذني لحالي
حيرتني فالغلا والحب وأمثالك
كذا كذا صعب ألاقي درب طوالي
لحظه بعيد البدايه وأوقف قبالك
وأرتب السالفه في صوت موالي
من بين كل البشر ماخذني هبالك
ومن بين بد العرب تستاهل هبالي
غنيتها لجل عينك وين جوالك
تعال واسمع صداها وسط جوالي
شفني من عيونك أشكي حظي الهالك
وشفني من البعد يصلاني ميه صالي
أشتاق لك يا سمي الطيب وأضمالك
وأحن لك يا بعد هالكون يا غالي
لاتستمع طالبك في هرج عذالك
وأنا أوعدك ما استمع في هرج عذالي
خل الوصل والمحبه غاية آمالك
وأنا ترى شوفتك هي غاية آمالي
يا سِعدّ عينن تهنت فييك يا مالك
شي ٍمن الحِسن جاد بحِسنه الوالي
لو أقدر الوصف جيت بوصف لأحوالك
لكن تفوق الوصوف وفوق الأمثالي
مبروك يا قلبي اللي فاز بوصالك
ومبروك يا حظي الطيب على فالي
عضويتي
ياسمي الطيب 
العرض العادي
