آنا كتبت الشعر وامي ماتحنــّــت فالكفوف
والوالد الله يرحمه ماقدسمع بالزلزله
حياتهم تمشي ولافيهامن النعمه شفوف
ولاخطر في بالهم لعنة شيوخ المزبله
صغار حتى المعرفه مارتبوها في صفوف
من الشقاوه مالهم غير الطرب والولوله
ومرت الايام وانحن من حتوفن في حتوف
والناس تاخذنا على قد النكت والبهلله
تدخـّـلوا في بيتنا حتى العواذل والضعوف
والوضع ماحد يقبله لاسار كلـّـه تلتله
مفتاح بيت الوالد اصبح بين نهدين الهنوف
وانحن عبيد المدح كن الحج والا الصوم له
ياجدي اسمع وافتنا فالمال حوول عالرفوف
الا رفعت الصوت قال الشيخ اهجر مخبله
تحمـّـد الله لايجي لك كارثه قبل الخسوف
شوف السرير اللي معطرلاتدوسه واعتله
الى عطينا ماعطينا الا خرابيط النتوف
والقرش الابيض نكنزه عند الليالي المقبله
صدّقت واثر البيت يالله مالقينا به خلوف
اغبريخـّوفني كما شنطة عجوزن مقفله
الوالد الله يرحمه عازف عن الدنيا عزوف
وانحن مكاسبنا من الاحباب كثر الطبـّـله
تعبت وآآنا ااوزع الاهات في داخل ظروف
والوالد الله يصلحه كلامنا ماراق له
ياليتني يابوي بين اهل المعازف والدفوف
اثر الطرب نعمه يخليـّـني مع اهل الجمـّـله
آآقول لاتحزن ترى الدنيا حلاوتها صرووف
شف الذي بالهند ياكل من بقايا المزبله
خلاص ماني مقتنع لكن للطاعه صنوف
اصغر بلاويها ترجـّـعنا عيال البهذله
لاحد يقل وش هالبليـّه من يذكي هالخروف
من غير-بسم الله - يهجر لايزيد البلبله
لايسمعه بشار والا ينتخي في لاف روف
تصبح حياة الطفل وامه فوق حد المقصله
ماعندهم غيرالمصايب والصواريخ النسوف
والعلم _ عند الله _ واسمع في سمانا جلجله
الوسم
عضويتي
من يذكي هالخروف 
العرض العادي
