ما غرام يشرح الصدر طاريه و إلا صدود و عمرنا ما عشقنا للكاتبة صدود كاملة - الصفحة 4

25 - 12 - 2021, 01:50 AM

البارت السابــــع والعشرون ..

تقولين بدهشة : لقد حدث شيء غريب غريب..
تقولين : إن عيوننا تلتقي الآن فلا يبصر أحدنا في عين الآخر ملايين الأفلاك والمجرات والعوالم..
تقولين : إن أصابعنا تشتبك الآن دون أن ينفجر ذلك الحريق المدمر الجميل الأخضر..
تقولين : إننا نتحدث الآن فلا تورق الكلمات بالبرتقال والعنب والليمون..
تتساءلين : ماذا حدث؟
حدث أن ذلك الساحر الصغير الذي كان يسكن عيوننا وأصابعنا وكلماتنا امتطي بساطه الطائر ورحل..
فعادت العيون إلى طبيعتها : نوافذ نطل منها على العالم الخارجي ..
واستأنفت الأصابع وظيفتها اليومية : أدوات نستعين بها على اللمس والالتقاط..
ورجعت الكلمات إلى أبجديتها القديمة : عارية من الكروم والواحات..
ماذا سنصنع الآن ؟ تسألين بحرقة ..
لا شيء..
من العبث أن نحدق في عيون فارغة أو نتلامس بأصابع باردة ، أو نتحدث بلغة ميتة..
من العبث أن نطارد الساحر الصغير ونحن نجهل اسمه وعنوانه وخط سيره ومحطته القادمة..
فلنبتسم ، إذن ، ونحن نسترجع الأيام التي قضيناها في صحبة ساحرنا الصغير..
ولنبتسم ، مرة ثانية ، ونحن نتصور حبيبين آخرين ينعمان الآن برفقة ساحرنا الصغير..
ولنبتسم ، مرة ثالثة ، ونحن نحلم بليوم الذي نعود فيه ، دون موعد ، ساحرنا الصغير..

المرحوم غازي القصيبي ,,,

ماكانت تدري هو وش يبي ووين راح يوديها..
الرجفة متملكة جسدها بالكامل..
يدها على لثمتها وخايفة من اللي راح يسويه..
أنتبهت على يده تأشر على الشارع من جهتها..
لفت راسها وشافت اللي يبيها تشوفه..

ماكان لها أي ردت فعل غير الصمت..
ومشاهدة المعالم اللي قدامها واللي تخبرها عن الدولة اللي هي فيها..
هديل بهمس\ رومـــــــا ..
غازي\وأخيراً عرفتي أنتي ويــــن..
هديل\بعيــــدة مــرة..
غازي بتسئول\بعيدة؟؟
هديل بهدوء\بعيدة من بيتنا..عشان كذا أبوي تأخر ولا جاء..
غازي قرب منها\تعتقدين هذا هو السبب..؟؟
هديل\يمكن هو يدورني في السعودية..مايدري انك جبتني هنا..
بس هو بيلقاني..وبيرجعني له..
غازي لفها عليه وعيونه بعيونها المليانة دموع..
غازي\مايقدر يأخذك مني..يـــابنت انسي انسي..
هديل بغصة\انسى؟؟..كيف انسى قلي كيف..
اذا نسيت أيش أصير وأيش أكون..اذا نسيت هلي فمن أذكر ومن اللي راح يذكرني؟؟..
تطلبني انسى هلي بكل سهولة تردد كلامك..
أنا لولا الله ثم ذكراهم مدري وش كان راح يصير فيني..
لو اني ما اصبر نفسي بلقاهم وش اللي بيصبرني..
وبعدين انت بأي حق تبيني أنساهم..
غازي بقسوة\بحق انه مابقى لك أهل غيري..
هديل\تسمي نفسك هلي وامي..وتطلبني انسى الماضي..
انسى المحبة الأمان انسى الحنان والرضى...
وأعيش على قسوتك ضربك وجورك..
أعيش على حرب نفسية وجسدية معك أنت..ومع هلك..
آسفة اذا صدمتك بس مافيه شيء بدنياكم يغري للحياة معكم..
أنتوا ماتخافون الله واللي مايخاف الله ينخاف منه..
غازي\واذا أغريتك بحياتنا تنسين وترضي بوجودك هنا..؟؟
هديل\سنة من الجور عشتها معك..
ماعاد يمدي تغيرها في عشرين سنة قدام..
غازي بغضب\ماقدامك الا هذا الحل..الماضي نسوك انسيهم..
ولثمتك مالها داعي..
هديل حطت يدها على لثمتها..خايفة لاينزلها..
والخوف من تغييره للموضوع اللي يتكلموا فيه..
ومن نظراته وعصبيته..
صد عنها وقال لـ السائق يرجعهم الفندق..

أنا ماكذبت عليه مستحيل انسى هلي ومستحيل أرضى بحياتي معه..
يوهمني بتغيير الحال اذا نسيت..
بس هو ليش يكذب علي هلي مانسوني..ثقته تهزني بالحيل..
أبوي واخواني يدوروني ألحين..فديتهم مايدرون أنا وين..
بما أني عرفت لازم أتصل فيهم وأخبرهم..
لازم اهرب منه وأرجع لأمي..

غازي بحدة\أدري وش تفكرين فيه..صدقيني ماراح تقدري..
هديل بتحدي\أقـــــــدر...
غازي\تذكري أنتي جنيتي على نفسك باعترافك..
طنشته وماعاد ردت عليه..تدري ان تهديده وراه مصيبة..
من معرفتها له هو مايهدد من دون ماينفذ..
ركزت نظرها على الطريق متجاهلة الرجفة اللي استوطنت بعظامها..

وصلوا الفندق أخذ مفتاح من الريسبشن مسك يدها ومشاها معه..
تأففت دليل على ضيقها من قربه منها لكن هو زاد من شده على يدها..
دليل على استمتاعه بمضايقتها..
وقف عند باب الجناح فتح الباب وأشر لها تدخل..
دخلت بتردد وهي تناظر بعيونها بأرجاء المكان تبحث عن أمه أو أخواته..
ماكان لهم أثر..فسخت البالطو تبعها وبالها في اي غرفة راح تنام..
اضطرت تسأله وهو يفسخ جاكيته ويجلس على الكنبة..
هديل\أمك وين ؟؟
غازي\أمي والبنات بجناحهم..
هديل بصدمة\يعني مو هنا؟؟
غازي\لا هذا ...جناحنا الخاص أنا وأنتي..وهم لهم جناح خاص فيهم..
رمشت بعيونها الحيرانة..غير مستوعبة لكلامه وغير راضية بكل تأكيد..
لم تتكلم ولم تنظر اليه..صدت عنه وتوجهت لباب الجناح فتحت الباب لكن ماامداها تطلع..
الا وهو ساحبها ومرجعها قفل الباب وهي تضربه وتصرخ فيه..
هديل بصراخ\افتح هذا الباب يامتخلف يا حقير..
تعتقد اني ممكن ارضى اظل معك بها المكان..
غازي\هشش ولا كلمة ومابتنزلين الا هنا وفي هذا الجناح..
هديل\بأظل مع أمك ما ابى اظل معك..
غازي\امي واخواتي مايبونك تظلين معهم..
هديل بعصبية\مايهموني أظل معهم غصب عليهم..ابعد عني ماراح اظل معك..
غازي يقفل الباب ويشيل المفتاح من عليه..مدت يدينها محاولة اخذ المفتاح من يده..
لكن هو رفع يده فوق وشكله مبسوط على ضربها له ومهاوشته..
هديل بقهر\لا تحبسني هنا ما بأظل معك..
غازي\أنتي جنيتي على نفسك وهذي أولتها..
هديل\افتح الباب بأكون عند امك..
غازي\لأني ما أظمنك مستحيل أتركك تغيبي عن عيني..
هديل\ماراح أهرب الحين مئجلة الموضوع..
غازي\الحذر واجب..
هديل بغيض\افتــــــــــــح الباب..
غازي تركها وتوجه لغرفة النوم وبعد عشر دقايق لحقته مقهورة من تصرفه..
مستحيل اظل معه في مكان واحد..هذا استخف ما أأمن على نفسي معه..
ماله امان خصوصاً بعد يوم العيد قليل الأدب..
حتى لو اهانتني امه واخواته عادي اتحملهم..أهون هم ولا هو..
دخلت وراه كان جالس على السرير و يفسخ جزمته ناظر فيها ولاحظ عصبيتها..
قبل لا تتكلم أو تهاجمه أمرها بلطف..
غازي\ممكن كاس الماء لو سمحتي..؟؟
هديل عاندت وركزت عيونها بعيونه ماتاثر من نظراتها المحرقة له..
قررت تعطيه الماء وتتفاهم معه بالهداوة وتترك عنها الصراخ..
لأنها ادركت انه أكتشف مدى خوفها من البقاء معه من ردت فعلها المجنونة..
قربت منه وبيدها كاس الماء مدته عليه بس ما اخذه كان يفك الزر تبع أكمامه..
غازي بخبث\فكي أزارير قميصي..
العقلانية اللي سكنتها بلحظة ونصحتها بالهداوة والتفاهم طارت..
وحل محلها الغيض والقهر من دون تفكير باللي تسويه..
كبت كأس الماء على رأسه ورمت الكاس على السرير..
كانت بتهرب برا الغرفة لكن الباب بعيد منها ولازم تمر من قدامه..
تراجعت على ورى ودخلت الحمام وسكرت الباب..
أنفجعت لما دورت على مفتاح الحمام بس ماكان موجود مفتاح..
ماهي الا ثواني وكان غازي معها بالحمام..
تراجعت لآخر الحمام بخوف من عقابه لها..
قرب منها وهي لاصقة بالجدار ماتجرئت تحط عيونها بعيونه خايفة من نظراته..
مد يده وبنفس اللحظة صرخت وحطت يدينها على وجها تحميه من الضرب..
نزل يدينها وآسرها بيده..وبيده الثانية نزل لثمتها وسحب حجابها..
فتحت عيونها وركلته بأرجولها على ساقه..سحبت يدينها منه..
ترك يدينها ومال بجسمه شالها من على الأرض وهي تصرخ بخوف..
مشى فيها خطوتين ونزلها في البانيو المليان ماء صافي..
أختفت هديل تحت الماء تحركت بين يدينه برعشة وخوف..
رفعها وسمح لها تتنفس لجزء من الثانية وأعادها تحت الماء وهي تشهق..
أعاد الكرة مرتين وثالثة حتى شعر بضعفها واستسلامها..
كانت تشهق وتتنفس بشكل سريع مع سعال متواصل بسبب الماء اللي دخل بحلقها..
مسح وجها بيده وبعدها شالها من البانيو وخرجها من الحمام..
وهو يهمس بأذنها\محتاجة تنفس اصطناعي..
سدحها على السرير وهي ترجف من البرد ومن الارهاق اللي أحدثه فيها اغراقه المتواصل لها..
سكرت عيونها لما شافته فسخ قميصه ورماه على الكرسي..
حست فيه يغطيها بمفرش السرير..
كل شيء فيها كان ينصحها تقوم وتطلع من الغرفة..لكن عظامها ماطاوعتها..
جسمها يرجف من الخوف ومن الانهاك والتعب..
ظلت على حالها مغمضة عيونها لحتى غفت من دون ماتنتبه على نفسها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

25 - 12 - 2021, 01:51 AM

في الكوفي القريب من الفندق كانوا جالسين يشربوا قهوة لما انضم لهم غازي..
غازي\السلام عليكم ...
الكل\وعليكم السلام ورحمة الله وبركاته..
شوق\كنت نايم؟؟
غازي\لا...هممم كيف الجو معكم؟؟
رشا مبسوطة\جنان ياقلبي تسلم أحب روما مرررة..
شوق\يالبى الشوبينق في ايطاليانو..
غازي\مادية ماراح تتغيري..
شوق\هههههههههههههه وليش أتغير؟؟
رشا\ولدي بينام بأرجع الفندق تعالي معي شوق..
شوق توقف\اوكى جاية..يالله تصبحوا على خير..
غازي\وانتي بخير واذا جاك اتصال ردي عليه..
شوق\اتصال؟؟ايـــه فهمت لا ما راح ارد خله يتأدب..
غازي\انتي الخسرانة..
شوق\ليـــش ناوي يتزوج علي؟؟
غازي\ياليت يتزوج عليك يمكن تعقلين..
رشا\هي تظن راح يظل ينتظرها الخبلاء لبى قلبه بكره أزوجه احسن منها..
شوق بعصبية\وتسمين نفسك أختي يالخبيثة طسي الفندق قبل ادوسك..
توجهوا للفندق..وغازي ألتفت على أمه ولاحظ نظراتها..
غازي\وش فيها الغالية ساكتة؟؟
أم غازي\ويـــــنها؟؟
غازي\نايمة..
أم غازي\ويـــن؟؟
غازي\في جناحي..
أم غازي\جناحي كبير ابيها تجي عندي..
غازي\ولالك لوى..لكن ما ابيها تغيب عن عيني..
أم غازي\محتاجتها تساعدني في ترتيب الاغراض وتكون حولي اذا أحتجت شيء..
غازي\شوق موجودة..
أم غازي\ما ابى شوق..
غازي\لاتحاولي يومه ماتطلع من الجناح الا معي..
أم غازي\أخاف عليك يومـــه..
غازي يبتسم\أفا شايب وش كبري وتخافين علي..؟؟
أم غازي\أخاف تغرق بدون شعور..
غازي\ضامن نجاتي بالطيب او الغصب..
أم غازي\الله يصلح الحال..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛

رشا بزعل\شوق انتظري الولد نايم..
شوق بقهر\تبين تزوجينه ياللي ماتستحين تزوجين زوجي..
رشا\ههههههههههه يابنت اصبري..
شو طنشتها ومشت بسرعة عنها تبي تقهرها..لكن صدمت بجدار ضخم وكانت بتطيح..
لكن الجدار طلع معه يدين مسكها وثبتها توقف..
شوق تصرخ\عمــــــــــــــــــــــــي..لااا مو مصدقة..
سلمت عليه وهي تضمه..وتعبرله عن فرحها بشوفته..
تجمدت رشا بمكانها وهي تسمع صراخ شوق وضحكها بشوفة عمها..
وقفت بعيد عنهم وهي شايلة ولدها النايم..
نزلت راسها بخجل منه ومن تواجده..ماكانت تتوقع انه راح يلقاهم هنا..
شوق\رشا هذا عمي راجح..
رشا ماكان لها اي ردت فعل غير انها تتجاهل وجوده بأدب..
مشت من جنبهم وهي تلقي السلام بخفوت ..
راجح بصوت رجولي\كيفك يأم غازي..؟
رشا بخجل\الحمدلله يسرك الحال..عساك طيب؟؟
راجح\طيب بشوفتكم..عطيني الولد..
رشا ارتبكت\هو نايم الحين لما يصحى يصير خير..
راجح قرب منها وسحب غازي من يدها..باسه على خده وراسه..
شاله بخفة ثم ناظر في البنات وأشر لهم يلحقونه..
راجح\جناحي جنب جناح غازي طريقنا واحد..
شوق بصوت واطي\وش فيك مرتبكة اهدي..
رشا\ماهو على اساس بيجي الاسبوع الجاي..
شوق\هذا هو جاء خليك طبيعية..
رشا\بأقول لغازي يرجعني السعودية اليوم..
شوق\ترى مالك داعي عمي ماراح يأكلك..
رشا تدخل جناحهم\هاتي ولدي منه روووحي..
شوق\عمي خلاص هذا جناحنا عطني غازي ادخله..
راجح\خلي أمه تجي تأخذه..أنا في جناحي..
شوق\عمــــي الله يهداك لاتدخلني بمشاكلكم الولد يبي ينام..
راجح بحدة\تبي ولدها تجي تاخذه من عندي..
كمل طريقه لجناحه وهو حاقر شوق اللي صارت تتحلطم من كلامه معها..
شوق\مارضى يعطيني اياه..قال تبينه روحي جيبيه من عنده..
رشا بضيق\يا الله وش الحال معه هذا؟؟باتصل بغازي يجي يشوف عمه..

اتصلت بغازي وقالتله يجيهم الفندق بسرعة ويرجع ولدها..
غازي ماتفاجاء من تواجد عمه بروما هالاسبوع لأنه حجزله جناح قريب منه بطلب عمه..
رجع مع امه للفندق..توجه لجناح عمه..
دق الباب وسلم على عمه وجلسوا بصالة الجناح..
غازي\كنت أظنك بتوصل بكره..
راجح\خلصت الشغل وجيتكم هنا..
غازي\طيب ليـــش خاطف ولد أختي؟؟
راجح\لايكون جاي تأخذه مني؟؟
غازي\أمه أتصلت علي قالت اخذه منك..
راجح\اذا تبيه تجي تاخذه بنفسها..
غازي\لاتصعب الأمور عليها..
راجح\ماصعبت شيء تبي ولدها تجي تأخذه..
غازي\فيه غير هذي الطريقة عشان تتفاهم معها..
راجح\ما اتبع الا طرقي أنا..خلها تجي تاخذ ولدها..
غازي\بتروح معنا بكره السفارة؟؟
راجح\لا ما أعتقد السفير مايدري اني موجود بايطاليا ومالي نية اروح..
غازي\حلو..
راجح\وش عندك أنبسطت أني مو رايح؟؟
غازي\لأني مضطر أروح السفارة وبأحط عندك أمانة صعبة..
راجح\مابه صعب..
غازي\كفـــــو..وألحين عطني الولد بأروح أنام الوقت تأخر..
راجح\قول لـ رشا تجي تأخذه..
غازي\انتوا متزوجين وحلوا مشاكلكم لكن ولد اخوي خلوه برا أموركم..
راجح\تدري لاترد عليها وهي بنفسها راح تجي تأخذ ولدها..
غازي وقف\مو ناقص اجاهد مع اختي بحربها..عندي حربي الخاصة بجناحي..
راجح بعصبية\أنت صاحي؟؟
غازي\أنت اتبع طرقك وأنا أتبع طرقي..لا تدخل بأموري أتدخل بأمورك..
راجح\قل لأخك متى ماحبت تجي تأخذ ولدها تجي الدعوة مفتوحة..
غازي\تمسي على خير..الله يعين أختي عليك..
راجح\وانت من اهل الخير..

طلع غازي وبلغ اخته كلام راجح..اذا كانت تبي ولدها تروح تأخذه من عنده..
رشا\يومه روحي جيبي ولدي..
أم غازي\أروح جناح عم عيالي ؟؟طسي أقووول..
رشا بزعل\طيب تعالي معي اجيب ولدي..
أم غازي\مالي حاجة أروح..الرجال زوجك..والبزر ولدك..
رشا\زوجي بالأوراق مابينا شيء..ليش يسوي كذا؟؟
شوق\روحي تفاهمي معه..بيعطيك الولد..
رشا\أنتوا وعمكم هذا يخوووف ما ابى اروح بالحالي..
شوق\روحي لغازي يروح معك وجيبوا الولد..
أم غازي\مالكم شغل بغازي راح ينام..
شوق\يومه جارية أخوي وينها طاسة؟؟
أم غازي بحدة\مالك شغل بالبنت خليها في حالها..
اسلميها شر لسانك ولا تتقولي عليها بما يغضب الله..
شوق بدموع\لاتدافعي عنها وتنسي انها هي اللي قتلت ولدك..
أم غازي\هي مالها ذنب الا انها أخته..
شوق تبكي\وأنا مالي ذنب الا اني اخت اخوي..
ومشتاقة له وأبـــــيه..أخوي ميت وأخوها حي ماحوله شر..
ولد أخوي تيتم ..رشا ترملت..الكره في قلبي ماله حدود يومه..
أم غازي\ترحمي على اخوك وروحي نامي..الكره مابياكل الا صاحبه..
شوق\لا الكره بيأكلها هي وأهلها..تمسوا على خير..

راحت شوق تنام ..لكن رشا ظلت تترجاء أم غازي تروح معها..
أم غازي\خلوا البنت في حالها يارشا..ترى اللي مات ولدي..
رشا\انا مادخلني فيها..حتى لو عاملتها بقسوة ماراح أستفيد شيء..
زوجي مات بيد اخوها وهذا شيء مااقدر انساه..ولدي تيتم بسبب اخوها..
حياتنا انقلبت بسبب اخوها..لاتطلبي منا نحبها او نداريها..
أم غازي\لاتحبوها ولا تقربوا منها اتركوها بحالها وبس..
اللي تعانيه هي انتوا ماتعانونه..
رشا\اتركينا منها الحين وتعالي معي..
ام غازي\لا..تبينه روحي جيبيه..او خليه ينام عند راجح..
ماراح يصير فيه شيء..
رشا\لا مااباه ينام بعيد عني..
ام غازي\تصبحي على خير..
رشا\يووومه تكفين..
أم غازي راحت تنام وخلت رشا تدور بالجناح خايفة من انها تروح لجناح راجح لوحدها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛

دخل الجناح كانت الصالة ظلمة الا من نور خفييف على الطاولة المتوسطة الصالة..
فسخ جاكيته وعلقه عند الباب..دور بعيونه عليها بس ماكانت موجودة..
توجه لغرفة النوم الوحيدة الموجودة في الجناح كان الباب مسكر..
حاول يفتحه لكن الباب كان مقفووول..ابتسم على حركتها وتقفيلها لـ الباب..
غازي\أنتي ملزومة تفتحين أغراضي وملابسي داخل..
هديل بكره\عفشك بالصالة قدامك..
غازي يناظر أغراضه\ههههههههههههههههههه قويــــــة يابنت يعني قد حركتك هذي؟؟
هديل طنشته ولا ردت عليه أنقهرت من استمتاعه بالوضع وضحكه..
كان راح يذبحني ويغرقني الملعون والحين جالس يضحك..
عساه الماحي ان شاء الله مبسوووط على قهري..
لما صحت من غفوتها ماكان موجود في الجناح كامل..
بدلت ملابسها وهي تبكي كل ماتذكرت حالتها تحت الماء وخوفها منه..
كان باب الجناح مقفول وماقدرت تطلع..جلست تفكر كيف تقدر تعيش معه بنفس المكان..
قررت تكون غرفة النوم لها لأن فيه باب يتقفل عليها وحمدت الله ان المفتاح موجود ماشاله..
جمعت ملابسه ورمتها بشنطته وعفستها متقصده ورمت جزمه وباقي أغراضه على الملابس...
سحبتها في الصالة وتركتها هناك..
قفلت عليها وهي مطمنة بانه ماراح يقدر يدخل ينام عندها او يقرب منها..

غازي\اممممم طيب ابي لحاف ومخده..
هديل\ليش بردان؟؟
غازي بخبث\ايـــــه بردان مـــــــــــــــرة محتاج دفاك..
هديل\أحسن خلك نايم في البرد..أنا نمت شهوور في البرد من دون ماتهتم..
غازي\آآآآآه بس لو كنت أدري..
هديل\ماراح أعطيك شيء..وجب لاتزعجني..
غازي\وتقولين جب ...يعني بتظلين طول عمرك بوسط الغرفة..؟؟
مصيري أمسكك ياالبزر وأربيك..
هديل\روح نام يامجرم نوم الظالم عباده..
غازي\تمسي على خير تهني بنومتك الليلة آخر ليلة تنامي لوحدك..

تنفست بصعوبة بعد ما تأكدت انه بعد من عند الباب..
قال آخر ليلة انام لوحدي..عساه الجرب يهددني..
يبي يخوفني..بس هو وش يقصد لايكون يبي ينام هنا؟؟
والله لو يذبحني او أذبحه ماينام معي واطي ..

طفت الأنوار ونامت ومثل كل ليلة تنتهي بالكوابيس وتصحى مفزوعة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛

دقت الباب بهدوء هي نفسها ماسمعت صوت ضرباتها الخفيفة على الباب..
كانت متاكدة من انه ماسمعها..تراجعت تبي ترجع لجناحها لما فتح راجح الباب..
كان بروب الحمام وتوه متسبح وحاط فوطة صغيرة على راسه..
ارتبكت من شكله لانها ماكانت متوقعه تشوفه بهالشكل أبداً..
نزلت راسها وتلعثمت بالكلام..
رشا\ا ابـ ي غازي ممكن تجيبه؟؟؟
راجح\تفضلي خذيه..
رشا\جيبه لو سمحت..
راجح\مو سامح ادخلي شيليه..
ابتعد عن طريقها وأشر لها تدخل الجناح..
وقفت مكانها مترددة لكن تقدمت ودخلت وهو سكر الباب وراها..
ناظرت في الصالة ماكان موجود فيها..ناظرت فيه بتسئول فهم عليها..
راجح\نايم جوه على سريري ادخلي جيبيه..
رشا\انت جيبه أستناك هنا..
راجح دخل غرفة النوم وهو ينشف شعره..
راجح\تمسي على خير أنا داخل انام..
ظلت عشر دقايق تنتظره يجيب ولدها لكن ما طلع من الغرفة..
فتحت الباب اللي كان مردود ودخلت..تمنت لو انها ماتجرئت ولا جات لجناحه..
كان لابس بنطلون البجامة لكن من دون قميص..
تجاهلته وتوجهت لـ السرير مدت يدينها تبي تشيل ولدها..
لكنها حست بيدين تلتف على خصرها وتلمها من ورى..
شهقت بخوف وحبست أنفاسها..حاولت تتكلم لكن ماقدرت..
راجح همس بأذنها\ليـــش مستعجلة..؟؟
رشا بعبرة\ابـ ابعد عني..
راجح\نـــاسية اني زوجك..؟؟
رشا\زواجنا كان بشروط..اتركني..
راجح\بس انا ماوافقت على شروطك..
رشا\طلقني..
لفه عليه وقرب وجهه من وجها وعيونه مثل الشرار..
راجح\مــن بكره راح يتغير كل شيء..
بتنزلي بجناحي هنا..ماتطلعي الا معي وسفر معي وبس..
انسي اخوانك وانسي تأخذي شورك من راسك أو من غيري..
حاولت تبعده عنها وهي رافضة لكل كلامه..
رشا\صارلنا سنتين على هـ الحال وش اللي غير رأيك؟؟
راجح\كنت اظنك راح تعقلي وتتنازلي عن شروطك اللي ماترضي الله ولا ترضيني..
رشا دفته عنها\شروطي قبلت فيها..زواج ع الورق عشان ولدي يظل معي ومع هله..
راجح\وشرطي...؟؟
رشا\ما أذكر انك ذكرت شروط..
راجح ينام جنب غازي ويبوس راسه..
راجح ببرود\شرطي اني تزوجتك ابي عيال..
أنا نفذت شروطك بس انتي مانفذتي شرطي..
رشا مفجوعة\هذا الشرط ما انذكر وأنا ماوافقت عليه..أنت مو صاحي..
راجح يغمز لها\بلى صاحي تبين اثبات..
رشا\مالي كلام معك..اخواني يفهمونك الحكي عدل..
قربت منه مدت يدها تسحب غازي من جنبه..مسك يدينها وسحبها سدحها عليه..
صرخت رشا بكلمة وحدة\سعــــــود..
راجح تجمدت يدينه عليها وضمها له أكثر حتى تأكد من انه ألمها من صوتها..
راجح بهمس\تعتقدين انك لو ذكرتي اسمه راح أسمح لطيف انسان ميت ينهيني عن شيء ابيه..
سعود مات الله يرحمه..زوجك هو راجح..اياك اسمع اسم سعود على لسانك مرة ثانية..
ان حبيتي تنامي سليمة في ليلتك الاخيرة بعيد عن زوجك اخرجي من الغرفة في دقيقة..
رفعها عنه وهي طلعت من الغرفة وشهقاتها ترن بأذونه..
تركت غازي عنده وهربت لجناحها ..

كيف يبيني أعيش معه زوجه..كيف ينسى ولد أخوه..
تزوجته عشان غازي وبس..ابيه يتربى مع أهله..
باقول لغازي يطلقني منه هذا مايفي بشروطه..
عادي غازي يصير عم ولدي بيربيه وماراح يحرمني منه انا اخته مابيقهرني في ولدي..
وهذا الراجح يولي ويطس عن حياتنا..
حست برعشة بجسمها لما تذكرت ضمه لها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛

25 - 12 - 2021, 01:52 AM

صحت توضت وصلت الفجر ماقدرت تنام من الخوف ..
مع انها أكدت لنفسها انه مايقدر يسوي لها شيء لانها راح تهرب اليوم وتنام بغرفة امه..
رضت امه او مارضت مو كارهة نفسي أنا أظل مع هـ المتخلف..
لبست بنطلون اشترته لها صوفي لما هربتها من المزرعة..
ماكانت مقتنعة فيه لانه برمودا..لبست بوت طويل ابيض لتحت الركبة بشوي وهذا بعد من اختيار صوفي..
بعد ما رمت جزمة هديل من شباك السيارة وهي تنتقد هديل..
لبست بدي اسود وقميص أحمر غامق..
ولفت حجابها عليها وتركت جزء تتلثم فيه..

فزت لما سمعت دقه على الباب وصوته الساخر..
غازي\اطلعي اكوي قميصي ليش عفستي ملابسي؟؟
هديل\عسى المكوى يحرق يدينك..انت رتب عفيستك..
غازي\ياقــــــــوية..أقول اطلعي ولا والله اطلع مع الأهل وأحبسك هنا..
هديل بكذب\ما ابى أطلع..
غازي\براحتك بأرجع في الليل وانتي خليك لحالك..
بعد دقايق طلعت من الغرفة وهي لابسة البالطو..
كان جالس على الكنبة يفطر ويشاهد التلفزيون..
هديل بتهديد\اذا ضربتني بأقول لهم يتصلون في الشرطة وأتهمك بالارهاب والقتل والله..
غازي يشرب قهوته\خوفتيني..اجلسي افطري مانبي نتأخر عليهم..
هديل\ما ابى..
غازي\طيب بس لا أحد يزعجني ويقول جوعان..
هديل\ما ابى منك شيء ابى اطلع من هنا بس..
غازي\بتطلعي لكن بترجعي ..
لبس جاكيته فتح الباب وانتظرها تخرج قبله..
طقت لثمتها على وجها وهي تتحداها يمنعها..
كانت شوق واقفة في الممر تنتظر رشا لما شافتهم طالعين..
سلمت على غازي ونظراتها على هديل نظرات احتقار وكرهـ..
غازي\وين راجح باقي ماطلع؟؟
شوق\كلمته الحين يجي غزوي معه..
غازي يبتسم\مارجعه..
شوق تضحك\ههههههههه لا قال رشا تجيه بس هي مارضت تروح..
غازي\يا الله نادي امي ورشا مانبي نتأحر..
شوق\اوكى بس جيب غازي رشا تبي تبدل ملابسه..
غازي\باروح أجيبه..رسل تعالي..
مشى ولاسمع كلام شوق لهديل..
شوق\ياجارية لاتحملي من أخوي مايشرفنا خلط الأنساب..
هديل\[مايلفظ من قول الا لديه رقيب عتيد]

تركتها تسب وتلعن ومشت على خطى غازي..
شافته راجع لجناح امه وأخواته وقفت بمكانها مو قادرة ترجع معه..
أكيد بينقال عني مثل هـ الكلام..مو نايمة معه بجناحه..
مو يضمني قدامهم ويلمسني بكيفه..
ليــش مايشكون ويسبون..ليش مايحتقروني..
في النهاية انا جارية عنده وهذا رأيهم كلهم..
نزلت راسها بأسى ومسحت دمعة قهر..
راجح\رسل؟؟!
رفعت راسها وانصدمت من الشخص الواقف قدامها..
همست لنفسها بخوف يشبهه بس مو هو..
طويل مثله ضخم ويخوف..
حتى حواجبه معقودة مثله..ماكان باين منها الا عيونها..اللي وضحت خوفها..
ناظرت حولها تدور على غازي بس ماشافته..
خافت أكثر ورجعت خطوه على ورى..
راجح\لاتخافي أنتي رسل؟؟
هديل\ لــ لا مو رسل..
راجح\أجل هديل..؟؟
غازي بحدة\لا رسل..
ناظرت وراها وشافت غازي بالرغم من خوفها منه الا انها ارتاحت لوجوده..
المهم ماتظل لوحدها وخصوصاً مع هذا الغريب..
وقفت ورى غازي وهي منزلة راسها..
غازي\هذا عمي راجح يا رســــــــل..
راجح\كيفك يا رسل؟؟

ماردت عليه اختنقت بالهواء والعبرة..
أختنقت من القهر ومن الخوف..كانت تتمنى لو تصرخ فيهم..
أنا مو رسل أنا هديل..بس هي أضعف من انها تتحمل غضب واحد منهم..
فكيف لو عاقبوها اثنينهم وعنفوها..
طلع معه عمام وعزوة..آآآآه ياعمي علي دل ابوي علي وتعالوا..
حتى عمه الحين يقول عني نفس كلام شوق..بيحتقرني مثلهم..
ياويلي بيتكلمون الناس على سمعتك يوبه..
الله لا يطلعهم من ذنبي ولا يحلهم..
تبي تبكي وتصرخ بس مو قادرة تتمنى ترجع غرفتها وتحبس نفسها وما احد يشوفها..

غازي\أعذرها البنت سحاوية..
مشوا قدامها وهي ترددت بخطواتها..يتمصخرون علي يقول سحاوية..
ومن وراي يقولوا حقيرة..الله لايعلي قدركم ويقهركم بذنبي..
أكرهـــــــــــــكم أكرهــــكم..
انتبه لها غازي ورجع عندها..
غازي\كلهم نزلوا ليش ماتمشي مع الناس؟؟
هديل بعبرة\ما ابى أطلع رجعني غرفتي..
غازي تفاجاء\ليـــش؟؟
هديل\والله ما اهرب اليوم بس رجعني ما ابى اطلع معكم..
غازي\وش فيــــك؟؟
هديل بقهر\مايخصك ما ابى اطلع معكم مو غصب..
مسك يدها بقوة وسحبها وراهـ غصب عنها..
غازي\تطلعي غصب عنك ومو برضاك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

وصلوا للمدرج الروماني الشهير [ الكولوسيوم ]دخلوا بعد ماحان وقت دخولهم..
لأنو مايقدر احد يدخل الا ببطاقة وعلى حسب دوره..
دخلوا جوات المدرج وبالنسبة لشخص اول مرة يشوف هذي الاثار كان لابد ان تخطف انظاره..
لكن بالنسبة لهديل ما اثارتها ولا احدثت عندها اي اهتمام..
كانوا بالمدرج الثاني راجح طول الوقت ماسك يد رشا رغم عنها..
تجاهل غازي تصرفات راجح لأنه متفق معه بأنه صار الوقت بأن تعيش رشا مع راجح..
شوق متكفلة بالكاميرا تصور كل شيء ومن كل الزوايا..
جمعت شوق العائلة كلها وطلبت من احد السياح يصورهم..
بينما هي كانت واقفة بعيد عنهم وتداري دمعتها لاتنزل وتفضحها..
مع انه باين على عيونها اذا احد ناظرها بيشوف دموعها..
غصب عنها تحولت نظراتها عليهم وهم يتصورون مع بعض ومتفردين..
رفعت عيونها لآسرها ومالكها..
كان لابس نظاراته الشمسية ولا تدري انه يناظرها..
لحتى نزل نظارته شوي عن عيونه وبكذا عرفت انه شاف نظراتها لهم..

صور معي خايف يجي يوم وتموت..

ياشين هــآلكملة ولو هي حقيقة

لو ما تعوّض هالصور غيبة الصوت

على الأقل يذكر رفيقن رفيقه ,,

لفت بجسمها عليهم وناظرت بالسماء تمنع دموعها من النزول..
راقبت السياح بكدر..يبتسمون لـ الصور..
فرحين بتواجدهم بهذا المكان..مبسوطين مع أصحابهم وأهلهم..

كان فيه أشخاص يلبسون اللبس الروماني القديم ويجولون بالمكان..
السياح صوروا معهم وطلبوا معلومات عن هذا المكان..

حست بيده على كتفها غمضت عيونها بألم ..
نزلت يدهـ بقهر وصدت عنه..
واللي قهرها زيادة الكلام اللي نطق فيه..
الـــــــــــــــــــى متى اهانـــــــة..؟؟!

غازي\تدرين ان الجواري أنوجدوا في العصر الروماني بكثرة..
كان القيصر يستبيح أكثر بنات روما خصوصاً العذارء..
بينما حاكمات روما كانوا يصابون بالذل والقهر..
بعد مايمل القيصر من جاريته يقتلونها الحاكمات..كانتقام لكرامتهم..

لفها عليه وناظر بعيونها..
ما استغرب نظراتها الحاقدة..
بس تسأل وش سبب الدموع اللي مو راضية توقف من خروجهم من الجناح..
وفي السيارة وفي صف انتظار دخول المدرج..
سحب نظاراته من على عيونه وحطها على عيونها بهدوء..
غازي\ألحين ابكي ولا احد يشوف دموعك..

أنت مؤلم ..أنت جاني..
أنت ما ظنك تعاني..

أنت جرح بيوم أسود..
أنت جبــــار وأناني..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

رشا\وين موديني اترك يدي ماباروح معك..
راجح\انا علمتك من امس كيف راح تكون حياتنا..
رشا بقهر\وانا قلتلك طلقني..
راجح\لو ماكنا بين الناس كان وريتك شغلك..
رشا بصوت عالي\غــــــازي..
راجح\تهدديني بأخوك..خليه ينفعك..
نزل الدرجات بخطوات ثابته وهي تتعثر بخطواتها..
زلت رجلها وكانت بتطيح بس هو مسكها وثبتها..
راجح\وألحين امشي مزبوط..
رشا\ما ابى امشي بأرجع ولدي لحاله..
راجح\ولدك مع شوق انا وصيتها عليه..
رشا\النذلة متفقة معك..
راجح\مو محتاج مساعدتها..

خرجوا من المدرج الروماني وهي تحتج وتعاند لكن هو مااهتم بكلامها..
راجح\اممم الجو حلو مو لازم سيارة..تعالي نمشي..
رشا\راجح الله يخليك تصرفاتك ماتغير شيء بوضعنا..
راجح\يعني عاجبك الوضع اللي احنا فيه؟؟
رشا\ايه عاجبني انا مرتاحة كذا..
راجح\مرتاحة انك عايشة في بيت غريب عنك ومخليه بيت زوجك؟؟
رشا بقهر\أنا عايشة في بيت أخوي لاتنسى..
راجح\أخوك بالرضاعة وبس..
رشا\المهم بيت أخوي..
راجح\وأنا زوجك ومابتعيشي الا في بيتي ومعي انتي وولدك..
رشا\خلاص ماراح اعيش عند غازي باعيش في بيت أخوي طالب..
راجح\تدرين وين المشكلة؟؟
رشا\انت..
راجح\لا انتي مصدقة اني اخذ رايك..بينما انا ابلغك باللي راح يصير..
رشا\ماتقدر تجبرني على شيء بأتصل بطالب اخوي وهو يتفاهم معك..
راجح\ماتدرين ان طالب في ايطاليا؟؟قوليله واشوف وش يقدر يسوي..
رشا\طالب هنا؟؟
راجح\ايه وصل معي امس لكن عنده شغل يخلصه بميلان وراجع هنا..
رشا\غازي يدري؟؟
راجح\ايه يدري..لكن شوق ماتدري خليه يفاجئها..
رشا\تستاهل يصير فيها مثلي..
راجح\وانتي وش صار فيك؟؟
رشا\أنفجعت ماتوقعت أشوووفك..
راجح\من حقك تنفجعي لانك ناسية اني زوجك..من الليلة راح تتذكري..

غازي\يا الله لازم نرجع الفندق ورانا مشوار لـ السفارة..
راجح\موضروري تاخذ الحريم معك..
أم غازي\زوجة السفير مكلمتني لازم نروح كلنا وخصوصاً غازي الصغير..
راجح\الله معكم...

وصلوا الفندق وكلن على جناحه يتجهزوا للمشوار..
كان جالس على الكنبة في الصالة ناداها تجي عنده..
غازي\اجلسي..
جلست بدون عناد..
غازي\اذا أخذتك معي السفارة بتظلين بنت عاقلة..ولا بتحاولين تسوين شيء غلط..
هديل\راح اكون عاقلة وأطلب منهم يتصلون بأهلي..
غازي\توقعت هالشيء..طيب واذا تركتك هنا لوحدك بتهربي..
هديل\ايــــــه..
غازي تنهد\جنيتي على نفسك..
هديل بخبث\في الحالتين انت مجبور تاخذني معك..
غازي يشرب عصير برتقال واشر لها على كاسها..
غازي\تفتكري اني مجبور..
هديل\ايـــــــــــــه..ان تركتني فضحتك بالفندق وقلتلهم يتصلون باهلي..
وأن اخذتني فضحتك بالسفارة وقلت لهم يتصلون باهلي..
غازي\واذا ظليت هنا ومارحت السفارة..
هديل تشرب عصيرها\عادي باهرب في يوم ثاني..
غازي\مثل ماتحبيــــــــــــــن انا حذرتك بس انتي مو راضية تسمعي الكلام..
طنشته وطنشت تهديداته وناوية تقهره ولو شوي مثل ماقهرها..
دخل الغرفة وبدل ملابسه بعد دقايق خرج وهي جالسة بمكانها.
غازي\لساتك مصرة على رأيك..
وقفت بترنح وهي ميتة من الرعب..
هديل\وو..ش صــ ـار؟؟
غازي يقرب منها\وش فيك؟؟
هديل\دايـــ ـخة ..
غازي\لاتخافي راح تنامي لحتى ارجع مابيصيرلك شيء..
هديل تحاول تستوعب كلامه وهي تحس بالخدر في كل جسمها..
مشت خطوتين بس ماقدرت تكمل جلست على ركبها وهي تصرخ بيــــأس..
هديل\لا لا لاااااااا آآآآآآه
غازي يجلس جنبها على ركبه ويحضنها..
غازي\هشششش لاتخافي مخدر بسيط حطيته لك في العصير ماراح يضرك..
هديل تبكي\ما ابـــ ى انام ما ابى لا لا..
غازي\عمي راجح بيكون قريب من هنا وصيته عليك..ماراح تصحي الا لما أجي..
هديل وعيونها تتسكر غصب عنها\لا تخليني لاتــ ....
شالها من على الأرض دخلها غرفة النوم وسدحها على السرير وغطاها..
باسها على خدها من دون ماتدري لانها غفت عن العالم تماماً..
شال المفتاح من على باب غرفة النوم وحطه بجيبه..

خرج من الجناح وقفل الباب ...

الى الملتقى يوم الجمعة بعون الله..

لاتحرموني أرائكم فهي تهمني..

كونوا بالقرب من هنا ..

كونوا بخير..

صدووود’’’

25 - 12 - 2021, 01:53 AM

البارت الثامن والعشرون...

فيم العناء
..
جميع المطارات عندي سواء

جميع الفنادق عندي سواء

و كل ارتحال قبيل الشروق

و بعد المساء

سواء

و كل الوجوه

تطاردني عند كل وداع

تلاحقني عند كل لقاء

سواء

ففيم العناء؟

* * *

أفيق مع الفجر

أشرب شاي الصباح

أسير إلى عنابة الأمس و اليوم

حيث تسيل الدماء

أصافح نفس الأيادي المليئه

بالعطر و المكر.. ألمح نفس الرياء

و نفس الخداع

و نفس الغباء

ففيم العناء؟

ففيم العناء؟

المرحوم غازي القصيبي,,,

كانوا بالاصنصير الارتباك باين على شوق..
رشا حاولت تفهم وش فيها لكن هي كانت تبعد عيونها عن رشا خايفة لاتكشفها..
رشا بطفش\تراك خوفتيني وش صاير معك؟؟
شوق\نعسانة وبأروح أنام بس..
رشا\عساك ماتكلمتي ..
شوق\وين غازي؟؟
رشا\مع غازي..
شوق\احـــم رشا لاتزعلي مني..تراني عبد مأمور..
رشا بشك\وش مسوية؟؟
شوق تمشي بسرعة باتجاه جناحهم\ولا شيء تصبحي على خير..
رشا\طيب اصبري وش فيك تركضين؟؟
شوق دخلت الجناح وقفلت الباب وراها بسرعة..
بينما رشا صرخت برعب لما حست بيدين تكتفها وتسحبها بعيد عن جناحها..
صرخت برعب لكن صرختها ماتت لما انحطت يد على فمها تمنعها من الصراخ..
حاولت تخلص نفسها من اللي سحبها ودخلها بمكان وقفل الباب..
ثبتها على الجدار وهو موثق يدينها..
رشا تنادي وهي تبكي\غــــــازي..راجـــــــــــح..
راجح بهمس\لبيــــــــــــــــه قال راجح..
رشا بصدمة\ر راجح..؟؟!
راجح يمسح دموعها\ايـــه راجح..
رشا تصرخ فيه وتضربه على صدره تبعده عنها\يامتــــخلف ياتافه كنت باموت من الخوف..
راجح يبتسم\ياقلبه اللي يخاف..
رشا بعصبية\انت مو مراهق ليش تتصرف بها الشكل؟؟
راجح\وين غازي؟؟
رشا\مع أمي..
راجح\حلوو خليه ينام معها الليلة وخلينا نتفاهم..
رشا\مافيه شيء نتفاهم عليه تصبح على خير..
مشت تبي تطلع من الجناح..لكن راجح قفل الباب وشال المفتاح..
سحبها بقوة وجلسها على الكنبة..
راجح بحدة\لما أتكلم معك ماتديري ظهرك وتمشي فاهمة؟؟
رشا\وأنا قلتلك ما ابي اتكلم معك..اخواني موجودين تكلم معهم..
راجح\ما راح يتدخل اجد بيني وبين زوجتي..
رشا\طليـــقتك..طلقني..
راجح\مبطية عظم..
رشا\انت وش تبي..؟؟
راجح\اطالب بحقوقي كزوج..وقبل لا تثوري وتمني بنفسك وتأخذي مقلب..
حقوقي كـ ولي أمرك ومسئول عنك..أنا سمحتلك الفترة اللي طافت تعيشي مع اخوانك بكيفك..
لكن الحين تعيشي معي وتحت ظلي..رضيتي او رفضتي..
ماني عجزان عنك وعن ولدك..حطي عقلك براسك ولاتحديني على القوة..
رشا\وش اللي راح تستفيده اذا عشت معك في بيتك؟؟
راجح\أنتي زوجتي وملزومة تعيشي معي..وأنا ماني ملزوم أبرر قراري لك او لغيرك..
رشا\لا ملزوووم مادمت انا مو راضية اعيش معك..
راجح\طيب يارشا هذا الجناح ماراح تطلعي منه الا باذني ومعي..
ماراح ترجعي السعودية الا معي..ومابتعيشي الا في بيتي..
ورددي رايك ورفضك لحياتك معي قد ماتقدري..ماراح يفيدك الكلام بشيء..
رشا\لايكون مفكرني مقطوعة ومالي اهل تستقوي علي؟؟
راجح\أنتي زوجتي واللي فيه خير يفتح فمه بكلمه..
توجه لغرفة النوم لف وناظر فيها..
راجح\على فكرة ملابسك وأغراضك بغرفتي اذا حابة تبدلي ..
رشا بفزع\كيـــــــــف ملابسي هنا؟؟
راجح\جابتها شوق بأمر مني..عندك اعتراض لاسمح الله..
رشا\ايـــــــــــــــــه انت وبنت اخوك مالكم حق تتصرفوا معي كذا..
راجح\تصبحي على خير..نامي بالمكان اللي يريحك المهم بجناحي..
تركها واقفة بالصالة ودخل غرفة النوم بدل ملابسه ونام..
مرت ساعتين وهي جالسة بمكانها تفكر وش تسوي معه عشان يطلقها..
مر في بالها غازي كانت بتتصل عليه لكن غيرت رأيها لأن الوقت متأخر وأكيد هو نايم..
بكره ألقاه وأطلب منه يبعد عمه عني..
توعدت بشوق ومعاقبتها على اتفاقها مع عمها لحبسها بها المكان..
فسخت البالطو تبعها انسدحت على الكنبة ونامت وعيونها على باب الغرفة تخاف لا يطلع ويشوفها نايمة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛

ظــــلام هدوووووء لا كوابيس ولا اوهام..
لم تنم منذ دهر بهذه الراحة..لا تستيقظ بين الساعة والساعة مراقبة لمحيطها..
او تتأكد من اقفال باب غرفتها مرتين..
لا تركز نظرها على الشباك فتتوهم الاشكال من جذوع الشجر..
طمئنية وراحــــــــــة شعور غريب شعرت به في احدى الايام البعيـــدة القاسية..
وهاهو اليوم يعود لتشعر به من جديد..
وبلحظات انقلب الحال شيء ما يضغط على صدرها يمنعها من التنفس..
عظامها تكاد تسحق بالفولاذ..تأوهت بألم ترتجي السكينة من جديد..
شيء غريب يحدث معها لم يستطع عقلها ترجمته وفهمه..
هواء دافىء يدخل بأذنها بأحرف مبهمة في غيبوبتها..
عيناها خدودها شفتيها تتقد بنار حارقة لاتعرف مصدرها..

أتلوموني بحبها إنها شهيه كـ الحلوى ..طفلة تختبئ بمعطف أنثى
لم أستطع منع نفسي من إحتوائها ومداوات أوجاع العيد ..!
هي خطر على قلبي وروحي عند الأقتراب مع هذا وجدت اني كـ المراهق
عندما يستهويه أمراً ما ..!
قبلتها حتى أسكرتني ببراءتها ..ولكي أثبت لها مدى تملكي ..!

..قديسة الضوء..

فتحت عيونها بتعب والرؤيا مو واضحة لها..
حاولت تركز وتستوعب وش يصير معها..
لكن الصداع اللي يضرب راسها والنغز الموجع بعيونها مو مساعدها ابداً..
رفعت نفسها عن وسادتها ببطء..
لكن رجعت لمكانها غصب عنها ورجع الضغط على عظامها أقوى..
فضلت ترجع لـ الظلام وترتاح فيه..غمضت عيونها بتعب واستسلمت لـ النوم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛

صحت بعد ساعات لا أثر لـ الصداع ولا الم في عيونها..
وكما يحدث دوماً لما يصحى الشخص يكون بحالة عدم ادراك للي حوله..
ومايتذكر آخر شيء صار معه الا بعد دقائق..
لكن هديل في ثواني أدركت اللي صاير معها وانها مو لوحدها بفراشها..
بسبب اليد اللي على خصرها..
صرخت بحدة وفزت جالسة برعب ولامة نفسها..
غازي\صـــح النوم..
التفتت عليه وهي ترجف وشاحب لونها..
غازي\المفروض نمتي كم ساعة بس..
لكن شكلك كنتي تعبانة وماعرفتي النوم من سنين..

هديل تذكرت المخدر اللي نومها فيه أمس..
وبنفس الوقت ادركت انها ماحست بنفسها من هذاك الوقت..
يعني كانت فاقدة الوعي ومخدرة الى هالساعة..
همست بخوف\أنـ ـا وش صــار فيني؟؟
غازي\ماصار شيء..
هديل صرخت فيه\أنت وش تسوي نايم هنا؟؟كيف سمحت لنفسك تنومني ياحقير؟؟
غازي\نايم بغرفتي..ونومتك لاني ما اثق فيك..
هديل\غرفتك بجهنم ياواطي..مايحق لك اللي تسويه مايحق لك..
ليش خليتني اغفى عن نفسي؟؟كم صارلي غافية قوول كم؟؟
غازي\من 9 المساء الى8 الصباح..
هديل تناظر في نفسها وتناظر فيه..
هديل\وش سويت فيني؟؟
غازي مستند على ذراعه\ضميـــتك..وطول الليل وانتي نايمة بحضني..
هديل تصرخ\وش سويــــــت فيني؟؟
غازي يبتسم\الباقي ما باقول توك صغيرة على هالكلام..
هديل شهقت بقوة وماقدرت تتنفس من بعد كلامه..حاولت لكن ماقدرت..
حطت يدها على صدرها تحاول تخفف من ضيق التنفس اللي اصابها..
لكن الضيق اشتد عليها وشهقاتها تزيد أكثر..
وفي لحظات اختفى اللون من وجها مع زيادة شهقاتها..
جلس بشكل سريع وسحبها له بقوة..
غازي يحضنها\ماصار شيء يامجنونة اهدي..حاولي تتنفسي..
هديل غرزت اظافرها فيه وهي تشهق اكثر..
غازي\اهدي خلاص قلتلك ماصار شيء..
هديل\كـ كذ ا ب.
غازي\والله أنتي بخير..
هديل تتنفس وهي تبكي\سألتك بالله لاتكذب علي وش سويت فيني؟؟
غازي\ولا شيء..
هديل بنحيب\سألتك بالله..
غازي يعترف\ضميتك بوســـتك سولفت معك بس..
هديل بقهر\الله يأخذك يا حيوان أستغليت فقداني ياحقيييير..مريـــض معقد..
بعدت عنه وضربته على صدره ورقبته ووجه كانت تصرخ وتسبه بكل كلمة تعرفها..
كل ما مسك يدينها أفلتتهم منه ورجعت تضربه اكثر..
هديل بقهر\بأذبحك ان لمستني والله أذبحك..رجعني لأمي رجـــعني..

وقفت وبعدت عن السرير كانت جزمته على الأرض شالتها ورمتها عليه بقوة بس ما اصابته..
انتبهت عليه يوقف ويقرب منها شالت الثانية ورمتها عليه وهالمرة صابته في كتفه بقوة..
ركضت تبي تطلع من الغرفة لكن هو مسكها ولوى يدها ورى ظهرها..
ومسك شعرها بيده الثانية..
غازي\متوحشة يـ القطوة..
هديل\اتركني يانذل ياتافه يامتخلف..
غازي لصق خدها على الجدار وقرب من اذنها وهمس لها بصوت حاد..
غازي\هو صح انا ماسويت أكثر من اللي قلته..بس هذا مايعني اني مو ناوي..
أبيك تكوني صاحية وواعية يــــادمعة..حتى بنومك تبكي..
هديل صرخت بيأس وكأن الصراخ ممكن يبعده عنها ويحميها من تهديده..
أو يخفف من يدينه عليها..
غازي\خلصي نفسك مانبي نتأخر على راجح...
هديل\ما اروح معك ولا امشي خطوة وحدة ياتراب..
بعد عنها وتركها تتوعد انها ماتروح معه ولا تظل اكثر من كذا..
قفا عنها غير مهتم بهيجانها وصراخها..
الى الآن ماسيطرت على أعصابها ولا هداء خوفها..
أخذت جواله من على الطاولة وكانت راح ترميه عليه..
لكن اخفته بسرعة في بنطلونها قبل ينتبه عليها..

ناظرها فجئة مستغرب من سكوتها المفاجىء..ولاحظ الارتباك بعيونها..
ركز عيونه على عيونها بس هي هربت من الغرفة بسرعة وجلست بالصالة تنتظره يطلع من الغرفة..
خرج وهي دخلت أخذت ملابسها ودخلت الحمام غسلت وبدلت وعيونها على الجوال..
فتحته لكن تفاجئت انه مقفل برمز..سبــــــته أكثر من مرة..
كان المفروض اتوقع هذا الشيء منه أكيد مقفله عشان اذا اخذته ما اقدر افتحه..
خبته في صدريتها مابقى الا حجابها والبالطو تبعها قررت تلبسها في الغرفة لانها خايفة يظهر شكل الجوال..
بالرغم انه مو باين عليها لكن هي من الخوف تحس انه باين شكله..
خرجت من الحمام بحذر وتوجهت لدولابها تطلع حجابها..
صرخت بتعب لما حست بيدينه على خصرها ويضغط عليه بقوة..
مثل ماسوى فيها بالمزرعة لما كانت لابسة السكت رولز..
غازي\ويـــن حطيتي الجوال؟؟
هديل ماردت عليه الا بآآآآآآه بصوت مكتوم..
غازي بحدة\ويـــــــــــــــــــنه؟؟
هديل بتعب\مــ و معــ ي..
غازي شد على يده وهي انحنت على ورى لحتى لصقت فيه..
هديل\مو معــــ ....آآآآآآهـ
سدحها على الأرض وفتش جيوب بنطلونها بس مالقاه..
كانت منحنية على بطنها بألم..
مد يده على صدرها ولما حس بوجوده..مد يده لصدريتها وطلع الجوال..
ماحاولت تمنعه بسبب الألم اللي كانت تحس فيه..
غازي\متى تكبريــــن؟؟أفكارك مفهومة ومتوقعها..
جوالي اختفى أكيد مافيه غيرك اخذه..
مع اني مأمن انك ماتقدري تستخدميه..
مابيتعب غيرك هنا ولا راح يشقى الا جسمك وقلبك..
وأنا دائماً أحذرك بس أنتي ماتفهمي..
اللي تبينهم نســــــوك أنسيهم ..
مالك غيري أنا..
خرج من الغرفة وتركها مسدوحة على الأرض تتألم وتمسح دموعها..

مـــاأقساك يــــارجل ..
تريدني ان أتذكرك ...

بمـــــاذا ..؟؟؟

بعـــــذابك ...
أم
بقســــوتك ...

ببــــرودك ...
أم
بأنانيتـــــك ...

كل هذا لا شــــئ عند ...

ضربــــك لــــــي ....

يالـ السخرية ....

جعلتني أضحك وكلـــي قهــــر ...

كيــــف لي أن أتذكرك ...
وأنت لــــي الخــــوف ...

والضيــــاع والقهـــــر ...

بأختصار ...

صفحة سوداء بحيـــــاتي ...

..نور الليالي..

<<<<<<<<<<<<<<<<<<<<<<<<<<<<<<<<<<<<<<<<<<<<<<

كان جالس بالصالة ينتظرها تطلع عشان يفطرون وبعدها يطلعون لمشوار هو مخططه لهم..

خرجت وهي مبدلة ملابسها ومتحجبة..
راجح\حياك ياعروس أفطري..
رشا\الحمدلله عليك بالعافية..
راجح\فكرتي تعقلي؟؟
رشا بابتسامة سخرية\تصدق كلامك معقول..لكن مو مقتنعة فيه..
راجح\مو ضروري تقتنعي..
رشا\كلمت طالب وهو يتفاهم معك..
راجح\لاتدخلي أحد بينا..تبين نتفاهم نتفاهم..
بس اذا فكرتي ان اخوانك بيقدروا يغيروا قراري..
فأنتي غلطانة ما احد يجبرني على شيء..

سكتت لأنها مو قادرة تواجهه لوحدها ولا تقنعه بوجهة نظرها..
راح تقول لاخوانها يتكلموا معه..رضى او مارضى..

<<<<<<<<<<<<<<<<<<<<<<<<<<<<<<<<<<<<<<<

25 - 12 - 2021, 01:54 AM

<<<<<<<<<<<<<<<<<<<<<<<<<<<<<<<<<<<<<<<<

الجدة\لو أجلوا الزواج احسن..
أم علي\والله توقعت ياجلونه بس هم قدموا الموعد..
الجدة تناظر بغادة اللي نزلت الدرج وهي لابسة فستان أخضر داكن..
تسريحة بسيطة تاركة شعرها الطويل مسدول..
وحاطة طوق من الورد الابيض الطبيعي على لفات بسيطة من خصل شعرها..
الجدة باستغراب\غادة وين رايحة؟؟
غادة بهدوء\زواج سهى..
ام علي\تبين تروحين الزواج..؟؟
غادة\ايـــه يومه سهى بنت عمي واكيد بأحضر زواجها..
الجدة\يابنتي ماله داعي تحضرين..الناس بيتكلمون عليك..
غادة\يتكلمون ..وش يقولون؟؟
ام علي\المفروض كان زواجك قبل أيام بولد عمك..
مايصير تطلعي وكأن مافيه شيء صار..
غادة بثقة\فعلاً مافيه شيء صار..وأنا ماراح احبس نفسي بالبيت عشان الناس..
زواج بنت عمي وبأحضره..واذا في الموضوع عيب فهو مايلحقني..
العيب مايلحق الا الناس العايبة..وثقتي بنفسي مايهزها ريح..فمابالك بمسمى رجل..
أم علي\خلاص يومه لا انا ولا انتي نحضر ومعنا عذرنا..
غادة\والعذر..مكسورة بعد مارفضها ولد عمها..ولا لها وجه تشوف الناس.
لايومه أنا اللي حقرته لانه حقير..والزواج بنحضره انا وانتي..
الجدة\عساني ما ابكيك يا الغبراء والله انك بنت رجال..
ايه يومه لا توزني بكلام الناس..ولا تضايقي بالك..
غادة تبوس راس الجدة\خليهم يتكلمون والشمس مايحجبها غربال يومه..
علي\جعل من حكى فيك يظلم يومه بليله..
غادة\جعلك سالم يا ابو عبدالله..
علي\وش هالزين يامشاء الله توني اعرف انك حلوة..
ام علي بغصة\فديت بناتي من اجمل بنات حواء..
غادة\فداك الكون وسكانه يالغالية..
علي\لا يومه الزين ماهو حولهم بطلة ام عبدالله لبى الزين ياعرب..
حنان بخجل\تسلم يا الغالي..
الجدة\با الله الا قايم تبوسها ياللي ماتستحي..
علي قايم\أفا يالعلم ما اردك وانا ولد أبوي..قربي يا مره..
حنان بتهديد\علي امانة لاتفشلني في هلك..
علي\شفتي يومه لو ماحلفتني ماخليتها في خاطرك..
غادة\ههههههههههههه ماصدق خبر ..
أم علي\يا الله ياعلي مانبي نتأخر أنت بتوصلنا الفندق..
علي\ايــــه يومه انا..لكن بشرط..
حنان\وش شرطه الحين؟؟
علي بخبث\الجدة تجلس ورى وحنونتي قدام معي..
الجدة عصبت\تهبي يالخسيس ما اجلس الا قدام وانت وحرمتك بالدبة..
علي\ههههههههههههههههههههههه تبين تسوقين يا ام حسين..
الجدة\ايه اسوق قدامي السيارة لا بالعصا بين جنوبك..
حنان\هههههههههههههه يومه الله يسعدك لاتصدقي كلامه..أنتي قدام على طول..
غادة\يومه اجلس جنبك قدام؟؟
الجدة\نعنبوا غيركم تبون تهاوشوني على الشيخة..
الكل ضحك عليها وعلى كلامها ..
علي\مابه احد بيهاوشك على الشيخة يابنت الشيوخ..
يا الله لا تأخروني وراي مشاوير..
حنان\وين عبوود؟؟
علي بتحلطم\ولدك ذبح الذبايح ويقلط المعازيم..
لو تشوفينه كان سكني داخلن فيه..حشى ولا شايب بعمر ابوي..
ام علي\بسم الله عليه..اعوذ بالله من عيونك..عنبوا ابليس لاتنظل ولدك..
علي\بسم الله عليه مير انه يبط الكبد لما يقول ابوي شف ولدك احسن منك..
مايخلي لي فرصة افتخر فيه الا ويمد لسانه بوجهي الملعون من ورى ابوي..
ويضحك علي ان سمع الشايب يهاوشني..
حنان\هههههههههههه ماراح بعيد يشبه أبوه..
علي\يالبى الضحكة ماني مصدق ان ذاك القرد ولدك يالغزال..
غادة\هههههههههههههههههه ماعنده وقت على طول جاهز للكلام..
الجدة\انت بتقضب الطريق بدون كلامك ياللي ماتستحي..؟
علي\حنوو حبيبتي وش رايك نسفط العرس ونروح نتعشاء بمطعم ونسهر لحالنا؟؟
ام علي\ياولد انثبر زواج بنت عمك لازم تكون حاضر..
علي\يادين النبي لازم ينشبون لي بزوجتي..
حنان ماترد من الخجل ولان علي دائما يحرجها قدام اهله..
بس تكون مبسوطة بهواش الجدة له عشان كلامه عنها قدامهم..

وصلوا الفندق والكل نزل ومابقى الا غادة جت بتنزل لاكن انتبهت على وجود شخص قريب من الباب..
ترددت في النزول ولاحظ علي هذا الشيء..
علي بعصبية\تحبين اتوطى فيه قدامك..؟؟
غادة\لاتجيب الكلام عليكم انتوا عيال عم لاتشمت الناس فينا..
علي\والله ياغادة لا اخليه يدفع ثمن كل كلمة قالها فيك الخسيس..
غادة\قل للعقول اللي جهلت مادرت بي ..الريح ماهزتني وهزت جبال
وقل للذيابة مايضر لو حكت بي ..يبطون لا شمسٍ لقوا بي ولا ظلال
علي\لو ما حن بالشارع كان نطيت ابوس راسك..
بس يوم انسجن يومين برد خاطري السجن شوي..
غادة\ولد عمك أستخف يضارب خلق الله..وشله بالدكتور يوم يضربه ويكسر يده؟؟
علي\قلتيها يالغلا أستخف..أنط ابوس راسك..؟؟
غادة\هههههههه الحق لك يا ابو عبدالله..والحين انزل وصلني لـ الباب..
علي ينزل من السيارة ويفتح لها الباب..
نزلت وهو مسك يدها ووصلها لـباب الفندق الخاص..
تحت نظرات ذاك الصنم المنحوت من قهر وربما من الندم..

فسخت عبايتها وطرحتها متجاهلة الرجفة اللي تهزها..
حصنت نفسها وتعوذت من الشيطان ودخلت القاعة..
تمنت وجود هديل معها بها اللحظة..
كانت راح تستقوي بوجودها أكثر..
ماتقدر تبين قدام امها او جدتها اي من خوفها..
مشت بين الناس وهي رافعة راسها..
واثقة بخطواتها وشكلها..
توجهت لـ الطاولة اللي امها جالسة عليها..
لكن فيه من طلع بوجها..
سارة\هلا وغلا بشيختنا...
غادة تبتسم\هلا فيك ياسارة..
سارة تحضن غادة وتهمس باذنها\الله يسعدك ويرزقك بالنصيب الطيب..
غادة\الله يسعد الجميع..مشكورة يا الغالية..
سارة\تمنيتك لراكان لكن الله ماكتب..
غادة\الحمدلله الف مرة على نعمته..
سارة ماردت على غادة..
كنت اتمناك زوجة لاخوي وتسعدينه..
بس جفاكم عن بعضكم حيرني كثير..
الاكيد ماهو هديل وذكراها السبب..
السبب شيء كبير خلا عمي يكنسل الزواج وينهيه..
خيرة لكم..الله يعوضكم بخير..

كانت حاسة بنظرات الكل وتسمع بعض الهمس..
ماكنت راح احبس نفسي واخلي الناس تتكلم وتصدق نفسها..
تدري بصعوبة قرارها وماراح تتراجع..

قربت منها بنت خالتها وسحبتها معها على المسرح..
شغلت الدي جيه أغنية عبد المجيد عبدالله مرتاح ولا يتصنع قلبك الراحة..
ناظرت بسارة وأدركت انها هي اللي طلبت الأغنية لغادة..

غادة ابتسمت لسارة بسخرية والثانية نفس الشيء..
ورقصت بكل ثقة ودلع..
متجاهلة اي شعور ثاني يسكنها بها اللحظة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

تقول الأسطورة ..
أرمي قطعة نقود وان تمنيت أمنية خاصة لك..فقد تتحقق..
وان تحققت تلك الأمنية فأنت ستعود الى هذه النافورة وتتمنى من جديد..
وستعــــــــــــــــــود دوماً..

نافورة تريفي..
كان الجميع متواجدين حواليها ويتاملوا المنحوتات المحايطة بالنافورة..
شوق ورشا رموا حصى وهم يتمنوا يحكموا العالم بشكل ساخر وغير مهتمين بالاسطورة..
غازي وراجح يضحكون عليهم ويقولوا لهم يتمنوا شيء ممكن يتحقق..
شوق\ياهياط الايطاليين يسرقون فلوسنا لما نرميها في بركتهم..
راجح\لاتفضحينا اسمها نافورة مو بركة..
شوق\اللي هي المهم يبون نقودنا الغالية..
رشا\شوق خلينا نطب بوسط النافورة ونجمع كل هذي العملات..
شوق تشمر عن يدينها\وخري وانتي قلتيها..
راجح يمسكها\هههههههههههه يالمجنونة ترى يحبسونك اذا تعديتي على حرمة النافورة..

تركهم غازي وراح باتجاه هديل اللي كانت بعيـــــــــــدة عنهم بالموقع وبالخيال..
غازي\حابة تتمني؟؟
هديل\لا..
غازي\تدرين وش اسم تريفي يشير له؟؟
يشير للعذرية..كانوا بنات روما بالعصور القديمة يجون عند هذا النبع...
ويتمنوا الزواج..والنساء المتزوجات يتمنوا الأمومة والأطفال..
طبعاً هذا كان قبل لاتبنى النافورة كان نبع فقط..
يمكن حابة تتمني الحين؟؟
هديل\ايــــــه..
مد لها بقطعة نقدية وانتظرها تأخذها..أخذتها بأصابع ترتجف..
وظلت تناظر فيها بعدم اهتمام..
رجعتها له وحطتها بجيب جاكيته الخارجي..
هديل بهدوء\أتمنى من ربي بس..وربي مايحتاج فلوسك..
غازي\الحمدلله كل اللي عندي من فضل ربي علي..
هديل\مهما طال الوقت ربي بيحقق امنيتي..
غازي\ممكن تمنحيني الشرف بمعرفة أمنيتك..
هديل\ايـــــــــه أني أختفي من حياتك..
غازي\لو تقلبي الامنية ممكن تتحقق..
لو تقولي أختفي انا من حياتك..لأني أضمن لك انتي مستحيل تختفي من حياتي..

سكتت لأنه شيء مستحيل يختفي من حياتها..وحتى لو دار الزمن وهربت منه..
راح يظل عايش بذاكرتها بأحلامها..وراح تصحى بسبب الكوابيس اللي سببها لها..

تركها ورجع عند راجح والبنات وعيونه تراقبها..

شوق\انتي وين ولدك؟؟
رشا\مع امي..ليش؟؟
شوق\جيبيه أرميه في البركة وأنط وراه يعنني ابي انقذه..واسرق كم درهم..
راجح\ليــــش عفت ولدي يوم اعطيك اياه يالمهبولة..؟؟
رشا انبسطت من كلام راجح\شوفوا المجرمة ماكانك شايفة خير تبي تغرق الولد..
شوق\شوفوا الامر من زاوية ثانية..بأسرق الطليان ..
غازي\فيك خير طبي على بنك ماهو نافورة..
شوق\تخصصي نافورات مو مثلك الله يعافينا ماخليت بنك الا وقاط فيه..
رشا\هههههههههههههه لاتنظلين اخوي..
راجح\شوق اتحداك تدخلي القصر هذا المبني على النافورة..
رشا\أساطير كثير تنقال عن هذي النافورة..بس ماني مصدقة اي وحدة منها..
شوق\ليــش ماندخل القصر..؟؟
غازي\ممنوع السياح يدخلوا القصر لأنه من أروع القصور من العصور الوسطى الى هذا الوقت..
بنوا القصر على نبع ماء وبكذا بنوا هذي النافورة لان النبع يصب فيها..

ام غازي\مامليتوا من مناظر ها الاصنام؟؟تعبت من الجلسة على الدرج لحالي..
رشا\يومه وين غازي؟؟
ام غازي\بسم الله وين راح كان معي الحين..
رشا بخوف\ويـــن راح يومه؟؟
راجح يتلفت\ماراح يبعد اذكري الله..
رشا\ويـــــــــــنه ما اشوفه وين راح؟؟

الكل يتلفتون حواليهم يدورون على غازي الصغير..
حتى ان غازي التهى عن هديل ولا ناظر باتجاها لما كان يدور على غازي..
رشا بدت تبكي وهي تصرخ تنادي على ولدها..
شوق ماخلت قريب او بعيد الا وفتشت بعرباتهم وأغراضهم..
من غير ماتهتم لصراخهم عليها وانتقادهم لتصرفاتها..
ام غازي ماسكة رشا وتدور على غازي الصغير بخوف ..
غازي وراجح طلبوا من السياح البحث معهم عن طفل مايتعدى عمره اربع سنوات..
علموهم بلبسه وشكله..
أنهارت رشا وصارت تسب نفسها لأنها لهت عنه..
راجح قرر يتصل بالشرطة يطوقوا المنطقة..

<<<<<<<<<<<<<<<<<<<<<<<<<<<<<<<<<<<<<

هديل\هههههههههههههه بياكلنا سمك القرش..
غازي\فيه سمكة؟؟
هديل\ايـــه فيها سمكة كبيــــــــــــــرة مثل خالك الدوب..
غازي\سوفي<<شوفي
دخل يده بجيب بنطلونه وطلع حلق صغير ورماه بالنافورة..
هديل\ههههههههههه ياورع لمين هذا الحلق؟؟
غازي\حق سوقة..
هديل\شوقة يعني شوق..
غازي\ايه سوقة..
هديل\قول شوكة..مو سوقة..
غازي\سوكة..
هديل\ههههههههه بالضبط سوكة..تبي ماء..
هز راسه بايه وهي شربته من علبة الماء تبعها..
هديل\تدري وش اللي اكرهه فيك؟؟اسمك..
أنت ملاك ماتستاهل تحمل اسم هذاك الجلمود..
غازي\ماما..
هديل\أمك مدري وينها نروح ندورها؟؟
غازي\نلوح..
...بحقد\ناوية تذبحينه مثل ماذبحتوا أبوه؟؟
هديل التفتت على اللي تكلمها بهذا الحقد..وتنطق مثل هالكلام..
هديل\أنتي وش تخرفي؟؟
رشا\ناوية تذبحي ولدي يامجرمة..هاتي ولدي..
سحبت غازي من يدين هديل بقوة وهي تصرخ فيها..
شوق بكره\لاتمدي يدك على ولد أخوي ولا تقربي منه..
والله اشرب من دمك..
رشا\اسمعي ياحقيرة آخر مرة تقربي من ولدي..
راجح بعصبية\سدي فمك أنتي وهي..البنت ماسوت شيء..
شوق\عمـــي ماتـــ.....
راجح بحدة\قلتلك اكتمي..طسي قدامي عند أمك..
مشوا البنات وتركوا هديل تناظر وراهم باستغراب..
راجح\وانتي تعالي قريب منا..
صدت عنه ونزلت الدرجات الكبيرة غير مهتمة لا فيه ولا في غازي..
وماكان في نيتها الهرب..لانها ماتدل شيء بها المكان..

وصلت لآخر الدرجات ولمحت الأسواق الفخمة والماركات العالمية على الواجهات..
دخلت محل ديور بالرغم من البذخ والرقي بالمحل الا انها كانت حابسة الدمعة وتداريها..
عطورات..حقائب ملابس من ارقى مايكون..
حتى الاكسسوارات الباهضة كانت معروضة بطريقة جداً رائعة..

انتبهت عليه لما دخل المحل ووقف قريب منها..
وهي كانت جالسة على كنبة راقية موضوعة لـ الزبائن..
وقفت وطلعت من المحل بسرعة..
ماتبي تتواجد معه باي مكان..
وماتبي تسمع منه كلمة أو حرف..

وصلوا الفندق دخلت الجناح فسخت جزمتها ونامت على الكنبة بالصالة.وتغطت بجاكيتها..
جلس على كرسي مقابل لها..
كان واضح عليها الضيق..طول اليوم صامتة ولا تتكلم..
وزاد الوضع بعد كلام رشا وشوق لها..
وقف دخل الغرفة ورجع لها..
رفع راسها وحط المخدة تحتها..
وغطاها بالمفرش تبع السرير..

..حط يده على راسها وهمس..

غازي\بكرة بنسافر أنا وأنتي..
تمسي على خير..

كونوا بخير ...

صدووود...

25 - 12 - 2021, 01:55 AM

البارت التاسع والعشرون ...

رسالة من باريس..

وأخيراً ..
هذه مدينة المدائن!
السين ..
والغروب والعشاق والأرض المرصوفة بالقوافي..
والرصيف المصنوع من الفلسفة و أغنية عن الرجل والمرأة ..
الحي اللاتيني وقصة " عصفور من الشرق "
والطلبة والطالبات ..
يفلسفون الحياة ويحيونها حتى الثمالة ..
برج إيفل ..
يثبت للتاريخ أن الأهرام لم تكن حمق الإنسان الأخير..
أسير في الشانزليزية ..
أبحث عن عرس همنجواي المتنقل..
أحاول أن أتقمّص باريس..
أن أتحرر من جسدي المغيّر..
تصحو باريس تحتسي شربة البصل..
في المطاعم الصغيرة ..
وأنا ما زلت في الشوارع..
أبحث عن همنجواي..
أسأل نفسي :
أي باريس أحببت؟
باريس التي رأيت؟
أم باريس التي قرأت؟!

غازي القصيبي

في مطعم توليو الشهير بروما ..
من ارقى وافخم المطاعم الايطالية...
كانوا مجتمعين على طاولة الأكل بعد الغداء..
وكما العادة لم يكن لها وجود بينهم..
لو لم يوثقها ذاك الجلمود بالقرب منه..
وبكرسي ملاصق لكرسيه..
لما تحملت البقاء بالقرب منهم..
تجاهلت نظراتهم لها بين فترة وفترة..
ما اشتركت بالكلام ولا بطرح رأي مع ان راجح حاول يتكلم معها..
لكن هي بينت عدم رغبتها في مشاركتهم اي شيء..
أحرجها لما مد لها الايس كريم اللي طلبه لها..
هزت راسها بالرفض..ألتفت عليها وركز عيونه عليها.
غازي بصوت واطي\نزلي لثمتك وكلي أو أحرجتك..
هديل\ما ابى مالي نفس..
غازي\ايس كريم التارتوفو اروع مثلجات بايطاليا..
هديل\تشرفنا بمعرفتها بس ما ابى..
غازي\أتــــــــــهور..؟؟
هديل خذت الكاس منه بعصبية وحطته على الطاولة..
ماردت عليه وصارت تحرك الملعقة في الكاس ببرود..

مافاتتها نظرات شوق الحاقدة والمحتقرة بنفس الوقت..
شوق\عمي.؟؟
راجح\هلا...
شوق\اذا قابلت شخص خايس وحقيرومافي وجهه سحى وش تسوي فيه؟؟
راجح\أحقره وامشي..
شوق\طيب وان كان هذا الشخص مقابلك في كل مكان وعايش معك؟؟
راجح\اعوذ بالله منه وش ابي في واحد مثل هذا..؟؟
شوق\ماتدري يمكن يكون خادم عندك..
راجح\اذا كان خادم وهذي صفاته الشارع اولى فيه من بيتي..
شوق\فديتك هذا الكلام الصح..حتى الشارع ماظنتي يقبله..

عضت على شفايفها تمنع العبرة لاتطلع..
سبوني وحقروني..عند ربي أنا أخير منكم كلكم..
وقفت ومشت مبعدة عنهم سمعت صوت كانه صراخ بس ما التفتت عليهم..
طلعت من المطعم وحست فيه لما طلع وراها بوقت..
مشت جنبه من دون مايتكلمون..
انتبهت على يده وهو يمد نظاراته لها..
أخذتها منه ولبستها بهدوء..

مشوا لوقت طويل لحتى وصلوا لحديقة فيلا بورقيزي ..
هل حقاً المناظر الطبيعية الرائعة تنسي الشخص همومة..وتنقي ذهنه..
أم تثير أحزانً دفينة تقبع با القلب الملكوم..
لم يغريها ما راته من خضرة وجمال..
لم تجذبها الزهور بألوانها المستحيلة..
اقتربت من احد الرسامين بخجل..
تكلمت بهدوء وطلبت بعض الأوراق..
لم يبخل عليها قدمها لها بابتسامة..

طلبت من غازي بصوت واطي قلمه..
هديل\ممكن قلمك؟؟
خرج القلم من جيبه ومده لها ..أخذته وجلست على احدى الطاولات الحجرية..
لم يقترب منها ..
سمح لها بالبقاء لوحدها والتهاء بمخاطبت الرسام والمفاوضة معه لرسمها..
استغرب الرسام من طلبه وطلب منه ان يخلع حجابها او لثمتها..
غازي\أريــــد عينيها فهما ساحرتين رغم كثرة الدموع..

,,,يارب..
ان لي أحبةً يسكنون أرضك..
فرقني عنهم القدر..
وحرمني منهم البشر..

الهـــــــــــي ,,
اشتياقي لهم رغم مرارته يحييني..
انتظاري لهم يطبب بعض جروحي..

ربــــــــــــاهـ ..
أكتب بأم الكتاب لديك وصلهم..
وقدر لي بعد الغياب لقائهم..

مسحت دموعها وهي تتمنى لو يردون عليها أو توصلهم أخبارها,,

&&&&&&&&&&&&&&&&

لا تـلومونـه مفـارق أحـبابـه ..

يبان في عيونه شوقه و عذابه ..

و ان جا يوم يتناسى ودهم ..

ما قدر دايم و هو في ذكرهم ..

هل يا ترى بعد الوفا و الود ينسونه ..

دموعه في عيونه ..

على الخد صبابه ..

من هم يواسونه من البعد واسبابه ..

هل منه الذنب و لا ذنبهم ..

أو انه الذنب أنه حبهم ..

هل ياترى من حبهم يجفوا وينسونه ؟

باح مكنونه على السطر بكتابه ..

هل هم يراعونه يردوا بجوابه ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

وصلوا الفندق ولا زال راجح يلعن ويسب في شوق..
حاولت رشا تهديه لكن السب وصل لها هي بعد..
راجح بغضب\تستغفليني يا شوق..تسبي البنت وهي جالسة..
ماتخافين من ربك تتكلمين عليها كذا..؟؟
شوق بقهر\أنا ماقلت شيء غلط ماقلت..
راجح يمد يده يبي يمسكها لكن رشا وقفت بالنص بينهم..
رشا\راجح بالله عليك لاتلمسها..صل على النبي..
راجح\عليه الصلاة والسلام ألف مرة ومرة..
خليتيني اتكلم معك وانا مو فاهم مقصدك من اللي قلتيه..
شوق تبكي\عمي واللــــ .........
راجح بصراخ\انكتمي ولا كلمة ولا تحلفي بالله..
أنتي لو تخافي من الله كان راعيتي كلام الله..
[يا أيها اللذين أمنوا أتقوا الله وقولوا قولاً سديدا]
تتهمين البنت وتقذفينها بالباطل..
رشا\والله شوق ماتقصد هي بس من الضيق قالت اللي قالته..
راجح\وانتوا وش تعرفون عن الضيق وش تعرفون عن اللي هي عايشته..
ماهو كفاية اخوكم ماخذها بذنب أخوها..تزيدون عليها بكلامكم..
وهل يكب الناس في النار على وجههم الا حصائد السنتهم..
النار ماهي بعيدة عنكم بسبب طول السنتكم بغير حق..
شوق منهارة\والله ياعمي من قهري من قهـــــــري على أخوي..
راجح مسك شعرها\أخوك لو يدري بسواياك كره نفسه لأنك تبكين عليه..
توبي لربك واستغفري لذنوبك..بكره يجيلك بنات والله بيستر عليهم..
رشا\تكفى ياراجح خلاص مابتعيدها شوق مصلية وتخاف من الله..
وغازي ماقصر فيها..
راجح\ليته ذبحها..
جلس راجح وهدء شوي وبعدها ناظر فيهم ..
راجح\تحلوا بعادات الرسول عليه الصلاة والسلام..
تقيدوا بآدابه واخلاقه..ان أربى الربا شتم الأعراض..
خلوا الرسول لكم قدوة في كل شيء..
شوق تبكي\الله يسامحني والله ما اتقول عليها مرة ثانية والله ياعمي والله..
راجح بحدة\ما أعتقد ان هذي اول مرة تسبينها صح ياشوق؟؟
شوق هزت راسها\لا مو اول مرة..
راجح يوقف\حسبي الله ونعم الوكيل..
لو الضرب يصلح شيء كان وريتك نجوم الصباح..

خرج من الجناح وصفق الباب وراه بقوة..
رشا\انتي موصاحية مو صاحية..
لسانك ماعدتي تتحكمي فيه..
شوق\كنت ادري اني اغلط بشتمها وسبها..نيتي كانت اجرحها..
والله كنت اقول كلام من دون ما اقصده..نيتي جرحها وبس..
رشا\أحمدي ربك ان غازي ماذبحك..لو مارده راجح كان كسر الكاس بوجهك..
شوق\يومـــه تكفين لاتذكريني والله مت من الرعب..
رشا\والله خفت منــــه..الله يعين رسل وش مسوي فيها..
شوق\لاتقولي رسل ..
رشا\صح انا أحقد عليها..بس اللي يصير فيها هي ماتستاهله..
حتى اسمها حرمها منه وسماها باسم بنته..
شوق\ليته سماها سحر..
رشا\انتي ماتتوبي..مو توك حلفتي ماتسبيها ..
شوق\لاني اكره سحر وأموت برسل..
ليش سماها باسم بنته ولا سماها باسم زوجته..؟؟
رشا\طليقتـــــه..
شوق\الله ياخذها..لو اهتمت في رسل ماماتت..
رشا\انتي كل شيء عندك بسبب الناس..
ماتقدري تقولي حكمة رب العالمين وقدر الله وماشاء فعل..
شوق بقهر\تراك ماتبعدي مني..الى اليوم حدادك على سعود ..
حتى وانتي بذمة عمي لساتك تعشقي سعود..
رشا\سعود الله يرحمه..ما انكر اني حبيته..
بس أنا الحين مافي بالي الا ولدي وبس..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛

كانوا جالسين بالصالة يودعون هادي لانه بكره بيسافر..
أم علي أدمعت عيونها ولكن ليس مثل المرة الاولى..
الجدة توصيه وتنغزه بعصاها عشان ينتبه لها.
الأب صـــــــــــــامت كأغلب الاحيان..
عبدالله يناقز بين عمامه وهله..

هادي يهمس\وش قلتي؟؟
غادة\طس منااااك..ما انت صاحي..
هادي\غادة والله انا صادق..فكري بالموضوع..
غادة\انسى انا مافكرت بهذا الشيء وماعندي رغبة أكمل دراسة..
هادي\تعالي معي مابتخسري شيء..
غادة\نهـــــــــي نهــــــي ..
هادي\لاتقلبي هندي اتوطى في بطنك..
غادة\هادي والله مو مقتنعة..
هادي\هذاني احاول أقنعك يا تيــــس ..
غادة\من التيس؟؟!
هادي\ماهو انتي ...
غادة\المهم بكره قبل الساعة 8 وأنت مزروع هنا قدام عيني فاهم..؟؟
هادي\أهلكتيني من يوم العيد وانتي ترددي هالكلام..
غادة\اسمع الكلام لاتنسى..
هادي\طيب وانتي فكري باللي قلتلك..
غادة\اوكى بياااااا..
هادي\أنتي اليوم شايفة فلم هندي..؟؟
غادة\يب يب..
هادي\ههههههههههههههههه ما انتي بصاحية ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛

لمت أغراضها القليلة وهي تتناسى اللي صار اليوم معها..
هي تدري انها راجعة لـ السجن في مزرعته..
ومع ذلك حست ببعض الراحة لأنها راح تبعد عن أهله وعن نظراتهم..
قال لها تلم أغراضه لكن ماعبرته ولا اهتمت لكلامه..
ولما رجع ما انصدم لما شاف اغراضه مو جاهزة..
غازي\لا اله الا الله لازم تعاندي..
قومي لمي شنطتي بنتعشاء مع الأهل وبعدها نروح المطار..
هديل\ما ابى الم شنطتك ولا اتعشى مع اهلك..
صرف نفسك بنفسك..
غازي\تراك بتجني على نفسك بحركتك هذي..
هديل خافت من تهديده لكن ما بينت هالشيء..
تجاهلته وجلست في الصالة تشاهد التلفزيون..
هديل\لف عفشك ورانا طيارة لا تأخرنا..
غازي يبتسم\اوكى براحتك..أنا حذرتك بس أنتي ماتتوبي..
هديل لفت براسها ناحيته\كل شيء عندك تهديد..يعني بالله وش راح تسوي..
ماتقدر تسوي شيء الا تضربني..وعادي اضربني مايــــــــــهم..
غازي\يعني ما اقدر اسوي الا الضرب؟؟
هديل\ايـــــــــــه..
غازي\طيب لاتنسي أنك جارية عندي ولما أأمرك تنفذي..
هديل\روح لم عفشك يا متــــــــــــخلف..
لفت بوجهها وناظرت التلفزيون..
صرخت لما رفعها من على الكنبة وهو ماسك شعرها..
سحبها معه وهي تسبه وتشتمه..
دخلها الغرفة وقفها عند دولاب ملابسه وفتحه لها..
غازي وهو يفك شعرها\لمي الملابس وحطيها بالشنطة..
باقي اغراضي انا ألمها..
هديل\مابقى معي شعر قطعته كله..
غازي\ولا كلمة..نفذي اللي قلتلك..
هديل بقهر شالت ملابسه من الدرج ورمتها عليه وهي تصرخ فيه..
هديل بصراخ\مو جاريتك ولا ورثك من ابوك يوم تحكمني..
غازي بحدة\انتي ماتحبي نفسك؟؟؟
هديل\لا ما اطيـــــــــــــقها ولا أبيهـــــا عساها الموت..
غازي يقرب منها ويلصقها بالجدار ..
لم يدينه على خصرها ولصق خده على خدها..
غازي بهمس في اذنها\ماتبينها...؟؟ غيــــرك يحترق قلبه عليها..
رفسته بين أرجوله ودفته عنها..تألم وماقدر يمسكها..
خرجت من الغرفة تركض فتحت باب الجناح وطلعت منه بسرعة..
وقفت عند الاصنصير وانتظرته وهي تتلفت حواليها بخوف..
في لحظة ادركت انها مو متحجبة وشعرها مكشوف بعد ماسحبها من الصالة..
حتى البالطو تبعها مو معها..
فتح الاصنصير ودخلت بسرعة وقفلته وهي منتبهه لوجود أشخاص معها فيه..
كانت تتنفس بشكل سريع ومرتبكة..ناظرت وراها وشهقت بخوف..
لما شافت شخص حسبته راجح بس ماكان هو..
وزاد خوفها لما ركز عيونه عليها وناظرها نظرات متأملة..
حمدت ربها انها مو لوحدها معه فيه ثلاثة رجال اجانب وحرمة كبيرة في السن..
توقف الاصنصير وهي طلعت منه بسرعة..
شافت الغريب يمشي وراها وهي اسرعت بخطواتها وخرجت من الفندق تركض..
صدمت بشخص شهقت لما جات عيونها بعيونه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛

فتحت الباب تحسب ان غازي هو اللي يدق..
شهقت بفرح ونطت تحضن الواقف قدامها..
ضمها بهدوء وهو يضحك على حركتها..
رشا\ياهلا وغلا فديـــــــــت قلبك وحشتني..
طالب\هلا فيك..كيفك..؟؟
رشا\الحمدلله بخير ومشتاقة لك موووت..
أنت كيفك وش مسوي طمني عنك..؟؟
طالب بغموض\كنت بخير..
رشا\بسم الله عليك كنت
طالب\وصرت بخير أكثر بشوفتك..
وين الربع؟؟
رشا\غازي بيسافر الليلة..راجح يمكن معه..
طالب\زين أنك رجعتي لراجح وتركتي شرطك البايخ..
رشا بصدمة\كيـــف..؟؟
طالب\راجح علمني انك رضيتي تعيشي معه..
وصدقيني يارشا كنت اتمنى هذا الشيء يصير من زمان..
رشا\تتمنى؟؟يعني كنت مضيقة عليك..؟؟
طالب\عيوني أوسعلك من الدنيا كلها..
اللي قصدته حبيت أنك تستقري مع زوجك وولدك..
رشا بارتباك\يعني انت موافق..؟؟
طالب\أكيد موافق..راجح رجال كفوو وماينرد أبد..
وكفاية أنه صار لكم سنتين متزوجين وهو راضي بشرطك..
رشا\خلنا من هالكلام ألحين..وش جابك ايطاليا؟؟
طالب\أبد الشغل أرسلوني بمشروع..مطول فيه شوي..
رشا\شغل ولا مشتاق لبعض الناس..؟؟
طالب\لايكون تقصدين معصقل؟؟
رشا\ههههههههههه ايه معصقل ماغيرها..
طالب\الا وينها..توني تذكرتها..
رشا\صدقتك ..توك تذكرتها..
جووه بغرفتها..أناديها..؟؟
طالب\لا تناديها القاها بعدين..
تعبان الحين وباروح أنام..
تمسي على خير..
رشا\وأنت بخير يا الغالي..
ماراح تشوف غازي قبل لايسافر..
طالب\لا بالقاه لما يرجع ان شاء الله..

توجه لجناحه تسبح وانسدح على سريره بذهن غائب..
كان سرحــــــان غير واعي لتفكيره..
كان يفكر با الي لقاها في الاصنصير..
سبحان الله ما أجملها..من شفتها الى الحين مانسيت شكلها..
الاكيد انها مو أجنبية..ملامحها عربيــــة..
المصيبة بعيونها..
عيونها ماترحم لمعتها تسحر..
شعرها وجسمها..
أعوذ بالله من الشيطان الرجيم..
أستغفر الله العظيم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛

نزلت وجها بسرعة لانها عرفته ماكان الا راجح..
نزلت شعرها على وجها وبعدت عنه أكثر..
ماراح يعرفك أنتي دائما متلثمة ماراح يعرفك ..شجعت نفسها بها الكلام..
أكيد ماعرف من اكون ولا مرة شافني بس يشوف عيوني..
لاتركضين ..لاتركضين راح يشك فيك..
صرخت بيأس وقهر لما حست بيدينه تحجزها بمكانها..
هديل\آآآآآآآآآآآآآآآآآآآآهـ لا..
راجح\رسل وين رايحة؟؟
هديل حطت يدينها على وجها وهي تبكي وترتجف..
وقف قدامها\وش صار فيك..قوليلي فيك شيء؟؟ويـــن حجابك؟؟
هديل بصوت مبحوح\مـــ ـا ابـــى ما اريـــ د ارجع ..
راجح\غازي؟؟
هديل تهز راسها\ايـــه ايه هو ما ابيه ما ابيـــكم ..
راجح\تعالي معي..
هديل سحبت نفسها منه لكن هو مسك يدها وسحبها وراه..
ضربت يده وهي تصرخ عليه..
هديل بقهر\اترك يدي اتـــــــــــركني..
راجح بعصبية\انكتـــــــــــــمي وامشي عدل..
جلسها بحديقة الفندق فسخ جاكيته وحطه عليها..
رفعت جاكيته من على كتوفها وحطته على راسها تحاول تغطيه..
جلس قدامها وانتظرها تهداء شوي..
راجح بهدوء\راح اتصل بغازي يجي هنا..
هديل ماردت عليه ولا رفعت عيونها فيه..
بالموت تجرئت تناظر بغازي..مستحيل تقدر ترفع نظرها بعمه..
راجح\ما اقدر اخليك تهربي بها الشكل..
صح غازي عصبي ومايتفاهم باكثر الاحيان..
لكن ما اعتقد انه ممكن يضرك..
هديل بانكسار\حرمني من هلي..وحقرني بعيونكم..
هذي مو مضرة بنظرك؟؟
راجح\حقرك..؟؟
هديل بقهر\ادري ان كلكم تحتقروني وتتكلمون علي..
أكيد شوهتوا سمعت ابوي بكلامكم..
راجح بعصبية\ماهو صحيح..من وين جايبة هالكلام؟؟
هديل\مو من بعـــيد..أصلاً هو السبب..
وانتوا يحق لكم تسبوني وتحتقروني..
راجح بصدمة\يا بنت انتي صاحية..ليش نسبك؟؟
هديل\لاني جارية عنده وهو مايخاف الله كلكم ماتخافون الله..
راجح\جاريـــة..؟؟
ناظر باتجاه الفندق وحذرها بصوت هادي..
راجح\هذا هو جاء..خلينا نتفاهم معه..
هديل ناظرت وراها بسرعة وشافته جاي باتجاهم وقفت برعب..
وطاح جاكيت راجح من عليها....
تراجعت خطوتين على ورى وكانها بتقدر تهرب منه..
غازي\اشوفك على خير ياراجح انا ماشي المطار الحين..
مسك يدها بقوة وسحبها وراهـ ..
ناظرت براجح بس كانت تدري انه مثل ولد اخوه..
كيف يساعدها او يوقف معها ضد ولد اخوه..
لما قربوا من الفندق حط يده حول اكتافها وشدها له بقوة..
وكانه يدخلها فيه ومايبي احد يشوفها..
حست باصابعه تحفر كتفها لكن ماقدرت تهمس بحرف..
دخلوا الجناح قفل الباب وشال المفتاح معه..
غمضت عيونها بقوة لما قرب منها ووقف قدامها..
استعدت لـ الضرب ومثل ماتوقعت صــــار..
كف على خدها افقدها السمع للحظات..
غازي بحدة\اخرجي من دون حجابك مرة ثانية..
تركها ودخل غرفته..
وهي جلست على الارض جنب الكنبة..
يتعذر بحجابي..سامحني ياربي والله ماقصدت يارب والله..
كنت خايفة مرعوبة منه ما انتبهت ان حجابي طاح الا لما هربت..
هو السبب ياربي هو..والله هو..
ضربني عشان حجابي مو لاني ضربته...
الكذاب هو خلع حجابي من زمان وحرمني منه قدامه..
قال حلاله وله كل الحق يشوفني من دون حجاب..
ياربي لاتسامحه اقهره مثل مايقهرني..
غازي\قومـــي..بنطلع المطار..
وقفت ببطء توجهت للغرفة غسلت وجها في دورة المياه وهي تناظر بالمرايه..
وين ملامحك يا اخوي..ماعدت أميزها..

من أنتي..؟؟
هذا الوجه لايشبهني..من انتي..؟؟
أين ملامح ذاك الأثير..
كيف أختفت..متى اختفت..؟؟
لا أراهـ بوجهي ..
أين أخي..؟؟
يسكنني منذ الولادة..
يرعاني كما الطفولة..
من نزعه مني..؟؟
من اقتلع ملامح توئمي..؟؟
من أخفى هادي..؟؟؟!

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طلعوا على مطار روما الدولي ..تم النداء للمسافرين بركوب الطائرة..
دخلوا بالطيارة وجلسوا بمقاعدهم..
تسلل لها بعض الراحة لانهم مو في طيارته الخاصة..
ع الأقل هنا فيه ناس وماراح يأذيها أكثر..
لكن لما تذكرت انهم راجعين المزرعة زاد الخوف فيها..
بنرجع لـ الضرب والتكفيخ..
ندمت وتمنت لو انها قدرت تهرب منه وهم في روما..
لانه صعب عليها الهرب وهي بالمزرعة..
مالت براسها على الكرسي وناظرت من الطاقة..
تحس فيه جالس جنبها..لما كانوا بطيارته الخاصة ماتجلس جنبه أبداً..
قدمت لها المظيفة مشروبات وهي هزت راسها بالرفض..
مو قادرة تشرب لأنها متلثمة ..
ولأنها مضروبة وفمها يعورها..
مو محتاجة شيء يزيد عليها الألم..

مرت الرحلة عليهم سريعة ماكانت طويلة..
نزلوا بمطار اول مرة تشوفه وانصدمت من تواجدها فيه..
مو من هذا المطار رحنا لروما..
كان هذا مطار ..شارل دي غول الدولي ..
المطار الرئيسي في باريس...

مسك يدها ومشت جنبه الجوازات طلبوا تشيل لثمتها وسوت مثل ماقالوا لها..
بس طبعاً هو تكفل بانزال لثمتها..
وها المرة هو رجعها عليها وهو يتامل وجها..

تمنت لو يتكلم لو يصرخ أو يسب..أو حتى يجرحها بالكلام..
لأن الصمت اتلف اعصابها..
وهي خايفة من ها الدولة اللي ماتعرف وش تكون..
وخايفة منه لما ينفرد فيها وش راح يسوي لها..

جلست جنبه في السيارة وهو ملصقها فيه ويده حوالين كتفها..
انقهرت منه ومن حركته بس التزمت السكوت..
كان بامكانه يجلس قدام أو يبعد عني شوي..
السيارة مو ضيقة لاصق فيني..حمــــــار..

وكاعادة لحركته في روما قام بنفس الحركة في باريس..
مسك وجها وأشر لها على برج ايفل البعيد عنهم..
ماصدقت اللي تشوفه..برج ايفل..
انا وش جابني هنا..ليـــه هالمدينة بالذات..
ليـــش مارجعنا المزرعة..تعبت من ها السفر والترحال تعبت..
أريد ارجع هناك والله هناك أأمن وأريح من ها الاماكن..
هناك راح ينشغل عني وينساني..
ليــــش جابني لباريس..؟؟!
صدت بوجها عن البرج..
وهي غير مدركة ان غازي يقراء اللي تفكر فيه من عيونها ورجفتها..

وصلوا للفندق اللي هو حاجز فيه فندق ريتز باريس..
دخلوا الجناح وهي مرعـــــوبة وحابسة عبرتها لاتبكي..
دخل شنطته وشنطتها لغرفة النوم وهي جلست بالصالة بحجابها ولثمتها..
نزلت دموعها غصب عنها من خوفها ومن شد أعصابها..
شهقت وزادت بالبكاء لما حست فيه يجلس جنبها ويأخذها بحضنه..
سحب حجابها من عليها وباسها على جبينها..
غازي\روحي نامي تصبحي على خير..
كانت بتبعد عنه وتقوم لكن رجعها له وهمس باذنها..
غازي\نـــــامي مو تبكي..
ماردت عليه ظلت بمكانها لحتى بعد عنها شوي..
وقفت وهي تترنح وتوجهت لغرفة النوم..
خافت تسكر الباب فيثور عليها او يهاوشها..
تركت الباب مفتوح فسخت جزمتها<<وانتوا بكرامة..
ونامت بكل ملابسها اللي عليها..

ولا حست فيه لما دخل غطاها وخرج وترك الباب مفتوح..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛

هادي بصراخ\غـــادة..لازم أمشي بعد ساعة للمطار..
وش تسوين حابستني هنا..؟؟
غادة\لا اله الا الله..
هادي\محمد رسول الله عليه الصلاة والسلام..
غادة\خلاص تعال يا دوب ابي اوريك شيء..
نزل هادي وغادة عند اهلهم في الصالة..
وأنصدم هادي من اللي قدامه..
كانت الصالة مزينة ومليانة بالورد والبالونات..
شمووع بكل مكان ..
وكيكة كبيــــــــــرة على الطاولة وعليها الشموع..
الكل صاروا يغنون له احتفالاً بيوم ميلادهـ ..

زادت صدمته اكثر لما ادرك ان كل هذا عشانه..
وتذكر لما كانوا يسوون حفلة له هو وهديل..

الله عليك ياغادة تبيني أطفي الشموع لحالي..
طيب وهديل يوم كنت غايب احتفلتوا لها..
ولا نسيتوها وأنا مانسيتوني..
أعرفها ماتحتفل من دوني..
أصلاً ماتعرف تطفي الشموع..
مهما حاولت تظل الشمعة مولعة ماتنطفي..
وأنا اطفيها بدل عنها..

ناظر فيهم كلهم حواليه..
يبي يشوفها..يلمح طيفها بينهم..
شافها بعيونهم كلهم..
ماكانت الا دمعة من عينه ويحسبها هديل..

يعني بطفي الشمعه وحدي بعيدي ميلادي السنه
يعني ما بلمح عيونك وتبقى ليله محزنه
آه لو تدري بشعوري غيبتك تنهي حضوري
وغربتي تنسى وجودي رغم انها مزينه
هذي ليله بالسنه
***
أدري لو كنت تغلى ولا ناوي تعتذر
جيتك تسوى حياتي يالي ما بعدك عمر
أنا مازعلت عينك لو نسيت إسأل حنينك
بس أبيك الليله يمي لو الأماني ممكنة
هذي ليلة بالسنة
**
كل أصحابي بقربي شفتهم إلا انت لا
دمعتي تسأل عيوني وين الي قلبه سلى
ما ابي كل الهدايا فرحتي وانت معايا
صرت ادور عن وجودي بكل ورده ملونه
هذي ليله بالسنة

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كيف ستقضي هديل هذه الليلة ..؟؟؟!!

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛

الى الملتقى باذن الله تعالى متى ما أراد الله..
أنا ذاهبة الى العُمرة لبيت الله تعالى..
لا اعلم ان كنت سأعود فهذا أمر من أمور الغيب..
وان عدت فسأكون بالقرب من هنا..

لا تحرموني أرائكم فهي تهمني..,,

كونوا بخير..
وكونوا بالقرب من هنا ...

صدووود’’’

25 - 12 - 2021, 01:58 AM

البارت الواحد و الثلاثون

كانت بالمول تنتظر صديقتها سامية وبنت اختها شهد..
شهد هي صديقة هديل اللي بالجامعة..
وللمرة الثالة تمسك نفسها ماتقوم وتتوطى في بطن عبدالله..
عبدالله بغضب\لا تعال اجلس معنا احسن وش رايك..؟؟
غادة\عبيييييد والله ان ما كفيت لسانك وخليت عنك المشاكل..
لا اكلم علي واقوله انك تضارب في المول..
عبدالله\ماشفتي هذا الصيني كيف يبحلق بعيونه فيك..؟؟
غادة\يمكن عاجبه فستاني ولا لون شعري..
نعنبو ابليسك وش بيشوف فيني غير العباية عشان يبحلق..
وش اللي جابك معي ..؟؟
عبدالله\لا والله..قولي والله..أجل تبين تتسوقين لحالك تعقبين..
غادة\مايعقب غيرك يالبدوي..
عبدالله بصوت عالي\هيه هيه وين مدرعمة أنتي واياها..
كان يقصد شهد وسامية اللي قربوا منهم يبون يجلسون..
غادة\عبيد لا تفضحنا هذؤلاء صديقاتي..
عبدالله يعتزي\أبو حسين..مواعدة خوياتك بالمول ياوغدة..؟؟
غادة\قووول آآآمين..
عبدالله\الله يبارك فيني..
غادة\انقلع خلني اسولف مع البنات..
عبدالله\اعذرونا يابنات بس لاتجلسون معنا..
أرجعوا لهلكم..
سامية\هههههههههههه ماندل الطريق..
عبدالله\كلمي هلك يجون ياخذونكم ..
كفاية وغدة وحدة تحت مسئوليتي مانيب في حاجة لوغدتين غيرها..
شهد\هههههههههههههههههههه صدقت والله انهم وغدات ياأبو حسين..
عبدالله\والله أنك كفوو و ماانتي بوغدة مثلهم يا أم حسين..
شهد بخبث\يابختك ياغادة في ولد أخوك النشمي..
عبدالله\تراها ماتعرف قدري..
شهد\ماعليك منها يالشيخ ولد الشيوخ..
مانبى نزعجكم خلاص الشيخ قال نمشي يالله ياسامية..
عبدالله يوقف وبصوت عالي\علي الطلاق ماتمشون خذوا راحتكم مع خويتكم الوغدة..
بس ان شفت وحدة منكم معتبة الطاولة اسلخها عند الجزار..
مشى طالع من عندهم وشهد تمدح فيه وتنفخه بالكلام..
شهد\ياعسى عمرك طويل يا الشيخ الكريم المغوار يافارس البيداء وطاوي الصحراء..
غادة\خلاص انكتمي طلع بعد ماطلع روحي...
سامية\أنتي مصيـــــــــــــــــــبة..
شهد\هههههههههههههههه ياختي خبرة مع المراهقين والبزارين..
غادة\يابنات حاط دوبه من دوبي ناشب لي في كل شيء..
شهد\عندنا وعندك خير..بس انتي عامليه مثل مايحب..
احترميه ناقشيه ولاتفرضين عليه رايك بالغصب..
خذي رايه واهتمي فيه..بتشوفينه يلين معك ومايحاول يعاندك بكل شيء..
غادة\خليه منك الحين حسابه في البيت..
وش صار على بعثتك؟؟
شهد\قالوا يازين جامعات الرياض..
سامية\ههههههههههههههههههههه وهم صادقين..
غادة\ليه ماتتزوجين سعيدان وتهجين..؟؟
شهد\لبى ذا الطاري..بس سعد مهندس ماحن في مقامه عساه البط..
سامية\يبط العدوووو وجعوووه
شهد\يوجع سعيدان ويقطع مصارينه..
سامية\شهيييييد لاتدعين الرجال..
غادة\بلى بلى خليها تدعي عليه وش حارك انتي؟؟
عساه البط اللي يبطه هو واللي في بالي..
سامية\ياصديقات السؤ الغيبة حرام..
شهد\المرة الجاية قوليله يجي يجلس معنا عشان ماتصير غيبة..
واللي في بال غادة خليه يتفضل بعد..
سامية\غادة شهودة لاتخلون قلوبكم تقسى..
كونوا طيبات مثل ماعهدتكم..

غادة\بالنسبة لي الطيبة ما أكلتني الا التراب..
خليني افصل لي ثوب من القسوة عله ينفعني..
شهد\وش ربحنا من طيبتنا وسذاجتنا الا طعووون بالظهر وحن مانستاهل..
سامية\ومافيه أحد يستاهل تقلبون قلوبكم وتدعون شخصية غير شخصيتكم عشانه..
غادة\القوة ماجاتنا من عدم..اللي تعرضت له علمني درس ما بانساهـ..
سامية\يعني راكان انتصر عليك..؟؟
غادة\كل شيء بحسابه ومصيري ادفعه الثمن غالي..
شهد\لاتعني نفسك عشانه غدوو احقريه مثل ماحقرت سعد..
شوفيني مبسوطة بحياتي بعد ماكنت اظن ان سعادتي معه..
غادة بوعيد\لا..أنا لي حق عند راكان ولازم يرد لي الحق..
واللي يسكت عن حقه يستاهل المذلة..
شهد\براحتك..الانتقام يمكن يرضيك لفترة قصيرة وبعدها بتفقدي لذته..
سامية\تتكلمي من تجربه شهودة..؟؟
شهد تبتسم\ايـــه انتقمت لنفسي منه وماني ندمانة على اللي صار..
بس في النهاية هو بيكمل حياته وانا مثل ماتشوفون أحاول اكمل بس ماقدرت..
غادة\بالعكس انبسطي باللي سويتيه..
ياليت لو تصير معي نفسي سالفتك ويرجع يخطبني راكان واول مايسالني الشيخ والرجال مجتمعين..
أرد بكل صوتي لا ما ابيه ياشيخ..
شهد\في مجلس مليان حريم قال ماله عازة فيني ومايبيني..
وفي مجلس مليان رجال قلت ما ابيه..
سامية\واخوانك وابوك وش يكون موقفهم والمجلس مليان رجال ينتظرون موافقتك..
مافكرتوا الا بانفسكم أنانيات..
وعلى فكرة ياشهد ترى سعد خطبك من ابوك مرة ثانية وابوك عطاك له..
بس باقي ما قالوا لك..والحين مالرايك أهمية..
شهد تبتسم بخبث\وانا موافقة ..
غادة مصدومة\نعم؟؟
شهد\ايه موافقة..أهاني مرة وأهنته بالمثل..
جرحني وجرحته..طعني وطعنته..
تعادلنا وش المانع مانبدى من جديد..
سامية\يعني مو متوقعة منه جرح او اهانة..
شهد\يمكن..بس أكيد بيكون معلوم عنده انه لو جرح بينجرح..
ولو اهاني باهينه..
غادة\ولو كسرك ودفنك حية ؟؟
شهد\اشرب من دمــــه..
غادة تبتسم\ماعاد يمدي..
سامية\غادة تفكرين براكان؟؟
غادة\من احتقاري له أحتقر نفسي اذا فكرت فيه..
أنا ما باسعى عشان انتقم منه..بس ان توفرت لي الفرصة فما راح اضيعها أبداً..

قاموا البنات من على الطاولة ومايدرون وش المكتوب..
أو اذا تحققت امانيهم هل بيكونون قد كلمتهم وينفذون تهديداتهم..
وينتقمون لأنفسهم..
ورداء القسوة اللذي فصلته غادة لنفسها..
هل تنتزعه يداً ما من عليها أم يصبح جلداً جديداً لكيانها..؟؟

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كانوا بالسيارة ماشين من المطار متوجهين للمزرعة ..
مارضت تجلس جنبه فاضطرت ام غازي تجلس جنب طالب قدام..
بعد نظرات تهديد ناظرت فيها لشوق..

وصلوا المزرعة وكانت ماريا باستقبالهم بعد ماكلمها غازي..
شوق طلعت لغرفتها بجناح أمها وقلبت كل اغراضها تدور على بوكها..
مع انها متأكدة ان البوك كان معها في روما..
دخلت أمها وشافت الدنيا معفوسة ..
أم غازي\شوق ؟؟
شوق\والله بارتب كل شيء بس خليني ادور على بوكي..
أم غازي\أنا ابي اعرف وش اللي في البوك وراجك بهالشكل..؟؟
شوق\بطاقاتي وفلوس بس..
أم غازي\شوق وش اللي في البوك؟؟
شوق جلست بتعب\فيه ورقة تخصني وما ابيها تضيع مني..
أم غازي\وش اللي في هالورقة؟؟
شوق\سر سري أنا..
أم غازي\أجل احمدي ربك ان البوك ماضاع..
شوق\هاهـ؟؟
أم غازي تمد على شوق بالبوك وتحطه بيدها..
وشوق مصدومة ومو مصدقة انها تشوف بوكها رجع لها..
ضمته غير مدركة لردة فعلها وهي تناظر بامها ودموعها بعيونها..
شوق تضم امها\فديتك يومه فديتك..رجعتي لي روحي..
ام غازي تبتسم\الله يعين وش هالسر اللي قاطع قلبك..
أشكري طالب لانه هو اللي لقى البوك..
شوق برعب\وشهو..طالب وش سوى؟؟
أم غازي\هو اللي عطاني البوك..
شوق جلست بسرعة وفتحت البوك ويدينها ترجف تنفست براحة لما شافت الصورة موجودة..
ضمت البوك مرة ثانية..وانتبهت على امها تهز راسها وتروح لغرفتها..
خرجت الصورة وتاملتها وهي تبتسم ..
لفت الصورة وناظرتها من ورى شهقت بقوووة لما قرئت الكلام..
بخط جديد وبقلم جديد وربما بقلب جديد أنكتب المكتوب..

لا لا مستحيل يكون شافها ..
بس اكيد شافها والدليل الكلام اللي كتبه ..
ورى الصورة ...
وقح كيف يسمح لنفسه يفتش بوكي..
قليـــــــــــــل ادب متخلف..
ياربـــــــــــــي كيف احط عيني بعينه الحين..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛

جالسين بالصالة وعلي يحاول يقنع ابوهـ باللي موصيه عليه هادي..
ابوعلي\ما اقنعتني..لا مايحتاج تدرس برا..
غادة\وهو صادق ابوي مايحتاج ادرس برا..
علي\خليك محضر خير واسكتي..
غادة\علاوي ترا الموضوع عني انا يعني انا اللي اسافر وادري برا..
علي\أنتي حاولي تفهمي وجهت نظرنا..
غادة\اسلم يا ابو عبدالله اسمعك..
علي\أنتي مو محتدة على الشغل والحمدلله الخير واجد..
بعد الثانوية ما اخذتي الا سنتين حاسب وبعدها توظفتي..
وانتي كنتي تتمني تدرسي التخصص اللي خبرك بس انا مارضيت..
وانتي ماتعديتي على كلامي..وهديل تمنت طب وماسمحت لها عساها الجنة..
لما قالي هادي عن موضوع دراستك معه في بريطانيا صديت عن الموضوع..
بس الحين اسالك بالله العظيم ياغادة اذا باقي الدراسة في خاطرك والله ما اردك..
غادة وقفت وحبته على راسه\عسى عمرك طويل يا الغالي..
والله ويشهد ربي علي ماشلت بخاطري عليك عشان التخصص..
كلمتك تمشي علي ان رضيت او مارضيت..
ما اكذب عليك واقول ماهو في خاطري ادرس هندسة..
ويكون لي تصاميمي وديكوراتي..بس الحين صعب اسافر او ادرس..

علي\ليه صعب وش اللي مخوفك؟؟
غادة\مو خايفة من شيء بس ما ابي اترك أمي وابوي وهلي..
علي\وسلامة هلك هذؤلاء هم بخير..
وترى السالفة كلها طيارة راميتك بلندن وطيارة شاحطتك السعودية..
غادة\بجد علاوي ما ابى اسافر او ادرس مو في بالي..
ابوعلي\والله ياغادة ان رضيتي بالدراسة مايوديك لندن غيري..
بغصة<<وهديل لوكانت موجودة كنت باوديها تدرس الطب ولو شليتها على ظهري..
غادة تقبل يده\الله يرحمها..هديل صارت عند الرحمن..
ولا لها بالطب والدراسة الحين اي حاجة..
مطالب الدنيا يايوبه مالها قيمة عند النعيم اللي هديل تعيش فيه الحين..
عساها من سكان الجنة ..
وأوعدك افكر بالموضوع وارد لك خبر..

آآآآآآآآآآآهـ ياغادة ياليتها بالجنة وانا دافنها بيديني ومطمن عليها..
باكون سلمتها لربي ورديت الأمانة..
بس الغالية ويــــــن؟؟وش صار فيها؟؟
يارب عفوك وورحمتك بعبدك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

في أنترلاكن بسويسرا ,,,

هديل برجفة\افسخ جاكيتك..
غازي\لا كفاية اللي انتي لابسته..مابتقدري تتزلجي بكل هذي الملابس..
هديل\ما ابى اتزلج يامجرم ما قلت لك طلعني بهالثلج..هات الجاكيت..
غازي يمسك يدها ويسحبها وراهـ..ويبتسم على تحلطمها عليه..
فسخته قفازات يدينه ولبستهم على قفازاتها..
حتى الايشارب اللي كان ملفووف على رقبته أخذته من عليه بالغصب..
ولفته على الايشارب حقها..
والحين تطلب منه يعطيها الجاكيت..
هديل\ما باتزلج لاتقول ماقلت لك..
غازي\أمشي يالدب القطبي..من شاف شكلك قال ماعمرها شافت ملابس..

هديل تثبت قبعت الثلج على راسها وحوالين أذونها ومو باين منها الا راس خشمها وعيونها..
لانها لافة الايشارب على رقبتها وفمها من البرد..
هديل\ما باتزلج..
غازي\اختاري تتزلجي لوحدك او اخذ زلاجة مزدوجة نتزلج عليها انا وانتي..
هديل\اختار اما ترجعني الفندق او دحرج نفسك من فوق هذا الجبل..
غازي\ماتتوبين..

اخذ زلاجة مزدوجة وسحبها لها..
صرخت وضربته مع صعوبة الحركة اللي تحس فيها..
بس هو جلسها على الزلاجة وجلس وراها وهو يضمها من ورى ويثبتها..
هديل سبته وشتمته حاولت تعضه بس الايشارب منعها من العض..
هديل\لا وقف بانزل وانت تزلج براحتك ما ابى ما ابى..
غازي بهمس خبيث\يا الله دعاء السفر..
أول ما انطلقت الزلاجة بدأت صرخت هديل المرعوبة..
كان يتزلج بمهارة بس في نظر هديل كان يرميهم من اعلى الجبل بتهور..
كل ما ارتفعت الزلاجة وضربت في الارض..
كانت تلتفت عليه وتضربه على راسه وبطنه وهو يضحك عليها لما ترجع تتمسك فيه..

وأخيراً وقفت الزلاجة خرجت منها قبله ولما شافته يطلع منها ورجل ع الزلاجة ورجل على الثلج..
دفته بقوووة وطيحته على الأرض..
تدحرج كم مرة وهي ركضت عنده وجلست على ركبها قريب منه..
وصارت تلم الثلج بيدينها وتحطه عليه وكأنها تدفنه وهو يضحك ويبعد الثلج عنه..
غطى الثلج صدره ورقبته وهو كل مارفع الثلج عنه رجعته عليه وتضرب يدينه..

غازي بمرح\يعني تبين تدفنيني ولا تسوين رجل الثلج..
هديل\لا ابي ادفنك مـــــــت مـــــــــــــــــت ..
غازي بشهقة درامية\بسم الله علي من الموت..
هديل مستمرة في دفنه\لا لا مـــــــت مت..
غازي\طيب وأنتي وش يصير فيك اذا انا مت..
فكري بنفسك ..
هديل\مالك شغل انت مــــــــــت والأمور طيبة من بعدك..
غازي\فكري بنفسك..
بعدت شوي من الثلج اللي على وجهه وقربت منه..
هديل\صدق اذا أنت مت..وش يصير بعدين..
غازي يسحب يده من تحت ركبتها ويبعد الثلج من على عيونه..
غازي\لاتخافيــــــن مأمن عليك..بتكونين بخير اذا صار ومت..
هديل\اممممممم أجل مت..

ورجعت تدفنه بالثلج سحب يدينه منها وبعد الثلج عنه..
وقفت قبل لايوقف ويمسكها..
ركضت بعيد عنه بس لثقل حركتها ما امداها تبعد الا وهو ماسكها..
غازي\وين وين يالدب القطبي؟؟
سدحها على الثلج وهي تترجاهـ مايسوي مثلها ويحط الثلج عليها..
هديل\ما باعيدها والله والله..
غازي\اسحبي كلامك..
هديل\اي كلام..؟؟
غازي\لما قلتي اموت اسحبيها يالله..
هديل\طيب لاتموت..
غازي رفعها وجلسها ..
هديل بلهانة\لاتموت انتحر ..
غازي يهز راسه باسى\ماتتوبين..
قبل لا تحزر هو وش ممكن يسوي..
مد يده وسحب الايشاربز من رقبتها..
صرخت وسحبت نفسها منه بس هو ثبتها على الأرض ونزل قبعتها..
انتثر شعرها على الثلج وبان وجها الأبيض خدودها الحمر وراس انفها الاحمر..
شالت بيدها ثلج ورمته عليه..
سوا كورة ثلج كبيرة وقربها منها..
حطت يدينها على وجها بسرعة من دون ماتحسب حساب لاي شيء ثاني..
وبدت تصرخ بهستريا لما حست بالثلج داخل كنزتها على صدرها..
لان غازي دخل كورة الثلج داخل الكنزة..

جلس يراقبهاوهو مبسوط على شكلها وهي تنتفض تبي تخرج الثلج اللي تحسه بيجمدها..
وقفت فسخت الجاكيت الثقيل اللي هي لابسته وسحبت الكنزة الصوفية من تحت عشان ينزل الثلج..
حست الدموع تتجمع بعينها من البرد ولان بعض الثلج علق بصدريتها ماقدرت تخرجه..

صدت عنه واخذت ايشارب لفته على راسها..
وتركت جاكيتها على الأرض ومشت تبي ترجع لاستراحة التزلج..
مامرت ثواني من مشت الا وهو يلفها عليه ويلبسها الجاكيت ويلصقها فيه..
غازي بهمس\اذا تبيني اموت..أنا ما أبيك تموتين..

دخلوا الاستراحة جلسها بمكان قريب من موقد النار..
لاحظ انها تقاوم النوم ..
فطلب لهم كاسين من القهوة السويسرية
طلب "اسبريسو" لهديل لانه يبيها تصحى وتكمل اليوم قبل السفر..
وهو اخذ قهوة سوداء ..
شافته وهو ياخذ الكوبين ولما مد لها بكاس..
مارضت تاخذهـ منه..
وقفت وطلبت لها كوب ثاني ورجعت تجلس بمكانها..
غازي بخبث\افـــــــا تثقين بالسويسري وماتثقين فيني..
هديل\ما اكون تلميذتك اذا ماحفضت الدرس..
نومتني مرة مستحيل أسمحلك تعيدها ثاني..
غازي يرفع حاجب\مافيه مستحيل عندي..

نزلوا بالعربات المعلقة مثل ماطلعوا..
توجهوا لمطعم صيني تعشوا ورجعوا الفندق..

كان يشتغل على الاب توب وهي جالسة على الأرض بنفس الغرفة ..
خلص شغله وقفل الجهاز ثم انسدح على سريرهـ..
غازي ويده على عيونه\قومي نامي..
هديل وهي لامة مخدة على صدرها وتشوف فلم..
هديل\ما ابي انام مو نعسانة..
غازي\ورانا سفر بكرة نامي عشان ماتتعبين..
هديل\لا تشيل هم يالشايب أنت نام وريح..
عشان تسوق الطيارة ..
غازي يبتسم\رايقة اشوف..
هديل\عادي بس بجد احس بنشاط غير طبيعي..
غازي\هذا من اللي شربتيه..
هديل عصبت\ماشربت شيء لا تتبلاني..
غازي\من اللي شرب القهوة اسبريسو؟؟
هديل\طيب قهوة وش فيها؟؟
غازي\الله يسلمك يابيبي القهوة تنشطك وتطير النوم من عيونك..
وأنا طلبتها لك لانك كنتي راح تنامين وحن نتزلج..
هديل\ومن طلب منك تشربني قهوة منبهة؟؟
غازي رجع يده على عيونه\دايـــخ بانام قومي نامي لاتوهقيني بكرهـ..
هديل تبي تقهرهـ رفعت صوت الفلم عشان تزعجه..
غازي\والله اذا أنا شايب فانتي بزر على حركتك هذي..
هديل تستفزهـ\نام يالشايب مافيك حيلة..
غازي\طيب واذا قام الشايب الحين ووراك حيلته من يفكك منه؟؟
أنتظر ردها بس هي ماردت عليه الا انها قفلت التلفزيون وطفت النور اللي بالغرفة..
جات بتطلع من الغرفة بس هو منعها..
لما مسك يدها فزت بخوف لانه كان نايم على السرير والحين واقف جنبها وقريـــب منها..
هديل بخوف\والله العظيم طفيته..
غازي\أدري والحين نامي..
هديل\ما احس بالنوم ..
غازي\لازم تنامي مرت 6ساعات من شربتي القهوة راح مفعولها خلاص..
هديل تحاول تسحب نفسها عنه بس ماقدرت ..
هديل\والله مو نعسانة ..
غازي يثبتها على الجدار ويقرب منها\أنا وش قلت؟؟
هديل\ايه بانام انا نعسانة بانام..بكره ورانا سفر لازم أنام..
ركز عيونه عليها وقرب وجهه من وجها..
غمضت عيونها بسرعة وصدت تبعد وجها عنه وقعت شفايفه على خدها ..
همس باذنها\ماكنت ابيها الا في مكانها بس انتي ماتتوبين..
بعد عنها وسحبها بهدؤ سدحها على سريرها وغطاها وهي متخشبة من الخوف..
خرج من الغرفة وسكر الباب ونام بالصالة ..

25 - 12 - 2021, 01:59 AM

البارت الثاني والثلاثون ,,,

أتدرين كم ذا أحبك؟

لا تسخري يا حبيبه

إني أحبك حتى أكره كل الألي

اجترأوا أن يحبوك

حتى لأكره-أكثر-كل الألي

اجترأوا أن يروك و لم يعشقوك!

المرحوم باذن الله..غازي القصيبي..

بعد رجوعهم بيوم جاها لقسمها وطلب منها تنتقل للقصر..
لكن هديل ظلت على موقفها الرافض..

هديل\أنت بس تبي تقهرني..
غازي\آيـــــه..والحين لمي اغراضك وامشي معي..
هديل بهدوء\الله يخليك ماله داعي تحرجني مع هلك..
وش بيكون موقفي من اخوك وعمك..
لاتقول حالي حال شوق ورشا..لاهم يصيروا محارم لهم..
بس انا مابينا قرابة ولايجوووز..
غازي\القصر كبير وانتي بتظلين بقسمك..
هديل\بس ماراح اكون مرتاحة..
أنا هنا مرتاحة لا تستكثر علي هالشيء..
غازي بحدة\وليش ماتكوني مرتاحة هناك؟؟
لاتقولي عمي واخوي السبب..شوفي غير هالعذر..
هديل بصدق\لأني ما ابي اكون قريبة منك ولا من هلك..
غازي\أجل تجمدي بهـذا المكان..هذي رغبتك..

طلع من الملحق وتركها واقفة تناظر فيه..
لاتستغرب قسوووته..
بل تستغرب بانها اول مرة يتركها بهذا الشكل..
فلطالما كانت كلمته هي المسموعة..
وتنفذ اوامره ان رضت او لا..

::::::::::::::::::::::::::::::

كانت جالسة ومرتبكة مو عارفة كيف تتكلم معه..وتوصل له قرارها..
شافته بيطلع من الغرفة نادت عليه..
رشا\وين رايــح؟؟
راجح\نازل عند الشباب ليش فيك شيء؟؟
رشا بارتباك\أنـ..لا بس
راجح\بــــــــــــــس كملي.
رشا\حبيت اقولك بامكانك تاخذ راحتك هنا..
أنا وغازي بنام في غرفتي..
راجح\وأنا اشتكيت لك وقلت مو مرتاح؟؟
رشا بقهر\لا..
راجح\أجل لاتشيلي هم انا مرتاح..
رشا\بس أنا مو مرتاحة..
راجح بسخرية\وليه مو مرتاحة..أحد تعرض لك لاسمح الله..
رشا\مو متعودة أحد يشاركني غرفتي..
راجح\على خبري انتي كنتي متزوجة من قبل..وأكيد فيه غيري شاركك الغرفة..
ماله داعي اعذار واهية..
أختنقت من الاحراج..ماتوقعت بيوصل النقاش الى هالنقطة بالذات..
بس قررت ماتخليه يحرجها أكثر..
رشا\المهم عطيتك خبر بانتقل لغرفتي..
راجح\وأنا باعطيك العلم..أنا رجال مافي وجهي سحى
ولاني بقايل عيب واستحي من اخوانك..لاياحلوة باسحبك من شعرك وارجعك لهذي الغرفة..
واللي عندهـ كلمة يواجهني فيها..
وعشان ماتحرجين نفسك قدام اخوانك حكمي عقلك ولاتتركين غرفتنـــــا..
رشا\مابتسويها..
راجح\معذورة بعدك ماعرفتيني..بس جربي تعصيني وانتي تشوفين..
طلع من الغرفة وهي واقفة محتارة وش تسوي..
ماتبي تظل بالغرفة وهذا الشيء الاكيد..ع الاقل في الفندق كان يحجز جناح..
الغرفة تكون لها وهو يظل بالصالة..
لكن هنا الوضع غير مافيه الا غرفة وحدة مو جناح..
خايفة تطلع لغرفتها مع شوق وينفذ كلامه..
تخيلت الموقف قدام اخوانها وشوق..
والله شكله من جد مافي وجهه سحى قليل الأدب..
بس هين انا أوريه شغله..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كانوا جالسين بالمكتب وطالب لازال يحقق مع غازي..
بشأن المشروع الجديد اللي ناوي عليه غازي..
لما دخل راجح وشاركهم الموضوع..
طالب\حي الله زوج اختي..
راجح يبتسم\الله يحييك ويبقيك..
طالب\تصدق اني نسيت انك زوج اختي من سنتين..
راجح\ماتنلام رضينا بشرط لايرضي الله ولا يرضينا عشان كحيلة العين..
غازي\لاتغزل بأختي قدامي..ترى دمي حار..
راجح\يالبى كحيلة العين..
غازي\لا بالله الكحيلة عندي ماهي بعندك لبى العيون وبس..
طالب\مابه كحيلة مثل هذيك اللي شفتها..ويلي ويلاهـ عليها عيووون مصيبة..
ياخوفي اني اكون نضلتها بسم الله عليها..
راجح وغازي مفتحين عيونهم بقوووة ويناظرون بطالب..
طالب\وش بلاكم أدري اني ماخذ بنتكم..بس عيون ذيك تجلط..
راجح\ياولد استح على وجهك..تتغزل في غريبة قدام هل زوجتك..
طالب\لا والله مابعد تغزلت..أنت بس عطني مجال وأتغزل صح ياويـــلي ويلاااه..
غازي يكتم ابتسامته\طويلب ماخبري فيك بصاص وعينك زايغة..
طالب\والله اني على خبرك يا اخوي..مير اللي شفتها قلبت عقلي والله أنها جـــــرح ..
راجح يمثل العصبية\لو اني لابس العقال كان رجع عقلك على حاله..قال قلبت عقلي..
طالب\الله جميل يحب الجمال..
غازي\وعندك جميلة ليش ماتتغزل فيها..
طالب\شف باكون صريح معك..أختك صح أنها حلووة ومملوحة..
بس هذيك مصيــــــــــــــــــبة وجع بشكلها ماخلت شيء لباقي البنات ماخذة الزين كل ابووه..
الشعر ياصلاة النبي..الوجه ماشاء الله..ولا الطول والجسم جــــــــرح..
غازي بحنية\والله مامذبوح غيرك قل انها ايطالية لاتتوهق شف من اللي وراك..
طالب وفهم من اللي وراهـ من دون مايلتفت\بس تعقب هي وكل بنات الدنيا عند المزيونة معصقل..
مايسكن القلب الا عصقووولتي الحلوة..
شوق بقهـــر\طلقنـــــــــــــي ..
خرجت وهي تضرب الباب بقوووة من القهر والزعل..
غازي وراجح ماتوا من الضحك على شكل طالب
وهو يحط أصابعه باذونه من صرخة شوق وتقفيلها لـ الباب,,
طالب\ليه ماعلمتوني انها دخلت يالنذل انت واياهـ..؟؟
راجح يمسح عيونه من الضحك\وانت فتحت عيونك عشان تشوفنا..مغمض وتوصف مالت عليك
غازي وعجبه الموضوع\نرجع لكحيلة العين الايطالية
طالب\والله وعسى ربي يسامحني ان كنت كذاب انها ماتمد للغرب ولاهي من أصلهم..
غازي\عربية؟؟
طالب\خليجية..
راجح\غازي لو تدخل اللي خبرك ماسمعتك تقوول نرجع لكحيلة العين..
غازي يبتسم\لا كحيلة العين حقتي هي الجــــــــرح يا طالب..
راجح\وأنا أشهد..
غازي بنظرات\وأنت وش دخلك تشهد..؟؟
راجح\أشهد بالحق..هي أطلق من رشا ومن شوق..
غازي بعصبية\ماطلبت شهادتك..
راجح ببرود\ترى ماشفت منها الا عيونها..
غازي\ماهو عشان كذا ماني براضي بلثمتها..
طالب\وين كحيلت عينك يا غازي ؟؟
غازي يفتن\مالك شغل..
طالب\المهـــم أبى أعرس..
راجح\واحد مانعك من زوجتك..تراك معرس منذو مبطي..
طالب\البلا في ولد أخوك ماعرسني أخته..
غازي\وأنت حددت الموعد وأنا قلت لا؟؟
طالب\انت المفروض تحدد ..
راجح\بما اني كبير العيلة فأنا باحدد..
غازي\من وين صرت الكبير؟؟
راجح\أنا عمك وأنا الكبير..لاتعصيني..
غازي\ههههههههه طيب صدقتك..يالله يا الكبير حدد موعدهم..
راجح\الا وش ذا الأوراق اللي قدامك..
أخذها راجح ودرسها بدقة..
طالب\مشروع باذن الله ناجح..الله يوفقك فيه
راجح\الحين أنت متاكد من قدرتك على هذا المشروع؟؟
غازي بثقة\متأكد..
راجح\وعندك السيولة الكافية؟؟
غازي يبتسم\في بالك تشاركني ؟؟
راجح بخبث\والله ماهي بشينة الفكرة..
طالب\يمكن تحتاجون سيولة أكبر وش رايكم براس مال ثالث؟؟
غازي\هههههههههههه انا أخذ رايكم في المشروع وأنتوا تبون تسرقونه..
راجح\هههههههه شف أنا بزنس مان وانت تدري..
ماعرضت المشاركة عليك الا لن المشروع دخل مزاجي..
لو ماتطمنت له ماشاركتك وخليتك تخسر لحالك..
طالب\غازي ياخووك عمك ذا نذل ولا وش سالفته؟؟
راجح\تراني عمك حتى انت..الحكم على الرضاعة مثل الحكم على الولادة..
طالب بخبث\اذا كنت عمي فهذا يعني انك عم رشا..طلقها أشوووف..
راجح\تعقب..
غازي\هههههههههههه طالب اسحبها قبل يتوطاك..كله ولا رشا..
راجح\وتحسبني باخذ بكلام الورعان..؟؟
طالب\الله اكبر ياالشايب مابينا الا سنة..
غازي\لا اله الا الله وش يفكني منكم الحين؟؟
وش قلتوا في المشروووع؟؟
راجح\أنت ماعرضت المشروع الا وانت محتاج شريك صح؟؟
غازي بمفاوضة\معي شريك..
طالب\يعني مو محتاج شركاء ثانين؟؟
غازي\الشريك الثاني شريك بالاسم..
راجح\وراس المال؟؟
غازي\يكفيني اسمه..
طالب\اكسررر منهو شريكك الفلتة؟؟
غازي\ماتعرفونه..
راجح\ان كنك مشارك ايطالي ولا الماني مايصير طيب..
غازي\ما انكر اني افكر اشارك الماني بالمشروع..
بس طبعا رئاسة الادارة لي..
راجح\خل عنك الالماني وانا ادخل معك شريك براس المال وبمجلس الادارة..
طالب\وانا شريك واذا تحب بالاسم..
غازي\من زين اسمك ارتاح بس..
طالب\ماني بمرتاح لين اعرف الفلتة واسمه..
غازي\مابتعرفه ريح راسك..
راجح\وش قلت يا أبو ذياب؟؟
غازي يصافح راجح\اتفقنا يا أبوحمد..
طالب\داخل معكم داخل مد يدك وتمم معي..
غازي يصافح طالب\تم وأنا أخوك..
جلسوا بعدها يتناقشون في المشروع..وحددوا رقم أولي لـ السيولة اللي محتاجها المشروع..
وبعد ما انتهى اجتماعهم سأل طالب..
طالب\الا ماقلت وش اسم المشروع؟؟
غازي بهدؤ\................

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كانت جالسة بغرفتها متغطية بمفرش السرير لأنها تحس بالبرد..
صح جهاز التدفئة يشتغل بس أبداً مو نافع مع البرد الصقيعي اللي تحس فيه..
مسحت دمعتها وهي تضحك بهستريا على اللي جالسة تقراهـ..
رسالة عطتها اياها ماريا..قالت ان صوفي طلبت منها تعطي الرسالة لـ السيد غازي..
عشان يوصلها لهديل..
ماريا\ولكن مادمتي عدتي الى هنا..فاسلمك اياها باليد..

عزيزتي رثت الثياب..

مضى زمن طويل وأنا أتمنى العودة الى هنا والاطمئنان عليك بنفسي..
عندما أسال ماريا عنك لاتخبرني عنك الكثير..بل تفضل الصمت..فأنتي بتي تعرفينها جيداً..
أتيت الى المزرعة ومعي المحامي الخاص بي..وكنت أتية لكي أفي بوعدي لك وأخرجك من هذا المكان..
ولكن كانت مفاجئتي كبيرة عندما أخبرتني ماريا بأنك عدت الى الوطن..
فرحت لأجلك كثيراً..وحزنت لأنه لم تتسنى لي الفرصة لتوديعك..
رغم كراهيتي لك الا أنني أحبك كثيراً..
ربما أنتي تفهمين معنى ما أقوله..فأنا أثق بك رغم صغر حجمك الداعي لـ الشفقة..
أتمنى أن تكوني بخير برفقة والدتك وعائلتك..

لدي خبر لك..
أرجو أن تنسي من ماكس ولاتعلقي أمالك به..فلقد عاد الي ونحن الآن بأحسن حال..
فابحثي لك عن زوج آخر ..

محبتك..
المنمشة ..

ضمت الرسالة وبكت بقهر توقف بكاء وهي تضحك..
ماتدري تضحك على الحال وسخرية الوضع اللي هي عايشته..
ولا تضحك على كلمات صوفي..
تبكي على حالها..أو على عودت صوفي لمساعدتها ورحيلها..
تبكي من وحدتها أو من البرد اللي معذبها..
والدتي وعائلتي آآآآآهـ ياصوفي قلبي مشتاق لهم..
والله مشتاق لهم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

25 - 12 - 2021, 02:00 AM

دخل الغرفة ومثل ماتوقع كانت رشا نايمة على السرير وغازي الصغير جنبها..
كانت مخططة تتظاهر بالنوم وماتبين له انها صاحية..
بس أول مادخل تحركت وفتحت عيونها بحركة غير ارادية..
عرفت انها كشفها وعرف انها صاحية..
أستوت جالسة وناظرت فيه..
راجح\السلام عليكم..
رشا بخفوت\وعليكم السلام..
أخذ ملابسه وتوجه لدورة المياهـ..
تسبح ورجع الغرفة صلى وبعدها قام وتوجه لـ السرير..
رفع المفرش وهو ملاحظ نظرات رشا عليه..
راجح\طفي النور..تصبحين على خير..
رشا\وأنت من أهله..
شالت وسادتها واخذت لحاف من الدرج ونامت على الكنبة..
تغطت مع انها ماتحس بالبرد..
كانت تتوقع انه ممكن يهاوشها او يردها عن النوم على الكنبة..
لكن راجح ظل على حاله ونام من دون مايقول لها شيء..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛

شوق..
أجل شايف له شوووفة النذل..عشان كذا يقوول انه غير رايه..
عساه الماحي هو واياها..
معقولة يحبها لـهـ الدرجة..يتغزل فيها قدام اخوي وعمي بكل جرئة..
وغازي النذل عادي عندهـ..بدل مايكفخه ويربيه جالس يضحك معه..
يحبــــــــــــــها؟؟
من متى؟؟ومن تكون؟؟
بس هو زوجي..لا أنا زوجته واذا كان يحب غيري فهذا يعني انه خاين..
برودهـ معي واستفزازهـ الدايم لي عرفت السبب ألحين..
يحب وحدة ثانية..
بس ليش ماتكلم طوول هالسنين وأنا له وهو لي..
ليش ماقال ماابيك..
ليش علقني طول هالوقت..

خرجت من غرفتها حابسة الدمعة مقـــــــــهورة..
دخلت جناح غازي ودقت الباب..
دخلت دورت عليه بس ماكان موجود..
أستغربت وين بيكون بهذا الوقت..المفروض يكون نايم..
بس ماله أثر..انتظرته ربع ساعة..
قالت يمكن يكون في المكتب..
خرجت من جناحه ونزلت للمكتب..
دقت الباب ودخلت..
بس ماكان موجود حتى في المكتب..
شوق\الحين وين ألقاهـ الغول؟؟
طالب\هذاني وراك..
شهقت بفزع وبعدت عن الباب..
نزلت عيونها وجات بتطلع من المكتب لكن طالب وقف على الباب ومنعها من الخروج..
شوق\ممكن تبعد عن طريقي.؟؟
طالب\لا.
شوق تتنهد\ابي اطلع ابعد..
طالب\لا..
شوق مدت يدها تبعدهـ عن الباب لكن طالب مسك يدها ولواها ورى ظهرها..
دخلها المكتب وقفل الباب وراهـ..
شوق\آآآآهـ اترك يدي وجعتني..
طالب ترك يدها وجلسها على كرسي وجلس قدامها..
طالب\والحين ممكن نتفاهم؟؟
شوق\لا..
طالب\ولوى..
شوق\يلوي بطنك..
طالب\معصقل..؟؟
شوق\لاتقوول معصقل..وبما انك ناوي نتفاهم..
موافقة خل نتفاهم..أبيك تطلقني..
بما انك هايم وتحب وميييت من الشوق لمحبوبتك طلقني وروح لها..
طالب\أي محبوبة؟؟
شوق\اللي كنت تتغزل فيها..الجرح على قولك..
طالب\هههههههههههههه أنتي الحين هذا اللي مزعلك؟؟
الحمدلله يعني ماانتي زعلانة من شيء ثاني..؟؟
شوق وكانها انضربت على راسها لماتذكرت الصورة واللي فيها..
ارتبكت وبان عليها هذا الشيء..
طالب\شكلك ماشفتيها؟؟
شوق\لا ماشفتها ولاعرفت وش فيها..
طالب\وشهي؟؟
شوق\الصورة...
طالب\هههههههههههههههههه رحمت حالك وش عرفك اني اتكلم عن الصورة واللي فيها..
حست انها أغبى المخلوقات على وجه الأرض..
نزلت دمعتها بقهر..لأنها كانت غبية وهو يستجوبها..
وقفت وضربته بجوالها وخرجت من المكتب وهي مقهورة..
وصوت ضحكه يرن بأذونها...

مرت بجناح غازي والى الآن ماكان موجود..

دخلت غرفتها وقفلت الباب بقهر وضيق..
غبيـــة وطول عمرك تظلين غبية..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخلت الاسطبلات وتوجهت لحضيرة عسولة..
صارت تمشطها وتتكلم معها مثل ماتعودت..
هديل تبتسم\والله وكبرتي ياعسووولة..
وش رايك نرووح في دووورة في المزرعة..؟؟
تونا بدري ما احد منهم صحى على ما اعتقد..

مرت اسبوعين على رجوعها المزرعة..
وخلال هذي الاسبوعين ماشافت غازي ولا تكلمت معه..
طول الوقت تقضيه في قسمها الخاص فيها..

تناست اللي صار وهي تحاول تسرج الفرس..
ماقدرت لانها كانت ترفض تتعلم كيف تسرجها لما كان ماكس يحاول يعلمها..

فكتور\هل تريدين المساعدة؟؟
هديل\لا..
فكتور يقرب من الفرس ويسرجها وهو يتكلم مع هديل..
فكتور\لا داعي للخجل..ان احتجتي المساعدة اطلبيها مني..
نحن مثل بعضنا هنا نشتغل في هذه المزرعة لم لانكون رفاق؟؟
مد يدهـ يبي يصافحها..لكن هديل تراجعت خطوة وبعدت عنه..
سحب يدهـ\لابأس يبدو بأنك لازلتي غاضبة مني..؟؟
هديل\اخرج من الحضيرة ايها السيد..
هذه الفرس لي ولا اريد منك اي مساعدة..
وان خالفت ذلك ساخبر المدير وهو يتصرف معك..
فكتور\كما تشائين..أنا احاول ان اصلح الامور بيننا..

راقبته وهو يخرج من الحضيرة وتنفست براحة..
والله ماينقصني الا انت..
قربت صندوق من الخشب وصعدت عليه..
وسوت مثل ماعلمها ماكس..
تمسكت باللجام ورفعت ارجولها..
ثبتت نفسها على الفرس..
وخرجت من الحضيرة بهدؤ..
كان الثلج متزايد ومغطي أغلب الطريق..
ماكانت تحس بخووف من الفرس لانها هادية وتمشي بارادتها..

تتسال ليش مكتئبة وتحس بقهر..
هذا هي عايشة بحالها..
اسبوعين ما احد فيهم تعرض لها او اذاها..
حتى غازي ما فرض عليها شيء..
ولا اجبرها على دخول القصر..
طيب ليـــش مكتئبة..؟؟
مكتئبة لاني أحس بوحدة..
أحس اني مهملة ولا أحد يهمه أمري..
لو أموووت ما حدن درى..

معقولة انتهى الانتقام..
وباقي حياتي بتظل بهالشكل..
أكيد بيرجعون السعودية هذا اللي قالته ماريا..
طيب وأنا بيتركوني هنا..
لا مستحيل يسويها ويخليني هنا..

وليش مايخليك..
مو سواها من قبل لما رجع السعودية وخلاك مع ماكس وكل اللي بالمزرعة..
ولما يسافر يخلص شغله ويرجع..
ومحتمل جدا يخليك وينسى منك..

عادي عساهـ مايرجع..
يروح ويريحني منه..
يمكن اذا راح ونساني اقدر اطلع من هنا..
واتخلص من هالسجن وكلاب الحراسة اللي تراقبني..

صرخت بخوف لما سمعت صوت قوي ماقدرت تفسرهـ..
وهذا خلا الفرس تثووور ترفع رجلينها الأمامية وتضرب الأرض عدت مرات..
وبعدها أسرعت الفرس وصارت تعدوو بشكل هائج ومخيييف..
صرخت هديل وتمسكت باللجام بقوووة..
صرخت وصرخت لكن ماكانت تزيد الفرس الا هيجان وخوف..
فجاءة طاحت من على الفرس والسرج معها..
ضربت على الأرض بقوووة والثلج كان قاسي وزاد من قوة الضربة..
تأوهت بألم وحست بدوووخة وانها بتفقد وعيها..
حست باحد قريب منها..فتحت عيونها وهي تمد يدها بتعب..
يد مسكت على يدها بقووة..
وبعدها ضربة على وجها افقدتها الوعــــي ...

صحت وبنفس الوقت ماصحت..
ماتدري هي وين..ولاتدري وش صار فيها..
وبين لحظات الوعي وال لاوعي..
أدركت بآســـــــــى عميق بأنها لازالت على الأرض والثلج يغطيها..
تحاملت على نفسها بتعب..
وبقدرة عجيبة قدرت تجلس بانحناء..
نفضت بعض الثلج عنها..
من شدة الألم ماتدري أي مكان من جسمها محتاج تحط يدها عليها وتحاول تهدي ألمه..
وقفت بانتفاضة..
طاحت على ركبها وهي تأن من الألم..
أدركت ان اصابتها مؤلمة بحد كبيــــــــــــــر..

وقفت وصارت تمشي مثل التايهة..
كانت شاكة بالطريق اللي تمشي فيه..
هل هو الطريق الصح أو لا..
ناظرت حوالينها وشافت الاسطبلات..
توجهت لها وجلست بتعب داخل حضيرة عسولة..

لاحظها أحد العمال وحاول يساعدها..
تكلمت بتعب\أرجوك استدعي ماريا..
العامل نفذ طلبها وراح لـ القصر ونادى ماريا..
اللي تواجدت معها بعد دقائق..
هديل بالم\ســـ اعديــ ني ..
ماريا\ماذا حدث لكي..يا الهي أنتي تنزفين..
هديل تشهق\مــــــــــــــــــاريا أنا امــــــــوت..
ماريا ضمتها بخوف..وطلبت من العامل يشيل هديل..
هديل بخوف\لا لاتدعيه يقترب مني ارجوك..
ماريا\آآآهـ ما اعندك لن تستطيعي المشي ولا استطيع حملك..
اسمحي له بمساعدتي..
هديل تتآآوهـ\لا أرجــ وكي ماريا لا..
وقفت ماريا ووقفت هديل برقة..
كانت تتعثر بخطواتها بسبب الثلج..
مازال القصر بعيد عنهم كم متر..
هديل كانت على وشك انها تنهار..
بس لمحته جاي لها وبخطوات سريعة..
الدموع اغرقت عيونها والدم خانقها مو قادرة تتنفس..
أول ماقرب منهم أنهارت بين يدينه..
تبكي بألم..
ماكان له اي ردت فعل حتى يدينه ماحضنتها مثل ماكان يسوي..
وبلحظات شالها بخفة ومشى ورى ماريا..
دخلها غرفتها وسدحها على السرير وخرج من دون مايلتفت وراهـ..

هديل\سأموت ماريا سيقتلني سيرحل ويتركني هنا..
ماريا\عزيزتي اهدئي أرجوكي كفي عن الصراخ..
هديل\ابي أمي ما ابي أظل لحالي بها المكان أنا موووجوعة مووجوعة..
يوبــــــــــــــه يوبـــــــــه تكفى خلاص ما اقدر اتحمل..
يوبــــــــــــــــــه آآآآهـ..
ماريا بارتباك\ساذهب لأنادي السيد أرجوك لاتخافي انا لا أفهم ماذا تقولين..

خرجت ماريا وتركت هديل تبكي وتتألم..
ماتبيه يرجع..ماهو شافها تعبانة وتموت وراح وتركها..
ماتبيه يقرب منها..ماتبيييييييييييييييييييه..
أكرهك والله اكرهك..
أهملتني نسيتني..
ما اتحمل وحدتي بتجنني..

وقفت بصعوبة وقفلت باب قسمها بالمفتاح ماتبيه يجيها..
مو محتاجة طبـــه ولا شفقته..
دخلت دورة المياهـ..
فسخت ملابسها الغرقانة بألم..
جلست تحت الماء الدافي وهي ضامة نفسها..
كل ماتحركت حست بعضلاتها تتمزق..
لفت جسمها بمنشفتها..
ناظرت بالمرايه وشهقت لما شافت شكل ظهرها..
كتفها اليمين رقبتها ..
كانت ألوان من الأخضر والازرق وتحورات من الدم..
وجها ماكان أحسن من حال جسمها..

خرجت من الحمام وانصدمت فيه واقف في غرفتها..
انقرت من تواجدهـ..
وأنقهرت من شكلها بالمنشفة..
شافته يقرب منها بخطوات كبيرة..
رجعت لدورة المياهـ وقفلت الباب قبل يوصل لها..

غازي بحدة\افتحي الباب..
هديل تهز راسها بلا وكانه يشوفها..
غازي بغضب يدق الباب\افتــــــــــــحي..
لبست بنطلونها وقميصها بقدر ماتستطيع ..
مع انها كانت تتالم..

غازي\انا معي مستر كي واقدر افتح الباب..
لو سمحتي افتحي الباب مابضرك والله العظيم..

خرجت وهي تترنح بتعب..
وقبل لا تنطق بكلمة ..
وقبل لا يقرب منها خطوة..

غابت عن الوعي..

صحت من النوم متالمة مثل ماتالمت بمرات كثييير..
ربع ساعة أو أكثر مايتحرك فيها غير جفونها..
حالة أصابتها ربما ماتسمى بالصدمة..
وربما حالة نفسية تسمى الكئابة..

الاكتئاب النفسي..
كم سيطر ذاك الاكتئاب على ملايين القلوب الحزينة..
أما لسبب الفقدان المرير..
أو بسبب هم كبيــــر عجز العقل والقلب معاً على استحماله..

فلينقذ ربي كل من يصيبه ذاك البغيض الكريه..
ذاك الاكتئاب..

حركت راسها لأول مرة من صحيت من النوم...
بس حست بثقل وشيء يشدها ترجع تنسدح بمكانها..
ألتفتت بخفة ولاحظته بطرف عينها..
نايم على شعرهـــا..

رجعت راسها لوسادتها مالها حيلة تصحيه أو تتكلم معه..
ماتبي قربه..ماتبي تتكلم..
ماتبي الا انها تظل لحالها..

صحى من النوم ويدينه تدور عليها قريب منه..
لكن مكانها كان بارد..
أستغرب عدم وجودها جنبه..
وين ممكن تكون..
بس شعرها الملامس لخدهـ..
واللي ريحته ماليه شرايينه..
أثبت له أنها جنبه..
مسك شعرها وصار يمسح عليه..
بس بلحظة فز واقف على رجلينه لما حس بشعرها ينسحب بشكل غريب..
وأنفجع لما لقى شعرها مرمي على مكان نومه..
وهديل مو موجودة..

قـــــــــــــــصت شعرهــــا ...

الى الملتقى باذن المولى عز وجل يوم الجمعة..

كونوا بالقرب من هنا ..

كونوا بخير’’’

25 - 12 - 2021, 02:01 AM

البارت الثــــــالث والثلاثون..

تريدين أن تعرفي كم اشتقت إليكِ؟! سأحاول أن أصف يومي بدونك ...
أصحو و أفتح الستائر فتبدو الأشجار في الحديقة متعبة شاحبة تسألني: أينها؟!
أحلق في الحمام وأحدّق في المرآة وتتضاعف الشعرات البيض فجأة
وتضحك المرأى بخبث وهي تسألني : أينها؟!
وأقرأ جريدة الصباح وأعثر على خبر طريف وأبدأ في الحديث معك
قبل أن يصفعني الواقع الوقح بسؤال مباغت : أينها؟!
تمر ساعات اليوم بطيئة ..
بطيئة كجِمالٍ تحمل جندلاً وحديداً وتسألني كل ثانية منها : أينها؟!
أعود إلى المنزل وأتخيل وأنا في الطريق
أن كل العيون في كل الوجوه تحملق فيّ باستغراب وتسألني : أينها؟!
ويضمني المنزل الخاوي..
أفتح كتاباً في التاريخ فلا أفهم شيئاً لأن كل حرف يغادر مكانه ويصرخ فيّ : أينها؟!
أنصرف إلى المذياع وتنهال الموسيقى طبلاً غجرياً ملحّاً يردد: أينها؟!
أهرب إلى الرائي فتقفز أمامي الصور والألوان والأصوات
في سيمفونية مجنونة مشوّشة تعيد وتعيد : أينها؟!
أفر إلى السرير . أضع المخدة فوق رأسي أطمع أن أراكِ فيما يرى لنائم.
ويجيء النوم بعد جهاد مرير.
لا أكاد أنام حتى فاجأني حلم غريب غاضب يسألني كأنني متهم أمام القضاء :أينها؟!
وأفيق . انتظر الصباح المرهق..
أيتها الغالية!
هل بدأتٍ تعرفين كم أشتاق إليك؟!

المرحوم باذن الله تعالى غازي القصيبي..

الرجال منتشرون بكل مكان..
الحرس الخاصون به يمترون المزرعة يبحثون في كل مكان..
قـــام باجراء عدة أتصالت يعلم بانها لاتستطيع الوصول الى السفارة..
فالسفارة هناك في العاصمة في رومـــــا..
ولكنه لايترك للممكن مجالاً..ولا يعترف بكلمة مســـتحيل..
فان هي قادرة على الهرب فهي قادرة على الوصول الى السفارة..
لايعلم هل يتمنى أن تصل الى السفارة وتهرب بعيداً..
أم يتمنى ألا تقع يديه عليها فيذيقها عقاب ما أقترفته..
فحالها كما يعلم هو لن يساعدها على الابتعاد من ممتلكاته..
حراس البوابة واثقون بأنها لم تتعدا تلك الأسوار الشاهقة..
ولم تتجاوز تلك البوابة الحديدية..

اذاً أين هـــــي؟؟
كيف أختفت..؟؟

كان على ظهر الخيل راجع من الكوخ الخاص بعمال المزرعة..
فلم يطمئن قلبه الا بعد أن بحث بنفسه هناك..
لربما هي لم تهرب..قد يكون أحداً ما مسئوول عن اختفائها..
هذا كان رأي راجــح فهو من قال بأنها مريضة ولن تستطيع الهرب..
وهو من أشار بان كوخ العمال مكان مشبوووهـ ويجب البحث فيه..
وافقه غازي وطالب الكلام والظن..
بحثوا معاً ولكن بلا جدوى..

راجح بغضب\أنت وش سويت فيها؟؟
غازي بوعيد\باقي ماسويت..
راجح\ماهربت منك وهي بحالتها ذيك الا وانت مسوي شيء كبير..
طالب\وليه تهرب ؟؟
راجح\أسال أخوك ..أنا يا الله قدرت أشيلها من دون ما أكسرها..
وهو الله العالم اذا داواها ولا كسرها..

تركهم غازي من دون مايرد على راجح أو طالب..
توجهـ الى القسم الخاص بالنخيل..
رغم معرفته بانها لن تقدر على الوصول الى هناك..
لكـــن هي فتاته العنيدة..
وستصل الى هناك ان كانت تريد ذلك حتى ولو زحفت على يديها..

طـــــــــــــال الوقت وطال..
ولم يتم العثور على أثر لهديــــل..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛

بالمكتب كانت رشا وشوق جالسين مستغربين من اللي صار..
ربما هديل ماتهمهم ..
ولكن اخوهم غازي يهمهم وتهمهم حياته..
وهذي أول مرة يشوفونه معــــصب وغاضب الى هذي الدرجة..
لما دخل مثل الاعصار وتوجه لمكتبه يجري اتصالاته وتحذيرات..
واستغربوا صراخ راجح على غازي ورد غازي بنفس الاسلوب..
طالب كان بالنص بينهم ولاهو فاهم سبب الغضب..

رشا\ويــن راحت مرت خمس ساعات وهم يدورون عليها؟؟
شوق\مدري..
رشا\ليش هربت؟؟
شوق\فهمت من كلام عمي انه ممكن غازي ضربها..
رشا\مع حبي لغازي واحترامي له بس مايحق له يضربها..
شوق\غازي ماضربها..عمي بس يظن ان غازي ضربها..
رشا تناظرها\ان كان ماضربها هالمرة فتراهـ ماقصر فيها من قبل..
شوق\وان ضربها مو هي جاريته؟؟
رشا باستخفاف\واذا جاريته او خادمته لكل شيء حد..
هذا احنا مانضرب الخدم ولا نعاملهم بقسوة..
شوق\اذا أنا وأنتي ماناذي الخدم فترى مو كل الناس مثلنا..
فيه ناس بلغت قسوتهم انهم يذبحون الخدامة ..
رشا\لاتغيري الموضوع..انسي حقدك عليها وتكلمي بالحق..
شوق\كلن ماياخذ الا نصيبه..
رشا\وش اللي مقسي قلبك عليها الى هذي الدرجة؟؟
شوق\لاني لما اشوفها اشوف اخوها اللي قتل أخوي وقتل زوجك
يتم غازي قتل ولد امي..
رشا\وهذا هي تتعاقب على سواة اخوها..
ماهو كفاية حارمها من هلها لا تزورهم ولا تتصل عليهم..
شوق\هذا أقل شيء تستاهله..
رشا بقهر\طيب فهميني وش ذنبها هي؟؟
شوق\ذنبها أنها أخته..
رشا\الله لا يذوقنا الحرمان اللي تعيشه ولا يحرمنا من اهلنا..
شوق\احنا مو مجرمين مثلها..
رشا\ما احب اتكلم معك عنها..لانك حقوودة وتفكرين بحقد
شوق بعصبية\بالله وش تبيني أسوي أبكي على حالها ولا اضمها وأطبب عليها..
كل واحد يتحمل مسئولية أفعالهـ..
رشا\استغفر الله العظيم..خلاص لاتكلمي عنها..
شوق\بس الهبلاء وين راحت والدنيا ثلج؟؟
رشا بعصبية\وأنتي وش يهمك مو تكرهينها خلاص خليها تروح وين ماتبي..
شوق بعناد\عساها تتجمد مخليه هلنا يخرجون بالثلووج بسببها..
وفوتت على غازي سفرته..بجد انها بزر ماتفكر ولا تفهم..
رشا توقف\يالكبيرة العاقلة سدي حلقك لاتدعين على البنت..
شوق\أوووف منك رشا اطلعي دوري معهم عليها..
رشا\ياليت لو أقدر أطلع وادور عليها..وشكلي باسويها
ماتدرين وش حالها ألحين..يمكن تعبانة او احد أذاها..
ماكان يحق لغازي يخليها برا القصر لحالها..
المفروض تعيش هنا بالقصر وتكون قريبة منا..
شوق\متى ماتذكرتي انها السبب في ترملك وفي يتم ولدك علميني..
أنا باروح أشوف أمي ..

خرجت شوق من المكتب متجاهلة التفكير في اللي صاير خارج جدران القصر..
بينما رشا وقفت عند الشباك تناظر على الحديقة الجليدية..
مافيه أثر لأي مخلووووق في الحديقة..
تخيلت لو مثلاً كانت هديل تحت الثلج وما احد يدري عنها..
يمكن هي ماهربت مثل مايتوقعون..
يمكن طاحت بحفرة أو صار لها شيء..
بتتجمد من البرد ..
ماقدرت توقف بمكانها وهي تسمع صوووت الريح ..
ناظرت بالمدفئة وشافت النار وحست بالدفاء حواليها..
طيب وهي تتجمد..تمــــوت..

لبست البالطو ولفت حجابها عليها وخرجت من القصر..

كانت تمشي بتردد وعقلها ينبها ترجع..
راحت للملحق كان الباب مردوود بعد خروج غازي منه..
المكان كان بارد فسرت هالشيء من ان الباب كان مفتوح فاكيد المكان بيبرد..
دخلت لغرفة النوم جليت على سرير هديل ولاحظت بقايا شعرها مرمي على الفراش..
لفته بين يدينها ورتبته ربطت الجزء العلوي منه بمنديل..
وجدلت الباقي وفي نهايته ربطت الجديلة..
وقفت وحطت الجديلة على السرير وهي تمسح دمعتها..
وخرجت من الغرفة..
قفلت الملحق ومشت راجعة القصر..
الله يسامحك ياغازي ليش قصيت شعرها..
وش اللي هي سوته عشان يكون هذا عقابها..
صعبة علي بعد هالزمن اكتشف انك قـــاسي يا أخوي..
قلبي يوجعني عليها ماعدت اتحمل ظلمها..
لو أنا منها ما اتحمــــل..
ليــــش قصيت شعرها ليـــش؟؟
وماتبيها تهرب بعد سواتك هذي؟؟

تمشي من غير ماتنتبهـ لـ الطريق..
القصر قدامها وهذا المهم..
لكن الطريق مو نفس الطريق اللي مشت عليه..
في لحظة زحلقت رجلها على الجليد بشكل قوي..
وبلمح البصر كانت طايحة على الأرض وهي تصرخ من الألم..
ألم فظيــــــــع برجلها مو قادرة تحركها ..
بكت من شدة الوجع اللي تحس فيه..
حاولت توقف عدة مرات ..
وقفت وهي تترنح مشت خطوتين وطاحت ع الأرض مرة ثانية..
وأدركت أن رجلها مو بحالة طبيعية..تحس فيها مكسورة..
رفعت راسها وناظرت حوالينها تشوف اذا فيه أحد ممكن يساعدها..
بس المكان كان هادي جداً..
لأن كل الرجال في المزرعة يدورون على هديل..
الملحق كان أقرب لها من القصر ومع ذلك ماقدرت توصل للملحق..
ظلت بمكانها تتألم لحتى غفت ع الأرض..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

غادة\أقتنعت..بس بشرط..
علي\وش شرطك؟؟
غادة\دراستي ماتكون اجبارية..يعني ماتربطني بالسنوات..
خلني ابداء في معهد خاص لكم شهر ان شفت اني قادرة اكمل نحول اوراقي ع الجامعة..
علي\بتضيعي الوقت..
غادة\لا ياحلوو ما بيضيع وقتي لاني عرفت النظام عندهم..
ولو ادرس معهم لمدة شهر ماراح يروح تعبي اومجهودي..
بيعطوني شهادة او سجل يشهد بدراستي معهم..ومعه كشف بقدرتي وتقديري..
علي\براحتك أنتي واعية وفاهمة وتعرفي مصلحتك..
غادة\تممنا على خير..وترى ماقلت لامي شيء أنت قول لها وقول لعسوولة..
علي\تبينهم يطبون في بطني لا انتي قولي لهم..
عبدالله يلعب بالقيم بوي\خلك ذيب لاتخاف من الحريم..
علي\ذيب غصباً عن أمك..
حنان\وش فيها أمه؟؟
علي بحب\ياويل حالي لبى أمه ولبى طوايفها..
عبدالله\كم مرة قلتلك لاتغزل في امي؟؟
علي بغضب\عبيد تراك نغصت بعمري كل ماقلت لها كلمة نطيت مثل القطوو..
عبدالله\لو أبووك يتغزل في أمك بتسكت له؟؟
علي بصدمة\عنبو غيرك استح على وجهك زوجته انا وش دخلني بينهم..؟؟
غادة\لا اله الا الله دايم هواش ذا الاثنين..
عبدالله\وغدة قولي لاخووك لا يتغزل في أمي وش يحسب ماوراها رجاجيل؟؟
حنان\هههههههههههههههههه
عبدالله\ايه أضحكي عاجبك ان ولد الناس يقولك لبى ومدري وشهو..
بس مايكون ذا الشنب على عبدالله ان ماعلمت ابووك يومه وخليته يشوف شغله معك..
علي\زوجتي يالثووور زوجتي..
عبدالله يستعد لـ الهرب\ماباقي الا ترقمها ماكني مالين عينك..

علي يقووم من مكانه ويركض ورى عبدالله اللي حط رجله شارد من الصالة وأبوهـ وراهـ..
حنان وغادة يضحكون على علي وتوعده في عبدالله اللي دخل غرفة عسولة وقفل الباب وراهـ..
علي طلع يبدل ملابسه لان صاحبه بيمر عليه وحلف ماياخذ عبدالله معه..
غادة\الله يعينك من شاف هذؤلاء قال طباين مو أب وولدهـ ..
حنان تبتسم\احمدي ربك ماتشوفين هوشتهم بجناحي..
ياويل عبيد يدخل غرفة نومي وياويل علي يدخل غرفة عبيد..
غادة\فديته عبوودي والله باشتاقله..
حنان\الحمدلله ربي مارزقني الا بعبوود وماني ابي غيرهـ..
غادة\دوووم علي يقووول لو جاء عبود بنت كان احسن..
حنان\ههههههههه لما يوصل حده من عبود يقول لو جبتي بنت مالت عليك..
غادة\هههههههههههههه جنن أبوهـ..
حنان\غدوو متى بتسافرين؟؟
غادة\ماعندي خبر علاوي وهادي هم المسئولين عن الموضوع..
انا ماعلي الا أجهز شنطتي وأشل عقلي معي..أخاف أنساهـ..
حنان\هههههههههههههههههه فديت عبووودي دووم يذكرك بعقلك لاتنسينه..
غادة تذكرت شيء\تدرين ان الخايس حاط نغمة جوالي همتارو..
وأنا في اجتماع مع المدرسات الا واسمع صوت جوال هل تعرفون من هو همتارو
وانا اناظر في المعلمات من الهبلاء اللي حاطة هذي النغمة..
وشوي الا وكل المعلمات يناظرون فيني اتاري هذي نغمة جوالي..
حنان\ههههههههههههههههههههههههههههه يووومه فشلة..
غادة\فشلة وبس..أقووولك طاح برستيجي وانا اللي يعنني ثقيلة..
قمت أتبسم وانا اقفل الجوال واتوعد في عبيد الوغد..
عبدالله\ماوغد غيرك يالوغدة..
قال كلمته وخرج من البيت يركض وغادة وراهـ..
طاح عبدالله على الدرج وغادة جلست على الأرض ميتة من الضحك على شكله..
عبدالله\آآآآي هذي عين أبوووي مايذكر الله..
غادة\آآآهـ بطني ههههههههههههههه ياليتني مصورتك بلوتوث كان فضحتك..
عبدالله\قايلك أنك وغدة بس ماانتي مستوعبة..
غادة\ههههههههههههه ياربي مو قادرة شكلك فلة..
عبدالله\المهم ماشافني حميد الدوب كان الحين برك فوقي..
غادة\قووم أساعدك عطني يدك..
عبدالله\معصي حرمه تقومني افا يالعلم..
غادة بغرور\يجيلك ياهندي المزرعة ان غدوو تساعدك..
في لحظات وقف عبدالله بسرعة وسحب غادة من يدها ودخلها البيت وسكر الباب الداخلي..
عبدالله\لاتخرجين فيه رجال في الحديقة..
حسبي الله عليك وعلى وجهك شافك وشبع من كشتك..
بس دواك عندي لما يروح ان شفتك لابسة بجامة قطعت العقال على ظهرك..
باروح أقلطه جهزي القهوة..

خرج وغادة واقفة بمكانها مصدومة..رجال وشافني..
ناظرت بنفسها بجامة وخزياه شافني لابسة بجامة..
حنان\ياويلك ياغدووو ماشافك الا وانتي لابسة بجامة..
غادة\وش رايك أطلع أكشخ واتلبس وانزل يشوفني وانا كاشخة ؟؟
حنان\هههههههههههههه ليش لا؟؟
غادة\هههههههههههه تخيلي بالله ادخل واقول ترى انا اللي شفتها قبل شوي بالبجامة..
حنان\ايه قولي لايغرك المنظر قبل شوي هذي حقيقتي..
علي\يعني نقول البنت موافقة وهذي الشوفة الشرعية؟؟

تجمدت غادة بمكانها حنان شهقت بصدمة..
وش يقصد علي من كلامه..
هل يمزح معهم ويكمل هبالهم ..
ولا هو صادق بكلامه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

خرج من غرفته وبيدهـ ظرف اسود مايندرى وش فيه..
مر الوقت وهي الى الآن مالها أثر..
ومع مرور الوقت كانت تزيد عصبيته وغضبه..
ويتوعد بهديل أكثر وأكثر..

قرر يوسع نطاق البحث لخارج المزرعة لانها وبكل تاكيد هديل مو في المزرعة..
راجح هو اللي قرر يروح معه لانه مايضمن غازي وش ممكن يسوي فيها اذا مسكها..
بينما طالب يظل في القصر ويكمل البحث مع العمال..

كان بينزل الدرج لما سمع امه تناديه..التفت عليها بجمود..
ام غازي\وين رايح بهذا الوقت؟؟
غازي\أرجعها..
ام غازي\وينها فيه؟؟
غازي\بألقاها..
أم غازي\وسفرك مو على أساس اليوم مسافر؟؟
غازي باستغراب\أسافر وأنا مدري وينها فيه؟؟
أروح لشغل وهي الله أعلم بحالها؟؟
ام غازي\يعني يهمك حالها؟؟
غازي بشك\قولي اللي عندك يومه..
أم غازي ببرود\هديـــل عندي..والحين تقدر تسافر وتشوف شغلك..
غازي مارد عليها واقف مو مستوعب كلام امه..
يدور عليها من الفجر قلب المزرعة والدنيا عليها..
ماترك مكان الا ودورها فيه..
ماتجاهل اي توقع الا وخلاه ممكن..
كان خايف عليها وأكثر شيء خايف عليها من نفسها..
وأمه تراقب الوضع وتشوف كل اللي قاعد يصير..
وماتكلمت ولا رحمت حاله ..

أم غازي بصوت مخنوق\هديل عندي بغرفتي..
مدري أنت وش مسوي فيها..لحتى هربت منك..
وماقصدت الا امك..هربت منك ولجئت لأمك..
ماني مصدقة ان انت ممكن تسوي فيها كل هذا..
مو انت صح ياغازي مو أنت؟؟

غازي\عندك؟؟
ام غازي مشت وجلست بالصالة الفوقية وغازي جلس عندها..
ام غازي\صحيت ولقيتها بغرفتي..
كانت جالسة على الكنبة وكأنها مو واعية..
قربت منها ناديتها بس ماردت علي..
انصدمت من شكلها ومن شعرها المبهذل..

صحت من النوم وقبل لا تقوم من سريرها قرأت المعوذات وقرئت أذكار الصباح..
وقفت ببطء توها بتتوجه لدورة المياهـ الا وتلمح مثل الطيف جالس ع الكنبة..
فتحت انوار الغرفة بشكل سريع وانصدمت من الموجودة معها بالغرفة ..
قربت منها بهدؤ وعرفتها مع ان هديل مارفعت راسها..
بس هذي مو رشا وأكيد مو شوق..
نادتها باسمها..
حاولت تناديها من قبل باسم رسل لكن ماقدرت..
لانها تظلم رسل وتظلم هديل بنفس الوقت..
ففظلت انها ماتناديها أبداً..
لكن اليوم وبهذي اللحظة لازم تناديها..
ام غازي\هديـــل..
هديل ماردت ولا ادت اي حركة تدل انها واعية او سمعت ام غازي..
جلست جنبها ام غازي وحطت يدها على ظهر هديل..
لكن شالتها بسرعة لما سمعت شهقة هديل بألم..
أم غازي بخوف\وش فيك فيه شيء يعورك..؟؟
مدت يدينها ورفعت راس هديل لها..
تلمست وجها ومررت يدينها على شعرها..
مصدووومة من شكلها من شعرها..
والصدمة الأكبر ان هديل هنا بغرفتها..
وقفت وسحبت هديل توقف..
فسخت عنها البالطو بحذر عشان ماتعورها..
بس مابان معها شيء لان هديل كانت لابسة كنزتها الصوفية..
رفعت الكنزة بهدؤ..بس يدين هديل اللي ضمت بها نفسها ماساعدتها..
أم غازي\لاتخافين ولاتخجلين مني..أبي اتطمن عليك..
صدت عنها هديل ورجعت تجلس على الكنبة بصمت..
رفعت الكنزة عن ظهرها وشهقت لما شافت شكله..
أرتجفت بخوووف ومن دون شعور لمت يدينها حوالين هديل من ورى وضمتها بقوووة..
مع انها حست انها عورت هديل لما ضمتها على ظهرها..
لكن ماقدرت تتركها...ماقدرت تتركها..
أم غازي بغصة\اذا هذي سوات ولدي عسى ربي مايسامحني..
لا رد صمــــــت وكأنها انسلبت منها كل ارادة وقدرة على الكلام..
ليش ياغازي ليــــش؟؟
متخبية عندي..تبيني احميها منك..
ياربي عفووك..يارب سامحنا سامحنا..
أم غازي\قومي معي ..
وقفت ومدت يدها لهديل..
بس يدها ظلت معلقة بالهواء لان هديل مامدت يدها لها..
ام غازي\هديل ساعديني عشان أساعدك..
قومي معي يـــومه..
رفعت راسها بالم وبعيون دامعة تعلقت عيونها بعيون ام غازي..
أم غازي\تكفين..
هزت راسها نافيه هالشيء..
لان ثنتينهم يدرون باستحالة هذا الشيء ومدى صعوبته..
أمــــه ومستحيل تصير امـــها..
بصـــفه وصعبه تنصـــفها..

بعد وقت قربت منها ام غازي ووقفت وراها..
مشطت شعرها وقصته لحتى ساوته مع بعض بقصة مرتبة ..
لان شعرها كان مبهذل جزء اطول من جزء..
قصت لها غرة كثيفة على حد عيونها..
طلع لها شكل ثاني جداً..

لن نراها الآن بل لاحقاً في عيون احدهم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

سكتت تمسح دمعتها وعيون غازي مركزة عليها..
غازي ترك أمه وتوجه لغرفتها ..
لكن أمه وقفت بوجهه..
أم غازي\وعزة الله وجلاله ماتقرب منها ولا تشوفها..
غازي بغضب\استغفري ربك يومه ولا تحلفين..
واتمنى منك ماتدخلين بيني وبينها..
أم غازي\أنت لو تراعي ربي فيها ماتدخلت..
لو هي ماجاتني ولا تعشمت فيني ماتدخلت..
ليه ضربتها ليه قصيت شعرها ليـــه تعذبها؟؟
غازي بعناد\ملك خاص لي وانا اسوي فيها اللي ابيه..
أم غازي\مابتشوفها والحين رووح لشغلك سافر ابعد من هذا المكان..
غازي\باسافر وهي معي..
أم غازي\والله ماتاخذها ياغازي الا على جثتي..
غازي\استغفر الله العظيم..يومه يكفي راجح..
خلوني احل اموري بنفسي لا تدخلون بحياتي..
أم غازي\اللي فيها يكفيها..
تكفى يومه أنت سافر الحين ولماترجع يصير خير..
غازي\يومه انا باغيب اكثر من عشر ايام لازم أشوفها..
ام غازي\مابتشوفها..هي بخير..
وأوعدك أخليها تحت عيوني ومايصير فيها شيء..
غازي\اسافر قبل لا اشوفها مستحيل..

ترك أمه وتوجه لـ الباب فتحه..
لكن الباب كان مقفووول..
أم غازي\كنت أدري انك ماراح ترضى..
أخذت احتياطي وقفلت الباب عليها...

صد عن امه ومشى يبي ينزل..
غازي\قولي لها يومـــه..
كل شيء بحسابـــــه..

دخل المكتب أخذ جهازهـ ومفكرته الالكترونية..
متجاهل الجميع ومتجاهل سؤال راجح له..
راجح\ويـــن بتروح..؟؟
خرج من المكتب ورجع يناظر فيهم..
غازي\البنت عند أمي..
خرج من القصر ركب سيارته وتوجه للمطار..

طالب\أخوك أستخف؟؟
شوق\يقول انها عند أمي..
راجح\وأمك ليه ماقالت انها عندها وحن من فجر قالبين الدنيا..
خايفين لايكون صار في البنت شيء..
شوق خافت من هجومهم عليها وارتبكت..
ماهي عارفة كيف تقول لهم ان رشا مو موجودة بالقصر..
الخادمة قالت لها ان رشا خرجت قبل ساعتين والى الحين مارجعت..
شوق\عــ عمي رشــ ـا..
راجح\وش فيها رشا؟؟
شوق\وينــ ـها؟؟
راجح\ما ادري من خرجت الى الحين ماشفتها..
شوق\يعني هي ماكانت معكم؟؟
راجح ركز عيونه عليها ينتظرها تتكلم..
لكن طالب لفها عليه بقوة..
طالب\كيف تكون معنا؟؟وينها فيه؟؟
شوق ترتجف\مدري والله مدري..
راجح\كيف ماتدرين؟؟هي في القصر؟؟
شوق تهز راسها\لا مو فيه خرجت قبل ساعتين..
طالب\ولا رجعت؟؟
شوق\لا مارجعت ..
راجح يهز شوق\وليش ماتكلمتي من قبل ياغبية..
ليه ماكلمتيني..؟؟
شوق تبكي\مدري خفت تهاوشها..
ظنيتها بترجع بس مارجعت ..
دفها راجح على طالب وخرج من المكتب..
وخرج طالب وراهــ..
راجح\هذولاء يبيلهم ضرب يعلمهم السنع..
طالب\بادورها حوالين القصر ..
راجح\وانا باشوف الاسطبلات والملحق..
مابتبعد من هنا..

دور عليها راجح بالاسطبلات بس ماكانت موجودة..
وهو كان يستبعد وجودها هناك..
توجه للملحق وهو يتوعد فيها ومصمم يخليها تحسب حساب لكل شيء هي تسويه..
ماكانت في الملحق والباب كان مقفووول..
رجع للقصر وهو يتلفت بالمكان..
شافها مثل الخيال طايحة على الثلج..
عرف من تكون قبل لا يوصل لها..
جلس جنبها ورفعها بخوف..
راجح يمسح وجها\رشـــا..رشـــا
فتحت عيونها و ماردت عليه الا بأنيين متعب..
شالها من على الأرض بسرعة ودخلها القصر..
قال لشووق تنادي طالب وتقوله انه لقاها..
دخلها المكتب وجلسها على كنبة عند النار..
فسخ البالطو عنها وضمها يدفيها..
حتى قفازاتها كانت ثلللللج..
رفع أرجولها على الكنبة وهي صرخت بالم..
رشا\آآآآآآآآهــ ارجولي
راجح سدحها وجلس عند رجلها رفع البنطلون وانصدم من شكل العظم..
كيف كان مورم وينزف تحت الجلد..
طالب\ويـــن لقيتها؟؟وش صار فيها؟؟
راجح\أعتقد رجلها مكسورة..
بأوديها المستشفى..شوق هاتي معطفك..
فسخت معطفها بسرعة وعطته عمها..
وهو لف رشا فيه وشالها وطلب من حراس المزرعة يقربوا سيارته..
حاول طالب يروح معهم لكن راجح ماعطاه فرصة..
ومارضى ياخذه معهم..
مشى بالسيارة وطالب وشوق واقفين عند الباب..

طالب\حريم ناقصات عقل..
وش يخرجهم بالثلوووج..ناسين انهم بنات السعودية..
ولا عمرهم شافوا الثلج وعاشوا فيه..
شوق\باروح أعلم أمي برشا..
طالب يلتفت عليهاوبعصبية\وش موقفك قدام العمال بذا الشكل ياللي ماتستحين؟؟
شوق بقهر\أنا ما أستحي ؟؟
طالب يسحبها من يدها ويدخلها القصر ويقفل الباب..
طالب\ايه ماتستحين خارجة بلبسك هذا وشعرك..
شوق\معطفي عطيته عمي وشعري ما انتبهت عليه..
طالب\لانك حمارة واحد ينسى من حجابه ..؟؟
شوق\انت الحمار يا قليل الادب ياللي ماتستحي..
أدري عينك على الخايسة اللي تحبها عساك الجلطة معها قوول امين..
طالب يمسك فمها بقووة\لاتعلين صوتك علي ياشوق..
صح أنا ساكت لاكثر كلامك..بس ذا مايعني ماني قادر اربيك..
شوق دفته عنها\رووح رب حالك اول انت والصايعة اللي تحبها..
طالب ضربها كف على وجها خلاها تدرك ان اللي قدامها مو مثل ماتتوقعه..
ماهو طالب اللي كان يغطي على شطانتها واغلاطها..
ولا هوطالب اللي طووول عمره مطول باله عليها وعلى دلعها..
هذا طالب اللي ماتتمنى بحياتها تشوفه وتعرفه..
طالب\من اليوم يا شوق الى وقت رجوعنا لـ السعودية قرري..
زواج باحترام وتكبرين عقلك..
أو اخوك ماهو بعاجزن عنك..وحتى لو صرتي مطلقـــة..

خرج من المكتب وتركها واقفة بمكانها ..
عيونها معلقة فيه ودموعها متجمدة من الصدمة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

المواضيع المتشابهه لموضوع: ما غرام يشرح الصدر طاريه و إلا صدود و عمرنا ما عشقنا للكاتبة صدود كاملة لموضوع: ما غرام يشرح الصدر طاريه و إلا صدود و عمرنا ما عشقنا للكاتبة صدود كاملة
الموضوع	كاتب الموضوع	المنتدى	مشاركات	آخر مشاركة
سجود السهو	نجمة المساء	نفحات اسلاميه	15	8 - 6 - 2021 12:49 PM
يشرح القلب طاريه ولا صدود وعمرنا ما عشقنا	شيخة الزين	همس عالم حواء	6	1 - 7 - 2018 10:50 PM
فستق صيني	همسة الشوق	همس لعالم النبات والثروه والزراعه والحيوانيه	8	13 - 9 - 2015 06:35 AM
علمو سدني	سجات التهاويل	همس للرياضه السعوديه والخليجيه	3	6 - 3 - 2015 08:50 PM
صور غنى 6 شيوخ في الخليج	علياء	همس للاخبار الفنية العربية والعالمية وصور المشاهير	7	29 - 10 - 2014 03:59 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع