اكتب واسلي خاطري بالكتابه
كود التهي في نظم الابيات وانساه
واثر القصايد منه قامت تشابه
من وين اقلّب دفتر اوجاعي القاه
هـذي قصيده قلتها في عتابه
وهذي قصيده قلتها يوم فرقاه
وذيك القصيده قالها من عذابه
يكتب قصيدٍ منكسـر بـس مااحلاه
ويقول جابه كان تقدر تجابه
واقول شعرك لعن ابو من تحداه
ويروح يضحك ما اقتنع في الاجابه
ويقول شعرك زين بطّل محاباه
واقول طبعا زين لأنك زهابه
لاصرت روح البيت وش لون تبغاه
واليـوم ذاك الوقت جمّع شبابه
واقفي ولاادري صاحبي وين وداه
رضيت مدري ذل ولا مهابه
ابعـد واهـلّ الدمع لأيام ذكراه
الشعر
والليل وبياض السحابه
والضحك والحظ الردي والمعاناه
كلّـش يذكرني بوقتٍ غدابه
ياوين أبرمي هالجسد فيه وانساه
عضويتي
الشعر والليل وبياض السحابه 
]
العرض العادي
