روايه نور في غسق الدجى

18 - 12 - 2024, 12:48 PM

(البارت الحادي عشر)

دقت الجرس بقلق وخوف
فكت الشغاله
ريم:بابا محمد موجود
الشغاله :ايوا مدام هوا جوا
ريم دخلت واخذت نفس جامد واتوجهت لغرفتو
فوق سريرو يفكر بعمممق ومهموم
دقت الباب بشويش
ما انتبه ...
زادت في الدق
محمد :اتفضل
دخلت ريم
محمد ماطالع ما اتوقعها هيا
ريم :السلام عليكم
محمد دار وجهو بسرعه
واول ماشافها دار بوجهو للجهه الثانيه :وعليكم السلام
ريم :ممكن اجلس ؟
محمد بدون نفس:اتفضلي
ريم جلست متووترة :امممم محمد ممكن تسمعلي ابا اقلك شي
محمد مايطالع فيها مسك جوالو ويطالع فيه :ايش عندك؟
ريم بحزن :طيب طالع فيا وسيب اللي في يدك
محمد ماسابو ولا طالع فيها :اتكلمي اسمعك
ريم اتأففت :ايش هوا ذا انت ليش تعاملني كذا
محمد :كيف تبغيني اعاملك ؟
ريم علي صوتها :لا والله اللي يسمعك يقول انا اللي خاطفه اختك
محمد طالع فيها واتكلم بحده :وطي صووووتك امي هناا
ريم قلبت وجهها منو :مو عشانك اصلا منصتلي ماشاءالله
محمد قلب جسمو جهتها وهي في الكرسي مقابلتو وهوا على السرير :اهو اسمعلك ايش عندك؟
ريم :بكرة حنسافر
محمد بلع ريقو :لا بالله
ريم :يامحمد ممكن تفهمني حرام عليك ياخي ايش ذا ماكأني زي اختها
محمد:اختها ولا عدوتها مو شغلي
ريم:ياسلااام .... ذحين نفسي افهم انت ليش مو مصدقني
محمد:ررريم انت لما احد يجي يقلك ابوك خطفوه عصابه تصدقي ؟
ريم ارتبكت :طيب خلاص لاتسميها عصابه رجال وخطفوها ايش يعني واقفلي على الكلمه
محمد:لا بالله صراحه عدلتيها
محمد:المهم ذحين يا انا اسافر يا تالين تسلميني اياها
ريم :محمد انت تتكلم بعقلك ايش الهبل ذا كني انا مدبرت احد يخطفها
محمد :والله حبيبتي بما انو من جهتك اتحملي اللي يجيك اختي واباها تررجعلنا
ريم :ما اقدر
محمد:ايش يعني ماتقدري ؟
ريم:ما اقدر وبس
محمد :طيب اطلعي بره
ريم انفجججججعت :طالعت فيه مفجوعه واتحولت ملامحها للحزن اخذت شنطتها وقبل ماتوصل الباب :تالين اغلى انسانه في حياتي ولو صار فيها شيء حموت حزن عليها اكثر منك يا اخوها ... نزلت واتوجهت لسيارتها

في مكتب الدكتور
وليد :ها يادكتور يعني اليوم تقدر تخرج
الدكتور :ايوا الحمد لله صارت احسن
وليد :امم طيب الحمد الله
الدكتور مد يدو :هذي الادويه انزل للصيدليه وحتلاقيها
بس اهم شي تبعد عن الروائح اللي تزيد من الالتهاب عندها والتعرض للهوا مباشرة بعد الاستحمام وطبعا المشروبات الباردة
وليد :طيب حاضر (وقف )طيب مشكور
الدكتور:العفو
وليد اتوجه للصيدليه
واشترى الادويه
واتوجه لغرفه ربا
دق الباب ودخل
تالا نايمه على الكنبه بتعب
ربا في الحمام
دخل والغرفه هاديه وبارده
طالع فيها وابتسم من قلبو شكلها بريء وهيا نايمه
قرب منها ومرر اصباعو على خدها بهدووء
وبعد عنها ...
تالا فتحت عيونها بشويش
وليد عند الطاوله يحط الكيس ولا كأنو سوا شي
تالا عدلت نفسها وعدلت طرحتها
وليد لف وابتسم :مساء الخير
تالا وصوتها نوم :مساء النور
وليد :شكلك تعبانه
تالا ابتسمت شويه :لالا عادي بس اخذتني عيني شويه
وليد :امم نوم العوافي يارب
تالا :الله يعافيك
وليد اتوجه للكنبه وجلس قريب منها بس بينهم مساافه
تالا قلبها يدق من قربو
وليد :امم نفسي افرح ربا بشي يغير نفسيتها شويه
تالا ابتسمت :والله؟
وليد :ايووا
تالا اتحمست :طيب ايش ناوي تسوي ؟
وليد :ما اعرف (طل فيها وابتسم )طبعا ما استغني عن خدماتك
تالا انحرجت :امم بس ما ادري يعني حاليا مافي شي في بالي
وليد :طيب بما انها تنبسط عند ماريا نوديها عند ماريا واروح انا وياك لحالنا
تالا مفجوعه:نعممممم.؟
وليد يضحك :لالا امزح معاك
تالا:طيب نوديها ملاهي أي شي
وليد طالع بنص عين بدون ماتنتبهلو :هيا شفلك ملاهي قال انا مستني افكار تقلي ملاهي
وليد:لا ايش هوا ذا ملاهي احس حق بزورة ياهو
تالا قامت وجابت جوال ربا
تالا توريه الجوال :شوووف قال بزورة
وليد يطالع ووجهو راح فيها
ربا حاطه صورة ملاهي وكاتبه (والله لو يخيروني وين اقضي شهر العسل حقضيه فيك )
تالا:ها شفت
وليد :طيب والله بكيفكم ملاهي ملاهي عادي نصغر كم سنه
تالا طالعت فيه بحقد :لاياشيخ اللي يسمعك يقول مررة كبير تراك اكبر مني بثلاث سنين بس
وليد :طيب اكبر منك بيوم اعقل منك بسنه
تالا:لا والله ...طيب يالعاقل انت شايفني مجنونه
وليد ابتسم ووطى صوتو :انا مجنون فيك ايوا بس انت عاد الله اعلم مجنونه ولا لا
تالا مافي أي ملامح في وجهها مهي قادرة تتحرك ولاتتكلم
انقذها خروج ربا من الحمام
وليد :يووه ذي دايما خرجاتها وقت غلط
ربا مبتسمه :هلا وليدوه
وليد :كم مرة اقلك اسمي وليد
ربا :ياخي كيفي اخويا وانا حرة
ربا تطالع في تالا المصنمه :بسم الله اشبك كنو احد ضربك
وليد ماسك ضحكتو
تالا :لا ولاشي
ربا :سكنهم مساكنهم يارب فجاه يصير وجهها احمر
وليد :طيب يالله اتجهزو انا حستناكم في السيارة
ربا :طيب
تالا:حاضر
وليد ابتسم :تحضرلك العافيه يارب
تالا وطت راسها باحراج
وليد خرج
ربا تطالع مفجوعه ومستغربه من رد وليد ومن احراج تالا (في قلبها) ياهو ايش السالفه اشبهم ذولا مو طبيعين والله

في الصباح
صحيت من النوم محتارة في مشاعرها زعل ولافرح
اتوجهت للحمام
ولبست ووقفت قدام المرايا تصلح شعرها ...
جاتها رساله
ماريا استغربت مين يرسلها ذا الوقت
مسكت الجوال وانفجعت من الاسم
(صباح الخير اليوم حروح معاك المركز وحشرف عليكم ياريت ماتتأخري لانو رايحين بدري شويه اسف على الازعاج
دكتورك :احمد )
ماريا بتريقه :حتشرف علينا ياسلاااام الله يعين ما اتخاصم مع البنات
كملت تجهيزها ونزلت واتوجهت للجامعه
وبعد دقايق وصلت
دخلت الجامعه واتوجهت لقاعتها
دخلت القاعه
لقتها فاضيه ... كل علامات الدهشه في وجهها :اييييش ذا
احمد جاي من بعيد مبتسم :حتى اليوم متأخرة ومضطر اوديك معايا
ماريا طالعت فيه بتتنيح :كنو قبل شويه ارسلت الرساله مرررة مدامهم يمشو بذي السرعه ؟
احمد :والله ايش اسويلك أنت أتأخرتي
ماريا:طيب يعني ايش حسوي؟
احمد ببرود:تروحي معايا
ماريا :هاااا؟
احمد :اشبك؟
ماريا :ايش هوا ذا كم مرة حروح معاك
احمد :اممم اجل يالله خلي اللي جابك يوديك
ماريا :ياسلام ؟؟؟ السواق مايعرف الاماكن الجديدة
احمد ابتسم :مصيرك تجي معايا
(احمد اتفق مع الطالبات يجو بدري ومشاهم بسرعه عشان يجيب ماريا معاه ..اول بنت يتعامل معاها وتعاملو عفوي جدا معاها )
ماريا جلست :طيب بس ياريت ماتتأخر
احمد مبتسم :طيب
احمد جلس بينو وبين ماريا كرسيين
ماريا متوترة وساكته
احمد جالس مايسوي ولا شي بس يفكر
ماريا استغربت :أنت حتجلس كذا لين متى ؟
احمد يطالع في المكان بأسف :حشتاق للمكان والله يعني اغلب يومي فيها وهذي القاعه (وطي راسو )ذكريات حلوة فيها
ماريا حزنت عليه :ايش اكثر شي يخليك متعلق فيها
احمد :انا يمكن عشان حاس بالوحده يعني عايش لحالي وما احتك بأحد كثير كل اللي اكلمهم طالباتي وفي مجال الدراسه بس يعني ما ادري بس شي حلو والله
طل في ماريا
ماريا :اممم
احمد ابتسم :ويعني حشتاق لصقعات بعض الناس وردة فعلهم معنهم هما الغلطانين وحشتاق للناس اللي يتأخرو واشيلهم معايا
ماريا وجهها احممممممر :لاياشيخ ايش اسويلك انت ماتشوف
احمد ضحك :انا ما اشوف هااا والله سبيتيني سب ماخليتي شي فيا
ماريا وجهها موطيتو مرررة
احمد طيب يالله خلينا نمشي عشان يمدينا نوصل متحمس لاعمالكم في طالبات ماشاءالله افكارهم مررة ابداعيه ولازم اشرف عليها
ماريا حست بغيره قامت واعطتو ظهرها :طيب يالله عشان لانتأخر على طالباتك اللي متحمسلهم
احمد ابتسم ومو فاهمها فجاه تقلب وفجاه تستحي مزااجيه
خرجو واتوجهو للسيارة

واقفه قدامها تفكر ومسرحه
جا باتجاهها في اخر شياكتو
رائد :يالله مشينا ؟
ريم بدون ماتطالع فيه :طيب
تالين نزلت مع الفريق الطبي واتوجهو للمطار
رائد وريم ركبو السيارة ولحقوهم
ريم تطالع في الشباك ومهمومه مهي عارفه ايش حيصير
بعد ثواني ...
دق جوالها
ريم ماردت
الجوال يدق بشكل مستمر
ريم غمضت عيونها وصوتها فيلو حدة :نعم؟
محمد :صباح الخير
ريم :اهلين
محمد :ريم انا عارف انك معصبه مني وزعلانه وماخذة موقف لكن والله مو بيدي انا انحطيت في موقف صعب وجاي اعتذرلك
ريم :اممم بعد ايش؟
محمد:ريم الله يخليك اعذريني أنا اسف وامسحيها في وجهي ماكان قصدي بس والله انت عارفه انا امر في ايش والشي اللي قلتيه مرة صعب عليا استوعبو
ريم :طيب يامحمد خلاص حصل خير
محمد :طيب انت وين ذحين
ريم :في الطريق
محمد :متوجهين المطار ؟
ريم :امم
محمد :طيب متى رحلتكم ؟
ريم :ما ادري 10اعتقد
محمد :اهااا طيب توصلو بالسلامه
ريم مستغرررربه :ان شاءالله
محمد :مع السلامه
ريم :مع السلامه
قفلت الجوال وكل علامات الاستغراب في وجهها
محمد في سيارتو
وكمل طريقو

نزل من العمارة ودخل السوبر ماركت
قدام ثلاجه العصيرات واقف يختار
تدور عصيرها اللي دايما تشربو ... واخيرا لقيتو
تحاول توصل بس مهي قادرة
مسكتو من طرف بلوزتو وتشدها بشويش
طل فيها مستغرب
لمى :عمو ممكن تجيبلي العصير ذاك
ياسر يطالع فيها شكلها مو غريب بس ناسي وين شايفها
ياسر يطالع مكان ماتأشر :فين هذا ؟
لمى تأشر براسها ايوا
اعطاها العصير
ابتسمت :شكرا عمو
ياسر ابتسم :عفوا عمو (يطالع فيها متنح يحاول يفتكر فين شافها )
جات باتجاهها :لمى يالله ذا كلو تشتري عصير ؟
ياسر طل فيها وانصدممم
لمى :لا بس ماوصلتلو خليت (تأشر على ياسر )هذا يجيبو
مروة رفعت راسها وفتحت عيووووونها وبدون ماتحس :ياسر ؟
ياسر افتكر البنت ..بلع ريقو وما اتحرك من مكانو
مروة تطالع فيه ماتعرف ليش نفسها تقلو وحشتني من زمان عنك كيفك كيف ايامك نفسها تسمع ضحكتو نفسها تقلو جيت من بعيد عشانك
ياسر وطى راسو نفسو يقلها طفشان وحدي مشتاق لروحك اللي تدخل على حياتي الفرحه نفسي ترجع ايام زمان ولا ياخذك احد مني
(احيانا تشهد اعيننا مواقف يتكلم القلب نيابه عن اللسان فيها ولكنه يأبا ان يترجمها فالظروف حالت بين كلام القلب وترجمة اللسان عندها يعجز القلب عن البوح ويعجز اللسان عن النطق ونرغم على ابعاد اعيننا عما نراه خاضعين لظروف الحياه الأليمة )
مروة استوعبت ومسكت لمى من يدها :مرة ثانيه يالمى لاتطلبي من احد غريب شي
لمى مستغربه ومهي فاهمه شي مشيت مع امها
ياسر كان متوقع أي شي من مروة يحقلها تقولو
مشيت واخذت اغراضها ونزلت بره المحل
ياسر حاسب على اشياؤ وتبعها بدون ماتحس
مروة اتوجهت للفندق اللي مقابل عمارتو
انصدم انها سكنت فيه توقف للحظات يطالع فيها وهيا تطلع
وبعدها اتوجه لعمارتو

ريحه الفطور واصله لغرفهم
خرجت من غرفتها ودخلت المطبخ
تطالع في الطاوله :حركااات ايش ذااا ؟
تالا تطالع فيها ومبتسمه حطت الصحن فوق الطاوله :هلا والله
ربا تجلس على الكرسي :لالا ما اصدق اشبك حلمتي منال العالم ولا اسامه اطيب
تالا تسلك: ههه خفففه اسكتي بالله
ربا بتمد يدها
تالا ضربتها
ربا :وجع يوجع بليسك اشببك؟.
تالا:روحي نادي اخوك يالذكيه
ربا :اووهو مش لازم ياخي
تالا:استحي على وجهك
ربا من مكانها تنادي:ولللللللليدووه تعااال تالا مسويه فطور
وليد خرج من غرفتو ودخل المطبخ :صباح الخير
تالا:صباح النور
وليد يطالع فيها:اوهو ايش الحركات ذي ذا كلو عشان ربا
ربا :مشكله الغييييييرة
وليد ضربها عللى راسها بشويش:اغار ايييه اسكتي بس
تالا مبتسمه :ايوا طبعا ربا تستاهل
وليد طالع في تالا وابتسم بخبث :اممم طيب اجل محد ساكن في البيت غير ربا
تالا طالعت فيه وابتسمت :ان شاءالله يعجبك
وليد :اكيد مدامك انت سويتيه
ربا عند الاكل لو يموت احد قدامها ماتدري عنو
وليد يأشرلها :طيب تعالي اجلسي
تالا:دقيقه بس
راحت واخذت الكاسه وحطتها على الطاوله
وليد يطالع في القهوة ابتسم واخذ نفس :ويلوموني لو
تالا تعلي صوتها :اممممم ايوا اتفضللللو
وليد ضحك على مقاطعتها
جوال ربا يدق
وليد :رباا هي قومي شوفي جوالك
ربا تاكل ومطنشه
وليد :قوممي ردي يمكن امي
ربا أتأففت اسكت بالله امي ماتتصل ذا الوقت
قامت واتوجهت لغرفتها تجيب الجوال
تالا مارفعت عينها من صحنها
وليد :وحشتيني
تالا سابت الملعقه :نعمممم.؟
وليد يضحك :لالا امزح
تالا :احسب
وليد يرفع يدو :اللهم يامن تنطق البكم انطقها بكلام جميل يشفي قلبي
تالا تضحك باحراج :في الجنه ان شاءالله
وليد :طيب اسمعي اليوم قولي لربا انو ماريا عازمتكم وانو حتروحو عندها وبعدين تكتشف انها رايحه مدينه الالعاب
تالا فطست ضحك :ايش الهباله ذي
وليد:انا ادري عنكم جدة كلها ماتبو الا الملاهي
تالا:وليد احنا ايش قلنا
وليد:لبيه يابحه حبال الشوق
تالا منحرجه وتحرك راسها بنفي :اممم احنا ماحنخلص
وليد مبتسم :ان شاءالله عمرنا مانخلص
تالا:امم ايش كنا نقول
وليد يضحك :الملاهي الملاهي
تالا ترقع لنفسها:ايوا افتكرت المهم قلتلك هيا تحبو وبعدين عيش سنك تراك مو كبير
وليد :ان شاءالله
ربا دخلت :خلصتو الفطور؟
وليد يحرك راسو بأسف:خلصناا ايه تعالي بس
ربا جلست :احسن وفرتو

الدكتور يبعد الستارة مبتسم
مراد مستني بفارغ الصبر
بدور قامت وتعدل عبايتها وطرحتها
الدكتور :مبروك مرتك حامل
مراد الفرحه على وجهوو باينه :الله يباررك في عمرك
بدور عيونها مليانه دموع فررح (الحمدالله الحمدالله)
جا باتجاهها ومسك يدها :مبرووك حبيبتي حتصيري ام
فتحت عيونها :الله يبارك فيك
مراد مستغرب:نعم؟
بدور:اشبك؟
مراد:ايش الله يبارك فيا ؟
بدور تطالع بحركه سريعه يمين يسار وبنبره حزن :انا مو حامل ؟
مراد اتنهد :بدور حبيبي اشبك؟
بدور جلست وغطت عيونها :حلمت اني حامل
مراد:بدور ياقلبي هذا عشانك شايله هم الحمل ممكن تنسي خلاص حرام عليك ارحمي نفسك ترا الدنيا مهي واقفه على الاطفال
بدور ماتطالع فيه ومهمومة مرة
مراد:اتخيلي كان معانا كم ولد وكم بنت ماتدري يمكن احنا تصير مشاكل بيننا بسبتهم يصير البيت ازعاج وتتمني لحظه هدوء ياما ناس خلفو بالعشرة ويتمنو يحسو بالهدوء والاستقرار حياتهم كلها مشاكل معد في شي اسمو خصوصيه بين الاب والام كل شي داخل فيلو الاطفال يعني ذحين احنا يمدينا نسافر نجي على كيفنا محنا مرتبطين بشي لكن مجرد مايجو الاطفال هذي الايام لايمكن تنعاد ولما يكبروا حنا حنعجز يعني الايام ذي ماتتعوض فهمتيني ؟
بدور اقتنعت نوعا ما :طيب وامك ؟
مراد:اشبها امي ؟
بدوروطت راسها :مو تبا تزوجك ؟
مراد :انت من جدك؟يعني مثلا حوافق قومي بالله سويلي فطور ورايا دوام
بدور :طيب

في الطريق
ماريا تقلب الكتاب
احمد يطالع من المرايا :اوهوو ماشاءالله مجتهدة
ماريا ابتسمت شويه:تتريق؟
احمد ضحك :لاا عيب عليك ما اتريق
احمد :فطرتي؟
ماريا :لا ليش؟
احمد :لا بس عشان نفطر ذحين
ماريا برده فعل سريعه :لالا ايش نفطر في المركز ان شاءالله
احمد :لا ايش هوا اقلها شي خفيف
ماريا :لا مايحتاج
احمد :طيب على راحتك
بعد دقايق ...
وصلو المركز
نزلو وماريا تطاالع في شكلو من بره مررررة كبير
احمد يأشرلها:اتفضلي
ماريا ابتسمت ومشيت
دخلو قسم الايتام اول شي
احمد :ها ماريا ايش حابه تختاري
ماريا :والله مني عارفه لسا افكر غرف اطفال ما ادري انت ايش رايك؟
جات طالبتين بابتسامه عريضه :اهللين دكتور احمد
احمد ابتسم مجامله :اهلين فيكم
وحدة منهم :صراحه يشرفنا حضورك دكتور
الثانيه :والله من جد نور المركز وصراحه اهنيك على الاختيار احس المشروع حينجح
احمد:منور بوجودكم واكيد لمساتكم وانجازاتكم حتحلي المشروع
ماريا متكتفه ونفسها تكففلهم
البنتين طولو في الكلام والا يبو يجيبو كلام
احمد عادي ماهمو مين اللي قدامو يتكلم عادي
شويه طل في ماريا وشايفه طفشانه وتتأفف
احمد:امم طيب اتفضلو على مشاريعكم وان شاءالله لما تخلصو حديكم ملاحظاتي
البنات ابتسمو ومشيو
احمد لف على ماريا :اشبك؟
ماريا :ولا شي
احمد :طيب ايش قررتي ؟
ماريا :غرف الشباب
احمد استغرب:دوبك قلتي اطفال
ماريا :غيرت رأيي
احمد :طيب اديك رأيي
ماريا برده فعل سريعه :لا خلاص شكرا انا مقتنعه باختياري
احمد استغرب:ماريا اشبك ؟منتي طبيعيه
ماريا :لا ولاشي يالله حتجي ولاتروح لطالباتك ؟
احمد عقد حواجبو وابتسم ومو مستوعب:ماريا أنت تغاري؟
ماريا :لا طبعا
احمد ابتسم :اممم طيب وماكأنو مزاجك انقلب بعد البنتين ؟
ماريا :احمد بتمشي ولا كيف ؟.. اقصد دكتور احمد
احمد ابتسم اكثر:انت الوحيدة اباك تقوليلي احمد
ماريا تحاول ماتبتسم :ليش؟ايش معنى؟
احمد :لانك غير عنهم كلهم
ماريا ابتسمت غصبا عنها
احمد بادلها الابتسامه :يالله نمشي
اتوجهو لجهه المدرسه
ويطالعو في الصغار ويضحكو على حركاتهم البريئه
مرو على قسم المطاعم
احمد :ايش تشربي؟
ماريا :عصير ليمون
احمد يطلب :لو سمحت اثنين عصير ليمون
احمد :طيب ايش تاكلي ؟
ماريا :لامابا شي
احمد:اديني واحد بسكوت
وقفو متكيين على الجدار
احمد فتح البسكوت وقسمو نصين
مد يدو لماريا
ماريا :لالا شكرا
احمد:افا بس ترديني
ماريا اخذت القطعه :طيب شكرا
خلصوا واتوجهو لغرفهم
ماريا خايفه من اختيارها بس مصره ترد غيرتها
احمد يطالع في الغرف فاضيه الشباب في الجامعه وبعضهم في الثانويه
ماريا :امم انا كم غرفه مطلوب اني اسوي
احمد:على راحتك بس اختاري غرفه بالنسبه للشباب وباقي مشروعك اللي هوا غرف ذوي الاحتياجات الخاصه مو حيساعدوك فيها ؟
ماريا:ايوا
دخلو غرفه
ماريا :امم هذي مناسبه خلاص حختار ذي
احمد :طيب ولا يهمك انا حكلم المسؤليين وقت شغلك يفضولك الغرفه
دخل بعد ماخلص دوامو الاول
استغرب الباب مفتوح
ماريا واحمد لفو على الباب
استغرب :مين انتو؟
احمد مشي وسلم عليه :السلام عليكم
انس:وعليكم السلاام
احمد:انا الدكتور احمد من جامعه ...
انس:اها انتو اللي مسوين المشاريع هنا ؟
احمد :ايوا
انس :طيب؟
احمد يأشر على ماريا :هذي وحدة من طالبتي ومشروعها ديكورات في الغرف
فاختارت غرفتك وبعض الغرف الثانيه فما ادري اذا حتسمحلنا ولا لا
انس يطالع في ماريا :ايوا طبعا ماعندي مانع
ماريا خافت من نظراتو مهي عارفه كيف حتشتغل براحه

في صاله الانتظار
جالسه على الكرسي وماسكه جوالها تطالع صور الحفله
رائد :طيب انا حمشي افطر لسا بدري على الطيارة تبي شي؟
ريم تكمل مطالعه لجوالها :لا
رائد:طيب براحتك
قام وبعد عن المكان

يطالع من بعيد يحاول يلاقي اللي يباه
يطالع يمين يسار .... جات عينو على المكان
مشي بهدوء
ووقف قبالها واتحمحم
ريم بعدت الجوال عن عينها ورفعت راسها بهدوء وبرود
انفجججعت لما ششافتو قدامها :محمممممد؟؟؟
محمد :يعني مثلا حخليكم تسافرو بدوني بذي السهوله ؟
ريم وقفت تحاول تغطيه خايفه رائد يشوفو
ريم سحبتو من يدو :تعاال بالله معايا
محمد: دقيقه طيب ايش في ؟
ريم بعدت عن المكااان
محمد ساب يدها :اشبك ؟
ريم:انت من جدك جاي تستهبل؟ايش تبا ؟
محمد:حلوة ذي ايش ابا زي ماهمها خطفو اختي انا ارجعها
ريم:لا بالله احنا في فيلم هندي وانا مدري؟
محمد رفع حواجبو :اممم يعني قصه العصابه مهي فيلم هندي
ريم:محمد اسمعني محمد الله يخليك امشي قبل محد يشوفك
انت تبا اختك اختك حترجع
محمد :ريم خلاص احنا اتكلمنا في ذا الموضوع سفر مافي انسي ولما تجيبلي كلام زي الاوادم اصدق
ريم دمعت وتترجاه :محمد الله يخليك محمد اذا لتالين معزة عندك عشان خاطر اللي بينها وبيني الله يخليك امشي محمد اسمعني الله يخليك والله تالين ماحيصير فيها شي على ضمانتي صدقني
محمد حزن عليها مررة شكلها وهيا تترجاه يحزن :طيب واختي ياريم ؟حرام عليك امي تعبانه
ريم مسكت يدو :محمد اوعدك تالين حترجعلك سالمه غانمه مافيها شي وان شاءالله في اتم الصحه انت بس اوثق فيا
محمد مو عارف أيش يقول
ريم طالعت فيه وعيونها تترجاه :اوعدك والله اوثق فيا لو مرة وحده
محمد ساب يدها ومشي
ريم واقفه وتمسح دموعها
دار عليها وبينهم مسافه :ريم انتبهي لتالين انتبهيلها
ريم ابتسمت بين دموعها :حاضر لاتشيل هم
مشي (في قلبو)ياارب اللهم اني استودعتك اختي فردها لي يارب العالمين يارب
رجعت لمكانها
رائد :انت وينك قلقتيني
ريم تطالع باستغراب:نعم؟ وانت ايش دخلك انا وين رحت ؟
رائد يتأفف :اتكلمي بأدب لو مرة
ريم :لما تتصرف بأدب انت حتكلم بأدب
جلسو ورائد على حبو للسفر كره هذي السفره ونفسو الوقت يمر باسرع مايمكن
بعد ساعه ...
نادو على رحلتهم
رائد :يالله اهو جات الطيارة
ريم اخذت شنطتها وقامت
وبعد الاجراءات طلعو الطيارة
رائد جالس في الدرجه الاولى طبعا وماريا جنبو
ريم تأشر للمظيفه :لو سمحتي ابا اغير مكاني
المظيفه :طيب حاضر اتفضلي هنا (اشرت على المكان المقابل لمكان رائد)
ريم:لا مابا (اشرت لمكان بعيد شويه )ابا هنا
المظيفه :على راحتك اتفضلي
الطيارة ماكانت زحمه ابدااا خصوصا انو سفرهم مو وقت اجازات
ريم جلست وفيها نووووم تعبانه مررة اليومين اللي راحت ماذاقت فيها النوم الا دقايق وبتعب وقلق كمان
غمضت عيونها ونامت
ورائد قدو نايم

ينادي من غرفتو :رباااااا .... يارباااااا
ربا بعد ثواني ردت :نعممممم
وليد:تعالي ابغاك شويه
ربا اتوجهت من غرفتها لغرفتو وفتحت الباب :نعم؟
وليد:ايش رايكم ننزل نتغدى بره ؟
ربا ابتسمت ابتسامه عريضه :والله؟
وليد :ايوا اجل استهبل
ربا:ياخي شكرا
وليد طالع فيها باستغراب:ربا بالله روحي قلك شكرا حتى شكر ماتعرفي تشكري زي الناس ياشيخه سبيني ولا تشكريني
ربا :اجل انقلع ويالله البس
وليد يضحك :ايوا كذا انت ربا
وليد قام يلبس
ربا طارت لتالا وتطبل على الباب :تالووووه تاااالووووه قوووم بنتغدى برا
تالا تكلم ابوها وتقفل اذنها عشان ازعاج ربا تحاول تسمع :ايوا بابا ايش قلت ؟
ربا باستهبال :بابا؟؟؟ يالله ياربااااااه تقول بابا هي انت دوبك والده وانا مدري
تالا اتنهدت :بابا ممكن بعدين اكلمك ربا تكلمني شويه معليش
ابو احمد :لايابابا عادي خذي راحتك
تالا قفلت الجوال :لا حول ولاقوه الا بالله انت ماتقوليلي ايش تبغي؟
ربا ابتسمت :حنتغدى بره
تالا:طيب؟
ربا :ماااالت على الحماس الميت (تعدد )لا حب لا مشاعر لا احساس لا حماس لا تعابير حشا جماد مو انسان
تالا ضحكت ووطت صوتها :ايش دراك انت ... علت صوتها :طيب مو شغلك روحي اتجهزي يالله
اتجهزو بسرعه وخرجو

جوالو يدق ...
بعد ثواني رد
حسين:الو
صاحب البيت:ايوا الو حسين
حسين:ايوا نعم
صاحب البيت:كيفك؟
حسين :الحمدالله
صاحب البيت :والله مني عارف ايش اقلك بس صراحة انا احتاج البيت ضروري واباك تسلم مفاتيحو
حسين مفجوع:ليييش ايش في
صاحب البيت :معليه بس والله محتاجو مررة وحعطيك يومين تفضي
حسين:طيب انا اعطيك اجار اكثر من حقوا ذا تباني ازيد حزيد صراحه عندي دوام ومني فاضي ادور
صاحب البيت:انا عارف بس ابغاه مدة سنه وبعدها اذا تباه اديك
حسين:انا ايش ابغا فيه بعد سنه
صاحب البيت :اعتذر صراحه
حسين :خلاص مو مشكله ادبرها مع السلامه
صاحب البيت :مع السلامه
حسين قفل واتأفف:ايش ذا كيف حدبرها ذحين مرة بالقوة لقيتو ولاابا فنادق ما ارتاح فيها استغفر الله
خرج من البيت واتوجه للمطعم المعتاد قريب بيتو يتغدى
دخل وجلس على الطاوله يفكر فين ممكن يلاقي قريب من الجامعه غير الفنادق
جاه الجرسون :اهللين حسين
حسين بطفش:اهلين
الجرسون :ايش تامر فيه؟
حسين اعطاه طلبو
بعد دقايق وصلو الطلب
ياكل ويفكر
دخلت المطعم
وجلست على الطاوله مقابلو
جاها الجرسون بطلبها بدون مايسألها عنو
اشرت للجرسون ينادي حسين
الجرسون نفذ طلبها ومشي
حسين طل فيها واتذكرها وابتسم
الحرمه المسنه :اهلين كيفك ؟
حسين :الحمدالله تمام وانت ؟
الحرمه :بخير
حسين :وينك من زمان ماتجي هنا
الحرمه المسنه :انتقلت لمنطقه جديدة وانشغلت شويه
حسين :اهااا .... طيب فين المنطقه
الحرمه المسنه :في شارع ....
حسين يفكر مو بعيد ولاقريب خليني أسالها
حسين:طيب في بيوت جديدة في المنطقه ؟لانو انا حاب انقل كمان
الحرمه المسنه ابتسمت :ايوا في بيوت كثيرة
حسين ابتسم :طيب انا حجي معاك بعد الغداء ابا اشوف وأستأجر
الحرمة المسنه :ما اعتقد في ايجار كلو ملك
حسين :طيب احسن المهم الاقي سكن
خلصو غداء واتوجهو للمنطقه
حسين يطالع في المنطقه باعجاب :اممم شي جميل
الحرمه المسنه مبتسمه وتطالع في المكان :اعرف
حسين يأشر على بيت :هذا باين حلو
الحرمه المسنه ابتسمت :تعال نسأل
جالس على الكرسي الخشبي وفوقو كلبو
الحرمه المسنه :مساء الخير
الرجال:مساء النور
الحرمه المسنه :ممكن نشوف البيت
الرجال:اكيد
دارو البيت عباره عن طابقين
حسين عجبو البيت
الحرمه المسنه تأشر على البيت:بكم تبيع ذا البيت ؟
الرجال :41000يورو
الحرمه المسنه :امم غالي بعض الشي؟؟
حسين برده فعل سريعه :لا لا خلاص مناسب
الرجال بابتسامه اعجاب:اجل اتفقنا متى حاب تسكن ؟
حسين :في اقرب وقت
الرجال :نسوي الاوراق اللازمه وتستلمو على طول
حسين ارتاح انو بذي السرعه لقي
خرجو من البيت
حسين يطالع في الحي :وانت وين بيتك
الحرمه المسنه مبتسمه :هذا
حسين يطالع واستغرب :جنبي؟؟؟؟
بين بيتها وبيتو سور وشارع صغير للمرور
الحرمه المسنه تعال نشرب شي
حسين :لالا خلاص شكرا
الحرمه المسنه :انا ماسألتك أنا أمرك امشي معايا
حسين استغرب تصرفها ومشي معاها
دخل بيتها
يطالع فيها مافي ولا احد واثاثو هادي وشويه
صورة عجوز صغيره على الطاوله وصورة كلب كبيررررة على الجدار
حسين استغرب :ليش صورة الكلب بهذا الحجم وصورة العجوز ص
قاطعتو:عشاني افضل الكلب على هذا العجوز لانوا وفى منو هذا العجوز زوجي واتزوج بوحده ثانيه
حسين ابتسم مجامله :اهاا
يطالع في البيت الصليب معلق وتحف غريبه فوق الرف
يطالع في المكان باستغراب تام
الرحمه المسنه :قوم جيب الكتاب اللي على الطاوله
حسين اتوجه للطاوله ورفع الكتاب
انفجع من عنوانو (محمد)
(انتهى البارت الحادي عشر)

18 - 12 - 2024, 12:48 PM

(البارت الحادي عشر)

دقت الجرس بقلق وخوف
فكت الشغاله
ريم:بابا محمد موجود
الشغاله :ايوا مدام هوا جوا
ريم دخلت واخذت نفس جامد واتوجهت لغرفتو
فوق سريرو يفكر بعمممق ومهموم
دقت الباب بشويش
ما انتبه ...
زادت في الدق
محمد :اتفضل
دخلت ريم
محمد ماطالع ما اتوقعها هيا
ريم :السلام عليكم
محمد دار وجهو بسرعه
واول ماشافها دار بوجهو للجهه الثانيه :وعليكم السلام
ريم :ممكن اجلس ؟
محمد بدون نفس:اتفضلي
ريم جلست متووترة :امممم محمد ممكن تسمعلي ابا اقلك شي
محمد مايطالع فيها مسك جوالو ويطالع فيه :ايش عندك؟
ريم بحزن :طيب طالع فيا وسيب اللي في يدك
محمد ماسابو ولا طالع فيها :اتكلمي اسمعك
ريم اتأففت :ايش هوا ذا انت ليش تعاملني كذا
محمد :كيف تبغيني اعاملك ؟
ريم علي صوتها :لا والله اللي يسمعك يقول انا اللي خاطفه اختك
محمد طالع فيها واتكلم بحده :وطي صووووتك امي هناا
ريم قلبت وجهها منو :مو عشانك اصلا منصتلي ماشاءالله
محمد قلب جسمو جهتها وهي في الكرسي مقابلتو وهوا على السرير :اهو اسمعلك ايش عندك؟
ريم :بكرة حنسافر
محمد بلع ريقو :لا بالله
ريم :يامحمد ممكن تفهمني حرام عليك ياخي ايش ذا ماكأني زي اختها
محمد:اختها ولا عدوتها مو شغلي
ريم:ياسلااام .... ذحين نفسي افهم انت ليش مو مصدقني
محمد:ررريم انت لما احد يجي يقلك ابوك خطفوه عصابه تصدقي ؟
ريم ارتبكت :طيب خلاص لاتسميها عصابه رجال وخطفوها ايش يعني واقفلي على الكلمه
محمد:لا بالله صراحه عدلتيها
محمد:المهم ذحين يا انا اسافر يا تالين تسلميني اياها
ريم :محمد انت تتكلم بعقلك ايش الهبل ذا كني انا مدبرت احد يخطفها
محمد :والله حبيبتي بما انو من جهتك اتحملي اللي يجيك اختي واباها تررجعلنا
ريم :ما اقدر
محمد:ايش يعني ماتقدري ؟
ريم:ما اقدر وبس
محمد :طيب اطلعي بره
ريم انفجججججعت :طالعت فيه مفجوعه واتحولت ملامحها للحزن اخذت شنطتها وقبل ماتوصل الباب :تالين اغلى انسانه في حياتي ولو صار فيها شيء حموت حزن عليها اكثر منك يا اخوها ... نزلت واتوجهت لسيارتها

في مكتب الدكتور
وليد :ها يادكتور يعني اليوم تقدر تخرج
الدكتور :ايوا الحمد لله صارت احسن
وليد :امم طيب الحمد الله
الدكتور مد يدو :هذي الادويه انزل للصيدليه وحتلاقيها
بس اهم شي تبعد عن الروائح اللي تزيد من الالتهاب عندها والتعرض للهوا مباشرة بعد الاستحمام وطبعا المشروبات الباردة
وليد :طيب حاضر (وقف )طيب مشكور
الدكتور:العفو
وليد اتوجه للصيدليه
واشترى الادويه
واتوجه لغرفه ربا
دق الباب ودخل
تالا نايمه على الكنبه بتعب
ربا في الحمام
دخل والغرفه هاديه وبارده
طالع فيها وابتسم من قلبو شكلها بريء وهيا نايمه
قرب منها ومرر اصباعو على خدها بهدووء
وبعد عنها ...
تالا فتحت عيونها بشويش
وليد عند الطاوله يحط الكيس ولا كأنو سوا شي
تالا عدلت نفسها وعدلت طرحتها
وليد لف وابتسم :مساء الخير
تالا وصوتها نوم :مساء النور
وليد :شكلك تعبانه
تالا ابتسمت شويه :لالا عادي بس اخذتني عيني شويه
وليد :امم نوم العوافي يارب
تالا :الله يعافيك
وليد اتوجه للكنبه وجلس قريب منها بس بينهم مساافه
تالا قلبها يدق من قربو
وليد :امم نفسي افرح ربا بشي يغير نفسيتها شويه
تالا ابتسمت :والله؟
وليد :ايووا
تالا اتحمست :طيب ايش ناوي تسوي ؟
وليد :ما اعرف (طل فيها وابتسم )طبعا ما استغني عن خدماتك
تالا انحرجت :امم بس ما ادري يعني حاليا مافي شي في بالي
وليد :طيب بما انها تنبسط عند ماريا نوديها عند ماريا واروح انا وياك لحالنا
تالا مفجوعه:نعممممم.؟
وليد يضحك :لالا امزح معاك
تالا:طيب نوديها ملاهي أي شي
وليد طالع بنص عين بدون ماتنتبهلو :هيا شفلك ملاهي قال انا مستني افكار تقلي ملاهي
وليد:لا ايش هوا ذا ملاهي احس حق بزورة ياهو
تالا قامت وجابت جوال ربا
تالا توريه الجوال :شوووف قال بزورة
وليد يطالع ووجهو راح فيها
ربا حاطه صورة ملاهي وكاتبه (والله لو يخيروني وين اقضي شهر العسل حقضيه فيك )
تالا:ها شفت
وليد :طيب والله بكيفكم ملاهي ملاهي عادي نصغر كم سنه
تالا طالعت فيه بحقد :لاياشيخ اللي يسمعك يقول مررة كبير تراك اكبر مني بثلاث سنين بس
وليد :طيب اكبر منك بيوم اعقل منك بسنه
تالا:لا والله ...طيب يالعاقل انت شايفني مجنونه
وليد ابتسم ووطى صوتو :انا مجنون فيك ايوا بس انت عاد الله اعلم مجنونه ولا لا
تالا مافي أي ملامح في وجهها مهي قادرة تتحرك ولاتتكلم
انقذها خروج ربا من الحمام
وليد :يووه ذي دايما خرجاتها وقت غلط
ربا مبتسمه :هلا وليدوه
وليد :كم مرة اقلك اسمي وليد
ربا :ياخي كيفي اخويا وانا حرة
ربا تطالع في تالا المصنمه :بسم الله اشبك كنو احد ضربك
وليد ماسك ضحكتو
تالا :لا ولاشي
ربا :سكنهم مساكنهم يارب فجاه يصير وجهها احمر
وليد :طيب يالله اتجهزو انا حستناكم في السيارة
ربا :طيب
تالا:حاضر
وليد ابتسم :تحضرلك العافيه يارب
تالا وطت راسها باحراج
وليد خرج
ربا تطالع مفجوعه ومستغربه من رد وليد ومن احراج تالا (في قلبها) ياهو ايش السالفه اشبهم ذولا مو طبيعين والله

في الصباح
صحيت من النوم محتارة في مشاعرها زعل ولافرح
اتوجهت للحمام
ولبست ووقفت قدام المرايا تصلح شعرها ...
جاتها رساله
ماريا استغربت مين يرسلها ذا الوقت
مسكت الجوال وانفجعت من الاسم
(صباح الخير اليوم حروح معاك المركز وحشرف عليكم ياريت ماتتأخري لانو رايحين بدري شويه اسف على الازعاج
دكتورك :احمد )
ماريا بتريقه :حتشرف علينا ياسلاااام الله يعين ما اتخاصم مع البنات
كملت تجهيزها ونزلت واتوجهت للجامعه
وبعد دقايق وصلت
دخلت الجامعه واتوجهت لقاعتها
دخلت القاعه
لقتها فاضيه ... كل علامات الدهشه في وجهها :اييييش ذا
احمد جاي من بعيد مبتسم :حتى اليوم متأخرة ومضطر اوديك معايا
ماريا طالعت فيه بتتنيح :كنو قبل شويه ارسلت الرساله مرررة مدامهم يمشو بذي السرعه ؟
احمد :والله ايش اسويلك أنت أتأخرتي
ماريا:طيب يعني ايش حسوي؟
احمد ببرود:تروحي معايا
ماريا :هاااا؟
احمد :اشبك؟
ماريا :ايش هوا ذا كم مرة حروح معاك
احمد :اممم اجل يالله خلي اللي جابك يوديك
ماريا :ياسلام ؟؟؟ السواق مايعرف الاماكن الجديدة
احمد ابتسم :مصيرك تجي معايا
(احمد اتفق مع الطالبات يجو بدري ومشاهم بسرعه عشان يجيب ماريا معاه ..اول بنت يتعامل معاها وتعاملو عفوي جدا معاها )
ماريا جلست :طيب بس ياريت ماتتأخر
احمد مبتسم :طيب
احمد جلس بينو وبين ماريا كرسيين
ماريا متوترة وساكته
احمد جالس مايسوي ولا شي بس يفكر
ماريا استغربت :أنت حتجلس كذا لين متى ؟
احمد يطالع في المكان بأسف :حشتاق للمكان والله يعني اغلب يومي فيها وهذي القاعه (وطي راسو )ذكريات حلوة فيها
ماريا حزنت عليه :ايش اكثر شي يخليك متعلق فيها
احمد :انا يمكن عشان حاس بالوحده يعني عايش لحالي وما احتك بأحد كثير كل اللي اكلمهم طالباتي وفي مجال الدراسه بس يعني ما ادري بس شي حلو والله
طل في ماريا
ماريا :اممم
احمد ابتسم :ويعني حشتاق لصقعات بعض الناس وردة فعلهم معنهم هما الغلطانين وحشتاق للناس اللي يتأخرو واشيلهم معايا
ماريا وجهها احممممممر :لاياشيخ ايش اسويلك انت ماتشوف
احمد ضحك :انا ما اشوف هااا والله سبيتيني سب ماخليتي شي فيا
ماريا وجهها موطيتو مرررة
احمد طيب يالله خلينا نمشي عشان يمدينا نوصل متحمس لاعمالكم في طالبات ماشاءالله افكارهم مررة ابداعيه ولازم اشرف عليها
ماريا حست بغيره قامت واعطتو ظهرها :طيب يالله عشان لانتأخر على طالباتك اللي متحمسلهم
احمد ابتسم ومو فاهمها فجاه تقلب وفجاه تستحي مزااجيه
خرجو واتوجهو للسيارة

واقفه قدامها تفكر ومسرحه
جا باتجاهها في اخر شياكتو
رائد :يالله مشينا ؟
ريم بدون ماتطالع فيه :طيب
تالين نزلت مع الفريق الطبي واتوجهو للمطار
رائد وريم ركبو السيارة ولحقوهم
ريم تطالع في الشباك ومهمومه مهي عارفه ايش حيصير
بعد ثواني ...
دق جوالها
ريم ماردت
الجوال يدق بشكل مستمر
ريم غمضت عيونها وصوتها فيلو حدة :نعم؟
محمد :صباح الخير
ريم :اهلين
محمد :ريم انا عارف انك معصبه مني وزعلانه وماخذة موقف لكن والله مو بيدي انا انحطيت في موقف صعب وجاي اعتذرلك
ريم :اممم بعد ايش؟
محمد:ريم الله يخليك اعذريني أنا اسف وامسحيها في وجهي ماكان قصدي بس والله انت عارفه انا امر في ايش والشي اللي قلتيه مرة صعب عليا استوعبو
ريم :طيب يامحمد خلاص حصل خير
محمد :طيب انت وين ذحين
ريم :في الطريق
محمد :متوجهين المطار ؟
ريم :امم
محمد :طيب متى رحلتكم ؟
ريم :ما ادري 10اعتقد
محمد :اهااا طيب توصلو بالسلامه
ريم مستغرررربه :ان شاءالله
محمد :مع السلامه
ريم :مع السلامه
قفلت الجوال وكل علامات الاستغراب في وجهها
محمد في سيارتو
وكمل طريقو

نزل من العمارة ودخل السوبر ماركت
قدام ثلاجه العصيرات واقف يختار
تدور عصيرها اللي دايما تشربو ... واخيرا لقيتو
تحاول توصل بس مهي قادرة
مسكتو من طرف بلوزتو وتشدها بشويش
طل فيها مستغرب
لمى :عمو ممكن تجيبلي العصير ذاك
ياسر يطالع فيها شكلها مو غريب بس ناسي وين شايفها
ياسر يطالع مكان ماتأشر :فين هذا ؟
لمى تأشر براسها ايوا
اعطاها العصير
ابتسمت :شكرا عمو
ياسر ابتسم :عفوا عمو (يطالع فيها متنح يحاول يفتكر فين شافها )
جات باتجاهها :لمى يالله ذا كلو تشتري عصير ؟
ياسر طل فيها وانصدممم
لمى :لا بس ماوصلتلو خليت (تأشر على ياسر )هذا يجيبو
مروة رفعت راسها وفتحت عيووووونها وبدون ماتحس :ياسر ؟
ياسر افتكر البنت ..بلع ريقو وما اتحرك من مكانو
مروة تطالع فيه ماتعرف ليش نفسها تقلو وحشتني من زمان عنك كيفك كيف ايامك نفسها تسمع ضحكتو نفسها تقلو جيت من بعيد عشانك
ياسر وطى راسو نفسو يقلها طفشان وحدي مشتاق لروحك اللي تدخل على حياتي الفرحه نفسي ترجع ايام زمان ولا ياخذك احد مني
(احيانا تشهد اعيننا مواقف يتكلم القلب نيابه عن اللسان فيها ولكنه يأبا ان يترجمها فالظروف حالت بين كلام القلب وترجمة اللسان عندها يعجز القلب عن البوح ويعجز اللسان عن النطق ونرغم على ابعاد اعيننا عما نراه خاضعين لظروف الحياه الأليمة )
مروة استوعبت ومسكت لمى من يدها :مرة ثانيه يالمى لاتطلبي من احد غريب شي
لمى مستغربه ومهي فاهمه شي مشيت مع امها
ياسر كان متوقع أي شي من مروة يحقلها تقولو
مشيت واخذت اغراضها ونزلت بره المحل
ياسر حاسب على اشياؤ وتبعها بدون ماتحس
مروة اتوجهت للفندق اللي مقابل عمارتو
انصدم انها سكنت فيه توقف للحظات يطالع فيها وهيا تطلع
وبعدها اتوجه لعمارتو

ريحه الفطور واصله لغرفهم
خرجت من غرفتها ودخلت المطبخ
تطالع في الطاوله :حركااات ايش ذااا ؟
تالا تطالع فيها ومبتسمه حطت الصحن فوق الطاوله :هلا والله
ربا تجلس على الكرسي :لالا ما اصدق اشبك حلمتي منال العالم ولا اسامه اطيب
تالا تسلك: ههه خفففه اسكتي بالله
ربا بتمد يدها
تالا ضربتها
ربا :وجع يوجع بليسك اشببك؟.
تالا:روحي نادي اخوك يالذكيه
ربا :اووهو مش لازم ياخي
تالا:استحي على وجهك
ربا من مكانها تنادي:ولللللللليدووه تعااال تالا مسويه فطور
وليد خرج من غرفتو ودخل المطبخ :صباح الخير
تالا:صباح النور
وليد يطالع فيها:اوهو ايش الحركات ذي ذا كلو عشان ربا
ربا :مشكله الغييييييرة
وليد ضربها عللى راسها بشويش:اغار ايييه اسكتي بس
تالا مبتسمه :ايوا طبعا ربا تستاهل
وليد طالع في تالا وابتسم بخبث :اممم طيب اجل محد ساكن في البيت غير ربا
تالا طالعت فيه وابتسمت :ان شاءالله يعجبك
وليد :اكيد مدامك انت سويتيه
ربا عند الاكل لو يموت احد قدامها ماتدري عنو
وليد يأشرلها :طيب تعالي اجلسي
تالا:دقيقه بس
راحت واخذت الكاسه وحطتها على الطاوله
وليد يطالع في القهوة ابتسم واخذ نفس :ويلوموني لو
تالا تعلي صوتها :اممممم ايوا اتفضللللو
وليد ضحك على مقاطعتها
جوال ربا يدق
وليد :رباا هي قومي شوفي جوالك
ربا تاكل ومطنشه
وليد :قوممي ردي يمكن امي
ربا أتأففت اسكت بالله امي ماتتصل ذا الوقت
قامت واتوجهت لغرفتها تجيب الجوال
تالا مارفعت عينها من صحنها
وليد :وحشتيني
تالا سابت الملعقه :نعمممم.؟
وليد يضحك :لالا امزح
تالا :احسب
وليد يرفع يدو :اللهم يامن تنطق البكم انطقها بكلام جميل يشفي قلبي
تالا تضحك باحراج :في الجنه ان شاءالله
وليد :طيب اسمعي اليوم قولي لربا انو ماريا عازمتكم وانو حتروحو عندها وبعدين تكتشف انها رايحه مدينه الالعاب
تالا فطست ضحك :ايش الهباله ذي
وليد:انا ادري عنكم جدة كلها ماتبو الا الملاهي
تالا:وليد احنا ايش قلنا
وليد:لبيه يابحه حبال الشوق
تالا منحرجه وتحرك راسها بنفي :اممم احنا ماحنخلص
وليد مبتسم :ان شاءالله عمرنا مانخلص
تالا:امم ايش كنا نقول
وليد يضحك :الملاهي الملاهي
تالا ترقع لنفسها:ايوا افتكرت المهم قلتلك هيا تحبو وبعدين عيش سنك تراك مو كبير
وليد :ان شاءالله
ربا دخلت :خلصتو الفطور؟
وليد يحرك راسو بأسف:خلصناا ايه تعالي بس
ربا جلست :احسن وفرتو

الدكتور يبعد الستارة مبتسم
مراد مستني بفارغ الصبر
بدور قامت وتعدل عبايتها وطرحتها
الدكتور :مبروك مرتك حامل
مراد الفرحه على وجهوو باينه :الله يباررك في عمرك
بدور عيونها مليانه دموع فررح (الحمدالله الحمدالله)
جا باتجاهها ومسك يدها :مبرووك حبيبتي حتصيري ام
فتحت عيونها :الله يبارك فيك
مراد مستغرب:نعم؟
بدور:اشبك؟
مراد:ايش الله يبارك فيا ؟
بدور تطالع بحركه سريعه يمين يسار وبنبره حزن :انا مو حامل ؟
مراد اتنهد :بدور حبيبي اشبك؟
بدور جلست وغطت عيونها :حلمت اني حامل
مراد:بدور ياقلبي هذا عشانك شايله هم الحمل ممكن تنسي خلاص حرام عليك ارحمي نفسك ترا الدنيا مهي واقفه على الاطفال
بدور ماتطالع فيه ومهمومة مرة
مراد:اتخيلي كان معانا كم ولد وكم بنت ماتدري يمكن احنا تصير مشاكل بيننا بسبتهم يصير البيت ازعاج وتتمني لحظه هدوء ياما ناس خلفو بالعشرة ويتمنو يحسو بالهدوء والاستقرار حياتهم كلها مشاكل معد في شي اسمو خصوصيه بين الاب والام كل شي داخل فيلو الاطفال يعني ذحين احنا يمدينا نسافر نجي على كيفنا محنا مرتبطين بشي لكن مجرد مايجو الاطفال هذي الايام لايمكن تنعاد ولما يكبروا حنا حنعجز يعني الايام ذي ماتتعوض فهمتيني ؟
بدور اقتنعت نوعا ما :طيب وامك ؟
مراد:اشبها امي ؟
بدوروطت راسها :مو تبا تزوجك ؟
مراد :انت من جدك؟يعني مثلا حوافق قومي بالله سويلي فطور ورايا دوام
بدور :طيب

في الطريق
ماريا تقلب الكتاب
احمد يطالع من المرايا :اوهوو ماشاءالله مجتهدة
ماريا ابتسمت شويه:تتريق؟
احمد ضحك :لاا عيب عليك ما اتريق
احمد :فطرتي؟
ماريا :لا ليش؟
احمد :لا بس عشان نفطر ذحين
ماريا برده فعل سريعه :لالا ايش نفطر في المركز ان شاءالله
احمد :لا ايش هوا اقلها شي خفيف
ماريا :لا مايحتاج
احمد :طيب على راحتك
بعد دقايق ...
وصلو المركز
نزلو وماريا تطاالع في شكلو من بره مررررة كبير
احمد يأشرلها:اتفضلي
ماريا ابتسمت ومشيت
دخلو قسم الايتام اول شي
احمد :ها ماريا ايش حابه تختاري
ماريا :والله مني عارفه لسا افكر غرف اطفال ما ادري انت ايش رايك؟
جات طالبتين بابتسامه عريضه :اهللين دكتور احمد
احمد ابتسم مجامله :اهلين فيكم
وحدة منهم :صراحه يشرفنا حضورك دكتور
الثانيه :والله من جد نور المركز وصراحه اهنيك على الاختيار احس المشروع حينجح
احمد:منور بوجودكم واكيد لمساتكم وانجازاتكم حتحلي المشروع
ماريا متكتفه ونفسها تكففلهم
البنتين طولو في الكلام والا يبو يجيبو كلام
احمد عادي ماهمو مين اللي قدامو يتكلم عادي
شويه طل في ماريا وشايفه طفشانه وتتأفف
احمد:امم طيب اتفضلو على مشاريعكم وان شاءالله لما تخلصو حديكم ملاحظاتي
البنات ابتسمو ومشيو
احمد لف على ماريا :اشبك؟
ماريا :ولا شي
احمد :طيب ايش قررتي ؟
ماريا :غرف الشباب
احمد استغرب:دوبك قلتي اطفال
ماريا :غيرت رأيي
احمد :طيب اديك رأيي
ماريا برده فعل سريعه :لا خلاص شكرا انا مقتنعه باختياري
احمد استغرب:ماريا اشبك ؟منتي طبيعيه
ماريا :لا ولاشي يالله حتجي ولاتروح لطالباتك ؟
احمد عقد حواجبو وابتسم ومو مستوعب:ماريا أنت تغاري؟
ماريا :لا طبعا
احمد ابتسم :اممم طيب وماكأنو مزاجك انقلب بعد البنتين ؟
ماريا :احمد بتمشي ولا كيف ؟.. اقصد دكتور احمد
احمد ابتسم اكثر:انت الوحيدة اباك تقوليلي احمد
ماريا تحاول ماتبتسم :ليش؟ايش معنى؟
احمد :لانك غير عنهم كلهم
ماريا ابتسمت غصبا عنها
احمد بادلها الابتسامه :يالله نمشي
اتوجهو لجهه المدرسه
ويطالعو في الصغار ويضحكو على حركاتهم البريئه
مرو على قسم المطاعم
احمد :ايش تشربي؟
ماريا :عصير ليمون
احمد يطلب :لو سمحت اثنين عصير ليمون
احمد :طيب ايش تاكلي ؟
ماريا :لامابا شي
احمد:اديني واحد بسكوت
وقفو متكيين على الجدار
احمد فتح البسكوت وقسمو نصين
مد يدو لماريا
ماريا :لالا شكرا
احمد:افا بس ترديني
ماريا اخذت القطعه :طيب شكرا
خلصوا واتوجهو لغرفهم
ماريا خايفه من اختيارها بس مصره ترد غيرتها
احمد يطالع في الغرف فاضيه الشباب في الجامعه وبعضهم في الثانويه
ماريا :امم انا كم غرفه مطلوب اني اسوي
احمد:على راحتك بس اختاري غرفه بالنسبه للشباب وباقي مشروعك اللي هوا غرف ذوي الاحتياجات الخاصه مو حيساعدوك فيها ؟
ماريا:ايوا
دخلو غرفه
ماريا :امم هذي مناسبه خلاص حختار ذي
احمد :طيب ولا يهمك انا حكلم المسؤليين وقت شغلك يفضولك الغرفه
دخل بعد ماخلص دوامو الاول
استغرب الباب مفتوح
ماريا واحمد لفو على الباب
استغرب :مين انتو؟
احمد مشي وسلم عليه :السلام عليكم
انس:وعليكم السلاام
احمد:انا الدكتور احمد من جامعه ...
انس:اها انتو اللي مسوين المشاريع هنا ؟
احمد :ايوا
انس :طيب؟
احمد يأشر على ماريا :هذي وحدة من طالبتي ومشروعها ديكورات في الغرف
فاختارت غرفتك وبعض الغرف الثانيه فما ادري اذا حتسمحلنا ولا لا
انس يطالع في ماريا :ايوا طبعا ماعندي مانع
ماريا خافت من نظراتو مهي عارفه كيف حتشتغل براحه

في صاله الانتظار
جالسه على الكرسي وماسكه جوالها تطالع صور الحفله
رائد :طيب انا حمشي افطر لسا بدري على الطيارة تبي شي؟
ريم تكمل مطالعه لجوالها :لا
رائد:طيب براحتك
قام وبعد عن المكان

يطالع من بعيد يحاول يلاقي اللي يباه
يطالع يمين يسار .... جات عينو على المكان
مشي بهدوء
ووقف قبالها واتحمحم
ريم بعدت الجوال عن عينها ورفعت راسها بهدوء وبرود
انفجججعت لما ششافتو قدامها :محمممممد؟؟؟
محمد :يعني مثلا حخليكم تسافرو بدوني بذي السهوله ؟
ريم وقفت تحاول تغطيه خايفه رائد يشوفو
ريم سحبتو من يدو :تعاال بالله معايا
محمد: دقيقه طيب ايش في ؟
ريم بعدت عن المكااان
محمد ساب يدها :اشبك ؟
ريم:انت من جدك جاي تستهبل؟ايش تبا ؟
محمد:حلوة ذي ايش ابا زي ماهمها خطفو اختي انا ارجعها
ريم:لا بالله احنا في فيلم هندي وانا مدري؟
محمد رفع حواجبو :اممم يعني قصه العصابه مهي فيلم هندي
ريم:محمد اسمعني محمد الله يخليك امشي قبل محد يشوفك
انت تبا اختك اختك حترجع
محمد :ريم خلاص احنا اتكلمنا في ذا الموضوع سفر مافي انسي ولما تجيبلي كلام زي الاوادم اصدق
ريم دمعت وتترجاه :محمد الله يخليك محمد اذا لتالين معزة عندك عشان خاطر اللي بينها وبيني الله يخليك امشي محمد اسمعني الله يخليك والله تالين ماحيصير فيها شي على ضمانتي صدقني
محمد حزن عليها مررة شكلها وهيا تترجاه يحزن :طيب واختي ياريم ؟حرام عليك امي تعبانه
ريم مسكت يدو :محمد اوعدك تالين حترجعلك سالمه غانمه مافيها شي وان شاءالله في اتم الصحه انت بس اوثق فيا
محمد مو عارف أيش يقول
ريم طالعت فيه وعيونها تترجاه :اوعدك والله اوثق فيا لو مرة وحده
محمد ساب يدها ومشي
ريم واقفه وتمسح دموعها
دار عليها وبينهم مسافه :ريم انتبهي لتالين انتبهيلها
ريم ابتسمت بين دموعها :حاضر لاتشيل هم
مشي (في قلبو)ياارب اللهم اني استودعتك اختي فردها لي يارب العالمين يارب
رجعت لمكانها
رائد :انت وينك قلقتيني
ريم تطالع باستغراب:نعم؟ وانت ايش دخلك انا وين رحت ؟
رائد يتأفف :اتكلمي بأدب لو مرة
ريم :لما تتصرف بأدب انت حتكلم بأدب
جلسو ورائد على حبو للسفر كره هذي السفره ونفسو الوقت يمر باسرع مايمكن
بعد ساعه ...
نادو على رحلتهم
رائد :يالله اهو جات الطيارة
ريم اخذت شنطتها وقامت
وبعد الاجراءات طلعو الطيارة
رائد جالس في الدرجه الاولى طبعا وماريا جنبو
ريم تأشر للمظيفه :لو سمحتي ابا اغير مكاني
المظيفه :طيب حاضر اتفضلي هنا (اشرت على المكان المقابل لمكان رائد)
ريم:لا مابا (اشرت لمكان بعيد شويه )ابا هنا
المظيفه :على راحتك اتفضلي
الطيارة ماكانت زحمه ابدااا خصوصا انو سفرهم مو وقت اجازات
ريم جلست وفيها نووووم تعبانه مررة اليومين اللي راحت ماذاقت فيها النوم الا دقايق وبتعب وقلق كمان
غمضت عيونها ونامت
ورائد قدو نايم

ينادي من غرفتو :رباااااا .... يارباااااا
ربا بعد ثواني ردت :نعممممم
وليد:تعالي ابغاك شويه
ربا اتوجهت من غرفتها لغرفتو وفتحت الباب :نعم؟
وليد:ايش رايكم ننزل نتغدى بره ؟
ربا ابتسمت ابتسامه عريضه :والله؟
وليد :ايوا اجل استهبل
ربا:ياخي شكرا
وليد طالع فيها باستغراب:ربا بالله روحي قلك شكرا حتى شكر ماتعرفي تشكري زي الناس ياشيخه سبيني ولا تشكريني
ربا :اجل انقلع ويالله البس
وليد يضحك :ايوا كذا انت ربا
وليد قام يلبس
ربا طارت لتالا وتطبل على الباب :تالووووه تاااالووووه قوووم بنتغدى برا
تالا تكلم ابوها وتقفل اذنها عشان ازعاج ربا تحاول تسمع :ايوا بابا ايش قلت ؟
ربا باستهبال :بابا؟؟؟ يالله ياربااااااه تقول بابا هي انت دوبك والده وانا مدري
تالا اتنهدت :بابا ممكن بعدين اكلمك ربا تكلمني شويه معليش
ابو احمد :لايابابا عادي خذي راحتك
تالا قفلت الجوال :لا حول ولاقوه الا بالله انت ماتقوليلي ايش تبغي؟
ربا ابتسمت :حنتغدى بره
تالا:طيب؟
ربا :ماااالت على الحماس الميت (تعدد )لا حب لا مشاعر لا احساس لا حماس لا تعابير حشا جماد مو انسان
تالا ضحكت ووطت صوتها :ايش دراك انت ... علت صوتها :طيب مو شغلك روحي اتجهزي يالله
اتجهزو بسرعه وخرجو

جوالو يدق ...
بعد ثواني رد
حسين:الو
صاحب البيت:ايوا الو حسين
حسين:ايوا نعم
صاحب البيت:كيفك؟
حسين :الحمدالله
صاحب البيت :والله مني عارف ايش اقلك بس صراحة انا احتاج البيت ضروري واباك تسلم مفاتيحو
حسين مفجوع:ليييش ايش في
صاحب البيت :معليه بس والله محتاجو مررة وحعطيك يومين تفضي
حسين:طيب انا اعطيك اجار اكثر من حقوا ذا تباني ازيد حزيد صراحه عندي دوام ومني فاضي ادور
صاحب البيت:انا عارف بس ابغاه مدة سنه وبعدها اذا تباه اديك
حسين:انا ايش ابغا فيه بعد سنه
صاحب البيت :اعتذر صراحه
حسين :خلاص مو مشكله ادبرها مع السلامه
صاحب البيت :مع السلامه
حسين قفل واتأفف:ايش ذا كيف حدبرها ذحين مرة بالقوة لقيتو ولاابا فنادق ما ارتاح فيها استغفر الله
خرج من البيت واتوجه للمطعم المعتاد قريب بيتو يتغدى
دخل وجلس على الطاوله يفكر فين ممكن يلاقي قريب من الجامعه غير الفنادق
جاه الجرسون :اهللين حسين
حسين بطفش:اهلين
الجرسون :ايش تامر فيه؟
حسين اعطاه طلبو
بعد دقايق وصلو الطلب
ياكل ويفكر
دخلت المطعم
وجلست على الطاوله مقابلو
جاها الجرسون بطلبها بدون مايسألها عنو
اشرت للجرسون ينادي حسين
الجرسون نفذ طلبها ومشي
حسين طل فيها واتذكرها وابتسم
الحرمه المسنه :اهلين كيفك ؟
حسين :الحمدالله تمام وانت ؟
الحرمه :بخير
حسين :وينك من زمان ماتجي هنا
الحرمه المسنه :انتقلت لمنطقه جديدة وانشغلت شويه
حسين :اهااا .... طيب فين المنطقه
الحرمه المسنه :في شارع ....
حسين يفكر مو بعيد ولاقريب خليني أسالها
حسين:طيب في بيوت جديدة في المنطقه ؟لانو انا حاب انقل كمان
الحرمه المسنه ابتسمت :ايوا في بيوت كثيرة
حسين ابتسم :طيب انا حجي معاك بعد الغداء ابا اشوف وأستأجر
الحرمة المسنه :ما اعتقد في ايجار كلو ملك
حسين :طيب احسن المهم الاقي سكن
خلصو غداء واتوجهو للمنطقه
حسين يطالع في المنطقه باعجاب :اممم شي جميل
الحرمه المسنه مبتسمه وتطالع في المكان :اعرف
حسين يأشر على بيت :هذا باين حلو
الحرمه المسنه ابتسمت :تعال نسأل
جالس على الكرسي الخشبي وفوقو كلبو
الحرمه المسنه :مساء الخير
الرجال:مساء النور
الحرمه المسنه :ممكن نشوف البيت
الرجال:اكيد
دارو البيت عباره عن طابقين
حسين عجبو البيت
الحرمه المسنه تأشر على البيت:بكم تبيع ذا البيت ؟
الرجال :41000يورو
الحرمه المسنه :امم غالي بعض الشي؟؟
حسين برده فعل سريعه :لا لا خلاص مناسب
الرجال بابتسامه اعجاب:اجل اتفقنا متى حاب تسكن ؟
حسين :في اقرب وقت
الرجال :نسوي الاوراق اللازمه وتستلمو على طول
حسين ارتاح انو بذي السرعه لقي
خرجو من البيت
حسين يطالع في الحي :وانت وين بيتك
الحرمه المسنه مبتسمه :هذا
حسين يطالع واستغرب :جنبي؟؟؟؟
بين بيتها وبيتو سور وشارع صغير للمرور
الحرمه المسنه تعال نشرب شي
حسين :لالا خلاص شكرا
الحرمه المسنه :انا ماسألتك أنا أمرك امشي معايا
حسين استغرب تصرفها ومشي معاها
دخل بيتها
يطالع فيها مافي ولا احد واثاثو هادي وشويه
صورة عجوز صغيره على الطاوله وصورة كلب كبيررررة على الجدار
حسين استغرب :ليش صورة الكلب بهذا الحجم وصورة العجوز ص
قاطعتو:عشاني افضل الكلب على هذا العجوز لانوا وفى منو هذا العجوز زوجي واتزوج بوحده ثانيه
حسين ابتسم مجامله :اهاا
يطالع في البيت الصليب معلق وتحف غريبه فوق الرف
يطالع في المكان باستغراب تام
الرحمه المسنه :قوم جيب الكتاب اللي على الطاوله
حسين اتوجه للطاوله ورفع الكتاب
انفجع من عنوانو (محمد)
(انتهى البارت الحادي عشر)

18 - 12 - 2024, 12:49 PM

(البارت الثاني عشر )
فتح عيونو على صوت المظيفه :لو سمحت
رائد اتعدل بسرعه واتحمحم :وصلنا؟
المظيفه:ايوا
رائد:يطالع في الشباك وبعدها جات عيونو عليها :يالله ذي لسا نايمه
قام واتوجه لها ووقف قبالها واتحمحم...
ريم مهي حاسه بشي
رائد بصوت واطي :ريم ياريم
ريم فتحت عيونها بشويش :ايش في ؟
رائد:قومي وصلنا
ريم ترمش بعينها وتستوعب وعدلت جلستها
رائد:يالله قومي ننزل
ريم ماترد عليه
رائد ما استناها وطفش من ذا الحال مشي ونزل
ريم وقفت واخذت شنطتها ومشيت
رائد واقف في درج الطيارة يطالع حولينو ومبتسم :الله الجو يجننن سبحان الله زي جدة (حول ملامحو لليأس)ونزل
ريم تكلم المسؤل :ها كيف ذحين
المسؤل:حننقلها للمستشفى طوالي طبعا لاتشيلو هم
ريم اطمنت ونزلت
في المطار ...
ريم واقفه ورا رائد
رائد يطالع قدامو :ايش قالو ؟
ريم :كان سألتهم لو يهمك
رائد لف عليها :ريم اسمعي الاسلوب ذا ياريت يتغير خلاص ماصارت مين ممكن يسوي زيي يسفرها ويسيب اشغالو ودنيتو وهوا ماسوا فيها شي ترا مو انا اللي قلتلها ارمي نفسك هيا رمت نفسها
ريم تطالع حولينها :وطي صوتك طيب
رائد اتنرفز :ياشيخه روحي انت الكلام ضايع معاك ماهمك غير الناس
خرجو من المطار واخذو سيارة
في السيارة ...
ريم :على وين رايحين ؟
رائد يطالع في الشباك :الفندق يعني وين ؟
ريم رفعت حاجبها :لا والله ايش نسوي في الفندق ؟
رائد لف عليها:نلعب مثلا ؟انت ايش رايك ؟الناس ايش يسو في الفندق
ريم:كأنك قلبت عليا ؟احترم نفسك
رائد:لا والله انا احترم نفسي ؟وانت ذي الفتره كلها مررة الاحترام مقطعك
ريم سكتت
رائد يطالع فيها واخذ نفس :الفندق مقابل المستشفى

اخذت نفس ومسكت راسها :ااااه خلاص تعبت والله
احمد :اشبك ؟
ماريا :والله تعبت من كثر ما اقلب في الورق والتصاميم ذي
احمد ابتسم :طيب خلاص وقفي اصلا خلاص انتهى دوامنا
ماريا :طيب الحمدالله
احمد :ليش الشغل ملل؟
ماريا :لا دكتور مو ملل والله ابدااا بس متعب شويه من الصباح لين العصر وانا اشتغل
احمد :طيب اسف ياطالبتي بس خلاص من بكرة انا مني معاكم والشغل يخف ويصير ممتع
ماريا اتحولت ملامحها للحزن :ما اعتقد
احمد ماسمع:ايش؟
ماريا:لالا ولاشي
احمد قام :طيب انا حكمل اشراف على الباقيين
ماريا :طيب اتفضل
احمد راح
ماريا عيونها عليه وتلعب بالقلم
جا من وراها : متى حتبدأي شغل؟
ماريا لفت بسرعه ومفجوعه :نعم ؟
انس ابتسم :اشبك ؟
ماريا خافت :عفوا ايش تبا ؟
انس :لا بس كنت بسألك متى حتبدأو شغل ؟
ماريا :ان شاءالله من بكرة
انس :اهااا ...طيب ليش اخترتي غرفتي ؟
ماريا موطيه راسها شويه وشويه ترفعو :والله عجبتني مساحتها لا اقل ولا اكثر
انس مبتسم :طيب اقدر اساعدك ؟
ماريا مستغربه :كيف مافهمت ؟
انس :لا يعني كذا اساعدك في شغلك اركب احط اشيل يعني شي زي كذا
ماريا تنحنت:لا شكرا اخويا مني محتاجه مساعده هذا شغلي وانا محاسبه على كل شي فيه يعني عليه درجات جامعه وكذا
انس :اممم طيب اجل حجلس اطالع بس
ماريا فتحت عينها :نعم؟؟ لا معليه ماينفع اصلا ممنوع واحنا نشتغل يكون فيها احد
انس :طيب غرفتي ذي
ماريا :حتى لو معليه ماينفع اعتذر اخويا
انس مشي بطفش واداها ظهرو :طيب سلام ... وبلاشي من اخويا ذي
ماريا مستغربه :والله لو احد ثاني كان كفختو بس حالتو حتسكتني
رجعت ظهرها على الكرسي وتقلب الورق
جا باتجاهها :ها ماريا خلصتي ؟
ماريا انتبهت واتعدلت :ايوا خلاص الحمدالله
احمد :امم طيب كويس يالله انا ماشي
ماريا :طيب
احمد :ايوا صح بسألك
ماريا :امم؟ اتفضل
احمد :ايش كان يبا اممم انس اظن اسمو ؟
ماريا ابتسمت على خفيف وتبا ترد غيرتها:والله ولاشي يسعدو جاي يطمن بس
احمد استغرب :كيف يعني ؟
ماريا :لا يعني جا يسألني كيف الشغل ومتى حبدأ ويعني كذا قلي نفسي اساعدك في الشغل وكذا
احمد :طيب انت ايش قلتيلو ؟
ماريا :والله انا قلتلو ماينفع وكذا وانو هذي درجات جامعه مو بس شغل كذا
احمد :ايوا وايش كمان ؟
ماريا :لا خلاص بس قلتلو كذا قال طيب بس حجلس اتفرجلك وانت تشتغلي
احمد ابتسم بتعجب :ايوا؟
ماريا الفرحه بتقطعها حست انو بدأ يغار :امم انا قلتلو مايصير ولازم اكون لوحدي اشتغل
احمد ابتسم :حرام ليش كان خليتيه يطالع ويتعلم اقلها اعتقد هذي كانت فكرتك كمان
ماريا اتنرفزت :اعتقد فكرتي كانت لذوي الاحتياجات الخاصه مو ايتام
احمد :طيب عادي غرفتو
ماريا نفسها تذبحو عصبت :طيب ويعني ؟؟
احمد :اشبك ؟عادي يعني هوا في الاخير نبا الفايده تعم الكل
ماريا قلبها وقف من برودو :طيب ولايهمك حخليه يمشي معايا طول الوقت ولو يوديني ويجيبني احسن يكسب اجر فيا كمان
احمد ضحك :طيب اشبك كذا متنرفزة ؟
ماريا وقفت ومسكت اغراضها :ولا شي انا ماشيه سلام
بعدت عن الكرسي وادتو ظهرها ومشيت بشويش
احمد :طيب ماتبي تودعيني ؟
ماريا وقفت وقلبها وجعها دارت عليه :امم الله يوفقك يارب
احمد :بس؟
ماريا باستغراب :ايش بس ؟ايش تباني اقول؟
احمد :يعني حتوحشني مثلا
ماريا مفجوعه :نعم؟
احمد يضحك :امزح امزح
ماريا :كنك نسيت انك دكتوري
احمد :لامانسيت ياطالبتي
ماريا :طيب يالله سلاام
احمد :سلاااام

في الطريق
وليد :ها وين تبو تتغدو ؟
تالا:ربا تختار طبعا
ربا :احم احم
وليد :يالله اخلصي
ربا :اصبر وي بفكر
وليد يطالع في تالا من المرايا ومبتسم :خذي راحتك
تالا ابتسمت ووطت راسها
ربا :اممم ايووا ابا مطعم .....
وليد طل فيها :مسرع اخترتي ماشاءالله
ربا:لاحوووول
وليد يضحك :خلاص خلاص طيب
ربا:امي بتجي بكرة ولا حيجلسو كمان ؟
وليد يطالع في الطريق:والله على اساس بكرة بس ما ادري لسا ما ادوني خبر اكيد
ربا:ااها ...(تضحك)تخيييل امي امس كلمتني تقلي كنت جالسه في الحرم استنى الصلاه بعدين جات جنبي بنت قدي او اصغر مدري المهم قالت جلست اتكلم معاها وتجنن مررة حلوة ومن جدة جايه عمرة مع امها تقول مسكينه كل شويه تجبلي مويه وتنفذ طلباتي اننا وامها تقول يبالي اخذها لوليد (ضحكت بصوت اعلى)
تالا قلبها وقف مع الكلام
وليد طالع في ربا :وماشاءالله امي على طول كذا خطوبه ؟
ربا مبتسمه :انا ادري
وليد :اممم والله انا اللي حختار ما ابا احد يختارلي
ربا:اكشخ وانت ايش دراك بالبنات ولا وين حتشوفهم
وليد طالع لتالا من المرايا وابتسم :انت ايش دخلك
تالا تحس جبل وانزاح من قلبها
ربا :امم بنشوف والله ماتاخذها لين اعرف كل شي فيها
وليد :حتعرفيها ولايهمك
ربا :بنشووف ..والله نفسي احضر زواج من زماااان مارحت زواج
ربا لفت على تالا:يالله متى اشوفك عروسه وازفك
وليد ضربها على راسها :اقول خليك في نفسك ايش عليك من الناس
ربا اتنرفزت :وانت ايش لك صلااااااااح ؟
وليد :اقول انزلي انزلي
فتحو الباب ونزلو
ربا معصبه نزلت واتقدمت قدامهم ودخلت بسرعه
تالا قفلت الباب وتبا تلحق ربا
وليد قفل الباب وحط المفتاح في جيبو :والله لو ايش يسوو فيا ماحاخذ غيرك
تالا وقفت ماقدرت تتحرك من مكانها
وليد ابتسم ومشي
تالا واقفه عند السيارة ووجهها ناااااار
بعد ثواني استيعاب مشيت
في المطعم ....
ربا جالسه وماسكه جوالها
وليد جا باتجاهها وسحب الكرسي :اشبك ؟
ربا :اشبي؟مافيا شي .. وين تالا ؟
وليد مسك جوالو وابتسم :هناك
تالا دخلت وتدورلهم
ربا تأشرلها
جات باتجاههم وجلست جنب ربا
ربا :اشبك أتاخرتي
تالا تصلح طرحتها :ما أتاخرت انت اللي تجري
ربا تطالع في الجواال وصفرت بشويش
تالا تطالع فيها باستغراب
ربا توري تالا الجوال:يالبيه اروحلك ابتسامه
تالا تطالع باستغراب :مين ذا ؟
ربا:هذا دكتور ماريا مالت عليها حظظظظ
تالا طالعت فيها بدون تعبير :هبله
ربا اتنرفزت :ياشيخه روحي انت محد مالي عينك والله انو يجنن
تالا:طيب يجنن ويعني ؟
ربا :ولا شي خليك في تفكيرك بس
تالا تضحك :انت مانسيتي من ذاك اليوم
ربا:لا طبعاا وعلى بالك حسيبك والا ما اكفشك
الجرسون جا
وليد يطالع فيهم :انا اخترت خلاص
ربا :مسرع ماشاءالله متى لحقت
وليد:شايفتني زيك ابربر
تالا تقلب بسرعه واختارت
ربا تقلب بشويش رفعت عينها تطلب( فتحت عينها باستغراب):ايش جابهم ذول هنا؟
تالا تطالع مكان ماربا تطالع :مين؟
وليد لف
ربا :يامعفن لاتطالع فشله
وليد رجع عليهم :انت شوفي نفسك كيف تطالعي
تالا:اممم نسلم ولا؟
ربا :اكيد ايش رايك ؟فشله لو شافونا وماسلمنا
ربا وتالا قامو :استنى احنا نسلم اول
مشيو باتجاههم
جالس على الطاوله قبالها مبتسم
ربا مدت يدها ومبتسمه :هلا والله
تالا مدت يدها بعدها :ياهلااا
بدور وقفت وابتسمت :اهللللين ايش الصدفه الحلوة ذي
ربا :شايفه كيف
تالا :كيفك؟
بدور :تمام الحمدالله انتو كيفكم ؟
تالا وربا :تمام الحمدالله
مراد موطي راسو
تالا:طيب احنا نستأذن خذو راحتكم بس حبينا نسلم
ربا:ايوا ونشوفك على خير ان شاءالله
بدور:طيب اسمعو ربي جابكم كنت حتصل عليكم انو تجو بكرة عندي عشان عندي خالتي وماريا وكمان حكلم كم صحبه ليا
ربا:والله ان شاءالله نشوف وليد كيف يقدر يودينا ولا لا
بدور:يالله ياهو مو دايما نجتمع خلونا ننبسط شويه
تالا:ان شاءالله ولايهمك
بدور:تسلمو والله وانبسطت بشوفتكم
سلمو ورجعو مكانهم
ربا وتالا يسحبو الكرسي وجلسو
وليد :ايش الهبل ذا فجاه اقوم انا بالدور هوا ؟
ربا:ايش يعني عادي
تاالا:لاخلاص وقت ماتشوفو قام قوم سلم احسن
وليد :يسلملي الرأي وصحبتو
تالا قلبها في رجلها
ربا تطالع وعينها مفتووووحه :ايش قلت ؟
وليد انتبه على نفسو ..
اتحمحم بثقه:ايش قلت ؟
ربا تطالع بنص عين :لالا ولاشي سلامتك ماقلت شي
الجرسون بدا يجيب الاكل ويحطو على الطاوله
ربا بدت تشبك الخيوط ومسرحه تفتكر كل موقف وجه تالا احمر فيه وسرحانها ووليد وروقانو وكلامو
وليد ماسك جوالو وارسل
تالا مسكت جوالها
(اشبك كذا ؟ عادي ايش يعني مصيرها تعرف واصلا انا ناوي اكلم اهلي قريبا لو ماعندك مانع طبعا )
تالا تقرأ بلعت ريقها (في قلبها )اشبو ذا ايش ناوي عليه الله يستر بس
حطت الجوال وتاكل بشويش

يشرب القهوة ويسمعها بانصات ....
الحرمه المسنه تتكلم عن دينها وايجابياتو وسلبياتو
بعد دقايق :خلاص انا خلصت
حسين مبتسم
الحرمه المسنه :تقدر تقلي ذحين ايش يعنيلك الإسلام؟
حسين ابتسم اكثر :اكيد اقدر
حسين يتكلم بحماس ومبتسم :الإسلام صعب اني اختصرلك عن ديني
صعب اني اتكلم عنو في دقايق الإسلام هدف ومنهج وحياة كل مسلم
الطريق اللي مانضيع فيلو الإسلام الدين الوحيد اللي يخدم كل الامم والاديان والاجناس باختلافها
الإسلام دين سلام وسماح ورأفه وعقل
ربنا اكرمنا بالإسلام وانعم علينا بيه وارسلنا رسول يبينلنا مكانة وقدر هذا الإسلام يبينلنا اسس الحياه وليش احنا عايشين وارسلنا رسول غير كل الرسل رسول حسن خلقو ويمثلنا الإسلام باصولو وقواعدو رسول رحيم من رحمتو بينلنا الخير والشر يخاف علينا من العذاب يدعيلنا يرحم صغيرنا ويحترم كبيرنا يحسن للجار ويبر بالناس يتصدق ويحب امتو مادعا علينا معننا عذبناه وخالفنا كلامو
واهم شي بينلنا كيف نعبد ربنا حق عبادته كيف نتقرب من ربنا ومانشرك بيه احد
هوا خلقنا واكرمنا بكل شي يكفي انو هوا اعطانا الدين وارسلنا الرسل عشان نعبدو وندخل تحت رحمتو في اكرم من كذا؟ ليش بعد النعم كلها نكفر بيه ونشرك بيه غيرو ؟
انا مهما اتكلمت ماحوفي لاحق ربي ولاحق رسولي ولاحق ديني
الحرمة المسنه مبتسمه :كلامك اقنعني كثير واسلوبك وانت تتكلم حسسني بجمال هذا الدين
حسين :شوفي هذي بعض من ايجابيات ديني وفي الكثيير الكثير اصلا مافيه سلبيات دين كامل مكمل من الايجابيات بس اذا بتكلم عن سلبيات بتكلم عن سلبيات اللي طبقوه واللي ماطبقوه
انت اللي كان موقفك عن الاسلام السياح اللي يجو هنا اعرف انو طبايعهم تتغير وللاسف يوصفو الاسلام بشكل خاطئ بس هذا من الجهل والتأثر بكم
الحرمه المسنه باستغراب :بس احنا مو كذا !
حسين :الا كذا طبعا مو كلكم بس فيكم الخير وفيكم الشر واحنا نفس الشي فينا الخير وفينا الشر
الحرمه المسنه تفكر
حسين وقف:انا اسأذن ومتى ماتبي تستفسري عن شي انا حاضر
الحرمه المسنه :شكرا
حسين :العفو
خرج من بيتها واتوجه لبيتو القديم يرتب اغراضو للنقل

جوالو يدق ....
مسك الجوال ورد :الو
ابو حسين :ايوا احمد وينك
احمد :في الطريق جاي
ابو حسين :يالله انا استناك
احمد :طيب
قفلو
بعد دقايق وصل ...
نزل من السيارة
ويطالع في الشركه باستغراب ماكان يتوقع شكلها كذا كانت بسيطه نوعا ما صح مرتبه بس مهي بالفخامه اللي متوقعها
دخل وطلع الدور الثالث
احمد يأشر :لو سمحت فين مكتب المدير ؟
الرجال يأشر:هناك على يدك اليمين حتلاقيه
احمد يطالع في المكان :طيب شكرا
اتوجه للمكتب يدق الباب
ابو حسين :اتفضل
احمد دخل
ابو حسين رسم ابتسامه على وجهو :هلا والله
احمد اتصنع ابتسامه وجلس
ابو حسين :شوف يا احمد انا عارف الشركه مو ذاك المستوى بس هذا مو مهم اهم شي الشغل يزبط
احمد :طيب من بكرة الدوام ؟
ابو حسين :ايوا طبعا
احمد :طيب والمطلوب ؟
ابو حسين مد الورقه :اول شي اباك توقعلي على هذي الورقه عشان انقل املاك هذي الشركه باسمك
احمد يطالع في الورقه وجات عينو على الاسمين المكتوبه عند الملكيه
احمد باستغراب:ايش جاب اسم عمي ابو رائد ؟
ابو حسين :مو احنا املاكنا هوا المسؤل عنها زي منتا عارف فلازم ينكت باسمو واسم المالك الثاني اللي هوا انت
احمد مبلم
ابو حسين :شوف انت ماحتفهم في هذي الامور واعرف مالك فيها بس حتتعود شويه شويه
انت وقع وبس
احمد قلبو مقبوض وقع غصبا عنو بيشوف ايش نهايتها
ابو حسين الابتسامه مافارقتو
بدأ يعلم احمد على الشغل والمطلوب منو
احمد بالقوه يستوعب مالو في شغل الشركات والاستثمارات

يفكر ومتعمق في التفكير
جوالو يدق ...
قام من السرير ورد :هلا ياسر
ياسر :هلا محمد كيفك ؟
محمد:تمام الحمد الله انت كيفك ؟
ياسر :والله الحمد الله بخير
ياسر :اسمع امرك ولا تمرلي اليوم ؟
محمد:على وين ؟
ياسر :ياشيخ نروح أي مكان والله طفشان
محمد:خلاص طيب ساعه واكون عندك ان شاءالله صراحه حتى انا ابغا اغير جو
ياسر:خلاص استناك يالله سلام
محمد:سلاام
بعد ساعه
في السيارة
ياسر :امشي نروح البحر ذحين مدارس ووسط اسبوع مافي زحمه
محمد :طيب يالله
بعد وصولهم
محمد وياسر جالسين على الكراسي قررريب البحر هدووء وصوتو هوا اللي ينسمع
محمد وياسر منهمكين في التفكير وكل واحد في عالمو
ياسر يطالع في البحر :شفت مروة مرة ثانيه
محمد :والله ؟وين ؟
ياسر :في السوبر ماركت اللي قدام بيتي اصلا ساكنه في الفندق اللي قبالنا
محمد مستغرب :لييش؟
ياسر :مني عارف والله
محمد:طيب ؟وشافتك ؟
ياسر:ايوا بس طبعا كانت زعلانه اكيد واول ماشافتني اخذت بنتها وخرجت
محمد :طيب انت ايش في بالك ذحين ؟
ياسر :ما ادري والله صراحه بدأت ترجع في بالي
محمد:طيب كويس اتزوجها وخلصنا
ياسر طل في محمد :اتزوجها ايش مستحيل اقلك معاها بنت كم مرة اقلك اشبك مو راضي تفهمني
محمد:طيب يعني انت في بالها وهيا في بالك وجالسين تتفرجو لبعض طيب الين متى كذا ؟
ياسر:ابغاها ترجع وما ابغاها ترجع ما ادري كيف صراحه متلخبطه مشاعري
محمد :طيب كلمها
ياسر:لا طبعا ايش تباني اقلها وبيني وبينك ما احس بترجع كرامتها راحت لما جات ببيتي واترجتني
محمد:اذا تحبك حتبيع كرامتها وبعدين فين الكرامه في الموضوع ترا الحب مافيه كرامات
ياسر:انت ايش دراك ...المهم قلي انت ايش اخبارك ؟
محمد:لقينا تالين
ياسر فتح عيونو :بالله ؟
محمد اتنهد :ياشيخ لقيتها ومافي فايدة ماكاني لقيتها
ياسر مستغرب:ايش تقول انت ؟ مني فاهم شي؟
محمد جلس يحكي ياسر كل الحكايه
ياسر :طيب كان قلتلي من اول افزعلك
محمد:يعني ايش بتسوي ؟
ياسر :اقلها اسافر انا وياك بدون مايعرفو
محمد:لاياشيخ ولو عرفو اختي تضيع من يدي ؟
ياسر:اصلا انت ايش عصابه ترا مهي داخله مخي
محمد:يعني اانا اللي مصدق بس ما ادري ريم هذي ايش وراها
ياسر:لالا ياشيخ ريم طيبه وبنت ناس واخلاق ومتربيه ما اعتقد تسوي شي بصحبتها خصوصا انه ممررة قريبين من بعض
محمد :ايش دراني بس والله كلامها غصبا عني مستغربو
ياسر :لا والله يعني هيا مهما كان عندها فلوس ومدري ايش ماهمها يعني فيها انسانيه مستحيل تخون صحبتها صدقني انت اطمن وماعليك
محمد:وانت اشبك جالس ساعه تمدح فيها؟
ياسر ابتسم :اقول الحق انا
محمد:لاياشيخ
ياسر يضيع الموضوع :المهم اشتريلنا شي نشربو

مسكت الجوال تتصل
مروة :هلا والله
بدور:يا اهللللين
مروة :كيفك ؟
بدور :تمام الحمدالله انت كيفك ؟
مروة :الحمدالله
بدور :وينك يختي من زمان عنك
مروة :والله موجودة بس يعني تعرفي الواحد ينشغل
بدور :اهااا
بدور:طيب اسمعي اباك بكرة تجي عندي عازمة اهل زوجي بس خالتي وبنتها يعني
وبنت خالتي ويعني اباك تجي منها اشوفك ومنها يتعرفو عليك
مروة :امم ماشاءالله والله ما ادري ايش اقلك يعني
بدور:لاتقولي ولاشي انا حستناك ومن جد نفسي تجي لاترديني
مروة :خلاص ولايهمك مايصير خاطرك الا طيب
بدور:تسلمي حبيبتي ..يالله اشوفك بكرة على خير
مروة :ان شاءالله
بدور:مع السلامه
مروة :مع السلامه
بدور قفلت وهيا مبتسمه
دخل البيت يغني ومروق ...
شافها جالسه ومبتسمه :السلام عليكم
بدور:وعليكم السلام هلا والله
مراد :حركات ايش الابتسامه ذي الله يديمها
بدور: دوبي كلمت مروة وحتجي بكرة معاهم
مراد :الله الله وذي الابتسامه كلها عشانها ؟
بدور:والله البنت طيبه وتونس و
مراد قاطعها :خلاص خلاص ذحين تجلس تمدح فيها سنه
بدور تضحك
مراد :طيب يالله قومي ماتبي تجيبي اغراض ؟
بدور:الاطبعا يالله حقوم البس
مراد :استناك في السيارة
بدور:طيب

دخل المطبخ واخذ كاسه واتوجه للثلاجه فتح الثلاجه
جات من ورا باب الثلاجه
رفع راسو ...قفلت باب الثلاجه بسرعه
وليد انفجع :بسم الله
ربا :خير شايف جنيه ؟
وليد :الجنيه اهون
ربا :انققققققلع
وليد :احد يدخل زي كذا
ربا:مو شغلك
وليد اخذ جك العصير وجلس على الطاوله يصبو
ربا جلست قبالو تطالع فيه
وليد مسك الكاسه يشرب ونزلها ... اشبك ؟
ربا مبتسمه :انت اللي اشبك ؟
وليد :ايش اشبي انا ؟
ربا :يعني اشبك ذي اليومين مروق ماشاءالله تف تف غريبه
وليد :اعوذ بالله حاسدتني
ربا :قلت ماشاءالله مالت عليك
وليد :طيب ايش تبي
ربا ابتسمت اكثررر وحطت يدينها تحت ذقنها وغمزتلو :تحبها؟
وليد رفع حواجبو ومستغرب :مين هيا ؟؟
ربا :جدتي يعني ميييين ؟
وليد :ربا انتي ايش تبي ؟
ربا :ذحين انت قلي تحبها ؟
وليد :انت ايش رايك؟
ربا :والله صراحه اشوفكم روميو وجولييت وطاقينها مغامرات كل يوم والله اشك انت اللي مقنع امي تروح تسوي عمرة
وليد ضحك :استغفر الله
ربا :طيب ايش دراك انها تحبك ؟
وليد :مو شغلك انت ايش دخلك ؟
ربا :مالت عليك هذا وانا بساعدك واشبكلك
وليد :مشكورة ماتقصري مايحتاج شبكت نفسي بنفسي
ربا :اخس والله منتا هين
بعد ثوانيي
ربا :طيب وليد اسمع
وليد :اللهم طولك ياروح .. ايش تبي كمان ؟
ربا :ايش ناوي تسوي معاها ؟ يعني اقصد الين وين حتوصلو ؟
وليد :والله ما ادري الين متى بس حستغل وجود ابويا هنا قبل مايسافر مني عارف متى حقلهم بس افكر قريبا وفي الوقت المناسب ان شاءالله
ربا :واخيرا بنحضر زواج
وليد طالع بنص عين :ذحين ذا اللي همك
ربا :اكيد طبعا والله حبيبي انت وياها بتتزوجو وتنبسطو وانا ايش فايدتي في الموضوع اقلها انبسط في الزواج
وليد ساكت
ربا :طيب ياخي سوي اكشن استغل الفرصه اليوم اخر يوم لكم سوا
وليد مخطط للملاهي :طيب ان شاءالله يصير خير ماعليك انت
ربا :اممم طيب انا بقوم استخبر معاها هيا
وليد يحرك راسو باسف :الله يعيننا عليك
ربا قامت واتوجهت للغرفه
دخلت مبتسمه
تالا فوق السرير منسدحه وماسكه ظهرها
ربا دخلت :اشبك بتنامي ؟
تالا:لا طبعا بس ظهري وبطني يوجعوني شويه
ربا:ليش جاتك الانسه ؟
تالا:امم
ربا :طيب روحي قولي لوليد يجيبلك حبوب
تالا فتحت عينها :نعممم؟
ربا :اشبك ؟عادي قوليلو جاتني وابا حبوب شي طبيعي ترا
تالا:ربا انقلعي بالله استخف عقلك
ربا تضحك وغمزتلها :ولاعشانو حبيبك ماينفع ؟
تالا جلست ومفجوعه :ربا انت صاحيه ؟
ربا تطالع في نفسها من فوق لتحت :الحمدالله مافيا شي سالمه غانمه
تالا:اشك والله
ربا جلست عندها :تحبيه ؟
تالا اختفت التعابير من وجهها :مين هوا ؟
ربا :جدي مين يعني ؟
تالا :ربا انت ايش تبي ؟
ربا بصوت واطي :اقول اشبهم ذولا متفقين على الكلام ولا ايه
ربا :تالا صحصي معايا وليد تحبيه ؟
تالا وجهها احمر
ربا :اهااااااا من حمرة الوجه اعرف الجواب
طيب قوليلي ايش احساسك
تالا ساكته
ربا :والله عمري ما اتوقعت تحبي هذا واحنا متفقين نتقاسمو بس عاد ذا خذيه لك
تالا تضحك
ربا :يالله ياهو
تالا:ايش في ؟
ربا :قوليلي كيف ومتى وليش حبيتيه ؟
تالا وجهها احمر وقلبها يدق مع الكلام :اممم يعني ما ادري احس كل شي جا لوحدو كل الاحاسيس في يوم وليله اتجمعت ماا ادري بس حسيت قلبي ينبسط بشوفتو ويدق كل ماسمع صوتو احسو يفهمني ويعرف تفكيري
ربا حطت يدها على جبينها :اااااه ياربي وينك ياماريا تسمعي اللي اسمعوووو شي مايستوعبو عقلللللي
تالا:ربا ياهبله بالله قومي انت محد يكلمك تخربي ام الجو
ربا: خفي علللللينننننا ياعبله خفي علينا ياليلى
تالا:ربــــــــــــــــــــــــــــا
ربا قامت تضحك وغمزتلها :ولايهمك ازبطكم

قاعد على التويتر يكتب
(لوهله ظننت ان الدنيا قد نشرت لي ماتحتويه من سعاده وجعلتني التقي بأنقى سكانها لكن سرعان مااقفلت ابوابها وارجعتني لهموم قد استنزفت كل طاقتي )

قفل اللاب وانسدح وحط يدو على جبينو ويفكرر
مو عارف القرار اللي اتخذو صح ولاغلط مايعرف ايش العواقب اللي تنتظرو

في جهه ثانيه
قامت من النوم واتوجهت للحمام وبدلت ورجعت مسكت جوالها تشوف مين ارسلها وايش الاخبار
لفلفت في الجوال وردت على اللي تباه وقفلت
منسدحه فوق سريرها ومافيها تقوم تسوي شي ...جا على بالها ومهي داريه كيف تتابع اخبارو
اخذت الجهاز من جنبها وفتحتو تفتش وتتابع فتحت التويتر دايما متابعتو باستمرار
قرأت اللي كتبتو
شالت همو مرررررة وزاد تفكيرها بيه
قفلت الجهاز وجلست طفشانه نفسها تعرف اشبو لسا الصباح كان مروق
وقفت وتدور في غرفتها رايحه جايه
جلست على الكنبه ومسكت الجوال (في قلبها )ارسل ولا لا
اخاف ارسل يقول اشبها ذي
لالا فشله .. طيب ياربي كيف اعرف اشبو
استغفر الله العظيم بس
طيب خلاص حرسل كلمتين واعرف اشبو واللي يصير يصير
فتحت جوالها وارسلت (اشبك؟ فيك شي؟)

احمد مسك جوالو بطفش مو عارف مين ارسلو مررة ماعندو اصحاب ومو مختلط باحد كثير
شاف اسمها مسك الجوال تمام واتعدل
اتنهد مع الرساله (في قلبو)معقوله حاسه فيا ايش اقلها ؟من جد نفسي اشتكيلها معنو عمري ما اشتكيت لاحد
ارسلها(تعبان ومهوم)

ماريا مسرحه ومع صوت الجوال انفجعت
فتحت رسالتو وشهقت :اشبوووووو ؟
ارسلت (طيب ايش اللي حاس فيه ؟)

احمد مسك الجوال
ويكتبلها ويتخيلها قدامو
(مرة متضايق وقلبي مهموم )

ماريا بلعت ريقها
(طيب فضفضلي اتكلم انا اسمعك)

احمد ابتسم شويه
(انا وقعت على عقد الشركه خلاص بس مني مرتاح ياماريا مني حاب الشغل نفسي ارجع لشغلي )
ماريا حاطه نفسها في مكانو ومبادلتو احساسو
(طيب ماتقدر ترجع يااحمد ؟)
احمد ملامحو كلها هم
(لا ياريت خلاص هذي عقود ومافيها لعب )
ماريا اتحطمت
(طيب ايش حتسوي؟)
احمد ضايع
(والله ما ادري ياماريا مررة محتار )
ماريا تبا تساعدو باي طريقه
(طيب ايش اقدر اساعدك فيه يخفف عنك ؟)
احمد انبسط شويه
(يكفي انك تكلميني ذحين قاعده تخففي عليا )
ماريا ابتسمت بحزن
(اتمنى بصراحه اساعدك واذا احتجت أي شي انا موجودة واعتبرني اللي تبغاه)
احمد ابتسم اكثر
(تسلمي والله الله لايحرمني منك من جد انا معتبرك شي كبير بالنسبه ليا )
ماريا قلبها يدق ومبسوطة
(الله يسلمك ولامنك وانا كمان انت بالنسبه ليا اكثر من دكتوري )
احمد ارتاح
(والله ريحتيني بكلامك )
ماريا مبتسمه
(طيب الحمدالله دوم ان شاءالله )
احمد
(اميين وياك )
ماريا
(طيب تامر على شي يادكتور؟)
احمد مايباها تقفل
(ايش قلنا على دكتور ؟)
ماريا تضحك
(طيب خلاص ولايهمك تامر على شي يا احمد ؟)
احمد
(ايوا كذا وبعدين ايوا امر على شي )
ماريا مستغربه
(اتفضل )
احمد
(اتمنى صراحه اننا نكون متواصلين ياريت يعني اذا مايضرك )
ماريا خايفه ومترددة
(اممم ماا ادري)
احمد
(طيب شوفي انا حكون موجود أي وقت واتمنى اقلها الوقت اللي تحتاجيني او احتاجك فيه نوصل لبعض )
ماريا ارتاحت
(طيب ولايهمك كذا كويس )
احمد مبتسم
(طيب خذي راحتك )
ماريا
(سلام)
احمد
(سلام)
مسكت جوالها وضمتو لها وغمضت عيونها (في قلبها)يارب لاتحرممممممني
احمد مبتسم ويطالع في الجوال ويعيد ويقرا المحادثه كذا مرررة
انسدح على السرير ويدينو تحت راسو ويطالع فوق ويفكررر
(انتهى البارت الثاني عشر )

18 - 12 - 2024, 12:50 PM

الفصل الثالث عشر
في احد اشوارع
نازل من السيارة:يالله تصبح على خير
محمد:وانت من اهلو معنو بدري
ياسر:عارف بس فيا نووم والله
محمد:طيب يالله قفل الباب
ياسر طالع فيه بعيون كلها نوم :طرردة
محمد ابتسم:ياسر بالله روح نام
ياسر ضحك وعيونو نعسانه قفل باب السيارة
يمشي بشويييش
محمد حرك وبعد عن المكان
يمشي ويطالع في الشارع وفي سيارتو من كم يوم ماحركها :يالله مغبرررة يالله
يالله مو مشكله بكرة نحركها
اتوجه لعمارتو
وقفت سيارة قدام الفندق المقابل للعمارة
من هدوء الشارع التفت للسيارة
خرجت من الفندق مع بنتها وطلعت السيارة
ياسر فتح عيونو وطار نص النوم
ابتسم :ياخي ليش ما اشغل السيارة ذحين ؟
مشي لسيارتو وركب وحرك وراهم
(عندو امل يصير شي يخلي ايامو كلها حماس )

في غرفتو
ماسك جوالو وارسلها
(يالله اتجهزو ذحين حنخرج بس اهم شي لاتحسسيها بحاجه )
في غرفتهم
جالسين على السرير وكل وحدة ماسكه جوالها
عدلت جلستها وقرأت وهيا مبتسمه
تطالع فيها باستغراب :لناا الل على الابتسامه ذي
طالعت فيها وضحكت :ربا وحشتني ماريا بالله ايش رايك نروح عندها
ربا مستغربه :سكنهم مساكنهم يارب خير حبيبي فجاه ؟؟
تالا بترجي :يالله يالله كلمي وليد بكرا حتجي خالتي وبنجلس في البيت ومدري متى حنشوفها
ربا مطنشه ...
تاا ترفع صوتها :ربااااا يالله
ربا طالعت وابتسمت بخبث :قومي انت قوليلو
تالا وجهها راح :رباا بلا هباله
ربا انسدحت :هيا اجل مني قايلتلو
تاا عصبت :انا الهبله اللي اطلب منك شي اصلا
ربا ضحكت :خلااااص اكلتيني بقووم
قامت من السرير وخرجت من الغرفه واتوجهت لغرفتو
فتحت الباب بقوة
وليد انفجع :بسم الله
ربا عصبت :هي انت ليش تسمي كل ماتشوفني
وليد:كم مرة اقلك في شي اسمو دق الباب
ربا بدون اهتمام :اقول هي نبا نروح عند ماريا
وليد ابتسم :ليش؟
ربا باستغراب :حلوة ذي ليش كيفنا ياخي صحبتنا
وليد :تصدقي لو يقولولي اتمنى حتمنى اشوفك مع زوجك مدري بس احس من اول يوم بيتزوج عليك
ربا فتحت عيونها :انقلللع
وليد يضحك :طيب المهم يالله اتجهزو طيب
ربا اعطتو ظهرها ونزلت ...
رجعت لغرفتو برده فعل سريعه وباستغراب :دقيقه دقيقه ليش نروح اليوم عند ماريا خلاص بلاش تلاقي تالا نسيت
وليد :طيب ايش يعني روحو اخرجو مدامكم كذا بس في البيت
ربا تفكرر...
وليد خايف تغير رايها :يالله يالله انا بلبس
قاك من سريرو ودفها بشويش :بسررعه لاتتأخرو (قفل الباب)
ربا متنحه ومستغررربه ولسا واقفه برا غرفتو
تالا لبست واتجهزت وخرجت من الغرفه وتطالع في ربا :هييييي ايش قال ؟ اكيد وافق صح ؟
ربا طالعت فيها :ايش دراك ؟
تالا ارتبكت :لا بس ما اتوقع يرفض
ربا :اممممممممم لاياشيخه
تالا :ربا يالله روحييي البسي بسرررعه ترا ماريا كلمتني وقالتلي على اخباررررر عجيبه
ربا اتحمست :شف ال... ولاتقلي حتى انا اوررريها
راحت لغرفتها واتجهزت بسرعه

بعد دقايق كلهم في السيارة ....
وليد متكشخ باين الحماس عليه
تالا بنفس حماسو
ربا ماسكه الجوال وتتوعد :انا اوريك ياماريا تخبين علياااا
تالا خاااافت ينفضحو مسكت جوالها بسررعه وكتبتلها
(ماررريا لاتردي على ربااا انتبهي بعدين افهمك ايش القصه بس لاتردي عليها امانه )

ربا ارسلتلها
(لاحياااااا ولاحشمه عيني عييينك تخونيييني وتقولي لتالا اخر الاخبار ولاتقوليلي لكن اوريك جايتك تراني وبنتحاسب حسافه تربيتي لك )
ماريا تقرا وكل علامات التعجب على وجهها مهي فاهمه شي
دقت على تالا
جوال تالا يرن ...
تالا مسكت جوالها واتوترت
تالا :الو
ماريا :هيييي ايش في؟؟؟
تالا:هلا ماريا
ماريا :ايش هلاا ايش في فهميني ؟
تاالا :تمام والله الحمدالله انتي كيفك؟؟
ماريا /تستهبلي انتي؟؟؟
ربا تهز برجولها والحقد طالع من عيونها ماردت عليها وبكل برود تكلم تالا
تالا :وانت كمان وحشتيييني
ماريا :حسبي الله على بلسيك جنيتي انت ؟؟
تالا تضحك :ولايهمك خلاص في الطريق
ماريا :تالاا هيي انت شاااربه ؟؟؟
وليد يحاول يصلح الموقف
طالع في ربا اللي بتنفجر :ايوا كيف الجامعه؟
ربا ماردت
وليد :هيي ربا
ربا ولاجايبه خبرو
وليد :يا اااانسه انا اكلمك
رباا انفجررت فيه :خيرررررر هااا ايش تبا ؟؟؟؟ الجامعه ؟؟ زباااله اللهم لك الحمد خلاص اطمنت؟
وليد مفجوع :بسم الله الرحمن الرحيم
ربا :ولايهمك مرة ثانيه بعطيك حصن المسلم كل ماتشوفني تقراؤ
وليد :ياساتر يارب اشبك؟
ربا تحرك رجولها بسررعه :مالك صلاح طالع في طريقك وياريت تسرع عندي ناس بتفااهم معاهم
تالا متوترة وفيها ضحك
ماريا تسمع ربا :ياااا....اشبها ربا ؟؟؟؟ اش سويت انا شويه وتذبحني
تالا :امممم طيب ولايهمك اهو قربنا يالله نكمل حكاوي بعدين ان شاءالله
ماريا تصرررخ :تاااااااااااااااااااااالاااااااااااااااا
تالا خافت وقفلت في وجهها
وليد يطالع من المرابا ويأشر لتالا ايش في ؟
تالا تاأشر براسها لا تحاول تطمنو
وليد زاد السرعه
بعد دقاايق ....
ربا تطالع في وليد :ايش الطريق ذي ؟
وليد :اشبك ماتبي تشيليلها شي معاك طيب ؟
ربا فتحت عيونها :انت ايش دخللللك احد قلك طلع كرمك ؟؟؟مانبا نشيللها شي كيفييي ياخي
وليد فطس ضحك
ربا عصبت اكثر :عمى يعمي بليس واهلو
تالا سااكته
ثواني ووقف السيارة عند المواقف
وليد وتالا فتحو الابواب ونزلو
ربا تطالع في السيارات والمكان اللي هما فيه :على ويين انت وياها ؟؟؟
وليد :يالله ماتبي تنزلي ؟
ربا :انزل وين انا مني شايفه بيت ماريا قدامي
تالا دارت جهتها ونزلتها من السيارة بقوة :قوووومي يالله
ربا نزلت وسحبت يدها من تالا :سلااامات اشبو الشعب اليوم مجنون؟؟
وليد :سبنالك العقل اصلا
تاالا تأشر لوليد يسكت
وليد ابتسم واشر بصباعو على عيونو اليمين بعدين الشمال (من عيوني )
ربا متكتفه :مني متحركه من هنا
وليد مشي :خليك احنا حنروح
تالا مشيت وراه
ربا قلبت وجهها منهم
وليد قفل السيارة من بعيد
ربا طالعت فيه بحقد :عادي حجلس بره السيارة
وليد ابتسم :بكيفك بالعكس يحلالي الجو بدونك (غمزلها )وانت عارفه ليش
ربا طعت قرونها ولاردت عليه عيونها شويه ويطلع شرارة منها
تالا مهي مستوعبه اللي يقولو وليد بس ماتقدر تقول شي لين تجي ربا
وليد اشر لتالا وكملو مشي
ربا تطالع في المكان وتهز رجلها بقهرر
دخلت سيارة ووقفتجنب سيارتهم
ربا خافت وماطلت
يطالعو فيها باستغراب نزلت وماسكه بنتها في يدها ةكلهم يطالعو فيها
ربا حست وقفتها غلط
بعد ثواني دخلت السيارة الثانيه
ربا تطالع :يالله ايش ذا والله فشله خليني الحقهم احسن
اول مرة تجي ذا المكان مشيت بخطوات بسريعه وحاولت تسبقهم
وليد وتالا يمشو بشويش يبوها تجي
ربا مشيت باتجاههم
وليد طالع وابتسم باستهزاء :اشبك جيتي؟
تالا مبتسمه وفرحت بجيتها
ربا بدون ماتطالع فيهم :اخلصووو بسرعه انا بروح
تالا :طيب من عيوني انت امشي بس
مشيو شويه وبان المكان
المكان كبييييير ومن اكبر الاماكن الترفيهيه لسا المكان جدييد ويبهر بكل اللي فيه
ربا تطالع ومفجوعه :ايش حتشترو من هنننا؟؟؟
تالا:ماحنشتري شي
وليد :اصلا ماحتروحو عند ماريا
ربا تطالع وتحاول تستوعب
تالا:احنا حبينا نبسطك بعد تعبك وطبعااا اعرفك احلى شي عندك الملاهي
ربا تطالع والابتسامه اترسمت على وجهها
وليد :معنو المكان سخيف زيك بس تالا اللي اصرت نجي هنا وطبعا ماحردلها طلب
ربا بتتشقق من الفرح نطت على تالا وحضنتها
تالا تضحك :هبله ياربي من يومهااا
وليد :فضحتينا انت وجه احد يوديك ؟؟ حدك لفه على البيت
ربا تطالع فيه مبتسمه :مابرد عليك
وقفت قدامهم وتطالع في المكان كل الالعاب تحتاج لروح مغامرة
ربا:الله جينا للحماااس
وليد:طيب استنو اجيب البطايق واجي
ربا:انا ماحصبر جيب الفلوس وانا اروح خليك انت مع حرمتك
تالا شهقت :ايييييش ؟؟؟
وليد فطس ضحك :والله لو تطلبي مليون على كلمتك ذي مابردك
مدلها يدو واخذت الفلوس وراحت جري
وليد عين على تالا وعين على ربا ومبتسم
تالا تطالع في الارض ونفسها تبلعها الارض من الاحراج
لحظه صمت مرت بينهم
جات باتجاههم متحمسسه :مين اللي بيلعب ؟
وليد وتالا يطالعو في بعض
ربا تطالع في وليد :اخلص انت ترا تالا بتلعب
وليد ابتسم وطالع في تالا :اجل اكييد حلعب
تالا مستغربه :لسا ماقلت اني بلعب اصلا
ربا:مو على كيفك
مسكت تالا من يدها :الله مشييينا
ربا تطالع في الالعاب وتاشر على اللعبه :حنركب هذي
تالا تطالع في اللعبه وشهقت :مجنونة انت ؟شوفي كيف مرتفعه
ربا:عادي عادي ماتسوي شي ترا بس ترتفع شويتين وتنقلب بشويش وخلاص
تالا مترددة
ربا مسكت يدها ودخلتها
وليد جلس في الطرف وجنبو ربا وجنبها تالا
ربطو احزمتهم وسوو كل الحمايات
ربا متعمده :يووووه مو حلو ذا المكان
قامت وجلست قبالهم على اليسار
تالا تطالع جنبها المسافه صغيره اللي بينهم
اللعبه بدات
ربا ماتبا تطالع ي تالا عشان لاتديها نظره حقد
وليد مروق واهمو شي غير تالا
تالا غمضت عيونها ورجت راسها على ورا وماسكه بقووة
اللعبه كل مالها ترتفع ...
في ثواني صارت على ارتفاع عاااااالي مرررة
تاا خاييفه تحاول تصلح عبايتها بدون ماتطالع
وليد اتقصد يقرب يدو
تالا مسكت يد بالغلط
اللعبه نزززلت فجاااه بسررررعه
تالا شالت يدها وغمضت عيونها بقوة وصرخت :انا اوووووورررررريك ياربااااااا
ربا عيونها تدمع من الضحك والحماس اللي فيها تصررخ كل شويه عشان لاتسمع تااالا
بعد كم دقيقه وقفت اللعبه
تالا ماصدقت وشالت الحزام بسرعه ونزلت ووراها ربا ووليد
ربا ماكأنها مسويه شي تطالع في المكان :ها وين حنروح ذحين ؟
تالا متكتفه :ماحروح مكان
ربا :ليش ياهو بس كم لعبه
تال ماتبا تكسر حماسها :لاوالله دااايخه انا حشوفك واحمسك من برا ووانت ووليد العبو
تالا تدور كرسي ومشيت
ربا تهمسلو :اسمع قول انو انت تبا تجلس عشان هيا تبطل وتجي معايا
وليد يطالع باستغراب:ليش ايش شايفتني عشان ماتبا تجلس معايا
ربا :وليد مني فاضيتلك بتجلس ولا العب لوحدي ؟
وليد راح بعيد عنهم
ربا بدون اهتمام :بكيفك
اتوجهت لتالا :هي تالا امسكي شنطتي بالله انا ما اعرفك بروح العب واطلع كل اللي في راسي
ربا راحت
تالا تطالع ومستغربه وين راح وليد

في جهه ثانيه
يمشي ويطالع في المكان :والله مكان حلو بس ايش الطفش ذا ابا العب معاها مو اجلس اراقب استغفر الله ولاتلعب لعبه

واقفه عند المحل
ها ايش تبي؟
لمى تأشر :هذيك الحلاوة
مروة :لو سمحت اديني هذي
الرجال اعطاها وحاسبت ومشيت
تطالع في بنتها :ذحين ايش تبي تلعبي ؟
طالعت في الالعاب :اغلب الالعاب حق كبار
ماسكه الحلاوة :ما ادري ابا العب العاب صغار
مروة تتأفف:استغفرالله وين ادورلك العاب صغار ؟ امشي نروح هناك

يطالع من بعيد :ايش حيجلسو ذولا ين متى كذا ؟؟
مرت بسررعه من جنبو :اخيرررررا وصلت
لف عليها مستغرب بعد ما ادتو ظهرها :طالعي في اللي قدامك لو سمحتي
دارت على ورا تدور مصدر الصوت واااانفجعت :اااننننتتتت؟؟؟؟
فتح عيونو باستغراب اكثر :انتيييي؟؟؟
ربا غيرت ملامحها للجديه :انت ايش تبا ؟
ياسر :انتي ايش دخلك جاي عندك انا؟؟
ربا :ياسبحان الله بنفس قله الادب ما اتغيرت
ياسر رفع حاجبو :وبنفس وقاحه الردود الجاهزة
ربا مفجوعه :انت هيييي احترم نفسسسسسك
ياسر مو فايق :تراني طفشاااااان امشي نلعب
ربا صنمت مكانها :خيرررر خلفتك ونسيتك ؟؟؟؟
ياسر أتأفف :ترا مني فاضي لتعليقاتك
ربا اتكتفت :لاوالله اجل انا اللي فاضيه لامثالك ؟؟

واقفه تدور براسها لاي العاب صغار او أي لوحه تبينلها مكانهم :انا ويين ادور بالله
تسحب يدها :ماما ماااماا شوفي هذا اللي اعطاني العصير
سابت يدها وجريت عليه :عموووووو
ياسر طالع باستغراب
ربا تطالع في البنت
لمى مبتسسسمه على الاخير :شفتك مرة ثانيه عرفتني ؟؟؟
ياسر ابتسم تسليك :امم ايوا اكييد
مروة منجلطه مكانها
ربا استوعبت وقفتها ..
اعطتو ظهرها :اهو لقيتلك بنت تلعب معاها
ادتو ظهرها ومشيت
ياسر مسكها من يدها :استتتتني
ربا دارت مفجوعه
مروة تحس النفس انقطع عنها فجاه
غمضت عيونها وفتحتها تحاول تستوعب
ربا عصببببت :سيييييييييب يدي حسبي الله عليك
مروة مشيت باتجاههم بعصبيييه
مسكت يد لمى :امشي معاااايا
ربا طالعت في مروة والبنت مهي فاهمه ليش العصبيه بس ماهمها
ياسر يطالع في مروة مفجوع ما انتبهلها
طالع في ربا اللي ترجع على وراها باستغراب وتحرك راسها بنفي:والله شكلك تلعب ميه بنت
ياسر :لااااا انت منتي فاهمه شي استني
ربا مشيت بسرعه وسابتو
ياسر حط يدو على راسو :استغفر الله وين الحماس في الموضوع بكحلها عميتها

يمشي وحامل في يدو اغراض ... اتوجهلها :ممكن اجلس ؟
تاالا استحت من ادبو :اكيد اتفضل
بعدت وخلت مسافه بينهم
وليد حط الاغراض في المسافه ذي
تالا تطالع
وليد مسك العصير وفتحو ومد يدو :خذي
تالا:لالا شكرا
وليد :انا ما اعرض عليك
تال ابتسمت باعجاب :ياسلام امر يعني؟
وليد بدون مايطالع فيها :ايوا
تالا اخذت العصير
وليد فتح عصيرو واثنينتهم يطالعو في الناس والمكان
تالا تطالع في اللي قدامها ومسررحه
وليد يطالع مكان ماتطالع ومسترب من اندماجها
(بنت كفيفه ومبتسمه جالسه تسمع الاصوات اللي حولينها )
وليد :اشبك ؟
تالا وكل ملامحها حنيه :الحمد الله الذي فضلنا على كثير من خلقه
وليد :امم الحمدالله
تااالا:بالله وليد هذي البنت مثلا كيف تعيش وتمارس حياتها عادي ؟
وليد :يعني سبحان الله ربك ياخذ شي ويعطي شي اذا ربي اخذ منها النظر حتلاقيها تسمع احسن مننا او لسانها اطيب من السنتنا يعني اذا اخذ البصر اكيد حيقوي لها حاسه ثانيه
تالا:طيب يعني ماتحس انها نفسها تشوف العالم مو بس تسمعهم ؟
وليد :اكيد بس ربك مايضيع حق احد هيت مغفورة ذنوبها باذن الله يعني في مقابل احسن من الناس الصاحيين
تاا تطالع فيها :ما ادري كيف تمشي ولاكيف تاكل بس سبحان الله
وليد ابتسم :طيب تبي تجربي ؟
تالا استغربت :اجرب ايش ؟
وليد ساب اللي في يدو ووقف :قومي
تالا وقفت ولسا مهي فاهمه شي
وليد :اوقفي قدامي واعطيني ظهرك
تاالا وقفت قدامو زي ماقلها :ايش في؟
وليد :غمضي عيونك وبس مدة دقيقه حاولي تمشي او تسوي أي شي انت تسويه دايما عشان تعرفي كيف هما يعيشو
تالا ابتسمت وغمضت عيونها
وليد مبتسم :يالله امشي
تالا رفعت يدينها عشان تحس اللي قدامها والابتسامه ماتفارقها
وليد يطالع وعاجبو شكلها البريئ
تاا:يالله مررة صعب
وليد :طيب وقفي وحاولي تسمعي اللي حولينك
تالا وقفت ونزلت يدها وتسمع بانصات
جا من وراها قرب مررة :و اتقدمتلك حتوافقي ؟؟؟
وليد رجع على وراا بسررعه
تالا مصنمه مكانها قفلت عيونها اكثررررر وبقوه قلبها يدق ورا بعض حاولت تتدارك الموقف لفت عليه :ايش ذا .؟
وليد مبتسم (غمزلها):ها كيف بس سمعتي مزبوط ؟؟؟
تالا من احراجا عصبت ورجعت للكرسي لفت راسها وترحك رجولها من التوتر
وليد :طيب ليش معصبه ؟
تال مبتسمه بدون ماتطالع فيه :مالك صلاح
وليد يضحك :تعرفي انو شكلك وانت منحرجه احلى من الطبيعي ؟
تالا لفت عليه :نعمممممم؟؟؟
جات باتجاههم وملامحها خوف على ضحك على استغراب
جلست في الكرسي بدون أي كلمه
وليد مستغرب :اشبك رجعتي ؟
ربا طالعت بنص عين :ليش خربت عليكم الجو ؟؟
تالا بلعت ريقها :ايش الكللام ذا لا من جد اشبك حسيتك طفييييتي
ربا :ولاشي بس تعبت اغلبهم زحكه وكذا خلاص يالله نرجع
تالا ووليد يطالعو في الالعاب والمكان
وليد :أي زحممه مني شايف شي ؟؟
ربا :ياخي خلاص تعبت وي ؟؟؟ ابا ارجع
وليد :طيب يالله بكيفك مشيناااا
سبقتهم وقامت
وليد والا وراها مستغربين بس فسروه تعب
الفضول قاتلها عارفه لو لفت حتلاقيه ..دارت على الجهه الثانيه
جالس على الكرسي بطفششش ويفكر
ربا تطااالع
تالا تطالع مكان ماتطالع ربا
قدمت لعندها وهمستلها :هييي اشبك امشي لاتطالعي في احد وليد حينتبه
ربا ماردت ودارت وجهها ....

وصلو السيارة
وليد يطالع في السيارة :يالله مين مقفل عليا ذحين وين ادورلو

يلعب بالمفتاح يرميه ويمسكو ويفكر
تالا:طيب ايش حتسوووي ؟
وليد :مافي الا اخذ المواصفات وبروح اكلمهم هناك يعلنو

ربا حطت يدها على السيارة وحطت راسها على يدها :انا تعباااانه مافيا استنى

جا باتجاه سيارتو
ولمحهم واقفين ...مشي بسرعه اكثر :انا اسف اعذر بس كنت مستعجل لما وقفت
ربا رفعت راسها بسرعه وشهقت
تالا ووليد يطالعو فيها :اشبببك ؟
ياسر ارتبك ويطالع فيهم
ربا بارتباك :ولاشي بس افتكرت حاجه
وليد :لاعادي حصل خير بس مرة ثانيه ياريت بعد اذنك توقفها زي الناس حتى لو مستعجل
ياسر يسلللك :اممم ان شاء الله

اتوجه لسيارتو وعيونو على ربا
تالا ووليد دخلو السيارة
ربا ماقدرت تشيل عينها
ياسر فتح الباب ويطال فها وقبل مايدخل ابتسم بحزن
ربا دخلت السيارة وقفلت الباب وسررحت ميه فكرة تجيبها وتوديها (ايش سر ابتسامه الحزن ذي )تحااول تفسرها
ياسر بعد عنهم ومد يدو من بعيد لوليد اعتذار وحرك

في الصباح
صت المنبه في الغرفه ....
مسكت الجوال بنوووم وملامحها منزعجه من الصوت
قفلت الصوت وطالعت في الساعه :يوووه مررررة مافيا اقوم
حطت الجوال وتتثاوب جلست بتفكير (في نفسها ):استغفر الله ايش ذا كيف بالله ابدا شغل بدونو مافي شي يحمس الله يعين بس
بعدت اللحاف وقامت على الحمام ....
بعد دقايق نزلت من الحمام واتجهزت
مسكت الجوال وكتبت (ما ادري كيف حيكون يومي بدونو )
سابت الجوال وكملت تصليح شعرها
مامرت لحظات وصوت الجوال يرن بالتعليقات
او تعليق (ربا ):مايحتاااج حبيبي كان دقيتي حتلاقيني عندك على طول عارفه انو يومك مايسوى شي بدوني بس يالله استحملي معليه مأجورة
ثاني تعليق (مراد ):اصبحنا واصبح الملك لله ايش السالفه ؟اشبك؟
ثاالث تعليق (تالا):انت حسني النيه واتوكلي على ربك وكل شي تمااااام
تشوف التعليقات وتبتسم عليها وتكشر على بعضها
في جانب ثاني ...
يطالع في الي كاتبتو ومو عارف كيف يرد كتب (وانا ما ليومي أي معنى بدونها )
(طبعا محد علق لستتو فاضيه )
تطالع وقلبها يدق مرررة طفشانه قامت بدون ماتعلق وحطت الجوال في الشنطه ونزلت ...
جالسه في الصاله تشرب الشاهي وتطالع التلفزيون ...
نازله من الدرج وتلف الطرحه بطفش :صباح الخير
ام مراد :صباح النور
ماريا :ها السواق جاهز ؟
ام مراد :ايوا من اول يستناك اعتقد
ماريا اتوجهت للباب وفتحتو :طيب يالله مع السلامه
ام مراد :الله معاك

اتجهز للجامعه واتعطر واخذ المفتاح والجوال
يطالع في المرايا وبعدها للجوال ...
يطلع رقمها وجلس على الكنبه

جالسه على الكرسي تصلح ساعتها ...
اخذت الجوال واتوترت من الاسم وردت :الو
محمد :الو السلام عليكم
ريم :وعليكم السلام هلا محمد
محمد :كيفك ؟
ريم :تمام الحمدالله انت كيفك ؟
محمد:الحمدالله .... ها طمنيني كيف الوضع ؟
ريم :اممم تمام الحمدالله
محمد:طيب كيف العلاج طمنيني
ريم :لسا اليوم بروح اشوف الفحوصات ايش طلعت بس اتطمن ان شاءالله خير لاتشيل هم
محمد قلقان :ريم
ريم خافت من النبره :نعم؟
محمد :انتبهي على تالين وطمنيني في اقرب وقت الله يخليك
ريم بلعت ريقها :ان شاءالله ولايهمك دعواتكم بس
محمد:الله يجيب الي فيه الخير
ريم :امين
محمد :يالله مع السلامه
ريم :مع السلامه
قفل منها وخرج للصاله واتصنع الابتسامه ...
جالسه على الكنبه وماسكه السبحه وطول الوقت تدعي وتذكر ربها
اتوجهلها وسلم على راسها :صباح الخير يا ام محمد
ام محمد :صباح النور
محمد جلس جنبها ومسك دا بيدينو :عندي لك خبر يا امي ان شاءالله يطمنك
ام محمد برده فعل سريعه :تالين بنتتي لقيييييتهاااااا؟؟؟
محمد :ان شاءالله يا امي بس كنت بقلك انو تقريبا عرفنا معلومات عنها وكذا انت اطمني هيا بخير وادعيلها وكل شي تمام لاتخافي
ام محمد :كيف يعني وينها طيب ؟
محمد :يا امي ادعيلها ولاتشيلي هم كل شي تمام
سلم على يدها :يالله انا استأذن
ام محمد :استودعتك الله ياولدي
خرج واتوجه لجامعتو

دق الباب ...
لبست طرحتها وفتحت الباب
رائد :صباح الخير
ريم بدون أي تعبير :صباح النور
رائد :يالله ماحتنزلي تفطري ؟
ريم :حطلب فطور هنا انزل وحدك
رائد رفع حاجبو باستغراب :بكيفك بس لاتتأخري لازم نروح المستشفى بدري
ريم :اعتقد اني احرص منك
رائد طالع فيها بنص عين ومشي
ريم تطالع باشمئزاز :كمان قله حيا فوق اللي سواه (قفلت الباب بقوة )
قفل يدو وعيونو بقوة واخذ نفس يحاول يمسك اعصابو :انا ايش حيصبرني عليها ذي

يقفل ازارير الثوب
اخذ اشياؤ ونزل من غرفتو ....
ينادي من الصاله :يالله خلصتو ولالسا ؟
ربا تقربع في الادراج :يالله وين رااااح
تالا تلبس طرحتها :يالله ياهو وليد ينادي
ربا دارت عليها بطفش :شايفتني العب انا ؟
تالا:طيب خلاص مش لازم تلاقيه لما نرجع يصير خير
ربا تكمل تدوير ولاردت عليها
تالا تطالع فيها :بكيفك انا بنزل
اتوجهت للباب وافتكرت جمله وليد اتراجعت :طيب ماحتطولي ؟
ربا تدور تحت السرير :خلاص روحي طيب
تالا:طيب اصبري بدق عليه
ربا طالعت فيها بنص عين :بدررررري
تالا ماردت عليها وحطت الجوال في اذنها :مغلق
ربا تتأفف :ذحين وين الاقيه ذا
وليد رفع صوتو اكثر :ياهوووو لسا حروح اجيب اهلي وبعدها حروح الشغل اخلصو عليا بسررعه
تال انفجعت :يالله خلاص انا نااازله
وليد اتوجه للباب وخرج
تال خرجت للصاله واتوجهت للباب وخرجت
وليد فك السيارة ودخل ودخلت بعدو تالا
وليد يطالع في الشباك :وين ربا ؟
تالا:جوا تدور على جوالها
وليد يتأفف :استغفر الله العظيم
تالا اتوترت باين انو مو مروق :خلاص حتلاقي ان شاءالله
وليد طالع فيها بدون أي تعابير وشال عينو بعدها
تال خافت ومهي فاهمه نظراتو ايش يعني
وليد :متى حيجي عمي خالد ؟
تالا:ما ادري والله ليش ؟
وليد :عشان اطلب يدك منو
تالا رجع قلبها يدق وحالتها حاله :.....
وليد :اشبك ساكته والله شكلك منتي حابه
تالا انصدمت :كيف يعني ؟
وليد :يعني ما ادري بس مارديتيلي خبر
تاالا :اممم
ربا دخلت السيارة وتاخذ نفسها بقوة :اوووف اخيرا لقيتو
وليد دار وجهوو على الشباك بطفش :استغفر الله ذي اوقاتها اخس منها مافي
ربا ماسمعت :اييش قلت ؟؟
وليد حرك السيارة :ولاشي

وقف سيارتو تحت الشركه
قابلو رجال فتحلو الباب :هلا طال عمرك
ملامحو اتحولت للاستغراب :اهلين
الرجال :ممكن المفتاح عشا ناوقفلك السيارة ؟
اعطاه المفتاح بدون ترد :مشكور
اتوجه لباب الشركه
دخل وكان باستقبالو ثلاثه :السلام عليكم
الرجال :وعليكم السلام
الاول :ياهلا والله
الثاني :تو مانورت الشركه طال عمرك
الثالث :يامرحبا يامرحبا
يطالع فيهم ومستغرب :هلافيكم الله يحييكم
اتوجه لمكتبو
اول مافتح الباب انصدم
واقفه بكامل اناقتها والعبايه ماخبت شي فيها:صباح الخير
احمد باستنكار :اامم صباح النور
السكرتيرة :انا سكرتيرتك طال عمرك (تأشر بيدها )وهذا مكتبي اذا احتجت أي شي انا تحت امرك
احمد :ماشاءالله من متى وانت هنا ؟
السكرتيرة ابتسمت :كلمني العم ابو حسين من زمان وانا اتعامل معاه في الشغل وامور الشركات فعرض عليا اشتغل معاك بما انو خبرتك بسيطه
احمد بدون اهتمام :اممم طيب بالتوفيق
دخل لمكتبو وقفلتلو الباب
اتوجه للكرسي بتعب :يالله الله يعينني مني مرتاح معنو الدلال اللي انا فيه شي جميييييل بس والله مايتقارن بالجامعه
جلس مسرح لدقايق
مسك الجوال وكتب
(هذا اول يوم ومني مرتاح فيه )

واقفه تطالع كنو اول مرة تدخل المكان تحسو كئيب
دخلت ومالها نفس تسوي شي
اتوجهت بطفش للغرفه تبا تبدا شغل تحاول تشغل وقتها فيه
راحت جهه اغرف واتوجهت للمسؤول :لو سمحت الغرف فاضيه ولافيها احد ؟
المسؤول :اعطيني رقم الغرفه
ماريا :22
المسؤول يدور :امم اظن فاضيه ذي الغرفه
ماريا :طيب شكرا
اتوجهت للغرف ودقت الباب ...
محد رد
فتحت الباب بطفش
دخلت وحطت شنطتها واغراضها
وبدات تجمع الاغراض الموجودة تحاول تتذكر أي باقي :امم مايوا صح مو موجود وين الاقيه ذا اووف
خرجت من الغرفه تطلب بعض الاغراض الناقصه
خرج من الحمام يغني ومروووق
يطالع في الغرفه باستغراب :اييش ذا ؟؟
الاخشاب والادوات والبويات في الارض وخرابيط ديكورات :اممم والله شكلها بدات ذي شغلها
لف عيونو على شنطتها فوق الطاوله
اتوجهلها وابتسم :اجل ماتبيني اشتغل معاك ها ؟
فتح الشنطه يدور مالقى الا الجوال والباقي بدون اهميه
اخذو وحطو في جيبو
قفل الشنطه ولبس وخرج من الغرفه
اتوجه لجامعه المركز عبارة عن جامعه صغيره

استلمت الاشياء :مرررة شكرااا اخويا
المسؤول :العفو اختي ولو احتجتي أي شي بلغيني (ابتسم )تراني موصى عليك من الدكتور احمد
ماريا رمشت بعينها بسرعه تحاول تستوعب :هااا ... طيب طيب شكرااا
مشيت بسرعه واتوجهت للغرفه وقفلت الباب :اوووف فجعني بجملتو ها ذحين كيف حشتغل بالله
مالت عليه يشغل تفكيري وهوا قاعد في مكتبو ومبسوط ماشاءالله
اخذت المخططات وبدات تشتغل .....

في المستشفى واقف يسمع بانصات
الدكتور يتكلم ويوصف حالتها
واقفه ند راسها وتمرر يدها على شعرها وتطالع فيها :تالين والله اشتقتلك قلبي خلاااص يوجعني مرررة تعبت الكل يلومني اصلا ما اعرف اتصرف بدونك ...رفعت يدينها (يارب قومها بالسلامه )
رائد :طيب يادكتور مشكور ماتقصر
الدكتور :العفو لاشكر على واجب
الدكتور مشي
رائد راح للغرفه دق الباب ودخل
ريم طالعت فيه وشالت عيونها :ايش قال الدكتور ؟
رائد :حيسوولها عمليه طبعا يمكن بكرة
ريم :وحتتحسن ؟
رائد :والله هوا قال نسبه نجاحها 80%تعتبر نسسبه كويسه
ريم :امم يارب تنجح
رائد جلس على الكنبه
ريم تطالع في تالين :انت تنام ؟
رائد استغرب :كيف يعني ؟
ريم :جاوبني انت تنام الليل ؟
رائد مستغرب :ايوا ليش ؟
ريم :ولاعمرك حسيت بالذنب ؟ولاحسيت بالظلم اللي سويتو فيها ؟ وهيا مالها أي ذنب
رائد اتنهد :ريم ممكن خلاص ؟ترا طفشتيني بذي السالفه عندك غيرها اتكلمي
ريم :لاماعندي غيرها انو تالين انسانه من جد ماعندي غيرها
رائد :يعني بالله ايش تبغيني اسوي مو انا اللي طيحتها ولاقلتلها طيحي نفسك وعلاج وعالجتها وسفر وسفرتها وسايب كل شي عشانها ايش تبغيني اسوي اكثر من كذا ؟
ريم :اذا انت حاقد ليا ليش ما تأذيني انا ؟
رائد :انت غير ما ادر أذيك
ريم :ليش ؟
رائد :خلاص مش لازم تعرفي
ريم :اممم طيب بكيفك
رائد :طيب شويه وحنتغدى في الفندق حتجي ولاحتجلسي هنا ؟
ريم :لاحجلس
رائد :بكيفك
ريم اتنرفزت :هي انت حنزل
رائد دار ظهرو ونزل :انا نازل اذا بتجي تعالي
ريم طالعت في تالين وبعدها خرجت
خرجو من المستشفى ...
دارت عليه :اسمع ابا شريحه ثانيه فين تنباع ؟
رائد :ما ادري
ريم عصبت :انا الغطانه اللي اسالك
تدور براسها تبا تشوف المحلات تلف يمين ويسار
جات عينها على المحل :اهو شوف ذا فيلو جوالات اكيد تنباع فيه
رائد :ما ادري
ريم :انا حروح استناني
رائد :طيب بسرعه
ريم مشيت واتوجهت للمحل دخلت :تحاول تفهمو بالانجليزي
الرجال ياشر براسو لا مو فاهم شي
ريم :يالله ذا كيف افهمو (توريه جوالها )شريحه يامعفن شررريحه
لف عليها باستغراب :عفوا اختي ايش تبي ؟
ريم دارت عليه وفتحت عيونها :حسسسسسيييين ؟
حسين انفجع :رريييم ؟؟؟
ريم ابتسمت :يالله انت وييينك من زماان عنك كيففك ؟والله لك وحشه
حسين مبتسم :والله وانتو اكثر انت كيفك ؟
ريم :تمام ..ايش تسوي هنا ؟
حسين :والله انا ادرس هنا طب بيطري
ريم رفعت حواجبها وابتسمت باعجاب :اكششششخ يادكتووور
حسين ضحك :طيب وانت ايش جابك ؟
ريم ارتبكت :دقيقه بناديلك واحد
خرجت من المحل واشرت لرائد
رائد طالع فيها باستغراب وقام
يمشي بشويش :اكيد ماعرفت تتفاهم معاه
دخل المحل ورفع عينو :حسين ؟؟؟
حسين انفجع :رائئد ؟؟؟
حسين مد يدو وابتسم :هلااا والله
رائد مو مرة معاه :اهلين
ريم :شفت كيف الصدف
حسين :ايوا والله وين اعمامي ؟
رائد :ماجو
حسين :اهاا طيب مين جاي معاكم ؟
ريم :اممم ولا احد
حسين استغرب لحالكم ؟؟؟
ريم :اصلا جينا للعل
رائد قاطعها :انا كنت مسافر وقابلتها في المطار بالصدفه وكمان بالصدفه طلعت مسافرة المانيا
ريم تطالع فيه ومنصدمه من التأليف
حسين :اهااا
رائد :طيب يالله احنا نستأذن
مد يدو :مع السلامه
حسين :مع السلامه
ريم :طيب ياهو متى حنشوفك
حسين :اووه لازم اوريك اماكن انا واثق حتعجبك
ريم اتحمست :طيب اديني رقمك
حسين اداها
ريم :طيب شوف انا يمكن اغير رقمي فاذا غيرتو حرسلك
حسين :طيب تمام
ريم :يالله سلاام
حسين :مع االسلامه

(انتهى البارت الثالث عشر)

18 - 12 - 2024, 12:50 PM

(البارت الرابع عشر )
هذا الجزء من المحتوى مخفي
في قمه الانشغال
رايحه جايه في البيت تحط الاشياء وترتبها ...
مرت كم ساعه وهيا تشتغل بدون راحه
دخل البيت ويسمع اصوات القربعه من برا ومستغرب:السلام عليكم
مهي جايبه خبرو رايحه جايه ومهي داريع عن احد
حط اغراضو وقرب منها:هيييي السلام عليكم
طالعت فيه وشالت عينها بسرعه :وعليكم السلام
راحت للمطبخ وتروح وتجي تنزل الاشياء
يطالع فيها باستغراب:والله حاااااله لو انو مييين الي جاي عندها ماسوت كذا
وقفت قدامو :امسك هذي
يطالع في الصحون :اييييش ذااا؟
لفت عليه :انت ايش شايف ؟
مراد ابتسم :شايفك انت
بدور فيها ضحك :والله مررررة مو وقتك
مراد :اوهوو لنا الله اليوم بايعتني
بدور:ابيع نفسي ما ابيعك
مراد ابتسم وجلس على الكنبه :ياشيخه روحي يسعدك ربي تردي الروح
بدور:مراد الله يخليك كلمه زياده حجي اجلس جنبك واسيب الشغل فارف بحالي واسكت
مراد يضحك :طيب طيب بسكت بس ايش ذا جاي تعبان من الشغل يرضيييك تخليني لحالي ؟؟
بدور غمضت عيونها واتاففت :يارب صبرني
سابت الاشياء من يدها وراحت جنبو :هاا كذا تمام ؟
مراد يطالع في عيونها:ايوا اكييد تمام
بدور شافت عيونو وطت راسها :لعد تطالع فيا كذا
مراد ابتسم :ليش ؟
بدور :لانو ماينفع ذا الوقت تطل فيا كذا
مراد يستهبل :برضو مافهمت ليش انت حقي وكيفي اسوي اللي ابغاه
بدور :مراد
مراد:عيونوووو روووحوو امرري
بدور:نسيت اش بقول استغفر الله بس
مراد يضحك
بدور :ياقلبي انت بتخليني اكمل شغل ولا حيجو الناس والدنيا مبهذله ؟
مراد :عادي اخرج انا وياك وخليهم هما مع نفسهم
بدور:لا والله اجل ليش عزمتهم ؟
مراد :انا ادري عنك كيف بالله ضميرك مايأنبك تخليني يوم كامل بدونك
بدور:ياسلاااام اللي يسمعك يقول اجلس سنه بعيده عنك مهو كل يوم متقابلين
مراد:برضو مايكفيني كيفي حقيي
بدور:خلااااص حقي حقيي عرفنا اني حقك حشا غنمه مو آدميه
مراد:برضو كيفي وحقي
بدور :اقلك شي انا بقوم اكمل شغلي
بدور قامت تفتح الاكياس وترتب الاغراض :يالله نام عشان تقدر تنزل بعدين
مراد:وين تبيني اروح لاحول ولاقوة الا بالله طررررردة
بدور:حتنزل مع وليد
مراد:لا بالله ايش وليد مو مررة معاه انا
بدور:عادي ايش يعني صير مرررة معاه ياخي جاملو بعض شويه هوا يوم وحيعدي ان شاءالله
مراد اتافف:امري لله انا بقوم انام سلاااام
وخليك في شغلك
بدور تضحك :طيب نوم العوافي يارب

ماسكه الفرشاه في يدها واااخر فراغ لونتو :اووف الحمدالله خلصت شغل اليوم والله تعب من جد
طالعت في ساعه الجدار (الساعه 4 العصر):اووف 4 اسش ذا كلو بويه بس الله يعينني كيف حخلص الغرفه ذي في اسبوع
يالله على بال تنشف البويه جمعه وسبت على الاحد يبدا دوام وشغل جديد
قامت من الارض تنفض نفسها
اتوجهت للاكياس المرميه والاشياء اللي في الارض وجلست ترتب وتلملم الغرفه
بعد خمسه دقايق :خلاص الحمدالله كل شي تمام
لبست عبايتها ولفت الطرحه تمام وشالت شنطتها ونزلت
المسؤول :مساء الخير انسه ماريا
ماريا ابتسمت :مساء النور
المسؤول :شكلك تعبتي اليوم مررة لانو اغلبهم راحو او يمكن كلهم
ماريا:يالله مشي حالك الغرفه شويه كبيرة ولازم في البدايه تعب
المسؤول :اهاا يالله الله يعيينك
ماريا :امين
مشيت وجلست في الكراسي في الاستقبال
فتحت شنطتها تتصل على السواق ....
تدور في الشنطه :يالله وين راح ذا
تدور وتحس في جيوب الشنطه مافي أي اثر
انفجعت ووقفت وكبت كل اللي في الشنطه وشهقت :جووواااااالي وينووووو
لمت الاغراض بسرعه ورجعت للغرفه تدور :انا متأكده مانزلتو من الشنطه ولاخرجت الشنطه حتى
طول الوقت وانا موجودة فين حيكون راااح ؟؟؟!!
رجعت تدور في الشنطه وتحت الاغراض تحت الطاوله عند الشباك
انفجعت اكثر :ياوووويليييي جوواللي وينووووو؟
طالعت في الحمام :ماباقي الا ذا ادور فيه
دخلت تدور برضو مافي اثر
خرجت للغرفه تدور بتركيز اكثر ومافي فايده
وقفت وسط الغرفه :يالله ويييين حيرووووح ياربييي
خرجت للمسسؤل تجري :لو سمحـــــــــــــــــــت
المسؤول باستغراب:اتفضلي
ماريا متلخبطه :جوالي ضاع ممكن تديني جوالك ادق منو ؟
المسؤول :ايوا طبعا اتفضلي
مد يدو واخذتو :شكراااا
دقت على السواق :تعااال بسرعه
قفلت منو
دقت على جوالها ....
الجوال يرن
ماريا تطالع حولينها تبا صوت يطلع اشرت للمسؤل :بس حروح الغرفه اشوف لو في
المسؤول :ايوا اكيد عادي
راحت للغرفه والجوال يرن ومافي أي صوت له في الغرفه
فصل الجوال :يالله ذحين ايش اسووي وين ادورلو
خرجت من الغرفه :شكرا يعطيك العافيه
جلست على الكراسي تستنى السواق بتوتر
بعد دقااايق
دخل السواق
قامت بسرعه :يالله يالله
خرجو
في السيارة :وديني بيت ربااا
السواق :طيب

في طريق مكه
في السيارة :ياهلا والله بامي وابويا نورتو جدة
ابو وليد :هلافيك منورة بوجودكم
وليد :ها يا امي كيف العمرة ان شاءالله ماتعبتي؟
ام وليد :لا الحمدالله كل شي مسهل اللهم لك الحمد ووحده بنت يسعدها كل شي تجيبو ليا ماقصرت
وليد :اها ماشاءالله يالله تقبل الله
ام وليد :منا ومنكم يارب
ابو وليد يضحك :مو هذي اللي تبي تخطبيها لوليد ؟
ام وليد :ايوا والله البنت عجبتني ومو ناقصها شي ماشاءالله
ابو وليد :ها ايش رايك ؟
وليد :في ايش؟
ام وليد :يعني في ايش ؟في انو زوجك
وليد :لالا يا امي مابا
ام وليد انفجعت :ايش ماتباااا ؟
ابو وليد :يابنت الحلال اصبري
ابو وليد :يعني انت ماتبا تتزوج ؟ولاماتبا ذي البنت ؟
وليد ساكت مو عارف ايش يقول
ابو وليد :ياولدي اتكلم انت في بالك احد ؟
وليد ارتبك :امم
ابو وليد لاحول ولاقوه الا بالله اشبك اكلمك انا
وليد :طيب يا ابويا حنتفاهم بس خلي الموضوع لما نوصل البيت احسن وتهدو وتنامو وكل شي بعدين حتكلم وحقول كل شي
ابو وليد :طيب ياولدي على راحتك
وليد كمل الطريق وهوا مسرح مو عارف اهلو
حيوافقو ولا لا .....

قاعد في الدرج ماسك جوالو
خرجت من الفندق تقضيلها كم شغله
لمحها خارجه تبعها ودخل ...
ماشيه لوحدها جهه الحلويات وتطالع وتختار ومهي مع احد
واقف من بعيد يمسك العلبه ويرجع يطالع (هوا بنفسو مو فاهم ليش يلاحقها )
مسرح للحظات
مشيت للجهه المقابله ولمحتو (قلبها دق فجاه واتغيرت ملامحها ):هذا ايش جابو هنا ؟
انتبهلها ووطى راسو بسرعه ويدور في الاغراض اللي قدامو
عصبببت وطفشت منو اتوجهلتو بعصبيه وقفت قدامو :ممكن اعرف ليش تلاحقني وليش في كل مكان اروحو الاقيك ؟
ياسر انفجع :صدفه
مروة اتكتفت :لااا والله صدددفه ؟؟؟
انت ايش تبغى مني ؟؟ خلاص انا نسيتك وانت نسيتني وكل شي انتهى
ياسر كان موطي راسو رفعو وطل فيها باسف:لاموك لشي انتهى
مروة تنحت من نظرتو :كيف مو كل شي انتهى ؟؟؟؟
ياسر برده فعل سريعه ساب الي في يدو ومشي خطوات سرررريعه ونزل من السوبر ماركت حاس نفسو مخنوووق مكتوووم مو عارف ليش بس يبا يبعد وبس
مروة مصنمه مكانها ودموعها نزلت
برضها ماتعرف ليش (لكل واحد طريقه يعبر فيها عن احساسو )
مسحت دموعها بسرعه وسابت الاشياء ونزلت بسرعه واتوجهت للفندق
في غرفتها ....
مسكت الجوال وتتصل
بنتها تطالع فيها باستغراب مهي فاهمه شي
تتصل وتتصل بس مافي رد
ماسكه اعصاااابها :رررد ررررررررد برجع خلااااص ياربي ليش مايرد
لمى بكل براءه :ماما مين هوا ؟
مروة كانت بترميها بالجوال رفعت راسها
وطالعت في ملامحها وعيونها (طااح الجوال من يدها وضمت بنتها لها بقوووووه ودكوعها تنزل وكل مالها تزيد )
تعبت نفسياااا مهي عارفه كيف تعيش هناك ماتبا زوجها وهنا ياسر مايباها
امى تبكيييي :ماما مااااامااا ليش تبكي ؟؟
مروة حضنتها اكثر وتشهق بالبكاء
لمى دموعها تنزل :ماما مييين زعلك ؟مين مايرد وبكاك ؟
مروة تحاول تاخذ نفسها وماتبا تشوف دموع بنتها :ابوك ياماما ابوك
لمى فرحت وحست انو امها بترجع لابوها حضنت امها بقوة وبكيت معاها
مروة حاسه ببنتها ودموعها تزيييد كل المشاعر اللي في قلبها لياسر مو لابوها
بكييت وبكييت لين اخذتها عيينها ونامت وهيا حاضنه بنتها .....

وقفت السيارة تحت البيت
خرجت وقفلت الباب بقوة :بعدين بكلمك تجيني
اتوجهت للباب ودقت الجررس ورا بعض
تنادي من المطبخ :ربااااااا افتحي الباب اهلك جووو
ربا نطت من فوق سريرها واتعطرت وصلحت شعرها بسرررعه واتوجهت للصاله بابتسامه عريضه :طيييب طيببب
خرجت للحوش وفتحت الباب
تطالع باستغراب :ماررررريا ؟؟؟ اييش جاببك ؟؟؟
ماريا فتحت عينها :استحي على وجهك
ربا :اقصد اشبك ؟
ماريا مهمومه :ربااا الحقيني جوووالي ضاااع
ربا فتحت عيونها وشهقت :هبللله انت ؟؟؟ فين ضيعتيه؟؟؟
ماريا :يعني ححكيك في الشارع مثلا ؟دخليني وبعدين افهمك
ربا بعدت عن الباب :اووه صح معليه اتحمست
ماريا دخلت :داريه مو اول مررة
دخلت وجلست فوق الكنبه :ااااه يختي كنت في المركز وشنطتي في الغرفه ومحد فيها خرجت دقاييق بس اجيب اشياء ورجعت واخر الدوام ادورلو مالقيتو مو في الغرفه ولا الاستقبال ولا أي مكان رحلتو حتى الحمام دورت
ربا :طيب ما اتصلتي ؟
ماريا :الا طببببعا بس يرن ومحد يرد واحاول اسمع صوتو بس مافي صوت
تالا خرجت من المطبخ مستغربه الصوت :ماريا ؟؟؟
ماريا قامت تسلم :هلاااا تااالا
تالا تجلس :هلافيك
ماريا :داريه مستغربين جيتي
تالا:لا وي البيت بيتك
ربا:تالا اتخيلي ضاع جوالها
تالا انفجعت :اووف وين ضاااع؟؟
ربا حكت تالا الحكايه
ربا دارت على ماريا ومفجوعه :صح فيييه صورك ولا؟؟؟؟؟
ماريا :لالا الحمدالله
ربا تحس شويه وتبكي :انا
ماريا :اشبك ؟
ربا :لالا ولاشي
تاالا:طيب وايش حتعملي ؟؟؟
ماريا :ما ادري والله
تالا قامت تجيب عصير
ربا قربت من ماريا وهمستلها :هييي انت اتخيلي دكتورك ارسل شي ايش حتعملي؟
ماريا مستغررربه :مين دكتوري؟؟؟
ربا طالعت فيها بنص عين :ماريا اخلصي عليا
ماريا :اعوذ بالله مافي شي يتخبى عليك والله ما ادري واثقه انو حيكت بشي بعد الدوام
ايوااا صح قوومي قووومي بفتح من عندك واشوف ايش كاتب
ربا مدت يدها :جيبي فلوووس
ماريا :لا والله
ربا :اقوووول بتكلمين واحد ومن جهازي ومابتدفعي ؟؟؟
ماريا :ربااااااااااا
ربا قامت :خلاص اعوذ بالله امزح
ماريا وربا اتوجهوا للغرفه
تالا خرجت وماسكه صينيه العصير :بسم الله وين راحو ذولا؟؟؟
راحت للغرفه ودقت الباب برجلها :هييييي انا ادورلكم وانتو هنااا؟
ماريا قفلت الاب على يد ربا من الفجعه
ربا :ااااااايييييييي وجعععع يوجع بليس
تالا حطت الصينيه باستغراب :اشبكم ؟؟
ماريا :ولاشي
ربا عصبت ومسكت ايبادها :ايوا باين ولاشي
تالا طالعت في ماريا :انتو ايش وراكم ؟
ماريا اتورطت :ايش ورانا مثلا ؟؟قاعدين عادي

باب البيت ينفتح :بسم الله
ياهلا والله نورتو بيتكم
ام وليد وابو وليد :هلافيك منور بوجودكم
دخل المطبخ ويفتح القدور وينادي :هييييي ربااااااا وينك تعاالي
يطالع في القدور :الله والله جيعااان
يرفع صوتو :ربااااا
ربا تتحكى ومنسجمه :اسمعييييني ببكي والله سويت شي
ماريا مفجوعه :ايييش؟؟؟؟؟
ربا :اليوم الظهر ارسلتلك صورتي
ماريا فتحت عيونها وحطت يدها على فمها :كذااااابه
ربا بخوف :والله من جد
ماريا :ياربي منك وذحين ايش حنسوي اتخيلي احد اخذ الجوال
ربا :انتي الفالحه اصلا بكل برود منتي حاطه رمز
ماريا :ماعندي اخوان صغار
ربا :حتى ولو
تالا خرجت بسررررعه واتوجهت للمطبخ :ايوا ايش في ؟؟؟
وليد طالع فيها وانفجع
تالا مستغربه طالعه في نفسها (خارجه بدون طرحه ولاشي )
من شده احرجها (فتحت فمها استعداد للصراخ )
وليد انفجع اكثر وحط يدو على فمها :لااااا الله يرضى عليك مانبا فضايح ترا اهلي هنااا
بعد يدو واشرلها وابتسم :يالله روحي
تال مصنمه ودموعها في عينها رجعت على وراها
وصقعت فيها :اااه بسم الله اشبك ؟؟
تالا طالعت فيها وشردت على الغرفه
تطالع في وليد ومستغربه :اشبها تالا ؟؟
وليد يضحك :مالك صلاح
ربا اتنرفزت :قله حيا
دخلت ام وليد :اشبك واقفه واخوك ماسك القدور والصحون قلله حيا اصلاا امشي حطي الغدا استحي على نفسك رجال ومدخلتو المطبخ وواقفه تتفرج
وليد حاول يمسك ضحكتو ماقدر
فطسس ضحكككك
ربا كرامتها ضااعت اندفنت خلاااص :امي الله لايحرمني منك
ام وليد تطالع فيها :ياربي انا مخلفه ايييش الحمدالله بس
رفعت صوتها :خارجيييينا يالله
ربا اتحركت ومعصبه :اوريك والله اوريك وحردها فيك وفي تالا كمان
ام وليد مستغربه :ايش تبربري انتي ؟؟؟
ربا تحط الملاعق والصحون :ولاشي يا امي اقول الله يحفظك ويطول في عمرك ان شاءالله
وليد شال بعض الصحون وخرج حطها فوق الطاوله :ياهلا والله بابويا
ابو وليد :هلافيك
وليد جلس جنب ابوه (طاوله عبارة عن سته كراسي )
ابو وليد همس لوليد :وليد
وليد طالع في ابوه :نعم
ابو وليد :مين في بالك ؟؟
وليد اختفت ملامحو :اييش ؟مين ؟؟
ابو وليد :بكيفك انا احاول اساعدك انت ارف امك مو على أي احد حترضى
وليد يطالع في الطاوله :اممم والله يا ابويا بصراحه انا اباكم تاخذولي بنت خالتي تالا يعني هيا ادب واخلاق والبنت متربيه
ابو وليد استغرب مررة :تااااالا؟؟؟
ربا حطت الصحون :لا اله الا الله يا ابويا تالا مين انا بنتك ربا
ابو وليد طالع في ربا :لاحول ولاقوة الا بالله
انتي ايش تبغي؟روحي ساعدي امك يالله
ربا :اناا ليش كرامتي ضايه عند اهلي ؟حسسوني اني انسانه ليوم واحد
مشيت بعصبيه :احنا ليش اللي نجيب ونسوي وذا قاعد يطالع بس
تالا تساعد خالتها :خلاص ياخاله انتي روحي اجلسي انا بكمل تجهيز وربا حتجيبو
ربا دخلت :ربا ربا لها مليون رجل اصلااا خلااااص هلكتوني
ام وليد :انتي اصلا بلا ادب بنت خالتك تجهز وتسوي وانت تتفرجي بعدين في بيت زوجك حتجيبيني اسويلك الغدا ؟
ربا ابتسمت :يا امي ويينننيييي ووين الزواج لسا ابا اجلس عندك
ام وليد :ايش ابغا فيك بزوووجك
ربا وجهها راح فيها :لذي الدرجه انا على راسكم حشا عدو مو بنت
ام وليد خرجت للصاله وحطت الصحون وجلست
ربا تبعتها بباقي الصحون وجلست
ام وليد :وين وين ؟؟؟ قومي اتغدي مع البنات
ربا دموعها بتنزل :امييييييي الله يخليك كرااامتي الله يحفظك
وليد :من متى عندك كرامه انتي اصلا
ربا رفستو من تحت الطاوله
قامت وراحت لغرفتهم
سكرت الباب بقوة :انا ايييش من وين جابوني ولدهم وانا بنت الشغاله ؟
تالا :هدي هدي ترا يمزحوا معاك
ماريا :ماعليك منهم والله البيت مايسوى بدونك
ربا :ياخي داريه بس كرامتي ضاعت
ماريا :عادي عادي كلنا كرامتنا تضع في بيت اهلنا
تالا ماسكه الملعقه وتردد في بالها ((في بيت اهلنا ))
نفسها تجتمع مع اهلها على سفره وحده مع امها وابوها ...
ماريا :طيب اسمعوا بنات بعد المغرب لازم نروح بيت بدور اشبكم نسيتو ؟
ربا :اوووف صح نسيت والله طيب شسموا ذا خلاص نتجهز من هنا ونروح باقي ساعتين ترا
ماريا :طيب بقوم اكلم امي
ربا :اصبري اجيبلك التليفون
خرجت من الغرفه واتوجهت للصاله
ابو وليد :ها يا ام وليد ايش رايك ؟
ام وليد متنحه :ما ادري والله بس اتفاجئت صراحه
وليد ساااكت
ابو وليد :ليش عادي من جد البنت متربيه وادب ماشاءالله ومننا وفينا
ربا انفجعت (بصوت واطي ):تاااالااااا
مشيت بسرعه وفصلت التلفون ومسسرررحه كلهم سكتوا لين راحت
دخلت الغرفه مسرحه وحطتو فوق الطاوله
ماريا :هييي وين اشبكو ؟
ربا انتبهت :هااا؟
ماريا :ايش ها ؟وين اشبك تليفونكم ؟
ربا :ورا الطاوله هنا
ماريا قامت :اووو والله من زمان عن التليفونات
ربا :والله من جد احس ماتو اللي يستخدمونو
تالا:انتي كل الناس ماتوا عندك وبعدين عادي يستخدمونو للضرورة
ماريا اتصلت ....
ردت على التلفون بعد ثواني :الو
ماريا :ايوا امي الو
ام مراد :ايوا ماريا وينك انتي السواق قال في بيت ربا طيب ليش ماتتصلي انا جلست اتصل عليك وماتردي وبعدين مغلق
ماريا ارتبكت :والله يا امي نسيت ما اقلك بس انو قلنا خلاص حنروح سوا عند بدور وبالنسبه لجوالي ماسمعتو وشكلو طفا مافي شحن
ام مراد :طيب اشحنيه ويالله انتبهي على نفسك واشوافك هناك
ماريا :طيب ان شاءالله
ام مراد :يالله مع السلامه
ماريا :مع السلامه
تالا:اشبك انتي مسرحه ؟
ربا :هااا ؟لالا ولاشي

واقفه تطالع من بره وتدعي من قلبها الخوف سيد الموقف والقلق ملازمها في هذي اللحظات
جالس فوق الكرسي ومغطي عيونو بيدو (في قلبو )الله يستر بس
رجعت للكرسي بتعب وردت على جوالها :ايوا الو
محمد كل خمسه دقايق يتصل :ايوا ريم طمنيني كيف ؟
ريم :يامحمد الله يهديك لسا قلتلك نص ساعه وحتنزل لعد تتصل انا حتصل عليك وبس انت ادعيلها
محمد:يارب تقوم بالسلامه يارب
ريم :امين يالله مع السلامه
محمد :مع السلامه
ريم حطت الجوال فوق رجولها واتكت على الجدار بسرحان
رائد :ريم
ريم دارت عليه :امم ؟
رائد :لو لاقدر الله لاقدر الله مانجحت العمليه تتوقعي تسامحني تالين ؟
ريم :الله لايقولها يارب تنجح يارب واساسا انا قبل ريم مني مسامحتك
رائد :خلاص ياريم والله حرام عليك انا حاسس بالذنب وندمان بس المذله ذي خلاص كرهتها
ريم حست فيه :طيب خلاص ادعيلها وبس
بعد ربع ساعه نزل الدكتور
ريم قامت :دكتور دكتووور طمني ربا كيفها
الدكتور مو فاهم شي
رائد ترجمو
الدكتور :ايوا العمليه نجحت وبككرة الصباح حتصحى من الغيبوبه
الدكتور مشي
رائد عيونو تحكي فرحتو
لف على ريم
ريم مسكت يدو بترجي :نجحححت ؟؟؟؟
رائد حرك راسو بايوا
حضنتو و دموعها نزلت وابتسامتها مافارقتها :الحمدالله الحمدالله
رائد استغررب حركتها بس ماردها مسح بيدو على ظهرها ....

دقت على غرفتو :يالله احنا جاهزين
فتح الباب :سبحان الله لما قدو صحبتها دقت الباب
نزل قدامها
ربا مهي فاضيلتو رجعت للغرفه :يالله بنات وليد نزل
نزلو كلهم
وليد ركب السيارة وركبو معاه
وليد يصلح المرايا جهه تالا
تالا لاحظتو وابتسمت
ربا :يالله امشي ياربي تموت الواحد على برودك
وليد طالع فيها بنص عين :تبي تجي معانا خليك ساكته ماتبي تجي لسا احنا تحت البيت ارجعي
ربا انبكمت
ماريا تفكر في احمد وناسيتهم
وليد مشي
وبعد دقايق وصلو
ربا نزلت بسرعه وماريا وراها
تالا تصلح جزمتها بسرعه
وليد قفل الابواب
تاالا تحاول تفتح مافتح
طالعت فيه :اشبك ؟
وليد :وحشتيني ابا اجلس معاك لوحدنا
تالا عيونها مارمشت من التوتر :ايش ؟
وليد بضيق :تالا انا كلمت اهلي ولسا يفكرو حرجع البيت وحلاقي خبر منهم
تالا :.......
وليد ابتسم بضيق :خايف يجي اليوم اللي يبعدني عنك
تالا موطيه راسها :ليش تقول كذا ؟
وليد :ما ادري بس اتعودت وجودك لاتحرميني منو
فتح الباب
تالا فتحت الباب :انتبه على نفسك
وليد :من عيوني وانتي كمان
تالا ابتسمت وخرجت
تالا اتوجهت للباب ودقت الجرس
وليد مشي
بدور فتحت الباب :ياهلاا والله اشبك وين كنتي ؟
تالا:لا بس طاحت جزمتي وجلست اعدلها
بدور :اها ياهلا والله اتفضلي نور البيت
ربا وماريا جالسين
ماريا :هي تال
ربا دقتها :اسكتي بعدين اقلك
ماريا مهي فاهمه شي
تالا جلست
بدور :ياهلاا والله كيفكم اخباركم ؟
ربا :تمام والله الحمدالله انتي كيفك ؟
بدور :الحمدالله
بدور :ايش هذا من زمان عنكم
تالا :ايش نسوي تعرف الواحد واشغالو
ماريا اتوحهت للمطبخ
وبدور لحقتها
ماريا :بدووروه أي عصير احط ؟
بدور تأشر :هذا وهذا وهذا امسكي
ماريا تطالع وضحكت :حشا بتعشيهم عصير انتي ؟
بدور :ماريا انتي ايش عليك صبي وبس
ماريا ماسكه العصيرات
بدور ترتب الكاسات
الجرس يدق
ربا علت صوتها :بدوور لاتجي انا حفتح
ربا قامت واتوجهت للباب
فتحت الباب ....
لحظه صمت حلت بالاثنين
تطالع فيها وبلعت ريقها
ماسكه الباب وماخلتها تدخل من الفجعه
بدور جات :ميين ياربا ؟؟
ربا سابت الباب ودخلت
بدور اتوجهت للباب وابتسمت :ياهلا والله ياهلا
مروة ابتسمت مجامله ودخلت :اهلين فيك
بدور :اتفضلي اتفضلي
مروة دخلت
بدور تحضن لمى :وحشتيييني
لمى ابتسمت :وانت اكثر ياماما
مروة اتوجهت للبنات وسلمت
بدور لحقتها :اعرفكم مروة صحبتي
تالا وماريا وقفو وابتسمو :اهلين
ربا انتبهت على نفسها وقامت :هلا
بدور تاشر على كل وحدة :تالا صحبت ماريا وهذي ماريا اخت مراد وهذي ربا بنت خالة تالا وصحبت ماريا كمان
مروة :اهلين اتشرفنا
تالا :واحنا زدنا شرف اكيد
بدور ومروة وماريا يتكلمو
تالا تطالع في ربا المتنحه :اشبك
ربا همستلها :تعرفي اللي كنت اطالع فيه في الملاهي وقلتيلي لاتطالعي ؟
تالا تحاول تتذكر :ايوا ؟
ربا :هذي شفتها معاه
تالا :طيب ؟
ربا :ايش طيب ؟
ربا :خلاص خلاص ولاشي
لمى :ماما بدور مين هذولا ؟
ربا وتالا وماريا علامات الاستغراب على وجوههم من الاسم
بدور :هذولا صحباتي
لمى :اهاا
تالا مسكت لمى :ايش اسمك ؟
لمى :لمى
لمى :وانتي ؟
تالا :تالا
لمى ابتسمت :زي اسم عمتي
مروة :تعالي ياماما عيب
تالا:لالاعادي خليها
الجرس يدق
بدور قامت
جوالها يدق ....
مسكت الجوال واستغربت من الرقم وردت :الو ؟
ماصدق انها ترد :الو ؟
مروة انصدمت وطالعت في ربا :ياااسر ؟؟؟

(انتهى البارت الرابع عشر )

18 - 12 - 2024, 12:52 PM

البارت الخامس عشر.**
يسوق السيارة بتفكير عميق ...
قطع افكارو صوت الجوال*
اخذ الجوال ورد :الو*
مراد :ايوا الو*
وليد :هلااا والله بمراد كيفك ؟*
مراد :تمام الحمد الله وانت كيفك ؟*
وليد :والله الحمد الله طيبين*
مراد:ياهو فينك؟*
وليد باستغراب :فيني ؟؟*
مراد :اشبك ماجيت يعني*
وليد استغرب اكثر :اجي فين ؟*
مراد استغرب :اشبك ياهو ايش تجي فين ؟ نسيت اننا متواعدين نخرج نسهر سوا ؟*
وليد افتكر :اووو والله نسيت اعذرني والله مررة نسيت انت قلي وينك ذحين؟*
مراد :قريب من الديوانيه*
وليد :طيب ولايهمك اوصفلي مكانها تعرف انا اول مرة اجيكم ياريت بس ترسلي العنوان*
مراد :خلاص ولايهمك دقايق والعنوان عندك يالله نستناك لاتتأخر*
وليد :ان شاءالله اكيد ..يالله مع السلامه*
مراد:مع السلامه*
وليد قفل وحط الجوال جنبو :اوووف استغفر الله انا كيف نسيت وبعدين ايش اقول لاهلي اللي يستنوني وقلك حنتفاهم خليني اكلم ابويا بعدين اشوف يقول ......

تطالع فيها باستغراب*
قامت من مكانها وعيونهم على بعض اتوجهت لممر صغير :نعم ؟*
ياسر صوتو تعب *:مروة انا محتاجك
مروة خافت من الصوت :طيب؟*
ياسر بترجي:مروة الله يخليك*
مروة :لا والله ؟ ليش ماكلمت ربا ؟؟؟ ايش معني تبغاني ذحين؟
ياسر :ربا ؟ مين رباااا
مروة عصبت :لابالله سوي نفسك ماتعرفها حتلعب على مين ياحبيبي*
ياسر :مروة الله يخليك فهميني وقت ثاني انا محتاجك والله حسي فيا *
مروة :انا مشغوله ياياسر ياريت انت اللي حسيت فيا لما جيتك مع السلامه*
قفلت بسرعه وقلبها يدق صوتو يرن في اذنها باين انو محتاجلها .....
اخذت نفس واتوجهت للصاله وجلست بهدوء*
بدور بكل براءه تطالع فيها وتبتسم :اشبك ؟*
مروة ابتسمت مجامله :لالا ولاشي*
بدور ماحبت تدخل مدت يدها وابتسمت :طيب ياجماعه يالله اتفضلو على العشا*
مروة وماريا وقفو وبدور تاشر لتالا وربا :يالله اتفضلو*
تالا وربا ابتسموا ووقفو*
بدور ومروة وماريا مشيو*
تالا بتمشي سحبتها ربا *انفجعت :اووف اشبك؟؟؟*
ربا : اشبها ذيك تطل فيا وهيا تكلم*
تالا مستغربه :انا ايش دراااااني وبعدين احسها يانااس مرررة طيبه*
ربا رفعت حاجبها :انقلعي قلك ياناس امشي امشي بس*
تالا مشيت غسلت يدها ودخلت الغرفه*
ربا لحقتها وجلست تغسل يدها*
لمحتها واقفه تغسل وقفت*
بدور :اشبك على وين ؟*
مروة :لالا بس بجيب شي وجايه*
بدور :طيب لاتتاخري*
بدور تضيف ماريا وتالا ومشغوله*
ربا تغسل ومسررررحه المويه مفكوكة وهيا تفكر في الاسم والنظرات*
وقفت جنبها :انتي من متى تعرفي ياسر ؟*
ربا انتبهت وانفجعت من السؤال *بعد ثواني .... مين ياسر؟؟*
مروة ابتسمت بخبث : افاا ياسر ماتعرفيييه ؟*
ربا مستغربه : مين ياسرر ذا ؟*
مروة غمزتلها :اللي مسك يدك في الملاهي*
ربا عدلت وقفتها وقفلت المويه :لحظه لحظه انتي لازم تفهمي وتفهميني*
اول شي انا ياسر ذا ما اعرفو ولا عرفت اسمو الاا دوبو منك وترا ما اعرف انتي مين ولا ايش تقربيلو واساسا مايهمني هوا مين ولاليا علاقه بيه هوا ما اتجرأ وكلمني الا عشان مرة قبل يوم الملاهي شفتو في مول وهوا اللي حاول يغازلني ولا انا لا اعرفو ولايعرفني*
مروة تسمع ومهي مصدقه :امم ماشاءالله وعلى طول كذا مسكه يد وكلاااام*
ربا :لو سمحتي احترمي نفسك قله الادب ذي اساليه هوا عنها*
مشيت وسابتها ودخلت الغرفه بسرعه*
مروة اعصابها واصله للاخير ومهي مستوعبه شي*

منسدح على السرير ...
اتنهد من قلبو : والله وحشتني ذي البنت*
بس مني عارف كيف اوصلها واساسا ايش حتقول عليا اكلمها ذا الوقت لالا بلاش*
بعد دقايق *من التفكير يتقلب يمين ويسار مو راضي يجيه النوم .....*
طيب بس اتطمن مافيها شي*
مسك جوالو وارسلها (مساء الخير)*

معصبه ومهي مع اللي حولها ابدا*
سمعت الجوال بس طنشت*

جلس بتوتر وبدا يقلق:اشبها ذي ماترد*
ارسلها (اسف اذا ازعجتك )
(بس حبيت اطمن )*

صوت جوالها خلاهم يطالعو فيها*
تالا اشرتلها تقفل الصوت*
ربا مسكت الجوال وشافت المسجات*
الرقم غريب*
(مين ؟؟)

طالع في اللي ارسلتو واستغرب :بسم الله اشبها ؟؟؟*
ارسلها*
(اشبك مسرع نسيتيني )*

ربا مهي فايقه ابدا*
(استغفر الله حتتكلمي او حتتكلم وتقولي مين ولا ترا حنزل )*

مفجووع من كلامها*
(اشبك ياماريا ؟ معقوله ماعرفتيني؟)*

ربا تطالع وشهقت :ياااويلي*

مروة وبدور يتكلمو*
تالا وماريا طالعو فيها باستغراب *:اشبك ؟؟*
*
ارسلها (عموما اسف اذا ازعجتك بس حبيت اطمن واعرف ايش صار لجوالك تصبحي على خير يارب )*

ربا مفجوعه ارسلت بسرعه (لالالا استتتتتنى)*
اشرت لماريا*
ماريا استغربت واشرت:ايش في؟؟؟*
ربا نزلت للصاله وماريا وراها*
ربا :تعالي الحقي دكتورك كلمني ورديت عليه خليتو يقول خلاص اسف اذا ازعجتك*
ماريا شهقت : ااااااحمد ؟؟؟؟؟؟*
ربا : ايوا حبيبك*
ماريا دفتها : ياشيخه روحي بعدين نتفاهم*
سحبت الجوال وعينها كل مالها توسع من الفجعه والمحادثة اللي بينهم*
*
ارسلت ( احمد اعذررني بس انا اول ارسلتلك من جوال صحبتي فهيا اللي ردت عليك اسفه والله انا اللي اعتذر )*

احمد ارتاااح*
( لالا ماعليك حصل خير بس اصلا انا الغلطان ارسلت قبل لا اتاكد )*

ماريا تشوف الرد ( ياااقلبي انت ) قالتها بشويش وكتبتها بدون ماتحس واترسلت*

احمد يطالع مفجوووع وكل شويه يقرا يتاكد بلع ريقو وقلبوو راح فيها ماعمرو سمع كلام حلو تنح في الشاشه وماعرف ايش يرد*

ماريا تطالع في الشاشه صرررخت *ورمت الجوال : رباااااااااا يااااااااويلي ربا الحقيني شوفي ايش ارسلت والله بالغلط انا مدري كيف اترسلت*
ربا مفجوعه : هيييييي وجع يوووجع بليسك جواااااااااالي قدو مكسر خلللقه*

ماريا يدها على قلبها : ارسلتلو بالغللللللط*

ربا مسكت الجوال وتدورو تشوف في شي صارلو ولا لا*
فتحت الجوال وقرت المحادثة *
تطالع مفجوعه وضحكت : حررركات ايش ذا ؟؟ (غمزتلها) والله يطلع منك كلاام هذا وهوا محترم ومسكين مايتكلم*
ماريا : رباااا مني نااااقصتك ذحين ايش اسوووي؟؟؟؟؟*
ربا مستغربه : ايش ايش تسوي عاادي مسكين خليه يسمع كلمه حلوة منك تلاقيه فقد الامل*
ماريا ملامحها خوف : من جد ما ارسل شي والله بيفهمني غل
قاطع كلامها صوت الجوال*
ماريا تطالع في ربا : رررد رددد*
ربا مسكت الجوال تبا تفتحو*
ماريا نطت فوقها : جيييييبي والله ماتشوفي*
ربا تضحك وتبعد منها : وريني يالله*
ماريا تحاول تاخذو بالقوه : ربااااا يا....سيبيه*
ربا بعدت بقوه وجريت وتضحك : من جد ما اخليك تاخذيه لين اشوفو*
ماريا تجري وراها : رباااااااااا خلااااص بلا هباله جيبيييي بشوووف*

ربا تجري وتحاول تفتح الجوال*

ماريا تجري واخذت المخده ورمتها عليها*
جات في ربا : اااااااااه فجعتينييي*
ماريا مسكت يدها بقوة وسحبت الجوال وجررريت على الحمام*
ربا تلحق وراها*
ماريا قربت من الحمام تبا تدخل*
ربا مدت رجلها وكعبلتها*
طاااحت على وجهها *وصرررخت*
ربا خااافت وصنمت في مكانها*
*
ماريا مسكت الجوال وهيا تتالم وفتحت تقرا*
( ما ادري ايش ارد بصراحه وقفتي قلبي بكلمه يعني يمكن تستغربي مني بس ما اعرف والله من جد ما اعرف ايش ارد ومررة مني قادر اعبرلك عن اللي حاسو بكلامك )*

ماريا : ااااه ياقلللببي فداااك الطيحه ياشييخ*

ربا اطمنت واتوجهتلها بسرعه وسحبت الجوال*
خرجت تالا مستغربه: هيي انتو اشبكم فضحتونا صوتكم واصل لين جووا*

ماريا قامت :حسبييي الله على بليسك ياربا كسرتينييي*

ربا تقرا ومبتتتتتتتتسمه : يااربي ياماريااا ارووووحلك كلااام اصيرلك جمممل طلع احسن منك*
ماريا ارتبكت : ربا انكتمي*
تالا تطالع فيهم : مين هوا ذا ؟*
ربا استوعبت : يختي تعالي شوفي بالله ياتالا واحد قالب التويتر كلو بكلامو قامت ماريا مسويه انها تجاريه كتبت كلمتين ورد عليها بعشرة*
ماريا تطالع وماسكه ضحكتها*
ربا تقلب في الجوال ولارفعت راسها عشان لاتنفضح*
تالا تحرك راسها باسف: صغااار وربي مررة*
امشو قدااامي الحريم جوا وانتو هنا استهبال*
ماريا دخلت بسرعه*
تالا بصوت حازم : ربااااا*
ربا قفلت الجوال : طيب طيب جااايه*

قاعد مهموووم يفكر فيها ويفكر في اللي سواه فيها :ياارببي والله تعبااان مرررة مهي حاااسه بيااا*
قام ومحتتتاج احد يواسيه يقرب منو يحسسوا بالامان ...حاسس بالوحده كانت ماليه عليه حياتو بس ساابتو وباين انها كرهتو ....
رما نفسو على السرير وملامحو مهموومة*

جوالو يدق ماعبررو ولاطل فيه*
بعد دقايق الجوال رجع يررن*
ويرن ويرن*
مسك الجوال بطفش :استغفر الله ام الازعاج مرررة مني فايق لاحد*
شاف الاسم وحاول يطنش بس رد يمكن شي يواسيه : الو*
انس باستغرااب: ايوا الو*
ياسر : ايوا انس*
انس : اشبك ياواد اشبو صوتو كذا؟*
ياسر :تعباان*
انس: اشبك تعبان ايش في؟؟؟؟*
ياسر : انس والله ياشيخ مرررة مهموم*
انس : طيب طيب اسمع ايش رايك تجيني*
ياسر :اجيك وين ؟*
انس : امم في مركز انا موجود فيه انا حوصفلك اياه انت تعال بس في شغله ابا استشيرك فيها*
ياسر بطفش: ياشيخ مررة مو وقت استشارة منت شاييفني شويه وارمي نفسي مرررة واصل ترا*
انس يحاول يهديه: معليه ياهو بس دقايق لو ما ارتحت ارجع*
ياسر اتافف : خلاص طيب يصير خير*
انس : يالله استناك لاتتاخر*
ياسر : طيب خلاص سلام*
انس: سلام*

قفل منو وقام واتجهز ونزل ....

انس ارسلو العنوان
ياسر يقرا ومستغرب : ايش ذا المكان غريبه*

بعد دقايق وصل للعنوان *يطالع في المركز من برا ويقرا اللوحه *مفجوع : دار ايتام واحتياجات؟؟؟؟؟؟؟؟؟؟؟؟*
مسك جوالو واتصل : ايوا الو انس انا تحت*
انس نزل :طيب يالله اهو شايفك*
قفل الجوال واتوجهلو وفتح الباب ودخل : سلااام*
ياسر : وعليكم السلام*
انس : اشبك ياهو والله اقلقتني عليك*
ياسر : لالا ولاشي بس في كم شي جايبلي الهم المهم انت ماعليك ذحين قلي ايش ذا ؟*
انس مستغرب : ايش ايش ذا ؟*
ياسر طل في المركز*
انس فهمو : اهاا قصدك المركز .. والله شوف انا صارلي فترة هنا*
ياسر مستغرب : ايش تسوي ؟؟؟؟؟
انس : والله انت عارف يعني وضعي كيف ابويا وامي توفو ويعني خالي مايقدر يشيلني تعرف الظروف كيف*
ياسر :طيب؟؟؟*
انس : فوالله خالي عرض عليا اني اشتغل هنا وانا سالت وقالولي انو في سكن وجامعه وشغل في نفس الوقت فقلت ليش لا اشتغل وادرس واسكن ولا اثقل على خالي واهو الحمد الله ماشيه اموري*

ياسر: وساكن كذا ببلاش؟*
انس :لاهوا طبعا في شروط يعني اللي اصغر من الجامعه سكن ودراسه ببلاش طبعا بس انا اشتغل وادرس ونص راتبي يرجع للمركز*
ياسر عين على الطريق وعين على انس: اهااا*
انس : طيب المهم بسالك*
ياسر : امم؟؟*
انس : رائد ياشيخ مختفي مررة والله مو من عوايدو سمعت من حارس الشاليه انو مسافر بس غريبه اول مرة يسافر ومايقلي*
ياسر : والله مني عارف بس من جد زمان عنو طيب ماحاولت تتصل ؟*
انس : اتصلت كذا مرة مايرد او مغلق*
ياسر : اهااا والله ما ادري بس الله يعينو على ما ابتلاه تلاقيه في مصيبه اعرفووو انا مايختفي الا في المصايب الله يستر بس*
انس : الا على سيرة المغلق ومايرد عندك شاحن ايفون؟*
ياسر : ايوا اهو ليش؟ غيرت جوالك؟*
انس : غيرررت ميين لاياشيخ*
مد يدو وطلع الجوال وشحنو*
ياسر مستغرب : اجل جوال مين ذا ؟
انس : وحدة*
ياسر مفجوع : جوال وحدددة؟؟؟*
انس : اشبك اشبك اكلتني ايوا وحده اعطتني اياه*
ياسر طالع في انس : انس مو عليا ذي الحركات جوال مين ذا وكيف صار معاك؟*
انس : اعوذ بالله مافي شي يتخبى عليك*
ياسر : انت اللي ماتعرف تخبي من شكلك اصلا مبين انو معاك مصييه*
انس : في بنات جامعه يشتغلو في المركز مشاريع وكذا يعني مصممات ديكور وذي الشغلات وينفذو اعمالهم عندنا وفي بنت اخذت غرفتي وتصمم فيها بس طبعا وقت مانخرج احنا هما يدخلو يشتغلو بس اليوم الصباح اتاخرت عن الجامعه ولما خرجت من الحمام لقيت شنتطتها محطوطه على الطاوله واخذت الجوال وخرجت قبل ماتجي*
ياسر يسمع وكل شويه ينفجع اكثر : ياسلام وتاخذ جوالها كذا ؟؟؟ سرقه؟*
انس: سرقه ايش ياعمي انا بس اخذتو لاني مالقيت شي ثمين اخذو*
ياسر : وليش تاخذ اصلاااا مين ذي البنت عشان تاخذ منها*
انس:بيني وبينك البنت دخلت مزاجي بس مو مرررة يعني عاجبني اخلاصها في الشغل واندماجها بس مرة قلتلها بشتغل معاك او اساعدك بس رفضت واستصغرتني فحبيت اردلها اياها وبس*
ياسر: وكيف حتردها؟*
انس : تسالني انا ؟؟؟ انا جايبك ليش ؟ اصلا ما اعرف كيف استخدمو ذا الجوال*
ياسر جنب سيارتو*
ومسك الجوال ولما شحن انفتح*
ياسر ماسك الجوال ويطالع : من جدك انت ايش جوال الهبل ذا ايش تبغا فيه اصلا عندك ميه طريقه وطريقه*
انس : اقلك شوف شوف وبس*
ياسر : اصبر خلينا نشوف اللي جاها والله البرامج ضاربه عندها تويتر واتس كيك ودنياا*
فتح الكيك*
يطالع في المحادثات مالقى شي*
فتح التوبتر*
لالا ايش ذا( دكتوري احمد )
بالله شوف ايش الكلام والدنيا*
انس : ايووووووا هذا دكتورها في الجامعه شفتو اول يوم لهم والله شكلهم وراهم شي ذولا*
ياسر يقرا: بس والله محترمين باين مرررة*
انس : انت ايش دراك يمكن بينهم اشياء غير ذا*
ياسر يقرا ومندمج : اقلك انت شفتو بعد ذا اليوم ؟*
انس ؛ لا ليش؟*
ياسر : باين انو سابها وراح اشتغل في مكان ثاني*
انس : اووف*
ياسر خرج وفتح الواتس : اايييهي عاد ذا الكلام فيه مايخلص بالله ايش تبغا منو*
انس: انت مالك صلاح ورينا وبعدين يصير خير*
ياسر يفتح المحادثات : والله امها ترا قالبه عليها عشان الجوال شكلها مهي داريه انو ضيعتو*
انس يضحك : طيب اللي بعدو*
ياسر فتح بدور : والله مدري مين ذي بدور بس تقول مستنيتها واتاخرت شكلها اليوم رايحه عندها*
انس : طيب ؟ ايش حستفيد من ذا ذحين ؟*
ياسر يقلب : انا ادري عنك*
فتح المحادثة : ربا يالله ياكثر الناس اللي تلاقيهم في جوالات البنات المهم هذي تقول شوفي صور
وقف كلامو لما شاف الصورة بعد الجوال من بينهم وجلس يطالع ومفجوع*
انس : هييي انت اشبك كمل واشبك اخذت الجوال ؟*
ياسر متنح ومستغغغررب : اسمها ربااا*
انس يطالع فيه : ربا مين مارررريا اسمها ماريا*
ياسر طالع فيه : هاا ؟*
انس *اتأفف : اقلك جيب جيب الجوال انت مامنك فايدة وييينك يارائد والله محد يخارجني غيرو*
ياسر مسك الجوال بقوه : استنى شويه*
جلس يقرا المحادثة ومو مستوعب من وين تطلعلو ذي من كل مكان

في الطريق ...
مسك جوالو واتصل ..: الوو*

جالس في الصاله بين امو وابوه *مسك الجوال ورد : الو هلا مراد*
مراد : هلا وليد اسمع*
وليد : ايوا ؟*
مراد : ترا رحت الديوانيه والشباب راحو اغلبهم مشغولين ايش رايك نخرج نتعشى برا ؟*
وليد : لا لا مافي داعي تسلم انا كنت حتصل عليك واعتذر منك عندي كم شغله مع الاهل وماحقدر والله*
مراد؛ اهااا لالا عادي خذ راحتك يالله ان شاءالله مرة ثانيه*
وليد: ان شاءالله*
مراد : *طيب يالله مع السلامه *

قفل منو ..
ابو وليد وام وليد في الصاله على الكنبه ووليد مقابلهم*
ابو وليد : ها ياولدي ايش قلت؟*
وليد موطي راسو ومرتبك : والله انتو ايش رايكم ؟*
ابو وليد طل في ام وليد :هذي امك شوفها اناا قلتلك رأيي*
ام وليد انتبهت بعد ماكانت مسرحه : والله ياولدي مدري ايش اقلك بس يعنيي (وطت راسها واترددت في الكلام )
وليد خاف :ايش ؟؟*
ام وليد : يعني ياولدي انت عارف تالا ابوها في الرياض يشتغل وامها في غيبوبه الله اعلم حتصحى ولالا ويعني اخوها وانخطف ويعني والله انا امك وابا مصلحتك اتمنالك البنت اللي يكون عندها اهل ام واب واخوان تحس انك خطبت بنت اهلها حولينها وكذا وبعدين ايش رايك عندي لك كم بنت ماشاءالله جمال واخلاق واهلهم طيبين يعني بنت ناس و
قاطعها ابو وليد :بس يا ام وليد خلينا نسمع رأي وليد اكلتيه بالكلام*
ام وليد : ايش اكلتو انا امو وابا مصلحتو وابالو الشي الكويس*
ابو وليد : طيب اصبري*
طالع في وليد ؛ ها ياولدي ايش رايك في كلام امك*
وليد متنح ومو مستوعب اللي قالتو امو ماكان متوقع انها ترفض : بس يا امي ابوها موجود ايش يعني لو في الرياض وامها يا امي اختك اتفائلي بالخير وادعيلها وان شاء الله تقوم وبالنسبه لاخوها ذي قصه قديمه خلاص نسيناها ومحد عارف يمكن يجي اليوم اللي يلتقي بيهم ويعني ماكنت اتوقع تقولي كذا على بنت اختك احنا اهلها وانا حكون سندها تكفيني هيا مابا اهل ولاشي*
ام وليد: بس ياولدي انا
ابو وليد قاطعها : خلاص يا ام وليد خلي الولد على راحتو الموضوع ماحينحل كذا*
طالع في وليد : اسمع ياولدي انت فكر اليوم وخذ راحتك واستخير وفكر في كلام امك وشوف ايش المناسب وبكرة نتفاهم*
وليد قام مهموم : طيب ان شاءالله ..يالله انا داخل انام*
ام وليد : وليد اشبك اختك مين حيجيبها ؟*
وليد افتكر : طيب ان شاءالله ذحين حروح اجيبهم*
اتوجه للباب وخرج للسيارة*
فتح الباب وجلس ورجع راسو على ورا ويفكر ...
فتح جوالو ويشوف الكلام اللي بينو وبينها وقلبو يوجعو مع كل جمله عمرو ما اتخيل انو في شي يوقف في طريقو*
غمض عيونو وفي قلبو بقهر (يارب )*
رما الجوال جنبو ومشي*

طول الجلسه وهما يطالعو في بعض بحقد*
اتوترت من نظراتها وقامت*
بدور تطالع فيها : اشبك؟*
مروة تطالع في ربا: يالله انا استأذن*
بدور: ليييييش ؟؟ بدري والله ماشبعنا منك*
مروة ابتسمت مجامله ؛ لالا حبيبتي خلاص مرة ثانيه ان شاءالله لازم نمشي*
لمى قاعده بين تالا وبدور طالعت بحزن في امها : ماما مانبا نروح*
مروة اعطتها نظرة : خلاص ياماما قومي*
لمى قامت بحرن*
بدور : ليش خللليها*
ربا تطالع في الارض (في قلبها ) تخلخلت عظام بليسها*
مروة ؛ لالا ماينفع*
ربا (منفعه تنفع بليسك بالنار يارب )*
بدور ماحبت تضغط عليها : طيب خلاص زورينا مرة ثانيه*
مروة؛ ايوا اكيد حبيبتي*
ربا ( حبه تحب بليسك وسلسبيل اهلو )*
مروة سلمت على تالا وماريا*
وقفت قبال ربا ومدت يدها : يالله سلام*
ربا بصوت واطي : الله لايسلم بليسك*
مروة : ايش قلتي ؟*
ربا ابتسمت مجامله ؛ لالا سلامتك قلت بدري لسا*
مروة : بدري من عمرك*
ربا في قلبها ( ان شاء الله عمري اطول من عمرك )*
مروة خرجت ووراها بدور*
مروة تتصل على السواق ... مايرد*
بدور ؛ اشبو السواق مايرد؟؟؟ *
مروة : لالا ولاشي حرسلو رساله اصلا تلاقيه برا انا كلمتو اول*
مروة لبست عبايتها وخرجت*

وقفت *متكتفه وجنبها لمى *
*تحاول كذا مرة تتصل بس مايرد ؛ استغفر الله وينو ذا*
انوار سيارة في حيهم المظلم جات عليهم*
مروة تطالع ؛ اهو شكلو جا*
قربت من السيارة وشهقت*
لمى لما شافتو ابتسمت*
وقف السيارة وخرج منها ...*
لمى جريت عليه : بابااا مرراد*
مراد طالع فيها وابتسم : يااااهلااا والله بلمووو*
حضنها وحملها : وحشتتتيني*
لمى : وانت اكثثثر*
مراد : فين حتروحي ؟ليش ماتجلسي عندنا لسا مالعبت معاك *
لمى طالعت في امها : ماما ماتباني اجلس خلتنا نقوم بسرعه*
مروة متفشللله
مراد طالع في مروة : ليش بدري اشبكم ؟*
مروة ارتبكت ؛ لالا خلاص ذحين جاي السواق*
لمى كلمتو بشويش في اذنو : قلها ابا اجلس عندكم*
مراد طالع في لمى وضحك*
طالع في مروة : طيب خلي لمى تبات عندنا اليوم*
مروة ؛ لالا ايش تبات مافي داعي خلاص حنروح*
مراد : لالا انا حجيبها بكرا لين بيتكم*
مروة ساكته مهي قادرة تقول شي*
مراد : طيب اشبكم واقفين مستنين احد ؟*
مروة : والله مستنيه السواق بس ما ادري اشبو ماجا*
مراد حط لمى في الارض ومسكها من يدها*
فتح باب سيارتو وجلس لمى جنبو وشغل السيارة : يالله انا حوديكم*
مروة انفجعت : لالا السواق جاي ذحين*
مراد بدون مايطالع فيها: اقلك اركبي ماعندنا احد يروح مع سواقيين ذا الوقت*
مروة انبكمت وبعد ثواني اتوجهت للسيارة وركبت بتوتر*
مراد مشي على طول*
مروة : يعني ماكان في داعي خلا
قاطعها مراد : وين عنوان البيت ؟*
مروة انقهرت : في حي ...شارع ....*
بعد ثواني ....*
وصل للشارع*
يطالع يمين يسار : وين اوقف بالضبط ؟؟؟*
مروة اشرت على الفندق : تحت فندق ....
مراد استغرب ووسكت واتوجه للمكان*
وقف سيارتو ...*
مروة : يعطيك العافيه تعبناك معانا*
مراد : لاتعب ولاشي*
مروة : يالله لمى انز
قاطعها مراد : لمى حتبات عندنا*
مروة نزات بدون ماتتكلم*
وقف السيارة ونزل*
يطالع من بعيد ومستغررب ويحارل يستوعب الملامح*
مراد حرك سيارتو ومشي*
طالعت في العمارة ولفت على الفندق طالعه*
اتوجهلها لاشعوريا : مروة*
مروة لفت بسرعه *وغيرت ملامحها للجديه ؛ نعم ؟*
ياسر : مين ذا اللي نازله من سيارتو وبنتك ليش معاه ؟*
مروة فتحت عينها : وانت ايش دخلك بصفتتتك مين تسال ؟؟؟؟؟؟*
ياسر عصب : ردي عليا احسلك*
مروة : لا والله تعال اعطيني كف احسن*
ياسر طالع فيها واتنهد : مروة مين اللي كنتي معاه ؟*
مروة. ساكته ....
ياسر : منتي طالعه لين اعرف*
مروة : لا والله ايش رايك احكيك يومي ايش سويت فيه وايش اكلت ومع مين اتكلمت ،؟*
ياسر قرب منها*
مروة رجعت على ورا بخوف : لو سمحت اوقف بعيد*
ياسر : اذا ما اتكلمتي والله ماحبعد*
مروة : مع نفسك*
ياسر قرب اكثر*
مروة ترجع على وراها : خلااااص خليك مكاانك*
ياسر : مين ذا ؟*
مروة : زوج صحبتي*
ياسر : وزوج صحبتك تخلي بنتك تروح معاه ذا الوقت وكمان ترجعي معاه لحالك ؟*
مروة *رفعت صوتها ؛ انكتم موو شغلك قله حيا
خلصت كلامها علي كف تبعتو صرختها .....*
ياسر اعصابو فلتتت ويتنفس بسرعه*
مروة ماسكه مكان الكف والدموع في عينها ؛خلاص كذا اخذت حقك ؟؟؟؟ ارتحت كذا ؟ تباني اريحك اكثر ؟ اقلك مين ذا ؟؟؟؟ هذا حبيبي ياياسر حبيبي*
اعطتو ظهرها ومشيت بسرعه طلعت الفندق وسابتو وراها واقف وكل اللي يدور في بالو (حبيبي ....حبيبي....)*
*

جالسه في الصاله وصوت ضحكهم مالي البيت*
ماريا متحمسه : بنات اتخيلو امي كانت تكلم تلفون ومتوترة*
خرجت اشرب مويه ولما شفت وجهها الا والا اعرف اشبها*
المهم طال عمركم رايحه جايه مترت الصاله مابقي بلاطه ماعديتها*
وامي وجهها كل مالو يصير احمر وفيها ضحك *: ان شاءالله اكيد انا حكلمها واشوف رايها وحردلك خبر*
والله من ساعه ماسمعت ذي الجمله وانا خلاص افكر ايش حفصل موديل فستاني وايش اختار لون مسكتي*
المهم امي قفلت السماعه ونادتني*
انا هنا نطيت عندها وجلست*
امي تطالع فيا وتضحك : اسمعي هذي ام عادل اتصلت*
انا هناااا قلبي طاح : طيب؟*
امي : لا بس اتصلت تخطب*
انا عاد لساني سبقني : موافقه*
امي فتحت عيونها : ايش موااافقه ؟*
انا انبكمت ؛ لايعني اقصد ايش السالفه ؟*
امي سلكتلي كالعاده: طيب اتصلت تبا ساسي لسواقهم اتخيلي وجلست تضحك*
انا اتحطمت احلامي في لحظه انا قدني افكر اعزم مين وايش القاعه تقلي ساسي*
المهم ساسي اتزوجت وانا اشتغلت بدالها*
ماريا تطالع فيهم والكل ساكت*
حطت يدها عند رقبتها : طيب اجبرو خاطري واضحكو*
ربا تطالع في ماريا بحزن: اسمعي ماريا ترا*
ماتضحكي
ماريا : ربا جبهتي الله يحفظك مو قدام الناس *
*ربا تطبطب على ظهرها : عادي حبيبي من يومك ماعندك كرامه*
ماريا : خفيييييي علينا ياللي كرامتها محفوظه ومصانه*
ربا : ايوا طبعا*
ماريا ؛ وبخصوص اللي صار في بيتكم اليوم ؟*
ربا جوال يرن *اخذت الجوال : ايوا وليد*
وليد صوتو لايحسد عليه : انا تحت*
ربا انفجعت من الصوت : طيب طيب ذحين نازلين*
وقفت : يالله تالا وليد تحت*
تالا وقفت : طيب يالله نشوفكم على خير*
ماريا : هييي وانا مين حيرجعني*
ربا : انت اول شي دوري كرامتك بعدين تعالي اتكلمي *
ربا لبست عبايتها وجرررريت على الباب*
تالا لبست عبايتها ولحقتها*
دخلو السيارة*
ربا تضحك : الله يستر بتذبحني شكلها*
تالا تضحك : حرام عليك ماخليتيها في حالها*
وليد في عالم ثاني كل اللي يسمعو صوتها وصوت ضحكتها*
بعد دقايق*
ربا تطالع في وليد : اشبك ساكت ؟*
وليد : ايش تبيني اقول ؟*
ربا وتالا استغربو : لا يعني استغربت سكوتك اشبك في شي ؟*
وليد مايطالع فيهم : لا مافي شي*
ربا حست انو موطبيعي سكتت*
تالا بدات تقلق وتخاف اول مرة تشوفو كذا ماجا في بالها شي تموت وتعرف اشبو*
بعد دقايق وصلو للبيت*
وقف السيارة*
تالا نزلت*
ربا بتفتح الباب ...وليد بقهر : امي ماوافقت*
ربا سابت الباب ودارت عليه بشويش طالعت فيه : على ايش؟*
وليد : تالا
رباا صنمت : كيف ماوافقت ؟*
وليد ضرب بقوة على البوري*
ربا بعدت يدو بسرعه : اشبك يااااهو فضحتنا*
وليد سااااكت*
ربا : طيب فهمني ليش ماوافقت ؟*
وليد مد يدو لباب ربا وفتحو *: اخرجي*
ربا مصنمه : هاا؟*
وليد بحزم : ربا اخرررجي*
ربا : *طيب فين رايح ؟*
وليد : مو شغلك*
ربا خرجت وعبايتها طارت من سرعه وليد*
واقفه تطالع فيه وقلبها يوجعها : الله يستر*

الغرفه باااااردة*
نايم على الكرسي بتعب*
حاطه يدينها على طرف السرير ونايمه*
الهدووء مالي المكان*
صوت جهاز القلب الصوت الوحيد ..
عيون تنفتح باقل من مهلها ... ترمش بشويش وبتعب*
اصابعها تحاول تحركهم بشويش*
لحظات مرت وعيونها تدور في المكان*
بعد ثواني ....
بلعت ريقها وفتحت فمها بشويش صوت كلو تعب : انا ... وين ؟؟؟*
رفعت يدها بشويش وتطالع فيها وتحرك اصابعها*
تطالع في المكان وجات عينها على المنزله راسها على السرير*
تفتح عيونها بشويش وتحاول تتكلم : انتي...*
انتي مين ؟؟؟*
حركت رجلها اليسار : اااه*
رجولها متأثرة بالحادث والعمليات*
فتح عيونو على صوت المها : يطالع فيها مستغرب : ريم اشبك ؟*
دارت عيونها عليه وتحاول تفتحها : مين انت؟؟ وين انا ؟؟*
قبل لاتروح عينو على مكان الصوت نبضات قلبو وقفت من الخووف ...
بعد لحظه استيعاب عيونو جات عليها وانصدم: تالييييييين؟؟؟؟؟؟*
قامت بسرعه وتدور راسها يمين يسار : ايش في ايش في؟؟؟*
يطالع في تالين ومو عارف يوصف ولا يتكلم : تالين ؟؟؟*
دارت عيونها عليها ووقفت بصدمه :تااااااااااالين ؟؟؟؟؟؟؟؟؟؟؟؟؟؟؟*
(انتهى البارت الخامس عشر )

18 - 12 - 2024, 12:52 PM

البارت السادس عشر
تحاول تجلس بس مهي قادرة تغمض عيونها وتفتحها تبا تقوم من ذا الحلم :وين انااااا*
تحس. بالم ومهي قادرة تتكلم جسمها وراسها يوجعوها (بدات تبكي) : وين اناا*
حضنتها من قلبها وبكيت معاها : ياقللبي انتي واخيررررا اللهم لك الحمد الحمد الله الحمد الله*
بعدت عن حضنها وطالعت فيها مسحت بيدينها دموعها ؛ لاتبكي ياتالين لاتبكي انا معاك*
تالين بتعب ؛ريم تعباانه جسمي يوجعني وين اامي ؟؟*
يطالع فيها مصنم صوتها ذكرو بمقاومتها مرت فترة وبدأ يتناسى بس ذحين تتكلم قدامو وصوتها تعب قلبو*
تالين تبكي بالم : انا وين ياريم وين ؟*
ريم: ياقلب ريم انتي في المستشفى لاتخافي ذحين اناديلك الدكتور ويروح الالم كلو انتي هددي بس
طالعت في رائد واشرتلو*
رائد استوعب وفاق من تتنيحو وراح بسرعه*
تالين تحاول تحرك جسمها بس الالم مانعها :ايش جابني هنا انا ايييش صارلي ؟ وين اميي ؟*
دخل الدكتور بسرعه ومعاه ممرضتين*
ريم بعدت ودارت على السرير وجلست يسار تالين وماسكه يدها الدكتور يمين تالين ويفحصها
*رائد واقف عند الباب ويطالع من بعيد

تالين تطالع فيه مفجوعه : مين هذا ؟*
ريم : الدكتور لاتخافي ذحين حيروح الالم*
الدكتور مو قادر يكلمها ماحتفهمو
الدكتور اتطمن عليها*
اتوجه لرائد وفهمو وضعها بعد ماخرجو من الغرفه*
الممرضتين خرجو بعد ماسجلو الملاحظات وكل شي*
تالين تعبت من البكاا : ريم ابا ارجع انا وين ياريم حرام عليك ارحميني*
ريم تعبت معاها : تالين الله يخليك هدي انا كيف حفهمك كل شي وانتي كذا انتي هدي وانا حفهمك كل شي وليش انتي في المستشفى وليش بتتالمي وايش صارلك*
تالين تحاول تاخذ نفس*
ريم : ايوا هدي حرام عليك تتعبي نفسك زيادة احنا ماصدقنا تقومي بالسلامه*
تالين :ريم ارحميني الله يخليك وقوليلي انا وين ؟*
ريم ماسكه يد تالين ويدها الثانيه على راسها : اسمعيني ياقلبي انتي ايش اخر شي تتذكريه ؟*
تالين : ما ادررري ما اتذكر شي خلاص ولا ابا افكر بسرعه اتكلمي*
ريم : طيب حاضر من عيوني بتكلم ذحين بس هدي انتي*
تالين تطالع في ريم مستنيه الكلام*
ريم اخذت نفس:انتي اخر شي تحطي لين الحديقه اللي في شاليه رائد*
تالين :مين رائد ؟*
ريم : المهم انتي اسمعيني
هوا حاول يئذيك بس انتي الله يهديك مالقيتي الا تنطي من الشباك وتنطي للحديقه بس الحمد الله انك ذحين بخير حصلك نزيف وعامودك الفقري تأذى ويدك انكسرت وجروح ورضوض ودنيااا وحوسه صارتلك ....
ريم تتكلم وتشرح وتالين تسمع وتحاول تتذكر*
ريم تكمل كلامها : رائد شالك ووداك المستشفى في جده واتصل عليا وفهمني كل شي وجلستي يمكن يومين او ثلاثة ما ادري المهم انو الدكتورطلب نقلك لالمانيا ونقلناك*
تالين مفجوعه : المااانيا؟ انا في المانيا؟؟؟*
ريم : ايوا ياقلبي في المانيا*
تالين ؛ امي فين ؟ ومحمد فين ؟ ابويا داري؟*
ريم بلعت ريقها : شوفي انتي اللي صارلك مو شويه وماقدرنا نقول لامك بس محمد عارف وابوك في سفرو ولسا مطول ولا قلنالو*
طبعا
تالين تحس راسها يعورها*
عيونها بدات تغمض وبدا مفعول المهدي*
ريم وقفت كلامها ويدها تمررها على يد تالين وراسها لين اخذتها عينها*
بعدت بشويش من فوق السرير*
تطالع في الغرفه مو موجود*
خرجت برا الغرفه ....
جالس على الكنبه ويفكر مو مع احد ابداا*
اتوجهتلو وجلست قبالو : رائد*
رائد رفع راسو بفجعه : هاا؟*
ريم مستغربه : اشبك بسم الله ؟*
رائد : لالا ولاشي ...ذحين كيفها هديت؟*
ريم : ايوا الحمد الله نامت*
رائد سكت يفكر فيها*
ريم : طيب انا كيف اتصل على محمد ذحين كذا مكامله منو ولارديت ولاطمنتو واكيد حيقلي بكلمها وانا لسا مافهمتها شي*
رائد مسررح ....
ريم : هيييي اكلمك انا*
رائد انتبه ؛ هاا ايوا معاك*
ريم طفشت : ايوا باين مررة*
قامت وبعدت عن المكان واتصلت*

جالس في الصاله على الارض وفاتح كم كتاب ويقرأ*
مسك الجوال ورد بسرعه : الو وبينك انتي؟*
ريم متوترة : محمد الحمد الله نجحت العمليه نجحت*
محمد نط بقوة وقام للكنب وسلم على يد امو*
امو ماسكه السبحه وتذكر ربها وانفجعت من تصرفوا*
محمد : طيب وقامت ؟*
ريم : ايوا قامت الحمد الله بس كانت مفجوعه ومهي مستوعبه شي ابدا وحاولت افهمها شويه من اللي صارلها بس قبل كذا اعطاها الدكتور مهدي ونامت*
محمد مبتسم : الحمد الله الحمد الله*
قام ودخل غرفتو :ريم انتبهيلها ياريم الله يخلليك ويارب يبلغنا وترجعولنا بالسلامه*
ريم :امين يارب*
محمد : ريم*
ريم : نعم ؟*
محمد :الله لايحرمني منك*
ريم صنمت ولاردت*
محمد:انا اسف كنت معاك سييئ في الفترة اللي راحت سامحيني بس ماكنت مستوعب شي ابدا*
ريم ابتسمت : لاعادي عذرك معاك وماتنلام اي احد كان حيسوي زيك*
محمد : طيب انتبهي على نفسك*
ريم قلبها يدق مع الكلام : امم ان شاءالله*
محمد : يالله مع السلامه*
ريم : مع السلامه*
قفلت الجوال ومسكتو بقوة وخوف*
رجعت لرائد وجلست ومسرحه*
رائد ؛ ها كلمتي محمد ؟*
ريم ماردت*
رائد مستغرب : هيبي اكلمك انا يامسرحه *
ريم : ياشيخ روح حبكت عليا انا ما اسرح
رائد : بسم الله وانا قلتلك شي لاياشيخه ماصدقت اسلوبك اتعدل*
ربم : هي انت لايكون على بالك سامحتك لا طبعاااااا*
رائد وقف ؛ اقلك انا رايح الفندق سلام*
مشي وسابها في تفكيرها ومقهور بالمرة *
*
**في جده*

تلبس عبايتها باستعجال: بدور الله يخليك ابغاه*
بدور :طيب يابنت الحلال اصبري لين يجي اخوك وقوليلو انا مالي صلاح*
ماريا :طيب اتصلي عليه*
بدور تتأفف :طيب حاااااضر حتصل*
مسكت جوالها ودقت عليه .....

في الطريق*
يطالع فيها وهي نايمه بكل براءه وباين انها تعبانه*
جوالو يدق ...
اخذ الجوال ورد :الو
بدور : هلا مراد كيفك ؟*
ماريا تدقها بطفش :بسرررعه قوليلو بعدين اسالي عليه*
بدور فتحت عيونها باستغراب : اسمع ماريا اختك رايحه ذحين بس تبا ايبادك ضروري*
مراد : ليش ؟*
بدور : ما ادري عنها*
مراد : طيب خليها تاخذو بس قوليلها شويه شويه عليه بلاعفاشه*
بدور تضحك : طيب يالله مع السلامه*
مراد : مع السلامه
قفلت الجوال : خلاص قال خذيه بس بدون عفاشه هوا قال مالي صلاح انا*
ماريا اخذتو وبدون اهتمام : اسري بالله انتي وياه خليتلكم الرقه*
خرجت جري*
في السيارة ....
غيرت كل الحسابات وخلتهم بحسابها ....
مترددة ترسل ولالا*
فتحت المحادثة : انا اسفه على الازعاج واني كتبت في وقت متاخر بس حبيت اقلك اني اخذت جهاز اخويا ودخلت منو فيعني انا موجودة للضرورة واكرر اسفي على الازعاج ....
ماسك كاسه العصير ويشرب بروقان ....
بعد دقايق طلع غرفتو*
انسدح على سريرو ومسك الجوال بطفش ...
عدل جلستو بسررعه لما شاف رسالتها*
يقرأ.وابتسم نفسو يكلمها مايبا يرسل كلمتين وخلاص*
يفكر وييفكر .....:ياربي كيف اخليها تكلمني*
بجرب كذا وبشوف ايش يصير*
ارسلها : ماريا ...
ماريا ماصدقت تجيها رساله ارسلت :نعم ؟*
احمد : انا تعباان ....
ماريا عيونها شويه وتدخل وسط الشاشه مفجوعه : سلاااامتك اشبك ؟ ايش في ؟ ايش تحس؟*
احمد مبتسم على الاخررر: ما ادري بس احس في شي يوجعني*
ماريا متفاعله مع الموضوع بجديه : طيب ايش هوا ؟؟؟؟*
احمد : يعني ساعات احس بالم في قلبي وكذا*
ماريا انفجعت اكثر : قوم قوووم*
احمد مستغرب : ايش قوم ؟ فين اروح ؟*
ماريا : الدكتووووور*
احمد : اي دكتور وذحين ؟؟؟؟ لالا مافي داعي*
ماريا : اي مافي داعي طوااارئ طيب روح قيس الضغط سوي اي شي مايصير تجلس كذا*
احمد : لالا مابا بس في شي يمكن يخفف عليا*
ماريا ارسلت بسرعه : اييييييش؟؟؟؟؟؟*
احمد مبتسم : انت*
ماريا تطالع في الشاشه وعينها مارمشت :هاا؟*
احمد يضحك : اشبك ؟*
ماريا مهي مستوعبه *: كيف يعني انا؟*
احمد : يعني خليك معايا ما ادري بس احس براحه ماتتخيلها لما اكلمك اصلا احسك صرتي جزء مهم في يومي يمكن عشان انا مالي احد*
ماريا بيغمى عليها*
السواق وجنبو الشغاله : مدام اعطيني منديل من ورا*
ماريا متنحه ماسكه الجهاز ورافعه راسها : ياشيخ اصيرلك مناديل*
االسواق : نعم ماما ؟*
ماريا مسكت المناديل : خذ*
السواق اخذو بخوف من شكلها المبتسم والمتنح*
ارسلتلو : انا مني عارفه ايش اقول....
احمد خاف : انا اسف والله ياماريا ماكنت اقصد بس شكلو التعبير خانني انا اسف سامحيني اتعديت الحدود*
ماريا مستغربه ؛ لالا مو قصدي كذا قصدي انو مني عارفه ايش ارد عليك اعجابا بكلامك يعني انا ما اتمنى ارفضلك طلب بس يعني تعرف احنا اتكلمنا على قصه تواصلنا وقلنا للضرورة بس*
احمد : طيب اعتبريه للضرورة انا تعبان ومحتاجك ياماريا ...*
ماريا قلبها طاااح : طيب ما ادري يعني*
احمد : طيب بس فترة بسيطه لين اتحسن*
ماريا : خلاص طيب*
احمد بيطير من الفرح : الله لايحرمني منك*
ماريا لو احد اداها كف ماحتحس فيه :ارسلت فيس خجلان وسكرت ....

يمشي في الشوارع ومو عارف فين يروح*
يلف ويمشي مو حاس بنفسو بس يفكر (في قلبو) : يارب يارب ساعدني يارب يارب اجعلها من نصيبي*

جالسه على سريرها متوترة وخاايفه ارسلتلو : اشبك؟*
مارد*
اضطرت تتصل وهيا خاايفه *
جوالووو يرن ويرن*
بالقوه طالع في الجوال ولما شاف الاسم غمض عيونووو بقوة*
اعطاها مشغول وارسلها : مافيني شي انا راجع ذحين البيت*
اتصلت عليه مرة ثانيه*
اضطر يرد :الو*
تالا متوترة : تكذب على مين؟*
وليد بطفش:ايش تبي ياتالا؟*
تالا انفجعت من ردو وصوتو :ايش؟ايش قلت؟*
وليد :استغفر الله العظيم واتوب اليه*
تالا اتحطمت على الااخر:مابا شي منك اصلا انا وحدة فاضيه ادق واسال سلااااام*
وليد قفل بدون مايرد*
تالا دموعها نزلت من القهر :انا ايش سويتلو ؟؟؟ والله حرررام*
انسدحت على سريرها واتغطت ودموعها تنزل ولاوقفت .....
(انطق الهم لساني رغما عني....*
وذرفت عيناها رغما عنها ....
فالقدر يقلب الموازين ويرغمنا على فعل مالانريد )

في الصباح*
لبس ملابسو واترتب وخرج من بيتو*
طلع سيارتو وقفل الباب*
مسك جوالو وهوا مبتسم :صباح الخير*
شغل السيارة ومشي ...

نايمه ومهي داريه عن شي*
صوت الباب يندق :ماريا قووومي جامعه قوميي*
ماريا بتعب فتحت عين وعين مغمضه : طيب يا امي بس شويه*
ام مراد فتحت الباب *وسحبت اللحاف : قووووومي قالت شويه لعبه هيا*
ماريا قامت مفجوعه : امي لااااا الله يخليك الا سحبه اللحاف ترا كرامتي كلها في سحبتك ذي*
ام مراد : ذحين بتقومي ولا اكب كاسه مويه*
ماريا قامت وتتثاوب : طييب*
تمشي بشويش*
ام مراد خرجت*
رجعت بسرررعه ومسكت جوالها تشوف اذا ارسل*
ابتسمت وارسلت :صباح النور*

يسوق ومرووق سمع صوت جوالو وفتحو : ياهلاا*
ماريا مبتسمه : هلا فيك هاطمني كيفك ذحين احسن ؟*
احمد بكذب : والله يعني لابأس يعني هوا اكيد بوجودك تمام بس مو مرة*
ماريا : اها يعني خلاص وجودي زي عدمو*
احمد : لااااااا طببعا استهبل معاك اكيد تمام افا عليك*
ماريا : طيب انا استأذن ورايا جامعه يادكتوي سابقا*
احمد افتكر : ليت الزمان يعود يوما*
ماريا ضحكت وقفلت*
مبتسم ومرتاح قفل الجوال ووقف سيارتو تحت باب الشركه ونزل وكالعاده في من يوقفها بدالو*
داخل الشركه مبتسم*
طلع المكتب ودخل*
على فتحت الباب انفجعت وسابت الاوراق اللي في يدها*
احمد مستغرب : صباح الخير !
السكرتيرة بتوتر : صباح النور ياهلا استاذ احمد*
احمد : افضل دكتور احمد*
السكرتيرة : حاضر يادكتور احمد*
دخل المكتب وجلس على الكرسي ...
اخذ نفس : يارب ساعدني تعبت من ذا الشغل الممل*
بعد دقايق من تقليب الورق والملفات*
يشرب قهوتو ويسمع اصوات وازعاج*
استغرب : ايش ذا ايش في بسم الله ؟*
الاصوات بدات تعلى ...
قام من مكتبو وخرج يدور للسكرتيرة مهي موجودة استغرب اكثر :وينها هذذي*
مسك قبضه الباب يبا يفتح يخرج يشوف ايش صاير*
سبقو وفتح الباب ...*
احمد انفجع ورجع على ورا :بسم الله*
الرجال : انت احمد ؟ صاحب الشركه ؟؟؟*
احمد اتوتر : ايوا نعم ايش في؟ ومين انت ؟*
الرجال بحزم : اتفضل معانا للقسم تعرف ايش في*
احمد انفجع ومو مستوعب الكلمه اللي قالها : ايش قسم ايش في ايش صاير فهمتي بس؟*
الرجال : لو سمحت اتفضل معانا في بلاغ جاينا عليكم بتهمه النصب واحتيال وغش واصلا شركتكم غير قانونيه نهائيا*
احمد مو فاهم شي ومو حاس بنفسو قلبو وجعو من الصدمه مشي بهدوء ووراه الرجال
ومستينيهم جماعه رجال عند الباب*
احمد يمشي ومو عارف فين رايح ولا ايش صاير*
دخلوه السيارة ومسكو كبار المسؤلين في الشركه وحققوا مع الموظفين الباقيين*
واحمد وكبار المسؤلين اتوجهوا للقسم ....
في الطريق*
تطالع في السيارات بطفش وتتأفف: يارررربي ارحمني الدوام بدأ وشغلي واقف متى بالله حبدأ واخلص اليوم الشغل مرررة زايد*
السواق نزل من السيارة يشوف السيارات ليش واقفه
طالع ورجع للسيارة : مدام هذا في سيارات شرطه كثير يمكن في حادث*
ماريا بطفش : طيب طيب الله يصبرني يارب*

مرت سيارات الشرطه من تحت المركز ...
يطالع في المركز وقلبو يوجعو لما شاف اسم المركز كل اللي يرددو : يارب الله يستر*

بعد دقايق وصلت *نزلت من السيارة : خلاص لما اخلص شغل حتصل عليك*
السواق : طيب مدام*
ماريا دخلت المركز مبتسمه مسكت جوالها : اتمنى تبدأ دوامك وانت مبسوط ومرتاح انا بصراحه مروقه رغم الزحنه اللي كانت في الطريق اتمنى من قلبي تجي وتشوف انجازاتنا*
كلنا في انتظارك يادكتوري 3>*
ابتسمت وقفلت الجوال قلبها يدق من الفرح تحس في احد يشجعها تكمل يومها مبسوطة ومرتاحه .....
وقفت السيارات ونزلوهم*
ملامح وجهو مختفيه وجاامدة*
طلع بكل هدوء وخطواتو تستمع في الممرات والدرج والخوف والقلق مملي قلبو*
الرجال : استنى هنا دقايق*
جلس على الكرسي وبجنبو رجالين واقفين*
دق الباب*
الضابط: ادخل*
الرجال : وصل احمد*
الضابط : دخلوه*
الرجال : حاضر*
نزل من الغرفه : قوم ادخل*
احمد وقف واتوجه للغرفه ودخل بخوف : السلام عليكم*
الضابط : وعليكم السلام*
اشرلو على الكرسي : اجلس*
احمد جلس ويطالع في اللي قدامو ومستغرب :لو سمحت ممكن تفهموني ايش في انا مني فاهم شي فجاه سحبتوني وايش من نصب واحتيال انا اساسا مالي الا فترة بسيطه في الشركه*
يطالع فيه بحقد : حسبي الله ونعم الوكيل فيك مين انت وايش دخلك فيا انا ايش سويتلك*
الضابط يهديه : اهدى يا ابو رائد اهدى*
احمد طالع بسرعه في اللي جالس قدامو وكل. علامات الدهشه في وجهو : عميييي؟؟؟؟*
(انتهى البارت السادس عشر )*

18 - 12 - 2024, 12:54 PM

البارت السابع عشر*
يطالع فيه بعصبيه : عمممممك في عينك يالظالم حرام عليك حرراااام انت مين عشان تورطني معاك انا لاوقعت ذا العقد معاك ولا اعرفك*
احمد يطالع في عمو نفسو يشوف احد من اهلو بس مو في هذا الموقف
ابو رائد وقف وماسك في طرفين الكرسي : اسمع والله ثم والله اذا ماتقول للضابط عن كل شي وتعترف انو مالي علاقه فيك ولا اعرف ماتلوم الا نفسك*
يتكلم ويسكت يتنفس ويرجع يكمل كلامو*
الضابط : يا ابو رائد هدي حنتفاهم على كل شي بس مو زي كذا*
احمد واقف ومو عارف يتكلم يسمع لعمو بس وقلبو محروق : انا*
قاطعو ابو رائد : انت ايش؟ انت مجرم ياشيخ ماتخاف ربك نصب واحتيال ومدخلني شراكه*
احمد رفع صوتو :ياعمي هددي انا مالي
ابو رائد قاطعو بعصبيه : انا مني عمك ولا اعرفك*
حسبي الله ونعم الوكيل فيك حسبي الله ونعم الوكيل*
طاح على الكرسي بقوه ويحاول يفتح ازارير ثوبو حااس النفس انقطع عنو :موويه ادينني مويه*
احمد مسكو بسرعه*
ابو رائد يبعد يد احمد عنو بالقوه واحمد يرجعها *
الضابط يناددي العساكر يساعدوه*
بعد دقايق نقلوه المستشفى مع العساكر*

الضابط ماسك الجوال : ها وصلتو ؟*
الشرطي : ايوا نعم وصلنا وذحين الدكتور عندو
الضابط : خلاص ما اوصيك على الحراسه والزيارات ممنوعه وبكرة ان شاءالله لو اتحسن حنكمل تحقيق*
الشرطي : ان شاءالله*
الضابط قفل الجوال ودخل مكتبو وجلس على الكرسي : ايوا قلي بالتفصيل انت متئ اتعينت وايش صار بالتفصيل*
احمد مسرح ومتشتت مو فاهم شي : والله العظيم انا مني فاهم شي انت فهمني قلي انتو جايبيني هنا ليه ؟*
الضابط : في عده بلاغات على شركتكم ولما بحثنا في الصفقات والمبيعات واغلب المستندات تدل على انكم من اكبر النصابين*
احمد انفعل : نصابين مين حرام عليك*
اصبر اصبر انا بحكيك ( يتكلم ويداتو تشررح من القها والخوف )ذحين انا كنت دكتور في هندسه الديكور في جامعه .... الحمد الله احب شغلي وماشي تمام جا ابويا قلي عندي لك شركه اباك تكون مديرها منها تأمن مستقبلك وتستفيد ويعني تجاره خاصه وانا ما احب شغل الشركات ولا اعرف فيه بس اصر عليا هوا وعمي وبعدين وافقت*
الضابط يسمع ومندمج واحمد يشرح من قلبو
الضابط :طيب وبعدين؟؟*
احمد : بعدين وقعت العقد وكان فيه اسم عمي ابو رائد وانا استغربت قلتلهم ليه شراكه معايا ؟ قالو عشان الحلال الاكبر له وباسمو مدري ايش المهم انا مني فاهم شي وقعت وبدات اشتغل وكانت في سكرتيرة علمتني على الشغل يوم بعد يوم بس ماصارلي الا اسبوعين يمكن او اقلللل من اشتغلت وذحين فجاه ساحبيني وتقولولي نصب ومااعرف ايش*
الضابط مو مصدق: لا والله ؟ عمك ها ؟ ومن متى العم مايعرف ولد اخوه ؟*
احمد : اصلا اول مرة يشوفني وهذا قصه ثانيه*
الضابط : اسمع انت اليوم حنحتجزك عندنا هنا ووبنكمل تحقيق وبنسمع الطرف الثاني*
الضابط ينادي : ياعسكررري*
العسكري فتح الباب*
الضابط : خذه معاك وبكرة بنكمل تحقيق*
احمد قام والهم مالي قلبو مو عارف ايش يسوي*
يمشي بخطوات ثقيله ...انقفل الباب عليه*
ماسك الباب بقووة من القهر*
رجع على ورا بيأس وجلس على الارض وراسو يضربو في الجدار :ياررب يارب

تصحيها : قومييي هيييي وقت متاخر مرررة
مافي فايدة النوم كابس عليها سهرانه طول الليل*
رجعت تصحيها : ياربي منك قوووووومي خلاص يكفي نوم*
فتحت عيونها بشويش؛حرام علليك والله مانمت الا الساعه 7 الصباح*
ربا انفجعت : اووف ليش؟*
تالا بتعب وقهر اتنهدت : ماجاني نوم*
ربا طالعت فيها بطفش: احلفيييي*
تاالا مهي طايقه احد: ربا بالله قفلي النور واطلعي*
ربا مفجوعه : لا والله والجامعه ياقلبي انتي؟؟؟؟؟؟؟*
تالا بكل برود : مني رايحه*
ربا : ياسلاام على كيفك هوا*
تالا ماردت وغطت وجهها باللحاف*
ربا جلست عند راس تالا :تالا اشبك ؟*
تالا :......
ربا طفشت: تالا هي بالله اشبك تعبانه ولا احد سوالك شي؟*
تالا :ربا مافياشي*
ربا : تالا تضحكي علي مين انتي؟*
تالا عصبت وجلست بقوه : ايش اضحك على مين خلاااااص قلتلك مافيا شي غصب يكون فيا شي انقلعي وقفلي النور والباب ولا والله مايصير طيب*
ربا تنحت واتصلبت مكانها مافي اي ملامح*
قامت بهدوء من مكانها واخذت شنطتها وقفلت النور وخرجت*
تالا حست على نفسها حطت يدها على راسها ودموعها نزلت : انا ايش سويت ماتستااهل الادميه ياربي ساعدنيي*
انسدحت وغطت نفسها وبدات تشهق بالبكاء*

خرجت للصاله بدون اي ملامح ومزاجها قلب تماما*
خرجت من غرفتها : ها رايحه؟*
ربا : ايوا*
ام وليد : طيب خلاص وليد نايم ولا يس
قاطعتها : لالا وليد يستناني بره*
ام وليد : اهاا*
ربا اتورطت : ابويا موجود؟*
ام وليد مستغربه : ليش ؟*
ربا : لابس ابا فلوس عشان بشتري كتب للجامعه وحاجات*
ام وليد اتوجهت للمطبخ ؛ ايوا في الغرفه*
ربا جريت على الغرفه ودقت الباب ودخلت*
ماسك جوالو : خلاص ان شاءالله انا حتصرف ...مع السلامه*
جلست على الكنبه : ابويا*
ابو وليد: نعم*
ربا : ابويا بقلك شي بس لاتقول لامي*
ابو وليد استغرب: ايش؟*
ربا : وليد من امس من يوم ماجابنا من عند بدور مارجع للبيت*
ابو وليد انفجع : كيييف؟*
ربا : لاتخاف حيرجع اكيد يعني ماتعرف وليد بس شكلو متضايق كان ما ادري ايش فيه*
ابو وليد فهم ولدو : طيب ذحين مين حيوديكم ؟*
ربا : لا بس انا اباك توديني تاالا تعبانه شويه وماحتروح الجامعه*
ابو وليد : اشبها ؟*
ربا : لاتعب خفيف وكمان ماعندها محاضرات كثير اليوم
ابو وليد : طيب يالله مشينا*
ربا : طيب كيف مابا امي تعرف*
ابو وليد : ولايهمك انا حروح المطبخ اتكلم معاها وانتي اخرجي بسرعه وانا حصرفلها اي عذر وحوديك*
ربا : طيب*
ابو وليد قام واتوجه للمطبخ : ها جاهز الفطور ؟*
ام وليد تكسر البيضه : لا لسا شويه ويجهز*
ابو وليد : ها فكرتي؟*
ام وليد اتأففت : والله مني عارفه ايش اقلك تعبت من التفكير خلاص*
ربا مرت بسرعه*
ابو وليد : طيب انت فكري كمان واستخيري انا خارج مشوار بسيط وراجع*
خرج بسرعه ودخلو السيارة*

وقف السيارة واخذ نفس ونزل*
فتح الباب ودخل*
ماشي بسرعه ومتوجه لغرفتو*
نزلت من المطبخ : ها جيت ؟*
تطالع في وليد باستغراب : ماشاءالله مسرع
*وديت البنات *على بالي ابوك جا*
وليد مو فاهم شي: امم لامافي زحمه*
كمل طريقو*
ام وليد تطالع فيه باستغراب : وليد*
وليد وقف ودار عليها : نعم يا امي*
ام وليد ؛ تعال ياولدي بكلمك*
وليد اتوجه لامو وجلس على الكنبه بتعب*
ام وليد : اشبك كذا حالتك حاله انت مانمت امس؟*
وليد يتكلم بالقوه : لا عادي المهم ايش في يا امي؟*
ام وليد : امم والله مني عارفه ياولدي ايش اقلك بس بصراحه امس قعدت افكر والله ياولدي انت عارفني انا ماحقول شي الا وانا متاكده من اللي اقول بصراحه يعني انا مني مرتاحه انك تاخذ بنت خالتك يعني هيا صح بنت خالتك على عيني وراسي وتربيه وادب بس يارب يعوضها وتاخذ ولد الحلال اللي يسعدها اما انت ياولدي. عندي لك بنت تاخذ العقل صدقني حتبسطك وتنسيك تالا*
وليد بدون اي ملامح وقف : طيب حاضر يا امي اللي تبغينو حيصير*
ام وليد : فين رايح؟*
وليد : رايح انام*
مشي ويبا يوصل لغرفتو بسرعه*
وقفتو غرفتهم طالع فيها ومر بسرعه من قدامها ...
رجع كم خطوة لورا*
صوتها يسمعوا بقلبو : تالا ؟؟؟؟؟*
صوت بكيها وصل لبرا الغرفه وشهقاتها*
فتح الباب بشويش ويطالع من فتحه صغيرة*
*معطيه الباب ظهرها وتبكي*
قفل الباب واتوجه لغرفتو قفل الباب بقوه*
ورمي نفسو علي السرير حط ذراعو على عيونو بقوووه ودموعو نزلت (من القهر مو عارف ليش ماكان يتوقع انو متعلق فيها لذي الدرجه يمكن دموعها حرقت قلبو وصوت بكيها ماقدر يقاومو احساس الفراق وانها حتروح منو احساس ماينوصف تنزل دموعو بصمت يقهر ويحكي عن اللي في قلبو من الم ): اااااه ياتالااا

فتحت عيونها....
تطالع حولينها وبعد ثوواني استوعبت انها ماتحلم :ريييم*
ماسكه الجوال وتطقطق عليه ...
علت صوتها : رريييييم*
ريم انتبهت وسابت الجوال وقامت : نعم امرري*
تالين بعدت جسمها شويه : تعالي اجلسي*
ريم ابتسمت وجلست بسرعه : يااعيونها امري*
تالين : ريم انا كيف جيت هنا ؟*
ريم رمشت بسررعه : امم طيب تبيني اكملك ولا مالك نفس. وتعبانه؟*
تالين : لاريم كملي اصلا حموووت لو مافهمت شي*
ريم بردة فعل سريعه : لابسم الله عليك انا ماصدقت تقومي بالسلامه مت خوووف عليك والله لاليلي نهار ولانهاري ليل والكل سبتو عشانك اهلي جامعتي كل شي*
تالين: طيب فهميني اول انا ليش هنا وليش انا وياك بس هنا*
ريم بدات تحكي تالين القصه من البدايه وتفهمها وتوقف شويتين عشان تستوعب تالين الحكايه .....
ريم ابتسمت : ها ياقلبي فهمتي كل شي ؟؟*
تالين مفجوعه ومهي مستوعبه :يعني هوا واطي فعلا والله ماتتصوري قد ايش شفت الموت(بدات دموعها تنزل) واتعذبت بسببو كنت اموت من الجوع والبكا والتعب وهوا يستغلني ويلعب فيا واتمنيت الموت على اني اجلس معاه او يسوي فيا شي*
ريم تمسح دموعها : ياقلبي انا معاك وفاهمتك وعاذرتك بس في شي واحد مني مأيدتك يعني مهما كان اللي سويتيه غلط في غلط والله مايرضي ربك وكمان حتخسري دنيتك واخرتك*
تالين بكيت زيادة :عارفه والله عارفه بس تعبت والله لاتلوميني من الخوف واللي شفتو مو شويه الله يسامحني يارب*
ريم حضنتها :هدي ياتالين هدي خلاص استغفري ربك وربي بيغفرلك ان شاءالله انتي حاولي تنسي اللي صار وان شاءالله ذحين مافيك الا العافيه.وشويه شويه حتتحسني*
تالين بعدت عن حضنها وقلبت وجهها للجهه الثانيه وتحاول تهدي وتفكر وتشهق بالبكا*
ريم جلست تهديها لدقايق وبعدها قامت من عندها وخرجت من الغرفه عشان ترتاح ...

تشتغل لساعات متواصله تروح وتجي تخرج وتدخل تزبط ذا وتعدل ذاك*
بعد دقايق....
جلست على الارض بتعب والابتسامه ماليه وجهها : ااااه الحمد الله واخيرررررا خلصت الجزء الاهم وماباقي الا اللمسات البسيطه
طالعت جهه شنطتها ومدت يدها وسحبتها لها*
فتحت الشنطه وتفتش فيها : وينو ذا*
تفتش جوتها بامانه وعيونها كل مالها تنفتح اكثر : ياويلييييي الجوال وينووووووو*
دورت جوتها ومالقتو شهقتتت : ياربي الجوال وينوووو ايش ذاااااااا*
قامت من الارض بسرعه وتدور حولينها مالقت شي*
خرجت تجري للاستقبال : لو سمحت لو سمحت بسرعه بالله مممكن اتصل من هنا ؟*
الرجال : اتفضلي*
دقت بسرعه علئ الرقم وقلبها طااايح حتموووت خلاص شي يجيب الجنون مرتين يضيع*
دقت ومستنيتو يرن وقلبها يدق معاه*
سمعت صوت الجوال يرن في جيبها طالعت فيه وعيونها فيها دموع قهرر ؛ ياربي على الغبااااء*
اوووف الحمد الله الحمد الله والله كنت حتجنن لو ضاع*
مشيت بدون ماتشكر الرجال حتى تمشي راجعه للغرفه مسكت جوالها وارسلت
*
*(دكتوري ...كنت اتمنى تكون معايا وحلويني في هذي اللحظات انا تقريبا خلصت ديكورات الغرفه وماباقي الا شي بسيط والترتيبات واكون مخلصه تماما بالمررة متحمسه تشوفها ومتحمسه اشوف ردة فعلك اتمنى تكون متهني في شغلك وما اكوون ازعجتك ...)
دخلت الغرفه وهيا مبتسمه*
اختفت ابتسامتها فجاه*
يدور ويطالع في الغرفه وهوا مبتسم ومعجب باللي يشوفو*
اتحمحمت ... انتبهلها*
ماريا : لو سمحت انت كيف تدخل الغرفه وانا لسا ماخلص دوامي ؟*
انس ابتسم : والله صراحه شغلك عجييييب وباين من قلب*
ماريا رفعت حواجبها مستغربه؛ عفوا ياريت ترد على سؤالي*
انس يطالع في الغرفه : ايش قلتي؟؟؟*
ماريا بلعت ريقها ومسكت اعصابها ؛ قلت كيف تدخل الغرفه وانا*
قاطعها : اها ايوا قلتيلي ليش ...لا ابدا بس جيت باخذ شي من غرفتي وامشي عندك مانع يا انسه ماريا ؟*
ماريا عصبت : اتفضل بره لين اخلص دوامي بعدين خذ االي تباه من غرفتك مو شغلي*
بس ياريت تتفضل ذحين انا مشغوله وورانا افتتاح وحفل ولازم اخلص شغلي*
انس حاط يدو في جيبو وابتسم بخبث : ليش خايفه دكتورك يزعل ؟ (ضحك بشويش)او اقصد حبيبك يزعل؟*
ماريا فتحت عيونها من الفجعه ورفعت اصباعها بعصبيه ؛ لو سمحتتتت انا لين ذحين محترمتك فاحترمني احسلك وهذا مو دكتوري لحالي دكتور الجميع وياريت تتفضل بره وتحسن الفاظك وماتتدخل في شي مايخصك ولا والله حتشوف شي*
قاطعها :بس بس اعوذ بالله انا مدري ذا كيف متحملك تبدا كلامها بلو سمحت وتشرشحك بعدو لين ماتقول امين وفي الاخير تقلك محترمتك مني شايف احترام انا*
ماريا اتكفت : لا والله .. احمد ربك اني اقلك لو سمحت واتفضل على الاقل الفاظي افضل من الفاظك وعقليتي وتفكيري احسن من تفكيرك بمليون مرة*
انس يمشي في الغرفه بدون اهتمام واتأفف ؛ على العموم انت غرفتي تشرفك انك تكوني فيها وما اوصيك اشتغلي زي الناس هاا مابا شغل حق مشي حالك تراها غرفتي يااا دكتور احمد*
خرج من الغوفه بدون مايسمع رده فعلها*
ماريا بلعت ريفها والعصبيه بتطلع من عيونها : رووووووح الله لايوفق بليسك منك لله عديم اخلاق استغفر الله بس انا ايش حطني عندك قلك غرفتي تشرفك روووووووح اصلا وجودي يشرفك سنين عمرك اللي ماعشتو ياعديم الادب والنخوه*
جوالها يرن حملت الجوال بسرعه : نعم ؟*
متضايقه ومهمومه : ماريا فينك؟*
ماريا معصبه ومهي فايقه احد : عند البحر اتمشى ...ايش فيني ايش فينيييي يعني ويني بالله اكيد حكون في المركز اشتغل واكرف مو اصلا محد يكرف غيري انا انت وتالا قاعدين تتفرجو اساسا مدري انتو ايش تشتغلو طول السنه فاضيين*
ربا متنحه ومهي مستوعبه شي : طيب انا ماقلت شي بس*
ماريا قاطعتها : ربا بالله ترا مرررة مني فايقه احد كفايه الشغل واصلي هناااا وكمان ناس سافله كرهت امي في الشغل*
ربا اتحطمت : طيب انا اسفه ازعجتك سلااام*
قفلت الجوال وحطتو جنبها*
رفعت رجلينها وحطت راسها عليهم متضايقه بالمرة الجامعه مظلمه بدونهم لاتالا لاماريا وكمان تالا مهزأتها من الصباح وماريا ماقصرت فيها : والله شكلو امي داعيه عليا اليوم ....

جالسه في الصاله طفشانه*
طالعت في جوالها وافتكرتها دورت اسمها واتصلت ....
نايمه من العتب وماتبغا تقوم كارهه كل شي تبغا تنام وترتاح ..
الجوال يرن وماوقف اتأففت وفتحت عينها شويه تشوف مين *...قرات الاسم وقفلتو ورجعت نامت*

بدور استغربت : اشبها ماترد مو من عادتها ذا الوقت تكون نايمه*
ارسلتلها ( اشبك ياهو لاحس ولاخبر ولادخلتي اي برنامج من زمان طيب طمنيني بس عليك واسفه اذا ازعجتك )*

فتح الباب ودخل البيت ...
سابت الجوال بسرعه وطالعت وراها*
دخل الصاله : السلام عليكم*
بدور ابتسمت : وعليكم السلام ياهلا*
جلس جنبها : ها كيفك ؟*
بدور باستغراب : تمام الحمد الله اشبك لسا باقي ساعتين على انو ينتهي دوامك ؟*
مراد بعد يدها ونام على رجولها : تعبااان والله واستأذنت*
بدور انفجعت : اشبك بسم الله من ايش ؟*
مراد حط ذراعو على عيونو : منك*
بدور انفجعت اكثر : مني؟؟؟؟*
مراد : ايوا منك اجل سايبتني كم يوم ولاتسالين عني ولاتقولي زوجي اكلمو اطمن عليه خلاااص نسيتي الدنيا مع صحباتك*
بدور ضحكت : اووف فجعتني حرام عليك*
مراد : لا بالله احلفي*
بدور بدات تلعب في شعرو : اولا يازوجي العزيز هيا كلها يومين اللي غبت فيها عنك عشان انشغلت بعزومة صحباتي واللي يسمعك يقول سنتين اهو ذحين انا تحت امرك وجنبك وعند الطلب*
مراد : ايوا ذحين اتفضيتيلي من اول معاهم*
بدور : طيب اسفه حقك عليا*
مراد : ماتنفع*
بدور : وبعدين يعني ايش اسويلك عشان ترضى؟*
مراد : مدة ثلاثة ايام تهتمي فيا اهتمام غيرر*
بدور : كيف يعني؟*
مراد : انا اقلك .. اول شي ماتنامي الا لما تنوميني ثاني شي تاكليني بيدك ثالث شي تناديني باي اسم فيه احساس فيه حب اتصرفي مراد هذي ما ابا اسمعها وطول الوقت اشعري فيا*
بدور انفجعت : لا والله انت اللي احلف؟ من وين اشعر ولا ايش عرفني بالشعر ؟*
مراد : موشغلي بدل ماتكلمي صحباتك دوريلي شعر*
بدور : طيب اي اوامر ثانيه ؟*
مراد ؛ قومي جيبلي مويه*
بدور بعدت راسو بتقوم*
مراد : لالا خلاص بطلت اول شي نوميني بعدين جيبيلي مويه*
بدور : وكيف تجي ذي؟*
مراد : ما ادري اتصرفي*
بدور اتأفتت : هي انت ترا ماصارت ذي مذلللله ترا مو عقاب*
مراد ضحك علي طول حياتو ينرفزها : ياخي احبك ايش اسويلك؟*
بدور : لا والله ايش من محبه ذي ؟*
مراد : اقول اجلسي بس كيفي حقي*
بدور كملت لعب بشعرو بقوه : استغفر الله العظيم ياربي صبرني*
مراد يتألم : بشوووووووووووويش
بدور ضحكت : طيييب خلاص فجعتني

خرج من الحمام وينشف شعرو*
لبس واتعطر ونزل للصاله بكل هدوء وجلس على الكنبه ....
جوالو يرن*
اخذ الجوال ورد : الو*
ربا : يالله وليد وينك ؟*
وليد افتكر : اووف نسيتك طيب ذحين جاي*
ربا : عادي اصلا الكل ينساني*
وليد : اقول اسكتي بس يالله سلام*
ربا بطفش : سلااام*
قام واتوجه للمطبخ يشرب مويه*

خرجت من الغرفه وملامحها تعب وبكا*
تمشي بطفش ومهي طايقه احد*
دخلت المطبخ مضطرة تساعد خالتها ...
سمع صوت احد جاي لف جهتو اول ماشافها. بعد الكاسه من فمو وقعد يطالع في شكلها التعبان*
اول ماشافتو بعدت عينها بسرعه واتأففت وخرجت من المطبخ*
وليد ساب الكاسه واتوجهلها : تالا*
تالا تمشي وماكانها سامعه شي*
وليد رفع صوتو: تالا اكلمك انا*
تالا بدون ماتطالع فيه : وانا ما اكلمك*
وليد يطالع يمين شمال خايف امو تجي : امشي معايا الجوش ابا اكلمك*
تالا لفت عليه بطفش وعدلت طرحتها : ولو اقلك امي مني جايه*
وليد اتنهد : تالا قلتلك كلمتين حقولها وامشي بس اسمعيني فيها*
تالا : وعلى اي اساس اكلمك مو انا ما اهمك ومالي صلاح فيك؟*
وليد : استغفر الله ياربي ...تالا امشي قدامي بسرعه*
تاالا غمضت عينها واخذت نفس ومشيت قدامو*
وليد لحقها*
وقفل الباب وراه*
تالا معطيتو ظهرها*
وليد واقف : طيب ممكن تديني وجهك عشان اعرف اتكلم*
تالا ؛ مو مهم اسمعك باذوني ترا*
وليد ؛ تااااالااا*
تالا خافت ودارت : نعم ايش تبا ؟ اهو لفيت*
وليد : تالا انا اسف امس كلمتك بطريقه كنت وقح فيها بس لازم تعذريني
تالا ضحكت بقهر ؛ كويس اعترفت*
وليد: تالا الله يخليك اتفهميني*
تالا : ايش افهم بالضبط؟ اني ما اهمك ؟*
وليد قرب اتجاهها : لو ماتهميني ماكان نمت امس في السيارة من شارع لشارع ادور محتار مني عارف وين اروح لو ماتهميني ماكان وجعت راسي وتعبت قلبي وعقلي باني افكر فيك*
قرب اكثر منها : تالا لما انا اقلك احبك ياريت تخلي هذي الكلمه في بالك ترا احبك عند وليد غير لما احب احب باخلاص واحب بكل مافيا مستعد اضحي واتعب عشان اللي احبو مستعد اسوي شي عشان ارضييه*
تالا تسمع ومتنحه وقلبها يدق : طيب ؟وليش ذا كلو ؟*
وليد بعد عنها واخذ نفس : امي رفضت*
تالا مهي مستوعبه : رفضت ايش؟*
وليد: انا كلمت اهلي اني اتقدملك وانتي عارفه ذا الشي ابويا وافق وكنت متحمس ومعنوياتي فوق وحاسس بسعاده مافي بعدها سعاده بس في لحظه وحدة اتحطمت واتحطمت معنوياتي برفض امي*
تالا مفجوعه والدموع في عينها : خالتي ؟ خالتي رفضت؟؟؟ ليش طيب ليش؟؟؟؟*
وليد بلع ريقو : ما ادري ايش اقلك تقول صح البنت تربيه واخلاق بس بلاقيك اللي احسن منها*
تالا دموعها نزلت غصبا عنها*
وليد يطالع فيها وقرب منها بدون مايحس على نفسو*
رفع يدينو ومسح دموعها : لاتبكي*
تالا ماتطالع فيه ودموعها ماوقفت*
وليد : تالا ياقلبي انا احبك ومستعد اسوي اي شي عشانك انا ذحين ما ادري ايش ممكن يصير ولا ايش اقدر اسوي عشان نكوو لبعض بس انا اوعدك بسوي كل اللي اقدر عليه*
مسك يدها : دموعك ههذي مابا اشوفها مرة ثانيه اذا بتنزل تنزل فرح بكوننا لبعض*

يضحك من قلبو : الله يهديك بس والله ذكرتني بايام من جد ايااام ماتتنسي*
فتح الباب والابتسامه مابعدت من وجهوو : اتفضل اتفضل والله نور البيت بوجودك*
ابتسم من قلبو : منور بوجودك تسلم*

عيونهم جات على الباب ....*
واللي عند الباب اختفت ابتسامتهم في نفس اللحظه*

وليد صنم ولابعد يدو*
تالا عيونها مارمشت من الفجعه ودموعها وقفت سحبت يدها بسرعه*
وليد مفجوع : ابوياااا؟؟؟؟؟*
تالا صدمتها اكبر : بابااااااا؟؟؟؟؟؟؟؟؟*
( انتهى البارت السابع عشر ) *

18 - 12 - 2024, 12:54 PM

(البارت الثامن عشر )
لحظه صمت مرت ....
الكل متجمد ومو عارف يتصرف*
عيونها كملت تنزيل الدموع بس دموع فجع وخوف في هذي اللحظه*
بلع ريقو واتوجه لمدخل البيت : وليد*
وليد منزل راسو : نعم*
ابو وليد يكمل مشيو لجوا : تعال معايا*
وليد : على امرك*
دخل البيت ودخل وراه وليد*
تالا مصنمه بدون اي حركه الدموع تنزل بصمت وراسها في الارض*
ابو احمد واقف عند الباب وما اتحرك*
بعد ثواني استوعب : ليه ياتالا؟*
تالا دموعها ماوووقفت : بابا والله*
ابو احمد قاطعها : مالي كلام معاك ضيعتي تريبتي كلها حسبي الله ونعم الوكيل فيك*
تالا جريت على ابوها وتحس قلبها بيطلع من الهم*
نزلت عند رجلو تترجاه وتبكي من قلبها : بابا بابا الله الله يخليك افهمني لاتفهم غلط خليني افهمك بس والله مالي ذنب*
ابو احمد يطالع فيها بقهر سحب رجلو ودخل المجلس وجلس على الكنبه*
جلست تحتو تبكي وحالتها حاله طرحتها طاحت وشعرها نصو مفكوك ونصو ملموم :بابا الله يخليك اسمعني ترا والله*
قاطعها بعصبيه : لاتحلفي مابصدقك اسكتي * (يبعدها من تحتو) قووومي روحي انقلعي مابا اشوفك قوووومي*
قامت وتطالع فيه وتشهق بالبكاء*
راحت تجري على الغرفه*
فتحت الباب بقوة ودخلت ...رمت نفسها على السرير واتغطت ......

في غرفه ثانيه*
واقفين قدام بعض والباب مقفل*
واقف قدام ابوه وموطي راسو*
لحظه صمت مرت وابو وليد ياخذ نفسو وماسك اعصابو*
وليد ارتبك من نفس ابوه اللي يحاول ياخذو رفع راسو بشويش :ابوي
قاطع كلامو (كف) وصل صداه برا الغرفه ...
ابو وليد خرج من الغرفه بدون اي كلمه*
وليد مو مستوعب شي واقف محلو حتي مكان الكف مامسكو*

داخل المكتب جالسين قدام الضابط بكل ثقه*
الضابط مسك التلفون وطلب منهم يجيبوه *بعد*ثواني ....*
الباب يندق ..الضابط: اتفضل*
دخل الشرطي ومعاه احمد*
يطالع فيهم بفجعه :ابويا ؟؟؟؟*
ابو حسين :ايش مسوي من مصيبه انت ؟*
احمد مفجوع : والله يا ابويا ماسويت شي انت خليتني اوقع وشفت اسم عمي ابو رائد مكتوب جنب اسمي سالتك ليش وقلتلي عشان الحلال الكبير باسمو مدري ايش*
ابو حسين بتصنع : انا قلتلك كذا؟؟؟؟؟ متئ خليتك توقع اصلا*
احمد مفجوع : ايييش؟ ايش متى مين اساسا اللي اقنعني اسيب شغلي في الجامعه*
ابو ريم: ياولد لاتخرف على ابوك عشان تنزل من ورطتك
ابو حسين ؛ قله حيا هذا اخر تربيتي تتهمني ياقليل الادب*
احمد مصنم*
الضابط : خلاص ياجماعه هدو وخلونا نتفاهم*
احمد بعد سكوت مطول : بعد امرك ممكن طلب*
الضابط : اتفضل*
احمد : ابا اكلم جوال ضروري*
الضابط نادى الشرطي واخذ احمد يكلم برا *
ابو حسين وابو ريم كملوا اقناع في الضابط*
احمد مسك الجوال وجنبو شرطيين*
احمد يدعي من قلبو : يارب يارب ترد
احمد يدق على رقم ماريا القديم مو حافظ الجديد*
جالس على السرير يقلب في الجوال*
شاف الرقم غريب اتردد يرد وسابو*
احمد اتأفف وارسل رساله (ماريا الله يخليك انا محتاجك بالمرة انا في السجن الله يخليك ردي ضروري وما ادري اذا لقيتي الجوال ولالا *)*
اتصل مرة ثانيه اخر امل معاه*
يقرا الرساله مفجوع وجاه الاتصال رد بسرعه*
احمد ماصدق : الو الو ماريا الو تسمعيني ؟؟؟؟*
خايف بالمرة ؛ ايوا الو*
احمد انفجع: مين معايا ماريا فين ؟*
انس : انا اخوها انت قلي ايش تبغا منها ومين انت ؟ *
احمد هذا املو الوحيد ؛طيب الله يخليك تعال ذحين وانا حفهمك اللي ابغاه منك انا دكتورهاا في الجامعه وحصلت مشاكل لازم افهمك الموضوع*
انس استوعب انو في السجن : طيب اي فرع انا جايك ذحين*
احمد وصفلو وقفل الجوال .....
رجع احمد ومعاه الشرطي*
الضابط : تعال اجلس*
احمد جلس*
الضابط : احمد اذا تبغا تخرج من هنا بسرعه قلي كل شي واعترف*
احمد: الله يخليك الله يخليك افهمني ترا والله انا زي الاطرش في الزفه كنت اشتغل في جامعه ..... دكتور مجال هندسه اليكور*
وفجاه ابويا قلي اباك تنزل من شغلك*
الصابط ؛ ابوك اللي هوا ابو حسين؟*
احمد : ايوا نعم*
ابو حسين يطالع فيه بحقد*
الضابط : طيب؟*
احمد : وجا قلي اباك تشتغل في الشركه هذي وتأمن مستقبلك وهيا شركه على قدك وكون مديرها انا في البدايه رفضت تماما بعدين اقنعني عمي ابو ريم وابويا واقتنعت واشتغلت وكانت في سكرتيرة علمتني الشغل ولسا ماصارلي شهر الا وانتو ماسكيني نصب واحتيال وانا مني مسوي شي*
ابو حسين : كذاب وستين كذاب*
ابو ريم : وتتقول عليا كمان
الضابط : لو سمحتو هدو*
احمد مفجووع من تصرفهم*
الضابط: طيب يا احمد مدامك تقول انو عمك ابو ريم هذا وهذا ابوك ليش عمك ابو رائد استنكر وجودك وماعرفك ولاعمرو شافك؟؟؟؟ ممكن تفسرلي ؟*
احمد : انا حفهمك كل شي بس مو بوجودهم*
الضابط : على كيفك هوا*
احمد: طيب بتكلم بس ياريت محد يقاطعني*
طال عمرك انا ابويا نزلني من المدرسه وانا سنه سادس ابتدائي اخذوني رجالين وشالوني عندو وعند عمي ابو ريم وجلس يفههمني ابويا ابو حسين وقلي انو متزوج اثنين ....(كمل الحكايه كلها ) عشان كذا مايعرفني عمي ابو رائد *
ابو حسين وابو ريم بدأؤ يرتبكون*
الضابط :ها يا ابو حسين ايش اقوالك ؟ *
ابو حسين ؛ طيب كان زمان طيش وخليت ناس يربوه بعد ما اتوفيت امو*
الضابط : اعطيني شهادة الوفاه واعطيني عقد الزواج*
ابو حسين : دقايق اكلملك احد يجيبهم*
الضابط : اتفضل*
ابو حسين اتصل من مكانو*
ودقايق ووصل واحد من السواقين ومعاه الورقتين*
الضابط يطالع في الاوراق ؛ احنا حنشوف شغلنا ونتأكد من صحه الاوراق وصحه كلامكم وحنكمل التحقيق بس اليوم كلكم حتحتجزو لين نهايه التحقيق ....

وصلت السيارة*
دخل السيارة بسرعه : يالله يالله بسرعه*
يطالع فيه مستغرب : طيب فهمني ايش في ؟*
انس : بالله ياسر بحكيك بس امشي على ....
ياسر : نفسي افهم ايش تبا من ذا المكان؟*
انس حكى ياسر السالفه ...
ياسر يمشي بسرعه : طيب وايش حتسوي كيف حتجيب الاوراق؟*
انس : بستنى بكرة واكلم ماريا في المركز*
ياسر : والرجال حيستناك مثلا ؟ ايش بكرة المفروض اليوم*
انس : بالله من وين اجيب عنوان بيتها وبعدين من جدك نروح بيت البنت تبانا نفضحها ؟*
ياسر : وانت ايش دخلك فيها ؟ اشوف بديت تحس!*
انس طنشو وسكت*

الباب يندق ..
قامت من السرير وفتحت الباب*
ابتسم : مساء الخير*
استغربت من الابتسامه (ابتسمت): مساء النور*
رائد مد يدو : اتفضلي*
ريم تطالع في الشريحه وفرحت: تسللم والله مررة شكرا*
رائد : لاعادي لاشكر على واجب*
ريم :امم*
رائد حس على نفسو وقفتو مالها داعي : امم ايش كنت بقلك*
ريم ؛ ايش؟*
رائد يدور كلام ؛ ايوا يعني متى حتروحي لتالين*
ريم : انا ذحين كنت دقايق ورايحتلها*
رائد : طيب مالك نفس بعد ماتتطمني عليها نخرج نتمشى ؟*
ريم اتحمست : الا والله ياريت*
رائد فرح : خلاص اجل بعد ساعه كذا ننزل*
ريم ابتسمت : خلاص تمام*
رائد مشي : يالله سلام*
ريم : سلام*
قفلت الباب*
جوالها يرن*
اخذت الجوال : هلا والله*
جالس في السيارة : هلافييك*
ريم : كيفك ؟*
محمد : تمام والله الحمد الله ....وانتي؟*
ريم ضحكت*
محمد مستغرب *:اشبك؟
ريم : غريبه اول مرة تسالني عن حالي قبل تالين*
محمد :انا اسف والله من جد مني عارف كيف اعتذرلك*
ريم : لالاعادي امزح معاك من حقك تخاف على اختك ومعذور يا اخويا معذور*
محمد اتنرفز من الكلمه : طيب يالله عن اذنك*
ريم : طيب مع السلامه*
محمد ؛ سللام وقفل*
ريم قفلت الجوال ومسرحه(في قلبها) غريبه ماسأل على تالين*
قطع تفكيرها صوت الجوال*
تطالع في الجوال مفجووووعه
( قريبا حيتغير مسمى اخويا)*
مهي فاهمه ايش يقصد وليش حيتغير*
قامنت واتوجهت لتالين وهيا مسرررحه*
ثواني ووصلت عندها*
فتحت الباب وبالها مو مع احد تفكر في الرساله*
طالعت في تالين وفتحت عيونها على الاخير : تااااالين؟؟؟؟؟؟*
تالين سلمت : السلام عليكم ورحمه الله ...السلام عليكم ورحمه الله*
رفعت يدينها تدعي ....
بعد ماخلصت طالعت في ريم المنصدمه قدامها : اشبك؟ كنك شايفه ميت قدامك ؟*
ريم دموعها نزلت وابتسمت على الاخير جريت وحضنتها : اخيررررا رجعتي زي ماكنتي*
تالين تضحك : هبله من يومك اصلا*
ريم مسحت دموعها : يالله ياتالين عندي لك حكاااايات مدري من وين ابدا*
تالين : خفي علينا يا الف ليله وليله*
ريم : لو تسبي لين بكرا راضيه*
تالين : اسمعي ابا اكلم اهلي*
ريم : من عيوني*
مسكت جوالها واتصلت*
يطالع في الجوال ورد : حتفهمي قريبا قلتلك مو ذحين*
تالين : افهم ايش انت الثاني والله انكم عالم منتهي*
محمد انفجع وفررح من قلبو : تاااااالين ؟*
تالين : ايوا تالين شوف يئسفني اني اقلك وحشتتتتتتني*
محمد ضحك : والله ايش اوصفلك ولا ايش اقلك من جد مني عارف اتكلم بس قوليلي كيفك ذحين احسن؟*
تالين : تمام الحمد الله اسمع ابا اكلم امي*
محمد : طيب دقايق وارجعي اتصلي انا قريب البيت*
تالين: طيب يالله سلام*
محمد : سلااام سلااام
قفل الجوال وبعد ثواني وصل البيت ....
فتح باب البيت والابتسامه مافارقتو : الحمد الله الحمد الله*
ينادي بشويش: اميي امييي يا امييي*
محد رد*
اتوجه لغرفتها ودق الباب وفتحو بشويش*

ساجده وتبكي من قلبها*
واقف يطالع فيها مبتسم وماحب يقطع عليها*

تدعي من قلبها(يارب يارب يامن ترد الضاله *رد علي ضالتي يارب بنتي تكون بخير وترجعلي يارب طمن قلبي عليها يارب املي فيك كبير مالي غيرك يارب )*
خلصت سجودها ورفعت ودارت براسها عليه
محمد انتبه *واتحمحم : تقبل الله يا امي*
ام محمد: منا ومنكم .... ايش كنت تبغا مني؟*
محمد ابتسم وقرب منها ومسك جوالو واتصل*

جالسه تضحك وتتحكى معاها : جيبي الجوال يمكن امي*
ريم اعطتها الجوال بخوف : محمد*
تالين ردت بفرح : الو*
محمد : ايوا الو امي معاك*
ام محمد اخذت الجوال مستغربه : الو*
تالين دموعها نزلت على طول لما سمعت صوتها : الو امي امي انا تالين مشتااااقتلكم والله*
ام محمد جلست ثواني بدون ماترد حست لسانها ثقيل ماكملت رفع سجود الا وبنتها تكلمها*
بعدت الجوال من اذنها وسجدت شكر لله*
(اول نور في غسق الدجى)
رجعت تكلمها : الو بنتي الوو ( عيونها تدمع )*
وينك يابنتي حرام عليك والله قلبي تعب وحالتي حاله وينك ياتالين وين رحتي*
تالين تمسح دموعها: يا امي انا بخير لاتشيلي هم وكلها اسبوع وتشوفيني ان شاءالله*
ريم فتحت عيونها مستغربه كيف تدي امها موعد بدون ماتعرف متى ينتهي العلاج
ام محمد بتطير من الفرحه : الله يرجعك يابنتي ليا بالسلامه بس انتي وين ؟؟؟ ووينك طول ذي المده*
تالين ماعرفت ايش تقول لامها*
محمد اخذ الجوال من امو : اعطيني شويه يا امي*
محمد : ايوا تالين يالله انتبهي على نفسك ها*
تالين : ياشيخ قول لامي اي شي*
محمد : ولايهمك يوصل ان شاءالله ...سلام*
قفل الجوال وسلم على امو في يدها وراسها*
ها يا الغاليه ارتحتي؟*
ام محمد تمسح دموع الفرح : الحمد الله الحمد الله الله يبلغني شوفتها والله قلبي بيطير من الفرح*
محمد يسلم على يد امو : يالله يا امي نامي الوقت متأخر وبكرة ان شاءالله اخليك تطمني عليها كمان*
ام محمد : حنام الحمد الله مرتاحه بس ماحتكمل راحتي الا بشوفتها
محمد يقوم امو من الارض ويوديها السرير : ان شاءالله*
انسدحت على السرير وغطاها : تصبحي على خير يا امي*
ام محمد : وانت من اهل الخير ان شاءالله*
قفل النور وسكر الباب وخرج*

وصلو تحت المركز : يالله انزل*
انس يطالع فيه : ليه ماحتنزل معايا*
ياسر : لاطبعا ايش تبغاني اسوي*
انس : ياسر اقوول انزل مجنون انت تخليني لوحدي*
ياسر : انت ورطت نفسك يالله حلها بنفسك*
انس : ياير ترا مرة مني فايق لكلامك قوم انزل قدامي بسرعه*
ياسر : لا الله يخليك تعال اضربني كف*
انس: يااااسر اشبك ترا مرة مو وقت استهبال*
ياسر : خلاص اوف بنززل اكلتني*
انس نزل : يالله استناك*
وقف السيارة ونزلو*
طلعو المركز وكل واحد خايف اكثر من الثاني*
انس يسال ويسال لين لقى المكان*
دق الباب ودخل*
السلام عليكم*
الضابط : وعليكم السلام*
انس : لو سمحت ممكن اقابل احمد*
الضابط: مين احمد؟*
انس :امم اللي ذي اليومين لسا احتجز عندك اعتقد*
الضابط: وانتو مين؟*
انس : احنا اصحابو ونبا شي ضروري منو ياريت تناديه*
الضابط : اذا في شي بينقال ينقال قدامي*
انس ؛ حاضر على امرك*
الضابط نادى الشرطي*
الضابط: دقايق وحيجي*
ياسر جالس قدام انس وكل شويه يطالعون في بعض والتوتر سيد الموقف عمرهم مااتعاملو معاه ولاكلموه*
الباب يندق ....*
الضابط: اتفضل*
دخل احمد*
الضابط: هذولا اصحابك ويبغو يكلموك اتفضلوا كلموه معاكم دقايق*
ياسر قام وجلس جنب انس*
احمد جلس مكان ياسر مقابلهم*
احمد يطالع مستغرب ويحاول يفتكر شكل انس وين شافو بس مو متذكر*
انس : طيب ايوا ايش الاوراق اللي تبغاها وايش دخل ماريا اختي؟*
ياسر يطالع في انس مستغرب*
احمد : اسمعني اباك تروح مع ماريا لبيتي*
هيا تعرفو وتجيبو ورقه عقدي مع شركه دار الايتام وذوي الاحتياجات الخاصه وابا اوراقي الرسميه حق الجامعه وبطاقتي الشخصيه وفي صندوق في غرفتي كبير داخلو شنطه مدرسه جيبها معاك ضروري *
انس عايش الدور : كمااااان تعرف بيتك ؟*
ياسر انفجع وكلهم فهموا غلط*
احمد : لالا افهمني هيا حادثة بسيطه بس صارت واضطريت اشيلها معايا في السيارة وانا رايح المركز لاول مرة مع الطالبات وهيا اتاخرت ذاك اليوم واضطريت اخذها معايا

انس مشى الكلام مضطر خايف يتفشل:طيب بكرة حتكون الاوراق عندك ذحين الوقت مرة متاخر*
احمد ؛ خلاص انا في انتظارهم ما ادري يمكن تفيدني*
انس : اصلا انت ايش قضيتك ليش انت هنا*
احمد : انا اشتغلت في شركه وفجاه مسكوني احتيال ونصب والله مني فاهم شي*
انس انفجع وياسر يسمع بصمت
الضابط: لو سمحتوا اخذتو الوقت الكافي تقدرو تتفضلوا*
انس وياسر وقفوا : خلاص بكرة ان شاءالله نجيب الاوراق*
خرجو من المركز وميه فكرة توديهم وتجيبهم .....
في الصباح*

نايم ....
فتحت الباب واتوجهت للستارة وفتحتها*
غمض عيونو بقوه الشمس جات في عينو : قفلي النووور ايش ذا*
بدور مبتسمه : قوم قوم قال نور هذي شمس ياروحي قوم ترا وراك دوام*
فتح عيونو بشويش: الساعه كم ؟*
بدور بكذب: تسعه*
قام بقوة من السرير : اوووف وليش ماصحيتيني*
بدور : صحيتك بس ماقمت ايش اسويلك*
اتوجه للحمام جرري*
بدور تضحك بشويش*
ثواني وخرج من الحمام بدون ملامح*
بدور تطالع فيه وابتسمت : اشبك؟*
مراد طالع فيها بحقد :دوام ها؟*
بدور بتصنع : ليش مو اليوم سبت؟*
مراد : لاياشيخه نسيتي انو الاحد يبدا الدوام؟*
بدور : اوف اسفه والله متعودة على النظام القديم خميس وجمعه*
مراد : استغفر الله طيرتي من عيني النوم*
بدور : امم اسفه*
مراد : ماشاءالله دلع على الاخير بصراحه*
بدور خارجه من الغرفه : انا بجهزلك االفطور
مراد انسدح بطفش*
التلفون يرن*
بدور تنادي : مرررراد قوم رد انا مشغوله*
مراد : طيب طيب*
اتوجه للصاله : وين التلفون ؟*
بدور من المطبخ تكلمو : شكلو في غرفه الضيوف*
مراد اتأفف وراح فتح الباب بطفش....
يطالع في الغرفه : ايش ذا ؟؟؟؟؟؟*
التلفون وقف رن ورجع يرن*
استوعب ورد بدون مايشوف الرقم : الو*
بدور تضحك : كل عام وانت بخير*
مراد ضحك : يعني ذا الفيلم كلو عشان تخليني اقوم وارد واساسا بكرة عيد ميلادي مو اليوم*
بدور : قفلت الجوال ودخلت الغرفه وماسكه يدها : عشان هذي تحضر معانا*
مراد طالع فيها : لمووووو*
لمى جريت وحضنتو : كل عام وانت بخير يابابا *
مراد ابتسم : وانت بصحه وسلامه*
حط لمى في الارض*
وحضن بدور : الله لايحرمني منك*
بدور وجهها احمر : مو قداامها عيب*
مراد ابتسم : لاتخليني اسوي اكثر*
بدور : لالالالا الله يخليك خلينا نفطر يالله*
الغرفه كانت مرتبه وشموع ودنياا وصورة اول عيد ميلاد لمراد بعد زواجهم والورد والاكل اللي يحبو كلو مجهز ومرتب*
مرت ساعه ولمى بينهم لقمه من بدور ولقمه من مراد ويضحكو ويلعبو معاها وطايرين فيها واحب كلمه واوجع كلمه على قلوبهم في نفس الوقت (ماما وبابا) من لمى.....*

مستني في الغرفه بفارغ الصبر ماجاه نوم ومواصل من امس علي قد انو مايهموا الناس واللي في راسو يسويه حتى لو غلط بس متعاطف معاهم مو عارف ليش*

دخلت المركز بطفش اليوم وبكرة بتبدا ترتيب الاثاث واكسسوارات الغرفه والافتتاح قرب واحمد ماجا (في قلبها ) : يمكن يباها مفاجاه او يمكن انشغل الله يعينو بس*
فتحت جوالها وغيرت حالتها ( افتقدت وجودك *سانتظرك ....)*
دخلت واتوجهت للغرفه وفتحتها*
يطالع في الباب وماصدق يشوفها*
طالعت فيه واتكفت : نعم ؟*
انس قام بسرعه : ماريا الله يخليك اباك في موضوع ضروري*
ماريا : هذا اللي ناقص ومين قلك اساسا اني ابا اكلمك او حسمحلك تتكلم معايا*
ترا والله لو ماخرجت حروح اشتكي*
انس عصب: اسممممممعيني قال اشتكي قال*
ماريا طالعت فيه بحقد ومسكت قبضه الباب بتخرج*
انس: احمد في السجن*
ماريا يدها نملت مهي حاسه فيها انصدمت ولفت عليه : نعم!*
انس : قلتلك اسمعيني*
ماريا ؛ انت ايش تقول ؟*
انس : احمد امس كلمني من السجن*
ماريا : وانت ايش عرفك فيه وليه يكلمك اصلا*
انس: اسمعيني ياماريا ركززي معايا ترا مرة الوقت مايساعدنا خلي كرهك وجدالنا على جنب دكتورك احمد مو حافظ رقمك فاتصل على الشركه وطلبني لانو الوقت متاخر وانتي ماحتكوني موجودة وقلي اكلمك عشاني الوحيد اللي حوصلك الكلام لانك في غرفتي
( حكاها القصه)*
ماريا ضحكت باستهزاء: وانا الحمارة اللي حصدقك اصلا؟*
انس : بكييييفك والله احمد يبا الاوراق ضروري وانت وضميرك الصراحه انا سويت اللي عليا فياتجي معايا نجيب الاوراق من بيتو ولاخليك مكانك وخليه في السجن مني متضرر شي انا*
ماريا تحاول تصدق بس خايفه: وايش اللي يأكدلي كلامك
انس : اسمعي اذا منتي مصدقتني روحي انتي وسواقك لين مركز الشرطه وشوفيه لو تبغي واتاكدي من كلامي اساسا لو اقدر حخليك تكلميه بس مو مسموح*
ماريا صدقتو *والخوف بدأ يملي قلبها: طيب والمطلوب؟*
انس : الاوراق طبعا*
ماريا مفجوعه ومهي مستوعبه : طيب انا حتصل على سواقي وحروح معاه وانت الحقنا بس من وين اجيب مفتاح البيت؟*
انس : انتي ماعليك خلينا نمشي بسرعه وانا حتصرف*
ماريا مسكت جوالها واتصلت علي السواق*
بعد دقايق وصل السواق*
ماريا خرجت : يالله الحقنا*
انس : استني شويه ذحين بتجي السيارة*
ماريا مستغربه : ايش من سيارة ؟*
انس: انا ماعندي سيارة طبعا صاحبي كلمتو وحيجيني*
ماريا ركبت السيارة وفهمت السواق انو مايتكلم*
ثواني ووصل ياسر*
انس ركب*
السواق حرك على وصف ماريا
بعد دقايق *
ماريا : يارب ما اكون غلطانه مني متاكده اللفه الاولى ولا الثانيه*
السواق وقف عند اللفه الاولى : ها مدام هنا*
ولا لا*
ماريا : امشي شويه يمكن هناك*
السواق لف من اللفه الثانيه*
ماريا : ايوا ايوا هنا*

في السيارة الثانيه : ها ايش في ضيعت الطريق ولا ايه؟*
انس : مدري عنها اصبر خلينا نشوف*
ياسر يطالع في الفلل : حركات والله حي راقي ودنيا*
انس : ايش تتوقع دكتور في الجامعه سابقا ومدير شركه حاليا*
ياسر : قصدك مسجون حاليا*
انس : يالله وقف شوف وقفوا*
ماريا نزلت من السيارة*
انس فتح الباب ونزل*
ياسر نزل من السيارة : وين المفتاح ؟*
انس: اقول ياسر اطلع*
ياسر يطالع في انس ومستغرب : اشبك انت وين طالع*
انس طلع فوق سيارة ماريا عشانها عاليه: اطلع هنا اباك ترفعني من هنا*
ياسر طلع : ايش من مساعده هذي كنك داخل تسرق*
ماريا : بسرعه قبل لحد يجي يحسبنا بنسرق*
انس : عادي بتهمك انتي مدامها سيارتك*
ماريا انفجعت : لا والله*
ياسر يدق انس : مو وقتك بسرعه*
ياسر رفع انس واتعلق في الجدار ونط بصعوبه*
وفتح الباب*
ماريا دخلت وياسر نزل من فوق السيارة*
ماريا قلبها يوجعها عاى احمد وبالمرة خايفه اول مرة تروح مع شباب لوحدها طول الوقت تستودع نفسها الله وتقرا وتدعي لاحمد*
ماريا دخلت البيت وافتكرت المكان من ذاك اليوم*
تطالع في الصاله مهي عارفه وين تروح*
انس وراها وياسر يطالع في البيت ومستغرب مافي احد*
انس ينادي بشويش: هيي اشبك داخله كذا مافي احد في البيت ولا ايه ؟*
ماريا : لالا عايش وحدو*
انس : اعوذ بالله كل شي عارفتو عنو*
ماريا لفت عليه بعصبيه : ماحرد عليك ذحين بس ياريت تحترم نفسك لين نخلص من ذا الموضوع*
ماريا تتلفت مهي عارفه من وين تبدا تدور*
انس : اطلعي فوق غرفتو قال انو الاوراق في غرفتو*
ماريا طلعت وانس وراها*
تفتح وتسك في الابواب ...بعض الغرف فاضيه وبعضها فيها اثاث مرتب*
فتحت الباب : واخيررررا لقيناها*
انس يطالع في الغرفه*
ماريا ترتجف من الخوف تبا تخلص بسرعه : يالله دور*
انس اتوجه للصندوق الكبير وفتحو*
يطالع في الشنطه القديمه وحالتها حاله*
ماريا فتحت دولابو وتدور في الاوراق*
ماريا مسكت ورقتين : هذي صورة من العقد مع الشركه وهذي حق الجامعه*
انس : باقي بطاقتو الشخصيه مهمه*
ماريا : ايش دراني وين مالقيتها*
انس سحب ماريا من يدها عشان يبعدها: بعدي انا بدور*
ماريا انصدمت من حركتو بس مررتها غصبا عنها وسكتت الحاله اللي هما فيها ماتسمح انها تتخاصم *
انس لقاها بعد التعب : اهي لقيتها يالله بسرعه ممشينا*
ماريا نزلت وانس نزل قبلها*
ياسر مستنيهم تحت*
كل واحد ركب سيارتو*
واتوجهو للمركز*
بعد ربع ساعه وصلو ....
انس نزل من السيارة*
واتوجه لسيارة ماريا*
ماريا فتحت الشباك : انا حستناكم في السيارة بسرعه لاتتاخرو*
انس : ايش دراني متى نخلص بكيفك استني زي ماتبغي*
ماريا اقول روح بالله اتخارج الرجال يستني
قفلت الشباك*
باير وانس طلعو المركز*
ماريا دقات قلبها ماوقفت اول مرة في حياتها توقف قدام مركز الشرطه*

انس طلع ودق الباب*
الضابط : اتفضل*
دخلو وجلسو*
انس : السلام عليكم هذي اوراق واثباتات احمد طلبها ضروري وقال انها بتفيدو لاثبات برأتو*
الضابط مسك الاوراق يطالع فيها واستدعى احمد*
بعد دقايق دخل احمد*

جلس بسرعه : والله مني عارف ايش اقلكم من جد ماحنسالكم هذا المعرو
انس : لاعادي اهم شي تفيدك*
احمد طالع في الضابط : هذي بطاقتي الشخصيه اللي تثبت انو ابو حسين ابويا وهذا عقدي مع شركه دار الايتام وذوي الاحتياجات الخاصه اللي هيا في الاساس حق عمي بس انا متعاقد مع رجل اعمالو وتقدر تستفسر منو شخصيا وعشان تعرف اني صادق في كلامي وكنت دكتور في الجامعه هذا عقدي مع جامعه ....
الضابط: طيب هذا كلو مايكفي عشان تثبت براءتك ومالو علاقه في اللي صار*
احمد يفتح الشنطه : اصبر باقي هذا الشي الوحيد اللي اقدر اثبتلك فيه*
طلع من الشنطه تقارير الدراسه حق صف سادس*
ومد التقارير للضابط: هذي طال عمرك تقاريري قبل اكثر من عشرة سنوات*
مسك التقرير ويقرا الاسم : احمد خالد ....
ياسر يطالع باستغراب والاسم يتردد في بالو الاسم مو غريب وملامح احمد مو غريبه عليه يحس انو مو اول مرة شافو يحاول يفتكر كذا مرة*
الضابط : ايش هذا ؟*
احمد رجع يربط الاحداث للضابط*
وياحضرة الضابط انا ماوقعت عقود مع شركات الا وانا متاكد منها واساسا اللي يسوي العقود والصفقات سكرتيرتي في الشركه واول ماجيت قالت انا كنت سكرتيرة ابو حسين*
واتاكد من العقد لو تبغا اذا كان عمي ابو رائد ماوقع معناتو اثنينتنا انظلمنا والتوقيع مزور*
الضابط بدا يربط الاحداث ويستوعب : عموما انا ححقق مع ابوك وعمك واشوف الكلام الصح واليوم حنروح لعمك ابو رائد وناخذ منو الكلام*
العسكري اخد احمد ورجعو للحبس*
انس وياسر : احنا نستأذن*
الضابط : اتفضلوا*
انس وياسر نزلو*
ياسر مسررررح وفي عالم ثاني والا يبا يفتكر الاسم ووين شافوا*
خرجو من المركز*
انس يطالع فيه: يالله الحمد الله سوينا اللي علينا معني ماكنت اتخيل اني في يوم حسوي خير لاحد*
ياسر مو معاه ابدا*
انس : هييييي انت اهرجك انا
ياسر فتح السيارة ودخل*
انس اتوجه لماريا وطمنها*
ماريا اتطمنت ومشيت بسرعه لانو وقت دوامها حيخلص وماسوت شي*
*انس رجع للسيارة : يالله مشينا*
ياسر حرك...*
بعد دقايق في الطريق*
انس : ياهو اشبك مسرح من يوم خرجنا*
ياسر: ياشيخ هذا احمد مو غريب عليا والاسم اللي قالو الضابط ابدا مو غريب عليا بس مررة مني مفتكر فين شفتو ولامين هوا*
انس : يمكن تشابه اسماء*
ياسر : لالا (يحاول يفتكر) احمد خالد ... احمد خالد ....*
انس : اساسا مني عارف ايش دخل شنطه المدرسه حقو قبل عشرة سنين ولما كان سنه سادس نفسي افهم ايش معنى سنه سادس والله مني فاهم*
ياسر افتكر وقاطع كلامو بسرعه : انس انس انسسسسس افتكرت*
انس انفجع : اشبك بسم الله*
ياسر متلخبط : اسمع بالله انت متاكد انو قال قبل عشرة سنوات وكان سنه سادس؟*
انس مستغرب: ايوا اشبك ماسمعتوا*
ياسر : لاااا مش معقول*
انس : ياشيخ اشبك تستهبل انت ؟*
ياسر : تعرف انو هذا احمد من يوم دخلت المدرسه وهوا كان معايا كنا اصحاب بالمرة لين سنه سادس يوم من الايام نزلنا برا المدرسه لسا كنا واقفين عند الباب والله ما انسى ذاك اليوم وجاو رجالين واخذو احمد معاهم ومن بعدها محد عارف وين هوا ولا وين اختفى وامو دخلت في غيبوبه واصلا مني عررف هيا حيه ولاميته ولاعاد عرفت عنهم شي وماعندو الا اخت وحدة*
انس يسمع ويحس انو يحلم : دقيقه دقيقه انت تستهبل ولامن جدك ؟ ايش الفيلم ذا؟*
ياسر : انس بالله لازم نخرج احمد بالله ياشيخ والله مستحيل اخليه يجلس في السجن ولايروح فيها مستتحيل الكل فقد الامل انو يرجع وكملو حياتهم واعتبروه ميت*
انس : ياسر بلا استهبال ايش تباني اسويلو وبصراحه مرة مني مستوعب اللي تقولو ولا مرة حكيتني اصلا*
ياسر : اصلا ماقد حكيت احد الا محمد صاحيي*
انس : ومين محمد ذا كمان ؟*
ياسر : اقول اقلب وجهك مررة مني فاضيلك والله مني مستوعب شي احس اني احلم ما اتخيل بعد اكثر من عشرة سنين يرجع احمد اصلا نسيتوا ولاعمري افتكرت ذي السالفه*
بس قلي كيف نخرجوا*
انس : وانا ايش درا اهلي ؟!!*
ياسر : اساسا انا نفسي افهم هوا كيف عايش في ذيك الفله ومسكوه وكان مدير شركه من وينلو دا كلو معقوله يكونو خاطفينو واشتغل حرامي*
انس : هي انت بلا هباله روح البيت ونام شكلك مواصل انا مواصل وماخرفت زيك*
ياسر : اسال ماريا*
انس : نعم ؟*
ياسر : بالله بالله انس اسالها مدامها تعرف احمد اكيد حتعرف عنو كل شي*
انس : ياشيخ سري بالله*
ياسر : جيب الجوال انا حكلمها
انس : لا بالله احلف عشان تعرف اني اخذت الجوال*
ياسر : اديني الرقم طيب*
انس: لاخلاص امشي ادخل معايا المركز هيا هنا واتفاهم معاها*
ياسر : حيخلوني اكلمها؟*
انس: والله ما ادري بس حكلم المسؤول*

صحيت من النوم بتعب ،......*
تطالع في الساعه : اووف انا نمت يوم كامل ولا ايه اصلا ذحين صباح ولا ليل*

تطالع جهه السرير اللي جنبها ومستغربه : اشبها ذي نايمه اكيد ليل*
اقول خليني ارجع انام احسن*

يدق باب الصاله : ابو وليد ( اتحمحم) يا اهل البيت*
ام وليد: قوووم شوف الباب يدق*
ابو وليد قام وفتح الباب : ايوا ياخالد ؟*
ابو احمد موطي راسو : العفو بس خلي بنتي تلم اغراضها في الليل الرحله للرياض ان شاءالله*
ابو وليد بدون اي كلمه: ان شاءالله *
ابو احمد خرج واتوجه للمستشفى ....

ابو وليد : سمعتي الرجال يالله قومي*
ام وليد مستغربه : ليش طيب ايش في ؟*
ابو وليد: ياحرمه اسمعي الكلام ولانجادلي الرجال حر ويبغا بنتو ترجع معاه*
ام وليد : طيب البنت ماكلمت دراستها ومافي اجازة ذحين كيف ب
قاطعها بعصبيه : اقللللك حتقوليلها ولا انا حقلها ترا*
ام وليد انفجعت من العصبيه ومهي فاهمه شي : طيب خلاص*

اتوجهت للغرفه ومهي فاهمه شي*
دقت الباب وفتحتو*
تطالع في الغرفه*
الغرفه بارردة والنور مقفل : اوف ذولا لين ذحين نايمين ؟*
فتحت النور واتوجهت لسرير تالا*
اترددت تصحيها ...*
*وبعد تفكير ... : تالااا تالا حبيبتي قومي*
تااالا صاحيه ووجها مفقع بكا ماتبغاا خالتها تشوفها
ربا سامعه امها بس ماقامت مدامها ماتصحيها*
ام وليد : يابنتي قومي ابوك يباك تتجهزي وتيافري معاه يقول رحلتكم اليوم للرياض والله مني عارفه اشبو فجاه كذا*
تالا انفجعتتتت وتحس نفسها انقطع فجاه*
ربا بعدت الغطا بسرعه وجلست مفجوعه : تساااااااااافر؟؟؟؟؟؟؟؟؟*
ام وليد انفجعت : بسم الله انتي صاحيه ؟*
ربا قامت بسرعه : ايش تسافر وليش ؟*
تالا اتوقعت ذا الشي بس ما اتوقعتوا بذي السرعه*
جلست بشويش وقامت للحمام بدون اي كلمه
ربا تطالع فيها وفي امها : ايش في اشبكم ؟*
ام وليد : وانا ايش دراني فجاه ابوها قال بياخذها معاه وخليها ترتب اغراضها واللي مستغربه منو اكثر انو ابوك ماعلق وعلى طول قلو طيب*
ربا مااقتنعت وحست انو في شي*
اتوجهت لغرفه وليد بسرعه ودقت الباب*
محد رد*
رجعت الغرفه اخذت جوالها وخرحت للصاله تدق عليه*
تسمع صوت جوالو في الغرفه يرن بس محد يرد*
ربا بدا قلبها يدق خافت اكثر : الله يستر ايش في ؟؟؟*
ارسلت رساله لوليد ( هي افتح الباب بكلمك ليش تالا بتسافر الرياض وتلم اغراضها كلها ؟ )*
نايم على السرير ولاطل في الجوال*
انتبه لصوت الجوال وخاف تكون تالا ارسلت شي*
مسك الجوال وفتحو يقرأ وعلامات الصدمه في وجههو : تالااااااا؟؟؟؟؟؟؟؟*
بدون مايحس خرج من الغرفه واتوجه لغرفتهم*
ربا راحتلو بسرعه : ايش في اشبكم ؟*
وليد مو فايق لاحد: وين تاالا؟*
ربا : جوه في الحمام في غرفتنا ليش؟
وليد مسك تالا من كتوفها : رربا ابا اكلمها ضروري ترا لو سافرت ماحترجع صدقيني ربا مفجوعه : لييش ايش في؟*
وليد : بعدين افهمك*
تالا نزلت من الغرفه وملامحها تعب وبكا وحالتها حاله شافتهم واقفين رجعت ورا الجدار تتخبى من وليد : ربا ابغا شنط عشان ارتب اغراضي*
ربا تطالع في وليد وفيها بكا وليد اشرلها براسو( ايوا)*
تالا رجعت للغرفه*
ربا دمعت : وليد الله يخليك لاتخليها تسافر وليد ايش في ايش سويتو ؟*
وليد سابها وخرج برا البيت ....

دخلو المركز والاغلبيه خلص دوامهم وخارجين*
ياسر : يالله بالله ناديها هنا*
انس : لالا تعال الغرفه*
ياسر : طيب يالله*
مشيو للغرفه*
انس دق الباب*
ماريا ماسكه المخده ومسررررحه مهي مع العالم ابدا*
فتح الباب بشويش واتحمحم*
ماريا انتبهت وعدلت طرحتهاا*
انس: ماريا معليه على الازعاج بس نباك ضروري*
ماريا تكلمو بدون ماتطالع فيه: ليش ايش في؟*
انس: مو انا اللي ابغاك ياسر صاحبي يبا يكلمك في موضوع*
ماريا : طيب؟*
ياسر : اسمعي يااختي ياماريا انتي تعرفي شي عن حياه احمد ؟ قد قلك انو كان مع عيله ثانيه وخطفوه ؟*
ماريا كل ملامحها تعجب : نعم؟*
ياسر : يعني ماتعرفي ذي السالفه ؟ ولاتقدري تفيديني فيها ؟*
ماريا ؛ عفوا اخويا انا مني فاهمة شي انت ايش قاعد تقول ؟*
ياسر اتأفف : طيب تعرفي اختو تالا ؟*
ماريا فتحت فمها وعيونها وسعت : تاااالا؟؟؟؟؟
(انتهى البارت الثامن عشر ) *

18 - 12 - 2024, 12:55 PM

( البارت التاسع عشر )
واقفين قبالها ومستنين جواب بفارغ الصبر*
رمشت بسرعه : مين تالا ؟ يعني لحظه لحظه ممكن تفهمني السالفه انا مني فاهمه شي*
ياسر اتأفف : ذحين يعني ماتعرفي عن احمد القصه هذي؟؟؟*
ماريا باستغراب : ولاقد حكاني ولاشي كل اللي اعرفو انو عايش لوحدو وامو اتوفيت على ولاده بيه*
ياسر : كذذذاب ذا يكذب عليك*
ماريا انفجعت : نعم ؟*
ياسر : ترا احمد امو في غيبوبه بس مني متاكد اذا صحيت منها ولا اتوفيت وعندو اخت اسمها تالا*
ماريا جات علي بالها تالا بس ما اتوقعت انها تكون هيا ابدا : يعني انا عندي صحبتي اسمها تالا بس ماقد سمعت ذي القصه منها*
ياسر خاف يبفقد الامل ومايعرف يوصل لاهل احمد : طيب ويعني ايش نسوي؟*
انس: اقول ياسر امشي بالله خلينا نروح وفكر على كيفك*
ماريا عصبت : استنى هنا ايش يروح قلي اول ايش احمد يكذب مايكذب حكيني بسرعه
ياسر طالع في ماريا ومو فاضيلها ابدا : ياشيخه مرة مو وقتك اقلك اذا عرفتي شي عن احمد قوليلي سلاام*
نزل من الغرفه وانس لحقوا*
ماريا مصدومة ما اتوقعت انو احمد يكذب عليها جلست على الارض بقهر وتفكر في كل لحظه مرت بينهم ....

جوالو يرن ....
فتح عيونو واخذ الجوال باستغراب : ايش تبغا ذي ؟*
رد بصوت كلو نوم : الو*
الخدامه الخاصه : الو*
رائد : نعم ايش في؟*
الخدامه الخاصه : ابوك تعبان في المستشفى لازم تجي وتشوفو*
رائد انفجع : ابويا ؟ اشبو ؟*
الخدامه الخاصه : جاو الشرطه واخذوه مني عارفه ايش في وبعدها ارتفع الضغط وراح على المستشفى*
رائد قام من السرير مفجوع : ايش في وليش ماتتكلمي من اول*
الخدامه الخاصه : حاولنا نتصل عليك بس ماترد على اتصالاتنا*
رائد *اتأفف : خلاص انا ححاول اجي على اقرب طيارة واذا صار شي اتصلي*
الخدامه الخاصه : حاضر*
قفل الجوال ولبس وخرج على مكتب الحجز ....
في الطريق ...*
جوالو يرن*
اخذ الجوال ورد : ايوا الو*
ريم : وينك اشوف سحبت عليا قال تمشيه قال*
رائد : تمشيه ايييه انا وين وانتي وين*
ريم عصبت : لا والله والله حبيبي مو انا اللي قلتلك مشيني انت عرضت عليا*
التاكسي وقف ..*
رائد : يالله يالله بعدين اكلمك سلام*
قفل الخط*
ريم انفجعت من حركتو : انا اوررريك قله حيا يعزمني ويسحب عليا ويقفل في وجهي كمان*

قفلت الجوال ودخلت الغرفه معصبه وجلست على الكنبه بدون اي كلمه*
ماسكه الريموت : استغفر الله مني فاهمه شي كل امو كلام مو مفهوم*
تطالع فيها : هي اشبك ؟*
ريم طفشانه : ولاشي*
تالين ردت بنفس طريقتها : لا بالله احلفي ؟*
ريم : يختي عزمني وقلك بيخرجني وسحب عليا ولما كلمتو قفل في وجهي*
تالين متعجبه : خير حبيبي مين هوا ذا من متى تعرفي تتكلمي الماني ؟*
ريم : الماني اييييه*
تالين : اجل متعرفه على مين انتي ؟*
ريم افتكرت انها ماقالت لتالين على وجود رائد معاهم : لالا ولاشي ... اسمعي انا نازله اشتري من تحت تبغي شي؟*
تالين انقهرت : هبل اصلا من متى تخبي عليا انتي ... لاشكرا مابا منك شي شكلي طولت في الغيبوبه الناس اتغيرت*
ريم اخذت في خاطرها وكان نفسها تحكيها بس خبت السالفه عشان خايفه تالين تروح فيها لو دريت انو معاهم*
ريم خرجت بدون ماتتكلم .....*

واقفه عند الباب مستنيه*
وقف قدامها : اتفضلي معايا*
مشيت بخوف وقلق*

دخلها غرفه صغيرة مرة واشر بيدو : اجلسي هنا ذحين حيجي*
جلست وتطالع في المكان بخوف واشمئزاز*
بعد ثواني دخل ومعاه عسكريين*
دخلوه وجلسوه فوق الكرسي*
ووقفو عند الباب*
تطالع فيه : كيفك ؟*
بدون مايطالع فيها : ايش جابك ؟*
ام حسين : ايش ايش جابني ماتباني اتطمن عليك ؟*
ابو حسين : مابا احد يتطمن عليا ايش حتطمني ولاجايه تتريقي*
ام حسين عصبت : خيرر اشبك ايش اتريق هذا جزاتي اني جيت واتطمن عليك*
ابو حسين مارد*
ام حسين : طيب ذحين ايش صار ؟*
ابو حسين : ما ادري عنهم ماطلعوني*
ام حسبن : اول كلمت حسين بس ماقلتلو قلت بقلك اول*
ابو حسين : لالا لاتقوليلو ولاشي ولاتجيبي سيرة اذا سالك عني قوليلو تمام وماكلمك مشغول*
ام حسين : ليش طيب ؟*
ابو حسين : يعني ماتعرفي ولدك حيسيب دراستو ويجي*
ام حسين : طيب خلاص*
الشرطي: انتهت الزيارة
ام حسين : خلاص انا كلمت محامي واداني موعد وفي اقرب فرصه حشوفو*
ابو حسين : لاتتأخري وطلعيني من العفن ذا*
ام حسين : انت دخلت نفسك فيه تجري ورا الفلوس جري*
ابو حسين عصب : قومي انقلعي من قدامي قلك اجري وراها جري مدري مين كل ماحك راسو سويلي فله هنا وسويلي بيت هنا*
ام حسين نزلت بدون ماترد*
الشرطي اتوجه لابو حسين ومسكو من يدو*
ابو حسين بعد يدو بقوه : سيب انا اعرف اقوم لحالي .....

الغرفه بارده وهاديه*
دخل الدكتور ومعاه الضابط*
جلس بهدوء فوق الكرسي*
ابو رائد مغمض عيونو*
الضابط يأشر للدكتور : كيفو اليوم نقدر نتكلم معاه ولالا؟
الدكتور يطالع في ابو رائد : ها يا ابو رائد كيفك اليوم ؟*
ابو رائد فتح عيونو بشويش : الحمد الله*
الدكتور : شوف الضابط هنا يباك يكلمك كلمتين بس وحيمشي*
ابو رائد مارد ....
الضابط: كيفك يا ابو رائد*
ابو رائد اشر براسو ( ايوا)*
الضابط حكى ابو رائد كل مستجد من التحقيق*
ابو رائد : انتو لازم تتأكدو من صحه الاوراق اكيد مزورة وبعدين ما اعرف ولد غير حسين من وين طلع احمد ذا ؟*
الضابط : والله هوا وضحلنا القصه اللي صارت بينهم وذحين جاري التحقيق ونتأكد من صحه كل الاوراق*
ابو رائد يسمع ومستغرب*
الضابط:يالله انا استئذن*
ابو رائد مهموم ويفكر ....

تحضنها من قلبها : حتوحشيييني*
لمى : وانت اكثثثثر ياماما*
بدور سابتها وماتبغا تسيبها*
مراد مسك يدها: يالله نمشي؟*
لمى اشرت براسها( ايوا )
مراد نزل وركبها السيارة وركب السيارة ومشي ...*
في الطريق ... *
لمى تطالع في مراد*
مراد استغرب : اشبك حبيبي تبغي شي؟*
لمى : بابا ماما ليش ماتجي تعيش معانا يعني ماما ماعندها بابا بس ماما بدور عندها*
ليش مانجلس كلنا مع بعض ؟*
مراد ارتبك وبلع ريقو مو عارف اي يرد : لا حبيبي لا بابا حيجي من الرياض ان شاءالله وتشوفيه وتجلسي معاه*
لمى ما اقتنعت بالكلام وملامحها تحولت للزعل*
مراد مايبا يكلمها خايف انها تبكي ...
مسك جوالو واتصل :الوو*
بدور ردت :ايوا الو*
مراد عين على الطريق وعين على لمى : قولي لمروة تنزل تاخذ لمى انا تحت***
بدور: ماترد عليا من اول اتصل خلاص انت طلعها فوق*
مراد: ايش اطلعها ياهو دقي انت*
بدور : من جد اشبك كم مرة اتصل وارسلها ماترد*
مراد اتأفف : طيب*
قفل منها ووقف السيارة : يالله حبيبي بطلعك فوق*
لمى بدون اي كلمه نزلت*
مراد بيقطع الشارع مد يدو يمسك يد لمى : اديني يدك*
لمى بعدت يدها : مابا*
مراد اتأفف ومسك يدها بقوة ومرو*
لمى زاد العناد : خلاص سيبني بطلع لوحدي ماباك*
مراد طالع فيها واستغرب : طيب يالله روحي لوحدك*
لمى خافت وجريت *
تطلع الدرج قابلها بودوقارد عند باب الفندق*
طالع فيها وهيا تجري مد يدو يهديها لاتطيح من الجري*
لمى خافت وصرخت رجعت بسرعه لمراد وحضنتو*
مراد فك ضحك عليها : بتطلعي لوحدك ها*
لمى بكيت*
مراد شالها واتوجه للاستقبال : السلام عليكم*
الرجال: وعليكم السلام*
مراد سال الرجال عن غرفه مروة والدور*
مراد : طيب شكرا*
الرجال *ابتسم : العفو*
مراد طلع الدور الخامس*
واتوجه للغرفه ودق الباب*
يطالع في لمى اللي سانده راسها على كتفو ..سلم عليها*
يستنى الباب ينفتح ....
مرت اكثر من ثلاثة دقايق وهما يستنو
مراد طلع جوالو واتصل : الوو*
بدور : ايوا الو خلاص حطيتها ؟*
مراد : اي حطيتها مهي راضيه تفتح الباب ذي انتي متأكده انها موجودة
بدور : ما ادري بس انا اتصل عليها من امس ماترد*
مراد حب يتأكد : طيب طيب انا حتصرف*
قفل جوالو ونزل الاستقبال*
مراد: لو سمحت انا طلعت الغرفه ودقيت الباب ومحد رد بس بسالك اذا موجودين ولالا*
الاستقبال استغرب : لا ابدا ماخرجت المدام لازم تحط البطاقه عندنا قبل لاتخرج بس البطاقه معاها يعني وانا متاكد ماشفتها خرجت*
مراد استغرب اكثر: استغفر الله طيب يعني نايمه ولا ايش*
مراد : المهم ممكن تديني نسخه من البطاقه*
الرجال : بس اديني بياناتك*
مراد اداه بياناتو*
والرجال اتاكد انو بنتها تعرف مراد*
طلع واحد من البودوقارد مع مراد*
لمى تغمض عيونها عشان لاتشوفو*
مراد طلع وفتح الباب*
الغرفه هدوء دق باب غرفتها برضو محد يرد*
فتح الغرفه بشويش وانصدم*
طايحه علي الارض*
حط لمى وجري عليها : يامروة مرروة*
البودوقارد : انادي الاسعاف ؟*
مراد : لالا انا حشيلها المستشفى معايا*
لمى تدقها وتبكي: ماما قومي مااما*
مراد اتطمن انو في نبضات قلب وعرف انو مغمي عليها*
سحب عبايتها المرميه على الكنبه وغطاها وحملها*
لمى تمشي وراه وتمسح دمعتها وتشهق كل شويه*
خرج للسيارة بسرعه*
واتوجه لاقرب مستشفى*
اعصابو متوترة يسوق وهوا يفكر في كذا شي*
بعد دقايق وصل المستشفى*
حملها بسرعه ودخل للطوارئ*
دخلوها الممرضات ودخل عندها الدكتور*
مراد مستني برا مع لمى*
لمى حاضنتو وتبكي : ابا ماما
مراد اتنهد : طيب حبيبي بس ماما تعبانه شويه *
بدور تتصل ..
مراد شاف اسمها بس مارد عارف لو قلها حتقيم الدنيا وحتخاف*
ارسلها رساله( ياقلبي خلاص حطيت لمى بس عندي كم شغله اخلصها وارجعلك )*
بدور اتطمنت*
الدكتور نزل*
مراد : ايوا يادكتور طمني*
الدكتور : والله زوجتك الحمد الله كويسه بس الضغط كان نازل جدا وسببلها حاله اغماء*
مراد مشى كلمه زوجتك عشان الموقف مايساعد : اها طيب الحمد الله*
الدكتور : بس اهم شي عشان صحتها لاتعرضوها لاي ضغط ولا لاي فجعه لازم تداروها لانو لو صار واتعرضت لشي مايسرها حتسببلها جلطه*
مراد يسمع الدكتور وشايل همها : طيب ان شاءالله*
بعد نص ساعه الممرضه تنادي مراد*
مراد اتوجه للغرفه وجلس*
مروة تطالع فيه وانفجعت ايش جابو*
لمى جريت على امها: ماااامااا*
مروة ابتسمت بشويش : لمى؟*
لمى: ماما وحشتيني*
مروة : وانت اكثر*
مراد متنح*
مروة طالعت فيه : تسلم والله تعبناك معانا*
مراد : لالا ابدا مافي لي تعب احنا في الخدمه*
وسلامتك ماتشوفي شر*
لمى تضحك*
مروة تطالع فيها : اشبك ياماما ؟*
لمى: ماما هذا بابا مراد زوجك انا سمعت الدكتور قلو كذا*
مروة قلبها يدق من الاحراج*
مراد وجهو راح فيها وطالع جهه الباب*
مروة : عيب ياماما*
لمى :مو انا هذا الدكتور قال كذا وكمان قلو لاتزعلها*
مراد نفسو يخنق لمى*
مروة حست في مراد : خلاص مشكور تقدر تمشي سامحنا تعبناك معانا*
مراد : لالا مافي تعب قلنالك خلاص الدكتور كتبلك خروج الليل وحستناكم*
مروة مهي عارفه ايش تقلو ....

ينزل الشنط للحوش*
ابو وليد واقف : خلاص انا حوديكم المطار*
خالد: مشكور جزاك الله خير*
تالا تقفل الشنط وعيونها ماوقفت من الدموع*
ربا تطالع فيها مهي عارفه ايش تقلها*
تالا وقفت تشيل عطورها من فوق التسريحه*
حطت الاول وطالعت في الثاني دموعها نزلت اكثر ضحكت بقهر ولفت على ربا*
ربا ماصدقت تالا تطالع فيها*
تالا مبتسمه والدموع تنزل : هذا العطر اللي اعطيتيني اياه هديه لما اتخرجت وقلتيلي بخي بخه ورجعيه*
ربا ما ابتسمت ودموعها نزلت بسرعه صوتها كلو بكاء : تالا لاتروحي*
تالا اختفت ابتسامتها ونزلت راسها*
ربا تشهق : تالا الله يخليك الله يخليك لاتروحين انا ما اعرف ايش حسوي بدونك كيف حنام في ذي الغرفه كيف حروح الجامعه كيف حضحك كيف حاكل حتى*
تالا جات حضنتها*
ربا مسكت تالا بقوتها كلها وتبكي بصوت عالي*
مرت الثواني ولا وحدة تبا تسيب الثانيه*
الباب يندق*
اتحمحم: ربا يالله قوليلهم يتجهزو بعد ربع ساعه حنمشي المطار*
ربا تخبي صوت البكاا : طيب يا ابويا
تالا وقفت وكملت ترتيب اشياءها وقفلت الشنط*
ربا اتوجهت لغرفه وليد مالقيتو**

طالعت في جوالها لقت مكالمتين منو*
اتصلت عليه بسرعه*
وليد رد : وييييينك انتي*
ربا : *والله ماسمعتو
وليد : يالله بسرعه انا تحت*
ربا : ايش تحت ايش في ؟*
وليد : خليني اشوف تالا ضروووري اكلمها اتصرفي*
ربا انفجعت : طيب ايش اسوي؟ كيف؟*
وليد : انا ورا البيت مستحيل احد يشوفها*
ربا : طيب دقيقه اناديها*
وليد : بسرعه استناك*
قفلت جوالها*
واتوجهت لغرفتهم*
تالا : ربا شوفي هذي بلوزتي اللي تخاصمنا واحنا نشتريها وكنتي تبيها حخليها ذكرى*
ربا مهي معاها ابدا : تالا*
تالا : نعم ؟*
ربا : تعالي معايا شويه*
تالا : وين ؟*
ربا : انت تعالي بس شويه*
تالا مشيت مع ربا ....

تطالع في العلبه : هيا بالله ذا حيسافر وحيخلينا كيف اعرف ذا حلال ولاحرام المشكله ما افهم*
تتأفف وطلعت جوالها تحاول تترجم*
فجعها صوت الجوال وهوا يرن*
ردت بدون ماتشوف الرقم : الو*
ام ريم : ايوا الو*
ريم تحس نسيت صوتها : امم ايوا ؟*
ام ريم: كيفك ؟*
ريم: تمام الحمد الله*
ام ريم : متي راجعه؟*
ريم : لما تتحسن صحبتي*
ام ريم : اقوول بطلي لعب وتعالي ترا ابوك في السجن*
ريم مهي حاسه في رجولها تحسها نملت*
جلست بسرعه : ايش؟؟؟؟؟؟*
ام ريم ؛ والله هوا محتجز ومني عارفه ليه كانو بيحققو معاه ومعد رجع*
ريم : وانت مارحتي تشوفيه؟*
ام ريم : لا والله اخر عمري اروح السجن ايش تبغي الناس يقولو لو احد شافني*
ريم : طيب سلام*
قفلت الجوال*
حسبي الله على بليسك انتي ام والله حرررام ياربي يعيينني عليها ( دموعها نزلت من القهر )*
خرجت من المحل بسرعه واتوجهت للفندق *
تتصل عليه مايرد*
طلعت بسرعه وتحس الطريق بعيددد بعد ثواني وصلت غرفتو تدق الباب بقوة : رائد افتح راااائد انا ريم افتتتح*
رائد فتح بكل برود : اشبك؟*
ريم دخلت : بالله رائد احجززلي معاك برجع*
رائد انفجع ؛ نعمم؟ ليش ؟*
ريم : ابويا في السجن يارائد*
رائد انفجع اكثر : في السجن ؟ ليش؟*
ريم ماسكتو من كتفو تترجاه : ما ادري يارائد الله يخليك بروح*
رائد يطالع في الساعه : مستتحيل باقيلي ساعتين واروح المطار*
ريم تبكي : رائد الله يخلليك احجزلي ذحين*
رائد اتأفف :طيب دقيقه*
ريم فرحت*
رائدمسك جوالو واتصل*
رائد حجز وكل شي وقبل مايقفل شهق*
ريم انفجعت وتأشر اشبك؟*
رائد : طيب شكرا*
وقفل بسرعه*
ريم : اشبك ايش في!*
رائد : احلفي نسييتي تالين ؟*
ريم افتكرت وانفجعت : يالله ذحين ايش نسوي*
جلست على الكنبه وتبكي : والله ابا اشوف ابويا انت تعرف كيف انا متعلقه فيه وتالين ماحقدر اسيبها*
رائد : قومي رتبي اغراضك بعد ساعتين ترا حنروح المطار*
ريم ساكته*
رائد : خلاص لقيتا قومي رتبي نفسك*
ريم : ايش؟*
رائد : نخلي حسين عندها*
(انتهئ البارت التاسع عشر )*