تخطي واقول ان الخطا منّك يهون
لانك طموح و منبع امال و رجاي
تجرح واقول انك على قلبي تمون
(وادمح لك اذنوبك و تجهل في عطاي)
ما كنت احسب انك على يوم ابتخون
(جازيتني من غير لا تذكر وفاي)
قلبك تمادى و العذر لو وش يكون
لا تعتذر وش عاد باقي يا هواي
اغليك لكن ليه خيبت الظنون ؟
ماعدت افرق من خطاك وويش خطاي
شفت الغلا وشلون له فكر و فنون
اتقول و المخطي انا .. هذا غلاي
لا تحسبني بعد فرقاك امغبون
اوصيتي بيتين و احفظ من وصاي
ما ضيّعتني غير غلطاتك تهون
واخر نتايجها بديتك يا عناي
عيش العمر و امسح من ادموع العيون
(تكفيك كلما شفت وش معنا عطاي)
او 
لمشاركة اصدقائك!
عضويتي
تخطي واقول ان الخطا منك يهون 
العرض العادي
