روايه ودك تنامين نامي - الصفحة 7

27 - 3 - 2014, 10:12 PM

الجزء الثامن:.(( يوم الثلاثاء .. المستشفى ))( الساعة 9 بالليل )عائلة ابو سعود كانت موجودة كلها ف المستشفى .. ما عدا سعود اللي طلع من المستشفى بمجرد ما شاف ابوووه داخل .. لانه كان خايف يدري ابوه بللي صار ويمسح فيه الارض قدام الناس .. عشان كذا طلع وراح لخالد اللي بالمستشفى القريب.... اما ام سعود ما كان يختلف مرة عن ولدها يعني خايفة من ابو سعود وردة فعله لو يدري بللي صار .. ومن الايام الجاية ..... واللي بتسويه مع هالبنت .. بعد كل اللي اكتشفته وخصوصا انه ولدها طلع له يد ف الموضوع ... لينا : افففففف ... سالم ما صارت نووومة ... طولت ...سالم : وش اسوي الدكتور يقول يبغالها وقت لين تقوم .. لانه اغمى عليها .. لينا سرحانة : ليش كذا يصير فيها هالايام..؟؟؟ ما نشوفها الا تعبانة؟؟ وما صارت تضحك وتفرح معانا زي اول ... شي غريب .. هالبنت فيها شي..سالم : ادري حتى انا ملاحظ هالشي ... ابو سعود زهق : افففففففف ... ياباسمة ايش اللي صار للبنت عشان يغمى عليها ول هالفترة..؟؟ احد مزعلها ..؟؟ قسم بالله لو احد مسويله شي لا اوريه ...باسمة مسوية فيها ما تدري : مدري عنها .. قلت لك دخلت عليها حصلتها مغمى عليها . شلتها انا وسعود وجبناها هنا ... ابو سعود بحير : طيب وش اللي سوى فيها كذا ...؟!؟!؟!؟ باسمة تهز كتوفها : مدري ... هالبنت عليها حركات غريبة هالايام .. ابو سعود خز باسمة : اصلا انتي من متى تعرفين شي ..؟؟ طول يومك برى البيت... متى قعدتي ف البيت وانتبهتي لعيالنا ..؟؟ ها..؟؟ طول وقتك مشاغل وصالونات وزيارات وعروس ....!!!!! باسمة متفاجأة : الحين بتحط الغلط فيني انا...؟؟؟ ابو سعود عصب : اكيد فيك انتي يعني في مين غيرك..؟!؟!؟!باسمة عصبت : طيب..؟؟ خلاص ؟؟ انا الغلطانة لما ولدك يسوي شي وانا آكل غلطته.................!!!!!!!!!!!!!!!!!!!!!!ابو سعود انتبه لزلة لسان باسمة : سعود وش دخله بالسالفة ..؟؟؟ باسمة ارتبكت : ا .. لا بس .. ا .. ما في شي .. من قال سعود ..؟؟ سعود ماله دخل؟؟ ابو سعود قرب منها عشان ما يطلع صوته ويسمعوه الناس : اقولك تكلمي احسنلك ... وش دخل سعود ها.؟؟؟ سعود مضايقها بشي..؟؟ مسوي لها شي..؟؟ باسمة : انت وش فيك علقت ..؟؟ محد يقدر يغلط يعني .. زل لساني بالغلط وقلت سعود .. بعدين وش دخل سعود بالسالفة ها ..؟؟ قوللي .... سكت ابو سعود مع انه الشك ما راح منه ... وراح للدكتور يتطمن على دلع .. لانه لو قعد دقيقة ثانية بيقوم ويذبح زوجته بيدينه الثنتين ... ___________________________________(( ف المستشفى القريب .. ))( نفس الوقت .. )كان سعود قاعد عند خالد ويقوله السالفة اللي صارت من اولها لآخرها.. وخالد ماهو عارف وشلون ينصح صديقه .. لانه السالفة تازمت وكبرت وصار لازم ينشاف لها حل .. خالد يفكر : شوف .. انت لازم تقول لابوك .... فتح عيونه الثنتين : انت وش تقول..؟؟ صاحي..؟؟ ناوي انذبح وانطرد واتشرد ف الشوارع .. هذا عبدالله بن ( ... ) يا خالد مو أي واحد .. خالد : انت اهدى شوي .. وفكر طيب بحل .. ما يصير .. يعني السالفة صارلها شهرين وانت ماتحركت ولا سويت ولاشي .. وماخذ الموضوع ايزي ...!!!قام سعود وقعد يلف ف الغرفة بحيرة .... خالد : عندك حلين .. يا تعترف وتتحمل المشكلة معاها .. يا تتركها تواجه المشكلة بروحها وتطلع من السالفة وتقول عنها كذابة وحاطتها فيك ... سكر سعود عيونه بالم : مو على شي يا خالد .. بس .. لو شفتها اليوم شلون تنطق ..!!! يا خالد انطقت قدامي .. امي نزلت فيها ضرب بسببي .. انا كل شي عادي عندي .. الا انه انسان يتعذب بسبب غلطاتي .. الا هالشي ما اقدر اتحمله .. قسم بالله ضميري مرة يانبني على اللي سويته فيها ... خالد : وشمعنى هذي..؟؟ مليون وحدة قبلها صارلها نفس اللي صار لبنت خالتك .. سعود قعد يشرحله بصعوبة : مو هذي هي المشكلة ... البنات اللي اول .. كنت ما اسمع عنهم شي بعد اللي يصير .. وكاني ف يوم ما عرفتهم .. بس هذي تسكن معاي ف البيت .. اشوفها كل يوم واتعامل معاها .. قسم بالله اسمع صياحها وسط الليل يوصل لغرفتي ... هذا غير الدموع اللي اشوفها نازلة من عيونها حتى وهي نايمة تخيل ....؟؟؟!؟!؟!؟ حااااس بذنب فضيييييييييييع ... !!!! صدقني .. ابتسم خالد وقعد يفكر .......سعود : شفيك..؟؟ قلت شي يضحك ...؟؟؟خالد رفع راسه وهو للحين مبتسم : ياخي والله انت حنووون وطيب .. بس ما تطلع هالشي اا قدامي ليش..؟؟؟ روح لها وقول لها هالكلام .. ليش تقوله لي انا ...؟!؟!؟سعود تنرفز : مااااااالت عليك .. اللي يسمع يقول ما رحت لها .. الا رحت لها مليون مرة بس كل مرة تنتهي فيها السالفة بهوشة اطلع فيها انا من الغرفة .... البنت ماهي راضية تنسى ....!!!!خالد : طبيعي مابتنسى .. اللي سويته فيها موب شوي .. ماخذ منها اغلى شي وتقول تنسى ..؟!؟!؟! شرفها هذا موب لعبة .... سعود باستهزاء : علم نفسك اول ... خالد عصب : انا ما لعبت ببنات عمي ولا خالي .. انا صح لعاب بس مو على عائلتي وشرفي واسمي ... في فرق .. صح الاثنين غلط .. بس انا اهون .. سعود : خلاص خلاص خلاص .. اسكت واللي يعافيك .. هالكلام سمعته مية مرة ... خالد بحيرة : طيب ليش منت راضي تتعلم ...وتفهم ...؟؟؟

27 - 3 - 2014, 10:19 PM

سعود باستغراب : افهم وشو...؟؟ خالد انفعل : ياخي روووح اخطبها وفكنا من هالسيرة .. خذها واستر عليها .. صحح غلطتك ... سعود قام من مكانه : لا عااااااد .. كذا وصلنا لمكان غلط.. ياخي انا هذي البنت ما باخذها .. ما اعرف اتفاهم معاها .. تبغاني ابيع حياتي عليها ... عساها ما رضيت وسامحتني انشالله .. موب لازم تسامحني .. انا بسوي الحل الثاني .. بطلعها كذابة تالف علي .. ولا اني آخذ وحدة زيها راسها صعب وما ترضى بسهولة .. !!!!!!هز راسه خالد : لا حول ولا قوة الا بالله ... طيب تعال بكلمك بموضوع ثاني .. قعد سعود واخذ نفس : نعم ..؟؟ عسى ما شرضحك خالد : ههههه الخير بوجهك .. بس انا .. انا ابغى اتووووووب والتزم ....!!!!!!سعود باستغراب : ها..؟؟ شتقول انت..؟؟ ما اصدق اني قاعد مع خالد .. وين خالد الصدقي...؟؟ لاااا شكله الحادث لحس مخك لحس .... خالد : ههههههه لا لحس مخي ولا شي .. بس بيني وبينك انا شفت الموت بين عيوني وكنت بموت خوف ما ابغى اموت لاني عارف نفسي ما عندي شي يستاهل اقابل فيه ربي .. كل اللي عندي معاصي وذنوووب .. الا هالنتفة من الحسنات اللي اجمعهم من رد السلام والصيام وصلاة العيد ... سعود سكت يسمع خالد .... خالد : والله العظيم يا سعود ذيك اللحظة يوم صدمت سيارتي بسيارة عوض الله يرحمه .. حسيت اني برحل من هالدنيا .. قعدت ادعي بقلبي ربي ينجيني عشان اتوب عن كل اللي كنت اسويه .. كنت خايف انحرق ف القبر واتعذب .. وخايف ادخل النار .. وخايف اوقف قدام ربي وانا ما عندي عمل واحد صافي لوجهه الكريم .. سعود : ........................... ولا كلمة .. يسمع بصمت خالد ابتسم : عشان كذا .. يوم ربي انقذني الحمدلله .. انا قررت اتوب واستقيم .. عشان لما اواجه نفس الموقف من جديد اكون جاهز له ... سعود : لاتخرعني .. الله يخليك لي دوووم يا حمااااااااااار ....!!!!!خالد : هههههه ادري اني غالي عندك .. يا ملحي انا بس...!!سعود : لو ما كنت متكسر الحين كان نزلت فيك ضرب .. بس الظاهر اللي فيك كافيك .. الله لايبلانا .. يكفي وجهك مو مبين منه الا براطمك يا اهبل .. قال مملوح قال..؟؟ والله تخرع.. كانك موميا طالعة من القبر.... خخخخخخخخخخخالد : هههههههه غيران مني ادري .. المووووهييييم .. في شي بعد ..سعود : هاااااا..؟؟ خالد : ما قلت لي اول وش رايك بقراري..؟؟ سعود : الله يوفقك .. خالد : آمين .. اجمعين انشالله .. المهم .. انا بعد قررت اخطبسعود يضحك : خخخخخخخخ ههههههههههههههه خخخخخخخخخخخخ ههههههههخالد : وشفيك تضحك ..؟؟؟سعود : ههههههه انت شفت شكلك اول ..؟؟؟ انت وجهك وجه خطبة وعرس..؟؟ مدري من اللي بتاخذ واحد مجبس من فوقه لتحته زيك.... اقول اسكت بس واللي يعافيك ... خالد : مااااااااااالت عليك ... ___________________________________

27 - 3 - 2014, 10:20 PM

(( بيت ابو بندر ))( الساعة 10 بالليل )كانت ام بندر قاعدة مع ابو بندر يشربون شاهي ف غرفتهم .. اما دانة فكانت ف الصالة تطالع تلفزيون .. وبندر وثامر للحين ما رجعوا من الشغل ....وبين هالهدوووووووء ... رن التليفون .. نقزت دانة متخرعة : بسم الله .. من بيدق الحين........؟؟ ردت : الو ............: ................ مالفي رد دالنة من جديد : الووووو .....؟؟؟؟ ...........:........دانة زهقت : آخر مرة .. الو ... رائد : مسا الخير ......!!!فتحت عيونها ع الاخير مستغربة : ا .... مين ..؟؟ نعم.. ؟؟رائد : شخبارك ..؟؟ اشتقتلك ...!!!!دانة ماهي عارفة وش تقول : ها...؟؟ ا.. الحمدلله .. مين تبغى ..؟؟ رائد : افاا ... الحين صارلي شهر ونص ما شفتك .. كذا ترحبين فيني........!؟؟؟! دانة وصلت معاها .. ماهي قادرة توقف على رجولها من الخوف والاستغراب والركبة بنفس الوقتدانة : ا.... طيب خلاص .. يللا باي .. جات بتسكر بس سمعته يصارخ ...رائد : ههههههه خلاص خلاص .. انتبهي لعمرك .. وناديلي عمي ... ماردت دانة وتركت التليفون وراحت تنادي ابوها ... اما رائد فقعد يضحك على التليفون :" يا حلوها والله " ................................جا ابو بندر ورد على رائد وحوله على المكتب عشان يتكلم معاه بحرية .. ومحد يقاطعه.. اما دانة فجات بتطلع غرفتها الا بدخلة عمها احمد .... دانة ابتسمت بفرح : نور البيت والله ... هلا عمي راحت باسته وهو ما كان مرة مروق .. كان يبتسم غصبا عنه .. احمد : هلا دانة .... قعد الكنبة بعد ما فصخ شماغه وحطه على كتفه .... قعدت دانة جنبه : عسى ما شر عمي .. وش فيك تعبان ...؟؟ احمدوووو قول لي انا دانة زي اختك ... خخخخخخخابتسم احمد من ورى خاطره : هههههههه احمدووو ها..؟؟ انا اوريك .. اعلم ابوك عليك.. دانة مسوية خايفة : لا خلاص خلاص تووووبة .. صدق احمد وش فيك ... ؟؟احمد تنهد : آآآآآآه وش بقول ووش بخلي..؟؟ والله كل شي فيني .. دانة سكتت : عوض صح ...؟؟ احمد بدون ما يلتفت : هذا الجزء الاكبر من اللي فيني .. والباقي زهق وملل من هالدنيا دانة : افاااااااا .. ابتسم للدنيا تبتسم لك ... احمد يصفق : شاطرة .. لك حلاوة لانك حفظتي الدرس ........!!!!!!دانة : هههههههههههه .. خالي عاد افرح .. ما يصير كذا تقعد زعلان .. ادعي ربي يرحمه .. احمد من قلب : آمين يارب ... وعلى طاري عو تضايق احمد وقام : يللا دانة انا تعبان بروح انام .. سلمي على ابوك .. دانة : طيب .. طلع احمد ينام ويرتاح من همومه .. اما دانة فطلعت تتذكر رائد وصوته .. ما تدري ليش فجأة صارت ترتاح لهالانسان مع انها كانت تخاف منه وتكره وتحسه نشبة .. ___________________________________(( المستشفى ))( الساعة11 بالليل )قامت دلع .. وطمن الدكتور ابو سعود انها بس مرهقة لا اكثر وتحتاج للراحة كبيرة .. مع تجنب المشاكل .. ف الغرفة ... لينا :الحمدلله على السلامة ... دلع بتعب : الله يسلمك ... سالم مبتسم : ما تشوفين شر ... خوفتينا عليكابتسمت دلع : الشر ما يجيك .. انتبهت دلع لباسمة اللي واقفة وتخزها بقوة وتهديد .. وعرفت دلع على طو ليش هالنظرات .. لانها خايفة تعلم ابو سعود عن اللي صار ..... ابو سعود : يا بنتي قوليلي ليش صار فيك كذا..؟؟ احد مضايقك ...؟؟ دلع بدون ما تطلع ف احد : لا يا عمي بالعكس .. انا مدري وش فيني صايرة ضعيفة كذا .. يمكن لاني ما صرت آكل زين ابو سعود : وليش ماتاكلين زين ....؟؟ دلع : مم .. ما اشتهيابو سعود : لا حبيبتي ... من اليوم ورايح لازم تاكلين زين وتنتبهين على صحتك .. اذا ما انتبهتي لنفسك من بينتبهلك ..؟؟دلع ابتسمت مجاملة : ابشر يا عمي ما يصير خاطرك الا طيب .. وبعد حوالي ربع ساعة كانت دلع طالعة من المستشفى ...

27 - 3 - 2014, 10:32 PM

(( الاربعاء .. ورشة ابو بندر .. ))( الساعة 12 الظهر )دخل ابو بندر الورشة وكان لابس بنطلون جينز وفنيلة برتقالي وكاب .. واول ما شافوه الشباب قاموا يصفقون ويصارخونرائد : ايش الكشخة هذي يا محمد .. لا لا لا غطيت علي الصراحة .. لا تمشي جنبيابو بندر : هههههههه عن الشلخ الزايد ناصر: لا والله يا عمي كانك واحد مننا وفيناابو بندر مسوي معصب : اجل انا ايش ؟؟!؟!؟؟ رائد : خخخخخ يا ويلك يا ناصر .. !!!ناصر : لا يا عمي مو قصدي ..ابو بندر : ههه ادري مو قصدك .. امزح معك يا ناصر .. تمون والله ناصر : تسلم الله يخليك .. ابو بندر : أي صح .. نسيت اقول لكم شي .... رائد : وشو...؟ لفوا الكل .. شوي الا يدخل بندر ووراه ثامر وكل واحد فيهم لابس شورت وفنيلة بدون اكمام ....رائد : يا حيا الله بالررررربع ........!!!بندر يمشي ويزعط : مشكورين .. مشكورين .. لاتصفقون .. ماله داعيالا ووراه ثامر بالنظارة الشمسية اللي فصخها : الله يبقيكم حلفت عليكم تجلسون .. الكل : ههههههههههههههههههههههههه ابو بندر : هذولي عيالي المجانين .. سلم بندر وثامر على الشباب .. والكل كان مبسوط ومتحمس لروحة البحر ف هالجو الحلو .... ابو بندر : جاهزين يا شبااااااااب ؟؟؟الكل : أيابو بندر : يللا على السيارات اشووووف .. الكل ركب سيارته وتحركوا .. ابو بندر وناصر ف سيارة رائد ف سيارةبندر وثامر ف سيارة عمر وجمال وحسن ف سيارة ومشيت السيارات في رحلتها الممتعة .... ___________________________________(( مدارس الظهران ))( الساعة 11 ونص )وقفوا البنات بشكل طابور مستعدين عشان يركبون الباصات ويتوجهون لمكان مسابقة الرياضيات عشان يدعمون صديقاتهم اللي يمثلون المدرسة في مسابقة الرياضيات .. واللي يشارك فيها بعد كثير من مدارس المنطقة الشرقية .. لينا : افففففففف ... اكره الغطا...!!!بسمة ( وحدة من البنات ) : احد قال لك حبيه ..؟؟؟ بس لينا جاتها حالة عناد وما رضت تغطي وجهها .. لين ما شافت وجه المديرة قدامها وتخزها بقووووووووة .... لينا وهي تحط الغطا على وجهها بسرعة : زق العمى.........!!!! من وين طلعت لي هذي..؟؟؟؟!!!!المديرة : خلاص..؟؟ كلكم تغطيتوا..؟؟ لينا تهمس لصديقتها : الحين انا ابغى افهم .. احنا اللي بنكشف وناخذ اثم ولا هي؟؟؟صديقتها : يقالك امر بالمعروف ونهي عن المنكر .. لينا تتحرطم : الله ياخذها وجع بشكلها انشالله .... المديرة : عندك شي يا لينا...؟؟لينا بدلع : سلامتك .... المديرة : شوفوا الحين تركبون الباص ..ما ابغى اسمع صوت وحدة فيكم يعلى .. فاهمات..؟؟ اللي يطلع صوتها .. ماهي رايحة رحلة مرة ثانية معانا .. لينا بهمس : ميتين على رحلتنك .. مالت عليك وعلى رحلتك هذي .. قال رحلة قااال .. طلعوا البنات وركبوا الباص بعد ما سووا هوشة على الكراسي .. وانتهى الهواش بانه لينا خلوها تجلس جنب المديرة ... لينا " اففففففف .. وراي وراي يعني..؟؟؟ عمى ..!!!! ما صاااارت ...!! " ___________________________________

27 - 3 - 2014, 10:33 PM

(( على الطريق .. سيارة رائد ))( نفس الوقت )كان رائد مستانس وهو يفكر بالماي البارد اللي بيسبح فيه بعد شوي لين ما طرى على باله ولد عمه عوض ... ساعتها حس بحزن وجا على باله يتصل ف احمد .... احمد بدون نفس : الو ... رائد : السلاااااااماحمد : هلا وعليكم السلام والرحمة ... رائد : شالاخبار ابو الشباب ..؟؟احمد : بخير الحمدلله .. وانت شخبارك يا رائد ..؟؟ رائد : تمام والحمدلله ... اقول احمد : ها...؟؟رائد : طالبك طلبة قول تم .....!!احمد : ههه اشوفك صاير ثامر وانا مدري .. رائد : حدك عاااااد .. الا شيخ الشباااب احمد : ههههه مالت عليك انت وشيخك .. رائد : الحين قول تم ...!احمد : تم آمر .. تدللرائد : ما يامر عليك عدو انشالله .. الحين انا بمرك .. بغيتك تطلع معاي بوديك مكان حلو احمد : وين ..؟؟؟رائد : مشوار نص ساعة ونرجع لا تخاف .. احمد : ليش..؟؟ خليها بعد الدوام يا رائد ... رائد : دام السالفة على شغل .. اكلملك ابوي .. يعطيك اجازة اليوم احمد : شايف ما عندي لسان ... رائد : خلاص اجل .. 10 دقايق واكون عند الشركة لا تتاخر ...!!احمد : خلاص تمام .. اوكي ... مع السلامةرائد : مع السلامة ...سكر رائد وراح لشركة ابووووه .. ___________________________________(( مبنى المسابقة .. ))( نفس الوقت )دخلوا البنات المبنى وهم يتفرجون وعيونهم تروح يمين يسار .. الجدران موصخة .. والابواب مصدية .. والممرات مو منظفة .. حتى الساحة كلها رمل ... ومافي كراسي.. المديرة : يللا امشوا بكل ادب وهدوء .. وتذكروا .. كل وحدة تمثل بيتها وتربيتها .. لينا تتحرطم : ماااالت عليك وعلى اللي خلاك مديرة .. فصخوا البنات عباياتهم .. وعدلوا شعورهم... اما لينا .. كانت بايعتها . فتحت شعرها اللي كان مستشور .. وحطت روج فوشي .. وعدلت الكحل حقها بالمرايا ..وكل هذا كان تحت عيون المديرة بس ما قدرت تتكلم او تهزئ لانه كان في موجهات قدامها .. فاضطرت تسكت وتكتفي بالخز والنزرات اللي ما التفتت لها لينا ولا عطتها وجه .. وهناك .. شافوا مدارس كثيرة ... مدارس حكومية واهلية .. واشكال غير .. وبنات غير .. وتجهوا كل المدارس للقاعة اللي بتكون فيها المسابقة .. وهناك كان في كراسي بس صغيرة وبلاستيكية .. يعني ما تليق بمسابقة على مستوى المنطقة ابد .. المهم قامت لينا تتشرط مع شلتها ويسوون حركات الدلع حقتهم .. وانهم ما يقدرون يقعدون على هالكراسي ولازم يحطون كلينكس تحتهم ومن هالحركات .. بدت الجولة الاولى بعد ما قالت مديرة المبنى كلمتها .. وكانت مدرسة لينا ف المراكز المتقدمة .. ......................................وبعد الجولة الثانية اللي تفوقت فيها مدرسة لينا .. عطوهم استراحة عشان ياكلون ويسولفون شوي .. اما لينا وشلتها فكان عندهم مخططات غير .. راحوا لشناطهم الصغيرة وطلعوا منها قمصان بيضا مكتوب عليها " we r the best " بالالوان الفاااقعة وعليها خرابيش .. ولبسوها فوق المريول ومشوا فيها ف المبنى دام بنات المدارس الثانية ... و ف الزاوية كان في بنات مدارس البسام الاهلية اللي كانوا لابسين مراييل رصاصية وقمصان بيضا .. ورابطين كلهم شعورهم ولا وحدة فيهم حاطة روج .. بس شوية كحل.. لينا بتكبر وقفت عندهم : ا .. انتوا أي مدرسة ...؟؟ وحدة من البنات : البسام ... وحدة ثانية : وانتو ا...؟؟ لينا بدلع : الظهران..........!!!الاولى : اعصااابك .. اخاف يطق لك عرق من الخقة .. الثانية : من جد .. وش فيك رافعة خشمك .. لينا وهي تنفخ براطمها : مممممم .. لاننا احسن منكم .. الاولى تقلدها : يا ويييييييييييليي .. تركتهم لينا ومشت لشلة كانت قريبة وكانت من مدارس السعد .. وكان في وحدة واقفة وشعرها شبه طويل اسود .. هنا لينا غاارت ...لينا " خييييييير!!! ليش شعرها اطول من شعري ..؟؟ والله لا اوريها هاللي مسوية نفسها شي وفاتحة شعرها...؟!؟!؟ " راحت لها وكانت البنت متحمسة بالسوالف وباين انها تتكلم عن الكورة وتقلد حركات التسحيب والكورة .... لينا بخقة : excuse me …لفت سمر: ا .. نعم ..؟؟ لينا : ا .. عندي سؤال .. انتوا من أي مدرسة ؟؟؟سمر بدون اهتمام : السعد ورجعت البنت تتكلم مع صديقتها ولا عطت لينا وجه .. الشي اللي خلاها تنقهر زيادةلينا" طيب طيب يا ام شعر عراقي .. ان ما وريتك ما اكون لينا .. " لينا مسوية معصبة: هي انتي ....سمر: نعم ..؟؟لينا : ومن انتي عشان تعطيني ظهرك كذا..؟؟ تعرفين احنا من أي مدرسة ..؟!؟!سمر بدون ولا تعبير على وجهها واهتمام : الظهران .. ورجعت لفت تكمل وصف المباراة لصديقتها .. لينا فااارت وعصبت وانقهرت من حركتها .. ولا وحدة ف الحياة حقرتها كذا .. حتى المديرة نفسها ... وحفاظا على كرامتها لينا بقرف : يعععععع ما اتخيل نفسي ف مدارس السعد ...!! شي مقرف صراحة ومشيت هي وصديقاتها بعيد .. وخلت سمر وشلتها مستغربين من هالبنت بتحمدون ربهم على نعمة العقل ..... ___________________________________

27 - 3 - 2014, 10:34 PM

(( سيارة رائد .. ))( بعد نص ساعة )كان رائد ف سيارته قدام بيت ابو بندر ينتظر احمد يغير ملابسه عشان بيوديه معاهم البحر يغير جو ويطلع من الحزن اللي هو فيه .. وهو ف السيارة .. خطر في باله سؤال ..رائد : يا ترى أي وحدة من هالشبابيك شباك غرفتها..؟؟ وقعد يتامل ف الشبابيك واحد واحد .. بس ما في أي دليل يساعده عشان يعرف ابد ..عشان كذا استسلم وقرر يسمع له اغنية بين ما يجي احمد قام فتح الاذاعة وعلى الصوت .... على اغنية اصيل ابو بكر .. ( بس احبك )ايه احبك وهذا حظي اللي انكتبودربي اللي امشيه وادري به تعبايه احبك وانت في عيوني سهر وانت وسط القلب حرات وقهربس احبك وهذا حظي اللي انكتب ودربي اللي امشيه وادري به تعباشوف الناس بعيوني ومن بدهم اشوفك غيرواحس مثلك في هالدنيا فدنيا ابد مايصيرفي عينك سحر ياخذني ويخليني معاك اسيرواحس عمري وقف عندك ويامي وراك تسيردخل احمد السيارة ... ولفتته الاغنية وقعد يسمعها مع رائد وهم ساكتين .. ايه احبك وهذا حظي اللي انكتبودربي اللي امشيه وادري به تعبايه احبك وانت في عيوني سهر وانت وسط القلب حرات وقهربس احبك وهذا حظي اللي انكتب ودربي اللي امشيه وادري به تعبتحمس رائد وقام يغني ويميل يمين ويسار براسه وهو مستانس ومغمض عيونه يغني .. واحمد فاقع ضحك عليه ......احمد : ابووو الشبااااااب .. يللا خلينا نمشي .. صرعتني من نص ساعة يللا ويللا ويوم خلصت وقفت..!.!!؟!؟!؟ رائد ضحك وما عطاه وجه وكمل الاغنية ..... اشوف الناس بعيوني ومن بدهم اشوفك غيرواحس مثلك في هالدنيا فدنيا ابد مايصيرفي عينك سحر ياخذني ويخليني معاك اسيرواحس عمري وقف عندك ويامي وراك تسيرايه احبك وهذا حظي اللي انكتب ودربي اللي امشه وادري به تعبصفق رائد من الحماس .. وشغل السيارة اما احمد : لووووول ... عليك حماس يا شيخ .. اخق انا .. !!!!راد وهو يطلع من البيت : ههههه نعم؟؟ خير؟؟ سيارتي واسوي اللي ابغاه فيها.. احمد : ههههههههه اقطع ابو المذلة ...!! توبة اركب مرة ثانية معكرائد بنص عين وثقة : ما تقدر تقاوم سيارتي الكشخة ..!!!احمد : ابووووووووها الثقة ... !! يازينك ساكت بس ... وكملوا الاثنين مشوارهم لاحقين ابو بندر والشباب .. ___________________________________

27 - 3 - 2014, 10:34 PM

(( مبنى المسابقة ))( بعد ساعة .. الساعة 12 ونص )بدت الاستراحة الثانية وكانت مدارس السعد متصدرة .. وبعدها الظهران .. وف الساحة .... لينا تلعب بشعرها متضايقة : اففف ... احس شعري خرببسمة : لا زين .. بسك تعديل فيه .. انتي كذا بتخربينه لينا : يووووه .. انا بروح اعدله ف الحمام.... بسمة : اوكي بننتظرك هنا .. راحت لينا للحمامات .. وقعدت تعدل ف كشتها وتفك وتربط .. وترجع تفك وتمسكه ببكلة .. وترجع تفكه ... وكذا لين ما شافت سمر داخلة تعدل شعرها والكحل حقها .. لينا " والله الكلبة حلوة .. موب شينة والله .. " وبين ما سمر كانت تعدل نفسها كانت لينا تطالعها بخقة واستكبار .. لين ما انتبهت لها سمر.... سمر: عسى ما شر ... مشبها علي احد ..؟؟؟ لينا من تطالعها من فوق لتحت وتلف وجهها : لأ .. شوي الا يسمعون جرس الانذار يدق ويبدا الصراخ ف المبنى كله ... والبنات يركضون لبرا الحمام .. ويصارخون .. لينا : يا ماما......!!!!! شصاير..؟؟ سمر ساكتة ومهدية نفسها : مدري والله .. بس الظاهر في حريقة ف المبنى ..!!!لينا محترقة : ياااابردك ... الحين حريقة وواقفة ولا كانه شي صايرسمر تمثل بدلع : يا مامي ... انا مرة خااااايفة لينا حست نفسها غبية وسكتت .. بس وقفت مكانها ولا تحركت.. لين ما جات سمر بتطلع ... لينا تصارخ : وين راااايحة ؟؟؟؟ سمر بزهق : اففف .. خير..؟؟ بروح اشوف وش صاير..؟؟لينا : لااا ..سمر باستغراب : انتي وش فيك ...؟؟ مجنوونة ؟؟ ما بيصير شي .. لينا : اخااااف .. والله اخاااااف سمر اتنهدت : افففففف ... تعالي معاي طيب... فكرت لينا شوي وما حصلت غير هالحل... وطلعت مع غادة يمشون ف الممرات الفاضية .. ويدورون على احد .. وبعد اللف والدوران ف الفصول والغرف .. حصلوا درج للدور اللي تحت .... سمر : تتوقعينهم تحت..؟؟لينا : ا ... مدري .. من الخوف مسكت لينا يد سمر وتعلقت فيها وسمر ابتشلت " اففف .. هالنشبة من يفكنا منها الحين .. ما ادااني الدلع .. انا ما خلصت من غادة تجيني هذي؟؟؟ الله يصبرني " نزلوا الثنتين على الدرج .. ومشوا شوي الا يسمعون اصوات ازعاج .. وعلى طول مشوا لجهة الصوووت الا شافوا كل من ف المبنى متجمعين ف قاعة .. ووحدة واقفة تتكلم ... اول ما دخلت لينا القاعة ركضت لصديقاتها : بناااات. .... شصاير..؟؟بسمة : الله يقطع ابليسهم خوفوني .. انذار بالغلط !!!!لينا : ايش..؟؟؟؟ بسمة : ههههههههه خرعونا ع الفاضيلينا : الللللللله ياخذهم هم ومبناهم القديم هذا واللي بناه فوقهم بعد ..!! خوفووني بغيت اموت ف مكاني .. المشكلة اني كنت ف الحمام بروحي.. وفجأة اسمع الجرسبسمة : هههه شلون وصلتي هنا..؟؟لينا : والله مشيت مع ذيك البنت .. بسمة : عسى اللي سويتي حركات قدامها من شوي ..لينا تضحك : ههه أي.. بس تعرفين طلعت حرام طيبة .. قالت لي اجي معاها وهي بتدور عليكم .. ما كان عندي حل غير .. قمت لحقتها ... بسمة : اهاا... وش اسمها ...؟؟لينا : تصدقين مدري...............؟؟؟ وبدون تردد .. راحت لينا لسمر وقالت وهي مبتسمة ومتغيرة 180 درجة معاها : ا.. لو سمحتي....؟؟؟سمر ابتسمت وضحكت يوم تذكرت شكل لينا وهي خايفة : ههههههه هلا .. لينا منحرجة : ا... بغيت اقول لك ثانكس على اللي سويتيه .. انا غلطت عليك وانتي عاملتيني احسن معاملة .. سمر : ههههههههه لا افا وش دعوة .. كلنا خوات ما بيننا زعل .. مدت لينا يدها بدبلوماسية : انا لينا بنت عبدالله ( ..... )سلمت عليها سمر : انا سمر محمد ( ..... )وبكذا صار في صداقة حلوة وطيبة بين سمر ولينا .. حتى لو كانت طريقة تعارفهم شوي غريبة وتضحك .. بس المهم انهم تعرفوا على بعض ... ..............بعدها رجعوا وكملوا المسابقة بس لا فازت مدارس السعد .. ولا فازت مدارس الظهران..!!!!___________________________________

27 - 3 - 2014, 10:36 PM

(( ع البحر .. الساعة 1 الظهر )) ( بعد نص ساعة )نزلوا الشباب من السيارات .. ونزل احمد مع رائد .. واول ما شاف بندر وثامر ..بندر يصارخ : احمدووووووووووووووو......!!!قرب احمد : هههه هلا بندر .. ورى ما عزمتوووني.. ثامر : افااا ... انت اول معزوووم اصلا ... بس بدون ما نعطيك خبر يعني .. عزيمة ف القلب.... خخخخخخخخاحمد : اقول انت اسكت يا بياع الكلام .. محمد : اووووه.... احمد هنا... هلا والله .. نورتاحمد : ههههههههه النور نور الشمسمحمد : مااااااالت عليك احسب بتقول نوري .. تقول الشمس ..!؟!احمد : لا والله .. على راسي والله يا خويمحمد : تسلم .. شبااااااابقربوا الشبااب : سم .. محمد : هذا اخوي احمد .. الكبير طبعا زي ماهو واضح اني اصغر منه صح..؟؟احمد : ههههههه خوش بنطلون ....!!!بندر قرب من احمد وقال بهمس : هذا لبسته ف شهر العسل بس لاتعلم احد...!!احمد : خخخخخخخخخخخ ... الله يقطع ابليسك .. اجل بنطلون مخضرم ... محمد : هههه ايووووووهرائد وبندر ما كان عندهم وقت .. على طول فصخوا الفنايل.. ونزلوا البحر تاركين الشباب يسولفووون........ثامر : شوووووووف...!! والله ماعندهم وقت .. على طول نزلوا ... احمد : ننزل ..؟؟ وراحوا احمد ومحمد وثامر وباقي الشباب .. ونزلوا ف البحر يسبحون ويستعرضون من فيهم احسن واسرع سباح .. خخخخ___________________________________(( بيت ابو سعود .. غرفة ابو سعود ))( الساعة 4 )دخلت ام سعود الغرفة واول ما شافها ابو سعود مسك الجريدة وقام يقرا حاقرها...ام سعود : ها عبدالله ..؟؟ شخبار الشغل اليوم ...؟؟عبدالله بدون ما يرد : الحمدلله .. قعدت باسمة ع الكنبة جنبه : عبدالله .. ابغى اكلمك بموضوع .. عبدالله بدون ما يلتفت ولا يهتم : ماني فاضي.. تعالي بعد ساعة .. او اتصلي ف السكرتير حقي وخذيلك موعد .......!!!!انقهرت باسمة واخذت منه الجريدة : اكلمك انا .. عبدالله : طيني كف .. ما يكون احسن...؟؟ باسمة : عبدالله .. هذي مو حالة .. عبدالله قاطعها : أي حالة اللي تتكلمين عنها ...؟؟ ها...؟؟ باسمة : انت ليش تعاملني كذا ..؟؟ ان اوش مسويتلك ..؟!؟!؟! عبدالله يتظنز : لا افااا.. حشى .. انتي مظلووومة .. والله حرام اللي يصير فيك انا اللي ظالمك مو معطيك وجه ... بس كذا اتسبب .. الله يقطعني من ظالم .. !!!باسمة قامت ووقفت : شوووف .. انا جيت اتفاهم معاك بس انت اللي ما تبغى تسمع .. مقفل راسك بقفل .. عبدالله يكمل طنازة يقهرها : ومضيع المفتااااح .... كاااااااااااااااك كاكاكاكاكاكا ههههههاااااي ههههههههههههههههههه خخخخخخخخخخخخخخخخخوقعد يضحك صوت عالي مرة وما وقف لينا متنرفزت باسمة وطلعت من الغرفة مقهووورة___________________________________(( بيت ابو فيصل ))( الساعة 5 المغرب )لبس ابو فيصل ثوبه وشماغه وجا بيطع من الغرفة ...نسايم بتردد : ا... ابو فيصل...ابو فيصل لف : نعم..؟؟نسايم : بس يعني وين رايح..؟؟ ما نمت اليوم..؟؟ ابو فيصل : انا كم مرة قلت لك مالك دخل وين اروح ووين اجي .. انتي هنا تنطقين وتربين بناتك .. ومالك دخل بللي برى فاهمة ..؟؟ نسايم : بس انا ماني خدامة عندك ترميني ف البيت .. فوق ما انت ماخذني صغيرة وحارمني من الحياة زي باقي الناس والعالم ع الاقل عطيني شوية تقدير واحترام .. عصب ابو فيصل ومسكها من شعرها .. وحذفها ع الارض : هذا الاحترام اللي بعطك اياه .. ومالك عندي شي انتي .. اصلا انا متفضل عليك باشيائ يا كثرهاصاحت نسايم من القهر والاسف : أي صح .. متفضل علي بالسب والتنقيص ونكر الجميل.. !!طلع ابو فيصل ولا عطاها وجه .. وف السيارة ... ابو فيصل : الو ابو غادة : هلا .... وينك تاخرت..؟ابو فيصل : ياخي هالاهل تعرف مشواريهم ما تخلص .. المهم .. جاهز؟؟ابو غادة : من زماااااااااااان .. انتظرك بسابو فيصل: خلاص نتقابل ع الجسر .. ورانا سهرة اليوم حلوةابو غادة : والله انا قال لي واحد انه في فندق البار حقه مرة يونس .. ويجيبون مطرب عراقي بعد .. شرايك..؟؟ابو فيصل : شورك وهداية الله ..!!!!___________________________________(( بيت ابو سعود ))( الساعة 7 بالليل )ام سعود من عند الباب : لينااااااااااااا...لينا من فوق : هااااااااا..؟؟ام سعود تصارخ : سمعتي وش قلت لك..؟؟ مافي طلعة لو ايش يصير فاهمة ..؟؟لينا بزهق : طييييييييييييييييييييييب ....!!طلعت ام سعود المشغل حقها .. ام لينا فنقزت على طول للابتوب تكلم سمر اللي تعرفت عليها اليوم .. وتقريبا صاروا صديقات ..... لينا : باك..سمر : ولكمووووولينا : افففف ... ياخي من عنده ام غثة زيي....؟؟سمر : هههه يا حليلها امي طيووبة ما تقول لاحد لأ... لينا : اففف يا حظك .. امي هذي نشبة ف الحلق .. على كل شي تدقق.. سمر : الحمدلله اللذي كفاني مما ابتلاك فيه ... ( غرفة دلع )كانت قاعدة ف غرفتها وقدامها كل انواع الاكل والفواكه اللي وصى ابو سعود انه تاكلهم .. بس ماهي مشتهية ولا شي .....دلع : اففففف .. وش هالزهق ....؟؟ لا لابتوب ولا نت .. ولا جوال او تليفون .. ولا شي .. وش هالحياة ....؟؟!!!ومن الطفش اللي فيها قررت تستشور شعرها .. قامت للمرايا وشافت وجهها : يما !!!! كني عجوز ف الثمانينات .. وجهي يخرع..؟؟وعلى طول نست انها ف الدنيا وبدت تصبغ بوجهها وتستشور شعرها .. واندمجت مع هالشي .. ___________________________________(( ع البحر .. ))( الساعة 8 بالليل )كانوا الكل متجمعين حول النار الي ولعوها .. ويسولفون ويضحكون .. رائد كان هادي وولا كلمة طلعت منه غير الابتسامة مع كل سالفة تنقال .. كان قاعد وشعره المبلول مبعثر على وجهه ............احمد بنص عين : الاخ يخطط حق شي... انا ادري هالنظرة مو عن فراغابتسم رائد وما رد عليه............. اكتفى بحك راسهابو بندر : خخخخخخخ شفيك يا ولد .. اول مرة اشوفك كذا .. رائد وهو يلعب باصابعه : ا... صراحة مدري كيف اقولكم .. بس خاطري اقول قدام كل الناس .. وزين اننا جمعة عشان الخبر اللي بقولكم اياه الحين .. ناصر : لااااااا ... الولد مخطط لشي... قول بسرعة شال رائد المنشفة عن كتفه : ا.... عمي ابو بندر .. او محمد .. او يبا .. المهم .. انا ابغى بعد اذنك اتقدم واخطب بنتك ... !!!!!!!!!الكل سكتوا .. بس ابتسامة انرسمت على وجه ابو بندر وقال : خخخخ بس كذا ..؟؟ ابشر .. تعال انت وابوك بعدين بنشوف .. رائد : يعني ..؟؟احمد يطنز : شوووف..؟؟!! مابنرد عليك لين ما تتقدم رسمي .. انت وهالوجه .. احد يخطب ع البحر..؟؟ لا وقدام النار بعد ...!!!رائد انحرج وقام لسيارته : ا.. لحظة نسيت شي ف السيارة ..راح رائد .. وصحكوا الكل عليه وشلون انحرج ....ابو بندر : ههههههههه شرايكم ..؟؟ ارفضه ..؟؟ناصر : افاااا.. ا عاد انا بقولك .. رائد ما ينرد .. احمد بنص عين : وانت من دخلك ف العائلة .. لايكون اخوها وانا مدري .. انا عمها وما تكلمت ....جمال: وي عليك ... اكلت الولد ما قال شي...!!!!ابو بندر : هههههههه احمدووو هدي .. وش فيك على ربعي ..؟؟ احمد : قصدك احفاددك .. ياخوي انت مصدق عمرك انك شباب ..؟!!؟!؟ مو يعني لبست جينز يعني خلاص .. خخخخخخخخخخابو بندر ضربه على كتفه : من زينك عااد .. واثق من عمركاحمد بخقة : طبعا .. انا كل البنات يموتون علي.. اصلا يذوبون من امرجا رائد ومعاها بندر وثامر .. وكان ماسك بيده عود ..احمد : شوف وش جاب هذا بعد ... عسى ما شر؟؟؟قعد رائد : بعزف لكم .. لازم اوريكم ابداعاتي .... ابو بندر : انتوا ما خلصتوا سباحة .....؟؟؟بندر وهو يقعد وينشف وجهه : الا .. والله هالماي روووعة .. باااااارد !!!قعد ثامر جنبه : أي والله .. شي يفتح النفس .. بلا هالمؤسسة اللي تجيب الهمابو بندر : قلت لك تعال عندي ما تسمع الكلام ... ثامر : والله افكر اجي خلاااص .. شي يتعب الواحد صراحة .. ناصر : شبااااب .. هدوا شوي .. رائد بيعزف لنا .. ثامر نقز : وانا بغني .. واللي يعافيكم بغني .. !!!!!!ابو بندر : عاااد من زين اصوت يا ثامر ...!! وش بتغني ..؟؟ثامر : بغنيلكم .. ا... وش بغني ..؟؟ أي صح .. بغنيلكم تكفون نايف البدربندر فتح عيونه ع الاخير : لاااااا لا لا لا الله يخليك اسكت .. مدري من وين تجيب هالاغاني انت .... ابو بندر باتغراب : ها..؟؟ من نايف البدر هذا ..؟؟احمد : واحد ما تعرفه يا خوي.. مو من زمانك .. ابو بندر : وش يغني ...؟؟رائد : هذاني بسمعك يابو بندر .. الله يهديك اسكت شوي ..ابو بندر : هههههه خلاص خلاص .. بسم الله قمتوا علي .. غني يا بلبل .. يللابدا رائد يعزف ويغني .... والشباب يسمعون له باهتمااااااااااام ________________________________ ___

27 - 3 - 2014, 10:37 PM

(( بيت ابو فيصل .. ))( الساعة 10 بالليل )دخل فيصل البيت بعد ما كان طالع مع سالم .. ولما دخل البيت .. شاف اللمبات مطفية .. والبيت مرة هادي .. استغربفيصل : مو كانه اليوم خميس..؟؟ وشعنده البيت هادي...؟؟ دار ف البيت لين ما وصل لغرفة خواته ... دخل وشافهم نايمات .. ابتسم قرب من امل اخته الصغيرة .. وقعد سطالع وجهها الصغير وهي نايمة .. باسها وراح لشوق .. غطاها زين وباسها بعد .. وطلع من الغرفة .. بعدين راح يمشي لغرفته .. وبنين ماهو رايح .. شاف نور غرفة ابوه ونسايم مفتوح ... دق الباااب .... وسمع صووت نسايم : مييييييين...؟؟فيصل : انا ... فتحت الباب نسايم : هلا فيصل .. حياك ادخل.. دخل فيصل وقعد على الكرسي ..نسايم : وينك تاخرت..؟؟؟ فيصل : كنت احوط انا وسالم ف الشوارع .. تعشينا وجينانسايم : وش تعشيتوا....؟؟فيصل : يعني وين..؟؟ كودو ما غيره .. اللي عند المخازن .. نسايم : اهاا... حلو .. انبسطت ... فيصل : أي .. زوجك وين....؟؟نسايم : طلع كالعادة .. اليوم الاربعاء ...فيصل : عسى راح البحرين....؟؟ نسايم والصيحة بحلقها : أي.. الله يهديه بس.. فيصل : شفيك نسايم ..؟؟ هاوشك..؟؟ نسايم : الا رماني ف الارض بعد .. مو بس هاوشني... لا حول ولا قوة الا بالله .. فيصل زعل : هذا متى بيموت ويفكنا...؟؟نسايم قاعته : لا تقول كذا ...؟؟ حرام هذا ابوك ...!!فيصل : وخير انشالله .. واذا ابوي .. بالطقاااق اللي يطقه .. روحه بلا رجعة انشالله ..!!قامت نسايم ترتب ملابس ابو فيصل .... فيصل سكت شوي بعدين قال : نسايم ... نسايم بدون ما تطالعه : نعم ....؟؟ فيصل : عندي سؤال بس اتمنى ما يكون ثقيل يعني ..؟؟؟نسايم : وشووو ..؟فيصل : انتي ليش اخذتي ابوووي ..؟؟ مع انه كان اكبر منك بكثييييييير .. وعنده ولد بعد .... ؟!؟!؟!!؟سكتت نسايم تتذكر الماضي.. تتذكر الغلطة اللي ارتكبتها ف حياتها يوم تزوجت ابو فيصل .. تذكرت شلون كانت بنت معززة مكرمة عند اهلها ف جدة .... نسايم وهي تقعد : ا.... اسمع .. انا كنت بنت غنية ف جدة .. وحيدة امي وابوي .. ويوم وصلت 17 سنة .. كنت ما افهم .. غبية .. متهورة .. ما افكر لما اسوي الشي .. المهم انه ابوك جا وخطبني .. قبل 3 سنين .. كان عمر ابوك تقريبا 37 سنة .. وانت كنت موجود وعمرك 16 سنة .. المهم .. طبيعي اهلي بيرفضون .. بس انا الهبلة كنت ساعتها ف ثاني ثنوي .. واللي ف سني تحلم وتفكر بالزواج وما تصدق متى يتقدم لها واحد عشان توافق . المهم بكل اختصار اني تهاوشت مع اهلي لين ما وافقوا اني آخذه .. فيصل ابتسم بشفقة عليها .... وكمل يسمعها ........نسايم : عاد انا كنت متوقعة يدلعني ويحبني .. وكنت متوقعته رومنسي زي اللي يكونون ف الروايات والقصص .. يعني كنت متوقعة ابوك فارس الاحلام اللي انتظره ...فيصل : وبعدين..؟؟نسايم تضحك باستهزاء على نفسها : ههههه سوري على الكلام هذا .. بس سواقنا كان محترم ف التعامل اكثر من ابوك .. !!!!فيصل قعد براحة : خذي راحتك .....نسايم : الرجال من اخذني من بيت ابوي .. لهالبيت على طول .. لا شهر عسل ولا شهر بصل .. جابني وحبسني ف البيت...!!!!! وبعد ثلاث شهور انا حملت بشوق .. فيصل : أي اتذكر .. حتى انا طلعت من البيت يوم دريت انك حامل .. نسايم : أي صح .. وغبت اسبوعين ما سمعنا لك خبر...فيصل : تصدقين زوجك حتى ما كلف عمره يسال ويني ولا شلون عايش...!؟!؟!؟ عااادي .. ولا كانه ولده مختفي اسبوعين من البيت!!!! نسايم تنهدت : الله يهديه .. حاولت كم مرة اقوله يبلغ الشرطة بس كان يقول .. اتركيه بيرجع لوحده .. واذا ما رجع .. بيتي يتعذره ...!!!!!!!فيصل تضايق : مالت عليه وعلى اهله اللي خلفوووه وربووه .. صدق ماعرفوا يربون .. هذولي جايبينه دام ما يعرفون يربون واحد ويأدبونه؟؟؟... صدق تخلف .. !!!!نسايم : شكلك بتطلع زي ابووووك .. ما تحب احد فيصل بقرف : بسم الله علي.. الله لايقول.. الا تعالي .. عني انتي الحين كم عمرك ...؟ نسايم ابتسمت : كم تتوقع ...؟؟؟ اقولك من 3 سنين كان عمري 17 يوم تزوجت ابوك..فيصل بدهشة : يعني انتي الحين عمرك 21 ...؟!؟!؟!؟! نسايم ابتسمت : أي ... فيصل : يا حليلك صغيييييييييرة ... اللي قدك الحين ماتتزوج .. الا بعد 3 .. او 4 سنين .. نسايم : وش نسوي عااااااااد ..؟؟؟ هذا اللي ربي كتبه لي... ولازم نرضى فيه .!.!.!.

27 - 3 - 2014, 10:41 PM

نهاية الجزء الثامن... شرايكم..؟؟ دلع وش بيصير فيها ..؟؟ وسعود وش بيقرر يسوي ..؟؟ دانة ..؟؟؟ هل بتوافق على رائد ...؟؟ بندر وشغله وش بيصير فيه..؟؟نسايم وزوجها ومعاناتها معاه ...؟؟ ان شاء الله يعجيكم البارت

المواضيع المتشابهه لموضوع: روايه ودك تنامين نامي لموضوع: روايه ودك تنامين نامي
الموضوع	كاتب الموضوع	المنتدى	مشاركات	آخر مشاركة
يمد لي يده وامد له روحي	حنين الأشواق	همس عالم حواء	5	8 - 11 - 2023 03:30 PM
نامي بصدري	نجمة الليل	همس الشعر والقوافي	6	25 - 3 - 2023 05:41 AM
والي خلق دم بعالي السموات	النورسيه	همس الشعر والقوافي	4	28 - 11 - 2020 04:08 PM
والد المعاصي	شيخة الزين	نفحات اسلاميه	6	10 - 5 - 2019 09:10 PM
روايه روحي لك وحدك للكاتبه ريم الحجر روايه رائعه لا تفوتكم	جروح الم	همس للقصص وحكايات وروايات	81	8 - 6 - 2018 01:02 PM

الذين يشاهدون محتوى الموضوع الآن : 6 ( الأعضاء 0 والزوار 6)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع