رواية امانه لا تطلع حرارة انفاسك بحضن غيري

20 - 8 - 2014, 12:09 PM

البارت السادس عشر

دانه:أي وانا اقول بعد..لاني مشفتك من اول مجينا...خله يولي بس..
مشعل:ههههههه..ترى مرضى عليه..
دانه:..........
منتبهوا للي يطالعهم من بعيد..
مشعل:هو صديق عمري ترى..صحيح انا اكبر منه بكم سنه..
دانه قاطعته:ماالت بس..انت بعد في صفه..
مشعل:ههههه.."قرص خدودها"يازينك بس..
ابومحمد بنظرات حاده:من انت؟؟
دانه شهقت:يبه...
ابومحمد بنفس حدته:من ذه يادانه؟؟
دانه بتردد:ا...ذه اخوي...برضاعه..
ابومحمد:!!!!
مشعل:أي انا اخوها..مشعل..
ابومحمد بشك:اخوهااا..."وبتفكير"كيف هو عنده اخ ولا اخت زي عمرك.."وبعدم قناعه"لااماني مصدق
مشعل باندفاع:لاا ياابومحمد..لاتظن ظن السوء فيني ولا بالدانه..وإذا انت منت مصدقنا عندك امي وام صالح هم الشهداء انها رضعتني..
ابومحمد:.....انا واثق بدانه واخلاقها..لكن.....
دانه:صدقني يالغالي اني مو زي متفكر..
ابومحمد قاطعها:انا اعرفك زين يابنتي..بس الشيطان يابنتي..
دانه انبسطت انه تفهم الموضوع..
ابومحمد:اسمع يامشعل..ان قلت لتركي انك اخو دانه حشيت رجلك حش..
مشعل باستغراب:انت ودانه متبون تركي يعرف ليه؟؟؟
ابومحمد بحده:انا لقلت كلمه مثنيها..
دانه همست بهمس مسموع:لاتعارض كلام الشيخ وقول سمع وطاعة..
مشعل بابتسامه:ابشرر ياشيخ..ماني قايل له..
ابومحمد بابتسامه:هذا الكلام ألي ابي اسمعه..
ابومحمد كان مخطط لخطه...عشان كذا طلب من مشعل انه ميقول لتركي أي شيء..
مشعل يقول له القصة لابومحمد كيف هو يكون اخوها بالرضاعة..
ودانه راحت لصبايا تكمل السهره..
وفي اثناء حوارهم..
مياسا:يلا دوري بالسؤال..
امينة:من تبين تسئلين؟؟
مياسا:هيلة..ابيك تقولين لي وش صار في ملكتك لما شافك خالد..
امينة باندفاع:أي والله حتى انا ابي اعرف..
هتان بابتسامه:كاان وجهاا احمر..
مياسا:اقطع يدي ان مسوا لك شيء..
هيلة بحيا:وجع انتوا وياها وش قصدكم يعني..
دانه تحمست:يلاا وانا بعد ابي اعرف..
رجعت ذاكرتها قبل شهرين يوم ملكتها..
كانت لابسه فستان ذهبي كاشف من الصدر عاري الاكمام ضيق من الصدر ومن الخصر ويوسع من تحت..وحاطه ميك آب سنبل بتدريجات البرتقالي..وعامله شعرها ويفي..
صاير شكلها رووعه..

20 - 8 - 2014, 12:10 PM

كانت الكوفيرة تعصب عليها لانها كلا تبكي وتخرب مكياجها..
هيلة بصوت مبحوح:اتعس يوم يوم ملكتي..
ام هيلة بحنان:راح تحبينه يابنتي وتشوفين..احنا كذا قبل كنا نتزوج قبل منحب بعض وشوفيني احين انا مع ابوك زي العسل ولله الحمد..توكلي على الله يابنتي..
وجاب ابوهيلة الدفتر ووقعت بعد رضى..
وباركوا لها وبعد 15دقيقة جاء الشيء ألي كانت خايفة منه..انها تشوف خالد..
دخلت ورجولها ترتجف وعيونها تحت..
خالد قام مكانه..انبهر بجمالها..
وجلست بعيد عنه بشوي..وطلع ابوهيلة عشان يخليهم براحتهم..
خالد:اخبارك؟؟
هيلة(تعيسه) بصوت قريب للهمس:زينه..
انتظر انها تسئله عن احوالها بس مسئلت..
خالد:انا الحمدلله زين..
هيلة استحت..
خالد اقترب منها حيل ومسك يدها وهي ارتجفت من مكانها وابتسم:ترى انا ماكل لحوم البشر..
هيلة بتوتر:م..ممكن تبعد شوي..
خالد شد على يدها:انا مصدقت أني بتزوجك..
هيلة:.......
خالد بحب:وربي اني احبك ياهيلة..حبيتك من اول مشفتك فيها..
هيلة:!!!!
خالد:في عرس ماجد..شفتك بس انتي مانتبهتي لي..ومن اول نظرة دخلتي قلبي..وقلت هي ألي بتصير ام عيالي وغيرها ماريد..
هيلة(وي ذه من احين يفكر بالعياال..الله يستر بس):.....
ترك قبلة حاره على خدها..ارتجف من حركته..
هيلة قامت وباندفاع:عن اذنك..
خالد مسكها من يدها وبخبث:لسه مشبعت منك..
وسحبها لحضنه وباسها بخدها الثاني..وهي دفعته ووجها صاير اشارة مرور..ودخلت داخل..
.
.
هتان بثقه:كذاابة وربي كذابة..
امينة:انا معك ياهتان..انتي لما طلعتي منه كان وجهك احمررر حيل ماشاء الله..يعني السيد خالد مسوي شيء..
هيلة بحيا:انا قلت لكم بس قال لي احبك واستحيت..
دانه:هههههه..حرام عليكم احرجتوها..
امينة:يعني سوا شيء لك..طالم استحيتي يعني سوا علووم..
الكل عدا هيلة:ههههههههه..
هيلة:وجع..
دانه:يلا امينة دورك بالسؤال؟؟لمين؟؟
امينة:لك انتي؟؟
دانه:هههههه..اي سئلي؟؟
امينة:من الشخص ألي ودك تشوفينه ومشتاقة له مووت..
دانه:...ام متعب وابومتعب...
الكل عدا دانه:من ام متعب وابومتعب ذول؟؟

20 - 8 - 2014, 12:10 PM

دانه بحزن مدفون بصدرها:اكثر من جيران..نااس طيبين بالمره..اهتموا فيني لما ماتوا اهلي..حسسوني كني بنتهم ألي مجابوها.
مياسا:طيب وولدهم متعب وينه هو؟؟
دانه:زي مقالت لي ام متعب هو مسافر للخارج يكمل تعليمه..واكيد احين رجع ومن زمان بعد من سفرته..
الكل:...........
دانه بمرح:بسكم اسئله ابي اكل..
الكل:ههههه..
وجلسوا يهذرون لين مئذن الفجر وراحوا يصلون..دانه غلبها النعاس واستئذنت منهم..
وهي سايره لغرفتها حست باحد في المتاهه الحديقة وسمعت عن غير قصد...
هيلة بتوتر:قلت لك وخر عني..
خالد:علامك ياهيلة..
هيلة بنفس خوفها:قلت لك وخر..
خالد استغرب:ليه انتي خايفة مني كذا انا مراح اكلك..
هيلة:انزين بس انا ابي اطلع من هنا..وين المخرج..
خالد بكذب:تصدقين اني معرف المخرج..وبعدين انا فرحان ان بقينا بالحالنا..
هيلة بكره:اففف منك..وربي انك مليق..
خالد انجرح منها بس مابين:....خلاص مو مشكله..المخرج من هنا"وهو ياشر"
اقتربت عشان ابي اعرف ردها..جاني فضول لاغير..
حسيت باحد يسحبني وحط يده على شفتي..
:اووص..
دانه خافت كثير وقامت تطلع صوت..
شد على شفتها:اووص..لاتتكلمين..
ولفني قباله..وشافته..
دانه:ترركي!!!
تركي بهمس:اووص..
وطلعت هيلة وبعدها خالد..
تركي التفت علي:وش عندك تتصنطين ياست دانه..
دانه:لامو قصدي اني اتصنط عليهم بس كان صوتهم عالي..وسمعته بالغلط..
تركي كفت يده:أي ولما سمعتيهم بالغلط زي متقولين المفروض تروحين خلاص مو تتمين وتسمعين الكلام من اوله لاخره..
دانه رفعت حاجبي:انزين فهمت..بس انت وش تسوي هنا ياسيد...
تركي(جذبني شكلك وقلت اشوف الزين من قدام):كنت مار من هنا..وشفتك تتصنطين ياهانم..
دانه بشك:أي معليه..واحين بالاذن ياسيد تركي..
التفتوا لصوت:دانه..تركي..
تركي ودانه:نعم يبه..
ابومحمد:تعالوا معي..
ولحقوا ابومحمد للمطبخ..
ابومحمد:ابي اشوف المكان نظيف كله..
تركي ودانه:!!!!
وهم يشفون المطبخ كنه زريبه..مو مطبخ..الصحون متراكمه فوق المجله..والزيت متجمع في الفرن..والارضيه وسخه..
تركي بعدم تصديق:انت اكيد تمزح يبه صح..
ابومحمد:عمري مصرت جاد اكثر من اليوم ذه..واحين يلاا..
وجاء يم المطبخ والتفت لهم:أي صح كنت بنسى..افسخوا ملابسكم ولبسوا بجامتكم"وحذفه عليهم"قلت لامينة تطلع لكم بجامه مريحه..ومقصرت..ابي بعد ساعتين ونصف بالضبط المكان يلمع سامعين..ويويلك مني ياتركي ان خليت دانه بس ألي تنظف سامع..<<كنه عارف..

20 - 8 - 2014, 12:12 PM

تركي:بس....
ابومحمد قاطعه:انا وش قلت؟؟ وراح اقفل الباب عليكم عشان محد يهج من المطبخ..
وطلع وقفل المطبخ عليهم..
تركي بذهول:اكيد جدي استخف..
خذت دانه البجامة وبدون أي كلام..عكس تركي المتذمر..
دخلت المستودع وطفت الانوار ولبست بجامتها..وبعد مخلصت..
تركي بحده:واخيرا خلصتي ياهانم مصار تغير ملابس.."والتفت لها"
صنبر مكانه من شكلها..
كان بجامتها من فيكتوريا سيكريت بلوزة نيلية بدون اكمام فيها كتابات بلون الابيض..وسروال لنصف الساق مقلم باللونين النيلي والابيض..وكانت رافعه شعرها بتوكه..طالع شكلها جنااااااان..
افاق من تتنيحه صوتها:يلا مو ناوي تدخل ياسيد..
تركي:هه..ااي أي احين بغير..
رحت لبست مريلتي على ميجي..
التفت وشفته..شكله رووعه كان لابس تي شيرت نصف كم بلاك وسروال بلاك..
جلس على الكرسي وبامر:انتي نظفي المكان كله..
دانه رفعت حاجبي والتفت له:وانت ياسيد وش تسوي؟؟

20 - 8 - 2014, 12:12 PM

التفت وشفته..شكله رووعه كان لابس تي شيرت نصف كم بلاك وسروال بلاك..
جلس على الكرسي وبامر:انتي نظفي المكان كله..
دانه رفعت حاجبي والتفت له:وانت ياسيد وش تسوي؟؟
تركي:لي اصعب مهمه..
دانه:وش هي؟؟
تركي:الاشراف..
دانه:هههههههه..لا احلف بس..
تركي بابتسامه:والله..
دانه اقتربت منه وقومته من الكرسي وبسخريه:هههههه..محزرت..يلاا اجلي الصحون معي..
تركي بغرور:ذه شغل الحريم مو الرجال..
دانه(وانت عاد نفسك من الرجال):والله ذه مو اوامري ذه اوامر جدك..واحين يلا اخلص حدي نعسانه..
لبسته غصبن عنه المريله..شكله كان يضحك وهو عافس وجهه..
دانه كاتمه ضحكتها:انا بفركهم بالصابون وانت اغسلهم..
تركي بنرفزه:مو على كيفك..انتي اكيد خذتي السهل ورميتي لي الصعب..
دانه مقدرت تكتم ضحكتها:ههههههههههههههههه..
تركي(تجنن لجات تضحك..لجات تبكي..لجات تتذمر..في كل لحظاتها تجنن):انا قلت شيء يضحك..
دانه:هههههههه..وربي انك..هههههههه.."وبمزح"انا احين تاكدت انك مخلص الجامعه ولا بعد بامتياز..هههههههههههه
تركي ضحك لما شافها تضحك وعرف انها تمزح..
دانه استغربت لما ضحك معها..اول مره يضحك وياها..ضحكه تخلوا من الاهانه ولا الغرور او السخرية..
وصار يغسل الصحون وهي تفركهم..وكلا يتذمر على كثر الصحون..
تركي:انا لما دخلت في المطبخ كان نظيف يلمع واحين زريبه..
دانه كاتمه ضحكتها:....اي
تركي:حشى مو صحون ذول..مخلصوا لحد الان..
دانه:ههههههه..ممداه تونا بادين بالجلي..ههههه
تركي:اففف بس..
اول مره اشوف تركي كذا..تركي قبل كان مغرور واناني وسخيف..بس احين غيررر..عن تركي ألي اعرفه..
واي جملة يقولها اضحك عليها وهو وراي يضحك..كنه يبي يضحكني مدري ليه..حسيت كذا وبس..
وبعد مخلصنا من الجلي طحنا على الارض من التعب..
دانه وتركي بصوت واحد:آآآآآه..تعبت..
وطالعنا بعض وابتسمنا..
تركي بابتسامه:يلا احين انتي مسحي الفرن وانا..
دانه باندفاع:وانت شنوا؟؟
تركي بابتسامه:الاشراف..
دانه بابتسامه عريضه:الاشراف هاه..انا اوريك..
وركبت فوقه وخنقته بيدي بس بمزح طبعا..
دانه والابتسامه لاتفارقها:انت كلا تشرف وانا ألي اكرف..
تركي بضحكه:حرام عليك ولا مره اشرفت..توني بشرف..
دانه:ههههههه..احلف بس..
تركي:والله..
احين تاكدت انه ألي قدامي وجه تركي الحقيقي..مو المزيف ألي دايم اشوفه..تركي المغرور الاناني التافه..احين غيرر..
تئملت ملامح وجهه..وربي يجنن..وغميزاته تهببل عليه..
وعل على صوته:قوومي..اشوف عجبتك الجلسه فوقي..
دانه بتدارك امر:هه..اي..
وقامت وهي مستحيه..

20 - 8 - 2014, 12:13 PM

تركي لاحظ حياها(مدري ايش يصير لي لكنت معها..تضيع علومي..انسى اني تركي المغرور والاناني..وانسى بعد الغرض ألي تزوجتها مشانه...علامك ياتركي..ليكون حبيتها..لاا..معتقدت..اجل ليه تتصرف وياها كذا..يمكن لاني اشفقت عليها ولانها بنت يتيمه...اي لانها يتيمه وبس..اجل ليه قبل تتعامل معها بقسوة ووحشيه..اااف"وهو يحرك راسه"تعبت من التفكير..) وعى على صوتها:ترركي..علامك.
تركي بتتنيحه:هه..
دانه:ايش فيك سرحان؟؟
تركي:ويش كنتي تقولي؟؟
دانه:كنت اقول انت كنس وانا بمسح بالمنب..
تركي تخصر:ياسلاام..وليه متكونين انتي ألي تكنسين وانا ألي امسح بالمنب..
دانه:وربي ظهري تكسر من كثر التكنيس انت كنس ولو مره وحده..
كسرت خاطره بس عاندها:لا انتي كنسي..
دانه بملل:اووووف بس..
وجابت المكنسه من المستودع وكنست المكان وهو مبتسم..يحس بمتعه لجاء يعاندها..
.....
حست بعطش ونزلت للمطبخ مشان تشرب بس تفاجئت انه مقفل..وفيه حد يكنس..طقت الباب مره ومرتين بس محد تكلم يمكن لان صوت المكنسة عالي..وراحت لمجلس النسى بس ملقت مويه..وراحت للمجلس الرجال..وهي متاكده انه مافي حد فيه..لان الشايب مانعهم انهم يسهرون..لانهم اكيد راح يكرفون معه في الصبح..
فرحت لما شافت المويه في الطاولة اقتربت منها..وكبت لها كاس..وشربته..
بنسبه لمشعل..
احس ان ظهري تكسر من الاوامر ألي ماعطني اياها الشايب..طلب مني أني اخرب المطبخ واقلبه من فوق لحدر..وطار مزبله..هههههه..مقول إلا الله يعينك ياترووك ودانه على الترتيب..كنت عارف ان المطبخ بينقفل فطلعت المويه وحطيت جيك مويه في مجلسنا..
دخلت وعيوني شافت الملااك ألي قدامي..كانت تشرب مويه..من بنيتها عرفت انها دندون..شكل الشايب عاقب ترووك بالحاله..ههههه..
.
اقترب منها بحذر..وضمها بصدره بقوة..وانتفض جسمها..
وهمس لها:ايش تسوين هنااا؟؟
حاولت تفلت منه بس مقدرت..وهو كان يشد عليها ويقربها منه زوود..
مشعل بنفس همسه:لااتحاولين..
امينة برجفه وخوف:وخر عني انت..
مشعل ميز الصوت وعرف انها مو دانه ووخر يده عنها وبتوتر:انا...ا..اسف..على بالي انك وحده ثانية..
ومشاف إلا غبرتها..
مشعل شاف وجها الناعم وهو يتذكر وين شافهاا..
كان قلبها يرجف من الخوف..
.
.

20 - 8 - 2014, 12:14 PM

وبعد مخلصوا من الشغل جلسوا بالارض..وهم يحسون ان ظهرهم تكسر..
دانه بتعب:احسن اني من زماان مجلست..
تركي:وانا بعد..
دانه:زين انك تعبت..دحين عرفت كيف شعوري لجيت انظف..بيتك"وبسخريه"ياسيد تركي..
تركي بهدوء اثلج صدرها:أي عرفت..بس لاتقولين لي سيد مره ثانية..
دانه:.......
تركي بنفس هدوئه:انا تركي وبس..
دانه التفت له:....ا..
كانت بتتكلم بس انفتح الباب يعلن الفرج..
ابومحمد وهو يشوف المكان يلمع:هذه النظافة ولا فلا.."التفت لهم"شاطرين ياحلوين..
دانه وتركي قاموا من الارض..
دانه:يبه..احين اقدر انام..
تركي يتثائب:آآآه..وانا بعد بروح انام..
ابومحمد:أي روحوا ناموا..
وصعدوا الدرج..واول مفتحت الباب ارتمت لسرير..وهي تحس ان النوم غلبها..
تركي:انتي نامي في الارض..
دانه بطلت عيونها ألي كانت مسكرتها:.....نعم.
تركي:زي منتي عارفه..ان الغرفة مافيها إلا سرير واحد بس.."وبغرور"وانا مستحيل انام على الارض..
دانه(رجع تركي المغرور)بعناد:اسفة..ظهري يتصلب من نومه الارض..انت نام في الارض..
تركي اقترب منها وسحبها من يدها لعنده وصارت مقابلته بالمره..انتفضت من قربه منها..
تركي وانفاسه الحارة تلفح على وجها:بتنامي غصبن عنك بالارض..وبعدين لاتعانديني سامعه..
دانه تحاول متبين انها متوتره:لامو غصب..وانا قلت مراح انام بالارض يعني مراح انام..وبعدين انت ليه مزاجي..
تركي:.....نعم..
دانه:مره تصير مافي منك..واحين صاير....مغرور واناني..ولابعد تافه..
تركي شدها من زندها وبحده:انا تافه يالتافهه..
دانه بالم:آآي..اي وبعد مالك قيمه..
رفع يده وكان بيعطيها كف بس تردد..ميدري ليه بس يده منعته انه يطقها..
ودفعها على السرير..وراح يم الشنطة..وطلع بجامة نومه..
تركي بدون ميطالعها:فرشي لك على الارض..بسررعة..قبل ملبس بجامتي..
دانه:....
خافت ان مقامت احين بيضربها وخذت وسادة ولحاف من الدولاب..وفرشته في الارض..
وجات بتستلقي على الارض إلا بفتحت الباب
ابومحمد:تسلم ايدك يادانه..
دانه وتركي:يبه!!!
ابومحمد:ايش دراكم اني بنام معكم..
واستلقى على الارض وتلحف..
والتفت لهم وبزمره:واحين يلا ناموا في السرير..يلااا..

20 - 8 - 2014, 03:05 PM

البارت السابع عشر

خافت ان مقامت احين بيضربها وخذت وسادة ولحاف من الدولاب..وفرشته في الارض..
وجات بتستلقي على الارض إلا بفتحت الباب
ابومحمد:تسلم ايدك يادانه..
دانه وتركي:يبه!!!
ابومحمد:ايش دراكم اني بنام معكم..
واستلقى على الارض وتلحف..
والتفت لهم وبزمره:واحين يلا ناموا في السرير..يلااا..
تركي بعدم تصديق:يبه انت بتنام هنا..
ابومحمد:اجل ليه فارشين لي على الارض.."وبشك"ليكون فارشته لك يادانه..
دانه وتركي بندفاع:لااا..
ابومحمد:أي على بالي بعد..واحين اخمدوا لنوم يلا..
كان واضح من شكل تركي انه منقهر بس كاتم قهره عشان جده ميحس بشيء وطلب من دانه انها تنسدح..
دانه كاتمه فرحتها بقهر تركي وبهمس:مقلت لك اني بنام في السرير..
تركي انقهر زود من ردها..وهي استلقت في السرير وعطته ظهرها..والابتسامه لاتفارقها..
تركي عض شفته من قهره واقترب منها وقرصها على زندها..
دانه انقزت من مكانها:آآآه..
ابومحمد التفت عليهم:ايش سالفتكم انتوا؟؟
دانه بابتسامه مزيفة:مافينا شيء..
تركي غط وجهه باللحاف وهو منبسط..
ابومحمد:ماابي اسمع صوت..يلا ناموا..
دانه التفتت عليه وهي منقهره منه..
وانسدحت..وهي تتوعد فيه..
.
.
عند الساعة 10:12 صباحاً
في المجلس
ام تركي:يلا قولوا بسم الله..
هتان:بس وين دانه مجات لحد الحين؟؟
مياسا:أي والله دانه...وانا اقوول في احد ناقص..
هيلة:اصلا مو بس دانه وتركي بعد..
ابومحمد وهو ياكل:بنقومهم عند الظهر..
ام تركي:وليه؟؟وانت اصلا متحب احد يتاخر ولا يتخلف عن الفطور..
ابومحمد بصرامه:انا قلت بنقومهم عند الظهر وخلاص..
.
.
عند الرجال
الكل:ههههههههه..
خالد:والشايب الله يصلحه كلا يفطر ويتغداء عند البنات..
ماجد:أي والله صادق...قبل كلا في مجلس الرجال بس احين..ولا يمر عندنا..
راشد:ههههه..صادق والله..من جات هالدانه والشايب متغير..180درجه..
الكل:هههههههه..
ماجد:علامه تركي نايم إلى الحين..
راشد وهو يغمزله:الله العالم ان امس ليلة صباحي..ههههههه
خالد بابتسامه:حييل..هههههه..
ماجد وهو حاط يده على ذقنه:اهااا..وانا اقوول ليه متاخر..هههههههه..
الكل:ههههههههه..
تركي دخل:اقطع يدي ان مكنتوا تحشون فيني..
الكل بابتسامه:هلاا بالعريس..
ماجد بترحيب غير معتداد:حياك ياترووك..
تركي بستغراب:لا انتوا فيكم شيء؟؟
راشد:انت ألي فيك شيء..
تركي:اناا!!!
راشد:اجل اناا..
ماجد:متقول لنا ويش اخرك من النوم لحد الحين..
راشد بابتسامه:بس احنا عرفنا..
تركي بعدم استيعاب:وش قصدكم؟؟
خالد:لاتسوي نفسك متعرف شيء..انت دااهيه اصلاا..
الكل عدا تركي:ههههههههههههههه...
تركي بستيعاب:االله يقطع بليسكم بس..وانتوا هذا تفكيركم وبس..
راشد:يعني تبي تقول حضرتك ان تفكيرك غيرر..
تركي:.........
مشعل:السلام عليكم..
الكل:وعليكم السلام..
تركي:االله جابك يامشعل..
مشعل:علاامك..
راشد وخ�

20 - 8 - 2014, 03:06 PM

مشعل:السلام عليكم..
الكل:وعليكم السلام..
تركي:االله جابك يامشعل..
مشعل:علاامك..
راشد وخالد:هههههه..يعني صح..
تركي:والله صار ولا ما صار مالكم شغل..زوجتي وحلالي..
راشد بق عينه:ولاا بعد يعترف..
.
.
.
تقلبت في السرير ولا شافت العله ترووك يمها..التفتت على الساعة وهي تشوفها تعلن عن الثانية عشر ظهراً...فزت من سريرها..وع طول راحت طيران للتوليت وخذت لها دش سريع وراحت تصلي..وبعدها توجهت لتسريحه وسرحت شعرها..وبعد نصف ساعة..
قبل ماتطلع من الغرفة..توجهت للمراية وهي تشيك على لبسها..

يتبع....

20 - 8 - 2014, 03:08 PM

قبل ماتطلع من الغرفة..توجهت للمراية وهي تشيك على لبسها..
كانت لابسه بلوزة فضفاضه شويه بدون اكمام بيضاء وفيها من الصدر فيونكه بلون اسود..وحمالات البلوزة بلون اسود وبنطلون سكيني بلاك من مانجو..صندل عالي بلاك من ديور واسواره عريضة بيضاء واسود وحلق طويل..وشعرها المسترسر يزيد من جمالها..تئملت في جمال عيونها كان ميك ابها سنبل مره وزاد من جمال عيونها عدساتها الرمادية..
حطت الشال فوق راسها ونزلت..
ابومحمد شم ريحه عطرها قبل ماتدخل:دانه بتدخل..
ام تركي:ويش دراك؟؟
امينة بابتسامه:من ريحه عطرها يمه..
دانه بابتسامه:السلام عليكم..
الكل:وعليكم السلام والرحمه..
دانه بعتاب:ليه مقومتوني؟؟
مياسه:كنا بنقومك بس جدي قال لاا..قال بنقومك عند الظهر..
هتان:تونا كنا بنقومك بس انتي سبقتيناا..
ام تركي قامت:يلا يابنات تعالوا ساعدوني في المطبخ..
جيت بقوم مشان أساعدها..بس كالعادة يد ابومحمد سبقتني وجلسني..
ام تركي لاحظت وبابتسامه:الله يعينك يادانه عليه..
دانه بابتسامه:فديت ابومحمد بس..
ابومحمد بابتسامه:يفداك قلبي.."وبهمس"وش هالزين كله يابنتي..
جات بترد بس..
تركي:الزين كله لي انا مو صح دانه..
دانه:.....
تركي تفحصني بنظره وبنبره وترتني:مو صح ياقلبي..
دانه بتوتر:ا..اي صح..
ابومحمد:اشووف الاوضاع ألي بينكم تحسن..غير عن امس..
تركي جلس يمي وهو يطالع فيني:هي دانه الله يصلحها كلا تبي تزعلني وبس..لقلت لها حمار تقول ثور بس تبي تعاندني..
دانه بصدمه:انااا..
تركي نقزها:أي انتي..
دانه باستيعاب:ااي..انا كلا كذا..
ابومحمد:ههههه..لاتحسبني مدري عنك ياتركي ادري انك نقزتها عشان تطاوعك في الحكي..
تركي يدعي البرائه:اناا..
ابومحمد:أي انت..
دانه بابتسامه نصر:شفت يايبه اديش تركي حرامي..
ابومحمد:طوول عمره حرامي مافي شيء جديد..
دانه وابومحمد:هههههه..
تركي بهمس:ضحكك من سرك بلا..انا اوريك..
تركي قام وسحبني لعنده بسرعه:يلا ياجدي انا بطلع احين وباخذ"والتفت لي"دانه معي..
ابومحمد:على وين؟؟
تركي دخل اصابعه باصابعي ونظر لي نظره مقدرت أفسرها:زوجتي وانا حر واوديها ووين ماابي..يلا قلبي..
دانه(اقطع يدي ان مكان ناوي نيه علي..ونيه شينه زي وجهه):بس...
تركي:لابس ومابسبست..يلا خلينا نروح..

المواضيع المتشابهه لموضوع: رواية امانه لا تطلع حرارة انفاسك بحضن غيري لموضوع: رواية امانه لا تطلع حرارة انفاسك بحضن غيري
الموضوع	كاتب الموضوع	المنتدى	مشاركات	آخر مشاركة
ليت السما تحضن هموم المساهير	همسه الشوق	همس الشعر والقوافي	6	20 - 4 - 2020 04:09 PM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
وشلون اسامح زماني واللي احبه خذه غيري وانا اولى فيه من غيري	سجات التهاويل	همس الشعر والقوافي	12	16 - 7 - 2014 01:58 PM
هل جربت ان تحضن نفسك	نظرهـ خجولهـ	همس المواضيع العامة	6	18 - 6 - 2011 10:09 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية امانه لا تطلع حرارة انفاسك بحضن غيري

همس للقصص وحكايات وروايات