رواية قول احبك واترك الدنيا لعيونك

15 - 9 - 2014, 09:31 AM

يسلموو ي الغلا
نورتي

15 - 9 - 2014, 09:32 AM

البارت الـ 23
فيصل:كلم الوالده خلها تطلع وانت يا حيوان بيننا حساب
مشاري توجه له بقهر وهو يخنقه: موانت اللي تقول علي حيوان سامع
صقر وهو يحاول يفكه لأنه اختنق وبصوت مقطع:ابعد عني ابعد
ََََََََََََََََََََََََََََََََ
شموخ قامت من نومتها بفجعه وهي معررررقه مره وتردد بصوت مقطع وعيونها مليانه دموع :بـ تقتله بـ ـعد فيصل لا لا تموت «وببكا لاتموت : لاتخليني
شافت سجادتها وقامت بسرعه توضت وتوجهت لسجادتها وبكت بين ايدين اللي خالقها واللي راح يكون ارحم واحن عليها من اي احد
--------------------------------------
اثير &نايف كانت جالسه معه بصالت بيتهم نايف وهو يسند راسه على كتفها ويحط ايده على بطنها :يا بابا حبيبي أنا بابا لا تعب ماما اوك حبيبي خليك شاطر
اثير بعد ما قام حشرت نفسها بحضنه وبهمس: نايف
نايف ابتسم:امري يا عيونه
اثير بدلع:ياويلك لو تحب البيبي اكثر مني
نايف ببتسامه:تغار دلوعتي
اثير:طبعا اغار واذا ما أغار على زوجي حبيبي من عليه اغار
نايف وهو يسحب خدها : مافي احد بالدنيا ياخذ مكانك بقلبي
اثير مسكت ايده وطبعت بوسه رقيقه عليها:عيوني انت وروحي الله يخليك لي يارب
نايف:ويخليك لي ^_^
----------------------------------------------------------
بيت ابو سيف حست بالراحه بعد ماصلت ركعتين وقررت ماترجع تنام دعت على مشاري بقهر: حسبي الله عليك يا مشاري الشر خليت نومتي كوابيس بس أنا اتحداك واتحداك توجهت لجوالها وارسلت له بدون تردد

”فيصل أنا ابي ملكتنا بكره وابيها تكون بينك وبين ابوي بس والحفل على موعده ”
ََََََََََََََََََََََََََََََََََََََََََََََََ
بيت ابو فيصل كان جالس مع فهد وفراس ويقول لهم محاضره وكيف يفتحون جوال اختهم ..... الخ «دق جواله يعلن وصول رساله استغرب انها ارسلت له وفتح الرساله بحممماس وتشقق من الفرحه يوم قرا محتواها
رد لها بفرحه
”شموخ حبيبتي من جدك انتي طيب ترا بكره بعيد وش رايك نخليها اليوم «فيس مطلع لسانه ”

عند شموخ وصلها رده ضحكت على رده وطلعت من غرفتها بعد ما اخذت الاب توب وهي خايفه ترجع تنام اصلاً كلمت كلمت مايا وقالت لها إذا كانت فاضيه تجيها

15 - 9 - 2014, 09:32 AM

بيت ابو صقر
مايا نزلت من الدرج :هأاي ياحلوين
ريان :وعليكم السلام
مايا كشرت:السلام عليكم
ريان وهو يطالع العبايه:وين على الله عمتي
مايا:بروح لشوشو
ريان طالعها بنص عين: انتم ماتتطفشون من بعض ابد
مايا فتحت عيونها على كبرهم:قل اعوذ برب الفلق سلامات بتعطينا عين
ريان: روحي ياشيخه انتي وياها يبي لكم وحد متخصص بالعين عشان يصيبكم
مايا وهي تتوجه للباب:مثلك انت وسليمان
ريان:لاحنا مانتقابل كل يوم ونكون متحمسين كأننا رايحين باريس
مايا: ياويلي من جدك ريانوه والله بنفترق اشر فرقه على اللي تقوله قول مشالله
ريان: مشالله تبارك الله يالله روحي نشبتي لي
طلعت مايا اما هو رجع يلعب سوني وهو يدق للمره الألف على سليمان ولا جاه رد
-------------------------------------------------------
بيت ابو سيف كانت داخله البيت وهي تطالع جوالها وتتبسم كان طالع من البيت وبيروح لأخوياه ابتسم يوم شافها داخله جو مع الجوال
سيف وهو يمشى على اطراف اصابعه بهدوء:بووووووو
مايا نقزت من الفجعه :يمممممممممممماه
سيف مسك بطنه من الضحك: ههههههههههههههههههههههه
مايا طالعته بنص عين وهي تدخل الصاله وتطنشه قام لحقها بسرعه:ميوشه قلبي مايا انتضري هههههههه مايا «سحبها بسرعه قبل توصل الصاله ودخلها المجلس اللي بجنب الباب وهو يحشرها بزاويه ومحوطها بأيدينه وهو ملصق وجهه بوجهها:زعلانه حبيبتي كيف اراضيها
مايا بعدت وجهها عنه بخجججل وهي تحس بأنفاسه على خدها وهو يطبع بوسه عليه وبعدها خدها الثاني وشفاتها حست انها ذابت بين ايدينه وفوقها صوت جوالها اللي دق بعدت عن سيف بسرعه وهي تتنفس بقوه بلعت ريقها وهي ترد برتباك:هلا حبيبي ريان«سيف رفع حاجبه
ريان: هلا اقولك ياقرده إذا شفتي سليمان خليه يجي لي البيت وقولي له انه سلطان ونواف الحين جاين عندنا البيت
مايا ونست سيف: أنا قرده ياحمار ماراح اقول شيء لمن تعدل اسلوبك معي «وقفلت بوجهه

سيف جلس وهو يطالعها بنص عين:خير انشالله ريان حبيبي اسمعي هالكلمه ما أسمعك تقولينها لأحد غيري
مايا بتناحه: تراه اخوي
سيف ابتسم: انشالله ولدك ما تقولين له حبيبي
مايا وهي تبتسم:يسعد لي اللي يغار
سيف وهو يطلع:طبعاً اغار أجل تعين تقولين لي احبك وتقولين لأخوك حبيبي
مايا ماكانت تبيه يروح زعلان سحبته لجوة الصاله وهي تغطي عيونه بكف ايدها وتهمس بأذنه:احبكـ «طبعت بوسه على شفته بخفه وبعدها طلعت وهي تركض بره الصاله وقف بمكانه يستوعب اللي سار ببتسامه تنهد وهو يقول بقلبه:يامكبر حبك بقلبي
ارسل لها رساله

"يصير لاا قلت لك أغاار منهم تبعدهم وتشيلهم من قلبک و ابقى أناا ، يصير لاا قلت لگ مَ احبهم تقول و أناا مَ احبهم ، يصير لاا قلت لك ابيك لي تقول وأناا مَ ابي غيرك ، يصير لاا قلت محتااجك تقول و أناا عايش عشاانگ"

ش

15 - 9 - 2014, 09:34 AM

"يصير لاا قلت لك أغاار منهم تبعدهم وتشيلهم من قلبک و ابقى أناا ، يصير لاا قلت لگ مَ احبهم تقول و أناا مَ احبهم ، يصير لاا قلت لك ابيك لي تقول وأناا مَ ابي غيرك ، يصير لاا قلت محتااجك تقول و أناا عايش عشاانگ"

شافت الرساله وارسلت له وهي مبسوطه بأعترافها له
"يصير ياروح مايا يصير "

-----------------------------------------------------------
بيت ابو صقر جو عنده نواف وسلطان اما سليمان اعتذر بعد ماقالت له شموخ كانو يلعبون سوني وهم متحمسين وصوتهم واصل الشارع نزلت افياء بأمل انها تلمحه بس مالقته جالس معهم توجهت بقهر للمكان اللي ترسم فيه وهي متأكده انها بتلقاه بين لوحاتها اللي رسمتهم بحب
دخلت المرسم وهي تقول :يعني ماينشاف الا من السنه للسنه ولا جيت بشوفه يختفي
رفعت عيونها وطاحت بعيونه قال بأنبهار:انتي اللي راسمه كل هذا
رجعت على ورا بصدمه من وجوده بوجهها طاحت اللوحات اللي كانت مصفوفات قدام بعض الا اخر وحده طالع اللوحه بصدمه وفرحه وقال: هذا أنا
افياء لفت بسرعه على اللوحه وانصدمت انه شافها رفعت اللوحات اللي با?رض بسرعه وهي تبي تغطيها وبتبرير :أ أ أ
همس بفرحه: تحبيني ؟
افياء طالعته صدمها بسؤاله وبهمس :نواف
نواف ابتسم وبعيونه فرحه : قولي انك تحبيني قولي وريحي هالقلب اللي حبك
افياء دمعت عيونها وبعدها بكت وهي مو مستوعبه اللي يقوله:وش تقول انت «بشهاق:ا انت تحبني أنا تحبني أنا
نواف : احبك احبك واحبك كلمه في حقكـ شوي

15 - 9 - 2014, 09:35 AM

ََََََََََََََََََََََََََََََََََََََََََََََََََ َََََََََََََََََمر اليوم على ابطالنا واشرقت شمس جديده تعلن يوم جديد واحداث جديده على ابطالنا كل العيون غفت ونامت بالليل الا عيون افياء ونواف وعيونها اللي كانت تراقب عقارب الساعه وحركتها تنهدت وكيف مشاري قاعد يتحول حبه بقلبها لكره حتى وان كانت ماتحب فيصل فهي ماتحب مشاري
كان تفكيرها يوديها ويجيبها قررت تنزل عند اهلها عشان تنسى الوقت اللي تحس انه يعاندها وما يبي يمشي دخلت غرفة ملابسها طالعتها بتأمل وكيف كانت خاليه من الملابس وكيف امتلت الحين من كل نوع وشكل حمدت ربها على النعمه اللي رزقها فيها توجهت لقسم البلايز طالعت شيء طايح سحبته وعرفته زين مسحت الغبره اللي عليه وهي تبتسم :يالله الدفتر ذا من اول ماتعرفت على فيصل« فتحته وبدت تقرا عن الصقر اللي كان وبدا يرجع ياخذ عقلها شافت امنيتها بأن ربي يسوي لها المعجزه اللي تخليها تنحف شموخ بتنهيده : الحمدالله
اخذت لبسها واللي هو عباره عن جينز سكيني وبلوزه سودا عليها كتابات بالفضي وقبل تدخل الحمام سمعت الباب ينطق قالت :تفضل
منال دخلت ببتسامه:شموخه بتسيرين متزوجه اليوم
شموخ ابتسمت:شفتي شلون سرنا كبار ^^
منال:على طاعت الله يارب
شموخ:امين يارب
منال بستغراب:طيب متى بتلبسين وتكشخين
شموخ بتعجب: ليه البس واكشخ
منال: ماراح تدخلين لزوجك
شموخ:لالا اليوم بس رجال
منال: اها
شموخ بتفكير:أنا رايحه المطبخ بسوي حلا «وبقلبها : اللي يحبه فيصل
ََََََََََََََََََََََََََََََََََََََََََََََََََ ََََََََََََََََ
بعد الملكه منال كلمت جميع الحريم وخبرتهم وابو سيف كلم اخوانه وبلغهم وشموخ كانت تكلم مايا:والله ليش اكذب عليكي
مايا بعدم تصديق وفرحه وناسيه اللي حولها:وإااااي شوشو الف مبروك كللللللللللللللوش يعني سرتي عروسه مثلنا خلاص
شموخ بضحكه وراحه: ايه خلاص ضمنت مستقبلي هههههههه
مايا بفرحه:الله يهني فصول فيك والله انتي تستاهلين كل خير ياقلبي
شموخ بفرحه :احبه مايا احبببببببببببببببببه
مايا:الله يهنيك ياقلبي
شموخ :امين يارب وياك
---------------------------------------------------
بيت ابو صقر كان يسمعها ويشد على قبضته بقهر وكل اللي كان يدور براسه :أنا اللي سلمتها له بنفسي وانا برسالتي وغبائب خليتها تعجل بملكتها«تنهد: وش اقول بس ما اقول الا {ربي دبرني فأني لا أحسن التدبير } حس بضيقه على وسع الصاله وحس أنا مخنوق قرر يطلع بره البيت وتوجه للمكان اللي حفض ولا زال يحفظ كل اسراره

15 - 9 - 2014, 09:37 AM

بيت ابو محمد كان حابس سديم بغرفتها وحارمها من كل شيء م عاد الأكل والشرب وهو يقول والله لا اربيها من اول وجديد دخل عندها يوم سمع اذان العشا وشافها جالسه وضامه ركبتها لبطنها طالعته بخوف ورهبه
ابو محمد بجفاف:قومي توضي عشان تصلين
قامت بخوف وتوضت راح يراقب وضؤها ومد لها الشرشف وهو يحس بتعاطف مع بنته بس لازم يقسى اهمالها لصلاتها واغترارها بالعز وبملهيات الدنيا وصلها انها كل شيء تبيه لازم يسير لها ولكذا قرر يغير من بنته لو اضطر يحبسها العمر كله خصوصاً انها مخلصه جامعه ولاعندها اي شغل ولامشغله جلس وراقبها وهي تصلي يوم شافها خلصت طلع وقبل لايطلع سوا الشئ اللي كل يوم يسويه حط شريط ديني جواة المسجل وهو يطالعها بتهديد ويقول : اسمعيه للأخير وافهمي الكلام اللي يقوله
---------------------------------------------------
بيت ابو سيف كانت جالسه تفكر هل اللي سوته هو الشي الصحيح او لا بس كل اللي تعرفه انها ماتبي تخسر فيصل ابد لأنه انسان طيب ويستاهل تحافظ عليه تنهدت براحه لأنها كانت متوتره بأنه مشاري يسوي اي تصرف غلط يخرب عليها جاها اتصال بين سرحانها خافت تطالع الجوال ويكون مشاري وقررت ما تطالعه اصلاً دق مره واثنين وثلاث بس ما قاومت قلبت الجوال وطالعت المتصل ارتاحت يوم شافته فيصل ردة بأبتسامه:ياهلا فيك

فيصل بتمثيل للزعل: يعني تتغلين علي ومااشوفك بيوم ملكتنا وتتغلين وماتردين بعد
شموخ وهي تبي تراضيه وبدلع طبيعي:طيب وش اسوي ما طلع فستاني وانا موديته للخياط يسوي فيه تعديلات و لا أنا ابي اشوفك واسولف معك سوري ياحبيبي والله مو بيدي «شموخ ما نتبهت لكلمتها وهي تكمل :وانشـ ....
قاطإها فيصل ببتسامه على كلمتها وقال برضيى:احبك
فاجئها بكلمته وبنبرت صوته حست انها مو عارفه ايش تقول سكتت وبعدها همست : فيصل لأتتغير علي ابد
فيصل ابتسم:شموخ الله يقدرني واسعدك طول العمر
شموخ سكتت وبعدها همست بسرعه : احبكـ «قفلت
فيصل هو اللي انصدم هالمره من كلمتها وهو يقول جواته بفررررررررحه : قالتها قالتها قالتها واااي واخيراً
----------------------------------------------------------

15 - 9 - 2014, 09:38 AM

يتبع
مر اليوم على ابطالنا بشكل حلو واشرقت شمس جديده تعلن يوم جديد بيت ابو نايف
ابو نايف ببتسامه: يعني زين موعد المكله
سحاب ابتسمت بخجل :مدري اللي تشوفه ياللغالي
ابو نايف وهو يسحب بنته لحضنه:اللي اشوفه يابابأ انه الولد ولد حلال ويستاهلك وما راح اأمن احد عليك يابنتي مثله وانا واثق انه راح يعيشك اميره وراح يسعدك بأذن الله
سحاب ارتاحت من كلام ابوها وقررت تتناسى كلام غلا
وهي تقول جواتها: اصابع يدك مو سوا يا سحاب «قالت لأبوها ببتسامه : دامك راضي كل هالرضا يالغالي أنا موافقه
ضمها ابوها:الف الف مبروك
ابتسم ابوها : الله يبارك فيك
-------------------------------------------------------
بيت ابو فيصل
ام فيصل صرخت: تالوه ترى بتنضربين قومي تحركي ساعدينا الناس على وصول
تاله بطفش : يايمه جمعة اهلنا هاللي كا اسبوع ببيت ليش ماتخذون استراحه وتريحوننا من هالحوسه
ام فيصل رمت عليها علبة المناديل:تحركي بس ماغير قاعده تاكلين وتنتفخين شوفي غلا الله يرضى عليها كيف مريحتني
تاله مسكت العلبه بضحك وهي تضم امها:ماماتي أنا دلوعتك
ام فيصل ابتسمت : دلوعتي لا اتنفخت قعدت على قلبي ابيك تعرسين
تاله وهي تكش على وجهها : وانا وجهي جه زواج وغلا معي اختنا بالله ماخذه كل الأنضار عني
غلا جت بسرعه من المطبخ: يمه بليز ابي نوتيلا عشان الحلا
ام فيصل بأستغراب : وش الحلا ماسوينا مافي وقت
غلا وهي ترجع للمطبخ بسرعه: أنا سويت
تاله بصوت عالي: تبببببببببي تعرس
غلا بصوت عالي: تعالي يادبه ساعديني بلا عرس بلا هم
تاله رجعت للابتوب وهي مطنشه غلا وهي تصرخ:قاعده ارتب الصاله ما اقدر اجي« ورجعت تكمل اللي تسويه على الابتوب
----------------------------------------------------------
بيت ابو سيف شموخ وهي مسنده راسها على كتف ابوها وضامه ايدينه وبدلع: باباتي بليز والله زمان عنها
منال قالت ببتسامه:عبدالعزيز صدقها شوشو خلنا نروح من زمان عن الزرعه
ابو سيف:يابنت الحلال الناس توهم مرتاحين من ملكت مايا لريم ورميم لازم نصبر شوي ماتجي الشغلات ورا بعض
شموخ:dade please يعني طبيعي بتجي المناسبات ورى بعض لسه ملكتي وملكت سحاب الله اعلم متى تتحدد نبي نغير جو من هالعزايم
ابو سيف بأستسلام :طيب طيب بس بكلم عمامك واقولهم
شموخ ومنال صرخو:ييسسسسسس
راحت شموخ ركض تخبر البنات بعد ما سلمت على راس وايدين ابوها كتعبير عن شكرها

15 - 9 - 2014, 09:39 AM

ابو سيف كلم كل اخوانه ووافقو على الطلعه للمزرعه والبنات كلهم انبسطو بطلعت المزرعه لانهم بيكونون مع بعض وهم من زمان على النومه والجلسه مع بعض
بيت ابو صقر تحديداً غرفة مشاري اللي كان يعبي ملابسه للمزرعه ويكلم وليد بالجوال
وليد:هدي يا أبن الحلال هذا نصيبها وش بتغير فيه يعني
مشاري: بس أنا احبها يا وليد احبها اقولك عشان تاعندني قدمت ملكتها وسارت ملك للي مايتسمى فيصل
وليد ويهدي الوضع:هي من الأساس مولك وماتقوم خطبه على خطبه وبعدين يوم انك تحبها هالكثر ليش جبت معك شجن من المانيا وعرفتها على اهلك
مشاري بتفكير وتبيرير:عشان اغيض شموخ
وليد بقهر: اسمح لي اقولك انت اناني وتستاهل كل اللي يسير فيك انت تبي شموخ وبنفس الوقت تبي شجن وتبي كل شيء لك وماتبي تخسر شيء ومافي احد بالدنيا هذي ياخذ كل اللي يبيه فليس كل مايتمناه المرء يدركه
مشاري تنهد:يا أبن الحلال خلها على ربك وتعال معنا المزرعه وسع صدري
وليد:مادري وش يشطحني بينكم
مشاري: عادي اصلاً بالمزرعه ألوضع يسير خليطي الصاله كبيره وكل الدنيا مع بعض يجلسون بغطاهم ولا ماتبي تشوف ام العيال المستقبليه
وليد تحمس عشان يشوف سحاب وهو يسوي نفسه ثقيل: احم يعني خلاص بما انك ترجيتي ماراح اردك
مشاري بضحكه: أنا ترجيتك متى هههههههههههه قول اني جبتها على الوتر الحساس
وليد:هههههههههههه من جد جبتها على الوتر الحساس
---------------------------------------------------------
كانت عند الباب وانصدمت باللي تسمعه كانت حاسه انه حب شموخ بس مو لدرجة يجيبها هنا عشان يغيض فيها شموخ دمعت عينها وهي حاسه انها اهانت نفسها يوم قالت له اناه هي اللي تبي تخطبه بألمانيا شدت على قبضتها وقررت توريه شغله وحلفت لاتسترد مكانها بقلبه ودام على قوله الوضع خليطي بالمزرعه هذا الشي بيساعدها حست بلحضه بحقد على شموخ بس ابعدت هذا الشعور بسرعه وهي تقول : وش ذنبها الضعيفه حتى انها قدمت ملكتها عشان تبعده عنها

15 - 9 - 2014, 09:40 AM

ما هو أنت اللي تكلّمني كذا
أنت ما ترضى تزعّلني عليك
في كلامك ما تسبّب لي أذى
كيف تجرحني و أنا بـ الحيل أبيك

لا توصلني معك قولة " و إذا "
إذا قلت أني ترى ما عاد أجيك
ياما قلبي لك عطى و قلبك خذا
أنا منك يا هوى بالي و فيك

أنت ورد الحُب و أنفاسك شذى
لا تغلّى شفني مشتاق أحتريك
معك وضعي لا كذا ولا كذا
و السبب معروف الله يهديك
--------------------------------------------------------
بنفس البيت بجهه ثانيه وتحديداً اغرفة مايا
افياء: مايا يـ قلبي فديتك بس البلوزه الورديه والفسفوريه
مايا بتفكير: البلوزه الفسفوريه مدري وينها والزهريه لا توها جديده وانتي بصراحه مرررررررره مهمله
افياء بترجي:بليز مطقمه عليها شيء يجنن
مايا وهي تفتح دولابها وتطلعها:خلي يسير لها شيء وشوفي وش يسير لك
افياء ضمتها وباست خدها:مشكوره يا أحلى اخت
مايا وهي تبعدها بضحكه:طيببببببب هههه بعدي
-----------------------------------------------------
بيت ابو نايف
دانيا:سحاب يرحم امك وين شاحني
سحاب بطفش: قلت لك مادري اف
دانيا بقهر: انتي واللي يعطيك عفشه
سحاب طالعتها بنص عين:ودك تتكفخين على هالأسلوب اختك الكبيره أنا
دانيا طلعت من غرفة سحاب بقهر وهي تتحلطم قابلتها داليا وهي تقول:وش فيك
دانيا بقهر:سحابوه اخذت شاحني وضيعته
داليا وهي تبعد شوي عنها: أنا امس عطيته نواف
دانيا انفقع ضغطها:ونواف المهمل اكيد راميه بين حوسته بالغرفه
داليا هربت:مدري
دانيا توجهت بعصبيه للغرفه وفتحت الباب وبصراخ:نواف ماراح ادور الشاحن بين هالزبايل بسرعه طلعه
لف عليها وهو عاقد حواجبه وقال ببتسامه:بس أنا مو نواف أنا ..................

15 - 9 - 2014, 09:41 AM

--------------------------------------------------------
بيت ابو سطام
ابو سطام:يا سطام كلم عمك احمد وقوله يجيب معه الابتوب حقي عشان اشوف الأسهم هناك
سطام رفع جواله يتصل وهو طالع لغرفته:ابشر يبه
--------------------------------------------------------
بيت ابو ريم دق التلفون بكل البيت ولأن كل واحد مشغول بترتيب عفشه للمزرعه محد رد معاد هي اللي خلصت اول وحده من الحماس وهي تنتضر اتصال من صديقتها اول ما قد التلفون ردت بسرعه:يا حماره سنه عشان تردين
سطام عرف صوتها وميزه ومستعد يميزه من بين الف صوت لأنه الصوت اللي ماغاب عنه من يوم شافها بالمطبخ اول مره قال ببتسامه وهو يموت على غيضها:ام لسان ليش تردين على التلفون
رفعت حاجبها بقهر:خير مين ؟
سطام بيرفع ضغطها:افا ماعرفتي صوتي يا رفيف
رفيف وهي تحاول تستوعب الصوت قالت:ومن انت عشان اعرفك انشالله
سطام عرف انه بدت تتنرفز قال:حاولي تعرفيني طيب
رفيف كانت بتقفل بوجهه بس قالت بأستيعاب:سطام صح
ابتسم سطام:صح يا أم لسان
بعصبيه قالت:هي انت لا تقول لي ام لسان
ضحك على تعصيبها وقال:انتي ولسانك هذا بعمرك مراح تتزوجين
رفيف بنرفزه:لا والله أنا لو ابي اتزوج بأشاره اوقف طابور قدام بابنا
سطام ببتسامه:طيب ليش ماتزوجتي للحين
رفيف:لأنه توني صغيره وانت عمي ليش ماتزوجت ؟!
ابتسم بقوه وقال بهمس:لأنك باقي ماكبرتي
رفيف حممممممر وجهها بعد كلمته وقفلت الخط وبقلبها:وش قصده اني باقي ماكبرت يعني سطام يحـ «ابعدت الفكره عن راسها وهي تحاول تلهي نفسها بأي شيء لأن كلمته بجد شغلتها اما هوقرر يتصل على جوال عمه ويقوله

انا غير اللي شايفهم تطالعهم تدوخهم تطيحهم
انته منو انته شنو تطالعني دايم ها
تبي منو تبي ترقمني ها .. إنسى
تبي غمزه تبي همسه ها .. إنسى

ابي واحد لي شفته بنظراته يشغلني
أجي صوبه يراوغني على موده يعاندني

ابي ثقله يدوخني وبشموخه يسحرني
ولا بعينه يطالعني يزلزلني يحركني

ابي الهنا كله والشوق اللي ما أمله
وإذا طول بغيابه أشيل قشي وأرحل له
انا ماني بهالسهوله وقربي لا لا ما تطوله
لك كلمتي موصوله قول اللي تقوله

-------------------------------------------------------------------------------------
اتمنى ان البارت يعجبكم وابي اشوف تفاعلكم الحلو اللي دايم يسعد قلبي فديتكم

المواضيع المتشابهه لموضوع: رواية قول احبك واترك الدنيا لعيونك لموضوع: رواية قول احبك واترك الدنيا لعيونك
الموضوع	كاتب الموضوع	المنتدى	مشاركات	آخر مشاركة
اشتاق لك واثرك هنا تحتريني	حنين الأشواق	همس الشعر والقوافي	8	9 - 2 - 2023 01:50 AM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
انظر في مر تك واترك مر ة غيرك	نظرة عين	همس المواضيع العامة	4	22 - 2 - 2015 08:58 PM
رواية جيت اقول اني احبك شفت عينك واستحيت	نظرهـ خجولهـ	همس للقصص وحكايات وروايات	14	14 - 4 - 2012 08:49 AM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 1

رواية قول احبك واترك الدنيا لعيونك

همس للقصص وحكايات وروايات