رواية قول احبك واترك الدنيا لعيونك

16 - 9 - 2014, 06:21 AM

فيصل:ماراح تكبرون انتم التوأم المختلف
مروان ابتسم:ها وش قرارك ترا جاني صرع من الجوال اللي يهز بجيبي يبون اجابتك
فيصل سكت وطالع فراس وفهد بتنهيده قرب منه فهد وهو يطلع الورقه من الظرف ويحطها قدامه
وببتسامه:وقع ياخوي ترا كلها سنه لا تخاف علينا وبعدين<<وهو يغمز له بمزح:وش عليك المدام ومعك بتغنيك عننا
فيصل رمى عليه القلم ببتسامه:هههههههههه مالك بمدامي يالله هات القلم
فراس بفرحه:بتوقع
فهد:لابيتصور مع القلم
فيصل اخذ القلم بضحكه:بالله يامروان يتأمنون اهلي مع توم وجيري هذول
مروان:ههههههههه التشبيه اليم
فراس:الله يبارك بجبهتك يالغالي قصفت الجبهه عندنا
فيصل حط ايده على الورقه بيوقع بس كأنه تذكر وطالع مروان بتسأل:مروان الحين المدام وش يسير عليها بتأخر سنه ثانيه بالجامعه
مروان:لالا بتدرس بجامعه هناك وبيعادلون لها الساعات والمواد شي زي كذا لارجعتو
فيصل ابتسم براحه:طيب حلو <<وجا بيوقع بس قاطعه مروان
مروان:فيصل فيه مشكله صغيره مره
فيصل وهو يوقع:ما في اي مشكله دام المدام بتكمل دراسه
مروان وهو يضرب راسه:فيصل فيه مشكله من جد
فيصل طالعه بنص عين:وش المشكله
مروان وهو عاقد حواجبه ومصغر عيونه:رحلتكم لازم تكون بكره لأمريكا
فيصل وفراس وفهد بصدمه قالو مع بعض:نعععععععععععععععععععععم بكره؟؟
مروان:مو كنت بقولك بس انت الله يهديك قلت مافي مشكله
فيصل تنكد:بس كيف بكره وانا زواجي بعد بكره
مروان:والحل
فيصل بقهر:بكلم شموخ
************************************************** ******************************
المستشفى وصل الخبر للكل والكل عند باب غرفة ابو سيف وكل واحد يتمنى له السلامه وينتضر خبر واحد يثلج صدره
الدكتور قرب منهم:على فكره انتم عاملين زحمه هنا وبدون اي فايده تفضلو على بيوتكم واي جديد راح نخبركم فيه
لكن بجد جلستكم هنا بدون فايده
ابو صقر بتفهم:طيب يالله ياعيال توكلو على البيت وبنطمنكم بكل جديد
قرب لشموخ اللي مافي اي تعابير بوجهها غير انها سرحانه بالفراغ ودموعها ماخذه طريقها على خذها قال بحنان وهو يمسك ايدها:شموخ

16 - 9 - 2014, 06:22 AM

طالعته تبي نقطة من الأمل وهي ساكته فهم نضراتها وضمها له قال بصوت مكسور:شموخ يمه روحي البيت ارتاحي واي جديد بنخبرك فيه روحي عشان يتحسن ابوك وتشوفينه
شموخ وكأنها اللعبه اللي تتحرك بخيوط قامت وقالت بهمس:بيطيب ابوي صح <<وببكا يلين الحجر قطع قلوب الكل:بيرجع يخاصمني لا شافني اكل ايسكريم وبيضمني لاشافني ابكي وبيكتشفني لانزلت اتفرج تلفزيون بالليل ويهاوشني بعدين يقعد
يتفرج معي بيسوي نفسه انفجع لاتخبيت عشان افجعه مع انه داري اني متخبيه وبيضمني لاقلت له محتاجه امي ويقول انا امك وابوك وكل اللي تبين بيرجع <<بشهقه:ويقفل المويه حقت حمامي لانه يدري اني دايم انساها واناطالعه الجامعه بسرعه
بيرجع ويوقف على بابي لاصحاني الجامعه ويذكرني بجوالي ونضارتي واشيائي بيرجع الغالي ويمسح دمعتي وياخذ بكلمتي وما يكسر بخاطري لأني يتيمت الأم بيرجع ياعمي اللي يشتري الفستان اللي عجبه حتى لو ماعجبني بيرجع صح اهييييئ باااااااااااابااااااااا
ضمها سيف بقووه وهو يربت على ضهرها ويهديها وهو محتاج من يهديه قال بهمس:شموخ استهدي بالله ابوي تعبان شوي بس له طولت العمر
شموخ وهي تشد على حضنه:سيف
سيف مشى معها وهو بياخذها البيت بس قابل رجال بطريقه وعرفه الرجال بس سيف ماعرفه:سيف
سيف لف عليه وهو عاقد حواجبه:نعم اخوي تكلمني
الرجال:سيف عبدالعزيز الـ..... ولا غلطان
سيف:لا وصلت خير امر
الرجال طالع الشئ الصغير اللي بجنب سيف وطالع عيونها الساحره بدموعها مد لسيف ضرف وقال بهدوء:انا محامي الشركه الخاص ما اتواجد كثير لكذا يمكن ماتقابلنا بس العم عبدالعزيز وصاني اعطيك شي تعال خلينا نجلس شوي وارجوك لازم يكون فيه سليمان و...
قاطعه بهاللحضه وصول فيصل اللي كلم سليمان وخبره انه ابوسيف بغيبوبه فيصل بسرعه وفجعه قرب لهم:السلام عليكم
الكل ماعاد شموخ:وعليكم السلام
فيصل كان يتكلم وعينه على شموخ وهو داري شكثر هي متعلقه بأبوها:سلامته والله خطاه الشر
المحامي:انت فيصل صقر الـ....
فيصل عقد حواجبه:ايه نعم
هز المحامي راسه وهو يطالع سيف:باقي سليمان عبدالعزيز
سيف:بس فهمني وش السالفه

16 - 9 - 2014, 06:23 AM

المحامي:بشرح لك كل شي خلينا بس نجلس بمكان هادي اقدر اشرح لك فيه
سيف طالع فيصل:فيصل خذ شموخ البيت
المحامي:والحقنا على المكان اللي بنتواجد فيه ضروري وجودك العم عبدالعزيز طالب وجودك
فيصل اخذ شموخ وضمها بكل بقوته اما هم راحو لكفي هادي:شوشو حبيبي راح يتحسن لاتشيلين هم
شموخ ضمته بقوه وصمت ودموعها اللي بللت ثوبه هي اللي تحكي حزنها اخذها للبيت وبما انه فاضي وصلها غرفتها وتأكد انها
نامت بعد جهد وتوجه للكفي ولقا سليمان وسيف والمحامي جلس بعد السلام وهنا تكلم المحامي
المحامي:اول شي العم عبدالعزيز كان من فتره مريض وطاح علينا بالشركه ونحنا وديناه المستشفى وانا الوحيد اللي عرف نتائج التحاليل طبعاً والعم عبدالعزيز عرفها
بس طلب مني اني ما اخبر اي احد وطلب من كل اللي في الشركه وخصوصاً انتم ياعياله ما كان يبيكم تدرون مر على هالموضوع ايام وشهور وقبل فتره بسيطه زاد عليه المرض وبدا يكح دم
كان حاس انه فيه شي بيسير له وطلب مني اجمعكم انتم الثلاثه واسلمكم هالضرف والله العالم انه من ايده للخزنه ليدينكم وحتى انا مدري وش مضمونها كل السالفه انه طلب مني اشهد انه كتبها و لو سار اي
شي له اسلمكم هالورقه وطبعاً ما خص هالشي بالوفاة وانا اليوم اديت واجبي والله يقومه لكم ولنا بالسلامه لانه رجال طيب ودعواتنا له
سيف مسك الضرف وفتح ولقى اوراق مكتوبه بخط اليد وضرف صغير مكتوب عليه من بره ((يخص فيصل)) وثاني((يخص منال))

يتبع

16 - 9 - 2014, 06:29 AM

يتبع
الأوراق كان مضمونها

"عيالي حبايبي مدري وين انا الحين يمكن تحت التراب ويمكن طايح بغرفه من غرف المستشفيات وتحت رحمة ربي ثم الأجهزه
لاتزعلون علي وكونوا اقويا من بعدي لان هذي هي الدنيا م راح ادوم لكم للأبد واذا كنت بمستشفى وقمت مصيري الموت واذا كنت ميت ادعو لي
ولاتحرمون قبري يترطب بدعواتكم

سيف يا ولدي البكر يااول فرحه لي
انتبه على اخوانك وانتبه لمايا ولاتربط نفسك بالشركه من بعدي عيش وتوضف وابدا من الصفر
اذا بغيت لا تسمي اول ولد لك عبدالعزيز عشان ما تتذكرني شموخ فيه وتقلبها عليكم مناحه
انتبه لنفسك ولا تسرع بالسياره مثل عادتك ولاتحبس بداخلك شوقك لأمك وشيل صورتها من تحت مخدتك
وحطها ببرواز بجنب راسك بتكون احلى وتذكر اني احبك مهما كنت ما ابين سامحني على القصور واذا
زعلتك بشي لاتشيل بخاطرك مني تراه لمصلحتك وبس انتبه لأختك ولأخوك هالطايش تراه مهما كبر يبقى
ذاك الصغير بعيون الكل واذكرني بكل خير ياولدي ويالله عاد عطي الورقه سليمان

سليمان يا ثاني فرحه لي
صح اني اقول انك طايش وصغير بس والله ادري من جواتي انك رجال وفاهم الدنيا وش اسوي قلبي يقول
انه هالولد مايكبر ابد انتبه لدراستك ياولدي وشد حيلك خلك من البلاك بيتي حقك وغير نغمة الديجي اللي انت
حاطها ترا ياما طيحت وجهي بالمكتب هههه سامحني اني كنت احبسك عشان تذاكر بس والله لمصلحتك ياحبيبي ابي تكون احسن
الناس بالدنيا ابيك تتعلم وتعلم انتبه لنفسك ياولدي وبطل الردبول اللي تشربه بالسر ولا تسمع كلام مراد صديقك وتدخن مهما قال
تراه يدمر صحتك وانا ابيك تعيش عمرك كله بخير اهتم بأكلك وانتبه لأختك وخل قلبك على اخوك وساعده دايم وسانده باللي يحتاجه
وترا البنت اللي اسمها غاده تكلمك مهي بنت هو بالأساس صديقك محمد يطقطق عليك ادري انك بمرحلة الطيش الحين بس انته من الحرام ياولدي
وتذكر ان عندك اخت وبطل السوني 24 ساعه واهم شي انتبه لنفسك واذكرني بالخير دايم ويالله عطي الورقه لدلوعتي شموخ بس لاهدت نفسيتها لأني متأكد
انها الحين مو بجنبكم ولا تعطونها الورقه لين تهدا

شموخ ثالث واكبر فرحه لي
.................................................. .................................................. .........

16 - 9 - 2014, 06:30 AM

وبالنهايه اذكروني بدعوه حلوه ياعيالي وترا هذي مو وصيتي لو كنت ميت وصيتي بتوصلكم مع هالضرف بس اذا ما وصلتكم يعني اني عايش
وانكم بتقابلون المحامي هذا نفسه مره ثانيه استودعكم الله الذي لاتضيع ودائعه "

الضرف حق فيصل
"السلام عليكم
فيصل ياولدي مدري كيف ابدا كلامي بس بما اني ما اضمن عمري كتبت هالورقه
اول شي انا سلمتك شموخ وادري انها بيدين امينه بس م راح اطول عليك اكيد شموخ الحين بقمة
حزنها انتبه عليها تراها بنت حساسه واي شي يكسرها تحمل دلعها الحين وحزنها لانها مره متعلقه فيني
مدري الحين وش الوقت ولا وين انا ولا حتى انتم تزوجتو ولا لسى وانت تقرا هالورقه بس اللي اعرفه انك انسان كفو تتسلم
شموخ وانك بتعيشها ملكه انا اعرفك من زمان من انت صغير ويمكن انك ماتتذكر انك كنت جارنا بس انا كنت ابي اسوي لك اي شي
قبل الله ياخذ امانته فـ سعيت لك بأوراق عشان تحقق حلمك من صغرك اتمنى تقبل وتوقعها و شموخ اذا كنت انا مريض او حتى بالمستشفى او تحت القبر
بما انك زوجها الحين اامنك تاخذها معك اي مكان حتى لو رحت القمر واحلفك بربك تاخذها معك وماتتركها وانتبه لها زين يمكن تعاند اذا كنت توني ميت
اوحتى كنت طايح بمستشفى بس احلفك بربك و بغاليك تاخذها بالغصب من هنا ولاتخليها تفكر فيني طول الوقت لانها بتتعب نفسياً هذي وصيتي لك انا ادري انها بتكون بخير بين
اخوانها بس كلهم بينشغلون وبيتزوجون وهي بتبقى متعلقه بتفكيرها فيني طلبتك ياولدي نسيها مرضي اوحتى موتي وبأي طريقه واترجاك لاتخلي شموخ تعرف عن الورقه ابد
ادري اني ثقلت عليك ياولدي بس سامح قلب ابو خايف على ضناه واذكرني بالخير "
فيصل طالع الورقه بتناحه وتفكيره كله بأنه ابو سيف هو اللي سعى بتحقيق حلمه هو كان بيكلم شموخ عن امريكا بس يوم سمع عن طيحة ابوها قرر انه ما يكلمها ويروح لحاله
عشان مايظغط عليها بس الحين ابو سيف حلفه بربه وغاليه <<غمض عيونه وتنهد:يارب ساعدني لو اختها معي بالقوه وش بتكون ردت فعلهااكيدعلى قول ابوها بتعاند بس هذي وصيته لي اخخخخ بس ربي دبرني
فأني لا احسن التدبير
سيف كان ساكت لسكوت فيصل بس حس بالفضول يوم شاف تغير ملامح فيصل قال بتردد:فيصل عسى ماشر الورقه وش فيها؟؟
فيصل تردد يوريه الورقه او لا بس بالأخير ابتسم وقال بتصنع:ههههه ياخي فاجأني عمي بالورقه يقول سعى لي بشغله من اول ابيها الله يقومه بالسلامه لكم وللجميع يارب
يالله انا استأذن الحين بروح امر على شموخ واشوفها شوي
سيف ربت على ظهره:الله يعافيك ما قصرت
فيصل مشى بس وقفه صوت سيف اللي تكلم بأحراج:فيصل<<وهو يحك جبهته بأصباع وعيونه بالأرض:آآ بالنسبه لزواج بكره شموخ رفضـ...
قاطعه فيصل ببتسامه:افا يا ذا العلم والله لو اني قليل اصل ما خليت العرس يتم عذركم معكم و�

16 - 9 - 2014, 06:30 AM

قاطعه فيصل ببتسامه:افا يا ذا العلم والله لو اني قليل اصل ما خليت العرس يتم عذركم معكم وشموخ زوجتي ولا الباقي كله شكليات ولاتهمني الشكليات بشي
سيف بأحراج:والنعم فيك يا فيصل والله انك رجال ما ينباع بكنوز الدنيا
فيصل اكتفى ببتسامه ورجع لتفكيره كيف يقنع شموخ تسافر معه بكره:اااااخخخخ يافيصل تبي تقنعها بشي انت اساساً مو مقتنع فيه
************************************************** ************************************************** ************************************************** **
بعد ساعات الكل رجع لبيته بدموع وقهر على عمهم م عاد سيف وسليمان اللي رفضو يرجعون تولى ابو صقر مسؤليت تبليغ الناس بأنه الزواج ماراح يتم بكره
شموخ كان عندها فيصل اما هي كانت نايمه بعد كميات الدموع اللي ذرفتها وفيصل كان مشغول باله كيف يكلمها ويقول لها من بين تفكيره فرت شموخ من نومها بدموع
طالعته بنضره قطعت قلبه وقالت بهمس باكي:فيصل
قرب فيصل لها وهو يضمها:شوشو حبيبتي اهدي ابوك بخير انشالله م يسير اللي تسوينه بنفسك
شموخ شدت على حضنه ودموعها على خدها:بس بابا وعدني ما يخليني وعدني يشرعني عروس وعدني يزفني ويشيل عيالي ويحبهم اكثر من عيال سيف وسليمان
بس كذب علي شوفه بيروح وبيخليني
فيصل تنهد وهو يضمها له اكثر دموعها مو هاينه عليه وده يدخلها بين عضامه ولا يشوف دموعها سكت وخلاها تبكي بين ايدينه لين نامت قرر يسوي الشي اللي براسه لأنه متأكد انه ما راح يقدر يقنعها
بأنها تروح معاه بالكلام طلع من غرفتها وتوجه لسنترال اللي بالصاله وبعد م حاس بالأزارير قدر يوصل لرقم غرفة الخدم دق كم مره وقبل لايقفل جاه الرد
************************************************** ************************************************** ************************************************** ****************************
بغرفة الخدم فتحت مارينا رئيسة الخدم عيونها بأنزعاج:يا ألله شو هالضجه هون
ميري ميري
ميري فتحت عيونها بصعوبه:اس يبقى <<وهي تقلدها:ميري ميري
مارينا بملل قالت:شوفي مينو على السنترال م يكون مس شموخ بدا شي
ميري شمقت بوجهها ورجعت تغطت ونامت وهي تقول بتذمر:هدا مو شوقول انا انا يبقى نوم الهين
مارينا استسلمت وتوجهت للسنترال بأخر لحضه:الوو
فيصل:الوو لو سمحتي ابي احد يلم اغراض شموخ لأنها بتسافر مكان
مارينا عقدت حواجبها:انسه شموخ تسافر هلأ وابوا بالمستشفى
فيصل ماله خلقها وبنبره حاده:ايه بتسافر خلصينا ابغى كل اشيأها تكون بالشنط خلال ساعه
مارينا بخوف من نبرته:ماشي مسيو انا شو دخلني ساعه وبيكونو جاهزين

يتبع

16 - 9 - 2014, 06:31 AM

بعد ساعه خلصو من ترتيب كل اشيأها وساعدهم انه نص جهازها للزواج كان بشنط جاهز
عند فيصل كان حاس بالذنب على الشي اللي بيسويه بس هذا الحل الوحيد بالنسبه له نزل كل الشنط لسيارته م عاد شنطه
وشالها بين ايدينه مثل الريشه بعد مالبسها عبايتها وركبها بسيارته طلع ياخذ اخر شنطه وقبل لايطلع بقى له الخطوه الأخيره توجه لمكتبتها يوم شاف اوراق
e4اوراق الطباعه وجلس عشان يكتب اللي يبيه بس صدمه انه شاف تعليقه بشكل حرف m حديد ومفور على الحرف احبك وشاف ورقه عرف انها كانت ترسمها لانه محطوط فوقها الوان ومرسام رفع الورقه
بصدمه اكثر واللي كان يحتويها حرف m كبير بنص الورقه وتحته احبك وكلمات من اغنيه "احبك موت كلمه مالها تفسير ................."

فيصل غمض عيونه بقهر والورقه تكمشت بين ايدينه من القهر:يعني للحين تحب اللي اسمه مشاري هذا ماشي ياشموخ راح اوريك انتي والحيوان حقك
دخل الورقه بجيبه والتعليقه واخذ ورقه وكتب فيها اللي يبيه وطلع من الغرفه وطنش الشنطه وهو يقول بقهر:ما بقى الا ناخذ البيت مليون شنطه
شاف مارينا وهو طالع قال بسرعه:هي انتي
لفت عليه بطفش واشرت على نفسها:عم تحكيني
فيصل بوز وبصوت واطي:لا الجدار <<تكلم بصوت تسمعه:تعالي بعطيك شي
قربت له بدون نفس وطالعته بنضرت نعم فهم نضرتها ومد لها الظرف وهو يقول بأسلوب خوفها:اسمعيني زين وفتحي مخك
الضرف هذا بكره تسلمينه لسيف واياني اياك تسلمينه الضرف قبل هالوقت وشي ثاني الضرف هذا لو فتحه احد غير سيف بأعرف
انتبهي تفكرين تفتحينه امسحك عن وجه الأرض وقتها <<ابتسم على جنب:مفهوم
هزت راسها برعب:مفهوم مفهوم <<واخذت الضرف وهربت
تنهد وطلع متوجه لبيتهم شرح لأمه كل شي عن تعب ابو شموخ ما عاد الورقه اللي كتبها له وانه شموخ هنا بدون رضاها
************************************************** ************************************************** *******************

16 - 9 - 2014, 06:33 AM

مر اليوم على ابطالنا وكان مرهق للجميع واشرقت شمس جديده تعلن يوم جديد بيت ابو فيصل فتحت عيونها بتعب طالعت حولينها بعيون حيرانه
بس استوعبت انها بمكان ما تعرفه ابد فزت من السرير مفجوعه وقامت تطالع الغرفه:انا وش جابني هنا
فكت باب الغرفه بهدوء وشافت حبيب قلبها وروحها قدامها على الكنب طالعته بتعجب تحس فيه حزن الدنيا كلها وتحسه شايل هم وتعبان كان تفكيرها
هل هو حزنان كل هالحزن على ابوي قربت له ببتسامه تلاشت وهي تسمعه يقول:واخيراً قمتي يالله بسرعه غيري ورانا رحله
طالعته وعلى وجهها اكبر علامة استفهام:رحله وين؟؟
فيصل قام وهو يتهرب من نضراتها اللي مو قادر يواجهها:امريكا
طالعته بصدمه وهي تقول بصراخ:انت انجنيت امريكا وابوي اللي بالمستشفى انا مستحيل اخليه مستحيل تبي تروح روح لحالك ولا انا م تقدر تغصبني على شي
فيصل طالعها بنضرات حاده وهو شاد على ضروسه:صوتك لا يطلع ولسانك نضفيه بتروحين غصب عنك ومو بمزاجك انا كنت ناوي اخليك هنا لكن على ايش تبيني اخليك مع الحيوان اللي تخونيني معه
تخسين انتي وياه سامعه بتجين معاي وغصب
قربت منه وصرخت:مااااااااااااااااااااااااااااااني رايحه هذا ابوي ولو تمووت ما اروح انقلع للمريخ م راح اروووح وبعدين من هاللي تتكلم عنه انت تتوهم ولا فيك مررررررض شك وغيره
سد فمها بقوه حاولت ترفع ايد بس ما قدرت بكت اما هو طالعها بقرف ودفها على الأرض:صكي حلقك وبعدين لاتحاولين تقنعيني انك تحبيني يا ام حب انتي انا لو انضحك علي مره ماينضحك غيرها
نزل لمستواها وشد شعرها وهو يقول:عشر دقايق وتكونين جاهزه ولابسهه وكاشخه ونازله ببتسامه لأهلي وبنت امك وابوك سوي غير اللي اقوله ولاتعيشين دور الزوجه
لانه من يوم اكتسفت خيانتك وانا احس اني بستفرغ لاشفت وجهك<<وطلع من الغرفه وصقع بالباب
نزت من صقعة الباب بدموع:يياااااااااااارب وش سار فيه ذا كيف اخليه يروح بدوني ومن الشخص اللي يتكلم عنه
<<غمضت عيونها بقوه وهي تشد على قبضتها:ربي رحمتك
بعد عشر دقايق لبست بنطلون سكيني اسود مااااااسك وبلوزه سودااللي نص البطن طالع ربط من الجنب ابتسمت بنذاله:انا اوريك يافيصل راح تندم على كل كلمه قلتها وبتشوف شموخ ثانيه
فكت شعرهاوحطته على الجنب وم حطت ميك اب بس كان شكلها مثير ومغري لانه مبين كل مفاتنها بمعنى الكلمه نزلت بثقه واول ما شافتها ام فيصل انصدمت من لبسها بس طنشت وهي تقول بحب:هلا ببنيتي شموخ
شموخ جلست وهي تحط رجل على رجل وهي تلعب بخلصه من شعرها وبغرور:hi
ام فيصل عقدت حواجبها وتفشلت لأنها كانت واقفه وفاتحه ايدينها لشموخ عشان تضمها فيصل طالع اللي سار بصدمه من شموخ وماكان مستوعب صدمته من لبسها اللي ضيعه بأبراز مفاتنها عشان يستوعب تصرفاتها كان بيتكلم بس شاف امه

16 - 9 - 2014, 06:34 AM

ام فيصل عقدت حواجبها وتفشلت لأنها كانت واقفه وفاتحه ايدينها لشموخ عشان تضمها فيصل طالع اللي سار بصدمه من شموخ وماكان مستوعب صدمته من لبسها اللي ضيعه بأبراز مفاتنها عشان يستوعب تصرفاتها كان بيتكلم بس شاف امه اشرت
له يمشيها سكت بس كان شاد على ضروسه من حركتها بقهر شوي وجت غلا وكانت مبتسمه وفاتحه ايدينها عشان تضمها:شووووشوووو حياتي سلامت ابـ....
قاطعتها شموخ وهي تقوم وتطالعها بقرف وترفع ايدينهاstop قر قر قر <<طالعت ام فيصل وقالت بنبره تشبه الأمر:انا جوعانه ابي اكل
الكل كان مستغرب حركاتها ومحد مصدق انها شموخ بس هنا انفجر فيصل وسحبها من زندها لمجلس الرجال بعصبيه وعيونه بتطلع من القهر واول ما وصل دفها لجوه ابتسمت بشكل ينرفز:خير عسى ما شر يا <<وشجت على الكلمه:زوجي
قرب من ورفع ايده بيضربها كف بس مسكت ايده ببرود:نو نو نو يابيبي خلي الضرب للجاي
فيصل دف يدها بقوه وقرف وبصراخ:انتي ياحيوانه كيف تتكلمين كذا مع امي هااا
تكت على الكنبه بدلع خلى فيصل يبلع ريقه وبعد عينه بخوف انه يضعف عند جمالها وجسمها ولبسها وقال بصوت بان انه مرتبك فيه:وبعـ بعـدين و و ووش هالبس
عرفت انها اغرته ووصلت مرادهاقربت منه وحشرته بحيث سار ضهره على الباب وهي تقول بدلع وهمس ذوبه وايدها على خده:ليش صوتك مرتبك بيبي<<وقفت على اطراف اصابعهاولمست خشمه بخشمها اما هو ذاب بأنفاسها وهمسها ودلعها غمض عيونه وقرب عشان يبوسها
بس ما حس غير باختفاء نفسها وهو يسمع ضحكتها من برا لأنها فتحت الباب اللي وراه وهي تقول بأستهزاء:ههههههه مغمض عيونك يالصقر وين العصبيه والصراخ ولا خارت قوتك بدلعي هههههههههه
طلعت الدرج بخفه واول ماوصلت الغرفه تكت على الباب وجلست على الأرض وايدها على قلبها وهي تتنفس بسرعه:سامحيني ياخالتي سامحيني ياغلاتي بس لازم اتطلق منه اليوم وم اسافر <<نزلت دموعها:يارب قدرني على قناع القوه هذا وارحم حالي <<مسحت دمعتها بقوه راح اكون قدها
واذا ما طلقني اليوم بيطلقه بكرا
اماعند فيصل ظرب الجدار بكل قوته من القهر:نقطه لك يابنت عبدالعزيز والأيام بيننا وان ما ندمتي على كل اللي تسوينه ما اكون فيصل ولد صقر
************************************************** *********************

16 - 9 - 2014, 06:52 AM

عند مشاري حاله ماهو حال من يوم طلعت من بيته كان واقف قدام بيت خالها وهذا حاله كل يوم

ويطلع بنفس الأجابه كان دقنه طالع وحالته حاله دق دخل بيت خالها اللي هلا ورحب فيه وهو حزين على حاله
ومستغرب من السبب اللي مخلي شجن تقسى عليه هالكثر
غرفة شجن
ابو عبدالملك (خالها):شجن يابنتي زوجك هنا ويبي يقابلك
شجن طالعت خالها اللي توقع منها اجابة كل يوم وانها ماتبي تقابله ومالها خلقه بس استغرب يوم سمعها تقول:خالي انا الحين جايه اسبقني انت
ابتسم ابو عبدالملك بفرحه:طيب يابنتي انا بروح له لين تجين
شجن طالعته لين راح عن عينها تكت على الطاقه وهي تشوف بيت جيرانهم اللي سارت فيه حريقه كبيره حولته رماد
وقالت بأستهزاء:وعلى ايش يا خالي هالفرحه اللي بقوله لابيسرك ولا يسره وبثبت لك انه مو كفو ولا يبيني
طالعت البيت للمره الثانيه بس هالمره ببتسامة فرحه للي بتسويه لبست تنوره وسيعه وبلوزه فضفاضه ونادت بنت خالها إيناس
إيناس:هلا شجونه ناديتيني
شجن ابتسمت:يب بطلبك
إيناس:تم امري
شجن بتفكير:امممم انتي بقسم فنون صح
إيناس بتسائل:قصدك قسمي في الجامعه؟؟ يب
شجن ابتسمت لأن اللي تبيه بيمشي:طيب ابيك تجيبين قشك وتسوين..................................... تعرفين صح
إيناس بأستغراب:ايوه اعرف بس ليه ؟؟
شجن وهي تدفها بره الغرفه:انتي اسمعي الكلام واقولك ليه
إيناس وهي تبوس قفى ايدها:الحمدالله والشكر لله انهبلت
بعد نص ساعه نزلت شجن اللي مشاري انصدم اول ماقابلها قرب منها بسرعه
وبلهفه وخوف:شجن وش سار لك
شجن وهي تلف عنه وبتمثيل:مشاري هذا هو السبب اللي خلاني ارفض اقابلك طول هالفتره
اني انسانه مشوهه <<رفعت ايدها يعني تمسح دموعها وهي تكمل:مشاري انا حتى مو طبيعيه دموعي تحرق خدودي
انا رفضت اقابلك بس انت اصريت انا بعد ما انحرق جسمي ووجهي بالحريق اللي سار لجيراننا وانا كنت عندهم
مقدر اقابلك واضلمك معي انت تستاهل احلى مني والحين خلا لك الجو مافي شجن عائق لك عن شموخ روح يامشاري روح
دافع عن حبك وانا وقلبي محللينك
(كانت مسويه بالمكياج والألوان انها محروقه بوجهها وايدها وطبعاً شغل المبدعه إيناس)

المواضيع المتشابهه لموضوع: رواية قول احبك واترك الدنيا لعيونك لموضوع: رواية قول احبك واترك الدنيا لعيونك
الموضوع	كاتب الموضوع	المنتدى	مشاركات	آخر مشاركة
اشتاق لك واثرك هنا تحتريني	حنين الأشواق	همس الشعر والقوافي	8	9 - 2 - 2023 01:50 AM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
انظر في مر تك واترك مر ة غيرك	نظرة عين	همس المواضيع العامة	4	22 - 2 - 2015 08:58 PM
رواية جيت اقول اني احبك شفت عينك واستحيت	نظرهـ خجولهـ	همس للقصص وحكايات وروايات	14	14 - 4 - 2012 08:49 AM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 1

رواية قول احبك واترك الدنيا لعيونك

همس للقصص وحكايات وروايات