رواية قول احبك واترك الدنيا لعيونك

17 - 9 - 2014, 06:24 AM

نواف من جدك تتوقع اني احب غيرك بس عمري ماراح انطقها لين يسير شي رسمي بيني وبينك

تغار حتى من الهوى
يا ويل حالي يا هوى
خفف من الغيره علي
لي قلب غيرك ما هوى
شفني احبك و اتبعك
ريم الهوى في مرتعك
انا معك او مش معك
قلبي وروحي لك سوى

احبك لحد الهيام
مابعد حبك به غرام
الاول انت ف الامام
القلب غيرك ما نوى
اشتاق لك شوقن كبير
لك دايم اشواقي تطير
كني مع حبك اسير
من حسنك القلب ارتوى

ابيع عمري لبسمتك
و الروح فدوة ضحكتك
و الموت كله نظرتك
صوتك لآهاتي دوى
خفف من الغيره شوي
مادمت عندي كل شي
ما عقب نورك شي ضي
قلبي ملكته يا هوى
************************************************** ****************
عند نواف كان يفكر كيف يأدبه ويذبحه وينتضر رسالتها توصله اول ماشاف الرساله
شقت الضحكه حلقه كنه نار وصبو عليها مويا قرر مايرد عليها بالكلام وتوجه لأمه عشان
يخبرها انه يبي يخطبها وتسير حلاله
يتبع

17 - 9 - 2014, 06:25 AM

يتبع
بيت سليمان
سليمان كان ماسك الجوال وينتضر سيف يرد واخيراً جاه الرد
سيف:الوو
سليمان:ياهلا وينك يارجال عن جوالك
سيف:معليش والله كنت اخذ شور
سليمان:طيب وش سار بتروح لفيصل
سيف تنهد:لاء ماني رايح
سليمان:سيف ياخوي انا صحيح مو راضي عن فكرة اننا نتحكم بحيات شموخ ونكتب لها نهايه ماقررتها
ولكن وافقت لأني شايفك شايل الدنيا على راسك واذا هالشي به راحتك سوه وارتاح
سيف تنهد:خلها على الله بس
سليمان طيب فيه شي ثاني:دقت عليك جدتي
سيف:لا من ايام ابوي تعبان بالمستشفه قالت جايه ولا شفناها
سليمان:كلمتني وتقول انها اليوم توصل وتبينا نستقبلها بالمطار
سيف:والله هالجده العجيبه تغيب سنين وترجع سنه تعفس الدنيا وتروح
سليمان ابتسم:حرام والله انها طيبه بس محد فاهمها المهم خوي للمطار <<يعني تروح معي المطار
سيف بتفكير:لا ياشيخ فكنا من لسانها
سليمان:ههههههههههه
سيف:اضحك اضحك بلاها تحبك يالدين
سليمان ببتسامه:انا مو دين للموت بس على الأقل احاول اجمع دين ودنيا
سيف:اخ منك بس هالجده ماتسخى فيك
سليمان:قل اعوذ برب الفلق
سيف:اقولك بس مرني ناخذ كُفي ونجيبها على الأقل تغير جوي بلسانها اللي وش طوله
سليمان:لا عيب عليك ترا مهما كان هذي جدتنا وبحسبة امنا الله يرحمها
سيف:الله يرحمها برحمته
سليمان:المهم يالله ربع ساعه وانا عندك يالله فمان الله
سيف:فمان الكريم
************************************************** ************************************************** *

17 - 9 - 2014, 06:26 AM

مشاري & شجن كانو يتعشون بمطعم فخم وراقي جوت مول
شجن ببتسامه:وانا بعد
مشاري:وانتي بعد ايش
شجن بخجل:بعد ايش وانا بعد احبك
مشاري ابتسم:فديت هالفم الحلو اللي تطلع منه هالكلمه الحلوه
شجن غطت وجهها بكفوفها وبدلع:مشاااااري لاتقول كذا ترى استحي والله
مشاري:وياقلبي على اللي يستحون <<بهذي اللحضه مرت من جنبهم بنت
ورمت ورقه على مشاري
شجن طيرت عيونها:قليلة ادب شفت وش سوت
مشاري:طنشيها يابنت الحلال
شجن اخذت الورقه بدموع:كاتبه رقمها عمى بعينها ايه طبعاً انت متعود على كذا
مشاري مسك ايدها ببتسامه:يابنت الحلال ليش هالدموع عشان وحده ماتسوى
شجن دمعت:مابيها تروح كذا الحين تحسبك تبي الرقم واخذته
مشاري سحب الورقه من ايدها وقام لحق البنت لين وصلها
مشاري:لو سمحتي هالورقه طاحت منك
البنت بدلع ماصخ:بس هي ما طاحت مني انا رميتها عمداً
مشاري:اها عمداً وانا ما قبلتها ولا اقبل منك ولا من حقيرات امثالك
البنت:بس انا صديقاتي تحدوني ارقمك وانك بتلحقني
مشاري:وانا مالحقتك لخاطرك لحقتك لانه دموع زوجتي حدتني
البنت اللي تتكلم يوم شافت صاحباتها جاين قالت:بهالسرعه اعجبت فيني اكيد خويتك اللي جالسه معك طلعت روحك
مشاري طالعها من فوق لتحت بأحتقار:هذي زوجتي مو خويتي وبعدين خذي هالورقه وانقلعي
البنت بتحدي لانه احرجها قدام صديقاتها:اذا ما اخذته بسوي لك فضيحه وسط المول
فخذه واتقي شري
ابتسم مشاري بأستهزاء:طيب سوي يالله انا انتضر الفضيحه
البنت:على فكره الشباب بهذي المواقف يهربون
مشاري طالعها بحتقار وتحدي كانت كل نضراته تدل على شخصيه قويه وطبعاً تجمعو الناس على اصواتهم
قال بفخر:وانا مو اي شاب يالله انتضر سوي فضيحه
نط واحد من الرجال المتجمعين:عيب عليك تسوي كذا ببنات الناس ماعندك خوات
عطاه مشاري نضره كرهته عمره وقال بحده:لاتتكلم بشي ماتدري عنه
الكل سكوت وينتضرون الفضيحه والبنت مصنمه مو مستوعبه ايش تسوي بس جاها فرج يوم شافت هيئه تمشي
نادتهم بسرعه بعد ماعدلت حجابها وجو
الشيخ يوجه كلامه لمشاري:وش فيه ياولد وش تبا بالبنت
البنت:ياشيخ انا كنت ماشيه بحال سبيلي وهو جا ورقمني ويوم رفضت
هددني انه بيسوي لي فضيحه ويجمع الناس علي
الشيخ صحيح اللي تقوله

17 - 9 - 2014, 06:27 AM

مشاري ابتسم ببرود وقال:انتي هي احلفي
البنت بكل تسرع وما همها انها تحلف بربها:والله والله وقسم بالله هذا اللي سار
مشاري كان متوقع من امثالها تحلف بدون ماتثمن لربها قال ببرود:لاا تجعلين الله اهون الناضرين اليك يا شيخنا معك جوال
الكل استغرب سؤاله حتى الشيخ ولكنه رد:ايه معي
مشاري ابتسم بتحدي:حلو وهالبنت برأي الكل طاهره وشريفه وانا اللي مرقمها يعني رقمي عندها
ورقمها مو موجود معي
الشيخ طالعه بمعنى كمل وفعلاً كمل مشاري:طيب <<مد له الورقه:خذ ياشيخ وانت احكم هالبنت رمت علي هالورقه وانا
جالس مع زوجتي بأمان الله وكل اللي قالته سار فعلاً ولكنها قلبت الكلام بحيث انه سار كلامي كلامها وسار كلامها كلامي
الشيخ:وكيف اتوكد انه رقمها <<طالع جهت البنت وعيونه بالأرض وقرا لها الرقم ويوم انتهى:هذا رقمك يابنتي
البنت وهي تمثل انها تصيح والكل متعاطف معها معاد مشاري اللي مبتسم بثقه قالت:لا ياشيخ من وين رقمي وانا اقولك هو اللي رقمني
مشاري:اعتذر منك ياشيخ عطني الورقه
الشيخ يبي يشوف اخرتها معهم ومد له الورقه ومشاري بكل بساطه بعد ماطلب جوال الشيخ دق على الرقم
وطبعاً الجوال كان بيدها ودق البنت فكت عيونها بصدمه لأنها كانت تحاول تصمته ومالحقت
مشاري ابتسم:شفت ياشيخ المسأله مايبي لها اذا هي طاهره وعفيفه على قولها وش يسوي رقمها معي وكيف وصلني
البنت:الله ياخذك الله ياخذك فضحتني
الشيخ:حسبنا في بنات هذه تربيتهم حسبنا الله
الناس كلها صفقو لمشاري وبدو يتكلمون:بنات اخر زمن- وجع قويت عين -اللي سار حلال فيها-تستاهل -تربيه زباله-بنات ماعندها شرف
البنت بكت بقوه:خلاااااااااااااااااص
الشيخ طالع مشاري وشجن اللي فرحانه وحزنانه على البنت بفس الوقت وقال لهم:توكل ياولدي وخذ زوجتك معك والله يكثر من امثالك بالدنيا
سلم مشاري على الشيخ:مشكور ماتقصر
بعد مابعدو عن الناس شجن ضمته بقوه بدون خجل من اي احد:ياروحي انت الله لايحرمني منك والله كنت خايفه عليك تورطك انا اعرف هالبلاوي زين
مشاري حوط خدودها بكفوف ايده:اذا سار معك الحق لاتخافين من احد فالحق احق ان يتبع
************************************************** ************************************************** ***********************************
************************************************** ************************************************** ***********************************

17 - 9 - 2014, 06:28 AM

بيت ابو سيف
شموخ بحده:بابا انا ابي اسافر برا
ابو سيف:نعم انتي وش تقولين وليش بأيش قصرنا معك
شموخ ببكا ماقصرتو بشي بس انا ابي اسافر برا لين اولد فيصل بيتزوج واخاف لا عرف اني حامل ياخذ البيبي مني
ابو سيف:يابنتي مو معقول اللي تقولينه انا راح اكلم فيـ...
قاطعته شموخ:بابا بللللللللليز يكفي ذل الوصيه اللي وصيتها له والي وصلتني للي انا وياه فيه خليه يتهنى بحياته
وانا بتهنى بحياتي وبعيش عشان هذا(وهي تحط ايدها على بطنها) اللي ببطني بابا اترجاك كَفِر غلطتك وسفرني برا ووالله ما اسوي اي شي بقعد ايه بقعد بشقه اربع وعشرين
ساعه حط معي بدي قارد وسوي اللي تبي بس بعدني من هنا ما ابي اعيش معه بنفس الديره تكفى ما ابي اتنفس هوا يتنفسه مع وحده غيري
تقطع قلبه على شكلها وهي تبكي ضمها وما كان منه غير يستسلم لانه باين انها تبي تبعد بأي طريقه وما تركت له مجال يرفض لانها رضت ببدي قارد
قال بتنهيده طويله ودمعه خانته:ابشري يابنتي جهزي نفسك وانا بوديك محل ماتبين
شموخ ضمته ودموعها تتسابق:شكراً بابا شكراً الله لا يحرمني منك وانشالله يديمك تاج على راسي
شد ابوها على حضنها بتنهيده:ولامنك يا اميرتي

************************************************** ************************************************** ************************************************** ************
بعد ساعه المطار
سليمان وهو يسلم على راسها ويدها:هلا هلا جدتي اشتقنا لك
الجده اللي ماشيه على عصايه:ايه اشتقتو لي والله انك تتسذب <<وضربته بالعصايه:وبعدين انا تسم مره قايلتن لك ادعن يما
(كم مره قلت لك ناديني يما)
سليمان هرب بسرعه:يايما الله يصلحك لاتعصبين
الجده:الله يهبلك شايفن جايه من وين حتى تقول الله يهديتس جايتن من مرقص
وصلو عند السياره وركب سليمان شنطتها عبال ماوصلت
الجده:من بوه راتسبن قدام
(من فيه راكب قدام)
سليمان:هذا سيف يمه
فكت الباب وضربته بالعصايه:انزل نزل خشمك سلم على جدتك
نزل سيف وهو يضحك:ياهلا ياجد...(رفعت العصايه بتهديد)يمه يمه ياهلا يمه<<سلم على ايدها
وراسها ورجع يركب قدام بس ضربته الجده:قم قمام ارجع ورا تبي تركبن انا ورا وعمه
سيف جواته:الله يفكنا من لسانك
الجده بأستهبال:تقل اسمع تحلطم داخل تسبدك
سيف انصدم وركب ورا بسرعه وبقلبه:بسم الله شكلها تسمع الأفكار
ركبو وبعد ساعه وصلو البيت
سليمان:ياهلا ياهلا نوتي البيت يمه
الجده:غصبن عنك
سيف وهو يأشر عليه بستهزاء:كااااااي

17 - 9 - 2014, 06:29 AM

الجده:تضحك ياعل ضروسك تخلخل وين ابوتس وين النسره و شموخ ولهانتن عليها
سليمان:ادخلي يمه وتلقينهم بالصاله
الجده دخلت ومالقت الا ابو سيف اللي جالس وباين انه يفكر بعمق ووجهه متضايق
الجده:هذا ربك وهذا عقابه يالعاق ياللي ماتسأل على امك
ابو سيف رفع راسه بصدمه وشاف امه ووراها سليمان وسيف:يمممممه متى جيتي
جلست الجده:جاك بطنك ياولدي بدل ماتقول الحمدالله على السلامه <<سليمان وسيف بغو ينفجرون من الضحك على اسلوب جدتهم العفش
ابو سيف:الحمدالله على السلامه<<وقرب منها وسلم على راسها ويدينها
الجده طالعته بنص عين:ماربيتك زين ياملا المنيب قايله قل لمك نور البيت قلها سين يسرها
ابو سيف مو مستوعب وجودها:نور البيت يمه
الجده وهي تقلب عيونها بالأثاث:غصبن عنك نور فيني
ابو سيف جواته:لاحول ولا قوة الا بالله
سيف وسليمان انفجرو:ههههههههههههههههههههههههههههههههههههههههههه ههههههههههههههههههههه
************************************************** *******************************************

17 - 9 - 2014, 06:29 AM

يتبع
عند شموخ بالغرفه كانت غايصه بتفكيرها والدموع هي لغتها
شموخ:اااااااااخ يافيصل هنت عليك وهانت عشرتنا بهالسرعه انا حتى مانشفت دموعي
واسمع بخبر زواجك اذا كنت تبي تذبحني بهالخبر ابشرك ذبحتني واذا فيه شي اكثر من الذبح فأنت سويته
انا معك انه قبل ما احمل ماكان فيه فرصه لرجوعنا بس يوم سار دليل برائتك بيدي ويوم الله كتب اننا نرجع
انت دمرت هالشي ياترا كيف شكلها ندى احلى مني طيب اطول ولا اقصر طيب انحف ولا اسمن شعرها طويل مثل مايحب فيصل
(تذكرت يوم نام على شعرها وانفجرت بكى)ولا قصير مثل ماكان يقول لي ياويلك تقصين شبر منه الله يوفقك ياحبيبي ويوفقني
اتمنى لك الحياة الحلوه اللي انا ماعيشتك نفسها احبك فيصل احبك يالصقر <<على هالتفكير انفتح الباب بقوه رفعت راسها بفجعه
شموخ والدموع بعينها:يمه جيتي
الجده وهي طالعه:من انتي (تتذكر شموخ وهي دبه)
شموخ:هذي انا يمه شموخ
الجده طلعت لسانه بمعنا خراطه:اقولتس بس وينها شموخ
شموخ الي من زمان مابتسمت ابتسمت:والله هذي انا يايمه ياحبيبت بنتك
الجده:يايمه ياحبيبت بنتك ايه والله انتس شموخ
شموخ قربت لها وضمتها:نورتينا يمه
الجده ببتسامه:هذا تورتس يانور البيت الا وين كرشتس القديمه <<ورفعت العصايه بمزح تبي تضرب بطنها
بعد شموخ بسرعه ومسكت العصايا بشوي عصبيه:يمه لاتضربين بطني
الجده اول مره تصرخ عليها شموخ بس بررت بسرعه شموخ:انا حامل يمه ماينفع تضربين بطني
الجده:حااامل
شموخ:ايه حامل
الجده:اجل وينه رجلتس قليل الخاتمه ماجا يسلم علي
شموخ بكت وبقلبها:انا ابي اعرف وينه <<وقالت بصوت واضح:تطلقنا يمه
الجده طالعتها وعندها كل شي ولاشموخ ضمتها:وراتس يابنتي معذبتن نفستس تسذا ترا طلاقتس وانتي حامل لايقع
شموخ وهي تمسح دموعها:ايه ادري يمه
الجده غمزت لها:اجل ارجعي له وش تحترين
شموخ جواتها:ياليت الموضوع بهذي البساطه كان انا الحين بحضنه بدل ندى <<وقالت بصوت واضح:الله يكتب اللي فيه الخير
************************************************** ************************************************** ******************

17 - 9 - 2014, 06:30 AM

انتهى اليوم على كذا واشرقت شمس جديده تعلن يوم جديد بيت سيف الساعه 9 الصبح
دق الجرس كم مره
بالغرفه مايا فزت بسرعه:خير اللهم اجعله خير سيف سيف قوم
سيف وهي يتقلب بأنزعاج:شوي ياحبيبي شوي بس
مايا حركته على خفيف:سيف قووم الجرس يدق لايكون احد مهم
سيف قام بسرعه ولحقته مايا واول مافتحو الباب تفاجئو الأثنين:شمووووخ
شموخ دخلت وباين انها موصله معها وتبي تنااام اصلاً راحت بدون ولاكلمه لغرفة الظيوف انسدحت
مايا عند باب الغرفه:شوشو شفيك

شموخ:يرحححححححححححم امك ابي انام جدتي بتفجر راسي طول اللي مسهرتني وتفهمني اني لازم ارجع لفيصل واذا رجعت له
لازم اطبخ ووش اطبخ وكيف اكنس وكيف امسح ماخلتني انام بس انا الحماره اللي قلت لها السالفه ارحمووني انتم ابي اناااااااام
مايا:ههههههههههههههههههههه جدوده جت ههههههه
شموخ وهي تتغطى:اطلعي اضحكي برا راسي بينفجر ابي انام
مايا طلعت بعد ماقفلت الأنوار وقفلت الباب اما شموخ ماطب عينها النوم
وكل تفكيرها:ياترى الحين وش يسوون نايمين ولا قامو طيب نامت بحضنه ولا لا
(خانت عيونها دمعه:يارب خفف عني يارب <<غمظت عيونها بعد تفكير طويل ابتدا بفيصل وانتها فيه
************************************************** ************************************************** ***************************
بيت سطام فتحت عيونها وطالعت لسطام اللي نايم بجنبها ببتسامه وهي تقول جواتها:يالله هذا الأنسان اللي سرق روحي مني
وخطف عقلي الحين هوو ملكي وحلالي محد يلومني لا حبيته ولا أحد بيلومني لو كلمته اااه
الحمدالله ياربي انك عطيتني حلم من اكبر احلامي
انقطعت افكارها على صوته وهو مغمض:لهذي الدرجه انا حلو
رفيف ببتسامه:حبيبي صحيت
قربها له وضمها بقوه وهو منسدح:صحيت ياروحي بس ابي انام وانا حاضنك
رفيف ببتسامه ضمته بقوه:احبك
ابتسم وبدا يستنشق ريحة شعرها اللي يحسه مثل العود بالنسبه له
************************************************** ************************************************** ****************************

17 - 9 - 2014, 06:31 AM

بيت سطام فتحت عيونها وطالعت لسطام اللي نايم بجنبها ببتسامه وهي تقول جواتها:يالله هذا الأنسان اللي سرق روحي مني
وخطف عقلي الحين هوو ملكي وحلالي محد يلومني لا حبيته ولا أحد بيلومني لو كلمته اااه
الحمدالله ياربي انك عطيتني حلم من اكبر احلامي
انقطعت افكارها على صوته وهو مغمض:لهذي الدرجه انا حلو
رفيف ببتسامه:حبيبي صحيت
قربها له وضمها بقوه وهو منسدح:صحيت ياروحي بس ابي انام وانا حاضنك
رفيف ببتسامه ضمته بقوه:احبك
ابتسم وبدا يستنشق ريحة شعرها اللي يحسه مثل العود بالنسبه له
************************************************** ************************************************** ****************************
المغرب صحصحت من نومها وتحس راسها يوجعها من البكى اصلاً تعودت على هالوجع
قامت غسلت وجهها وتوضت وصلت ودعت ربها ينور بصيرتها ويحفظ لها البيبي اللي ببطنها وبعد ماانتهت طلعت برا الغرفه
مايا اول ماشافتها ابتسمت بحب:صباح الخير
شموخ ببتسامه مجامله عشانن ماتحسس مايا بشي :صباح النور
مايا جلست بعد ماحطت دلة الشاهي والفناجيل على الطاوله وبتردد:شموخ
شموخ رفعت عينها لها وبصوت مكسور:هلا
مايا قربت وجلست بجنبها:شوشو حبيبتي ليش احس الدنيا ضايقه فيك ترا انتي مو اول ولا اخر وحده تتطلق
شموخ تنهدت تنهيده طويله مليانه الم:صح مو اول ولا اخر وحده تتطلق بس اول وحده تفرح بأنه طلاقها مو محسوب عليها
واول وحده لمن تجي تخبر زوجها اللي طلقها انها حامل تعرف انه تزوج وهو حتى ماكمل شهر من فراقها اول وحده تتطلق وتكون
هي اللي ضالمه زوجها اكثر مايكون هو اذاها مايا انا تعبااااانه تعبانه بجد احتاج ابعد بمكان محد يعرفني فيه ابي ابعد وبس
ابي اربي الطفل اللي ببطني ومابي انحرم منه ابد
مايا نزلت عيونها للأرض:يعز علي فراقك وانا توني مستانسه برجعتك بس بصراحه عمي عبدالعزيز كلمني وقال انه سفرتك تمت
وانه يبيك تروحين بيتكم عشان يفهمك متى ووين وكيف
شموخ ابتسمت بألم:مايا انا مجروحه واللي سبب لي هالجرح اغلى اثنين على قلبي:زوجي او طليقي وابوي انا قربت افقد ثقتي بالناس
انا اتعذب ببعده ليل نهار وهو بكل برود راح يتزوج لا وتكلمني غلا وتقول انه زوجته مأكده علي الحضور حضرتها تبي تتأكد انه قلبه صفا
مني وسار عايفني

17 - 9 - 2014, 06:43 AM

مايا ضمتها:معليش ياحبيبتي كل الرجال كذا لاتضيقين انتي صدرك بس روحي وسافري وعيشي حياتك ولاتضيعين عمرك تبكين على ماظي بس (وبتردد كبير)
ياشموخه انتي لازم تخبرين فيصل بحملك اذا رجع لك ارفضي بس لازم يعرف انه له جنين ببطنك هو ابوه مهما كان مثل ما انتي امه واذا صعب عليك تخبرينه
بخلي سيف يكلمه ويقول له كل شي
شموخ فزت بسرعه من حظن مايا وقالت بدموع وبكا:لاااااا يامايا ابوس ايدك لاتقولون له شي اذا عرف بياخذ البيبي وبيحرمني منه انا مابقى لي احد اثق
فيه يامايا اصحك تخربين العشره اللي بيننا بغلطه مثل هذي ترى والله ببقى عمري كله ما اسامحك
مايا بتبرير:بس ياشموخ ...
قاطعتها شموخ:هالموضوع عندي مايحتمل النقاش واذا بتخطين اي خطوه من دون علمي ورضاي صدقيني يامايا مستعده ابيع كل هالعالم عشان هالطفل اللي ببطني <<وقامت للغرفه اخذت عبايتها وشنطتها
وتوجهت لباب الشقه
مايا كانت متفاجأه من ردت فعلها هي ما قصدت شي بس كانت تبي تبين وجهة نضرها اول ماشافتها عن الباب قامت بسرعه وضمتها بدموع:شموخ حبيبتي انا مو قصدي شي صدقيني انا بس كنت ابي ابين لك شي
يمكن انتي غافله عنه بس بالأخير اللي تبينه بيسير هالشي يخصك اكثر منمايخصني او يخص غيري
شموخ ضمتها بقوه وكأنها فعلاً كانت محتاجه احد يوقف معها بمثل هالكلام وقالت بهمس:مايا اوقفي بجنبي انا ادري انه غلط مايعرف بس مافي شي يبقى طول العمر سر بيجي لفيصل يوم ويعرف
مايا تنهدت:الله يعينك ويقويك على اللي بتسوينه
شموخ ابتسمت بألم:احبك مايا
مايا بكت بقوه وضمتها:وانا احبك وترى انا اختك يا حماره عمري ما اوقف غير بصفك
شموخ:وانا كذا عهدتك معي بالشينه والزينه
سلمو على بعض وتوجهت شموخ لبيتهم عشان تتكلم مع ابوها وتعرف متى سفرها
************************************************** ************************************************** ************************************************** ************************

المواضيع المتشابهه لموضوع: رواية قول احبك واترك الدنيا لعيونك لموضوع: رواية قول احبك واترك الدنيا لعيونك
الموضوع	كاتب الموضوع	المنتدى	مشاركات	آخر مشاركة
اشتاق لك واثرك هنا تحتريني	حنين الأشواق	همس الشعر والقوافي	8	9 - 2 - 2023 01:50 AM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
انظر في مر تك واترك مر ة غيرك	نظرة عين	همس المواضيع العامة	4	22 - 2 - 2015 08:58 PM
رواية جيت اقول اني احبك شفت عينك واستحيت	نظرهـ خجولهـ	همس للقصص وحكايات وروايات	14	14 - 4 - 2012 08:49 AM

الذين يشاهدون محتوى الموضوع الآن : 3 ( الأعضاء 0 والزوار 3)

الأعضاء الذين قاموا بتقييم هذا الموضوع : 1

رواية قول احبك واترك الدنيا لعيونك

همس للقصص وحكايات وروايات