رواية مجنونة وعاشق اجن

23 - 9 - 2014, 09:52 AM

فيصل يستهبل معه ولا يدري وين موقعه بالأعراب هالحين: هههههههههه مالت عليك وأنا بعد اشتقت لك
طلال يدخل رأسه بسيارة فيصل : من جد فيصل اشتقت لي ولا بس أنا اللي أشتاق لك؟
وطلع رأسه :أقول وقف سيارتك جنب باب القصر من الداخل مو تخلي أختك تمشي المسافة هذه خخخ
فيصل : هيه أبيها تمشي مسافة كيالو إلا شو عندك صاير ذرب(مؤدب) هههههههه
طلال: هههههههههههههههههههههه انقلع زين وأشر له يدخل
فيصل : بتكشخ اليوم طلال صح؟
طلال يبي يقهر مشاعل: لا منيب جاي
ابتهال لا إيرادي: لييييييييييه؟
فيصل التفت :؟؟؟؟
ابتهال ترقع: ليه واقف ساعة أكلمك يلا ادخل زهقت ومشاعل تنتظرني
فيصل التفت لطلال : أوصلها للباب وبتشوف حسابك
طلال متشقق ما توقع تهتم وتسأله ليه : هههههه لا تحاول أنا مشغول وركب وراء
فيصل: من اللي سمح لك تركب سيارتي
طلال: لا يكثر بس وادخل داخل
***
بعد ما نزل طلال وابتهال من سيارة فيصل
ودع فيصل طلال وهدده إذا ما جاء يا وله سواد ليله
ابتهال وتتصل على مشاعل: الو وينك؟
مشاعل : بجناحي أجل وين يعني؟ أنتي مو غريبة اصعدي لحالك
طووووووووووط
ابتهال : الحماره تسكر بوجهي كأني أصغر عيالها
سمعت صوت طلال يكلم جاء لها فضول من اللي يكلم ؟؟؟؟؟
راحت تخبت خلف العامود اللي بالصالة
طلال يتدلع: لاااا ما أبغي
.........: أف طلال بذبحك
طلال : هههههههههه تذبحيني أتحداك
................: بتدويني الملاهي أنا وجسوم ولا لا؟
طلال: من جسوم تراني أغار
............: هههه لا هذا اللي جبتهم يسكنون معي؟
طلال: أها يعاملونك زين ولا ؟ تراني جاي اليوم عندك بس بشرط يا أمجاده
أمجاد عصبت: أسمي أمجاد مو أمجاده
طلال ينر فزها بزر وتعرف ترد: هههههههه أمجاده أمجاده وش رأيك كذا يعجبني هههههههه
أمجاد: طلااااااااال بتجي ولا؟
طلال : من عيوني كم أمجاد عندي ؟
أمجاد بدلع طفولي: وحده اللي هي أنا
طلال يصفر: صصصصصصصصصص يالثقة تكفيني بهلول
أمجاد: قصدك ابتهال؟
كانت ابتهال تمشي لغرفة مشاعل والصدمة بوجها نزلت دموعها خاااااين
خاين يا طلال والله ما أسامحك نزلت دموعها من القهر وفتحت اللفت ..

23 - 9 - 2014, 09:53 AM

طلال برومانسية: ومن غير ابتهال عاشت بهذا القلب يالدلخه
أمجاد: انا مو دلخه وبحماس أبي أشوفها
طلال: اسكتي يالبزر خليك بمدرستك أي صف أنتي ثاني ابتدائي ولا ثالث؟
أمجاد بحماس : انا ثاني وابتهال؟
طلال: ابتهال جامعة يالهبلة انا ما أتزوج بزران أبيها هي فديتها بهلولتي
المهم إذا رجعت من الشرقية أخذك للألعاب طيب ؟
أمجاد: طيب ..مع السلامة
طلال: مع السلامة
صعد لغرفته يجهز أغراضه يبي يطلع المعرس اليوم مو أي كلام
///
مشاعل بغضب: ليه تأخرتي ؟؟؟
ابتهال وتمسح دمعه ومالها خلق ترد حست العبرة أخنقتها
مقهورة قليله بحقها من جد نذل
مشاعل: شفيك؟؟؟؟؟؟؟
ابتهال : ولا شي رفعت رأسها : وااااااااااااااااااااااااااااااااااااااااااااااااا اااااو
مشاعل تخبلييييييييييييييييين وقفت بحماس: روعه تهبلين وربي جنان هههههههه غطيتي على العروسة يا ربي جنااااااااااااااااان
مشاعل : ابتهال لا تضيعين السالفة والله إذا ما قلتي شفيك بزعل عليك ليوم الدين
ابتهال تذكرت وزاد القهر: مشاعل الله يخليك حطي لي ولا تسألي
مشاعل مسكتها بخفة برقبتها أكره ما عندها ما تعرف وش في اللي حواليها : ابتهال قسم بالله إذا ما قلتي لي والله والبيت اللي بناه الله ما أروح الشرقية لملكة أخواني
ابتهال ((تحلف حلف قوي على شي أقوى جد حماره تبي تعرف بأي وسيلة)): من جد نذله
مشاعل وبعدت: حلفت لك بالله شسالفة
حكت لها ابتهال كل اللي سمعتها وهي جالسة بدمعتها
رفعت رأسها يوم سمعت ضحكت مشاعل وهي تقرب طاولة الميك آب : ما في شي يضحك
مشاعل: يا هوووووووووه على اللي تغار
ابتهال بغضب: وربي ما أسامحـ
مشاعل بجدية : أنا كنت بقولك بس
ابتهال بخوف وقفت : أيش الموضوع أمك خطبة له من جماعتكم نزلت دمعة تكفين قولي لا ؟
مشاعل: هههههههههههههههههه هههههه هبله أنتي هو يحبك أنتي مو وحدة من جماعتنا خبله بجد
ابتهال وبغضب: من بنت الكـ...... الحمـ......... أجل هذه اللي تكلمه؟
مشاعل بضيق: وربي أنها بزر ما تجي 11سنة
ابتهال بدهشة وغضب: يا سلام زهق من الكبار راح يلعب بالصـ
مشاعل وماسكة أعصابها: وربي يا ابتهال لو يسمعك طلال تقولي عنه كذا كان حتى ما يفكر يناظر بوجهك وهو اللي ترك بنات الناس علشانك أنا أقولك السالفة بس أحلفك بالله ما تطلع لأحد سامعة ..لولا ثقتي فيك كان ما قلت لك ..
وخبرتها بكل شي
ابتهال بصدمة : مشاعل تنصبي ؟
مشاعل بضيق : ما أكذب عليك وأخذت نفس مو المفروض تفتخري بطلال؟
ابتهال غطت نفسها وتبكي جد تافهة يوم شكت فيه بس الحمد الله تأكدت مو على طول اتهمت
الحمد الله أني قلت لمشاعل بس لو ما قلت لها وجاني طلال والله صرت أخرب حياتي
بس الله ستر
وبدت نوبة البكاء
مشاعل بحب ما توقعت ابتهال تحب طلالوه لهذه الدرجة : ابتهال يلا ضيعنا وقت أبي أخلصك هالحين ما بقي إل

23 - 9 - 2014, 09:55 AM

مشاعل بحب ما توقعت ابتهال تحب طلالوه لهذه الدرجة : ابتهال يلا ضيعنا وقت أبي أخلصك هالحين ما بقي إلا ساعتين ونصف تطير الطيارة
ابتهال تناظر مشاعل: والله اني غبية كيف أظلم طلال فديته
مشاعل : يا هوووووووووه صصصصصصصصصص أقول احترمي نفسك تتغزلي بأخوي
ابتهال تمسح دموعه وهي تضحك وتناظر مشاعل بإعجاب تسريحتها كريزي تجنن عليها
من جد خياااااال
كل شعرها مرفوع ونازله منه خصل كثيرة كذا تعتبر التسريحة
ومن قدام حطت إكسسوار بنفس الثوب اللي بتلبسه وحطت قذلتها على جنب وميكياجها أكيد خليجي المطور بألوان من جد خيال بألوان الأحمر والأسود والأصفر والبنفسجي والأخضر
تعرفون الخليجي 6 ألوان أو 7 طبعا على حسب العين والترتيب في ناس يعملونه الحمد الله والشكر مهرج لأنه خالي من الترتيب
وما كانت لابسه مشاعل الفستان للحين قالت بلبسه قبل لا أروح للمطار
:::::::::::::::::::::::::::::::::::

23 - 9 - 2014, 09:56 AM

نواره: ههههههههههههههه أجنن وربي ملاك
ريم : وااااي بصراحة أربعتنا نخبل هههههههههه
كانت فساتينهم نفس الشي بس الألوان تختلف ...
كان فستان يمسك من الرقبة
وبعدها يجي على الصدر قصة رهيبة إلى الخصر بالوسط إكسسوار كبير جاي بالطول من تحت الصدر إلى وسط البطن وبعدها يجي حزام خصر لكنه من قماش يعني حزام ومو حزام ومن تحت هذا الحزام ينفش الفستان إلى عدة طبقات منفوشة صغيرة بعدين أكبر وأكبر حوالي 7 طبقات من قماش الشيفون وكان لون فستان نواره أسود وإكسسوارها اللي بالوسط أصفر فقالت للكوافير يحط لهم كلم سموك دائري أسود وفوقه برتقالي وفقه أصفر وتحت الحاجب إضاءة لؤلؤيه وحلقها بنفس الإكسسوار اللي بالفستان طويل وقمة بالفخامة والأناقة
كلهم نفس الشي ألوان مختلفة فقط
لمياء لون فستانها أزرق وإكسسوارها اللي بالوسط أسود وأبيض
وحتى الميك آب سموك لكنه عادي مو دائري لأنه الأسود والأزرق مو حلو يكون لتحت ألوان غامقة فسوته من فوق وفعلا طلعت قمة بالجمااااااااااااال
ريم فستانها أخضر إما رنيم كان فوشي والود ودها تجي بعباتها لكن لعيون ياسر بعد ما طلبها يبي يشوفها يسمع صوتها علشان أشوي من الهم يروح ولا سيما سارة اللي اتصلت مخصوص تهددها إذا ما جات
::::::::::::::::::::::::::::::::::
الكل راح تجمع ببيت أبو بندر والحريم مشيوا المطار قبل البنات
مع أبو خالد وبو بندر لأن البنات كانوا يشيكون على أخر اللحظات
وطلبت مشاعل يودون أغراضهم بس يجون مع فساتينهم وكشختهم للبيتهم علشان هي تشيك
>>>>>>>ملقوفة هههههههه
الكل يصفر لمشاعل بعد ما طلعت من غرفة الملابس
لمياء : يخبللللللللللللللللللللللللللللللللللللللللللللللل للل
ريم: يجنن هههههههههه مو مصدقة والله لو عندي أخوان خطبتهم لك
ندى بثقة: والله ما تأخذي غير أخوي
ابتهال وتناظر بلمياء : والله ودي أقولك اخذي فيصلوه بس هو عايش ببحر الغرام
لمياء : انقلعي
الكل ضحك ما كانوا يدرون من تقصد بس فضحت نفسها بنفسها : هههههههههههههههههههههه
مشاعل : جد حلوه؟؟؟؟؟؟
ريم تستهبل: لا ويييييييييييييع بالله مو كأنك أخت العرسان يع
الكل: هههههههههه ههههههههههههههه
مشاعل : هههههه انقلعي
كانت مشاعل لابسة فستان عبارة عن بلوزة وتنوره يعني منفصلين
البلوزة كانت كوكتيل بدون سيور يعني تجي من الصدر وعلى جسمهم وألوان الشك روووعه أحمر وأصفر وأخضر وبنفسجي كان قمة من الروعة

23 - 9 - 2014, 10:01 AM

اتعب وأنا أقول جنااان وكان فيه إكسسوارات طالعة وفي اكسسوارت جاية من الصدر على أشكال مموجة ودائرية وتجي على نهاية البلوزة على شكل مثلث و التنوره توصل لتحت الركبة ومنفووووووشه الجابون صغير نافشها بقوة
وكلها نفس الشك لكن على جنب في سلاسل من الخرز اللي يلمع من بعد كيلو وجايه هذه الخرز على جنب التنوره والمصمم أخذ بعضها وخيطها لعند البلوزة
ومن الخلف ماخذ على شكل مثلث صغير من بدية التنوره يبدأ رأسه ألي نهايته
وفيه طبقات بس على المثلث قصات بألوان الشك >>>إذا فهمتوا زين هاع
كانت
ج
م
ي
ل
ة
قليلة بحقها تجنن
هي الوحيدة شعرها مرفوع والخصل طايحه لأنه طويل
إما بنات أم نوارة عاملينه غجري مثل ما نصحتهم نادين يعني يشبه مريام فارس لكن على جنب وحطوه لهم أكيد إكسسوار فخم
وابتهال قلت لكم قبل خخخ
إما ندى ونجلاء كان فستانهم ناااعم لكن مره حلو
فستانهم نفس الشي وحتى الألوان لونه أخضر غااامق
يجي سيور
وبعدها قصة مميزة عند الصدر وتحته مثل السير لونه أخضر فاتح وفيه لولو صغير مره كله السير فيه لولو وبعد السير قصة كسرات 2 فقط ونهاية الفستان يجي شيفون صغير محدد الفستان وله ذيل طويل وطبعا حرير لأنه نااااااعم والميك آب حقهم ناااعم كان المدموج درجات الأخضر وحطوا فيه لمعة خفيفة وشعرهم عملوه تايتنك المطورة
الكل له حلاوته وجماله
لكن مشاعل تتميز بأحلى جسم وطول وشعر
رن جوال مشاعل بعد ما خلص الكل ولبس والكل يتريق على الثاني
مشاعل : هلاوي
طلال معصب: أخلصوا بسرعة والله لنعد للستين ونمشي <<<<يعني بس دقيقة وحدة
مشاعل بصراخ علشان كل اللي بالصالة حقت غرفتها يسمع واللي داخل الحمام<<كرامتكم موجود هاع
واللي بغرفة الملابس
صرخة بأعلى صوتها: بناااااااااااااااااااااااااااااااااااااااااااااااا اااات الشباب حلفوا دقيقه ويمشون أنا طالعة بااااااااااااااااااااااااااي وطلعة علشان يلحقونها
الكل يلبس واللي يدور جواله واللي شنطته
وبعد دقيقتين بالضبط
بسيارة خالد بس فهد ...
بسيارة طلال مشاعل وابتهال ونجلاء وندى
بسيارة بندر بنات أم نواره الأربعة مشي بندر للمطار أول واحد
وبقي طلال وخالد يشيكون على القصر والخدم
لأنهم بيحتفلوا باليوم الوطني هناك بيجلسون أسبوع الكل أخذ أجازه من المدرسة واللي بالجامعة بواسطة طبعا ...
طلال وهو راكب : السلام عليكم
مشاعل جنبه: هلا وعليكم السلام
طلال : يلا مشينا ؟؟؟؟؟
مشاعل : يلا بعد صرخة بشهقة : يووووووه نسيت جوالي خخخ وربي دقايق وجايه
طلال عصب: باقي نصف ساعة على الطيارة مع وجهك اخلصي يبالنا ساعة على ما نوصل
نزلت مشاعل بسرعة
بسيارة خالد: شبلاها ذي؟؟؟
فهد بشك: أتوقع أنها مشاعل رن جوال فهد: الو هلا طلال .......... أممم اشك إذا خالـ
هههههههه طيب باي
خالد : كأنه �

23 - 9 - 2014, 10:02 AM

خالد : كأنه نزلت مشاعل ليه طلال مشي؟؟؟؟؟؟؟؟
فهد : احم بتركب معنا
خالد ومستانس بقوه بس بين العكس: أف الله يعينا على حوسة البنات
فهد: هههههههههه من جد خالد أستغرب أنك ما تركب خواتك بالسيارة هذه بس مع السواق ولا إذا بتوصلهم تأخذ من السيارات اللي للسواقين بالقراج خخخخخخ ليه طيب
ركبت مشاعل بعد ما أرسلت لها ابتهال أنهم مشيو أركبي مع اللي مجننك خويلد هاع ..
: هاي
خالد يستهبل: وعليكم السلام والرحمة والمغفرة
فهد : هايات يلا
مشاعل ودقات قلبها تزيد بس تبين عادي : ايوا يلا
مشي خالد وكان يبي يقهر مشاعل علشان يطول سوالف معها>>مصالح: إلا ما دريت عن سفري لفرنسا
فهد عدل جلسته وباهتمام: جد ومتى راح تروح ومتى بترجع؟؟؟
خالد توهق بس قال بكذب: يمكن يومين أو ثلاث بعد ما أملك وأتزوج
فهد بصدمة: من تعيسة الحظ؟؟؟؟؟؟؟؟؟؟؟؟؟؟؟
خالد يتذكر كيف جاء اتصال تهديد من سيف
((خالد : نعم يا اخوي؟
سيف ومتردد لكن مجبور لأنه بو وليد جنبه مع بو عراده وبدر : انا سيف زوج رهف
خالد : أها نعم؟
سيف وما يبي يقول هذا الكذب : انا بطلق زوجتي
خالد : شسوي لك وبالطقاق لكن لا تظن أني راح أخذها لأنها حتى لو ما تزوجت ما راح أتزوجها فاهم ..؟
سيف : أسمع حبيت اقولك ماني مطلقها لخضار عيونك
خالد: هههههههههههههههه طيب
سيف بعصبية وخوف: ولدك إللي منها خله لك مو تغتـ
خالد بعصبية : أي ولد؟ أنا عمري ما نمـ
سيف حس انه بيظلم نفسه قبل لا يظلم خالد: انا عندي اثباتات انه ولدك ورهف تحلف بالقرآن وناظر رهف اللي بين الحراس مربطة
خالد : انقلع زين تحلف بالقرآن اقولك مو ولدي اصلا عمري مانـ
سيف بعد ما جاته أشارة من بو وليد يعني سكر : هذا ولدك وفيه الة وdnaيثبت هذا الشي ..
خالد معصب : مو انت اللي تتحكم فيني والله لو
طووووووووووووووووووووووووط
))
فهد: خاااااااالد
خالد التفت : هممم
فهد صار لي ساعة أناديك ما جاوبتني وبحماس من هذه اللي بتاخذ خالد راشد العالي
خالد: هههههههههه كنت باخذ بحرينية تعرفت عليها بأمريكا لكن غيرت رايي
ما في أجمل من البنانيات <<<<<يقهر مشاعل
مشاعل دمها يثور: هه البنايات ما في أحلى منهم أها يكون بعلمك عملوا أحصـ
فهد يقاطع: من جدك خالد؟؟؟؟؟؟؟؟
خالد: ايوا بصراحة ما يعرفون لذوقي إلا بنات لبنان ههه عشت مهم مدة ولا نسيت

23 - 9 - 2014, 10:03 AM

مشاعل حست بغضب ودها تبكي والله لأربيك أنا أخليك تقولها بلسانك وربي لأخليك تقول اجمل البنات بنت عمي وبتشوف يا خالد وربي لتشوف : هذا كفوك وحده عندها خبرة كيف تمشي وترمش ولا عندها ذرة من خبرة العلم والعقل والذكاء والأخلاق والخجل والـ
فهد وخالد: ههههههههههههههه هههههههههههههههههه
فهد يجننها : أنت أخر وحدة تتكلمي يالبشعة
مشاعل بغضب حست بالمهانة ولا ايراديا: مالبشع الا أنت خربت حياة بنات الناس أمجاد وريـ
سكتت سكرت فمها بأيدها (شالغبااااااااااااااااااااااااااااااء ؟؟؟؟))
فهد وخالد التفتوا لبعض بعد ما خبر فهد خالد وحلف خالد يساعد ولد عمه انصدموا الاثنين

فهد بصدمة : يعني تدرين وين اخفت امجااااااااد؟؟؟؟؟؟؟؟؟

((أتمنى من قلبي أنه عجبكم هذا الجزء ))

23 - 9 - 2014, 10:04 AM

&"الفصل الثاني عشر"&
**الجزء الأول**
بسيارة طلال..
طلال: كيف الحال بنات عمي وابتهال؟
نجلاء: بخير وأنت كيف حالك؟
طلال: مدام أنتم بخير أنا بكون بخير
ندى : تسلم <<<مالها خلق سوالف
نجلاء بطفش: شغل شي
طلال : ما أبي
ابتهال تحاول تكون طبيعية علشان ما يحس أنها تدري عن حبه لها: وليه إن شاء الله؟
طلال : هههههههه بس كذا ما أبي<<مستانس سمع صوتها مثل ما أتوقع تحب تعاند
ابتهال:ما في شي يضحك ؟
طلال: كيفي تذكرت نكته تبيني أبكي؟
نجلاء : طيب ضحكنا معك ..
طلال: عجوز قالوا لها في جماعة سرقوا بيتكم لما خطروا من السطح قالت : ويه فشله ما نظفت السطح
ندى ونجلاء: هههههههههههههههههههههه
ابتهال كاتمة الضحكة : قديييييييمه
طلال حس أنها كاتمة ضحكتها والله ما أخليها تسمع صوتي وسكت
ابتهال تبيه يتكلم تقلده وهو يقلد العجوز: ويه فشلة ما عنده نكته
طلال (هههههههه حلوه بس ماني براد عليك )
ندى ونجلاء: هههههههههههههههههه
بعد 5 دقائق
نجلاء:تصدقين ابتهال والله خالدوه ما يخلينا نركب سيارته وإذا ركبنا
يشوف واحد من أولاد عمامي ينزلنا سيارته يقهر
ابتهال مصدومة : من جدك؟؟؟
ندى ونجلاء بقهر: ايوه

23 - 9 - 2014, 10:08 AM

ابتهال تبيه يفهم: ناس الله يستر علينا وعليهم عندهم جوال يكلمون فيه أمجاد وما يندرى من أمجاد؟<<<تسوي روحها ما تدري مشاعل قالت لها تسوي كذا ولا تدري ليه؟
التفت طلال لا ايراديا عليها : من وين تعرفيها؟
ابتهال ونفس نبرة صوت مشاعل تقلدها: سمعتك وتمنيت موتي <<بالموت أقنعتها مشاعل تقول كذا وهي مو مقتنعة بس تشوف نهايتها
طلال بخوف يوضح: ابتهال لا تفهمي خطأ هذه بزر
ابتهال وخلت كلام مشاعل وطلعت بقلبها: ولو تلعب على بزران ؟<<<ما تبيه يعرف أنها تدري عن فهد وبلاويه علشان يثق بمشاعل ولا تنتهي الثقة
طلال وقف على جنب وهو من جد ما يبيها تضيع: وربي يا ابتهال ظرف وربي ظروف ونزلت دمعه يوم تذكر كلام مشاعل عن فهد وعن ريم
ابتهال بخوف : انا أسفه المروض ما أتدخل وربي أسفه
طلال : ابتهال اقسم بالله من عرفتك ما كلمت ولا بنت غير أمجاد وربي يشهد علي
ابتهال احمر وجها بقوة وبكت بصوت عالي
فهم طلال انه أكيد ما تبيه ولا تبي حبه : صدقيني لو حتى رفضتيني علاقتك بأختي وبيتنا بتكون عادي
ابتهال بسرعة: لا والله انا بعد اعشق ترابك و سكتت حست بنفسها
طلال يبي يتأكد من اللي سمعه: أيش قلتي؟؟؟؟؟؟؟؟؟؟؟؟؟؟؟؟؟
ابتهال ما تبيه يضيع من أيدها وبخجل : اللي سمعته
طلال مصدوم: تحبيني
ابتهال حست انه اكبر شلال بالعالم ينصب عليها من الإحراج وتلمس خدودها الحارة مع إن السيارة صارت باردة بعد ما قالت له نجلاء طول التكييف
**يا ربي أيش هذا الموقف التافه وينك يا مشاعل يا لله رفعت رأسها وما شالت عينها من عين طلال واضح وضوح القمر والسفن ولنجوم والشمس انه يموت فيها وربي واضح ...**
.........: طلال بنتأخر عن الطيارة
ابتهال التفت لندى ما تبي تناظر بعينه للحين تتهور وتقول كل أحاسيسها إذا بس سمعت بأسمه
طلال : ردي علي
ابتهال : لا رد
طلال بفرح واضح: تحبيني ؟؟؟؟
ابتهال مسحت دمعة الإحراج شو هذا ما يراعي :لا رد
طلال : طيب حتى لو ما تحبيني بخليك تحبيني يالحلوة
ندى ونجلاء المتعودات على بندر مو غريب يطلع طلال عليه: هههههههههههههههههههههه

23 - 9 - 2014, 10:14 AM

نجلاء اللي كانت بجنب ابتهال : اه يألم يا بهلول
طلال مشي ودقات قلبه تمشي قلبيه : خلي حبيبتي عنك
ابتهال المصدوم: حبيبتك بعينك
طلال التفت : أخ يا قلب على صوتك يا بلبل
ابتهال نزلت رأسها الله رحمها بالبرقع لو تدري ما حطت أحمر خدود بالميك أب : طلا ال
طلال وهو يلبق سيارته عند بوابة المطار : يا عيون طلال يا قلب وروح طلال
ابتهال نزلت أنصدمت يوم مسك أيدها : ما في مع السلامة حبيبي
ندى : طلال أحرجت البنت خلاص
طلال حس بعمره : طيب سوري حياتي ونزل من السيارة وفتح الباب واضح من الصدمة ما نزلت : تفضلوا ترلا لا لا
ابتهال بغضب ((حتى لو تموت عليه مو معناته يتمادى ): طلال
طلال يعمل نفسه خايف: أخر مره وربي أخر مره يا حياتي
ابتهال كاتمة الضحكة يوم ناظرته ماسك العقال ويحرك شعره اللي رباه لورى ويعمل نفسه خايف : هه توك تقول أخر مره والحين تقول حياتي لا ياحبيبي انا أبتها
طلال يرمي العقال : يا حبيبي ويعمل نفسه دايخ فديييييييييييتك
نزلت نجلاء: هههههههههههههههههههه يلا الطيارة ما بقى لها إلا ربع ساعة
ابتهال اللي تبا تشرد من نظراته اللي تحرق دخلت مع ندى ونجلاء بسرعة
إما طلال اللي فرحان من قلللللللب بعد مصيبة فهد ما فرح بهذا القد
اعترافه لابتهال واعترافها له
ابتهال وطلال
رنيم وياسر ولا سارة
خالد ومشاعل أم سيف ورهف والولد؟؟؟؟
نجلاء وأحمد
جمانة ومحمد .....؟
لمياء وفيصل
بندر ونواره
فهد وريم
ما مصير هؤلاء ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

المواضيع المتشابهه لموضوع: رواية مجنونة وعاشق اجن لموضوع: رواية مجنونة وعاشق اجن
الموضوع	كاتب الموضوع	المنتدى	مشاركات	آخر مشاركة
مجنونة نا بك	حنين الأشواق	همس عذب الكلام والخواطر المنقوله	5	22 - 2 - 2023 03:29 PM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
منيات مجنونة	مزيونة الخليج	همس المواضيع العامة	4	3 - 8 - 2015 07:32 AM
هل نا مجنونة	مزيونة الخليج	همس الشعر والقوافي	9	25 - 9 - 2012 01:10 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية مجنونة وعاشق اجن

همس للقصص وحكايات وروايات