رواية مجنونة وعاشق اجن

26 - 9 - 2014, 06:53 PM

وجاء دور بندر وفيصل
وسو حركة انهم مسوين حلقة
يعني فيصل ماسك رجل بندر وبندر ماسك رجل فيصل تحت الماي ويدورون
وتخبلوا على الحركة الغير متوقعة
جاء دور خالد
بعد اتصالات وجاء عامل يتساسر معاه تحت انظار الجميع وبالذات شخص مهم
وهو اكيد مشاعل

طلال:خالد شناوي عليه؟؟؟
حسن:اسكت نشوف

انفتح السقف بعد كم زر ضغط عليه العامل
وطلع سلم لسقف
صعد خالد وهو مبتسم
احمد يناظر السلم:شسالفة؟؟؟

عند البنات،،،،
آن:بنات شالموضوع؟؟؟؟؟؟؟
نجلاء حاطه إيدها على قلبها تدري إن اخوها يحب التميز ولو فيها موت>>يارب تحفظ اخوي<<
ابتهال تهمس:مشاعل شوفي المسافة والبعد عن المسبح وربي لو قفز بسميه المجنون
مشاعل بخوف:مدري بس ربي يحفظه
ابتهال تقرصها:حركات خايفه عليه
مشاعل:اكيد إذا ماخفت عليه اخاف على من؟

وفعلا قفز مسافة عالية جدا جدا جدا جدا جدا جدا جدا جدا
والمدهش أنه بالمقلوب وهو منسدح رمي نفسه<<يمممه

نجلاء بصرخة:خالد
وركض لجهة البوابة وهي تصرخ
البنات كلهم لحقوها ماعدا ابتهال ومشاعل وآن

دخلت نجلاء
كانت لابسه برمودا جيشي وبلوزة سادة لونها زيتي ومسويه شعرها ذيل الحصان طالع من القبعة الجيشيه
وجوتي سبورت ربط اسود وزيتي
واكيد اسوارات بشرايط وصوف

دخلت

طراخ
وطاح خالد
حسن سبح اتجاهه:خالد
خالد دايخ انتبه بأخته وركض لها

اما نجلاء يوم شافته دموعها تعبر فرحتها
كان خالد بيضربها بيصارخ سلامات داخله عرض عند الرجال؟
بس شاف دموعها:نجو شفيك سحبها لبره عن انظار الشباب اللي بس لمحوها
نجلاء ضمته وتبكي
كان واقف ومحتار سأل البنات شفيها؟
طراخ
صدى كف آن ذهل الكل حتى اللي داخل المسبح اسمعوا
مشاعل:انت كيف تتصرف كذا متهور مجنون وبعدت نجلاء عن حضنه راحت مشاعل سحبته:ناظر كيف المسافة
انت ايش ما تحس ماعندك دم ماعندك قلب ليه تبي تتركنا ليه انت متهور و سكتت تخلي بقية دموعها تعبير لقهرها

26 - 9 - 2014, 06:54 PM

خالد تفاجئ شفيهم علي شسييت كل هذا لأني قفزت وأنا منسدح؟؟؟ ولا تضربني بعد هذه الواثقة:ابعدوا دخل المسبح معصب وراح حمامات المسبح وخذ دوش ولبس وطلع شاف ما بقى حد بالمسبح كلا دخل الحمامات
في الليل،،،،

كان حسن وفهد متسندين على النافورة بالأرض وكل العيال حواليهم مسوين حلقة،،
ياسر يسكر موبايله:خخخ مسكين علي شكله زهقان
خالد نسي انه معصب:خلوه يجي
ياسر ~حسن~احمد: لا تعليق
بندر:شفيك اتصل خله يجي
ياسر:مشكور وربي احرجتونا احنا مدري كيف نرد لكم جميلكم؟
طلال وعلامة استفهام بوجهه:كل هذا لأنه قال خله يجي شالخبال اصلا مايحتاج يقول لك
احمد بصدق:مو بس كذا واحد ماحرمتونا من اختنا مثل مامي وخالتي حرموها منكم اثنين تنازلتم عن القضية مما خف من قضاء امي وخالتي نصف الحكم وبس باقي لهم شهر ويطلعون وثلاته تتعاملوا معانا كأنه اهلكم مو ناس سارقين بنتكم وغير تسليمكم لنا فروع الشركه اللي هنا وفوق كذا اعطيتوا رياض شقتكم اللي هناك وتصرفوا عليه مع زوجته ولاسيما هدية بو بندر يوم ملكة حسن وياسر بقاعة ولا احلى
والحين قاعدين معانا وكأنا اكثر من اهل بصراحة اشهد انكم رجال من ظهور رجال،،،
محد قدر يعلق على كلام احمد لانه الكل تفاجئ ماتوقعوا ان لهدرجة تفكيره بعيد
فهد:احمد ماخليت لي مجال اعلق مو لأن الكلام صحيح لا لأن ماتوقعت بيوم ان في حد بيقول انتم سويتوا وانتم فعلتوا صدقني احنا نعتبر اهل مشاعل اهلنا ولو واحنا حصلنا منكم اكبر واكثر مما حصلتوا عليه بكثير
حسن باستغراب:ايش هو؟
بندر يكمل عن فهد:اخت يعتمد عليها من ظهر قلب متربية صح كاملة والكامل وجه الله وناس جود وراعين مواقف واصل
فيصل:خلاص الحين كل واحد يمدح الثاني لبكره وبثقة انا عارف اني غني عن التعريف فماله داعي هذا المديح
احمد:يا واثق انته
فيصل:المهم شرايكم نلعب
العيال:يلا
فيصل:ههههه الحمد الله والشكر انتم عرفتوا اللعبه قبل؟
طلال بملل:ايش اللعبه
فيصل يوقف:لعبة الصراحة بس مع البنات وشرايكم
الكل وقف:اكيد موافقين
حسن:عندي شرط
خالد:وشو شروطك
حسن:نلعب جنب البحر
طلال بحماس:اصلا البنات قاعدات هناك
فهد يغمز له:شعرفك يالدب؟
طلال يرقع:من اشوي كلمت مشاعل وسمعت صوت البحر

26 - 9 - 2014, 06:55 PM

:::::::::::::::
واشنطون
:::::::::::::::

سارة بخجل:ايوه
رياض تفاجئ:فديتك ياقلبي
باسها بخدها
سارة احمر وجها:كل هذا لأني سويت لك عيد ميلاد
رياض يناظر الشموع والورد والزينة:كل هذا لحالك؟متى؟وكيف؟ومن قالك ان اليوم عيد ميلادي؟ياروحي والله وبوسه ثانيه
سارة احترقت بمكانها:نسيت انك كبر مشاعل بالضبط وانا اعرف يوم ميلادها
رياض بذهول:ومتى سويتي كل هذا مامداك ساعتين بس؟
سارة تناظره بحب:كل شي لحبيبي رياض يصير حتى لو ثانيه وحده بس
رياض:ياحبيبتي والله والله والله خطفتي هذا خطفتيييه(يأشر على قلبه)
كانت الشقة من جد طالعة خيال كل شي رومانسي وطريقة تعليق الزينة خيال
وحتى لبسها روعة
كانت لابسه فستان احمر قصير لركبه حريري ويجي دائري عند الصدر وكريستال على الخصر
وروج احمر صارخ
وعدسات كستنائي
وجوتي كعب ربط وفيه سلاسل ذهبي على نفس كريستالتها الموجودة عالخصر
ومسويه بشعرها بف بسيط والباقي كيرلي
كان شكلها عذاب
سارة ورجل على رجل:الحين ساعة تمدح بالزينة وبالأكل وبرطمت:وأنا؟؟؟؟
رياض جن جنونه:تبرمطي واللي خلقني انك احلى وحدة بهذا القلب بكل شي بكل شي
بكل شي وضمها وربي مالي عيشة بهذه الدنيا إلا معاك انتي بس
سارة بكت ماتوقعت ان ربها يعوض بسرعة
<<<ياسارة إنما الأعمال بالنيات وكل شي راح يرجع لك واحسن من قبل الله احكم الحاكمين واكثر العادلين

::::::::::::::::::
الدمام
::::::::::::::::::

26 - 9 - 2014, 06:55 PM

عند البحر بالشاليه
فيصل يفر القرشة:محد يفرها غيري
طلال :اخلص علينا مصدق نفسك انت
علي:هههه يحسب نفسه مذيع ببمنامج شبابي
الكل:هههههههههههه
فيصل:احم بندر يسأل ويناظر من انتي ؟
الكل:ههههههههههههههههههه
آن:ههه أنا آن أخت ام خالد
فيصل يكمل:هلأمعنا الاستاز بندر العالي وآن مدري ايش
يلا أسأل
طلال:مصدق نفسك انت
ياسر:تكفى كثر من تقليد المذيعين اللبنانيين يمكن يعتزلون لو اسمعوا صوتك
الكل:هههههههههههه
ابتهال تدافع عن اخوها:الظاهر ماشفت نفسك وانت تسبح اللي اخترع فكرة المسبح الجماعي بيتراجع لو شافك
الكل:هههههههههههه
بندر:خلاص بسأل يلا يا آن صرقعي اصابعك وسمي بالله
ياسر:شدعوه داخله على امتحان اخر السنة
آن:هههه الظاهر كذا يلا جاهزة
بندر:احم كح كح آن وين تشوفي حياتك هنا بين اهلك وناسك ولا بامريكا وانتي عشتي وجربتي الأثنين؟
طلال:حشى عشر طعش سؤال بفقرة وحدة
ياسر:مافي اختيارات
طلال لياسر:هههه كفك
آن:اممم الحياة هناك أسهل محد عليه من حد وكل يركض ورى همه من غير لايشيل هم انه يكشفون همه
ياسر:حشى ذا لغز
طلال:صادق
آن تكمل:إما هنا راحة نفسية والحياة صعبة شوي واكيد ارض الخير احلى
الكل:ياهو
فيصل:احم الدور هلأ على حسن ومشاعل،،صح انتي مشاعل؟؟؟
مشاعل:ههه ايه
حسن:أنا أسأل؟
فيصل:ايوا
حسن:بصراحة ميشو من اللي قال لك تحجبي منا ؟
خالد ينتظر اجابتها على احر من الجمر
مشاعل بثقة:انا حسبالي حلال اكشف عندكم على انكم اخواني بالرضاعة لكن اول ماعرفة الحكم الشرعي تحجبت وصدقني نظرتي للحين انكم اخواني وعلى راسي من فوق للأبد
الكل:ياهو
فيصل:احم كح كح دور خالد مع طلال
خالد:ايش المفاجئة اللي بعد اربع ايام؟
طلال:ههه كيف تصير مفاجئة؟
عالعموم بتبارى مع الحزين وأخيرا
حسن وخالد تبادلوا النظرات بسرعة
فيصل يدور القرشة:ياسر يسأل أحمد
ياسر:من قدوتك بين اخوانك واللي تشوفه أقواهم؟
أحمد:قدوتي حسن واللي أشوفه اقوانا أنت
الكل:ياهو
فيصل:آن تسأل مشاعل
آن بحماس:بصراحة كيف تشوفيني؟
ياسر:على ما أعتقد بأنفها
طلال:لا غلطت بفمها
آن عصبت:أنت مع ماتناسبوا جنب بعض
طلال:انا سليم
ياسر:انا مصاب يعني ناسبة التحاليل
طلال يبوسه: الف مبروك
بندز:لاحول نبا نسمع وقف وجلس بينهم
مشاعل:قبل اشوفك ألذ اعدائي من يوم سالفة الباص بأمريكا
إلى قبل شهر وأنا اكره كل شي منك وفيك والسبب ماعرفه
إما الحين انا منقهرة اني ضيعت السوالف بينا بالفترة اللي راحت واحس ذوقي مشابه لذوقك
الكل:ياهو
فيصل:ابتهال تسأل نجلاء
ابتهال:واخيرا جا دوري
الكل:هههههههههه
ابتهال:نجلاء ليه صرختي وبكيتي يوم خالد قفز؟
نجلاء:لأني بدونه ما اعيش اموت فيه
خالد:بعدي والله ويناظر بمشاعل كنتي خايفه اكررها صح ولا يهمك وربي ما أعيدها
نجلاء ماتدري ان الكلام مو له

26 - 9 - 2014, 06:56 PM

نجلاء ماتدري ان الكلام مو لها:وعد؟
ياسر:لا سميرة
طلال:تصدق طول الوقت وانا احسبها سعيدة
ياسر:لا هذه إشاعات و
اخخ
<<<يستاهل الضربه اللي جاته من بندر
فيصل:نجلاء تسأل أحمد
نجلاء:بأي قسم تدرس؟
احمد:ذو الاحتياجات الخاصة واشتغل بالشركة ليلا مع حسن
نجلاء:يعني الصباح محمد وياسر؟
احمد:ايه
نجلاء:وأنت ماتتعب؟
احمد:لأ
نجلاء عجبها الوضع:طيب من يطبخ بعد ماراحوا سوسو وجوجو؟
احمد:حاليا نتساعد بس بعد اسبوعين تجي شغالة
وشهر يجوا امي وخالتي
نجلاء:وكيف
فيصل:كأنكم طولتوا؟
نجلاء صار وجها احمر من الاحراج
خالد:لا وأنت مصدقها تجاوب

26 - 9 - 2014, 06:57 PM

احمد:خخخخ شعليك ياخي
فيصل:دور علي ومشاعل
مشاعل تسأل:احسك حلويت
خالد عطاها نظرة شرايك تتغزلي فيه قدامي كانت من جد نظراته واحد معصب
مشاعل خافت وترقع:قصدي ضعفت ماكنت كذا قبل يعني شسالفتك؟<<<ماكان هذا سؤاله كانت بتسأل ناوي تخطب بس نظرات الحبيب تهديد وتخوف
علي:وأنا بالأمارات شفت واحد من اصحابي وصارت علاقة روحة وجية خطبت اخته لكن ماوافقت بسبب سمنتي(كان متين بقوه بس الحين جسمه خطير)فغضيت النظر عنها لكن ابي اثبت لها ان مو انا اللي انرفض وليومك وهي ترسل لي تباني اتزوجها
الكل:ياهو
فيصل:فهد يسأل ريم
فهد:لو اطلب اتزوجك خلال هالشر توافقي
ريم دخلت الجو:طيب دراستي؟
فهد:باقي لك سنه بس وعالأختبارات اسبوعين تخلصي ثاني؟
ريم:لأ ما اعرف كذا يا أنت يادراستي
فهد زعل:افا افا تخيريني ب
ريم تقاطعه:خلاص خلاص راح اوافق
فهد:اكيد
ريم بأنطياع:ايوا
فهد :جهزي نفسك بعد الشهادات
ريم:اوكي
بندر:يا انك واثق
فهد:وربي هذه الاجازة تكون على ذمتي وبتشوف
فيصل:تم مشروع جواز في هيدا اللعبيه
وهلأ دور نوارة تسأل حسن
نوارة:شنو شعورك يوم فقدت ابوك؟
حسن:احم كان يوصيني بعض الوصايا ويطلب الحل وأنا اقوله يبه راح تطلع وهو كأنه حاس
والله آخذ امانته قدامي
ومحمد وجمانة كانوا موجودين ومحمد كان منهار بقوة وترك لي مجال اني اصدق انه مات كان شعور مايوصف اني كنت الكبير ولا كيف اقول لامي وهي بالسجن او اخواني ولا جد ابوي مات عالعموم الله يرحمه ويرحمنا كلنا
الكل:آميييين
ندى:كلينكس وتشهق<<الأخت بالله تأثرت
رنيم:خذي
الكل:هههههههههه
فيصل:لمياء<<شد على اسم الحبيبه
تسأل:ابتهال
لمياء:ليه تهاوشتي بزواج جمانة مع الطاولة اللي قبلنا ؟
وجه ابتهال صار احمر بس اللعبة لعبه الصراحة ولازم تجاوب بصراحة:احم كح كح لأن يوم كان طلال يرقص مابقي كلمة غزل ماقالوها وسكتت تشوف ردود الفعل
طلال كان متشقق عشانها غارت عليه لأ والسالفة هواش بعد
ابتهال ترقع:وطلال من الأهل واكيد ماراح ارضى عليه ولا على واحد منا وفينا
الكل:ياهو
فيصل:ندى تسأل ياسر
ندى:شنو شعورك بالتالي
أ) اخوك تزوج زوجت او نقول طليقتك
ب)دخول امك بالملكة

ياسر ناظر برنيم
رنيم بقهر:هذه اشياء خاصة السؤال الثاني يمكن بس الأول لأ<<<عصبت
خالد ببرود:لاتصارخي على خيتو وهذا امر راجع لياسر يجاوب أو لأ
رنيم:بس

26 - 9 - 2014, 06:58 PM

ياسر قاطعها:لأ عادي راح أجاوب
الفقرة الأولي:شعوري بالبداية غضب لأنه ما استشارني فقط مو لأنه تزوج باللي طلقتها لأن الزواج قسمة ونصيب ونصيب رياض مع سارة وسارة مع رياض والله يسعدهم ورياض يفهم لسارة اكثر مني وانا متأكد انهم بيرجعوا كأنهم طيور الحب فكان شعوري بالزواج نفسه مرتاح جدا جدا جدا
إما بيوم الملكة:انصدمت كانت فعلا مفاجئة لاتوصف مع اني شفت امي قبل لا اروح القاعة بس فرحتي بجيتها ما اقدر اعبرها ولو اني اقدر ابكي كان بكيت بس للأسف هذا صعب بقوة
الكل صفق بحرارة لأنه كلماته دخلت بالصميم
فيصل:احم احم أنا أسأل احمد
فيصل:للحين يتهمونك بأتهاما تافهة اهل الحارة
حسن وياسر:ولبكره
الكل:هههههههه
جويل جات:يا سلام ضحك وسوالف وتناظر بالبنات الظاهر ماشفتوا نفسكم وانتم متلثمات تقول ضفدع مخبي خشته يلا حطينا العشاء ورجاء لا تخلوني انام كل هالوقت مره ثانية
ومشيت ولا كأنه شي

::::::::::::::::::
بشقة بأحد شوارع الدمام
:::::::::::::::::::

جمانة:حبيبي لا تعب نفسك ماله داعي
محمد يحط الملاعق:خلاص يله حطيت العشاء
جمانة تناظر بالبيض المحروق والجبن اللي أشوي وينكب من الصحن وبالفاصوليا اللي تكرها
وبالبيتزا اللي من برا وحاطها بصحن وبعصير الأورنج بكأس الحليب القزاز مع شريحة أورنج من فوق
محمد يحك رأسه ماعجبته نظراتها:مو شي العشاء
جمانة بكت من قلب على رومانسيته اللي تفجر ضحك هذا تعبيرها مو قادره تقوله
تسلم
أو
مشكور
أو
يعطيك العافية
لسانها عاجز عن ذلك<<كثري من ذلك
محمد تفشل يوم بكت:خلاص لبسي عباتك واوديك احسن مطعم وبعد كذا ناخذ جولة بالخبر شرايك
زادت جمانة البكاء بسبب حنانه<<الأخت حساسه
محمد توهق ركع عندها:أنا أسف ما كان قصدي
حطت جمانة إيدها بفمه:لا تكمل تدري اني احبك موووت؟
محمد ورجع له دمه من التوتر
جمانة:اقسم بالله هذه احلى سفرة شفتها بحياتي
اول مرة افرح بأكل ؟
لان اكيد من الشيف محمد
محمد قام وقفها:ههههه بعد قلبي والله
ودخلها الغرفة الثانية
وكانت سفرة ثانية
تبولة
ورق عنب
كوسى محشي
مشويات
سمك وروبيان
وبروستود
محمد:مجرد أختبار لك بهذيك السفرة حقي أختبر حبك لي صح ولا؟
جمانة ابتسمت:حقك ياروحي حقك
وضمته وهي تحمد ربها على ان محمد حبيبها زوجها هي مو لغيرها

26 - 9 - 2014, 06:59 PM

مشاعل وعلامة استفهام بوجها
ليه كل هذا؟؟؟
ابتهال وهي لابسه قبعات اعياد الميلاد اللي على شكل مخروطي:نسيتي ان اليوم يوم ميلادك؟
ام بندر وهي تشغل الديجيه
:كل عام وانتي بخير
مشاعل تناظر بالكيكه اللي عددها ثمان طبقات:شكرا ماما
وركض لحضنها
البنات:ياهوووو

عند العيال
طلال:انا جبت لها بدلة سبورت خخخ علشان كل ماتلبسها تتذكرني
فهد:وأنت ماعندك إلا بدل كل عيد ميلاد هذه هديتك
طلال:علشان تذكروني هاع
ياسر:انا جبت لها علبة كاملة بس للإظافر مناكير ومبرد واكسوار للظفر ومدري ايش
فهد:انا جبت لها جوال جديد غير اللي عندها المغبر
بندر:جبت لها لابتوب بناتي ميه ميه
حسن:جبت لها شنطة فيها سلسلة ذهب بأسمها
احمد:انا ساعة حزامها مكتوب اسمها
فيصل:جبت لها عطرها المفضل دلع بنات وسكادا ونور وحواليه شكلاته إيطالية بصندوق
خالد:أشوفكم شادين الهمة؟
علي:هههه أنا بس جبت عالطريق باقة ورد
طلال بنظرة تهديد:خويلد وش جبت لأختي تراني موصيك يالدب
خالد:محد قلقني بحياتي إلا أنت جبت لها غرفة نوم من تصميمي وصلة لبيتكم يقول ابوك
و خاتم الماس عشان تبقى غرفة النوم مفاجئة
الكل ياهوووو
علي :حركات اشوف الخاتم
خالد ومش بالع علي أبدا:نسيت انه الهدايا راحت لعند الحريم؟

::::::::::::

عند البنات
مشاعل:اشوفه
آن:اول بقرأ الرسالة
مشاعل بملل:طيب
آن بصوت عالي(تحية طيبة
إلى بنت عمي:مشاعل
مشاعل:بنت عمي؟ وبأدراك:من خالد؟ وسحبتها قبل لا تقرأها
(((تحية طيبة للغالين،،،
إلى بنت عمي:مشاعل،،،
عيد ميلاد سعيد إن شاء الله
وكل عام وأنتي بألف خير

وإن شاء الله اللي ماسويتيه السنة اللي راحت تسوينه هذه السنة

وإن شاء الله تكون لك حياة مستقرة<<<يطلب الزواج بطريقة غير مباشرة

وارجوا أن تنال هديتي لك بأعجابك ورضاك مع أنك اليوم زعلتيني بالكف هههههههههه
تحياتي
خالد‏ kalid))
ابتهال بحماس:شوفوا الخاتم
نجلاء:مره ذوق تتهني فيه يارب
مشاعل بوناسه:شوووكرا
بعد الحفلة والخبال والطق والرقص والعفسه والضحك والمصخره تعب الكل وراحوا ينامون

26 - 9 - 2014, 07:00 PM

عند البحر
طلال بصاعقه وصدمة:كذااااااب
وقف وهو منفعل:فهد أنت من جدك يعني في احد يتجرأ ويسوي في ولد العالي كذا طيب ليه كذا مستحيل
يبلع ريقة شسمه وين ساكن اعرفه انا يعني مره قابلته؟؟؟ وربي لأذبحه قسم بالله مايسكتني إلا موته
فهد وقف ببرود:بعد ماحكيت لك قصتي شالمطلوب لأني بنام ولا تشيل همي صار عادي عندي
طلال عصب من بروده:شنو أنت ماتحس ماعندك دم أصلا كيف تقدر تغمض عينك يعني كيف تقدر تنام وأنت مرتاح
فهد نزلت دمعه وبسرعة مسحها:اه لا تفتح الباب هذا ياطلال ربي شاهد علي ان عيني من زماااااان مانامت براحة ألاقيها من وين من هنا من هناك والله ما أدري ما أقول إلا لاحول ولا قوة إلا بالله
إن لله وإن إليه راجعووون
طلال ضم أخوه:ياقلبي على حالك ياخوي ومحد حس فيك
________
باليوم التالي
عند ام بندر والحريم
ام خالد:

.+£،&€!%$\^¤§¤#€@"/):
مجنونة وعاشق أجن
+.&£{$¥@%\§~¤~*\؛،

أنتهى الفصل الرابع عشر

26 - 9 - 2014, 07:01 PM

الفصل الخامس عشر
[الجزء الأول]

أم خالد:هههههه والله محد ينفع يصحي البنات غيرك يام بندر

ام بندر:مايجوا إلا بالعين الحمراء
تكلم الشغالتين:جبتوا اللي قلت لكم عليه؟
مسواتي:ايوه فيه جيب
ام بندر تفتح اللفت :يلا وراي
<<<<<تذكرني بالوالده إذا جات تقعدني من نومتي
فتحت باب الغرفه كان الستاير مغطى على النور
فتحته
التفتت آن
(خليني اقوم احسن لي)
ام بندر تقوموا يابنات ولا استخدم اساليب ثانية؟
آن :أنا قمت كل شي إلا أساليبك الثانية
بعدها قامت ندى ورنيم وريم من اسمعوا اساليب ثانية وركض لدورة المياه<<يكرم القارئ
بقى نجلاء ولمياء ونواره ومشاعل وجويل وابتهال
ام بندر:أسيا شيلي اللحاف من كل وحدة
وشالتهم لكن مافيه فايده
ام بندر:مسواتي شغلي الاستيريو
وشغلته
ام بندر:علي الصوت
كانت اغنية فرنسية مزعجة جدا جدا جدا
قاموا التوائم نواره ولمياء
ونجلاء وهم حالتهم حالة
بقى جويل وابتهال اللي حاطين ايدهم على أذنهم
إما مشاعل على قولتهم اصحاب الكهف ما اهتزت خخخ
ام بندر:اسيا جتي الطحين
اسيا:يس مدام
ام بندر:اخذي شوي وحطيه قريب من انفهم
ابتهال كانت شبه نايمة بس اقعدت من اسمعت ان السالفة فيها طحين
وفعلا بعد العطسة قعدوا جويل ومشاعل وهم اشوي ويبكون من اساليب سعاد(ام بندر)

:::::::::::::
في الظهر عند البحر

ابتهال:نبي شي حماسي
نواره:شرايكم نلعب كورة؟
نجلاء:وربي وناسه قوموا يلا
آن:مالي خلق بصراحة
مشاعل تحمست أشوي:قومي اقول وبنخليك الحارس وبصراخ عشان تشجع الكل أنا ياسر القحطاني
نواره بعربجيه:أنا سعد الحارثي
وكلا اختار لاعبه المفضل ولا على كيفهم يخلون من ضد من لا وازيدكم ندى اختارت سامي الجابر ههه وتلعب ضد ياسر اللي هو مشاعل<<<مب وجه كوره

الكل تحمس للعب وركض لدواليبهم علشان يلبسوا سبورت

نزلوا
وصراخ ويغنوا بحماس

وقربوا عند الملعب

صدمة

المواضيع المتشابهه لموضوع: رواية مجنونة وعاشق اجن لموضوع: رواية مجنونة وعاشق اجن
الموضوع	كاتب الموضوع	المنتدى	مشاركات	آخر مشاركة
مجنونة نا بك	حنين الأشواق	همس عذب الكلام والخواطر المنقوله	5	22 - 2 - 2023 03:29 PM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
منيات مجنونة	مزيونة الخليج	همس المواضيع العامة	4	3 - 8 - 2015 07:32 AM
هل نا مجنونة	مزيونة الخليج	همس الشعر والقوافي	9	25 - 9 - 2012 01:10 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية مجنونة وعاشق اجن

همس للقصص وحكايات وروايات