رواية مجنونة وعاشق اجن

30 - 9 - 2014, 08:16 AM

عبد الرحمن :المطلوب الحين كل هذولا بره عدا أنا وهي وأنت

بعد ربع ساعة وصراخ يزيد
بره
طلال:شسالفة؟؟؟
بشاير:وين الخبلة فضايل؟
مشاعل :سكتت مناير صح؟

بداخل الغرفة
مناير مغشي عليها ومتعلقة بعبد الرحمن اللي عمره ما يتجاوز ٢٤ سنة صغير لكنه مهذب مثقف حافظ القرآن يأمر بالمعروف وينهي عن المنكر يصلي أمام بأشهر المساجد وصلى مرتين بالمسجد الحرام وخطب كذا مرة بالمسجد النبوي
وراح للقدس المحتلة بس علشان يصلي بهذا المسجد
وفوق كل هذا يجبر الكل بأحترامه رغم صغر سنه

بو بندر:شصار
عبد الرحمن يحاول يبعدها لأن دقات قلبه ما ترحمه:طلع المسكون فيها والسبب أنها كانت تبكي بدورة المياه وهذا أكبر خطأ الحين يوم ويومين ترجع مثل قبل بأذن الله

بو بندر قام وباسه برأسه تحت أنظار عبد الرحمن المصدوم
بو بندر:لو تطلب اي شي عطيتك اياه
عبد الرحمن :ماتقصر ياعم هذا واجبي
بو بندر بثقة:أنت متزوج؟
عبد الرحمن:لا ياعم
بو بندر:يشرفني أزوجك بنتي مناير
عبد الرحمن بصدمة:من؟
بو بندر شال بنته من حجر عبد الرحمن:هذه اللي عالجتها
عبد الرحمن وقف بصدمة قدر يخبيها:انا
بو بندر:لا تقولي الحين جوابك ابغيه بعد اسبوع
عبد الرحمن:طيب يصير خير إن شاء الله
~~~~~
اليوم التالي بمنتصف الليل
حسن رجع البيت والنفسية بالخشم
فتح البوابة الداخلية
سكت
سمع صوت الكعب بالأرضية وتشغلت الشموع
كانت الشموع من البوابة لغرفة النوم
وغير الورد والمشموم
شغلة ندى أضاء صفراء وكانت تحتها
ندى لابسة روب نوم أبيض طويل ويسحب وحفار وفوقه روب شيفون كل رسماته أو تطريزه على شكل ورق شجر
سوت شعرها بف
ولبسة تاج ملكي خيال
وميك آب مسحوب أخضروذهبي
وماسكة وردة حمراء نفس لون الروج الأحمر بشفتيها
حسن دقات قلبه زادت بجنون
إما ندى من عرفت أنه عادي مع الزوج كل شي فباعتها كل شي إلا أن حبيبها ياخذ غيرها عشان شي تقدر علي
مشيت له
حسن ما يبي يروح لها كالعاده ويلا قي الصد ما يبي ينجر كانت تتقدم له كل مره إذا حاولت تغريه بدون قصد يغمض عينه علشان ما يتهور
حس فيها تضمه فتح عينه وهو يحاول ياخذ نفس
ندى بهمس:حبيبي أحبك
حسن:...........لا رد

30 - 9 - 2014, 09:42 AM

ندى انقهرت بس اكتمت قهرها تستاهل كل شي:بعدت عنه وباسته بشفتيه عالسريع
ومسكت أيده وخلته يصعد معاها
وسكرت الباب وقفلته وابتسمت بدلع:قلت لماري تطفي الشموع
حسن جلس بالسرير وكان متردد اي أو لا
ندى جلست جنب وفسخت التاج
وبكل جرأة سدحته ونامت فوقه:لا تألمني أنا أخاف
حسن:وأخيرا وافقتي

###############

ياسر:حركتات حامل
رنيم منفجرة ضحك:شنسوي بعد صرت أب وكبر راسك
ياسر يحط رجل على رجل:أنا ابي بنات ما ابي اولاد
رنيم:ليه طيب
ياسر يعشق منظرها إذا غارت:علشان اكون الذكر الوحيد بالبيت وبناتي اطلع ببوسه وادخل ببوسة وكل وحدة تدلع علي
وفعلا كان صادق لأنها عصبت
وقامت وهي تصارخ لغرفتها:اي هذا اللي يهمك إذا جبت بنت تتركني وتروح لها أكرها <<<بل كبريت
ياسر يحاول ما يضحك:لا لا خلاص ابي ولد ويلحقها للغرفة بس للأسف طردته وسكرت الباب
<<<تستاهل

¤¤¤¤

¥¥¥¥¥¥¥¥¥¥
محمد يناظر جومانة اللي نايمة
ويسمع صوت بكاء عياله
قام من السرير ما طاوعه قلبه ينام وهم يبكو
راح للغرفة اللي جنب غرفته وهي غرفة العيال
جومانة :ههههههه قايله أنك حنون بس حابه اعطيك درس وقامت تبا تشوفه وهو يسكتهم

محمد راح لسرير الوردي:ريحانة
<<<احلف عاد يقالك سكتت الحين
محمد يحك رأسه وشالها من السرير باسها بجبينها حس فيها نامت بعد اقل من دقيقية
محمد:يلعن ابو الدلع وربي ولا دمعة بس تبي تقومي امك ها انقلعي امك بهذا الوقت لي لحالي
ويروح لثاني
مسكه باسه لكن مافي فايده اعطاه رضاعته وسكت وبعدها نام
جومانة ابتسمت
ورجعت لغرفتهم
دخل محمد وتسكر الباب لحاله
محمد استغرب والتفت
جومانة:بو
محمد ارتاع بس مابين:ها ها ها خفت
جومانة تستغبي:من وين جاي؟
محمد:مالك دخل ويناظرها من فوق لتحت وش هالجمال وش هالحلاة
جومانة وجها صار احمر
محمد:ههههه هذا وعندك عيال
جومانة تطلع لسانة:أحسن
محمد ضحك عليها شكلها منحرجة:ككككك تعالي ياقلبي

"""""

30 - 9 - 2014, 09:44 AM

بالصباح
ندى فتحت عينه شافت حسن يمشط شعره الرطب
وكان خيال بثوبه البني بقماش الدمعة والمطرز بالفضي وكبكاته فضية وخلص تمشيط شعره ولبس الشماغ البني والبيج والأبيض وسواه مثل الإماراتيين:صباح الخير ياعروس
ندى فاتحة عينها عالأخر وشعرها بوجها شكلها توحفة:وين رايح؟
حسن:الشركة؟ليه؟
ندى قامت:مو رايح عند الحمارة
حسن انصدم:من الحمارة؟
ندى بكت:خطيبتك اللي البارح
جسن:اوف طيحتي قلبي حسبالي تقصدي امي
ندى:وه سلامات
حسن:ههههه شرايك بشكلي
ندى:راح تطلع كذا
حسن:اي<<مستغرب
ندى:حبيبي اعترف تتعرض لغزل صح
حسن بكذب: لا هيبتي ما تسمح لهم يغازلوا
ندى بشك:اكيد
حسن يضحك:اي لا تخافي ماراح أشوف غيرك
ندى:طيب قلبي علشاني غير
حسن:شغير؟
ندى تحاول تسحب الشماغ:لا تكشخ ولا ما راح اوافق انام معاك مرة ثانية حسن يمسك إيدها لأنها وصلت لشماغ وباسها:لا ياقلبي عقابا لك لأني ما أتهدد في اليوم أربع مرات باي وجهزي نفسك ها
ندى وجها طماطه:وقح
حسن:ها ما سمعت
ندى:أحبك
حسن طلع وهو يضحك

"""""
أحمد :ههههه الأخ ليه نايم هنا
ياسر يتمدد:مالك دخل
أحمد:لا جد شسالفة
ياسر يتثاوب:أبد طال عمرك بس أنا كنت مطرود من الغرفة طلعت أشوف حسن ورجعت ولقيت نفسي مطرود من البيت كله ويرجع يرمي نفسه عالسرير
جيت هنا وشفت امي وحصلت تهزيئة لأني زعلت المدام وأخرتها نمت هنا وبس
أحمد:خخخ
ياسر:انقلع بره ويطالع الدولاب
اقول احمد افتح الدولاب
احمد عقد حواجبه:ليه في شي؟
ياسر ابتسم وقلب وجهه للجهة الثانية:اي في معجبات
احمد رفع حاجب:معجبات؟
فتح الدولاب لقي ورقة
فتحها
"هلاوي أحمد..
كيف الحال؟
حبيت أبارك لك بالبيت خخخ
ذوق وروعة وجونان وخوفاق وكل شي
ورجعت الممرضة علشانك وعلشان لاأدخل النار
تصدق أنها شكرتني مع اني ما أستاهل
لولا الله ثم تنبيهاتك لي كان ما رجعتها
أكيد عرفتني
محد راح يرسل لك رسالة شكر غيري لا يكون فيه ترى إذا عرفت ان في بنت رسلت رسايل يا ويلها سواد ليلها
هههه
امزح امزح
أشوفك على خير"
ياسر يقوم:ها من؟
أحمد حط الورقة بجيبه:مالك شغل
ياسر:أقوم أشوف زوجتي أحسن من مقابل خشتك
أحمد:في بيتي وتغلط
ياسر:الساعة ثمان عز الله أخذت تهزيئه من حسن اففف
أحمد:الحال من بعضوه
\
\
\
رنيم:لا تحاول
ياسر:أفا كيف أطلع الدوام من غير بوساتك المحترمة ولا اللي ببطنك أخذ الحنان كله مني
رنيم:ههههه مو حالة هذه كل ما ههههههههه كل مازعلت تضحكني
ياسر:خخخخ حبيبي تأخرت عالدوام
واعطاها خده:يلا يالشاطرة
رنيم بخبث عضته
ياسر:اححح ليه؟؟؟
رنيم:روح لدوامك بس

"""""""""

30 - 9 - 2014, 09:45 AM

آن:وين جويل؟؟؟
نجلاء:من جاء الفرد الجديد بالعائلة الكريمة وهي كل يوم والثاني عنده
آن انفجرت ضحك:ههههه قصدك تركي؟هههههههههه
نجلاء تخلي جوالها عالسبيكر:في واحد غيره متيمة فيه أختك
جاها صوت فضايل:الو هلا باي
طوط
آن :ههههههههههههههه تلقينها تناظر فلم
نجلاء معصبه:ها ها بموت من الضحك
جاها صوت مناير:الو هلا وغلا
نجلاء:بنزوركم
مناير ببراءة:غريبة اليوم الأحد في شي
نجلاء:طردة محترمة
وسكرت معصبة
آن دموعها أنزلت من الضحك:هههههههههههههههههههههه
نجلاء:زههههق

¤¤¤¤
تركي :أرتاحي زين
جويل:تركي يلا عاد أستح على وجهك أنا خالة ولد عمك أحترمني قلت لك ألعب معي سنوايات مو كله كورة ياخي
تركي:اففف لا
جويل ببرود:اوكي براحتك وتحط اليدة حقت البلايستيشن
وتمشي
تركي انصدم تفكيرها اكبر من سنها تعرف تقهر:احسن عندي ثلاث اخوان واربع خوات
جويل تبتسم بدلع:الله يخليهم لنا
ومشت عند فضايل بالصالة الثانية
التفتت عالتلفزيون لأن تشوف فضايل وقفت من الحماس
ماتناظر إلا سكين يحطها بعين الشرير ويطلع السكين ويدخلها بالعين الثانية
كان تركي جاي يناظر الشاشة ويناظر الأمريكية
ناظر بعيونها الزرقاء نزلت دمعة الخوف

فضايل بصراخ:هييي أنت بأي حق تطفيه؟
تركي يأشر بعيونه لجويل
فضايل خافت:جوجو هذا فلم كارتون>>قولي والله وأصدق
جويل ركضت لتركي وتبكي
تركي شالها كانت ثقيلة عليه
وداها معاه للفت ولغرفته

¤¤¤
مناير لمشاعل:غرفتك داخله مزاجي
مشاعل وجها أحمر:هذه هدية من خالد
بشاير تصفر:حركات
وتتربع قدامها:هل تكني له بعض الحب>>كثري من تكني
مشاعل تضحك:لا كل الحب مو بعضه
مناير:وناسه
بشاير:وأنتي مناير أعترفي تحبين
مناير فتحت عينها: لا وربي
مشاعل:وأنتي؟
بشاير:لا لو أحب كان قلت لكم

30 - 9 - 2014, 09:46 AM

تركي:خلاص جو جو
جويل تمسح دموعها:ليه يقتله كذا حرام ربي بيعاقبه صح
تركي:اي صح خليهم يولوا تعالي معي بروح لحكير
جويل بأستغراب:أنت كم عمرك
تركي: ١٦ليه؟
جويل عصبت:تسوق سيارة
تركي بكذب:لا أنا أروح مع السايق
جويل:بصراحة مالي خلق ألعب
>>تكفين لعبي
تركي:هههه مستحيل أصدق أن عمرك ١٠سنوات
جويل:مب لازم وبحماس شرير
تركي تتذكر اللي قالك ضف وجهك
تركي بقهر:اكيد أنا بقول لبندر يربيه
جويل:ليه أنت مو رجال>>شر
تركي:شتبيني أسوي
جويل:هو ولد جيرانكم صح
تركي:اي
جويل:شرايك كل يوم نفش كفر سيارة ابوه وأخوانه
لمدة أسبوع
ونقول انه هو يفشها لأن صار عمره كبير ولا عنده سيارة
تركي يلخبط شعرها:شرايك باللي قبل اشوي طعنه بعينه
جويل:نذل وحقير وربي بيعاقبه
تركي:الحين أنتي تعملي زيه عارفه؟
جويل:أنا؟
تركي:اي أنتي اقولك كيف؟
جويل:كيف؟

¤¤¤¤¤

اليوم التالي
طلال بترجي:ليه طيب؟
أبتهال:حبيبي كلها أسبوعين وبعدها اكون قدامك خلاص مافي طلعات وهذه أخر مكالمة باي ياروحي
طوط
طلال اتجه لشركة معصب

بالشركة
بو بندر:توافق لكن بشرط؟
عبد الرحمن:اي
بو بندر:امر
عبد الرحمن:محد من أخوانها ولا خواتها يعرفوا أنك أنت اللي دخلت فكرة زواجي من بنتكم المصون وشي ثاني بجي أنا وأهلي المغرب وراح نخطب لكن رجاء بنتك تحسب اني جيت حالي حال اي رجال يخطب ولا تغصبها أرجوك
بو بندر وكبر بعينه:يصير خير إن شاء الله

30 - 9 - 2014, 09:47 AM

باليوم التالي
البنات حوالين مناير
فضايل بشر:لا توافقي يالبقره ترى الملتزمين معقدين ومالهم داعي وكل شي حرام وتقليد بالغرب ولا بالرجال
نجلاء من الجهة الثانية:وما يدخلوا مجمعات عندهم حرام الأختلاط
ريم:لا تكذبي أنا شفته ذاك اليوم بمجمع
نجلاء تصرفها:شفتي حد يشبه له صدقيني راح تودعي الماركات
فضايل وتاكل دونات:عندهم حرام تصرفي كثير وحتى اللحم يمكن بالشهر مرة
نجلاء :لأنو المعقدين أمثاله عندهم لازم يحسوا بالفقارة
مشاعل:وعوايلهم عيب الزفة والحفاف والوصل والموسيقى
فضايل:والافلام بعد
مناير فتحت عينها عالأخر:جد
نجلاء:وه شفتي أمه تقولي سوق خلاقين ست ألاف عباية
بشاير:وعباتها مثل الخيمة
فضايل:أكيد بتنامي بالأرض لأنو عندهم لازم يحسو بالفقارة
نجلاء:ووداعا لأيام الهاي والباي
ونو ويس وأوكي وافكورس
فضايل:ايوا لأنو تشبيه بالكفار
مناير قامت:خلاص ما راح اوافق
وطلعت بره الغرفة
نجلاء وفضايل:يسسس
<<<بالله عليكم هذا تفكير واعيات ومتعلمات ما أقول إلا الله يهديكن يا بنات اللي كذا

¤¤¤¤
طلال:اها وبعد؟
مناير تتكلم بأنطلاق:وعندهم حرام يقولوا باي وهاي لأنو تقليد بالكفار وإذا أخذته ماراح يسوو بعرسي زفه ويمكن يحطوا محاضرة
وتخيل انهم يناموا بالأرض
طلال:اها اممم أزيدك من الشعر بيت مرات ينام بالشارع علشان يحس بمعاناة القطاوة
مناير تفشلت:كأنك تطنز
بندر:من هذولا المنحطات التفكير اللي قالوا هذا الكلام
مناير بقهر:نجلاء وفضايل وبشاير ومشاعل
طلال يصفق:ماشاء الله الأخوات كلهن تفكيرهن عكس وجهن هيه أنتي شفتي بيتنا وش رايك فيه؟
مناير:قصر مترف ورائع وقمة الذوق والفخامة واهم شي اصحابه اللي هم احنا ماعلينا كلام
طلال:اها هذا القصر ضعفه ثلاث مرات قصر اهل عبد الرحمن
مناير انكب عليها موية باردة من الصدمة:نصاب
طلال:أنتي كم لغة تعرفي؟
مناير:الانجليزيه والعربية
طلال:عبد الرحمن يعرف لغات العالم العامة"الانجليزية والفارسية والفرنسية والهندية والبرتغالية والاسبانية واليابانية"
مناير:نصاب
طلال:أنتي بالشهر كم عزيمة تقريبا
مناير :ما ادري بس إذا كانت عزيمة كبيرة جدا بالشهرين مرة
طلال:وهم باليوم مرتين عادي
مناير:تنصحني أوافق؟
بندر يقوم:الصراحة عبد الرحمن رجال بمعنى الكلمة

مناير:خلاص أنا وافقت
طلال:عالبركة ولاح عليها المخدة:يالخبلة فكري مثل العالم والناس الحمد الله والشكر

^^
~
§
~

^^

30 - 9 - 2014, 09:48 AM

بأمريكا
رياض بحماس:والله فكرة
سارة:خلاص اجهز اغراضنا ترى بعد بكرة الزواج
رياض:جهزي ترى عالفجر بنمشي
سارة :طيب حق بس اسبوع
رياض: ايوه
""""""
بيوم الزواج...

ألف مبروك
لكما
الف الصلاة والسلام عليك ياحبيب الله محمد
كلللللللللللللللللللللووووووووووش

في هذا اليوم نزف أجمل واحر التبريكات
(( طلال/ أبتهال))

و

((فهد\ريم))

***********
عند الرجال

فيصل:تراها الغالية أن صابها شي بالنعال
طلال:هههه كل شي بتسويه فيني بسويه فأختك
فيصل يستهبل:جد
وراح باسه براسه:إذا دخلت تبوس راسها لأني بستك
الكل:ههههه
طلال مسوي مصدوم:يااااااسر
ياسر مافهم:مبروك يالدب
طلال أشر على السكيورتي:هذا عرس وأنا بين الحياة والموت خلاني أشوف زواجه بالفديو
وأنا ابيه يشوف عرسي بالفديو
ياسر قاطعه:الله أكبر ولا نسيت
الكل:هههههههههه
حسن:يا أخي أعتبره واحد من المعازيم
ياسر:اي تكفى ابي أشوف الزواج
تركي:شسالفة
خالد :طال عمرك يوم أخوك طلال بالغيبوبه ياسر وفيصل تزوجوا لأن قالوا المستشفى بعد سنة او سنتين يقوم
في الأخير قعد ثاني يوم الفجر شكله حس ان في احد من العيله عرس خخخ ولا يومك يكرر هذه الأسطوانة وقال لياسر ما ابيك تجي بعرسي
تركي بحقد:أنت كيف يطيعك قلبك وتستانس وتعرس وتسوي زواج كبير واخوي اللي هو اسم صديقك بين الحياة والموت و
ياسر:ياربي كان واحد صاروا أثنين
الكل:ههههههه
ناصر:سلام عليكم
الكل:وعليكم السلام
سليمان:أنت ناصر ال...
ناصر بأستغراب:اي تعرفني؟
سليمان:تعرف ولد عمك مشعل متزوج اختي
ناصر تفاجئ:أنت سليمان؟
الكل:ههههههههه
طلال يستهبل:أنا أنا المعرس عرفتني أنا بتزوج أخت هذا عرفته
ويسحب فهد:وهذا المعرس نمبر تو
ناصر وسليمان لا إيراديا:مبروك
الكل:ههههههههههههههههههههه

بجهة ثانية
عبدالرحمن أبتسم:يشرفني يا بو بندر الله يبارك فيك
بو بندر:وتأكد أنه محد يدري أني طلبت منك تتزوج احد بناتي وصدقني أن بناتي مافيهم عيب بس تمنيتك لوحدة منهن
عبد الرحمن:يكفي أنهم بناتك
يابو بندر

****

30 - 9 - 2014, 09:49 AM

البنات
((بشاير ومشاعل وفضايل ومناير)لبسوا فستان يجي مرسوم او مخصر على الجسم
إلى نصف ساقهم وتبدأ النفشة
وكان موديله بقماشه ورسماته ذات الألوان الرائعة
بشاير:احمر ورسماته اصفر وبرتقالي
مشاعل:أسود ورسماته موف وسماوي
فضايل:أخضر ورسماته أحمر وذهبي
مناير:وردي ورسماته أبيض وأزرق
وشعورهم مسوينه بف وكيرلي ومحلينه بالورد الطبيعي المثبتينه كويس
وكان الفستان يسحب بقوة
والميك آب بشاير خبرة فيه فهي اللي حطته لها ولفضايل كان سموك خطير وروعة
ومشاعل حطت لها ولمناير خليجي ثقيل كان أخطر وأروع)
((نوارة ولمياء ورنيم وجومانة) لبسوا فستان قصير لعند الركبة
ومديله يكون من عند الصدر والشك اللي فيه والخصر
ونصف ظهرهم بارز وحطوا لصقات حق الجلد طالع خطير
وشعورهم التسريحة مرفوعة ونازل منها خصل ملونة بالميش))
((نجلاء وآن وندى)
لبسوا تنورة جلد قصيرة
وبلوزة حفار ناعمة
وقبعة جلد
آن:تنورتها الجلد لونها أبيض
وبلوزتها بينك وقبعتها بيضاء
وسشوار عادي وبوت وردي
كان شكلها ناعم ورهيب
نجلاء:تنورتها الجلد سماوية وبلوزتها سوداء وقبعتها سماوية
ومسوي شعرها مثل مريام فارس وبوتها أسود
كانت خطيرة بسبب لون عينها الزرقاء ومناسب لكشختها حيل
ندى:تنورتها الجلد حمراء
وبلوزتها صفراء وقبعتها حمراء والبوت أصفر وشعرها قاصة قصير مره مثل هند البلوشي
بمسلسل اللقيطة وسشوار عالقصة
<<<حسن ما يدري أنها قصته هههههه أدعو أن هذه الليلة تعدي على خير مع ندوش)
والحريم جلابيات كالعادة بس طالعات جنان
*
*
*

زفة ريم

30 - 9 - 2014, 09:50 AM

زفة ريم
*
*
*
شعر...+موسيقى...
بنتين يمشون قدام ريم كانوا لابسات لبس دب العسل
وماسكات مجسم على شكل خلية نحل
ويلوحوا حلاو على شكل نحلة
وبعدها طلعت بالوسط نحلة لابسه بنفسجي(هذه النحلة صديقة دب العسل إذا أنتم مو راعي حركات البزارين)
وكانت ماسكة مسكة ريم
ابتعدوا الدب العسل وراحوا لبره
وما ان امسكت ريم المسكة الخيالية كانت على شكل خلية نحل ومعلقه فيها الورد الطويل
وكانت ريم روعة
كانت مثل عروسات لبنان بالضبط
وجلست بكوشتها اللي على شكل خلية نحل

++**++**++**++**
آن:عن أذنكم بنات بروح البس ساعتي نسيت البسها
البنات:خذي راحتك
ندى:احسك مو انتي اللي اخترعتي الزفه يا ميشو صح
بشاير:احم انا اللي اخترعتها شرايك؟
ندى:حلوة وناعمة والشعر له دور كمان احس كل شي مكمل الثاني
بشاير:شكرا شكرا اخجلتم تواضعنا
فيصل:بندر واللي يسلمك دخل سيارتي لعند ساحة الحريم علشان أذا طلع طلال وابتهال اوصلهم
بندر:مفاتيحك
ودخلها لداخل
شاف باب شبه مفتوح خمن انه المطبخ>>>الرجال عطشان
دخال وليته مادخل
آن تحوس بالدواليب:اف ما اطوله
راحت جابت كرسي صغير مره لعل وعسى توصل لدولاب:الغبية ميري حاطته أخر الدنيا
دخلت فضايل:آن ماصارت ساعة ترى دخلت ابتهال بتبدأ
و
ناظرت ببندر اللي قرب وبكل سهولة فتح الدولاب اللي فوك
فضايل:بندروه ياقليل أدب
آن من الصدمة طاحت من الكرسي لكن بندر نزلها
فضايل تصفر:خلاص أنا بتقاعد عن افلام الرعب والأكشن وبحول لعند الرومانسية حركتات يا بندر تفتح الدولاب لحبيبتك وبعدها تنقذها من موقف لا يحسد عليه صصصص
خلاص أنا بخطبكم لبعض:كلللوووووش
بندز يفتح جواله وبكذا انحاشت آن لبنت اختها ندوش
بندر بأبتسامة:هلا سليمان

بندر:أها لا انا اقول حط السيارة بالبوابة الخلفية

بندر:خلاص الحين بتحطها زين اجل مشكور بايات

فضايل من سمعت سلميان وحبال النذالة بدأت"أنا بربيك يالحقير تخليني خمس ساعات بالمجلس وتتعمد تطول الجلسة يالزفت ولا تطلب عشاء بعد":باي بندر
وركض لبوابة الخارجية
صادفتها مناير:هيه انتي الحين زفة ابتهال...
فضايل:بعدي عني زين
وركض بحماس للمخزن وتجيب حبل
وكبريت وكيكة
وركض لبوابة الخارجية

سليمان وصل السيارة المزينه علشان فهد وعروسته
ونزل وهو يعدل شماغه
(اكلمك عن سليمان
سليمان شديد الوسامة جماله نفس مستوى جمال خالد وحسن
شعره طويل مره وناعم حيل
طويل وجسمه رياضي وشكله فن بالكاراتيل وشخصيته حلوة مع اللي عزهم ويتميز بالأخلاص
اكبر لعاب بالمملكة وما في ابرع منه في كسب عشق البنات
وما يخاف من احد
وفيه بينها وبين ابوه خلافات بسبب هذا الموضوع
وطرده مره بسبب انو جاء اخو بنت يطلب انه يتزوج اخته بسبب الفضيحة لكن سليمان بكل وقاحة قال ما اتزوج بنت سلمت نفسها لرجل بالحرام
وبعد كذا ابوه طرده وجاته �

30 - 9 - 2014, 09:51 AM

وبعد كذا ابوه طرده وجاته جلطة لكن بعد كم شهر جاء له ابوه يطلب منه يرجع وفعلا رجع بشروظ
يعني بالمختصر سليمان فيه حقارة)
فضايل

(أتمنى عجبكم الجزء الأول من الفصل الثامن عشر)

المواضيع المتشابهه لموضوع: رواية مجنونة وعاشق اجن لموضوع: رواية مجنونة وعاشق اجن
الموضوع	كاتب الموضوع	المنتدى	مشاركات	آخر مشاركة
مجنونة نا بك	حنين الأشواق	همس عذب الكلام والخواطر المنقوله	5	22 - 2 - 2023 03:29 PM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
منيات مجنونة	مزيونة الخليج	همس المواضيع العامة	4	3 - 8 - 2015 07:32 AM
هل نا مجنونة	مزيونة الخليج	همس الشعر والقوافي	9	25 - 9 - 2012 01:10 AM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية مجنونة وعاشق اجن

همس للقصص وحكايات وروايات