رواية مجنونة وعاشق اجن

22 - 9 - 2014, 08:46 AM

خالد: يلا بس المطعم
طلال: ههههههههه
جد القصة رهيبة
خالد: خخخ
الله يغفر لنا
رياض : لا يا شيخ تغلط وتقول الله يغفر لنا كان المجتمع ضاع
خالد: أشيائي وخصوصياتي لي مو للناس علشان ينتشر الفساد يلا بس
ترى بهون
طلال: لا يلا يلا وأنت رض رض بلا فلسفة زايدة
واتجهوا لمطعم على ذوق خالد
ــــــــــــــــــــــ
أحمد دخل الشقة
شاف الكل بالصالة: السلام عليكم
الكل: عليكم السلام والرحمة
أحمد جلس: يمه
أم حسن و مشاعل : نعم
ياسر: الأخت بالله أسمك يمه
مشاعل: لا أسمي ماما
الكل: ههههههههه
ياسر : ها ها ها ضحكتني
أحمد طلع جواله: ناظري يمه الصورة
أم حسن شهقت: هذا من؟
أحمد: اسمه رياض العالي
أم حسن رجعت ذاكرتها للورى**
الجوهرة : الله يخليك يا فضة
فضة<<أم علي: ماله داعي تناظرين بأمه
الجوهرة : قصدك : بأمها
فضة: كم مره أقول لك خلاص انسي إن عندك ولد خامس ها؟ كم مره؟
الجوهرة بإقناع: أبي أشوفها
فضه: يلا سمعي إحنا نمثل إن دخلنا غرفتها بالغلط&بالمستشفى يعني&
الجوهرة: طيب يلا
وقفت جنب الباب هي مع أختها وجالسين يتسمعون
داخل الغرفة
(( بوبندر كيف حال ألبيبي؟
بوبندر : الحمد الله ها ايش تسمونه
صوت واحد تقريبا عمره 5 سنوات: بابا سموه رياض
بوبندر: كل شي ولا فهود حبيبي ايش رأيك يا أم بندر؟
أم بندر: رياض رياض حنا كم فهد عندنا))
بعد مرور يومين
بغرفة أم بندر*دخلوا عليها هي وأختها :أوه أنتي مو سوسن
أم بندر بابتسامه لا غلطانين
أم علي: آسفات وما تشوفي شر إن شاء الله
أم بند بسعة صدر: لا عادي حياكم
الجوهرة ما تكلمت ما جاءتها الجرأة على الكلام
حست إنها تدري بالجريمة اللي ارتكبتها
سئلت عن أهل البنت اللي بدلتها بولدها وطلعت من العالي**
مشاعل: يمه ماما يا مامي
الكل: ههههه
محمد: الحلو سرحان ليه؟
أم حسن: لا رد
الكل:؟؟؟؟؟؟؟؟؟؟؟

22 - 9 - 2014, 08:55 AM

حسن بدفاشته: يممممممممممممممممممممممممممممممممه
أم حسن: بسم الله
بوحسن: صباح الخير
ياسر: وين رحتي يمه
التفت الجوهرة لأحمد: من وين تعرفه
أحمد قال لها القصة
أم حسن ارتاحت ألف يعني بس سلام ووعليكم
& الحمد الله يا رب&
(( لمتى يا الجوهرة تلعبين بذيلك لمتى؟&
ــــــــــــــــــــــ
في اليوم التالي....................
مشاعل بالحرم توهقت وتدور بوابة عثمان بن عفان *رضي الله عنه*
وراحت لبنتين بسنها يمكن يدلونها:لو سمحتوا؟
البنت الأولى: هلا والله
مشاعل: إذا ما عليكم أمر وين بوابة عثمان بن عفان؟؟؟
البنت الثانية : شوفي تعرفين هذا الحاجز
الأولى : لا خطأ من هنا
الثانية : مالت يلا دليها مع وجهك يانويره الخايسه
نواره: بلا هبالة لمو
لمياء : مالت عليك وعلى وجهك
مشاعل تمنت جد تكون لها أخت تستهبل معها مثل هذولا التوائم: ههههه
سوري شكلي غلط بالهوشة
نواره أنحرجت : احم تلقين البوابة ورى الحاجز ة وتشوفينها على أيدك اليسار
لمياء: لا يا شيخه وأنا ايش قلت
نواره : ههههه قلتي اللي قلته
مشاعل: مشكورات ومشت وهي تضحك على هبالتهم
ياسر ومحمد: لا تو الناس
محمد أجلسي راح أجيب لك الشاي والقهوة
مشاعل: المشكلة إنها ممنوع حنا ندخلها
ياسر: قسم بالله لو سمحوا لكم راح يكون المسجد
اول شي :الحريم يتفقون يجونه مو للصلاة لا علشان السوالف والشاي أللي بعد الصلاة
وبعدها يصير مكان للبيع كلا تجيب خمتها وتبيعها وبعجين
محمد: ههههههههه عليك تعليقات تجنن
ياسر: كلي على بعضي أجنن

22 - 9 - 2014, 08:56 AM

مشاعل: واااي على الثقة يلا مشينا
واتجهوا للشقة بعدها السوق
مشاعل: ما في حرف aولا حرفsولا حرفg؟
البائع لا والله خلصوا
مشاعل تفكر من وين تجيب هدايا لابتهال وسارة وجمانة
جات على بالها فكرة تأخذ الحرف اللي بالوسط من كل أسم
يعني ابتهال تأخذ حرف t
وسارة بتاخذ حرف r
وجمانة بحرف m
ابتسمت أكيد جمانة بتضن إن حرف mيعني لمحمد
محمد: شاااااااطره
مشاعل : خخخ بس لأنه مو متوفرة الحروف
محمد : جد نذلة
ــــــــــــــــــــــــــــ
بعد مرور أربعة أيام
مشاعل: للرياض مو للدمام
بوحسن :أنا برجع المدارس داومت
حسن وياسر ومحمد: الشركة تطردنا إذا ما رجعنا
حسن: لازم نرجع نبوس أيدنا أنهم رضوا بالجازة خخخ ولا ثلاثتنا عطونا وجه صراحة
أحمد : أوكي خلاص أنا انزل معهم للرياض
وانتم نزلوا للدمام
وبيت خالتي أم فيصل موجود
ـــــــــــــــــــــــــ
بالرياض بقصر بو بندر <<<<رجعوا من المدينة
بندر: يمه توصي على شي؟
أم بندر: وهي تصارخ على الخدامتين اللي حطوا موقع الطاولة خطأ
: لا لا هنااا أفهمي
بندر: عندك جمعة؟
أم بندر: ايوه ما أبي أشوفكم أنت ورياض و طلالوه وفهدان
بندر: أوكي أصلا عندنا مزرعة اليوم الجمعة بمزرعتنا
أم بندر: وجب الشباب كويس لا تفشلنا قدام الله وخلق
بندر: اللي يسمك يقول أول مرة أعزم الشباب باي
أم بندر: بحفظ الله
باس بندر خد أمه : كثري دعوات ماما وباسها مرة ثانية
أم بندر: هههههههه أهبل
باسها للمرة الثالثة والرابعة
أم حسن: هي لا يكون فيك شي
بندر: خخخ أيدك على 3000ريال
أم بندر: وأنا أقول مو لله
بندر يحك خده: يعني شلون الحين؟
أم بندر: وين فلوسك؟
بندر: نو وي مامي لا أستعمل أموالي على أشياء فاضيه مالها داعي اخذ من أيديك الجميلتان ويبوسهم
أم بندر: جد بخيل

22 - 9 - 2014, 08:57 AM

وتعطيه 5000ريال تفضل
بندر: كريمة الوالدة احبك يالغلا أنتي
وراح للبوابة الرئيسية وطلع من سيارته
بالطريق لقي فيصل بسيارته فتح فيصل النافذة
: هلا بو الشباب
بندر: هلا فيك
فيصل: الحمد الله على السلامة ادري بدوني الرحلة مو شي خخخ
بندر: ههههه من اللي معك
فيصل ولد خالتي ومال احمد رأسه يناظر فيه: السلام عليكم
بندر: هلا وعليكم السلام
أقول بو ليد اليوم هاته معك بالمزرعة
فيصل: ومن قال لك إني ما راح أجيبه خخخ
بندر: ههههههههه
يلا تشاو سكروا نوافذهم وكلا اتجه لطريقه

ــــــــــــــــــــــ
أم فيصل ضمت أختها الجوهرة: هلا بالجوهرة اشتقت لك يا بعد عمري
وضمتها
جات ابتهال الهبلة وضمت مشاعل بأقوى ما يمكن: اشتقت لك يا الخايسه
الكل: ههههه
ابتهال بحماس: هديتي
مشاعل بخبث: اول هديتي اللي من باريس اللي قبل شهر
الكل: ههههههه
أم حسن أشوفك لابسه عباتك؟
أم فيصل: ههههههههه ايوه أم بندر العالي جارتنا عزمتني بس بما انك جيتي ماني برايحة
أم حسن بحماس: لا بروح معك هذولا العالي
ابتهال لمشاعل : ها تجين معنا قصرهم رووووووووووووووووووووعه
مشاعل بحماس: أكيد بجي أسمع البنات العام عن هذا اللي أسمه خالد العالي وأنه عمل زيارة للشرقية كل بنات خلق الله استقبلوه بالمطار
ابتهال: على فكره مو لأنهم معجبين بشغل أثاثه نو وي
لأنهم ببساطة ميتين بشكله وتقولها بعذوبة جذااااااااااااب
أم فيصل: أقول أستحي على خشتك بنات أخر زمن
الكل: ههههههههه
واتجه الكل لبيت أم بندر
كانت أم بندر بالاستقبال عرفت أن جارتها وصديقتها أم فيصل بتجي
دخلت أم فيصل وجنبها الجوهرة أختها وبناتهم خلفهم
سلمت أم فيصل على أم بندر
أنشلت أم حسن من الصدمة
هذي أم بندر اللي بالمستشفى قبل 18 سنه
مستحيل مستحيل مستحيل مستحيل

ــــــــــــــــــــــــــــــــــــــــــــ
انتهى الجزء الثالث الجزء الرابع
ـــــــــــــــــــــــــــــ
ـــــــــــــــــــــــــــــــــــــ

بمزرعة بو بندر.........................
خالد: ياهلا والله بسلمان كيف الحال؟

سلمان: يا هلا بك يا الأمريكي
خالد: ههههههههه حرام عليك في ناس يجلسون بأمريكا 10 سنوات مو 5سنوات
سلمان : ومن قال لك إني أقول لك أمريكي بسبب إقامتك
خالد: وليه طيب لا يكون مفكرني متزوج أمريكية
سلمان: والله يجي من عينك خخخ لكن أنا أقولك بسبب شكلك
خالد: انقلع هذا اللبناني والتركيين والسوريين ووو.... الخ
سلمان: لا بس عيونك الخضراء وشعرك البني المائل للأحمر وتخطيط وجهك مثل الأجانب و رسمة جسمك مثلهم فأحب أناديك بالأمريكي خخخ
خالد: الحمد الله والشكر انقلع بس
سلمان: ههههه
ـــــــــــ
بجهة ثانية...............
بندر يتصل بفيصل: الو ووجع
فيصل: أعصابك يا أخي
بندر : وينك يالدب
فيصل: والله تأخرت لأن أحمد ما راح يجي زهقت وأنا أقنع فيه
بندر: سحبه من شعره
فيصل: ههههههههه لا حرام ظل له وقت يربيه أروح أقطعه ههه
بندر: خخخ هذا أخوي رياض مسكين ظل مده يربي شعره أروح لمخدته وأحط فيها علكه
فيصل: ههههههههههههههههههه وربي مجرم
بندر: ما قصه راح للصالون وشالوا له العلكة
فيصل: عليك أجرام مو صاحي
بندر: أقول بسرعة متى بتجي وجيب ولد خالتك؟
فيصل : أنا وولد خالتي ورآك بس المطلوب تقلب وجهك
بندر التفت ناظرهم ثنينهم
أحمد وفيصل: ههههههههههههههههههههههههه
بندر: ها ها ها بايخه
طلال من بعيد: بندروووووووووووووووووووووه
وناظر ببندر لقاه واقف مع فيصل ورياض
طلال راح لهم: يا سلام رض رض بندرووه
بندر: ههههههههههههههههههه
و أنا أقول من تشبه طلعت تشبه أخوي رياض
أحمد ناظر بطلال وغمز له: هذه المرة الثانية خخخ
طلال: لا تقول: إنك أحمد الراليه اللي بالمدينة
أحمد: بشحمه ولحمه
طلال: خخخ جد الدنيا صغيره
أحمد: جد ما توقعت أني بشوفك مرة ثانية
طلال: وربي حتى أنا بس رياض حاسه قلبه أنه بشوفك مرة ثانية
رياض جاء: كأني سمعت أسمي؟
طلال سحب أيد أحمد: مفاجئة
رياض: أحمد؟

22 - 9 - 2014, 09:03 AM

بجهة ثانية
واحد من عصابة بو عراده: وينه هذا زهقت أنا
الثاني: هدي يا أخي لحظه كأنه هذا صح؟
الأول: من تقصد وينه؟
الثاني : اللي جالس في وشم على كتفه ما تبين الوشم إلا من تحت لأنه لابس تيشيرت برتقالي ؟ عرفته؟
الأول: إيه هذا خالد العالي وأخيرا ههه
الثاني: مهمتنا نراقبه لا غير صح؟
الأول: صح
الثاني: أسمع يوم لك ويوم لي
الأول: إيه بكره أنت تبدأ
الثاني: طيب بس تعال ليه نراقبه هو بالذات حنا هدفنا بو بندر ليه مو بندر أو طلال؟

الأول: لان هذا الخالد هو المفتاح الذهبي اللي يستخدمه بو بندر بشغله بالشغل بو بندر ما يعرف إلا خالد
الثاني: أها
ــــــــــــــــــــــــــــــــــــــــــــــــــ ــــ
أم حسن تبكي بدورة المياه دم ايش هذا الزمن تروح للي سرقة بنتها وأعطتها ولدها برجولها من غير ما حد ما يجبرها جد الدنيا صغيره
مسحت دموعها وغسلت وجها
وطلعت ولا كأن شي صاير طلعت وشافت صورة مكبره بقووه
كبيره مرره كان واضح أن الأب بكرسي
وأولاده حواليه الولدين الكبار باليمين والصغار باليسار
كان اللي باليسار طبق الأصل من أحمد نفس الأنف ونفس الجسم ونفس العيون العسلية كانت أوضح من الجوال بكثير طاحت دمعتها بألم دمعه وتجرها دموع أم بندر بخلفها: لو سمحتي؟
مسحت أم حسن دموعها بسرعة : هلا
أم بندر : مممم أنتي اللي جايه مع ألماس؟
أم حسن: ايوه دخلتني الشغالة هنا لأني بروح لدورة المياه
أم بندر: حياك الله
ابتسمت أم حسن: نفس الصوت اللي بالغرفة**بدأ الزمن يضحك عليك بدأ أم حسن مثل ما ضحكتي عليه**
مشاعل لابتهال: وااااااي يجنن قصرهم يخبل
ابتهال: هذا أحلى قصر بالحي كله ههه بعد قصر بوخالد طبعا؟
مشاعل بحماس: تقصدين أبو هذاك الوسيم
ابتهال: اللي يسمعك يقول شايفته
مشاعل: أنتي تقولين؟
ابتهال: خخخ طال عمرك هذا هو أحلى تصميم للقصر روعه قصرهم
مشاعل: ليه أنتي دخلتيه؟
ابتهال: فكورس لأني رحت مع نواره عيد ميلاد بنت خالها هناك
مشاعل: إيه هذيك نواره اللي تكلميني عنها؟
ابتهال: يس داخله معي الجامعة بعد بقسم e
مشاعل: وع ما عندكم سالفة تدرسون وع
ابتهال: مالك شغل ياي جات لمياء شوفيها
اتجهت لمياء لهم : هاي
مشاعل: هايات
ابتهال: ايش اللقافه
مشاعل: خخخ
لمياء جلست: ما عرفتونا
&&نبذة عن أسرة لمياء&&**لا أب توفي قبل 12 سنه لا أخ عدد خواتها 3 وهي 4
نواره الكبيرة مع لمياء: توأم #كبر ابتهال 18 سنه أي كبر مشاعل كمان"ثنائي رائع بمعنى الكلمة
واللي بعدهم ريم عمرها 17 إدمان على الروايات بشكل مو طبيعي فتاة هاديه تأخذ حقها بنفسها لأنه إذا سكتت ما عندها ولي يأخذ حقها وبعدها رنيم عمرها 16 سنة تعش النت بشكل جنوني **

22 - 9 - 2014, 09:10 AM

ابتهال: خخخ : أصحاب الكهف أوه قصدي: بنت خالتي مشاعل
أم فيصل: احترمي بنت خالتك ولا تقولن لها كذا أشوف حسنوه طلع لها هذا اللقب الكل قام يقوله جد أنكم خراخيش
لمياء: ههههه
مشاعل مدة أيدها تسلم عليها
لمياء: لحظه لحظه: كأني شفتك؟
مشاعل و لمياء مع بعض: بالحرم
الكل: ههه
ابتهال: شفتوا بعض بالحرم؟
مشاعل: ههه تعالي لا يكون التوأم حقك أسمها نواره
لمياء: خخخ يس
ابتهال: خخخ وناسه شايفين بعض بس كيف ومتى؟
قالوا لها القصة
جات أم حسن: السلام عليكم
الكل: وعليكم السلام والرحمة
جات أم بندر تقدم كرت محل وصوتها أم فيصل تجيبه
: هلا والله بألماس وأختها
ألماس((أم فيصل)):الله يحيك
جلست أم بندر حي الله ابتهال وبنت خالتها : افسخوا عبياياتكم ولو هذا بيتكم
أفسخت مشاعل عبأتها مع ابتهال وبان شعرها الخيال
أم حسن تناظر بوجه أم بندر بعد ما شافت مشاعل
أم بندر بحماس: ما شاء الله تبارك الرحمن
مشاعل أحمر وجها: تسلمي خالتي
أم حسن طاحت دمعتها للمرة الألف حرمة البنت من أمها وصارت بدل
لا تقول يمه تقول خالتي من باب الاحترام
أم بندر: ايش أسمك؟
مشاعل بنعومة: مشاعل
أم بندر حست بدقات قلبها لهذه البنت حبتها من قلب إلا من صميم القلب
: وربي حبيتك يا مشاعل
مشاعل أحمر وجها بقوه: تسلمي يا خالتي وربي حتى أنا حبيتك بعد
ابتهال و لمياء: يا هوووووووووووه
لمياء: على فكرة : ترى مرة خالي عمرها ما قالت لأحد أحبك و حبيتك وتغمز لها
مشاعل بإحراج: أكيد أنا غير خخخ
ابتهال: ما جاءت بنت عمكم اللي عينها زرق
الكل: هههههههه
نواره تدق على ندى: تأخر توا يا لدبب
ــــــــــــــــــــــــــ
بالمزرعة.....................
طلال يصارخ بالضيوف: يا ضيوفنا الكرام أقنعوا خالد يعمل لنا حركات بالخيول
الكل بأصوات مختلفة
يلا خالد
....... خالد لا تكون عنيد......خالد يلا عاد وربي مشتهي أشوفك على الخيل....... يلا خالد من زمان عن الخيل
خالد أنحرج بقوه: أوكي
الشباب: الحين

22 - 9 - 2014, 09:10 AM

طلال: تستاهل ما يجيك أقولك تسابق مع بندر مو راضي
الكل: ههههههههه
خالد لطلال: جد وقح ههههه
الكل: خخخخخ
اتجه خالد لمكان الخيل كان بعيد شوي عن ألفله اللي بوسط المزرعة
خالد ركب خيلته الموجودة بمزرعة عمه كان لونها أسود
طبعا هذه الخيلة ما تتفاهم همها الوحيد تطيح اللي راكب عليها إلا شخص واحد وهو صاحبها &خالد العالي&
طلال:يلا خالد صصصصصصصصصص<<<يصفر
خالد: شاف الجماهير خلف السياج كان كثار مره
: يلا طلال
طلال: خير؟
خالد بصدمه: لحالي؟
طلال: فكورس
خالد: آآآآآه يالنذل
طلال: ههههههه لا يكون تخاف
خالد أبتسم له قدرات خالد بركب الخيل ما تنشك
وبدأ العرض بالخيل كان يسرع سرعه جنونية .......
الكل يشجع بحماس مبالغ فيه
خلف السياج أحمد لولد خالته فيصل: ما شاء الله عليه ما ينلام بغروره كل شي يعرفه
فيصل: هههه عاد هذا الخالد معجزه لعمه بو بندر لولا الله ثم هو كان ما وصل بو بندر لهذه المواصيل علشان كذا ذراع بوبندر العالي خالد ولد أخوه
أحمد: أف شوفه تحس أن الحسد من كل الجهات عليه جد فنان هذا أسطوره بالخيل
فيصل بحماس: ههههه ما شاء الله عليه أقول ناظر وأنت ساكت
أحمد: ههههه

22 - 9 - 2014, 09:11 AM

بجهة ثانية نجلاء تدق على بندر وأخيرا رد
نجلاء: خوفتني عليك بندر؟
بندر خلاص زهق منها أصلا كل شي غلط: نجلاء
نجلاء بدلع: عيونها وقلبها
بندر كسرت خاطره بس لازم يعلمها أن الحياة ما تمشي على أحلامها
: نجلاء أنا عمري ما أحب غير نواره بنت عمتي
نجلاء بصدمة: كييييف؟
بندر: أنا أسوي كذا رد على حق رياض وربي رياض ما قالي العب عليها وأنا جد احبك مثل أختي اللي ماجاتها أمي وأبوي
نجلاء بصدمة : واااااااااطي
بندر: لا رد
سكرت نجلاء بوجهه
ندى: يلا تأخرنا على بيت عمي ؟
نجلاء بدموعها: طلععععععععععععي بررررررره
ندى بخوف: شفيك نجو قلبي
نجلاء: بررررررررررررره

ـــــــــــــــــــــــ
أم بندر لأم فيصل: بنت أختك خيال ههه
أم فيصل تمدح زيادة بمشاعل : ايوه ما شاء الله عليها تطبخ وتنظف وعندها ذوق ما شاء الله يا ليت كل البنات مثلها
أم بندر تشجعت تعمل اللي ببالها: ههه الله يخليها لأمها يلا أخليك أخذي راحتك البوفيه بوفيك
أم فيصل: كلك ذوق يا أم بندر
أم بندر : شدعوه ههه
وراحت تشوف ضيوفها لاحظت الكل حاط عينه عليها بسبب شعرها الطويل والفحم من السواد كان روعه

22 - 9 - 2014, 09:13 AM

بعد مرور أسبوعين .......
أم فيصل بالتلفون: ها ما رديتي صار يومين وبالله عليك طلال العالي ولد بو بندر العالي ترفضونه أحمدي ربك أن حد مثل طلال بتزوج بنتك ؟
أم حسن وكاتمه الدمعة: قلت لك لا يعني لا ما أوج بنتي إلا لعلي ولد عمها
**فهموني يا ناس شلون تزوج أخوها**
أم فيصل: شاورتي زوجك؟
أم حسن لا رد
أم فيصل قررت تقول لأبو حسن: يلا مع السلامة
أم حسن: قولي لها أن مشاعل مخطوبه
أم فيصل: طيب يلا مع السلامة
أم حسن هم وأنزاح: الله يسلمك
أتصل أم فيصل على زوج أختها : السلام عليكم بو حسن
بوحسن: ألماس معي؟
ألماس((أم فيصل)): ايوه بس حبيت أقولك عن خطيب جاء لمشاعل ولد بو بندر العالي؟ أكيد أختي قالت لك؟
بوحسن أنصعق شباب العالي أخطبوا بنت المدرس مستحيل لا وزوجته ما قال له: متى هذا الكلام؟
أم فيصل: من 3 أيام وللحين ما حصلنا خبر؟
بوحسن بكره الرد
أم فيصل**مالت هذا بدل لا يقول موافقين من غير تفكير: أجل يلا مع السلامة
بو حسن كان بالمجلس صعد للدور الثاني
: الجوهرة يا الجوهرة
الجوهرة: أمر بوحسن أحط لك الغداء؟
بو حسن بعصبيه: ليه ما قلتي لي عن خطيب مشاعل
بهذا الوقت مشاعل كانت بتطلع من الغرفة
وسمعت عن خطيب؟؟؟؟؟؟
أم حسن: لأني رفضته ما يناسبنا و.
قاطعها بو حسن: لا اللي يناسبنا علي ولد أختك
أم حسن: ولد أختي مثل ما أهو ولد أخوك
بو حسن: مشاعل مشاعل
مشاعل: هلا يبه
بو حسن جلسها
بعد مقدمه أن كل بنت لازم تروح بيت زوجها وأن أهلها مو دايمين لها......الخ: جاء لنا خطيب من أولاد بو بندر العالي ايش رأيك؟
مشاعل وتشقتت من الو ناسه ما يهمها رأي أمها أبدا: على رأيك يبه واللي تشوفه
أم حسن أغمي عليها
طلع أحمد من غرفته: ايش فيه؟
مشاعل: ألحق أمي وراحت جابت عباءة لأمها وودها المستشفى

22 - 9 - 2014, 09:19 AM

طلال بطفش وماله خلق الموضوع لكن وصف أمه شجعه قال لأمه: ها ردوا؟

أم بندر: لا للحين توني مسكره من أم فيصل
طلال بغرور: يكفي أسم عيلتي بس تسمعه تسجد سجدة الشكر لأني خطبتها
أم بندر وبندر ورياض: ههههههههههههههههههههههه
رياض: أعشق الثقة يا أخي بالله ههههههه
بندر: يمه نواره ردة
أم بندر: شرايك يعني وبحزن أسفه يا بندر رفضتك
بندر خاف تكون نجلاء يدها بالموضوع: لا رد
أم بندر: ههههههههه أمزح معك وافقت أكيد أصلا هي مجنونه فيك
الكل: ههههه
بندر: خخخ وربي طيحتي قلبي
طلال: وأنا متى راح ترد عروس الغفلة
الكل: ههههه
أم بندر: مالت
أنت شوفها بيغمي عليك من جمالها
بندر: نواره أحلى صوح
أم بندر بحماس: لا وين
طلال: ههههااي
أم بندر: تصدق يا طلال نفس عيونك بالضبط نسخه طبق الأصل
طلال: أجل هي حلوة
الكل: ههههههههههههه
ــــــــــــــــــــــــــــــــــ

نجلاء لرنيم صديقتها المفضلة: قهرني جد قهرني الله يسامحه
رنيم: هذا حق فاطمة الـ.......... لأنك كذبتي على أخوك بأنها سبة العيلة
وهي ما سوت لك شي وفصلتموها من المدرسة بدون ذنب وحق رياض اللي عايرتيه بالمرض وحق هاجر اللي وزعتي كرت أبوها التاكسي بالمدرسة علشان مره قالت لك ليه أنتي تنفردين خليك اجتماعيه وحق المعلمة حقت الدين اللي خليتي خالد يكلم زوجها تقولين له أوصافها وايش لابسه وهو يقول لزوجها أنها تخونك وخليتيه يطلقها
وحق الـ....
قاطعتها نجلاء : خلاص تكفين خلاص وبكت
رنيم : بذمتك ما تستاهلين؟
نجلاء: لا رد بس دموعها على خدها وانقهرت على عمايلها ببنات الناس

المواضيع المتشابهه لموضوع: رواية مجنونة وعاشق اجن لموضوع: رواية مجنونة وعاشق اجن
الموضوع	كاتب الموضوع	المنتدى	مشاركات	آخر مشاركة
مجنونة نا بك	حنين الأشواق	همس عذب الكلام والخواطر المنقوله	5	22 - 2 - 2023 03:29 PM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
منيات مجنونة	مزيونة الخليج	همس المواضيع العامة	4	3 - 8 - 2015 07:32 AM
هل نا مجنونة	مزيونة الخليج	همس الشعر والقوافي	9	25 - 9 - 2012 01:10 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية مجنونة وعاشق اجن

همس للقصص وحكايات وروايات