رواية مجنونة وعاشق اجن

22 - 9 - 2014, 09:36 AM

بكت أم حسن بكاء يقطع القلوب تكسر الخاطر بقوه بو حسن بصراخ: أنتي السبب يالحقيرة يالـ.........<<<<أنواع السب والشتم طلعها
أم حسن: خلاص حرام عليك و
قاطعتها أم بندر ((سعاد)) بحقد وغضب: وهو صادق أنتي فاجرة فاهمه فاجرة و
قاطعها رياض: صلوا على النبي
بو حسن بسرعة بعد ما سمع صوت يشبه صوت أحمد ولده:إذا بتا خذوا مشاعل فبناخذ ولدنا
ما كمل كلامه بسبب الأصوات اللي بره والمايكرو والسماعات وأصوات الشرطة
أبتسم خالد دايم بو وليد يعجبه يطلب منه طلب ينفذه بثواني من غير مقابل
<<بلاك ما تدري يا خالد ....
أم علي دخلت((فضة)): تركض لأختها : يالغبية يالـ.......
ياسر يفكك بينهم وبصراخ وعفسى
فهد وأول مره يطلع صوت جهوري منه: خلاااااااااااااااااااااااااص
خالد: يلا بو حسن أم حسن والمدام أم علي مو ناويه تكوني بين أحضان زوجك بالسجن وباستهزاء أوه نسيت الرجال لحالهم والنساء لحالهم وحتى لو كانوا مع بعض أنتي بقضية خلط الأنساب وزوجك بقتل ألاف الشباب بالمخدرات صح ولا؟
حسن ما تحمل بعد مشاعل وصعد فوق محمد بهدوء: الحين بتاخذ وها؟
بو بندر بحزم الحين ويناظر باللي واقفة قام من مكانه
ضمها لصدره: بكون لك أحسن أب بهذه الدنيا مسح دموعه اللي تحت الغطاء هذه الدموع ما تستاهل تنزل من أحلى مشاعل
الكل:؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟
طلع بو حسن بسبب الصراخ والتهديدات اللي بره
أول ما فتح الباب لقى نفسه ما سكينه ويلا على السيارة
ــــــــــــــ

22 - 9 - 2014, 09:37 AM

بعد مرور ساعتين وطبعا بو حسن و أم حسن وأم علي مو موجودين
طلال بحده: يلا رياض أركب معنا
رياض : لا بجلس عند أهلي مهما طال الزمن الواحد ما له إلا بيته
حتى لو رموه هو اللي يرجع لهم يطلب منهم يجلسونا عندهم
بو بندر: الظاهر من سمعت الخبر خرفت أنت ولدي وهذه العائلة رايحه فيها أربعه بالسجن والخامس من بلد لبد وما يدري عن خواته((علي))
رياض: يبه الله يخليك كل يأخذ اللي له وخلاص أنا مكاني هنا ومشاعل عندكم وانتهينا
سكت الكل
خالد: أنا بمشي للرياض مع السلامة
فهد وبندر وبو بندر: يلا معك
طلال : خلاص أنا بجيب معي أمي و و وأختي بعدها أبتسم
ما توقع تكون عنده أخت أبد
ياسر طلع ولمكانه المفضل البر لأنه يقدر يصرخ براحته بدل الدموع
اتجه للبر طلع من السيارة وصرخ بأعلى صوته: مشاااااااااااااااااااااااااااااااااااعل بتتركيني بتركي أخوك بتركي حسن
مشاعل إذا رحتي وبعدتي من لي؟
من بتكون أختي؟
أأأأأأأأأأأأأأأأأأأأأأأأأأأأأأأأأأأأأأأأأأه ه تعبااااااااااااااااااان

22 - 9 - 2014, 09:38 AM

سارة ببكاء مو طبيعي: لا تنينا مو تهدينا حنا بلا أب ولا أم و لا أخ ولا سند
كل يوم كلمينا الله يخليك
مشاعل ببكاء أكثر منا: أنتم حياتي في حد ينسى حياته ؟
جمانة : ضمتها لكن بصمت فقط دموع تنزل في الخدين أنجرحت من التصرف اللي عملته أمها

طلال: يلا مشاعل
هدتها جمانه وودعتهم توديع أخير
وركبت سيارة طلال بدموعها وكانت أمها((سعاد)) جالسه جنب طلال وهي ورى
مشى طلال
للرياض
طلال يغير الجو في السيارة الكئيبة: كيف حالك مع مع
مشاعل تلتفت *من مع مع؟* بوسط دموعها: من مع مع
طلال: ههههههههه
مشاعل ماردت**جد سخيف يضحك بهذا الظرف اللي يسمعه يقول رايح عرس مو مكان مثل العزا**
أم بندر:هذا طلال دايم كذا لا تزعلين تتعودين عليه
مشاعل: لا عادي هذا ياسـ....ماقدرت تكملها بكت أكثر ما ودعته أكيد بالبر يفرغ اللي عنده
طلال: ياسر وأحمد وحسن ومحمد يضلوا أخوانك ....مهما كان
وأنا وفهد وبندر كمان أخوانك يعني يالدبه عندك تسع أخوان مع رياض...
مشاعل: خخخ
طلال وقف السيارة : كلللللللللللللللللللللللوش
الكل: ههههه
طلال يكمل السواقة .....

22 - 9 - 2014, 09:39 AM

وصل الكل في الرياض وفي بيت بو بندر...................
فهد جنب الباب : حياك يا ميشو
طلال: ميشو بس
مشاعل: والله أحسن من مع مع
طلال وأم بندر: ههههههه
بو بندر ماسك بنته: يلا توه منور القصر
طلال: صصصصصصصصصصصصص طاح كرتك يا رض رض
الكل سكت نسوا أن رياض خلاص بالدمام
فهد: أحم أحم أنا صرت أخر العنقود
بندر فهم على فهد: مالت عليك فرحان يا الخكري
دخل الكل ...........
ــــــــــــــــــــــــــــــــــــــــــــــــــ ـــــــــــــــــــــــــــــــــــ
في الدمام بغرفة سارة وجمانة.............
::::::::::::
سارة بسريرها: ما أصدق أن مشاعل خلاص راحت هي اللي تطبخ معنا....
ولا هي اللي مسويه جو بالبيت.....
جمانة : أيه ياالله يسعدها وأهلها شكلهم حبوبين
سارة : حظها سكنت بقصر و
قاطعتها جمانة: لاتضني أن أصحاب القصور سعداء وعايشين بنعمة السعادة والمحبة وكل هذا
شوفي هذه أول مشكلة صارت لهم وأنتظري تسمعي المشاكل الجايه ولا تنسي هذا بو بندر العالي أكيد بيعلقوا عليهم على جيت مشاعل لهم وجيت رياض اللي رباه هنا
سارة سوير سو سو
تناظرها نامت بسابع نومه
جمانة أبتسمت لأختها قامت من سريرها تعدلها
وبعدها ناموا
ـــــــــــــــــــــــــ

22 - 9 - 2014, 09:40 AM

حسن صار بغرفة مشاعل لحاله ورياض مع ياسر بغرفة وأحمد مع محمد بغرفة
:::::::
رياض معطي ظهره للسرير ألفاضي ويبكي
سمع صوت الباب غطه نفسه
جلس ياسر: حسونة أدري أنك تسمعني
أنسدح على السرير
: مشاعل راحت ياحسن؟
رياض: لارد
ياسر يكمل: حسن؟ تتوقع هذا الرياض بتعود على عيشة الفقر بعد الرفاهية؟
تعتقد أنه مغرور وشايف خشته؟ وربي لو طلع كذا أنا اللي بربيه
رياض: أنا متربي أحسن تربية ولا تغلط لو سمحت حنا ما تربينا مثل ما تقول على الرفاهية تربينا على الأخلاق والمواجهة إذا حاب تتكلم مع حد لا تتكلم من ورآه واجهه وهذه بعد شكلك ما تربيت فيها وكمل نومه
ياسر أنصب عليه مويه باردة من الصدمة
بعدها أبتسم **يعرف يرد شكله فلته**

22 - 9 - 2014, 09:45 AM

بعد مرور أسبوع .....
بشركة بوبندر العالي............
خالد لبو بندر: أكيد يا عمي أنت الأصل
بو بندر: هو قال أنه كل أسبوع بيجي للرياض يزورنا؟
خالد: رياض تربيتك ياعمي مو شباب العالي اللي يكونوا ضد كلمتهم
أنفتح الباب
رياض وخلفه ياسر: هاااااااااي
بوبندر قام من مكانه وضم ولده صحيح مو هو اللي جايبه بالدنيا لاكن تربيته رياض هو الغالي ....
ياسر سلم على خالد وجلس على الكرسي مثل ما طلب منه خالد
خالد بأمر: ايش المشروب اللي تشربه
أبتسم ياسر: على ذوقك ...
خالد رد له الأبتسامه
ياسر يناظر برياض اللي للحين ضام بو بندر
:خلاص يا بو بندر ايش خليت لأم بندر
&&ياسر عنده روح الفكاهة بدون حدود للي يعرفه واللي ما يعرف بايعها بقوة&&
رياض تعود عليه أشوي : ههههههههههههه
بو بندر وخالد مصدومين جد جرئ
ياسر يحك شعره: سوري على التدخل
خالد: لا بس أسلوبك كأنه مو لبق
ياسر: طسته
خالد: يعني ايش طسته؟
رياض: ههه طسته يعني مشي الحال يعني كذا خخ
خالد: أوووه عليك كلمات أكشن
ياسر: وووووااااااووو أكشن روعه الكلمة سلم عليها
خالد: ؟؟؟؟؟؟؟
رياض يفسر: سلم عليها يعني راح يسرقها فودعها
خالد: بعد ههههه عليك كلمات يا شيخ
ياسر: تفضل يا بو بندر ليه واقف وأنت روضه أجلس وجلس أبوك واقفين على راسي
رياض يأشر له يعني أنطم كل شي إلا بو بندر مو ترمي الميانه معه لكن ياسر ما أهتم
أنصدم خالد ورياض من الضحكة اللي طلعها بو بندر
بو بندر بضحك هستيري: ههههههههههههههههههههههه ههههههههههههه
ههههههههه ههههههههه ههههههه
دخل بندر وطلا أول ما سمعوا أنه رياض عندهم قفزوا لمكتب أبوهم
ـــــــــــــــــــــــــــــــ

22 - 9 - 2014, 09:45 AM

في الدمام ....................
سارة : ماني رايحه أزور الفاجرة هذا اللي ناقص أروح السجن علشان آنسة منشين لو نزل لي جبرائيل يقول لي روحي والله ما أروح .......
حسن خلف الباب: سارووووووه بلا هبال وتصرف بزارين
ــــــــــــــــــــــــــــــــــــــــــــــــــ ــــــــــــــــ
انتهى الجزء الخامس

22 - 9 - 2014, 09:46 AM

الجزء السادس...
ـــــــــــــــــــــــــــــــــــــــ
ـــــــــــــــــــــــــــــــــــــــ
في الدمام................
حسن يحاول بسارة لكنها مو راضيه
حسن: يعني أمك محد يزورها حرام عليكم كذا
جمانه بتردد: أنت بتروح معنا ولا من؟
حسن: لا محمد هو اللي بروح .
جمانه **بس لأن حمود بيروح ولا أنتي يافضة ما تستاهلي حد يزورك.**: أوكي بلبس عباتي
حسن: وأنتي سوسو؟
سارة : لا تحاول
جمانه: كيف يعني أروح لحالي؟
سارة: ليه مشاعل وين راحت و و
الكل سكت ماتعودوا الحياة بدونها
حسن دمعت عينه أخذ الجوال
واتصل عليها ........
مشاعل وهي تضم ياسر رن جوالها ندى اللي كانت جنب الجوال
<<<<<كان يوم أربعاء والكل متجمع بيت بو بندر . حتى أم فيصل موجودة .....
المتصل:&&حسونه &&
ندى توهقت بس ما عرفت إلا ترد بعد العشر طعش مكالمة شكل الموضوع ضروري ....
حسن: هلا حبيبي
ندى : لارد
حسن: ميشو يا هووه الو ووو
ندى: لا أنا مو مشاعل أنا بنت عمها .....
حسن: أها وين مشاعل؟
ندى: مع أخوها .......
حسن : أها ياسروه
ندى بإحراج: ايش دراني ؟ ومع السلامة
وسكرت بوجهه
حسن : بل ههههههههههههه قويه أكيد بنت بوخالد ما عندها بنات عم إلا هذولا .
لاحظ محمد وخلف أكيد جمانه
: لو سمحت مو بس تزور أمك زور أبوك .وأنا راح أكون هناك بأتظارك
محمد يلبس نظارته الشمسية: أوك
حسن: في حد رايح سجن بهذا الشكل؟
محمد بصدق: ليه شكلي فيه شي غلط؟
كان لابس برمودا جينز أسود
وتيشيرت بني برزت لون عينه البنية وكان كلها درجات البني والأسود باللماع البلوزة كانت خطييييرة
وشعره عامله درجات لأنه شاعره طايح مره كان هو بعد ياسر بنعومة الشعر .......
وكانت ريحته واصله لأخر الشاعر من العود والبخور
طبعا محمد وأحمد من النوع إلي يهتم بشكلهم بقوه.

حسن: بالله رايح عرس على هذا اللماع
محمد يطلع لسانه: مالك شغل فيني طيب قلبي
حسن: مالت عليك يلا انقلع عن وجهي
محمد: متى بيجي ياسر؟
حسن: ما مداك اشتقت له؟
محمد: خخخخخ يلا عاد
أحمد مستعجل: لا ثمود
وطلع وخلاهم
محمد باستنكار: في حد مر هنا ولا يتهيأ لي ؟
جمانه ماقدرت: ههههههههههههههههههههههه
محمد: أخ ياقلبي
حسن: انقلع عن وجهي لا الحين جد أدوس بطنك هنا
محمد: يلا جوجو للحين يصير فيني شي
وراحوا يزوروا أمهم.....
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ

22 - 9 - 2014, 09:48 AM

حسن راح للسجن اللي فيه أبوه ويكلم الضابط.....
: كيف يعني ما في محامي؟
الضابط بأدب:لو سمحت أخوي أنا مقدر شعورك عم وأب وأم وخاله بالسجن وهذا ضغط عليك بس خلاص القضية واضحة مو لازم دفاع أهلك غلطانين صح ولا لا؟ و إذاما عملنا كذا ينتشر الفساد بمجتمعنا صحيح ؟
حسن بهدوء بعكس العصبية اللي من اشوي: أوكي أمي وخالتي معك غلطانين
أبوي ايش له علاقة؟
الضابط : كلمنا أمك تقول هو اللي أجبرها تعمل كذا لأنه بيطلقها و
قاطعه حسن: تعبت وأنا أسمع القصة عن أذنك
الضابط: أبوك مو الأساس وعلشان كذا بس شهر ويطلع
حسن اللي كانت أيده على الباب التفت للضابط: جد شهر وخلاص؟
الضابط بفرح شكل هذا شايل هم ومسؤولية على رأسه: إيه شهر واحد وخلاص
حسن : خلاص بروح أبشره الحين...
طلع من غرفة الضابط وهو فرحان جد ما توقع المسؤوليات كذا مع أن الكل يشتغل عدا رياض الجديد عليهم ولا بيقلل عليهم الحمل لأنه يكمل دراسة بالخارج وكذا المسؤوليات فكيف ببيت كله بنات؟
ــــــــــــــــــــــــــــــــــــــــــــــــــ ـــــــــــــــ
بالرياض........
أم بندر وهي ومراضيه تترك رياض ودمعتها على خدها : اشتقت لك يا ولدي اشتقت لصوتك اشتقت لك وتبكي
رياض: يمه خلاص هذا أنا جنبك ومارح أرجع إلا بكره
أم بندر: حسبي الله على من كان السبب
رياض تنفس بهدوء: لارد ........

22 - 9 - 2014, 10:02 AM

بالدمام.........................
حسن لأبوه : معليش يبه كلها شهر وخلاص
بو حسن بابتسامه: صحيح أنجبت خمسه من غير بنت بينهم لاكتهم رجاجيل
حسن : تربيتك بو حسونه ولو .......
بو حسن: حسن توعدني؟
حسن: بأيش يبه أنت تأمر ؟
بو حسن: هالله هالله ببنات عمك لا أب ولا أم وما اعتقد يطلعونهم من السجن بسرعة
حسن بسرعة: يبه لا توصي هذولا مثل مشاعـ
وسكت يكمل: مثل خواتي اللي ما جابتهم أمي وأبوي
بو حسن: أخوانك أمانه برقبتك يا حسن أمانه أي شي يبونه لا تقصر
حسن خاف من نبرة صوته: يبه فيك شي؟
بو حسن أطلب السماح من مشاعل وأهلها أطلب السماح يا حسن
محمد: السلام عليكم
جمانه : السلام عمي
طاااااااااااااااااااخ ........
سقط بو حسن في الأرض
محمد يخوف: شفيه؟ حسن شفي أبوي أنت قايل له شي يكدر خاطره؟
حسن بصراخ: يبه يبه لا تخلني لحالي يبـــــــــــــــــــــــــه أخذني معك يبه تكفى رد علي يبه تكلم يحرك جسمه: يبه تكلم أأأأأأأأه ه يباااااااااااااااااااااااااااا
محمد: يشيل حسن : يالغبي أبوي ما مات
جمانه بكت دم الموقف هزها
حسن يضم محمد: أبونا راح راح الغالي يا محمد خلاص ما عندنا أبو خلاص أبونا ماااات فاهم مات
محمد: حسن أبوي مافي شي شوفه ويناظر بالجثة اللي قدامه ما فيها أي حركة
جمانه جلست على الأرض وتبكي بشهقان على حال أعيال عمها فقدوا ثنين بنفس ألسنه أختهم بالرياض وأبوهم بالقبر
محمد : تكفى حسن قوله يرجع خلاص أنا أموت وهو يعيش
تكفى حسن قول له يرجع خلهم يأخذون روحي روحه أغلى من روحي صح؟
كفاية دموع خلاص يا عائلة الراليه
ـــــــــــــــــــــــــــــــــ

المواضيع المتشابهه لموضوع: رواية مجنونة وعاشق اجن لموضوع: رواية مجنونة وعاشق اجن
الموضوع	كاتب الموضوع	المنتدى	مشاركات	آخر مشاركة
مجنونة نا بك	حنين الأشواق	همس عذب الكلام والخواطر المنقوله	5	22 - 2 - 2023 03:29 PM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
منيات مجنونة	مزيونة الخليج	همس المواضيع العامة	4	3 - 8 - 2015 07:32 AM
هل نا مجنونة	مزيونة الخليج	همس الشعر والقوافي	9	25 - 9 - 2012 01:10 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية مجنونة وعاشق اجن

همس للقصص وحكايات وروايات