رواية فرسان على جمر الغضى للكاتبة وديمة العطاء

27 - 5 - 2015, 08:10 PM

سحب فهاد انفاسه بصعوبه:ودي نهرج بالحال الي حنا فيه

المها:ما ودي اهرج بشي اتركني لحالي اتريح شوي

قام فهاد:زييين اخليييج شوي وانا ودي الف بالفرس اشوف وش حولنا

ركب فهاد فرسه والضيقه بعدها تكتم على صدره السالفه شكلها مالها حل والفراق لزوم ايصير زييين وان مالقي سدحان السحومي وش راااح يصير

وش راااح يصير يا فهاد تظل المها حرمتك من غير ماتلمسها ... زين تكون قريبه مني ولا تكون قريبه ولشخص ثاني

انت وش فيييك يا فهاااد الحال ذا لزوووم يتبدل

اخذ بعدها فهاد المها وطلعو لديرة واحد من الي يعرفهم فهاد واهل القبيله استضافوهم وشباب القبيله كلهم من ربع فهاد وعدوه انهم يكونو معه ويبحثو بامر سدحان السحومي المها ظلت مع حريم القبيله يلاقيها فهاد مره باليوم وياخذ منها علوم عن سعد وفرسه وسدحان وظلو بالقبيله ذي ثلاث ايام

ليث بعده على فراش المرض وصابته حمى قويه من بعدها قام وصار يسعل ويرجع الدم من صدره كان عتاب خايف عليه كثير وحاول معه ياخذه للطبيب وعيا ليث بعدها جاب ليث له الطبيب الي اعطاه اعشاب تساعد على شفااه

كانت البدور حاضره وتشوف الحال الي مر فيه ليث ككرهت حالها وانها السبب بالي يصيرله لو مات كان اهون عندها من انها تشوفه بالحال ذا

اما شوق قدر قماد الي يختفي يوم ويطلع يوم انه يخليها مهب بحاااال حتى ان امها لاحضت البنت صاير لها شي وخبرت ابوها الشيخ طايل

ام شوق:البنيه يا طايل مهي بصاحيه يوم انها تشوفه تقول شايفه الشيطان يا طايل ارجاااك ارجاااك خله يرحل من مجلسك ولا يكون حال بنيتنا بالحال ذا

طايل وهو يفكر:ماهقيت ان السالفه توصل لكذا وش ودج انسوي

ام شوق:خله يتوكل واعطه المقسوم

دخلت شوق الي كانت كل شوي تناظر حولها مقهوره من قماد ومن الي سواه لها اليوم بالصباح

والي صار انها كانت طالعه بالفرس وشافته عند مرعى الغنم وراحت له

شوق:وش اتسوي

التفت لها وظل واقف وماتحرك من مكانه:وش اتشوفيني اسوي يا عمه؟

شوق:اقصر الحجي وامش قدامي ودي اطلع للسيوح

نزل راسه قماد والتفت متجاهلنها ورد عليها وهو يمشي رايح عنها:اسمحيلي يا عمه الحلال ماعنده غيري

شوق بغضب:انت اتعصيييني يا ولد

تركها وراااح من غير مايرد عليها

انتبه ابو طايل لبنيته الي كانت تاكل بحالها

طايل:وش فيييج يا بنيتي

قامت وهي مقهوره:مافيني شي مافيني شي

وراحت للشق وخلت ابوها الشيخ منصدم من الي سوته

27 - 5 - 2015, 08:11 PM

بعدها بنصف ساعه سمعت شوق ابوها طايل يصرخ على قماد ويشتمه ومن بعدها طرده من مجلسه ومن القبيله كلها

وقفت قريب من الشق تناظرهم وتناظر قماد الي كان منزل راسه وساكت انصدمت من ابوها ومن الي كان يقوله لقماد

هز قماد راسه وطلع

التفتت ام شوق للشيخ طايل:لييييه يا بو شوووق تسوي كذا بالراعي

ابو طايل كان كل همه حينها ان بنيته ترجع مثل لول وفكر انه يوم يسوي كذا بالراعي انه يخليها تستانس

همس لام شوق:ما عليه بعدين اروووح واطيب خاطره وارضيه من الحلال

شوق قعدت قاعده ودقات قليبها اتزيييد واتزيييييد ابد ما فرحها الي سواه ابوها وحست حالها متضايقه ازود

27 - 5 - 2015, 08:12 PM

قربت قوت من البدور وناظرت للاكل الي جابته

قوت:ليييه ما تاكليييين ودج تقتلي حالج

البدور:اتركيني بحالي

قوت:زييين كلي لجل العيل الي ببطنج ودج تقتلينه هو بعد

البدور:قلتلج اتركيني بحالي

دخل عليهن ليث الي استرد عافيته اليوم وقدر يطلع يمشي

ليث:وش الي يصير يا قوته

قوت:ما ودها تاكل كل ما احط لها الاكل ترده

ناظر غيث البدور:ماتاكل ابد

قوت:كانت تشرب من الحليب الي يجيبه لك عتاب والحليب خلص وهي مهب راضيه تاكل

ظل يناظرها اشوي وبعدها طلع

على الليل رجع ليث وهو جايب الحليب

عتاب:وييين رحت يا ليييث

تقدم ليث من قوت وهو يعطيها جربه فيها الحليب:خذي اسقيها من الحليب

هز عتاب راسه وطلع من المغاره

قربت قوت طاسه وفيها من الحليب للبدور لجل تشرب لاكنها لطمتها وانجب الحليب حينها ماحس غيث بحاله وهو يجلس قريب منها ويشدها من شعرها وهو غاضب

ليث:انتي وش فيييج يا حرمه

البدور:اتركني ما ودي الحليييب

ليث وهو يسحب انفاسه:ودج تشربيه غصبا عنج

قوت:الله ياخذج الرجال مريض وتحامل على نفسه ورااح لجل ايجيبلج الحليب وبالاخير تكبيه

ليث:هاتي لها واحد ثاني

كان بعده ماسكها من شعرها...ناظرته وهي ترجف واول ما قرب الحليب منها

ليث:اشربيه

البدور:ما ودي حليب الماعز ...ارييد من حليب النووق

حينها فك ليث شعرها واخذ يناظرها:زييين اجيبلج حليب النوق

قوت:تكذب عليييك يا خوووي تراها كانت تشربه امس

وقف ليث وقال وهو يلتفت لجل ايرووح:انا رايح لجل اجييب الحليب

قوت وهي ودها تخنق البدور:يا خوووي تريح انت جرحك بعده مابري

التفت ليهن:انتي ماتشوفي وجهها وشلون صاير اصفر لزوووم تشرب شي

قوت:يا ويييييييلي تحتيها من بعد سواتها انت مهتويها يا خوووي؟؟؟

ناظر ليث البدور والتفت وطلع

قوت:الله ياخذج تحسبي الحليب اهنيا حولنا تلاقينه قطع لها طريق لجل ايجيبه وهالحييين وده يعاود لجل ايجييب لج حليب النوق ويلي ويلااااااه

27 - 5 - 2015, 08:14 PM

دخل فهاد على المها من بعد ما طلب يقابلها

فهاد:وشلووونج؟

المها وهي صاده عنه وشكلها زعلان:الحمد لله...وش علووومك انت

فهاد:زييينه

المها:وكاد انها زينه وانت تعلل كل يوم مع بنت الشيييخ

ناظرها فهاد وهو مبتسم:انا اتعلل مع ابوها وهي بكيفها ان كان ودها تعلل مع ابوها

المها:زييين ومتى راح ننهي السالفه ذي

فهاد:اسمعيني يا المها ....نعتو لنا ان المعشوقه عند الشيخ حماد وارسلت مراسيل لجل ايشوفو وش وصلها للشيخ حماد تدرين وش قال الشيخ حماد

ناظرته المها:وش قال

فهاد بعد تردد:قال ان سعد ارسل حرمه وارسل المعشوقه معها لجل يحمي الشيخ حماد الحرمه والحرمه طلعت حامل واعلن قدام الناس انها حرمته وان الولد ولده والصحيح ان الولد ولد سعد اخوووج

!! !!
!! !!
!! !!

وديمه

اعتذر على تاخري بتنزيل البارت توه فتح معايه المتصفح الحمدلله

اعتذاري مره ثانيه والي حلفو يعتزلون رواياتيه السموحه

البارت بنزله ان شالله احد واربعا محبتي للجميع

27 - 5 - 2015, 09:42 PM

السلام عليكم ورحمة الله وبركاته

الى كل الغوالي يسعدني دائما حضوركم والله لا يحرمني من هالحضور

محبتي للجميع

.
.

الجزء السادس عشر

كانت المها اتناظر فهاد وهي ماهي مستوعيه الحجي الي يقوله

فهاد:المها هو سعد متزوج؟

ناظرته:هااه وش اتقووول للا ...اشلون الولد ولد سعد اخوووي

فهاد:مدري الشيخ حماد اعترف من بعد ما واجهه رجال يدري ان الشيخ حماد ميجييب عيال وقاله وشلون انت متزوج وحرمتك حامل ومن عقبها قال

انه سعد ارسلها عنده لجل يحميها

مسكت المها راسها:يا ويييييلي هذا كلااام كبير يا فهااااد

فهاد:يمكن انه مهتويها

ناظرته بغضب:وش الي قاعد تقوله سعد رجال ومهو راعي السوالف ذي

فهاد:يكون تزوجها بالسر

المها:مدري مدري...حنا لزوووم نكلم الحرمه وندري وش السالفه

بعدها ابتسمت المها:فهاد على اني مدري وشلون هي السالفه الا اني احس بقليبي طاير

مسكت يده وحطتها قريب قليبها:يكووون عندي ولد اخو وانا مدري عنه حس بقليبي وشلوون يرفرف

غمض فهاد عيونه المجنونه وش قاعده تسوي

المها:فهاااد ارجاااك ودي اشوووف الحرمه

تمالك فهاد حاله وسحب يده من بعد ماتركتها:احمم الحرمه صارت اسيره عند عيال العطاوي

المها مصدومه:وش اتقووول وشلووون؟

فهاد:عيال العطاوي غزو ديرة الشيخ حماد لجل فرس اخووج المعشوقه والشيخ حماد طلع من الديره بالفرس وهم جو وخذوها اسيره عندهم لين مايغايضهم الشيخ حماد بالفرس وياخذ الحرمه

المها:الله يا خذه وشلووون يهج من الديره ويتركها لحالها...فهاد الفرس كانت مع سعد وسدحان السحومي هو سدحان وين راااح ؟ الحرمه تكون قريبه من سدحان

هزت راسها تعبانه من الي يصير:وش الي يصير يا فهاد؟

وقف فهاد وهو يناظرها:لا تاخذي هم قريب نعرف كل شي المهم نوصل للحرمه الي عند عيال العطاوي الشيخ حماد وده نكون معه بحربه ضد عيال العطاوي وعيال العطاوي من قبيلة امي الله يرحمها

انا ما ودي اخوض حرب معهم

وقفت المها:زيين وان كان سدحان السحومي هو واحدن منهم

ناظرها فهاد منصدم من كلامها

فهاد:قلتلج لاتاخذي هم ثارج راح اخذه حتى لو كان من عند عيال العطاوي...ارخصيلي هالحيين ودي اروح لمجلس الشييخ

طلع فهاد وراح ورجعت المها للمجلس الي كانت تجلس فيه الحريم وقبل لا تدخل سمعت حجي البنتين الي بالمجلس

عليا:اقول لج هو الي حجى لابوي الشيييخ وانا كنت قاعده معهم

هند:هي شرطت مايلمسها الالمن يجيب بثار اخوها انا اشهد انها مهي بصاااحيه حد يشرط على الشيييخ فهاااد

عليا:اسكتي تراااه داواااها تدري وش قال؟

هند:وش قال؟؟

عليا:قال ان شرطها راح ينفذه وباليوم الي ياخذ بثارها تراها طليقته

هند بحماااس:اي اي اي هذا هو الرجاااال انا اشهد انه رجال خلي عاد شرطها ينفعها هههههه

عليا:لو شفتيه يا هنوده وهو يقول لابوي الشيخ وشلووون رد عليها ذاك اليوم والله اني رجفت وتمنيت اني اقوم واحبه على خشمه

حست المها بالحجي الي يقولنه كاتم على صدرها اجل كذا يا فهاااد قاعد ومستمدح بالي صار بيننا باذن الله نلاقي سدحان ونخلص من السالفه ذي زيييين يا فهاااااد زييين

اعصابها انحرقت وهي تقعد معاهن وهن كل شوي تبادلن النظرات والهمسات حست ان ودها تنفجر لاكنها كتمت وعلى المسا تزينت بنت الشيخ واقنعت هند تعلل معها اليوم بمجلس الشيخ الي كان مابه حد غير الشيخ واخوه وفهاد واثنين من عيال القبيله الي هم ربع فهاد

27 - 5 - 2015, 09:42 PM

السلام عليكم ورحمة الله وبركاته

الى كل الغوالي يسعدني دائما حضوركم والله لا يحرمني من هالحضور

محبتي للجميع

.
.

الجزء السادس عشر

كانت المها اتناظر فهاد وهي ماهي مستوعيه الحجي الي يقوله

فهاد:المها هو سعد متزوج؟

ناظرته:هااه وش اتقووول للا ...اشلون الولد ولد سعد اخوووي

فهاد:مدري الشيخ حماد اعترف من بعد ما واجهه رجال يدري ان الشيخ حماد ميجييب عيال وقاله وشلون انت متزوج وحرمتك حامل ومن عقبها قال

انه سعد ارسلها عنده لجل يحميها

مسكت المها راسها:يا ويييييلي هذا كلااام كبير يا فهااااد

فهاد:يمكن انه مهتويها

ناظرته بغضب:وش الي قاعد تقوله سعد رجال ومهو راعي السوالف ذي

فهاد:يكون تزوجها بالسر

المها:مدري مدري...حنا لزوووم نكلم الحرمه وندري وش السالفه

بعدها ابتسمت المها:فهاد على اني مدري وشلون هي السالفه الا اني احس بقليبي طاير

مسكت يده وحطتها قريب قليبها:يكووون عندي ولد اخو وانا مدري عنه حس بقليبي وشلوون يرفرف

غمض فهاد عيونه المجنونه وش قاعده تسوي

المها:فهاااد ارجاااك ودي اشوووف الحرمه

تمالك فهاد حاله وسحب يده من بعد ماتركتها:احمم الحرمه صارت اسيره عند عيال العطاوي

المها مصدومه:وش اتقووول وشلووون؟

فهاد:عيال العطاوي غزو ديرة الشيخ حماد لجل فرس اخووج المعشوقه والشيخ حماد طلع من الديره بالفرس وهم جو وخذوها اسيره عندهم لين مايغايضهم الشيخ حماد بالفرس وياخذ الحرمه

المها:الله يا خذه وشلووون يهج من الديره ويتركها لحالها...فهاد الفرس كانت مع سعد وسدحان السحومي هو سدحان وين راااح ؟ الحرمه تكون قريبه من سدحان

هزت راسها تعبانه من الي يصير:وش الي يصير يا فهاد؟

وقف فهاد وهو يناظرها:لا تاخذي هم قريب نعرف كل شي المهم نوصل للحرمه الي عند عيال العطاوي الشيخ حماد وده نكون معه بحربه ضد عيال العطاوي وعيال العطاوي من قبيلة امي الله يرحمها

انا ما ودي اخوض حرب معهم

وقفت المها:زيين وان كان سدحان السحومي هو واحدن منهم

ناظرها فهاد منصدم من كلامها

فهاد:قلتلج لاتاخذي هم ثارج راح اخذه حتى لو كان من عند عيال العطاوي...ارخصيلي هالحيين ودي اروح لمجلس الشييخ

طلع فهاد وراح ورجعت المها للمجلس الي كانت تجلس فيه الحريم وقبل لا تدخل سمعت حجي البنتين الي بالمجلس

عليا:اقول لج هو الي حجى لابوي الشيييخ وانا كنت قاعده معهم

هند:هي شرطت مايلمسها الالمن يجيب بثار اخوها انا اشهد انها مهي بصاااحيه حد يشرط على الشيييخ فهاااد

عليا:اسكتي تراااه داواااها تدري وش قال؟

هند:وش قال؟؟

عليا:قال ان شرطها راح ينفذه وباليوم الي ياخذ بثارها تراها طليقته

هند بحماااس:اي اي اي هذا هو الرجاااال انا اشهد انه رجال خلي عاد شرطها ينفعها هههههه

عليا:لو شفتيه يا هنوده وهو يقول لابوي الشيخ وشلووون رد عليها ذاك اليوم والله اني رجفت وتمنيت اني اقوم واحبه على خشمه

حست المها بالحجي الي يقولنه كاتم على صدرها اجل كذا يا فهاااد قاعد ومستمدح بالي صار بيننا باذن الله نلاقي سدحان ونخلص من السالفه ذي زيييين يا فهاااااد زييين

اعصابها انحرقت وهي تقعد معاهن وهن كل شوي تبادلن النظرات والهمسات حست ان ودها تنفجر لاكنها كتمت وعلى المسا تزينت بنت الشيخ واقنعت هند تعلل معها اليوم بمجلس الشيخ الي كان مابه حد غير الشيخ واخوه وفهاد واثنين من عيال القبيله الي هم ربع فهاد

27 - 5 - 2015, 09:48 PM

قبل الساعات الاولى من الصباح جلس ليث قريب من البدور النايمه واخذ يناظرها وناظر حوله وشاف ان الكل نايم

همس قريب من اذنها:البدوور ياالبدوور

حركت اجفونها بشوي اشوي وفتحت عيونها تناظر من جنبها واول ما شافته جلست بسرعه

ليث:اششششش هذا انا

ناظرته بتوتر وكان قريب حيييل منها

البدور بهمس:وش اترييد؟

طلع ليث الطاسه الصغيره وفيها الحليب

ليث:حليب النوق مثل ماتريدي

ارتجفت من الي يسويه واخذت تناظره

ليث وهو جالس قريب منها يناظرها ويده الثانيه تلعب بخصايل شعرها:ما ودج الحليب

البدور بهمس:للا ما ودي

ليث ونظراته اربكتها:ذوقيه والله انه من خيار النووق

البدور وهي تحس بعبره تخنقها:ليييه تسوي كذا؟؟

ليث وهو يحاول يكون معها جدي:انتي تريدي من حليب النوق ولزوووم تشربي لجل تكون صحتك زينه ترا ورانا دروب لزوم نقطعها وشلوون ودج تقطعيها وانتي بالحال ذا

ناظرته وهي تحاول ان دمعتها ماتنزل:ما ودي اقطعها معك

ليث وهو يسحب نفسه:زييين اشربي الحليب

بيد ترجف مسكت الطاسه وهو كان ماسك فيها وقربتها من فمها وبدت ترشف منها

ومن حلات الحليب شربت الطاسه كلها وليث ابتسامته تتسع

ليث:تريدي بعد؟

هزت راسها بنعم وقام بسرعه وزاد الطاسه حليب رجع وقعد قريب منها اكثر وهو يساعدها تشرب الحليب شربت نصف الطاسه

وشهقت وهي تحس برفسه قويه ببطنها حطت يدها على بطينها وناظر ليث لبطنها وابتسم

ليث:يا ويييييلي وكاد انه انتعش يوم جااه الحليب

غصبا عنها ضحكت لكلامه وحس ليث بقلبه يطييير من الوناااسه وهو يشوفها تضحك

الرفساات زادت حطت يدها على بطينها وكتمت ضحكتها:الله ياااخذك بس

ليث منصدم:ليييييه لييه تدعي عليييه هو وش سوااابج

ناظرته وهي ساكته

مد يده وحطها على بطينها:وكاد انه ايريد من الحليب ازود

ابتسم ليث اول ماحس بالرفسه

ليث:يا رجااال اهدا هالحييين اخليها تشرب الي بقي من الحليب

كانت ادموعها تنزل بغزاره ناظرها وتعجب من حالها:ما ودج تشربي الحليب له؟

البدور وهي تحط ايديها على وجهها وتنتحب:انت وش ترييييد مني اتركني بحاااالي

قام ليث وهو متضايق من حالها الي تبدل فجئه وطلع من المغاره

بعد ما بكت وهديت حطت راسها وهي تفكر يكوون حاسس انه ابووه بس اشلوون لزوووم مايدري

27 - 5 - 2015, 10:01 PM

ام شوق:يا شووق يا شوووق قومي يا بنيتي ودنا نرحل جنب ديرت ابوي عمتي صيته مريضه وودي ارووح لها

شوق وهي تقلب بفراشها وكانت طول الليل صاحيه مانامت:ارجاااج يمه ترا انا عيني ماغمضت الا هالحييين

حاولت ام شوق مع شوق تقوم لين مازهبو كل شي وهي بعدها نايمه وشوق ماسمعت امها يوم قالت لها انها من بعد ماتصحى تروح وتجلس ببيت العمه ولا عند ابوها ابو طايل الشيخ

طلعت ام شوق ورجلها طايل وتوكلو لديرة عربانهم من غير مايدري حد ان شوق ظلت بالديره

واول ماقامت شوق ما كانت مقتنعه ان امها وابوها راحو وتركوها ويريدوني اقعد عند العمه والله ان امي مهي بصاحيه

ظلت بالبيت لين ماقررت تطلع بالفرس والشيخ طايل ابوها يوم راح يدور قماد لجل يعتذر منه مالقاه

ظلت شوق على الفرس رايحه وجايه لين مالمحت من بعيد فارس على ظهر فرس كانت مستغربه من حركاته على ظهر الفرس ترددت بالبدايه انها تروح له وهو كل ماشافها تقرب ناحيته يبتعد اكثر لين ما صابها الفضول وظلت تتبعه اكثر ويوم شافت انها بعدت كثير

قررت انها ترجع للديره وهي ناويه ترجع سمعت صوت الفارس ينادي بصوت عاااالي

قماااد:يااااااااااااااعممممممممتيييييييييي هذا انا قماااااااااد الرااااااااااعي

التفتت شوق بالفرس وهي تناظره ولوح لها بيده وهو رايح الا ان فضول شوق صار اكبر وقررت انها تلحقه

ابتسم قماد وهو يشوفها تلحقه وزاد من سرعته وش اتريييد اتسوي فيييني البنت ذي

التعب هد حيلها ووقفت بالفرس والتفتت وراها وش الي يصير انا وش اريييد منه الحقه ووين انا انا اشهد انه خسيييس

لفت بالفرس اترييد ترجع وماعرفت من وييين هي جت

شوق:الله ياخذه انا وييين هالحييين؟

وناظرت اتدور له على اثر وماشااافته

شوق:وش الي قااااعد ايصيييرلي وشلوون انا تبعته وليييه ؟!!!؟؟الله ياخذه

صرخت فجئه شوق وهي تسمع طلق البارود وارتجفت حييييل وهي تشوف الفرس الي هي فوقها تطيح وتطيحها على الارض الفرس انصابت بطلق البارود

كانت فاتحه عيونها وماهي متخيله الي يصير حواليها

شوق:يا ويييييييلي وش الي قاعد ايصييير؟

ابتعدت شوق عن الفرس الي كانت ترجف قبل لاتودع الحياه التفتت ليها تناظرها وهي مصدومه ورجعت ودها تبتعد عن المكان لاكنها اصتدمت بشخص واقف قدامها وهو من غير غتره على راسه كان هو قماد الي كانت نظراته مهيب مفهومه بالبدايه حست شوق ان ودها تحتمي فييه لاكن نظرة عيونه هوبتها وظلت تناظره وهي ترجف من الخوووف

.................................................. ....

27 - 5 - 2015, 10:02 PM

كان عتاب واقف مع حارس المغاره يوصيه وش يسوي وقف ليث وراه

ليث:وش صاير يا عتاااب

التفت عتاب لليث:ودنا نهي سالفة المعشوقه ارسلت مراسيل للشيخ حماد لجل ايقايضنا بالمعشوقه

ليث:وش الي قاعد تقوله ومن ودك ترسل؟

عتاب وهو يعابل بالفرس الي قدامه:قووته قووته هي الي رااح تكون بدال حرمة الشييخ

ليث:وشلوون ترسلها انت مهب خايف لا يقتلها

عتاب بضيقه:وش اترييييدني اسوووي حنا لزوووم ننتهي من السالفه ذي لزوووم نعرف الديره الي غدرت بديرتنا وين هي والحل راح يكووون في المعشوووقه

خلا نعييش مثل باقي مخاليق ربنا ودنا ننهي الثار ونعيش بديرتنا مكرمين ومعززين ولنا طارينا ومانهاااب من حد

ليث:لا تستعجل يا خوووي كل شي بالتروي زييين وش يدريك وش راااح يسوي الشيخ حماد ان دري ان ذي مكيده

عتاب:خله يسوي الي يريده المهم المعشوقه تكون عندنا وقوته هي الي اقنعتني ارسلها تقول ان الامر بسيط تراها داهيه وانحذفت علينا خلنا نستفييد منها

طلعت قوت الي لفت عليها عباه كبيره تسترها بالكامل:اني جاااهزه يا عتاااب

ليث:انتي انجنيتي

قوته:تر الامر بسيط يا خوووي وانت راح اتشوووف قوته وش راااح تسوي

ليث وهو يفكر"رميتي حالج وسط عيال العطاوي وماغلبج هذا الشي وكاد ان الامر عندج بسيط

نادى عتاب الحارس لجل يمشي معه

ليث:ما ودك اكون معكم

عتاب:للا خلك انت اهنيا مع حرمة الشييخ وتر قماد ارسل انه اليوم جاي وانا باذن الله استلم المعشوقه واعاود

ليث:انتبه يا خوووي يا عتاااب وانتبه لاتكووون مكيده بعد من الشييخ حماد

عتاب:لا تااخذ هم يا خوووي وانتبه انت على حالك

طلع عتاب وقوت والحارس متجهين للمكان الي تواعد فيه مع الشيخ حماد للاستلام

كان يناظر قوته الي كان مبين عليها ان الامر عااادي "وش الحرمه ذي معقوووله انها مهب خااايفه ولا هي كذا ماتدري وين الله حاطها

رجع ليث للمغاره وانصدم انه ماشاف البدور بمكانها ركض بسرعه لهناااك

ليث:البدووور ...البدووور

البدور:انا اهنيا

التفت عليها بسرعه:انتي وييين كنتي

مشت البدور وهي ترمي بالملابس الي بيدها للطرف

البدور:كنت اغير ملابسي

وناظرت للملابس الي هي لابستها

البدور:الملابس ذي كثييير كاتمه علي

كان يناظرها ومنتعش من شوفها والثوب عليها ضيق

البدور:انت ليييه تناظرني كذا

قرب منها ولف حولينها

وبعدها جثى قدامها ومسك طرف الثوب:ودج اياني اشقه لجل يستاسع

خطت خطوه لورا بسرعه وهي تشد الثووب:للا

ظلت تناظره ابتسم وقام واقف:وش فيييج ودي اوسع عليييج

البدور:ما ودي ...كذا زييين

مشت عنه وراحت للطرف الي تجلس فيه دووم واول ماقعدت تضايقت من الثوب الي عليها ورجعت توقف

قرب منها ليث ومسك ايديها ووثقهن برباط وهي تصرخ عليه لجل يتركها وخايفه من الي وده يسويه

27 - 5 - 2015, 10:03 PM

كان عتاب واقف مع حارس المغاره يوصيه وش يسوي وقف ليث وراه

ليث:وش صاير يا عتاااب

التفت عتاب لليث:ودنا نهي سالفة المعشوقه ارسلت مراسيل للشيخ حماد لجل ايقايضنا بالمعشوقه

ليث:وش الي قاعد تقوله ومن ودك ترسل؟

عتاب وهو يعابل بالفرس الي قدامه:قووته قووته هي الي رااح تكون بدال حرمة الشييخ

ليث:وشلوون ترسلها انت مهب خايف لا يقتلها

عتاب بضيقه:وش اترييييدني اسوووي حنا لزوووم ننتهي من السالفه ذي لزوووم نعرف الديره الي غدرت بديرتنا وين هي والحل راح يكووون في المعشوووقه

خلا نعييش مثل باقي مخاليق ربنا ودنا ننهي الثار ونعيش بديرتنا مكرمين ومعززين ولنا طارينا ومانهاااب من حد

ليث:لا تستعجل يا خوووي كل شي بالتروي زييين وش يدريك وش راااح يسوي الشيخ حماد ان دري ان ذي مكيده

عتاب:خله يسوي الي يريده المهم المعشوقه تكون عندنا وقوته هي الي اقنعتني ارسلها تقول ان الامر بسيط تراها داهيه وانحذفت علينا خلنا نستفييد منها

طلعت قوت الي لفت عليها عباه كبيره تسترها بالكامل:اني جاااهزه يا عتاااب

ليث:انتي انجنيتي

قوته:تر الامر بسيط يا خوووي وانت راح اتشوووف قوته وش راااح تسوي

ليث وهو يفكر"رميتي حالج وسط عيال العطاوي وماغلبج هذا الشي وكاد ان الامر عندج بسيط

نادى عتاب الحارس لجل يمشي معه

ليث:ما ودك اكون معكم

عتاب:للا خلك انت اهنيا مع حرمة الشييخ وتر قماد ارسل انه اليوم جاي وانا باذن الله استلم المعشوقه واعاود

ليث:انتبه يا خوووي يا عتاااب وانتبه لاتكووون مكيده بعد من الشييخ حماد

عتاب:لا تااخذ هم يا خوووي وانتبه انت على حالك

طلع عتاب وقوت والحارس متجهين للمكان الي تواعد فيه مع الشيخ حماد للاستلام

كان يناظر قوته الي كان مبين عليها ان الامر عااادي "وش الحرمه ذي معقوووله انها مهب خااايفه ولا هي كذا ماتدري وين الله حاطها

رجع ليث للمغاره وانصدم انه ماشاف البدور بمكانها ركض بسرعه لهناااك

ليث:البدووور ...البدووور

البدور:انا اهنيا

التفت عليها بسرعه:انتي وييين كنتي

مشت البدور وهي ترمي بالملابس الي بيدها للطرف

البدور:كنت اغير ملابسي

وناظرت للملابس الي هي لابستها

البدور:الملابس ذي كثييير كاتمه علي

كان يناظرها ومنتعش من شوفها والثوب عليها ضيق

البدور:انت ليييه تناظرني كذا

قرب منها ولف حولينها

وبعدها جثى قدامها ومسك طرف الثوب:ودج اياني اشقه لجل يستاسع

خطت خطوه لورا بسرعه وهي تشد الثووب:للا

ظلت تناظره ابتسم وقام واقف:وش فيييج ودي اوسع عليييج

البدور:ما ودي ...كذا زييين

مشت عنه وراحت للطرف الي تجلس فيه دووم واول ماقعدت تضايقت من الثوب الي عليها ورجعت توقف

قرب منها ليث ومسك ايديها ووثقهن برباط وهي تصرخ عليه لجل يتركها وخايفه من الي وده يسويه

المواضيع المتشابهه لموضوع: رواية فرسان على جمر الغضى للكاتبة وديمة العطاء لموضوع: رواية فرسان على جمر الغضى للكاتبة وديمة العطاء
الموضوع	كاتب الموضوع	المنتدى	مشاركات	آخر مشاركة
رواية ليل لا ينتهي للكاتبة جاثا كريستي	همس الشوق	همس أجاثا كريستي	2	26 - 1 - 2024 10:12 AM
رواية بين ضلع و بين روح للكاتبة ريم سليمان	همسه الشوق	همس للقصص وحكايات وروايات	71	7 - 2 - 2022 02:27 AM
رواية الجوهرة للكاتبة علياء الكاظمي	همسه الشوق	قسـم البحوث والكتب العلميه او التعليميه	2	10 - 8 - 2021 04:58 AM
رواية-وتمضي الحياة-للكاتبة منار	الحب ياسمين	همس للقصص وحكايات وروايات	5	4 - 4 - 2019 10:12 AM
رواية رجفة قلوب اسود الصحراء للكاتبة وديمة العطا	سجات التهاويل	همس للقصص وحكايات وروايات	38	8 - 6 - 2018 12:57 PM

الذين يشاهدون محتوى الموضوع الآن : 4 ( الأعضاء 0 والزوار 4)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية فرسان على جمر الغضى للكاتبة وديمة العطاء

همس للقصص وحكايات وروايات