رواية العابث ال خير في هذا الزمان

11 - 11 - 2020, 10:46 PM

البارت 66

في الفندق ..
فتحت عيونها ببطء وتنهدت بضيق : افففف ي ظهري
جلست وهي تكشر :حسبي الله
ارتجفت من حست ببروده الارض وهواء يدخل عليها
رفعت راسها للشباك كان واقف عنده ومتكتف يناظرها
بلعت ريقها بربكة وأخذت نفس : خير !!! وش موقفك هنا مافيه حقوق للنائم !!!!
ابتسم بسخريه : قومي قفلي الباب بطلع
فزت واقفه وشهقت بوجع من رجلها
قرب لها : متأكده مو محتاجه مستشفى !
ريتان بضحكة : من متى الاهتمام
هز راسه بالنفي : لا تفهمين خطأ انا ما ابغى اضيف عاهه لحياتي يكفيني اللي عندي
ريتان ببرود : ما ابغى منك شيء فارق
ابتسم بجمود وطلع
انكتمت انفاسها لثواني ومشت وراه تقفل الباب
خرج وقفلته ووقفت بصمت تتأمل المكان
شقه هادئه بألوان فاتحة منعشة تثير الامل بالحياه
رجعت للغرفه اللي تسكنها كانت فارغه من الاثاث الا فرشه صغيره
سحبتها من الصاله في الليل لاجل تنام عليها
رمشت بلا أستيعاب توها تنتبه لوجود فروة رائد يعني جاء وغطاني !!!!
غمضت بقوه وهي تحس
بقهر من تصرفاته اهتمامه الغير مقبول وتجنبه لها يحاول يبين لها انها مو له حركاته وكلامه اخوان ماكأنها زوجته !! معقوله يخبي شيء ؟
فيه حلقه مفقوده بالموضوع
صرخت بقهر وهي تكاد
تُجن وش اللي صاير اهتم او ما اهتم وش دخلني ؟!!! احس انه منكتم ولا جاء حولي ولا قرب مني ..

عند رائد بعد خروجه من الفندق اتجه للصيدليه اخذ ادوات اسعاف اوليـه كامله
واخذ معقم ومرهم وخرج
ليتجة لكوفي قريب من الفندق وياخذ كوفي ودونات بالسكر .
رجع للفندق ورن الجرس
تأخرت مافتحت له رن الجرس مره ثانيه وثالثه
واخيراً انفتح الباب
وظهرت مقابله بتنوره جلد لفوق وقميص اسود ناعم وبوت بُني أنيق
شعرها الكيرلي يتناثر على كتفيها
لينتبه رائد لـ شيء نعومة شعرها الى الاذن وتحت الاذن يبدأ يتلفلف
ويظهر الكيرلي
عقد حواجبه بتفكير وهو يتأملها بتدقيق
صصدت عنه تاركته عند الباب ودخلت
للصاله
قفل الباب وتبعها وهو يتكلم بثقه : تصدقين !!
شعرك ناعم لكن لو قصير كان اجمل
ريتان بنص عين : مااحد طلب رائيك
توسعت عيونه بصدمه
فعلاً " الجبهه طارت "
عض شفته بقهر وفجاءه ابتسم ولا رد عليهاا
وهو يجلس جنبها وينزل الاغراض ويفتح شنطة الاسعافات الاوليه
التفتت له وببطء همست : وشو له جبتها !
رائد بسرعه : مالك دخل
ضحكت ولاول مره ليرتفع صدى ضحكتها المبحوحه : تحاول تردها لي !!! عادي اصلاً ما أثرت فيني
رائد مارد
رفعت راسها تناظره وتجمدت من انتبهت لعيونه اللي مثبته عليها
كشرت وصد عنها
ريتان : ابي اروح لخالتي
رائد : عندك احد بالرياض !!!
ريتان : ايه خالتي
رائد : طيب بوديك بس بشرط
ريتان رفعت حاجبها : اللي هو !!!
رائد التفت لها وابتسم
ارتبكت وتجمدت ملامحها : وش ! تكلم
رائد قرب راسه لها وبهمس في اذنها : تبطلين لقافه وماتفتشين في اغراضي مره ثانيه .
ريتان ارتجفت من همسه وابتعد عنها
وغمز بعينه اليسرى : اتوقع فاهمه
ريتان ارتبكت : مافتشت
وقفت ومشت لغرفتها وتقفلت ..

11 - 11 - 2020, 10:56 PM

البارت 67

رائــد وقف ومشى وراها بعناد اشبه بشاب مراهق
دق الباب وردت بحده : روح لا اشوفك عندي
رائد تنهد وفتح الباب ودخل
ريتان بقهر وهي متربعه ع الارض : نعم !!!
رائد ابتم : بنتكلم. شوي بس
ريتان سكتت واشرت له بكبرياء بيدها اليسار بمعنى " بسرعه "
قرب لها ووجلس مقابلها
شهقت بقوه وهي تفز واقفه : خير !!!!! تكلم وانت واقف وانقلع برا ترى نايمه ع الارض
وبرد وظهري تكسر
وانت على السرير ومريح ي الاخو رائد بدهشه : بسم الله وش سويت الحين اجلسي نتكلم
ريتان تكتفت : اسمعك من هنا
رائد بهدوء : شوفي نعقد اتفاق هدنه وسلام مو كثير لمدة ثلاث شهور
بس
ريتان التفت له بسرعه : وبعدها !
رائد سكت مااسعفه عقله برد مناسب ! وش يقول بيجي رامز وهو متعافي وياخذك !!!
ريتان بتوجس : بتطلقني !!
رائد هز راسه بـ نعم
ريتان ابتسمت وهي تهمس : الحمدلله
رائد رفع راسه لها : هاه ! وش قلتي
ريتان ابتسمت : هدنه لا اعرفك ولا تعرفني
رائد بنص عين : تنظفين وتطبخين وانا اوفر لك اللي تبين حياتنا ممكن تقولين منفعه مشتركة
ريتان بشك : وليش ثلاث شهور بالضبط ؟!!!
رائد : لاني مضطر ابقى بالرياض هالفتره
وماعندي احد وبنفس الوقت صعبه ارجعك
الان وتوك متزوجة وش بيقولون عنك مابي اشوه سمعتك ابيك ترجعين لهم معززه مكرمه وعلى انه بينا خلاف وسوء فهم انتهينا
ريتان بأقتناع تنهدت : طيب
رائد مد كفه له : موافقه !
ريتان هزت راسها بالايجاب : موافقه .
مدت كفها وصافحته جاهله انها رمت نفسها بالنـار .

خارج الرياض
تحديداً عند ابطالنا المسافرين
وصلوا ختام وخالد لمطار جده وجلسوا ينتظرون رحلتهم لـ لوس انجلوس
المستغرقه ظ،ظ¦ ساعه و ظ¥ظ¥ دقيقه دون توقف
نظرات ختام وابتسامتها كانت كافيه ان توتر خالد
تنهد بضيق والتفت لها : اروح اجيب شيء لك مويه او اكل !
ختام رمشت ببطء وابتسمت بنعومه :
لا فديتك شكراً
خالد بلع ريقه بربكه وصد وهو يهز رجله ويحاول يصرف نظره عنه
ختام مدت ايدها ومسكت ركبته : خلاص اتوترت انا
خالد التفت لها وهز راسه بهدوء : طيب
تبتسمت له : شفيك ! عادي ترى
خالد وكأنه تذكر شيء : عمك يعرف بموضوع السفر !!!
ختام بلا مبالاه : ايه وقلت له انك معي
خالد شهق : ايشششش
ختام : عاااااادي
خالد غمض بقوه يضبط اعصابه : كل شيء عندك عادي ي ليت
الدنيا كلها كذا عادي
ضحكت ختام وبرقه همست : بس مو كل الدنيا يعني انت مو عادي
خالد تجمدت ملامحه وعيونه بعيونها " وخالق عيونك انتي اللي مو بـ عاديه "
نزل عيونه بسرعه وهو واضح عليه الربكة والاحراج
ختام جمعت شفايفها بملل وهي تدندن بأغنيه محببه لها
وخالد ساكت يسمع لها ويراسل
بُشرى يبي يشوف احوال اهله
ابتسم وهو يقرأ ردود بُشرى عليه
( هلا بالحبيب )
( هلا هلا )
ضحك من حس انه انكشف صدق قدام اختـه
ختام بغيره جمدت ملامحها وهي تنتظره
يقولها وش يطالع فيه
ما انتبه لها يكتب ويبتسم ويعض شفته
ختام مسكت ذراعه وبسرعه رفع راسه
: نعم !
ختام بأنفاس شبه متسارعه : من تراسل
ابتسم لها بحنيه وهو مستغرب شفيها اليوم !؟ : اراسل بُشرى
ختام ابتسمت : ايه طيب سلم لي عليها
خالد هز راسه : طيب
استوعب الموضوع ورفع راسه لها لثواني
وهو ماسسك ضحكته تبيني اقول لـ بُشرى
عشان صدق تلقى علي زله
ارتفع صوت الاعلان عن رحلتهم في المطار
ووقف خالد وقفل جواله : يلا ختام
ختام بحماس اخذت شنطتها الصغيره
: يلا

11 - 11 - 2020, 11:01 PM

البارت 68

بعد صلاة المغرب خرجت من غرفتها
وهي تحس بأرهاق بعد ترتيب ملابسها وتنظيف غرفتها الحاليه
دخل رائد للصاله وشافها : اوديك لخالتك !
عقدت حواجبها : لا مالي خلق اليوم
رائد : تمام
صد واتجه للكنب جلس واخذ الريموت يقلب بالقنوات
تنهدت ريتان واتجهت للمطبخ تحس بجوع وماتبي اكل من برا
نفسيتها حالياً محتاجه اكلها هي ومن يدها
سوت قهوه وبدت تجهز حلا بسيط تاكله مع القهوه
تذكرت اتفاقها هي ورائد
شاكه ان وراه شيء مايعاملها كأن
اخوها قتل اخوه بالعكس
كأنها بتقدم له مكافأه او شيء ثمين جمعت شفايفها بسخريه مصير الوقت يكشفه !
فتحت الثلاجه ودخلت الحلى وطلعت
من المطبخ وهي تمسح كفوفها : فيه اشياء كثيره ناقصه بالمطبخ
رائد : والمطلوب ؟ اكتبيها وارسليها
ريتان ابتسمت : ماعندي رقمك
رائد بدون مايناظرها اخذ جواله ومده لها : سجلي رقمك ودقي رنه
ريتان اخذته من عنده
وانتبهت لشعار رساله وهي تكتب رقمها
" متى بتجيء إيطاليا !!! اشتقت "
طارت عيونها بصدمه
ورفعت راسها تناظره بدون ماتكمل
الرقم او حتى تستوعب الرساله
رائد ناظرها : هاه ! خلصتي
ريتان بلعت ريقها بربكة وسجلته
بأسم " ريتان " ودقت رنه واعطته
اخذه منها ونزله ع الطاوله وباله مع الفلم : فيه شوكلت جبتها جيبيها لي
ريتان مشت للمطبخ وبالها مو معها اخذت كوب مويه ورجعت له : خذ
مسكه وناظرها لثواني ورفع كفه اليسار قريب من راسه واشر بمعنى
" في عقلك شيء "
رمشت ببطء وهي مفهيه
رائد صرخ فيها : ريتان
فزت وكشرت بقهر : خير ؟ اصغر عيالك تصرخ علي
رائد : وشو له مفهيه ادري اني حلو بس جيبي الشوكلت بسرعه
ريتان تأففت : اعوذ
قاطعها بتذكير : اتفاقنا
ريتان سكتت ومشت للمطبخ تجيب الشوكلت .

خالد وختام ركبوا للطائره وجلسوا بمكانهم في الدرجة الاولى
وربطوا حزام الامان
التفت ختام له : متحمسه
خالد ابتسم بلا اهتمام :احس عادي
ختام بفرحه ضحكت
خالد سكت وهو يتأمل المكان يحس ان ماله حق يجلس هنا هذا لناس اكبر بكثير منه بـ المستوى الاجتماعي والمادي
تنهد ببطء وهو يسمع الدعاء يرتفع صوته
"” بسم الله ، الحمد لله ، سبحان الذي سخر لنا
هذا وما كنا له مقرنين وأنا إلى ربنا لمنقلبون ” بالطائره وختام تعض شفتها بضحكة تحس
بفرحه عظيمه تجتاح قلبها خالد جنبها وبيروح معها من حقها تفرح
عكس مشاعر خالد الملخبطه معقد حواجبه ومرتبك اول مره يسافر خارج المملكة
واول مره يجلس بالدرجة الاولى بالطائره
واول مره يروح مع بنت ماتحل له مو من محارمه
والادهى من هذا كله مو دافع ولا ريال
كمية شعوره بالضيقه واحساسه انه يعيش على حسابها او بالاصح
يستغلها تقهره صح انه ماسوى شيء خطأ ، لكن يحز بخاطره ان ختام هي اللي تدفع وتقدم له كل شيء وهو واقف مكتف ايدينه .
ختام غمضت بقوه وهي تكتم انفاسها تكره وقت الاقلاع يتعبها بشكل
انتبه لها خالد وهمس : فيك شيء !
ضربت براسها المقعد خلفها وماردت
مسك ضحكته من شكلها
ختام بنبره مهزوزه واسنانها تضرب
في بعض : ممـ...ـا فينـ...ـني شـ...ـيء
خالد رجع راسه ع وراء وهو كاتم ضحكته بالقوه مايبي يوترها اكثر ..

11 - 11 - 2020, 11:03 PM

البارت 69

في الفندق ..

رائد يكمل بعض الاوراق
وريتان جالسه مقابله تاكل حلى وتتقهوى وبيدها جوالها وبالها مع رائد تحس بنظراته اللي ترتفع لها وتنزل بسرعه
يبي يقول شيء من ساعه لكن متردد
نزلت جوالها وقفلته
ورفعت كوب القهوه تاخذ رشفه
رائد رفع راسه لها وهو يناظرها بنظرات طويله
رجع ينزل نظراته وهو مقرر يترك اللي بباله دون مايفتح الموضوع
مع ريتان
ريتان بنص عين : عندك شيء قوله بدون النظرات هذي اللي مالها معنى
ابتسم بجمود ومارد
ريتان بفضول : هاه ترى اسمعك ! مو كل شوي بسأل .
رائد رفع راسه وهو يقفل الملف المقابل له : كنت مقرر على شيء وهونت
ريتان رفعت حاجب : وشو ؟
رائد هز راسه بالنفي : لا لا هونت
ريتان بقهر : ايه هونت خلاص بس وش
رائد وعيونه بعيونها : عندي سفره ومدري اخذك معي او لا ؟
ريتان طرى في بالها الرساله اللي قرتها
ردت عليه بتمثيل يخالطه خبث : وين لا يكون ايطاليا ؟ او وين
رائد رفع حاجب وابتسم : ايه وش دراك بإيطاليا
ريتان ببراءه : فيه احد مايعرفها !!
رائد تنهد : لا مو ايطاليا
ريتان ارتاحت رغم ان فضولها ماطفى
رائد : هاه ! اوديك عند خالتك او تروحي معي !
ريتان : ليش خالتي ؟ ودني لاهلي
رائد : لا تبوك لا بس اذا تبين هنا عندك احد بالرياض عاد بكيفك
ريتان جمعت شفايفها : طيب بروح لخالتي
رائد بنص عين : مصدقه اني باخذ رائيك
ريتان تجمدت ملامحها
رائد ضحك بسخريه : قومي جمعي اغراضك
بكره رحلتنا
وقف وهو يضحك وطلع
من الجناح
وريتان مصدومه منه وتسبه .

في تبوك ..
عند اهل ريتان ..
ام ريتان جالسه بالصاله ومعها جارتها ام سعاد .. يسولفون شوي ويضحكون
وروز بالمطبخ تجهز العشاء والبنات الباقين يذاكرون
ام ريتان بتفكير : اقول ي نوره بنتك سعاد ماجاء لها احد شوفي رتيل ماشاء الله متزوجه وحامل وهي صديقتها
وريتان بنتي متزوجه وهي اصغر منها هي بنتك فيها شيء ؟
ام سعاد بقهر : لا مافيها شيء لكن مابعد جاء نصيبها
ام ريتان بضحكة : ومتى بيجي لا صارت عجوز
ام سعاد ناظرتها بصدمه : علامك ي ساره هذا كلام تقولينه لي ترى سعاد بنتي وما ارضى عليها
ام ريتان ابتسمت : وانا وش قلت ؟ الصدق بس وش فيك عصبتي وضاق عليك البيت فلي حجاجك واضحكي اعتبريني ماقلت شيء
ام سعاد بسخريه ومن قهرها : اصلاً بتكون تزوجت سعاد لكن ترفض
من يجيها ماهي ميته ع الزواج ومرتاحه ببيت ابوها هذا اولاً
ثانياً اسالي ولدك عُمر كم مره جاء ورديته
ماتبيه بنتي ولا هي راضيه فيه
ابتسمت وهي تضحك :
اساليه اسالي ولدك
وقفت ولبست عبايتها : مع السلامه ي ام عمر .
طلعت بسرعه وقابلتها روز : العشاء ي خاله جهز
ام سعاد بغضب : عشي امك شكلها من الجوع ماتدري وش تقول
طلعت من البيت وروز دخلت عند امها : شفيها خالتي نوره ؟
ام ريتان مصدومه من اللي سمعت رفعت راسها لروز : اعطيني جوالي
روز بلعت ريقها بربكة وركضت للغرفه تجيبه شكله صاير مصيبه بينهم بس امي بتدق على من !! تطلب
الفزعه من من !!! مسكت ضحكتها ورجعت لامها بالجوال
ياشين الكبار اذا تزاعلوا
جلست عند امها وهي تدق ثواني وسمعتها : هلا عُمر وينك !!
عُمر : في الشقه ليه ؟ عسى ماشر يمه
ام ريتان بقهر : انت خطبت سعاد ؟
روز شهقت
وعُمر وقف من الصدمه : هاه !!!
ام ريتان بحده : تكلم علمني
عُمر تمتم بصوت منخفض وسكت مارد كيف عرفت !

11 - 11 - 2020, 11:07 PM

البارت 70

ام ريتان بحده ؛ رُد علمني
عُمر : يمه من وين جبتي هالكلام ؟
ام ريتان بضحكة : تكذب نوره صح تبي تصرفني يوم قلت ان بنتها ما اعرست دريت انها عانس م احد يبيها المدلعه
ماتعرف لا ترتب ولا تنظف ولا شيء امها معلمه وعندها شغاله تركت بنتها معها ايه تربية شغاله حتى الكلام ماتعرف تنطقه ويقولون دلع لابالله الا قلة سنع
عُمر : يمه خلاص الله يهديك مايصلح هالكلام
ام ريتان وهي تحس بنشوة الانتصار : المهم ان نوره تكذب والله ان اعلم حريم الحاره انها ترمي بنتها علي تبيني ازوجها لك لكــن والله
قاطعها عُمر بسرعه : لا تحلفين يمه
ام ريتان تجمدت ملامحها : وشش
عُمر بثبات : ايه انا خطبت سعاد ورفضت
امها وردتني ورجعت خطبتها ورفضت امها وبرجع اخطبها مره ومرتين وثلاث البنت ابيها وخاطري فيها من زمان
ام ريتان بصراخ : عُممممر وش هالكلام سحرتك نوير وبنتها ام كشه من حلاتها عاد بزوجك اللي افضل منها
بمليون مره ولا اسمع هالكلام مره ثانيه ولا تهين نفسك عندهم
صدقني لو تكرر هالشيء ان يحرم عليك رضاي ليوم الدين
قفلت بوجهه وهي تتنفس بقهر
وروز مصدومه عُمر يبي سعاد !!
التفتت للباب كانت رُبى ورودينا واقفين بصدمه من اللي سمعوا صوت امهم العالي كان سبب في جيتهم
ام ريتان ضربت كفوفها ببعض : انا انا تضحك على ولدي وحيدي
سعادوه من زينها وجمالها
مابه شيء انا ما اشوف شيء وش اللي شافه عُمر واعجبه فيها
روز مسكت ضحكتها وهي تهمس في نفسها :
الحين سعاد اللي بياضها يتكلمون فيه الناس وشعرها الاسود اللي
كانه مصبوغ من شدة لونه الداكن
عيونها المحدده بالسواد ورموشها الطويله
مو حلوه ؟!! حرام عليك يمه
وقفت وطلعت تاركه امها عشان
ماتعصب عليها
ورُبى اشرت لها : تعالي
مشت معها لغرفتهم تقولها السالفه .

بعد ساعات .. الساعه الان الثانيه صباحاً
فالطائره مر عليهم
اربع ساعات ووقت الرحله كامله مايقارب ظ،ظ¦ ساعه
خالد نايم وختام تتصفح مجله وشبه نعسانه ..

فالرياض " الفندق تحديداً "

ريتان عاندت ومارتبت ولاشيء ومقرره تتجاهله وتطنش اوامره
قال هدنه ونصير اصدقاء فجاءه يقلب علي ومايترك لي رأي حتى !

_
في مكان اخر بالقرب من ريتان تحديداً شقة عُمر ماهداء ومازاره النوم بعد مكالمة امه
وش ذنب سعاد ؟!! معقوله الوحده
اذا رفضت تشتغل او قالت م اعرف تدرج تحت قائمة الفاشله !!
واذا تأخر نصيبها تدرج تحت مسمى عانس
فعلاً عقول البشر ناقصه !!!!

في الشركه مازال رائد يكمل بعض الاعمال غداً موعد رحلته هو وريتان ، قبل دقائق تفضل عليه
صديقه معاذ بنصيحه " هدي شوي مع زوجتك حتى ولو ماتبي تكمل
مايصير كذا حاول تكسبها وتخليها بصفك وتحت امرك ومتى تدري انك كسبتها !!!
اذا ابتسمت لك من قلب بدون حقد ولا سخريه تأكد انها مالها غير رائيك لانها وثقت فيك "
_

خارج الرياض في تبوك ..
نوم هانئ لـ روز والبنات
اما ام ريتان تفكير مطول في طريقه تخرج سعاد من رأس عُمر وبمقوله حسمت الموضوع " مصيبه وطحت فيها لازم القى لها حل "

_

رتيل كالعاده حياه هادئه مع زوجها بدر واهله عائله تهتم ببعضها
بعيداً عن المشاكل .

_

سعاد مقابلها كوب قهوه وفلم اكشن يزين الشاشه امامها وبيدها اليمنى ريشه المناكير وتضع لاقدامها بلا اهتمام بما حدث في يومها هذا
لا تنكر انها مازالت مستغربه كم الشتائم
والغضب المحيط بوالدتها بعد قدومها من بيت ام ريتان لكن شيء طبيعي لا يوجد في العالم نساء متصالحات ..

12 - 11 - 2020, 07:43 PM

البارت 71

فتح باب الجناح ودخل
عقد حواجبه من انتبه لـ الاضاءه كلها مقفله ابتسم ببطء وهو شبه مرتاح انه ماقابلها ماله اي رغبه يشوفها
قفل الباب ونزل شماغه ع كتفه وهو يتجه لغرفته '

ريتان فتحت عيونها بشويش من سمعت صوت الباب خافت يكون احد من اللي دخلوا عليها بداية زواجها
جلست وكتمت انفاسها سمعت الباب يتقفل وهدوء ومافي اي نور
تشغل بالصاله ولا حتى الـ tv
عضت شفتها بربكه
ووقفت بعزم : ماني ضعيفه كل شوي يهجم علي احد وانا ابكي واصيح
فتحت شنطها تدور على شيء وبما ان مافيها ادراج بغرفتها باقي اكثر اغراضها فالشنط
ابتسمت وهي تطلع المبرد ووقفت وفتحت الباب وهو في كفها
اليمين ثقه جنونيه استحلتها مافي لا خوف بقلبها ولا رهبه
التفتت يمين ويسار مافي احد
اتجهت للمطبخ التحضيري وجلست
ع يمين الباب وسندت ظهرها ع الدرج تنتظر
اللي اقتحم الجناح يجي !
" فخ فاشل "

عند رائد خرج من دوره المياه" اكرم القارئ " بعد ما اخذ شور وقف مقابل التسريحه يجفف شعره طلع له بجامه
لبس البنطلون بس وترك القميص اتجه للمكيف شغله وقفل الانوار
وطلع للمطبخ ياخذ مويه
وقف ثواني من شاف غرفه ريتان مفتوحه
قرب للباب ماشافها ع السرير
والشنط مفتوحه ابتسم بسخريه رتبتها غصب عنها !
اضاءه دوره المياه أكدت له انها فيها .
ابتعد للمطبخ ووقف من حس بحركة
رجع خطوه ع وراء بشك
من اللي في باله !!
العصابه عرفوا ان رامز حي يعني ممكن يأذونه فيني !
رجع للصاله واخذ الابجوره
وقرب لباب المطبخ بخطوات حذره ..

رفع الابجوره واخذ نفس عميق
ودخل بسرعه شهق وعقد حواجبه من حس بشيء ينغرس تحت ضلوعه
عض شفته بقوه وعيونه
بعيونها متجمده ملامحها بصدمه من وجوده
انزلقت الابجوره من بين كفوفه وارتفع صوت تحطمها
انفاسه الضيقه شبه متقطعه من الوجع
لو غيرها ؟ كان كسر الابجوره ع راسه حس فيها تمسكه وتهمس : اقسم بالله ما اقصد كنت خايفه يكون احد يعني ااء
ماقدرت تكمل كلامها من شافت الدم ينزف ورائد مستند على الباب صد
وطلع وهو يمشي بشويش
وعيونه ع المبرد دخل لاعمق نقطه ماقدر يسحبه ومايظهر منه الا
جزء قليل
جلس فالصاله وهو يتنفس بصعوبه
وريتان واقفه وراه بخوف
لا يموت !!! الله يستر
رائد غمض لثواني وابتسم بوجع وفتح : اعوذ بالله وش هالقوه
اللي دخلته ؟
ريتان بنص عين : قول ماشاء الله
رائد تنهد وعض شفته
وهو يسحب المبرد وكل ماطلع شوي
شهق من الوجع و وجود ريتان قاهره يبيها تبعد ماتشوفه كذا
التفت لها وبحده : انقلعي غرفتك حسابنا بعدين
ريتان بلا شعور : ماقصدت وربي
رائد وانفاسه تضيق به : اقول روحي
صدت وبعدت عنه رايحه لغرفتها
رجع يطلع المبرد وكفوفه ترجف خوف انه ضرب بمكان يسبب
نزيف مجنونه هالبنت ؟ ماتفكر !
بس من حقها تخاف لكن انا جيت تتأكد من دخل بعدين تهجم صدق مريضه !!!
اخرجه بالكامل وحوله دم وقطع جلد رماه ع الطاوله واخذ مناديل
يمسح جرحه اللي ينزف
وهو يتوعد ريتان .

12 - 11 - 2020, 07:44 PM

البارت 72

وراه ريتان واقفه وكفوفها على فمها بصدمه من كثر الدم يارب استر كنت بقتله !!!
هزت راسها بـ لا
احسن يستاهل هو السبب اساساً جنني وزرع الخوف بقلبي وتربيت عليه وصار شيء مايهمني
رجعت بخطواتها ع وراء
وركضت لغرفتها وقفلت الباب ماتبي تشوفه ولا تسمع صوته ..

عند رائد غمض من سمع الباب تقفل يعني كانت هنا !!!
الله يعين لمتى وانا اتكلم واصيح واعيد وازيد قلت لها روحي المفروض تذلف للغرفه تجلس تناظر وراي ليش !!!
اكيد تبي تستمتع بشوفتي تعبان لكن بكره وخير ..
..

في تبوك بعد ساعه كانت سعاد لابسه جلال الصلاه وتستغفر تنتظر الاذان يرفع لاجل تصلي وتنام
اذن ووقفت وكبرت بدت في صلاتها بخشوع وذل وخضوع لله عز وجل ،
بعد دقائق انتهت وما قامت من السجاده
بقت في مكانها تستغفر
عقدت حواجبها من سمعت صوت جوالها
وقفت بسرعه وركضت ترد قبل تصحى امها
لكن انصدمت من شافت المتصل
" عُمر !!!!! "
وقفت لثواني بدهشه بدون ماترد
الله يخارجنا لايكون بيتكلم في موضوع امي وامه !!! انا مدري عن شيء من اللي اخطأ
على الثاني تنهدت وقررت ترد واللي يصير يصير
ردت وبهمس : هلا !
عُمر ببحه مهزوزه : آخبارك !
سعاد : الحمدلله تمام
عُمر تنهد تنهيده طويله
كانت سبب في تعقيدة حواجب سعاد تكلمت بشك : فيه شيء !! غريبه متصل الحين
عُمر ابتسم ببطء : داق اتطمن على المستقبل
سعاد رفعت حاجب : وش ؟ مافهمت
عُمر بجديه : اولاً ليش صاحيه
سعاد بأستغراب : كنت اصلي
عُمر ابتسم : طيب ، فاضيه ؟
سعاد تنهدت : ايه ، شعندك !
عُمر بنبره عميقه : سعاد اتذكر واحنا صغار اذا طلبتك شيء تقولين لا
ماعمرك قلتي لي ابشر او طيب لو رجعت الحين اطلبك شيء بترديني ؟
سعاد ابتسمت من تذكرته طفل صغير ويقول قومي رتبي جدولي
ضربته وبنص عين ردت عليه
انا ما اشتغل عندك "
اردفت : ابشر عُمر انت كبرت وانا كبرت
ضحكت ببحه وهي منحرجه من ماضيها
اللي مانساه : وقت اول سامحني عليه ان كان بخاطرك شيء
عُمر بنفي : لا ي ليته يرجع
سعاد عقدت حواجبها
وهي مستنكره كلامه وحركاته ولا ردت
عُمر اكمل : قد كلمت امك اكثر من مره
لكن ماترضى اوصل لك اللي في بالي وتردني خايب ماتمنيت اكلمك او
احرجك معي لكن مضطر
سعاد استغربت : وش عندك تكلم
عُمر بثقه : ابيك
سعاد رمشت ببطء وهي تعجز تستوعب كلمته
ردت بفهاوه ؛ هاه ! وش تبي ؟
عُمر بجديه وتكرار : ابيك لي على سـنة الله ورسوله '

12 - 11 - 2020, 07:45 PM

البارت 73

سعاد توسعت عيونها بدهشه ونبضات قلبها ارتفعت
عضت شفتها بقوه وهي تحس بحرارة وجهها وانفاسها ترتفع
تأخر ردها وهي اخر واحد كانت تتوقعه يكلمها بهالموضوع عُمر
ماعمرها اعتبرته الا اخو بسس
عُمر بلع ريقه بتوتر من عدم ردها : سُعاد ترى اتكلم
بكامل مداركي العقليه وبكامل وعيي لا تتوقعين اني امزح في هالموضوع
جاد جداً وواثق من كلامي
سعاد بهدوء وهي تحاول تضبط انفاسها المتسارعه : عُمر وش هالكلام اللحين وش جاب الطاري ؟ انت الحين خلص تعليمك وانا ما اتوقع اناسبك بتحصل
بنت افضل مني وقريبه لسنك وتفكيرك
عُمر بحده : لو ابي بنت ثانيه كان عرفت كيف اجيبها انا قلت ابيك
انتي
سُعاد هزت راسها بـ لا وهي محتاره
سعاد وهي تتذكر كلامه اردفت :
وش قصدك بـ انك كلمت امي قد كلمتها في هذا الموضوع ؟
عُمر ابتسم : اكلمها وتردني تقول سعاد رافضه وانا متأكد
انها ما كلمتك
سعاد تنهدت : عُمر انا مدري وش اقول بس اسفه يعني
قاطعها عُمر بحنيه : عيون عُمر انا مابي الحين إلا تفكرين بس
مابي ردك هذا اولاً
ثانياً لا ترديني ولا تكسرين خاطري
ترى شفقان عليك
سعاد توترت اكثر من كلامه : بقفل
عُمر ضحك : طيب ،
تصبحين على خير
قفلت ورمت الجوال ع اخر سريرها وكفها ع قلبها : الله عليك !

عند عُمر ...

نزل جواله مقابله وتنهد
يارب يسر الامر يارب
غمض عيونه وهو يتذكر
ملامحها وطيفها كنت أخشى ,
أخشى بشدة من إتساعك داخلي
بهذا القدر أخشى أنّ لا أقوى على
تحمل هذه الفجوة التي تسببت بها
أنّ يصبح مكانك فارغ ويتلاشى الحُب
والشعور معك فأخرجك
منها ذليلاً تذروك الرياح
كم خشيت ان يبداء البُعد مني
كم خشيت ان اتركك لغيري في
منتصف الطريق
كم خشيت ان تضحك عيناك
وتبتسم شفتيك ويعيش قلبك مع شخص
اخر تنامي بحضنه وتنهضين على
صوته تُرزقين بطفل يشبهه وياخذ
من شكلك عيناك ومن صفاتك
مرحك ! وتجهلين حُبي
لك حُبي المولود بشكل مشوهه
ثقيل الوزن على قلبي
لا يمكن ان اسمح بهذا
لله دُرك ! كيف استطعتِ ان تصلِ
الى اعلى مراتب قلبي ؟

_

فالفندق ..
انتهى رائد من تنظيف جرحه ووقف بتعب واتجه لغرفته
ينام اخذ جواله وركبه بالشاحن
والتفت لجهة السرير بيمشي له
لكن وقفه صوت جواله اللي رن
رجع له اخذه ورد وهو معقد حواجبه : هلا
ابتسم المتصل : آخبارك ؟
رائد رفع حاجب : من !
فارس بضحكة : فارس حبيت ابلغك ان العصابه عرفوا ان رامز حي
رائد ابتسم : قديمه اعطني جديدك
فارس تنهد : دوري معهم انتهى طلعت منهم سليم صح خسرت اشياء كثيره لكن اهم شيء قدرت احافظ على اهلي
رائد عقد حواجبه : وش المطلوب من اتصالك
فارس : انتبه لبناتك انا ما اذيتهم ولا قربت منهم لكن العصابه صدقني
لو طاحوا بيدهم راح يهددوك فيهم
رائد تسارعت انفاسه بغضب : يخسون
فارس بسخريه : انتبه هذا اللي بقوله لك
يلا مع السلامه ي حلو
قفل ورائد مصدوم من سبب اتصاله ، يوصيه !!! يوصيه ع بناته معقوله في نيتهم يهددونه ببناته
تنهد من قلب ورمى نفسه ع السرير
وهو يتأوه بألم من جرحه .

12 - 11 - 2020, 07:47 PM

البارت 74

يوم جديد .

بعيداً عن العالم الارضي وتزاحم مشاعره عالياً في الجو تتكدس عبارات
في حناجر اصحابها
حياء ، حُب ، حيره ، آسف
استيقظ خالد قبل دقائق الوقت غير معلوم هو كم او فوق اي دوله اساساً
التفت لها نايمه بسكينه
بلحظة تأمل لاول مره يخطر على باله كيف عيونها لونها كذا ؟
جمع شفايفه يفكر ويتذكر عبارتها
ماما سوريه ،
ابتسم وفي خاطره لبى قلبها
ختام جميله وملامحها بأختصار من اسباب الراحه النفسيه
عينيها الخضراء او الرماديه او .. تنهد وهو عاجز عن تحديد لونها
المختلط بوجهة نظره
بين هذان اللونين
تجمدت ملامحه من انتبه ان ختام مفتحه عيونها وتناظره بأستغراب
صد بسرعه بأحراج
ووجهه احمر
ختام عدلت جلستها وابتسم وهي تهمس بخمول : من متى صاحي
خالد : توني
رمشت ببطء وهي نعسانه : افف احس مانمت زين م احب نوم الطياره
والمسافه طويله
خالد التفت لها بيتكلم
لكن قاطعه وجود المضيفه تسألهم عن الغداء
ختام شدت خالد من كتفه
والتفت لها : هلا
ختام اشرت ع الشباك وراها : خلي نظرك هنا
خالد دقق نظراته في الشباك يبي يشوف وش فيه
وختام كلمت المضيفه وراحت
رجع التفت لختام : مافي شيء
ختام ابتسمت وبغيره
ممزوجه بقهر : ادري
بس لا تناظر المضيفه
خالد ارتفعت حواجبه وانطلقت ضحكته بصوت عالي
ختام عضت شفتها بأحراج : خالد
خالد بلا شعور : عيونه
ختام ابتسمت وضاع الكلام وخالد من انتبه لزلة لسانه تصدد عن ختام .

في تبوك ..

رتيل جهزت فطور لابو بدر .
وطلعت لجناحها ترتبه
وتتجهز قبل يوصلها السواق
امها عازمتها على الفطور
والساعه ظ،ظيمنع ضروري تكون
عندها
انتهت من ترتيب السرير ودخلت تاخذ شور سريع
وتفكيرها مو مرتاح
امها تقول فارس جاء وخلاص مابيرجع للرياض مره ثانيه
الولد وراه مشاكل اكيد
والا معقوله يجيء لتبوك فجاءه كذا ويقول مابي الرياض ومابرجع لها !!!
قفلت المويه وهي تتنفس بسرعه
مسحت وجهها ونفحة هواء بارده توصلها من الغرفه .

عند ام رتيل ..
جالسه ع سفره ارضيهه ومقابلها فارس اللي يبتسم لها بتوتر ومستغرب ان امه مصحيته هالوقت تكلم بربكة : ايوه يمه وعلومك !
ام رتيل رفعت حاجب :
علومي مابها جديد
الجديد عندك
فارس تنهد : يمه مصحيتني لاجل هالكلام !
ام رتيل ابتسمت : لا ابيك تفطر معي
فارس ابتسم : فديت راسك
مد يده بيأكل لكن ضربته : لا اصبر
فارس ضحك بصدمه من حركات امه وسكت
وهي اخذت جوالها تطقطق فيه
_

عند رتيل عدلت نقابها ونزلت بسرعه
: يلا عمي استودعتك الله
ابو بدر : الله يحفظك ياروحي سلمي ع اهلك
رتيل : يوصل .
طلعت وقفلت الباب واتجهت لسياره سواق امها وهي متحمسه تشوف وش سبب هدوء وركادة
فارس ..

12 - 11 - 2020, 07:49 PM

البارت 75

فارس " اخيها الاصغر
ذو الثمانية عشرا عاماً
عنيد حضوره صاخب غامض للغايه يعيش لنفسه فقط مختفي بعذر الدراسه بالرياض والواقع هو مصدر قلق بالنسبه لوالدته ولـ رتيل المدارس كثيره ومتوفره في تبوك
ما الداعي للذهاب !!! " '
_

بعد ربع ساعه من وصول رتيل لمنزل والدتها .. وبعد السلام البارد بينها وبين فارس بالرغم من حبها الشديد له وهو يعلم بعظم قدره في قلبها
ابتسم لها وهو يحاول فتح موضوع : كيف اهلك اخواتك وعُمر !!!
رتيل وكأنها تذكرت : ايه عُمر توه كلمني قبل كم يوم طلب رقمك وش بينك انت واياه ؟
فارس : مدري غيرت رقمي اساساً
رتيل رفعت حاجب : وماتدق علي ؟
فارس ضحك : توني غيرته حتى امي مابعد عرفته
رتيل : زين
فارس : اخواتك كبروا اتذكرهم وش زينهم
ام رتيل : الا وحده قبل فتره تزوجت
فارس بدهشه : ترى صغار
ام رتيل بسخريه : وش صغار اكبر منك بسنه بس
فارس بخيبه : خلاص
فهمت انها اكبر مني وانا البزر
رتيل ضحكت : ترى عادي احس مابينكم شيء
فارس : ماشاء الله
من اخذت من اقاربكم ؟
رتيل : لا ولد الـ .... ممكن تعرفه موجود عندكم بالرياض
فارس جمدت ملامحه : رامز !
رتيل كشرت ملامحها : لا هذا مات الله يقطع شره اقصد الثاني
فارس بسخريه ضحك : كيف مات حي يرزق مابيفك الناس منه
رتيل بتوتر وهي ماتبي توضح ان عُمر قتل رامز : شوف انا متأكده انه
مات يعني موته مايختلف فيه اثنين بس
قاطعها فارس : اشاعه انه مات بس فتره وخلاص ، المهم كيف ما انتبهت ان اختك تزوجت رائد غريبه والله يعني الرجال عنده اشغال والتزامات لا تُعد ولا تُحصى
رتيل بصدمه : متأكد ان رامز عايش ، حي ، يتنفس !!!
فارس ضحك : اعوذ بالله انتم يالحريم يحتاج لكم من يعيد ويزيد بنفس الموضوع الرجال حي توني شفته الاحد
اللي راح
رتيل وقفت بربكة وطلعت عنهم للمطبخ وهي تدق ع ريتان
اللي يصير مستحيل ترضى عليه اختها تعيش لعبه ومازالوا كلهم تحت
تأثيرها واكثرهم سوء حظ ريتان .

فالفندق ..

رنين جوالها مزعج فزت جالسه وهي تناظر اسم رتيل الله يستر !!!
ردت بسرعه وصوتها واضح فيها
نوم وفزع وقلق : هلا رتيل عسى ماشر !
رتيل بربكة : نايمه ؟
ريتان : صحيت ، امري
رتيل بتوتر : قومي غسلي وصحصحي ودقي علي ضروري
ريتان بأستغراب : فيه شيء !!!
رتيل انتبهت لفارس واقف عند الباب ومتكتف ينتظرها تخلص
ابتسمت بغباء : لا بس ابي نسولف مطوله عنك
ريتان ارتاحت ششوي ؛ ايه مادام كذا بروح اغسل وافطر واكلمك
آوك !!!
رتيل بسرعه : انتظرك .
قفلت وتنهدت ريتان بتعب : وش صار امس !!! انا بحلم او علم كنت بقتله ؟ احسن يستاهل من هالحال و اردى .
رمت البطانيه الثقيله بعيد عنها
ودخلت دورة المياه " اكرم القارئ "
_

الساعه ظ،ظ، ونصف ..
يتنفس ببطء وريقه جاف يصعب عليه الكلام
عضض شفته وجلس بخمول
راسه ثقيل وعيونه مشوشه الرؤيه جرحه ينزف الدم ماوقف ولا فيه عنده غير المناديل يمسحه فيها
وقف واخذ جواله
وطلع للصاله اتجه للكنب
ورمى نفسه عليه
واتصل على معاذ : وينك !!
معاذ : فالشركة تطمن
رائد بتعب : مو مهم الشركه ابيك تجي
انا في فندق ( ...... )
معاذ بشك : صار شيء !
رائد : تعبان شوي
معاذ : مسافة الطريق وانا عندك
قفل ورمى جواله وغمض
سمع باب غرفتها ينفتح بس ماتحرك بقى على وضعه
مرت من قدامه وجمعت شفايفها
واشرت بكفها " احسن "
دخلت للمطبخ وهي تتعمد تطلع اصوات تغني وتشغل النور والغلايه
رائد يتوعدها بخاطرها وماله قوه يقوم انتبه لها توقف قدامه : تبي مويه!

المواضيع المتشابهه لموضوع: رواية العابث ال خير في هذا الزمان لموضوع: رواية العابث ال خير في هذا الزمان
الموضوع	كاتب الموضوع	المنتدى	مشاركات	آخر مشاركة
قطة الغابة النرويجية	همسه الشوق	همس لعالم النبات والثروه والزراعه والحيوانيه	4	25 - 9 - 2021 08:02 PM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
فندق على شكل فقاعة في الغابة	نظرة عين	همس للسياحه والسفر	8	22 - 2 - 2015 09:05 PM
شوف كيف بيتحمم ملك الغابة	لك مشتاق	همس الشعر و الشيلات الصوتيه	9	6 - 10 - 2014 10:21 PM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية العابث ال خير في هذا الزمان

همس للقصص وحكايات وروايات