رواية جنوبية برت حالي ولا دري وين ديرتها

1 - 6 - 2021, 12:17 AM

البارت 76

ندى الروح الطيبةالرقيقة ..
خزامى عبق وروح وفرح عائلتهم .،
وهي وقفت الكلمات محشورة مو قادرة توصف نفسها هي ايش ..!
اخذت نفس عميق وهي تشم ريحة بخور عود من شمته حست بأنتعاش هي العكس الناس تروق بقهوة وهي ريحة عود او عطر تروقها تخليها غصب عنها تتشبث بالحياة اللي مصرة تنزلق من يدها كل مرة..
فتحت الباب وهي تستعد للمواجهه المرة ذي قررت تكون الطرف المبادر وقفت بالباب وهي تناظر اجزاء منها خزامى سريرها جنب الافياش معروفة علشان الشاحن اللي من حست فيها ناظرت لها بنظرت كلها زعل وعتاب اعطتها كم نظرة ورجعت تناظر في جوالها بدون ماتهتم لها خزامى اللي كانت بالنسبه لها بنتها الصغيرة المدلله ..رجعت تناظر في ندى اللي من شافتها ضحكت لها.. واخيرآ أشواق اللي سادحة على سريرها تناظر لها نظرات عجزت تفهمها بلا هدف كم هي كانت نانية اشواق تعاني وتعبانة وقاعده تحاول تساعد الكل وكل وحدة فينا مافكرت فيها لانها ببساطة ماتشكي .
تحركت متوجهه لها وهي تجلس جنبها على السرير وتدنق وتبوس اشواق وهي تقول : اسف اسف اسف على كل شي هذا اللي اقدر اقوله والله اني احبش وقامت.
وراحت لندى اللي من شافتها قامت واقفه وهي تفتح لها حضنها ريم وهي تبادلها الأحضان اسف والله اني احبش والله..
فكتها وهي تحس بصعوبة المواجهه مع خزامى اللي كانت شرسة في الدفاع عن اهل ابوها خزامى رغم انها دلوعة وطويلة لسان إلا انه مستحيل ترفع صوتها عليها بس لما سمعتها تسب اهل ابوها قامت

ترد عليها كل كلمة ..وقفت عندها وهي تناظر فيها وهي مطنشتها وهي تقلب في جوالها دلوعتها زعلانة منها جلست على الكرسي جنبها وهي تشدها لحضنها وتبوسها وتقول : اسف اسف والله اني احبش والله .
خزامى بأعتراض فكتها ووقفت على السرير : ليش تعتذرين ليش والكلام اللي مجهزته لش علشان اغسل شراعش تعبت وانا اجهزه تجين بكل بساطة تعتذرين
وهي تضحك وتنزل وهي تسحب ريم وتحضنها فديتش وانا احبش والله وانا اللي اسفة بس عاد خلاص كل وحدة ماقصرت في الثانية وهي تبعدها وتناظر في وجه ريم وهي تضحك تغمز بعيونها يارباااه ايش اللي قلب حالش خرجتي وانت تبكين وتصيحين ورجعتي الوجه منور وتضحكين اعترفي ايش سوا لش عمي وهي تضحك ..!
ريم وهي تدفها وبخجل قليلة ادب ماعرفنا نربيش وهي تجلس على السرير وتفك طرحتها وترجع تجمع شعرها وتثبته ..!
خزامى وهي تضحك وتناظر في اخواتها : تشوفون ريم كيف يااربي فديت عمي ياناس
جلست جنبها وهي تمسك يدها وهي تلعب بحواجبها بطريقة مستفزه : في ذمتش ايش رايش في عمي .
ريم بخجل وهي تفك يدها : بنت انقلعي عني مين مسلطش علي وهي تحاول ماتضحك .
خزامى خبث : والله كنت متأكدة من قدرات عمي الذيب كلمته اسأل عنش قال تطمني امورها طيبه.
ندى وهي تقوم تجلس جنب ريم وتقول لخزامى واشواق : تعالوا نجلس هنا وهي تأشر على السرير
خزامى وهي تنط في حضن ريم وتقول : انا بجلس هنا علشان اشم ريحة عمي من دخلت ريم علينا وريحتها تهفهف وهي تضحك .،
ريم بأستسلام وهي تضحك لفت بعيونها لأشواق قالت : تعالي هنا او حنا بنجي عندش عندي كلام كثير لازم اقوله.،
اشواق بتعب تحس ماعاد فيها حتى تتكلم او تتحرك : والله ماعاد فيني اقوم تكلمي انا بسمعش..!
ريم وهي تدف خزامى عنها وتقوم : حنا بنجي عندش مااحب اتكلم معكم إلا وانتوا جنبي مدري ليش احس لما امسك يد اي وحده فيكم احس بأمان
وهي تجلس جنب اشواق وتمسك يدها وتشد عليها..!
جلسوا كلهم على سرير اشواق نفس طبعهم من زمان اذا عندهم سوالف لازم يجلسون كلهم بسرير واحد .،!
خزامى بنظرات كلها خبث وهي تميل براسها على كتف ريم : الله عليك ياعم كيف قدرت تغير ريم كيف قدرت وهي تضحك .،!
ريم بقلة حيلة عرفت ان تعليقات خزامى ماراح تخلص طنشتها وهي تقول : اسمعوا والله ماادري ايش اقول لكم واتوقع ان كل وحدة فيكم حاسه بنفس اللي احسه خاصة في الظروف اللي صارت لنا..! كلكم عارفين وضعي كيف واللي صار لي
وهي تمسك يد اشواق اللي تسمع لها بأهتمام : انتي قلتي لي كلمة لما عرفتي بوضعي قلتي لي ياريم ماتدرين وين الخير فيه وصدقيني ربي ماخلقش وراح يضيعش ربي مدبر الكون كله وصدقتي في كل كلمة والحمدلله على كل حال والله يغفر لي تسخطي ..؟ انا ما اخفيكم اني خرجت من هنا وانا ناوية ماعاد ارجع ابد.،!
سمعت شهقت اخواتها ..كملت : خرجت من هنا وانا اخطط كيف اجبر امي ان اعيش معها باقي عمري حتى لو هي ما تبغى كنت شايلة على أمي عتب كثير ..! انتوا متخيلين شعوري كيف وانا بشوف أمي ومدى بشاعة احساسي اني منبوذه واني راح ارجع افرض نفسي على امي من جديد وصلت لها وانا مجهزة عتاب وكلام كثير عن حقوقي المسلوبة لما وصلت البيت كنت بقول هنا كنت بقول ل.....)

1 - 6 - 2021, 12:17 AM

البارت 77

وقفت بدون ماتنطق ماتدري هي تقول عمكم او زوجي ناظرت في عيونهم كأنها تطلب احد يساعدها يشاركها القرار نزلت عيونها وهي تكمل : كنت بقول له خلاص رجعني خلاص بس لما شفت امي ضاع مني كل شي ماعاد ابغى إلا اشوف وجها بس واسألها ليش ماتبيني ليش انا خطيئه بالنسبه لها..! وقبل ماسألها عرفت الحقيقة قالت لي كل شي شفت في عيونها في كلامها في حركاتها قد ايش هي ملهوفة علشاني ..
قالت لي انها مانستني طول السنين اللي راحت شفت عيونها اللي راح شوفها من كثر مابكت علي..!
قالت لي انها كانت مجبورة.! وقتها كرهت نفسي لاني كنت انانيةمافكرت ان امي يمكن لها ظروف .،! وهي تبكي بلحظة عرفت كل شي عنها انا كنت هنا سعيدة ومبسوطة وامي تذوق المر بكل لحظة..
سكتت وهي تعض على شفايفها لين حست بطعم الدم .،!
كل اللي صار لنا مالنا يد فيه .،؟
رفعت عيونها وهي تشوف ندى تشاركها الدموع بطبعها الحنون والعاطفي.،!
اشواق كانت تشد على يدها بقوة كأنها تقول انا معك حتى لو ماتكلمت ..!
خزامى بأسلوبها المرح حضنتي بقوة وتقول :مبروك قرة عينش بشوفتها وخلاص انتي وهي بلا دموع وخاصة انتي موجهه كلامه لريم نعلبوا غيرش ماخلصت الدموع ذي ثلاث ايام تبكي حتى حياة الفهد ماسوتها ..
وقفت بمرح على السرير وهي تغطرف وتقول : الحمدلله الذي اذهب عنا الحزن الحمدلله شوفي والله لو باقي اشوفش تتبكبكين ماغير اذبحش خلاص صرتي حرمة متزوجة وتبكين وبعدين تعالي وين رحتي انتي وعمي عادي قولي لي ترى الفضول ذبحني.،!اشوف وجهش منور يابنت والضحكة شاقه الحلق وريحة عمي تهفهف منش اعترفي وين رحتوا.!
ريم بخجل ولا مكان يادوب خرجنا من عند أمي ورجعنا بنفس الوقت ..!
خزامى بضحك وهي تشوف ريم مستحية قالت : الله يجعلني فدوه للي تستحي ..؟
ريم /وفي شي ثاني وهي تناظر في يدها اللي باقي ماسكتها اشواق ترى الزواج راح يكون عشاء رجال مختصر طبعآ انا رافضة فكرة الحفلة لأن احتمال كبير أمي ماتحضر وانا اعزم مين بالله غير أن أمي عائشة تعبانة ومستحيل نروح ونخليها لوحدها .. واحتمال ان الزواج يكون نفس يوم الملكة لكم .!
خزامى بشهقه: ليش ليش سلامات.؟
ندى بأعتراض : ليش ريم لازم تفرحين ونفرح معش .،!
ريم وهي تناظر في اشواق اللي ماقالت شي : انا رافضة فكرة الحفلة مرة اسوي حفلة بدون معازيم ليش وبعدين حلو يكون ليلة زواجي وملكتكم مع بعض .؟
ناظرت فيهم ولا وحدة علقت والغريب ان خزامى مستحية ضحكت وقالت : لااله إلا الله اخير شفت خزامى مستحية وهي تضحك ..!
خزامى تناظر فيها تحاول انها تبين ان الوضع طبيعي : يعني انت ذحين مسوية انش حاشرتني ترى عادي اعرف اننا بنتزوج وين المشكلة خليش منا ذحين انتي كيف راح تجهزي وين بتسكنين .،!
ريم/ والله مدري احس اني ضايعة المهر صار بحسابي من اليوم .،؟
خزامى /بسيطة انتي معش ذهب كثير اخر شي اللي شريتيه من دبي انتي واشواق وخذي كم حاجة خفيفة وخلاص..؟
في اكثر من متجر كله ماركات وبما ان زواجنا صار قريب راح نطلب لنا كلنا مكياج وملابس واكسسورات وشنط وعطورات والبيت الفله اللي شريتيه موجودة والأثاث انا سبق وسويت اعلان لمحل البيت الأنيق لهم متجر ادخلي واطلبي اثاثش كامل كل شي ورق جدران كنب كل شي حتى اواني طبخ واجهزة والمحل يرتب كل شي .،!
ويومين او ثلاثه ننزل السوق نخلص كم غرض اذا نقص علينا .،! خلوا كل شي علي وابشروا بأحلى تجهيز .؟
وترى لش انتي وعمي المزيون الأطخم تذكرة لشهر العسل لتركيا هدية مني لكم .!
وكلمت عمي وقال تم والله مااردش .،؟
ندى وهي تضحك: طيب مثلي على الأقل انش مستحية اصغرنا تجهزنا .،!
خزامى وهي تضحك: ماسمعتي المثل اللي يقول اللي استحوا ماتوا وبعدين انا شفت اخواتي خبلات قلت لازم اسنعكم بندخل على حمولة مانعرفهم لازم نكون في قمة الأناقة.!
ندى وهي تضحك هي واخواتها حتى اشواق : ياخبله تراش فاهمه المثل غلط معناه الحقيقي ان حريم كانوا في حمامات ولما شب حريق بعضهم خرجوا عاريات والبعض ماخرجوا ولما جاء صاحب الحمامات سأل الحارس مين ماات ..قال الحارس في ناس ماتوا .،!
خزامى /وهي تضحك ماتوا مشكلتهم والله ماراح استحي ابد .،!
ريم وهي مترددة تسأل اخواتها قالت: بنات زوجة عمكم علي ايش اسمها قولوا لي عنها كل شي .،!
خزامى وهي تشوف ريم كيف متردده وخايفة : وخير إن شاء الله اشوف الأنكسار في وجهش ارفعي راسش جدتي تقول اسمها جميلة وهي جميلة اسم على مسمى تصير بنت اخو جدتي يعني بنت خاله وبس .،! ريم عيشي حياتش عادي ولا تهتمين لها ابد وحكاية جميلة ماندري عن مدى صحتها جدتي طبيعي تمدح بنت اخوها وترى حتى انت تجنني والدليل عمي المسكين اللي متخرفن وهي تضحك.؟

1 - 6 - 2021, 12:17 AM

البارت 78

وكأنها تذكرت شي بس والله يمكن انها جميلة صدق انا شفت عيالها وجع يوجعهم عليهم جمال يذبح خاصة فروسي وهي تضحك
وهي تشوف اخواتها يشهقون مستنكرين كلامها..!
خزامى مازالت تضحك: والله هذا الصدق وبعدين عادي خلاص بيصير زوجي ليش النظرات ذي .،!
سمعت جوالها يدق وهي ماصدقت انه انقذها المتصل اخذت جوالها من الشاحن وهي تشوف المتصل فتحت الخط وهي ترحب هلا هلا وغلا بشيخ ال زايد وشيخ الجنوب كلها وهي تناظر في ريم اللي لفت تناظر لها ايه بالله انها طيبة ماعليها خرجت تبكي رجعت لنا وهي تنقز نقز تقول غزال اعترف ايش سويت لها ..؟
ضحكت وهي تشوف ريم وهي تحط يدها على راسها .،!
فديت الضحكة ياناس جعل محد يضحك غيرك والله طيبة.. طيب ابشر ..!
بعدت السماعة عن اذنها وهي تقول ريم عمي يقول تبغين شي .،!
ريم حركت راسها بمعنى لا وهي حاطة يدها على راسها من خزامى .،!
خزامى بخبث: عم تقول ماتبغااك إلا انت ..!
ضحكت وهي تقول اااه فديت اللي يقطر رومنسية خلاص طيب اطلع برا وتجيك هي ابشر .؟
ريم وقفت مصدومة: انتي صادقة ذحين .!
خزامى /والله صادقة اخلصي بسرعة عمي لا يذبحه البرد وهي تضحك..!
ريم بقلة حيلةوهي تناظر في ندى واشواق : ايش اسوي انا بالله فيها الخبلة ذي ماراح اخرج له روحي انتي له وهي تجلس على السرير .،!
خزامى وهي تتحرك لين وصلت عندها وتسحب يدها لين وقفت قومي بلا خبال خايفة ليش انت كنت معه من الصباح لحد ذحين والله العالم ايش صار وهي تضحك.؟
ندى واشواق /اخرجي شوي شوفي ايش يبغى ..!
ريم بزعل / المشكلة مو اني اخرج له المشكلة ان ذي وهي تقرص خزامى كذبت عليه قالت اني انا ابغااه واذا خرجت ايش اقول له .،!
خزامى وهي تسحب يدها : اح وهي تفرك يدها مكان القرصة وتشوفها كيف صار لونها احمر شوهتي يدي باقي وراي عرس .،!
سمعت جوالها يدق قالت سمعتي عمي نفخه البرد الضعيف ينتظرش بسرعة.؟
ريم وهي تدور لطرحتها طيب ياخزامى وقفت قدام المرايه وهي تلف الطرحه تشوف وجها كيف ذبلان قالت بالله كيف اخرج له ووجهي كذا .،؟
خزامى /اقول اخرجي وبس شافش في اسوء حالتش وانت تبكين وسعابيل يعني عمي ماعاد صارت تفرق معه وهي تضحك هي واخواتها..؟
اشواق حمدت الله الف مرة على وجود اخواتها في حياتها واللي ريحها اكثر انها بتكون هي واخواتها مع بعض حتى السكن .،!
ريم بأستسلام شافت عطرها على التسريحة بخت منه في يدها وبعدين حطتها على خدودها وخرجت ..!
تحس انها متوهقة كله بسبب خزامى هيا ايش تقول له اذا سألها ايش تبغين ..!
خرجت من باب الصالة وهي تشوفه واقف قدامها متلثم بشماغه وعيونه في الجوال اللي بيده .،؟
تتأمله وبداخلها اشياء كثيرة غير مستقره .،! مخاوفها من الحياة الجديدة معه .،! وهو متزوج وعنده عيال .،! هي ايش موقعها عنده .،!
لما حس فيها رفع عيونه لها وهي تلمح بسمته لها وهو يدخل جواله في جيبه ويقترب منها لين وقف قدامها مباشرة مسك يدها وبأهتمام كيفش ذحين احسن اكلتي شي .؟
سؤاله ذا ونبرته في نطق اسمها كلها ممزوجةيخليها ضعيفة ماتبغى تتعلق فيه كثير تخاف يجي يوم ويتخلى عنها هي صارت تخاف من الحقائق المؤجلة..!

علي/
وهو يشوف نظرات عيونها اللي كلها مليانة ضياع شد على يدهاوحس بأرتجافها : ريم سمعتي ايش قلت لش.،!
ريم وهي تحاول تشتت نظراتها عنه صارت تناظر في كل شي حوله علشان ماتبغى تتعود على نظرات الحنان اللي تشع من عيونه قالت: الحمدلله احسن ..!
علي فك يدها وهو يحضن وجها ورفع راسها له وهو يناظر فيها بنظرة شاملة كأنه يتأكد من شي: انا مااشوف انش بخير متى اخر مرة شفتي وجهش .،! ريم انا احاول اساعدش بس انت ساعديني نظرات الضياع والخوف اللي اشوفها بعيونش ماعاد ابغى اشوفها .،!
ريم غمضت عيونها وهي تضغط على شفايفها بقوة طبعها لما تتوتر حاولت تاخذ اكبر قدر من الأكسجين لانها تحس قربه متعب اشياء صارت تحس فيها اول مرة تجربها تحس فيها لما يكون بقربها .،؟
ضغطت على شفايفها بقوة نفس طبعها لما تتوتر سمعته يقول بصوت هامس يلفح وجها خلاص ارحمي ذا الشفايف وارحميني..؟
فتحت عيونها بسرعة لما سمعت كلامه.،!
شافته قريب منها قريب حيل ويشاركها انفاسها مسح الدم اللي على شفايها..؟
علي حاول قد مايقدر انه مايتهور يحس باقي اشياء كثيرة تحتاجها ريم منه هو وعده ولازم يكون عند وعده لها ..!

1 - 6 - 2021, 12:18 AM

البارت 79

تراجع عنها وهو ياخذ اكسجين وريحة عطرها الهادي تنعش روحه قال لها : "ليه العطر ..وانتِ انفاسك "
دخون"
حس فيها وهي ترتجف ماحب يحرجها اكثر مسك يدها : تعالي خلينا نمشي شوي هنا
رجع فك يدها في محاولة منه ينقذ نفسه من هذا القرب زوجته وحلاله لكن راح يصبر هو صبور بما فيه الكفاية ..!
وقف لما وصلوا في الحوش الخلفي ناظر فيها وهي توقف لما حست فيه واقفه حاضنه نفسه باقي لابسه عبايتها وطرحتها .،؟
علي/ريم انا إن شاء الله الصباح برجع الرياض انا وعيالي امي وابوي بيقعدون معكم هنا ...! اسبوع ان شاء الله ونرجع عندي كم شغله اخلصها..!وعلشان تكوني في الصورة اكثر مثل ماتعرفي انا متزوج وعندي عيال ان شاء الله ماراح اقصر مع كل وحدة فيكم ..!
ريم ماتدري ليش ضاق صدرها لما قال بيسافر وعند زوجته معقوله انها من ذحين تغار ويحق لها تغار ..!
اليوم فتحت حساب خزامى الانستقرام وشافت انها نزلت صورة له في حسابها شافت كمية اللايكات اللي على صورة والتعليقات عورها قلبها ماتدري ليش..!
رفعت عيونها له وهي تقول بكل برود الله يحفظكم ..!
علي/امين وذحين تعالي معي المجلس ابوي يبغى يسلم عليش واعرفش على عيالي.،!
ريم وهي ترجع لورا وهي تشوف يده الممدوه لها قالت : لا مااقدر الله يخليك..!
علي وهو يقرب منها معها حق ترفض ولا كان ناوي اصلا يخليها تشوف احد منهم خاصة الفترة ذي بس الى متى بتكون معزولة عن اهله محتار بس ابوه قال له انه يبغاها ضروري
علي وهو يمسك يدها : ريم ترى والله مو ناوي اجبرش على شي مرة بس ابوي هو طلبش ولا تخافي انا معش.،!
ماخلا لها فرصة ترد وهو يتحرك معها .،؟
وصلت لباب المجلس وهي تشوف احذيه رجاليه في المدخل واصواتهم مرتفعة ضحكهم واصل لها بوضوح ..!اذا دخلت ذحين ايش راح تكون ردة فعلهم خاصة عياله وانا ماخذه ابوهم ..!
زوجة الأب مستحيل تنحب ابد مهما سوت.،! هي شايله هم المواجهه معهم مهما قررت تنعزل عنهم لابد انها راح تواجهم بيوم.!
بس المواجهة صارت سريعة بدون ماتستعد لها..!
ناظرت فيه بنظرات لها استعطاف انه يعتقها من المواجهه ذي...!
فك يدها وهو يتخطاها ويفتح باب المجلس وهو يرحب فيها تفضلي ياريم الله يحييش
كذا ببساطة قالها ووقف جنب باب يناظر فيها.،!
دخلت المجلس ذا اللي من زمان تدخله بس علشان تنظفه تدخله وهو فاضي بدون رجال وكانت تحس بوحشه منه اجل كيف ذحين وهو يضم خمس رجال كلهم محارم لها الخامس زوجها ..؟
ماتدري كيف دخلت وهي تناظر فيهم
اول من شافت الشايب يقوم لها وبعده زوجته سمعته وهو يرحب بها ..!
الجد(محمد) : يامرحبا ببنت منصور يالله حيها
وهو يتقدم خطوتين يمد يده لها شافها تمد يدها له شاف في وجها نظرت الأنكسار اوجعه قلبه عليها وهو حاس فيها مكسورة لا أب ولا اخ ولا سند تعمد يناديها ببنت منصور تكريم لها البنت ماتعتزي إلا بأبوها .،!
فك يدها اللي ترجف وهو يقول لها هذي عمتش هيلة تقول انها ماقد شافتش تعبانه الف سلامه عليش .،؟
تقدمت تسلم على أم زوجها سبحان الله كل العائلة يشبهون بعض بشكل كبير كأنها تشوف احمد زوج اختها الله يرحمه .،!
بادلتها السلام وهي تقول الله يحييش بيننا .،!
انتبهت ليد عمها اللي يأشر على اولاد شباب.؟
ذا محمد سميي ولد رجلش البكر زوج الدكتورة اشواق.
رفعت عيونها له تشوفه يالله حست قلبها ينخلع من ملامح وجهه الغاضب كأنها قاتلة له احد .!
مدت يدها له وهو يناظر فيها بتقييم اخيرآ مد اطراف اصابعه .؟!
الله يعينش ياأشواق ..!
وذا احمد زوج ندى .،!
رفعت عيونها له وهي تشوف فيه اشياء كثيرة من ابوه ابتسم ابتسامه صغيرة وهو يمد يده ويقول الله يحييش بيننا .؟
وذا فارس زوج خزامى.،! رفعت عيونها له سبحان من اعطاه الجمال نسخة من جدته هيله بياض بشرته عيونه الواسعه خشمه الطويل كمية وساامة فيه .؟
نظراته كلها كانت احتقار لها مد لها طرف اصابعه.
وعنده ولد اسمه عبدالله وبنت وحده اسمها اميرة .
كانت تبغى تخرج خلاص ماعاد تقدر تتحمل.!
سمعت ابو زوجها وهو يقول تعالي اجلسي جنب زوجش.؟
اصعب مواجهه حست انها بتطيح وهي تشوف نظرات عيال زوجها لها.،!جلست جنب زوجها بمسافة وهي تناظر في الأرض تستاهل اللي جاها ليش وافقت تجي.

1 - 6 - 2021, 12:19 AM

البارت 80

الجد(محمد) : ريم يابنتي انا دعيتش علشان اقول لش انش مثل بنات احمد مافرقتي عنهم شي وانتي تربية ولدي ووصيته وذحين زوجة علي وإن شاء الله ماتشوفين منا إلا كل علمن طيب وانا اعتبريني ابوش اي شين يضيمش بيضيمني.
وهو يأشر على ولده وحتى لو ذه لو قال لش شين تعالي علميني والله اني اخذ حقش من عيونه.
ريم وهي تحس ان حلقها ناشف تبغى تتكلم ترد ماقدرت رفعت عيونها له وغصب تحرك لسانها علشان تنطق ماتقصر جعلك تسلم .!
وقامت واقفه وهي تقول عن آذنكم بروح وخرجت.،!

علي/
بدون مايناظر لها وهي تخرج رفع عيونه وهو يشوف عياله اللي كل واحد فيهم متضايق خاصه محمد وفارس.. فارس بعذره امه وزعلان عليها ..!
محمد ولده ويعرف طبعه ومزاجه المتقلب مرة مبسوط وعشرين الف مرة مكشر ومعصب .!
احمد ولده اللي كان عادي احمد الوحيد اللي من عياله مثل البلسم له حبه غير ..؟
مايقدر يجبر اولاده يحبون زوجته .،!ولا يقدر يجبر زوجته تتحمل تصرفات عياله.،
رفع يده وهو يشوف الساعه كانت 2الصباح لازم ينام رحلتهم 7الصباح.،!
قام وهو يشوف اولاده يخرجون من المجلس.،!
قرب من ابوه وهو يبوس راسه وراس امه : تصحبون على خير بنام رحلتنا بدري
وخرج.،!

هيلة وهي تشوف الضيق على وجه ولدها وعلى عياله ولا بيدها تسوي شي مااعجبها ان ولدها تزوج على بنت اخوها رغم انها تعرف ان علاقة ولدها في زوجته شبه مقطوعة ولدها كل وقته عندها او في الأستراحة حتى النوم بعض الأحيان ينام عندها مع عياله .،!
تخاف من زعل اخوها الوحيد وعياله والبنت ذي مالها ذنب كاسرة خاطرها .،!
شافت ان المجلس صار فاضي من بعد ماخرج ولدها وعياله قامت وهي تحط براد الشاهي الأصفر في الصحن وتجمع فناجيل الشاي علشان توديها المطبخ وتجلس مع بنات ولدها من جت وهي مافارقتهم لحظه ومبسوطه بهم.،!
دنقت وهي تشيل الصحن وقبل توقف حست في يد زوجها تقبض على يدها ناظرت فيه وهي تقول بسم الله ايش بك
الجد(محمد)وهو يوقف وياخذ الصحن من يدها وينزله على الطاولة وبحركة سريعة يقفل الباب ويرجع يمسك يدها وقبل ماتقول اي شي
قال : طلبتش الليلة تمسين معي .،!
هيلة وهي تحاول تفك يده محمد : عليك وجه الله تمنعني من الشرهه استحي علي وعليك وين ارقد معك هنا انت صادق.؟
الجد(محمد) : ايه في ذمتي اني صادق وليش استحي مرتي يعني والا هو خلاص ياهيلة كم لي منش ترى الملائكة تلعنش ويعني بتستحين من ولدش وعياله وبنات ولدش ولابش حيا من الله .،!
هيلة وهي تسكت والله انه صادق انها في آثم من سنين وتعرف انها ملعونه لكنها كانت مجبورة ناظرت فيه وهو مقيد يدها بيده قالت : محمد اما الليل فعتقني لين اخلص زواج عيال ولدي وبعدها ابشر.،!
الجد(محمد) وهو يشوف وجها اللي يعشق تفاصيله كبر سنها ماغير من جمالها شي قال بحزم وهو يحضنها والله ماتمسين الليله الا في حضني ..!

3 - 6 - 2021, 09:00 AM

البارت 81

الرياض
جميلة/
وهي تحاول تستوعب كلام عيالها بس عجزت تستوعب ..احمد عند رجولها فارس جالس جنبها وعبدالله من الناحية الثانية وأميرة اللي واقفة مصدومة مثلها..
كانت حاسة ان في شي زوجها راح الجنوب وقال عندي شغل وبعد عشر ايام امه وابوه وفارس لحقوا عليه ولا اهتمت في البداية وكل ماسألت فارس قال جدي وجدتي اشتاقوا للجنوب ماحبت تسأل كثير كانت تكلم عيالها واذا تطمنت انهم بخير خلاص وزوجها اصلا ماتهتم له كثير راح او جاء مايهم عندها وخاصة بعد مااصر احمد ولدها انها تراجع عند طبيب نفسي راحت معه واعطاها الدكتور حبوب كثيرة وصار نومها كثير مره كأنها تدخل غيبوبة حست في ولدها احمد وهو ماسك يدها يشد عليها لما حس بضياع امه من عيونها..!
احمد وقلبه يتقطع على امه وهو يشوف الصدمة على وجها كان خايف على امه كثير من خبر زواج ابوه كان شايل هم كيف يوصل لها الخبر بنبرة كلها حب : يمه اخذت ضيمش صلي على النبي تزوج ابوي خلاص وزواجه ماهو يعني تقليل وبخص في حقش ابد ..ومحاولة منه
في ايجاد عذر لزواج ابوه : يمه ابوي ماكان له خاطر في الزواج يقول والله لو ادور العالم كله مااحصل مثل جميلة اللي جميلها في عروقي يمشي لكن حده شين كبير .،!
جميلة وهي تسمع كلام ولدها : لكنه حصل ابوك يااحمد انا ابوك يحط فوق راسي وحده مايدري اصلها من فصلها انا جميلة
وهي تضرب على رجولها بقوة وقهر انا ابوك يخلي الناس تضحك بي .،!
فارس بغبنه على امه : تخسى اللي بتجي فوقش انتي وبس حتى لو تزوج وتزوجها يمه شفقه فيها ورحمة بها بس و وصية عمي الله يرحمه وبعدين ليش تنقهرين وليش الناس بتضحك بش ليش وانتي اجمل منها بكثير يمه لا يلحقش ضيم من زوجة ابوي يمه شينه استغفر الله لا وجه ولا قفى يمه لا طول ولا مقام هي والأرض واحد
فارس يعرف ان امه تحب اللي يمدحها كثير ويعرف غرور امه بجمالها الطاغي وحب يمسها من الجانب ذا : يمه لو تشوفينها استغفر الله وبس ايش جاب الثرى لثريا
وهو يحضن كتفها بحب : والله يمه انش اجمل ماخلق ربي والله ياجدي ماسماش جميلة من عبث يمه اسمش لوحده قصيدة اجل وجهش كيف وهو يضحك لما شاف عيونها اللي مليانه دموع .،!
احمد بغى ينجلط من فارس ليش يكذب على امه يبغاها تعرف الحقيقة صح ان ريم ماهي بمستوى جمال امه بس فارس ظلمها بالوصف ..!
قال : يمه ذحين ابوي يقول انا تحت أمرها اللي تطلب فيه امكم تبشر به من عيوني وانا شاهد انا وفارس على كلامه ..!
جميلة وهي تفك يد ولدها وتوقف بغضب : يخلع كليتي اللي عطيته
حتى التعبير خانها كليتي اللي تبرعت له بها وغيرها ماابغى..!
فارس بشهقه : يمه الله يهديش ليش باب هي او ثوب يخلعها يعطيش يمه اطلبي طلب معقول ..؟
جميلة بعصبية هذا طلبي وبس اعطيته كليتي يرجعها وهي ترفع عيونها لولدها عبدالله اللي ماقال كلمة وحده : عبدالله اذا تحب امك صدق ارفع قضية على ابوك علشان يرجع كليتي خل زوجته الجديدة تتبرع له ..!
عبدالله وهو يمسك يد امه : يمه صلي على النبي كلامش غير منطقي ابد مستحيل ارفع قضية على ابوي علشان كلية انتي تبرعتي بها له من طيب خاطر يمه الله يخليش لا تضحكين الناس علينا .!
جميلة وبدون شعور تضرب صدر ولدها : كلكم مع ابوكم واقفين اعجبكم انه تزوج علي
وهي ترفع عيونها لأحمد وفارس حتى انتوا ماكأني امكم مالي كلمة عليكم ولا لي خاطر ابوكم متزوج وتعرفون من عشر ايام ولا احد كلف نفسه يقول لي ..! خطب لكم وتمم كل شي هو وجدك وانا صورة وذحين جايين تقولون لي ايش في خاطري .،!
انهارت على الأرض تبكي حياتها تبكي خسارتها تبكي تضحياتها تبكي صحتها وعافيتها اللي انسلبت منها .،!
قرب منها احمد علشان يمسك يدها دفت يده لا احد يقرب مني .،!
وقفت وحدها وهي تقول ابوك في المجلس مين معه غير جدك علي ،؟
فارس/جدي وخالي يوسف وخالي حسن.،!
جميلة /ابوكم عرف انه غلط وجاب اهلي علشانه خايف من المواجهه معي ..؟
دخلت غرفتها غسلت وجهها تعطرت لبست طرحتها وخرجت لمجلس الرجال تحس كأن الدنيا كلها فوق صدرها علي انا يتزوج علي ولا جاء في بالها ابد انه يتزوج بس ناكر المعروف دخلت وهي تحاول تصفي حنجرتها من الغصه..
: ارحبوا ارحبوا الف ولا تسد في ذمتي اني صادقة
شافت ابوها اللي يوقف واخوانها سلمت عليهم وشافته واقف كانت مقرره انها تطنشه ولا تسلم عليه وتكسره قدام اهلها ..لكنها تراجعت وقربت منه وكل عرق فيها ينبض مدت يدها له لكنه فاجئها وهو يحضنها ويبوس راسها انتفض فيها كل عرق دفته بشويش وهي تروح تجلس جنب ابوها .،؟
وهي ترحب فيه وفي اخوانها .،؟

3 - 6 - 2021, 09:01 AM

البارت 82

ابوها(علي) : الله يحييش يا ام احمد يامرحب جيتش انا واخوانش وهو يأشر على عياله جنبه في حاجتين وإن شاء ماتردينا .؟!
جميلة بحب : جعلني قبلكم ولا عاش من هو يردكم وانا تحت طوعكم وشوركم ..!
ابوها(علي) وقلبه يتقطع على بنته ولا كان يتمنى ان زوجها يتزوج عليها لكن ماله كلمة عليه : جعلش سالمه يابنتي زوجش تزوج عليش وعيالش قالوا لش كل شي وذا شرع ربي ولانتي بأول ولا اخر هذا اخوش حسن تزوج على بنت عمه والحمدلله ماصار شي زوجش جاي طالب رضاش يقول تطلب ولها كل شي الغالية.،!
جميلة بحرقة في قلبها رفعت عيونها لزوجها اللي من شافته حست انه متغير إلا متغير صدق وجهه منور بزيادة فيه فرحه حتى لو ماضحك واضحه في تقاسيم وجهه اللي يشوفه يقول صغير ماتزوج اهتم في نفسه بعد عملية زراعة الكلى صار يهتم بأدق التفاصيل في اكله الصحي الرياضة وهي اللي انهارت صحتها وعافيتها بعد ماتبرعت له بكليتها تستاهل ماجبرها تتبرع له..!
قالت وهي تناظر ابوها : جعله يسلم ابو محمد ولا قد قصر اكرمني وعزني ولا ابغاه إلا سالم والزواج شرع الله وترى انا كنت اطلبه يتزوج لاني قصرت معه كثير خاصة بعد المرض اللي جاني عقب ماتبرعت له بكليتي وهي ترجع تناظر في زوجها اللي يناظر فيها مصدوم..!
علي وهو متوتر من وصل الرياض هو وعياله وخاله ماقدر يواجها ابد عياله قالوا له حنا بنتصرف وذحين صدمته اكثر بكلامها ويعرف ان بعد كلامها شي كبير يعرفها جميلة قام وهو يحب راسها ويقول ان شاء الله ماتشوفين مني إلا مايسر .،! وعلى ماتشهد ياخال ان لها رضوه مني 100 الف رغم اني دفعت لزوجتي الثانية 70 الف ولها بيت بأسمها ان حبت هنا او في ابها.،!
ابوها (علي) : جعلك تسلم وماقصرت ياابو محمد.!
والشي الثاني اخوش يوسف جاي يتتم زواج فهد واميرة وعلي يقول ماعنده مانع اذا انتي مواقفة .،!
جميلة / مالي كلمة عقب ابو احمد الله يتمم لهم بخير .،!
ابوها(علي)
وهو يقوم : اجل الله ييسر حنا بنمشي رحلتنا بعد ساعتين والرياض زحمة علشان ماتروح علينا الرحلة.؟
جميلة/ تمسوا معنا ذا الليل يبه انت واخواني وتعشوا.،!
ابوها(علي): جاد الله عليكم ابو احمد مسك فيني قبلش لكن ولا احب ابات إلا في بيتي .،!
خرجوا من المجلس معهم زوجها وهي راحت غرفتها النار اللي بداخلها كل شوي تزيد اخذت لها ملابس ودخلت الحمام علشان النار اللي تحسها تطفى لما تتسبح ماتدري كم جلست تحت المويه وهي تهوجس في زواج زوجها زواج عيالها حتى عيالها انحرمت انها هي تختار لهم حسبي الله عليك ياعلي خرجت وهي تنشف شعرها وباقي النار تحسها تزيد بكل جسمها شغلت المكيف يمكن تحس ببروده وقفت تحته وهي تفك المنشفه من شعرها سمعته وهو يقول : طفي المكيف بتمرضين
كان موجود ولا حست فيه وهي خارجه من الحمام لفت له وهي تضحك : ماشاء الله خايف علي امرض وانت سبب مرضي .،!
قربت منه وهو جالس على السرير قربت منه لين لمست رجولها رجوله وهي تناظر في عيونه مبروك عليك الزواج مبروك علي خيبتي فيك عجزت تصبر ياعلي وانا صبرت عليك ايام وسنين راعيت نفسيتك انك مريض كلى وتغسل كنت لك ستر وغطاء كانت لي حاجات مثلك ورغبات بس غضيت عنها الطرف علشان مااحرجك واضيق صدرك وانت مريض كلى اقل مجهود يتعبك .! اعطيتك جزء مني وفي المقابل جحدتني وهي تضرب صدره ماقدرت تصبر ياعلي بسرعه تزوجت علي .،!
علي وهو يشوف انهيارها : والله اني صبرت ياجميلة نفس صبرش ويمكن اكثر لاني رجال ساعدتش حاولت معش بس مارضيتي انتي تساعدين نفسش متزوج كأني عزوبي ان اخذت شي منش فهو غصب عنش وبعدها تمرضين اسبوع اسبوعين.؟! ولا اكل ولا شرب ولا اهتمام .،! ليتش ماعطيتيني ذي الكلية والله اني رفض منها لكن نشبتي لي نشبه واذا انتي ندمانة فانا ندمان كثر شعر راسي اني طاوعتش نسيتي اللي راح ياجميلة حبيتش حب مااتوقع اني بحبه احد وكنتِ في المقابل تتغلين علي ولا يرضيش شيءً بسيط تحملت وقلت ام عيالي وجميلها في بطني لكن طفح الكيل منش ..ومن قبل ماتمرضين ما تعطيني حقي الشرعي إلا غصب او بمقابل ان زعلتي مني في شي ماترضين إلا عقب شهر و شهرين وتتغلين ولا اكذب عليش ترى كنت ناوي اتزوج من شهرين لكن كل مااذكر عيالي وخالي واخوانش اهون واقول بتتعدل لكن الله من فوق اراد بدون تدبير مني وتم الزواج .،!
جميلة بغيرة وقهر : تصدق اني حزينة عليك اخاف تتفشل عند زوجتك الجديدة هي صغيرة وانت وهي تضحك قدك كبير وسبق وتعبت وانا ابخس بك .،! ماراح تتحملك مثلي وتسكت راح تسولف بك على الناس انك ....!!
وقبل ماتكمل حست في نفسها تناشل بقوة وتنرمي على السرير..! علي وهو يشرف عليها من فوق وهي تحته فهم قصدها ثارت رجولته وهو يقول : والله ماصدقتي اني بقدر وبقدر لكني رحمتش وانتي من اول ابد ترجفين حتى النفس ماتقدرين تتنفسين البلاء منش انتي لكن والله ياجميلة ياذا الليل ان تشوفين اني اقدر او لا وذا المرة ماراح

3 - 6 - 2021, 09:01 AM

البارت 83

جميلة وهي تقاوم : فكني روح لزوجتك علي فكني خلاص مااقدر اتنفس فكني مارد عليها وهو يكتم اعتراضها ومقاومتها .،؟!
ظيمنع
ظيمنع

اليوم الثاني العصر

جميلة/
وهي واقفة قدام التسريحة تحس كل جسمها يوجعها من بعد اللي صار البارح ماكان علي زوجها الحنون كان شخص ثاني كان يبغى بس يثبت لها رجولته ..!
حطت يدها على شفايفها وهي تشوف الدم اللي ينزل منها اول مرة علي يكون كذا هي من قهرها قالت له كذا وهو ماقصر يافضيحتها عند عيالها ذحين اذا خرجت البارح كانت تصارخ وتهاوش زوجها وتهاوش عيالها علشان زواج ابوهم وذحين تخرج لهم.
من الصباح وهي ماخرجت من غرفتها تحس متفشلة من عيالها مرة بس كل واحد فيهم يتصل عليها قالوا لها تجهزي راح نطلع مع بعض ولا تدري وين ماخذينها
لفت شعرها الطويل كله لفوق وثبتته ببنس حطت روج بني وحطت كحل خيف .،؟
لبست حلق فضي وساعه وخواتم فتحت دولابها من زمان مالبست شي حلو ولا كشخت .،!
طلعت لها بنطلون جنز وبلوزه ابيض مخرم طويلة لبستها وهي ترش من عطرها وقفت تناظر في نفسها في المراية من زمان ما كشخت .!
على طول تذكرت ضرتها الثانية هل هي جميلة مثلها او مثل ماقال فارس تدعي الله انها مثل وصف فارس علشان محد يتشمت فيها ان زوجها اخذ وحده اجمل منها .،؟
لبست عبايتها واخذت شنطتها وهي تحس انها مستحيه باقي من عيالها نادر ماتنام مع زوجها في غرفتهم تنام مع اميرة اكثر شي وذحين تخرج عليهم من غرفتها وصلت الصالة وهم مجتمعين كلهم زوجها وعيالها رفعت عيونها وهي تشوف فارس اللي من شافها صفر بقوة ويقول : الله يجعلني روج ياناس الله جعلني شنطة ايش الكشخه ذي ياكايدهم فديت الجمال الطبيعي انا
وهو يقرب ويحضنها ويضحك .،!
ولدها الصغير اللي مهما كبر تحسه باقي صغير كيف بيتزوج فارس هو روح البيت ونكهته حبت تشغل فارس عنها علشان مايحرجها بكلامه قالت : وزوجتك كيف حلوة ..
فارس وهو باقي حاضن امه : اااه يا يمه فديت الطاري يمه ولدش طاح محد سمى عليه يمه ماهي حلوه وبس هي احلى من الحلى نفسه يمه يكفي اسمها خزامى اذا نطقته احس اني متعطر وهو يضحك.!
جميلة بغيرة وهي تبعد فارس عنها : الله الله يعني أجمل مني .؟
فارس وهو يعرف ان امه ماتحب احد يكون اجمل منها قرب لها وهو يهمس لها بشويش علشان اخوانه موجودين: اجمل منش لا مستحيل بس انها اجمل من ذي وهو يأشر على أميرة اللي قريب منهم ..
اميرة /لا ياشيخ من وين جاها الجمال ترى شفتها باين من عيونها انها عادية .!
فارس/سبحان الله ياغيرة الحريم اللي فيكم اول قبل تعرفين انها بنت عمش وانا بتصير زوجتي صارت عاديه وانت قبل تمدحين فيها ولا تسكتين ..غيرة والله انها اجمل منش لا تحاولين وهو يضحك ..؟
احمد وهو بس عيونه على امه كان شايل هم امه كثير وخايف عليها لكن الحمد لله يشوف انها اليوم احسن حتى اخر موعد لها قال الدكتور انها تحسنت كثير ومشكلتها كانت اكتئاب حاد من الدرجة الاولى و وساوس الموت كلها كانت سبب في عزلتها خوفها من الموت الأرق التوتر واعطاها حبوب وانتظمت عليها وخلال ثلاث جلسات تحسنت و محد يدري انها تراجع عيادة نفسيه إلا هو ..!
اخذ مفتاحه وجواله وهو يقول : يمه يله انا واخواني عازمينش عزيمه خاصة
وهو يلتفت على ابوه ويقول تخاوينا ابو محمد.!
علي اللي ماله مزاج في شي من بعد اللي صار مع جميلة ماكان وده يصير : لا مشغول انا الله يحفظكم .،؟!
خرجوا مع امهم وصلوا المكان المطلوب.! عبارة عن شاليه
جميلة بأستغراب وهي تدخل : احمد وين موديني انت واخوانك .،؟
فارس /راح تعرفين يله ادخلي بسرعة وانتي خليش بعدين يقصد اميرة وهو يضحك ويرجع يحضنها والله امزح معش ياخبلة اخص راح تتزوجين ..و الحمدلله اني بتزوج قدامش وهو يضحك .،!
احمد وهو ماسك يد امه: يمه فسخي عباتش عادي محد حولش وانتي يااميرة الليله كلها مخصوص علشانكم ..؟
فسخت عبايتها هي وبنتها وهي تشوف احمد وعبدالله واقفين عند باب مقابل لها وصوت السماعات واصل لها خلصت وهي تمشي عند اولادها دخلت وهي تشوف طاولة كبيرة في الوسط عليها كيكة وشموع وجنبها دولاب زجاج مزين بورد طبيعي .،!
رفعت عيونها لعيالها اللي مبتسمين لهافارس وهو يمسك يدها ويقول هذي حفلة بسيطه منا لش يالغالية يزعلش زواج ابوي وحنا نراضيش وهو يدنق ويحط يد تحت رجولها واليد الثانية تحت رقبتها ويشيلها وهو يضحك ويرقص بها ويدور على انغام الشيلة.؟
جميلة ماعاد قدرت تقول كلمة وهي تشوف ايش عيالها مسوين لها نسيت علي نسيت زواجه وهي تتمسك برقبة فارس خايفه عليه وخايفة تطيح وبرجاء : فارس خلاص فديتك خلاص بطيح .،!

3 - 6 - 2021, 09:02 AM

البارت 84

فارس وهو يضحك : افا والله ماتطيحين وانا ولد ابوي ويستمر يرقص وهو شايلها.،!
جميلة/ لا يافارس خلاص ظهرك بينكسر باقي وراك زواج ..؟
فارس /لما سمع كلام امه وقف ونزلها وهو يسندها لا تطيح وهو يضحك قال : والله انش صادقه نسيت اني بتزوج.،؟!
احمد وعبدالله واميرة يضحكون على فارس..!
قرب منها احمد وهو يمسكها ويحضنها ويقول : يمه والله اني انا واخواني كلنا نحبش ولا نرضى عليش والله .،!
مسك يدها وقال : تعالي يمه شوفي مد يده الثانيه وهو ياخذ طقم ذهب كامل قال هذا هديه مني لش ..؟
عبدالله وهو يمد يده وياخذ علبه ويفتحها ويخرج منها ست حبات بناجر ذهب ويقول ذي مني يمه لش..؟
فارس وهو ياخذ علبه ويفتحها ويقول : كيف هدية نعطيها هديه وهو يضحك وذي ساعة الماس يدش اللي بتزينها ..؟!
جميلة تحس عن ماعندها اي عبارة تقدر توصف مشاعرها عيونها اللي مليانه دموع حضنتهم وهي تقول الله لا يخليني منكم .،؟
أميرة بزعل : ليش ماقلتوا لي ليش .،؟!
احمد بحب لها : كنتي نايمه ولا حبيت ازعجش لكني مانسيتش شريت الخاتم ذا على ذوقي علشان تعطين امي.،؟
اميرة /ياحبيبي الله يخليك لي ولا يحرمنا منك.،
فارس وهو يرفع صوت السماعات ويمسك يد امه ويقول والله ياذا الليل ان يقوم زواج هنا .؟
ظيمنع
ظيمنع
علي/
اللي كان واقف عند الباب عيونه على عياله اللي محتفين في امهم انبسط كثير ..خايف ان زواجه يأثر على علاقته في عياله يحس انهم متغيرين كثير عليه مو نفس زمان يحسهم صاروا رسميين معه بكل شي خاصة فارس اللي يحس انه شايل عليه كثير ..ناظر في فارس وهو يلعب مع أمه اللي تجاريه في لعبه من زمان ماشاف جميلة بالروح ذي ابد ..
رغم بساطة لبسها إلا انها كانت جميلة جميلة في ادق تفاصيلها مهما كان لبسها بسيط إلا انه عليها يكون اجمل ..
حط يديه في جيب ثوبه وهو يشوفها كيف تميل وهي تلعب مع فارس ويميل شعرها الطويل معها ..ماكان له نيه يجي ابد واعتذر من أحمد بس جته رسالة من فارس عورت قلبه (يبه اذا باقي لنا خاطر عندك الحقنا حنا مسوين حفله لأمي وجيب معك اي هديه ترى جميلة تستاهل )وارسل لوكيشن الشاليه.!
فارس ارسل له كأنه يحاول يرجع العلاقة بينهم يوضح له مهما تزوجت حتى امي زوجتك..!
بعد رسالة فارس قرر يجي اذا مو علشان جميلة علشان خاطر عياله اللي مستعد يسوي اي شي علشانهم ..
وقع لها شيك ب80الف ريال ومر محل تغليف هدايا والعامل الفلبيني ثبته بطريقة حلوه وسط صندوق خشب وحوله ورد طبيعي.،؟
كان واقف ومحد انتبه له صوت السماعات كان مرتفع اولاده كل واحد فيهم يمسك امه ويلعب معها حتى عبدالله الهادي كان يلعب حول امه وماسك عقاله بيده ويحطه على راس امه ..؟
واحمد نفس الشي شوي يلعب مع امه وشوي مع اميرة اللي فجأه انتبهت لوجوده عند الباب وعلى غير عادتها صدت عنه وهي تروح تجلس .!
وحيدته ودلوعته زعلانه منه حتى ماكلمته مرة بس الزعل واضح في وجها دخل وهو يرفع صوته بالسلام وفارس اللي انبسط بشوفته ماترك له فرصه وهو ياخذ الصندوق من يده ويحطه على الطاولة ويسحبه وهو يقول ارحب والله ان تجي تلعب مع الشيخه جميلة ماحب يكسر بخاطر ولده وهو يشوف كيف انبسط لما شافه دخل يلعب معهم وهو يشوف جميلة توقف وتخرج قرب منها وهو يمسكها ويجبرها تلعب معه وفارس اللي كان يدور حولنا شوي يلعب معنا وشوي يوقف يصفر وشوي يصفق اخر شي قرب مني انا وامه وحضنا بقوة حركته ذي اوجعتني حيل .،؟
فك جميلة اللي باين عليها الضيق شافها تروح تجلس جنب احمد وعبدالله اللي جلسوا بمجرد مادخلت ..!
سكر فارس السماعات اخذت الصندوق وانا واوقف عند جميلة اللي تحاول تشغل نفسها بأي شي حطت الصندق بحضنها وانا اقول : ذي رضوتش يا ام احمد وتستاهلين اكثر منها
جميلة وهي ترفع عيونها له وفي داخلها كلام كثير وقهر تحس مافي شي يبرد حرتها فيه لكن بتسكت علشان خاطر عيالها اللي حولها اخذت الصندوق وهي تنزله في الأرض بدون ماترد..
علي ماعلق عليها ابد تحرك من قدامها وهو يروح لأميرة ومسك يدها لين وقفت وهو يرفع راسها اللي منزلته شاف عيونها كلها دموع مسح دموعها اللي اول مره يكون هو سببها حضنها بقوة كأنه بيدخلها داخل صدره
سمع شهقاتها المتتالية غمض عيونه وهو يشد عليها بقوة ماكان يتمنى انه يكون سبب في وجع عياله بعدها بشويش عن صدره وهو يبوس عيونها وراسها : خلاص ياقلب ابوش اسف
مايدري ليش نطق كلمة اسف هو ماغلط انه تزوج كيف يفهم عياله اللي يناظرون له بنظرة المجرم في حق امهم ولا يقدر يقول لهم الحقيقة .،؟

3 - 6 - 2021, 09:02 AM

البارا 85

اميرة وهي تبكي : ليه يبه تتزوج ليه تجيب لنا الضيم ليه يبه ماتوقعت بيوم انك راح تجيب لنا وحدة وهي تبكي تجيب لنا وحدة يبه تاخذك منا.؟
علي بوجع من كلام بنته حضنها من جديد : والله اللي زرع حبش انتي واخوانش في صدري محد ياخذني منكم محد غير الموت ..!
فارس اللي ماعجبه اللي يصير هم جابوا امهم هنا يغيرون لها نفسيتها قرب من اميرة وهو يقول : ابشرش انتي اللي راح ياخذش فهد من ابوي ويرتاح وهو يضحك.،؟
اميرة / يبه شوف ولدك قليل الأدب
علي وهو يضحك : خليش منه غيران منش علشاني احبش اكثر منه..؟
فارس وهو يروح يجلس جنب امه: انا يكفيني ان مرتي فديتها بتحبني شهق بقوة وهو يفرك مكان قرصة امه : يمه مالش علي..!
جميلة/تستاهل من جيت من الجنوب ماغير تتفدا في مرتك خبل انت..!
فارس وهو يحضنها غصب : اها اثاري السالفة فيها غيرة فديت اللي يغارون ياناس .،؟
علي يجلس وهو يجلس أميرة جنبه مسك يدها ورفع عيونه لجميلة : إن شاء الله ملكة محمد واحمد وفارس يوم الخميس جهزي نفسش انتي واميرة بنروح قبل الملكه بيومين علشان اساعد ابوي.! وترى كلنا بنرجع أبها ابوي وامي رافضين الرياض عشان كذا راح نستقر كلنا في أبها عندي فله هناك جاهزه ناقصها الأثاث.،!
جميلة/ملكه انا وبنتي ماراح نحضر مثل ماخطبت انت وابوك لوحدكم بدون شوري لعيالي ماراح احضر وعلى كيفك تقرر نرجع أبها كله علشان زوجتك.!
علي/ تحضرين او ماتحضرين شي راجع لش اما اميرة راح تحضر ملكة اخوانها وسالفة النقل لأبها من زمان انها في بالي علشان دوام عيالي تعبوا من الطريق .،!وبعدين ماهو انتي اللي كنتي تبغين نرجع أبها تقولين بنتي بتتزوج وتروح عني بعيد ابغى اكون قريب منها وإلا تغير كلامش ذحين عناد ياجميلة..؟!
احمد وهو يشوف ان مشكلة راح تصير قال : يمه جعلني فداش مسموحه لا تحضرين الملكه لكن النقل والله ان ابوي صادق تعب علينا وحنا نجي كل اسبوعين اوثلاثه من نجران لين الرياض واميرة راح تكون قريب منش .،!
علي بحزم : هذا الكلام اللي عندي وترى زواجي نفس ليلة الملكه حقت عيالي وخرج.،!!
ظيمنع
ظيمنع

أبهــــــــا

ريم/
نفسيتها تحسنت او بمعنى اصبحت براضية ومقتنعة بكل شي صار لها زواجها المفاجئ رغم انه مايخلوا من بعض السلبيات مثل حقها في الأختيار والقبول او الرفض ..
إلا انها تحس انها سعيدة نوعآ ما بهذا الزواج
علي كازواج اذا نظرت له من كل النواحي مايعيبه شي ابد كامل والكامل الله وحده واللي عجبها فيه رجولته وشهامته تعامله معها وتعامله مع امها انبسطت منه بشكل غير طبيعي باقي تذكر طريقة كلامه مع امها واسلوبه المحترم رغم انه متزوج وعنده عيال ورغم خوفها من كونها زوجه ثانية إلا انها تشوف في زواجها منه فرصة لا تعوض ..لو طلبت الطلاق وين تروح سألت امها عن اعمامها قالت ان ابوها كان وحيد امه وابوه مقطوع من شجرة يعني مالها احد بعد الله إلا هو واهم من كل ذا انها بتكون مع اخواتها بنفس المكان متزوجة عم اخواتها وازواجهم عيال زوجها اللي تحس انها غير مرحب بها
سافر من اسبوعين وهي بدأت تجهز نفسها هي واخواتها واللي ماسكه التجهيز خزامى ماخلت شي ماشرته لنا خلال الأسبوعين كان يكلمها يوميآ كانت تحس في صوته لهفه وشوق وهي كانت تستحي ترد عليه ماغير الحمدلله وطيب كل المكالمه
اليوم مااتصل ولا شي ماتدري ليش افتقدت اتصاله مدري حست بغيرة لان خزامى قالت لهم ان عمها وعياله مسوين حفله لزوجته في شاليه أميرة منزلة التجهيزات في حسابها على الانستقرام ولا حاولت حتى تشوف تحس بغيرة وهي باقي بس بتسوي مثل ماقالت لها امها تمسكي بزوجش بقوة ترى ماعاد معش بعد الله إلا هو انا مامعش فيني فايدة.
رفعت عيونها لخزامى اللي تمد لها بالجوال خذي كلمي عمي يقول جوالش مقفل.،!
اخذت الجوال وهي تشوف خزامى اللي راحت رفعت الجوال وهي تشوف ايش مسجلته خزامى الخبله (عمي المزيون )حطت السماعات في اذنها بدون ماتتكلم هو ساكت وهي ساكته ماتسمع إلا اصوات
السيارات عنده ..ماتدري كم مر عليهم وهم على ذا الحال لين تكلم بصوته الرخيم وهو ينطق اسمها ريم وانتفض فيها كل شي .!
ريم بفرحة انه اتصل عليها وماانشغل بحفلة زوجته : (لبيه) بدون شعور منها نطقتها بطريقة كأنها تشكره انه مانساها .،؟
علي بحب اول مرة تعجبني كلمة لبيه في ذمتي : كيفش ياقلبي .،!
ريم لما سمعت كلامه حطت يدها على قلبها كثير عليها اللي تسمعه : الحمدلله وسكتت.
علي تنهد وهو يوقف سيارته على جانب الطريق : وانا ماراح تسألين عن احوالي .،!
ريم سكتت فعلا ليش ماسألته عن اخباره : كيفك..! غصب خرجت الكلمة منها .،!

المواضيع المتشابهه لموضوع: رواية جنوبية برت حالي ولا دري وين ديرتها لموضوع: رواية جنوبية برت حالي ولا دري وين ديرتها
الموضوع	كاتب الموضوع	المنتدى	مشاركات	آخر مشاركة
تحميل رواية خالي العزيز نابليون pdf	همسه الشوق	قسـم البحوث والكتب العلميه او التعليميه	13	11 - 2 - 2021 07:28 PM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
حمود السمي يخربها مع حبيب محاورة حفل تكريم الشاعر حامد محمد	جروح الم	همس للعرضات و المحاورات الشعريه القلطات	5	9 - 10 - 2015 05:45 PM
مشاعر لم يجربها الرجل هع	إنكسآر ♪`	همس للألغاز والنكت والضحك	6	28 - 10 - 2012 11:04 AM
رواية قمر خالد من اروع الروايات	الحب ياسمين	همس للقصص وحكايات وروايات	2	5 - 6 - 2012 04:13 AM

الذين يشاهدون محتوى الموضوع الآن : 3 ( الأعضاء 0 والزوار 3)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية جنوبية برت حالي ولا دري وين ديرتها

همس للقصص وحكايات وروايات