رواية جنوبية برت حالي ولا دري وين ديرتها

#1 3 - 6 - 2021, 09:03 AM

البارت 87

اشواق غمضت عيونها ورجعت تفتحها تحتاج تنام تغيب عن الواقع تحس ان الاحداث اللي مرت عليها بسرعة كل حدث مثل الكف على وجها وكل حدث اقوى من الثاني تبلد فيها كل شي صارت تتحرك وتمشي وتتكلم جسد بلا روح التغير اللي صار لهم فجأه مأثر عليها تشوف اخواتها يجهزون لزواجهم وهي ماشاركت ولا اختارت اي شي سلمت حياتها كلها لغيرها ماعاد صارت تملك القدرة انها تفكر وتتخذ قرار تعبت كثير والنقطة اللي ريحتها كثير ان امها تحسنت واخواتها راح تسكن معهم بنفس المكان وجدها وجدتها وراح تاخذ امها معها ايش باقي يبغى اكثر من كذا رفعت عيونها لريم اللي تشد على يدها اكثر وحده مبسوطه لها ريم عوضها ربي بعمها اللي تحس انه راح يسعدها شافت كيف يهتم ويسأل عنها.،قالت كلمة وحده لريم : سوي الشي اللي يريحك وبس.،!
وهي عندها ثقة وإيمان بالله كبير وعندها أمل ان بكرة احسن وهي راضية بقضاء الله وقدرة بس تحس التعب يتكمن من قلبها تعباانة من كل شي .
.
.
يوم الملكه وزواج
ريم

اشواق/
في المطبخ تشتغل وضيق الكون كله بصدرها اليوم المفروض تكون سعيدة ملكتها هي واخواتها اليوم بالذات تحس انها تحتاج اشياء كثيرة بس ماتدري ايش هي ..حجم الضياع والفارغ اللي تعيشه كبير حيل ..كل اللي صار لها ولأخواتها ماقدرت تتجاوزه اخواتها قدروا يتجاوزون الشي ذا وهي ماقدرت تحس كل شي محشور في صدرها ظهور اهل ابوها الجميل في حياتهم فجأه خفف عنها الشي الكثير جدها وجدتها ماخذين دور الأب والأم على اكمل وجه ..بس اليوم كانت بحاجه لوجود ابوها احمد وامها رقية ماتدري ليش ..امها اللي حاولت انها تعصر ذاكرتها علشان تذكر ملامحها ماقدرت تذكر منها شي تواصلت مع امنه أم ريم سألتها كثير عن امها وعن اخوالها بس جوابها انها ماكانت تعرف عنهم اي شي ..
استغفرت الله كثير وهي تحس بصداع قوي مو قادرة تتوازن اخواتها يتجهزون علشان الملكه وهي مافكرت ابد حتى تبدل ملابسها حتى التوقيع الملكه وقعت في المطبخ وهي تشتغل مااهتمت لما تتضايق تحب تشغل نفسها حاولت جدتها فيها تخرج وهي تكمل شغل رفضت .؟
فصلت سلك القدر الكهربائي اللي سوت فيه العصيدة ريحها القدر كثير سوت عصيدة فيه على ثلاث دفعات وطلعت العصيدة مضبوطة اول مرة تحس انها لازم تشكر خزامى لانها جابت لهم القدر ذا بعد ماسوت له اعلان .،؟
حطت العصيد في ثلاث صحاف خشب مخصصه للعصيد اخذت الملعقة وهي ترتب العصيدة في الصحفه وسوت حفره في الوسط وحطت سمن وعسل وقطع من شمع النحل وغلفت كل صحفه بقصدير..؟
اخذت لها قدر ثاني لازم تسوي مشغوثه..!
جدها طلب بس عصيد لان من عاداتهم الملكه تكون العصر ولازم يقدمون شي لضيوف وهو عبارة عن اكله شعبية جنوبية معروفة والذبائح بتكون بعد العشاء مباشرة..!
اخذت لها علبة لبن المراعى وصبتها في القدر وفتحت النار واضافت لها ملح ومويه هي ماتحب تتقيد بالمقادير تعرف تقدر تحدد كل شي بدون كوب او مقدار معين اخذت لها مضرب وصارت تحرك اللبن وبيدها الثانيه صحن فيه بر اسمر افضل نوع وحطت معه شوي دقيق ابيض علشان القوام وصارت تحط من الخليط وتحرك بسرعه لين خلصت البر واستمرت تحرك بسرعه علشان مايتكتل العجين نقصت على النار علشان تنضج كويس ..؟
جهزت صحفتين وسط علشان اذا خلصت المشغوثه تحطها امها الله يعافيها علمتهم كل شي حتى خزامى الدلوعه تقدر تسوي كل شي بس هي تستهبل علشان ماتتعب ..ابتسمت على طاري اختهم الصغيرة الكل يعتبرها صغيره رغم ان عمرها 17 سنه يمكن علشانها اخر العنقود شافت كيف حماسها لزواج رغم انها كانت رافضه فكرة زواجها تحسها صغيرة على الزواج لكن لما شافت انها موافقة خلتها على راحتها ووضحت لها ان الزواج مو لعبه واول شي سوته انها قدمت في شغالتين لها ولريم تقول انا مااقدر اشتغل في فله خاصة وانا برجع ادرس انتظام بعد اصرار من جدي وجدتي عليها وافقت ترجع تدرس .،!
شافت جدتها تدخل وهي بكامل زينتها ابتسمت عليها وهي تشوف ثوبها البني اللي كله مشغول بالذهبي ولا بسه ذهبها كله ..؟
محنيه يديها ورجولها وحاطها في شعرها فل ماخذه دور الأم على اكمل وجه
هيلة وهي توقف باب المطبخ وتناظر ببنت ولدها اللي ماكأنه ملكتها اليوم : اشواق يايمه اخرجي خلاص انا بكمل اخرجي تجهزي يابنتي علشاني انا وعلشان جدش وامش مسكينه اللي كل شوي وهي تنشد عنش اخواتش فديتهم كلهم خلصوا وانتي في المطبخ.،؟
اشواق وهي تفتح قدر المشغوثه : ابشري فديتش اخلص اللي بيدي واروح اتجهز قفلت النار وهي تشوف ان المشغوثه خلصت صبتها في الصحاف الخشبية وحطت كاسه صغيرة فيها سمن وصبت عسل .،؟

الموضوع الأصلي : رواية جنوبية برت حالي ولا دري وين ديرتها || الكاتب : حنين الأشواق || المصدر : شبكة همس الشوق

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رواية تعذبت وماشكيت واكتشفت ان طيبة قلبي هي سبب حالي	البارونة	همس للقصص وحكايات وروايات	17	20 - 4 - 2025 06:46 PM
تحميل رواية خالي العزيز نابليون pdf	همسه الشوق	قسـم البحوث والكتب العلميه او التعليميه	13	11 - 2 - 2021 07:28 PM
حمود السمي يخربها مع حبيب محاورة حفل تكريم الشاعر حامد محمد	جروح الم	همس للعرضات و المحاورات الشعريه القلطات	5	9 - 10 - 2015 05:45 PM
مشاعر لم يجربها الرجل هع	إنكسآر ♪`	همس للألغاز والنكت والضحك	6	28 - 10 - 2012 11:04 AM
رواية قمر خالد من اروع الروايات	الحب ياسمين	همس للقصص وحكايات وروايات	2	5 - 6 - 2012 04:13 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع