رواية قول احبك واترك الدنيا لعيونك - الصفحة 22

16 - 9 - 2014, 05:49 AM

سيف كان معصب بس غصب عنه ابتسم على الكلمه وقال بهدؤ:هلا
مايا وقفت قدامه وبان فرق الطول:اسمعني سار تو شي ما عجبني و ...
قاطعها سيف وارتاح انها قالت له ولا خبت عليه:ايه شفت اللي سار عشان كذا اقولك غطي
مايا طالعت يمين ويسار يوم ماشافت احد رفعت نفسها لمستواه وباست خده:ما انحرم منك ومن غيرتك يابطتي
ابتسم على حركتها وهو يسحبها لحضنه ويمشي وهو ضامها من كتوفها:ولا انا ما نحرم منك يا روح بطتك

سلطان ودانيا كانو ماسكين المحاسبه
سلطان كان بس يقزها وهو معجب بتصرفاتها وحتى كيف انها ما تطالع بوجه الرجال اللي يحاسبون
كانت هاديه لابعد درجه تذكر
كان ببيت عمه ابو نايف وكان بغرفة نواف يجيب غرض وهو معطي الباب ضهره فجأه سمع صرخه ناعمه ابتسم
على الكلام اللي تقوله
دانيا بعصبيه وبصراخ:نواف ماراح ادور الشاحن بين هالزبايل بسرعه طلعه

لف عليها وهو عاقد حواجبه وقال ببتسامه وهو منسحر بشكلها الناعم والجميل:بس أنا مو نواف أنا سلطان ونواف تحت
وقفت مبلمه بوجهه وبتناحه:آآآآآ بس هذي غرفة نواف
ضحك على تناحتها وقال بعدها ببتسامه:وانا ماقلت غرفتي
دانيا سمعت احد يناديها وكأنها استوعبت ركضت بسرعه لبره اما هو ضحك وقال:اجل انتي دانيا

رجع يوم سمعها تكلمه بنعومه:سلطان الزبون
تنح بصوتها ونبرتها الناعمه وبعيونها وقال بعدم استيعاب:ها
استحت من نضرته وهي تقول للزبون:تعال هنا معليش <<حاسبت له وماتدري صح ولا غلط بس كانت متلخبطه
لأنه سلطان باقي متنح فيها

عند مشاري كان يستنى قدام شركت فيصل بشر الدنيا كله وناوي على اللي براسه ومايدري ان الشيطان عاميه
اول ماشاف فيصل طالع من الشركه مشى بأقصى سرعه وكل همه يدعس هالفيصل وينهيه عن وجه الأرض
عند فيصل كان ماشي يكلم بالجوال ومو منتبه للسياره اللي صـ.........

16 - 9 - 2014, 05:50 AM

البارت 27
سامحوني حبايبي على التأخير واتركم مع البارت
V
v
عند مشاري كان يستنى قدام شركت فيصل بشر الدنيا كله وناوي على اللي براسه ومايدري ان الشيطان عاميه
اول ماشاف فيصل طالع من الشركه مشى بأقصى سرعه وكل همه يدعس هالفيصل وينهيه عن وجه الأرض
عند فيصل كان ماشي يكلم بالجوال ومو منتبه للسياره اللي صدمته او بالأصح انصدم وهو يشوفها تصدم بعامود النور فيصل توجه للسياره بسرعه
وبفجعه وهو يفتح باب السواق اللي كان متكي ايدينه على الدركسون(السكان)وراسه على ايدينه ومو باين وجهه قال بسرعه وهو يدخل جواله بجيبه ويسحب الرجال لبره السياره : انت بخير عسى ما تأذيت
طالعه مشاري بتنهيده وابتسامة استهزاء:فيصل
فيصل طالعه بستغراب:مشاري ؟! وش تسوي هنا
مشاري ابتسم وبعدها ضحك على نفسه:تصدق يا هه فيصل أنا كل شيء بدينتي فشل
فيصل قال بسرعه:استهد بالله يارجال واذا كل شيء بدينتك فشل تفكر بالأنتحار استغفر ربك
مشاري طلع من السياره ودفه على ورا بقوه:انت غلطان أنا ما اتنازل عن حياتي بسهوله أنا جاي اخذ حياتك انت وللأسف فشلت بهالشي
فيصل طالعه بأستحقار:وعلى ايش هذا كله يا مشاري أنا مو خايف منك ولا من كلامك سو اللي تبيه وانا متأكد ان الله اللي ياخذ مو انت ي مشاري
مشاري بضحكه:طيب حلو وانا ابي روحك عشان اخذ شموخ من بعدك
فيصل مشى وطنشه:شموخ تاخذها على جثتي يا مشاري واذا قتلتني يعني شموخ بتحبك وبترجع لك وتقول لك شكراً انك خلصتني من فيصل ههههههههههه بالعكس يابابا بيزيد كرهها لك اضعاف وعموماً الحين شموخ زوجتي وملكي أنا يعني أنا لو قتلتك والله ما اقعد يوم بعدك بالسجن لأنه شرف وهنا بالسعوديه الكل يعرف معنى الشرف «ركب سيارته ومشى بسرعه وبعدها وقف عند مشاري وهو يقول بأستهزاء:العب على قدك يا هه فاشل «ومشى متوجه للبيت
مشاري كان واقف محله بقهر والشرار يتطاير من عيونه ظرب الأرض برجله بقهر وهو يقول :لو اخسر حياتي م اخسر شموخ ما اخسرها وخصوصاً قدام فيصل «قال اخر كلمه وهو يشد على قبضته
---------------------------------------------------------

16 - 9 - 2014, 05:51 AM

مر اليوم على ابطالنا وقضو اكثر يومهم بالسوق واشرقت شمس جديده تعلن عن يوم جديد با أجازتهم
الصيفيه
بيت نايف كانت بالمطبخ تطبخ ومندمجه دخل من وراها على اطراف اصابعه وضمها من ورا وباس رقبتها:حبيبت قلبي وش تطبخ
ابتسمت وهي تلف عليه وبدلع :النونو مشتهي اندومي
نايف ابتسم وبعدها ضحك:النونو قاعد يسمن امه ويخليها بطه ههههههههههه
طالعته بدلع وهي تلف عنه وبزعل مصطنع:والله انت اللي تبي نونو تحمل نتايج الشي اللي تبيه
لفها له وهو يطبع بوسه على شفاتها وبهمس:مها سار من النونو وامه مثل العسل على قلبي
ضمته بقوه وهي تدفن راسها بصدره:الله لايحرم النونو ولأمه من هالزوج وا?بو الحنون
شد على حضنها:حبيبتي انتي ما انحرم منك
_________________________________________
بيت ابو سيف وتحديداً غرفة سيف
سيف:مايا قلت لك لا يعني لا مررره قصير ماراح تلبسينه
مايا:ليه لا مافي الى حريم وتراه زواج اختك يعني عادي
سف بعناد:لا ما تلبسين قصير حدك تحت الركبه وأذا لبستي اطول احسن واحسن
مايا بقهر:طيب اقنعني مو بس تفرض رأيك كذا
سيف عصب:أنا ما افرض رأيي أنا أأمرك وما ارضى عليك لو تلبسين هالفستان
مايا بقهر ?نها حست انها بتبكي:طيب ابغى اقفل ممكن
سيف صرخ:لأ مو ممكن أنا اتكلم وماخلصت كلامي
مايا صرخت وصوتها بكى:طيب بسمع بسمع ها قول قول وش تبي ولا بس الشغله نكاده فيني
سيف سكت وحس انه زودها على ولاشي قال بهدوء:مايا قفلي وكلميني لا هديتي
مايا قالت هالمره:لا مو مقفله تعرف تنزل دموعي بس منت قادر تستحملها لاتحملها ياسيف تحملها
سيف تنهد وسكت وهو يسمع شهقاتها قال بحنان وحب :خلاص حبيبتي اهدي وانا غلطان ادري أنا «وبتبرير:قلت لاتلبسين فستان قصير بس هذا من غيرتي عليكي
والله اني ما اتحمل احد يشوف منك اي مفاتن انا احس كل شي فيكِ ملكي وما ابي احد يشوفه غيري ومو قصدي اامرك او افرض رأيي عليكِ
مايا وهي تمسح دموعها بتنهيده:والمطلوب الحين
سيف همس:زعلانه قلبي
مايا بتريقه:لا ابد فرحانه بطير لأن الزواج مابقى عليه غير 6 ايام وانت الحين تقول لي ماتلبسين الفستان لزواج
سيف:بس آ.......
قاطعته مايابدلع:حبيبي بس افهمني والله انا ملكك بس السالفه وما فيها انه انا شريت الفستان بقناعه واوعدك م البس بعد قصير الا برضاك بس اسمح لي هذي المره
سيف تنهد وقال بأستسلام:عشانك وعدتيني بس
مايا ابتسمت بأنتصار وفرحه:حبيبي انت فديتك والله كنت ادري انك مابتكسر بخاطري
ابتسم لفرحتها:ومستحيل اكسر بخاطرك
************************************************** ************************************************** ************************************************** ***

16 - 9 - 2014, 05:53 AM

بيت ابو سطام وتحديداً غرفة سلطان
سلطان كان كل تفكيره مع البنت اللي ماخذه عقله من ذاك اليوم وكل تفكيره انه البنت صح مو اجمل من شموخ ولا وبنعومة شموخ بس حس بشي معها ماحسه مع اي بنت
حس براحه من اعماقه حس انه يبي يشوفها كل شوي وتكون معه ترد اسمها براسه((دانيا)) وحركاتها وهدؤها وادبها جا بباله شكلها وهي عروس وتنزف له ابتسم على هالتفكير
وانقطع تفكيره على دقة الباب صلح جلسته وهو يقول:تفضل
دخلت ام سطام بهاللحضه والأبتسامه على شفاتها:سلطان
ابتسم وهو يسلم على راسها وايدينها ويجلسها على السرير بجنبه:ام سطام منوره غرفتي اليوم امري يالغاليه
ام سطام ببتسامه:ما يامر عليك عدو او ظالم ياولدي بس بطلبك شي
سلطان طالعها بأستغراب وتسأل:امري يالغاليه لك ماطلبتي
ام سطام ابتسمت بفرحه:بصراحه ابي ازوجك
سلطان ابتسم وهو يقول جواته:مو خيال هذا اللي تخيلته <<وحس انه فرصته جت على طبق من ذهب:يمه انا بعد كنت بكلمك بهذا الموضوع
ام سطام ابتسمت:وصلنا خير بنت جيرانــ.....
قاطعها سلطان:لالا لابنت جيرانا ولا جيرانهم انا بصراحه آآ فيه بنت براسي
ام سطام عقدت حواجبها:بنت براسك طيب من هي
سلطان:آآآ هي يعني بنت عمي وكذا يعني هي
ام سطام بأهتمام:ايه مين ؟؟
قاطعهم اللي دخل بسرعه وحماس وهو مغمض عيونه كنه بحلم:سلطااااااان رفيف هالبنت طيررت عقلي مو قادر افكر ببنت غيرهـ .... آآآ يمه
ام سطام رفعت حواجبها وهي كاتمه الضحكه:اجل <<وهي تقلده:مابي اتزوج الحين يمه توني مافكرت بهالشي هههههههههههه اجل ماتبي تتزوج
سطام سكت بفشله:يمه صدقيني انا ..........
ام سطام قاطعته وهي تلف عنه وكاتمه الضحكه:ايه انت ماتبي تتزوج الحين ورفيف اممممم رفيف تصدق ياسلطان الرجال اللي خاطبها الحين يمدحونه وخصوصاً ان عمك ابو ريم زوج بنتينه الباقيات
سطام وقف قامها بصدمه:نعم من خاطبها وهي وافقت لا مو على كيفكم انا ابيك الحين تخطبينها لي الحين
ام سطام بتمثيل:لا ياولدي انت ماتبي تتزوج الحين وتوك مافكر بهالشي
سطام وهو يجلس على ركبه وبترجي:لا يمه والله افكر الحين ابي رفيف الحين الحين
ام سطام ابتسمت وهي تقوم:الحين بروح ادق عليهم
سحبها سلطان:يمااااااااااه يعني رضى الكبير طنشتيني
ام سطام جلست بأسف:والله من فرحتي ها يايمه من البنت اللي براسك
سلطان ابتسم:بنت عمي دانيا
ام سطام:كلللللللللللللللللللللللللللللللللللللللوش ياحض عيني يوم اشوف عيالي عرسان
سطام وسلطان ضربوة كفوفهم بالهوى والأثنين:يس
************************************************** ************************************************** ************************************************** ***************************

16 - 9 - 2014, 06:13 AM

بيت ابوسيف وصلت عند الباب ودقت اكثر من مره على شموخ عشان تفتح لها الباب وطبعاً ما وصلها رد غير انه الباب انفتح كانت تطالع الجوال ولمن انفتح الباب فتشت وجهها
وقالت بعصبيه:شموخ الهم ساعتيـ ....
طالعها وهو فاتح عيونه على كبرهم:شموخ تتحمم
ارتبكت:آآآ سليمان
سليمان بتناحه:لا ايه لالا <<ضرب راسه:ايه سليمان
ابتسمت جواتها على ارتباكه:ممكن ادخل
بعد سليمان عن الباب:تفضلي
مرت من جنبه ولحقتها عيونه بسرعه مسك كف ايدها وهو يقول بهمس:مين انتي ؟؟
رفعت حاجبها وقالت بحده:سليمان اترك ايدي ولاتتجراء مره ثانيه <<وتوجهت لجواة البيت ولفت عليه وقالت:ايه صح انا داليا لا تحسب اني جايه اسرقكم
سليمان تنهد:واحلى داليا
************************************************** ************************************************** ************************************************

16 - 9 - 2014, 06:14 AM

بيت مشاري
دخلت الغرفه اللي كانت بااااارده وكان مشاري متلحف باللحاف رفعت اللحاف عنه بتنهيده:مشاري حبيبي
مشاري طالعها:شجن اذلفي عني ترا والله مو فايق لك
صرخت شجن:ومتى انشالله تفوق لي انت يعني يا بره البيت يانايم هنا راحم حالي وانا وين موقعي بحياتك وين
يعني الصبرلا له حد مشاري لاتختبر صبري والله العضيم بنفجر والله
مشاري وهو يقوم ويجلس وبدون شعور يتكلم:ساشجن شموخ راحت مني وش تبين بعد تزوجتك وجبتك ببيت بس قلبي ما راح يكون لك قلبي ملك لأنسانه ثانيه
حست انها انضربت كف على وجهها طاحت وجلست على الأرض ودموعها على خدها:اللي يسير بزياده علي والله بزياده حرام عليك <<وبشهقه:حررررررررااااام
انسدح على السرير بتنهيده:شجن انا احب شموخ ومو قادر انساها
شجن تنهدت:وانا ما اقدر اصبر واشوفك تجرح فيني انا كنت بقولك انه طلع لي خال بالسعوديه وعنده شهاده تثبت اني بنت اخته كنت بقاسمك فرحتي يامشاري
بس انت ماستستاهل ابد <<غمضت عيونها بقوه:مشاري طلقني
مشاري فز من السرير بسرعه وكأنه صحى من عالمه الخاص وجلس على الأرض عندها وهو يقول بشكل جنوني:لا شجن ماراح تخليلني مستحيل اطلقك ماراح تخليني وتبعدين مستحيل
شجن دفت ايده اللي محوطتها:ابعد عني والله قربك مني يقرفني ويحسسني اني رخيصه ابعد عني احسن لك يامشاري ترى للصبر حدود وانا وصلت حدي

لا تختبر صبري حتى الصبر لو حد .. قلبي رهن امري اسمع كلامي جد
لا تختبر صبري حتى الصبر لو حد .. قلبي رهن امري اسمع كلامي جد

اقوى على غدرك اقوى على هجرك الا على جرحي كل الصبر ينهد
لا لا لا لا لا لا لا لا لا لا لا لا لا لا لا ...

لا تختبر صبري حتى الصبر لو حد .. قلبي رهن امري اسمع كلامي جد

قلبي كتب وحروف مثلك صعب يقراه ما كل بصير يشوف حس انت بس معناه

ليلي سهر ع طول طرف الرمش مبلول شاعد بعد و اقول مليت انا من العد
لا لا لا لا لا لا لا لا لا لا لا لا لا لا لا ...

لا تختبر صبري حتى الصبر لو حد .. قلبي رهن امري اسمع كلامي جد

16 - 9 - 2014, 06:15 AM

بعد اربع ايام الوضع روتين على الكل م عاد شجن اللي راحت بيت خالها ومشاري اللي
يحاول يرجعها بأي طريقه والكل بأنتضار زواج شموخ بفارغ الصبر
بيت ابو سيف دخل من الشغل وشافهم متجمعين بالصاله ويسولفون قال السلام والكل حس بصوته شئ غريب
ابو سيف بتعب:السلام عليكم
قامو عياله ومنال اللي مستغربين من نبرة صوته وشكله يسلمون عليه
منال جلست بجنبه وقال بهمس:ابو سيف وجهك مو طبيعي حاس بتعب حاس بشئ
كان مسند راسه على الكنب وابتسم بتعب بان عليه:مافيني شئ يابنت الحلال انا بخير
شموخ كانت تتطالع الوضع وقلبها قارصها قالت بهمس وخوف:بابا حبيبي
حاول يرفع راسه اللي كان مسنده على الكنب وقال بعد مارفعه بجهد بتعب:احم نعم
شموخ اتأكدت انه ابوها فيه شئ لأنه عمره مارد عليها بهذي الطريقه قالت بعد ماقامت وجلست على ركبها
عند رجوله وهي تحظن ايدينه بأيدينها الصغار قالت بدموع:بابا حبيبي انت بخير
سيف وهو يضرب يد بيد:يووووه يا شوشو بدينا درامتك الحين
شموخ ماعطته وجه وهي تطالع بأبوها الللي طالعها بحنان وهو يقول وهو يسحب انفاسه:انا بخير ياحبيبت ابوك بخير <<كح بقوه كذا مره حط ايده على فمه ورفعها واللي لاحضه
الكل انه خبها بسرعه وارتباك <<ورجع كح بقوه مره ثانيه وايده كلها دم
سيف وسليمان قامو بسرعه يوم شافو دم على فم ابوهم
سيف بخوف:يبه انت متأكد انك بخير
سليمان:خلينا نوديك المستشفى
ابو سيف وقف بصعوبه وعصبيه اول مره يشهدونها عياله منه:انا بخير وبعدين يعني ممنوع اكح <<ورجع كح بقوه دم
منال وشموخ بدت دموعهم على خدهم اما
سيف رفع ايده وكأنه يقوله اهدى وجلس بمكانه عم الجو الصمت والكل خايف قال ابو سيف بندم انه عصب على عياله قال
بهدوء:سامحوني مو قصدي اعصب عليكم بس انا تعبان شوي
سيف:وش هالحكي يبه الله يهداك انت لو تدعس على ارقابنا مانزعل
سليمان قام وقرب لشموخ اللي قطعت نفسها بكى وهو يضمها:يابنت وش صابك هذا ابوي بخير ومثل الورده قدامنا مشالله<<كان يقول هالكلام وهو مو مقتنع فيه اصلا

16 - 9 - 2014, 06:16 AM

ابو سيف ابتسم على حب وخوف عياله على بعض وقال:الله يديم قلوبكم على بعض <<ورجع يكح اقوى من قبل وهو يفك ازارير الثوب
سيف وسليمان قامو بسرعه وشالو ابوهم اللي بدا يكح بدون توقف للمستشفى شموخ صرخت ببكا:ابي اروح معكمممممممممممممممممممممممممم انتضروني
سيف وسليمان اخذو ابوهم اللي بدا يستفرغ دم (لكم الكرامه)بدون مايسمعون لشموخ اللي مسكتها منال وهي تصيح بصمت شموخ وهي تحاول تفلت من ايدها قالت ببكى وصوتها رايح:خليني اروووووح خليني منال خليني

منال وهي تضمها ببكا:شموخ يا حبيبتي اهدي انت مصليه مسميه مايجوز اللي تسوينه وتراه تعبان وله طولت العمر
شموخ جلست على الكنب بأنكسار ودموعها تشق طريقهاو تحرق خدودها الناعمين وهي تغطي وجهها بأيدينها:ربي لاتحرمني ابوي مثل ماحرمتني امي
بعد ساعه دق التلفون ردت شموخ بسرعه يوم عرفت رقم سيف بلهفه:سيف
سيف وبصوته بكى :شموخ ابوي دخل بغيبوبه
*********************************************
ادري البارت قصير بس والله هذا اللي قدرت عليه سامحوني اتمنى يعجبكم واشوف تفاعل ومرحبتين بالمتابعين الجدد اتمنى ارضيكم دوم حبايبي

16 - 9 - 2014, 06:17 AM

البارت الـ28

وصل وصل وصل
V
v
سيف ببكى:شموخ ابوي دخل بغيبوبه
شموخ وقف بطولها من الصدمه وهي تقول بصوت متقطع:غـ يـ غيـ بوبـ ـه<<واغمى عليها
منال اللي كانت بالمطبخ قربت لها بفجعه وهي تضرب وجهها:شموخ شموخ وش سار شموخ <<شافت السماعه اللي طايحه على الأرض وتوجهت لها بسرعه
منال بدموع:الوو
سيف رد ببكى:مرت ابوي شموخ وش سار على شموخ ؟؟
منال وهي تهز اكتافها وتشرح بكلام مومفهوم:شموخ كنت انا هناك<<وهي تأشر على المطبخ وكملت:وجيت هنا وشموخ على الأرض <<وبتوهان:وش اسوي سيف <<وببكا:قولي انه عبدالعزيز بخير تكفى قول انه بخير
سيف حاول يهدا وقال:منال لبسي شموخ والبسي الحين جايكم
************************************************** ************************************************** ************************************************** **************************************
بيت ابو فيصل دق الجرس وتوجه فيصل اللي عارف ضيفه للباب
فيصل ببتسامه:حياك الله تفضل يا مروان
مروان ابتسم وهو داخل:يزيد فضلك
جلسو بالمجلس وبعد ما قهواه فيصل
قال مروان وهو يشوف الصمت والتردد بعيون فيصل:فيصل
فيصل تنهد بعد صمت:سم
مروان قام لعند فيصل وجلس بجنبه وهو يربت على ضهره:فيصل فكر بمصلحتك العرض هذا ماينعاد مرتين
فيصل غمض عيونه بصمت وبعدها قال بهدوء:اليوم لازم اعطيك القرار صح
مروان:لو القرار لي او بيدي كان خليت الموضوع على هواك ومتى ما بغيت بس عبد مأمور مابيدي غير اوصل الرساله
فيصل قال بسرعه:بس يا مـ.....
قاطعه مروان بأبتسامه:انا ادري انه بعدك عن اهلك صعب بس هذا لمصلحتك ومصلحتهم وبعدين ترا كل السالفه 12 شهر يعني لاتحسسني انه العمر كله بتروح
فيصل بتنهيده:12 شهر يعني سنه ولاتستهين بالسنه لانها ببعدي عن اهلي بتكون اطول من كل عمري اللي راح

16 - 9 - 2014, 06:20 AM

مروان بتنهيده:فيصل بقولك شس ولازم تفهمه زين نحنا كلنا على الأرض هذي مصيرنا لتحت التراب وهذا بعد دنيا مو اخره وبعدين يا خوي لزوم اهلك يتعودون يعيشون ببعدك
لانك من دايم لهم فتره بسيطه بعيد عنهم ممكن تأقلمهم وتعودهم على التعايش في بعدك وهذي الأوراق قدامك واللي انا وانت نعرفه زين انها مو مجرد اوراق مطبوعه وتبي توقيعك
والسلام هالأوراق حلمك من انت صغير واذا بتضيع هالحلم ارفضه وبس
فيصل سند راسه على ظهر الكنب وهو يقول بهمس:حلمي قبل يموت ابوي الله يرحمه ولكن انا من مات ابوي ما بقى لي حلم غير واحد والحمدالله حققته <<ابتسم وهو يتذكر شموخ وانها الشي الوحيد
اللي تحدا الزمن فيها واخذها لعالمه اللي نسى كل حلم فيه عشان يعيش اهله قال بصوت مكسور:انا موتت ابوي كسرت ضهري يامروان ولالي حلم من بعده غير هاليتاما وامي
فاق من عالمه على صوت مروان:فيصل انا ماراح اضغط عليك ابد ولكن انا طلبت هالأوراق بعد رفضك لانك تسرعت برفضها وتقدر تقول ان الدنيا عطتك فرصه ثانيه تحقق احلامك فيها
فيصل نزل عينه للأرض وهو يقول:ماراح اوقع يامروان ماراح اكون اناني واترك اهلي عشان حلم تافه حلمته وانا بزر
مروان طالعه بصدمه:فيصل انت الحين اناني على نفسك وقاعد تعطي حياتك لأهلك وبس وحلمك اللي حققته مو كافي تعيش علشانه الواحد لازم يملك كل يوم حلم ويحققه او على الأقل يسعى لتحقيقه مو يتفرج
على حلمه يضيع من بين ايدينه وهو واقف متكتف ويتفرج عليه ويمكن بعد يكون هو اللي شاته برجوله وابعده انت وللأسف فشلت بتحقيق احلامك ولاتضن ياخوي ان احد بيثني عليك ويقول شوفوا البطل
اللي ضحى بحلمه عشان اهله بالعكس الكل بيطالعونك بنظرت وسامحني على اللفظ بيطالعونك بنظرت الفاشل اللي ماقدر يحقق اي شي من احلامه وداسها برجوله
فيصل شد على قبضة ايده ووده تطلع منه كلمت الموافقه بس كل ماتذكر اهله يتردد قال بقوه:وانا حلمي اسعد اهلي واعيشهم مومحتاجين احد ويكفيني انهم يحلمون وتتحقق احلامهم انا ارفظ يامروان ورجاءً لاتظغط علي
دخل بهذي اللحضه فراس:لا بتقبل يافصيل بتقبل ياخوي واللي راح من عمرك تحقق فيه طلباتنا يكفي عيش الحياة اللي تتمناها عيش يافيصل
فهد:انت ربيتنا وكبرتنا جزاك الله الف خير ماقصرت بس جا الوقت اللي نساندك فيه ونكون رجال يعتمد عليهم وبيكونون اهلك الأنانين لو حرموك حلمك ياخوي
فيصل والدمعه بهدب عيونه ابتسم:فهد وفراس متى كبروتوا كذا وسرتو تتكلمون بالجد
فراس وفهد قربو وضموه وقالو مع بعض بمزح وطريقه تضحك:كبرنا على ايدك ياغالي
الكل ضحك:هههههههههههههههههههههههههههههههههههههه

المواضيع المتشابهه لموضوع: رواية قول احبك واترك الدنيا لعيونك لموضوع: رواية قول احبك واترك الدنيا لعيونك
الموضوع	كاتب الموضوع	المنتدى	مشاركات	آخر مشاركة
رواية شياطين تدوس الارواح واو احلا رواية قريتها	البارونة	همس للقصص وحكايات وروايات	12	24 - 12 - 2024 01:34 PM
رواية قلت احبك قالت حب انتقام ولا تملك قلت ليه هو الحب عندك انواع	البارونة	همس للقصص وحكايات وروايات	140	27 - 10 - 2024 08:32 AM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
رواية جيت اقول اني احبك شفت عينك واستحيت	نظرهـ خجولهـ	همس للقصص وحكايات وروايات	14	14 - 4 - 2012 08:49 AM

الذين يشاهدون محتوى الموضوع الآن : 8 ( الأعضاء 0 والزوار 8)

الأعضاء الذين قاموا بتقييم هذا الموضوع : 1