رواية مجنونة وعاشق اجن

22 - 9 - 2014, 10:02 AM

بعد مرور ساعات........
سارة شهقت: كييييف؟ عمي ماااات؟
ليه؟ ومتى؟ وشلون؟ ايش صار؟ تهز جمانه:تكلميييييييييييييييي
جمانه ودموعها مثل السيول تمشي
: خلاص عمي مات يا سارة وتكمل دموعها
سارة مو مصدقه

22 - 9 - 2014, 10:03 AM

أخذت الجوال واتصلت على ياسر
ــــــــــــــــــــــــــــــــــــــــــــــــــ ـــــــــــــ
بالرياض...............
مشاعل: ههههههههههههههههههههههه خلاص ياسر حرام عليك ههههه
ياسر:يقولك وحده تبا تتزوج علشان تركب قدام بالسيارة
مشاعل: ههههه
ياسر : ولا صرصور شاف محل جزم قال لصاحبه: يا حبك للشر
مشاعل: ههههههههههههههههه
يرن جوال ياسر( كفاية حرام علييييك............
المتصل&&الخائنة&&
ياسر بقهر"**ولك وجه يالواطيه تتصلي جد أنك مو بنت ناس حيوانه بس أنا اللي أربيك شفتي ما عندك ولي لعبتي بذيلك هين *: أف
مشاعل: ههه رد
ياسر: ما أبي
مشاعل: يلا ياسر رد حرام ......
ياسر : علشان خاطرك بس
: الووو

.........................

قام من الكرسي: اهدي اهدي شصاير بالبيت أسمع حس حسن يصارخ صح؟
..........................

تكلمي ولا الحين أجي في شي؟
..........................
من ابوي ولا أبوك؟

.....................
أبوي ماااااااات ؟
...............................
سكر حسن بوجهه سارة : مشاعل؟ أبوي مات؟
مشاعل بلعت ريقها: كذاب
فهد: هاي شباب
: لا رد
مشاعل ركضت لأبوها داخل
دخلت : يبه ؟
بو بندر وأم بندر ورياض بينهم : هلا
رياض قام حاب يسلم عليها اللي يعرفه أنها أخته بالرضاع ...
مشاعل ما مدت يدها للسلام ضنته على طول
رياض أحمر أشوي مو متعود على هذه المواقف .....
مشاعل: زرت أبوك ؟
رياض: ايش؟
مشاعل وبكت بصوت عالي
بو بندر وقف: ايش فيك ميشو بابا
أم بندر قامت بعد وسحبت مشاعل لصدرها: حبيبتي شفيك؟
مشاعل تشهق: أبوي مااااااااااااااات ماااات
رياض: من؟

22 - 9 - 2014, 10:05 AM

بالمستشفى........
فهد: الله يخليك ما أعرف أتصرف طلال رد يقول مني فاضي لك أنا بتحدي مهم مع مدري من وسكر وحتى ما سمع ايش اللي بقول له وبندر جواله مقفل ما في إلا أنت

خالد: أوكي أوكي بس ما عرفت ايش السبب؟
فهد: ايش دراني تعال أنا بمستشفىالـ........
خالد بعون وفزعه: أفا عليك ثواني
فهد: يلا تكفى لا تتأخر .......
الطبب: لاحول ولا قوة إلا بالله العظيم.......
فهد بصدمه: مات؟
ــــــــــــــــــــــــــــــــــــ

22 - 9 - 2014, 10:05 AM

بالدمام..........
حسن: ما أقدر أعيش بدوووونك يبه ما أقدر
محمد : أأأأه ليه تناديني ياحسن ليه تقول لي تعال شوفه ياليتني ما شفته ياليتني ما ناظرته كل منك أنت اللي قلت لي تعال ليه تقول لي تعال
أحمد جاء من بره: واليله قمر أحمد قمر هلا والله بقمرنا واليله نجوم الدنيا انتثرت بالسماء هلا والله بنجمنـ
شفيك؟
محمد : يشهق بالبكي أكثر
: أه يا أحمد لو تشوفه لو تشوف الظهر لو تشوفه جسد بدون روح مات الغالي مات
أحمد بلع ريقه: ورب البيت إذا تمزح بفقع عينك لأني بصدق أن حد مات ايش فيه؟

حسن قام يدري أحمد متعلق بأبوهم أكثر شخص بعد مشاعل وضمه
: أحمد كلنا بنموت وهذا الله اللي كاتبه أنت تشوف شي الله ما يشوفه لنا بالمستقبل؟ أنت تعرف أن ما في حد يموت قبل عمره بثانيه وحده ولا بعد لحظه وحده صحيح كلامي ولا لا؟
أحمد: من؟
حسن: وأن كل نفس ذائقة الموت ولـ
أحمد: من؟
حسن بعد عنه مسح دمعته : صرنا يتامى يا أحمد
أحمد : مستحييييييييييييل أبوووي بروووح له ماله داعي الكذب والله بروح له خلاص غيرت رأيي بروح له
يعني .....شنو ؟؟؟؟؟؟؟؟
محمد: هه تروح لمن لجثه لجسد ما راح يكلمك ويرد عليك
أحمد: أنتم تمزحون؟
ـــــــــــــــــــــــــــــــــــــــــــ

22 - 9 - 2014, 10:08 AM

بطريق الرياض إلى الدمام.........
سعاد((أم بندر)): صلوا على النبي
مشاعل تشهق: أبوي راح يمه راح الغالي راح أأأأأأأأأأأأأه وتصارخ بالآهات أبوي يبه تصرخ أكثر يبه رد علي والله أني أحبك يبه يبه رد تكفى رد علي
طلال من الصراخ وقف سيارته على الطريق ونزل من السيارة....
رياض مصدوم **كيف يروح أنا ما شفته ما ضميته ما قلت له يبه ما كلمته ما سولفتمعه ما سمعت صوته إلا مره بس كيف يروح؟ أنا السبب ايش يصير إذا مانولدت بهذه الدنيا كان ما صار لنا شي **
ــــــــــــــــــــــــــــــــــــ
بالمستشفى .......
خالد: ههههههههه
فهد: أقسم بالله طاح قلبي بأطراف أصابعي كان الحين مو بس ياسر اللي جاله انهيار عصبي حتى أنا أقولك لو تشوف وجهه وهو يقول لاحول ولاقوه إلا بالله اللي يسمعه يقول مات ما يقول انهيار عصبي بسيط حسبي الله عليه كل شعره وقفت بعروقي
خالد: ههههههه للحين ما عرفت ليه جاه كذا؟
فهد:ايش دراني؟
أقول لك بروح لبوفياتي ما أشوف إلا مشاعلوه منقلبة ألوان شسالفه شبلاك؟ ماترد ؟
خالد أبتسم : أتصل عليها نشوف الموضوع
فهد: أوك
بعد دقايق: ماترد ولا قفلته مع وجها .........
خالد: تحس أن الموضوع خطير؟
فهد خاف: شقصدك يعني؟
خالد يمسك جواله: بوليد؟ .........ايش؟............أها .... طيب يلا مع السلامة.
فهد: عرفت ايش الموضوع؟
خالد بغرور: يعني أنا لو أبي شي ماراح يصير؟
فهد: أخلص ايش السالفة؟
خالد: أبد أبو حسن عطاك عمره.
فهد بحزن: ياالله الله يعينهم ياربي ايش حال أولاده ولا كيف يعيشون بدون أبوهم
خالد عطاه نظره سكت منها
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
بالدمام ......
سارة تضم مشاعل ويقضوها بكاء
جمانه تضم ابتهال والدموع مو راضيه توقف .....
أم فيصل جالسه بالكنبة وتبكي وأم بندر تهدي فيهم
:::::::::::::::::::::::::::::::::
:::::::::::::::::::::::::::::::::::::::::::::::::: ::::::

22 - 9 - 2014, 10:10 AM

طلال لحسن: صلي على النبي يا حسن أنت المفروض توقف معهم مو معاهم تبكي أنت الحين سندهم بالحياة
حسن يبكي بقوه: ما أقدر أعيش بدونه ما أقدر يا ناااااااس أأأه ياليتني أنا اللي مت مو هو
طلال: أستغفر ربك أقول هذا قضاء وقدر أصبر أجرك على ربك
وأنت يا أحمد ويا محمد ساندو أخوكم مو توقفون لي وتناظرون أرضوا بحكم ربكم كل شي له حكمة بالحياة
أحمد يهز جسمه ودموعه على خده أما محمد حاط أيده على وجهه
ومحد منهم رد على طلال
طلال : لاحول ولا قوة إلا بالله
ــــــــــــــــــــــــــ
بو بندر لخالد: بتروح للدمام؟
خالد: وليه أروح؟
بو بندر حتى هو مايبا يروح خلاص زوجته وولده وبنته راحوا ليه يروحون الباقي: أها
خالد: وأنت ياعمي بتروح؟
بو بندر: لا مانيب رايح ..
خالد : طيب والشركة اللي بالدمام على فكره تراها خلصت من البناء مابقى إلا الديكورات والصبغ والأثاث
بو بندر وباصم أنه مافي حد يتغلب على ذوق خالد : أكيد أنت المسؤل عنها
خالد: أوكي
ـــــــــــــــــــــــــــــــــــــــ
بالمستشفى.......
ياسر: طيب ذبحتني
الدكتور: ههه لازم هذه التوصيات علشان تطلع لنا بالسلامة
ياسر: اوهو طيب كمل خلصنا
الدكتور: ولو سمحت أي شي يضايقك أبعد عنه وإذا تحس نفسك تعبان من شي أو شي لا تتردد أنك تروح لدكتور
ياسر: أوامر ثانيه؟
الدكتور: لا شكرا واتبع الأدوية بشكل منظم و
التفت الدكتور وما شاف أحد جالس بالكرسي
طااااخ
<<<<<صوت الباب
ــــــــــــــــــــــــــــــ
بعد مرور ساعات وصل ياسر للدمام

أحمد أول ماشافه قام ياسر هو السند هو أقوى واحد يتحمل فيهم ياسر هو الصبور بينهم
ضم أحمد ياسر ويبكي بصوت حزين وأنين
ياسر* ليت عندي قدره للبكاء مثلكم آه أطلع بداخلي من النار أشوي* ويمسح بشعر أحمد الطويل: أصبر يا أحمد أصبر أن الله مع الصابرين.
طلال: أحسن الله عزاكم
ياسر أنتبه فيه وبرياض اللي جنبه : عزانا وعزاك طلال .
طلال* ماشاء الله عليك يا ياسر جد أنك رجال قد مسؤوليات *

22 - 9 - 2014, 10:11 AM

جمانه لمشاعل: شفته يا مشاعل ليتني ماشفته آآآآآآآآآآآآآآآآآه ياليتني ما شفتك ياعمي
جات سارة وتهدئها لأنها تصارخ بجنون .....
مشاعل بكت أكثر : ياليتني شفتك يبه ماشفتك يبه ماقلت لك يبه من زمان يبه تسمعني رد علي يبه أنت ماتحب تشوفني أبكي صح؟ يبه أنا أبكي بنتك تبكي يبه تعال وهديها يبه قولي أنا موجود جنبك يبه
أم بندر بكت ببكاء بنتها اللي يقطع القلب وراحت جلست جنبها وتبكي أكثر وتهديها بنفس الوقت
إما حال الماس لا يسر *أنت اللي أقنعتهم يزوجوني من بو فيصل أنت اللي أقنعتهم أني أروح معه للرياض أنا ايش عملت أنا اللي ذبحتك هذا جزأك لي أنا اللي قلت لك عن خطبة طلال لأخته لو ماعملت كذا كان محد يدري آآآآآه ياليتني ماتدخلت ياليتني أنا اللي مت ولحقت بو فيصل حللنني يابو حسن*التفتت لسارة لأن جمانه حالتها حاله :فضة والجوهرة دروا ؟

مشاعل بكت أكثر: الله يعينك يمه لوتسمعي الخبر الله يعينك يبه ترضاها حزنتنا كلنا يا يبه ليه تعمل كذا يبه حنا ايش عملنا يبه
ابتهال بكت *الله يعينك يا خالتي أكيد بتلومي نفسك*
إما ألماسه ندمت قد شعر رأسها أنها سألت لأنها أحيت البكاء من جديد
< ليه تضني فقد الأب سهل يا ألماسه ؟

ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
بالسجن.....
الجهورة لفضة: ناقزني قلبي
فضة ومالها خلق كل يوم تحاول تطلع سالفة من تحت الأرض من الفراغ : أف وليه أن شاء الله ؟
توها بتتكلم لكن الباب والحارسة قاطعوها :ألجوهرة
كل الحريم يناظروا فيها كل يوم يجي حد يسأل عنها إلا هم محد يسأل عنهم ولا حد يزورهم انقهروا وغاروا منها
<<<<<لو تدرون تحمدوا ربكم أن حد مايزوركم
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::

22 - 9 - 2014, 10:13 AM

بالغرفة
الجوهرة : أخبارك يمه عساكم بخير ؟
ياسر <<وطبيعي ياسر اللي يخبر أمه لو حد من أخوانه كان قلبوا السجن عزاء : لا يمه كلنا بخير وبسلامه
الجوهرة بتردد: أبو أبو أبوك شخباررره ؟
ياسر *كأنك حاسه كل يوم نجي لك ما سألتي شمعنا الحين؟ *
أخذ نفس
الجوهرة خافت مارد عليها؟: فيه شي
ياسر بقوة وثبات: البقاء لله
الجوهرة: ايش؟ شنو يعني
ياسر بهدوء: يعني أبوي عطاك عمره وبهدوء راح الغالي يمه ويسلم عليك ويطلب الحل يمه
الجوهرة: أنت خرفت أنت مجنوووووووووووون مجنون لا كذاب أطلع بررررره بررررره طلعوه مآبي أشوفك يا كذاب
ياسر ما توقع أنه أمه راح تنهار لهدرجة
: هدي يمه تكفين اهدي
الجوهرة تمسك ولدها برجاء : قولي أنه كذب تكفى قولي أن أبو حسن ما مات ؟ قولي
ياسر : يمه كلنا بنمو وبـ
أم حسن أطلقت صرخة : لــــــــــا
وتركض والحارسات وياسر يركضوا ورآها نبي تتأكد من الخبر بنفسها
لحقت عليها حارسة وجلست تصارخ عليها
جا ياسر وعطي ألحارسه كف
وضم أمه
الكل أنذهل الحارسة ساهرة يجي أحد ويعطيها كف مستحييييييييييييييييل
جات شرطية ثانية واعتذرت من ياسر أنه لازم تأخذ أمه للسجن
ركضت الجوهرة لفضة المقهورة
فضة خافت: شفيك؟ سارة وجمانه فيهم شي؟
الجوهرة بدموعها : زوجي مات ماااات
فضة وقفت شرايينها : بو حسن مات؟
الجوهرة : ايييه مات راح الغالي راااح كل اللي في السجن يصفقون ويلوشون : كللللللللللللللللللللللللللللوش
وحده مسك طبلة ودرنقة وتطبل واللي ترقص
أم حسن قانت للي تطبل وتضربها وتقوم القيامة بالسجن نصف اللي بالسجن مع أم حسن وأم علي والثاني مع عدوتهم

22 - 9 - 2014, 10:19 AM

بعد مرور 5 شهور........
مشاعل تقفز في سريرها : ونااااااااااااااااااسه
طلال مع بندر: ههههههههههههه
طلال بفخر: طبعا أنا اللي اخترعت الفكرة
بندر بغرور قهر طلال: وأنا اللي أقنعت أخوانك اللي بالدمام وعلى فكره هم بطريق الرياض الحين
طلال يقهره: وأنا كلمت فيصل يجي
مشاعل: انقلعوا بره صرتوا خالد على غفلة
طلال: ههههههههه أنا بره يلا بأخذ أمي وبنروح بيجون الحين اهلك
لازم نستقبلهم أنتي تعالي مع بندر وفهد أوكيك يلا باي ...
بندر : اخلصي ساعة وحده ترى

ــــــــــــــــــــــــــــــــــــــــــ
\ــــــــــــــــــــــــــــــــــــــــــــ

انتهى الجزء السادس

22 - 9 - 2014, 10:23 AM

الجزء السابع
ــــــــــــــــــــــــــــــــــ
ــــــــــــــــــــــــــــــــــــــــــــ

بقصر بوخالد .....
خالد جالس مع أمه وخواته
نجلاء : تصدق خالد أحس للحين ما شفت مشاعل كويس مع أنها صارت معنا ست شهور موجودة مدري سبع شهور
خالد: ليه طيب؟ لهدرجة شايفه خشتك عليها؟
نجلاء : لا مو على كذا بس شكلها مغرورة
ندى: طالعه عليك ايش تعمل؟
نجلاء: ها ها ها
أم خالد: يوؤ
خالد التفت: ايش فيه؟
أم خالدا وندى ونجلاء بصوت واحد: المزرعة اليوم
خالد: ايوه أدري
نجلاء يا سلام ولا تذكرنا يا حمار
خالدا ناظرها نظرة جد تخوف
نجلاء: قصدي الأحمر..
خالد: مالت عليك وعلى وجهك
ندى وهي تركض بالدرج: أنا بجهز أغراضي ...
أم خالد: خالد السواق أخذ أجازة ...وأبوك مو موجود سافر اليوم الصبح
خالد: يعني؟
أم خالد : يعني أنت بتودينا ..
خالد: يهدد نجلاء : قسم بالله لو أشوف غباره وحده بالسيارة تصير ثالث وأخر مره تركبي سيارتي
نجلاء بقهر: ولا عاد كم مره ركبنا سيارته ولو سمحت ماركبنا إلا مره من وين طلعت الثانية؟
خالد بصدق: يوم هذاك اليوم نروح الخرج ركبتوا سيارتي وبعد ثلاث دقايق نزلتوا وركبتوا سيارة بندروه
نجلاء : أأأأه ايش هذا الأخ أقوم الله يعين اللي بتاخذك وع وع لو أنا انتحر
خالد بغرور: إلا أمها دعت لها بيوم رمضان عيون خضراء بشره حنطيه طول شعر لونه نادر جسم وفوق كل هذا مركز شفتي هذا القصر أنا اللي صممته يعني ذو وق
نجلاء: "أجهز ملابس أحسن من مقابل وجهك .
**وربي لأكشخ وأثبت لك يا بندر أني مو ميتة عليك مثل قبل وأقولها لك تراني نسيتك ومعاد تهمني وأشكرك على هذا العقاب الحقير لأني تربيت منه ياولد العم **
خالد: يا هوه وين رحتي؟
نجلاء: مالك شغل وفتحت ألفت مالها خلق الدرج...

:::::::::::::::::::::::::::::::::::::::::::::::::: :::::

المواضيع المتشابهه لموضوع: رواية مجنونة وعاشق اجن لموضوع: رواية مجنونة وعاشق اجن
الموضوع	كاتب الموضوع	المنتدى	مشاركات	آخر مشاركة
مجنونة نا بك	حنين الأشواق	همس عذب الكلام والخواطر المنقوله	5	22 - 2 - 2023 03:29 PM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
منيات مجنونة	مزيونة الخليج	همس المواضيع العامة	4	3 - 8 - 2015 07:32 AM
هل نا مجنونة	مزيونة الخليج	همس الشعر والقوافي	9	25 - 9 - 2012 01:10 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية مجنونة وعاشق اجن

همس للقصص وحكايات وروايات