رواية مجنونة وعاشق اجن

22 - 9 - 2014, 10:24 AM

ابتهال بالسيارة: فيصل حبيبي
فيصل: بدأنا بالمصالح ..
ابتهال: خخخخخ
فيصل: خير؟
ابتهال: وتوعدني ماتقول لا
فيصل: وعد يابنت أخوك
أم فيصل : أكيييد سوبر ماركت ..
ابتهال: جد قلب الأم حـ
فيصل: أسف
ابتهال: أنت وعدتني ما تقول لا
فيصل: وأنا قلت أسف ما قلت لا
ابتهال وتعرف نقطة ضعفه : أوكي وربي لو أبوي ما مات كان ما احتجت لك
فيصل وقف سيارته كان يمزح معها لا غير : ابتهال أنا أمزح معك وبعدين كم مره قلت لك أنا أبوك أنا مت؟ ولا تبين تموتيني وأنا عايش؟
ابتهال ندمت: أسفه
أم فيصل: ابتهال أنـ
فيصل: خلاص يمه ابتهال ماتقصد
ـــــــــــــــــــــــــــــــــ
ــــــــــــــــــــــــــــــ
بالمزرعة الكل وصل ...............................................
مشاعل والبنات كلهم بالزراعة وسط وحولهم النفورات وبركات السباحة والأسوار وأنواع الورد المنظر رهيب ما كأنك بالمملكة الصحراوية ...
مشاعل :أنا يسموني أصحاب الكهف خخخخخ
نجلاء: أما أنا خويلد الزفت يسميني الغثة
الكل: ههههههههه
نواره : كان قلتي له وأنت المغرور
مشاعل: أسمع الكل يقول عنه مغرور مع إني ولا مره شفته حتى لو حد يمثل الغرور ببيتنا أقوله شدعوه خالد من كثر مايقولون عنه مغرور
ندى تقلده: تخيلو بعيد ميلادي وهو يعطيني الهدية "&وقفت تقلد مشيته &
تفضلي وهذا وجهي أن شفتي مثلها بالسوق دائما أنا اللي أغراضي مميزه
الكل: ههههههههههههههههه
مشاعل: من جدك ؟
نجلاء: ههههه ما شفتي شي مره ركبنا سيارته طبعا بالموت كانت هذه أول مره نركبها المهم في الطريق شفنا سيارة متعطلة صاحبها معه عوائل وكذا
المهم وقف خالد أخوي وقاله ممكن تساعدني ومدري شنو .
قال له : مو من مستواي أساعد هذه الأشكال
بس ركب أتصل على واحد وقاله في سيارة متعطلة لاتعدلوها أعطوهم سيارة جديدة وقول لهم صدقة من خالد العالي
الكل: ههههههههه
مشاعل: من جدكم؟ وع جد مغرور
نواره: أذكر مره دخل بيتنا يسلم على أمي يقول لها: عمتي كأن هذا الكنب من سنتين؟
تقول له: ايوه
قال لها: ايش فشلتمونا ومدري ايش
جاء ثاني يوم
وكنا جايين من المدرسة شفنا الأثاث كله تغير حتى رنيم شكت قالت هذا بيتنا ولا ايش الموضوع؟
مشاعل: أوه
نجلاء أنقهرت على أخوها: بس أخوي قد ما هو مغرور قد أنه رجال

22 - 9 - 2014, 10:25 AM

مشاعل تحمست تعرف ايش هذا الخالد : ايوه كيف يعني ؟
ابتهال قاطعتها: في موت أبوي اللي وقف مع فيصل وقفت رجال هو وصار شهرين كل يوم يدق ويسأل ويعمل طلعات شباب علشان فيصل يغير جو .
رنيم: وبوفاة أبوي الله يرحمه وقف مع أمخي وقفه ما قبلها ولا بعدها وقفه جد رجال
ندى : ومره اتهمتني معلمة الدين بأني شاذة مع بنات وكذا
والله ماترددت "أني أقول لخالد أدري انه هو يخليها تندم على الكلمة اللي قالتها بقوه
مشاعل وابتهال بحماس: ليه قالت لك كذا ...
ندى: لأني كنت الوحيدة الناعمة بين صديقاتي المرجوجات وأنا بطبيعتي أمشي كذا تقول إني دلوعة
مشاعل: صدق أول ما شفتك قلت عنك دلوعة بس جد حبيتك
نجلاء: حتى أنا قلت عنك مغرورة وشايفه خشتك خخخ
ابتهال: مش مش وين القي الحمامات<<<<<<الله يعزكم
مشاعل: مش مش بعينك يالحمارة وأنا ايش دراني أول مره أجي مزرعة
الكل: ههههه
سارة: المشكلة أنها مزرعتكم
الكل: ههه
مشاعل: ها ها ها
نجلاء قومي أدليك الحمامات خخخخخ
قاموا ابتهال ونجلاء ...
ــــــــــــــــــــــــــــــــــــــــــــــ
ـــــــــــــــــــــــــــــــــــ

22 - 9 - 2014, 10:25 AM

خالد: ههههههههههههههههههههههه
محمد :ههههههه الله يلعن شيطانك يا طلال
طلال: خخخخخ
أحمد: أنا بدور أشوي بالمزرعة
طلال:وأنا بروح للحمامات
::::::::::::::::::::::::::::::::::::::::
نجلاء : وهذا الحمام يا أنسه بهلول
ابتهال: انقلعي يالغثة
نجلاء: ههههه
أنا بدور أشوي بالمزرعة ..
ابتهال: اسمعي إن طلعت ولا شفتك يا ويلك ترى مزرعتهم كبيره مره وتضيع
نجلاء: أوكي
مشت أشوي ولاحظت واحد طويل لابس بلوزه زيتيه وبنطلون جيشي
نجلاء**رياض أكيد هذا رياض بروح أعتذر منه أنا لازم أغير من ماضي أشوي أنا جرحته ولازم أبري هذا الجرح**
: رياض رياض
التفت أحمد صدمة عمره يوم يشوف وحده بهذا الرشاقة والجمال
عيون زرقاء بيضاء البشرة وخدود ورديه واضح عليها البراءة
*أتوقع أنها تضن أني رياض؟ بكمل أشوف ايش نبي من رياض؟*
أحمد: هلا والله
نجلاء والدمعة بتنزل: آسفة يارياض على الكلام اللي قلته لك وربي آسفة
أحمد : أي كلام؟
نجلاء نزلت دمعتها: يوم قلت لك أنت مريض وما أقدر أخدمك وشهقت بالبكاء
أحمد كاتم ضحكته بقوه : ايوه لا ماراح أسامحك أنتي كيف تقولي عني مريض؟ وتجرحيني<<<<<المشكلة مايدري شسالفه
::::::::::::::::::::::::::::::::::::::::

22 - 9 - 2014, 10:27 AM

طلعت ابتهال من الحمام <<<<<<<الله يعزكم
: وين راحت هذه ؟
طلع طلال من الحمام اللي جنبه
وطلال تعرفونه مغازلجي درجة أولى
: هلا والله هلا وأنا أقول ليه المزرعة منورة أثاري النور نورك يالحلوة
ابتهال التفت: يمه <<<خافت
طلال وبهبالته: أنا أهلك أنا أمك
أنصدم بالكف اللي جاء له
ابتهال: جد أنك قليل أدب ومو متربي
طلال: ايش قلتي؟
ابتهال: قلت أنك تافه وغبي وسخيف وما عندك سالفة
طلال عصب من هذه اللي تهين ولد العالي: أنت قدها يا حـ
قاطعته ابتهال: وقدود يا جبان وتفو عليك
طلال الطبلون وصل ألف من العصبية: أنتـ
ابتهال: ويلا أعمل شي إذا أنت قدها معك ابتهال الـ....
ومشت وهي ميته خوف من الداخل تصطنع القوة وهي أشوي يغمي عليها من الخوف **الله يستر أكيد هذا مو بندر بندر يحب نواره ومستحيل يغازل غيرها ولا فهد هذا بنت على جسد رجال وأكيد هذا طلالوه ياربي الله يستر**
طلال سحبها من يدها: هين أن ماعلمتك من يكون طلال يا ابتهال خانو
وابتسم بخبث وسحبها إلى غرفة تطل على المزرعة وسكر الباب
طلال: علميني ايش بتعملي ؟
ابتهال كاتمه الدمعة: مو رجال اللي يعمل كذا وجـ
قاطعها طلال: أها يلا يالحلوة علميني الرجولة ههههههه
ابتهال من جد خافت: راحت وأعطته كف ثاني وأبعدته عن الباب وطلعت وهي ميته خوف تركض ولا تدري وين تروح ...

22 - 9 - 2014, 10:28 AM

بجهة ثانية.....
نجلاء : جد أنك سخيف وغبي
أحمد: أعصابك ايش أعمل لك إذا ماعرفتي تفرقي بيني وبين رياض
على العموم اعتذارك يوصل له ههههههههه
نجلاء لا ياشيخ مو نجوله تكذب عليها وتحط إيدها على يدها الثانية<<تكتف يدها
ولا تضن أنها راح تعدي على خير
أحمد وعشقه التحديات والأكشن :صصصصصصص ايوه عاشت بنت العالي ايوه صصصصص <<<<<يصفر
نجلاء حست أنها بايخه بهذا الموقف : غصب عنك تعيش نجلاء العالي فاهم يا ولد الراليه
أحمد: ههههههه كأنه أسم عايلتي مو عاجبك ؟
نجلاء بدون ما تفكر: طبعا مو عاجبتني نصفهم بالسجون وحراميه وسكتت حست أنها غبية
أحمد راحت الأبتسامه : لا رد
مشى وهو مكسور من الداخل ضربت على الوتر الحساس
نجلاء بكت من قلب سحبت لا إيرادي : والله آسفة تكفى سامحني وقسم بالله مو قصدي أنا غبية وربي غبية
أحمد: أنتي ما قلتي إلا الصدق عادي واتركي أيدي
نجلاء: لا ما أبي لمن تسامحني من قلبك صدقني أنتوا مالكم ذنب آسفة سامحني وتشهق بالبكي
أحمد توهق أحد يسمعهم : خلاص وربي سامحتك قومي اتركيني
نجلاء مسحت دمعتها وبقي الشهقات كأنها طفلة واللي مطلعها طفلة بقوه تنورتها الزرقاء القصيرة <<<<خخخ تطقم مع عينها
:أحلف أنك مسحت هذا الموقف البايخ
أحمد رجعت له الأبتسامه<<<<<أحلى مافي أحمد أنه يسامح بسرعة ويصفي قلبه وما يحب المشاكل : ولو حنا الراليه نسامح ترى
نجلاء: شكرا
أحمد: ههههههههه بنت العالي تعتذر لا مستحيل
نجلاء: يلا أسجد لربك شكر ههههه
أحمد : ههههههههه ولا تتوبي من مزحك الثقيل
طلعت لسانها ونحاشت وهي تسمع ضحكاته اللي تدخل القلب
وشافت ابتهال جالسة أمام النافورة من نفورات المزرعة
نجلاء: ابتهال؟
ابتهال التفت لها : هلا
نجلاء: يلا مشينا للجماعة
ابتهال: عندكم خيول هنا صح؟
نجلاء: ايوه تركبي؟
ابتهال: ايوه
نجلاء بحماس: والله واو وناسه ههههه
ابتهال حاولت تنسى القلق والرعب اللي عاشت فيه قبل أشوي: ههههه يلا من يتحداني خخخخخ

22 - 9 - 2014, 10:38 AM

خالد: ورب البيت أنك مو صاحي
بندر: تروح لحالك ؟؟
خالد: يوم أنا رحت لأمريكا عمري كان 21 سنه وكان معي ربعي مو 18 سنه يارياض
رياض: أجل بجلس بالبيت ليمن يصير عمري 21 علشان أكمل دراسة
خالد: أنت أنهبلت ؟
رياض: يا أخي بروح هناك أكمل دراسة يعني بروح
خالد: كيفك التفت لطلال اللي واضح أنه مو على طبيعته..
طلال ؟أبيك بكلمة رأس
طلال يدري أن خالد حس فيه : طيب قوم يلا
خالد : يلا قم

--------------------------------------------------------------------------------

::::::::::::::::::::::::::::::::::::::::::

22 - 9 - 2014, 10:40 AM

بجهة ثانية ........
مشاعل:سلامات
سارة: ورب البيت

رنيم بفرح*أحسن ياسر مو لك لي أنا .. <<<الله يلعنك ياقلبي شفته مره وهويته بس هو شكله ما يحبها تقول أخر مره شافته بوفاة أبوه وحلفت برب البيت**
نجلاء : بنات
مشاعل: هلا
الكل: ههههههههههههههههههههههههه
نجلاء: ههه قوموا نركب خيل
مشاعل: ايش خيل؟
رنيم: ايوه في خيول وبقر وحمام وجمال وكلاب و
مشاعل قفزت: وناسه يلا من يركب خيل؟
ابتهال بحماس: القلب على القلب يلا قومي
البنات : يلا
سارة : يلا نشوف من اللي أسرع مشاعل ولا ابتهال
ابتهال بتحدي: أكيد أنا
مشاعل تلبس نظارتها الشمسية : هه يلا نشوف
أنا بروح أغير ملابسي تعرفون التنورة ماتصلح بركوب الخيل
رنيم : أوكي أنا بروح أسرق مفتاح الأصطبل
وراحت ركض
ابتهال : يؤ شنطة ملابسي بالسيارة
ومشت بعيد علشان تعرف تكلم فيصل ..
لاكن دقت عليها مشاعل : الو
مشاعل: هلا حبيبتي
ابتهال : ههههه هلا والله بالقلب
كان خالد وطلال يتمشون وطلال حكي لخالد كل شي
أنتبه فيها
ابتهال: ههههههههه أوكي ياعمري
طلال لخالد: هذه التبن
خالد: ياهوه لايكون حبيتها بس
طلال: ها ها ها مالك شغل طيب
ويمشي اتجاها**والله أن طلع ولد لأدفنك هنا**
مشاعل : ههه أقول حياتي
ابتهال وتمشي معها بالخط: لا لا ياقلبي لا تقول ترى أذوب
التفت للي سحب الجوال من إيدها
طلال دمه نار خايف يكون ولد وجد تطيح من عينه وكان واضع الجوال على إذنه يسمع من هذه
مشاعل: ههههههههههههه أقول خلينه من المهزلة ولبسي بنطلون جينز برمودا وبلوزة علاق ورديه أوكي
طلال:لا رد **يعني يستهبلون هي ومشاعلوه؟**
وسكر بوجها
ابتهال المصدومة: جد أنك وقح وغبي وما عندك سالفة و و و وإلخ
طلال ببرود رمي الجوال عليها
: تقولك ألبس برمودا جينز وبلوزة حفر ورديه تشاو يا المهذبة ههههههه
ابتهال أخذت الجوال بعصبية: غبي جبان
طلال التفت : والله أن عدتي كلمة جبان ما تلومي إلا نفسك
ابتهال : جبان وجبان وجبان ايش تعمل يلا وريني؟
طلال بقهر: وربي لأوريك من طلال
ومشي وهو يسمع السب والتحدي والشتم .....إلخ
خالد: ههههههههه
طلال: تقهر
خالد: أفا بنت تقهر طلال العالي لا والله ماهقيتها منك أبد ..
طلال وهو يجلس: جاتني خطة جهنمية.
خالد بابتسامة خبث: اللي هي؟
طلال بحماس: ايش رأيك بعد المزرعة أحط روب نوم وأشرطة و و
وأعطيهم فيصل وأقوله نستهم عندي يوم كنا بالمزرعة.
خالد: ههههههههههههههههههههههه هاي وربي أنك نذل واطي
طلال: ههههههه أعلمك أنا بس
خالد: جد نذل ههههههههه
::::::::::::::::::::::::::::::::

22 - 9 - 2014, 10:43 AM

رنيم : ههههههههه حصلت على المفتاح
ياسر ومراقبها أول ما دخلت الجلسة العربية اللي موجودة بالخيمة
:مفتاح ايش اللي مخليك تمشي مثل الحرامي؟
التفتت : ياسر ؟
ياسر عاقد حواجبه: كيف عرفتي أني ياسر؟
رنيم*من أول ما شفتك تدخل مع رياض خطفة هذا القلب آه الله يهنيك بسارة أف**: مالك شغل وتمشي
ياسر: وربي لأعرف
رنيم بتحدي: مالك شغل يالملقوف
ياسر: معلومة قديمه أني ملقوف عطينا الجديد لأيش هذا المفتاح ؟
سارة وهي تشوفهم من بعيد:وتعدل شالها وتتغطى :هلا ياسر يلا رنيم كلهم ينتظرونك
ياسر يكرها بعد اللي عملته يتذكر الأحداث بقهر&كان ياسر راجع من بيت بالساعة 3 الفجر وقف بسبب المنظر اللي يشوفه حط أيده بجيبه ويطلع جواله ويصور لعشان يتأكد من اللي يشوفه
كانت وحده من بنات عمه وخالته خلف الباب وتمد إيدها للهدية اللي يقدمها الشاب وضعها بالأرض وأخذت الهدية وسكرت الباب دخل ياسر من الباب الثاني ويشوف سارة سارة اللي مسمينها له : خاينه يا سارة ما ألومك ما شفتي حد يوقف بطريقك لا أم ولا أب ولا أخ وأنا أربيك يا واطيه &
رنيم: ههههههه أنت هي ماتبا تعرف هذا المفتاح لأيش ولا؟
ياسر أنتبه برنيم: ههههه يلا عاد مفتاح ايش
سارة بحماس : مفتاح الأصطبل اللي للخيول ههه ابتهال بنت خالتي ومشاعل بيركبوا خيل والحين حنا ننتظرها
رنيم بقهر: ملقوفة
ياسر: جد ملقوفة ومشي
رنيم بفرح وتمثل الاستغراب: أنا امزح بس ليه هو يقول لك كذا؟
سارة ودمعتها سقطت: والله ما أدري من قبل وفاة أبوه وهو يعاملني كذا ؟ ليه يعمل لي كذا ليه وضمتها وبكت من قلب
أكيد شاف ماعندي ظهر ويعاملني كذا طيب تكلم قول أنا أكرهك يا سارة ليه يعمل معي هذه الحركات الجارحة
(((خاينه يا سارة وتتكلمي جد عين قويه )))
رنيم بكت معها الحين هي تخون سارة لأنها تفكر فيه وتفرح إذا عاملها زفت ليه يارنيم ليه؟
رنيم: معليش مع الأيام بتعرفي أنك مظلومة يا حبيبتي
::::::::::::::::::::::::::::

22 - 9 - 2014, 10:44 AM

عند الخيول ....
مشاعل: كأنهم مصخوها؟
ابتهال: بقوه
جمانة : شفيهم أكيد سوير ما دلت مزرعتكم كبيرة
نواره : أدق على رنيم ؟
مشاعل: تعملي خير
لاكن سكتوا يوم انتبهوا لهم
مشاعل: كللللللللللللللللللللللللللللللللللللللللللللللللل للللللللللللللللللللللللللوش
الكل: ههههههههه
ابتهال بحماس: برك خبله وناسه
الكل: ههههه
ـــــــــــــــــــــــــــــــــــــــــــ
ــــــــــــــــــــــــــــــــــــــــــــــ
ركبوا كلا من مشاعل وابتهال الخيل ....
مشاعل وهي فوق الخيلة السوداء: ههههههاي وناسه تعالواهههه
ابتهال بخوف: هذه بتطيحني؟
رنيم ونجلاء تذكروا حركات الخيلة السوداء الجنونية
: لا
لاكن تأخروا لأن الخيلة تركض بجنون وتقفز ولا همها وين تروح ما تخضع إلا لصاحبها خالد بس خالد اللي يفهمها وتفهمه
مشاعل أشوي وبتبكي من الخوف تمسك بالخيلة **يارب يارب مآبي أموت فوق هذه الخيلة لا ياربي **
<<<<<<كل وحده بتركب بالخيلة وتركض فيها راح تقول هذا الدعاء ههههههه سألوني عن السحالي خخخ
ـــــــــــــــــــــــــــــــ
بجهة ثانيه
خالد لطلال: أفضل تغير خطة الانتقام
طلال : لايكون صحي ضميرك
خالد: من البداية ضميري صاحي لاكن مو بأخت فيصل تراه غالي
طلال بدأ يقتنع: ادري بس أقهرتني أنا تقول عني تافه وغبي وجبان ولا تعطيني كفين الحيوانه قهرتني
خالد: مو معناها تدمر حياتها مدري أحس أني أتراجع مو معك تعمل كذا حبل الكذب قصير وهذا وجهي أن ما كشفك فيصل هذا فيصل وأنا أعرفه
طلال بغضب : ايش الحل؟
خالد: بصراحة مخي مقفـ
: لا ايش هذه المجنونة
طلال يلتفت : شسالفـ سكت
مشاعل يالمجنونه ويركضوا الاثنين
خالد: صصصصصصصصو صصصصو<يصفر لخيلته
مشاعل مسحت الدموع قبل لايناظرها المغرور ويظن أنها جبانة
بكل ثقة: ومن طلب منك توقفها؟
طلال فتح فمه شبرين: تستهبلي
خالد بابتسامه : أها يعني تبن تكملي الجولة بخيلتي؟
مشاعل بخوف: لا شكرا مدامها خيلتك بنزل منها
خالد عقد حواجبه: قصدك أنها تخوفك ههه؟
مشاعل بجنون : خلاص مارح أنزل
خالد بحقارة: صصصصصصصصصصصصصصصص
مايشوفوا أثر للخيله بسبب ركضها الجنوني
طلال: يالنذل
خالد: شفت كيف مارضيت على أختك بخيل تركض فيها
فكيف فيصل؟
طلال أنحرج من نفسه : أوكي برد حقي بس بسنع
خالد يغمز له: تعجبني يلا قم نروح لـ
لحظه طلال كأنه هذه اللي تقفز خيلتك ولا يتهيأ لي
طلل: بنت اللذين هذه ابتهال اللي راكبتها
خالد: ها أشوفك حافظ شكلها
طلال يتجه لخيلته وماهمه البنات الواقفات : عن ظهر قلب ههه
وقف خيلته بالعصا الموجودة بالأرض
ابتهال نزلت : وع لو أدري انك أنت اللي بتوقفها ما ركبتها أف وتمشي للبنات وقلبها طايح من الخوف والكل ميت ضحك عليها
طلال بعصبيه مسكها بأيدها: ليه تتكلمي كذا معي ؟
ابتهال وقلبها طا

22 - 9 - 2014, 11:31 AM

ابتهال وقلبها طاح: كيفي وما بينا كلام علشان تقول كذا
طلال أنقهر جد : هه الحق علي أنا اللي أكلم بنت الفقر مثلك
ابتهال: ههههههههههه بنت فقر لكن بكرامه ومو خوافة وجبانة وأتحدى كل من يتحداني واو مشاعل ماتربت ببيت الفقر كان ماشفتها راكبه خيله سريعة كذا وأنت أخوها أكيد شفت هي كيف قويه ؟تدري ليه؟ لأنها تربت بينا مو مثلك جبان
طلال أبتسم :أها طيب ومشي
ابتهال: انت ايش؟
طلال وهو معطيها ظهره: أنا تافه وجبان وسخيف وغبي و و و ......إلخ
ابتهال: لا رد
خالد: الواقف مشي معه وراحوا عند الرجال...
ريم: ههههههه ما حطتي راسك إلا مع طلالوه ؟
رنيم: ههههه من جد حطيتي نفسك بداهية خالد وطلال لاتناقشيهم ولا تستهبلي عليهم تراهم داهية
ابتهال : عاد أنا ما عملت لهم شي
جمانة: أف لو أدري أنك أنت اللي بتوقفها ما ركبتها
الكل: ههههههههه
بعده
سارة: مشاعل ؟
رنيم : يؤ أنا بروح أدورها بهذه الجهة
ريم : وأنا بهذه الجهة
..إلخ
رنيم: مشاعل ميشو مش مش
يمه من أنتم ايش تريدون ؟
الأول: ههههههه وجاء اللي بيكسر راسك يابو بندر
الثاني: وأخيرابنحرق قلبك يا خالد على أختك
رنيم : وربي أنا مو أخته أنا
لاكن البخاخ اللي بوجها سكتها ...
الأول يكلم بالجوال: هلا بو وليد عملنا اللي تبغاه اختطفنا أخته وحنا الحين بالطريق لكم .....
ـــــــــــــــــــــــــ
ــــــــــــــــــــــــــــ
بعد مرور 3 ساعات بغرفة مشاعل
مشاعل: وربي مت من الخوف ما أشوف إلا أخوي ياسر فاقع ضحك علي
الكل: ههههههههه
مشاعل تكمل: التفت إلا أشوف حسون الزفت واقف ويضحك من قلب
ندى: ههههههه ايش تبينه يعمل لك يبكي معك ههههههه
مشاعل : ههههه وربي فاتكم طاح قلبي جد
أشوف بالأفلام لكن ماتخيلت نفسي كذا يييه أول وأخر مره أتحدى أخوكم خالد
نجلاء: ههه هذا لا تكلمينه ههههه مالقيتي إلا هذا عاد ههه
نوراه سكتت من الضحك: وين رنيم؟
التفت نجلاء: ايوه جد وينها هذه؟
ـــــــــــــــــــــــــــ
مساء اليوم الثاني.......
ياسر يدور بالمزرعة **وينك وينك يا رنيم ؟ ليه كذا تخوفيني عليك؟ حرام اللي تعمليه بأهلك وفيني ؟لاحول ولاقوه إلا بالله يارب أحفظها من كل شر **
ــــــــــــــــــــــــ
أم نواره وهي ذابحة نفسها : آه عليك يا بنتي وينك رحتي عني وتبدأ نوبة البكي
سارة**الله يرجعك يارب ياقلبي يا رنيم أن شاء الله تكوني بخير**
ــــــــــــــــــــ
خالد وهو يكلم النذل بو وليد ولا بداري أن هو السبب باللي يصير ..

ـــــــــــــــــــــ
ــــــــــــــــــــــ

انتهى الجزء السابع

المواضيع المتشابهه لموضوع: رواية مجنونة وعاشق اجن لموضوع: رواية مجنونة وعاشق اجن
الموضوع	كاتب الموضوع	المنتدى	مشاركات	آخر مشاركة
مجنونة نا بك	حنين الأشواق	همس عذب الكلام والخواطر المنقوله	5	22 - 2 - 2023 03:29 PM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
منيات مجنونة	مزيونة الخليج	همس المواضيع العامة	4	3 - 8 - 2015 07:32 AM
هل نا مجنونة	مزيونة الخليج	همس الشعر والقوافي	9	25 - 9 - 2012 01:10 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية مجنونة وعاشق اجن

همس للقصص وحكايات وروايات