صوره و قصيده - الصفحة 111

17 - 4 - 2018, 09:56 PM

ودي اكتب والقلم عيـّـا يطيع
ما ادري هي الأشواق والا انت السبب
كيف اعبر والحكي مني يضيع
اسعفيني يا قواميس العرب
وش ابكتب فيك يالحر الرفيع
وانت وصفك من اعاجيب العجب

18 - 4 - 2018, 09:15 PM

كل قلب وله طموح وكل شوق وله علامة
واعرف ان القول كلمات تصدقها الفعايل
واعرف ان الصد كبر وكل حر وله كرامة
والغلا في خافق العشاق يظهر له دلاليل
من تولم للعطا والوصل عدته الملامة
لكن النية مطية والظروف تكون حايل
راعي الهمة بيرقا لين ياصل للغمامة
الهروج كثار لكن ياصل القمة قلاليل
بوحي

20 - 4 - 2018, 07:56 AM

قرّرت أصك القلب بالشمع الأحمر
واكتب على الأبواب ‬يُمنع دخوله
وابرمج احساسه برقمٍ ‬مشفّر
أخطر '‬هكر' ‬مايخترقه بْسهوله
واحميه قبل ‬يصير قلبٍ مهكّر'!!‬
من شان ما ‬يعشق ويسهر ويوله
لنّ ‬العشق في‬هالزمن صدق ‬يقهر
ناس تحب وناس ماهي ‬بحوله
في ‬هالزمان الحب سهمه تحدّر
صار الوفا نادر ويصعب حصوله

21 - 4 - 2018, 02:25 AM

اسهر واداري دمعة الشوق بالعين
خايف تطيح وتفضح الشوق فيني
واقول ياعيني رجيتك وتكفين
كفي دموع الشوق لا تفضحيني

بوحي

26 - 4 - 2018, 06:59 AM

لا صار وقتك هنا ومتوسع(ن) صدرك أشوف عنّي تصد ما

تلتفت فيني ولا صار وقتك ملل وضايق(ن)

خلقك تنسى جميع البشر وتتّصل فيني

27 - 4 - 2018, 09:48 PM

تعودنا على مر الزمان وقسوة الأيام
ودنيانا تعلمنا ولو ان درسها قاسي
نعرف ان المنى حلم وقليل تصدق الأحلام
مثل حاجة تمناها صعيبة في يد الناسي
قليل التجربة يمكن يعلق رغبته باوهام
وانا ياصاحبي عندي تجارب مالية راسي

بوحي

30 - 4 - 2018, 01:18 AM

‏في مثل هذا الوقت يا قلبي العام
‏كنت انتظر بالشوق رقم اتصاله
‏
‏و اليوم رقمه ضايعٍ بين الارقام
‏لا عاد له رنّه و لا ارسل رساله

1 - 5 - 2018, 12:33 AM

تسولف لي عيونك عن غلاها والهوى نظرة
وانا مابين تأنيب الضمير ولهفة اشواقي
اطيع الشوق والا ما اطيعه واتبع الفطرة
وصوت العاطفة دايم يصيح بداخل اعماقي
بوحي

6 - 5 - 2018, 08:55 PM

-{ لوٍ تبي مني حياتيْ " لكْ "حياتيْ يا حياتيْ ...
لوٍ تبيْ عمرٍيْ تفضلْ بيعْ عمريْ وٍأشترٍيهْ

7 - 5 - 2018, 11:57 AM

جيتني فرحة بعد صرخة حنين
صرخة هزة سنيني والزحام
في زحام ايام عمري والسنين
فرحة تزرع لعمري ابتسام
بين هم وبين آهات وأنين
صرتي لي لحظة تساوي الف عام

بوحي

المواضيع المتشابهه لموضوع: صوره و قصيده لموضوع: صوره و قصيده
الموضوع	كاتب الموضوع	المنتدى	مشاركات	آخر مشاركة
شرح طريقة اضافة صوره الى قسم من اقسام المنتدى او وضعها صوره له	الــســاهر	شروحات وخواص الفي بي المنقوله	3	29 - 7 - 2023 09:14 PM
ارسم شعار موقعك واجعله صوره رمزيه ثابته لكل من لايستخدم صوره رمزيه	الــســاهر	همس تطوير المواقع والمنتديات	4	20 - 6 - 2023 08:07 AM
قصيده غزليه	انا لك	همس الشعر والقوافي	6	23 - 8 - 2017 12:51 AM
قصيده حب من طرف واحد	$كلــ دلع ــي$	همس الشعر والقوافي	4	28 - 12 - 2011 05:39 PM
قصيده نيل المعالي	ملك الود	همس الشعر والقوافي	5	22 - 3 - 2011 12:20 AM

الذين يشاهدون محتوى الموضوع الآن : 10 ( الأعضاء 0 والزوار 10)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع