رواية عشقي ال بدي مكتفي فيك عاشقك للفنى

27 - 12 - 2021, 07:20 PM

البارت 321

وصلت طياره عبدالملك لجده
ع الساعه ظ،ظ¢
وفتح حزامه وقام واستغرب ملك ماقامت ولف لها وكانت متورطه بفك الحزام اللي سكرته سعاد لها وتذكر انها ماتعرف لاتسكر الحزام ولا تفتحه ابتسم وقرب لها
ونزل مسك يديها وبعدهم عن الحزام وملك صدت وعبدالملك كاتم ضحكته
عبدالملك بهمس وهو يفتح الحزام:ليش ماناديتيني!
ملك ماردت
وفتح عبدالملك الحزام ومسك يدها وقومها
ومن قامت سحبت يدها منه
عبدالملك تنهد:انتي وش فيك!
ملك:مافيني شي
عبدالملك صد ومشى عنها واخذ شنطته حقت الاوراق
عبدالملك:تراك تزعلين من شي اصلاً مو موجود
ملك:ي ربنا مسرع نسيت كلامك
عبدالملك ابتسم وناظر لها:قلبي طيب ي حياتي ي انا
ومشى وملك اخذت نفس بقهر ومشت وراه
،
نروح كندا
الساعه صارت قريبه من ظ¤ موعد العمليه
وبغرفه ارجوان
كانت متوتره وواضح عليها التوتر وضمه نور
وعمر جنبها ضام يديه ع فمه ويناظر لها
وناصر وجمانه واقفين قدامها
وطق الباب واخذت نفس ارجوان ودخل الدكتور مبتسم
الدكتور:هاه جهزتي ي ارجوان؟
ارجوان لفت لعمر وعمر ابتسم بخفه لها
عمر:اكيد جاهزه
ارجوان هزت راسها ب ااي
ناصر:باقي وقت ع العمليه
الدكتور:بناخذها الحين
ناصر لف لارجوان:لاتخافين ارجوان زين
ارجوان باابتسامه:مو خايفه
نور:وين بتروحين!
ارجوان:ممم بروح ارمي كرسي واجيكم
نور بفرحه:وتركضين معي!
ارجوان:واسبقك بعد
نور:لا انا افوز
ارجوان:نشوف
ابتسم عمر وناصر وجمانه لكلامهم
واخذت ارجوان نفس:يلا
ولف الدكتور واشر للممرضات يدخلون ،، وعمر وناصر طلعو ع مااخذوها ونور مشت لجمانه ومسكت يدها وهي تناظر لعمتها كيف ياخذونها
،
نروح جده
فتح سالم سواق عبدالملك باب السياره لعبدالملك وركب واتجه فتح لملك وركبت جنبه ومشو وطول الطريق عبدالملك ساهي يناظر من النافذه وملك صاده عنه وبطنها بدا يوجعها من الجوع
وصلو الشاليه وقبل ينزلون
عبدالملك:سالم اتصل بسامر يجي لهنا
سالم:ان شاءالله
لفت ملك له:مو قلتو عائليه
رفع عبدالملك حاجب:وسامر من العائله
ملك صدت عنه ونزلت ونزل عبدالملك
ودخل عبدالملك الشاليه ووراه ملك

27 - 12 - 2021, 07:21 PM

البارت 322

الشاليه كان حديقه كبيره قبل الفله
والفله كانت دورين
كبيره ، تحت فيه الصاله كبيره والمطبخ مفتوح عليها ونافذه ع قد الجدار ع البحر وفيها درج كبير لدور الثاني
اللي فيه ظ¦ اجنحه
وجناحين كبار واحد كان لنوال وعبدالله وواحد لعبدالملك والباقي للبنات
،
من دخلو اتجه عبدالملك للكنب ونزل شنطته وجلس ومسكر عيونه بقوه وماسك ظهره
دخلت ملك وانشغلت بالمنظر كان جميل ابتسمت واخذت نفس ولفت شافت عبدالملك وعقدت حواجبها وقربت له
ملك:فيك شي!
عبدالملك هز راسه ب لا واخذ نفس وجلس زين
ملك مارجعت سألته ونزلت عباتها وجلست
عبدالملك:تعبانه بتنامين!
ملك:لا بنتظرهم
عبدالملك:بيطولون
ملك تناظر لجوالها:عادي
عبدالملك مارد وسكر عيونه ويحس بظهره مثل لذعات كهرب
.
نروح لكندا
دخلت ارجوان غرفه العمليات
وعمر وناصر عند الغرفه اما جمانه ماكانت تبي نور تحس بشي اخذتها لحديقه المستشفى تلعب معها
ناصر كان جالس وضام يديه ع فمه ويهز رجله
وعمر رايح جاي بسيب المستشفى
وبالنهايه جلس جنب ناصر
ناصر:ي شيخ اهدء وترتني
عمر:هذا انا
ناصر مارد عليه وعمر جلس يفكر ويده ع فمه
،
بسياره عبدالله
خلود:مطولين؟
عبدالله:باقي ظ¥ظيمنعظيمنع كيلو
خلود:الله
تالا ع ايبادها:اصلاً عادي بس جعت
عبدالله يناظر لها من المرايه:وش تبين
تالا:اي شي
عبدالله:ع هالخشم
وابتسمت تالا
ووقف عند المحطه وسياره السواق وراهم وقفتيمنع
دلال:شعندهم وقفو
نوال:ماادري
دلال:اكيد تالاوووه، بناديه تشتري لي قبل تدخل
نوال:وش محرق رزك
مادرت دلال ومن وقفو فتحت الباب تنادي تالا
اما جنى بعالم ثاني
نزل عبدالله معه تالا
دلال:تالاااا
لفت لها تالا
دلال:تعالي تعالي
ماردت تالا ومشت كانها ماتسمعها ودلال انقهرت منها ونزلت
نوال شهقت: وين
دلال:بنزل
ومشت بسرعه وراها

27 - 12 - 2021, 07:21 PM

البارت 323

نروح لجده لشاليه
طفشت ملك من الجلسه وهي ساكته اشتاقت تتكلم معه بس ماتبي تبدا بالكلام هي وتراضيه وهو مفروض يراضيها ،، والجوع لاعب فيها لفت له وهو ساند راسه لورا ومسك عيونه
همست:عبدالملك
عبدالملك ع وضعه:همممم
ملك:قوم نام فوق
عبدالملك مسك راسه وعدل جلسته
عبدالملك:مافيني نوم بس تعب سفر
ملك:زين قوم قول لي اي غرفه لنا عشان ماادخل غرفه حد ثاني
عبدالملك اخذ نفس وقام واخذ الشنطه ومن شالها اوجعه ظهره وسكر عيونه وحست ملك عليه
ملك:عبدالملك!!
عبدالملك ساكت ومارد عرفت ان ظهره رجع يوجعه قربت له واخذت الشنطه
ملك:لاتشيل شي ، واجلس
ناظر لها عبدالملك:بطلع فوق تعالي
ومشى وملك اخذت نفس عنيد
ومشت وراه
وطلع عبدالملك لدور الثاني ومشى بين الغرف لين وصل جناحه ودخله ودخلت ملك وراه
الجناح كان جميل بمعنى الكلمه الوانه اغلبها سماويه وتفتح النفس والنافذه كبيره وعلى البحر
ورمى عبدالملك نفسه ع السرير الكبير
وملك نزلت الشنطه ومشت لنافذه وابتسمت وهي تشوف البحر وبنفس الوقت حست بدوخه وجلست ع طول وماسكه راسها
عبدالملك ماكان منتبه لها مسكر عيونه وغفى من التعب
قامت ودخلت تغسل وتصحصح شوي وقفت قدام المغسله وراسها لتحت انفاسها تسارعت نفسها انقلبت سكرت عيونها واخذت نفس فتحت الماء وغسلت يديها ووجهها ورفعت راسها تناظر لنفسها بالمرايه حست انه بدا يخف فسرته ع طول انه جوع وطلعت شافته نايم ونزلت تدور لها اكل وتاكل
،
بالمحطه
بسياره السواق
جنى شهقت ولفت نوال لها بسرعه
نوال:ووش فيك
جنى:محمممد
نوال بااستغراب؛وش فيه تكلمي
جنى:بيجي
نوال:بسم الله خوفيني اخر شي هذا اللي عندك
جنى:يممه بيجي معنااا لجده
نوال:طيب واذا
جنى:ياربي مو فاهمتنييمنع
نوال:لا فاهمتك انه يطلب يشوفك بس يبطي عظم قبل الزواج
جنى:هههههههههههه طلعتي ماهمتني زين
نوال ابتسمت لها
،
داخل السوبرماركت
عبدالله بهمس:دلال من عقلك جايه
دلال:وش فيها اجل هالنتفه تشتري وانا لا
صد عنها عبدالله ودلال ماصدقت وانطلقت تشتري مع تالا ماخلو شي مااخذوه
وعبدالله اتجه يشتري له ولخلود ونوال وجنى يدري ان دلال وتالا مو شاريات
ورن جواله طلعه واستغرب ورد
عبدالله:سامر!
سامر:ي هلا ، بدون مقدمات وينكم!
عبدالله:بسم الله احنا بمحطه ال...
سامر:زين لاتتحركون انا جايكم مع محمد ابثر جو جوي ممشينا غصب
عبدالله:هههههههههه طيب ننتظركم متى تاصلون
سامر:حولكم يمكن ظ،ظيمنع دقايق
عبدالله:زين
وسكر
وكمل يشتري

27 - 12 - 2021, 07:22 PM

البارت 324

كندا
قدام غرفه العمليات
ناصر:عمر مو كانهم طولو!
عمر:قبل ساعه ونص دخلوها ، توهممم
ناصر تنهد:يااارب
عمر حط يده ع فخذ ناصر:لاتشيل هم بعد هالعمليه ع الاقل شهر وترجع تمشي
ناصر ابتسم:ان شاءالله
ابتسم له عمر:قلت لامك انهم دخلوها!
ناصر:مو قلتو لي انها قالت لها
عمر:قالت بس ولو اتصل وطمنها كل شوي
ناصر:اي صدقت
وقام يتصل عليها وعمر تنهد ورجع يدعي لها بصمت
،
نرجع السعوديه
ملك لقت لها اكل بالثلاجه المليانه واكلت لين شبعت وبعدها قامت رتبت المطبخ وطلعت ووقفت قدام النافذه تناظر للبحر وفتحت النافذه وطلعت واخذت نفس وابتسمت ، وعلى طول رجعت لها الدوخه ومسكت راسهاا ويدها الثانيه ع فمها وركض للحمام (عزكم الله)
،
بالمحطه
تالا ودلال كل وحده سلتها اكبر من الثانيه حطوهم عند المحاسب والمحاسب جلس يناظر لهم بصدمه
دلال بثقه:حاسب
تالا:بسرعه
المحاسب:زين بس كثير
دلال:اقول اخلص
وقف عبدالله وراهم:انتم وقفو هنا انا بطلع شوي وجايكم
دلال:طيب
وطلع عبدالله ع وقفه سياره سامر الجيب معه محمد ونزلو
وابتسم عبدالله:هلا والله
محمد باابتسامه:هلابك عمي
وسلم عليه
قرب سامر وسلم عليه
سامر:الله يانك ناسبت بثر
محمد؛ههههههههههه وش سويت لك
سامر:ابد ماسويت شي
عبدالله:اشهد ناسبت رجال
ابتسم محمد:من طيبك والله
سامر:اي خله ينفعك انا لو مكانك مااعطيه بنتي
عبدالله:افا ليه
سامر:انت عش معه يوم وشوف
محمد:شف اللي بيخرب سمعتي
سامر:هههههه اعلمهم حقيقتك
قطع عليهم صوت تالا
تالا:يبه
لف لها عبدالله ودلال وراها
دلال:يبه تعال ابثرنا ذا يبي كل ماحاسب شي شهق ويقول كثير
عبدالله:ههههههههه طيب طيب
ولف لهم:شوي وجايكم
سامر:خذ راحتك
ودخل عبدالله
لف سامر لعبدالله:ذي زوجتك!
محمد يناظر سياره السواق:لا ذي دلال جنى زوجتي
سامر:ماشاءالله حافظ العايله انا يصيرون اخوان ولد عمي وماحفظت احد منهم
محمد مارد وهو يبتسم لجنى اللي شافته وسامر ناظر لسياره وناظر لمحمد وهز راسه ودخل للسوبرماركت

27 - 12 - 2021, 07:22 PM

البارت 325

دخل سامر السوبرماركت واتجه لثلاجه ع طول
يدور اي مشروب يشربه باااارد
طلع ببسي وفتحه وشربه
المحاسب قدامه عبدالله والبنات شافه وصرخ
المحاسب:ي هووووووه ليش يفتح
لف له سامر ورفع حاجب
والبنات لفو له
سامر:بنحاش انا،، بدفع لك لاتموت
المحاسب:اي زين
سامر ابتسم وصد
ودلال تناظر لسامر اعجبها حيل
عبدالله ضحك:سامر ماقلت لي انك بتموت عطش
سامر قرب لهم:ابد والله ذبحني الحر
وطلع بوكه والببسي بيده واقرب وحده له دلال وبدون مايحس مد الببسي لها
سامر:امسكيه شوي
دلال مفهيه مسكت الببسي
وطلع سامر فلوس من بوكه وحطها عند المحاسب
سامر:هذي فلوسك يلا تنفس
ابتسمت دلال وعبدالله مو يمهم معطيهم ظهره ويحاسب
واخذ الببسي منها وابتسم لها:شكراً
دلال:ماسويت شي والله
سامر لف لتالا كانت لابسه فستان جميل عليها
نزل لمستواها ومد يده وصافحها
سامر:شسمك!
تالا ببرود:تالا عبدالله خالد ال...
ضربتها دلال
تالا:اي وجع
دلال:سئلك عن اسمك مو نسبنا كله
سامر:ههههههههه عادي لاتضربينها
دلال:اعلمها انا
سامر:اي بس مو بضرب
لف لهم عبدالله وناظر لسامر الجالس ع ركبه
عبدالله:وش ذا حلقه تعارف!
سامر قام:هههههههه شي زين كذا ، يلا تبون شي
دلال كانت تناظر له طويل ورافعه راسها سامر حاس انها تناظر له وابتسم بدون مايشوفها
عبدالله:سلامتك
وشوف محمد لاتلقاه منزل السواق وصاير بداله
سامر:ههههههههه مو بعيده ، يلا سلام
وطلع من طلع همست دلال بااستهبال
دلال:ودعتك الله ي نظر عيني
تالا ماعرفت وش قالت بس ضحكت ولفت لها دلال
دلال:جب فضحتينا
تالا:ههههههه طيب لاتضربين
سكتت وتنهدت دلال وهم واقفين ورا عبدالله ياخذون الاكياس
،
طلع سامر شاف محمد بمكانه مرتكي ع سياره سامر ويطقطق بجواله ويناظر سياره السواق وسامر يناظر له ولسياره
وقرب له سامر:خلصتو انت والحب
محمد بهمس:ي اخي شرايك تجي مع سواق وانا وجنى نلحقكم بسيارتك
سامر:ماطلبت شي بابا
محمد:ههههههههههههه ماامزح انا اقولها صادق
سامر:اقول اركب وانت ساكت
محمد:المصيبه تقول ان امها حالفه مااشوفها قبل الزواج
سامر:كفو هذي الام السنعه
ناظر له محمد بطرف عين وسامر مسكه
سامر:اركب لاتجرك
محمد:ههههه طيب
وركب ومحادثته مع جنى مفتووحه
طلعو عبدالله والبنات واتجهو لسيارات وركبت دلال السياره ولفت لسياره سامر صارت هي وجنى ع النافذه يشوفون السياره
نوال:دلال وش شريتي
ماردت
ناظرت لهم واشكالهم ع النافذه
نوال بصرخه:وجع
لفو لها بسرعه
نوال:ناظرو لي
دلال:هلا امي
نوال:هاتي الكيس
واخذته ودلال رجعت تناظر النافذه وجنى رجعت ع الجوال مبتسمه
والثلاث سيارات مشو
اول شي سياره سامر وبعدها عبدالله وبعدها السواق

27 - 12 - 2021, 07:23 PM

البارت 326

جده
ملك جلست ع الكنب بالصاله مستغربه الوجع اللي جاها وانقلابات نفسها ودوختها ، مع انها اكلت ومافيها نوم
فكرت تقول لعبدالملك بس نااايم وتعبان اخذت نفس وهي تقول
اذا جت امي بقول لها
قامت وطلعت بالدرج لجناحها مع عبدالملك لقته لاف ع الجهه الثانيه ونااايم قربت له وغطته زين واتجهت للحمام عزكم الله تاخذ دش
،
نروح لسياره سامر
سامر يتكلم مع محمد وعيونه بالطريق
سامر؛عاد بعد ماطلعو ابوي وابومتعب النذل من الشركه بنبدا مشروع مع شركتنا بكندا وناصر يديرها وش رايك
محمد مارد لف له وشافه مندمج مع الجوال ومبتسم
سامر:محمد وجع تبيني اسحب هالجوال واطشه من النافذه
محمد:هههههههههه ي اخي وش تبي
سامر:اسئلك انا عن الشركه
محمد:احنا طالعين اجازه امور الشركه تمام لاتتكلم فيها
سامر:تدري بقولك شي
محمد ع الجوال:قول
سامر:الشرهه مو عليك ع عبدالملك اللي عطاك اخته
محمد:طويل العمر صديق عمري اطلع منها انت
سامر:نشوف لو شافك كذا بيندم ع اللي سواه
محمد مارد ورجع لجوال وسامر اخذ نفس وشغل شيلات تشغله عن محمد
،
بالرياض
بغرفه لمياء
كانت تهز نفسها ورا وقامت ع سريرها
تحت عيونها صار في هالات سودا من قل الاكل والنوم وكثر التفكير
دخلت عليها هياء
هياء:انا لله، ي بنت وش فيك وش قلب حالك
لمياء لفت لها:يمه وين ابوي؟
هياء:طلع
لمياء:زين وانا بطلع
هياء بااستغراب: وين؟
لمياء ماردت واخذت عباتها وشنطتها وجوالها وطلعت وهياء تنهدت ماتدري وش صار فيها وقلبها
اما لمياء ركبت مع سواقهم
وبالطريق اتصلت ب (ياسر)
ياسر بفرحه:هلا بهالصوت
لمياء بقهر:ليش ماترد علي
ياسر:اشتقتي لي
لمياء:وينك
ياسر:هلا هلا بشقتي ليش تسئلين
لمياء:ابي الصور
ياسر:تعالي وابشري فيهم
انقهرت لمياء:طيب
وسكرت وياسر ضحك باانتصار اما لمياء كانت كل مالها يزيد حقدها عليه واتجهت لشقته

27 - 12 - 2021, 07:23 PM

البارت 327

وصلت لمياء الشقه واخذت نفس وهي تناظر للمبنى
لف لها السواق:هذا بيت!
لمياء بضيق:اي ، لاتتحرك خلك
السواق:طيب
ونزلت لمياء
وتمشي بخطوات بطيئه مع الدرج لين وصلت الشقه واخذت نفس ورنت الجرس
شوي وفتح ياسر الباب وابتسم من عرفها
ياسر:هلا هلا باللي نور شقتي هلا حياك قلبي
لمياء ناظرت له بقهر ودخلت ووقفت بالصاله وسكر ياسر الباب
ياسر:حياك اجلسي
لفت له لمياء:وين الصور!
ياسر:ليش مستعجله
قرب لها
لمياء بصراخ:ياااسررر بعد وووقول لي وين الصور
مسكها ياسر بقوه وقربها له وسحب لثمتها وطاحت وبان وجهها وشعرها
وصارت انفاسه مختلطه باانفاسها وتسارعت انفاسها بخوف وتكلم من بين سنونه
ياسر:قصري صوت لااقطع لسانك
لمياء صدت بخوف باس ياسر خدها وبعدها وابتسم
ياسر:لاتستعجلين بااخذ اللي ابي وبعطيك اللي تبين
لمياء بلعت ريقها بخوف ومسك يدها ومشى للغرفه ولمياء وكانها منومه ماقدرت تقول شي دخلت معه وسكر الباب
،
نروح لكندا
قدام غرفه العمليات
رفع عمر يده ناظر لساعه ظ¦ ونص
اخذ نفس ع جلسه ناصر جنبه لف له
عمر:من وين جيت؟
ناصر:كنت اتطمن ع جمانه ونور ،الا بسئلك كم باقي ع العمليه
عمر:ماادري ماادري بس بقولك شي قبل تطلع
ناصر عقد حواجبه
عمر ضغط ع شفته:حتى لو مانجحت العمليه ارجوان لي
ناصر انصدم وبنفس الوقت عصب:وووش تقول انت
عمر:لاتعصب تكفى ناصر ورب البيت ماابي غيرها
ناصر صد عنه
عمر:قول تم
ناصر:اذا طلعت نشوف
عمر:لا ماابي اذا طلعت الحين قول تم
ناصر اخذ نفس ولف له:ارجوان بالاصل موافقه عليك انت ادع لها بس
ابتسم عمر:جد
هز ناصر راسه بااي
عمر:الله يبشرك بالخير
حسو بصوت الباب حق العمليات ينفتح وطلع الدكتور وقامو بسرعه
عمر:كيفهاااا!
ناصر يناظر له بتوتر

27 - 12 - 2021, 07:24 PM

البارت 328

عمر:كيفهااا!
الدكتور:ابتسم:جداً جيده
لف عمر بفرحه لناصر وابتسم نااصر وضمه عمر
عمر:شفت نجحت
ناصر:الحمدلله يارب
لف عمر لدكتور:جد يعني متى بترجع تمشي!
الدكتور:هههه ليش نسيت كل كلامنا امس لما جاوبتك ،قلت لك ع الاقل شهر وتمشي
عمر:اي اي صح نسيت ولف لناصر
عمر؛الحمدلله
ناصر:بروح ابشر جمانه ع اعصابها
عمر:طيب
وراح ناصر ولف عمر لدكتور:متى بترجعونها غرفتها
الدكتور:شوي ، تقدرون تنتظونها
عمر ابتسم:مشكور
الدكتور حط يده ع كتف عمر:العفو هذا واجبي
ابتسم عمر ويتنفس براحه وجلس ينتظرها تطلع
عند ناصر
نزل بسرعه للحديقه ووقف ورا جمانه اللي تناظر نور وهي تلعب
ناصر:جمانه
لفت له:هلا
ناصر ابتسم:نجحت عمليه ارجوان
جمانه ابتسمت بفرحه وقربت له:مبرووووك ياربي لك الحمد
ناصر ضمها:احس والله ببكي من الفرحه
مسحت جمانه ع ظهره:الله يفرحك فيها تركض
ناصر:امين
ابتسمت نور وهي تناظر لهم
،
نروح لجده

بعد ماضبطت ملك نفسها رفعت شعرها ولبست فستان موف غامق ناعم وحطت مكياج خفيف اخذت نفس ولفت بتطلع وانصدمت بعبدالملك الجالس يناظر لها
عبدالملك ابتسم:عسى هالجمال مايناظره احد غيري
ناظرت له ملك شوي داخلها يبتسم ودها تقول وعسى عيونك ماتناظر غيري وعساني ماانحرم منك بس ماقدرت تطلع هالابتسامه مع الكلام
عبدالملك:ماجو للحين
ملك:لا
عبدالملك قام ووقف قدامها:طيب للحين زعلانه!
ملك:جيعانه تعال تحت ناكل
ومشت وعبدالملك تنهد عرف انها ماتبي تضعف قدامه ابتسم ودخل يغسل
اما ملك نزلت وهي تلوم نفسها (ليش ماابتسمت طيب غبيه انا هو يحاول يراضيني بس هالكبرياء ذابحني
عفست وجهها واتجهت للمطبخ تسوي شي ياكلونه
اخذت نواشف وخبز اسهل واسرع شي وحطتهم ع الطاوله ورجعت تسوي شاهي
ع نزله عبدالملك
لابس بنطلون وتيشيرت اسود
طلعت ملك ومعها الشاهي
عبدالملك:الله الله متعوب ع الشغل
ملك:احمد ربك مافيه غيره
عبدالملك:يلا كل شي من يد ملوك جميل
وجلس وملك ابتسمت من وراه بدون مايشوف ومااسرع مااختفت ابتسامتها وجلست جنبه وصبت له شاهي ولها
وعبدالملك يناظرها:وش فيك
لفت ملك له:وش فيني
عبدالملك:وجهك اصفر!
ملك عقدت حواجبها:جد!
عبدالملك مد يده وحطها ع خد ملك:اي والله تحسين بشي؟
ملك هزت راسها ب لا
عبدالملك ابتسم وقرب لها وباس خدها وملك سكرت عيونها

27 - 12 - 2021, 07:25 PM

البارت 329

قطع عليهم صوت الباب خافت ملك وبعدت وعقد عبدالملك حواجبه:من اللي جاي
ملك:ماادري قوم شوف
قام عبدالملك وملك تناظر له فتح الباب وعقد حواجب
عبدالملك:سالم؟
سالم:اسف اذا ازعجتك طال عمرك بس الخدم وصلو
عبدالملك:لا عادي طيب خلهم يدخلون
سالم:وحبيت اقول لك انك اتصلت بالاخ سامر ويقول جاي بالطريق قبل اعطيه خبر
عبدالملك:اوك
وترك الباب ورجع والخدم دخلو
ملك:من!
عبدالملك:سالم ماعنده شي مهم
ملك حست بطنها اوجعها ورجعت دوختها
وحطت يدها ع راسها
جلس عبدالملك:ملك فيك شي!
ملك ماردت وقامت بسرعه وركض ع الحمام عزكم الله وماسكه فمها
واستغرب عبدالملك واتجه لها
ووقف قدام الباب
وطلعت له
عبدالملك ناظر لها بهدوء؛تكلمي وش فيك
ملك ماتناظر له:ماادري لاتسئلني
عبدالملك:زين يلا البسي عباتك بنروح المستشفى
ملك:لا ماابي بروح انام واصير احسن
عبدالملك؛لا اقـ...
ملك قاطعته:عبدالملك قلت بنام واصير احسن
ومشت لفوق وعبدالملك صد بضيق ولحقها
ودخلت غرفة ملابسها اخذت من الشنطه بجامه بدلت وطلعت شافته جالس ع السرير
وتركته واتجهت للجهه الثانيه وانسدحت لف لها عبدالملك
عبدالملك:الحين بعرف ليش رافضه المستشفى
ملك سكرت عيونها:لاني اعرف وش فيني
عبدالملك:وش فيك
ملك:تعب مانمت من الصبح
عبدالملك:براحتك
وقام وجلس ع الكنب يناظر لها وملك ع ماسكرت عيونها نامت
،
نروح لكندا
جمانه مع نور وناصر وعمر
كانو يناظرون الممرضات وهم يحطونها ع السرير من ورا النافذه الشفافه وطلعو
لفت الممرضه لهم وتكلمت مع عمر
الممرضه:مايصر تقربون لها الا بعد ظ¢ظ¤ ساعه ع الاقل
عمر:طيب
ومشت
ناصر:ي قلبي ي شكلها تعبانه
جمانه لفت لعمر:ترا مايصر تناظر لها وماعليها طرحه
ناصر لف له:اي صح يلا يلا
عمر:هههههههه عادي وش فيكم زوجه المستقبل
جمانه:ولو مايصير
عمر:يووه بسس
ولف وجلس
ناصر:اي اعقل
نور:ليش عمه جوج شالوها كذا!
جمانه:لان عمه تعبانه الحين بكرا تصحى وتلعب معك
نور:مريضه يعني
ناصر:لا ي عيني مو مريضه عمه نايمه بس
نور:اها
جمانه ابتسمت لناصر:حلو تفهم منك اكثر
ناصر؛ابوها ههههه
جمانه ابتسمت:وانا امها
ناصر فرح بكلمه جمانه
نور سمعتهم:يعني اقول لك ماما
ابتسمت جمانه:اي
نور مسكت يدها:ماما
ناصر اخذ نفس براحه وناظر لجمانه وجمانه نزلت باست راس نور
جمانه:ي عيووون ماما
ضحكت نور وناصر قرب لجمانه وباس راسها وجمانه ابتسمت له

27 - 12 - 2021, 07:25 PM

البارت 330

نروح السعوديه
الرياض
شقه ياسر
غرفه نومه
كانت لمياء جالسه وتحاول تغطي نفسها بالشرشف وتبكي
طلع ياسر بعد مااخذ دش والمنشفه ع خصره ويمسح شعره منشفه ثانيه
ياسر:ههههههه ليش تبكين بعد
لمياء:حقيييييير الله ياخذك
ياسر مارد عليها واتجه يطلع له ملابس
لمياء شهقت ومسحت دموعها:طيب صار اللي تبي واخذت اللي تبي ،، اعطني صور
ياسر لف لها:اي صور
انصدمت لمياء من رده:صوري ياسر
ياسر:اها هههههههههههههههههه وانتي مصدقه بخبي صورك المعفنه عندي!
انصدمت اكثر وبلعت ريقها وتكلمت بهدوء:وش قصدك!
ياسر لف واعطاها ظهره:ماقد خبيت لك صوره ولا هميتني اللي همني اخذ اللي ابي واخذته ويلا روحي قولي لابوك وش سويت فيك عشان يذبحك وافتك
لمياء وكان احد كب عليها ماء ثلج جمدت مكانها وانفاسها تسارعت لفت ناظرت للابجوره وثقيله قامت واخذتها بهدوء وبكل قوتها ركزت بضربها ع راسه وطاح فجااءه وهي تناظر له تحت رجولها والدم طلع من راسه وعباء الارضيه
رمت الابجوره ورمت نفسها ع الارض جنبه وبكت بعالي صوتهااا
،
عند السواق تباطاها ونزل واتجه للشقه وانصدم لما سمع صوتها تبكي وخاااف وركض لسيارته واتصل ب اابو لمياء وقال له يجي بسرعه للمبنى
وابو لمياء خااف وسكر وركب سيارته بسرعه واتجه لهم
بعد ظ،ظيمنع دقايق صار عندهم
وطلع لشقه ويسمعها تبكي ونادى بعالي صوته
ابولمياء:لمياء
لمياء من سمعت صوته وقفت بكى ولفت تناظر للباب وترمش بهدوء حست نهايتها قربت وفجاءه سمعت كسر باب وسكرت عيونها وانفتح باب الغرفه اللي هي فيها
وانصدم ابو لمياء من اللي قدامه بنته الوحيده عاريه ورجال جنبها ميت سواقهم كان وراه ابو لمياء ومن شاف المنظر خاف ونزل ركض واتصل ب الشرطه
صد بسرعه ولمياء نزلت راسها وبكت
همس ابوها:حسبي الله عليك ، حسبي الله عليك
طال صوت بكاها
وصد ابوها ومشى للباب ويحس الدنيا سودت بوجهه سمعها تناديه
لمياء:يييييبه تعاااااال ، لاتخليني يبه
سكر عيونه ونزلت دمعته وطلع من الشقه وركب سيارته ومشى وكل الدنيا صغرت بعينه
بعد دقايق كانت الشرطه ماليه المكااان طلعو جنازه ياسر ولمياء سترو عليها واخذتها الشرطه وتبلدت شكلها وكانها مجرمه ذابحه ظ¢ظيمنع ..
عيونها مركزه ع نقطه ولاتحركت كل مستقبلها تدمر بغبائهااا
شلون بتكون سمعه ابوها وامها بين الناس وبنتهم فضحتهم

المواضيع المتشابهه لموضوع: رواية عشقي ال بدي مكتفي فيك عاشقك للفنى لموضوع: رواية عشقي ال بدي مكتفي فيك عاشقك للفنى
الموضوع	كاتب الموضوع	المنتدى	مشاركات	آخر مشاركة
مكتفي بك 2022	حنين الأشواق	همس الشعر و الشيلات الصوتيه	2	22 - 1 - 2022 11:22 AM
تعب عاشقك بدر العزي 2021	حنين الأشواق	همس الشعر و الشيلات الصوتيه	4	18 - 3 - 2021 03:10 AM
لاتبعثرني تراني مكتفي	جروح الم	همس الشعر والقوافي	2	27 - 12 - 2014 11:28 PM
قال نا عاشقك	استثنائيه	همس عذب الكلام والخواطر المنقوله	10	1 - 5 - 2013 01:53 AM
رواية عشقي	مــلآمـح خ ــجل	همس الشعر والقوافي	12	12 - 6 - 2012 12:46 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية عشقي ال بدي مكتفي فيك عاشقك للفنى

همس للقصص وحكايات وروايات