هو الحب يا عمري شويه - الصفحة 10

11 - 7 - 2014, 12:36 PM

بعد يومين ..قامت موزة و كالعاده بدت تدور في البيت بملل..كانت دائما تحسد امل و بنات عمها ان لهم خوات أصغر منهم..كان نفسها بأخت صغيره تهتم فيها..و تجلس معها..و إذا قالت لاحد ضحكوا عليها..و قالوا تأخذ خواتهم الصغار و تفكهم منهم..(و الله ملل..فيه أحد يجلس في البيت لحاله كذا! طلعت لغرفت عبدالعزيز..و فرحت و هي تشوف غرفته منوره..(ياسلام عبدالعزيز للحين ما طلع)طقت الباب و دخلت..موزة: مساء الخيرعبدالعزيز: مساء الوردموزة بهدوء: عزوز عندي طلب عبدالعزيز وهي يضحك: كنت حاس .. وش بغيتيموزة: شوف يا خوي العزيز عندك حل من ثلاث عبدالعزيز: وش الحلول اللي عندك؟موزة: يا إنك ما تطلع و تجلس عندي..أو تاخذني معك..أو تتزوج و تجيب وحده تجلس معيعبدالعزيز اول ما سمع طاري الزواج ضحك .. وش فيهم هالعايله .. بس يبون يزوجون الواحد .. يموتون في الاعراس .عبدالعزيز: إلا الزواج الله يخليك اسكتي لا تسمعك أمي ما صدقنا تنسىموزة: أمي نو ويي تنسى .. تتحدى انها راح تخطب لك ..جلس على السرير وهو متخرع : ليش سمعتي شيءموزة تضحك: لا بس أخوفكعبدالعزيز: كذا..هونت ما راح آخذج معيموزة: لا حبيبي والله سوري .. احس اني تعقدت صرت اكلم الجدران ..عبدالعزيز: خلاص روحي البسي نطلع نتعشى برىموزة بفرح: واااو يا عمري أنت..أنا أقول مالي غير عزوزي يحس فينيطلعت وهي تكرض ومستانسة .. تمللت من البيت .. ودها تفتك وتطلع .. شافت مسج من امل وهي في غرفتها انهم بكرة عازمينا على العشا في بيتهم .. يا قوت قلبج يا امل .. يومين وصحيتي من الي انتي فيه .. بس امل طول عمرها قوية . تكرة انها تبين نفسها ضعيفة جدام اي احد .. مهما كان .. وهي متأكدة ان داخلها .. لحد الحين الحزن ما فارقها ..!بيت بو محمد .. زهقت من القعدة بروحها .. الكل مشغول .. جاسم كله طالع واساسا ما تعرف وش فيه .. يقعد اشوي وفجأه تجية مكالمات يطلع برا يتكلم ويرجع .. متغير وايد .. وما بقى غير يومين على الدراسة ..! رن جوالها .. شافت انها هيا ..هيا : ادري انج زهقانه دانه : محد حاس فيني غيرج حتى جوجو الي وياي بالبيت مو حاسه هيا: الا شفيج الحين .. المفروض انتي تتصلين فينا تحرينادانه: على شنو هيا: مو متزوجه .. روحي طلعي وياه ولا هو وش فايدته دانه: انا محد معذبني غيرة .. احسه صاير مب طبيعي هالايامهيا: ليش دانه:ما ادري والله .المهم ما علينا .. شتسوين هيا:كنت متملله .. وقعدت اقرى روايه .. دانه: ذبحتيني انتي وهالروايات .. هيا: اقولج شيء يفرحج دانه: وشو هيا: الروايه الي اقراها ابطالها دانه وجاسم دانه: واووو .. خلاص لازم اقراها هيا: يس يس .. في وحدة اسمها هيا بس شريرةدانه: احسن عشان تطلع مثلج هيا: دودو والله حرام عليج .. انا طيبة دانه: الا اخبار مريوم ... هيا: شاركت بمعهد رسم .. ومستانسة عليه دانه: اي فديتها تمووت على هالسوالف .. ليش ما شاركت فيه عندوو بعدهسا: عندوو ورسم .. شكلج ما تعرفينها عدلدانه" وهي تضحك": ليش .. هيا: هي سمكه ما تعرف ترسم .. اجل معهد رسم ! الا دودو دانه: هلا هيا: جوجو ع الخط الثاني وش رايج اجمعكم دانه: هي معاي بالبيت بعد الاقيها ع التلفون الجوهرة: انتي صج ما تستحين دانه " وهي تضحك" : افاااا لجوهرة: الحين بكل قوه عين تقولين هالكلام .. اخخ وين خيوو بس ياخذ حقيهيا: الا تعالي وش هي سالفتج المهمهالجوهرة: لحظة لحظة .. دانو انتوا وينج من الصبحدانه: بالبيت ما طلعت اليوم الجوهرة: مرتين يت غرفتكم . القى جاسم بالصاله ويقولي انك طالعه دانه: كذااب ما عليج منه انا نايمه هيا: صج ما تستحين .. الا جوجو يله ابي اسمع السالفه الجوهرة: تذكروون من اسبوع تقريبا يوم ادعم بالسيارة دانه: اي اي يوم يدعمكم الحلو ذاك الجوهرة: تدوون من طلع هيا: منالجوهرة: اخو سهر ..دانه: ويييييييي .. عشان جيالجوهرة: وشو دانه: امس جاي يسال سهر عندي وعن عايلتي يوم قالها .. سالها انتي وش تقربين لي .. وفجأه تذكر شيء وضحك .. الجوهرة: وااي يا فضيحتي !! هيا: انتي وش دراك انه اخوها الجوهرة: يوم رحت بيت سهر .. شفته ودعمت فيه بالغلط هيا: هههههههههههههههههه بالغلط ... يا شيخة ! عبالج ما عرف عن حركاتك الجوهرة: هييي وانتي وياها .. والله بالغلط دانه: خلاص خلاص صدقناج .. باجر بزورها وش رايج تجين هيا: لا بكرة معزومين في بيت جدتي .. اموول عازمتنا دانه: وقالت لكم مناسبه العزيمه .. الجوهرة: لاءدانه: عشان تعرفنا على نوف هيا: وووووووووع .. ما لقت الا هي دانه: انا هالبنت ما طيقهاالجوهرة: وانتي تعرفينها اساسا .. دانه: شفتها من فترة في بيت جدتي .. وجاسم كان موجود قهرتني هيا: اي قولي جي .. قولي انك تغارين ..سكرت من التلفون .. وكانت زهقانه .. قعدت تطالع بالتلفزيون لحد ما سعود رجع .. سعود: هيوون .. شتسوين بالبيت بروحج ما طلعتي معاهمهيا: لا طلعاتهم ممله سعود وهو يضحك: اماا ممله .. اخاف بس انتي الي تمللين هيا: لو ما عندك كلام عدل اسكت .. سعود: افاا يا اختي .. هاي وانا اقول راح اوديك السينما هيا: جد .. قول والله سعود: اي جد .. يله في فيلم مصري جديد نازل خل اوديك له .. هيا: وووع مصري .. سعود: شوفي عاد يا مصري يا كرتوون .. هيا: افف ما يسوى علي خلاص مصري ارحم من كرتون !!كانت حابة تسوي اي شيء عشان تنسى .. عشان ترتاح .. اليوم مر عليهم بالبيت .. رغم ان جدتها حنت عليها كثير عشان تنزل وتسلم عليه ولكن رفضت .. ما كانت تبي تشوفة .. ولا تبي تسمع اي شيء عنه .. كرهته .! حتى ايميله حذفته .. وكتبت رساله انها تطلع من المنتدى .. هالشيء عور قلبها ! لانها كانت تحب المنتدى بشكل كبير .. بس خلاص ما عاد له بالقلب مكان !! ما يصير . ما يصير لو ظلت تحبه بتكون تخون شقه ابوها .. فيها وفيه ! بس بعد لحد الحين تحس بخداعه لها .. اشلون عرف اني انا امل بنت عمه .. عمري ما قلت اسم ابوي وعايلتي .. بالعكس هو الي قالها اسم ابوه .. وقالها قصة حياته كلها .. معقوله ما ربطت . والله اني هبله .. اي نعم والله اني هبله .. سكرت الاب توب .. وانسدحت على السرير وهي لحد الحين مو مصدقه .. ليه كذا .. ليه ...!

11 - 7 - 2014, 12:37 PM

الجزء ال 17 .. ما كانت متحمسه .. لجيه البنات كثير .. بس ما قدرت تكسر بخاطر نوف .. هس كان ودها تتعرف على اهلها من زمان . الله يستر بس لا تحرجني جدام دانه .. وتقول شيء عن جاسم .. لا لا مستحيل نوفو ما تسويها .. الساعه 7 تقريبا .. الكل كان متجمع عندها .. الكل حضر .. موزة حبت بنات عمها بشكل مو طبيعي . صحيح انها اكبر منهم .. بس حستهم قراب منها كثير .. نوف: الا دانه . سمعت انك متزوجه دانه: مو كانج شايفتني من اسبوع يوم جيتي لنا .. ضحكه العنود على ردها .. والله وعرفتي تردين عليها .. احسن .. هيا: دودو الله يعينج باجر دوام دانه: افف لا تذكريني .. موزة: عادي غيبي باجر دانه: حبيبتي هذة جامعه اجنبية مو قطر .. على الغياب يسون سالفه .. تخيلو عطوني كتيب فيه الممنوعاتنوف: الا انتي اي جامعه دانه: كارنجي .. مريم: عندوو .. وين جدتي اليوم .. العنود: بالصاله الثانية ... فديتها ما حبت تزعجنا .. دانه: اي اي باقول شيء !! الجوهرة: شنو .. دانه: تخيلو ان معاملتها تغيرت وياي .. ريم باستغراب .. : صج دانه: يس يس .. والله الجوهرة: غريبة دانه: ذيك المره يوم جيت ويا جاسم .. ظلت تسالني عن حالي وتعاتبني ليش ما زرتها من فترة امل: اي من فترة .. اول ما رجعتي زرتيها دانه: هههههههه دارية . مر الوقت عليهم بسرعه .. كان هدف نوف من هالزيارة انها تتقرب من بيت عم امل .. والجوهرة خصوصا بصفتها اخت جاسم .. بس ما علمت امل بالموضوع ..لأن امل اشوي اشوي . بدت تحس ان دانه طيبة .. واحيانا تلومها على كرها لها .. بس مو مشكله يا دانو .. باكون وياهم بالجامعه .. وشوفي اشلون راح تطولين بهالبيت .. ما راح تمر سنه الا وانتي برع .. راحوا الكل غرفه الطعام يتعشون .. الا هي .. ظلت في الصاله بحجة انها تعبانه ومو مشتهية واشوي وراح تلحقهم .. غرفة الطعام كانت بعيدة اشوي .. وما تطل على صاله دقايق وشافت شخص البيت وداخل وهو معصب .. كان واضح عليه ان يبي حد ضروري .. شافها وانصدم وظلل واقف .. ما عرف هي من .! ولا عرف وش المفروض يقول !! كل الي عرفة ان ما وده يطلع من هالمكان .. احمد" منو هاي يا ترى .. هاي مهب دانه ولا ريم .. ولا حتى الجوهرة .. انا اشوف الجوهرة دايما .. ممكن تكون بنت عمتي .. " .. نروح حق هيا الي نصدمت بدخلت شخص عليها .. قامت وقالت له عمي وش رايك انا حلوه .. وكانت حلو .. بس لما ما سمعت اي رد رفعت راسها وانصدمت بالشخص الي جدامها . هذا مو عمي هذا احمد ولد عمي .. يا ربي والله فششله وش راح يقول عني الحين .. حست انه متوهق .. وحتى هي متوهقة .. اشوي ولا تسمع صوت دانه تناديها .. على طول طلع !! وسكر الباب وراه .دانه: انتي يا الهبله وينج هيا: هاااااااادانه: هيووون وش فيج هيا: سلامتج .. " ورجعت قعدت مكانها .. كان ويها احمر وشكلها منحرجه " دانه: هيوون .. شكلج مب طبيعي اشفيج هيا: ولا شيء دانه: انزين تعالي تراج تاخرتي وايدهيا: لا لا ما اشتهي .. باروح عند جدتي .. لما تخلصون قولو لي .. استغربت دانه منها .. تصرفها مب طبيعي .. اما هيا اول ما طلعت راحت تشوف شكلها .. خاف ان شكلها يكون يخرع .. بس انحرجت من ملابسها كانت لابسة فستان فصير لونه اصفر .. ورافعه شعرها .. حست ان فستانها قصير اشوي .. مع انه كان لي تحت الركبة .. نروح حق احمد .. الي طلع من بيت جدته وهو مستغب من الي شافها .. كان في مجلس بيتهم .. فطلب منه عمه راشد يجيب له اوراق من المكتب .. وتوقع ان البنات مو في البيت لانه سمع ان في عزيمه .. طلع من من بيت جدته وهو منصدم .. منو هاي .. كأنها هيا او وحدة من صديقاتهم تاي عازمينهم .. لان باقي البنات اعرفهم عدل .. !بس هاي مستحيل تكون هيا .. اتذكر هيا يوم كانت صغيرة كانت دبه وايد .. وشعرها كان قصير .. الحين كل شيء تغيــر !! هيا بهالجمال .. معقوله !! الكوفي شوب .. الي دووم الشباب يتجمعون فيهـكان قاعد مع خالد بعيد عن باقي الشباب .. قعدوا على طاوله بروحهم .. لازم يحاول يكتشف وش الي فيه هالايام .. الكل سأله عن خالد .. بس هو من انشاغاله بنفسه ما انتبه .. جاسم: خالد انت فيك شيء خالد: اخ يا خوي .. لو قلت لك وش الي فيني ما تصدقني .. جاسم: انزين تكلم .. يمكن افهمك .. يمكن اساعدك !ابتسم خالد ابتسامه صفراء .. : ادري ان اغلب اساري عندك .. والعكس .. ويا خوي هالسر ما اقدر اشيله بروحي .. جاسم: وانا باشيله معاك وش السالفه .. تراني تحمست خالد: تذكر منتدى حمدان .. جاسم : حمداااااااااااان خالد: هذا الامراتي الي كان معاك بالجامعه .. جاسم: اي اي حمدان ال.. وشفية خالد: تذكر انه سوا منتدى وعطانا الرابط . وما عرف شنوجاسم: اي انت الي شاركت فيه .. انا شاركت فترة وطلعت .. خالد: المهم .. ما علينا .. الله يسلمك تعرفت على وحدة !! جاسم: والله وتطورنا يا خلوود .. اخبر الناس اذا حبو يحبون بنات عمهم بنات خالهم ما عرف شنو .. يا المتطور انت تحب ع النت !! ضحك خالد على كلامه: بس ما سألتني منو البنت .. جاسم: منوو .. رد خالد للي كان فيه: لو قلت لك اخاف تسوي لي سالفه .. جاسم: ما راح احكم عليك يا اخي بس تكلم .. خالد: أمل .. جاسم : أي امل .. خالد: أمل بنت عمي ...!جاسم والصدمه باينه على وجهه : وشووووووووو خالد: كنت حاسس انك ما راح تصدقني .. جاسم: اخ .. عاد قلو بنات الدوحة ما كان في الا امل .. خالد: انا بروحي مب مصدق الي يصير .. حاس ان الموضوع كله غريب .. غريب يا جاسم !!جاسم: حاول تنسى الموضوع .. ولو البنت عاجبتك اخطبها .. خالد: انت وش تقول !! جاسم: انا اقول الصج !! خالد: حاس انها تكرهني بهاللحظة .. خصوصا بعد ما قلت لها الحقيقة .. تبي الصراحة انا واثق من تربية عمي بس خايف .. خايف يا خوي !! في الكوفي شوب بس بمكان ثاني الساعة 9 ... وبين الضجيج وضحك الشباب اللي من كل جهة ... كان طلال جالس يكلم تلفون ومعه احمد وعبدالعزيز ..طلال : ههههههههههههههه .... ياااااا بعد قلبي انتي ..احمد يأشر لطلال : هيه طلووول ... خلاص سكر .. لك ساعة تكلم الحينطلال يأشر له يسكت : خلاص حبي ... اكلمك بعدين اوكي .... بايسكرعبدالعزيز : ارحم نفسك ياخي .... الفاتورة بتطق الخمس الاف ..احمد: أي والله طلول تراك صرت تطول بهالمكالمات بزيادة ..طلال : اللي يسمعكم يقول انكم انتوا اللي بتسددونها بدالياحمد : وحنا صادقيـــن .... هالمكالمات بتدفعك غالي ترا يا طلال.سكت طلال وهو يهز راسه باستياء من الاسطوانة اللي يكررونها عليه كل مرة ..دق جواله وقطع عليهم كلامهم ...احمد باستياء : شوووف ... ما يخلص من وحده الا تنط له وحده ثانية ..طلال وهو يناظر شاشة الجوال : لا هذا الوالد ...

11 - 7 - 2014, 09:40 PM

طلال : الوابو طلال " عبدالله" : هلا طلالطلال : هلا هلا يبهابو طلال : وش فيك طلال ادق عليك من نص ساعة وتلفونك مشغول ... ؟!!طلال : كنت أكلم .... واحد من الشباب ..ابو طلال : حتى لو ... خفف من هالمكالمات شوي ... الشباب تقدر تشوفهم لا تطول معهم في التلفون ... حتى يضرك انت ..طلال: ان شالله يبه .... بغيت شي آمرني ..ابو طلال : أيـــه ابغاك بموضوع مهم .. لا تتأخر اليوم ... ابي اكلمك بالموضوع قبل ماانومطلال : ان شالله ... يعني كم الساعة تبينيابو طلال : يعني قبل 11طلال : ان شالله ... قبل 11 اكون عندكابوطلال : خير ان شاللهطلال : مع السلامةابو طلال : مع السلامةاحمد : ها خير ...طلال : والله مادري يبيني ابوي في موضوعاحمد : يعني بتروح مبكر اليومطلال: عالساعة عشر ونص انا ماشي للبيت ..عبدالعزيز : اقول طلول وش فيهم عمامك .. طلال: والله ما ادري عنهم .. اقول قومو نلعب .. بليارد اشوي !!رجع البيت وهو ضايق صدرة على سالفه خالد .. هو يعرف اخوه عدل ! من قبل كان يحس ان النفروض خلاص ما يسكم معاهم .. يحس انه بروحه .. يخاف لا يضيق عليهم .. وتجي هالسالفه الي أثرت فيه اكثر واكثر ...دخل جناحهم بس ما لقاها بالصاله ولا في المكتب .. ابتسم وقال اكيد نايمه المسكينه بكرة وراها اول يوم دوام .. اشوي ولا يسمع اصوات صراخ في الغرفة .. انتي هبله هو يحبج .. لا لا حرام لا تتركها .. خلاص انا بعد ما حبك ! وشفيها ذي .. تكلم من هالحزة وتقول انا ما حبك !! دخل الغرفة فجأه وشافها مساكه روايه وقاعدة تصيح .. جاسم: شتسوين !! دانه: اقرى .. يله اطلع.. راح وقعد ع السرير .. جاسم : واذا قلت لج ما ابي .. دانه " وهي تكمل صياها ": رووووووح ابي اشوف ليوناردو وش صار فيه .. جاسم: منو هذا دانه : هذا الي يحب ازيبيلا ..تخيل تركها يوم عرسها .. مالت عليها وعليه جاسم" وهو يسوي نفسه مهتم": واوو وازيبيلا وش سويت ..؟ دانه: راحت لمايكل تقوله .. هبله صح ..؟؟ اساسا مايكل يحبها !! جاسم" وهو يضحك": انزين ابي شااي دانه: عندك يد .. روح سو لك !! جاسم " هذة وبعدين معاها .. رجعنا على حركات اول .. بس والله عسل باي حركه ": لاااء .. ابيه من يدكِ! قامت وهي معصبة .. وخذت الروايه .. بس هو وقفها وخذ الروايه منها وانسدح على السرير يقراا ها من البدايه .. راحت تسوي الشاي وهي معصبة عليه .. هذا ما يصدق يشوفني منسجمة ولازم يعكنن علي .. اشوي ولا شافت جوالها يرن .. ومريم ع التلفوون .. دانه : هلا وغلا .. هلا بمرايم مريم:عندي احساس انج تبين شيء .. بس باجاريج .. هلا فيك حبيبتي دانه: لا والله ما عندي شيء .. بس ما صدقت اسمع صوتك ... اشتقت لك مريم: اساسا اليوم شفتك عن الكذب !!دانه: تصدقين انك مو ويه مغازل !!مريم" وبانت الجدية على صوتها": كنت محترة وابيج تشاركيني حرتي .. دانه: بسم الله عليك .. شالسالفه مريم: انتي وجوجو طلعتوا من العزوومه من وهل اليوم .. ونوف قهرتني دانه: ليش مريم: تخيلي تتقريب من ريم .. وتسالها عنكم دانه: انا وجوجو مريم: لا انتي وجاسم دانه" وهي معصبة ": نــــــــــــــــــــــعم مريم: والله اني انقهرت .. دانه : وريم وش قالت مريم: ريم ما قالت شيء .. قالت ما ادري .. ما عرف .. اسئلي دانوا دانه: اي زين تسوي .... بس والله سخافه .. تذكرين يوم رحت ويا جاسم بيت جدتي وكانت موجودة مريم: اي اي دانه: قهرتني .. وبكل وقاحه كانت واقفة ولاقامت .. والحين تسأل هذة وش سالفتها مريم: ما ادري يا دانو .. هيا قالت ما نقولج .. بس انا حسيت لازم تعرفين .. حتى لو نقهرتي بس تنتبهين منها ..راحت للغرفة وهي معصبة ما كان ودها تشوفه من عصبيتها .. مع انه المسكين ماله ذنب .. شافته راقد ويقرى القصة .. وهو معصب ومنسجم وياها .. جاسم: تدرين اعتقد ان كاثرين راح تحب مايكل بعدين .. ضحكت دانه على شكله وهو متحمس .. دانه: نو نو كاثرين راح تمووت .. جاسم " بقهر": لا عااااااد .. اففف .. ليه كذا .. انا حسيت انها انسب وحدة لمايكل بهاللحظة ما قدرت تمسك ضحكتها وضحكت بصوت عالي .. اما هو ما عرف سبب ضحكتها .. وش فيها ذي .. انا سويت شيء عشان تضحك !! جاسم: شلي يضحك دانه: انت من جدك تقرى هالقصص ؟ جاسم: ليش .. انتي الي كنتي تقرينها من اشوي دانه : دااريه .. بس انت غير ؟؟ وطلعت من الغرفة وهي تضحك على شكله اما هو ولا همه رجع يكمل قصته الي كان يقراها ..دخل البيت .. حس بالذنب لان الوقت متأخر خلاص الساعه صارت 12 الحين وهو مواعد ابوه على الساعه 11 .. الله يستر الحين راح يزفني !!طلال: السلام عليكم عبدالله: عليكم السلام .. تدري الساعه كم طلال: اسف يبة .. بس انشغلت ويا الشباب !!عبدالله : دامك ماعطي حد موعد لازم تلتزم فيه طلال: يبة انا مب ياهل .. خلاص رجال .. ما له داعي توصيني عبدالله: المهم .. اقعد ابيك بسالفه طلال: أمر يبة .. عبدالله : كنت ابي اكلمك عن مشروع لبنان !! ابيك تروح تمسكه .. طلال: بس يبة هذا شغل خليفة وجاسم .. مهب شغليعبدالله : انا عارف .. بس انت الوحيدة الي تخصصك هندسة .. وراح يساعدنا هالشيء بالموضوع وراح يروح معاك خليفة يشوف شالسالفه ..! طلال: خلاص ولا يهمك .. اروح ! متى عبدالله: بعد يومين طلال: بس بعد يومين عندنا مناقصة .. والفرع الي انا مسؤول عنه هو الي راح يمسك الموضوع عبدالله: داري .. راح اقول لجاسم يمسك فرع السد .. بالاضافه لشغله ..!نور: طلال .. وش عندك جاي بدريعبدالله: عندنا شغل ..!نور وهي تجلس : وانتوا كله شغل . صبح ليل .ظهر .. اجازات كله شغل .. طلال: يمه وش تبيني اسوي !! ما عندنا غيره ..

11 - 7 - 2014, 09:40 PM

طلال : الوابو طلال " عبدالله" : هلا طلالطلال : هلا هلا يبهابو طلال : وش فيك طلال ادق عليك من نص ساعة وتلفونك مشغول ... ؟!!طلال : كنت أكلم .... واحد من الشباب ..ابو طلال : حتى لو ... خفف من هالمكالمات شوي ... الشباب تقدر تشوفهم لا تطول معهم في التلفون ... حتى يضرك انت ..طلال: ان شالله يبه .... بغيت شي آمرني ..ابو طلال : أيـــه ابغاك بموضوع مهم .. لا تتأخر اليوم ... ابي اكلمك بالموضوع قبل ماانومطلال : ان شالله ... يعني كم الساعة تبينيابو طلال : يعني قبل 11طلال : ان شالله ... قبل 11 اكون عندكابوطلال : خير ان شاللهطلال : مع السلامةابو طلال : مع السلامةاحمد : ها خير ...طلال : والله مادري يبيني ابوي في موضوعاحمد : يعني بتروح مبكر اليومطلال: عالساعة عشر ونص انا ماشي للبيت ..عبدالعزيز : اقول طلول وش فيهم عمامك .. طلال: والله ما ادري عنهم .. اقول قومو نلعب .. بليارد اشوي !!رجع البيت وهو ضايق صدرة على سالفه خالد .. هو يعرف اخوه عدل ! من قبل كان يحس ان النفروض خلاص ما يسكم معاهم .. يحس انه بروحه .. يخاف لا يضيق عليهم .. وتجي هالسالفه الي أثرت فيه اكثر واكثر ...دخل جناحهم بس ما لقاها بالصاله ولا في المكتب .. ابتسم وقال اكيد نايمه المسكينه بكرة وراها اول يوم دوام .. اشوي ولا يسمع اصوات صراخ في الغرفة .. انتي هبله هو يحبج .. لا لا حرام لا تتركها .. خلاص انا بعد ما حبك ! وشفيها ذي .. تكلم من هالحزة وتقول انا ما حبك !! دخل الغرفة فجأه وشافها مساكه روايه وقاعدة تصيح .. جاسم: شتسوين !! دانه: اقرى .. يله اطلع.. راح وقعد ع السرير .. جاسم : واذا قلت لج ما ابي .. دانه " وهي تكمل صياها ": رووووووح ابي اشوف ليوناردو وش صار فيه .. جاسم: منو هذا دانه : هذا الي يحب ازيبيلا ..تخيل تركها يوم عرسها .. مالت عليها وعليه جاسم" وهو يسوي نفسه مهتم": واوو وازيبيلا وش سويت ..؟ دانه: راحت لمايكل تقوله .. هبله صح ..؟؟ اساسا مايكل يحبها !! جاسم" وهو يضحك": انزين ابي شااي دانه: عندك يد .. روح سو لك !! جاسم " هذة وبعدين معاها .. رجعنا على حركات اول .. بس والله عسل باي حركه ": لاااء .. ابيه من يدكِ! قامت وهي معصبة .. وخذت الروايه .. بس هو وقفها وخذ الروايه منها وانسدح على السرير يقراا ها من البدايه .. راحت تسوي الشاي وهي معصبة عليه .. هذا ما يصدق يشوفني منسجمة ولازم يعكنن علي .. اشوي ولا شافت جوالها يرن .. ومريم ع التلفوون .. دانه : هلا وغلا .. هلا بمرايم مريم:عندي احساس انج تبين شيء .. بس باجاريج .. هلا فيك حبيبتي دانه: لا والله ما عندي شيء .. بس ما صدقت اسمع صوتك ... اشتقت لك مريم: اساسا اليوم شفتك عن الكذب !!دانه: تصدقين انك مو ويه مغازل !!مريم" وبانت الجدية على صوتها": كنت محترة وابيج تشاركيني حرتي .. دانه: بسم الله عليك .. شالسالفه مريم: انتي وجوجو طلعتوا من العزوومه من وهل اليوم .. ونوف قهرتني دانه: ليش مريم: تخيلي تتقريب من ريم .. وتسالها عنكم دانه: انا وجوجو مريم: لا انتي وجاسم دانه" وهي معصبة ": نــــــــــــــــــــــعم مريم: والله اني انقهرت .. دانه : وريم وش قالت مريم: ريم ما قالت شيء .. قالت ما ادري .. ما عرف .. اسئلي دانوا دانه: اي زين تسوي .... بس والله سخافه .. تذكرين يوم رحت ويا جاسم بيت جدتي وكانت موجودة مريم: اي اي دانه: قهرتني .. وبكل وقاحه كانت واقفة ولاقامت .. والحين تسأل هذة وش سالفتها مريم: ما ادري يا دانو .. هيا قالت ما نقولج .. بس انا حسيت لازم تعرفين .. حتى لو نقهرتي بس تنتبهين منها ..راحت للغرفة وهي معصبة ما كان ودها تشوفه من عصبيتها .. مع انه المسكين ماله ذنب .. شافته راقد ويقرى القصة .. وهو معصب ومنسجم وياها .. جاسم: تدرين اعتقد ان كاثرين راح تحب مايكل بعدين .. ضحكت دانه على شكله وهو متحمس .. دانه: نو نو كاثرين راح تمووت .. جاسم " بقهر": لا عااااااد .. اففف .. ليه كذا .. انا حسيت انها انسب وحدة لمايكل بهاللحظة ما قدرت تمسك ضحكتها وضحكت بصوت عالي .. اما هو ما عرف سبب ضحكتها .. وش فيها ذي .. انا سويت شيء عشان تضحك !! جاسم: شلي يضحك دانه: انت من جدك تقرى هالقصص ؟ جاسم: ليش .. انتي الي كنتي تقرينها من اشوي دانه : دااريه .. بس انت غير ؟؟ وطلعت من الغرفة وهي تضحك على شكله اما هو ولا همه رجع يكمل قصته الي كان يقراها ..دخل البيت .. حس بالذنب لان الوقت متأخر خلاص الساعه صارت 12 الحين وهو مواعد ابوه على الساعه 11 .. الله يستر الحين راح يزفني !!طلال: السلام عليكم عبدالله: عليكم السلام .. تدري الساعه كم طلال: اسف يبة .. بس انشغلت ويا الشباب !!عبدالله : دامك ماعطي حد موعد لازم تلتزم فيه طلال: يبة انا مب ياهل .. خلاص رجال .. ما له داعي توصيني عبدالله: المهم .. اقعد ابيك بسالفه طلال: أمر يبة .. عبدالله : كنت ابي اكلمك عن مشروع لبنان !! ابيك تروح تمسكه .. طلال: بس يبة هذا شغل خليفة وجاسم .. مهب شغليعبدالله : انا عارف .. بس انت الوحيدة الي تخصصك هندسة .. وراح يساعدنا هالشيء بالموضوع وراح يروح معاك خليفة يشوف شالسالفه ..! طلال: خلاص ولا يهمك .. اروح ! متى عبدالله: بعد يومين طلال: بس بعد يومين عندنا مناقصة .. والفرع الي انا مسؤول عنه هو الي راح يمسك الموضوع عبدالله: داري .. راح اقول لجاسم يمسك فرع السد .. بالاضافه لشغله ..!نور: طلال .. وش عندك جاي بدريعبدالله: عندنا شغل ..!نور وهي تجلس : وانتوا كله شغل . صبح ليل .ظهر .. اجازات كله شغل .. طلال: يمه وش تبيني اسوي !! ما عندنا غيره ..

11 - 7 - 2014, 09:44 PM

بعد اسبوعينقامت من النوم .. حست كأن صار لها نايمه سنه .. طلعت من الغرفة اكتشفت إن محد بالبيت .. سعود وابوها مسافرين .. مريم وأمها طالعين .. جربت تتصل على جوال مريم كذا مرة بس ما ردت عليها في النهاية اتصلت على جوال امها واكتشفت انهم في بيت جدتهم .. شريفة " ام سعود" : انزين اقعدي بالبيت اشوي وراجعين هيا: يمه الشوي الي عندج .. بتصير ساعتين .. شريفة: انزين تعالي لنا هيا: السايق موجود شريفة: لاء ودا البنات الاند هيا: شنووووووووو .. وانا شريفة: انتي تعالي هنا !! بارسل لك اي احد يجي يجيبك .. راحت هيا تلبس وهي تدعي على البنات من العصبية .. وش فيهم ذوول !! معقوله يطلعون من دوني وأنا اقول وش فيها مريم ما ترد على الجوال .. ربع ساعه ولا تسمع صوت جرس الباب .. طلعت من البيت وهي تركض .. اكيد هذا سايق بيت جدتي .. اففف ما حبه .. يقهر !! ركبت السيارة الي قدام الباب .. كانت نفس لون سيارة سايق عمها ابراهيم .. ارتاحت .. وقعدت اشوي ولا تسمع صوت واحد يتكلم بالتلفون .. منو هذا .. ومن وين جاا .. وش هالصوت .. معقوله هذا السايق .. المشكله ما يبين وجه السايق عندها لانها ما كانت جالسه وراه !! والشخص كان لابس لبس كاجووال - هلا هلا عمتي .. لا الله يهداها لحد الحين ما ركبت !! .. خلاص .. ولا يهمج .. بس اتصلي فيها الله يخليج !!ركزت باصوت عدل .. مستحيل هذا يكون سايق .. بس من هو يا ترى .. اي اي طلال وخالد اعرف اصواتهم .. هذا اكيد أحمد .. يا ربيي وش جابه هذا لهنا !! اشوي ولا تشوف جوالها يرن بهاللحظة لف عليها ورا وشافها .. متوهقة تدور الجوال .. هيا: نعم يمه شريفة: انتي وينك .. اطلعي لولد عمك .. يله هيا: انا باالسيارة يمه .. بس هو الله يهداه ما يشوف !! سكرت الجوال .. واتشوفه لحد الحين ملتفت لها ويطالعه باستغراب .. انحرجت منه ..! بس بعد ما تحرك ..!هيا " بخوف": ليش وااااااااااقف احمد " بعصبية ": منتظر متى تجين قداام .. هيا: نعـــــــــــــــــــــم .. وشوووو احمد: الي سمعتيه هيا: لا لا مستحيل .. بأحلامك !! احمد: خلصوا الناس عشان احلم فيك .. تعالي اقعدي قدام .. هيا" بعصبية": قلت لك لاء .. يله خل نمشي .. احمد: وانتي عبالك سايق بنقالي الي يسوق .. تعالي قدام لا اسحبك بالغصب !! خافت منه هيا وعرفت انه ممكن يسويها .. ريم دووم تقول انه ما يحب اي احد يرفض له طلب .. ويكون متهور لما يعصب .. بس قررت تظل ثابته على موقفها : قلت لك لء يعني لاء اشوي ولا تشوفة نازل من السايرة وفاتح الباب الي جنبها .. هي ماتت من الخوف ونزلت من نفسها !!.............................كانوا قاعدين بالكوفي شوب .. الجوهرة وريم .. تعبوا من المش ي.. سهر ما في محل ما دخلته !! ودانه نفس الشيء .. الي يسمع يقول انهم يفصخون العبايه بالجامعه .. طول الوقت لابسين عبي . ما ادري ليش كل هالسوالف !! ريم: جوجو متحمسةالجوهرة: حق !!ريم: الجامعه .. خلاص راح تبدا باجر !!الجوهرة: يا ختي لا تذكريني .. الا وش فيها هيوون اربع مرات اتصلت فيني ريم: ورديتي الجوهرة: لاء .. مريوون قالت لي ما ارد .. كان الكوفي شوب خالي ما في غير هالبنتين .. القرسون بعدة ما جاء .. دقايق الا جاو شخصين .. التفتت لهم الجوهرة وشهقت ريم: بسم الله وش فيج الجوهرة: لا لا ما ابي اشوفه .. انحرج منه انا ريم: هييي انتي شتقولين الجوهرة: ريموو خل نطلعريم: الحين !! تونا طالبين !! الجوهرة: ريم حبيبتي بليزز ريم: ابي اعرف وش السالفه .. صدت عنهم الجوهرة بحيت ان الي دخلو ما يشوفونها الجوهرة: . هذا الي قلت لك عنه ..ريم: الوسيم .. الجوهرة: اي اي .. ريم : ومن الي معاه الجوهرة: وانا وش عرفني .. ريم خل نطلع ريم: يا الهبله .. انتي تتغشين ..! تغشة وقعدي .. اخاف تقومين ويعرفجسوت الجوهرة الي ريم قالت عليه بس بعد .. كانت متخرعه !!اما هو فعرفها من اول ما دخل .. عرف من سهر انهم راح يروحون الاند اليوم .. اخذ صديقة وقرروا انهم بعد يروحون .. شافها داخه هاقنديز من بعيد .. استغل الفرصه ان سهر مو موجودة ودخل .. قعد في طاولة وراهم بحيث انه يسوي نفسه انه ما عرفها .الجوهرة ما قدرت تمسك نفسها قامت من مكانها .. وراحت وجوة بما انه محل قريب من الكوفي شوب .. وريم لحقتها على طول .. ريم: انتي وش سويتي الجوهرة: ما ابي اظل . ما ابي كيفي ريم: اوك .. بكيفك !! اشوي ولا يشوفونه داخل وراهم .. سمعت الجوهرة صوته وراها نواف: لو سمحتي الشيخة ممكن تساعديني باختيارك .. عندي احساس ان ذوقك حلو ما قدروا يمسكون نفسهم .. ثنيناتهم بلموا على هالموقف .. معقوله تجيه الجرءة يسوي هالحركه .. الجوهرة حست نفسها ضايعه .. انحرجت منه مرررة ..

11 - 7 - 2014, 09:47 PM

قامت من مكانها وراحت جهه العطور .. وريم وراها مع العلم انها مو فاهمه وش السالفه .. لحقها جهه العطور ورش عطر على كم ثوبه .. وبحركه درامية سمعته يقول .. : واووووووووو بيعئد ريم ما قدرت تمسك نفسها وماتت عليه من الضحك والله انه مهب صاحي ..اما الجوهرة فماتت من القهر .. خذ العطر ووداه جهتها وتكلم بكل برود نواف: الشيخة ممكن اعرف رايك الجوهرة" بعصبية": وانتــــــــــ ما تستحي .. نواف: اووو اسف ..i am sooory .. اخت الجوهرة اخبارك !! مااتت بهاللحظة لانه عرفها .. اووف منه هذا شنو مهب ناوي يقوم .. اما ريم تخرعت من الموقف سحبت يد الجوهرة ومشت .. ريم: وش فيه هذا مجنون الجوهرة: انا شاكه انه كذا ريم: بس تصدقين فلله !! الجوهرة" بعصبية": فلله .. فلله .. والله انك ما تستحين .. اقول اسكتي وولا كلمه !! ضحكت ريم على حركتها ومشت وراها ..انا الجوهرة لفت على نواف وشافته يضحك ولما انتبه عليها غمز لها ومشى .. انقهرت من حركته زيادة وزادت سرعتها . أنا لازم الاقي دانه وسهر عشان نكشى لازم .. ريم: اقووول جوجو الجوهرة" وصوتها منقهر": وش تبين ريم:هذة مريم تتصل !! الجوهرة: ردي يعني تاخذين الاذن مني مثلا ريم: افف . والله انك تخرعين لما تتكلمين كذا .. هذة جزاتي الي اعطيك خبر !!! ريم: هلا مريممريم: ريموو راح تتاخرون ريم: اعتقد ان الحين راح نمشى بس ندور دانه وصديقتها .. ليه مريم: لان مفكرين ندخل السينما ريم: لا لا .. ترى لو حد درى راح يذبحونا.. لا تنسين اوامر امي ممنوع سينما من دون شخص كبير مريم: اوو ف منهم ..! انزني يعني شنو نظل بالالعاب ويا حسوون طول اليوم !! ريم: مب رحتوا تمشيتوا اشوي خلاص .. اقول ترى جوجو معصبة وشكلها راح تاكلني يله بنمشي !!لنـــــــــــــــدن .. الساعه 3 عصرا ..كانت نادين بالحديقة العامه .. تراقب شهد وهي تلعب مع المربية .. وما مرت خمس دقائق الا وتشوف شهد متعرفة على اطفال من عمرها ويلعبون مع بعض .. ابتسمت وهي تشوف بنتها بهالحاله .. هالبنت اجتماعيه ..اخذت منها هي وابوها هالصفة !! التفتت للشخص الي يطالعها بابتسامه وقعد جنبها .. كانت مربية شهد !! سونا :as you see she has no problem making anew friends كما ترين لا تجد شهد اي مشكله في الحصول على الصديقات .. نادين :she llok like her father تشبه والدها كثيرا سونا: I never saw him .. I just saw his brother 2 or 3 times لم اره في حياتي .. لقت رايت اخيه مرة او مرتين فقط !! نادين: he didin't want kids .. he always send an allowence .. Sona h have no idia what to do انه لا يريد اطفال .. يكتفي بارسال مصروف شخصي كل شهر .. سونا لا اعلم ما العمل الان !! سونا: call him and say the truth .. there's no time left اتصلي به واحرصي على اخباره الحيقية .. لم يبقى المزيد من الوقت نادين:Sona, I any thing happened to me .. please I'll give you Sahad uncle number and her father too. With aletter and there adress .. please take Shahad to her family . اذا حدث اي شيء لي .. وسف اعطيك رساله مصحوبة برقم عم ووالد شهد .. بالاضافة الي عنونهم !! اريد لشهد ان تعيش مع عائلتها !!سونا: I'll do that .. But, if they didn't agree سوف افعل ذلك ولكن ما العمل اذ لم يوافقوانادين:They will agree.سوف يوافقون .. انا متأكدة !!

11 - 7 - 2014, 09:48 PM

نروح حق دانه ... لما رجعت من الاند راحت بيت جدتها .. وسهروا هناك لحد الساعه وحدة باليل بما ان بكرة سبت .. واخر اجازة قبل دوامات باقي البنات .. رجعت البيت وهي تعبانه .. بس جاسم ما كان في البيت .. انتظرته لحد الساعه 6 الصبح وما رجع البيت .. غلبها النوم واضطرت تنام !! قامت من النوع الساعه وحدة الظهر اليوم الثاني وشافت مكانه مو مرتب .. عرفت انه رجع ونام بس متى .. لحد الساعه ست ما كان بالبيت .. وين ممكن يروح !! وين يسهر .. ومع من !! قامت من النوم ونزلت تحت وخذت شيله معاها احتياط عشان خالد .. بس محد كان بالبيت الا نور وام عبدالله .. دانه: السلام عليكم الكل: وعليكم السلام دانه: ليش البيت فاضي وين الناس ام عبدالله: الجوهرة راحت المكتبة تشتري اغراض للجامعه ويا ريم . والرجايجيل طالعين الحين راح يرجعون للغدا نور: وانتي هاي كله نووم .. الساعه وحدة ما عطتها دانه وجه وكلمت ام عبدالله: وجاسم وينه .. ام عبالله: والله ما ادري عنه .. قام من النوم الساعه 11 .. وطلع اشوي .. اكيد راح يرجع للغدا لانيه سألني عنه وتحمس يوم عرف انه مجبوس دجاج على الساعه ثنتين شافت الكل داخل البيت حتى ريم والجوهرة بالصدفة دخلوا مع الرجاجيل .. الا جاسم تقريبا بعد عشر دقايق وصل وقعد معاهم .. ام عبدالله راحت تشوف الخدم وش سوا .. دانه ما قدرت تقعد معاهم .. وش فيه هذا .. امس ما رجع الا متأخر واليوم ما يعطيني ويه .. ولا كأني موجودة بالغرفة .. أنا وش سويت له عشان يسويلي جي !! قامت من مكانها .. بو عبدالله: دودو يبة وين رايحة !! دانه: لا سلامتك عمي .. بس باشوف خالتي !! ما راحت للمطبخ .. راحت على طول فوق لغرفتها !! حست انها خلاص ما تقدر تشوفه .. ما تحب احد يتصرف معاها هالتصرف ولا يعاملها بهالمعامله !! جلس الكل على طاوله الغدا الا دانه .. وخالد الي ما جا اليوم على الغدا .. ام عبدالله : وين دانه !! نور: قالت انها راح تجي .. تساعدك ام عبدالله : ما شفتها بالمطبخ !! بو عبدالله: جاسم رح شف مرتك !! ريم: انا باروح !!عبدالله: اقعدي انتي .. ! ام عبدالله: اي اي جاسم .. روح شوف زوجتك .. فديتها شكلها من الصبح متضايقة !!جاسم: وانا وش دخلني فيها ّّ ابو عبدالله: جـــــــــــــــــــــــأسم وهم يسولفون قام جاسم وراح فوق يشوف ايش سالفه دانه ... فتح باب غرفته وشافها واقفه عند النافذه تتامل حديقة بيتهم ....جاسم: ماتدرين ان الغدا حطيناهدانه ولازال ظهرها مقابل جاسم: مو مشتهيه...جاسم قرب منها ... حط ايده على كتفها .. ولفها ..جاسم: انتى الي شفيك؟؟ يقولون معصبة دانه: يقـــــوولون .. انت ما تحسجاسم :.. حد مزعلجدانه: انا الي ايش فينى. يا جاسم ..؟جاسم باستغراب: شالسالفه؟؟دانه: لا بس مافي شي .. الاخ الكريم مدري متى امس جى ولا واليوم يطلع ويرجع حتى كلمه ما يوجهها لي مادري ايش عنده.. وتعال امس وين بايت .. لحد الساعه 7 ونص ما كنت بالبيت جاسم عصب عليها: وش دخلك دانه: نعم شنو وش دخلنيجاسم: تحاسبيني انتيدانه: لا بس ابي اعرف وين كنت امس وليه الى الساعه ست مابعد تجي..جاسم: دانه ما اسمح لك تحسبين على خطواتى وسواءا تاخرت او لا .. حتى لو نمت برى البيت مالك حق تسالينى فاهمه ...دانه: ليه مو زوجتكجاسم: والزوجه ما تسال زوجها عن كل شي .. يالله بلا دلع وانزلى تحت مابي اهلى يحسون بشي ... دانه: انت ليش تسوي كذا جاسم: هيه انتى ايش فيك بس تبين تتهاوشين .. ترانى مو فاضي لك...يالله انزلى ما بيك تتاخرين ...من غير ما ينتظر ردها ....طلع من الغرفه ونزل تحت ...قررت دانه تحاسده وتعانده وما تنزل .. لاحظت سخافة موقفها وبعد خمس دقايق نزلت ولا كان شي صاير لها ....

11 - 7 - 2014, 09:50 PM

الجزء ال 18صحت من النوم وهي متحمسه . اخيرا راح اروح الجامعه . اليوم أول يوم دوام .. ضحكوا عليها أمل وهيا امس يوم كانت تقولهم عن الي تحس فيه بس هذة هي الحقيقة .. اليوم حست انها جد افتكت من شيء اسمه ثانوية عامه .. اليوم راح تبدا مرحله جديدة من حياتها ..! نزلت تحت وهي متحمسة .. تشوف فهد وطلال .. جالسين يتفطروون !! ريم: يمه باروح الجامعه اليوم مع الجوهرة وأمل .. نور: اي خلاص روحي معاهم دايما.. اهمه دايما يروحون مع بعض .. بما إن كلهم بيتوهم جنب بعض .. فكل البنات يروحون الجامعه مع بعض ... اذا كانت محاظراتهم بنفس الوقت طبعا .. ! رن جوال ريم بهاللحظة .. كانت الجوهرة .. الجوهرة: هااي ريمي .. ريم: هلا .. طلعتوا من البيت ولا !! الجوهرة:يب يب .. شوفي خلوود راح يودينا الجامعه اليوم .. ريم : مريتوا على أمل ولا !! الجوهرة: ناطرينها تطلع .. يله الحين بنجيكم !! ريم: خلاص انا لابسة عبايتي !! باي الجوهرة: باي .. حست باحساس غريب يوم شافته بالسيارة .. كان شكله فعلا متغير !! بست بأن قلبها ينقبض .. هذا هو خالد .. هذا هو الحر !! هذة اول مرة تشوفه فيها بعد ما رفت الحقيقة ان خالد والحر همه شخص واحد .. ما كان ودها تشوفة .. وانصدمت يوم عرفت ان هو الي راح ياخذهم للمدرسة .. بس ما تقدر ترفض .. ما تقدر تقول لاي احد ..ما قدر يمنع نفسه من انه يشوفها وخصوصا انها كانت قاعدة وراه .. يدري ان الي يسويه هو غلط .. ولكن . صعبة صعبة كثير .. شاف نظراتها له لاول مرة بعد ما عرفت الحقيقة .. مب نفس اول خجل .. ولكن نظرات حقد .. كره .. لهالدرجة كرهتيني يا أمل .. حاول يدخلها بسوالفه من ريم والجوهرة ولكن اجوبتها كانت دايما .. قصيرة .. بسيطة .. ما عطته فرصة او مجال للسوالف .. قرر انه يتوقف عن المحاوله عشان محد يشك بالموضوع .. كفايه الي صار لحد الحين !!نروح لدانه الي من يوم هواشها مع جاسم .. وعلاقتهم متغيرة .. صاير ما يسمع منها كلمه .. وهي تعبت من كثر الهواش .. يمر يوم وما تشوفه الا مرة او مرتين بسبب انشغالها بدراستها وانشغاله بشغله .!قامت من النوم متأخر اليوم اول محاضره لها راح تبدا الساعه 11 .. بس المشكله نها راح تتاخر لحد الساعه 5 العصر عشان المشروع .. نزلت تحت ومحد كان بالبيت ما عدى جاسم . وكان يتقهوى مع امه .. عطته نظرة حقد وراحت تسوي لها فطور .. ما لحقها ولا عطاها ويه .. وكمل قهوته مع امه .. ام عبدالله: جاسم فديتك .. وش فيها زوجتك هالايام جاسم: ما ادري يمه .. بس تعرفين ضغط الدراسة تأثر !! ام عبدالله :يا حبيبي .. لازم تكون متفهم معاها .. !! كفايه دراستها .. جاسم: اي اي .. (( وراح المطبخ لدانه ..)) كانت قاعدة تشرق النسكافيه .. وهي سرحانه بمشروعها .. الكل حصل موضوع الا هي .. المشكله ان المشروع للمواد الاختيارية !! جاسم: دانــــــهدانه " من دون ما تلتفت له ": هلا جاسم: لما حد يكلمج من الادب انك تناظرينه !! دانه" وهي تناظرة": نعم !! جاسم: اوصلك ولا !! دانه: لا لا باروح مع السايق .. ترى اليوم باتاخر بارجع المغرب .. جاسم: اووك !! طلع من دون ما يهتم أو يسالها ليش .. يا ربي معقوله كل المتزوجين حالهم كذا .. شهرين وخلاص .. ما فيه موضوع يتناقشون فيه .. حياتهم كلها هوااش .. لو كل الناس حياتهم جي .. كان محد تزوج .. ولا حد صار سعيد بحياته .. افف بس ودي اعرف وش الي غيرة ..........................ما صدقوا متى رن الجرس وطلعت المدرسة من الصف .. حصت الكيمياء دووم تكون ممله مع هالابله .. محد ينبه .. والصف مليان ازعاجات .. العنود : مريووم .. كم باقي على البريك مريم: انتظري حصة وحدة .. العنود: اووف الحين وش علينا !! مريم: ما ادري .. ويت باشوف الجدول .. العنود: يلهطلعت جدول الحصص من جيبها .. وطالعت العنوود بخوف .. مريم: رياضيات !! شافوا الجدول وبدوا يركضون من الخرعه ابله الرياضيات ما ترحم .. اذا تاخروا عن الجرس الثاني راح تفشلهم وبعدين راح تطردهم .. وما في وقت طويل عشان يروحون للخزانه وبعدين للرياضيات لانه في المبنى الثاني .. مروا بين الممرات وهمه يركضون لين ما وقفتهم عائشة وهي زميله معاهم بالفصل عائشة: نينو .. مريوم ليه تركضوون العنود: علينا رياضيات .. ماااث !! انتي الي شلون ما تركضين عائشة: المش غايبة مريم: شنووعائشة: والله .. وعطت البلوم للكيمياءالعنود: وطبعا ممحد بيحظر لانه كيمياء .. عائشة: ههه والله انج فاهمتنا .. طبعا !! مريم: عندوو خلاص خل ناخذ نورو وعليوو وندور .. المحاظرة الاولى خلصت بدري .. اتصلت على الجوهرة بس كان جوالها مسكر اكيد في المحاضرة وهيا طرشت لها مسج اتقول انها مشغوله .. اتصلت في أمل الي ردت عليها .. أمل: هلا ريمريم: انتي ويين !! أمل: بالكفتيريا .. ريم: انا زهقت أمل: خلصت محاضرتك ريم: يس .. يس .. ومحاضرتي الجاية بعد ساعه !!أمل: حلوو .. معاي .. تعالي للكفتيريا .. ريم: وين هذة أمل: انتي باي مبنى ..!ريم: الهندسة !! أمل: احنا بعد .. روحي للمكان الي وصلناج عنده انا والجوهرة اليوم وراح اجي اخذك !! كانت متخرعه .. كل البنات شكلهم يعرفون بعض .. أما هي صديقاتها .. الي راحت البرج والي سافرت برا .. الوحيدة الي دخلت معاها جامعه قطر كانت اسماء وهي في مبنى الاداب الحين بعدي يعني لان تخصصها غير عن تخصص ريم .. اشوي الا شافت امل جايه وهي تسولف بالجوال.. وكان شكلها بزي .. راحوا مع بعض للكفتيريا .. كان حجمها جد كبير !! عمرها ما توقعت شكل الجامعه كذا .. وشكله مكان تجمع كل بنات الجامعه .. شافت شله بنات تعرفهم من المدرسة بس علاقتها معاهم ما كانت قورة شكل كبير . ففضلت انها تقعد مع امل وشلتها .. اول ما وصلت للطاوله قامت وحدة وسلمت عليها .. تذكرتها ريم على طول هذة موزة بنت خال أمل شافتها كذا مرة في العزا .. موزة: اخبارك يا الريم ريم: والله الحمد لله تمام أمل: ريمي اعرفك على صديقتي الثانية نوال قسم انجليزي معاي يعني .. وموزو تعرفينها طبعا وتراها معاك هندسه بعد موزة: بس انا هندسة معمارية سنه ثالثه .. أمل: ريمي انا رايحة اشتري لي فطور اجيب لك شيء .. ريم: لو في قهورة جيبي .. الدكتور الله ياخذة رقدني موزة: هههههه انتي وش كان عليك .. ريم: كيمياء .. افف بروحي ما حب هالمادة .. موزة: بس على فكرة الكيمياء للسنه الاولى سهل كثير .. راح تمشين فيه ان شاء الله وخصوصا نسبتك ما شاء الله عليها !! جات أمل ومعاها كابتشينوا .. أمل: ترا جبت كابتشينو .. ريم: اوك نفس الشيء !!نوال: أمل انتي شفتي نوف اليوم !! عصبت لما سمعت سيرتها .. هي اساسا ما تحب هالبنت ويوم شافت ريم كان شكلها متضايقة من السيرة بعد .. الله يهداك يا أمل حتى بنات عمك شكلهم ما يحبونها .. ليش مرافجتها !! اشوي ولا نوف جايه ومبين عليها انها تعبانه .. امل" متخرعه ": شفيج نوف: يبين علي اني تعبانه .. نوال: اي طبعا !! نوف: ولا شيء . بس مشاكل بسيطة بالعايله !! قامت موزة تبي تمشي هي من يوم سالفه أمل مع خالد وكرهت نوف زيادة .. حست انها خلاص مستحيل تستحملها .. محد مضيع أممووول غيرها .. موزة: أمل وش رايج تجين !! أمل: لا لا .. انا باقعد .. بعد ساعه عندي محاضرة !! تو الناس موزة : اي انا بعد محاضرتي بعد ساعه .. قررت ريم انها تتمشى معاها شافت هالبنت مرات قليله .. بس حست نفسها قريبة منها مرره .. ريم: خلاص موازي انا باجي .. ابتسمت لها موزة : حياك .. أمل : لحظة .. ريمو شنهي محاضرتك الثانية ريم: فيزياء .. عند الدكتورة منى !! أمل: موزو ممكن تراوينها مكان القاعدة .. لانها جديدة مثل ما انتي عارفة موزة: خلاص عيل راح نتمشة بالمبنى واوريج القاعات !! أساسا انا عندي محاضرت كالكولاس قريبة من قاعتك !! ما صدقت أن موزة تمشى بس حست بقهر ان ريم راح تروح معاها هي اساسا كان ودها تتقرب من ريم والجوهرة عشان جاسم .. بس متفاجة من نضرات ريم لها .. ريم عمرها ما شافتها بكرة ما تدري .. ليش !! ريم : تصدقين انا صديقتها ذي .. ما ارتاح لها !! موزة: مب بس انتي حتى أنا .. ما علينا منها !! ريم: موزوو ... جامعتكم تخرع !!ضحكت موزة على كلامها وتذكرت أول يوم لها بالجامعه .. فعلا كانت الجامعه تخرع !! كل شيء كان يخرع !! موزة: تدرين كلنا كنا جي .. باقولك شيء .. ريم: هلا موزة: وش رايك تجين بيتنا يوم الخميس .. راح اعزم بنات عمي هم معاك في سنه اولى وأموول طبعا وبنات عمك . راح اقول لأمول تعزمهم .. انا استانست عليهم يوم عزيمه أمول خصوصا هيا !! ريم: أوك .. أنا ما عندي مشاكل !!

11 - 7 - 2014, 09:51 PM

كانت طالعه من بيتهم وهي معصبة . السواق ما تدري وش فيه وقف السيارة في الشارع اليوم وما دخلها داخل البيت .. طلعت وهي معصبة تأخرت على روحه المكتبة وما بقى الا اشوي وتسكر .. حتى ما سلمت على دانه والضيوف الي جاين لها .. سمعت من أمها ان في ضيوف جاين لدانه بس هي ما اهتمت منو راح يجي لدانوو أكبد سهر جامعتها كلهم هنوود وشباب .. مستحيل يجون بيتنا اساسا دانو ما تحتك معاهم بالمره .طلعت من البوابة الكبيرة ,, الي لكل لكل البيوت بيتهم وبيت عمامها وبيت جدتها .. وتدق على السواق وتطلع وهي طالعه كانت تمشي رايحه للسياره ماتحس الا باللي بغى يصدمها .. ولزم فرامل على اخر لحظه ونزل:آسف آسف عسى ماجاك شيء .. والله مانتبهت لك ..الجوهرة : اعمى انت اعمى .. ماتشوف اللحين كله هالسواد ماانتبهت وخر عن طريقي بس... وترتكته ومشت ..نواف : اقول .. لاتدفين .. صدق انك مو وجه الواحد يعتذر منكالجوهرة: وانت اعمى هذة ثاني مرة تسويها .. مرة السيارة ومرة أنا المرة الثانية منو جدتي نواف : اساسا لو أدري ان انتي ما كان صدمتك .. لاني تعبت من كثر ما اشوفك .. الجوهرة: انت شكلك تحب تتعرف على البنات بهالطريقة .. ما في حد ما اصدمته .. اشك ان المرور عرفوك !! نواف: انتي الي اول ما تشوفين السايرة جدامها تطيحين في وجي .. يا بنت الحلا تعبت انا خلاص تعبت .. . وراح ركب سيارته وراح .. وكملت طريقها وتقول هذا اللي ناقصني بعد واحد يطلعلي .. ويتميلح اووووف .. وركبت السياره وراحت ..أما ريم الي كانت متملله من البيت .. فهد قاعد يدرس وطلال طالع ما عرفت وش تسوي .. شافت الجوال وتذكرت موزة .. خلال اليومين الي فاتوا .. تقربت منها بشكل كبير .. اليوم اخذت رقمها .. صاروا صديقات بسرعه بعد المحاضرة راحت تتمشى معاها لان طلال تأخر عليها واساسا موزة كان عندها محاظرة ثانية .. ..وقررت انها تتصل عليها .. ريم : هلااااا والله .. موزة : اهليييييين يالدوووبه .. اخبارك؟؟ريم : ابد عال العال انتي كيفك وش مسويه .. وقاموا يسولفون شوووي لين ما .. ريم : اقووول هيوفه .. وشرايك ندق على تلفون البيت احس ان اذني راحت ههه .. موزة : ههههههههههه .. اذنك ولاخايفه لاينقطع جوالك هههه .. ريم : اثنين في واحد خخخخ موزة: اوكي خذي رقم بيتنا وعطتها الرقم وجت دقت عليها على طول .. طبعا موزة كانت بغرفتها والبنت لين مانزلت ووصلت الصاله .. تشوف اخوها عبد العزيز يكلم وعصبت على بالها شاغل الخط .. وقامت تاشر له سكر ابي التلفون .. عبد العزيز : لحظه .. والتفت لها هاااا .. موزة: عزيزززوه حلت تكلم بتلفون البيت انت من متى تكلم فيه وين جوالك وين تلفون غرفتك هااا .. عبد العزيز ماسك ضحكته : ومن قالك اني انا اكلم دق التيلفون ورديت .. موزة: لاوالله وانت من متى ترد ..وليش ترد .. عبدالعزيز : كيفي ازعجني التيلفون شفت محد رد قمت رديت .. وبعدين صديقتك لاطعتها على الخط ردي عليهاهيفاء :!!!! صديقتي .. وستوعبت الله يفشلك .. اللحين وش بتقول عني البنت .. هاااا عبدالعزيز : ههههههههه تقول اللي تقول وش دخلني فيك .. صدق خبله مصادقه خبله .. وراح وتركها ..وجت موزة ردت على طول : سوووووووووووري .. وريم كااااااانت مفووووووله من هالحمار اللي رد عليها وقام يطنز .. موزة : عادي حبيبتي وهي من داخلها معصبة من قلب .. اوك .. احنا وش كنا نقول موزة جلست تسولف وماشكت ان اخوها الخبل قايل شيء لان شافته بس قال لحظه .. وجلسوا يسولفون ...طبعا اللي صار بين عبد العزيز وريم هو .. دقت ريموو وهي واثقه ان موزة بترد عليها .. واول ماانشال الخط .. ريم : اهليييييييييييين ... با11111ك .. ههههههههههههه .. الوووووو .. موزووووووو وينج .. عبدالعزيز وهو كاتم ضحكته على هالخبله : هلا وغلا .. من معي .. ريم يوم سمعت صوته ارتاعت : هاا .. عبد العزيز : اقول من بغيتي بيته .. شكلك غلطانه .. ريم :هااا .. لا لا مو غلطانه .. هذا مو بيت ... عبدالرحمن ال ..عبد العزيز : اي .. صح من بغيتي ترى راح صوتي وانا اقول من بغيتي اخلصي .. ريم نرفزت ليه يكلمها بهالاسلوب من يحسب نفسه وبعصبيه : اعتقد اني قلت بالبدايه ريم وانت تبي طولها وهي قصيره عطنيها لو سمحت .. عبد العزيز : اعصابك ياشيخه .. خفي علينا .. ما يسوى علي .. وبعدين خليني افكر اوافق انك تكلمين اختي والا لاريم: تراك بايخ من قلب .. عطني اياها ولا باسكر قصة هي ..عبد العزيز : ................................ لحظه وحط هولد وعطاها لموزة .. كان جالس بمجلس الرجاجيل .. ما قدر يدخل داخل لان صديقة دانه موجودة .. هو اساسا ارتاح لانه ما شافها لحد الحين .... يا ربي ليش حالنا صار كذا !! هي صيرة غيورة وتتدخل في كل شيء والله اشتقت لدانه الي لسانها طويل وما تعطي أي احد ويه .. صحيح اني كنت اتهاوش معاها بس خناقاتنا كانت كلها لعب × لعب .. أما الحين احس ان كل شيء صار جد .. قطع حبل افكاره صوت عبدالله .. جاسم: بسم الله خرعتني .. عبدالله: الساعه خمس ونص العصر .. ليش جالس بالمجلس .. تو الناس ..!جاسم: ما ودي ادخل البيت ..ابتسم عبدالله على شكله وقعد .. عرف ان السالفه طويله !! عبدالله: مشـــاكل ايتسم له جاسم ابتسامه صفرة .. معناتها اي نعم .. مشاكل .. وفي شيء يجمعني مع هالبيت يا خوي غير المشاكل !! عبدالله: شيء طبيعي .. لازم !! عطاه نظرة معناته اسكت انت مب فاهم وش السالفه .. عبدالله: ادري انك تبيني اسكت بس مب ساكت .. شوف يا خوي ادري انك عصبي وما فيك صبر .. بس لازم تتعود المشاكل هي ملح الحياه !! جاسم: اذا كان بينا حياه اصلن !! عبدالله: افااااا .. وش هالكلام يا خووي !! جاسم: انت مب داري عن شيء ..عبدالله: داري ان دانه ما تستاهل .. اعرف طبعك عدل !! جاسم" عصب": وكله انا الغلطان .. يوم رفضت اتزوج قالوا انت الغلطان .. يوم ما ابي اخذ دانه قالي ابوي هاي بنت عمك ولو ما خذيتها ما يصير طيب .. وانا ويني من هاي كله ..! ما لي راي يا بو طلال ؟؟عبدالله: افااا .. يا جاسم .. انت لك راي .. بس ابوي كان يقصد انه يساعدك !! وبعدين توقعتك سعيد معاها !! جاسم: ما ادري .. انا متردد .. لحظات احس اني سعيد لحظات اشتاق ل... عبدالله : كمل لمنو .. جاسم: لا خلاص .. ادري ان ما راح يعجبك الي راح اقوله !!كانت جايه تقوله ان خلاص سهر طلعت .. هو ارسل لها مسج .. متى ما طلعت صديقتك قولي لي .. راحت له برا .. لانها كان ودها تكلمه .. كان خاطرها تفهم وش السالفه ., ليه حياتهم صارت كذا !! انصدمت من الي سمعته .. هذا وش قاعد يقول .. انجبر !! وليش زعلانه يا دانه حتى انتي انجبرتي .. بس لاء .. انا غير وهو غير !! رجعت مرة ثانية وما انتبهت الا لما حست انها صدمت بحد وهي تركض ّّ!! ............................................س هر : انت وش فيك ازعجتني يا اخي .. نواف: انتي الي لك نص ساعه موقفتني عند الباب .. سهر: اسفه والله .. بس ما يصير كذا يعني ما اودع صديقتي .. نواف: اي صديقة يا شيخة .. صبح عصر .. ظهر .. مغرب .. كله صديقتي .. الي يسمع يقول ما حد عنده صديقة غيرك سهر: نوافووو لا تنسى هي صديقتي من ايام المتوسط .. اكثر من تسع سنين واحنا ربع !! نواف: اقول ازعجتيني انتي وقرقرتك .. وصلنا للبيت !! .. الا سهر سهر" وهي معصبة": نعم نواف: وش رايك ترجعين تسوقين !! سهر: نعم .. بس انا ما حافظة طرقانهم .. صعبة .. وقوانينهم اصعب !! نواف: مب اصعب من بريطانيا !! انتي فكري بالموضوع وردي علي .. لاني تعبت منك !! سهر: تراك ازعجتني يا أخي .. خلاص أنا موافقة .. نواف: ادري انك موافقة .. يله انزلي من السيارة .. لا تخربين سيارتي !! سهر: وش سويت عشان اخربها,, الا نوافوا .. راح تتاخر الليله نواف: ليه .. سهر: لانك كل ليله تتأخر .. وكأنك ناسي اني بالبيت لحالي مع الشغاله .. اتملل نواف: ودانه هذة الي كل اشوي رايحة لها .. سهر: حرام عليك تبي البنت تنام عندي بعد .. كفايه كل اشوي مزعجتها !! ............................................... ... .دخل عليهم طلال .. وهمه يسولفون .. باينه على ملامح وجهم الجدية ! طلال: وشفيها دانه .. تركض وهي معصبة !! جاسم" وهو مستغرب": دانــــهطلال: اي شفتها عند الباب .. وفجأه ركضت ودعمتني .. شكلها ما كانت منتبهه لي !! عبدالله : تتوقع سمعت !!جاسم" بعصبية ": تتوقع !! شفتها وين راحت .. طلال: راحت بيت جدتي .. جاسم: جدتي !!! غريبة !!طلال: ما أدري عنها .. حتى أنا استغربت .. نروح لدانه .. الي ما عرفت وش تسوي يوم سمعت هالكلام .. حست انها لازم تهدى خصوصا وجاسم خلاص عرف عن السالفه .. اكيد طلال راح يقوله .. ما راحت بيتها ولا بيت ابوها .. قررت تروح بيت جدتها .. حست انها تبي تظل لحالها لفترة .. ومستحيل جاسم راح يفكر انها بتككون هناك ..!دخلت البيت وشافت أم عبدالله والجدة جالسين بالجلسة الشعبية .. ما كان ودها تشوفهم .. ما كان ودها تسلم عليهم .. أكيد همه الي خربوا حياتها .. هم الي جبروا يسوي فيني كذا ..!! ام محمد: الناس يسلمون يا دوينه !! دانه " بعصبية ": اي يسلمون .. طبعا يسلمون .. الا لازم يسلموون !! ام عبدالله: وشفيج انتي . يمه شبلاك معصبه .. دانه: سلامتج خالتي .. في حد فوق ام عبدالله: هيا فوق .. وأمل والعنود .. ومريم !! راحت لهم داخل .. وهي ترقى الدرج . دخل جاسم البيت .. جاسم: وين دانووو ام عبدالله: اجل انت الي مزعلها .. اشوفها فديتها معصبة .. وجايه هنا جاسم: ازعلها .. طبعا بازعلها .. مب انتي الي جابرتني !! ام محمد: اقول وش هالكلام .. ناد زوجتك وراضها مب ناقصة مشاكل انا !! جاسم: اي مشاكل .. يا يدتي !! لو سمحتي .. جبرتونا احنا الاثنين وسكتنا .. مشاكلنا خلوها !! سمعت كلامه .. ودموعها نزلت .. ما قدرت تتحكم فيها !! ليش يسوي فيني جي .. معقوله !! توقعته يحبني !! ابوي وافق عليه لانه يحبني .. يبيني .. مب لانه جدته جابرته علي !! أجل رجال وش طول جدته تتحكم فيه .. ما يستحي هذا ..شافتها هيا على الدرج .. هيا: دودو .. اشفيج !! دانه: لا سلامتج .. البنات وين !! هيا: غرفة امل !! دانه: عيل انا باروح غرفة العنود . لو سمحتوا خلوني براحتي !! استغربت من ردت فعل دانه .. لبست شيلتها ونزلت تحت .. شافت جاسم معصب وقاعد يتهاوش .. هيا: وش فيكم انتوا جاسم " وهو معصب": ويــن دانه .. هيا: فوق .. في غرفة العنوود !! جاسم: خليها تنزل اذا ما عليك امر .. هيا: هي شكلها معصبة .. خلها ترتاح !! اشوي وبتلاقيها راجعه البيت لا تحاتي !! كلامها كان مقنع .. ما رد ولا حتى ابتسم بس طلع من البيت بهدوء .. ركب السيارة وتمشى فيها !! دخلت غرفتها عشان تاخذ جوالها ... شافت دانه منسدحة على السرير وقاعدة تبكي .. العنود: دانه !!

11 - 7 - 2014, 09:54 PM

دانه: سوري .. ازعجتك !! بس ما كان ودي اروح البيت .. العنود: لا لا خذي راحتك .. بس دانه وش فيك !! دانه: تعبت يا العنود تعبت (( ورجعت تكمل صياحها))العنود: دودو لا تسوين بنفسك جي .. ترا ما في شيء يستاهل .. منو الي مزعلك !! اشوي ولا تشوف أم عبدالله .. داخله الغرفة واشرت للعنود انها تطلع !! ام عبدالله: حبيبتي ادري اك زعلانه منه .. بس !! دانه: خالتي لا تقولين شيء .. أنا مب وعلانه منه !! انا بس جيت اشوف العنود .. طالعتها أم عبدالله بنظرت شك .. وابتسمت .. " والله انك ما تستاهلها يا جاسم .."ام عبدالله .. : عيل لا تزعلين من عصبيت جاسم لما لحقك لحد هنا . دانه: اعتبري اني ما سمعت شيء .. !! لا تكبرون الموضوع خالتي .. انا كنت جايه للعنود وانتوا فهمتوا غلط .. ما صدقت ان ام عبدالله طلعت .. رمت نفسها على السرير مرة ثانية ورجعت تبكي !! خاطري أفهم ليه تعاملني بهالطريقة يا جاسم .. حتى لو كنت مجبور تتزوجني .. توقعت انك خلاص حبيتني .. ولا كل هاي عباره عن تمثيل .. معقوله إنه تمثيل !! لهالدرجة طلعت ممثل بارع !! بس أنا الهبله الي عطيته فرصة يلعب فيني ويحركني مثل ما يبي ..كان المفروض ما أسمح له . شافت جوالها .. كان المتصل جاسم .. بس ما ردت .. خل يتعلم .. بس اشلون يقول عني هالكلام قدام أخوه .. حتى لو كان عبدالله اخوه الكبير .. المفرةض هالكلام يكون سر .. اشلون يقوله كذا !! اشوي الا شافت هيا داخله الغرفة .. افف العالم كله عرف .. هاي اسوء شيء في البيت الي احذى بعض .. ما في شيء سر !! دانه: شنو جايه تحاسبيني !! هيا: الا جايه اتطمن عليك !! دانه: هيووون .. تخيلي يقول لأخوه أنا متزوجها غصب !! انصدمت هيا من كلام دانه .. جاسم مستحيل يقول هالكلام جاسم يحبها .. : انتي هبله !! دانه: نعم !!هيا: انتي اكيد فهمتي الموضوع غلط .. يا دانه هو يحبك .. لو كان ما يحبك ما كان سوا لك عرس فخم .. ومتى بعد ما رجعتوا من شهر العسل . عمرنا ما سمعنا إن حد سوا هالحركه لزوجته .. دانه: وشكله نادم على هالحركه !! هيا: لاء لاء لاء .. لا تقولين هالكلام .. هو يحبك .. ريم تقول انه متغير !! متغيربشكل كبير عن الاول .. وه1ا كله بفضلك !!دانه: لاء يا هيا .. هو كان يقول لعبدالله .. انا اشتاق .. بس عبدالله . ما خلاه يكمل ... هيا: يعني وشو دانه: يعني في وحدة ثانية بحياته !!هيا: دانوو .. لا تخلين الشك يدخل حياتكم !! حبيبتي حتى لو في وحدة بحياته ممكن تطلعينها منه .. أنا الي باعلمك وش تسوين !! ارجعي بيتك حبيبيتي .. دانه: اساسا .. كنت ناويه ارجع !! هيا: ولا تخلين حد يدري .. كفايه الي دروا دانه: البيت كله درا صح !!هيا:أم عبدالله وجدتي وانا وبس .. ما حد ثاني .. حتى العنود شكلها ضايعه .. دانه: احسن !!

المواضيع المتشابهه لموضوع: هو الحب يا عمري شويه لموضوع: هو الحب يا عمري شويه
الموضوع	كاتب الموضوع	المنتدى	مشاركات	آخر مشاركة
حسك تسرق التفكير من فكري و حسك كل عمري الجاي من عمري	همسه الشوق	همس عالم حواء	6	15 - 8 - 2021 04:59 AM
ما يجوز هذي زوجه سمره هذي زوجه بيضا ابو تركي راس تنوره	جروح الم	همس الشعر و الشيلات الصوتيه	4	22 - 7 - 2015 07:25 AM
ابي نسى معك عمري واعيش الحب في عمرك	استثنائيه	همس الشعر والقوافي	6	16 - 5 - 2013 01:40 PM
قصة خيانة زوجه	..غمـــزة دلــع..	همس للقصص وحكايات وروايات	4	20 - 4 - 2011 12:39 PM
مذكرات زوجه	الريم..	همس للقصص وحكايات وروايات	2	6 - 1 - 2011 01:14 PM

الذين يشاهدون محتوى الموضوع الآن : 19 ( الأعضاء 0 والزوار 19)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع