في حادثة اغتصابي كرهت حياتي عشرا

26 - 7 - 2014, 08:34 AM

( يـــــوم جديـــد )
الساعه 9:21 صباحاً ..
صحى من النوم .. ما لقاني جنبة .. رفع راسه شافني واقفه عند الجدار ومعطيت ظهري !
سحب الروب حقة وقرب مني بعد ما لبسة وهو يشد على خصري ويقول بإبتسامة ما تناسب الا وجهه
: للحينك خايفة وش موقفك هنا ؟
ما رديت علية ولا تحركت من مكاني !! أستغرب مني , لفني لجهته كنت ماسكة الجوال بيدي الثنتين وعيوني كلها دموع هزني بخوف وهو يقول : رهف .. وش فيك ؟
قلت بتمتمة بصعوبة فهمها امير : ماتت ,, ماتت
تهاوى بعدها جسمي إلى جسمه وسقط بلا وعي .. رفعني بين يدية وهو يرتجف من الكلام اللي قلتة !! هزني بقوه وهو يحاول يصحيني ما فكر مين اللي مات !! ما كان يفكر الا فيني انا راح ركض لغرفة الملابس وخذا عبايتي لبسني أياها بإهمال وحملني بين يدينة لأقرب مستشفى ...
*قبل ربع ساعه*
الساعه 9:4 صباحاً بالخُبر ..
صحيت من النوم رفعت عيوني للساعه تأففت بملل ما شبعت نوم ! بس مو قادره ارجع انام ! سحبت الروب ودخلت للحمام " اكرمكم الله " تحممت على السريع وتوضيت .. لبست قميص نوم طويل باللون الازرق الغامق " النيلي" من قماش الحرير وفوقه روب بنفي اللون والحجم فرشت سجادتي وبديت أصلي الفجر !! ... أنهيت الصلاه وانا احس بشعور غريب !! ما راح يعدي هاليوم على خير !!
مشيت للكومدينة بعدما نزلت شرشف الصلاه "الجلال" كان بيطفى لقلة البطارية فية !! شبكتة بالشاحن وخذيت القرآن وبديت أقرئة يمكن يهدى بالي شوي !! رن جوالي رنه وحده وسكر !! سكرت القرآن وانا مستغربة مين بيتصل علي هالوقت مشيت للجوال لقيت المكالمة من فهده !! ما اخبي عليكم إني خفت أكثر !! اتصلت عليها بسرعه لكن اللي رد علي بدر !! :الو ..
قلت بتسرع وخوف : أبي فهده
بدر بصوت مخنوق : انا اتصلت عليك الحين كنت ببلغك بس شفت الوقت مو مناسب حسبتك نايمة
أزدادت نبضات قلبي وعلى طول رفعت عيوني لأمير النايم براحه !! قلت وانا ارتجف : وش فية ؟
رد بصوت مرتجف ومخنوق !! : فهده عطتك عمرها !!
أكــيد يكذب !! صح يكذب !!! مو معقولة بفقد أمي واختي بأقل من سنة !! ما رديت علية كنت بصدمة ما احد يتخيلها أمس تكلمني وكانت فرحانة !!! مو معقوله تروح بهالسهوله !! ما بكيت !! ما ادري ليش اي احد يسمع بخبر وفاة اختة رح ينهار بالبكي !! انا اكتفيت بدموعي اللي تجمعت بعيوني ولا راضية تنزل واستمريت ماسكة الجوال وانا ارتجف إلى ان صحى أمير .....

صحيت على صوت الممرضات ! وعلى نظره امير الخايفة !! وعلى المغذي اللي بيدي اليُسرا
التفت عيوني للمكان كان كلة أبيض ! عرفت انا وين رجعت غمضتها بتعب وبعد ثواني فتحتها بعدما حسيت بشيء يمسح على راسي حطيت عيوني بعينة !! وكل املي انة يقول كان يكذب عليك بدر !! رح تجيك فهده الحين !! تذكرت كل شيء .... مكالمة بدر ! ... خبر موت فهده ... ضحكتها امس وسوالفها لي !! أبتدى صدري يعلو ويهبط أبي ابكي !! مو قادره !! يمكن كانت الصدمة أكبر من اي شي ثاني
رفع راسي بيدينه وهو يقول بخوف : رهف لا تسوين كذا !! راحت عند ربها أرحم مني ومنك !
ما سألتة شلون عرف !! ولا فكرت حتى ! كل تفكيري شلون بكمل حياتي بدون فهده !!
قربت راسي من كتفه وانا اتمسك فية بقوه ضمني بين يدية وهو يمسح على ظهري !!
قلت بصوت بالموت ينسمع : رجعني للبيت !
رد : راح نطلع بس لما يخلص المغذي
ما التفت للمغذي ولا همني كم بقى سحبته من يدي بعنف بقق عيونه وهو يناظر الدم اللي ينزل بغزاره بسبب سحبي العنيف لابره المغذي , كان يعرف ان مو وقته يهاوشني !! مسك يدي اللي انجرحت
وهو يقول بضيق : ليش سويتي كذا ؟
رديت بعنف : رجعني البيت الحين ما ابي اقعد هنا !!

26 - 7 - 2014, 08:34 AM

كانت بأجمل طله !! بميك أب فرنسي وروج أحمر غامق شوي ! وفستانها الاحمر وشوزها "اكرمكم الله"الكحلي واساورها الفضية والكحلية .. أجمل ملاك شافها عبدالله ! .. قرب منها بعدما دخلو المعازيم للعشاء وبعدما وقعت على عقد زوجها منه !! بلا شروط ! وقف قدامها ويدها بيده وأبتسامه كبيرة مرسومه على وجهه نسى كل شيء يتعلق بمنال وكل تفكيره بـ رنا .. قرب وجهه من عنقها وقبلها ببطئ , كان بالنسبة لها أشبة بإنقطاع الاكسجين ! توقف عقارب الساعه , كبرت فجئه بالعمر وصارت "متزوجه" صار وجهها احمر من قربة لها
نطق بجرأه : وش رايك نعجل بزواجنا ترى ما فيني صبر !!
أبتسمت بخجل وهي تقول : اللي تبية سوه !! (( وين رنا طويلة اللسان , لسانها اختفى الحين !! ))
قبل جبينها وحضنها بقوه .. يبيها ! يبيها له .. يبيها تكون معاه .. ما يبي أحد غيرها ! .. ~

__________________________

أتصل عليها .. ما بغت تتجاهله برغم غضبها منه .. خذت جوالها وطلعت فوق ..
ردت بغضب .. : نعم ؟
تركي بإبتسامة عريضه : نملك مثل أختك ؟
رد بغضب أكبر : ما فـــــــــية ملكه الحين !! الملكة والزواج بنفس اليوم ولا تطولها معي
رد بضحكه : هههههههه ولله وعرفنا نتكلم يا آريج !
بسخريه قالت : مو عاجبك ! .. ترى للحين احنا بالبر ! نقدر ننهي كل شيء
.. : ولله ما عرفتك يا اريج ! تبيني افسخ خطبتي منك ! ما راح افصخها وبعد كم اسبوع رح يكون الزواج والملكة بنفس اليوم وش رايك ؟
ردت ولا كأنها أريج اللي تعشق كل شيء اسمة تركي ! : ما ابيك ! وش رايك انت بعد ؟
رد بضحه مستفزه : هههههههههههههههههه لا ما اتفقنا على كذا كلاي هو اللي بيمشي ! اوك ولو عارضتي راح أجي عند اخوك وليد واقوله .. كذا كذا كذا كذا !!
عقدت حواجبها بغضب : وش راح تقولة ؟
بأبتسامة صفراء : رح اقولها كل شيء بيننا يعني لا تعارضيني ..
سكرا على طول !! هي تحبة !! وكانت تضن انة يحبها !! وبغت تسوي كل هذا على شان يعرف انها تقدر ترد علية !! .. بس كان رده لها مثل السهم اللي انغرس جواها ببطىء !! يهددها !!
غمضت عيونها بقوه وهي ندمانة على كل ثانية كلمتة فيها مهما كانت تحبة أكيد ما راح يقدرها ولا رح يحترمها دامه عرفها بهالطريقة !!

26 - 7 - 2014, 08:35 AM

الساعه 10:03 ليلاً بالخُبر ..
ضرب الباب بقوه خوفتها هي وامها .. مشت أمها لعند الباب وبغضب مين ؟
طارق وهو يحاول يتمالك أعصابة .. : أنا طارق !
أم عبير زفرت بضيق وبغضب : عبير ماهي لك ! ماهي من نصيبك الله يزوجك اللي احسن منها !
كانت عبير واقفها وراء امها ! وتسمع كل كلمة يقولها طارق !
طارق بغضب : انا ما ابي اللي احسن منها انا ابي بنتك ! يا خالة حسي فينا تكفين ! لو انك مكانها !! وجاك شخصين يخطبونك ووافقت امك على واحد انتي ما تبينة !! ورفضت اللي تبين تكلمين باقي حياتك معاه , هذي حياتها خليها هي تقرر ولله لو انك انتي اللي بتشاركينها بهذي الحياه كان عذرتك انك تقررين عنها بس خليها تقرر تعيش مع مين لبقية عمرها ! انتي تبين سعادتها ؟ سعادتها معي ! سعادتها انك ما تجبرينها على حياتها الخاصه ! ي خاله الله ما يرضى تجبرين بنتك على الزواج !! انا مو ناقصني شيء شهاده معي من أحسن دول العالم !! ووضعي المادي اكثر من ممتاز وابي بنتك !! ويكفي انها تبيني واذا تبين سعادتها اتركيها تختار بنفسها ..
مشت عبير بسرعه لغرفتها وانهرمت بالبكي ! ما قدرت تنتظر تسمع جواب امها بعد كلام طارق اللي اثر فيها !! .. بالمقابل كانت عبير مقتنعه بكلامه لاكنها متردده بالموافقه واصرت عليه يدخل لل"ملحق" لكنه رفض .. سحبت خطواتها للصالة وجلست بتفكير عميق ..بحال بنتها ..
_________________
متسطحه على الفراش ببيجامة نوم باللون ال"بيج" تاركة شعرها بتفكير عميق حتى رن جوالها !
ردت من دون ما تشوف الرقم لانها تعرف من المتصل .. : الـــــــــو
ســامي بصوت ضايق : اجي أخذك اليوم ؟
ردت بسرعه وبرفض : لا ما ابي ارجع انا !
بحزن .. : ليش ! انا مالي ذنب باللي صار يا دلال ولله ما كان قصدي أطيح اللي ببطنك
جاء ببالها كلام ثنوى !! ردت : انا ما راح اقدر أأمن لك بعد اللي صار ما راح اقدر اعيش مع واحد ذبح ولده !
رد بصراخ : انتي بأي لغه تفهمين ؟ انا ما كان قصدي بالحادث ولله ما كان قصدي
سكرت بوجهه ودموعها بعيونها !! كانت بترجع له ولا كان شيء صار لكن كلام ثنوى خربط فيها كل شيء!
________________
نزلت تحت وجلست جنب أمها وهي تقول بتررد مع انها استخارت
.. :ماما انا موافقه على نواف ولا تناقشيني عل شيء
رحات بسرعه وسطت ضحكه امها وفرحتها بنفس الوقت .. راحت بسرعه لعند دلال ارتمت على السرير جنب دلال وهي تقول : دلال انا موافقه على الزواج من نواف مع اني متردده بس استخرت وقلت حق امي عن موافقتي
دلال نست موضوعها مع سامي وبفرحه : أخيــــــــراً رح أشوفك عروس !!

26 - 7 - 2014, 08:35 AM

قبل كـــــــم ساعه .. تحديداً الساعه 5:41 فجراً بالخبر ..
صحى لصلاه الفجر توضى وصلى ..! التفت لها اللي نايمة بعمق قرب منها وهو يبتسم لها بحب كبير !
امتدت يد يهزها بخفه على شان يصحيها على الصلاه : فهـــده .. فهــده حبيبتي ..! قومي صلي الفجر وأرجعي نامي .. ! ما تحرك اي عضو منها هزها بقوه اكبر وهو بخوف كبير لكن ما فية فايده
سحبها وسحب عبايتها ومشى بسرعه للمستشفى .. ليسمع خبر كسره من جوا !! راحت عنه زوجته ..! حبيبتة .. ! ام عياله ..! سأل ودموعه كلها تجمعت بعيونه : وش السبب ؟
الدكتور بحزن : ما فية سبب موتتها طبيعيه ! ... بلع ريقة بصعوبة .. مشى بخطوات ثقيلة للسيارا وما حس بنفسه الا وهو قدام البيت نزل ببطىء حتى دخل للصالة كسر ال"الابجوره" بغضب وفقد !! يحس بمراره الحياه بعدما راحت اللي كانت تحليها له !! نزلت ريمية بخوف من صوت وقفت عند الدرج بصدمة من شكل بدر كان يبكي !!! صعبة تشوف رجل يبكي ما يبكي الرجال الا شيء مرير وموت فهده كان كفيل بنزول دموع بدر قالت بصوت مرتجف : بدر فيه شيء ؟
أبتسم بألم : فهده راااحت ..! ماتت ..! ماعاد بقى لي احد ! ماتت ومات ولدي معاها !!
كانت صدمة كبيره بالنسبة لريمية !! صح تكرها وما تواطنها بس ما توصل للموت !!!!! مشت لغرفتها بسرعه وبصدمة تركت اثر كبير في نفس كل من يعرف فهده سواً من يحبها او يكرها .. !!
______________
بصراخ .. : انتي ما تفيدين بشيء انا صرت عدو صاحبي على شانك ليش ما سويتي اللي قلتة لك جايبك معاي على الفاضي انا
ردت بضيق : سالم افهمني انت حطيتني قدام الامر الواقع انا ابي اسوي اللي قلتة له احسن شيء اقدر ادمر فية هالرهف بس ما كنت مستعده لأي شي فجئه صرت قدامة ولا قدرت أقول اي شي !
هداء شوي وبعدين قال : شفتيها ؟ ما شفتي امير ؟
كشرت وهي تقول : امير كان بغرفتها الله يأخذها اية شفتها ..
قال بمزحه : احلى منك صح ؟
ضغطت على اسنانها بغضب ولا ردت !! .. أطلق ضحكة مستفزه استفزت رغد كثير كان بخاطرها تذبحه !!على هالضحكة ..

26 - 7 - 2014, 08:35 AM

رجعت للبيت .... أستقبلتنا هاجر بخوف وهي تقول : وينكم من لما صحيت وانا اتصل ولا أحد يرد علي !!
ناظرت لها بعيون ذابلة ومدمعه ! عقد حواجبها بإستنكار : رهف .. وش صاير ؟
تمسكت بأمير وانا اقول : فهده ماتت ..! ادعي لها *التفتت لأمير * طلعني للغرفة أبي انام ..
مشى معي للغرفة وسط فجعه هاجر ..! ما توقعت أني بقابل موت أختي بهالبرود ! جلست على الكنبة بصدمة كبيره وهي تدعي لها وتدعي ان ربي يصبرني !! .. .... دخلت للغرفه معه وقفت بمكاني وانا اقول
.. : أتصل ببدر !
استغرب لاكن ما عارض مشى لعند جوالي وهو يدور بالارقام رفع عينه لي : ماهو موجود رقمة !!
قلت بغصه وبصعوبة طلعت الكلمة : على رقم فهده !! بيرد عليك
ألمتة نبره صوتي !!
اتصل على رقم فهده وسريع جاء رد بصوت خافت ومخنوق : الو
جيت بسرعه لعنده واخذت الجوال وانا اقول بصوت مرتجف : بدر تكفى أبي طلب منك !
لو ما كنت بهالموقف كان ضربني امير ..! على مكالمتي لبدر ضغط على اسنانة وحوال يتمالك نفسة
بدر بتعب : أمري ..
قلت بنبره بكاء : أبيك الحين تجيب بعض من ملابس فهده .. لا تردني الله يخليك ابي احتفظ بريحتها عندي !
رد بضيق : ربع ساعه وتكون عندك ..
سكرت ... رفعت عيوني لأمير اللي كانت نظرته غاضبة كنت عارفة السبب لكن غصب عني
قلت له : أمير مو وقت زعلك أبيك توقف جنبي لا تخليني بهالوضع ! ..
تصنع الابتسامة وهو يقول : ما راح اتركك ..
خذيت لي بيجامة بُنية من الحرير !!! توجهت للحمام"اكرمكم الله " بدلت ملابسة وغسلت وجهي رفعت شعري لذيل حصان بإهمال طلعت لقيت شنطه سوداء واقف جنبها امير !!
تنهدت بعمق : هذي شنطة فهده ؟
هز رأسة وهو خايف من ردت فعلي .. يحس بتأنيب الضمير لآنه حرمني في يوم من شوفتها !! وده لو يرجع فية الزمن ولا يرفض لي هالطلب !! مصدوم من موتها زعلان من نفسة وانة كيف يمنع اخت من اختها !! .. مشيت لشنطه الملابس السوداء كانت صغير شوي جلست على الارض وفتحتها ! كان فية فستان فهده !! بوصفها اللي ما انساه يوم ملكتي هذا فستان فهده حق ملكتي !! لميت الفستان لصدري ..
لهنا تفجرت بكي ! شهقاتي كانت مرعب بالنسبة لأمير اللي قرب مني و ما حاول يسحب الفستان لآنه كان يبيني ابكي ! ضمني وهو يمسح على شعري ويقول : أبكي قد ما تبين ما راح امنعك هالمره
تركت الفستان وتمسكت فية بقوه ودموعي ما وقفت .. كان راسي مدفون بصدره بكيت بصوت مؤلم
.. : راحت عني أمي وفهده أتركوني بأقل من سنة ما عاد باقي لي احد كلهم تخلو عني !
شد على حضني وهو يقول : لا تقولين كذا ادعي لها انا موجود وهاجر موجوده
قلت بصوت مبحوح : ما حققت لها اللي تبية كانت تبي تصير خالة راحت وان وانا حققت لها اللي تبية ! هي اللي كانت مخففه عني روحه امي كانت مالية علي كل شيء كانت امان لي من كل شي
تنهدت بضيق على حالتي وهو يقول : انا موجود ما راح تحتاجين لأحد وانا عندك بغنيك عن الكل
زدت بالبكي وانا اقول : أنت بتتركني !
رد وهو يشد اكثر على حضني : ولله ما اتركك !
أستمريت أبكي بحظنة وهو يواسيني بدون ملل ....

إنتهى البارت .. توقعاتكم ♥
#فهده #عبير #رهف #امير #تركي #اريج #رنا #عبدالله #طارق #سالم #رغد #هاجر #ريمية
#ثنوى #نواف #منال #بدر

26 - 7 - 2014, 08:36 AM

الباب الخامس عشر

الساعه 1:06 ليلاً ... في الخُبر ♥
كنت متسطحه على الفراش ببيجامة باللون الاخضر الغامق "زيتي" ودموعي توقف ثواني وتنزل باقي الوقت كنت أبي بصمت اوجعني واكتم شهقاتي على شان ما اصحي امير اللي نايم جنبي !!! أتذكرها بكل تفاصيلها .. ضحكتها .. دموعها .. فرحتها .. حزنها .. سوالفها .. كلامها .. غضبها .. همومها .. أحلامها .. أمنياتها .. طموحاتها ... كل ما فيهــا ! ابتدت شهقاتي تتعالى بعد كل ذكرى اتذكر فيها فهده فقدت ظهري اللي استند عليةة إذا انكسرت !! فقدت اللي بقت لي من اهلي !! ما قدرت أتحكم بشهقاتي اللي تتعالى الى ان التفت علي امير وهو يمسح دموعي بحزن وحنية كبيره .. : ما تبي ددموعك دموعك تعذبها يارهف ! هي ما تبي الا دعائها ما رح ترجعها هالدموع .. لا تصيحين انا ما احب دموعك ! ما احب شيء يضايقك
ناضرت فية بذبول وبعيون غارقة دموع : راسي يعورني من البكي ! ابي انام ومو قادره !
أمتدت يده لجبهتي وهو يقول بخوف :حرارتك مرتفعه !! بقوم اجيب لك مخفض حراره
مسكت يده بقوه قبل ما يقوم وانا اقول : لا لا تقوم !! انا موتعبانة شوي وتروح هالحراره .. خلك عندي
رجع تسطح بشكل ملاصق لي وهو يقول : طيب نامي !
رديت : ما فيني نوم نام انت شوي وانام ..
.. : حتى انا م فيني نوم .. تعالي معي نطلع للمزرعه نتمشى شوي !
راقت لي الفكره ! .. وقفت معاه وانا امسح دموعي ومشيت كان معاه شرشف خفيف باللون الازرق !
نزلنا من الدرج .. وقفت وانا اقول : امير .. روح انت انا بصلح لي اكل جوعانة م كليت ولا خذيت أبرتي !
عقد حواجبة وميل شفايف على اساس انة زعلان !! : خلي الخدم يسوون لك اللي تبين وتعالي معي
رديت : الخدم نايمين حرام اصحيهم .. م رح اطول !
.. : بجي معك نسوي لنا اكل ونطلع !
ابتسمت : أوكي ..
مششيت للمطبخ الكبير باللون البنفسجي الفاتح جداً مع الابيض .. التفت عليه وانا اقول
: وش تبي تأكل ؟
بعد تفكير .. : أبي بيض وطماط !!
أبتسمت له : طيب وش رح تشرب معه ؟
رد بابتسامة عريضة : بشرب عصير مانجا !
كشرت بوجهه : عصير مانجا مع بيض وطماط !!
رد بإبتسامة اعرض : اي عصير مانجا مع بيض وطماط وانتي بتشربينة ولا تعارضيني لاني ما رح اسمعك
زميت شفايفي : ليش تبيني اشربة وش مشكلتك معاي ومع هالعصير اقولك ما احبة تقولي اشربية!!
رد بضحكه : ههههههههههههههههه قلت لك من قبل احب احارشك !
كسرت البيض بقوه وانا اقول : طيب روح برا وانا الحقك الحين ! ........

26 - 7 - 2014, 08:36 AM

الساعه 1:14 ليلاً بالخُبر ..
دفنت راسها بمخدتها وهي ما فية كلمة توصف سعادتها بهاليوم ..! دخلت اختها اللي تناقضها تماماً بالشعور كانت ما فية كلمة توصف تعاستها بهاليوم ..! أرتمت جنب رنا وبحزن : تركي كلمني !
التفت رنا وكل ملامح السعاده اختفت على وجه رنا وتحل مكانها غضب : رديتي ؟
قالت لها كل السالفة وبغضب كبير ردت رنــا : لا تتزوجينه!! لا تتزوجين شخص ما يقدرك ولا يعزك وهذا انتم ما تزوجتو شلون بعدين لو صرتي عنده ويحق له يسوي اللي يبية فيك ؟
أبتدت تنزل دموعها تدريجياً .. أريج : يهددني لو رفضته رح يقول حق وليد كل شيء بيني وبينه !
رنا بغضب وهي تصر على اسنانها : حقير هالانسان من وين عرفتي هالاشكال انتي !!
ببكاء : رنا مو ناقصه كلامك هذا ابيك تقولين لي وش اسوي
عقدت حواجبها بغضب وهي تقول : م عاد فية حل يهددك انه يخبر اخوك بعلاقته معك !! م ادري وش اقولك !!
نزلت راسها وأبتدئت ببكئ .. تقدمت لها رنا ولمتها وهي تقول : لا تنزل دموعك على شانه خليك اقوى من كذا !!

26 - 7 - 2014, 08:36 AM

الساعه 1:21 ليلاً بالخُبر ..
دخلت لغرفة أختها كنت إضائه خفيفه جداً والغرفة بارده كانت تشوف وجهها اللي طالع من نوره الجوال ولافه على نفسها أكثر من بطانية .. شغلت الانوار .. وقالت بضحك : ههههههههه ليش مسوية بنفسك كذا طفي المكيف وارتاحي !! ... ردت بإبتسامة : لا م اقدر اقعد بدون المكيف ...
تقدمت وجلست بهدوء على السرير .. : كلمني ســامي !! يبيني أرجع له !
ثنوى رمت كل اللي عليها وهي مبققه عيونها : لا تقولين بترجعين له !
بضيقه ردت : لا قلت له ما ابي !! بس انا ابي حتى لو ذبح اهلي كلهم انا اوثق فية بس كلامك ما ادري وش سوى فيني ما قدرت اوافق !!
تنهدت بغضب : م لك رجعه وثقتك هالعمياء شيليها من بالك ! ...
ردت : انا بفكر من جديد ..! ولا تقولين اي شيء لاني متشتته وما ابي احد يلخبط أفكاري !
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
الساعه 1:29 ليلاً في الخُبر ..
جبت عصير المانجا والبيض !! مشيت على العشب البارد وكل ذكرياتي فهده !!
نزلت الاكل وانا احاول امسك دموعي ...
بصوت أعشقه : أكلي ..
م حطيت عيني بعينة ما ابية يشوف دموعي : أكل انت ماني مشتهيه !
سحبني بقوه لعنده وهو يقول : ي متناقضه قبل شوي تقولين ابي اكل جوعانة بتاكلين غصب !
كان الهواء بارد .. حط الشرشف على اكتافي وهو يقول : انا قلت لك ما ابي اشوف دموعك أكلي !
رفعت عيوني له : ما ابكي !
بإبتسامة جانبية ما تليق الا فية : طيب اكلي .. خذيتي ابرتك ؟
حركت راسي بـ ( نعم ) وابتديت اكل ..
قالي : جاء نايف وخبرني ان اهله رح يجون يخطبون هاجر بأسرع وقت ابي الزواج يكون بسرعه !
رفعت عيني له وانا اقول : بتزوج هاجر وانا اختي توها ميته!!
مسك يدي بقوه وهو يقول : انا على شان كذا قلت لك ! كم مده تحتاجين على شان نسوي الزواج
رديت وانا ما ابي الزواج يطول اكثر : 3 اشهر على الاقل
رد : رهف بكرا بنطلع انا وانتي نتمشى ونتعشى برا !
أبي اطلع ابي اغير جو ما ابي اقعد بالبيت و ابكي : اوكي !

26 - 7 - 2014, 08:37 AM

الساعه 2:00 ليلاً بالخبر ..
ما فية احزن منه ...! موتها موت قلبة ...! ما يشوف الدنيا لها قيمة بعدها !! .. اليوم دفنها !! نزلها للقبر بيده ..! ودعها للأبد!! .. أصعب لحظات حياته كانت هاللحظه ..
دخلت علية وهي مغطيه راسها .. : بدر ! فهده الله يرحمها لا تسوي بنفسك كذا .. تزوج وشوف حياتك !
رفع نظره له وابتسم بسخريه : م راح اتزوج بعدها ما فيةوحده تملئ عيني بعدها .. وبعدين انتي لما كانت موجوده ما اشوف الغطاء عليك وينة ي ريمية يوم كانت موجوده .. ولو فكرت اتزوج لو!! انتي خارج هالتفكير !!
التفت عنه ومشت بسرعه لغرفتها : انا موخالصه منك حتى وانتي بقبرك ي فهده !!!
كان يردد بنفسة : ما رح أجتمع مع مرآه ! بسقف واحد بعد فهدهـ !!
♥♥♥♥♥♥♥♥♥♥♥♥♥♥♥
الساعه 2:03 ليلاً بالخبر ...
راسها عورها من كثر البكي !! .. تفكر بكل شيء .. دخلت امها وبدون مقدمات كالعاده ..
: فكرت كثير بكلام طارق لك الاختيار ي عبير وانا راضية باللي تختارينة !!
كل كلمه تدخل لأذنها ببطئ شديد .. إلى ان استوعبت نطت عليها بفرحه : الله يخليك لي !
طلعت امها بعد ابتسامة عريضه ..
خذت الجوال واتصلت بسرعه البرقه علية .. ثواني واسمعت صوتة وهو يقول : ألــو
بفرحه : طارق امي وافقت اقتنعت بكلامك واخيراً ..
بفرحه كان متوقع إقتناعها : ما راح اتركك ي عبير ولا راح اخلي شيء يوقف بيننا .. أنتي لي انا وبس .. بكرا رح اجي اخطبك .....
♥♥♥♥♥♥♥♥♥♥♥

26 - 7 - 2014, 08:37 AM

يـــــــوم جديد .... ♥

الساعه 4:07 بعد الظهر بالخُبر ..
دخلت هاجر تدور بالغرفة مالقتنا طلعت بخوف تدور بكل مكان إلى ان وصلت للمزرعه كنت نايمه بحضنه وباقايا الاكل ما انشال ..
بصرااخ : أمـيرر .. رررهف !
صحيت بس ما تحركت عناد فيها !! صحى امير بغضب وهو يقول : وش تبين ؟
هاجر : صار لي ساعه ادور عليكم خوفتوني وجولاتكم تاركينها بالغرفة خفت اكثر قومو نامو بغرفتكم ! وبعدين ليه نايمين هنا !!
التفت لها : هاجر أدخلي جوا ولا بتنضربين !! دامك شفتينا نايمين ليش تصحينا احنا بخير أبي انام ..
ضحك امير على كلامي اما هاجر فكانت تعاندني وقالت بصراخ : فيـــة غرفة .. روحي نامي فيها هذا مو مكان نوم
خذيت الجزمه حقت امير "اكرمكم الله " رميتها عليها بس ما وصل لها وبصراخ : أذلفي عني !
أمير بضحكه م قدر يكتمها : هههههههههههههههه ككم الساعه ؟
هاجر وهي تناضر لي تبي تستفزني : الساعه 4 !
وقف امير وهو يقول : يلا رهف بنطلع !
هاجر : على وين ان شاءء الله ما تقول عندي اخت اطلعها امشيها معي شوي "التفت لي" وانتي ما تقولين عندي صديقة بأخذها معاي
كشرت بوجهها : اذا ما قصرتي صوتك ولله اقوم اضربك !!
خافت =)) وما ردت علي !
امير وهو كاتم ضحكته : تعالي معانا !!
ردت هاجر :امزح معاكم ما ابي اطلع اطلعو انتم استانسو!
♥♥♥♥♥♥♥♥♥
بعد وقت طويل وهو يحفظها كل شيء قاله : فهمتي !
ردت : اي خلاص حفظت كل شيء هالمره !!
رد : طيب متى بتروحين لها ؟
رغد : امم بكرا او بعده
سالم وهو يصر على اسنانه .. : لا ما فيه بعده بكرا تروحين لها !!
♥♥♥♥♥♥♥♥♥
الساعه 4:38 ..
في كُرنيش الخُبر
كنت أمشي ومستمتعه انا وامير ناسيه كل شيء رغم تفكيري بعزاء فهده وانه رح يكون ببيتي مو ببيت زوجها ما راح اخلي هذي ريمية تكون موجوده على طول بالعزاء * كذا ما ابيها ما حبيتها بدون سبب !!*

أنصدمت وانا اشوف قدامي تمسكت بأمير اللي حس بخوفي وضغط على يدي كانت دموعي على وشك تنزل من الخوف
وبدموع اللي بدئت تنزل : امير خلنا نرجع خلاص ...
أمير وهو يصر على اسنانه : لا م رح أتحرك من هنا !!

المواضيع المتشابهه لموضوع: في حادثة اغتصابي كرهت حياتي عشرا لموضوع: في حادثة اغتصابي كرهت حياتي عشرا
الموضوع	كاتب الموضوع	المنتدى	مشاركات	آخر مشاركة
حادثة الإفك	شَمسُ البلاد	همس السيرة النبوية	3	30 - 12 - 2023 02:05 AM
تنب المتنبي فيكم عصرا	همسه الشوق	همس الشعر والقوافي	6	7 - 9 - 2023 01:34 AM
فورب السماء وربك انت احبك عشرا واكثر	ياقلبي اكتفيت	همس عذب الكلام والخواطر المنقوله	3	18 - 7 - 2015 06:01 PM
تناول المشروبات الغازية بعد الصيام يسبب عسرا في الهضم	نظرة عين	همس للطب والصحه	8	15 - 7 - 2014 10:30 PM
حادثة الفيل	شيخه باحساسى	نفحات اسلاميه	5	6 - 3 - 2013 05:56 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

في حادثة اغتصابي كرهت حياتي عشرا

همس للقصص وحكايات وروايات