روايه خاني وذليته للكاتبة مشاعل الراشد

#1 10 - 9 - 2014, 06:48 AM

روايه خاني وذليته للكاتبة مشاعل الراشد

رواية//خــانـي وذليته // روايه جريئه // فيها من الواقع والخيال //

للكاتبه // مشاعل الراشد ...

ان شاءالله تنال اعجابكم ....

البارتي الاول :::

الجزء الاول

******************************
خاني وذليته :: للكاتبه مشاعل الراشد

**********************************

6:30 ص/

في الريـــاض //

عائلة ابو رائد ...

في طاوله الطعام المطله عــ الصاله ...

ابو رائد :صباح الخير(ابو رائد شخصيه حكيمه متزنه يشتغل مستشار قانوني في شركة xxxxيه كبرى في الرياض )
ام رائد:صباح النور (زوجة ابو رائد من جماعته طيبه تحب زوجها وعيالها لكنها شوي شديده ع عيالها من ناحية التعليم لانها موجه فا طبيعي تخاف ع عيالها وتبيلهم المستقبل الباهر )
ام رائد: حياك تعال افطر .
ابو رائد وهو يجلس وياخذ الجريده من ع الطاوله : ماقامو العيال
ام رائد : الحين يصحون .))ع آخر كلمه شافت رائد ينزل وماسك السماعه في اذنه ويكلم
رائد :: اوكيه يله باي (رائد عمره 26 وسيم يدرس ماجستير اخر سنه جسمه رياضي اسمراني عيونه كبيره وناعسه لها سحرها شعره ناعم واسود لحد اذنه
يحب الستايل والتغيير مشكلته انه كتوم وغامض مايعرف له الا صديق عمره جاسر )
رائد:: صباح الخير .
ام رائد : صباح النور
ابو رائد وهو يشيل الجريده :صباح النور
رائد : انا طالع
ام رائد: اصبر كلك شي
رائد : لا الحين الرياض زحمه ع مااصل الجامعه الا الساعه 8 وانا صاحي متاخر كله بسبت بنتك الهبلا
البندري من وراهـ:: والله ما الاهبل الا انت اذا كنت مو قد السهر ليه سهرت ؟ ولا بس لعانه ترمي بلاويك علي
//كانو سهرانين امس ع فلم رعب ماخلص الا الساعه ثلاث الفجر //
(البندري عمرها 23 اخر سنه لها في الجامعه قسم انجليزي ملامحها حاده <<خشمها دقيق ومرتب مناسب مع وجهها وفمها صغير والمليان في نفس الوقت ( شفايف توت) وبنفس الوقت جذااابه بشترها برونزي وصابغه شعرها بني طالع شكلها مع الصبغه جنان شعرها لحد ظهرها وعيونها وعيونها مو كبار ولا صغار رموشها كثيفه طبعا مو طويله مره يعني 165 ونحيفه )
رائد التفت بسرعه عليها : بسم الله
البندري بمسخره : ياقلبو خوفتك
رائد مارد عليها وطلع : ....
البندري ناظره الساعه وتوسعت عيونها يووه تأخرت :باي
ثامر( وهو نازل من الدرج ع اقصى سرعه لان مايحب يتأخر ع المدرسه الاخ دافور في المتوسط سنه ثالث يحب القنص والبر وعلوم الرجاجيل بشكل جنوني اكثر من رائد يحب يطعس <<لدرجه يعيرونه يا الطعس )
بصراخ ويركض ماسك شماعه بيد واليد الثانيه ماسكه بثوبه ::: تأأأأأأأأأأأأأأأأأأأأأأأأأأخرت
ابورئد: وجع اذني اذلف احد ماسكك
ام رائد :حمدالله والشكر حتى صباح االخير مافيه
ثامر مارد عليهم وطلع بسرعه ::.......
ريوف(عمرها 19 اخر سنه ثانوي نعووومه وهاادئه ملامحها بيبي قصه شعرها فكتوريا معطيها انوثه وبرائه لون شعرها اسود مو طويله 150 وكل شي فيها صغير انفها عيونها )
حطت ايدينها في اذنها
:: أي أي اذوووني خير وش ذا الصراخ من الصبح
(نازله ولابسه المريول الموف لانها اهليه وحاطه قلوس وبلشر وماسكرا )
ابورائد:صباح الخير
ريوف جت وحبت راس ابوها : صباح النور
وباست امها : صباح الخير ..
ام رائد :صباح النور تعالي افطري سويتلك توست مع جبن شرائح
ريوف جلست بهدوئها الي يعجب ابوها :وبدات تاكل : ثانكس
ابورائد :ماوصل باصك
ريوف : لا انا اخر وحده يمرني
هذي عائله ابو رائد عايشين في بيت مو قصر لكنه انيق وتنسيق راقي من اثاث وديكور مو كبير مره ع عدد افراده طبعا في الحديقه في خيمه مسويها ثامر لربعه
***********************************
في مكان ثاني في الشرقيه في احد ارقى الاحياء هناك
ابو عبد العزيز ماشي بشموخ وهيبه :صباح الخير
جلس ع الطاوله وساميه تصب له القهوه التركيه لانه تعود عليها منها او حبها لانه تحب ساميه تشربها حبها منها ...
( ابو عبد العزيز حازم يحب النظام يعني كل شي يمشي ع الساعه وهذا احد اسباب نجاحه ::: فيه سر بحياته ومخبيه عن الكل )
ام عبدالعزيز:: ساميه:: اهلين ابن عمي صباحك عسل تأبشني (سوريه ماخذه ابو عبدالعزيز عن حب )

ابو عبدالعزيز : يله انا ماشي عندي اجتماع في الشركه
ام عبدالعزيز : ايه بحفظ الله انتبه ع حالك اييه
ابو عبد العزيز ناظرها كانت لبسه بنطلون اسكيني مع بلوزه طويله بدون اكمام:ماشاءالله شنو ذا الحلاوه ع الصبح
ساميه :شوو عجبك اللبس (طبعا محافظه ع جسمها )
ابو عبدالعزيز :عجبني لانك انتي الي محليته
ساميه حمرت اخدودها : .....تسلملي
ابو عبدالعزيز يبتسم : انا اقول اروح الحين احسن
ساميه :ههههه يله باي
(((((((((((((((((((((((((((((((((

نزل عبد العزيز :صباح الخيرات (عمره 28 سنه مغرور وغامض ومع كيذا الا انه طيب ويحب الفله والجمعات بس مايلاقي وقت بسبب شغله مع ابوه وسيم ملامحه تشبه سلمان حميد نفس سماره بس يختلف ان عيونه لونها رصاصي جاي ع سماوي <<من امه .يكره جنس حواء لانه تعقد حب وخانته حبيبته وهذي السالفه صار لها اربع سنوات .. وبعدها ماصار يفكر غير با الشغل )
ساميه : اهلين ابني صباحو بدك اهوه ولا عصير )قهوه
عبد العزيز : لا تسلمين بس انتي عارفه اني ماافطر بدري ..
ساميه : ايه صح
عبدالعزيز : ابوي راح ؟
ساميه : ايه تأبرني هلأ طلع)قبل شوي طلع
عبد العزيز باس امه : يله يا الغالي هانا طالع تبين شي
ساميه :لا سلامتك حبيبي...الله معك

في نفس القصر لكن في مكان ثاني في جناح اجوان
مانامت طوال اللليل ومقهوره (22 سنه ثالث جامعه جذاابه بشكل رشيقه القامه وبيضى وشعرها ناعم بني فاتح طويل خشمها سلت سيف. متمرده في تصرفاتها تحب الجمعات فيها خصلة اخوها الغرورطبعا يحقلها كل شي متوفر لها )
شافت الساعه لقتها 8:15 :امممم خليني اروح اخذلي شور وادق عليه ...
دخلت الحمام واخذ تشور ع شان تصحصح ولبست بنطلون جينز وتي شيرت اسود وفيه رسمه با الوسط فوشي ونشفت شعرها وخلته مفرود ولبست طوق فوشي
وحطت مسكرا وقلوس زهري ع شفايفها التوت لبست باليه فوشي اخذت العبايه الي اشك انها عبايه وطلعت :

:::: هاااي ماما صباااحو
ساميه : اهلين حبيبتي شوو متأخره اليوم مو ع العاده
::: لا بس المحاظره ماتبداء الا 9:30
:: اهااا تعي افطري معي
::لا مو مشتهيه يله بروح الحين باااي
::: باي

طلعت ركبت مع السايق حقها في السياره بنو راما من البيت مستعجله ودقت ع فيصل
اجوان : الوو
فيصل : صباح الخير
اجوان : وينك
فيصل : الناس اول تصبح وانتي من الصبح تنافخين
اجوان : يوووه ترا ماني رايقه لحكيك الباصق بسرعه
وينك ..
فيصل : اوك انا في الطريق
اجوان: اوكيه
وسكرت من دون ماتسمع رده وقفت سيارتها في
مكان الي اتفقو عليه من البارح : الوو وينك
فيصل ينزل من السياره ويتوجه لها
فيصل وش ذا السياره ايه يحقلك يا بنت ابو عبد العزيز : جنبك ياقمر ,,افتحي الدريشه

نهــايه الجزء الاول

الموضوع الأصلي :‎ روايه خاني وذليته للكاتبة مشاعل الراشد || الكاتب : || المصدر : شبكة همس الشوق

• نصيحة لكل عضو /ة
• الترحيب با الاعضاء الجدد وفائدته

10 - 9 - 2014, 06:51 AM

البـــــــــــــارت الثــــاني ,,,,
الجزء الاول ....

عبدالعزيز دخل البيت شاف امه تشرف عند اخدم ع طاوله الطعام :السلام عليكم ...
ام عبدالعزيز ساميه : أهلين ابني وعليكم السلام ..روح حبيبي بدل وغسول دياتك وتعى = تعال ..
عبد العزيز متوجه للدرج : اوكيه وصلت اجوان (وقال بصوت ساخر) وسالم ؟!
ام عبدالعزيز فهمت عليه بس ماحبت تعلق خصوصا الوقت مو مناسب : أيه كلون وصلو هلئ بينزلوا ..

في جناح اجوان...
كانت جالسه ع الكنبة الريش البنك ومعها لوشن وتدهن يدينها ..في نفسها تقول :انا الغبيه صدقته ..بس حتى ولو مارحت مارح يكون بالي مرتاح زين رحت وعرفت السالفه وانه كذاب ..مالت عليك يافيصلوه على بالك اني كيذا بخق معك مسكيين كـان غيرك اشطر ....

عــــلى الغداء .... الكل جالس ياكل بهدوء...
عبد العزبز كسر حاجز الصمت وقال :يبه اذا ماعندك مانع ودي نروح للرياض مع الاهل .
ابو عبد العزيز وهو يشرب المويه وبعدين نزل الكاس :ماعندي ماعندي مانع بس لا تطولون ..
ام عبد العزيز تناطر ولدها وفي نفسها تقول شوو هيدا مألي شي :.....
عبد العزيز فهم نظرت امه :...
سالـم عادي عنده الوضع ماتفرق يروح او لا ...علشان كيذا ساكت ويأكل بهدوء:.....
أما اجوان كــانت ســرحااانه ومو معاااهم اصلا ولا تدري وش جالسين يتكلمون فيه
في نفســها ::
اااخ يا القهر من جد يبيلي اعلمه قدره قال ايش ابي اشوفك .. ولد الفقر هذا مقيوله عيال الفقر مايعقلون الا بطقه ع روسهم ..((.

*********************************

في الــريآآآض ...

الـكل تغداء وراح يريح في غرفته ....
رائد ماسك جواله ودق: جاسر ..
جاسر رد عليه وهو ع السرير يفرك عيونه : هـلا وش عند يابـو داق الظهر ماتدري ان ها الوقت وقت قيلولتي ..
رائد وهو ممدد ع السرير ويفصخ بلوزته : عارف بس حبيت ااكدلك اليوم لاتنسى تمر حمود اذا جيت
جاسر :طيب خليني اقيل الحين ..
رائد : خلاص يله سلام ..
........................

ريوف جالسه في الكنبه الي في الصاله وتحط مناكير :أأأف >> تنفخ يدينها
ام رائد واهي تشرب الشاهي : تبيني اصبلك
ريوف : لا معاي ببسي ..
ام رائد : شكلك رايقه اليوم ..
ريوف : لا والله احس نفسي طفشاااانه حدي ..ودي اطلع اغير جوو
او رائد :وين تبين تروحين تغيرين جوو؟
ريوف أي مكان بس نطلع احس روحي متملله ..
ام رائد :اليوم دقت علي خالتك تقول انهم حاجزين شاليه ويبونا نجي ...ايش رايكـ ..
ريوف بفرح ::والله يااااي ونااسه خلينا نروح تكفين ..
ام رائد : انا ماعطيتها خير قلت اشاوركم واشوف اذا مااعندكم اختبارات نروح ..
ريوف : لا ماعندي شي ..
ام رائد: خلاص اجل ادق عليها واقولها اننا جايين
ريوف تنط عى امها : يالــبى قلبك انتي احلا ام في العالم ..
ام رائد : أي وخري عني وجعتيني ..ااه بس يا ال مصلحه مو لله ..
ريوف : حرام عليك( وتأشر ع نفسها) انا اكذب عليك في مشاعري الجياشه
ام رائد : اقول بس قومي قولي للبندري خليها تجهز نفسها بكرا ..وسأليها اذا عندها اختبار ..
ريوف : ان شاءالله ماميتوو ووقفت في اخر الصاله وارسلتلها بوسه
ام رائد ردتلها البوسه ..

....................
البندري منسدحه ع السرير وحاطه ماسك ع وجهها :
دقـ دقـ ...
البندري تعرف طريقه طرق باب اختها :ادخلي ..
ريوف تسوي نفسها خاايفه بصراخ : أأأأأأ ياامااامي مرره تخوفين ..
البندري : ريووفوهـ بلا سماجه ترا مايليق عليك
ريوف وتتخصر وتشوف شكلها في المرايه با القميص القصير السماوي :مسكينه يليق ونص ..
البندري : هههههه والله انك حاله مستعصيه ..
اخلصي ليه جايه وش تبين .
ريوف : عندك شي بكرا
البندري :بكرا ايش
ريوف : الاربعاء
البندري تحاول تتذكر : اممم..
ريوف تلفت اعصابها خايفه يصير عنها شي وتخرب السالفه :: لا اكيد ماعندك شي >> ومشت تبي تطلع
البندري تبيت هبل فيها بصوت عالي :الا عندي اختبار
ريوف : يا سخيفه من جدك
البندري : لا من عمي ليه وش عندكم
ريوف وهي مبوزه: ماتضحكين .. بنروح مع خالتي للشاليه
البندري مبتسمه مانقدر تضحك علشان الماسك : خلاص لا تصيحين . ماعندي شي
ريوف : اقول بس لا يتشقق وجهك > وطلعت

...........................
عبد العزيز يدق ع سلطان : الوو وينك هذي المره الثانيه الي ادق فيها .؟
سلطان وصوته كله نووم :هلا عزوز بغيت شي
عبدالعزيز : آها نايم . لا بس اقولك متى بتمشي بكرا
سلطان :طيارتنا بكرا
عبد العزيز :اها خلاص يله اخليك
سلطان : سلام <<ورجع يكمل نوومه
عبد العزيز يدق ع السكيرتير : الو ..بندر .
بند: نعم .. طال عمرك
عبد العزيز : احجزلي تذاكر لبكرا الصبح للرياض
بندر : لكم .؟
عبد العزيز :اربع اشخاص .
بندر : ان شاءالله بتكون عندك التذاكر اليوم في الليل .
عبدالعزيز :اوكيه .
بندر :بحفظ الرحمان
عبد العزيز سكر الخط : ..
تمدد عند المسبح ولبس النظارت وحط في اذانه السماعه ع اغنيه ....خيـانه .نبيل شعيل ..

وسرحـــ مع كلمــات الاغنيه يحسها الكلمات إنكتبت له
وكل الم وجرح في قلبه ينولد من جديد ..
مشاعره من القهر والم ..عــ كل اللحظات الي حصلت معها بكذب...

*¤ô§ô¤*~كلمات اغنيه خيانه لنبيل شعيل~*¤ô§ô¤*~

خيانه وانتهت اخر سوالف عشقي المجنون
سوالف عشق ياما الناس قالتها وعادتها
حكوا عني وحكوا عنها وعن الحب ملا هالكون
وصاروا يحلفون بحبنا وصدقي وطيبتها
وكم واحد تمنى لوخذا من لون حبي لون
وكم وحده تمنت لوتشابهنا حكايتها
انا وياها كنا حلم بالمعنى وبالمضمون
لكل اثنين قصه حبهم تعلن بدايتها
وفي الليله بكى فيها الوفا من ظهره المطعون
بدايتها جروحي والوفا مات ابنهايتها
في ذيك الليله كان اهون علي احيا بدون اعيون
ولا اشوف الي شفته من حبيبه قلبي ساعتها
بعيني شفتها وياه تضحك له واهو مفتون
سعادتها في قربه تشبه في قربي سعادتها
واهو طاير ابفرحه ولايدري بأنها تخون
يمكن يدري وساكت ولاتهمه حقيقتها
ابعيني شفتها ماهو حكي واشي وخيال وضنون
بعيني ليت عيني عمرها مايوم حبتها
وقفت لسان حالي تقول ليه ومن متى واشلون عسى ألقى سبب واحد يبرر لي خيانتها
وادور للجريمه ثغره في كل مذهب وقانون
لكني عجزت ألقى عذر يغفر لي جريمتها
خيانتها عطت حجه لكل الي يبي يخونون ومن هالليله كل خاين يتعذر ابقصتها

عبد العزيز النظاره الشمسه تخفي دموووع تنزل بقهر ..ع كل لحظه صدقها فيها ... وصار فيها غبي ...
اكثر شي كرهـ في نفسه انه صدقها وصار مغفل ..
زيه زي غيره ...
يتذكر كلامها له ...
فتون :انا مستحيل احب احد كثرك
عبدالعزيز وعيونه تلمع حب للانسانه الي قدامه : وانا بعد مستحيل اعشق احد غيرك ..

........

رجع لارض الواقع ....
ابتسم عبد العزيز ع نفسه وهو يقول :انا مستحيل احب مره ثانيه منك ..
وقام فسخ التيشيرت ورمى نفسه في المسبح يمكن كيذا يقدر يطفي النار تشتعل جوات صدره :....
.................................................. ......
فـي الليــل ؛؛؛ المغرب
ريوف :ماما بندوري تقول ماعندها شي
ام رائد : زين طيب قلتي لرائد ..
ريوف : لأ
ام رائد : روحي قوليله يمكن حاب يجي معنا
ريوف : تيب ...
ابو رائد دخل البيت ومعه كيسة حلويات بيدهـ : السلام عليكم
ريوف :: وعليكم السلام (وعيونها ع المالتيزارس)
ام رائد : هههه عطها الكيسه لتآكلك الحين ..
ابو رائد بنذاله :لا مافيه اصلا انا جايبها لبنتي الغاليه البندري وينها ..
ريوف بوزت: افاا ماصار لنا مكان
ابو رائد يجلس : ماادري انتي اذا تبين لك مكان فيك تقرري
ام رائد تنادي الخدامه : مايري ..
مايري : نعم مادام
ام رائد : روحي جيبي القهوه
مايري : حاضر
ريوف :يوووبهـ ابي
ابو رائد يستعبط : وش تبين .
ريوف : ابي شوكلت
ابو رائد ببتسامه : عطيني بوسه
ريوف قامت وطبعت بوسه ع خد ابوها .... ع دخلت رائد ...

رائد : خير ان شاءالله وش ذا الدلع لبعض الناس وحنا لنا الله
ام رائد تفتح حظنها لولدها : تعال يا حبيبي ولا تزعل
رائد يستهبل (ويروح لمه )::مااامووو
ابو رائد : ههههههه اقول قوم بس ترا مو لايق عليك الدلع خليه لاهله

ام رائد تناظر فيه : ماموو في عينك وش ماموو ذي
رائد : وش فيك يا الغاليه لازم ادلعك
ثامر دخل : السلام عليكم .الكل وعليكم لسلام
ثامر :: هييه يابوو الشباب استح ع وجهك
رائد يحرك شعره بيده يبي يقهره: ليه استحي شنو مسوي يا طعس
ثامر :ابي افهم ليه مطول شعرك من زينه يعني
رائد : محد طلب رايك ..
قطع عليهم الحكي الخدامه
دخلت الخدامه وحطت القهوه ...<<<
ثامر قام يصب القهوه : سـم يبه
ابو رائد : تسلم .
ثامر :ريوفـ وش فيك لازق في ابوي كيذا ابعد شوي
ريوف : مو شغلك
رائد شاف الكيسه .. مع ابوهـ وعرف ليه جالسه كيذا : ههههههه مدمنه ...
ريوف : مو شغلك
ثامر :بلاهي من معلمك الكلمه
ريوف : مو شغلك ..
دخلت البندري :اااه مشتهيه شوكلت
ابو رائد يحط الكيسه في الطاوله :..
ثامر :رائـد <<<فهم رائد عليه
قام رائد اخذ الكيسه وطلع من الغرفه ..
ريوف قامت ولحقته بصوت عالي : راااااااااااااااااائد
البندري ركضت ورآهم ..: رائد يا سخييييييف
ابو رائد : هههههههه مهبل مارح يركدون ابد
ام رائد :ع فكره دقت اختي ام تركي
ابو رائد : خير ان شاءالله ؟
ام رائد: الخير بوجهك ابد عازمتنا ع الشاليه بكرا
وش رايك ..؟؟
ابو رائد : زين تغيير جوو
ام رائد : زين اجل خليني اقوم ابلغها بجيتنا بكرا ..

&&&&&&&&&&&&&&&&&&&&&&

نــــــــــــــهاية الجزء الاول من البارتي الثاني ..^^

يتــبع

10 - 9 - 2014, 06:53 AM

البارت الثاني

// الجزء الثاني ..

في الحــديقـه >>

رائد رفع رده فوق ومعه الكيسه : لالا صغيرين القامه مالهم شي عندنا ..
ريوف تنطط تبي توصل الكيسه : رئووود يا سخيييف عطني القيسه ..
رائد :لأ وش عندك
البندري جايه من بعيييد ونطت وسحبت الكيسه بطريقه فاجئه فيها رائد وركضت ناحية الفيلا : هههههههههأأي مساكييين
ريوف جلست ع الارض متحطمه :يوووه الحين اذا رحت الشوكلت عندها مارح اشوف منها شي
رائد :ههههههه والله كسرتي خاطري
ريوف تزيد :اذا فعلا كاسره خاطرك جيبلي زيها
رائد : من عيوني بس مو الحين ربعي بيجون
ريوف : اجل متى
رائد :بكرا
ريوف بتفكير وهي حاطه اصبع يدها ع شفتها:يكون احسن
رائد :ليه وش عندك بكرا
ريوف :ايه صح انا ماقلتلك عاومتنا خالتوو للشاليه .
رائد :آها
ريوف :بتروح ؟
رائد :بدق ع بدر اذا بيروح بجي .
ريوف :زين .
.........................

فيصل في السياره :ايوه ووين السهره اليوم
محمد وهو يدخن : في استراحه
فيصل يبتسم بخبث :اقول فيه بنات ؟
محمد يغمزله :افاا هذا سؤال ..
فيصل وقف السياره عند محطة بزين بصوت عالي :20 ريال 95 <نوع البنزين
محمد :فيصل
فيصل : هآآهـ
محمد :شوف هذي الي مع السايق مبين عليها بنت عزك
فيصل :دقيقه .>>ونزل من السياره
محمد : هييه وين رايح تعال لا نتأخر ع الربع
فيصل يطق زجاج السياره :هلاااااا وغلاااا منوره محطت البانزبن
افتحت نص الدرشه >>والتقت عيونهم ...
اجوان :مره مكبر حالك ..روح يابابا شوف وحده تناسبك
فيصل :يحقلك تقولي كيذا مو انتي طالعه با الدنيا وفمك ملعقة ذهب .
اجوان :زين منك عرفت قدرك
السايق : مدام خلاص
اجوان : يله امشي >>عطت فيصل نظرة استحقار وراحت ..
فيصل في نفيسه :بعلمك قدرك معي وبتشوفي .
من وراه محمد :فيصلووه يا صايع ماقلتلي انك تعرف ها الاشكال الكاش
فيصل يبتسم نص ابتسامه : لا تحطها في بالك هذي وحده يبيلها ترويض ,,\
محمد : انا بصراحه ماانصحك اتركها احسن
فيصل : لا مو الحين > وراح ركب السياره ..
ولحقه محمد ...

....................................
من قال أن قلوبنا في ذلك السوق تباع
من قال أن تائه في شارع العشاق ضاع
من قال أنك مركب وأنا مع الريح شراع
فلتسمع يا عزيزي إن كنت أحببت السماع
فأنا أحب فراقنا وأموت في وقت الوداع
عقلي قصور شيدت وعلت حصونه القلاع
لم يلتوي في عمره لا لن أصيبه بالصداع

اجوان : الوو هلا قلبوو .يله انزلي
هيفاء : اوكيه
في السيـــاره <<
هيفاء : هاي
اجوان : هايات كيفك ؟
هيفاء : تمامو وانتي ياقمر
اجوان تبتسم : الحمدالله
هيفاء : وينك تأخرتي تقول 5 دقايق ولك نص ساعه
اجوان : ايوه الغبي نسي يملئ السياره بانزين
هيفاء:آها ..
وقفت السياره عند مولـ ..
نزلت اجوان وهيفاء وخدامة اجوان علشان تشيل الاغرض ///
هيفاء :خينا ندخل بوتيك هذا .
اجوان : ابي اشتري ساعه لماما
هيفاء : شنو المناسبه
اجوان :ذكرى زواجها من بابا .
هيفاء : وابوك ؟؟
اجوان : شاريه له من قزاز ..
هيفاء : شنو شاريه له
اجوان : علبه فيها ميدليه وقلم .
هيفاء: ناايس ..

خلصوا من مشترياتهم بعد ساعتين <<<<

هيفاء :ابي موكاا
اجوان :اوكيه انتي روحي انتي وسونيا للكوفي وانا بروح للتواليت
هيفاء : اوكيه بس لا تتأخرين ..
اجوان : تيب ..

................................
طلعت من دورات المياة ..

فجأه...
الا يد تسحبها مع خصرها واليد الثانيه في في فمها
بشكل سريع ..
تحاول المقاومه لكن دون جدوا ..
في سيب يكاد يكون خاالي من الناس :.
لزقها في الجدار وهو قبالها ويده للحين في فمها اجوان وعيونها مصدوومه من الجرائه : بس حبيت اقولك انك انتي قدري..

اجوان تحاول تدفه بقووه لكون اهو كان اقوى منهاا
فيصل وخر ايده من فمها .. اجوان : حقـــــــير
ووطت بكعب رجلها ع رجله وراحت ..
فيصل مسك رجله : ااهـ طيب بوريك يابنت العز انتي ماتدرين مين تلعبين معه .

***********************************
يــــــــــــــــــــتبــــــــع

10 - 9 - 2014, 06:58 AM

هذا حبيبي بس .. لا نفع لافود .. طلعت من حبك بسعر التكلفة
ماني بقايل لك عسى الله يهنيك .. الله يحرمك كل ماكان هناك
مو مشكله كذبّتك ياسيدي اليوم .. المشكله وشلون أصدقك بكره ؟
أنا بليت بحبكم من هبالي . . ولا انت ظلِ مالنا فيه مقيال
حسبي عليك إن كنت مغرور وأبديت .. مودتي والغدر .. يازين نيه
غضبت وما دريت ان الغضب ياصاحبي إنسان..وسيم

مثل سلّة سيف.. وقلبه أسود بالي

اجوان :صباح الخير
عبد العزيز : صباح النور نزلو الخدامات الشنط
اجوان : ايه
ام عبد العزيز : جوني شفتيلي سالم اذا ئأم او لأ
اجوان : ايوه شفته قايم .وين بنجلس هناك .
عبد العزيز : بناخذ شاليه
اجوان تتذكر الي صارلها البارح ..صدق انه حقير بس وش قصده هذي قدرك ؟؟!! يوه وانا ليه شاغله بالي فيه : ........
ام عبد العزيز تأشر بيدها ع وجه اجوان : شوو لوين رحتي
اجوان ببتسامه : لا ماكو شي
ام عبد العزيز : حبيبي عزوز ..
عبد العزيز : هلا ياقلب عزوز
ام عبد العزيز :لمتى تأبرني وانت ع ها الحال ..
عبد العزيز :وش فيه حالي .
ام عبد العزيز :ياحبيبي اليم تلك هلأ عندون اولاد وانتا ..>>قطع كلامها
عبدالعزيز : يمه كم مره قلتلك ها سيره لا تفتحينها ..
اجوان > عارفه شنوفي اخوها ..
رن الجوال :هلا اوكيه
عبد العزيز :يله مشينا
...........................

في الطـــيارهـ /// مدة الرحـله ساعه فقط ..

اجوان جنب عبدالعزيز وساميه جنب سالم
سالم حاط سمعات الايبود
ساميه تقراء مجله .
اجوان من ناحيه الشباك وتتأمل الغيوم .
عبد العزيز :يناظر البودي قارد الي جنبه وهو كل شوي يايدق ع زوجته يا تدق عليه <لانه توه متزوج
عبد العزيز يبتسم بسخريه :يا مسكين تلقاها ماخذه راحتها الحين وانت ياغافليلكم الله .
اعلن الكابتن عن وصول الطائره للرياض وطلب من الركاب ربط الاحزمه >طبعا الطياره خاصه
في المطـار ..
عبد العزيو دق عـ سلطان <<<سلطان رفض عرض عبدالعزيز انه يكون يسافر معه في الطياره ..
سلطاان : هلا عزوز
عبدالعزيز : متى توصل
سلطان :العصر ان شاءالله
عبدالعزيز:اجل شو فانا بتكفل في الشاليه
سلطان بأحرج: يابن الحلال ماله داعي اهلي مارح يجلسون في الشاليه لانهم بيروحون لعمي ع طول
عبد العزيز : زين اجل اذا انتهو من الزياره حنا عازمينهم ع الشاليه خليهم يجون بكرا خلاص عاد مالك حجه .
سلطان : صار
عبد العزيز :يله سلام
سلطان : فمان الله

^^^^^^^^^^^^^^^^

ريوف تركض : ماما ترا اخذت معي لبس السباحه مو تقول مافيه
ام رائد : والله ع حسب الجوو
رائد يدق ع بدر :هلا بدور شخبارك ؟
بدر : انا كم مره قلتلك لا تقولي بدور
رائد : مالت عليك هذا وانا ادلعك
بدر : مانبي تدليعك .
رائد بخبث : ليه من يدلعك غيري
بدر :هههه لا يكثر بس وقلي بتجي .
رائد :انا داق اسألك نفس السؤال هههههه
بدر :حريص الاخ ع الوناسه
رائد : ايه افاا عليك بس
بدر:تعال ترا انا جاجز شاليه بعيد شوي عن الحريم مجمع فيه العيال ..قل لحمدان وجاسر يجون
رائد : اوكيه ..
بدر : يله اشوفك
ثامر :قالك بيجي متعب
رائد يأشر بيده ع جواله : وهذا ليه مخترعينه دق عليه واسأله

*****************************

نهـــــــــــــــــــــــــــــــــــاية البارتي الثاني ....

توقعاااتـــكم !

10 - 9 - 2014, 07:00 AM

البـــــآآآرتـي الثالث
الجزء الاول //

في الشــــــــــــــــالــــيـه >>>>

ام بدر بصورت عالي : بدووور
بدر : انا كم مره قلت لحد يناديني بدور ..
ام بدر : اقول بس بلاهذره زايده ورح لمحل الحلويات جيب لنا خمس صحون
بدر : ااوف 5 ليه من عازمين عاد مافي ا لا خالتي
ام بدر : قل ماشاءالله انت ناسي انك عازم اخوياك
بدر: ولوو ثلاث يكفي
ام بدر :5 انا قلت ولاتكثر الكلام
بدر : طيب لا تعصبين الحين اروح
سمر :بدور لا تنسى تجيب الشبسات ومشروبات معك لزوم السهره
بدر لف عليها :حره مارح اجيب علشان مره ثانيه تقولي بدور < وطلع
سمر عصبت وجلست ع الاريكه المطله ع المسبح :يوووه يماااهـ شوي ولدك ..
ام بدر :انا مالي شغل فيه قومي عدلي كشتك لتجي خالتك تهج الحين اذا شافتها
سمر : تعرفين تنكتين
ام بدر :نعــــم وش قلتي
سمر خافت : هآآآه لالالا ماقلت شي < وانحاشت
(سمر كبر ريوف رجه وتحب الهبال والونااسه دايم شعرها مكدشته ولايق عليها لانها سمره وملامحها حلووووووه
الا انها دبدوبه حبتين )
ام بدر تدق ع بنتها :الوو هلا وينك تأخرتي
سحر :هلا يمه وصلت انا عند الباب
ام بدر سكرت السماعه يوم شافت بنتها داخله <<<
سحر تحط بنتها ع الكنب :ااهـ تعبت
ام بدر : بسمله عليك وش فيك
سحر :جننتن يليان طول الطريق تصيح
ام بدر : وش فيها
سحر :تبي ايسكريم ..و نايف رافض لان الجو اليوم هوى وخايف تتصخن
ام بدر تشيل ليان :حبيبت الماما تبين حلوو
ليان واثار الدموع ع خدودها الحمرى :أيه ابي
ام بدر بصوت عالي :ياتي جيبي الحلو من الثلاجه
ليان وبدت الابتسامه تشرق في شفايفها :....
ام بدر : واااهـ وفديتوو اناا
سحر : اقول يمه بدر وينه
ام بدر : راح يجيب حلا
سحر : زين <تفسخ العبايه وكانت لابسه فستان نااعم لونه سماوي قصير ..
ام بدر : ماشاءالله وش هزين ..
سحر استحت : هذا اختيار نايف
سمر من وراها : ياعيني
سحر :بسم الله سلمي اول
سمر تبوس اختها واهي حاطه روج احمر فاقع مع مكياج برونزي وطالع شكلها مع البروموده والتيشرت والتجعيد <مكسيكيه ...
سمر تضغط ع خد سحر علشان يطبع الروج ويخرب مكياجها <نذاله بس
سحر :ابعدي ياحمارهـ
سمر بعدت :ههههه مايمديك انطبع
سحر تاخذ مرايتها الي في الشنطه تناظر : بااايخه خربتيه
سمر :احسن <وتروح تشيل ليان
اهليييين بقلب خالتوو
ليان ومعها الحلو :ههههه انتي حلوهـ
سحر : توني ادري ان بنتي حولا
سمر : قولي طالعه ذوق زي خالتها
متعب : السلام عليكم << جلس ع الكنبه بعربجه
الكل وعليكم السلام <<<
متعب : شخبارك سحر
سحر :الحمدالله ...كيفك؟؟
متعب وهو يحط رجه فوق الثانيه بشكل معربج :والله الحمدالله ماشي الحال
متعب يناظر سمر :يا الخبله وش مسويه في وجهك
كنك رونالدنهوو <لعب في سيميلان
سحر :هههههههه تعرف تشبه
سمر ركضت للمرايه : مالت عليك كل ذا الحلا ... صدق انكـ <قطع كلامها وهو وراها وماسك شعرها بيده
متعب :اني ايش ؟؟!!
سمر بخوف : هآآه لا ماكنت اقول شي
(متعب مع انه اصغر من سمر الا انه اجبر منها واطول منها وعربجي بشكل يلبس ثوب والطاقيه ع جنب والشماغ في كتبه <)
متعب: ايه ع بالي بعد

^^^^^^^^^^^^

يتـــبع

10 - 9 - 2014, 07:02 AM

سلطان في الكوفي :شخبارك
عبد العزيز :الحمدالله بخير كيف امورك
سلطان : تمام
عبد العزيز :هآه متى الجيه للشاليه
سلطان : العصر ان شاءالله نكون عندكم
عبدالعزيز : ترا بتناموون
سلطان: صار
********
في الليــــــــــل <<<

الشـــــــاليه عباره عن بيوت جنب بعض والبيبان مرقم عليها >>>>
ام عبد العزيز : سالم حبيبي اطلع من البرسيم = المسبح لتبرود
سالم يطلع وتعطيه الشغاله الفوطه :.....
ام عبد العزيز: بدك عصير ..
سالم : يس ماما ...
اجوان :واو الجو الحين يجنن ..
(الجو هوى والسماء مليانه نجووم والقمر بدر )
ام عبد العزيز :أيه بيجنن .. الا صحيح بكرا عازم اخوكي ضيف .
اجوان : من ؟
ام عبدالعزيز :اهل صديقه سلطان
اجوان :آآها
اجوان : سالم بروح اتمشى تجي معي
سالم : لا بروح البس الحين
اجوان :.....<< اخذت الايبود حق سالم وراحت

فيه مساحه كبيره وراء وفيه عشب ....
عبد العزيز شافها لوحدها تتمشى :مرحبا
اجوان تلتفت للي جنبها :هلا عزوز
عبد العزيز يحط ايده في كتفها : وش عند القمر يتمشى لوحده..!
اجوان : ماكو شي الجو حلو ...
عبد العزيز يناظر السماء :اليوم بدر..
اجوان :.....
اجوان :ممكن سؤال ؟
عبد العزيز :تفضلي
اجوان تحط عينها في عينه :ليه تكرهـ جنس حواء ..
عبد العزيز يستوعب دقايق السؤال بعدين :هههههههه...
اجوان :خير فيه شي يضحك ..
عبد العزيز :بلاه وش ذا السؤال .من قال اني اكرهـ
اجوان : تصرفاتك ورفضك الارتباط
عبدالعزيز:مو معنى اني ارفض الزواج اكون اكره جنس حواء مهما كان حواء اختي وامي
<قطعت كلامه
اجوان :وزوجتك ..
عبد العزيز :لا تفتحين جروح خلاص انا غلطت وماابي اكرر غلطتي
اجوان :تسمي الفشل غلطه
عبدالعزيز :ماله داعي نفتح الماضي الحين حنا جايين نتونس سكري الموضوع .
اجوان احترمت قرارهـ خاص ان الوقت مو مناسب للمواضيع هذي :.
ام عبد العزيز بصوت عالى : عبد العزيز ...
عبد العزيز يروح عندها : هلا ..
ام عبد العزيز تمد جولها له :كلم هيدا ابوك بدو يتطمن
عبدالعزيز :ياحليله ابوي
*****************
في نفس المكـــان ......
لكن في شاليه اخر ......
سمر تصرخ وتضمها :هلاااااوغلاااااا ريــوف من زماان عنك ..
ريوف :هههههه سمور ابعدي شوي خنقتيني
سمر بعدت عنها واهي تسوي نفسها زعلانه :يعني مااشتقتيلي ؟
ريوف :بموووت من الشوووق
سمر تمس ايدها بجفاسه : اجل تعالي ...
سحر : حياالله خالتي شخبارك
ام رائد :الحمدالله بخير انتي كيف حالك ؟
سحر: الحمدالله تمام
البندري تجي تجلس جنب سحر :وش عندك محلوه اليوم انتي وذا السماوي
سحر وخدودها حمرت :هههههه من زمان وانا كيذا حلوه
البندري : مشكله الثقه احيانا
سحر:هههههههه هذا اختيار نايف
ام رائد : والله عنده ذوق
البندري :مو هين
سحر تمد الحلا لام رائد : تفضلي خالتي
ام رائد : زاد فضلك
ليان تنطط : ابي وحده ابي وحده
سحر :طيب شوي شوي لا تطيحين
ام رائد :ياحليلها كم صار عرها الفصعوونه
سحر :داخله 5 >صار عمرها 5سنوات
البندري :ياسرع الدنيا
سحر :والله دايم احس اني امس كان زواجي وشوفي الحين معي ليان عقبالك يارب
البندري :آمين ..
دخلت ام بدر واهي تحضرم ع نفسها :ااف يا شين العيال والغثى طفشني .
البندري تقوم تسلم ع خالتها :هلا خالتي وش فيك ؟
ام بدر :هلا بك عيوني مافيني شي بس ذا العيال يجيبون الشيب يازين البنيات
سحر +البندري >احــم
ام رائد:لا يكبر روسكن بس
البندري :هههههه
ام بدر: وين سمر وريوف
ام رائد:مدري تو كانو هينا وراحوو
سحر:يعني ماتعرفين بناتكم اذا تقابلوا ماينشافون الا اذا قلنا يله مشينا للبيت ..
البندري :عطيني الدله خلوني اصب
سحر :تسوين خير هذي الي برجلي مو مخليتني اتحرك >تقصد ليان
******************

سمر تعبت من كثر ماتدق ع بدر وهو سافها ويلعب بالوت مع الربع :ااف الله ياخذه بدروه مايرد علي
ريوف :خليني ادق ع رائد يمكن يحن علينا ويودينا
سمربنفاذ صبر :دقي عليه يله بسرعه
*************

رائد جالس بين بدر وجاسر دق جواله رفع الجوال :...
بدر :من ؟
رائد :ريوف مدري وش تبي .؟؟
بدر:اكيد داقه عليك علشاني مارديت ع سمر
رائد:هلا
ريوف تتميلح :اهليين كيفك ..؟؟
رائد :ماكني قبل شوي كنت عندكم وش تبين
ريوف خايفه يرفض :اممم رائد
رائد:يحوول ترا اقفل بسرعه تكلمي
ريوف :لالا اصبر .. ابي تودينا للسوبر باركت انا وسمر
رائد :ليش؟
ريوف:نبي نشتري اغراض
رائد :وشي الاغراض
سمر هينا طفشت منه وبحركه سريعه منها سحبت الجوال من ريوف :: الحين انت بتودينا ولا وشلون ...تحقيق اهوو ..
رائد يحاول يستوعب صوت مين وبعدين عرف انها سمر بس ماقدر يتكلم لان جنبه اخوها اضطر يقول :اوكيه جهزوا نفسكم دقايق وجاي
سمر:كفوو ولد خالتي
رائد يبتسم ع عربجتها :لاتتعودون عاد
سمر :اخر مره
رائد:يله سلام
سمر سكرت الجوال وبدت تنطط :ييييس وااافق
ريوف :وناااسه ياليتني معطيتك الجوال من زماان
عشان تكلمينه
سمر :اقول اخلصي خلينا نروح تستأذن من الحريم ونروح بسرعه
ريوف بحماس :يللله ...

نـــــــــــــهايه الجزء الاول من البارتي الثالث

10 - 9 - 2014, 07:06 AM

البارتي الثالث الجزء الثاني

عبد العزيز :بتروحين
ساميه لبسه العبايه :ايه بدي كم شغله من السوق مابتأخر سالم بدو يجي معي ...جوني بدك تجي معي
اجوان :لا ماما روحي انتي ..
عبدالعزيز روحي غيري جو معها
اجوان :لا عاجبني المكان مالي خلق اطلع للسوق ولويته
ساميه :براحتك يله باي
(ع فكره ساميه تحب الشوبتق بشكل جنوني )
عبدالعزيز يدق جواله :هلا بندر << ويقول يدخل دخل
اجوان يرن جوالها اخذته من الطاوله قضبت حواجبها :مين ..؟؟ رقم غريب مارح ارد
رجع الرقم دق <<اجوان اخاف وحدته من صديقاتي
اجوان ردت بس ماتكلمت :.......
المتصل :الوو
اجوان :هلا اختي
المتصل :شخبارك
اجوان :الحمدالله بخير بس مين معي ؟؟
المتصل :بنت خالة هيفاء
اجوان :آآآها هلا والله السموحه ماعرفتك
سيهام :لالا عادي ..بس عرفت انك موجوده في الرياض وقلت لازم اشوفك
اجوان :ياحياتي مشكوره بس ماراح اطول الجمعه بروح الشرقيه ..
سيهام :لالا مو شغلي تجين لازم اشوفك ..
اجوان :خلاص تعالي للشاليه
سيهام :اوكيه
اجوان :انتظرك بكرا العصر
سيهام :ونااسه بروح ادق ع هيووف واحرها
اجوان :ههههههه حرام عليك يادوباا
سيهام:يله بس سلاااام
اجوان :باي
عبدالعزيز :مين كنتي تكلمين ؟
اجوان عارفه ان اخوها ماصار يثق في العالم من بعد الي صارله ..
اجوان بضيق من تصرفه واهي تقول تروح عنه :صديقتي ... تبي اعطيك الرقم تتأكد
عبدالعزيز يمسك بيدها :وين رايحه ؟
اجوان :بغير ملابسي الجو بداء يبرد ..
كانت لبسه شورت ابيض مع تيشيرت ليموني ..وكاب ابيض ...
الشاليــه كبير مرهـ ,,,
فيه مساحه خضراء كبيره وفيها كرت السله ..
وبعدين فيه المسبح ع جنب كبير وفتحته مرسومه بشكل حلو قلبين جنب بعض ...
فيه 7 غرف ..
كل واحد ماخذله غرفه ...ديكور غرفة النوم خشبي والفرش لونها احمر ويختلف الفرش من غرفه لغرفه ..
وفي كل غرفه شباك كبير بدون حامي >حديد..

الغرفه الئيسيه طبعا لساميه ..

اجوان دخلت الغرفه وسكرت الباب وراها مشت ناحية الدولاب ...فتحت الدولاب....

فجــأه <<<<
تسكرت اللمبات ..اوعــم الظلام لكن لاتخلو الغرفه من ضوء القمر
اجوان سكرت الدولاب ..وراحت ناحيه مفاتيح اللبات ..
شوي الا تحس بأنفاس عند رقبتها ويد تمتد ناحيت خصرها بتملك ...
اجوان جت بتصرخ الا يحط يده في فمها ويمسك يدينها ويعكفها في ظهرها .... قيد حركتها
من الخووف تجمعت الدموع في عيونها بس مانزلت >>
فيصل يهمس عند اذنها :ابي اعرف نوع عطرك الي تحطينه ...جنني
اجوان تحاول تميز من صوته هذا : .....
فيصل يقرب من رقبتها بصوت زي الفحيح :آآآآآآهـ انتي كلك عـلى بعضك تجنني
اجوان بخوف من الي بيصير تحاول تتصرف بسرعه
///عضت يدهـ وسحبت نفسها منه بسرعه وبعدته وفتخت اللمبات علشان تعرف مين...
ماقدرت تطلع من الغرفه لانه عند الباب ...
اجوان بصدمه :فيـصـل
فيصل يبتسم :بشحمه ولحمه ...
اجوان باستحقار : انت وش جابك هينا ..
فيصل : الي جابك جابني ...
اجوان :ليه جاي لغرفتي الدنيا سايبه ...
فيصل :بس معي
اجوان :كيف دخلت
فيصل يقرب منها وماصار يفصل بينهم الا كم خطوه ويبتسم بخبث...:مو موضوعنا الحين
اجوان تبعد وتأشر با السبابه :اقول اطلع احسلك ..
ولا والله لاعلمك قدرك ..
فيصل :محدب يعلمك قدرك غيري يا بنت الاصول
اجوان بعصبيه :غصب عليك بنت اصول قاهم
فيصل :فاهمي اقمر
دقـــ دقـــ >>الباب
فيصل التفت بسرعه ناحيه الباب وهذا اليم احسب حسابه ان احد يدخل ويخرب عليه >>
اجوان تشكر ربها في نفسها بصوت عالي :ميـــن
الخدامه :بابا عبدالعزيز يقولـ بسرعه البسي انتا تأخر عليه
اجوان :اوكيه استني عند الباب ...
فيصل :خير وش ناويه تسوين ترا مو من مصلحتك ..
اجوان :اذا ماطلعت الحين لاخلي الخدامه تنادي عبدالعزيز واهو الي بيتفاهم معك ياحقير
فيصل :المره هذي بمشيها بس المره الجايه وين بتروحين مني ...
>>>بحركه سريعه من فيصل طبع بوسه في شفتها
اجوان كاردت فعل طررررررررررررق <<<كف ع وجهه
وعيونها كلها استحقار :حقـــير ..كيف تتجراء
فيصل صح الكف مو قوي بنسباله ..مسك زندها وقربها منه وصارت عيونهم قبال بعض ..
فيصل :تذكر هذي اللحظه لانك راح تندمين عليها ..>>وراحـــ
اجوان صدرها يرقى وينزل بشكل سريع <تتنفس بسرعه من الخوف تحس نفسها فحماانه <راكضه اميال
وحرارة جسمها مرتفعه وعطشااانه حيل ....
دقـ دقـــ >> الباب
اجوان تذكرت الخدامه انها عند الباب ليكون سمعت شي ...
راحت فتحت الباب ...
الخدامه استغربت شكل اجوان !!!
اجوان :سمعتي شي....
الخدامه زاد استغرابها :ايس فيه مادام انا مافي اسمع شي ..
اجوان: خلاص روحي جيبيلي موويه وقولي لعبدالعزيز شوي وجايه ..

نهايه البارتي الثالث الجزء الثاني ....

10 - 9 - 2014, 07:08 AM

البارتي الثالث الجزء الثاني

عبد العزيز :بتروحين
ساميه لبسه العبايه :ايه بدي كم شغله من السوق مابتأخر سالم بدو يجي معي ...جوني بدك تجي معي
اجوان :لا ماما روحي انتي ..
عبدالعزيز روحي غيري جو معها
اجوان :لا عاجبني المكان مالي خلق اطلع للسوق ولويته
ساميه :براحتك يله باي
(ع فكره ساميه تحب الشوبتق بشكل جنوني )
عبدالعزيز يدق جواله :هلا بندر << ويقول يدخل دخل
اجوان يرن جوالها اخذته من الطاوله قضبت حواجبها :مين ..؟؟ رقم غريب مارح ارد
رجع الرقم دق <<اجوان اخاف وحدته من صديقاتي
اجوان ردت بس ماتكلمت :.......
المتصل :الوو
اجوان :هلا اختي
المتصل :شخبارك
اجوان :الحمدالله بخير بس مين معي ؟؟
المتصل :بنت خالة هيفاء
اجوان :آآآها هلا والله السموحه ماعرفتك
سيهام :لالا عادي ..بس عرفت انك موجوده في الرياض وقلت لازم اشوفك
اجوان :ياحياتي مشكوره بس ماراح اطول الجمعه بروح الشرقيه ..
سيهام :لالا مو شغلي تجين لازم اشوفك ..
اجوان :خلاص تعالي للشاليه
سيهام :اوكيه
اجوان :انتظرك بكرا العصر
سيهام :ونااسه بروح ادق ع هيووف واحرها
اجوان :ههههههه حرام عليك يادوباا
سيهام:يله بس سلاااام
اجوان :باي
عبدالعزيز :مين كنتي تكلمين ؟
اجوان عارفه ان اخوها ماصار يثق في العالم من بعد الي صارله ..
اجوان بضيق من تصرفه واهي تقول تروح عنه :صديقتي ... تبي اعطيك الرقم تتأكد
عبدالعزيز يمسك بيدها :وين رايحه ؟
اجوان :بغير ملابسي الجو بداء يبرد ..
كانت لبسه شورت ابيض مع تيشيرت ليموني ..وكاب ابيض ...
الشاليــه كبير مرهـ ,,,
فيه مساحه خضراء كبيره وفيها كرت السله ..
وبعدين فيه المسبح ع جنب كبير وفتحته مرسومه بشكل حلو قلبين جنب بعض ...
فيه 7 غرف ..
كل واحد ماخذله غرفه ...ديكور غرفة النوم خشبي والفرش لونها احمر ويختلف الفرش من غرفه لغرفه ..
وفي كل غرفه شباك كبير بدون حامي >حديد..

الغرفه الئيسيه طبعا لساميه ..

اجوان دخلت الغرفه وسكرت الباب وراها مشت ناحية الدولاب ...فتحت الدولاب....

فجــأه <<<<
تسكرت اللمبات ..اوعــم الظلام لكن لاتخلو الغرفه من ضوء القمر
اجوان سكرت الدولاب ..وراحت ناحيه مفاتيح اللبات ..
شوي الا تحس بأنفاس عند رقبتها ويد تمتد ناحيت خصرها بتملك ...
اجوان جت بتصرخ الا يحط يده في فمها ويمسك يدينها ويعكفها في ظهرها .... قيد حركتها
من الخووف تجمعت الدموع في عيونها بس مانزلت >>
فيصل يهمس عند اذنها :ابي اعرف نوع عطرك الي تحطينه ...جنني
اجوان تحاول تميز من صوته هذا : .....
فيصل يقرب من رقبتها بصوت زي الفحيح :آآآآآآهـ انتي كلك عـلى بعضك تجنني
اجوان بخوف من الي بيصير تحاول تتصرف بسرعه
///عضت يدهـ وسحبت نفسها منه بسرعه وبعدته وفتخت اللمبات علشان تعرف مين...
ماقدرت تطلع من الغرفه لانه عند الباب ...
اجوان بصدمه :فيـصـل
فيصل يبتسم :بشحمه ولحمه ...
اجوان باستحقار : انت وش جابك هينا ..
فيصل : الي جابك جابني ...
اجوان :ليه جاي لغرفتي الدنيا سايبه ...
فيصل :بس معي
اجوان :كيف دخلت
فيصل يقرب منها وماصار يفصل بينهم الا كم خطوه ويبتسم بخبث...:مو موضوعنا الحين
اجوان تبعد وتأشر با السبابه :اقول اطلع احسلك ..
ولا والله لاعلمك قدرك ..
فيصل :محدب يعلمك قدرك غيري يا بنت الاصول
اجوان بعصبيه :غصب عليك بنت اصول قاهم
فيصل :فاهمي اقمر
دقـــ دقـــ >>الباب
فيصل التفت بسرعه ناحيه الباب وهذا اليم احسب حسابه ان احد يدخل ويخرب عليه >>
اجوان تشكر ربها في نفسها بصوت عالي :ميـــن
الخدامه :بابا عبدالعزيز يقولـ بسرعه البسي انتا تأخر عليه
اجوان :اوكيه استني عند الباب ...
فيصل :خير وش ناويه تسوين ترا مو من مصلحتك ..
اجوان :اذا ماطلعت الحين لاخلي الخدامه تنادي عبدالعزيز واهو الي بيتفاهم معك ياحقير
فيصل :المره هذي بمشيها بس المره الجايه وين بتروحين مني ...
>>>بحركه سريعه من فيصل طبع بوسه في شفتها
اجوان كاردت فعل طررررررررررررق <<<كف ع وجهه
وعيونها كلها استحقار :حقـــير ..كيف تتجراء
فيصل صح الكف مو قوي بنسباله ..مسك زندها وقربها منه وصارت عيونهم قبال بعض ..
فيصل :تذكر هذي اللحظه لانك راح تندمين عليها ..>>وراحـــ
اجوان صدرها يرقى وينزل بشكل سريع <تتنفس بسرعه من الخوف تحس نفسها فحماانه <راكضه اميال
وحرارة جسمها مرتفعه وعطشااانه حيل ....
دقـ دقـــ >> الباب
اجوان تذكرت الخدامه انها عند الباب ليكون سمعت شي ...
راحت فتحت الباب ...
الخدامه استغربت شكل اجوان !!!
اجوان :سمعتي شي....
الخدامه زاد استغرابها :ايس فيه مادام انا مافي اسمع شي ..
اجوان: خلاص روحي جيبيلي موويه وقولي لعبدالعزيز شوي وجايه ..

نهايه البارتي الثالث الجزء الثاني ....

10 - 9 - 2014, 07:12 AM

البارتي الرابع
الجزء الاول ///

سمر ماسكه يد ريوف وسحبتها وركض عند الحريم ..

سمر بصوت ترجي :يمااهـ خالتي ..ممكن نروح مع رائد للسوبرماركت ..
ام رائد :وش عندكم هناك .
ريوف :بنشتري اغراض السهره
ام بدر:ايه صح اليوم بدر معاند سمر ورفض يجيبلها الي تبيه
سمر :هاهـ نروح
ام رائد :لاتتأخرون ..
ام بدر :انتبو ع انفسكم ..
سمر اريوف <<رقض ع باب الشارع
لقوا السياره مشغله <<
ركبت اريوف +سمر <وراى علشان يسولفون ع راحتهم
جاء رائد ركب بعدين التفت :وحده تجي قدام مو سواق عند ابوكم انا ..
سمرتقبص ريوف وتهمس لها :روحي اركبي قدام ليهون الحين
ريوف :أأأي طيب <نزلت وركبت قدام
رائد :فيه سوبر ماركت قريب من هينا ..
ريوف :مو مشكله
سمر:لا نبي بندهـ
رائد يناظرها من الشباك :انتي مايطلع لسانك الا للاوامر بس !!
سمر انـــحرجت في نفسها ااف ياليتني ماتكلمت ...
>>>>وصلو لبندهـ بعد ساعه ونص لان كان الطريق زحمه ...
نزلت سمر وبعدين اريوف <<ومشوا ع طول ..
رائد بصوت عالي:خير خير ماكن في احد معاكم ...
ريوف لفت عليه :هاااااهـ
رائد :استنوا لما احط السياره في الموقف .. >وراحـ
سمر:اف اخوك ذا ياكثر شغالاته ..
ريوف :لايكثر وش قال عاد...ع الاقل احسن من اخوك العنيد ..
سمر بضحك وصوت شوي عالي :عنيد ولا الرهيب >اسماء جولات
من وراها شاب :ياقدمكـ الحيـن الناس طايجين في بلاك بيري << ومشى
سمر طــاح وجهها //
ريوف :هههههههههااي <<في لحظه هذي جاء رائد ...
رائد : يـله ندخل ...>>ومشوا وراهـ

***************
اجوان لبست اقرب شي قدامها بسرعه واخذت جاكيت وطلعت لخوها برا<<<
عبدالعزيز :تأخرتي..كل هذا لبس!!
اجوان مرتبكه :هاآآ ايه لا بس كنت في الحمام
عبدالعزيز :اجوان فيك شي .
اجوان :لا وش يكون فيني مثلا ابد سلامتك
اجوان (مستحيل اقولك يا عبدالعزيز اعرف انت ماتثق في الحريم اخاف لوقلتلك الي صار ماتصدقني وتكذبني وتبداء بسين وجين وكيف عرفته يوووه وادخل في متاهات معك مالها اول من تالي لازم اشوف حل بنفسي اخلص من ذا الحقير بدون ماتعرف .. حسبي الله ع الي كان السبب )....
عبدالعزيز يأشر بيده ع وجه اجوان :ياهووهـ نحن هونا الي اخذ عقلك يتهنى فيه ..
اجوان :هـلا معك ليه قلت شي ..
عبدالعزيز:لا اليوم انتي فاصله
اجوان تحاول تصرف :احس اني جوعانه ... منت جوعان ؟؟!!
عبدالعزيز : توني طالب دلفري ... شوي ويجون ..
اجوان :مادقت امي ..
عبدالعزيز :لا مادقت ..هي قالت مارح تطول..
الا ع فكرهـ دق سلطان علي وقال بيجي اهو واهله العصر الله با الاستقبال السنع ..
اجوان :هههههههه اهم جايين يتونسون ولا يخطبون
عبدالعزيز :ياليت صراحه سلطان رجال والنعم فيه ..
اجوان :لاتقلب السالف جد ترا كنت امزح ..
عبدالعزيز :بس حبيت اقولك

************
ريوف معها كيسه كبيره كلها حلويات وشوكلت<<
وسمر معها كيسه كبيره كلها شبسات من كل الانواع<<
رائد شيل كيسه كلها مشروباات <<<
رائد يدخل الاغراض معهم للشاليه :حشى كل هذا بتكلونه
ريوف :قل ماشاءالله بس
رائد : ماشاءالله لا تخافين عيني بااردهـ
رائد يدق جواله:هلا جاسر ..
جاسر :ياخي وينك تأخرت ..
رائد :يله جيت افتحلي الباب .
عند المسبح مطفين الانوار ومغطسين رجولهم وجالسين يسولفون ///
سحر :تخيلي قهرتني اوريها فستاني تروح تخيط زيه ..
واتفاجأ في الزوج انها لبسته ..
البندري :طنشيها ذا الاشكال بس تبي تحركـ ..
سحر :ااف دايم تسوي حركات تبي تنرفزني .. بس احترام لنايف مااسويلها شي واسكت ..
البندري :انا مدري اخته مين طالعه عليه ماتتعاشركيذا
سحر:احمدربي اني ماسكنت عندهم ولا كان علوم ..
البندري :.......
سحر:كيف الجامعه ؟؟
البندري :الحمدالله ماشي حالها .
ريوف تمد يدها لهم :خوذو وادعلولي <<معطتهم ايسكريم جلكسي ..
سحر :وااهـ يالبا قلبك ..شكرا
ريوف ابتسمت :عفوان ..لا تخلصون السوالف كلها ترا وراكم بكرا ...
البندري :ههههه يا ملغك ..
ريوف << راحت
وكملووو السهره ضحك واستهبال <<<< البــارتي الربع

الجزء الثاني ///

=============== شــروق الشـمـس ===========

في كل نهار تطل علينا الشمس بازغة مضيئة تملاء الكون نورا وإشراقا ,
ميلاد يوم جديد مع حياة جديده نودع الأمس ونقبل بايوم وغد بأمل في لقاء شروقها
تستيقظ الأرض وما عليها .,,
كأنها تنفض عن غبارها ...
كيف ولا وهى تشرق نورا بل تكاد عيني أن لا تخفا من جمالها ..
الشروق معنى للأمل والصفاء والتواضع أمام كبر الحياة وعظمتها وعظمة خالقها تمدنا بدفئها وحنانها بأشعة ذهبيه ...
فهل هو شروق الشمس ....

خرجت من غرفتها لتشاهد شروق الشمس
الــكل نايم في هذا الوقت ...
حتى الخدامات مايقومون الا الساعه6:00
ريوف تناظر في الي نايمه جنبها تقول في نفسها
:ااف منك سمور يادوياا يعني ماتقدرين تصبري شوي لحقه ع النوم//
قامت شافت نفسها في المرايه <كانت لبسه برموده جينز وبلوزه توب سوداء عليها رسمه في الوسط ميكي ماوس <اخذت نظارتها الشمسيه <وطلعت ...

*********************
في نفس الوقت عبد العزيز توه واصل للشاليه
كان في السياره ....يرتب الاوراق الي معه ..
دق تلفونه حط الاوراق في السياره ودخل الشاليه //
**************
ريوف تتمشى عـ الزرع (الثيل ) وعـ شفاتها احـلا ابتسامه ....

فتحت باب الشارع تويق (تطل ) فضول لا اكثر ولا اقل ...
ريوف شافت بسه(قطوه ) واقفه قدامها تبعد عنها كم خطوه كان شكل البسه مره يجذب عليها فرو كثيف ونااعم وصغنوونه وعليها فيونكه عـ رقبتها :ينااااس تدنن ... (تأشرلها )بس يبسي تعالي هينا >>ريوف مندمجه عـ الاخر مع البسه ...
ريوف :شكلها ضايعه ...(ريوف تتلفت يمين وشمال تشوف اذا فيه احد اولا )
جذبها منظرها وهي تتدلع امامها وتناوي //
ريوف في نفسها :مافيه احد خليني اروع اخذها شكلها مو ناويه تجي !!
استجمعت شجاعتها وطلعت بسرعه اول ماوصلت للبسه ..
حملتها بين ذراعيها ....

في اللحظه هذي ///
وصلت سيارهـ مسرعه عــ الاخر وصوت الاغااني ملئ المكان ....
ريوف خافت ورجعت عـ ورا خطوتين يوم شفت السياره تعدتها ...
ارتاحت ....
جت بتمشي الا السياره رجعت ع ورا ايضاء بشكل سريع //
الشاب الاول يطل مع الشباك السياره ::ااف اسفيين ..ياالعسل ماشفناك ..
ريوف كان وجهها محمر وعيونها تجمعت الدموع فيها
وتاشر براسها بمعني لالا ابعدو // ويدها ترتجف لان البسه تهتز معها ...
الشاب الثاني : يالبيــه عــ الي يستحوون ... اروح مندي انا عـ شارع القريات
الشاب الاول :تعالي خلينا نكمل السهره مع بعض
ريوف في نفسها ياربي ساعدني ..انا وش طلعني ذا الوقت ..(وقالت كل الادعيه الي حفظتها ...)
الشاب الثاني :استح عـ وجهك وانزل ركبها هذي برنسيسه لازم نفتحلها الباب ...>>
الشاب الاول نزل لها ..وعليه ابتسامه خبيثه ///
ريوف ماتحملت تتخليل الي ناوين يسونها فيها
اول ماقرب منها الشاب صرخت بوجهه .وركضت
الشاب فز مو مستوعب الحركه وقف يناظرها لوين بتروح
الشاب الثاني :هههههه شكلك وانت مروع تحفه
ريوف تركض بلا هدف اهم شي انها تبعد عنها البسه من كانت متمسكه في ريوف
دخلت الشاليه وصكت الباب وراها وتسندت على الباب
ناخذ انفاسها الي ارهقها الركض ..
عبد العزيز نسى اوراقه في السياره ...
اول ماوقف عـ باب الداخلي للشاليه ..
استغرب من شكل البنت الي واقفه ومعها بسه وتتنفس بقوه وكانها هربانه من احد ماقدر يركز بملانحها لبعدها عنه :

بس مين هذي !!!
ريوف شافت الشاب من بعيد يقرب منها قضبت حواجبها / في نفسها:مين هذا ليكون واحد من العيال جاي ياخذ فطور
بس شكله غريب اول مره اشوفه ..
بعدين تذكت ان رائد عازم اخوياه "يمكن هذا واحد منهم طيب وش جابه هينا ...
يوم شافت ان الشاب بدا يقرب اكثر لها ..
ركضت للساحه الخلفيه للشاليه ..::........
عبد العزيز زااااد استغرابه :!!!!!!!!!!!!!!!!!؟؟؟؟؟؟
كاردت فعل منه راح ركض وراها يبي يشوف مين هذي ....ووين بتروح ومن تبي تشوف او تقابل من اهله لانهم كلهم في الوقت هذا نايمين!!
ريوف تلتفت واهي تركض وتشوفه وراها ::
يمااامي هذا للحين يلحقني والله مااخليه للاعلم عليه رائد الوسخ وش يبي مني ..
وصلت الي مكان مسدود ....وقفت ركض ...
وعبد العزيز وقف وبدا يمشي بخطوات واثقه لها ...

///لحظـــة هـــــــدوووء/////

اول ماوقف قبالها والتقت عيونهم مع بعض عيونه مليانه مشاعر متضاربه استغراب مع اعجاب مع عطف عـ حالها الغريب اما عيونها كلها خوف وتعب وارهاق لكن لا تخلو من البريق تجمدت اطرافه وحس بقشعريره ...

ريوف اخذت حجر مرمي جنبها ومسكته بيدها ..
وشكلها مرره ينرحم كانها طفله تدافع عن لعبتها ...
من طريقه مسكتها للحجر...
عبد العزيز يناظرها (ياالله ايش البرائه هذي شكلها مادخلت العشرين )يحاول يطمنها :لا تخافي انا بس حبيت اقولك انك غلطانه ..
ريوف مافهمت :غلطانه !!
عبد العزيز يحاول يبعد عنه الافكار الي بدت تتسلل في مخه غض البصر عنها شوي وهو مو قادر يصد عنها اكثر من كيذا :ايه مو هذا شاليهك
ريوف وبدت الدموع تاخذ مجراها في خدها الناعم
من الاهاق الي تحسه من امس مانامت وسهرانه والمجهود الي بذلته رخت رجلينها وجلست ع الارض ..

:...لـلا لـلا ..انـا ضعت !
عبد العزيز رحمها :ماصار شي لاتخافين انتي بس عطيني رقم الشاليه وانا اوصلك
ريوف بعدم ثقه وش ضمني انه بيوديني لشاليهنا :هــااه
عبدالعزيز حس انها مو واثقه منه :مارح اسوي فيك شي لا تخافي ...
ريوف مالك الا هوو هذا هو الحل:تيب
عبدالعزيز مسك جواله ودق عـ الخدامه : علشان تكوني واثقه اكثر..
عبدالعزيز :تعالي بسرعه ..
ريوف مافهمت وش قاعد يسوي بس الي قالته لنفسها ياليت الارض وتبلعني ولا يصير لي هذا ....وبدت تبكي .....
عبدالعزيز سمع شهقاتها ...:: .......
عبدالعزيز مو عارف كيف يطمنها بس فضل الانتظار وهو ودهـ يخليها مرتــاحه ومايبي يشوف دموعها ..تنزل وهو مو قادر يسكتها ...
رئيسة الخدم المصريه :نعم يابيه ..عايز حاقه ..
عبدالعزيز التفت عليها :ايوه روحي للبنت الي هناك وشوفي كم رقم الشاليه حقها ووصليها له ...
<راحت لها
كانت ريوف تسمع الكلام الي يدوم بينهم ...
كانت ملتمه عـ نفسها ... تنتظر مصيرها الي با النسبه لها مشئووم !

الخادمه رحمت شكلها ...قربت منها تحاول تطمنها :اسمك ايه ..
ريوف !!!!:وانتي وش دخلت وش اسمي
عبدالعزيز ابتسم هذي وش فهمها انا اقولها اساليها كم رقم الشاليه مو اسمها ياحبها للقافه ..
الخدامه تفشلت تبتسم : طيب قومي معي اوصلك
ريوف قامت وهي خايفه مع ان شكل الخدامه يطمن بس لابد الخوف من اشخاص غريبين عنها :...
عبدالعزيز ارتاح يوم شافها تستجيب للخادمه....
الخدمه تمسكها من خصرها : حبيبتي هوو كم رقم شاليه؟
ريوف واهي تحاول تتذكر: اممم 11
الخدامه :دا اريب اوي مايحتقشي سياره
عبدالعزيز شكها لخبطت في الارقام ...
(شاليه عبدالعزيز رقمه 10 , )
اخذتها ووصلتها لشاليه ....
اول مادخلت ريوف :شكرا ..
الخدامه ببتسامه :ياحببتي نحن في الخدمه .. انتبهي بائه لما تطلعي ...(انتبهي لما تطلعي )
علطووول ... راحت الغرفه >>> وشافت سمر في سابع نومه قالت في نفسها لو تدرين وش صارلي يا سمور ...
حطت راسها في المخده بارهاااق ونااااامة ::........

*****************
نهـــــــــــــاية البارتي الرابع ...

^^

10 - 9 - 2014, 07:14 AM

البارتــــــي الخـــــــامس ///

الجزء الاول///

الســاعه 10 ص ...

ام بدر :تبين اصبلك حليب ..
ام رائد :ايه الله يعافيك ..
البندري تدهن التوست با الزبده :ليوونه حبي تبي اسويلك
ليان جنب سحر:لأ ماما تسويلي ..
البندري :مالت عليك وين تحصلين البندري بكبرها تسويلك ..
ليان حطت راسها في حضت امها :.........
سحر:قربيلي الجبن ..
البندري تمده لها ..
ام رائد :وين سمر و ريوف ماصحو للحين !
ام بدر:ياحليلك ياوخيتي الكل نام الا هم كل الليل ضحك وسوالف ..
ام رائد:كـم الساعه الحين ..
سحر تشوف الساعه الي بيدها :اممم 10 وربع ..
ام رائد :قولي للخدامه تصحيهم من النوم ...
ام بدر :ارتاحي ارسلت الخدامه الحين يصحون ..
******

عنـــــــد الاولاد//

حمدان صحى من بدري ,,,
حمدان يدخل عـ العيال يصحيهم ..
كل اثنين في غرفه ....
دخل عـ جاسر ورائد ...
فتح الستاير وقفل التكيف ...وسحب المفرش وطلع ...
جاسر فاتح نص عين ويناظر في الباب المفتوح :ااهـ لو اعرف من الي امه داعيه عليه مصحيني كيذا
رائد يتمغط :بلا تهديد وقوم الساعه الحين 10 ونص ..
جاسر طنشه وحط المخده عـ راسه وكمل نووم ...
رائد قام ودخل الحمام .. ولبس تيشيرت وبنطلون جينز .بعدين
رائد دق عـ امه علشان يرسلون الفطور لهم ...
حمدان دخل عـ غرفة ..
متعب وثامر <
بس لقاهم قايمين !!
حمدان : وين وراحو ذولي ؟؟
دخل غرفة /
بــدر ...مع صديقه تركي ..
وسوى نفس الحركه الي سواها عند جاسر وبدر لكن لما جاء يطلع جته المخده طايره صقعت في راسه
حمدان التفت :وجع خير احمدوو ربكم اني بنفسي جاي اقومكم .. صدق موكفوو
بدر:اقول سكر الباب لتجيك الثانيه ..
تركي صحى :صباح الخير ..ماشاءالله عليكم من متى صاحي ..
حمدان : صباح النور ...يااخي خلي خويك يعطيك شوي من ذوقه ..(موجه الكلام لبدر) من 9 ونص ..يله انتظركم برا <طلع
بدر:يووه طار النوم ..
تركي يبتسم :..ليه ليكون ناوي تكمل يابووو يله قوووم <<سحب المخده منه ودخل الحمام بسرعه لتجيه ضربه من بدر ...

**********
ام رائد :تعال مافيه احد .. غريب ادخل ...
سحر تغطت با الجلال
رائد :صباح الخير ..
ام بدر :صباح النور ها شخبار سهرتكم البارح عساكم استانستوو ..
رائد : الحمدالله تمام .. مانقصنا الا انتي ..
ام بد تستهبل عليه : هوو يا وليدي كان دقيت علي ..
رائد :شفت انك مندمجه مع امي قلت اخليها بوقت ثاني .
ام بدر: لالا وييه طفشت من امك وحكيها ابي اتشبب شوي
سحر :هههه ماشاءالله عليكم وانتي الحين عجوز .. توك .
ام رائد :عاد من زين جلستك انتي وحكيك احمدي ربك متحملتك ..
ام بدر :وش نسوي يا وخيتي الاخت لازم تتحمل اختها اذا مااتحملك ولا تتحمليني من يتحملنا !!
البندري :: ههههههههه محد ..
ام بدر وام رائد : وجع لا تصدقين ترا نمزح .. معكم ..
رائد:لا عااد انا بصدق هبالكم ههههههههه
رائد : ثامر ومتعب وينهم ..
ام بدر : صحو من بدري وافطرو وطلعوا
ام رائد : ماقالولك وين ؟
ام بدر :لا ..
رائد : خلاص ادق عليهم اشوفهم وين ..
دخلت في الحظه هذي سمر ماغسلت وجهها وواضح عليها علامات النووم وكشتها طايره وتغمص عيونها
سمر :يووه يماااهـ ليه صحيتيني بدري حرررام ابي انام.... ماشبعت <<وراحت لمها وانسدحت في حجرها ونااااامت ...
ام بدر تأشرلهم انهم لا يضحكون :طيب ياحبيبتي ناامي ..
رائد مو مستوعب عـ طول قام وطلع :........
البندري بهمس واهي شوي وبتضحك :حرام عليكم ياخاله بموت من الضحك انتي مو شايفه شكل رائد تخرع المسكين وطلع ..
سحر ماقدرت تمسك نفسها :هههههههههههههآآآآآي
سمر فوت من النوم ع الضحكه العاليه : وجعووه محد قالك ضحكتك عاليه زيااده عن اللزم فقعتي اذني ماتشوفين اني ناايمه !
البندري :هههههههه اول مره اشوف وحده نايمه تتكلام
سمر :هـ هـ هـ خلاص اسكتي
البندري : هههههه والله انك مسخره ..
ليان قامت من حجر امها وراحت عند سمر : حاله تمر تو كان فيه رئد شافس وانتي هينا (خاله تو كان فيه رائد شافك وانتي هينا )
سمر مو مستوعبه :نــعم >وتوجه الكلام لسحر<هيييه انتي وش تقول بنتك ...ماني ناقصده هبل ..عـ ذا الصبح ..
سحر :ماقالت شي رائد كان هينا وتخرع المسكين وطلع ..
سمر نقزت من مكانها ووقفت :رائــــــــــــــــــد ...
صار وجهها احمر من الفشيله : متى انا ماشفته ..
ام بدر :هههههههه انتي كنتي صاحيه اصلا علشان تشوفينه ....
ام رائد:لا تهبلون با البنت ماعليك منهم روحي يا حبيبتي بدلي البيجامه وتعالي افطري ..
سمر تناظر البيجامه الخضراء وعليها رسمه كرتونيه ..
سمر استحت وطلعت برا عـ طول ...
البندري:هههههههه والله مو لايق عليها الحيا.
ام بد :لا يغرك عربجتها ترا بنتي كلها انوثه ...

دخلت الغرفه وسحبت الغطى من ريوف بصوت عالي :ريووووووووووووووف الحقي علي
ريوف قامت مفزوعه :بسم الله ....وش فيك ؟؟
سمر :اخوك شافني كيذا ..
ريوف :أي واحد فيهم ..
سمر واهي تجلس ع السرير : واااي فشللللله ... رائد
ريوف تشوف شكلها وكشتها وتخيلت الموقف :ههههههههههههههههههههههههههههههه
سمر تناظرها : ياحمااره تضحكي علي
سمر قامت عـ ريوف تقبيص وضرب با المخدات

**********
ام رائد تدق ع رائد :تعال خذ الفطور.
رائد :ان شاالله .
اخذ الفطور من المطبخ ورح للشباب <<<
بدر :بدري يابوو كان تأخرت شوي
رائد : اقول احمدربك ان جايبه
حمدان : تاخرت علينا
رائد :وش اسوي ماسلمت ع خالتي امس ودخلت اسلم عليها ..
جاسر توه طالع من الحمام : الطيب جيت زين في الوقت المناسب .. مماعليك منهم وصبلي الشاهي ..
رائد : اقرب .. هذولي مو وجه نعمه ..
تركي : اقول بس صبولي ولا يكثر انت وياه
جلسوا الشباب يفطرون ,,,

نهايه الجزء الاول من البارتي الخامس

المواضيع المتشابهه لموضوع: روايه خاني وذليته للكاتبة مشاعل الراشد لموضوع: روايه خاني وذليته للكاتبة مشاعل الراشد
الموضوع	كاتب الموضوع	المنتدى	مشاركات	آخر مشاركة
عزاي إنك رجاي العذب لو كل الدروب عثور للكاتبة اديم الراشد	همسه الشوق	همس للقصص وحكايات وروايات	85	19 - 2 - 2022 08:50 PM
عيونك شوكة في القلب توجعني و عبرها للكاتبة ديم الراشد مكتملة	همسه الشوق	همس للقصص وحكايات وروايات	150	21 - 1 - 2022 05:24 PM
وظائف بشركة الراشد عبد الرحمن الراشد إدارية لحملة الدبلوم و فوق بعسير	همسه الشوق	همس للوظائف في جميع القطاعات	2	20 - 10 - 2021 05:06 PM
روايه روحي لك وحدك للكاتبه ريم الحجر روايه رائعه لا تفوتكم	جروح الم	همس للقصص وحكايات وروايات	81	8 - 6 - 2018 01:02 PM
رواية مشاعل	الحب ياسمين	همس للقصص وحكايات وروايات	8	12 - 6 - 2013 01:25 PM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

روايه خاني وذليته للكاتبة مشاعل الراشد

همس للقصص وحكايات وروايات