رواية العابث ال خير في هذا الزمان

البارت 36


رائد راسه ع الدركسون ويده اليسار ماسكه شعره وهو يهدي نفسه اما اليمين يضرب ريتان فيها
بلا عقل : هبله ماتفكرين الخطأ مو منك مني انا حاطك معي قدام من زين وجهك والا ماتستاهلين الا احطك في الشنطه
واقفل عليك
ريتان بلا احساس ولا ضمير ارتفع صوت ضحكتها : احسن تستاهل شفت ! لو ماعدلت جوك المقرف ذا ترى انجن وهذا انا علمتك
شغل السياره وحرك وهو يشغل المكيف ويرمي السيجاره من الشباك
بعد ماتركت اثر حرق ع ثوبـه تكلم بهدوء فيه نوع من الوعيد والتهديد : شوفي ي بنت الناس ترى انا لصبري حدود مو يعني ان الانسان اذا طنش وتغاضى وكان بارد يعني انه مافيه خير وتقدرين تكسرين راسه ! لا ترى لو انفجر يحرقك ويحرق اللي خلفوك فـ انتبهي
ريتان بتعجب : بسألك عن شيء تعرف اسمي !
التفت لها بسرعه وهو زي المقروص
ريتان بسخريه : مزعجني يابنت الناس
يا بنت الناس طلع مايعرف اسمي
رائد ابتسم : ريتـان
ريتان بخبث : شايف كيف ! تحت امري حتى اقولك وش اسمي سؤال غبي وتجاوب
رائد تنهد وهو يحس انه بينفجر ويكفخها بالخلا الخالي ما احد درى
عنها
ريتان ضحكت بنصر وهي تشوف وجهه يتلون بالحمره دليل الغضب
ريتان ببحه ودلع : ابي عصير
رائد : مافيه
ريتان بأنفعال : ما افطرت ولا تغدينا ترى
رائد بخبث : قولي ياتاج راسي ي رائد ابي كذا وكذا اختاري طلبك وانفذ
ريتان بحده : كل تبن مابي منك شيء
رائد ضحك : صعبه لهدرجه !
ريتان بنص عين : اسكت عني
رائد : شوفي
سكت وهو يسمع رنين جواله
'
اخرجه ورد : هلا ..
لا .... متى ! ..... اما عاد ! ،....
طيب طيب إن شاء الله بعد العشاء
اكون عندكم ... يلا في امان الله
قفل وتنهد : اعوذ بالله منك ي ابليس
ريتان ببطء وهي تختبر صمته وصدقه من كذبه : هذا رامز !
رائد بلا انتباه : لا
سكت لثواني ووعى لـ سؤالها تكلم بسرعه يعدل الوضع : رامز الله يرحمه لا تنبشين في شيء صار وانتهى
ريتان سكتت تعرف الشخص من كلامه وتناقضاته ورائد مايعرف يكذب عيونه ترجف العدسات فيها اذا تكلم
عن رامز يعني انه كذاب .
ريتان في نفسها : انا اللي
بكشف الصدق من الكذب
وبعدها مارح التفت لا لك ولا لأخوك وتتمنى ي رائد لو عُمر قتل رامز
ولا صار اللي في باللي
ابتسمت ببطء ماصار يهمها شيء زي مافرقوا بينها وبين ابوها
بعدين بينها وبين اهلها
يتحملوا اللي يجيهم .

..

الثانيه والنصف ..
يجلس معها على طاوله انيقه في مطعم راقي الشباك يطل على الشارع
ينظر معه وهو متوتر للغايه
اعلن انسلاخه عن الاشياء التي تربى عليها مقابل ان يتلاشى الحزن من عينيها وكانت عينيها حياه
نعم ! ختام اجمل بكثير عندما تبتسم في البدايه ظننت انها ممن تريد ان توقع بي وتفتعل المشاكل لي فقط لكن صُدمت اليوم بما علِمت عنها
بكت ورفضت الذهاب للمول لكن بكل رحابه صدر و " حنيه "
عرضت عليها الغداء معي
وبسرعه وافقت !
ختام حنونه للغايه والاهم بريئه وجداً جداً عفويـه ولا تعلم في الحياه شيء حتى الحرام والحلال لاتفرق بينها
وهذه مصيبه !
سبب نظراتها وكلماتها المبهمه
ايقنت اليوم انها تتذكر اخيها وتنظر لي كأنني هو الاسماء تتشابه !! عاهدت نفسي ان اعيد ترتيب اولوياتها ليست الحياه سفر وسوق !
بل " الله " اولاً والعباده . انتظر الان الغداء ومتوتر للغايه
ماذا لو جاءت الهيئه !!!!!!

عند ختام تراقب كفه وهي تنقبض
وترتخي ومن ثُم تبداء اصابعه بالضرب بشكل موسيقي ع الطاوله يتضح عليه التفكير
رفعت كفها لوجهها واسندته عليه وهي تتأمل " خالد " تنهدت وابتسمت وعيونها عليهه
لبى قلبه ! شافني معصبه وزعلانه مارضي علي ، حنون ياناس ‏من طيب حظي ، ميّلني الهوى صوبك
ياعمري ي خالد ي ضيء عيوني انت
انتبهت له يوقف تكلمت بسرعه : وين بتروح !
خالد : اشوف الطلب
خرج من عندها وهي تتبوسم
فتحت جوالها وفتحت السناب ورفعته لمقابل وجهه وبدت تصور
كالعاده وتسولف
رجع خالد وتجهم وجهه بصدمه وهو يشعر ان الدنيا بأكملها تتجمد امام عينيه
جلس وهو ساكت
قفلت السناب بعد مانزلت والتفتت له : هاه ! وش صار
خالد اشر ع جوالها : تصورين !
ختام نزلت انظارها لجوالها : لا قفلت
خالد غمض عيونه بصبر : ختام بابا قبل شوي اقصد
ختام : اها ايه كنت اصور بس ماصورتك لا تخاف
خالد عض شفته لايقوم عليها : طيب ارسلتي لـ مين ؟ خاص لصديقتك
او مين ؟؟؟ ختام ضحكت : مو لوحده بس
شفيك ماتعرف السناب انت !
خالد تنهد وهو يطبق اكثر الصفات تأثيرا به " الحِلم " ‏في سورة يوسف حين اتهمه
إخوته بما لم يفعل ، (فأسرها يوسفيمنعفييمنعنفسه ولم يبدها لهم)
‏الحلم صفة مقدسة.. وسلوك الصالحين.

البارت 37


خالد بحلم ابتسم لها بحنيه : شوفي مو كل شيء تصورينه
ختام هزت راسها بـ لا وهي منفعله : لا لا ما اصور كل شيء لكن من فتره لـ فتره انزل موضوع ونسولف فيه زي ميك اب او اشياء بنات ماتعرف لها
خالد زفر انفاسه الغاضبه : بس متأكده مايتابعك الا بنات !
ختام بلا مبالاه : عادي بحجابي هذا اولاً ، ثانياً تسليه والاولاد ماراح
يفيدهم شيء عندي
خالد بهمس : بيفيدهم وجهك ! يفتن ترى
ختام تجمدت ملامحها وقلبها تحس انه يرجف بجوفها
خالد انتبه لكلمته وابتسم بورطه ونزل راسه وهو يمسح عيونه
ختام ابتسمت والفرح يغشى قلبها لـ تهمس : خلاص مااصوره مره ثانيه
رفع راسه لها بسرعه : وش
ختام بضحكة : وجهي
خالد ابتسم وصد للشباك يناظر ويحاول يتجاهل وجودها وعقله وكل جوارحه معها .
وصل النادل بالطعام ورتبه ع الطاوله وخرج
ختام رفعت راسها لخالد : شكراً ع الدعوه ، من ذوقك والله
خالد ابتسم لها وهو يشعر انها لو قالت اسمه فقط سوف يبتسم وضعه معها اليوم مربك !!
اردف ببحه : احم احم بالعافيه امس قلتي لي اتعشى معك لكن ماقدرت يعني ضيق وقت وكذا
ختام فهمت انه اعتذار مبطن عن عدم قبوله لدعوتها : عادي خالد
خذ راحتك البيت بيتك الوقت اللي تبي
تجي تعال واذا ماصرت تبي او مشغول انا عاذرتك بس ابي اسألك عن شيء
خالد : اسألي
ختام : السياره ليش ما اخذتها امس !
خالد رفع حاجب : وليش اخذها ؟
ختام وعيونها تظهر الشيء الكثير من ما في قلبها : هي لك تروح وتجي فيها واذا احتجتك انا خلاص تصير
قاطعها خالد بحده وهو يشعر ان الوضع يختلف " تشفق علي ! : لا شكراً اقوم بعملي وبس
ختام بلعت ريقها الجاف :خالد انا ...
خالد قاطعها وهو يأشر للطاوله: الاكل برد ، تفضلي
ختام نزلت راسها بخيبه وهي فاهمه سوء ظنه ! لمتى والشيطان يدخل بينا ؟
اعوذ بالله
سمت بالله وبدأت تأكل وخالد يأكل بصمت بعكس قبل دقائق .

ختام وخالد .. خرجوا من المطعم وبمجرد ماقفل خالد باب السياره
باغتـته ختام بالسؤال :خالد انت وين اهلك !
خالد عقد حواجبه وهو يشغل السياره : في البيت ليش !
ختام بترقب وعيونها عليهه : عادي اشوفهم ! يعني اتعرف عليهم وكذا
خالد ابتسم بضيق : مو مشكله بس ..
ختام بلعت ريقها بتوتر : بس ايش !
خالد : احنا ناس بسيطين ووالدتي مقعده
ووالدي رجل كبير بالسن وتعبان مو لصالحك تروحين
ختام بحنيه تتضح بنبرتها ولمعة عيونها : ابي اشوفهم عادي ذا
كله مو مهم تكفى خالد تكفى
خالد هز راسه بالموافقه : ابشري بس ارتب يوم كويس
ختام كشرت : ابي الحين
خالد بتوتر وهو يتخيل شكل بُشرى اخته وطقطقتها عليه
هز راسه بـ لا : مو اليوم
اكمل بكذب : مسافرين مع اختي
ختام بتعجب : اختك ! معك اخوان
خالد ابتسم : ايه اخت وحده
" وهو يردف في نفسه : لو تشوفني معك لقيتي اسمي هاشتاق في تويتر
" خالد خروف البنات "
ختام تنهدت : زيي كان معي اخو واحد
خالد التفت لها وهو يقف عند الاشاره وابتسم برقّه لا تضاهيـها رِقـه :
اخوك انا ، والا مايصير !
ختام توسعت عيونها وهي تتمتم : لا
خالد ضحك : افا ! ليش ؟
ختام صدت : كذا
خالد ابتسم وثواني واختفت ابتسامته وكأنه استوعب الامر !
كلامها ونظراتها ، مو عشاني آخ هي في بالها شيء ثـاني
انتفض برعب من فكرته " مستحيل مستحيل اعوذ بالله "
بمجرد ماتخيل وجوده مع ختام بدون حواجز ارتبك وضاعت علومه
حرك السياره
وهو يتجه لبيت ختام
بسرعه يبي ينزلها ويشرد قبل تعترف بـ شيء مايبي يسمعه مو كرهه فيها لكن لصعوبه الموقف
هو شاب متحفظ تسيطر عليه العادات والتقاليد ، غيور جداً يبي له وحده مستوره تلزم بيته وتنتبه لامه وابوه
وختام حالتها مو كذا ابد هي تحتاج من ينتبـه لها
توقف عند بيتها ونزلت ختام بخطوات سريعه تشتعل غضب وخالد يراقبها بصمت حتى
اختفت وراء اسوار القصر الضخمه تنهد ووضع راسه ع المقود
وهو يغمض عينيه : اففف ختام
ابتسم وهو ينظر للامر من جانب اخر " خالد و ختام "
كيف لـ حرف الهجاء السابع ان يبتدي
بـ إسمينا ! هل يحّيك لنا الزمان
رداء يجمعنا تحت سماء زينها النجم والقمر
هز راسه بالنفي وهو يرى الامر انه معجزه ومستحيل !
نزل من السياره واتجه للحارس
وضع المفتاح في كفه
وخرج من اسوار البيت بخطوات هادئه للشارع الرئيسي
جاهل ان هناك من يقف خلف
نافذته يراقبه بصمت ويتمنى لو يمتلك المصباح السحري ويكون
" خالد " اول الامنيات .

البارت 38


عند رائد وريتان الوضع مختلف نعم ! يقفون امام مسجد منذُ مايُقارب ربع ساعه
رائد مغمض عينيه وهو شبه نائم والمكيف يبعث بالهواء البارد ليلعب بشعره ويضرب بـ وجهه
ونظارته
اما ريتان جالسه قريب من باب السياره وتراسل اخواتها توها تحصل
ابراج ومقابلها كوب
شاي نعناع اخذته من بايع قريب من المسجد .
رائد بهمس : هيييه
ريتان التفتت له : خير !
رائد : يلا ؟
ريتان تأففت : طيب شوي بروح دوره المياه " اكرم القارئ "
رائد تنهد بصبر : بسرعه
وقفت وهي تنفض عبايتها من التراب
ودخلت للمسجد تحديداً
قسم النساء ثواني وخرجت
رائد انتبه لها مابعد امداه يغمض عيونه
ويرف رمشه حتى جلس بسرعه بأعتدال : شفيك !
ريتان اشرت له بمعنى تعال
نزل من السياره وهو يحك عوارضه كنايه على الغضب تأخر بسببها فجاءه كذا في نصف المسافه قالت وقف
عند المسجد احس بغثيان وقف
ونزلت غسلت وجهها ورجعت له
كل ماقال بنمشي قالت شوي بطني يوجعني
وواقف من ربع ساعه لاجلها والواضح انها تكذب !
لكن وش الحاصل الحين بعد ؟! قرب لها ونزل راسه قريب من راسها بسبب فرق المسافه : هاه !
ريتان تنهدت بصبر : ماعندك الا هيه وهاه !
رائد نزل نظاراته ع طرف انفه : نعم ؟ اعطيني كف احسن
ريتان ولولا الحاجه مانادته تكلمت ببطء : لا مو كذا عاد المهم تعال جوا انا اخاف وحدي
تبعها بخطوات هادئه
وهو يتلفت بالمكان مسجد بسيط
ع قارعه الطريق يتضح انه للمسافرين
اتسعت عيونه وهو يشوفها تنزل عبايتها وتقرب له وتحطها بين
كفوفها وهي تأمر : لا تضيعها !
صدت عنه ودخلت لـ دورة
المياه " اكرم القارئ "
خرجت وغسلت كفوفها ومسحت والتفت له واخذت عبايتها ولبستها
بسرعه وخرجت قبله : يلا يلا تأخرنا
رائد مسكها من طرف عبايتها ودفعها خلفه : انا اولاً تعلمي
خرج وركب السياره
وريتان متجمده مكانها عضت طرف شفتها بقهر ومشت للسياره وهي تستغفر عن الذنب اللي رماها بطريق رائد ...

بعد ساعات .. يقف بالشارع الفارغ من السيارات يجلس على مقدمة السياره
يدخن بصمت ويطقطق بجواله يدور شبكه باقي على مشوارهم للرياض ساعه .. تنهد بصبر
وهو ينتظر المساعده
" انتهى الوقود "

فالسياره تحركت بنوم للجهه اليسرى وفتحت عيونها ببطء
عقدت حواجبها وهي تحس بالسياره واقفه ! وظلام
جلست بسرعه وهي مرعوبه انتبهت له جالس على مقدمة السياره
همست بأسمه مرتين متتابعه ولا رد
فتحت باب السياره بحذر والتفت لها رائد وصد
نزلت وقربت له وهي تخاف انه مايكون هو ! تكلمت ببطء : رائد
همس : خير !
ريتان صحصحت وانتبهت للوضع الغير طبيعي تكلمت بهدوء تحاول
جاهده ان لا يفنى :شفيك ليش وقفنا !
رائد ببرود : انتهى البنزين والشارع فاضي ماحولك احد
تنهدت ريتان بضيق ورجعت لداخل السياره
جلست وقفلت الباب وفتحت جوالها ابتسمت وهي تقرأ رسائل اخواتها ردت عليهم وهي معصبه لانهم يطقطقون على رُسل
وطريقة نطقها للكلمات
انفتح الباب بجوارها وركب رائد وقفل الباب وجلس
استغرب من صوت الاشعارات عند ريتان
تكلم بترقب : عندك شبكة !
ريتان بنص عين : ايه بس مارح افتح لك
رائد بقهر : ارحمينا ي المليونيره قصدي ابراج خلي شبكتك لك
ريتان صدت عنه وهي تناظر من الشباك و تراسل بنفس الوقت
رائد فتح جواله ومافي ابراج عقد حواجبه : وش فيه ؟
ريتان التفتت له : خير ؟ تكلمني
رائد سحب الجوال من عندها ودخل رقم بسرعه واتصل عليه ومسك الخط
ابتسم بفرح : اخيراً
ريتان تنهدت
رائد رد عليهه الشخص المطلوب وطلب منه يجي بسرعه على الخط
السريع وارسل له الموقع
وعند اغلاق الخط ارفق كلامه بعباره " لا ترجع تتصل هذا جوال المدام "
ريتان كتمت ضحكتها بصعوبه
عايش الدور !!
متناسيه برغبتها ان العصمه اصبحت بيده وانه زوجها وواجب عليها طاعته
رائد مد الجوال لها وهو يتمنى لو يهفه على وجهها
ريتان اخذته بطرف اصابعها السبابه والابهام بكبر بدون ماتناظر فيه
ورجعت تراسل
ورائد متعجب من امر جهازه ليش ماتوصل الابراج !!!

البارت 39


بعد ظ،ظيمنع دقائق ...
تكللم رائد بملل : من تكلمين
ريتان مركبه سماعاتها ومطنشته
رائد دخل لالبوم الصور يتسلى فيه وهو ينتظر وصولهم للرياض ويكسر رأس هالمتكبره بجنبه
الطريق والسياره والفنادق
لا تعتبر حل بالنسبه لـه
ابتسم وهو يرى صورة طفلته
طفلة قلبه تبتسم برقـه تسلب العقل وبحضنها اختها الاصغر ذات الشهور الاولى
تنهد بـوله حقيقي والشوق يأكل منه الكثير وينبش بـروحه يبتسم لها قلبه كل مامر طاريها
قفل جواله ووضعه بجواره ورجع المقعد ع وراء ونزع " طاقيته " ورماها بالمقاعد الخلفيه
وسند راسه وغمض وهو يستعد لغفوه حتى
وصول المساعده ..

ريتان انتبهت لحركاته
شكله بينام !
تخيلت بمجرد نومه ان يهجم عليها حيوانات من هذا المكان او شيء اخر لا يمكن وصفه
تنهدت ورجعت على جوالها
وصلتها رساله من رُبى " ‏انا انسانه اذا روقت يا اغازلك يا اجلطك بالسخافه. "
ردت عليها وهي تبتسم وتتذكر
عباطتها " السخافه سابقة طبعاً "
قفلت جهازها واسندت راسها على المقعد وغمضت عيونها بنوم
دقيقه تتلو دقيقه وتصل الان الى الـ خمس دقائق
مافيها نوم ! نايمه طوال الطريق ومالها خلق تجلس كذا " ملل ! "
التفتت لـ رائد بنظرات طويله
ولأول مره تتأمله عوارض خفيف شعره خفيف من
الجانبين الايمن والايسر وكثيف بالوسط وطويل ناعم
عقدت حواجبها وهي تتمنى لو تنتفـه وتقطعه قد يكون من مبدأ الغيره فـ شعرها كيرلي وليس ناعم ابداً بشرته بيضاء صافيه يوجد اربع غرز تتضح انها من اصابه قديمه
في اعلى حاجبه الايمن
حواجبه ورسمتها الكثيفه
تنهدت وهي تتعوذ من ابليس صح حلو وجميل بعد لكن افعاله ماتشفع له .
انتبهت لـ جواله يضيء برساله وتظهر الشاشه صور طفلتين بملامح اجنبيه
استغربت كيف شاب يحط مثل هالصور غريبه ! عادةً يضعون اما صورهم او صورة سياره او الفريق المفضل
اطفال ! غريبه ..

..

في بيت ابو خالد .. بالرياض

يجلس خالد وبُشرى قريب من الباب
وبُشرى تنتظر وصول زوجها
خالد بهمس وهو يفكر : ليش ما اكلمها !
التفت لـ بشُرى اللي تسولف مع ولدها : اقول بيشو
التفتت له وابتسمت وهي تناظره بنص عين : خير مو لله بيشو ؟!
خالد بحمق : اجل بُشرى وتخب عليك
بُشرى : هههههههههههه
خالد : ترى بكره ماراح اداوم ببقى هنا مع امي وانتي ارتاحي تعرفين
كل يوم تجين وحامل بتتعبين
بُشرى بحنيه : ياعمري ي خويلد طلعت تحس فيني ؟ بعد روحي وقلبي والله
اذا مشغول فـ والله مابثقل عليك روح وتطمن تراهم بعيوني بس اذا فاضي فـ تسوي خير لان
ودي اروح اراجع والله من دخلت السابع مارحت المستشفى
خالد ابتسم بقوه : ايوه روحي وتطمني ماعليك
بُشرى ابتسمت له وهي مستغربه كيف جاء اجازه !! سمعوا صوت هرن بالشارع ووقفت بُشرى
: يلا جاء عبدالله تأمر ع شيء
خالد : سلامتك
خرجت ومعها ولدها وخالد يفكر باللي بيسويه صح او خطأ
يجيب ختام تقابل امه !
حس بحماس للموضوع شعور مختلف يتمنى لو تقدر تتأثر من امه وتعوضها ولو شوي من حرمانها مايبي نبرتها
مكسوره ومهزوزه يبيها قويه
لمعت عيونها ودموعها هزته كثير تخيلها بُشرى ومحرومه من امه الفكره اقتربت به لحد الجنون
صدق المال ليس كل شيء لكن بدونه ايضاً لا تصنع شيء
فتح جواله ومن ثُم جهات الاتصال بحث عن اسمها وهو يُدرج حرف
الخاء في البحث
تجمدت ملامحه وهو يقرأ الاسم " خِتام الهوى "
الهوى !!! من مصطلحات الحُب
وتعريفه : يقال انه ميل النفس ، او الرغبه ، او السقوط ؟
هز راسه بـ لا واتصل عليها ثانيه واحده فقط وردت وصوتها يمتلئ لهفه : هلا
خالد سكت لثواني طويله
يومين بس ويحس بفرق الشعور بينهم !
وصله همسها المترقب : خالد !
تكلم بسرعه : اهلين ، آخبارك ؟!
ابتسمت واتسعت ابتسامتها اكثر لتصدر عنها ضحكة ناعمه : تمام ..

البارت 40


خالد : كنت ابي اسألك عندك شيء مهم بكره ؟
ختام بقلق : ليش ماراح تجي ؟
خالد بسرعه : بجي بس قصدي اذا بخاطرك تشوفين امي فـ بكره
فاضيه و
قاطعته بفرحه : اممما ! ابي اشوفها وحيل بعد
خالد ابتسم : تمام متى تكوني جاهزه
ختام بعفويه : اي وقت تبي من عيوني
خالد بلع ريقه بربكة : زين متى ما صرتي جاهزه كلميني
ختام ببحه : حاضر
خالد بهدوء : تصبحين ع خير
ختام برقه : وانت من اهلـه
قفل الخط وهو يتنهد بأنفعال : اففف شفيها ذي !!!
ابتسم بخبال : اووويلااه والنعومه
طرت ع باله بُشرى اخته وصراخها تنهد وهو يهمس : لزوم تعطيها دروس بالنعومه ماينفع بنيتنا تكون كذا
ضحك بخفه ودخل للبيت وهو يقفل الباب بإحكام خوف ان يخرج والده
دون ان ينتبه وذهب ليخلد للنوم ينتظره يوم مليئ بالمفاجأت .. '


عند ختام ..
بمجرد ان اغلق الخط
وقفت ودارت ع نفسها بفرحه عظيمه : اخيراً !
وقفت بحيره : وش البس ؟
وخالد بيجلس معنا او بيروح ؟
جمعت شفايفها ع جنب بتفكير
‏خالد الجُزء الذي لا تتمنى الخلِاص منه ولاإنتَهاء ..
الجُزء الذي لا تظله الحيّاه ولاعبوُر الناس,الجزء المخلّد في قلبي
بدأت برسم تخيلات عن شكل والدته
إمرأهـ في عمر الخمسين او الستين
كلاسيكيه ذات نظرات حاده تشبه المُسنات الايطاليات بفساتين منفوشه وتطريز كثيف
هزت راسها بـ لا وهي تعجز ان تتخيل ، تتمنى فقط ان تضمها لها
ولا تسبب اي تفرقه بينها وبين خالد تريد ان يكون لها كل شيء لـ خالد
ان تشاركه كل اموره حتى والدته
بحركة عفويه غرزت اصابعها في كفوفها بقوه وهي ترتبك اكثر : وش الحل لو ماحبتني !
الليله من اكثر الليالي توتراً عند ختام وداعاً للنوم ...

..

أخيراً تم وصول مدير اعمال رائد ومعه وقود واتجهوا للرياض
مر الوقت سريعاً وتعمقوا بشوارع الرياض وزحمتها
المشابهه لتزاحم افكار رائد بهذه اللحظه
قرر الذهاب لـ منزله الفارغ كعادتـه لكن يوجد الكثير من الاصلاحات
التي يحتاج إليها
لذا استثناء الفكره واتجه لفندق راقي لقضاء ليلتهم الاولى بالرياض ..

عند ريتان ..
لاحظت توقفه عند فندق معقوله بيته مو هنا ! اجل وين يعيش
شكله هايت ضايع وابتلشت فيه الله يعين ويستر
رجع لها بعد ثواني ومعه شخص يتضح من لبسه انه من العاملين في الفندق
نزل الشنط واشر لريتان تنزل نزلت بصمت وتبعته وهي ترفع
كفها لتعديل نقابها
وصلها همسه الحاد : غطي ايدك
ارتفعت حواجبها بتلقائيه من امره المفاجئ لكن ماردت
الا بتخبية كفوفها بعبايتها
حكمها شرعاً مايجوز يظهر منها شيء لرجال ليسوا محارمها والفندق مزدحم
صعدوا للطابق الثالث
تركها بالجناح وخرج ليحضر طعام وعشاء " على ذوقه الخايس
طبعاً ! الحمدلله ع النعمه "
المهم الجناح ناعم وانيق طلع ذوق ويعرف اني مارح ارضى اشاركه الغرفه فيه غرفتين وصاله جلوس
تطّل على واجهه جميله ' حديقه الفندق والمسابح بالاضافه الى برج الفيصليه
والمملكة من الجهه الاخرى '
فعلاً يستحق التصوير
اول مره تزور الرياض لكن كانت تتمنى ماتكون زيارتها للرياض معه
كانت تبيها مع اهلهـا ..

عند رائد .
خرجت من الفندق لمطعم مكسيكي قريب اعرفه واحب مايصنع
بمجرد ان دخلت للمطعم
حتى صرخ صاحبه بدهشه : الاستاذ رائد ! وينك ي رجال ؟
بعد السلام والإطمئنان عن الاحوال
اخبرته بـ موضوع زواجي السريع
ليدهش ويُقسم ان العشاء على حسابه
ولمدة ظ£ ايام هو من يتكفل بالعشاء " صديق صنعته الايام "
اخذت طلبي وكان على حسابه
وخرجت عايد للفندق لكن قررت الاتصال
اولاً بـ " الشله الفاسده " اصدقاء الدراسه والعاملين معي ايضاً
لاطمئن على احوال الشركه لكن صدمت بـ انهم في رحله
استجمام " اذا غاب القط العب يا فار "
توعدت فيهم وانا لا افهم مايحدث لِما كل هذا الاهمال ؟
لكن الاكيد الكسل وعمايله ..

البارت 41


بعد ظ،ظيمنع دقائق ..
وصل للفندق ودخل للجناح وهو يتحدث بهاتفه وضع اكياس العشاء على الطاوله
بالصاله وهو يأشر لـ ريتان ترتب الاكل !
بدأت تشعر انه فاهم الحياه خطأ كل شيء إشاره يتوقع انني لا افهم
الكلام ؟ او لا اسمع ! لا يهم المهم رائحة الطعام الشهيه
تنهدت بوله وبطني يصدر اصوات فاضحه تدل على شدة الجوع
في الوقت الذي دخل به رائد لغرفته
بدأت بالأكل رغم حرارة الطعام اللاسعه لـ لساني الإ انه لذيذ وليس قليلاً ! بل جداً
انتهيت في وقت قياسي
وانا من النوع الذي يشبع من خمس ملاعق فقط
رتبت المكان " عشان مايقول قليلة ذوق "
وذهبت لغرفتي للنوم .. يوم متعب ويستحق ان ارتاح بأخره ..

عند رائد
انتبه لـصوت باب غرفتها يغلق تنهد بقهر : لعبه هي ماتبي تأكل
بدل ملابسه ولبس بجامه مريحه وخرج للصاله جلس وهو يستعد للأكل انتبه لجزء يتضح انه مأكول
رفع راسه وهو ينظر للباب بنص عين: ماشاء الله ، سريعه !
سمى بالله وبدأ بالاكل وماحدث خلال
الاسبوع الماضي يتبادر الى ذهنه ..

(((( قبل اسبوع ))))) ..

بعد عودة بدر لـ تبوك قابله عُمر وشرح له بدر كل شيء في البدايه
عارض ورفض الموضوع جُملة وتفصيلاً
لكن بعد التفكير من المستحيل أن يؤذي أخو زوجته قرر عُمر الموافقـه
وتم الرد على رائد
اما ريتان ... بعد معرفتها بالخبر من والدتها رفضت
وبدون ماتهتم بـأحد حتى لو عُمر بحكم انه من المستحيل الزواج
بأخو قاتل ابوهـا .. لكن والدتها اجبرتها ورددت عباره
كان من شأنها ان ترضى
ريتان بالخروج من البيت وهي " انتي عندي غيرك اربع ورتيل بعد لكن عُمر ماعندي الا واحد "
هذه العباره من والدة ريتان كانت سبب في موافقه ريتان على الزواج
هرب وغضب من والدتها ترخصني لاجل عُمر !
حتى لو اخوي لكن
علمتني بقدري عندها
ولها اللي تبي " هذا هو تفكير ريتان من تلك اللحظه. "
زعل وضيق ارضيت امي لكنها ما ارضتني ! ..


يوم جديد ..
الساعه الحاديه عشر صباحاً
يقف امام منزلها ينتظر خروجها سند راسه على المقعد وهو يبتسم
على ردة فعل امـه من قالها بتجي بنت اللي اشتغل عنده تزوركم
" طبعاً لفق الحقيقه وزورها "


خالد يرتشف فنجان القهوه الخاص فيه : والله اني صادق
ام خالد بشهقه وهي تضرب صدرها بلطف : بنته بنته ! وش تبي فينا ي امي ؟ واخزياه ليكون مازان لهم شغلك وجاي تشتكي لي ياويلك مني ي خويلد
خالد ضحك : لا بس امها متوفيه وتقول تبي تشوفك ممكن فيك من ريحتها
ام خالد وسبق ووضحت في التعريف بالشخصيات انها قابله للكسر من شدة
حنيتها ، دمعت عيونها وهي تبتسم
بغصه : ياعين ابوي
خالد غرق بضحكته وامه رمت عليه علبه المناديل : اسكت مامعك احساس
خالد بدهشه ارتفعت ضحكته مره ثانيه : احساس ! طلعتي يمه تهتمين بالاحاسيس والرومنسيه تعرفينها
ام خالد احمرت ملامحها وقلب لونها : الخطأ مني ماعرفت اسنعك ي وجه
العنز استح انا امك
ضحك خالد ووقف وقرب لها وهو يبوس جبينها : اسفين ي الغاليه ، هاه ماقلتي لي رائيك موافقه تجي او اقول الوالده
مشغوله !
ام خالد مسكت طرف شيلتها وهي تناظره بأبتسامه : جبها الوكاد
اني حبيتها قبل مااشوفها
خالد ابتسم وباس كفوفها برقه : الله يحفظك يمه ولا يحرمني منك جعلني ما اذوق الحياه دونك
ام خالد دمعت عيونها :وشو ذا الكلام ترى ما احبه ولا ابي طاريه
خالد بحب : ابشري مانيب مكرره
ام خالد مسحت دموعها وهي تأشر بكفوفها المتزينه بالتجاعيد : يلا روح لا تتأخر عن البنت ..


رجع لواقعه على رنين جواله كانت ختام رد بأستغراب : هلا ؟
ختام بهمس : شوفني
عند الباب الرئيسي
التفت للباب كانت واقفه وتأشر بمعنى تعال
بفستان كحلي .
نزل وهو مصدوم شتبي ؟
تقدم لها واتضحت له ملامحها وجهها احمر وعيونها مدمعه
خالد بترقب : شفيك
ختام ببكيه : مدري وش البس !

البارت 42


خالد تجهمت ملامحه : هاه !
ختام : مدري وش البس ؟
خالد تنهد وناظرها بنظرات طويله " احرجتها " : روحي داخل اولاً
ختام دخلت وهو يتبعها
تكلم بحده غير مقصوده : اولاً لا تطلعين قدام الحراس بذا الشكل
خطأ حرام مايجوز ترى مو يعني انهم يشتغلون عندك عادي لا مهما كان ترى رجال
ختام تكتفت : كله خطأ ؟ انا لو اضحك قلت لي خطأ
خالد بصصبر : لانه خطأ
صدت عنه وبزعل : خلاص مابروح معك
خالد : امي تنتظرك
ختام التفتت له وبنص عين : بتخاصمني
قدامها !
خالد ضحك ؛ لا بس بينا ومايعتبر خصام هذا عتب ونصيحه
ختام بأنفعال : وبتزعل مني بعد عندها ؟
خالد : لا ولا بزعل
ختام ابتسمت براحه : طيب
رجعت تكشر : وش البس اخاف مايعجبها لبسي ويخرب برستيجي بعيونها
خالد : البسي شيء عادي مو لازم فستان او خليك كذا ، المهم خلصي
ختام بتفكير ؛ انا كذا حلوه ؟
خالد تنهد : حلوه يلا
ختام ابتسمت حتى ظهرت اسنانها
وبعفويه تمتزج بمشاعر اخرى : حتى انت حلو
ابتسم ببطء وصد يخفي ابتسامته
ركضت للدرج المنتصف للصاله وصعدت لاجل تاخذ عبايتها
وخالد يتأمل البيت بصمت وش الشيء اللي يشبه حياتي هنا ؟
هز راسه بـ لا : ولاشيء
هذا البيت لو جلست فيه يوم من اكبر المعجزات تخيل لو تشوف امه البيت بحكم انها مقعده فترفض الخروج من البيت
كثيراً الا للضروره
لو جات هنا من المحتمل ان تصاب بصدمه وتردد بدهشه بتأكيد " هذا بالدنيا او بالجنه ! "
انحنى للارض وهو يثبت
شوزه " اكرم القارئ "
ابتسم لطاري امه يقدر يقول افضل ام بالعالم كله لكن جارت عليها الحياه
الجنه لك يمه الله يحرم وجهك عن النار
وقف واعتدل بوقفه نزلت ختام في هذه
اللحظه وشهقت : ماجلست
صد خالد وخرج : تأخرنا ترى
رفع كفه يشوف الساعه كانت ظ،ظ، ونص وخرج من عند امه ظ،ظيمنع ونص
يعني ساعه !

..

في مكان اخر بالرياض ..

موسيقى هادئه ورائحة بخور وعطور انثويـه
تقف مقابل التسريحه والديشمبر يلتف حول جسدها بِرقـه
ابعدت الفوطه عن شعرها ليتناثر بشكل متلوي لاخر ظهرها
وتتنهد بكرهه لـه تتمنى لو كان مثل
اخواتها ناعم كـ والدها
لكن هي الوحيده التي تشبه والدتها من ناحيه الشعر
اما الملامح فـ هي و رُسل ، فقط .
ابتعدت لزاويه الغرفه حيث قامت بترتيب شنطها هناك مع عدم تفريغها لعدم علمها متى سيخرجون من هنا
توقفت بريبه وهي تسمع حركه خلفها
التفتت بسرعه كان يقف بنصف الغرفـه
وشعره يتناثر على وجهه بأنسيابيه ونعومـه
نظراته غريبه !!! تدعوا للشك
بلعت ريقها بصعوبه وهي تجمع قوتها لتصرخ بقوه : خير !!! من سمح لك تدخل ؟ عشنا وشفنا
من البدايه قلـة ادب
فيه شيء اسمه استئذان وتدق الباب قبل تدخل
ماعلموك اهلك !!
ضحكت بسخريه لتصحح جملتتها : لا اكيد ما علموك ولا ربوك لا انت
ولا اخوك الداشر القاتل
انتبهت له يتقدم إليها وملامحه تنطق الغضب والوعيد
رجعت للخلف وبسرعه قفزت على السرير لتهرب للباب
صرخت بألم من ضرب وجهها بحافه السرير
ورائد ماسك رجلها سحبها اتجاهه
لتصرخ بجنون وهي تحاول تنقذ نفسها منـه غير مهتمه بالدماء الملطخه لوجهها
ثبتها عنده ومسكها من كتفها لينحني عليها يُقبل وجهها بقوه انهارت وفقدت السيطره
على نفسها..
ابتسم وعيونه في عيونها ثبت جبينه ع جبينها وانفـه على انفها
انتقلت رجفه جسدها إليه ليقترب ويهمس بأذنها : هذا تهديد بس شوي من اللي عندي مابعد شفتي شيء لسانك امسكيه ، بيرميك في داهيـه
وقف ورمى عليها المفرش وخرج من الغرفه تاركها تتخبط في قهرها وضيقها ..

البارت 43


رائد
قفل الباب عليها واخذ المفتاح وخرج من الجناح ومن الفندق
بأكملـه للشركـه .. غير مُبالي بما فعل قبل دقائق ..
..

عند خالد وختــام ..
تقف اخيراً عند بيتهم لـ يلتفت إليها كانت تتلفت بأستغراب في المكان
تكلم بهدوء : شوفي بنتفق على اشياء قبل ننزل تمام !
ختام ابتسمت بحماس : تمام ..
خالد رفع كفه وهو يأشر بأصبعه السبابه : اولاً انا اشتغل عند ابوك وانتي جايه زياره لأمـي
ثانياً : اذا مليتي ماتبين تجلسين قولي لي ونخرج بدون ماتسببين اي احراج لنفسك
ثالثاً واخيراً : حاولي ماتتكلمي بأي شيء حولنا يعني علاقتنا ببعض وخروجنا ورجعتنا آوك !
ختام بنص عين : وش علاقتنا ببعض ترى مانسوي شيء خطأ
خالد ابتسم بحنيه :اعرف بس احنا في مجتمع محافظ العادات والتقاليد تحاصره مو زيكم
ختام هزت راسها بالموافقه
خالد : يلا
ختام : يلا
نزلوا وتقدمها خالد لباب الحوش فتحه ثم دخل وهي وراه
التفت لها كانت خدودها حمراء خجل او خوف ؟
همس لها : اهدي مافيه شيء يخوف
ختام بربكه : طيب
دخل وهي وراه للبيت نزل حذاءه " اكرم القارئ " عند الباب
وختام تتبعه بكعبها العالي بدون ان
تنتبه وتخلعـه تكلم
بصوت عالي : يمممه
وصلهم صوتها : حيهم ، حي من جاء
ختام استغربت عدم قدومها للسلام عند الباب
وبدأت الرهبـه " اكيد شايفه نفسها وشريره !!! " بلعت ريقها بصعوبه
ومسكت يد خالد وهي تهمس : خلاص هونت
خالد ضحك وسحبها للداخل
وفك ايده منها ودخل :تعالي ختام
ام خالد : هاو ؟ خويلد رحب بالبنيه مستحيه بعد عمري.
خالد ضحك اخيراً دخلت ختام وهي مغمضه :
هاي
خالد شهق وضحك بقوه
ام خالد خذت علبه المناديل ورمته : انقلع برا نعنبوا ابليسك اذلف عن وجهي .
التفتت لـ ختام وهي تفتح كفوفها لها : تعالي يمه تعالي حياك تو ما نور البيت '
ختام ابتسمت بحرج وقربت لها مدت كفها بتسلم لكن سحبتها ام خالد لحضنها وضمتها
غمضت عيونها بقوه وهي تحس بنبضات قلبها ترتفـع ودفء حضن ام خالد سبب كافي بـ أن تلف يدينها حول ام خالد
وتشد عليها بقوه
خالد ابتسم ببطء وعيونه عليها رفع عيونه لامه وتجمدت ملامحه
من شافها تخزه وتأشر بعيونها بمعنى " اطلع "اشرت بأيدها تتوعده
صد وخرج بسرعه وهو
يركض ويعرف زعل امه عليه
دخل للمجلس كان ابوه نايم وامامه كوب ماء وعلبه كوكيز وثلاجه قهوه
جلس عند راسه وباسه بعمق واخذ القهوه وهو يصب بفنجان ويتقهـوى ..

رفعت ختام راسها من حضن ام
خالد وهي منحرجه
ام خالد بحنيه تتضح بعيونها مسحت على وجهها برقه كفوفها
المجعده : بسم الله عليك ياجعلك سالمه من كل عين وكل حسد الله يحفظك وش ذا الزين !
ختام : تسلمين كلك ذوق
ام خالد ونظرات الاعجاب بعيونها :
وش اسمك يمه !
ختام رفعت راسها لها والكلمه تعاد على مسامعها " يمه !!! " ‏امي ! هي كل شيء في الحياة ,
هي التعزية في الحزن والرجاء في اليأس
والقوة في الضعف.!!
‏الأم جنة دنيوية صوتها أمان ،
نظراتها تهذيب ، ‏قربها دفئ ، قَلبها طهر ، صمتها تربية ،
برها عبادة
غمضت بقوه وهي غير مستوعبه للسؤال الذي طرحته
شعورها ومشاعرها انتقلت لمكان اخر لشخص اخر لوالدتها
لكلمه ماما المبتوره من شفتيها .. ارتجفت بقوه وارخت راسها على ركبه ام خالد وهي تحاول
السيطره على تنفسها السريع المفاجئ
عضت شفتها وهي تفقد الوعي بالتدريج
لا تسمع حولها سوى نداء ام خالد لها ..

البارت 44


بعد ثلاث دقائق
فتحت عيونها ببطء شيء حالي تحس فيه بفمها رمشت بلا وعي
استوعبت اللي حولها ام خالد تبتسم براحه وواضح عليها الخوف
والفزع ، خالد وملامحه ترتخي همس : صحيتي ؟
ختام جلست بسرعه وهي تبلع ريقها بربكه
ام خالد بهمس : الحمدلله الحمدلله
حركت الكرسي المتحرك للخلف : بطلع اجيب تمر شكل السكر منخفض من حطيت العسل بفمك صحيتي
خالد بموافقه : اكيد ما افطرت
خرجت امه وهو التفت بسرعه لختام : شفيك !
ختام نزلت راسها بدون رد وقف وعيونه ع الباب لا تدخل امه ومشى لجهه ختام وجلس قريب منها وهو يتكلم بسرعه : تكلمي وش فيك !
ختام ببحه وعيونها بعيونه : مدري راسي صدع وطحت فجاءه
خالد بهدوء : و الحين !
ختام عضت شفتها وهي تمنع نفسها ما تبكي ضيقه قويه سيطرت عليها تتمنى لو ترتمي
بحضنه وتقوله اللي بخاطرها ولو تعجز عن وصفه وشرحه
تنهد خالد ووقف وهو يبتعد عنها وتدخل امه للصاله ومعها تمر وشوكلت منوعـه
ابتسمت لختام : الحمدلله يا امي والله ان خفت عليك لا يكون خويلد المطفوق صدع بك وانتم جايين احياناً يسرع الله يهديه
ختام ابتسمت لها برقه وعيونها دامعـه : لا ما يسرع
خالد عيونه عليها وهو مستغرب وش فيها ؟
ام خالد التفتت له وشهقت وهي تستوعب الامر : اهئ انت هنا !
وانا اقول علامها البنت !!!
اطلع اطلع
وقف خالد وخرج بسرعه وهو يضحك ع امـه
ختام ابتسمت والتفتت لها ام خالد وهي تهمس : اييه ... ووش اخبارك ي ختام ! صح ؟
ماقلتي لي وش اسمك بس سمعت خالد يناديك بـ ختام
ختام تنهدت براحه : ايه ختام
ام خالد نزلت من الكرسي المتحرك بصعوبه وجلست بجانبها وخذتها
بحضنها وهي تسولف لها
وتضحك معها .

..

بعد مرور ساعتين تنهد وهو يرمي الملف على وجه معاذ " صديقه " : انا الغبي اللي معتمد
عليك
معاذ بأنفعال : ياخي وجيههم ماتريح فرفضت اشترك معهم
رائد بنص عين : لو انه على وجيههم ماتريح
كان ماقبلت تشتغل عندي ياوجه العنز يعني وجهك يريحك الحين ؟
معاذ تجهمت ملامحه
ومتعب ومازن انطلقت ضحكاتهم
معاذ مسك ضحكته : طيب يارائد يصير خير لو شاركت معهم صدقني انت الخسران
سبل بعيونه بدلع مصطنع
وهو يطقطق ع رائد
رائد صد وهو يرجع يفتح الملف
تجمدت ملامحه لثواني وهو يتذكرها
وقف بسرعه واخذ جواله ومفاتيحه
وطلع ومعاذ ومتعب ومازن مستغربين شفيه !


في الفندق .. عند ريتـان
وقفت مقابل المرايه بدون ماترمش لثواني طويله اجهدها تفكيرها عضت طرف شفتها
بأرق حقيقي ‏"يعزُّ على المرء أن
يفقد الشغف ، شغفه للأشياء التي
كان يدفع من عمره ثمنًا لأجلها
اشياء بسيطه او باهظه
تنهدت ببطء : يارب عونك ،
الله ياخذك يا رائد
تحركت للباب تتأكد انها اغلقته بإحكام
" قبل ان تاخذ شور خرجت اخذت ماء
ونسيت بعدها اغلاقه مما تسبب في كارثه دخول رائد "
جلست على الارض بقله حيله عند الباب تشعر بعجز ماتقدر تدافع عن نفسها هو ضخم عكسها ضعيفه
اساساً حتى طولها جنبه توصل
لـ نصف كتفه
ارتجفت وماحدث يتكرر بذهنها
رفعت كفها لقلبها وغمضت بقوه
ألم فضيع يكاد يتوقف من جنون ماحدث
همست بألم : اااهه
جحظت عيونها وسقطت ع الارض وهي تمسك بطنها وقلبها نفضه
تسري بها
تجمدت وتوقفت حركتها وهي تسمع ضرب على الباب : افتحي
او بكسره ع راسك !
انفاسها مازالت متسارعه
غمضت وهي تهدي نفسها همست ببطء : الباب مقفل مايقدر يدخل
مايقدر .
هدوء يمر بها واختفاء صوت رائد
رفعت كفها تتلمس انفها وجبينها مازالت
متورمه من ضربتها في حافة الكرسي شهقت وانقطعت انفاسها وهي
تشوف الباب ينفتح ويصطدم برجولها
ورائد يقف بنظرات حاده
فزت جالسه وبفجعه حقيقيه صرخت بأعلى صوتها ..

البارت 45


يقف بجمود وهي تجلس ع الارض انتبه لنظراتها المصدومه من دخوله
تكتف وهو يناظرها بصمت
توسعت عيونه بصدمه من شافها ترفع كفوفها لراسها وتمسكه
وهي تصرخ بقوه
انفجع من حركتها وايقـن انها بلا وعي
اغلق الباب بقوه بينهم رغبه ان تصمت
خفت صوتها واختفى بثوانـي
تنفس بقوه وهو مدهوش مما فعلت الجدران غير عازله للصوت وفي فندق
الوضع لا يسمح له بأن يخوض اي تجربه معها حتى ولو كانت هـدنه
انفتح الباب وظهرت امامه وهي
تنظر إليه بحده
ارتخت ملامحه من شافها وتكلم ببطء : اهدي وخلينا نتكلم
حركت شفايفها بسخريه وقفلت الباب بقوه
توسعت عيون رائد وصد راجع للصاله
وعلامات استفهام تدور بذهنه شفيها ذي !!!


ريتان
رجعت للسرير وهي تتنفس بقوه وتشتم رائد وتسبه بعد ما صرخت وقفل الباب فزت
واقفه ورجعت تفتحه وهي تتمنى لو تتعلق بشعره وتقطعه لكن اكتفت بنظرات حاده وقليل من حركات
شفتيها الساخره : " الجاي اكثر مابعد شفت شيء والله ان اجننك
زي ماكنت بتطير عقلي اليوم والخوف والرهبـه اللي زرعتها بقلبي ان ارجعها لك اضعاف واخليك تتمنى الموت ولا تطوله .



في مكان اخر بالرياض ..

يجلس على السرير الواسع متربع وقدامه كوب قهوه وبين كفوفه جواله يراسل رائد يتأكد من خطتهم الواهيـه
رد عليه رائد : كل شيء تمام والبنت تنتظـرك وتحت امرك
ابتسم بأنشراح ووقف وخرج من جناحه وهو مستغرب وجود عمال
صيانه في البيت
تكلم بحده : نعم !! وش جايبكم هنا
رد عليه احدهم : الاستاذ رائد طلب منا عمل صيانه كامله للبيت
رامز رفع حواجبه بتفكير وصد
راجع لجناحه رحلته بعد ساعه لألمانيا
بدايه لعلاجه متحمس لروحته لاجل يرجع
بسرعه ويتزوجها ماعنده هدف غيرها
ورائد وعده فيها انه لها وماراح تكون
لغيره طوال فترة العلاج .


قفل رائد جواله
بعد ما ارسل لرامز وتنهد
بضيق ضروري يتأكد انه سافر لانه لو شاف ريتان بيرفض يسافر ويضيع جهده وتعبـه
كل اللي يسويه عشان رامز اذا تصلح وضعه راح يتغير كل شيء
رفع سماعه هاتف الفندق وكلمهم يطلعون لهم اكل طلب وجبتين واغلق الخط .
استلقى ع الكنب ورفع يده يمسح على عيونه وهو يفكر
بحل لـ تهديئه الوضع
بينه وبين ريتان
اللي سواه في الصباح اكيد انه دمر اي صوره حسنه قد بناها في بالها
" هذا اذا فيه صوره حسنه له عندها "
ابتسم ببطء وهو يتذكرها احسن تستاهل الملسونه خلها تتأدب
ههههههههههههه
ارتفعت ضحكته وسمعتها ريتان
غمضت عيونها بقوه وبصبر وهي تهمس : ضحكت بلا سنون إن شاء الله
رفعت الوساده وغطت راسها ماتبي تسمع صوته " اففف ينرفز "

..

عند خالد ..

مستلقي ع الارض ونايم
وبجانبه والده اللي صحى ويتقهوى بصمت
انفتح الباب بهدوء ودخلت ام خالد وهي تهمس : خلودي نايم !
ابو خالد ناظرها وبنصف عين : وش جايبك ! ماتشوفين الرجال نايم
ابتسمت له بحنيه واشرت بكفها وهي تضحك : تعال تعال
وقف وقرب لها ووضع راسه قريب من اذنها لتهمس له : لا تجي داخل عندي ضيفه لاراحت تعال بكيفك والرجال خله نايم
ابو خالد ابتسم لها برقه وقبل جبينها : من العين ذي قبل ذي بخاطرك
شيء غيرها
ام خالد بضحكة ضربت كتفه وخرجت وهي تدفع كرسيها المتحرك " ذاكرته لا تسعفه بمعرفة مابعد قدوم
بُشرى وخالد هو يذكر زوجته فقط والاحداث القديمه الجميله
حبيب العمر وصاحب اللحظه الحلوه
يحبها كما كانت في سن العشرين
ويُدللها اكثر من الماضي بكثير
لم تكرهه ابداً او تتعكر من مرضـه
الزهايمر أكل شيئاً مما تحب
لكن تركها تبقى في ذاكرته
بدايـه الحُـب و بدايه الحيـاة " .