الجزء الخامس عشر
///// شوق رجعت البيت وهي للحين سرحانه بخالد اللي شافته مدري ليه ارتعش قلبها يوم شافته تذكرت خلود هي صارت علاقتها قويه اكثر من اسيل
كانت اسيل مثل الاعمى تمشي ورا فارس من غير تردد
عشان كذا ماصارت تهتم بأي احد غيره
شوق شالت المكياج ولبست بيجامه وانسدحت تفكر ماهو راضي النوم يجيها ناظرت الساعه شافتها 3 فتحت النت وتفاجأت ان خلود متصله وعلى طول سلمت عليها
( ياهو فرحانه عندنا زواج ) > نك شوق تستهبل لانه اول زواج وهي كبيره
اس , اس السلام عليكم
( للجرح ذكرى وكاتم الجرح خوان ***وللعشق نظره شوق العاشقينا )
هههههههههههههه عليكم السلام
( ياهو فرحانه عندنا زواج )
اخبارك وحشتيني يادوبه
( للجرح ذكرى وكاتم الجرح خوان ***وللعشق نظره شوق العاشقينا )
الحمدلله وانتي شو اخبارك ؟ اذا وحشتك انا ميت عليك ( لاحظوا الغلط ) بس شوق مانتبهت
( ياهو فرحانه عندنا زواج )
تسلمين ياليتك حضرتي الزواج كان ودي اشوفك حتى جوالك مو عندي
خالد حك شعره وحس انه توهق
( للجرح ذكرى وكاتم الجرح خوان ***وللعشق نظره شوق العاشقينا )
صدقني ظروفي صعبه ولا كان عطيتك من غير تردد
( ياهو فرحانه عندنا زواج )
سبحان الله احسك غير اسيل كلامك وحده عاقله
( للجرح ذكرى وكاتم الجرح خوان ***وللعشق نظره شوق العاشقينا )
ايه انا غير عنها
( ياهو فرحانه عندنا زواج )
الله يهديها فيها حركات ماتعجبني لو تحطين يدك على يدي يمكن نقدر نغيرها شوي والله كاسره خاطري
( للجرح ذكرى وكاتم الجرح خوان ***وللعشق نظره شوق العاشقينا )
ليه هي وش فيها؟
( ياهو فرحانه عندنا زواج )
يعني مهمله دراستها وكله تطلع وماتحسب حساب لاحد وتبين الحقيقه هالزمن ينخاف منه الشباب مو مخلين احد في حاله
خالد هز راسه برضا
( للجرح ذكرى وكاتم الجرح خوان ***وللعشق نظره شوق العاشقينا )
والله كلامك صدق
( ياهو فرحانه عندنا زواج )
ألحقني خلود اليوم جاني موقف محررررررررررج (وحطت وجهه خجول)
( للجرح ذكرى وكاتم الجرح خوان ***وللعشق نظره شوق العاشقينا )
وش صار ؟
( ياهو فرحانه عندنا زواج )
وانا طالعه شفت اخو وحده تصيرلنا عاد تخيلي ابي امشي ماقدرت
ابتسم خالد وعرف انها نفسها حس بفرحه وبنفس الوقت خاف مايدري ليه؟
( للجرح ذكرى وكاتم الجرح خوان ***وللعشق نظره شوق العاشقينا )
طيب حلو؟
( ياهو فرحانه عندنا زواج )
اممممم مدري ليه دق قلبي بقوه وكأني اعرفه وللمعلوميه ثاني مره اشوفه بس هالمره غير
يالبى قلبك ياشوق اي انتي اجل شوف الصدف بس خلني اتأكد
( للجرح ذكرى وكاتم الجرح خوان ***وللعشق نظره شوق العاشقينا )
تثقين فيني شوق؟
( ياهو فرحانه عندنا زواج )
اكيد لو ماثق فيك ماقلتلك عن اشياء ماقلتها لاحد
( للجرح ذكرى وكاتم الجرح خوان ***وللعشق نظره شوق العاشقينا )
طيب ماقلتلي من اي عائله انتي؟
( ياهو فرحانه عندنا زواج )
انا شوف لافي ناصر الـ…
ارتحتي ياقلبووو؟
اهتز قلبه اكثر خالد يعني نفس اللي شفتها هي سبحان الله كان قلبي حاس اني اعرفها سرح فيها وتذكر شكلها والحين وش ناوي عليه ياخالد مسح على راسه
انتبه ان شوق مرسله تنبيه
( ياهو فرحانه عندنا زواج )
ياهو وين رحتي؟
( للجرح ذكرى وكاتم الجرح خوان ***وللعشق نظره شوق العاشقينا )
لا موجوده بس علق الجهاز
( ياهو فرحانه عندنا زواج )
المهم خلود وقت صلاه بروح اقرأ سوره فيما هو يأذن تامريني بشي؟
( للجرح ذكرى وكاتم الجرح خوان ***وللعشق نظره شوق العاشقينا )
لا حياتي بس انتبهي لنفسك وادعي لي
( ياهو فرحانه عندنا زواج )
ان شاء الله من عنوني بايوو
( للجرح ذكرى وكاتم الجرح خوان ***وللعشق نظره شوق العاشقينا )
مع السلامه
سكر الاب توب وجلس يفكر فيها
صدق الدنيا صغيره ، الله يلعن ابليس شلون كنت ناوي العب على بنت لافي ولد عم صقر
لا لا لازم اقطع علاقاتي فيها مابي اخون لافي، بس البنت والنعم فيها واحس اني تعلقت بها ، واستغرب ان الجازي ماصاريفكر فيها مثل اول
خالد راحت الجازي من تأجيلك لاتخلي شوق تروح من ايدك
قطع عليه صوت تقشعر منه الابدان
الله اكبر الله اكبر الله اكبر الله اكبر
كبر وراح يوضي وهو مصمم انه يغير حياته جذريا
/
/
/
في نفس الوقت
خرجت الريم من الحمام جففت شعرها بسرعه وكانت قاصته على طوله درجات زادت شعرها كثافه وجمال
حطت مرطب زادها نعومه وقلوس ورشت عطر وقفت ماهي قادره تخرج منحرجه حيل شافت الفستان وعلقته وهي تمسح بكفينها ماتدري وش تسوي
صقر زهق هو ينتظرها وللحين مابدل ملابسه والعشا برد
وش السالفه لايكون نامت ؟
تو بيقوم صقر الا الريم افتحت الباب بشويش وقف صقر لعندها وهو يناظرها ويتفحصها باعجاب
صقر: تأخرتي مابغيتي تطلعين ؟
الريم وهي تحس بالاحراج وماسكه القميص بقوه ماتكلمت
صقر : تفضلي تعشي بقا شوي ويأذن
الريم جلست وشافت الاكل حست انها شبعانه بس عطشااااااانه
صقر بدا ياكل وهي خذت الماي وشربته
صقر: تعشي الريم ؟
الريم ماتبي تفشله خذت كوب العصير وشربت شوي منه
صقروهو يشرب العصير: خلي اغراضك بالشنطه لان الساعه تسعه الصباح رحلتنا
رفعت راسها الريم متفاجأه : نسافر؟
صقر بهدوء : ايه تعرفين عرسان لازم نسافر شهر العسل
الريم بخوف : وين بنروح؟
صقر : مدينه ميونخ في المانيا
الريم وقفت : الحمدلله
صقر وقف معها : ماتعشيتي
الريم :الحمدلله شبعت
جلست على الكنبه وهي تفكر انا اسافر معه في دوله اوربيه ، لحالنا بس اني ماعمري سافرت برا
مابي اروح لمعت عيونها وهي تتذكر حياتها اول كانت تكرهه تسافر برا الدول العربيه سافروا المغرب وتونس مصر ودول الخليج لكن برا ماكانت تحب
انتبهت لصقر يجلس جنبها وشكله دخل الغرفه من غير ماتحس وبدل لانه كان لابس بجامه كحوليه
ومن غير ماتطالعه: صقر مابي اسافر ؟
صقر رفع حاجب: ليش.؟
الريم: ماحب اسافر دوله اوربيه ماني متعوده
صقر: لا ماعليه بتسافرين معي وبتستانسين هناك لانها بتكون اول تجربه لك
الريم وعيونها تلمع : الله يخليك مابي اسافر مو لازم
صقر : انا حجزت وسفرتنا اليوم الساعه تسع خلاص
الريم رفعت راسها: ليش ماعلمتني قبل عشان اتهيأ نفسيا
صقر وهو يغير بالريموت وبصوت مرتفع: الريم ترى اليوم ليله العمر فلا تقلبينها نكد
الريم حست ودها تبكي منه وسكتت وهي تبلع غصتها
انتبه صقر لشعرها ومد ايده ومسك شعرها: انتي قصيتيه؟
الريم هزت راسها
صقربتهديد وهو للحين يلعب في شعرها: ترى هالمره سماح مره ثانيه مابيك تقصينه من غير اذني
الريم تبي تقوم ماهي قادره تتحمل وجوده وهي متضايقه
صقرمسكها وجلسها: وين رايحه؟
الريم شالت ايده بعصبيه: صقر خلني براحتي مابي اجلس معك ،من يوم دخلت حياتي وانا احس اني مراقبه كل تصرفاني محسوبه
قامت وهي تمسح خدودها من الدموع تحس انها انفجرت ضغط نفسي عاشته، زواجها السريع ، انانيته ، تسرعه كل شي تجمع وانفجر لكن بالتوقيت الخاطئ :
صقر عصب وقف معها: الريم ؟ لاترفعين صوتك ناسيه نفسك انتي؟
الريم : اووه اسفه أي اوامر ثانيه قبل ماروح
صقر وهو رافع حواجبه مستغرب من الانفجار اللي حصل لها تو بيتكلم الا صوت المؤذن
استغفر الله ومسح بايده على شعره وهو للحين معصب من اسلوبها
الريم على طول راحت الغرفه وجلست تبكي
( تعبانه ماعاد فيني اتحمل شي منه، ابي افهم وش انا عنده ، ليه كل اثنين يتفقون على ادق الاشياء وانا مو من حقي اشاركه الراي ، انحرمت من الاختيار بسبته، حلمي وهدمه ، وش ناوي اكثر )
صقر كان جالس يردد مع المؤذن ودخل الغرفه عشان يوضي وشافها تبكي من غير مايتكلم دخل الحمام وضى وراح الصاله عشان يصلي
كان في باله يقول
يمكن لانها خايفه ، وعشان ضغط العرس وحوسته مأثره عليها
قامت الريم صلت لانها كانت متوضيه وبعد ماخلصت جلست على الكنبه اللي موجوده في الغرفه وهي تحس دموعها للحين نتزل
{ابي اروح بيتنا ، ابي غرفتي ،ابي اضم ابوي ، ابي امي ولمستها واخواني وضحكاتهم ، ابي ارجع مثل قبل ، ابي حياتي قبل ماعرف صقر }
ولانها مانامت 24 ساعه غمضت عينها وغلبها النوم
اما صقر جلس يفكر بالريم مايدري وش يسوي معها
شاف الساعه 4 قرر ياخذ له شي يتلحف فيه ويخليها تنام عشان ترتاح وتهدا
دخل الغرفه ولقاها منسدحه ونايمه على الكنب قرب منها وشافها شلون منطويه على نفسها ودموعها على خدها لف بجسمه يبي يطلع لانه تضايق منها لكن ماطاوعه قلبه يخليها كذا ، شالها بخفه وحطها على السرير ولحفها ومسح بقايا دموعها وسمعها تهمس تنادي ابوها
ابتسم ( والله يالريم صدق عمي بكلامه ) طبع على خدها بوسه طويله حست بدفئها الريم وابتسمت وهي نايمه
صقر طالع فيها وكان وده ينام جنبها بس مايبي يخوفها عالاقل لين تهدأ نفسيتها
أخذ له شرشف يغطي نفسه به وراح الصاله وهو موقت الساعه 7:30 نام وهو يفكر يطول باله مع الريم عشان يكسب قلبها
/
/
/
قامت الساعه 7 وهي مزاجها منقلب وصحتها متدهور
جرت وايدها على فمها للحمام واستفرغت لين حست انا مابقا في بطنها شي
جلست ترجف وتحس بروده وعيونها للحين مليانه دموع
اشتاقت لليد الحنونه اللي كانت تمسح عليها لتعبت لكن وينه عنها
انسدحت على السرير وخذت مخدته استنشقت بقايا ريحته وضمتها وهي تبكي
{وينك ياعبدالله اشتقتلك ، البيت من غيرك مايسوى ، والحياه من دونك مالها طعم ، تعال محتاجتك انا وامك
فتحت جوالها وارسلت له
تظن لغيبتك عندي مالها معنى
طيب انا في غيابك من له اتحرى
فقدت صوتك وهمسك كيف ماتعنى
شوف حالتي لاذكرتك دمعتي تقوى
رغم انها ضعف وانت بحالتي ادرى
ولهان يادنيتي قلي متى الملقى
شي على غيبتك عنك به اتسلى
حبيب عمري متى وقت اللقا يحلى
متى تحن الظروف ونلعن الفرقى
ليتك عيوني واغمض العين واغمى
مايوم اخليك لوبعدها مااصحى
مشتاق والشوق ياروح الغلا بلوى
تكفى تعجل مراسيل الهوى تكفى
/
/
/
جلس على صوت منبه الساعه وهي تدق حس نفسه تعبان يومين مانام وماكفته ثلاث ساعات فتح باب الغرفه بهدوء وخذ له شور وبدل ملابسه لبس بلوزه عنابيه من مانجو وبنطالون جينز وترك شعره الكثيف اللي يوصل لتحت رقبته مبلول وراح يطلب فطور
الريم
قمت على صوت اعرفه بس ماني مستوعبه انه يصحيني
صقربهدوء ويده على خدها ويتأمل وجهها الملائكي: الريم اصحي بسرعه ورانا مشوار للمطار
الريم فتحت عينها بكسل وشافت صقر وجهه قريب منها ورجعت غمضتها وكأنه حلم
صقر: يالله يالريم لانتأخر
الريم هزت راسها عشان يطلع ويخليها تقوم
رفع ظهره المنحني واخذ شنطته وطلع
جلست الريم على السرير تستوعب المكان اللي هي فيه
تذكرت اللي صار الفجر
من اللي شالني هنا؟ معقوله صقر شالني من غير ماحس طالعت الباب بألم ، شافت الساعه ثمانيه وبسرعه قامت بدلت ملابسها وحطت ميك اب خفيف وطلعت على صوت الباب وهو يندق
الريم كانت لابسه فستان صيفي ناعم لونه فيروزي وفالها شعرها ولابسه ربطه نفس لون الفستان وطالعه روعه
الريم من غير مانتاظر في صقر: صباح الخير
صقر وهو يطالعها بنبهار: صباح النور
قام وجاب الفطور
صقر: يالله نفطر بسرعه عشان نلحق نوصل
الريم جلست بهدوء وهي تحس بجوع لكن مو مشتهيه شربت كوفي وكلت شوي من الكروسان
الريم : مايمدينا نمر نسلم على هلي؟
صقروهو ياكل بهدوء : مايمدي احنا بالظهران مشوار للخبر وبعدين مايحتاج سلمتي عليهم امس
الريم : ....
صقر: يالله يالريم اغراضك جاهزه؟
الريم : بس اروح اسكر الشناط
قامت وعيون صقر تراقبها ،، بس مو ملاحظه وش تخفي هالعين من حب
/
/
/
مضى الوقت والحين وقت العصر ومابعد يوصلون المعاريس لالمانيا
ابو لافي: الله يسعدهم ان شاء الله دقوا علي قبل تقلع الطياره والله انها واجد 12 ساعه وهم في السما
ام جراح : اهم شي ينبسطون ماني مصدقه انها راحت نظر عيني البيت هادي من غيرها
راكان وهو ينزل من الدرج: بصراحه مايصلح الهدوء شكلي بجيب احد عشان اتناقر معه
جراح اللي كان جالس ياكل فواكه: ماعليه ياام جراح كلها شهر وشوي وتسليك الجازي
راكان: لا انا اللي بسكن هنا وانت انقلع برا
ابو لافي : ههههه لا جراح وبنت اخوي يسكنون عندنا دامك تبي تتزوج من بعيد
راكان: ومن قال بعيد ؟
ام جراح وهي عارفه من يبي: وش تبي ليان من قبيله ثانيه
راكان: ايه بس تعرفونها زين مازين
ابو لافي : ماقلنا شي بس الافضل تطلعون لحالكم وهذا حقها
راكان: يعني الجازي مالها حق؟
جراح : بالعكس انا كلمتها بالموضوع وهي قالت انها تبي تسكن مع عمها
ابو لافي: اصيله بنت ابوها
ام جراح : ياحبي لها الله يجمعكم على خير
الكل : آمين
ام جراح : متى تبي اخطب بنت ابو ابراهيم ؟
راكان : بعد اذن ابوي ابي يوم الخميس الجاي لان الاربعاء زواج بنت ابو ماجد
ابو لافي : على خير
جراح: مبروك مقدما والله قمنا نغار ونقلد
الكل :هههههههههههه
/
/
/
الريم زهقت قرت كل المجلات وشغلت التلفزيون كانت تحاول تشغل نفسها عشان ماتكلم صقر
صقر: وش فيك تحوسين؟
الريم توردت خدودها: بس زهقت وانا جالسه
صقر: يالله ساعه ونوصل
الريم : ان شاء الله اممم صقر؟
صقر لف جهتها: هلا
الريم: كيف اتحجب كذا واشيل العبايه ولا شلون؟
صقر: أي افضل تتحجبين وتلبسين بالطوا ترى الجو بارد هناك وان شاء الله انزلك السوق وتشترين حق برد
الريم وهي خايفه: كيف الناس هناك ؟
صقر ابتسم: طيبين وفي حالهم ترى هناك فيه عرب واجد خصوصا هالوقت لانه اجازه
الريم طالعت المضيفه اللي مرت وابتسمت لها : تصدق؟
صقر ماصدق انها كلمته: شنو؟
الريم بعفويه: تخيلت لو اني مضيفه وناسه مع لبسهم
صقر ناظر المضيفه تفحصها والمضيفه بدورها ابتسمت له
الريم بغيره : احم قلنا طالع لبسها بس مو تقزها
صقر انبسط وكتفى بابتسامه بعدين قال : اتخيلك بدالها
الريم بثقه: اكيد بكون احلى منها
صقر: ههههههههههه
اول مره الريم تنتبه لضحكته كانت حلوه وتجبرك تبتسم
ابتسمت يوم ضحك واستغربت نفسها شلون نست اللي صار بسرعه
/
/
/
فارس : اليوم اخيرا حنيتي علي
اسيل : وش اسوي ظروفي بعدين ابيك توله علي
فارس : طيب مو مثل اول مره عشر دقايق ترى مامداني اعبر عن مشاعري
اسيل: لا هالمره اوعدك غير تدري ليه؟
فارس : ليش؟
اسيل: لان ابوي مسافر وامي عندها حفله يعني مستحيل ترجع بدري
فارس بخبث: حلو ياقلبي يعني بشبع منك ولو اني متأكد اني لو اجلس اليوم بطوله ماراح اشبع من شوفتك
اسيل بخجل: فاااااارس
فارس : عيونه وقلبه
اسيل: خلاص بروح اتجهز عشان مايجي الساعه 8 الا وانا جاهزه
فارس : امواااااااااااااه طيب
اسيل: هههه باي
فارس : بايات
ناظر جواله بخبث والله اليوم حلو من اوله وباين الليله بتكون احلى ليله معاها
تخيل اسيل اللي شافها وانبهر على نعومتها كانت نااااااااااعمه بزياده وجذابه وملامحه صغيره حيل وكلها على بعضها كتكوته
/
/
/
كانت العنود تلاعب طارق في المراجيح لانهم طالعين الهاف مون يغيرون جو
دق جوال ماجد وتوتر وحطه على الصامت
العنود قربت منه : حبيبي تعبنا خلاص يالله نجلس
ماجد شال طارق ومسك ايد العنود :احس لو يصيرلكم شي بموت
العنود عقدت حواجبها : بسم الله وش هالكلام؟
ماجد حس انه بغى يخورها: لالا بس كذا من زمان عن جمعتكم
العنود: الله لايفرقنا ويزيدنا
طارق : بابا ابي ايث كريم
ماجد: هههههههههه ايش؟
طارق بصوت عالي: ايث كريم
العنود: السين عنده رايحه فيها ههههههههههه
طارق عصب: بابا ثووووووف ماما
ماجد والعنود: هههههههههه
/
/
رهف : بس يبا كأنه بدري؟
ابو ماجد: الرجال يبي يسافر بس هو ماخذ اجازه اضطراريه
رهف : بس اسبوع عاد
ام ماجد: احنا شرطنا عليه بس يخلص دورته يجي يسوي حفله كبيره
رهف: خلاص اللي تشوفونه
قررت تكلم الجازي عشان تساعدها في الاشياء الضروريه لان العنود في نهايه شهر ثمانيه وماتقدر على السوق وفرته
الجازي : يووووووه بسرعه
رهف : بس لاتخوفيني ؟ لانه مو راضي يروح من دوني يقول الدوره ثلاث شهور ويبيني معه
الجازي: ماعليه والله يستاهل ياسر بعدين اذا رجعتوا سوا حفله
رهف: ابي فستان زواج ناااعم لانها بتكون عائليه الحفله
الجازي : خلاص اليوم رايحين انا وشوق السوق تروحين معنا
رهف: اوك تمروني ولا مركم
الجازي : لا انا ولاانتي شوق بتجي مع السواق وفيصل لان ابوها مارضى تروح الا معه
رهف: اوك
/
/
/
وصلوا صقر والريم ألمانيا بتحديد في ميونخ وهم شبعانين لانهم كلوا في الطياره حجزوا في فندق ( لومريديان )لانه حلو وغير كذا جنبه اسواق هيرني المشهوره والقطار يعني كل شي قريب منهم
دخل صقر الجناح وهو عباره عن صاله يفتح على مطبخ وغرفة نوم بحمامها
الريم تفحصت المكان واعجبها ،شافت شنطتها وقررت ترتب اغراضها
صقر وهو هلكااااااااان فيه نوم على طول دخل الحمام وتروش وطلع وهو يفرك شعره بالمنشفه ولاف فوطه على خصره
الريم كانت مخلصه من شنطتها الملابس وقررت ترتب ملابس صقر بعدين تحط اغراضها وادواتها لانها بشنطه ثانيه
كانت سرحانه ومعجبه في ملابسه اسبوراتات جاكيتات خيال شورتات واشياء ثانيه ماحست باللي واقف وراها يتأملها
صقر: كان خليتيها عشان يرتبونها
ناظرت الريم فيه وشافت شكله من التوتر على طول طاح الجاكيت اللي كانت تعلقه
الريم بتوتر وخدودها شبت: هاه..ايه مايحتاج خلني اعوض جلسه الطياره
صقر قرب من عندها عشان ياخذ بجامه وريحة الشامبو منتشره توترت واللصقت عند باب الدرج
حس فيها صقر بس سوا نفسه مو مهتم عشان يبيها تتعود عليه
صقر وهو يدور : وين البجامه السودا الثقيله شوي
الريم وهي منزله راسها طالعت الشنطه: مابعد احطها شكلها في الشنطه
صقر: أي هذي هي
لبسها وانسدح على السرير وهو ينتهد بتعب
الريم : لايكون بينام هنا ياربي وش هالبلشه
اجل وين ينام حضرتك كفايه نايم على الكنبه امس
صقر وهو مغمض عينه: الريم اطلبك شي ثاني تاكلينه ؟
الريم: لا الحمدلله
خلصت بسرعه الريم ولتفت شافته ناااااااايم على ظهره وحاط يده على راسه وشكل النور مضايقه لانه عاقد حواجبه
خففت الاضائه عشان ماتزعجه ورتبت باقي اغراضها على التسريحه
الريم بهدوء : اف واخيرا خلصت
خذت لها بجامه برمودا قطنيه كانت تحبها وتلبسها قبل ماتتزوج ودخلت الحمام تبي تاخذ دش عشان تسترخي وطلعت بهدوء حست ان النوم وصلها تذكرت انها شافت في حدى الدروج بطانيه ومخده خذتها وحطتها بالصاله
رجعت الغرفه لانها نست ماتحط مرطب وطفت الانوار وتو بتطلع شافت صقر نايم على وضعيته لكن مو متلحف
قربت منه تحرك على جهتها وانفكت عقدة حواجبه كان الستاره مفتوحه والنور اللي برا متسلل في الغرفه شافت ملامح صقر هالمره غير كان نايم وشكله حلو وباينه ملامحه بشكل اوضح قربت منه وهي ترجف وقلبها يدق ماتدري ليه اغراها شعره الطايح على وجهه وحبت تلمسه ، سمعت تنهديه صقر وباين انه في سابع نومه لحفته زين وسكرت الستاره والباب عليه وجلست على الكنبه
وهي متلخبطه وتفكر بمشاعرها الجديده اللي تحس فيها ناحيته
لكن سرعان ماغزاها النوم وناااااااااااااااااااامت
/
/

الجزء السادس عشر
//////

خالد : طيب هذي خامس مره تقولي ترا عرفنا ماراح اجي عندك اصلا عندي مشوار
فارس : ايه تعرف فرصه مابي افوتها يالله ادع لي
خالد: فارس لاتتهور مع البنت
فارس : والله اذا هي راضيه لاتشغل نفسك فيها
خالد: الله يصلحك انت وغسان
فارس: هههههه من متى تنصح؟ بعدين خل غسان لحاله هذاك مابقا بنت الا وشبك معها
خالد: تعرف اني ماعمري لمست بنت صحيح اتعرف واشوف بس ماتماديت اكثر
فارس: يالله لاتعكر مزاجي باي
خالد: باي
ضرب هرن لرهف اللي للحين منقعته بالسياره ماجات
خالد كان متحمس للروحه خصوصا انه عرف ان شوق معهم
رهف ركبت السياره : تأخرت عليك
خالد وهو يناظر عبايه رهف الراس ومبسوط: لا عادي بس قلتي لهم اني انا اللي بوديك؟
رهف: ايه خلاص
من جهه ثانيه
شوق منحرجه: فشله يالجازي شلون يكون معنا؟
الجازي : يابنت الحلال خليه يجلس مع فيصل عشان مايزهق صح فيصل؟
فيصل: أي والله عالاقل مادور معكم كأني حمار
الجازي: ههههه محشوم يافيصل الا رجال عن سبعه رجال
شوق : بس لاتنفخينه علينا
/
/
/
اسيل ركبت سياره فارس السبورت وهي بكامل زينتها
اسيل: مساء الخير
فارس : يامساء الورد هلا وغلا اخيرا شفتك ياحياتي
اسيل بدلع: خلاص يالله خلنا نروح عشان ارجع بدري
فارس بزعل: مو تقولين ان اليوم مافيه احد
اسيل : أي بس مابي اتأخر احسب مشوار المطعم وترجعني وكذا يعني يبي لها وقت
فارس فكر بخبث: اوووووووووه نسيت بوكي في الشقه حقتنا
اسيل: حقتنا؟
فارس : أي ياحياتي مادريتي اني اشتريت شقه لنا انا وانتي لتزوجنا
ناظرت اسيل في عيونه بحب : صدق؟
فارس : أي وان شاء الله بكتبها بأسمك
اسيل: انت تدري مايهمني الفلوس اهم شي انت
فارس وهي يلف : يالله برجع اجيب بوكي
اسيل: مو لازم خلاص انا عندي
فارس وهي مبوز: لاتقولين هالكلام مستحيل اخليك تدفعين شي وانا موجود
اسيل: كلنا واحد ياقلبي
فارس وهو يحط ايده على يدها: ادري بس دامك معي ابيك بس تطلبين وتامرين
اسيل ابتسمت وضمت يده بقوه
/
/
/
وصل خالد وكلم فيصل وتلاقو عند محل نكتار اللي في مارينا مول، على طول شوق حست بنفس الرجفه اللي يوم شافته وانخشت ورا الجازي ولان الجازي معروفه بطولها عرف شوق على طول
خالد انتبه لها وهو بقلبه فرحان لانه عرف انها انسانه محترمه واخلاق ، كانت الجازي معه وفكره مع شوق تعجب من نفسه كيف هالبنت قدرت تنسيني الجازي

خالد: خلاص خذوا راحتكم واحنا بنجلس هنا بالكوفي
رهف : ان شاء الله بس انتبه لجوالك مو تنسى منه
فيصل وهو يكلم شوق : شوق خذي البطاقه لاتضيع تراني اعرفك مهويه وماتحسين بنفسك لي تسوقتي
شوق انحرجت ومدت ايدها وخذتها وهي منزله راسها
الجازي وهي تمزح: الله وش هالادب وين اللسانك ؟
شوق : انطمي وخلينا نخلص رهف اول
رهف : ههههه يالله بنات ماعليه بتعبكم
شوق : افا عليك تعبك راحه
وبتدا التسوق وكل وحده مثل الفراشه تدور عشان يخلصون بسرعه
/
/
/
هذي عاشر مره تفتح جوالها تبي تشوف عبدالله اذا رد عليها كانت جالسه في الصاله مع ام عبدالله
ام عبدالله: وش فيك ياوضحى شكلك تعبانه لايكون احد سكك بعين بعد العرس
وضحى ابتسمت لها: لا بس فيني خمول من تعب العرس
قامت تبي تصب قهوه لها وحست مثل الدوره
ام عبدالله : بسم الله عليك
تحركت ام عبدالله بصعوبه عشان رجولها تألمها وضمتها
وضحى: يمه مافيني شي لاتخافين
ام عبدالله وهي تبكي: تفكرين انك مو غاليه علي ، يابنيتي صدق اني كنت ازعلك بالكلام لكن وربي انك اغلى من بنتي ، انتي اصيله ولو يلف الدنيا عبدالله ماحصل مثلك
وضحى: وانا عمري مازعلت منك يمه انتي ام الغالي لو تشربين من دمي مازعلت منك
ضموا بعضهم وهم يتمنون لو عبدالله هنا يشوفهم وشلون علاقاتهم زادت
دق جوال وضحى وبسرعه سحبته من على الطاوله لكن شافت اسم راكان ردت عليه وطمنها ان صقر قبل ساعه وصل لانه كلمهم وحب يطمن اخته
/
/
/
اسيل: بتتأخر؟
فارس : بس بجيب البوك وارجع لك تبين تنزلين معي ؟
اسيل وهي متردده وخايفه : مايحتاج
فارس: ماتبين تشوفين الشقه ؟
اسيل: بعدين عشان مابي نتأخر
فارس بعتاب: ماتبين تتأخرين ولا خايفه مني؟
اسيل: لا بالعكس واثقه منك بس
فارس : على راحتك حبيبتي
اسيل حست انها خايفه اكثر من الازم هي تحبه وتثق فيه ومو من الشباب اللي يحن على شوفتها يعني طمنها هالشي وطمنها اكثر انه ماصر على نزولها دارت بعيونها في المكان وخافت من الرايح والجاي وقبل مايسكر الباب وكأنه متأكد انه بتجي: فارس!!
فارس دخل راسه: هلا
اسيل :لحظه بنزل معك
فارس ابتسم بخبث : يالله عشان مانطول
دخلت معه الشقه وسكر الباب بهدوء وهي تتلفت للمكان كانت شقه صغيره بس كلاسكيه كل شي فيها انيق
فارس وهو يمسك ايدها : اعجبتك ؟
شالت اللثمه : مره حلوه والاناره هاديه
فارس : طيب خذي راحتك شيلي الشيله
شالت الشيله وحركت شعرها القصير اللي قاصته اناناس بنعومه
فارس مات على حركتها بس مسك نفسه: بروح اجيب البوك من الغرفه واجيك
هزت راسها اسيل وهي تتحرك بالصاله وتدخل المطبخ وفتحت الثلاجه وشافت عصير صبت لها كوب لانها حست بعطش
فارس جلس بالغرفه وتعمد يتأخر وهي جلست تتنظر لين ملت وجات لعنده وانبهرت بالغرفه
كان يغلب عليها اللون الاحمر والابيض والاناره معطيتها اكثر جاذبيه
اسيل: اسفه بس تأخرت
فارس وهي يسوي نفسه يدور: مالقيته مادري وين حاطه
اسيل : طيب ادفع انا بعدين اذا لقيته رجع لي عشان ترتاح
فارس : على بالك تمشي علي هالحركات
قرب منها بكل هدوء : ياقلبي تدرين انك حلمي اللي تمنيته وكأن الله اهداني وجابك لي من السما
اسيل بكل رومنسيه : وش اقول انا ؟ انت كل وحده تتمناك طيب رومنسي وماعمرك زعلتني ، كنت تسمعني اذا كنت محتاجه احد يسمعني ، غرقت عيونها
وكملت تعرف ابوي مايهتم فيني يابشغله يامسافر لزوجته الثانيه وامي اللي اخر همها بالرغم اني انا الوحيده لها ، فارس كنت محتاجه لهذا الحب ومحتاجه احد قربي ولقيتك وماخيبت ظني فيك
فارس كان مبسوط وهو يسمعها وهذا دليل على انها تأثرت وبدت تنسجم وناظرها وهو مركز عشان يبين انه مهتم فيها
كملت اسيل اللي كانت تعاني من الفراغ العاطفي وانشغال ابوها وامها عنها ودمعت
فارس ضمها وجلس يمسح على ظهرها بحنان : خلاص انا امك وابوك وحبيبك وكل شي بس مابي دموعك
اسيل زادت وضمته اكثر وكأنه شي خايفه تفقده واستغل هالنقطه وبدأ ينفذ اللي في باله وكان الشيطان ثالثهما
ïپŒوبكل سهوله سلمت نفسها له
/
/
/
تحرك صقر على الجهه الثانيه بعده قام لانه حس نفسه انها من زمان وهو نايم فتح جواله ولقا السعه 7 باليل
: اوووف كل هذا نوم ناظر جنبه مالقى الريم وفز بسرعه وفتح الباب وشافها نايمه على الكنبه وشعرها الليلي طايح كله على وجهه
قرب منها : يالله نايمه هنا
رجع ودخل الحمام وضى عشان يصلي الصلوات اللي فاتته
وقرر يصحيها عشان تصلي يطلعون
صقروهو يشيل شعرها على وجهها ( مااسرني الا هذا الشعر ): الريم اصحي يالله بسك نوم
الريم فتحت عيونها وعقدت حواجبها : كم الساعه ؟
صقر: 7 بالليل
الريم فزت: يعني راحت علينا كل الصلوات ؟
صقر: ماعليه اقضيها ويالله عشان نطلع نتسوق ونتمشى شوي
الريم : ان شاء الله
خذت المخده ورتبت البطانيه
وصقربدا يصلي
وهي راحت تغير ملابسها وتوضت وصلت وطلعوا راحوا للمطعم عشان ياكلون بعدين يتسوقون
واحلى شي بالموضوع انه مشي مايحتاج سياره
صقر: فيه هنا مطعم لبناني دايم اجيه يوم كنت هنا
الريم : اوووه انت جيت هنا
صقر ابتسم: ماتعرفين ان زوجك درس واشتغل هنا عشر سنين
الريم : انت كنت متغرب هنا ؟
ناظرت حولها مالومك اجل المكان مريح رغم اني كنت متخوفه من المكان بس حسيت براحه وانا اشوف هالعوايل وباين انهم عرب
حست ببرد لانها لابسه عبايتها لان ماعندها بالطوا يدفيها
فسخ جاكيته الجلدي وحطه على ظهرها ومسك ايدها
الريم نتفست عطره نفس العطر اللي اختارته له: بس برد عليك
صقر: لا انا متعود على هذا الجو بعدين مو حيل ترى الحين حلو
الريم: هههه تعرف بالنسبه لصيف الشرقيه ثلج
صقر طالعها وهو مبتسم باين انها مروقه)
دخلو المطعم تعشوا وراحو للسوق هيرني وخذت لها ملابسه حلوه مايحتاج ذوقها يهبل الريم وجاكيتات طويله عشان ماتضطر انها تلبس عبايه
كان صقر يشاركها الراي ويختار معها الالوان وهالشي ساعدها
استانسوا وهم يتمشون لكن مشى الوقت بسرعه ورجعوا البيت على الساعه 1:30
الريم وهي تجلس على الكنبه وتحط الاغراض وتفسخ الشيله والتوكه : اوووووووف تعبت
صقر : عاد انا متعود أمشي
الريم : رياضي ماشاء الله عليك انا كله من الكعب
رفعت رجولها تدلكها
اخر مره البسها تعبتني
صقر ابتسم :هذا حالكم يالحريم
الريم : ههه والله من طولي الزايد أ لبس احس اني اصير قزمه عندك عشان كذا كل النعالات اللي خذتها كعب
صقرجلس جنبها وهي تفحص الاكياس وتفتحها
بعدين قالت: مادري انت طويل بزياده ولا انا قزمه؟
صقر : ههههه لالا طولك زين وسط بس انا اللي طويل
الريم بعفويه طلعت اللسانه وهي تبتسم : شكيت بنفسي
صقر شال الاكياس منها ومسك ايدها والريم انحرجت : يعني انبسطتي اليوم؟
الريم جزء من شعرها مغطي وجهها : ايه الحمدلله مشكور
رفع شعرها لكن كأنه يعانده رجعت تنزل والريم دقات قلبها ترقص ، شالت ايدها من ايده وفتحت الشنطه خذت توكه ورفعته على فوق بحركتها المفضله وبان وجها البيضاوي اكثر ، شالت الاغراض : بروح ارتبها
جلس صقر يطالعها لين دخلت الغرفه
الريم سكرت الباب وجلست وراه وللحين داقات قلبها ماهدت ( مدري ليه اتوتر اذا عاملني كذا ؟ لاني اخاف ان بعد هدوءه عاصفه )
رتبت الاغراض ودخلت خذت لها دش سريع ولبست بجامه حمرا ثقيله توها شاريتها لانها تحس الجو فيه بروده وحطت روج احمر وكحل من داخل وتركت شعرها اللي شبهه مبلول بس لبست تاج احمر نعومي فيها ورده على جنب كانت تهبل طشت من عطرها
طلعت وهي شايله المخده والبطانيه وشافته جالس يفر في التلفزيون
كان صقر يفكر فيها شلون كانت رايقه وعفويه والابتسامه ماغابت عن فمها ، حس انه طاير من الفرحه معها
قطع تفكيره ريحة عطرها اللي سبقها والتفت جهة الباب
صقر رفع حاجبه مبهور من شكله لكن استغرب وش شايله :...
الريم وهي مبتسمه:لاتخاف بسهر ماراح انام قبل اصلي بس اجهز؟
صقر فتح عيونه زياده : وش هاللي في يدك؟
الريم نزلت راسها وبرائه : بطانيه ومخده
صقر: الريم انتي زوجتي حلالي يعني فاهمه مايحتاج اقولك؟
الريم حطت اللي بيدها وهي ساكته
صقربهدوء : الريم رجعيها الغرفة
الريم للحين منزله راسها : ماعليه ابي انام هنا اليوم
صقر: يعني هالكنبه مريحه اكثر من السرير؟
الريم: ....
صقروهو يوقف: الريم ترى حقي اذا ماخذته اليوم باخذه بكره واذا مو بكره بعده
الريم شب وجهها وسكتت
صقر: فاهمه ؟الا اذا ناويه تحرميني من حقوقي فهذا شي ثاني؟
الريم بصوت يرجف: ماعليه صقر بس عطني فرصه لين اتعود عليك
صقر هز راسه ومشى من جنبها عشان يبي يتروش ويبدل وهي ماصدقت راح جلست على الكنبه وهي ترجف
اما صقر دخل الغرفه وهو معصب بس جلس يهدي نفسه لانه يبي يقربها منه مو يبعدها
الريم جلست تفكر بالموضوع حست بصعوبه الموقف ، ماتقدر تعطيه أي شي وهي للحين تحس انه غريب عنها ، صحيح بدت تميل له بس مو لهالدرجه
صقر قبل مايدخل الحمام وعشان يبين انه مو زعلان منها رجع لها : خذي جوالي وكلمي هلك اذا تحبين
الريم ابتسمت ونست تفكيرها بمجرد ماطرى هلها
دقت على البيت ، ردت امها وكانت وضحى عندهم لان ام ماجد تبي تروح عند بنتها وقالت من مره اروح لهلي
سلمت عليهم
الريم خدودها توردت: وضحى وش هالسؤال؟
وضحى: يوه يالريم عادي مو انا اختك الكبيره ومن علمك الاساسيات هاه؟ بعدين امي قلقانها وتبي تعرف
الريم: وضحى خلاص تطمنوا لاتحاتونا احنا متفاهمين ومبسوطين وبالنسبه لسؤالك ماراح اجاوب عليه يالله سلمي على ابوي وجراح وراكان وكل العايله الكريمه
وضحى: شوف النذله
الريم: ههههه وقولي لشوق تحاول تشبك لاني جبت الاب توب حقي يالله سلام
وضحى: هين يالريم باي
جا صقر وهو يشوف الريم للحين وجهها احمر وباين انها منحرجه من شي
صقر: اخبارهم بشري؟
الريم : بخير يسلمون عليك
جلس صقر وحط على فلم اجنبي : بكره ان شاء الله راح نطلع بدري بس ماراح اخليك تنامين الا بعد الصلاه
الريم طالعت الساعه : أي والله كفايه امس مفوتين اربع فروض
صقر: قولي رايك بألمانيا بوجهه عام
الريم ابتسمت وتربعت: اممم انا بلد اجانب ماحبها بس اول ماوطت رجلي بمطارها وشفت شوارعها فيها شي خلاني ارتاح
صقر استنانس: يعني بتغيرين نظرتك للخارج ؟
الريم: هههه بس ألمانيا وهذي المدنيه غيرها لا
صقر: ان شاء الله راح تحبينها مثلي واكثر بعد لاني بكره بطلعك اماكن حلوه ورايقه
الريم :ان شاء الله بس نبي من بدايه النهار عشان اشوف
صقر : اكيد
واستمر الحديث هادي بين الطرفين وكل واحد يقول اللي يحب ويكره الين جا وقت صلاه الفجر وناموا بس صقر خلى الريم تنام بالغرفه مارضى يخليها تنام على الكنبه
/
/
/
فارس شاف اسيل اللي من بعد ماصار اللي صار كانت نفسيتها زفت
فارس: ليه حبيبتي مسويه كذا بنفسك؟
اسيل وهي تصيح: فارس احنا تسرعنا ماكان مفروض نتمادى اكثر
فارس وهو يضمها يهديها: لا حبيبتي لاتقولين هالكلام انا اوعدك اول مايجي ابوك راح اخطبك رسمي
اسيل: بس ابوي شكله مطول
فارس بفرح من داخل: متى يعني بيجي؟
اسيل وهي تمسح خدودها: ثلاث اسابيع تقريبا
فارس: ماعليه تحملي تعرفين ماقدر اخطبك الا منه
اسيل هدت شوي
فارس: بعدين اسيل حطي في بالك ان اللي صار بينا يصير بين كل اثنين يحبون بعض ، يعني انتي كان طلعتي مع شخص غريب وسويتي هالشي
اسيل : لا طبعا
فارس : ادري ياحياتي ثقتي فيك مالها حدود بس ابيك تعرفين ان اللي صار من كثر مانحب بعض طيب
اسيل ابتسمت له وهزت راسها
فارس (ههههه والله يافارس وقدرت تقنعها بسهوله هي بين يديك تمتع في جمالها ثلاث اسابيع )
/
/
/
حطت اللمسات الاخيره على وجهها ورشت عطر وناظرت نفسها نظره اخيره
اليوم جراح جاي عندهم ولازم يشوفها حلوه
دق جوالها وعرفت انه وصل وبسرعه انزلت عشان تفتح له وتستقبله
ام صقر: يابنت اركدي تبين تطحين ؟
الجازي : ههه جراح تحت
ام صقر: ههههه الله يسعدكم روحي افتحي الباب هذا هو يدق
الجازي افتحت الباب
جراح كان جايب ورد احمر : مساء الخير وهذا الورد للورد
الجازي ابتسمت له: مساء الخير
خذت منه الورد وسلمت عليه ودخلته المجلس وجات ام صقر وسلمت عليهم واستأذنت
وجلسوا يسولفون واحلى كلام تنطقه شفات العاشقين
/
/
/
كان خالد يكلم شوق
خلود صدقيني احس بمشاعر اتجاهه والمشكله وهو مادرى بسوقي وشكل سالفه سلطان بتكرر مره ثانيه
حس بغيره خالد من سلطان مايدري ليه
مو تقولين ماعاد يهمك سلطان؟
ايه صحيح وهذا اللي اللي احس فيه يعني مو مثل اول ياخلود انا حبيت تعامل سلطان مع اخته اهتمامه بس مو مثل خالد فيه شي جوات قلبي يخلني انجذب له
آآآه ياخلود مادري وش اسوي بالمشاعر اللي داخلي
انبسط خالد على كلامها
بسم الله عليك من الاه ، وش دراك يمكن حتى انتي عجبتيه
اقول لاتدخلين امل بحياتي بحاول قد ماقدر اتناساه بعدين اخته بتتزوج وتسافر ماراح اسمع عنه شي يعني بساعدني هالشي
شوق حبيبتي !
هلا خلود ياصديقتي وكنزي اللي لقيته واختي اللي ماجابتها امي
هههه كل ذا انا
واكثر ماتتصورين وش قد ارتاح لما اطلع كل اللي بقلبي لك
بس ماشاء الله عليك كثير بنات ينحرفون عشان يشبعون العاطفه اللي بداخلهم
بسم الله علينا منهم مستحيل ارضاها على نفسي وين خوفي من رب العالمين اصلا شلون بطالع هلي وارفع عيني بعينهم وانا اخون ثقتهم
خالد ابتسم كل ماكلمها اعجبته اكثر واصر على قراره اكثر واكثر
قولي امين ياشوق
شوق امييييييين
انك تأخذين خالد ويسعدك ربي معه
هههه لاتحرجيني بس الله كريم
هههههه ياحبي لك
/
/
/
مضى اسبوع بسرعه وكان صقر والريم يصحون 10 الصباح ولايرجعون الا 12 الليل
كانت الريم مستانسه ان علاقتها بصقر تحسنت وشبهه مستقره وصقر نفس الكلام اذا شافها مبسوطه يحس انه ملك الكون كله
اكثر شي اعجب الريم وانذهلت فيها يوم راحت قصر (nymphenburg) نيمفنبورغ كان القصر قمه الروعه وفيها حديقه واسعه وبحيرات عكس جمالها اللون السما الازرق وكان الجو روعه يميل للبرود
وداها صقر قصر شيلشايهم وهذا القصر مشهور بزخارفه الفنانه
كانت الريم سعيده وهي تشوف هالمناظر والطبيعه الخلابه
واحلى يوم عندها يوم راحوا مدينه بفااريا اللي تعرض افلام واللي يدخلها كأنه معهم في الفلم
دخلوا مطعم عشان يتعشون فيه بعد المشوار اللي قضوه في قصر الاحلام اللي انذهلت الريم منه
كان على اسمه وكأنك وانت تدخله في حلم
الرسومات والاثاث كان شي خيال وكل زوايه من القصر يطل على منظر طبيعي
الريم وهي مبتسمه: يالله يالتني اسكن فيه
صقروهو يمسك ايدها: هههههه شكلك للحين تحلمين
الريم : والله يجنن ماتوقعته كذا
شافت الريم بنتين وحده منهم تناظرها بحقد وكره واستغربت منها الريم بس ماعبرتها وشوي توقف هذي البنت وكانت تشبه امل حجازي واجد نفس لون شعرها وطولها وجسمها ولابسه بنطالون جينز ضيييق بدي اسود لاصق في جسمها وقصير يعني يبين شوي من بطنها لان المطعم دافي واكثرهم يفسخون جكاتيتهم
صقر انتبه لريم وهي تطالع وراه وناظر وراه وياليته ماشافها وقف
.... ابتسمت ابتسامه وسيعه: بنسوااااااااار ماعم سدء صئر هوني بالمانيا لك اشتئت لك وضمته بقوه
صقر وهو يحاول يبعدها منه : هلا دارين
دراين: لك منور يائلبي وينك ماعم تتصل وتسئل ولو صئر
صقر توتر وناظر الريم اللي كانت متفاجأه باسلوبها الوقح واللي قهرها اكثر انها ماحترمتها
: دارين اعرفك على زوجتي وحبيبتي
دارين تغير وجهها لكن سوت نفسها انها توها تنتبه: اووو اهلين وسلمت عليها بطرف اصابيعها
الريم حست بنار تكوي قلبها ، وهذا دليل على الحب وبدايه الغيره لكن كلمه حبيبتي ريحتها وحست بفرحه يوم سمعتها
صقر: اخبار جوزيف؟
دارين وهي تجلس من غير ماتستأذن : بخير يعني مو عارف انك هوني
صقر: لا كنت بسوي له مفاجأه
الريم كانت تراقب كلامهم بهدوء وحاسه بتوتر صقر لكن من داخلها بركان وتحاول تجامل وتبتسم له
صقر وهو قاصد يسوي هالحركه مسك ايد الريم وهو مبتسم ومركز بعيونه على الريم: تعرفين جاي شهر العسل انا وحبيبتي وابي اوريها وين كنت مستقر
دارين انقهرت اكثر لانه يبين انه يحبها وقفت بسرعه: هني لها يالله بشوفك وهي تطالع الريم بحقد ياحبيب البي
وراحت مع صديقتها اللي كانت تنتظرها عند الباب

صقر وهو ياكل:هذي اخت صاحبي اللي درست معه بالجامعه لبنانين مقيمين هنا
الريم وهي تسوي نفسها مو مهتمه: مبين من لهجتها
صقر يالله نرجع البيت احس ظهري يوجعني
صقر حاس انها متضايقه لانه باين من وجهها لكن ماعلق : اوك يالله
حاسب ورجعوا الفندق
كانت الريم فعلا تعبانه مشت كثير اليوم وموضوع دارين حرك غيرتها على طول راحت الحمام وتروشت وبدلت ملابسها ونسدحت على السرير وهي تتألم
الريم : آآه بطني
قامت تدور سابفوين لانها متعوده عليها اليومين الاولى انها تبلع هالحبوب لكن ماحصلتها
وقف صقرعند باب الغرفه متردد هو يبي يفاتحها بموضوع دارين بس مايبي يكبر السالفه لانها ماتعني له شي باختصار وفي نفس الوقت يبي يفاتحها بموضوع النوم لانه تعب من الكنبه كسرت ظهره
سمع ونات وخاف وبسرعه دخل : الريم ؟
شافها متلحفه ومنكمشه على نفسها بعدين قامت : ايوا صقر
صقربخوف: وش فيك ؟ ليه وجهك احمروتبكين
الريم وش تقوله متفشله منه: لا عادي مافيني شي
صقر: الله يهديك اسمعك تونين وتبكين وتقولين مافيني شي
الريم وهي ماسكه بطنها : لا بس عوار في بطني وبيروح شكلي كثرت اكل
تذكر صقر انها ماتعشت واجد واستغرب
( لايكون تضايقت من دراين ؟ هذا اللي ناقصني دارين تخرب علي علاقاتي بها ماصدقت على الله تندمج معي هالاسبوع )
قرب من عندها وهي يسمح بيده على وجهه لكن الريم بسرعه بعدت منه وراحت الحمام تستفرغ
صقر فتح عيونه وعلامات الدهشه تكسي ملامحه: وش فيها كانت زينه الله يخسك يادراين
، يمكن دخلها برد ، ولاماناسبها الاكل الايراني
؟؟؟؟؟؟؟
خرجت الريم وهي تعبانه وبردانه ساعدها صقر ولحفها
صقر: الريم اوديك المستشفى شكل دخلك برد
الريم بتعب: لالا بيروح بس ابي سابفوين مدري وينه ؟
صقرعصب: على كيفك تاخذين حبوب وتبلعينها قومي اوديك المستشفى
الريم تحاول تفهمه : ياصقر متعوده انا اذا اوجعني بطني اخذها
صقر مدلخ ومعند: لا مو زين يالله البسي عشان اوديك
الريم وهي منحرجه: صقر !!
صقر ناظر فيها يبي يفهم ليه مو راضيه: وش فيك صحتك بالدنيا عندي
الريم حست انها محتاجه حنانه غرقت عيونها ونزلت راسه وهي تحس بالم اكثر وفي نفس الوقت منحرجه : طبيعي هالالم كل شهر يجيني
صقر عرف وطق راسه على دلاخته شلون مافهم مسك ايدها : مابينا احراج يالريم انتي زوجتي كان قلتي من اول
صقر كان وده يضمها عشان يشيل هالاحراج والتعب اللي فيها وبلحظه طالعت فيه وانزلت دموعها جن جنونه وعلى طول مسحها وضمها بقوه: لا حبيبتي ماقدر اشوفك تبكين
الريم حست انها محتاجته وتأكدت انها صارت تحبه وضمته اكثر واكثر
استمر هالوضع لين نامت لحفها وراح الصيدليه مايتحمل يشوفها تتألم .
/
/
/
اليوم ملكه وزواج رهف العائلي كانت خايفه ومتوتره وماغاب تهديد غسان عن بالها قررت انها تكلم ياسر قبل ماتسافر تقوله كل شي عشان ترتاح وتوقف غسان عند حده
ارتاحت وهي تشوف الكل حولها خصوصا وضحى اللي ماقصرت معها هي والجازي وشوق
شوق: بنت خلاص مو ماكلك
الجازي : اقول اسكتي مابعد تجربين الشعور هذا عشان كذا ماتكلمتي
رهف وهي مبتسمه وخايفه : ههه حرام عليكم لاتتخانقون عندي
وضحى: ماشاء الله رهف طالعه باربري
رهف ناظرتها بمتنان: صحيح؟
البنات كلهم: والله
رهف: طيب خوفتوني بسم الله
انطق باب الجناح حق رهف ، وبسرعه راحت شوق وافتحت الباب وهي تضحك على رهف لكن شافت قدامها خالد
خالد انبسط وين حظه يشوفها وبكامل اناقتها وهي على طول سكرت الباب في وجهه
وضحى: يمه شوق وش فيك؟
شوق: اخو رهف برا
وضحى: اوووه سوري نسيت انه ينتظر وجيت اقولها تطلع له لانه يبي توقيعها
شوق : وانا كلتها ياعمتي العزيزه
رهف : حصل خير
راحت وقعت وقالها تنزل بعد شوي وباله مع شوق اللي صار يحبها لحد الجنون
دخلت رهف وسلمت على اهل العروس واللي استانسوا انها كذا معهم كانت متقبلتهم وتكلمهم باحترام
كانت رهف تعرف نوف معرفه سطحيه في الجامعه
نوف : هاه يامرة اخوي كل شي تمام؟
رهف ابتسمت وباست بنت اختها الكبيره اللي كانت بحضنها: أي الحمدلله
جات ام ماجد وقالت ان ماجد وخالد يستونها برا
على طول مسكت ايد نوف لانها جنبها
نوف: اهدي حبيبتي اخوي مايحتاج امدحه ترى هو متفهم وشكله يريح الواحد الله يرحمك يايمه كان نفسها تشوفه بهاليوم
وقفت رهف وهي تتذكر شكله فعلا كلامها عنه صدق ابتسمت لهاوهي تقول : الله يرحمها
وطلعت مع امها وشافت اخوانها ينتظرونها دخلت المجلس وسلمت عليه
ماجد: اقول يالحبيب لاتسوي فيها ملتزم قدامنا ومن ورانا غيرههههههه
ياسر: هههههه الله ياخذ عدوك روح خلني مع مرتي شوي
خالد: هذي طرده عينك عين
ابتسمت رهف من سوالفهم ، لكن اختفت الابتسامه وحلت محلها الخوف وهم يرحون اخوانها ويتركونهم لحالهم
ياسر قرب وجلس ملاصق لها ومسك ايدها اللي كانت مشبكتها من التوتر : اهدي شوي حبيبتي
رهف رفعت عينها وهي متفاجأه :...
ياسر: لاتستغربين أي حبيبتي انتي كنت في بالي من يوم كنتي صغيره والحمدلله صرتي من نصيبي كنت خايف ارجع بعد دراستي احصلك متزوجه لكن ربي كاتب تكونين لي باس ايدها وهي تحس بالعار من سوايها قبل
ياسر: صحيح اني ملتزم مو مبين علي اني احب لكن في الاخير انا لي قلب وملكتيه
رهف حمدت ربها على هالزوج الطيب بس قررت تتكلم لانها ماتبي تخدعه وتبي تكون واضحه معه
: ياسر؟
ياسر انبسط انها تكلمت معه: عيونه
رهف: بغيت اصارحك بشي عن حياتي قبل وياليت تسامحني كنت مراهقه ومالقيت اللي يوعــ
قطع عليها ياسر: اشششششش لاتتكلمين عن شي فات كل انسان فيه عيوب وانا يهمني انك عرفتي عيوبك وصلحتيها
رفعت عيونها مستغربه يعني يعرف انها كانت مو زينه اول لهالدرجه سمعتها شينه ولهالدرجه راضي بعيوبها: بس
ياسر قبض على يدها : خلاص رهف انا شفت بعيني انك متغيره وان شاء الله اقدر اسعدك
رهف حست ان الدنيا مو ساعيتها من الفرحه
ياسر: يالله نروح الفندق لان طيارتنا الفجر
راحت رهف وسلمت على اهلها وهي متطمنه من علاقتها بياسر على احسن مايكون
/
/
/
رجع سلطان للبيت وخذ اغراض وملفات من السياره كان حاطها بالسيت اللي ورا
لكن شاف بوك مايدري من هو له قرر يفتحه
كان البوك فيه صور عمه وفارس وصور بنتين صغار شاف بطاقه صراف وبطاقه جامعه وشاف الصوره قبل يقرا الاسم كانت صوره بنت مملوحه واكثر شي حلو فيها عيونها العسليه الناعسه قرا الاسم وعرف انها ريناد
تذكر يوم طاحت شنطتها
سلطان: اوووه صار لها اسبوع معقوله مافقدتها
ابتسم وجلس يتأمل الصوره مايدري ليه ماغض البصر
خذه وعطاه ليان اللي كانت تكلم شوق وتقولها تفاصيل ملكه رهف
ليان : شوي شوق
هلا سلطان
سلطان: خذي هالبوك شكل ريناد ناسيته صارله اسبوع
ليان وهي مستغربه: ناسيته ؟
سلطان: أي في السياره يوم زواج الريم
ليان : اهااا خلاص بكره بتجينا حطه على المكتب بعطيها مشكور
سلطان: تصبحين على خير
ليان وهي تكمل محادثتها وانت من هله ياقلبي
/
/
/

الجزء السابع عشر
/////


رجعت البيت وهي تحس بحزن وتحاتي والخوف ميسطر عليها صارلها فتره تحاول تبين انها بخير لكن تحس بالعكس ، عبدالله خلاها وصارله اسبوع ماتصل تعتب اكثر لاتصل ولاحتى طمنها ورد عليها برساله قررت تدق عليه لكن تفاجأت انه مقفل
بدلت ملابسها وفتحت درجه وشافت شماغه وثوبه وجلست تلمسه بحنان وهي دموعها على خدودها، شافت علبه عطر قديمه كانت مرفوعه في الدرج تذكرت انه العطر اللي هدته اول عيد زواجهم كان عبدالله محتفظ فيه لهالحين
حست برغبه نوم بعد مجهود البكي وسط الذكريات اللي مضت نامت
/
/
/
تسكر باب الجناح وجلست رهف ترجف لكن مو خوف لانها مع ياسر لا الخوف انها شافت غسان يكلم ياسر ويضحك معه
ياسر: الف مبروك ياحياتي ابيك تبدلين عشان كلها ساعتين ونمشي المطار
رهف كانت تفكر
( يالله ياربي كانك تبي تعاقبني على سوياي قبل فهذا اقسى العذاب يارب انا تبت وانت اعلم بنوياي استر علي وريحني من الخوف اللي احس فيه)
استغرب ياسر من رهف ليه واقفه للحين وسرحانه: رهف؟؟
ناظرت رهف لوجهه ياسر اللي يجيب الراحه وعيونها فيها دموع
ياسر قرب منها وضمها: وش فيك خايفه مني؟
رهف من بين دموعها: لا بس ودي اتكلم معك شوي
ابي اطلع اللي بقلبي
ياسرابتسم : بس كذا كلي اذان صاغيه يالله بدلي وتعالي وانا اسمعك
رهف ارتاحت شوي وراحت الغرفه وقررت تلبس تنوره قصيره جينز لنص الفخذ وترتبط من فوق بطريقه حلوه وتحتها بنطالون برمودا لاصق عالجسم وردي وبدي وردي يعني كأنها باربري حقيقي وتركت شعرها مفتوح وحطت روج وردي وكحل من داخل
جلس ياسر يرتب العشا اللي وصل وجاه مسج فكر انه احد من اصحابه يبارك له فتحه وهو مبتسم لكن سرعان ماختفت ابتسامته وقف بسرعه واخذ الظرف وفتحه
شال الغتره والعقال بعصبيه وعيونه فيها ألم، انقتلت فرحته اللي ماشافت النوريوم شاف صور رهف وهي بكامل زينتها ، انفتح الباب وطلعت رهف لكن شافت ياسر مو على بعضه كان وجهه احمر وجالس يمسح على لحيته
رهف : تأخرت عليك ؟
طالعها ياسر بنظرات لها الف معني ومعنى ( ليه يارهف ؟ كنتي بعيوني ملاك ، كنتي كل شي بحياتي ، رسمت الماضي والحاضر والمستقبل معك واخرتها تطلعين كذا )
رهف وكأن قلبها نغزها وعرفت وش هالنظره: ياسر فيك شي؟
ياسر نزل عينه وقلبه متألم: لا مافيني شي تعالي تعشي
جلست رهف وايدها على قلبها شوفه مايشجع انها تكلمه بالموضوع اشربت العصير وهي متوتره وتحس بعطش كل ما رفع عينها عليها
قطع تفكيرها ياسر: شفتي اللي سلم علي قبل ماتدخلين الجناح
رهف طاحت الشوكه اللي كانت بيدها من الخوف وهذا اكد لياسر اللي يفكر فيه
ياسر بهدوء عكس البركان اللي داخله: وش فيك؟
رهف مسكت اعصابها : من هو تعرفه؟
ياسر ابتسم على جنب : هذا ولد خالتي معرفتي فيه سطحيه حتى اني استغربت انه متعني وجاي يبارك لي للفندق وكمل وهو يطالع فيها الظاهر كان يحبني وانا مادري
رهف ( غسان يصير ولد خالته آآآه ياحظي ، ياربي عطني القوه انت تدري اني ماتماديت معه يالله ياكريم)
ياسر وقف ومعه الظرف ومن غير مايطلعها : انا بروح اريح لين يقرب موعد الطياره ودخل الغرفه وانسدح على السرير وهو يفكر برهف وسوايها
رهف حست ان ياسر واصله شي مو معقوله ان ينقلب فجأه الا اذا فيه سبب قوي وياخوفي يكون غسان السبب
بس هو دخل ومافيه شي ليه بس يوم طلعت له
دارت الف فكره وفكره بكت رهف عروس تبكي من قل حظها يوم تابت واضحكت لها الدنيا وحست بالحياه والطريق الصح صارت تلوي ذراعها ، وكأنها تعاقبها على ماضيها
/
/
/
الريم وعيونها تلمع بحب بعد قلبي والله ) خلاص صقر والله انا بخير
صقر: بطلعك بس بشرط
الريم وهي تأشر على عيونها: شرطك انفذه من عيوني بس طلعني
صقر( يالبى عيونك ناويه تجنني هالبنت بحركاتها ): اذا تعبتي تقولين مو تسكتين
الريم انحرجت : خلاص طيب
صقر : يالله تجهزي اوديك مكان يحبه قلبك
الريم بسرعه نطت من كنبه الصاله ومن الفرحه مسكت خدوده بقوه وباسته ودخلت الغرفه ركض
صقر فتح عيونه متفاجأ من حركتها اول مره الريم تسوي معه كذا ( يالله يالريم لهالدرجه فرحتك بالطلعه هذي مسك خده وهو مبتسم مايبي يضيع أي احساس حلو منها)
اما الريم جلست عالسرير وهي حاطه السبابه داخل فمها وتعض عليها من الاحراج
انا شلون سويت كذا ، مدري مفجوعه عالطلعه انا ، لاتنكرين يالريم اصلا تبين تبوسينه من زمان وجات فرصتك ابتسمت باحراج يووه وش بيقول عني الحين
عادي هو زوجك قومي يالله البسي
كشخت الريم وتجهزت هي صارت بخير اليوم بفضل الله وصقر اللي كان سهران عليها
يوم طلعت شافت صقر يناظرها بأعجاب وهي للحين منحرجه من حركتها
الريم : احم يالله انا جاهزه
صقرابتسم وفتح ايده عشان تمسكه وبخجل مسكتها وطلعوا كان مستاجر سياره عشان يقضون مشاويرهم البعيده وفكر يوديها مكان رايق ويريح كان اذا حس انه محتاج راحه يوم كان عايش عنه يجيه
نزلوا وتعانقت قلوبهم بحب قبل كفوفهم وكل واحد يقول كلام بقلبه من كثرة المشاعر لكن ولا واحد منهم صرح لثاني اكتفوا يتركون عيونهم ولمسات كفوفهم تتكلم
الريم بذهول : واااااااااااااااو المكان رااااااااااايق
صقر ناظرها من على جنب كانت فاتحه يدها الثنين وتنتفس بعمق
كان المكان روعه السما صافيه والجو بارد بس يعتبر حلو والبحيره خيال وكأنها لوحه رسام مع الشجر الاخضر اللي حوليها
صقر: هذا طال عمرك اسمها بحيره شتارنبرج كنت دايم اجي اغير جو هنا
الريم ومازلت مغمضه عينها وقابضه بيدها اليمين على يده بقوه: مالومك آآآآآآآآآآه يجنن الهوا
كان صقر سارح برمشوها الطويله وخشمها الصغير الحاد واللي حمر من البرد ، تركزت عينه على الشامه اللي في خدها وش كثر تعذبه هالبنت من كثر مايحبها
فتحت عين وحده وطالعته على جنب وابتسمت: وش تسوي ؟
صقر: اتأملك!!
الريم وكأنها تجرأت عليه شوي لفت وجهه للبحيره: احد قدامه هالطبيعه ويطالع غيرها
صقر: هههههه حتى انتي طبيعه جميله واحب اتأملها
توردت خدودها وجلست تدور الكاميرا عشان تصور كانت تصور كل مكان تروح له
خذوا الفرشه وجلسوا على العشب وحطت الاغراض الريم اللي خذوها بفرح وجلست تصورها
وكل حركه كان صقر يراقبها
انتبهت الريم لولد اشقر يلعب بالكوره وجاي قدامهم
: يالبى قلبهم الصغاريدندون
صقر: شكلك تحبين الاطفال
الريم : مووووت والله واحشني طارق
صقر: اهااا اثرك انتي اللي مخربته
الريم : هههه لا وربي بس دلعته حبتين
صقر ااااااااخ ماقدر
صقر بخوف: وش فيك؟
الريم : ههههههه مافيني شي بس ماقدر اجلس ابي ابوسه
صقر : خوفتني
راحت الريم وجلست تقبص خدوده وباسته بقوووووووووووووه وعطته شوكولاه
صقر: هاه ارتحتي؟
الريم : ههههههه أي يجنن والله رحمته ولاكان موته بوس
صقر بخبث: خلاص شدي حيلك وجيبينا ولد مثله
الريم حمر خضر زرق وجهها وسكتت
انبسط صقر على احراجها وكمل : واذا ماتبين وفري البوس لي
هنا الريم خلاص سوت نفسها ماتسمعه وتدور في شنطتها على ايش مادري
صقر ابتسم وبداخله ميت عليها
/
/
/
اليوم تقدم راكان ليان اللي كانت مفاجأه لعايلتهم بس بالعكس فرحوا كثير لان سمعت ابو لافي مايحتاج والكل يدور نسبه وراكان رجال محامي والكل يمدحه
ليان وهي للحين مو مستعوبه : خطبني انا؟
سلطان: ايه خطبك وقلنا له راح يوصله الرد بعد يومين
ابيك تفكرين زين ، ترى موضوعي يختلف عنك واحب اطمنك اني ناوي اخطب ريناد قريب
ليان فرحت: صدق؟
سلطان بابتسامه حنون: صدق هي بنت عمي وماراح احصل مثلها
ليان: الله يبشرك بالخير بس...
سلطان: بس ايش؟
ليان: يعني تعرف فارس انه..
سلطان: اصصصصصص لاتتكلمين عنه
ليان : انا خايفه عمي يزعل بس هو مايهمني
سلطان: اصلا عمي كان حاضر وفرح بخطبتك يعرف ان ولده مو كفوا زواج ومايبي يقطع نصيبك ترى عمي رجال يخاف ربه ياليان
ليان ارتاحت وجلست تفكر بمواقفها من راكان عمري ماتصورت بنكون لبعض اولا لانهم من قبيلتين مختلفتين وثانيا ماتوقعت انه يفكر فيها كزوجه لانهم دوم خناق مع بعض
انسحب سلطان بهدوء وتركها عشان تفكر براحتها هو مستانس على اخته ونصيبها وانها تخلصت من فارس اللي من يومها صغيره وهي مسماه له وتذكر قراره بخطبه ريناد حس براحه اكثر شاف امه والفرحه بعينها وابوها اللي رحب بالفكره ونو يخطبونها بكره
/
/
/
مرت يومين وانتشرت خطبه ليان وفرحوا اهل راكان فيه اما راكان شوي ويستخف وسلطان تمم خطبته بعده على طول وعمه رحب فيه ونبسط حيل منه
عبير بقهر : على كيفهم هذولا هي مسماه لاخوي شلون كذا يوافقون
ام فارس : وانتي وش عليك خذي بالك من نفسك واللي في بطنك وزوجك
عبير: وفارس اخوي مسكين ضامن نفسه انها له ولاعنده خبر
ريناد: خليه يجي البيت عشان يعرف هو اصلا يدخله؟
ام فارس : الله يهديه هايت هذا الصبي مدري وش نهاية هالصياعه
عبير : انا بقوم اعلمه مايصير مايدري بشي
ام فارس : لا متى ماجا يعرف
مع دخله فارس
فارس : هاااااااي
يبي يطلع الدرج وقفته امه: انت ماتستحي ياولد وينك ثلاث ايام ضايع ماندري وين طاس
فارس: يمه مشغول حيل حتى الحين ابي اخذ ملابس وبطلع
عبير وهي تقوم بصعوبه من الحمل: انت ماتدري بالدنيا حتى ماتسلم على صارلك اسبوعين مني
فارس: اووه سوري يالبطه مانتبهت لك
عبير: بطه بعينك
فارس : ههههههههههه
ام فارس : اقول ابوك متضايق منك ماترد على جوالك حتى خطبه اختك ماكلفت على نفسك تجيها
فارس: ريناد انخطبت ؟ متى ومن اللي خطبها
ام فارس: ولد عمك سلطان
فارس: هههههه مبروك اجل بتاخذين المعقد الله يعينك عليه
ريناد انقهرت منه ومن معاملته : مشكور كلفت على نفسك
عبير : وانت هذا اللي فالح فيه ليان انخطبت وطارت منك وخلك كذا على حالك
فارس انصدم: ليان بنت عمي ؟
عبير: ايه
ام فارس: ليه ناوي تعنس البنت لين تنصلح وتركد
فارس بعصبيه: بس هي مسماه لي مفروض مايوافقون
ابو فارس : لا شرفت حضرتك؟
فارس : يبه؟
ابو فارس بعصبيه: وحطبه ان شاء الله وش جابك للبيت جاي تاخذ فلوس وتبدل ولا تتامر
فارس : يبه صدق عمي وافق على خطبه ليان لغيري؟
ابو فارس : ايه عندك مانع؟
فارس بقهر: شلوووون يبه؟
ابو فارس: انا اللي قلتلهم يوافقون بعد
انا ماني مستعد اتحمل ذنب المسكينه اذا خذتك ، انت شايف نفسك كفوا تفتح بيت ، انت ماهتميت لنفسك تهتم لزوجه وعيال
فارس: ليان ماتاخذ احد غيري مو على كيفكم فاهمين
ابو فارس: اقول لاترفع صوتك علي
خافوا الكل وهم يسمعون النقاش والصوت يعلى
فارس: وش قصدك يبه مو رجال بعينك يوم توافق
ابو فارس : لا مو رجال خذها الرجال ولد ابو لافي اللي الكل يمدحه
فارس طلع معصب وهو يتوعد
ام فارس : طلع الصبي معصب
ابو فارس : خليه هذا ناوي علي يبي يموتني بتصرفاته الله
ريناد وهي تبكي : لايبه لاتدعي عليه
عبير كانت تبكي بصمت وام فارس مثلهم قام ابو فارس جمعهم على صدره وهداهم
/
/
/
جالسه في الغرفه وايدها على خدها وتبكي هذا حالها وصلت لوس انجلس وهو للحين مو معبرها ويكلمها من طرف خشمه ودايم يحاول يتجنبها
قررت تكلمه لو دفعها الثمن انها تترجاه بس ماتجلس كذا مسحت دموعها وصلت ركعتين ودعت فيها من قلب ربي يسر امرها وبعد مانتهت من الصلاه ضبطت نفسها وطلعت من الغرفه شافته حاط ايده على راسه
كان ودها تضمه تبكي على صدره كانت تدور الحنان اللي شافته يوم الملكه والخطوبه لكن ماشافت في عيونه يوم رفعها له الا القسوه والجفا
ياسر: تبين شي؟
قربت منه وهي ترجف وحطت ايدها على كتفه: ياسر
ياسر بعد ايدها بقرف: لاتلمسيني
رهف بلعت غصتها بصعوبه بس اصرت تكلمه : ياسر فهمني وش فيك ؟
ياسر ابتسم بألم: وش فيني ؟ولك عين تساليني يارهف ؟
رهف ودموعها تجمعت: ياسر انا في غربه ومالي احد غيرك
ياسر: وهذا اللي كاسر ظهري
رهف:ياسر قلت بتسمعني وصارلك يومين تتجنبي وين كلامك ؟
ياسر عصب : تلوميني بعد اللي عرفته يارهف
رهف : فهمني وش عرفت عشان ادافع عن نفسي
ياسر قام بسرعه : تبين تعرفين وش عرفت وانتي عارفه ماضيك الاسود وياليت مع احد غيره !! مع غسان ولد خالتي اكبر نصاب ومغازلجي في الشرقيه وانا اقول ليه جايني مو حب فيني
رهف دمعت :ياسر
ياسر قطع عليها وهو معصب : لا حتى ماكفاه رسالته لي في الجوال مرسل صورك
رهف حطت ايدها على فمها: صور ؟
ياسر: ليه ؟ تبينه يحتفظ فيها يامدام
رهف ودموع تنزل بسرعه: اقسم بالله العظيم ماعطيته صور
ياسربصوت عالي: لاتحلفين كذب حرااااااااام انتي اللي مثلك ماتعرف الله
رهف جلست على ركبها وهي تبكي : وربي مااكذب
راح ياسر الغرفه وفتح الظرف وقطها عليها : وهذي من صوره ؟
رهف تفاجأت عمرها ماعطته اصلا هو اللي يلحقها ويكلمها وكانت ماتعطيه وجهه: كيف وصلت له ؟
ياسربضحكة استهزاء: هههههههههههههه مصره تكملين المسلسل ورب الكعبه لولا ان اخوانك غالين علي واني في يوم حبيتك كان القبر مكانك
وكمل بألم انا نفسي اعرف وش سويت يوم ربي عاقبني وخذت وحده صايعه باعت نفسها برخيص
رهف شهقت وهي تبكي : لا تقول هالكلام حرام عليك
ياسر: طول عمري مصلي وقايم بفروضي وبار بوالدي واخرتها اتزوج وحده مو بكر وخاينه اهلها وكانت لها علاقه مع منو ؟ مع ولد خالتي الهايت
رهف وقفت : خلاص ماسمح لك اكثر تتهمني
ياسر : لاترفعين صوتك انتي هنا مالك صوت حالك حال الجدار فاهمه
رهف راحت الغرفه وكل احزان الدنيا فوق راسها
وياسر انسدح على الكنبه وهو يتنفس بصعوبه ومغمض عينه ويفكر بحاله وحال رهف اللي عشقها وتمنها من يوم هو مراهق
/
/
فارس راح بسرعه لبيت عمه وكان مافي احد موجود غير ليان وامها
انطق الباب بقوه وراحت تفتح الشغاله
فارس بصوت عالي : وينكم ؟ ياكلاب وربي ماتتهنون مادام راسي يشم الهوا
ليان قامت بقوه وهي خايفه : يمه صوت فارس
وشوي يدخل عليهم فارس الصاله
ليان صرخت لانها مو لابسه غطا وشعرها كله برا وتخبت ورا امها
ام ابراهيم وقفت بصعوبه: خير يافارس انت ماتحشم البيت واهله داخل علينا بشرك
فارس: اسمعيني انتي وبنتك دامني حي بنتك ماراح تتزوج احد غيري واذا ماتبيني فخليها عندك تعنس
ليان ماقدرت تسكت: وانت وش دخلك تتأمر علي ابوي للحين حي ربي يطول عمره واخواني على راسي
فارس بعصبيه: انت اخر وحده تتكلمين طايحه لي غرام ولد الجيران
ام ابراهيم : اسكت قطع الله اللسانك
ليان: اصلا انت مو رجال جاي تتهجم على حريم
فارس عصب وبكل وقاحه جرها مع ايدها ومسكها من شعرها
ليان صارخت من الالم : وخر ياقليل الادب
وام ابراهيم تفك بينهم : حرام عليك شلون تكشف البنت وهي ماتجوز لك
فارس: هي بنت عمي ومفروض تكون زوجتي
ليان وهي تبكي: اتركني يانجس
كان سلطان توه راجع من النادي وعازم راكان وخالد معه سمع صوت صراخ وشاف الباب مفتوح وانفجع
راكان خاف على سلطان بس مايقدر يدخل يخاف يكشف اهله اما خالد توتر مادرى وين يروح
سلطان دخل البيت وهو قلبه يرجف خوف لكن دارت الدنيا وسودت يوم شاف فارس ماسك اخته من شعرها ويضربها وامه تفك فيها
سلطان جرى: ايا قليل المروه والشهامه
وعطاه بوكس واضربه ضرب
ام ابراهيم خافت وضمت بنتها وهم يشوفون كل واحد يضرب الثاني
والدم يصب ومايدرون من اللي ينزف
ليان جلست تمشي بسرعه وهي تبكي في الصاله وشافت راكان اللي عند الباب متردد يدخل ولا لا
وكأنها شافت منقذذ وبلاشعور مسكت ايده
ليان وهي تبكي: راكان الله يخليك فارس بيذبح اخوي تعال
راكان فز قلبه وتحركت شهامته يشوف خطيبته تبكي عنده تطلب انه يساعد صديقه دخل وقالها وهو منزل راسه: اخذي امك واطلعي فوق بسرعه
خذت امها اللي كانت شبهه منهاره ودخلتها الغرفه اللي قريب من الصاله
راح راكان ينادي خالد اللي يسمع ولاهوفاهم شي
ويوم دخل شاف صديقه وهوسلطان يتضاربون
راكان وخالد فرقوهم بسرعه
سلطان وهو يمسح الدم من فمه: تتهجم على اختي ووامي يالخايس
فارس: انت الخايس تزوجونها وهي مسماه لي
سلطان وهو يحاول يفك راكان اللي توه يفهم السالفه: فكني عليه خلني ادبه الصايع
خالد بعصبيه: فارس اسكت ماتوقعت دني لهالدرجه ومنحط
فارس: مالك دخل انت لاتدخل بينا وااااااااااخر مني
راكان كلم الشرطه وجاو وخذوه وصل الخبر لبو فارس وجهه اسود من سواة ولده
راكان: حصل خير ياجماعه قوم ياسلطان لازم تروح المستشفى يشفون الكدمات اللي في وجهك
سلطان: بروح اشوف امي اول
راح لمه واخته وضموه بقوه وجلسوا يبكون
ليان: سلطان امي تعبانه لازم نوديها المستشفى
سلطان: يالله البسي عبايتك بسرعه
/
/
/
صقروالريم كانت احلى لحظات حياتهم قضوها هالفتره مع بعض دون مشاكل كانوا سمن على عسل
كانوا توهم راجعين من حديقه الحيوان هيلابرون
الريم : يالله كبيره مره وش ذي الحديقه
صقر:استناستي؟
الريم : اممم في البدايه تضايقت لاني ماحب الحيوانات بس بعدين استنانست خصوصا انك جنبي ههههه شوف ايدك احس اني قطعتها من كثر ماني ماسكتها
صقر وهو يهمس وقريب منها: كلي على بعضي حلالك
الريم تفشلت :وتبي تغير السالفه: هههههههه شفت القرد(السعدي) داهيه يدخن كأنه رجال صايع ههههه
صقر: تدرين انها اذكى الحيوانات ؟
الريم تهز راسها : صح قريتها هالمعلومه
صقر : جد وش اكثر حيوان اعجبك؟
الريم وهي تسبل بعينها: مايحتاج اقول الريم
صقر ذاب وبلع ريقه ومن غير سابق انذار مسك وجهها بكفوفه الكبيره وقرب وهو مغمض عيونه وبااااس عيونها بوسه طويله
الريم تصنمت ولاتحركت بس تحس ان الدم كله يضخ في وجهها وتحس بحراره خصوصا ان انفاسه قريبه
نزلت راسها خلاص ماهي قادره ترفعه من الموقف
صقر بهدوء : بكره الساعه8 بنمشي مدينه جارمش بتعجبك هي مدينه تطل على جبال الالب
الريم وهي للحين متوتره وتشد في بلوزتها: وينها بعيده؟
صقر مسك ايدها : اممم راح نروح في القطار يعني تبعد ساعه ونص
الريم وهي تطالع الساعه: يلا صقر بروح اجهز الشناط حاول ترتاح عشان مابيك تنام بالقطار ابيك تسولف لي عنها
صقر ابتسم( لمتى تتهربين يالريم انا اشوف بعيونك شي ثاني ؟ الحمدلله اني قدرت اخلي السعاده تدخل قلبك )
: اوك اجل انا اقوم اتروش
الريم بادلته الابتسامه : لاست قو
/
/
/
العنود جلست تدور في الصاله وهي عرقانه وحالتها حاله ماعاد فيها تستحمل الالم مشت بهدوء لغرفه النوم
العنود: ماجد آآآه ماجد
ماجدعقد حواجيه لكن شاف العنود شكلها تعبان فز بسرعه: عنودي وش فيك؟
العنود: شكلها ولاده قوم ودني المستشفى وطارق تكفى وده عند امي
ماجد لبس وعلى طول لبسها العبايه واخذ الشنطه اللي مجهزتها مع اغراض البيبي
ماجد : وين اغراض طارق ؟
العنود : عند سريره جهزتها اول ماجاني الالم جهزتها
ماجد : اخذ الاغراض ونزلها ورجع حمل طارق اللي كان نايم
وصله عند جدته وطمنهم ومارضى ياخذهم معه لانه ممنوع احد يدخل اذا جا وقت الولاده وعدهم انه كل شوي يتصل فيهم ويطمنهم
/
/
/
تجري بسرعه فيه حيه تلحقها خافت يوم شافت شكلها كان لونها غريب انخشت الحيه ورا صقر وتلمسته بس ماذته الريم : صقر ابعد عنها
كانها سمعتها الحيه وناظرت فيها وهي تمشي شوي شوي تبي تقرب منها
لاااااااااااااااا
صقر خاف من الصرخه وراح لها الغرفه: كانت الريم حاطه ايدها على وجهها وتتنفس بقوه
الريم شافت صقر وبكت: صقر كابوس مرعب
صقر ضمها وجلس يهديها: بسم الله عليك سمي بالرحمن
الريم : الحيه تبي تأذيني
صقر: اشش لاتتكلمين قولي اللهم اجعله خير بعدين يمكن لاننا درنا كثير في حديقه الحيوان
الريم هزت راسها وتبي تنزل
صقر: وين؟
الريم: بشرب مويه عطشانه
صقر: اجلسي بروح اجيب لك
جاب لها مويه وشربت وهدت شوي ، ناظرت فيه
الريم ولاول مره مسكت ايده : خوفتك صقر اسفه
صقر وهو يشد على يدها : لا عادي اهم شي تحسين نفسك بخير
الريم : ايه الحمدلله
تحرك صقر عشان يقوم لكن الريم شدت على ايده: وين رايح؟
صقرابتسم: تبيني اسهر عندك وانام بالقطار كيفك ؟
الريم ابتسمت بخفيف: لا نام عندي
صقر فرح بقوه من داخل : يالله استناك لين تنامين عشان ماضايقك
الريم نزلت راسها وحست انها ماهي متحمله انها تفارقه كفايه الاسبوعين اللي راحت شايلها على كفوف الراحه
بعدين ناظرت في عيونه وكأنها تقول اقرا اللي في عيوني وصقر ساكت يراقبها
الريم بكل هدوء حطت راسها على صدره : لاتخليني بروحي نام جنبي
صقر انبسط من هالقرار ومسح على شعرها وهي كلها خمس دقايق غمضت عينها ونامت سدحها صقر ونام جنبها والدنيا مو سايعته تقدم حلو بينهم جلس يناظرها لين تعب سكر نور الابجوره ونام
/
/

الجزء الثامن عشر
////


فارس طلع من السجن مع تدخل واسطة غسان وهم في السياره رايحين للاستراحه
فارس : مقهور ياغسان مقهور بموت حتى خالد صديقي واقف ضدي معهم
غسان: ياخوي لاتحمل نفسك هم عشان بنت بعدين خالد هذا صارله فتره مقاطعنا ماحسيت انه متغير
فارس وهو يمسح على الجرح اللي في جبهته بألم: ايه انا ملاحظ لكن هين اذا ماعلمته شلون مايوقف مع صديقه
غسان: والله ماتسوى عليك تسجن على شان وحده ماخبري فيك تحبها لهالدرجه
فارس بعصبيه: ومن قال اني احبها
غسان: الحين تتهجم عليهم وتخانقهم لانها بتتزوج وتقلب الدنيا وتقول ما حبها
فارس : ماحبها بس حسيت ان فيها اهانه لي البنت من سنين محيره لي يعني شي من املاكي وماتعودت احد ياخذ مني شي انا اخذ ماينوخذ مني
غسان : هههههههههههههه تعجبني
فارس : طلبتك
غسان : عطيتك
فارس: ابي هذا اللي خطبها يعوف نفسه عشانه تجرأ وخطبها وسلطان معه اما خالد انا اللي بعلمك فيه اذا ماخربت عليه ماكون فارس
غسان : وش بتسوي ؟
فارس : هذا طال عمرك من بعد ماتعرف على بنت وهو متغير وكذا مره سمعته يمدح فيها
غسان: كأني فهمت؟ ههههه
فارس : هههههههههههههههه مايفهمها الا الرجاجيل
غسان : بس بالنسبه الاثنين راح اخليهم يبوسون رجلك من الندم بس مو الحين
فارس : متى اجل ؟.
غسان وهو يطلع تذكرتين : بعد مانرجع
فارس فرح هو يموت في شي اسمه سفر : اووووووووووه ياسلام عليك ياشيخ
اخذ التذكره : اف اف جزيزه هاواي مره وحده
غسان: جهز نفسك بعد ثلاث ايام
فارس: ابشررررررررررر
/
/
/
زاد عليها الالم والعوار بس مازالت تتجاهل
اتصلت على جراح
جراح: هلا باختي الغاليه هلا وغلا
وضحى: اهلين جراح وش اخبارك؟.
جراح: بخير ربي يسلمك
وضحى: جراح بغيتك بخدمه ياقلبي
جراح : امري ياعيوني
وضحى: ام عبدالله وانا قلقانين على عبدالله صارله اسبوع وشوي ماتصل علينا ولاارسل واذا دقينا جهازه مغلق ابيك تسأل احد من العمل يمكن احد يعرف عنه شي
جراح: غريبه ماهو بالعاده؟
وضحى وهي الغصه في حلقها: مادري انا خايفه عليه حيل
جراح: لالا لاتخافين وضوح خلاص ازهليها راح اسأل اخوياه والشغل يمكن عندهم رقم تلفون الفندق اللي ساكن فيه
وضحى ارتاحت شوي: مشكور جراح ياليت تطمني
جراح : ان شاء الله بس انتي ارتاحي ولاتحاتين طيب وخلي بالك من ام عبدالله
وضحى : ان شاء الله يالله اخليك الحين مع السلامه
جراح: في امان الله
/
/
/
رهف مسكينه لا ليلها ليل ولا نهارها نهار ماغير تبكي وحابسه نفسها في الغرفه
سكرت من القران وهي دموعها تنزل
( سنين نسيتي ربك وهذا جزاك الانسان اللي ارتحتي له يحتقرك ، الله ماعاقب ابوي على فعايله الا في اغلى الناس الله يعاقبني على سوياي وسويا امي وابوي في الناس ، يارب مدني بالقوه وانصرني عشان تبين الحقيقه انا تهت في دنيتك لكن ماوصلت اني اسوي اعظم الكبائر )
دخل الغرفه وشافها ماسكه القران وضحك بسخريه فتح الدرج واخذ اللاب توب حقه
ياسر: الحين عرفتي ربك يارهف ؟
رهف رفعت راسها له وشاف دموعها لف بوجهه : ابكي بدال الدموع دم يارهف
رهف بألم: ياسر؟
ياسر: حتى اسمي قمت اكرهه لنطقتيه لاتذكرينه على السانك واحب اقولك انا بتحمل جلستك معي لين نرجع بعدين اطلقك
رهف شهقت: تطلقني ؟
ياسر: وش ابي فيك يارهف ؟ ماني مستعد اعيش معك اكثر من كذا وعلى فكره ابيك تحللين جلستك
رهف وعيونها ماوقفت الدموع
ياسر بعصبيه : فاهمه ؟ تتحللين جلستك تقومين بالشقه كامله من طبخ ومسح وتنظيف
رهف وشهقاتها تعلى: الله يخليك اذا بتعذبني بصدك كذا رجعني لهلي انت حتى ماسمعتني حرام عليك
ياسر بصوت عالي: وش اسمع ؟ اكثر من اللي شفت وسمعت
رهف وهي تدفن وجهها في كفوفها: انت سمعت من الناس وصدقتهم وسامحتني وسمعت ولد خالتك وصدقته وانا طيب وانا؟
ياسر: وانتي اخر وحده تدافع عن نفسها
رهف :وحق هذا القران اللي ماسكته اني مادري من وين له الصور وربي وربي هو اللي كان يلاحقني و
ياسر: بس بس
رهف : ليش تسكتني انا غلطت ايه اعترف بس مو مثل مانت ماتتصور
انت عمرك سمعت بقاضي يحكم من غير مايسمع القضيه
ياسر وهو يحرك يده في الهوا من العصبيه: الحين انا اللي ظالم ؟ انتي شوفي المسج الرجال موصفك (وكمل بألم)وكأنه زوجك من وين بيعرف كل هالشي السالفه واضحه والحين مابي اسمع شي سكري عالموضوع وراح استر عليك الثلاث الاشهر هذي وبرجعك لاهلك تدرين ليه؟
لانه من ستر على مسلم ستر الله عليه يوم القيامه
وخرج وضرب الباب بكل قوه وتركها ورقه يابسه وسقطت من اغصانها تركها في غربتها وزادت غربتها بصده وجفاه وقسوته كل انسان يغلط ويتحمل نتيجت اغلاطه يارهف؟
/
/
/
صحت الريم من النوم وشافت وجهه صارت تعشقه ، تحب ملامحه الحاده ، تقاسيم وجهه خشمه الحاد واللي نازل على تحت ابتسمت وهي تشوفه توها تنتبه لذقنه اللي متقدم شوي ،
الريم في بالها : ياربي من يشبهه جلست تفكر ملامحه هذي تشبهه واحد امممم تذكرت وكأنها فازت بشي كبيره الشاعر اللي مخاوي اخوها وكم مره تكلموا في المقابله ويسألون جراح اذا يقرب له تدرون من هو هالشاعر
فيصل العدواني لكن صقر كان اسمر منه بدرجه واعرض واطول
شافت الساعه وتفاجأت انها الساعه 10 الصباح
الريم مادرت وش تسوي تصحيه ولاتخليه يكمل نومته هو مانام الا متأخر بسبتها
لكن صقر حس عليها وفتح عيونه وعقد حواجبه وماهي الا ثواني وابتسم يوم شافها تطالعه وتنزل من السرير
صقر: صباح الخير
الريم وهي تحرك ايدها على شعرها: صباح النور
صقروهو يتثاوب: تصدقين احسن نومه يازين السرير اول مره احس ان السرير نعمه كله من الكنب
الريم ابتسمت باحراج:انت ماكنت ترضى تخليني انام عليه وقلتلك يوم لك ويوم لي
صقر: عشان ينكسر ظهرك هاه؟
الريم :تدري صقر كم الساعه؟
صقر تغيرت ملامحه وعلى طول ناظر الساعه: أوووووه راحت علينا الرحله ؟ جوالي موقته بس في الصاله
الريم: شفت شلون كله مني
صقر : مو مشكله تجهزي انتي عشان نفطر ونحجز اخبر فيه الساعه1 بعد
الريم : اوكي
كانت مجهزه الشناط مابقا الا انهم يلبسون راحت الريم وهي تحس براحه نوعا ما بس ماتدري ليه طرى لها الحلم وخافت خذت لها بنطالون جينزبرمودا وبلوزه شتويه بيضا توصل لنص الفخذ وموديله مره حلو ولبست عليها بوت ابيض جففت شعرها عشان ماتبي تكتمه اذا لبست الشيله وحطت توكه كبيره ولفت الشيله مثل الكويتين وطلع شكلها مره حلو اكتفت انها تحط واقي مرطب شفايف وشويه كحل وماسكرا ترفع رموشها
كان صقر جالس يستنى الفطور ويقرا الجرايد
تذكر جواله وفتحه حصل فيه ثلاث مكالمات من ماجد ورقم البيت خاف صقروعلى طول دق عليهم
ماجد: هلا والله بالمعرس اللي ساحب علينا ولايتصل كل هذا غارق في العسل
صقر: هههههههه هلا فيك اخبارك؟ واخبار اهلي؟
ماجد: بخير الله يسلمك كل شي تمام
صقر: عسى ماشر متصل ثلاث مكالمات واشوف رقم بيتنا لايكون فيكم شي؟
ماجد: ابد مافينا الا العافيه ليه من زمان ماكلمت هلك؟
صقر: لا تقريبا قبل يومين كلمتهم
ماجد: اشوى اجل ماعلموك؟
صقر: وشو حرقت اعصابي ياخي؟
ماجد: العنود ولدت اليوم الصبح وجابتلك بنوته قمر مثلها
صقر بفرح: الف الف مبروووووووك تتربي بعزك يابو طارق
ماجد: الله يبارك فيك وعقبالك يابو سالم يالله شد الهمه
صقر: ههههه اقول لايكثر انت وين؟
ماجد: ابد عندنا ليل ورجعت البيت اريح
صقر: اجل خلاص انا بكلم العنود اذا شفت الوقت مناسب
ماجد: ان شاء الله هي بخير وماعليها
صقر : الحمدلله يالله تامر شي يابو طارق
ماجد: سلامتك الله يحفظكم
صقر: وياك يارب
دخلت الريم وهي تسحب الشنطه صقر قام واخذها منها
صقر: عندي لك مفاجأه؟
الريم : خير؟
صقر: اول دوري اشوف وش هالكشخه لالا اخاف يتغزلون في مرتي وانا ماتحمل
الريم توردت خدودها: يالله صقر وش صاير ترى اسمع كلمه مبروك من كنت تكلم؟
صقر: ماجد
الريم بفرح : اكيد العنود ولدت ؟
صقر: ماشاء الله عليك صح
الريم : وش جابت ؟
صقر: بنت وهي بخير وكل شي زين وان شاء الله في الليل نكلمهم ونبارك لها ولامي
الريم وهي مبينه الفرحه في عيونها: ونااااااسه والله بيطيح سوق طارق بس انا عنده اغنيه عنهم
صقر وهو يقرب منها شوي : وانا ؟
الريم بعدت شوي : وانت ايش؟
صقر: مااستغني عنك ترى بغار منه؟
الريم توترت بس انقذها باب الجناح يندق ، صقر عصب
وابتسمت الريم على شكله
صقراخذ الفطور وحطه على الطاوله افطروا وقام صقر تروش ولبس بنطالون اسود وتيشرت اسود فيه كتابات باللون العنابي ولبس فوقه جاكيت جلد روعه عنابي ودخل شال ولفه على رقبته بشكل حلو ورجع شعرها على ورا عشانه مبلل
طلع والريم كانت تتجهز تبي تصلي وشافته بكشخته واغبطته وجلست تذكر الله طالع وسيم بشكل واضح
الريم : احسن نصلي عشان نكون مرتاحين وماتروح علينا
صقر فرح وهز راسه يوم شافها تصلي نزل تحت وحجز تذاكر وبعد الموت حصل لان زحمه هالوقت الحجز ورجع صلى واخذ الاغراض وكلها ساعه الا ربع ودخلو القطار وجلس صقر يسولف للريم ويشرح لها عن جارمش وجبالها الخضرا وكيف الثلج فيها والريم كانت هايمه فيه وفي سوالفه وتبتسم له كل شوي
وصقر عيونه تلمع فرح وحب من وجودها معه ومن ابتسامتها والسعاده اللي قدر يعطيها اياها
/
/
/
اسيل: فارس والله تعبانه ماقدر بعدين هي ماتطلع بسهوله لازم احد معها
فارس : اسيل والله بزعل منك بعدين وش فيك هالاسبوع صايره كله تعبانه
اسيل: مادري بس خلاص مايهون علي تزعل انا بقنع فيها عشان صديقك الغالي على قلبك وبقوله اني تعبانه ومحتاجه اني اشوفك لان امي وابوي ماهم موجودين
فارس بخبث: يابعد عمري يلوموني فيك وبذكائك
( الا طول عمرك غبيه)
اسيل بدلع : حبيبي استحي خلاص
فارس: ياحبي لها زوجتي وحبيبتي وكل شي بالنسبه لي
اسيل وكلامه شجعها ونست تعبها : يالله قلبي اكلمها وادق عليك علمك وش صار
فارس: اوك باي حبي
/
/
/
اليوم خالد كلم ابوه وامه انهم يخطبون له في البدايه عارض ابو ماجد لحقده على ابو لافي بعدين شاف انه من صالحه يتقرب منهم وقرر يخطبون له اليوم
لافي: والله يابو ماجد ولدك رجال ماينعاب لكن عطنا فرصه نشاور الوالد والبنت
ابو ماجد: حقكم ياولدي
خالد فرح لانه ضامن ان شوق بتوافق بس خاف من ابو لافي لايعارض لانه عارف بمدى حساسيته مع ابوه هو مو غشيم بس كان مايحب يدخل نفسه بينهم
وصل الخبر لشوق اللي ماصدقت نفسها فكرت انها يمزحون ولاشي
وش هالحظ تتزوج اللي تمنته لا وبهالسرعه ، ليان انخطبت والريم تزوجت وانا انخطبت الحمدلله هالسنه خير علينا كلنا
وبعد مشاورات وافقوا على خالد اللي فرح من قلبه
على طول افتحت شوق الماسنجر وبشرت خلود
وهي طايره من الفرحه
ماتدرين ان خلود وهو نفسه خالد ياشوق ؟ ماتدرين وش راح يجيك ؟
ومادري فرحتك بتم ولا بتموت قبل يومها ؟
/
/
/
جراح مافيه جديد بعلاقته مع الجازي ماغير الحب اللي كل يوم يكبر اكثر واكثر
تعلقوا في بعض وصاروا يتمنون اليوم اللي يجمعهم يجي بسرعه الجازي كانت فرحانه بالعنود اللي بتطلع اليوم
وفي بنتها الصغيره اللي الكل ذايب فيها ، طارق كان زعلان ومو متقبل ان فيه احد بياخذ مكانته بس طبعا حنان ام صقر احتواه
/
/
/
رهف قررت تكون اقوى من كذا هي لازم تدور شي يثبت برائتهأ لازم توقف قدامه وتخليه يسمعها قامت بدري ونظفت الشقه لان ياسر قطع اجازته من ثاني يوم وصار يداوم ولا يرجع البيت الا للنوم والتبديل فقط
دخلت غرفته اللي ينام فيها ورتبتها وهي متردده وخايفه لايهواشها هو يتجنب وينقرف من أي شي منها
وراحت للمطبخ وفتحت الثلاجه لقت فيها اغراض مبين ان ياسر معزم يخليها تطبخ ، تذكرت انها اشترت كتاب طبخ لانها تبي تتعلم علشانه ابتسم بألم على تفكيرها قبل زواجها وراحت جابته واختارت طبختين مبين انها سهله لانه توها في البدايه وماتبي تتأخر وجلست تطبخ بشويش عشان تتقنها هو عنده بريك الساعه 3 واكيد بيجي
/
/
/
الريم بعد ماوصلوا جارمش انبهرت فيها كانت جنه وطول الطريق تراقب البيوت واشكالها المتواضعه والجبال الخضراء وقفت السياره عند بيت نفس البيوت اللي شافتها نزلوا ومسك ايدها صقر
صقر: هذا البيت اعجبني وشريته وكنت اقضي فيه ايام الاجازات
الريم : يهبل
وانتبهت للسياره السبورت الصفراء اللي جنب البيت: وهذي سيارة من؟ احد ساكن هنا
صقر: ههه لالا هذي سيارتي بس خليتها هنا ايام ياخذها جوزيف ويحتاجها لان عمته ساكنه قريب من هنا بعد
الريم : يالله ندخل تحمست اشوفه من داخل
صقر عطاها المفتاح وهو شال الاغراض
الريم كانت مبسوطه مره وتذكرت هايدي على الاجواء والمكان اللي هي فيه
كان مرتب وصغير وكل شي فيه يدل على انه اختيار صقر لانها صارت تعرف ذوقه وشافت المدفئه اعلى جنب الصاله وطاوله الطعام اللي على الجنب الثاني ووالمطبخ اللي كان صغير ونظيف وونص درج يودي لباقي البيت طلعته وشافت غرفتين بينهم حمام افتحتهم وكانت نفس الحجم والاثاث بس وحده اثاثه اغمق وعرفت انها اللي ينام فيها لانه دخل الشناط فيها
صقر: انا وجوزيف كنا نقضي اوقات هنا
الريم : ماشاء الله روعه بصراحه بساطه بكل معنى الكلمه
صقر جلس عالسرير وهو يفرك ايده عشان الشناط وثقلها : الريم جاهزه ولاتبين تبدلين عشان مانبي نتأخر نبي نرجع بدري
الريم: وين بنروح؟
صقر: مكان حلو
الريم شافت انها بردانه وسحبت الشنطه عشان تبدل بالغرفه الثانيه
صقر: وين ؟
الريم: بروح الغرفه الثانيه عشان ابدل؟
صقر بهدوء قرب من عندها وتوترت لانها عرفت وش بيقول: اظن الريم خذتي وقت كفايه عشان تتعودين علي ، ابي احس بالاستقرار واني رجل متزوج
الريم منزله راسها ومنحرجه منه : بس
صقربحزم: لابس ولا أي عذر ثاني ومسك ايدها بحنان وكمل
لازم نبدا صفحه جديده من اليوم مايصير كل واحد ينام بالحاله كأنحن اغراب طيب ياقلبي
الريم هزت راسها وهي تبي تطلع من عنده بسرعه من كثر الاحراج وكلمه قلبي ترن في اذنها اول مره ينطقها وحلاتها انها خرجت بكل معناتها
صقر: يالله انتظرك تحت
وخرج بعد ماطبع بوسه على خدها وهو طاير من الفرحه والقرار والتفاهم اللي اتخذوها مع بعض
اما الريم حست انها مختبصه ومتوتره هي ماتقدر تقول لا الحين ارتاحت معه وصارت تحبه ومعاملته معها حلوه هو صبر عليها وتفهم كل هالمده مايصير تصده
شافت انها ماتبي تخليه ينتظر اكثر فخذت جاكيت اسود عشان يدفيها ونزلت
الريم وهي تبين انها عادي: البيت مرتب والنظافه باينه فيه
صقر: أي انا قلت لام جميل تجي وتنظفه
الريم: ؟؟؟
صقر: هذي مره مغربيه طيوبه ساكنه قريب من هنا وحالته مو لذاك الزود فانا اخليها بين كل فتره تجي وتنظفه وايام ماكنت هنا كانت تطبخ لي
الريم: ياحليلها ودي اشوفها ؟
صقر: هي بتجي بعد المغرب صليتي العصر الريم؟
الريم : اوه لا مابعد
صقر: وقت صلاه روحي صلي عشان نطلع
راحت صلت وطلعوا يتمشون ويتغدون مره وحده
/
/
شوق وهي تكلم اسيل
شوق: ماقدر اسيل خصوصا اني انخطبت الحين وامي ماترضى بالسهوله اني اطلع
اسيل احسدتها : مبروك متى انخطبتي؟
شوق بخجل: قبل يومين
اسيل بحيله: بس انا تعبانه ياشوق ومحتاجتك منها فرصه اتعرف عليك اكثر تدرين ماشفتك زين بالجمع يوم التقينا
شوق: صعبه والله اسيل مايرضون
اسيل بخبث بكت: شوق مالي احد امي معزومه ولاعلى بالها وابوي مسافر لولا اني اعتبرك اختي ماتصلت عليك
شوق كسرت خاطرها : خلاص اسيل اذكري الله بروح اقول لامي وان شاء الله توافق
اسيل: طيب دقي علي اذا وافقت واذا لا خلاص امري لله
شوق : على خير يالله باي
سكرت شوق وهي قلبها مقبوض ماتدري ليه ودها تساعدها بس نفس الوقت فيه شي يقولها لاتروحين
/
/
/
الريم : لالا مستحيل اركب يمه تخوف
صقر: ياحياتي والله عادي انا معك
الريم :لا ماحب اغامر كذا وانت بعد ماراح اخليك تركبها مو مستغنيه عنك
صقر وهو يحس بالحياه وحلاوتها من بعد كلامها: واذا قلت عشان خاطري ؟
الريم ماقدرت ترده رفعت عينها : بس خايفه ؟
صقر : تمسكي فيني وماراح تخافين
الريم : طيب
وبعد اقناع طويل اركبوا التلفريك بصراحه الجو كان روعه والجبال عالييه لدرجه الغيوم تمر من عندها وهذا اللي خووف الريم
ركبت جنبه ولصقت فيه من الخوف صقر ابتسم على حركتها وحط أيده على كتوفها
مشت والريم مغمضه : يمممممممماه تحركت
صقر: هههههههههههههههه الريم انتي خوافه بزياده
فتحي عينك لاتفوتين هالمنظر بسبب خوفك
الريم وهي تمسك ببلوزته بقوه : احس انها بتطيح تتحرك يمين وشمال
صقر وهو بيموت على شكلها : ههههههه عشان الهو بعدين يتهيأ لك انها بتطيح فتحي عينك
الريم وهي بتبكي : متى بنوصل ؟
صقر: طالعي الولد الصغير يأشر لك
الريم فتحت عينها تبي تشوف من اللي يأشر لها: وينه؟
صقر ابتسم: شفتي شلون خليتك تفتحين عينك
الريم انتبهت انها شوي وبتجلس في حضنه وتفشلت وبهدوء وهي للحين ماسكه بلوزته: تلعب علي طيب انا مو خايفه
صقر: من اللي كان بيموت من الخوف قبل شوي
الريم ابتسمت من على جنب : حلو المكان بس تراني ماناظر تحت لو بطالع تحت بيغمى علي
صقر وهي يتحرك يبي يقوم
الريم: وين رايح اجلس لاتطيح علينا
صقر: هههههههههه تراني متعود عادي
الريم بخوف: صقر اجلس خلاص
صقروحب يعرف غلاته: طيب لو اطيح وش بيصير عادي انتي ماتحبيني
الريم تغير وجهها وشلون ماحبك وانا صرت انتفس هواك ماصرت اتخيل وجوودي بلياك انا كنت مقهوره من تصرفاتك اول بس ماعمري كرهتك
صقر ماعجبه سكوتها: الريم للحين تكرهيني؟
الريم ناظرت فيه وكأنها تقول لاتقسى علي بهالكلام لانه يجرحني : صقر انت ولد عمي و(بخجل) وزوجي شلون اكرهك ؟
صقر انتبه انهم وصلوا ومسك ايدها ونزلوا وكمل كلامه: أي ماتكرهيني ولاتحبيني يعني عادي عندك ممكن مع الوقت تستغنين عني
الريم قبضت على يده بقوه: حرام عليك لاتقول هالكلام وبلاشعور رفعت يدها الثانيه ومسكت وجهه : تراك تعور قلبي
صقر ذاب عليها بس شاف رجال كبير شوي يصورهم وابتسم لهم
صقرراح لعنده وقبل لايتكلم قال الرجال: لقد كنت ألتقط صور للطبيعه لكن شدني منظركما بقوه لقد كانت عيناكما تتحدثان بصمت فهل انتما عاشقان
صقر ابتسم: نحن متزوجان من اسبوعين تقريبا
الرجل: زوجتك جميله وعرفت انها عربيه من ملامحها وعيونها السوداء وانت كذالك لون بشرتك وملامحك عربيه بحته انا من معجبين الجمال العربي فهنيئا لك بها
صقر : شكرا لك
الرجل : تفضل هذه الصوره لقد كتبت اسمي والتاريخ للتذكرا هذا اليوم
كانت الريم تستمع وهي مبتسمه وتقول بقلبها لهذي الدرجه باين علي اني احبه كل الناس صارت تدري الا هو ماعرف ؟ يمكن يبيني انطق وقولها له بصريح العباره أحبك صقر ايه احبك ياصقر
صقر: وين سرحتي؟
الريم ومازالت مبتسمه وخدودها مورده: ابد اعجبتني صراحته
صقر وهو يعطيها الصوره : شوفيها باين انه متمرس في التصوير
الريم فتحت عيونها الصوره كانت خيال مع الجبال اللي وراهم والحركه العفويه اللي مسويتها : حلوه
صقر: هذا الموقف مستحيل انساه
الريم انحرجت ورفعت راسها عشان يكملون مشي وشافت دارين واشتدت اعصابها
دارين: واووووو شو هالصدفه صئر ومدامتوه هوني
صقر( يالليل وش تبي هذي مايمر موقف حلو الا تجينا فيه) هلا دراين
الريم مسكت ايده بقوه عشان مايسلم عليها: اهلين
دارين ولا عندها قربت وباسته بس صقر رجع بسرعه: وين جوزيف مو معك ؟
دارين تضايقت من حركته: بالبيت عند عمتي مابدو يطلع ألت اجي واتسلى مع خطيبتو نسيت اعرفكن عليا
قربت البنت شوي من عندهم ومبين انها مؤدبه سلمت على الريم وابتسمت لها واكتفت بانها ابتسمت لصقر : انا سارا خطيبتوا لجوزيف
صقر: اخيرا شفناك كان جوزيف يكلمني عنك كثير مبروك الخطوبه متى جيتوا من لبنان
سارا: من شي اسبوع تئريبا والتفت على الريم كيفك مدام صئر ؟ ان شاء الف مبروك
الريم: الله يبارك فيك وعقبالك يالغلا
دارين: يالله مابدكون نجلس بشي محل بدال ماحنا وائفين هون
صقرناظر الريم اللي فهم من ناظراتها لا مانبي: والله احنا تونا واصلين الساعه 3 تقريبا نبي نصلي المغرب ونرتاح في البيت ان شاء الله مره ثانيه
دارين انقهرت وعطت الريم نظره خوفتها وسحبت الصوره اللي بيد الريم وابتسمت باستهزا: يخزي العين شو هالصوري طالعين كأنكن عشائ
سارا: اوك مو مشكلي مرة تانيه وخذت الصوره وعطتها الريم بابتسامه وجرت ايد دارين بسرعه وراحوا
الريم سحبت ايدها على طول لانها تضايقت من نظرات دارين وحركاتها
صقر: الريم ماعليك منها ترى هي كذا كل شي فري
عندها
الريم: طيب خلنا نرجع البيت اهو وقت صلاة تقريبا
صقر : يالله
وركبوا السياره والريم بتموت من الغيره اللي حابستها
/
/
/
فارس وهو يأشر لغسان بفرح: احلفي
اسيل: والله هي بتجيني وصفت لها بيت خويك مثل ماوصيت
فارس: يالبى قلبك اقنعتيها اجل
اسيل: هههه ماخليت دمعه ولا كلمه رجا ماقلتها
فارس تعجبني واكيد انتي تعالي قبلها عشان ماتحس
اسيل: ولو اني تعبانه شوي بس بضغط على نفسي
فارس : يالله خليني أنسق الموضوع مع خويي
اسيل : طيب باي
فارس وهو يسكر الجوال: والله ياغسان جاتك بنت لعندك وعلى كلام اسيل انها مزيونه
غسان: ههههه لايمكن انسالك هالجميل تدري اني كنت ناوي على وحده وماجبت راسها لانها تزوجت ولد خالتي
فارس وهو يشيل الزقاره منه: افا وخليتها تروح من يدك
غسان: هههههه كلها ايام وتتطلق وتجي لعندي انا خربت حياتها واتوقع انها ندمانه على الزوج اللي تشوفه مثالي
فارس وهو يضحك : وش سويت ياداهيه
غسان: ابد جبت صورها من اعز صديقاتها واهديتاه له ليله زواجه
فارس : ههههههههههههههههههههههه
غسان: عشان ماتستهين فيني مره ثانيه وبظل وراها لين تجيني بنفسها
فارس: بس اليوم ابيك توريني شغلك ابي خالد ينكوي قلبه
غسان: ليه وش بتسوي؟
فارس : بجيبه لبيتك يشوفها بعد ماتمتع فيها
غسان: هههههههههههههههههههههههههههههههه صدق نذل
فارس: مو اكثر منك هههههههه
/
/
/
دخل البيت وشافه منور من غيرعادته وريحة طبخ استغرب بس ماهتم فكر ان الريحه جاية من الجيران وعلى طول راح لغرفته يريح
كانت رهف تتجهز في الغرفه تروشت وغيرت ملابسها بعد الطبخ وريحته مسحت على جسدها وسمت بالرحمن تبي تروح له لانها عرفت انه وصل من صوت الباب
ناظرت الصاله مالقت فيها احد ، راحت المطبخ وخذت كوب عصير ليمون واتجهت فيه لغرفه ياسر ترددت بس قوت قلبها وطقت الباب
ياسر كان خارج من الحمام يلبس بجامه ولارد لانها باختصار مايعتبرها شي الحين
رهف استغربت وش فيه يمكن نام ؟ عزمت تطق مره ثانيه
ياسر وهو يسترخي عالسرير: نعم
رهف دخلت وبيدها العصير وابتسمت بخوف: السلام عليكم
ياسر رفع جسمه وشافها بغى ينهبل ريحتها اللي انتشرت في الغرفه ولا لبسها اللي مخليها عارضه ازياء بس عقد حواجبه بسرعه: وعليكم خير
رهف بلعت ريقها من الخوف: تفضل عصير ليمون وتعال تغدا قبل لاتنام
ياسر بغضب: ومن قالك جيبي عصير وتطبخين؟
رهف بهدوء: مو تقول احلل جلستي واطبخ لك هذا انا سويت اللي تبي
ياسر قام وهو يحاول مايناظر فيها: طيب صبي لي وياليت تجبينه بالغرفه ابي اتغدى لحالي
رهف حست بغصه : ان شاء الله
تركت العصير عالتسريحه وتو بتطلع
ياسر: رهف؟
رهف فرحت يمكن حن عليها شوي بس تغير وجهها يوم قال بقسوه: رجاء لاتتعبين نفسك وتحاولين تغريني لاني اشوفك ولاشي عندي ، دور ربة المنزل مايليق لوحده مثلك والحين انكبي غداي لاني ابي انام
رهف سكرت الباب ودموع عينها بدت نتزل بغزاره وتحس بمراره في حلقها انكبت غداه اللي حاولت تبدع فيه وطبخته بصعوبه
اما ياسر كان ضايق صدره هو مو قاسي لهالدرجه لكن لانه سنوات كان يحبها ويتمناها ويوم كسبها عرف انه تعب نفسه عالفاضي وان حبه ماتستاهله
/
/
الريم : هلا مبروك الف مبروك تتربي بعزك ياقلبي
العنود: الله يبارك فيك وعقبالكم عاد يالله نبي نشوف عيالكم بسرعه
صقر بعد ماكلم العنود وامه وبارك لهم كان يراقب الريم وهي تكلم ويوم تغير وجهها عرف انهم احرجوها: الله كريم اخبار الجازي بشري جهزت نفسها؟
العنود: هذي تجر التلفون تبي تكلمك
الريم : هههههههه للحين خبله
الجازي: ايشششششششش منو الخبله؟
الريم: ههههههه انا الخبله ولاتزعلين
ابتسم صقر ومازال يراقبها :
الريم صدت للجهه الثانيه: هاه اخبار جديده؟
الجازي: ايه اولا راكان تمم خطبته بليان على خير
الريم : هاه؟ صدق والله؟
الجازي : والله والخبر الثاني والمفاجأ ؟
الريم : بعد فيه ثاني؟
الجازي: شوق تصوري انخطبت ؟
الريم : قولي والله؟
الجازي : اقسم بالله وتوقعي من اللي خطبها؟
الريم : من ؟
الجازي: خالد ولد خالي اخو ماجد
الريم مدت بوزها : مبروك بس ليه ماعلموني وش ذااااااااا ؟
وطالعت صقر اللي ابتسم وهو يشوفها ماده البوز مثل الاطفال
الجازي: عاد هذا اللي صار اسمعي لاتخسرين اخوي مو انتي اللي بتدفعين خلاص يالله باي
الريم: وجع ههههه طرده يعني
الجازي: جوالي يدق
الريم : قولي كذا من الاول يالله باي
الجازي: باي
سكرت وجلست تطالع صقر بقهر
صقر: وش فيك شوي وتبكين؟
الريم وهي تجلس عالكنب : تخيل راكان خطب رسمي وقلنا ماعليه عندي خبر من البدايه ، لكن شوق صارلها يومين من انخطبت ولاحد قالي؟
صقر: والله مبروك من اخذ راكان؟
الريم : صديقتي بنت جيرانا ليان
صقر : مامره سمعت عنهم
الريم بعفويه : اخت سلطان
صقر تغير وجهه يوم انطقت اسمه وكأنها صحت شي بقلبه : اهاا
الريم انتبهت وعضت على شفايفها
صقر ماحب يبين انه للحين يتضايق منه: وشوق من خطبها؟
الريم وهي توقف : خالد ولد خالك
صقر: الله يبارك لهم
الريم : بروح اصلي وابدل البيت دافي من داخل مع المدفئه
صقر: أي الحين صارله ربع ساعه من اذن يالله
الريم صلت ودخلت الحمام واخذت لها دش دافئ حست البخار كتمها من كثر ماهو دافئ
استشورت شعرها على فوق وبانت القصه بشكل حلو واللبست بدي اصفر ضيق من الصدر ويتوسع بعدها وطويله للفخذ وعليه بنطالون ماسك برمودا بنفسجي غامق واللبست عليه جاكيت بنفسجي صغيروتغطي اليد بس وشكلها جنان مع هاللونين تحسون انه مو حلو بس مع بعض وعلى الريم طالع شي ثاني خذت نعال نفس الباليه على لون بنفسجي وشافت نفسها بالمرايه واقتنعت وحطت مكياجها المعروف كحل من داخل وماسكرا وروج مايل للبنفسج رشت عطر وبسرعه انزلت لانها تأخرت على صقر وقبل ماتنزل خذت اونوا اللي كانت شاريتها قبل وحاطتها بالشنطه
/
/
/
ام صقر: ياحليلها شكلها مبسوطه مع صقر
العنود: الله يسعدهم ان شاء الله يمه وخري طارق ترى كتم جوري من كثر مايبوسها
ام صقر وهي تشيله: هههه احمدي ربك قلت انه بيذبحها لي شفاها
العنود: هههه
ام صقر: ورا مايجي رجلك يتغدى معنا
العنود: بكلمه يمه وان شاء الله يوافق
والله تعبته معي فديته كل شوي موصيته يجيب لي اغراض لو اني متنفسه في بيتنا احسن
ام صقر: لا يابيتي ماكان ارتحت وانتي انفاس وتعبانه ويبي لك من يقوم فيك وانا ماقدر اخلي بيتي واجيك
العنود: صحيح الله يعين الجازي للحين تكلم جراح
ام صقر: ههه ايه هذا حالها
العنود: الحمدلله والشكر ناويه تخسره
ام صقر: كنتي مثلها ولانسيتي
العنود تغير وجهها وضحكت بتعب
/
/
/
كان صقر والريم حاطين مخاد وجالسين قريب من المدفئه ويلعبون اونو
الريم وهي ترفع حواجبها الثنتين : فزت عليك هههههه
صقر : ههههههههه لالا انتي تغشين
الريم : لا والله ماغشيت انت اللي مو مركز
صقر فعلا شلون يركز وهي قدام عينه تضحك وتسولف ويشوفها بكامل زينتها
الريم وهي ترفع شعرها من وجهها : اف اف زهقتني
صقروهي يلمس شعرها : انتي مقصقصته واجد هي حلوه القصه بس ماودي تفرطين بشعرك
الريم ابتسمت وهي توزع الورق : تغيير ماعليه بيطول
صقر وهو يشيل الورق : هالمره بغلبك
الريم وهي ترخي بعيونها: اتحداااااااااك
صقروهي يطالع الورق : شوفي وش بسوي الحين
الريم :بس شوي ابي اركز وهالخصل مو مخليتني دقيقه شوي
صقر: وين؟
الريم وهي تطلع الدرج: بجيب تاج ارفعه وبرجع
الريم ادخلت وتدور تاج يناسب لبسها هي تذكر ان عندها لون اصفر بس الشنطه مارتبتها للحين عفسه
واخيرا حصلته وتو بتلبسه وتطلع الا صقر واقف متكتف عند الباب
الريم توترت من شكله ونظراته: لقيته يالله ننزل
صقر سكر الباب بهدوء: خلاص لعبنا بما فيه الكفايه الريم حست بخوف وبلعت ريقها ولبست التاج بأيد ترجف لكن صقر قرب منها وشاله بشويش : يعجبني شكلك كذا اكثر
الريم وهي تصرف: يالله ننزل احس بردت هنا
صقر وهو مصمم مايتركها حضنها بقوه كأنه يقول انا ادفيك والريم دقات قلبها تسارعت وانفاسها بدت تعلى من التوتر والخوف
صقر جلس يلمس شعرها بهدوء وكأنه يهديها( ليش ساكت ياصقر تجرأ وقولها اللي في قلبك لاتخلي كبريائك يبني حاجز بينك وبينها ) واخيرا تكلم بهمس :تدرين يالريم انك كل شي بحياتي
الريم على حالها: .....
كمل صقربتردد: الريم انا ..أنا ...
لكن جرس الباب صار يدق باصرار فضيع وتضايق صقر
اما الريم ماصدقت ابتعدت منه : بروح افتح اكيد هذي ام جميل
صقر عصب ماصدق انها تجي الفرصه وجلس على السرير بقهر
الريم انزلت وهي للحين ترجف ومتوتره وافتحت الباب وشافت ابغض وجهه بالنسبه لها:.....
دارين بدلعها الماسخ: بنجور
انتبهت لرجال وراها وسكرت الباب شوي : دارين تفضلي انا بلبس حجاب واجي
طلعت فوق بسرعه وهي تفرك ايدينها من الفشيله والقهر
جوزيف وبيده ورد ويصفر: هني يالو لصئر شو حلوي جوزتوه وبتطير العئل
دارين : امشي بلا كلام فاضي
الريم وهي وجهه مخطوف: صقر دارين تحت ومعها رجال؟
صقر عصب وقام( ابد مو وقته تجي ): وش تبي هذي؟ بعدين طالعها من هو الرجال ولايكون شافك كذا
الريم بخوف :مادري انا على طول سكرت الباب وقلتلها تتفضل لين اناديك
صقروهو للحين مقهور: طيب بنزل اشوف
الريم ( اف صحيح انها انقذتني بس ماتمنيت انها هي اللي على الباب ، كريهه ، كأني اشوف الحين راح تتلصق فيه ، ماقدر اشوفها كذا قلبي ياكلني )
/
/

الجزء التاسع عشر %


شوق : سلام عليكم
سلمت عليها اسيل اللي كان مبين التعب في وجهه صدق
شوق: اخبارك؟ سلامتك ياقلبي ؟
اسيل: شفتك وصرت بخير من وصلك؟
شوق: السواق واخوي فيصل راح للسوق يجيب اغراض وقالي ساعه بالكثير وراجع لي
اسيل : اشفيك متوتره خذي راحتك بس بجيب عصير واجيك
شوق : ان شاء الله
اسيل: افسخي عبايتك
شوق : لا مايحتاج
اسيل راحت للمجلس اللي كان جالس فيه غسان وفارس يستنون
بس سمعت فارس يتكلم: ههههههههه ومن قالك اني احب وحده مثلها يابن الحلال سفرتنا بعد كم ساعه والله ماتشوف رقعتة وجهي وتسمع صوتي بعدها
غسان: مو تقول اسيل غير اول
فارس : خلاص انتهت صلاحيتها
غسان: ههههه
شهقت بصمت اسيل ونزلت دموعها عمرها ماتصورت انها تسمع هالكلام من الانسان اللي حبته واعتبرته كل شي بحياتها وكأنها صحت من الحلم اللي عايشه فيه وتذكرت شوق المسكينه اللي عشان زعله خانت صديقتها
وقبل ماتروح سمعت غسان يقول: خويك خالد بينقهر لما يشوف حبيبته بين يديني
اسيل فهمت الحين يعني هذا مو خالد هذا واحد ثاني
رجعت لشوق وهي تجر رجلها من هول الصدمه
شوق: اسيل وش في وجهك كذا مو لازم عصير تعالي اجلسي ارتاحي؟
اسيل وهي تبكي : تقدرين تكلمين اخوك يجيك الحين ؟
شوق خافت: وش فيك؟
اسيل: بسرعه مافيه وقت كلميه؟
شوق كلمت اخوها بس كان فيصل حاط جواله عالصامت والسواق نازل مع هنود شافهم عند المحل ومخلي جواله في السياره
شوق وهي ترجف: مايردون وش فيك تبين المستشفى؟
اسيل: لا ابيك تهربين ؟ اسفه شوق والله اسفه أنا خدعتك هذا مو بيتي
شوق بخوف : ايش؟ وش تقولين انتي ؟
اسيل بسرعه مافيه وقت : يالله اهربي
شوق وهي تنزل دموعها : وش اهرب مادل الطريق اسيل جلست تفكر وهي مختبصه : مالي الا اكلم خالد اكيد يعرف هالبيت عشان يجي ياخذك
شوق: من خالد ؟ كيف اروح معه انتي انجنيتي
اسيل : خالد طيب مستحيل يأذيك وهو اللي بيطلعك من الورطه اللي حطيتك فيها شوق اجلسي حاولي ماترفعين صوتك
شوق وهي تحط ايدها على فمها وتبكي هزت راسها : اكلم عمي راكان ولاجراح؟ لالا ماراح يفهمون السالفه بس مستحيل شلون اركب مع رجال غريب ماعرفه
اسيل وهي تبكي وش سويت انا ضيعت نفسي وبضيع البنت معي .. آآه ياسيل شلون عميت عيونك وصدقتي شلووون مسحت دموعها وطقت باب المجلس
اسيل: فارس تعال شوي
فارس بابتسامه: بشري وصلت؟
اسيل وهي تحس بالقرف منه وصارت تشوف وجها على الحقيقه: مادري طفا جوالي من الشحن عطني اشوف اكلمها
فارس : اوك
خذت جواله وراحت بسرعه خذت رقم خالد وخزنته بجوالها ورجعت له وعطته : قريب كلها خمس دقايق وبتجي
غسان وهو يرفع صوته: خل القمر يدخل عشان اشوفه
فارس: كل تبن هذي لي لحالي
غسان: هههههه اعصابك
فارس : تعالي حبيبتي نجلس بالغرفه الثانيه
اسيل : لالا انا تعبانه بستناها بالصاله لين تجي
فارس( اشوى جات منك لاني زهقت منك ) خلاص ارتاحي اذا جات علميني
اسيل وهي تمثل: من عيوني
/
/
/
/
جراح وهو عند وضحى كان جالس يتسناها لانه راحت تجيب العصير
( وش اقولها الحين ؟ اذا انا انصدمت فيه ؟ هي وش بتسوي ؟ ياربي ماني مصدق عبدالله كان يكذب علينا
حرام عليه مافكر في امه )
وضحى : جراح تفضل وين سرحان صارلي ساعه اناديك
جراح ابتسم بألم وهو يشوف اخته التعبانه واللي تكابر: هلا ابد معك بس في الشغل اللي خايف يتراكم علي اذا خذت اجازه
وضحى: الله يعينك ان شاء الله اجل وش يقول صقر اللي ماعنده احد يمسك شغله
جراح: صقر ماشاء الله عليه اذا فيه أي عرقله يكلمهم مناك او يرسلهم ويخلص شغله عند الطريق الايميل
وضحى: ربي يسعدهم واحشتني الريم
جراح : يالله كلها اسبوعين ويرجعون وبتردد
اقول وضحى؟
وضحى قلبها نغزها وحست ان فيه اخبار عن عبدالله: سم ياخوي؟
جراح: انتي متأكده عبدالله سافر بمهمة شغل؟
وضحى بخوف: ايه وقالي كلها ثلاث اربع شهور وارجع
جراح وهي يشرب شوي من العصير: وضحى انا ادق عليه من يوم قلتي لي للحين بس جواله مقفل
وضحى حطت ايدها على قلبها: جراح قولي وش فيه عبدالله
جراح: وضحى عبدالله طالع اجازه ست اشهور من الشغل يعني مو مسافر شغل
وضحى شهقت :يعني كذ...
مع جيه ام عبدالله
ام عبدالله : وش تقول ياولدي انت متأكد؟
وضحى قامت وعيونها تهل دموع: يمه قالك شي تكفين؟ شلون يقول شغل وشغله يقولون ماخذ اجازه وين رايح؟ وليه مخبي علينا؟
جراح : اذكري الله وضحى ؟
وضحى وهي تعب الدنيا فيها: جراح صارله اسبوع ونص مايتصل علي اكيد فيه شي قلبي مو مطمن
ام عبدالله جلست بتعب : لا يابنتي ان شاء الله مافيه شر يمكن رايح يشم هوى
وضحى : يقولي مو يخبي عني انا ماراح امنعه
انا كنت استغرب من تصرفاته قبل
جراح وهو يحاول يوصل لشي: ليه وش لاحظتي؟
وضحى وهي تبكي : كان يقولي لادقين علي انا بتصل عليك واوقات اتصل عليه احصله مقفول وش معناته فهمني جراح؟
جراح: هدي نفسي وانا اسأل السفاره بلندن وان شاء الله خير
ام عبدالله كانت ساكته من القهر ولدها ماتعرف عنه شي من أسبوع ونص ويكذب عليهم ليه ؟ ليه ياعبدالله ؟
/
/
/
ماجد وهو حاط بنته بحظنه ويمسح على خدها : تشبهك يالعنود حيل
العنود: لا هي احلى مني
ماجد ناظر فيها بحب: انتي ماحد يسواك ياقلبي
العنود : الله يسلمك ليه ماتجينيا كل وجبه احسك تعبان وماتاكل عدل
ماجد: هذا انا يوميا اجيكم مو شرط اتغدى ولاتعشى عندكم
العنود وهي تسمع ضحك طارق واصل لعندها: بتخبل ولدي الجازي ههه
ماجد: ياحليلهم
العنود: ربي يسعدها ماخذها حمل طارق فوق ماهي مشغوله بترتيب زواجها
ماجد: اللهم امين ابتسم ماجد وهو يشوف بنته تتثاوب بكسل
العنود: احم كسولين طالعين على بعض الناس
ماجد: كأن احد يسبني
العنود: هههههههههه
/
/
/
اسيل دقت على خالد
خالد وينك؟ انا اسيل؟ تعال بيت غسان تعرفه؟ أي هذا هو تعال بسرعه شوق عندي بعدين افهمك ، بسرعه اخاف يسون فيها شي
خالد كان في الخبر طالع من سلطان وبسرعه حرك السياره وهي يدعي الله ان شوق مايصير لها شي
جلس يضرب الدركسون ؟ وشلون انا ماحذرتها من اسيل يوم كنت اكلمها ؟ يارب تستر يارب
لو يجي شوق شي ماراح اسامح نفسي انا اللي دخلتها بالعبه انا!!!
اما شوق دمعت عينها وهي كل شوي تدق على اخوها والسواق لكن مافيه فايده
شوق: اسيل وش السالفه فهميني ؟
اسيل: ياشوق اسفه وربي انا انجرفت وبغيت اذيك والله فكرته خالد اللي مع فارس
شوق وهي تصرخ: وش خالد وفارس؟ وش تقولين انتي
فهميني وش تقصدين تكفين ؟
اسيل وهي تبكي ندم: انا ضعت ياشوق تخيلي ياشوق لعب علي واستغل ضعفي
شوق وهي مشوشه صرخت: بروح بطلع من هالمكان
فارس سمع صراخ وطلع مع غسان للصاله
غسان بخبث: اوووه الحلوه جات واحنا ماندري؟
فارس راح لاسيل وعطاها كف: تلعبين علينا انتي ولا ايش؟
اسيل: أي يالحقير عرفتك على حقيقتك يانذل
شوق مفتحه عيونها وترجف راحت بتجاهه الباب بس غسان مسكها : لحظه ياقمر وين رايحه الدعوه موعلى كيفك ؟
شوق وهي تشيل ايده عنه: وخر لاتلمسني
اسيل: فارس الله يخليك خلها تروح قوله خله يتركها هي مخطوبه الحين
فارس: هههههههه طيب دامك خايفه عليها من الاساس ليش تخدعينها
اسيل: لاني كنت ابي ارضيك لانك كنت بعيوني كل شي واكتشفت انك انذل واحد في العالم
شوق وهو للحين ماسكها غسان من ايدها: تكفى خلني اروح
غسان: يالبى قلبك وش هالجمال خبل اخليك تطيرين مني
شوق بترجي وهي تبكي وجزء من شعرها طاح على وجهها : الله يخليك اتركني حرام عليك انا مخطوبه
غسان وهو يضحك : الله لايخليني اذا خليتك
فارس: روح شف شغلك خلني اتفاهم مع الخايسه واخذ اسيل للغرفه وجلس يضرب فيها
غسان شال شوق وهي تضرب فيه بكل قوه ورماها بقوه على السرير: اف كل هالرقه ويطلع هالضرب منك ياشيخه عورتني
شوق وهي تصيح: لاتقرب وخر مني الله يوفقك انا ماسويت فيك شي خلني اروح
غسان يقرب ووعيونه عماها الشيطان: انتي اللي الله يوفقك لاتتعبيني معك
شوق وهي ترجع ورا وتلصق بالزاويه وتبكي بصوت يقطع القلب : ياربي ساعدني يالله خذ روحي ارحم من اللي انا فيه
غسان وهي يأشر بسبابه : لالا لاتدعين على نفسك ياقلبي
شوق ناظرت وشافت الابجوره ألتفت له شافت وجهه قدام وجهها : لاااااااااااا واخر مني وبسرعه اضربته بمكان حساس وخذت الابجوره وطراااااخ على راسه
غسان حس مثل الدوار مسك راسه لان اللمبه حقت الابجوره تكسرت على راسه وانسدح على السرير : آآآآآه يابنت الكلب أأأي راسي
اما اشواق هربت بسرعه وخذت شنطتها من الصاله وخرجت من الفله وهي تسمع صراخ اسيل
مع دخله سياره في الحديقه حقت الفله وطاحت عينها على خالد ومن غير تفكير اركبت السياره
شوق وهي ترجف وتبكي : خالد حرك يالله نطلع
مشى على طول لانه عارف انه لو ينزل عليهم ارتكب جريمه فضل ينسحب دام شوق معه
شوق وهي تشهق من البكي : وش السالفه ؟ ليه اسيل؟ كيف جيت؟
خالد وهو متوتر : صار فيك شي؟
شوق وهي تبكي: يبي يأذيني حاول .. ليه ..
خالد : شوق ركزي معي ألمسك؟
شوق وهي تدفن وجهه بكفوفها: لاااا لالاااااا
خالد ارتاح : خلاص ريحي نفسك خذي اشربي ماي حسابي معهم الكلاب بس لما اضمن انك بخير
شوق : ودني البيت
خالد: من جايه معه؟
شوق: السواق وفيصل
خالد وهو يفكر : شوق مانبي احد يدري بالسالفه
انا بنزلك عند الجازي
شوق :ماقدر ارجع البيت بهالحاله وش اقولهم ورجعت تصيح
خالد جلس يتوعد فارس وغسان لانهم نزلوا دمعتها وحاولوا يأذونها: خلاص حبيبتي اهدي راح افهم الجازي كل شي وانتي كلمي فيصل وقولي له انك عندها عشان مايرجع لهذا البيت
/
/
/
نزل صقر من تحت وهو معصب لكن شاف جوزيف وابتسم : اهلييييييييين ومرحبتين
جوزيف: اهلا وسهلا حبيب ألبي اخبارك يازلمه شو صئر الزواج نساك صديئك
صقر وهو يسلم على دارين اللي حاطه ايدها على خصرها بدلع: هلا دارين
جرته وباسته على خده وانحرج كانت الريم تراقب من فوق بغت تنزل تعطيها كف على وقاحتها
دارين: اخبارك ؟
صقر وهو يجلس عند جوزيف: بخير الله يسلمكم الا اقول شفت خطيبتك ياحليلها وينها ماجات معكم
جوزيف: والله انا ودارين جايين زياره بسيطه عشان نعزمك بكره لعنا بيي وإمي جايين لعند عمتي يعني كل العيلي مجتمعه وحبينا تشرفنا
صقر: يابن الحلال مايحتاج جيتك هذي تغني
جوزيف : ولو بدك تزعلنا فرصي يتعرفون كمان عالعروس
صقر وهو يوقف : عن اذنكم انادي الريم
دارين ( اف هلا وئت الريم مابيستغني هوي عنا )
وبعصبيه حطت رجل على رجل
طلع صقر وكانت الريم تدور في الغرفه وهي مقهوره
صقر ناظر فيها: الريم تعالي تحت سلمي على صديقي هو جاي عشان يبارك لك
الريم وهي تشبك ايدها ومتضايقه: لازم يعني؟
صقر ناظرها من على جنب : أي بعدين هم ضيوف مايصير نخليهم لحالهم
الريم ماتت من الحره: طيب
وفتحت الشنطه بعصبيه عشان تغير ملابسها
صقر واقف عند الباب ومتعجب من مزاجها اللي انقلب فجأه ( لايكون تغار من دارين ( ابتسم ) الغيره دليل الحب الله يالريم لو تحقق اللي في بالي اكون اسعد انسان)
الريم بقهر: عساها دوم هالابتسامه
صقر وهو يسمع الجرس يندق: هههه لاتتأخرين تراهم مستعجلين
الريم كشخت ورسمت ابتسامه لانها ماتبي تحسس دارين انها تغيضها وتضايقها
نزلت بكل ثقه وزادها الحجاب جمال وجاذبيه : السلام عليكم
سلمت عليها دارين بدلع واكتفت انها تبتسم لجوزيف اللي انبهر فيها حس على نفسه بعدين شال عينه بسرعه وناظر في صقر اللي كان هايم ونظره الحب في عيونه
سمعت صوت في المطبخ وعلى طول قامت: عن اذنكم
شافت مره في نهاية الاربعينات ومملوحه اول ماشافتها ابتسمت
الريم : ام جميل؟
ام جميل : أي انا ام جميل مبروك مدام عالزواج
الريم بابتسامه: الله يبارك فيك اخيرا شفتك ماشاء الله عليك الطيبه مبين من عيونك
ام جميل انبسطت : تسلمي مدام صقر
الريم: عطيني القهوه انا اوديها ارتاحي انتي
ام جميل اعجبتها الريم حيل ذوق وطيبه : الله يخليك ويسعدك ان شاء الله
خذت القهوه واول مادخلت شدت عليها لانها شافت دارين جالسه جنب صقروشوي تجلس بحضنه والمشكله ان جوزيف مو ملاحظ يفكر عادي لانه متعود ان اخته تعامل صقر كذا
الريم طالعت صقر وعطته نظره عتاب لكن اخفتها بسرعه بابتسامه: تفضلوا
جوزيف: ميرسي
مدت الفنجال لدراين وهي ودها تكبها فوق شوشتها : تفضلي
دارين بنظره ماكره وابتسامة دهاء خذته وارخت ايدها وانكب على بلوزتها : اوووه شو هيدا
الريم فتحت عينها بقهر : دارين ايدك ترجف وش فيك مامسكتيه عدل
صقر تدارك الوضع: حصل خير الريم خليها تطلع تبدل ملابسها
الريم وهي مانتاظره: ان شاء الله تفضلي
جوزيف: ايوا صئر طمني عليك كيف الشغل وشلون ماشي
صقر جلس يتكلم وعينه على الريم لين طلعت كان باين انها متضايقه وتخفي ضيقتها لكن هو صار يعرفها اكثر من نفسه يفهمها من عيونها
الريم: عطيني بلوزتك اخلي ام جميل تجهزها لك
دارين: والبنطالون لانو انسكب عليا كمان
ومن غير استأذان خشت الغرفه وشافت قميص لصقر ولبسته كان واصل لنص فخدها
الريم تضايقت ( تدخل على كيفها وتأخذ من أغراضه وكأنها ملكه ): شلون كذا بعطيك من عندي
دارين : مايحتاج حبيبتي بسرعه خليها تغسلا
راحت الريم وعطت ام جميل تغسلها وجلست بالمطبخ تحاول تهدي نفسها بس فيه شي نغزها وخلاها تقوم
/
/
/
الجازي وهي ضامه شوق : ياحبيتي الحمدلله ماصار لك شي
شوق تبكي: يالجازي ابي افهم خالد وش دراه بأسيل ابي اعرف؟
الجازي : يابنت الحلال اهم شي ربي فكك منهم ودعي الله ان خالد مايجيه شي اخاف يروح لهم ويتهاوشون معه
شوق : لا يالجازي لاتقولين كذا لاتخوفيني عليه
خالد على طول راح بعد ماوصل شوق وهو ناوي يأدبهم لكن تفاجأ ان الحارس قاله انهم راحوا ومافيه احد موجود انقهر وجلس يسب ويلعن والنار شابه في صدره من سوياهم
غسان اللي انجرح جرح ماهو بسيط لكنه عالجه بمطهر واكتفى بكماده صغيره وحط الكاب عليها عشان مايبين وراح هو وفارس للمطار يهربون من خالد اللي عرفوا انه اخذ شوق وماراح يسكت لهم واسيل اللي رموها في المستشفى بين الحيا والموت بعد ماضربها فارس واغتصبها
هربوا لملذاتهم اللي نغمسوا فيها ، للجزيزه ، للجنه ، اللي ممكن تكون نار تحرق صاحبها
/
/
/
طلعت من المطبخ وحطت الصينيه اللي فيها العصير بكل هدوء: وين صقر ماشوفه عندك؟
جوزيف وهو يتأملها: صعد لفوء بدو اللاب توب لحتى ادخل فيه بعض التصمايم
الريم انكوى قلبها وابتسمت مجامله : عن اذنك بروح شكل ملابس دارين جهزت
وقبل ماتروح مدت كوب العصير لجوزيف بكل ذوق
طلعت الدرج ورجولها ترجف ماتدري ليه ؟
دارين : بحبك صئر افهمني مو مشكلي راضيه اكون عشيئتك وهي على زمتك
صقر وهو باين من صوته انه معصب ويحاول يكتم عصبيته: دارين وبعدين معك انتي ،انسي اللي صار بينا قبل سنتين والحين وخري من طريقي خليني انزل تحت مابي زوجتي تحس بشي
دارين وهي تبكي: صئر حرام عليك بحبك شوبك ماعم تفهم انت ألي ماراح اسمح لحدا ياخزك مني
صقر بعدها من الباب بقرف : مجنونه انتي صاير بعقلك شي
الريم بسرعه راحت المطبخ ونزلت دمعتها على طول ( صقر كان له علاقه معها انا اللي سمعته صحيح ولا احلم ، ليش ياصقر ليش تجيبني هنا دام حبيبتك موجوده ليش تخليني احبك وانت على علاقه بثانيه ليش تاخذني غصب وتجبرني اتزوجك واحبك كله بالغصب مو برضاي ليش ياصقر ليش قطع عليها صوت ام جميل
ام جميل: مدام راح اعطي الملابس الانسه دارين وانتي مدام لاتضعفين وتسمحينها تهزمك
ابتسمت وكأنه تعرف وش صار مع الريم ، تركت الريم في دوامه لكن سرعان مامسحت دموعها واللبست القناع من جديد
صقر جلس على الكنب متوتر من الكلام اللي سمعه من دارين وصار يدور بعينه على الريم
الريم خرجت من المطبخ وجلست جنبه وهي تحاول ماتحسس احد انها زعلانه
صقر ارتاح يوم شافها وابتسم لها وهي ردت الابتسامه وعطته عصير
جوزيف: خلاص انا بصمم لك كذا مشروع
صقر: مشكور ياجوزيف انا جاي لشهر العسل لكن شغلي ملاحقني الله يعين
الريم كانت سرحانه ودها تبكي ، تتكلم تصرخ بس ماتبي تحبس اللي سمعته في قلبها
شافت دارين وهي نازله ومبين انها منزعجه وكانت تبكي : يالله جوزيف تأخرنا
جوزيف وهو يوقف : يالله عن ازنكم تشرفنا مدام صئر
صقر والريم وقفوا يوصلونهم
الريم : مشكور عالورد ماتقصر
دارين عطتها نظره خوفتها ومشت من جنبها بكل تعالي
جوزيف: ولو ماعملنا غير الواجب ان شاء الله تتهنوا
دارين :سي يو
سكروا الباب وام جميل خذت الاغراض
الريم وعيونها ماتركز فيه: صقر ممكن تعطيني جوالك شوي؟
صقر وهو يحس بشوق فضيع داخله قرب منها ومسك خصرها وبهمس: ليش؟
الريم توترت : ابي اكلم ابوي مشتاقتله
وشالت ايده بهدوء
صقرعطاها الجوال خذته الريم ودقت بسرعه تبي تسمع النبره الحنونه واللي صوته يعطيها التفائل ويمدها بالقوه والصبر
ألو هلا يمه اخبارك انا طيبه ، (خنقتها العبره) لكن كملت لالا كل شي تمام صقر بخير أي الحمدلله ماقصر
صقر ارخى هدب عينه وركز بصوتها المتوتر وشكلها الحزين
الريم: يمه ابوي عندك عطيني ابي اكلمه فديتكم
الوو يبه ( سالت دموع عينها ماقدرت تتكلم )
صقر عقد حواجبه خاف لايكون سمعت شي وبحركه متوتره هز رجله بشكل سريع
لالامافيني شي مشتاقتلكم ، صقر بالعكس طيب معي ، أي مرتاحه وحشتوني وحنيت لكم اخبار اخواني يبه
أي سمعت مبروك عليهم انا كلمتهم مكالمه سريعه
تغير وجهه الريم وطالعت صقر اللي مركز معها
أي مبروك عليه يستاهل ، اعرفها جات بزواجي طيبه حيل ايوا بنت عمه ، ان شاء الله يبه سلم على وضحى لانها ماترد دقيت عليها مرتين
يالله مع السلامه
عطته الجوال ولفت تبي تصعد فوق تختلي بنفسها مسك ايدها صقر: الريم اجلسي
الريم: بروح اتروش عشان ارتاح
صقر وهو ماسكها بصرار جلسها: وش فيك ؟ متضايقه؟
الريم وهي تشيل الشيله بأيد ترجف : لالا مو متضايقه بس فيني النوم
صقر رفع راسها وطالع عينها اللي تحركها يمين ويسار من التوتر: طيب ليش تبكين؟
الريم وهي توقف: اشتقت لهلي ودي ارجع لهم
صقر وقف معها : مو مرتاحه هنا مانبسطتي؟
الريم : بالعكس بس وحشوني وابي اشوفهم خصوصا بعد التطورات والخطوبه
صقر: من اللي خطب بنت عمه ؟
الريم لفت تبي تروح: أي بنت عم؟
صقر بعيون ثاقبه: يوم كلمك عمي قلتي تصير بنت عمه
الريم طلعت الدرج وقالت بخوف: سلطان ولد جيرانا
عن اذنك
صقر فرح من داخل بس مزاج الريم مضايقه
( مستحيل اسمعتنا لانها بالمطبخ ومع جوزيف بس ليه متضايقه ، ليه تغير وجهه بخبر خطبه سلطان ، استغفر الله وش قلنا ياصقر انسى سلطان الريم لك الحين وهو خطب ، بس وش اللي مضايقها للحين تحبه وزعلت من هالخبر ولا ايش بالضبط)
غفى ساعه الا ربع ماصحى الا على صوت ام جميل تستأذن تبي تروح لان مافيه اغراض تطبخ العشاء
طلع لغرفته وهو يتخيل الريم قدامه لانه اول ليله راح ينام معها بغرفه وحده وبتكون زوجته حقيقي
فتح الغرفه وماشاف احد فيها ناظر الشنط حقتها مش موجوده فتح الدرج ماحصل ملابسها عقد حواجبه بعصبيه وناظر بالغرفه الثانيه
( لايكون من جد سوتها ، وراحت للغرفه الثانيه ، شكلي دلعتها اكثر من اللازم على كيفها حضرتها )
قرب من الباب وكانت الريم منسدحه عالسرير تفكر باللي صار وتبكي من غير صوت سمعت خطوات عند الباب وحطت ايدها على فمها لاتعلى شهقاتها
صقر فتح الباب واستغرب انه مقفل عصب وبانت ملامحه الحاده اكثر ( ليه يالريم تتهربين مني؟ الى متى بسكت عنك وعن تصرفاتك ، يعني بظل كذا لمتى متزوج ومو متزوج ، والله حقي ماراح اتنازل عنه لو شي يصير )
دق الباب بهدوء لعله يسمع اجابه لكن الريم شدت على نفسها وهي خايفه من تصرفها شدت وكأنه خايفه يعرف انها للحين صاحيه وتهرب منه
( ماقدر صقر اسفه ماراح اسمح لك من اليوم تخليني اسوي شي غصب عني ، نزلت دموعها على خدها
ابي نفسيتي ترتاح شلون اشوفك واتقبلك بعد ماعرفت حقيقتك ماتوقعت ان ورا غموضك هالشي الكبير ، كسرت قلبي اللي تو انجبر من جروحك ، هدمت حبك اللي عشته اسبوعين ليه ياصقر كذا ياليتك صارحتني ، حذرتني منها وقفتها عند حدها ليه خبيت عني ولمتى كنت ناوي تخبي عني لين اسمع الخبر منها وانجرح اكثر؟.؟؟ )
صقر دخل الغرفه الثانيه بعصبيه وقرر ياخذ دش يهدي اعصابه فيه وانسدح وهو يفكر بالريم مدري ليه تجاهل دارين وتصرفاته الواضحه نسى ان الريم غيوره حاله حال أي زوجه تغار على زوجها وفكر بخبر خطوبة سلطان،
( معقوله زعلانه لانه صار لغيرها؟ هي انقلب حالها اكثر بعد المكالمه ، كانت طول الجلسه معنا تبتسم معناته هي مو متضايقه مني مسك راسه بقوه وتعوذ من ابليس وانقلب للجهه الثانيه واستمر التفكير لين تعب ونام)
/
/

نامت بعد بكي صارت دموعها رفيقه دربها ، خليله خدودها ، عايشه بسجن لاتطلع ولايعامله معامله الزوج لزوجته ، مالقت منه غير الصد والجفا والاوامر
قامت مفزوعه على صوت ونين : بسم الله وش هالصوت
طلعت بقميص النوم من الخوف رغم ان ياسر محذرها كذا مره لاتطلع قدامه كذا
شافت ياسر منسدح بالصاله وعرق جبينه يقطر وبخوف : ياسر ياسر
لكن مارد عليها ماغير وناته اللي تقطع القلب
المست جبينه : حرارته مرتفعه ياربي وش اسوي
بسرعه جابت ماي بارد وقماش وخذت بنادول ورجعت له: ياسر قوم الله يخليك
ياسر فتح عينه وعقد حواجبه
رهف دموع عينها تهل اول مره تخاف على احد كذا معقوله حبيتيه يارهف رغم انه قسى عليك :ياسر تكفى قوم انت تعبان خذ الحبه
رفع نفسه وساعدته رهف شرب الماي على الحبه ورجع يبي ينسدح
رهف :قوم على فراشك احسن بيعورك الكنب لازم ترتاح
قام بتعب ومسكته رهف لكن شال ايدها بجفا
رهف( حتى وانت مريض يياسر لهالدرجه ماتطيقني لهالدرجه اختفى حبك لي عشان غلطه وكبرها ولد .. حسبي الله عليه ونعم الوكيل)
وهو يمشي اختل توازنه مسكته رهف بسرعه تساعده كانت غرفته بعيده شوي وشافت ان غرفتها اقرب دخلته فيها لان باين عليه ماراح يقدر يمشي اكثر من كذا
ياسر انسدح بتعب وشم ريحه رهف بالمخده ماقدر الا انه يرخي عقدة حواجبه ماقدر يقسى اكثر هو يحبها بس للحين قلبه زعلان عليها شلون يغفر لها وهو سامع وشاف اللي ماينغفر
رهف شالت جزمته وشرابه شكله ارهق نفسه لانه يداوم كثير ولايرتاح الاقليل والاكل يالله ياكل
وجلست جنبه ومسحت عليه بحنان وعيونها غرقانه خذت القماش وغمسته في المويه وحطته على راسه لحفته زين وجلست جنبه تبكي وتعيد كل الذكرى الشينه والزينه معه
حس فيها ياسر تألم بصمت لكن الم القلب اقوى من أي ألم ثاني وكأنه حاس بوجعها
ألبست جلالها وخذت القرآن وجلست تقرأ بخشوع ياسر نام ولاول مره من يوم تزوجها ينام كذا
/
/
/
وضحى ماعاد تنسكت حالتها تعبت نفسيا وجسديا
ام عبدالله كلمت راكان اللي كان مبسوط على انهم حددوا ملكته اذا رجعت الريم على طول يعني بعد اسبوعين اما سلطان فضل يكون ملكته وزواجه في يوم واحد وخالد بعد اسبوع لانه حاول يسرع بالملكه عشان ماتطير من يده شوق اللي نفسيتها متدهوره ومارضت الا بعد اقناع من الجازي ، كانت تبي تعرف وش سالفة خالد واسيل وتدق على اسيل اللي جوالها مغلق
راكان خاف على وضحى كثير وعلى طول وداها المستشفى وبعد ثلاث ساعات لان عندها فقر دم وجفاف من كثر ماتستفرغ
الدكتور: انت زوجها؟
راكان بخوف: لا انا اخوها زوجها مسافر
الدكتور : تقدر تأخذها الحين لكن ابيكم تعتنون فيها كثير وتحاولون بقدر الامكان تتغذى لانها الحين مسئوله عن روح ثانيه
راكان علامة استفهام جات على وجهه وبعد دقيقه : وش تقصد دكتور
الدكتور: ابد المدام حامل والحمدلله عطيناها مغذي وراح نصرف لها بعض المثبتات
راكان وعيونه تلمع وصرخ: دكتور تتكلم جد
الدكتور استغرب منه: ايه ياخوي وش فيك؟
راكان: الله يبشرك بالجنه يادكتور اختي حامل الف وشكر لك يالله
الدكتور جاه فضول يعرف وش فيه فرحان لهدرجه ودموعه على وشك تنزل : وش السالفه؟
راكان: يالله ياكريم ياكريم ياكرم من كل كريم دكتور اختي صارله عشر سنين ماحملت وهذا اول حمل لها بعد مايأست
الدكتور ابتسم بفرح لان وجهه خير عليهم: الف مبروك لازم تحافظ عليه ربي يحفظه لكم ويطلع على الدنيا وتكمل فرحتكم يارب
راكان : يارب
الدكتور مشى وراكان على طول دق على عبدالله لكن للاسف جواله مغلق راح لاخته اللي كانت تلبس عبايتها بتعب
راكان: الله ياوضحى تخوفينا عليك كذا
وضحى: اسفه ياراكان انا قلت لام عبدالله لا تشغلكم
راكان جا يساعدها وهو مو قادر يخبي اكثر: وضحى لازم تعتنين بنفسك مايصير تهملينها
وضحى: ان شاء الله
راكان جلسها على السرير يبي يعلمها من غير ماتنصدم: وضحى قال الله تعالى ( ولاتقنطوا من رحمة الله )
وضحى : والنعم بالله
راكان وعيونه تلمع: وضحى فيه خبر بيفرحك كثير ويفرحنا كلنا
وضحى بسرعه : عبدالله رد عليكم ؟
راكان: لا عبدالله ان شاء الله بيرجع قريب لكن الخبر هو انك ياوضحى اخيرا بتصيرين ام
وضحى : ام؟
راكان وهو يضمها: ايه انتي حامل ياوضحى قالي الدكتور حامل
وضحى ومن غير ماترمش نزلت دموعها : حامل؟ انا حامل؟ حطت ايدها على بطنها
راكان : نزلت دمعه كان يعاندها مايبي يطلعها : أي ياوضحى الحمدلله
وضحى بكل خشوع ودموعها تنزل سجدت لقبله وهي تحمد ربها رفعها راكان وهي للحين ماسكه بطنها وكأنها مو مصدقه ان فيه جنين انتظرته عشر سنين ، ان فيه طفل بيناديه ماما ومن احب شخص على قلبها من زوجها حبيبها وصديق دربها الغايب الحاضر عبدالله
/
/
/
انتشر الخبر السعيد للكل وصل للريم اللي ردت على تلفون البيت لانها عطتهم ياه ، تغيرت نفسيتها بعد ماكانت زفت خصوصا اليومين اللي راحت تهاوشت مع صقر بسبب الروحه للعزيمه واللي انجبرت عليها وتضايقت من دارين اللي كانت تتلصق في صقر بكل وقاحه كان صقر متضايق من علاقته بالريم المتوتره ويطلع برا ومايجي الا متأخر
ام جميل شافت الريم مبسوطه وتمسح دموعها: خير يابنتي
الريم كانت ترتاح لهذي الانسانه ابتسمت لها: اختي حامل تخيلي بعد عشر سنين
ام جميل: الحمدلله والشكر يارب ماحد ييأس من رحمه الله يابنتي
الريم: الحمدلله والنعم بالله
ام جميل: مدام انا جهزت العشا وجهزت قاتوا
الريم : ؟؟؟؟
ام جميل: مدام لاتضيعين الاستاذ صقر من ايدك والله هو رجال طيب ودارين من سنين تلاحقه وماهي مخليته براحتو
الريم نزلت راسها بحزن : لكن ماقدر اسامحه هو حتى مايوقفها عند حدها كأنه راضي بافعالها
ام جميل: مدام بطريقتك راح تقربينه منك وتبعدينه عن دارين لكن اذا استمريتي على هالحال راح يطير من بين ايدك
خافت الريم وجلست تفكر بكلام ام جميل ابتسمت ام جميل وقالت لها تبدا صفحه جديده مع بدايه هالخبر السعيد
ام جميل: بنتي الحب مبين من عينك والغيره ماتجي الا بين المحبين
الريم : احبه بس تصرفاته تجرحني
ام جميل: راح يداويها بس عطيه فرصه لانه يحبك كمان انا اشوف بعيونه اللي ماتشوفينه
الريم ابتسمت وباستها وام جميل ابتسمت لها احترام وتقدير وراحت بيتها وقالت لها ماراح تجي لان ابو جميل عنده موعد في المستشفى بكره
شافت الساعه 8 مساء خذت له دش دافي والبست فستان اسواريه قصيراسترتش احمرباللون الكرز لفوق الركب وعليه جاكيت صغير ابيض من فوق عشان يدفيها والبست البوت الابيض فلت شعرها بعد ماستشورته على فوق عشان تبين القصه وهالمره غيرت من مكياجها ارسمت عيونها النجلاء بكحل اسود وحطت روج احمر وطلعت جونان
راحت وجهزت الطاوله وخذت الاكل وشافت ام جميل مجهزه القاتو بطريقه حلوه وشافت شموع
والله ذوق هالانسانه تفهم بالحركات
حست بالرضا يوم شافت الطاوله شافت الساعه 10 كانت تنظره بشوق قررت من كل قلبها تبدا معه من الليله ترضيه وتعطيه حقوقه هي تحبه واللي يحب يسامح لازم تقربه منها عشان مايطالع غيرها وتنسيه أي ماضي عاشه
ابتسمت على افكارها وشغلت التلفزيون تبي الوقت يمشي لكن هيهات مدام نار الشوق موجود فان اصعب ماعليه انتظار الحبيب
/
/
/
شوق صارت تبكي وتدعي الله انها تعرف الحقيقه ليش خالد مو راضي يقولي واسيل مقفله جوالها ،دقت على بيت اسيل وردت عليها الخدامه تقول ان مافيه احد
شوق: طيب ماما اسيل وين؟
الخدامه: مافيه موجود في مستسفى
شوق خافت لايكون في اسيل شي وجلست تفكر
( ياربي وش اسوي راسي بينفجر خالد وش عرفه باسيل وغسان وفارس لازم اعرف لازم)
نزلت تحت وشافت اخوها فيصل جالس يصلح البلاستيشن
شوق: عطني جوالك فيصل؟
فيصل: يمكن في الغرفه مادري وينه
شوق دقت على جوال فيصل عشان تعرف وينه وبالاخير حصلته تحت مخدته جلست تدور بين الارقام يمكن تعرف رقم خالد
واخير حصلته شافته وجلست تطالع فيه هذا الرقم مو غريب علي حاولت تتذكر لكن ماطلع معها شي
ترددت تدق عليه ولا لا يوم عزمت الا ابو لافي يدق الباب وبسرعه خبت الجوال
هلا يبه تفضل
لافي: هلا بنتي هاه يبه ناقصك شي ترى مابقا شي على ملكتك
شوق: بقا بعض الاشياء بنروح وانا والجازي نشتريها
لافي: الله يوفقك يبه قالت امك انك صار لك كم يوم مانتي على بعضك وش فيك قولي يابنتي.؟
شوق بتوتر: مافيني شي يبه بس ... خايفه اني تسرعت بموافقتي
لافي ابتسم لبنته: خالد رجال يابنتي وهو ماجد كانوا ضحايا ام مهملتهم انا ادري بسالفتهم تدرين اذكر انهم يهربون يوم كانوا صغار لجدتهم عشان امهم ماتهتم فيهم
كانت امي الله يرحمها بعد تقولي عنهم
شوق: يبه انا خايفه وبكت
لافي ضم بنته : يابنتي انتي غاليه علي ماكان وافقت على خالد لو ماهو زين قومي صلي الظهر واذكري الله عشان تبعدين وسوسه الشيطان منك
شوق : ان شاء الله
/
/
/
رهف كانت سهرانه يومين على راحت ياسر اللي تحسنت وصار احسن
رهف: يالله كمل الشوربه
ياسر: خلاص رهف شبعت
رهف بتردد: ياسر ممكن اكلم اهلي من زمان ماكلمتهم
ياسر طالع فيها كانت ماتحط عينها بعينه مدري خجل منه ولا من سوياها قبل: خذي كلمي عندي لاني ابي اسلم عليهم
ابتسمت رهف ودقت على امها لكن سرعان ماختفت الابتسامه يوم سمعت ازعاج وقالت لها بعدين اكلمك انا مشغوله رهف
تغير وجهها وشدت على ايدها
ياسركان يراقبها وحس ان فيها شي: وش فيك؟
رهف: لا بس شكلها مشغوله
ياسر: دقي على ابوك
رهف: ماراح يرد اعرف وقته بدق على ماجد
وفعلا اول مادقت رفعه وهو مبسوط فيها
هلا ياخوي شلونك وش اخبارك؟ لا مانسيتكم ياسر؟؟ رفعت عينها المليانه دموع لا بخير مبسوطه حيل هههه صدق؟ مبروك الف مبروك ليش مابشرتوني؟ أي خالد قالي انه خطب كلم ياسر قبل ثلاث ايام تقريبا احسن منك
طيب خذ ياسر يبيك وسلم على العنود
أخذ ياسر الجوال وجلس يكلمه وعينه تراقب رهف اللي شالت الشوربه وراحت وهي تبكي
خلص مكالمته وجلس يتنهد مايدري وش يسوي يحبها بس مانسى سوياها، ليه يتألم اذا شافها زعلانه تذكر وشلون كانت تعتني فيه اليومين اللي فاتوا كانت تسهر عليه وتعطيه علاجه وتأكله بأيدها ماينكر انه صد كذا مره بس حاولت لين ماعارضها
رجعت وهي تبتسم وتخفي الحزن من وجهها : تفضل خذا اعلاجك وعطته الماي
خذها ياسر والافكار توديه يمين وشمال لكن عقله اعلن الاستسلام وفاز قلبه اخيرا وهو يشوفها تلحفه بحنان بايدها الناعمه مسك ايدها على طول
رهف ناظرت فيه وبسرعه شالت الكوب من ايده لكن هو قبض ايدها بمعني اجلسي
رهف توترت وصارت ترمش بعيونها بسرعه وكأنها ماهي مصدقه انه رجع ياسر الحنون هذي نفس مسكته يوم ملكتهم
ياسر رفع ايده وجلس يلمس شعرها ويتأمل ملامحها وكأن كل الافكار السودا امتحت من باله هذا الوقت
رهف ساكته ولاتكلمت تخاف تفوت هاللحظه هي في غربه ومن زمان ماحست بالامان والحنان تبي تعيشها ماتبي تفقدها هاللحظه
ياسر ضمها لصدره هو مايدري ليه يسوي كذا بس شعر بالرضا همس : مشكوره تعبتك معي اليومين اللي راحوا
رهف دموعها على خدها ماقدرت تتكلم وش تقول انها واجبها كزوجه ولا تقول كفايه انك حسستني بحبك بعد صدك
ياسر: خلاص رهف لاتبكين مسح دموعها لكن حركته زادت من دموعها بدل ماتوقفها
رهف بصوت متقطع: ياسـ...ر انا ماحبيت في الدنيا احــ...د كثـ..رك ولاحسيت بحنــان الا معك
ياسر بعد كلامها نسى كل شي حولها وضمها بقوووه لين هدت
ياسر وهو يهمس باذونها: وانا يارهف احبك وماقدرت اكرهك
وبلحظه نسوا كل اللي فات وعاشوا مثل أي زوجين يجمعهم سرير واحد ويحسون ان روحهم وحده
/
/