رواية العابث ال خير في هذا الزمان

البارت 116


عند رائد ..
سأل القرويين سكان الريف عن الاكواخ الفارغه لانه بحاجه لـ يوم راحه واستجمام هنا بعيداً عن المدينه واضطراباتها
وجد اخيراً مايبحث عنه لكن اصغر مما كان يتوقع
غرفة واحده مرفقه بدورة مياه مكشوفه " اكرم القارئ "
تأمل المكان وافتر ثغره ببسمه تشع سخريه
: ايوه هذا الناقص
وش بتقول الشيخه الحين ! " يقصد بالشيخه ريتان "
خرج بعد ما اخذ المفتاح ورجع لمكان السياره البعيد نوعاً ما عن الكوخ اشر لها تنزل
نزلت وقفلت باب السياره
رفع صوته : جيبي شنطتي
ناظرته بحده وصدت تجيبها
وقف يتأمل المكان والسماء والخضره والحياه النظيفه بعيد عن زحمة الشوارع والازعاج هنا كل شيء له لونه الطبيعي
فـ كيف بالجنه ؟ اذا انسحرت بمثل هالمنظر !! ‏
"سندخل الجنَّة بإذن الله، وحينها سنرى وجُوهًا اشتقناها كثيرًا وحُرمنا منها.. سنستقبل الفرح ونودع الحزن والملَل
يارب اكتب الجنه لاغلى احبابي وروحي وقلبي
امي وابي يالله ، اللهم انك تعلم ‏كم زهر نبَت على ترابهم ولايعلمون
كم زهرٌ مات في صدورنا،
اكتب لهم الجنة يا الله .
بمحاولة هزيلة لمنع دموعه انحنى ليجلس
على الارض بقلة حيله واول مايتبادر الى ذهنه مقولة تشي جيفارا ؛ ‏هذه الحياة لن تقف لتراعي حزنك ، إما أن تقف أنت وتكملها رغم إنكسارك
أو أنك ستبقى طريحاً للأبد ".
بمجرد احساسه بأقتراب ريتان وقف ومسح وجهه بتنهيده عميقه تكلمت بتعب : خذ شنطتك
أخذها ولبسها ع ظهره
وابتسم : يلا هاتي شنطتك ، رحمتك وبشيلها عنك
رمتها عليه وتجاوزته وهي تتنفس بعمق : الله ، ايه كذا الحياه مناظر تجيب العافيه مو تقطع الرزق استغفر الله
رائد وقف والتفت لها :وش قصدك ؟
ريتان بنص عين : خير !!! قلت اسمك صدق اللي على راسه بطحاء يتحسسها
رائد قرب لها : ريتان
ريتان ثبتت عيونها بعيونه : هممم غريبه تنطق اسمي ترى
رائد بنظرات غريبه : لا تستغربين شيء زوجك وحلالي
تجهمت ملامحها وهي تناظره بصصدمه : وش ! زوجتك لا ي حبيبي في احلامك لا تفكر في اشياء غبيه مثلك ترى كل الموضوع على الورق
بس
رائد ابتسم بخبث : حبيبك هاه ؟
ريتان بصدمه شهقت : تعقب لا حبيبي ولا هم يحزنون لاتفرح نفسك
على الفاضي
رائد قرب لها وميل راسه شوي وانفاسه تلفح وجهها
ريتان ارتبكت ورجعت على وراء
طاحت الشنطه من ايده ومسكها وحاوطها وهو يقربها له
ريتان بهمس : لا لا لا
ثبت شفايفه على خدها اليمين
ونزل شوي وباس طرف شفتها وبهمس ومازالت شفايفه قريبه منها : بتقولينها وبنفس راضيه
صدقيني
دفته عنها وهي ترتجف
ابتعد وشال الشنطه وهو ماسك ضحكته على ربكتها
ومشى بأتجاه الكوخ وهي متجمده بخوف
غمضت بقوه وهو تحس بجفاف في حلقها بلعت ريقها بربكه وفتحت عيونها شافت بعد عنها تنهدت
ومشت وراه وهي تصبر نفسها انتبهت له يدخل لاخر كوخ
ركضت بسرعه خوف لايكون رامز قريب ودخلت وراه
جالس على السرير واصابعه تتخلل شعره
بهدوء
دخلت اكثر وهي تتأمل المكان : وين غرفتي ؟
فتح كفوفه واشر على المكان : ذا كله وماتشوفين ؟ تجين بقوة عين تسألين وين
غرفتي !! هذي غرفتك
ريتان بصد : طيب اطلع
رائد ضحك : وين اروح ؟ مافيه الا ذي الغرفه
ريتان بهت لونها والتفت له بصدمه وهي تكرر : مافيه !
رفعت سبابتها بتهديد : لا تستهبل معي اطلع شوف لك اي حريقه لا تجلس قدامي
رائد وقف وهو مطنش وجودها وفتح شنطته وطلع بلوفر احمر قطن
جلس على الارض متربع
ونزع شوزه " اكرم القارئ "
ورفع بلوفره الاسود ونزله بهدوء
ريتان صدت وهي تهمس : قليل ادب
ابتسم ولبس البلوفر الثاني ووقف واتجهه لدوره المياه " اكرم القارئ "
ونزل الستاره دقائق
وخرج وهو يجفف يدينه ويمسح وجهه تجاوز ريتان
وهو يتكلم بلكاعه تمتزج بتسليه : لاحظي مافي باب لدورة المياه ستاره
وتخب عليك
قفل الباب الرئيسي للكوخ وترك المفتاح
عليه
ورجع للسرير وهو يرفع ايديه فوق راسه : اخيراً يالله من فضلك ..

البارت 117


ريتان مازالت مكانها وتحس بحرقه في قلبها
همست ببحه وهي تمسك دموعها : انت وش تقصد ؟ تبي تجنني ؟ انت بتنام طيب وانا ؟
على الاقل دامك مابتوفر مسكن زي الناس والاوادم وفر باب لدورة المياه
تقوست شفايفها بقهر منه
وجلست على الارض وهي تتنفس بسرعه
ورائد مطنشها منسدح على السرير بدون مايتغطى وشبه مغمض عيونه
وصوت المطر من اسباب نومه السريع
همس ببطء : لو صار شيء صحيني وترى ما بأكلك السرير كبير ويكفي عشره مو بس اثنين
غمض عيونه بعد جملته وسرعان ما نام
تارك ريتان في تناقضات من كلامه وتدعي عليه وعلى رامز واهل رامز
فتشت شنطتها على السريع وشهقت من تذكرت ان الجوال باقي في السياره وقفت ببطء وقربت للسرير
همست : هيييه نمت !
مارد
تنهدت وبصوت اعلى شوي : قوم جوالي نسيته
ماتحرك ولا صحى
بعدت شوي وجلست على طرف السرير
يارب وش الحل !!! وقفت وقربت للباب بتطلع تجيبه وترجع لكن تراجعت على اخر لحظه وخافت لو صار شيء ؟
وهذا نايم لو يصير انفجار عند راسه
ماقام افففف
نزلت حجابها وتناثرت خصلات شعرها
الكيرلي بلون الشوكولا
ابتسمت وهي تشد وحده من خصلاتها وتحس فيها توصل لاخر خصرها
همست بفرحه : الله ! اخيراً طال الملفلف
هذا ؟ لا بالله قام حظي
حركت راسها يمين ويسار وشعرها يتناثر حولها
ضحكت ووقفت تنزل معطفها وتعلقه وهي تتنفس براحه
صح الجو بارد لكن حلو ومن حسن الحظ انها من النوع اللي يميل للاجواء
البارده اكثر
قررت تسلم امرها لله وتنام شوي
وتحاول ماتتعمق بالنوم عشان لو صحى
رائد مايلقاها جنبه
مشت بحذر للسرير ورفعت طرف المفرش اللي نايم رائد فوقه
ضبطت وضعها تأكدت انه
ماراح يصحى دخلت دورة المياه
" اكرم القارئ " توضأت وفرشت اسنانها
خرجت صلت وبهدوء جلست على السرير وثواني وكانت تعدل المفرش عليها وراسها على الوساده
ابتسمت وصدت معطيته ظهرها وبينهم مسافه كبيره وتغطت ونامــت بتعب .


في لوس انجلوس ..،

خالد جلس على الارض مقابلها على نصف ركبه ومسك ايدها اليمين وهمس : تقبلين بخالد
اللي ناجح بمقبول ولا احد وظفه وعايش مع اهله وماعنده الا غُرفه صغيره ماتجيء كبر غرفة تبديل ملابسك
زوج لك !!!!
ختام رفعت كفوفها لوجهها وغطته بدهشه فرح وصدمه ماتوقعت يطلب ايدها للزواج
المفروض حُب اولاً ثم زواج " بتفكيرها "
ضحكت وهي تحس انها انحرجت منه ولاول مره
تلونت ملامحها بالحمره ولاحظ
خالد اللي استحى هو الثاني
ووقف وهو مكشر : شكلك ماتبيني
ختام بسرعه ولهفه ؛ لا ابيك
خالد ضحك بقوه من تعابيرها وطريقة ردها
وختام تناظره ببراءه ومسكت ايده : موافقه بس انت بترضى فيني ما اعرف اسوي شيء ترى هذا انا علمتك ما اطبخ ولا ارتب ولا انظف ولا شيء حتى مناكيري مو انا اللي احطها بس انا
رفعت عيونها له وبهمس : انا احبك
ابتسم : وانا اموت بـك
ختام ابتسمت دون ان تمنع نفسها من اظهار صف اسنانها العلويه ؛:
كذا اقدر اقول الحياه ضحكت لي
مسكت ايده ومشت معه
دون ماتناظره ليكملا المسير على الرصيف الذي يعج بالخطى
تنهدت من قلب وهي تحلف : والله اليوم بحلله معك والله والله والله
ضحك خالد من كلامها وهو خايف من ثقتها واندفاعها : ليش وش تبين مكان معين ببالك ؟
ختام بشهقه : مكان !!!!! الا اماكن
رمشت ببطء وعيونها عليه
ضحك من نظراتها وعض شفته : لا تناظريني كذا
ختام بأستغراب : ليش ؟
خالد بنص عين وحده مصطنعه : عيب
سكتت وهي تصد عنه ماتبي يزعل وينقلب الموضوع كامل عليها
وخالد ماسك ضحكته من ربكتها المفاجأه
ختام بتفكير : وين تحب نروح ملاهي ويلدريفرز ؟ او فلاجز السته ؟؟
خالد : وش الفرق بينها ؟
ختام : ولدريفرز العاب مائيه و فلاجز السته العاب خطيره يعني صراخ وازعاج
خالد بنص عين : يعني مسويه بتخوفيني منها ؟ يلا بنروح لها
ختام بحماس: اتحداك ماتبكي
خالد التفتت لها بسرعه : ابكي ؟؟!
اتحداك انتي ماتبكين ..

البارت 118


ميلت راسها على جنب وضحكت : لا لا ماعليك

_
Six flags
هي مدينة العاب ترفيهه في لوس انجلوس
تحتوي على العاب خطيره ولاينصح
بها للمرضى واصخاب القلوب الضعيفه . '
__

بعد نص ساعه وقفت سياره الاجره مقابل لها ونزل خالد
ومد ايده لختام مسكتها ونزلت وهي تبتسم له : شكراً ايها السيد المحترم
خالد ضحك ؛ لا تسوين علاقه محترمه عشان ارحمك واعفوا عنك من ذا الالعاب ترى وراك وراك
ضحكت واشرت له : يلا اتحداك يلا
دخل وهي وراه بعد مادفعوا رسوم الدخول ظ،ظيمنع دولار .
خالد وهو يتأمل المكان : بس كذا !
مدينة العاب وسط غابه وحدائق
ختام بأنفعال : ترى من حسن الحظ اننا جينا اليوم ، جيت مره مع عمو وكانت تحت الصيانه
خالد رمش ببطء : طيب بنركب هذي كلها !
ختام ناظرت بالمكان : ايه
خالد بلع ريقه بربكة : اهااا ، طيب مشينا
اتجهوا لاول لعبه تعتمد على السرعه والارتفاع لمسافات شاهقه ومن ثم النزول السريع وسط اشجار الغابه
بمجرد ركوبهم وتركيب وسائل الامن والسلامه
همست ختام : هيه ترى ما احب الاشياء اللي كذا
خالد عقد حواجبه وميل راسه لها : وش ما اسمع !
ختام التفتت له وجمعت شفايفها ببكى : خلنا ننـ..ـز
سكتت وانقطع كلامها من بدأت المحركات تشتغل وصراخ اللي حولها
ارتفع بسرعه مسكت راسها وهي تصرخ وتبكي
وخالد متجمد بصدمه ..
تدارك نفسه وانتزع كفها من راسها ووضعها في كفه
ليشد عليها بقوه
كانت تشعر بأنفجارات اوردتها ورعشة عروقها
المشتته
شد عليها وهو يهمس ليطمأنها بعكس خوفه وربكته
ليخفف عليها وطأة الموقف ويشعرها بالراحه
مرت دقائق تتحرك اللعبه والحياه والكون بأكلمة في صمت مهيب منهما
كـ لحظات صمت ابديه تُكتب لتقف
لهما كالذكرى لمولد حُب او عشق جديد او متجدد !
توقفت اللعبه بعد خمسة عشرا دقيقه
من الحركة والصعود والنزول
في غياهيب يعيشها الاثنان
واحلام ترسم المستقبل وطياته
ابتعدت وهي تبكي ..
همس لها بصوت مخنوق : ماتوقعت بتبكين !
حلفتك بالله لو اعرف انه بيصير كذا تتوقعين بخليك تركبين لا وربي ان اوقف بوجهك وامنعك
نزع عنها ادوات الامان ونزل هو واياها
وهي تشهق بخفه وساكته ماتكلمت
خالد وقف والتفت لها : ارتحتي ؟ مكان مو حلو بصراحه يلا نطلع
ردت وهي تشابك اصابعها ببعض : ماتوقعت كذا
خالد ابتسم بحنيه : بس تبين الصدق اعجبتني
ختام توسعت عيونها
وخالد انحرج لوهله وصد وهو يضحك بقوه
ختام بقهر مشت وراه ورفعت رجلها ورفسته على ساقه
صرخ بالم وركضت تاركته وهي تضحك : احسن تستاهل اللي جاك
ركض وراها وهو يتكلم بسخريه : على الاقل
مابكيت الحمدلله
ختام وقفت والتفت له بحده وضحك : شفيك ؟!! زعلتي
ختام جمعت شفايفها بقهر : الخطأ مني اللي ركبت او اكون ركبتك وخليتها تلف فيك وتطيح
خالد وقف قدامها : افااا : اللحين تبين اطيح ؟ ومن يبقى ينرفزك ويعصب فيك !
ختام بهمس وعيونها بعيونه تتحدث بكثره لا يفهمها الا خالد
همست ببحه : بسم الله عليك ...

البارت 119


تراجع للخلف خطوات وهو يتوتر من تصرفاتها لا يريد ان يخطوا معها
للشر والرذيله
حتى ولو كان تقدم لها بالكلام يبقى كذب وخداع الشيء الوحيد اللي بيخليها تنكتب له ومن نصيبه هو عقد زواج ودبله وبيت يجمعهم
بالحلال غيره مافي شيء ممكن يشفع له تصرفاته
اذا هي بريئه وجريئه مالقيت من يعلمها
الصح والخطأ هو يعرف ان اللي جالس يسويه مجرد كذب وعشان كذا ضروري يكون لها حد
ختام ناظرته وابتسمت : اسفه رضيت !
خالد ابتسم : اكون بدون عقل لو مارضيت يلا ؟
ختام ضحكت : يلا
مشوا لخارج الحديقه وهو حالف ماتركب مره ثانيه او تلعب فيها
رن جواله وطلعه كانت بُشرى تنهد وهو يلف الشاشه لختام : دقت المزعجة
رد : هلا هلا
بُشرى بشهقه : اخيراً وش الموجز الاخباري بسرعه علمني وش صار ووش سويت
خالد ضحك : بشويش طيب ، مو الحين بقولك خليها بعدين
بُشرى فهمت ان ختام عنده تكلمت ببطء : ايه طيب اسمع ترى بنرجع للرياص انتهت دورة
عبدالله " زوجها " بس حاول ترجع بسرعه لان امي تعرفها بتسأل عنك
او اتصل وقول لها انك مسافر
خالد بسرعه : لا برجع اكيد عندي اشياء ضروريه لازم انجزها
ختام ناظرته بأستغراب
وبُشرى ضربت صدرها : سويتها ! اعترفت لها !!!!
خالد ضحك : ايه
بُشرى بتهديد : طيب طيب
قفلت في وجهه وهو يضحك وختام مبتسمه لهه : شفيها ؟
خالد اشر بأيده جنب راسه : مجنونه ماعليك منها .

..
في اكواخ الريف بـ العاصمه الهولنديه ..

صحت وجلست مكانها ثواني التفتت للمكان حولها كان ظلام وصوت خافت لصرصار الليل
انكتمت انفاسها ومررت ايدها على السرير تبي تتاكد هو موجود
او صحت وهي في مكان ثاني شهقت من حست فيه مسك ايدها
: بشويش تبين تاخذين عيني !
سحبت ايدها وتكلمت بربكة : شغل النور
همس ببطء : كوخ مافيه اضاءه يشتغل على الشمس
ريتان رفعت رجولها وضمتها لصدرها : كم نمت ؟
رائد رفع ايده لوجهه ومسح عيونه بخفه
: طولنا نمنا بالليل وصحينا ليل اكيد انه
مر يوم
ريتان بلعت ريقها بخوف : يمكن
غمضت عيونها وهي تسمع حولها حست فيه يجلس ويشد ايدها ويسحبها له
تكلمت بحده : هيييه
ارتجفت وتجمدت من حست بانفاسه قريبه منها
وخده يلاصق خدها
ويهمس في اذنها : اششش قومي بدون ماتطلعين صوت
استغربت حركته وسرعان مافهمت من شافت ظل شخص وراء الستاره الشفافه المغطيه للشباك
وقفت معه ورجولها تعجز توقف من الربكة والخوف
تمسكت بتيشيرت رائد وهي ترجف همست له : كيف نطلع !
رائد انفاسه ارتفعت وهو عاجز يتصرف اكيد الكوخ محاصر
بهدوء اتجه للباب ووقف على جنب وهو يشد ريتان تجيء وراه
وبهمس هادئ يخرج بوسط
توتره : اذا انفتح الباب بطلع انا بحاول ااخرهم
وانتي استغلي الفرصه وتخبي في اي كوخ ثاني اطلعي واهربي
ريتان برعب : لا والله بيمسكوني برا
رائد هز راسه بـ لا : مابيجيك شيء انتي اطلعي وبس
ثبتت عيونها بعييونه لثواني طويله وهي تفكر تطلع او لا !!!

'
‏"على ماذا، ومن ماذا
‏تخافُ وربّك الله؟
‏وأنتَ بكل شاردةٍ وواردةٍ
‏من الأيّامِ.. تلقاه
‏متى من لطفهِ ألقاك؟
‏متى أحببته وجفاك؟
‏وهل جاوزت ما جاوزت
‏مما كان.. لولاه؟
‏لسوف يُجيب كلّ دُعاك
‏ويرفعُ عنكَ كـفَّ أساك
‏فما أشقاك
‏إذا استسلمتَ للدنيا
‏وللأوجاعِ..
‏ما أشقاك"

البارت 120


ريتان برفض : بجلس معك مابموت لحالي
رائد ويكاد ان يجن : اقول روحي انا اقول اطلعي
التفت لها وهو يناظرها بحده
ريتان ثبتت راسها بحضنه وبعناد اردفت : انت مجبور فيني
عض طرف شفته وحاوطها بصمت وهو يدعي م احد يشوفهم
لكن مو كل مره تسلم الجره !! تحركت الستاره من تأثير الهواء والنافذه الحايزة على نصف الحائط
تنفتح ببطء شديد
رفع كفه لفم ريتان يكتم انفاسها
وهي مثبته عيونها ع الشباك ودموعها تتسلل لعيونها
يارب انت تجعل كل ماهو مستحيل ممكن
مكّن لنا الهروب والسلام من كل ما يجعل لنا في دروبنا ضيقاً وغربه ووحده
يارب يارب يارب
غمضت بقوه ومشت مع رائد ببطء وهو يتجه للنافذه ذاتها اللي
دخل معه الشخص وملابسهم السوداء تساعدهم على الحركة بدونرؤيتهم بوضوح
وقفوا شوي بجانب الشباك والشخص
امامهم يتملس السرير بحذر و واضح فيه شيء بيده اليمين لانه رافعها على فوق
ملامحه مو واضحة كلها سوداء بأستثناء بياض عينيه المتنقله في المكان
طلع شيء من جيبه بيده اليسار
ورائد سحب ريتان وطلعها من الشباك وايده فـ ايدها وكاتم انفاسه
والشخص شغل الفلاش
قفز بسرعه وراء ريتان
والفلاش توجه للشباك وصار واضح لهم
وقفوا بجنب الكوخ وركضوا بسرعه لوسط الغابه واصوات وراهم
خطوات كثيره والحقيقه صارت واضحة اللي دخل للكوخ مجرد طُعم
واللي برا ينتظرون ضعف العدد اللي يتوقعه رائد
يركضون بسرعه وبالقوه يستردون انفاسهم
وبدون احذيه " اكرم القارئ "
وبلا معاطف او شنط كل واحد فيهم ماعنده شيء غير الثاني
ريتان مالها الا رائد
ورائد ماعنده غير ريتان
كل واحد يركض مايعرف ينقذ نفسه او اللي معه
ينقذ اللي بقى منه بالرغم من انه اصبح بلا هويه وبلا مسكن وبلا اي شيء ممكن انه يسعفه
في غربته
على بُعد مترين يركضون خلفهم بخطوات سريعه مجنونه وانفاسهم تلهث بجنون لدرجة سماع رائد وريتان لها
لم يعد بالقدره الركض اكثر ..

البارت 121


شد بكفه الايسر على كف ريتان الايمن وهو يركض بسرعه اكبر رغم اقدامه المتجرحه والملتهبه
همس لها : كملي ركض على قدام
تجاوزته وهو انحنى يجمع عدد من الحجاره
وركض وراها لمسافه قليله
ووقف والتفت لهم ورماهم بالاحجار
بطريقه عشوائيه تثير الغضب في نفوسهم وقفوا عن الحركة لمدة ثواني يحاولون يصدونه
ركض وتركهم بمجرد ماانتهى محصوله
سمعها تهمس باسمه التفت لها ومشى لها بسرعه : ليش جلستي !
سحبته جنبها وجلس وهو مستغرب ومرتبك ومتوتر
ريتان : ساعدني نحط ذي قدامنا
" صخرة كبيره " ساعدها يحركونها لليمين شوي
وتخبوا بينها وبين شجرة صنوبر ضخمه
كتموا انفاسهم لثواني والحراس يمرون من عندهم ويتهامسون
ونظراتهم تنتقل فـ المكان بشك
ارتفع صوت واحد من الحراس :
هنا هنا
ركضوا وراه
ورائد التفت لريتان بصدمه
ريتان غمضت بقوه وهي خايفه اكيد بيرجعون !!!
اختفت الفلاشات والانوار الخاصه فيهم
وانقطع صوتهم
همست ببحه: تتوقع بيرجعون !
التفت لها وثبت عيونه بعيونها : ماعندنا وقت
ريتان بأستغراب : وش نسوي ؟ نرجع
للكوخ ! او وش
رائد ابتسم : ماعاد في مجال للهرب
ريتان تجمدت ملامحها
رائد بلع ريقه بتوتر ونبضات قلبه ترتفع
تاره وترجع تنخفض
مسك ايدها وسط ريبتها من تصرفاته
وهمس ببطء لها :
ماعمري رضيت بموت ابوك ولا تمنيت انه القاتل يكون اخوي بس اخوي ماغدر في ابوك بس اخوي غدر فيني حتى انا
ابتسم وميل راسه على جنب : بس مع هذا فيه اشياء كويسه صارت
صح !
وعلى مايقول المثل " النصيب يصيب " وعز الله انك نصيبي وحلالي وقلتها لك قبل وبرجع اقولها" قُرتي " انتي
قُرة العين والقلب
ريتان توسعت عيونها بصدمه
من كلامه وارتجفت ونبضات قلبها ودرجة حرارتها ارتفعت من حست
بشفايفه على خدها ...

في مكان ثاني قريب منهم

عند رامز ....
مبتسم وعيونه عليهم
يتهامسون وفجاءه وقف بصدمه وهو يتمتم : باسها !
رمش ببطء وتجمدت ملامحه من شدة صدمته
رفع عينه للنافذة بدون ان يلفظ اي كلمه
وهو يشعر بعطش شديد وجفاف داخله صد عن الاجهزه والكاميرات واخذ كوب مويه وافرغه في جوفه بأنفاس متسارعه غاضبه مما حدث
مدركاً فضاعته (( اخوه اللي دائم يوضح له قد ايش يضحي عشانه وقد ايش يحبه يخونه وقدامه
مسكة اخيراً بالجرم المشهود شفتك ي رائد وانت معها تضمها وتبوسها ! طيب ممكن الخاطر عافها بس نذر علي لا جننك انت واياها عشان تعرفون تلعبون علي انا
رامز الـ .. ينضحك علي !! تحت امري ناس وممكن يصيرون جيش لو ابي
تضحكون علي ؟ تلعبون من وراي ؟
طيب ي رائد تهنى فيها بس وعد لا اخليك نصف رجال ولا بينا كلمة اخوي وعزوتي واهلي
لا اللي بينا الحين حقوق واصحابها بس )) .
رجع للطاوله وانحنى عليها وهو يثبت
انظاره على الشاشه العاليه الدقة حراره تحرقه من الداخل في كل مره تقع عيناه عليهما
اخذ جواله وفتحه وهو يدور على رقم معين
اتصل وثواني ووصله الصوت : هلا طال عمرك
ابتسم ببطء : المكان جاهز ؟
الطرف الاخر : نعم طال عمرك جاهز
قفل بوجهه ورفع ايده للشاشه ومسح بطرف سبابته صورة رائد
وبحسره مصطنعه : ياحرام كسرت خاطري
ضحك وسكت فجاءه وهو يشوفهم يوقفون شكلهم
بيهربون
هز راسه بنفي : على وين ؟ مافي مكان ي ماما
ضحك وارتفع صوت ضحكته اكثر في كل مره يشوفهم يناظرون وراهم
ويركضون .


ريتان توسعت عيونها بصدمه من كلامه وارتجفت ونبضات قلبها
ودرجة حرارتها ارتفعت من حست
ابتعدت عنه بسرعه وهي تتنفس بربكة
رفعت كفها لشفايفها وهي مصدومه منه
همست له وعيونها دمعت : ليييـ..ـه
رفع عيونه على فوق لثواني ورجع ناظرها : بدون ليه شوفي ممكن انا ما اعرف اتصرف ممكن اقصر او تعاملت معك بشكل سيء بس تبين الصدق ؟ رغم صغر سنك
رغم ضعف حيلتك هزمتيني انتي ،
‏"يا قُرتي وبالحب هزمتي قلبي ."
ببشاعة اللحظة والشعور رفعت كفها لفمه لتمنع ماتبقى من كلمات ورسائل
ورموز
هي ليست بحاجة لهذا الاعتراف الان هي بنفسها غارقة
هزت راسها بالنفي وتقوست شفايفها
بأسف : مو وقتـ..ـه ماننفـ..ـع لبعض
رائد ابتسم وبحنيه غير مألوفه لها باس اطراف اصابعها
ابعدت كفها عنه بسرعه
وهو تكلم بهمس : انجبرنا ببعض لكن مو مجبوره تحبيني انا قلبي جابرني ترى ! مو احبك
بطيب نيه لا ترى تحت تأثير قلبي وتحت امره
ابتسمت وضحكت وهي تصد عنه
رائد ونظراته مختلفه عن اي وقت اخر : استحيتي !
التفتت له بسرعه : لا تطمن
رائد تنهد وهو يبتسم لها
مد كفه ومسك طرف شعرها الكيرلي
وقربه من شفايفه وهو يبوسه برقـة ويغمض بقوه لثواني كانت سبب في رجفة ريتان
تركه يتناثر على كتوفها وهو يتأمله بصمت ..

البارت 122


وريتان تحاول بجد ان لا تنكشف امامه ان لا تكشف ماتدمر بها
من كلامه
بداخلها توجد مدنًا إنهارت بإكملها،
وبقت أثارها على ملامحها! وهي مازالت تظهر الصمود والصلابة
المشاعر متقاربه انت لي وانا لك !
رفعت عيونها له بمحاولة ان تبدوا بمظهر اكثر شجاعه وجساره لا متناهيه
انحنى عليها وثبت جبينه على كتفها
لثواني يحاول يعيش الثبات ولو لثواني
يبي يرجع اتزانه وكبرياء مواقفه لكن كيف وهو يعلم ان لا مخرج من
هنا
الا لـ تحت سلطة رامز
تجمدت ملامحه من حس بكفه تتحرك على ظهره صعوداً ونزولاً
وهمس دافي يتسلل لمسامعه : بنطلع من هنا
بلع ريقه الجاف واردف : إن شاء الله
اخذ نفس عميق ورفع راسه عنها وهو يتنهد
وقف ببطء ومسك ايدها توقف جنبه
وقفت وناظرته لثواني
ومشت معه راجعين للكوخ
يركضون رغم الم اقدامهم " اكرم القارئ"
ورغم برودة الجو ورغم حرارة مشاعرهم
تجمدت خطواتهم ووقفوا بصدمه
وخوف من شافوهم واقفين قدامهم
رجع رائد خطوه على وراء
وريتان متمسكة في بلوفره
وصلهم صوت من وراهم : كل الطرق مقفله لا تتعبون انفسكم
التفت له رائد بسرعه
وبهت لونه من شافه : راشـ..ـد
راشد بضحكة : بشحمه ولحمه يتكلم معك الطريق كله مقفل بأمر من طويل العمر عشان كذا لا تتعبون انفسكم واستسلموا عشان توصلون بدون اي اصابه اتوقع ينتظركم اللي يكفيكم هههههه
رائد انكتم صوته وهو يحس بضخامة الموقف
سمع همسها الخايف : انتبه تخليني ..
اشر له راشد على الطريق قدامه : امشوا قدامي بأدب عشان ما نزعل من بعض يلا ي شاطرين
رائد ارتفعت انفاسه بقهر
وهو متنرفز من طريقة راشد في الكلام يتعمد يغيضه
ريتان شدت على ايده : اشش لا تتهور
مشى وهي جنبه والحراس محاوطينهم مافي مجال للهرب اتجهوا للسياره
بطلب من راشد
وركبوا بصمت وهم يحاولون يظهرون عكس مافيهم من قلق وتوتر
جلس وهي جنبه وركب راشد
قدام وجنبه حارس
والباقين سياراتهم وراهم
التفت رائد لريتان وناظرته لثواني وهمست : بتخليني !
رائد مارد وعيونه عليها
ألم يخلق التاريخ قصة من بين
حكاياته عن خمرية الوجهه وعسلية العينين ! فعلاً
انتِ اشبه بسطو مسلح
لم يقع في غياهيبه
واوجاعه سوى قلبي
اغمض عينيه ليشعر بِكفيها تلتف حول خصره بنعومه وتضع راسها في صدره بخوف
ضحكات راشد وسخريته
وكلامه السابق يوضح لـ رائد شدة الامر المقابل له اذا راشد الحارس مو خايف مني ولا حاط لي قيمه او اعتبار بعينه
يعني ان رامز اساساً مسفل فيني قدامهم
تنهد وشد على ريتان بقوه
رفعت نفسها له وهي تهمس له : تذكر مره سألتك ممكن تقتنلي وش كان جوابك ! ارجع الحين وانبهك ما اسالك ترى نوع من انواع القتل بالنسبه لي تتركني عند اخوك
عشان خاطر الايام اللي بينا لا تخـ...ـليني
رائد بقهر : بس مو هذا اللي خططتي له مو هذا اللي كنتي تريده ؟
ريتان : والله ما كنت ادري أننا بنوصل لهذا الحال مطاردين انا كنت اريد انتقم لما عرفت ان قاتل ابوي حي كنت اريد افتن بينكم بس والله ما كنت اريد نوصل للي احنا فيه الان سامحني لاتخليني رائد ارجوك ..
شهقت وبكت ورائد عاجز عن الرد مو قادر يطمنها او يوعدها بشيء
ممكن يموت فور وصوله هناك
باس راسها بقوه وغمض عيونه يهدي نفسه ..

البارت 123


في مكه .

بمجرد ما بدأت الشمس بالغروب رتبوا اغراضهم واتجهوا للرياض انتهت عمرتهم على خير وقضوا ايام حلوه وش افضل من حياه مع اهلك ؟
امك وابوك ؟
مررت بُشرى كفها على بطنها وهي تحس بألم لكن حاولت تتدارك الوضع وتصبر
صاروا خارجين من مكة للطائف وابتعدوا عن المدينه وجوها
وبعدها خط سريع يعني مافي مستشفيات ولا هم يحزنون
التفتت لامها وميلت راسها قريب منها : يمه
ام خالد : لبيه
بُشرى كشرت وهي شوي وتبكي : بطني يوجعني تتوقعين ولاده ؟
شهقت ام خالد والتفتت لها بصدمه : ايششش
عبدالله زوج بُشرى رفع انظاره لهم في المرايه وهو مثبت السرعه على ظ،ظ£ظيمنع : فيكم شيء ؟
ابو خالد اشر له : بالك من الدرب
بُشرى سكتت ماردت وهي تشد على ايد ولدها شوي وترجع ترخي من وجع بطنها
ام خالد همست لها : وش تحسين به ماتصبرين للطائف
بُشرى شهقت وارتفع صوت بكاها وام خالد تجمدت مكانها ماتدري وش تسوي
عبدالله بربكة : شفيه بُشرى فيك شيء !!!!
بُشرى ببحه ممزوجة بصراخ : ابي المستشفى
يمه اه اه
عبدالله صد عنها وهو يتتفس بسرعه صعبه يرجع لمكه الطريق زحمه عشان الميقات ماعنده الا الطائف بس لداخل البلد باقي فيه مسافه كبيره
ناظرها لثواني : بتصبرين ؟ نص ساعه
بُشرى : ايه
ام خالد بحده : يوم انتي دريتي انك بتولدين ليش ماعلمتيني ؟ هاه !!! بُشرى : مدري انا مدري
اصلاً توني دخلت التاسع امس
ام خالد تنهدت وهي مرتبكة ومتوتره يعني بتولد قبل وقتها !! الله يستر ..

..

في لوس انجلوس ..

رجعوا للفندق بعد يوم حافل بـ الانجازات
بمجرد دخول خالد لغرفته نام لكن ختام بعكسه كانت تحضر لشيء اهم عندها من النوم
وجوالها ما وقف اتصالات كل شوي تطلب شيء وترتب وتنظم
وكل ما وصل لها شيء من اللي طلبت
دخلته بهدوء وهي خايفه يصحى خالد
انتهت وهي تبتسم بهدوء على المكان اخذت جوالها تشوف الساعه
وشهقت : ثماااانييييه
مر الوقت بسرعه
ركضت لغرفتها تاخذ شور وتبدل ..

بعد نص ساعه انتهت وهي تبتسم لنفسها برضا وخرجت من غرفتها بأتجاه غرفة خالد
تبي تصحيه
لكن انصدمت فيه واقف ومتكتف وعيونه عليها بنظرات غريبه عجزت
تفسرها
انحرجت منه وهي تتمنى لو خلصت بوقت اسرع
همست بهدوء : من متى صاحي !
ابتسم لها وتقدم بخطوات رتيبه بأتجاهها : مو مطول دخلتي غرفتك وانا خرجت من غرفتي
ختام بزعل : يعني من دخلت اكيد المفاجأه ماصار لها طعم
خالد ابتسم لها : ماشفت شيء
ختام بنص عين : لا والله ؟
خالد ضحك : والله صادق يعني ماتعمقت مره
ختام ابتسمـت له ومشت له بهدوء : إن شاء الله تكون صادق
وقفت قدامه ورفعت كفوفها لعيونه
تغطيها : انا بمشي خطوه على وراء
وانت امشي معي وانتبه لا اطيـــح
خالد ضحك وهمس بهدوء : بذمتك رافعه نفسك على اطراف اصابعك ؟
ختام بحده : ايه اضحك علي طويل وش عندك !
ضحك : طيب بسرعة
ختام بنرفزه : بطيح اسكت عني انا امشي على وراء عشان اغطي عيونك
أما خالد فقط ضحك ..

البارت 124


بعد دقيقة من السير وقفت ختام مع خالد وفجأة قربت ختام لخالد وهي تهمس وعيونها بعيونه :
Happy birthday to you
خالد ثبت عيونه بعيونها وهمس بحب : كل سنه وانتي معي وبقربي
ولي وحلالي ونصيبي جعلني فداك ي شيخه
ختام ضحكت وهي ترمش بدلع : خلودي
خالد ابتسم بوله : عيونه
ختام ضحكت : لا لا اول مره يصير لك كذا معقوله تحبني !
خالد مسك ضحكته ورجع على وراء وهو يرجع لوعيه ومستحي منها :
ماقصـ.ـدت يعني ترى ..
ختام ضحكت وقربت منه : ترى تقدمت لي وانا موافقه يعني عادي
خالد ناظرها لثواني بشك : والله !
ختام هزت راسها بالايجاب : ايه
خالد ابتسم : فديتك انا
ختام وهي تضحك
بصوت عالي وفرحتها
ماتنوصف وهي بقربه ومعه ومشوا باتجاه الطاوله يقطعون الجاتوه
وخالد بهمس وهو يتأمل البالونات والصور والاضاءه الموف الطاغيه على المكان : تعبتي صح اسف المفروض ساعدتك
ختام ناظرته بدهشه : خلود انت صادق ذي حفلتك ليوم ميلادك كيف تساعدني المفروض أنها مفاجآه وماتشوفها حتى
ضحك خالد وبعفويه :ترى اول مره يسوي لي احد كذا حرام اصلاً عشان كذا ما نسويه
ختام سكتت وهي تناظره لثواني بحسره : يعني مانحتفل !
خالد رفع حاجب : نحتفل لعيونك وليش مانحتفل ؟ المهم النيه من وجهه نظري ونيتك صافيه إن شاء الله يلا
قولي امنيتك
ختام ضربت جبينها : لا ، انت تمنى
خالد تنهد وعيونه بعيونها : ما اتمنى غيرك والله العظيم ولا لي خاطر بشيء سواك
ختام ابتسمت له وهي تهمس ببحه ونظراته تسبب ثقوب اكثر في قلبها من حبه : احبك
خالد غمض عيونه ويحس كأن الكلمة تخترق قلبه همس لها : احبك ورب الكون يشهد
ختام اشرت على الجاتوه اللي متزينه بالرقم "24" : نقطعها ؟
خالد : نقطعها
بدوا يقطعون الجاتوه ونظراتهم لبعض تحكي قصه عشق وحب غير
محدوده حُب يكمل لبعضه
حُب صافي ، عفوي ، بريئ ‏"نسأل الله بصدق أن يغيّرنا للأفضل
وأن يملأ قلوبنا بالرضَا والإيمان
والحُب والسلام والعَطاء والنُور وأن يجعلنا
من خيرة النَاس وأنفعهم
اللهُم حين تواجهنا الحياة بما لا نحب،
حبب إلينا ما أخترت لنا وعلمنا الرضا،
اللهُم لا هزيمة أمام مناصف الأشياء،
اللهُم بلغنا تمامها أو إنزعها من قلوبنا ،
اللهم خذ بيدي لقرارات صائبة ،
و أختر لي خيراً
اللهم اجعلها لي ولا تجعل عوائق
الحياه ومرارتها تجول بيننا
اجعلنا احباب واصحاب
واقرب من الاقارب
اجعلها نصفي الاخر وضلعي
اجعلها الحُب الحي بقلبي
الحب القديم المبني على النظافه
والطهر
يارب ارجوك يارب
لا تجعلني اعيش بخيبه الحياه
ولا تجعلني مفلس من رحمتك وعطائك
اللهم انها كانت هوى القلب وامنيته
فـ اجعلها الحق والحقيقه "
ادعيه تجول بقلب خالد تصف شعوره وعمق مودتـه لختام هو لم يتمنى العجب في عيد
ميلاده
ولم يتمنى مثل اي شخص اخر
حياه جميله ورديه
هو تمنى ختام فقط
بـ حلوها ومرها .

البارت 125


بعد مرور ثلاثة ايام ..

في غرفة مغلقه عازله للصوت انحنت على جانبها الايسر وصوت بكاها يرتفع رفعت كفوفها وهي تمررها على شعرها القصير
ويتسلل بين اصابعها بخفه بسبب قصره
تحشرجات صوتها والهالات تحت عيونها
بالاضافه لانفاسها المتسارعه المتعبه
كانت كفيله بشرح حالها
ثلاثه ايام مقفل عليها هنا ماتشوف شيء ولا تسمع شيء ماتعرف وش يصير برا
مسكوا رائد او باقي
بتقدر تهرب او لا ماعندها غير كوب مويه بس ومن حسن حظها انها ماخلصته اول يوم
وانتبهت انهم بيمنعونها من الاكل
والشرب فـ حافظت عليه
ميلت راسها على الحائط ومررت لسانها على شفايفها الجافه
وغمضت عيونها بمحاولة لتهذيب نفسها والتفكير
في حل مع العلم ان الهرب " اخر " فكره عندها
الغرفه بابها حديد ومافيها شبابيك وعازله للصوت
ارتجفت اطرافها ، ضمت نفسها بتعب وخوف
وفتحت بخفه ونظراتها تنقل فالمكان بحسره
وشعرها الطويل مرمي قدامها بطريقة
تثير الشفقه متلطخ بالوحل والغبار
رجعت تبكي بحده وفجاءه انكتمت انفاسها وتجمدت ملامحها من سمعت اصوات قريبه من الباب
وقفت وركضت له وهي تبي تسمع ولو شيء بسيط
تجمدت ملامحها من سمعت اسم رائد مسكوه !!!!
غمضت بقوه " يارب لا يارب لا "


في الرياض ..

خرجوا من المطار وعيونهم تشع سعاده
وفرح استقبلهم السائق الخاص بعم ختام
وتوجهوا لبيته بطلب منه تحت توتر خالد
ولا مبالاة ختام امر طبيعي كالعاده يتطمن على الاوضاع بمجرد وصولهم استقبلهم بالترحيب والابتسامات والسلام الحار مع السؤال عن الحال و بكثره
دخلوا لداخل البيت
وبمجرد دخولهم نزلت ختام عبايتها
وخالد انحرج من وجود عمها اكيد بيشك بشيء والا ليش تنزل عبايتها وانا هنا ومو محرم لها !
لكن الغريب عمها ماتكلم وهي جلست تسولف له عن رحلتهم وتتقهوى معه
ونظرات خالد مثبته عليها بصدمه يبي ينبها تلبسها او تعدل الوضع
لكن ما ناظرته ولا انتبهت
ابو الماس عقد حواجبه : خالد يبه
التفت له خالد وبلع ريقه : هلا عمي
ابو الماس هز راسه : فيه شيء ؟
خالد انحرج : هاه ! لا لا عمي انا استأذن بروح ارتاح وعاد اشوفك بعدين إن شاء الله
ختام ضحكت له : تعبان !
خالد ناظرها بأستغراب : شوي
صد عنها بأحترام واستأذن وخرج
وابو الماس طلع وراه : اقول خالد
خالد التفت له : امر عمي
ابو الماس تنهد ورفع ايده يعدل ساعته : يصير تقابلني بكره المغرب ابيك بموضوع بسيط
خالد بربكة : موضوع !!!! مجرد جملة " ابيك بموضوع " جعلت جميع الافعال الصحيحه والخاطئة تصطف امام عيني خالد
ابو الماس بنظرات عميقه : اييه اذا صرت فاضي مر علي فالمكتب
او هنا
خالد بأنفعال : فاضي الحين
ابو الماس بضحكة : لا لا ابيك ترتاح عشان نتكلم برواقه وهدوء
خالد سكت وهو يشوف ختام تطلع وتوقف وراء عمها وتبتسم له
هز راسه بالايجاب : ابشر ابشر
صد عنه واتجه للبوابه
طالع من البيت وختام تناظره ومبتسمه تنهدت ببطء والتفت لعمها
: ندخل ؟
ابو الماس ابتسم لها :
وش سر هالتنهيده !
ختام ضحكت : ولا شيء
صدت ودخلت وهو وراها يناظرها بصمت وتفكير ..