عيونك شوكة في القلب توجعني و عبرها للكاتبة ديم الراشد مكتملة - الصفحة 12

20 - 1 - 2022, 01:31 AM

..... 205 ......

اديم: فيصل لله يخليك لا كفايه نكد انت ليش كذا ليش شسويت انا ما قصرت معك والله ومسامحتك على كل شي وبسامحك والله متحمله كثير الله يخليك لا تكرهني فيك دخيلك فيصل حرام كذا كثير والله ليش مو راضي تفتح عيونك وتفهم
فيصل : هنا مربط الفرس ليش ساكته !! ابي اعرف ليش وش اللي تنتظرينه ابي اعرف ادري بك خوف مو خايفه وش تنتظرين
بكت اديم على طول وهي حاسه بحسره كان فيصل يعيد السؤال عليها لما طفشها وصرخت : انت ما تفهم لو تفهم ماكان هذا حالنا ليتك تتعب نفسك شوي وتفكر اخ منك ي فيصل ااااااخ
فيصل ابتداء يعصب من الوضع اللي هو مو فاهمه سحبها وهو يصرخ : الحين تقولين كل شي انا مو قادر افهمه الحين تقولين
بعدته اديم وهي تصرخ بصوت مبحوح :وش تبي تبي تنكد هذاك منكد علي قدرت كل شي ولا راضي تستوعب وتفرق انا اديم مو سهام ومو انا اللي زوجت ابوك خاف الله فيني
دفته بقوه وانسحبت وهي منهاره خلاص اما فيصل اللي وقف وهو يحاول يجمعها ويستوعبها ماقدر ركض وهو اليوم يبيي يحط حد لكل الاستفهامات
ظ ظ
ظ
عند عادل اللي كان يدور مع ريمان بالجناح وهو حاس بخوفها وتوترها بس ماحب يعلق وكان يشرح قد مايقدر يشرح ويسولف ويطقطق شاف جوال ريمان يدق : ردي وقولي انك عند جدي
ريمان ردت وقالت وبعدها وقفت وهي تقول : مره يجنن تسلم يدك وانا مضطره اروح
ابتسم عادل وقرب بشويش وقال: تسمحين لي اضمك
خافت ريمان وبعدها سمعت عادل بقول : لا تخافين مستحيل اضرك
قرب وحضنها بهدوء : عقبال ما تنورينه
ابتعد وابتعدت ريمان بسرعة وصقعت بالباب وضحك عادل وهو: شوي شوي عظامك ابيها
طلعت ريمان وهي تضحك ونزلت بسرعه وهي ترجف فرح وخوف اتجهت لبيتهم وشافت اهلها بيطلعون للمخيم ركضت وهي تاخذ اغراضها ونزلت اعتدلت السياره بحماس وهي تراقب باب بيت عمها تنتظر عادل يطلع
كانت نسرين تراقبها وهي ضايقه لكن استسلمت خلاص
ظ ظ
ظ
تحت الكل كان جاهزين وينتظرون فيصل اللي تأخر رائد: عمي وينه فيصل
عادل: عااادته دايم متأخر
الجد : شوفوه لنا ترا الطريق طويل
ابو عادل : ي نواف روح استعجله
نواف : تعبت انا
عادل : اقول تحرك تتعب من كل شي الا الروحات والجيات لفيصل
طلع نواف بضيق واتجه لجناح فيصل
ظ ظ
ظ
اما عند فيصل اللي دخل بسرعه ورا اديم وسحبها وهو يقول : لا تحلمين انك ممكن تهربين اليوم بتقولين كل شي
اديم : خلاص عاد خلاص مليت انا مليت منك ومن هالاسلوب مدري شسوي لك عشان ترضى ابعد عني خلاص ابعد
انقطع صراخها بدقة الباب جاء صوت نواف : فيصل يقولون سريع انزل
فيصل صرخ : انقلع من هنا
اديم بعدت فيصل بقوه وركضت وهي تاخذ شنطتها ونقابها وطلعت مسرعه وهي تبكي لبست وهي تسمع صراخ فيصل اللي يناديها وطنشته ونزلت مسرعه اما فيصل رجع بسرعه ولبس اي كلام ونزل وهو مكركب كان يدور على اديم طلع وهو يدور وشاف الكل واقف يناظرونه
عادل : فيصل فيك شي وشو له نازل كذا
فيصل طنشه وناظر سيارته شاف اديم واقفه لف وهو يمسح عيونه : كنت نايم ونزلت مستعجل
الكل ضحكوا وهم يناظرونه وواضح ماهو نايم تكلم الجد :اجل اسمح لي اقولك اني بروح معاك عادل بيروح يجيب خالتك اذا ماعندك مانع طبعا
اديم زفرت براحه وفيصل انشدت اعصابه اكثر بحقد وهو كان ناوي يقضي على اديم اليوم وتكلم بهدوء :الله يحيك ي جدي السياره لك وحلالك
الجد: ادري بخرب عليكم لكن تحملوني
اتجه له فيصل وهو يبوس راسه : افا عليك بس وش ذا الكلام
ابتسم الجد وافترقوا الكل وكل واحد راح لسيارته فيصل ركب وهو نفسه يطير ويهف اديم كف يبرد حرته فيها ركب هو والجد واديم ورا وتحركوا وفيصل مسرع وسرعته تدل على عصبيته
الجد:فيصل هد يا ابوي الدنيا ماهي طايره
فيصل بدقه لاديم : الطريق طويل ي جدي وانا مافيني صبر
اديم تكلمت برد عليه : خليه يطول احسن من ما نموت
الجد : صح عليك ي بنتي الله يكملك بعقلك ان شاءلله انك تعقلينه هالفيصل
فيصل : صح مهما طال بنوصله لكن احيان طوله يسبب مشاكل
الجد كان يتكلم وهو مايدري وش الخلطه اما فيصل واديم اللي طول الطريق وهم كل واحد يرد على الثاني برد اقوى زاد الطين بله
ظ ظ
ظ
عند ام رامي اللي جهزت ولبست هي ووسن واتكت بالصاله تنتظر وهم متوقعين فيصل يمرهم بعد الرساله اللي ارسلوها لكن فيصل ماشاف الجوال وجاء عادل بما انه هو اللي تكلم سمعوا صوت السياره ونطت وسن وهي تسحب عكازتها : يلا يمه فيصل جاء ..

20 - 1 - 2022, 06:41 AM

..... 206 ......

ام رامي : اركدي اركدي لا تفضحينا يبين إنا شفقانين على الطلعه
وسن: بس مشتاقه لفيصل مابي اخليه مع هالزفت
ام رامي: ماعليه شوية وقت ويصير معك
طلعوا لكن انصدموا كان عادل نازل ووقف : خاله يلا عشان ما نتأخر
وسن: انت بتااخذنا
عادل : ايه من بياخذكم غيري يعني
ام رامي : توقعنا فيصل
ضحك عادل بصفا نيه: يوه فيصل مو على الارض ولا يدري عن اللي حوله بالقوه طلعناه من وكره
وسن كان القهر يحرقها وام رامي بعد ركبوا وهم طول الطريق يدعون على اديم
ظ ظ
ظ
اما عند رائد اللي كان يستفسر عن المعازيم اللي جو بالعشاء ويبي يعرف من هالغريبه اللي بدت تستحوذ على عقله طفشت امه : يوه ازعجتني بعدين وش عندك تسأل مو من عوايدك
رائد : نسولف يمه وش فيك يعني اقرب حدث هذا العشاء
نسرين : كأنك صرت تحب الغيبه واللت والعجن ما اعرفك كذا والا اعداك فيصل
ريمان: ايه صح وش صاير
رائد: شسوي فيكم جوكم نايم قلت اجيب موضوع يناسبكم
ريمان: لا تفكر في حياتك تجيب مواضيع وشغل لنا شي نسمعه
نسرين: لاول مره اوافقها الراي
ام محمد : وانا بعد
رائد تفشل وحتى هو نقد على نفسه وانسحب وهو يشغل اي شي وكان يحاول يعرف بس محد معطيه وجه
ظ ظ ظ
ظ
في مخيم ابو مشاري الكل كانوا جاهزين وينتظرون الضيوف
مشاري : اقول يبه احس سهام مو مرتاحه تحس انت بعد
ابو مشاري نزل فنجان القهوه :ليش !
مشاري: يعني احس فيه كركبه بحياتها
ابو مشاري : ي مشاري سهام جالسه تحصد اللي تزرعه ياما سوت وياما ببتلقى تركت الرجال اللي عزها ورزها عشان بس مارضى يترك اهله والحين بترضى بأبو عادل وعياله وتتحمل غصب عليها وخلها نفسي انها تتربى وتعرف
مشاري : بس اخاف تتطلق
ابو مشاري: لا ان شاء الله ابو عادل عاقل
انقطع الكلام على وصولهم ووقفوا اتجهوا لهم يرحبون فيهم ابتدا الكل ينزلون وفيصل عينه على اديم بقهر جلسوا وافترقت مجالس الرجال والحريم
وطول الوقت وفيصل سرحان خبطه مشاري بضحك: فيصل وين وصلت
فيصل لف له: قريب
عادل :ههههههه لا لاا مو معك ابد ابد
رائد : اصلا مو على الارض
فيصل:انتم وش تبون ابي اعرف مالكم شغل ياخي
ابو مشاري : ههههههه اتركوه ي جماعه عوايد العريس دايم مسرح وباله بعيد
ابو عادل : هههههه انا اقول شكلنا سوينا خير فيه هجد ومسك ارضه
الكل كانوا جالسين يطقطقون عليه واحيان يرد عليهم واحيان يغيب ويسرح
ظ ظ
ظ
اما عند الحريم الكل كان مجلوط من ام رامي ومصدومين من قوة وجهها الا اديم اللي كانت مو معاهم وخايفه من اللي بيصير مع فيصل وطول الوقت متوتره
مروى: اديم وش فيك كأنك مو على بعضك
اديم : ولا شي بس فيصل شوي مسخن وبالي معاه
مروى ضحكت : الله يالحب امداك تخبين وتخافين
اديم ضحكت ولفت : شفتي كيف
مروى: طيب دقي عليه وتطمني
اديم: ايه من شوي كلمته وقال بخير
مروى: معناته خلاص فكيها وسولفي وبعدين عشان ترتاحين ابوي مخصص لكم غرفه انتي فيصل
اديم لفت بسرعه وفجعه: بذمتك
مروى ضحكت : لهدرجة ساحرك
اديم : من جدك
مروى: ايوه
سكتت اديم وهي خايفه وصارت تستعد لكل شي بيصير وحاسه ان كل شي بينكشف وتستلم
ظ ظ
ظ
عدا نص اليوم وفيصل واديم على اعصابهم والباقين مبسوطين ومستانسين لكن الوضع ما يخلا من كيد ام رامي
المغرب وقف فيصل وهو يمسح وجهه : نواف تعال
مشاري : وين
عادل : وين بتروح
فيصل: احس اني مسخن وابي دواء من اديم
رائد: تحتاج مستشفى
فيصل: لا لا
راح فيصل ومعاه نواف واتكى وهو ينتظر نواف ينادي لاديم سحب زقارته وبعقله مليون سؤال ويحس انه بيموت لو ما عرف الاجابه
اديم اللي ماصدقت تنسى وكانت تسولف وتضحك وشافت نواف جاي جهتها وقال : اديم فيصل يبيك برا
اديم حست الدنيا لفت فيها والبنات يصفرون ويضحكون قامت وهي تحس انها بتطيح من طولها طلعت وهي تمشي مع نواف شافته واقف بطوله ومعاه زقارته على طول تجمعت دموعها بعينها وهي تدري انها اقتربت النهايه
لف وهو يتكتف : نواف روح من هنا
راح نواف وقرب وهو يوقف قبال اديم: وش ذا اللي سويتيه انتي قد اللي صار
اديم بلعت ريقها بخوف : وش تبي الحين
فيصل سحبها وهو يشد عليها بقوه: اديموه لا تكلميني كذا والا والله تقوم الدنيا على راسك
اديم بصوت مخنوق : فيصل خلاص ابعد
فيصل: تكلمي
كانت اديم بتتكلم بس قطع عليها فيصل اللي سحبها وضمها بقوه وانقطع كلامها ونفسها وكل شي
فيصل الوضع انه شاف البنات يناظرونهم من بعيد وما بغى يبين اختلافهم ومشاكلهم فقام وضمها تكلم ببهمس: قولي

20 - 1 - 2022, 06:42 AM

..... 207 .....

اديم خافت وخافت حيل اذا قالت تخسر كل شي فيصل وكل شي في فيصل بكت بقوه وهي ماتدري وش تسوي كانت بتقول دامه ضمها اكيد بيتفهمها بس سمعته يقول : البنات وراك لا تسوين حركه عكسيه ووقفي بكى
اديم تجمدت ( شلون يعني ما هميته كل اللي همه البنات !!) تكلمت بصوت متقطع: ماعندي شي اقوله كل اللي عندي اني تعبت وانا ساكته على اللي تسويه
فيصل: وليه ساكته ليه ما تقولين
اديم : لاني تعودت اني ما اخون احد حتى لو ضريتني فيه بينا عيش وملح
فيصل : بتقنعيني ان هذا عذرك
اديم : ايه
فيصل: واذا قلت ماني مصدق
اديم : مشكلتك
ابتعد فيصل وهو اصلا ماكان يبي يسمع شي اكبر او ما توقع قال بهدوء : حلو ما دام كذا لنا تصرف ثاني لما نرجع البيت وقتها بصير فعلا عيش وملح
خافت اديم من كلامه بس ما بينت لفت وراحت وغير فيصل طريقه وهو خلاص حس انه نوعا ما ارتاح رجع وجلس بهدوء
مشاري : فيصل تلعب بلوت
فيصل : لا مالي خلق احس انتي تعبان
عادل : اخذت دواء
فيصل :ايوه
تجمعوا كلهم شيبان وشباب وابتداء اللعب والحماس اما فيصل انسدح وهو خاطره ينام بهدوء وكان يحس انه فعلا مسخن
ظ ظ
ظ
عند الحريم رجعت اديم بعد ماهدت وراح اثر البكى وشافت ام رامي جالسه هي وبنتها ويخزونها جلست اديم وهي مطنشه جابت منى السماعه وابتدات الاجواء بالردح وكانت اديم مطنشه حركات وسن المستفزه قطع هذا كله دقة الباب اتجهت مروى وفتحت الباب وكان فيصل : نادي لي اديم
راحت مروى وهي تصرخ : اديم محبوبك يبيك
الكل لف لاديم وهم يضحكون الا ام رامي ووسن اللي كانوا يناظرون بحقد
وقفت اديم وهي داخليا بتموت لكن خارجيا متماسكه طلعت وهي تشوفه جالس بالارض ومغطي وجهه بيده نادت : فيصل وش فيك
رفع راسه وكان وجهه احمر وقال بهدوء : ابي مسكن او اي شي يخفض الحراره
اديم انفجعت وقربت بسرعه وهي ناسيه كل اللي صار حطت يدها على جبينه وكان نار ركضت جوا تجيب مسكن وكمادات رجعت وهي تسنده اتجهت للغرفة المخصصه انسدح فيصل وهو مو مستعوب كيف انها نست كل شي وجايه تساعده لو اي وحده ثانيه تركته بيموت اعطته اديم المسكن وابتدت تكمده وفيصل ساكت
انفتح الباب بقوه وكانت ام رامي ووسن : فيصل وش فيك فيصل
دخلت منى بعدهم بفشله : فيصل فيك شي
اديم انفجعت لما سحبتها ام رامي بصراخ : قومي حسبي لله عليك هديتي حيله الله يهد حيلك تكرتيه لين طاح من طوله
منى: انتي هي وجع في وجهك مالك شغل فيها
وسن قربت وهي تمسك يد فيصل : فيصلي فيك شي
اديم هنا انجنت واتجهت لها بعصبيه وسحبتها وهي تضربها كف على وجهها: بعدي عساها الكسر اسمعيني زين لمي نفسك واطلعي من هنا ولا تحسبين اني ماني فاهمه حركاتك وادري بتفكيرك واقولك احلمي وفيصل ابعد عليك من نجوم السماء وحطي في بالك زين ان فيصل لي انا مهما كثرتوا حوله
دفتها بعصبيه وسكرت الباب والكل سكت بصدمه وأولهم فيصل اللي ما صدق اللي سمعه ابد كانت ام رامي من الصدمه ركضت ورا بنتها
منى ابتسمت وهي تقول : كفو عليك اقصري يدينهم عن حياتك
طلعت بعد ما حست ان فيصل بخير واديم اللي ما عرفت وش تقول وش تسوي بس الاكيد انها مو متحمله وجود احد بجنب فيصل
اخذت الكمادات وطلعت تبدل المويه لكن وقفتها ام رامي اللي جات وهي تسحب شعرها وصرخت اديم وابتدا هواش وقف ذا كله فيصل اللي طلع وهو باقي تحت تأثير الصدمه والحراره سحب اديم بجنبه ولف على خالته وهو يصرخ: لين هنا بس ي خاله ووسن تستاهل اللي صار لها اديم ماغلطت ولا اسمح لاي انسان انه يمد يده عليها سمعتيني
اديم ماصدقت اللي قاله لفت تناظره بصدمه ولف فيصل وهو يقربها منه فيصل استحى انه يفشلها وهي رغم كل شي يسويه واقفه معه
ام رامي بصراخ : انا تكلمني كذا عشانها انا
فيصل رد بصراخ: واكلم اكبر راس بعد
طلعت ام رامي وهي معصبه وتصراخ ونادت عادل يجي يوديها والكل كان مصدوم مايدرون وش السالفه فيصل اخذ اديم ودخل الغرفه وسكر الباب واختصر كل شي عليهم وقفت اديم بصدمه وهي تناظره
فيصل : لا تفكرين اني ممكن اسمح لاحد يأذيك مهما وصلت في قسوتي وكرهي
اديم بكت على طول وهي مستانسه ان فيصل دافع عنها وماردها باخاطرها
ماعرف فيصل وش يسوي فيها ما يحب احد يبكي لكن مايدري وش يتصرف لف وجاب المنديل لها : خذي ولا تبكين الوضع ما يستاهل
اديم ما كانت قادره توقف ابدا اخذت المنديل وهي مو عارفه كيف تبرر اللي صار له وكيف تقنعه انه مافيه شي ..

20 - 1 - 2022, 06:42 AM

..... 208 .....

رجع فيصل ينسدح وهو كل اللي كان يفكر فيه كبر براسه وحس ان الكلام اللي قالته وتصرفها مع وسن ما يدل على عذرها كان يراقبها وهو يحاول يلقط اي شي يقدر يفهم منه لكن ما كان يشوف الا الدموع
ظ ظ
ظ
عند منى اللي رجعت وهي فرحانه ومصدومه من اللي صار وانتشرت السالفه بالمخيم والكل صار يحكي كبير وصغير لكن الاكيد ان الكل مأيدين اديم
مرت هاليومين بجو حلو والكل مبسوط واديم وفيصل كانوا ساكنين لاخر درجه ومحد فيهم يناقش الثاني كل اللي بينهم دواء فيصل ويجمعهم الليل وينامون بدون اي حدث مهم او نقاش حاد
انتهت الرحله وابتدوا الكل يفترقون عند اديم وفيصل كان الوضع هادي ولا فيه صوت الا صوت محمد عبده اديم كانت منسجمه مع الكلمات وهي صايره هاليومين بس تبكي وكأنها حاسه ان النهايه قربت
( كفاني عذاب الله يجازيك بأفعالك !!! جرحت الضمير وما طرالك تداويني مريض المحبه داه ودواه بوصالك !!! الا كيف تبخل وانت نظرتك تشفيني الا واعذابي كيف ما عاد يهنالك !!! سوى انك تشوف الموت بيديه يطويني انا يوم احبك ما تصورت غربالك !!! ولا قد خطر في بالي انك تجافيني )
فيصل التفت على شهقاتها وقصر الصوت : ممكن افهم وش سبب هالبكى طول الايام
اديم ماردت كمل طريقه بسرعه وبظرف ثواني وصلو نزل ونزلت اديم واتجه فيصل للجناح وهو في قمة توتره وعصبيته دخلت اديم وصفق الباب وراها وقفله ناظرت اديم برعب : وش فيه
فيصل : انتي اللي بتقولين وش فيه والحين ترا سكت وعديت طول هاليومين اللي انا قاعد اشوفه لكن الحين لا وبتتكلمين لو تنحرق الدنيا باللي فيها
اديم خافت من عصبيته وخافت انا لو قالت بيتركها وينتهي كل شي كان يصرخ ويصرخ ولا عرفت وش ترقع وش تقول غير انها قالت : مليت وانا كذا زوجه بالاسم ينفرض علي كثير اشياء وانضغط منها وانت مو مهتم تعبت وانت تعاملني كأني ذابحه احد من اهلك او فرضت عليك شي ي فيصل انا يوم قبلت فيك قبلت زوج مو وحش
فيصل : هذا هو اللي تبكين عليه ومسويه سالفه من مده عشانه هذا هو زين ي اديم زين
سحب تيشيرته ورماه وهو معصب بشكل خلاه ما قدر يفكر اديم انفجعت ما كنت تقصد اللي فهمه هي تحاول تهرب من الموضوع بس طاحت بشي اكبر
صرخت وهي تقول : فيصل لا تنجم مو هذا قصدي
طنشها فيصل وسحبها وهو تصرخ وتترجاه لكن مافيه فايده فقد وعيه فيصل ولا عاد ركز ولا احد سمع صراخ اديم ولا احد انقذها .......................
ظ ظ ظ
ظ
في مكاااان ثاني مكان بعيد ظلام والادخنه في كل مكان والمكان يخوف كانت هناك ام رامي ووسن
وسن بخوف : يمه اخاف يخرب كل شي
ام رامي : لا ما بيخرب والله مااخليهم يتهنون بولد اختي والله
وسن: بس اخاف فيصل يصير له شي
ام رامي: مابيصير شي
وسن : بس يمه
ام رامي قاطعتها : اصصص تبين فيصل انكتمي
وسن : خلاص بسكت
سمعوا صوت حرمه خشن : اللي بعدها
قامت ام رامي ووسن وهم خايفين وراحوا لها
ظ ظ
ظ
عند اديم وفيصل ابتعد فيصل وهو مفجوع من اللي صار ما توقع توصل لهالمرحله لف على اديم اللي كانت تبكي بقهر وهي ترجف وقفت وهي تضربه وتصرخ بكل القهر : انت مو انسان ما تحس ما تخاف ربك مافي قلبك رحمه كيف تسوي كذا كيف صبرت عليك صبر ايوب وانت هاذي افعالك انت ما تستاهل احد يحبك انت ما تستاهل اني اضحي بشي عشانك تدري عاد الله ياخذ قلبي اللي تعلق بأنسان مثلك
ركضت ودخلت الحمام وهي صوت بكاها معبي المكان طاحت وهي تصرخ وتبكي بقهر فيصل انهى كل شي ممكن يخلي اديم تغفر له او حتى تعطيه الحق
انصعق فيصل من اللي قالته جلس بصدمه وهو كلامها ينعاد براسه وبصدمه ترك المكان وطلع وهو مرعوب من كل شي قالته مستحيل تكون ساكته الا عشانها تحبه كيف ما فكر حط يده على راسه وهو يدري ان هاللي صار مارح يمر مرور الكرام
ظ ظ
ظ
عدا الوقت على اديم مثل السيوف ولاقدرت تتحمل هاللي صار تجمد قلبها وحست انها كرهت فيصل بكل شي فيه لبست عبايتها ودقت على السواق عشان ياخذها نزلت وهي دموعها ما جفت ركبت السياره وتحرك السواق
لكن وقفهم صراخ ورا لفت وشافت فيصل يركض وهو ينادي لفت بسرعه: سردار بسرعه روح
لكن السواق وقف لما اعترض فيصل بالطريق ووقف السياره اشر لسواق ينزل الشباك واتجهه لاديم : اديم وين رايحه
اديم وهي صاده: مايخصك وابعد عني احسن لك ماعاد طايقه شوفتك واسمعني زين ......طلقني
مشى السواق وفيصل مصدوم وقف يناظر لما اختفت السياره من قدامه

20 - 1 - 2022, 06:43 AM

.... 209 ......

صحى على صوت رائد : فيصل وش صار
ناظره ببلاه وكل شي ينعاد عليه تركه وطلع وهو مو حاس بنفسه من الحيره والصدمه
جلس بأول شي قابله وهو يناظر المكان شلون مكركب الحين صحى لنفسه واستوعب كل شي صار ينعاد وينعاد بشكل مزعج ومستفز الحين سأل نفسه ( وش ذنب اديم انها تتحمل كل ذا وش ذنبها ان سهام عمتها سهام عايشه ومبسوطه ولا فكرت في اديم وهو حاط كل حيله بأديم )
اتعبه هالسؤال وقف وطلع اتجه لعساف يمكن يلاقي له حل يقدر يغفر هالمشكله
ظ ظ
ظ
عند اديم اللي وصلت بيت اهلها ودخلت شافت مافيه احد و واضح انهم نايمين بعد تعب الطلعه دخلت وهي تجر ذيول الخيبه والتعب طلعت لغرفتها وقفلتها وهي تبكي ارتمت على سريرها وهي تلعن الساعه اللي حطت فيها امل ان فيصل يتغير تلحفت وهي تحس ان نظرتها بالدنيا انهدمت كرهت كل شي وكبرت عشرين سنه حتى ابتسامتها تحس انها فقدتها
ظ ظ
ظ
عند عساف اللي كان جالس ويخطط مع اهله متى يزورون بيت ابو محمد سمع صوت الباب وركض فتح وشاف فيصل وجهه منقلب ظ،ظ¨ظ درجهً
انخلع :وش صار
فيصل ضرب يدينه ببعض : انتهيت فعلا وخربت كل شي واحرقت حياتي
ناظره عساف بهدو وهو حاس انها صدق الكارثه: وش خبصت
لفت فيصل وجلس بعيد وهو يشرح كل شي صار من وقت الطلعه للحين عساف انصدم واتجه لفيصل وهو يصرخ بعصبيه :مجنون انت مجنون انخبلت بعقلك خلاص ما عدت تفرق وترحم ابي افهم وشلون تحولت لهالشخصيه ما تخاف ربك شفت وش سويت من وراء عنادك ياما نصحتك وقلت ي فيصل بتتورط ي فيصل ما سمعت عاجبك اللي انت دمرته ارتاح بالك الحين كل شي كنت معك فيه الا هالشي وين عقلك وين عقلك
فيصل : خلاص ي عساف انا مو ناقص انا تعبان من غير
عساف : تستاهل وقليل اللي جاك وباااقي ماجاك شي اسمعني زين من اليوم ي انك تسامح بنت الناس وتكفر عن ذنبك او طلقها واتركها تعيش براحتها بعيد عن كل ذاا
فيصل: مستحيل اطلقها
عساف قرب وهو يحط عينه بعين فيصل: معناته صلح غلطك
راح وتركه وقف فيصل بحيره وهو متربطه يدينه مايعرف وش يسوي رجع لجناحه وشاف ابوه واهله وصلوا طلع بدون مايكلم احد جلس وهو ضايق غفى من كثر ما تعب من التفكير لكن بعد فتره فز على نفس الكابوس اللي يخنقه من مده جلس وهو يرجف ركض وهو يغسل وجهه لف ينادي لاديم بس تذكر انها مو فيه طلع برا وشاف كل الناس نايمين ورجع هو محتاج احد فعلا ركض لجواله وصار يدق على حنين لكن اللي ما توقعه ان فيه جوال يدق بغرفة اديم طنش ورجع يدق ويدق لكن الجوال يدق بدقته راح يدور على الجوال بيسكره عشان يرجع يدق على حنين ومايزعجه لكن اول ما حصل الجوال شاف مكالمات برقمه لكن الاسم ( ذنبي المغفور ) ضحك بفجعه وهو مو مصدق رجع يدق ورجع الجوال يتصل بنفس الرقم طاح جواله من يده بصدمه ودارت الدنيا فيه جلس وبعد فتره عجز يستوعب فيها الصدمه صرخ بقهر وهو :لاااااااااااااااااااااااا ي ربي لاااااااااااااااااااا تكفى الا هاذي ي ربي لاااااااااااااااا
طلع وهو بيده جوالها ركض بدون ما يحس لبيت عساف دق الباب وهو اللي يشوفه يقول مجنون طلع عدنان : فيصل وش فيك
فيصل وهو مستند على الباب وجسمه مو قادر يستوعب الصدمه : عساف وين
جاء عساف من ورا : فيصل
تركهم عدنان وهو مستغرب حال فيصل وركض عساف : وش فيه بعد
فيصل جلس بصدمه وهو يمد جواله على عساف : دق على رقم حنين
عساف : ايش انت مجنون انت شايف المصيبه اللي انت فيها وباقي تدور على حنين
فيصل: عساف دق وبتشوف مصيبه اكبر
عساف انخلع قلبه رفع الجوال دق على رقمها وسمع الصوت بيد فيصل لف وشاف جوال في يد فيصل يرن وفيصل مغمض بقوه
عساف: وش ذا
فيصل ضحك بقهر : حنين هي اديم
عساف: نعم
فيصل: شفت كيف المصايب
عساف : مو من جدك اكيد تمزح
فيصل مارد وهو يحاول يتماسك عساف : وش بيصير الحين فيك وش بتسوي قلت لك حنين هاذي شلها من بالك وخلك مع اديم ضعت وضيعتهم كلهم بأي حق للحين بتواجها
مارد فيصل اللي كان يحاول يستوعب الموضوع وبعد فتره تكلم عساف: تقوم الحين وتروح لها حل المشكله بأسرع مايكون
فيصل: اخاف ما تسمع
عساف: كلمها ع اساس انها حنين يمكن يفيد
وقف فيصل وهو على كثر ما يتكلم وعلى كثر ماهو مقتنع هالمره مو قادر يجمع كلمتين اتجه لبيت ابو مشاري وهو مايدري اي المصايب بتواجهه بعد ..

20 - 1 - 2022, 06:43 AM

..... 210 ......

عند ام رامي اللي رجعت هي ووسن للبيت دخلوا وجلست ووسن بخوف : يمه والله خايفه عليه
ام رامي: لا تخافين اليوم اروح واسوي كل شغلنا وبعدها مبروك عليك فيصل
وسن : يالله يمه متى تجي هاللحظه
ام رامي : بتجي بتجي
قامت وسن وهي تحلم مع فيصل بأحلام ورديه
ظ ظ ظ
في بيت ابو مشاري ما كان احد حاس على اديم وجودها ولا احد فكر يروح غرفتها كانوا مجتمعين على القهوه وسوالف وضحك اندق الباب وقام مشاري يفتح : فيصل اهلا
فيصل جمدت ملامحه لما شاف مشاري مبتسم وواضح ان ماعندهم خبر باللي صار : فيصل وش فيك احد فيه شي
فيصل تورط وضحك برعب : اقول مشاري ناد اديم
مشاري انخلع: اديم مو هنا
فيصل اتسعت عيونه بصدمه: كيف مو هنا
مشاري: ماجات فيصل لا تستهبل
فيصل حاول يتدارك الوضع : هههههه انا حصل شغله عندي بعد ما رجعنا وخفت اتركها لحالها دقيت على السواق يجي ياخذها
مشاري : دقيقه شكلها جات واحنا نايمين خل اناديها
فيصل :لا لا تتعب نفسك انا اروح لها
مشاري : زين خلني اقول للي جوا عشان ماينفجعون
دخل مشاري وقالهم السالفه وطلع ابو مشاري: هلا فيصل تفضل تفضل
فيصل: لا والله مستعجل ابي اديم وبرجع لشغلي
ابو مشاري : الله يهديها ليتها قالت انها جايه انخلعنا
فيصل ابتسم برعب : ماحبت تزعجكم
كان فيصل خايف من احتمال انها مو بالبيت في النهايه اللي صار مو سهل
مشاري : تعال ادلك على غرفتها
راح فيصل معاه واشر له مشاري لغرفة اديم وطلع وهو يسحب رجوله لاول مره يحس انه خايف من احد بعد امه لاول مره يحس ان في يده خيوط الامل كان يمشي وكأنه رايح لموته قرب وفتح الغرفه وداهمته ريحة عطرها الفواح استنشق العطر وهو حزين ( يالله كيف ماحسيت بكل ذا وهي عندي يالله كيف بتنتهي هالمشكله ياربي كيف تجتمع اكثر انسانه احبها مع اكثر انسانه ظلمتها ااااخ منك ي فيصل اااخ)
دخل وسكر الباب قرب وهو يناظر ملامحها وهو كان راسم حنين بباله بس ما توقع انها هي اديم فتحت عيونها وفزت برعب : شتسوي هنا وش تبي اطلع برا اطلع
فيصل مسكها وهو يحاول يهديها بس كانت تصرخ سكر فمها وهو يقول : ليه ما قلتي انك حنين
انقطع صوت اديم واتسعت عيونها برعب وخوف وكمل فيصل : ليش كان قلتي تكلمتي ليش سكتي على التعاسه كذا يوم كان حل السعاده بيدك ليش وانتي اكثر وحده تعرفيني ليش كنتي تشوفيني ادمر نفسي وادمرك وسكتي وانتي تدرين اني ميت في حب حنين ليش ما قلتي ي اديم او يا حنين ليه كنتي قادره تحولين كل شي ليش ليش ما اختصرتي
اديم كانت تناظره برعب وقلبها يتقطع من نظرة الوجع اللي بعيونه لكن فات الفوت:هذاك عرفت وش بتسوي اصلا انتهى كل شي خلاص ولا بينا شي واطلع وطلقني بطيب والا فضحتك قبال الكل اطلع
فيصل : ما راح اطلع ولا راح اطلق انتظري شوي بنقدر نحل هالمشكله اديم انا من جد جاي وانا ناوي احلها لا تخربين كل شي ي اديم خلينا نبدا من جديد
اديم اللي صارت ثقتها في فيصل صفر : مستحيل انسى انا خلاص مو قادره اتحمل وجودك حتى بالمدينه اللي انا فيها اطلع برا
فيصل : مابي اكلمك على انك اديم بكلمك حنين اللي تعرف فيصل كويس مابي اسألك وشلون وكيف ابي بس ترجعين لفيصل
سكرت اديم اذانها وصرخت وهي تدفه : بررررررا برراااااا بررا
جاء مشاري على صراخها وهو يركض :اديم وش صاير فيصل
كان فيصل مصر انه يخليها تسامحه: مشاري اطلع في مشكله لازم تنحل
اديم : انا اقول اطلع مابي اسمع شي الحين
مشاري : احد يفهمني وش صاير
فيصل : مشاري احسن انك تطلع
اديم : مشاري طلعه من هنا فهمه اني مابي اسمع ماابي
مشاري : فيصل تعال مو وقته الحين انت شايف شلون منهاره
اخذ مشاري فيصل وطلع: وش صاير ي فيصل انهيار اديم اكيد وراه مصيبه قول وش مسوي
فيصل : ممكن محد يتدخل بيني وبين زوجتي
مشاري : زوجتك اختي وتأكد لو ادري انك مسوي شي فيها مايطيب خاطرك
طلع فيصل وترك مشاري اللي نزل بدون مايقول لاحد لانه اصلا مايدري وش السالفه ولا حب يضغظ على اديم
ابو مشاري : مشاري وينه فيصل
مشاري : عنده شغل وطلع
مروى: غريبه جاء بسرعه وراح بسرعه
مشاري : عنده شغل جاء ياخذ اغراض وطلع بسرعه
امل : اديم وين
مشاري : رجعت تنام
ام مشاري : كأن فيك شي
مشاري : لا عادي ولا شي بس انخلعت من جيته
ما اطمنوا لكنهم عدو الموضوع ومشاري قلقان على اديم ..

#يـــــتـــــــبــــــــــع...

20 - 1 - 2022, 07:47 PM

..... 211 ....

اما في بيت ابو عادل كانوا يستعدون لزواج عادل اللي كان بعد شهر وعادل حماسه مجنون وقايم البيت وقاعد بالتجهيزات دخل فيصل بهدوء
عادل : فيصل تعال
فيصل: مالي خلق بروح انام
نواف: فيصل يلاا بنستانس
طلع فيصل وطنشهم ابو عادل : وش فيه
منى: مدري اصلا من وين جاي بالعاده نايم
سهام : اديم وين ما حصلتها فوق
ابو عادل انقبض قلبه : اطلع اشوفه انا
عند فيصل اللي طلع للجناح ودخل وقفل الباب تنهد بضيق وهو فعلا خايف من كل شي حتى خايف انه ينام وترجع له كوابيسه استند على الكنب وغمض عيونه وفز على دق الباب :ميييين
ابو عادل : افتح ي فيصل
زفر فيصل وراح يفتح: هلا يبه وش فيك
ابو عادل : وش فيك
فيصل: ولا شي
ابو عادل : وين اديم
فيصل :عند اهلها
ابو عادل : وش صاير بينكم
فيصل : مشكله بسيطه وتنحل
ابو عادل :فيصل انا ما حذرتك تأذي البنت
فيصل : اووه ماأذيتها كل بيت يصير فيه مشاكل وصارت مشكله وين المصيبه
ابو عادل : مشكله بسيطه توصل فيها ان البنت تترك بيتها وتروح بيت اهلها
فيصل : عادي تبي تهداء وتفكر
ابو عادل : مدري ليه احس انك كذاب وراك كومة مصايب
فيصل : ههههههه وين الغريب هذا كلامك المعتاد
ابو عادل : اسمعني زين ي فيصل مهما كبرت لا تحسب انك صرت رجال علي وكلامك معي احسبه زين وصدقني لو تطلع مأذي اديم بقدر شعره لا اكون انا اول اللي بيوقفون ضدك
طلع وصفق الباب وجلس فيصل وهو يحس الدنيا تدور فيه كان متأكد انه بخسارته لاديم يخسر كل شي وقرر قرار نهائي اذا ما تصالح مع اديم بيطلع من الرياض بكبرها ويستقر لحاله
ظ ظ
ظ
نزل ابو عادل بعصبيه وقابله عادل : يبه وش فيه
ابو عادل : مافيه شي
منى: طلال خبصتنا وش صاير
سهام: طلال اديم صار لها شي
ابو عادل: لا مافيه شي ارتاحوا
سهام بشك: وينها اديم
ابو عادل بعد سكوت : في بيت اهلها ترتاح شوي وترجع
منى: ترتاح من ايش
ابو عادل : مشكله بسيطه وتنحلل
عادل : مشكلة ايش
سهام : كنت حاسه طلع الشعر بلساني وانا اقولك ولدك مو كفو زواج ما تسمع وكنت متأكده انه مأذيها
عادل : ماله داعي هالكلام كل زوجين لازم بينهم مشاكل
منى: وش المشكله البسيطه اللي خلتها تترك بيتها وهي مالها ظ£ اسابيع متزوجه
ابو عادل : ما تركت بيتها تبي تفكر وترتاح فالازم تبتعد عنه عشان تفهم
سهام ضحكت وهي تصفق : ماشاء الله تبارك الله الحين لقيت لولدك عذر
عادل: انتي هيه لمي لسانك ومايخصك
ابو عادل : بس انت اطلع من هنا يلا
طلع عادل يركض فوق لفيصل وهو خايف انه سوا مصيبه دق الباب وفتح فيصل بعد فتره: عادل وش فيك
عادل: وش سويت للبنت
فيصل:انتوا ماتصدقون خبر قلنا مشكله بسيطه تحتاج تفكير راحت لاهلها تفكر
عادل: ممكن اعرف المشكله!
فيصل: ممكن يكون لي خصوصيه مع زوجتي
عادل : زين زين لكن اتمنى انها بسيطه لكن لا تنسى اني حذرتك من البدايه ولا تحسب اني بوقف معاك بالظلم
طلع وترك فيصل وابتداء فيصل يدرك ان الكل انسحب لجهة اديم وهو بيجلس لحاله دق جواله وكان عساف ورد :هلا
عساف : وش صار
فيصل : لا تسأل
عساف:ليتك فكرت ليتك انتظرت ليتك ماغلطت
فيصل: ما تنفع الليت
عساف: الله يعينك لا تيأس عشان قلبك عشانها
سكر عساف ورمى فيصل جواله بعصبيه وهو يدور على حل يقدر يكسب فيه اديم
ظ ظ
ظ
في غضون انشرت سهام الخبر بعايلتها والكل انذعر وخاف وطلع ابو مشاري لاديم بخوف دق الباب ودخل شافها جالسه تقرا قرأن :اديم يبه
اديم غمضت وهي تدري انه من نبرته بيكلمها عن فيصل:نعم يبه
ابو مشاري:تعالي يبه بكلمك بموضوع
قربت اديم بخوف : امر يبه
شاف ابو مشاري اثر البكى عليها وقال بحنيه؛ اديم يبه مابي اضغط عليك لكن بقولك ان هذا مو حل الهروب مو حل اهدي شوي وارجعي تناقشي مع زوجك بمشاكلكم وانا ما اجبرك لكن يا بنتي الناس تغلط وربي يغفر وحنا لازم نغفر اذا كان ذنب ينغفر اجلسي ببيت ابوك الوقت اللي تبين بيتك وحلالك لكن فكري بعد وناقشي الانسان مايستسلم على طول وانا معك بكل شي لكن فكري بالايجابي واتركي السلبي بطرف طيب
اديم نزلت راسها وطلع ابوها انفجرت تبكي وهي تقول :اي ايجابيات يبه واي بطيخ
كانت تبكي لما نامت والكل خايف من اللي صاير ظ ظ

20 - 1 - 2022, 07:47 PM

.... 212 .....

بعد شهر كان فيه فيصل تعبان فعلا وطول الوقت وهو رايح جاي لبيت ابو مشاري ويحاول يقابل اديم لكنها رافضه تماما انها تقابله وابتدا الكل ينحاز وبقى فيصل وحيد وما معه الا عساف ومع ذلك مصر انه يحل هالمشكله وكان الارهاق باين على وجهه وكان باين بحاله انه منتهي
الخبر وصل لام رامي اللي فرحت بالخبر وقررت تنتظر شوي عشان السحر لما ينتهي زواج عادل
اديم كانت هي بعد بحاله يرثى لها اسبوع عجزت تعيشه بدون فيصل لكن جرحه ابلغ كان قاسي مثل صاحبه ماقدرت تشوفه الانها تدري بتحن عليه وترجع
الكل كان مفجوع من هالخبر ويحاولون انهم يتفادونه ويحلونه لكن الواضح انه اكبر من مايتوقعون
ظ ظ
ظ
في بيت ابو عادل الكل كان جاهز لزواج ومبسوطين لكن حالة فيصل واديم معكره الاجواء نزل عادل ببشته وهو مبتسم : كيف
ابو عادل : ماشاء للله تبارك الله الله يحفظك
منى : قمر ي عادل الله يحفظك ويكثر امثالك ويصلحك لنفسك ولزوجتك
نواف : مزززز
ضربه عادل بخفيف ولف : وفيصل!!
ابو عادل : مدري وينه روح دور عليه مانا ناقصين فضايح
عادل : يبه وش ذا الكلام الله يهديك فيصل ولدك ترا ماله داعي كل هالانحياز اوك يمكن غلط لكن هذا مو معناه نتركه لحاله
منى وهي تمسح دموعها: مدري وش بيصير فيه الله يهديه والله البنت بنت حلال وطيبه مدري وش صاير عشان توصل لذا الدرجه
عادل : بدون ظلم يبه فيصل فعللا حزين عليها ويبيها انت شايف كيف حاله
ابو عادل : مدري وش ارقع فيه مدري
انسحب عادل واتجه لجناح فيصل دق الباب وشافه منسدح بثوبه وشماغه ووجهه اصفر وعيونه حمرا : فيصل يلا ماشين
فيصل بصوت رايح: لو قلت تعفيني من الحضور تعفيني
عادل: لا اخوي بيحضر معي ويوقف معي ما تعودنا نترك بعض ي فيصل ولا يفرقنا الا الموت
قال فيصل بصوت متحشرج : بس فيصل ميت .. انقطع صوته لما حس انه بيبكي
ركض له عادل وهو يحضنه: فيصل لا لا ي اخوي مو انت اللي تبكي فيصل دخيلك الا دموعك
فيصل : تعبان ي عادل الكل ضدي ايه يمكن غلطت بس ما استاهل كل ذا تعبت وانا انضغط من الكل مو كفايه روحة اديم والله مو قادر على هذا كله
وقف عادل وهو يوقفه معاه : بس خلاص تماسك انت اقوى من كذا واديم بترجع ان شاء للله مشكله بسيطه وتنحل ان شاء الله يلا قوم يلا
ساعده عادل ولبسه شماغه وطلعوا فيصل بحاله فضيعه ونزلوا اتجهوا كلهم للقاعه
ظ ظ
ظ
في بيت ابو مشاري كان الكل جاهزين للحضور الا اديم اللي كانت ما بتحضر وروان معاها جا لها ابو مشاري: اديم مابتغيرين رايك وتحضرين
اديم: يبه الله يسعدك لا تضغط علي مابي
ام مشاري : بس وش بيقولون الناس
اديم ببكي : خلي يقولون اللي يقولون مو هامني
ابو مشاري : خلاص لا تبكين اللي تبينه يصير
مروى: اجلس معاها
اديم : لا روان جايه روحوا انتو
وبعد عناء الكل راح وظلت اديم لوحدها وهي تبكي كل لحظه مع فيصل جات روان اللي اسرعت وحضنتها: اديم حبيبي ليه ما رحتي اقل شي توريه انه مو هامك
ضحكت اديم ببكي: مين مو هامني فيصل فيصل عايش جوااي
روان : مادام كذا ليش ماترجعي له يمكن فعلا تعدل انا سمعت انه رايح فيها
اديم: مابي اكرهه زياده مابي خليني محتفظه بجزء من صورته السليمه
روان : اديم اوك فيصل غلط وفيصل قسى لكن تحملتي كل شي عشانه مو قادره تعدين سوء فهم بسيط
اديم: سوء فهم !!فيصل كسرني كسرني اقل شي كان المفروض يسويه انه مايجبرني على شي مابيه
روان: بس انتي كلامك كان يدل كذا
اديم :لانه غبي مو قادر يفهم اني من الاول احبه يرغمني على الهروب لما دمرني
وقفت بتروح بس داهمتها دوخه فضيعه جلست وهي تمسك في روان اللي مسكتها بخوف : اديم بسم الله عليك وش فيك
اديم بهمس: وديني الحمام سريع
سندتها روان وركضت فيها للحمام طاحت اديم وهي ترجع وترجع لما اغمى عليها صرخت روان بخوف وهي تحاول تصحيها بس مافي فايده ركضت لجوال اديم ودقت على مشاري برعب وقالت له وجاء مشاري طاير بخوف دخل بعد ما لبست روان حمل اديم وركض فيها للمستشفى وروان موجوده وتبكي عليها بخوف
ظ ظ
ظ
عند فيصل اللي كان يسأل كل احد يقابله اذا حضرت اديم او لا انهد حيله لما عرف انها ماحضرت جلس برا وهو ضايع قرب عساف: وبعدين يعني تراك انتهيت
فيصل: اول مره احس اني فاقد اديم مو فاقد حنين كانت اديم احسن اشتقت لها ي عساف مو قادر بدونها فاقد اديم فاقد حنين وفاقد فيصل وش اسوي ي عساف بموت روحي تعبت مو قادر ارضيها انا هدمت حياتي لدرجة انها كرهت كل شي له علاقه فيني تكفى ي عساف سوي شي

20 - 1 - 2022, 07:49 PM

..... 213 ......

عساف حضنه هو مايدري وش يسوي : فيصل تعوذ من ابليس وان شاء الله بنتحل شوية زعل وبتقدر تراضيها
فيصل تنهد وهو يمسح دمعته : حتى امي زعلانه مني مو قادر انام او اكل كل شي انقلب علي ليتني ما سويت لللي سويته
عساف : تعوذ من ابليس وان شاء لله محلوله
ظ ظ
ظ
في بيت ابو عادل دخلت ام رامي وهي تتسحب اتجهت لجناح فيصل اتجهت لسرير وهي تبعده خبت السحر تحته ورجعت وهي مبتسمه لفت وهي تشوف بيجامة اديم على السرير عصبت وسحبتها وهي ترميها : هين ي فيصل ميت عليها وهي عايفتك حتى مو قادر تعيش بدون ريحتها طيب طيب
طلعت وهي معصبه وسكرت الباب ورجعت وكأنها مادخلت واتجهت لزواج عادل دخلت والكل كان كارهها بس مستغربين سكونها هي وبنتها
ظ ظ
ظ
في المستشفى استلموا الطوارئ اديم ومشاري وروان معاها وهم خايفين عليها وكانت روان تبكي بحرقه ومشاري يدعي ان ربي يشفيها بعد فتره طلعت الممرضه : وين زوجها
مشاري : مسافر خير طمنيني
الممرضه : انت وش تقرب لها
مشاري:اخوها
الممرضه : تفضل لدكتوره
دخلوا روان ومشاري وجلسوا كل واحد بطرف
الدكتوره: انت اخوها
مشاري : ايوه
الدكتوره : طيب مبروك اختك حامل
مشاري وروان صرخوا مع بعض : ايييييش
الدكتوره انفجعت: فيه شي
روان: شلون ومتى
الدكتوره: حملها من اسابيع لكنه جدا ضعيف وحالة الام جدا ضعيفه فا لازم تبات عندنا والا بيكون وضع الجنين بخطر
مشاري مصدوم لدرجه انه مو قادر يستوعب وروان انفجرت تبكي لدرجة الدكتوره شكت : هي متزوجه صح
مشاري : ايوه يا دكتوره لكن هي على وشك الطلاق فأستغربنا الحمل
الدكتوره: المهم الحين لازم تكون تحت رعايه فمضطرين انها تبات هنا ياليت تبرز هويتك وتوقع
اعطاهم مشاري وهًو مصدوم ووقع طلع هو وروان لف وهو يقول : كيف بنقولها
روان: مدري راح تنجن اكيد
خاف مشاري ولا عرف يتصرف اخذ جواله ودق على ابوه وجاه صوت ابوه بالزحمه: مشاري وينك الناس يسألون عنك
مشاري: معليش يبه بس طلعت لاديم
ابو مشاري بخوف: وش فيها اديم
مشاري : يبه اديم طاحت على روان وديتها المستشفى
ابو مشاري: ايش فيها شي صار لها شي
مشاري بتردد : اديم حامل يبه
جمد وجه ابو مشاري واختبص : قلت لها
مشاري : لا للحين انتظرك تجي
ابو مشاري : زين زين في اي مستشفى
مشاري :مستشفى .....
سكر ابو مشاري وطلع بسرعه واتجه للمستشفى وهو خايف وفرحان بنفس الوقت ونفسه ان اديم ترجع لفيصل وينتهي هالخصام
ظ ظ
ظ
عند العروس ريمان كانت كاشخه وطالع شكلها كيوت امها ونسرين ومنى الكل كان حولها وهم يجهزونها للزفه سمعوا صوت عادل برا وابتدت رجفتها غمضت بقوه وهي تحاول تهدي وابتعد الكل وتقدم عادل سمعته وهو يقول : السلام عليكم
ردوا الكل وبعدها طلعوا وتركوهم قرب عادل وهو مبتسم باس راسها وهو يقول : ماشاء للله تبارك الله عيني عليك بارده
ماردت ريمان اللي كانت رجفتها وخوفها مسيطر عليها همس لها :مبروك
ماردت بعد وسمعوا صوت الزفه تقدموا كلهم ونزلوا على انغام اغنيه هاديه عكس مشاعرهم وصلوا الكوشه وقطعوا الكيكه بدلو الخواتم وهم مبسوطين
لكن نسرين كانت تحاول تتحدى نفسها وتنسى عادل بعد كذا طلعوا للتصوير وعادل فرحته باينه بعيونه دخل ابو محمد ورائد ومحمد يصورون وطبعا جلسوا يوصون على ريمان طلعوا واتجه عادل للفندق بحماس الدنيا
ظ ظ
ظ
اما فيصل اللي بعد ما طلع عادل ترك الزواج وطلع اتجه لجناحه وهو يحس انه مكسر فيه شي مايدري وش هو الدنيا تدور فيه ومو عارف يثبت طاح على السرير وراسه يدور غمض عيونه وهو يهاجمه كوابيس تفجع مو قادر يصحى منها حاس كأن جبل على صدره صحى على صوت نواف اللي يهزه فز وهو مرعوب
نواف :فيصل قول بسم لله
جلس فيصل وهو يرجف غمض وهو يسمي ركض نواف وجاب له مويه : فيصل انادي ابوي
مارد فيصل اللي كان يرجف ووجهه اسود ركض نواف وهو يدق على ابوه
نواف : يبه الحق فيصل بيموت
ركض ابو عادل وهو مخلوع دخل وشاف فيصل طايح بمكانه وجهه اسود وعيونه شاطحه لفوق ركض وهو يصرخ: فييييييصل فيييصل فيييصل
م كان فيصل يرد وشبه متشنج دقوا على الاسعاف والكل خايف جاء الاسعاف واخذ فيصل وراح
ظ ظ
ظ
اما عند ابو مشاري اللي دخل المستشفى وشاف مشاري واقف وروان واقفه بعيد قرب وهو شبه يركض :مشاري وينها اديم
مشاري : جوا
ابو مشاري : قلتوا لها
مشاري : لا بس الدكتوره تقول ضروري تبات هنا الان جسمها وحملها ضعيفه
ابو مشاري اختبص ودخل لاديم شافها نايمه ولا حاسه بشي طلع وهو مايدري كيف بيقولون لها وهي مصره على الطلاق ..

20 - 1 - 2022, 07:49 PM

..... 214 .....

وبعد شوي جاهم اتصال من ام مشاري تسأل عن اديم وقالوا لها وقومت الدنيا وقعدتها بالبكي وجات للمستشفى وقررت تبات عندها البقيه رجعوا للبيت وهم خايفين من اللي جاي
ظ ظ
ظ
اما عند عادل وريمان اللي وصلوا للفندق وتعشوا وعادل ملاحظ خوف ريمان وارتباكها الملفت مد يده وهو يشد على يدها: ريمان وش فيك
ريمان :ولا شي
عادل : الا فيك وادري فيك شي مو بسيط انا ابيك من هاللحظه تنسين انك تخبين علي وكل شي نقوله لبعض واعرفي اني قبل لا نبداء حياتنا ضروري نعرف كل شي عن بعض
ريمان جمدت وتجمعت دموعها بعيونها ولا قدرت تقول شي وقال عادل : ريمان وش اللي غيرك وخلاك كذا وش سبب هالخوف وش اللي قتل روح الامان فيك ريمان تكلمي وتأكدي انها مهما كانت الاسباب انا معاك ادري فيه شي وشي كبير ولازم انا اعرفه قولي لي ولا تخافين
كانت ريمان تناظره وفجاءه انفجرت تبكي قرب عادل وهو يحضنها: ريمان قولي
ريمان: واذا رحت وتركتني؟!
عادل :مستحيل مهما كانت الاسباب انا قبلت فيك وانتي كذا ومستعد اتقبلك بكل حالاتك
ريمان غمضت وهي تدري انه خلاص كل شي بيظهر ويبان وقالت وهي تشهق : انا مو بنت
انصدم عادل كان متوقع شي كبير بس مو لهاذي الدرجه لكن ما حب يبين لها وقال بهدوء رغم وانه معصب ومصدوم: ليش!!
شهقت ريمان وهي تسرد له كل الحكايه وعادل مصدوم ........نرجع قبل ظ¨ سنين في مزرعة الجد ناصر تحديدا الساعه ظ،ظ¢ الليل طلعت ريمان اللي كان عمرها ظ،ظ سنوات برا تبي تلعب مع الحيوانات اللي برا كانت الحظيره بعيد شوي عن البيت وكان موجودين ناس اصحاب ابوها واعمامها ومعارفهم كان فيه واحد واقف هناك مو مره كبير بعمر ظ،ظ¨ ناداها وراحت
....: ليش جايه هنا
ريمان: بلعب مع الحيوانات
....:ماخفتي من الظلام
ريمان: انا ماخاف من شي
....: هههه طيب تجين معاي نلعب هناك
ريمان: عند الحيوانات
....: ايوه
راحت ريمان وهي ماتدري من يكون وماشافته بالظلام ولا هو شافها ولا كانت تدري وش ممكن يصير لها ....وانتهت ريمان
رجعت ريمان وهي ترجف وخايفه ولا احد يدري وش فيها في اليوم الثاني سافر ابو محمد اللي كان يسكن بمدينه غير الرياض ولا احد يدري باللي صار غير ريمان اللي مفجوعه وظلت اشهر ومحد يدري وش فيها ولما كبرت وفهمت فهمت انها ضاعت وضاع مستقبلها ومن بعدها اتحولت ظ،ظ¨ظ درجه
عادل كان يسمع وهو مصدوم اتسعت عيونه بصدمه وقال بهمس :ماعرفتي من هو
ريمان بشهقان قهر: لا ما عرفت رغم اني كنت متاكده اني بعرفه لو بسمع صوته مره ثانيه لكن حسبي لله عليه
ابتعدت وهي تناظر عادل : بتتركني
حضنها عادل بقووه لدرجة ان عظامها اوجعتها وهو مصدوم :مستحيل ي ريمان مستحيل اتركك مستحيل
استغربت ريمان من ردة فعله القويه بس توقعته متعاطف معها من فرحتها فيه كانت تبكي بشكل يقطع القلب لين نامت وقف عادل بعد ما لحفها وهو مو قادر يرمش من صدمته طلع برا وعيونه مليانه قهر ودموع جلس على اقرب رصيف ويده ترجف رجعت فيه نفس الذاكره لذاك اليوم اللي غلط غلطة عمره وللحين ندمان عليها كان يبي يعرف هاذيك البنت اللي ضيعها ولا عرفها كان ندمان لدرجة انه كل صلاة يدعي ان ربي يجمعه فيها عشان يصلح غلطه ولا كان يدري انها ريمان ولا شافها لان اختلاطه معاها كان قليل وكانوا بغير مدينتهم دارت فيه الدنيا غمض بقوه وهو يمسح دموعه ركض لاقرب مسجد وهو يصلي ركعتين شكر لربي ويوعده انه يكون لريمان كل شي رجع لها دخل وهو يراقبها بحب انسدح وهو يقول :الله يسامحني ي ريمان الله يسامحني ظ
ظ

عند فيصل اللي كانوا متجمعين عليه ويعالجونه وبعد فتره ابتعدوء وفيصل محوط بالاجهزه والادوات
ابو عادل : وش فيه ولدي
الدكتور: حاليا ضيق تنفس لكن بعد التحاليل بيظهر اسباب كل اللي يصير معاه
ابو عادل : عليه خطر
الدكتور: يمكن لكن ان شاء الله بتعدي
جلس ابو عادل وهو خايف يصير لفيصل شي حط يده على راسه وهو يدعي ان ربي يقومه بالسلامه
بعد شوي جاء عساف ورائد اللي شافو الاسعاف طالعه من بيت ابو عادل ولحقوها عساف: وش فيه فيصل وش صاير فيه
رائد :عمي فيصل فيه شي
نواف كان يبكي بخرعه ناظر ابو عادل : طاح علينا مدري وش السبب جبته هنا وقالوا ضيق تنفس وباقي الاشياء بتطلع فالتحليل
عساف: بس من شوي كان بخير
رائد: صار شي طيب بينكم
ابو عادل :لا راح له نواف بعد الزواج وحصله كذا وطلبنا الاسعاف له
عساف : يالله ي ربي طيب وينه
ابو عادل :جوا .

المواضيع المتشابهه لموضوع: عيونك شوكة في القلب توجعني و عبرها للكاتبة ديم الراشد مكتملة لموضوع: عيونك شوكة في القلب توجعني و عبرها للكاتبة ديم الراشد مكتملة
الموضوع	كاتب الموضوع	المنتدى	مشاركات	آخر مشاركة
روايه مالي وطن في نجد ألا وطنها، الكاتبه اديم الراشد مميزة مكتملة	البارونة	همس للقصص وحكايات وروايات	72	8 - 11 - 2024 04:28 PM
حروفك سرقتني من بين الحضور اهيم بك دهرا ولا اكتفي للكاتبة ثرثره صامته مكتملة	همسه الشوق	همس للقصص وحكايات وروايات	42	11 - 7 - 2024 07:31 AM
عزاي إنك رجاي العذب لو كل الدروب عثور للكاتبة اديم الراشد	همسه الشوق	همس للقصص وحكايات وروايات	85	19 - 2 - 2022 08:50 PM
ياشجون القلب لو تدري بإن قلبي يعشق عيونك	حنين الأشواق	همس الشعر والقوافي	4	30 - 9 - 2021 03:25 AM
روايه خاني وذليته للكاتبة مشاعل الراشد	جروح الم	همس للقصص وحكايات وروايات	65	8 - 6 - 2018 01:24 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع