رواية متبرع حين يسكن قلبك جسد شخص اخر

27 - 4 - 2022, 12:54 AM

��
��
��
��
�� 13 ..

��
�� روايـــــــــــــة âœچ��
{ رواية : مُتبرعْ .��.
للكاتبة كَـيْوٍتَـوْ ..، âœچ��
(حينْ يسكنَ قلبكّ جسدْ شخصَ أخرّ )... }

��

.....
خالد يتذكر

.....
كان بالزنزانه وجاه عسكري
طلعه و مايدري وشلون يوصله الخبر
: احنا لازم نطلعك تزور اهلك عشان صار عندكم حـ
وسكت
ابتسم خالد وهو يتذكر وجهه خالته يوم زارته
وكيف ان مرضها زايد عليهاااا
عرف ان فيها شيء قال بهدوء ورجفه بصوته : خالتي ماتت !!!
العسكري وجهه تغير : عظم الله اجرك
خالك جا هنا وطلب منا نطلعك
خالي ؟؟؟؟
من متى المحبه !
طلع وهو مستغرب
كانت اتعس ايام حياتي باختصار
بيديني دفنت امي الي ماجابتني
دفنت حنيتها علي
دفنت خوفها وقلقها حتى اذا جعت
وسالت يمه اكلت ؟
دفنت كل ذا
دفنت ريحه امي واهلي
دفنت ملامح امي الي بوجهها
دفنت صوت امي الي يشبهه صوتها
دفنت امي الي ربتني و بقايا امي الي جابتني
بعد ما دفنتها
والله لو انحرق
مايهمني
والي زاد الطين بله
كلام خالي

: ايششش ؟
خالي بكل برود : افسخ خطوبتك
ادري خالتك خلتك تملك عليها بس انا الحين فيه صدق اني كنت مقصر
قاطعه خالد معصب ..
مقصر ؟ هو انت كنت تنشاف ؟! هذولا عايلتي انا انا المسؤول عنهم مو انت
انت رفعت يدك من زمان
عايد يكمل ولا عليه منه ويثقل بالكلام : انا ابوها اولى
فيها منك واعرف مصلحتها اكثر منك
.. وانت مسجون وقال بسخرية : وشكلك مطول
والبنت خاطبها واحد بصراحه .... وقال بكل حقد : يسواااك
خالد مسكه مع حلقه : انت تدري زززززين ليه انا انسجنت ؟؟؟؟
مايحتاج اذكرك .... لولا الي سويته كان انت اعدام ولا مؤبد ..
ولا تظن سويت هالشيء عشانك
لاوالله عشانهم ولا انت ( واعطاه نظره استحقار وسكت ماكمل )
عايد بخوف ينزل يده و بكل جراءه قال : بكره تروح معاي
المحكمه قبل يرجعونك السجن توقع على اوراق الطلاق
خالد اسودت الدنيا في وجهه فقد خالته والحين مها؟
: ماني موافق .. ابي اسمع رايها اكيد ماهي موافقه على كلامك
عايد ب ابتسامة انتصار : واذا وافقت ؟
خالد غمض عينة وجهه تكرمش وكأن اخر مصيبة
يتوقع انها تنازلة عليه قال بتنهيده قهر : الله يوفقها
عايد اخذ الجوال واتصل سحبه لغرفه مسكره بعيد عن الرجال الي يعزون
وفتح السبيكر : الو
مها ب صوت كله بكا : الو
خالد اشششششششششتاق لهالصوت عوره قلبه
عليهااا اكيد حالتها حاله مثله بعد موت امهااا
بس صحى مع صدمة كلام خاله : هاه ؟ قولي رايك الي قلتيه لي اليوم ..
مها بصوت مكسوور وتردد :
الله يوفقك يا خالد انت الحين مسجون الله يففرجها عليك
والي وصلناا انك مطول وانا ابغى اشوف حياتي
واتمنى تحقق لي طلبي ..
خالد كأن انكب عليه ما بارد وده الارض تبلعه ولا يسمع الي سمع
هو انسجن عشانها وعشان ابوهاااا ضحى بنفسه عشانه
واخر شي تعايره بسجنه ؟
واخر شي ذا الي تقوله ؟؟ وين كلامها الي تستناه لأخر
العمرررر وخرابيط الحب الي تبخرت فجاءه
خالد بقهر : مهاا متاكده ... ؟؟
مها بدون أي تردد او حزن : ايه

تذكر هالسالفه و هو يمسح صورة البنت
عشانك بس ياخالتي
عشانك انتي بس
طلع من البيت
وجلس يتمشى
سيارته كانت مكشوفه
كان يتمشى بين الشوارع
ازعجته الانوار
وتذكر النور الي برا السجن
داااااااااااااخ من افكاره
ابعد عن نفسه هالتفكيرر
جلس يضحك
غني
وسيم
في بلد متحرره
لي كل الحريه اسوي الي ابيه
لي كل الحريه اختار أي دين أي حياه
اعتنق أي فكر
اسوي الي ابغى
عندي عيله
عندي كل شيء
وكأنه حلم لي
او حياه ثانيه
وكأني عشت حياتي مرتين
هو انا اكيد مجنون
هيه ياخالد
هذا الي تبغاه ؟
طيب وبعدين !!
بعدين قولي !!!!!!!!!!!!!!!!
ولاشيء صح

........
وقف عند مولات ومحلات تجاريه
ويدخل من واحد لواحد
كان متحمس للجامعه ولحياته الجديده
يحاول يشغل نفسه قد مايقدرر باي شيء
كان يبغى يلغى توني
ويختار لخالد حياه وشكل جديد
عمره ما اهتم بشكله
او كيف يكون ؟
بين كل هالملابس والجنزات
كان خاطره بشيء واحد
(ثوب)
قرر يدور عليه بعدين ويشتريه
من شعر اشقر لشعر بني
يكرهه الشقار ههههه
كان يبغى اسود بس مايمديه ههههه
من نظاره لعدسات نظر شفافه
احتاس فيهاا وساعه يعلمونه يلبسهااا
كان يحس نفسه خكري خخخخ
وساعه يفهمونه انه شفافه بدون لون
وجلس يفكر بحل لضعف بصره الخفيف
قالوا يمديه يسوي عملية ليزر
وقرر يسويها في اقرب فرصه
من ملابس عاديه
لـ ملابس كلاسكيه وكأنه عارض ازياء
تغير الف وثمانين درجه مو ميه
صار شخص ثاني
وكأنه ممثل عشريني

��
��
��
��
��

27 - 4 - 2022, 12:54 AM

��
��
��
��
�� 14 ..

��
�� روايـــــــــــــة âœچ��
{ رواية : مُتبرعْ .��.
للكاتبة كَـيْوٍتَـوْ ..، âœچ��
(حينْ يسكنَ قلبكّ جسدْ شخصَ أخرّ )... }

��

.....
كان يطالع بنفسه وهو رايح لـ اول يوم بالجامعه
ويضحك
اخس ياخالد
توي ادري انك كشوخي
نزل
لقى امه وابوه وجين تحت
عقد حاجبه وابتسم مستغرب وجودهم ؟
الي يعرف ان ابوه جدآ مشغول
ومحد يمه معقوله كلهم جايين عشان بيروح الجامعه وكانه في الروضه ؟
قاطعوه بكيك وفيه شموع والكل يغني
جلس يضحك تذكر الافلام
اما عاددددد رجال مالي هدومي
احس اني بزر
جلس يضحك وهو منحرج
: هيه هيه بس بس ويسكتهم
وينزل الكيك
وهو منحرج : هكذا اشعر اني طفل ؟
امه قاطعته وهي تحضنه : ابني تبدوا سيم جدآ
(وتبكي) .. لا اصدق ان الموت تركك لنا ..
خالد توه يستوعب اهااااا عشان العملية فرحانين اني للحين عايش
ابوه يبتسم له : تعلم انهاا عاطفيه كثيرا
جين بحماس : توني , تبدوا وسيم جدآ وكأنك عارض ازياء
هل تعرفت على فتاه جديده و تريد ان تبدوا جيد في عينيهاا ( وتغمز)
ابوه : اذا هذا الذي جعلك تغير تسريحتك الغبية هههههه
خالد عصب : غبية ؟
ابوه يضحك : هيا انجز عملك هنااا ف انا متاخر ( وياشر على الكيك )
خالد يضحك على نفسه
( وربي لو يشوفني احد لا اسير مسخره طول حياتي , أي حياه
خلاص خليني اتأقلم خخخ )
طفى شموع وهو يتمنى يلقى مهاا
تمنى بدون ما يفكر تمنى وهو ما يبغى ذا الشيء الي فكر فيه غصب عنه ..
طلع بعد سوالف طويله معاهم وهدايا وخرابيط
كانوا فرحانين فيه انه نجى من الموت و ربي مهلهم يشوفونه واصل الثلاث والعشرين
لانه مريض من كان صغير
تعلقوا فيه كثير اكثر من جين
مهما كبر يحسونه بزرهم عشان تعبه ومراجعاته للمستشفيات
ابدا ماحسوه كبر غير اليوم حسوا انه خلاص يقدر يكون مسؤول عن نفسه بدونهم
ناضج وكبير وبعافيته ..
طلع وهو مبتسم
يمكن اول مره احد يفرح بوجوده ع الدنيا
ويديه هدايا على ذا الشيء
خلكم انه مو عيد ميلاده اساسا
وانهم مايحتفلون بخالد الي بداخله
لا ب توني الي يعرفون
بس كان مبسوط
شغل ميوزك بالسياره
مع هالصباح
متعود يكون مشغل الاذاعه وحاطين فيروز
اشتاق للاغاني العربيه
سكر الميوزك و دخل الجامعه
كان يتمشى فيها
ومستمتع ويتفرج ع الطلاب
و خصوصا العرب وده يقط عليهم
بس مايدري كيف ؟
قطع عليه صوت بنت تنادي عليه :
توني .... توني ..
طبعا ساحب عليهااا بعد سنه يرد اذا
احد ناداه ب توني
يستوعب انه هو التفت عليها
يوم شافها تذكرهااا
كانت وحده من خوياته شقرا و ملامحها ناعمه ملقوفه وكلامها كثيرررر
ايه الحين تجري وراي
بعد النيولوك خخخخ
تذكر سحباتها فيه وحقد واعدته تروح معاه حفل وولقاها خاينته مع فرنسي يقرب لصاحب الحفل
بوحده من الغرفه
تقرف منها صدق انهم رخيصات
نظر فيها ب ابتسامه
هي جايه تراكض شحنانه تتكلم بحماس : اوه لا اصدق انت توني فعلا
تيفاني : اوه يبدوا انك لا تتذكرني سمعت انك فقدت ذاكرتك ؟
خالد لقى مخرج من ربه خخخخ مافيه لها ولا لشلته الي قبل سوى انه مايعرفها: اممم من انتي ؟
تيفاني : اناا تيفاني ... و ( جلست بتكمل عرف انها ب تنشب له قرر يطنشها متقرف منهااا
متذكر شكلها مع ذاك وماسك نفسه عشان مايفقع وجهها)
خالد وهو ماشي مطنشها : اراك قريبا , وداعا
وراح عنهااا
شاف اصحابه من قبل جالسين يطالعون فيه
طنشهم ومشى وكانه مايعرفهم
كانوا وصخين مع توني وعادي عنده عذر انه مايتذكر (فيس يحرك حواجبة)
كل الي يبغاه شي واحد
يجلس مع شباب سعوديييييييييين
او عرب
كل الي بمخه هالفكره
مشتاق ؟
مشتاق يتكلم عربي
مشتاق يفلها
مشتاق يعيش ع طبيعته ..
وهو داخل ع الكلاس
كان كله انقليز واجانب مافيه عرب
جلس يدور عليهم
تذكر ان غالبا يكون لـ هم شبة شعب وكلاسات خاصه وكأنهم منفيين ومحد يبغاهم !؟
او هم يحبون يكونون مع بعض او لهم شرح خاص مو فاهم ليه ؟
الي يعرفه أن اساسا جامعته قليل فيها عرب
انقهر بيكمل الاسبوع وكل المواد ماصادف يكون مع احد فيهم
وقت مملل ناس مملين كلام علمي يجيب الهم
حماسه للجامعه كله تفركش
كان بيطلع من الجامعه بس شده اعلان
كان عن اول انشطة الجامعه
بحياته ما اهتم لهذي الاشياء لا توني ولا خالد
بس هالمره ؟
شاف علم شده
رغم انه صغيييير وبين خمسين علم
اخضر فيه الشهاده بالعربي والسيف
مميز بين كل الاعلام
كان النشاط يتكلم عن ثقافات الشعوب وتعرف الناس ع بلدك من وين انت جاي
وخرابيط تشبة هالشيء
لاشعوريا يقرا وين التسجيل وكيف
وطيران ع هناك
كان واقف
في ممر طويل يودي ع مكتب
في زاوية منه كانوا جالسين ثلاثه شباب
يتكلمون عربي
راح لهم متحمس بعد ماسمع كلامهم واللهجه
وهو مقرب منهم : سلام شباب
الكل فوق راسه الف علامة استفهام بس قالوا يمكن مو حافظ غيرها
سلموا عليه والكل يطالع فيه ..
خالد : هنا التسجيل صح ؟
واحد منهم جالس بالنص ومعاه اوراق ومحتاس مستغرب
من هالانقليزي الي كأنه سعودي : أيـه سجلنا بس ناقصين
قالوا كملوا القروب وتعالوا اقل شيء اربعه
ومحد متحمس غيرنا .. كل الشباب سحبوا
خالد بحماس : ينفع اسجل انا ؟
الولد مستغرب : مدري وش جنسيتك انت .. اعتقد لازم تكون سعودي
خالد تحطم : لازم ... لحظه لحظه لاتحركون بروح اسئل او اشوف دبره ..
الثلاثه يطالعون في بعض مستغرررررررررررربين وجلسوا ينتظرونه
جا خالد متونس : وافقوا
الثلاثه : جد
خالد : ايه قلت لهم اني عشت بالسعوديه فتره طوييييييله لدرجه احسها ديرتي و وافقوا
الكل : اهااااااااااااااااا .. هو انت عشت فيها ؟
خالد: وش تشوف .. وبعدين يله خلصوا الاوراق ابي اطس
واحد فيهم مبتسم اعجبه خالد : صدق انك شحاد وتشرط .. وقاله وهو يمد يده
انا حسن واشر ع تركي : تركي .. تركي يسلم عليه .. و هذا عمر
والكل يطالع فيه يستنونه يقول اسمه
خالد بأبتسامه مايدري وش يقول : خالد
اعطوه الورق وكتب توني لوثر
حسن : اجل توني خخخخخ
خالد منحرج : ايه كأنه من فلم كرتون ..
عاد قلت لكم بفقع وجهك انت وياه لو تنادوني فيه
تركي مستغرب: صدق خالد مشاء الله عليك كأنك سعودي
لولا الخشه الي ماهي راكبه وشلون ؟
خالد بكل جديه: ما ادري صحيت من حادث لقيت نفسي كذا
عمر : هيا عاد بدا الاستهبال السامج
مشينا بس نعطيهم الاوراق و نذلف ناكل
خالد هاتوا الاوراق شكلي مهم عندهم ؟ يمشوني كأني ولد ملك خخخخ
مستفلها بذا الجامعه مدري وش القصه
اعطاهم الورق ع السريع ولقاهم ينتظرونه توقع انهم راحوا
حسن :هيه انت نبي رقمك عشان نعرف وش نقدم
تبادلوا الارقام وعزموه يجي اعتذر ومشى
بعد ما مشى عمر يطالع فيهم بشك : والله ما اكون عمر اذا ماكان من طرف ابو ياسر
حسن حس ان ابو ياسر مو هين : وش شغل العصابات لهدرجه يسويها ؟
عمر : انت ماتعرفه مثلي اسأل ياسر
تركي بقلق : والحل ؟
لاتنسون انا مبتعثين وذي ماهي ديرتنا !!
لو يتكلم مكسر يمكن بس اتوقع سمعتوا الي سمعت ؟

كبسه ؟
قالوا لي معزوم ع كبسة ؟
يا انااااااااا مشتاق للكبسه ..
طلع وهو مبتسم
اخيرا روحه رجعت له شوي
وهو راكب السياره وبيحرك
قطع عليه صوت مسج
ثواني وطلعت قدامة صورة مهاا جالسه على كرسي
بلمح البصر
غير غبار السياره

��
��
��
��
��

27 - 4 - 2022, 12:55 AM

��
��
��
��
�� 14 تابع ..

��
�� روايـــــــــــــة âœچ��
{ رواية : مُتبرعْ .��.
للكاتبة كَـيْوٍتَـوْ ..، âœچ��
(حينْ يسكنَ قلبكّ جسدْ شخصَ أخرّ )... }

��
ملاحظه مهمه :

انا لا استطيع ان اقول لكم بإن روح توني غادرت الى السماء في لحظه توقف قلبه
وحين عادت مره اخرى لم تكن روحه هو بل روح خالد .. التي سكنت جسده مع قلبه
انا لست ب درزيه او هندوسية كي أؤمن ب تناقل الأرواح و تناسخهااا
انا مسلمه وفي شريعتي
قال الله تعالى (وَلَا تَزِرُ وَازِرَةٌ وِزْرَ أُخْرَى )
ولكن بالنهايه هذا ما حدث في قصتي الخياليه وليست واقعيه او حقيقيه
لاني في حقيقتي مسلمة لا أؤمن بذلك مطلقااا
ولذالك جرى التنوية لي ولكم جميعااا
كما اني لا اؤمن بقصص هاري بوتر و تواي لايت ك المستذئبون ومصاصي الدماء
ولكن اشاهدها للمتعه بما انها خيال
...
وفي أي قصه خياليه
يمكن لشخص ان يطير
ويمكن لـ حيوان ما ان تتكلم
ويمكن لشخص ان يكون قادر على الاختفاء والتخفي
ويمكن لروح تسكن جسد شخص اخر
وضحت هذا الأمر لكم لسبب واحد
بإني شاهدت بعض الردود التي لم تفهم ذلك
لو ان روايتي فلم أو مسلسل ثلاثي الابعاد لفهمتم ذلك مباشره
ولكنها رواية تهتم بأدق التفاصيل الصغيره
الغير مرئيه بل تحتاج إلا القليل من الخيال
ذكرت ذلك في لحظه وفاة توني حين توقف قلبه ثم عاد وكأن الله بعث به الحياه من جديد
وذكرت بأن خالد حين افاق يشاهد ذكريات توني وكانها فلم او شيء لا يخصه
كل ما كان يهتم به هو معرفه كيف وصل الا هنا
لم يدرك انه يعرف الانجليزية مازال خالد القديم لم يجررب حتى ذلك
ما يشاهده سوى ذكريات اخرى لتوني بما انه يملك جسده وعقله ولكنه لا يشعر بانها تخصه
كل ما يعلمه بأنه خالد ولد سالم وعايشه ووالخ

ذكرت بأن خالد شعر بالجنون و ارتعب
كان فاقد للهوية ولا يعلم ماذا يفعل ؟
حديث ياسر و ابوه هو اللذي اثار انتباهه وكانه وجد الخلاص
هو لم يشاهد نفسه بعد
حتى انه استغرب من ياسر و تعليقاته الساخره
ولكن بعد ان شاهد نفسه بدت بداخله
المعركه الاولى
وشعر بالجنون
ثم تتذكرون ماذا حدث بعدهااا في الحديقه حين شاهد مقاطع الفديوا
وزاد جنونه اكثررر
زار الاطباء النفسسين وقالوا له بانه مستحيل
وعللوا له ذلك
بان هناك شخص لا يتذكره بعد الحادث
عاش معه طويلا
بحيث انه حكى له الالف القصص عنه
وانه بعد الحادث وفقده لذاكره ربط هذا الشخص بالمتبرع له وظن انه هوو
تفسيرا منطقي
حاولوا اقناعه به و حاول الاقتناع
ولكن هذا الشيء ليس بيده مطلقااااا
مع الوقت كان يشعر بأن توني هذا بداخله مات وخالد لازال موجود
رغم وفاة خالد بالقصه
و حياة توني
إلا ان ماحدث هو العكس
وتذكرون حين اخبرتكم بانه يعلم عن الاشياء التي يملكها توني
و الهدايا و لكن دائما كانه يجرب الشعور لاول مره
وفعلا هو هذا مايحدث
لانه خالد
حتى ان خالد يكره النظر الى المراءه وكانه يشاهد
وجه شخص اخررر لذلك قام بتغيريه وبدأ حياه جديده
خالد عاد كما كان يعيش
يريد مشاهده العرب
يبحث عن مهااا بعد مشاهدته لـ الضرب ع وجهها
وسماع حديث زوجها و ولده في المشفى
خالد
وجد كل ما فقد
من يحب
وعائله
والمال
والحريه
والحياه
والصحه
حتى خيارات صناعته لحياته ومستقبله
وهذا هو هدفي من هذه القصه اللذي اسعى اليه
ولكن ؟
بعد ان وجد خالد كل ما جزع بعدم وجوده وفقده لدرجه انه
تخلى عن حياته
في لحظة ضعف
وجزع من رحمة الله
هل سيتغير شيء ؟
كلنا نبحث عن شيء من هذه الامور ..
ونجهل شيء واحد
ساخبركم به في نهاية قصتي
اتمنى انكم قد فهمتم علي
اعتذر من الجميع على سوء فهم البعض
من البدايه كتبت هذه القصه
ووضحت كل هذه الامور
من يعشقوا القصص البلوسيه ويهتمون للتفاصيل الصغيره مثلي
اعتقد ان هؤلاء
فهموا ذلك منذ البدايه
هذا واتمنى لكم ان تستمتعوا وشكرا

.....

27 - 4 - 2022, 12:56 AM

��
��
��
��
�� 15 ..

��
�� روايـــــــــــــة âœچ��
{ رواية : مُتبرعْ .��.
للكاتبة كَـيْوٍتَـوْ ..، âœچ��
(حينْ يسكنَ قلبكّ جسدْ شخصَ أخرّ )... }

��
قالوا لي معزوم ع كبسة ؟
يا انااااااااا مشتاق للكبسه ..
طلع وهو مبتسم
اخيرا روحه رجعت له شوي
وهو راكب السياره وبيحرك
قطع عليه صوت مسج
ثواني وطلعت قدامع صورة مهاا جالسه على كرسي
بلمح البصر
غير غبار السياره
وصل عند بناية سكنية
نزل من السياره
واحد واقف يراقب من بعيد
يوم شافه جاي له قرب منه
خالد يحب هالولد صدق فقير و ع قد حاله لكن
فيه عزة وكرامه كأنه عربي
تقريبا يعرف توني من الطفولة
واحد ينوثق فيه مره
سلم عليه خالد ب ابتسامه قاله : مرحبا جيرمي ؟
جيرمي : مرحبا ..
واشر ع البنايه السككنية
هنا

كنت اراقب بالقرب من السفاره السعوديه
وشاهدتها تدخل اليها تبعتها الى هذا المكان
كانت خائفه جدا
وكانها اول مره بحياتها كلها
تخرج لوحدها
....
اعتقد انها مختبأه هنا منذ مده
خالد عوره قلبها عليها وهو متاكد انها
اول مره شكلها تطالع لحالها يفكر : شكرا لك ولكن !
لم تعلم لماذا ذهبت الى هناك
جيرمي يتذكر كيف تبهذل عشان يعرف
: ذهبت للبحث في امور طلاق لها و عودتها الى بلدها و مشاكل بينها هي
و زوجها
خالد : شكرا لك جيرمي انت الوحيد اللذي بحثت بجد
جيرمي ب ابتسامه : هههههه حقا كنت محتاج للمبلغ اللذي ذكرته لي اريد ان افتتح
مشروع مع صديق لي
خالد وهو يحاسبه ويحرك له حاجبه يعني فلهاا : دائما توني بخدمتك ..
جيرمي وهو يدخل الفلوس بجيبه : اتعلم امرا ي توني ؟
لقد اصبحت مختلفا بعد تلك العملية ..
خالد مبتسم : لم يتغيرالكثير صحيح
جيرمي ب ابتسامه : بل كل شيء
راح و خالد
رفع عينه يطالع في البنايه
قال بصوت مسموع
هنا مها
ابتسم بفرح
خوف قلق ونبضه يزيد وهو وجالس ع كرسي
من مقاعد عامه على
حد الشارع تابعه لحديقه صغيره للحي
مقابله للبنايه
وش اقول ؟
اذا قالت لي مين انت ؟
وش اقول اذا قالت طيب وش تبغى ؟
وش اقول ؟
انا الي رحت السجن عشانك و رفضتيني عشاني مسجون
وافقتي ع مليونير ؟
بس هالمسجنون
قلبه يعوره كل ما يتذكر الضربات الي ماليه وجهك وجسمك
فادتك فلوسه بشيء يامها ؟
ليه بعتي نفسك ب الرخيص ليه لييييييييييه
ليه ياتبن تخليني اقلق عليك
مرت ساعه
ثنتين
ثلاث
قرب المغرب
وهو جالس

عمر صاحي من النوم مكسرررر
يطالع مع الشباك مايدري متى الوقت
ليل نهار
نام وكانه في غيبوبة
طالع ب الساعه الي ع الجدار سته
الجو لاهو فجر او مغرب ماهو مثبت
نسى كل شيء وهو
يطالع في بنت ماره لابسه فستان قصير مره
ههههههه هذا هو مفتح بنص عين للحين
عقد حاجبه وطالع بالي جالس ؟
ركز اكثر
وقام يصرخ وفز لهم : ياعييييييييييييييال الحقواا
ياحميررررررر اصحوا
صراخ +ترفيس
.........
الكل مجتمع ع الشباك كل واحد يرفس الثاني

: هو ؟
: أي والله هو
لابالله هو ؟
عمرر ب انتصار : قلت لكمممم قلت ولا لا ؟؟؟
تركي و حسن يطالعون فيه ماتوقعوا يجي منه
حسن بحيره : نقول لياسر ؟
ولا ننزل نكلمه ولا ايش ؟
تركي يدوور ويفكر
ويدور رايح جاي رايح جاي
حسن مسك عمر وقاله بهمس اشششش
قام يدور ( و طق ابتسامه غبيه ع وجهه )
عمر معقد حاجبه وده يكفخه : طيب ؟
حسن بحماس : اذا دار تركي وهو يفكر يطلع بحلين
يا واحد يودينااا ورى الشمس
يا واحد لو سمعة شارلوك هولمز ربط عمره بسكة قطارر
الا انسدح متكي يستنى القطاررر يمسحه
عمر : اجل الله يستر

��
��
��
��
��

27 - 4 - 2022, 12:56 AM

��
��
��
��
�� 16 ..

��
�� روايـــــــــــــة âœچ��
{ رواية : مُتبرعْ .��.
للكاتبة كَـيْوٍتَـوْ ..، âœچ��
(حينْ يسكنَ قلبكّ جسدْ شخصَ أخرّ )... }

�� كلها شويات

نزلت بنت من البناية و لفت من ورى وجات كانها
من الحديقه جلست ع نفس الكرسي الي جالس فيه خالد
البنت بالانقلش: مرحبا
خالد الي النوم وصل حده معاه ومكسررر وعينه
ماتفارق البوابة : مرحبا

الشباب يطالعون مع الشباك
تركي : حلو حلو كلميه كلمــية
عمر بصراخ : كلمته
ويطق يده بيد تركي
حسن مستغرب : الا ليه اخترت داليا ؟
تركي بحماس يقول لهم وهو يستعرض :
عشان صفات كثيره
الاول جننوووا اهلي الانقليز ب لبانيز لبانيز قيرلز لبانيز
كله من نانسي خخخخ
يعني راح تعجبه ويخق معاها واذا خق ؟
يسهل المهمه الثانيه الي هي التسحيب
هالبنت في جلسه حده خلتني اكب عشاي كله
لدرجه شكيت انها محقق ؟
ي شيخ لو كونان مسحب مني ما خريت لها الي قلته لها
عمر بضحكه : هذا عشانك خروف و كمخه
حسن بحماس : عشاكم على حسابي اذا طلع الي تحت كمخه زي تركي
تركي معصب يظبط نفسه : بيطلع بيطلع هالدالية ماهي هينه

تعدى من قدامهم عصفور صغيررر ملون فيه خط ازرق بالنص
يبغى ياكل من خبزه مرمية
خالد ابتسم وهو يشوفه قال بهدوء صوت واطي: اششش لا تتحركين
داليا متحمسه زيه له : اوكي
قرب العصفور من الخبزه وصار ينقر فيهاااا نزل عصفور ثاني اكبررر منه
من نفس شكله
وقرب منه الاول اخذ قطعه وقرب لثاني و أكلها اياه
كانت الابتسامه بعيون الثنين شوي وتوصل الاذن
منظر مرره حلو لهذا العصفور
طاروا الاثنين
خالد بحماس : يالله شيء حلو حتى العصافير تحنْ شفتي كيف أكل امه
باين عليها المرض وهو ساعدهااا
داليا خرب ام رومنسيتها وخيالاتها : امه ؟؟؟
هيدي مش امووو لاء , هيدي حبيبتوا اكيد ,
خالد بعصبيه : لا ياشيخه ؟ ... هي اكبر منه بالحجم اكيد امه
داليا معصبه اكثر : هالنوع دايم بتكون الأنسى (الانثى) حجمى ـآ اكبر ..
خالد توه يستوعب ( انسى ؟ ) انا من اول اتكلم مع هذي
.. وطالع فيها مستغرب ؟!
داليا استغربت مثله خخخخ نست ام التسحيب وانها جايه تسحب
منه وتحمست مع الموقف الي قبل
بس نظر فيهااا البنت فتحت فمهاااا
خالد مستغرب تتنيحتها ؟؟ عقد ب حاجبه
داليا صحت ع نفسها : اااا ااااااااا
معآك داليا
( ومدت يدها بكل ثقه ههههه )
خالد كان بيسحب عليها بس كسرت خاطره
سلم عليها : خالد
داليا عقد حاجبها يوم قال خالد .. مستغربه ؟
: كيـٍف خالد .. مش راكبة معي صراحه
خالد ب ابتسامه : عاد جات كذا .. اسم الحقيقي توني ..
داليا : اهاااا .. وانتا حاب يعني تحكي سعودي ...
خالد مافيه يشرح لها شيء طفش يفسر
ويتكلم يكرهه يتكلم بهذا الموضوع قرف خلاص : تقدرين تقولين
خالد فكر يمكن تعرف احد في البنايه واضح ان هنا كثير عرب
قال تساعده : الا ممكن اسئلك ؟
داليا انبسطته حست انها بداية تسحيب لها ما درت انها العكس خخخ
: أي اكيد أتفضل ..
خالد اشر ع البنايه : تعرفين احد في هالبنايه ؟
داليا ب ابتسامه : أي بعرف
خالد فرح : حلو , تعرفين سعوديين ؟
داليا ترد بكلمتين بس عشان يفصل هو اكثر : أي كتيرر
خالد بفرح : تعرفين مها عايد ؟
داليا انصدمت من السؤال المباشر , هي تظن انه من طرف
ابو ياسر و انه اكيد مراح يقول سبب وجوده هناااا
لكن هذا اضح ؟ شكت انه مو من طرفه ..
قالت ب تردد : أي بعرفهااا
(في نفسها قالت : مو بس بعرفاااا لك هيااا ساكنه معي ب شقة وحده )
خالد فرحان : ممكن توصليني لها ابغى اكلمها ظروري
داليا بخوف : مابقدر شو بيعرفني انك مو من طرفوا لـ ابو ياسر
خالد منقهر من غبائها : لو كنت من طرفه ؟ سالتك انتظرت الين تطلع
وجريتها جر ! مو اسال و اخليها تدري
داليا تطمنت انه مو من طرفه وزاد فضولها تعرف ليه جاااي : اهااا اوك
بحاكيهااا ... وارد لك خبر هياا بتعرفك !!
خالد متوتر : لا ماتعرفني بس انا اعرفهاا انتي بس خليني اكلمهااا
اكيد راح تخاف وماتكلمني بما اني غريب بس قولي لها من طرف ولد خالتك خالد
وردي لي راح استناك هنااا روحي لهااا الحين الموضوع مستعجل
خالد كان خايف ان ابو ياسر يوصلها قبله
داليا : ماتعتل هم
خالد بفضول : هي ساكنه عند مين وكيف جات هنااا
داليا بحماس : خالوا لياسر ساكن هوون
جابوها هون منشان مايعرف او مابيفكر انا ممكن تكون هون
خالد بفضول وقهررر وهو يتذكر ياسررر : ومين هذا خال ياسر ؟
داليا بحماس : حسن ومعوا شابين تركي و عمر
خالد حس اسمائهم ماهي غريبه
( عمر الي مار قريب منهم لانها تاخرت تكلمه ارسلوه يجس نبض
شوي ويدوووخ
بدال ماهي تسحب هو صار يسحب منهاااا
طلع يقولهم وهو معصب وهي ولا دررت عنه
وحتى خالد منسجم معاها ولا حس فيه )

��
��
��
��
��

27 - 4 - 2022, 12:57 AM

��
��
��
��
�� 17 ..

��
�� روايـــــــــــــة âœچ��
{ رواية : مُتبرعْ .��.
للكاتبة كَـيْوٍتَـوْ ..، âœچ��
(حينْ يسكنَ قلبكّ جسدْ شخصَ أخرّ )... }

�� داليا وهي واقفه : بدي روح حاكيها و برجع لك
خالد فرحان : الف الف شكر يا دينااا
داليا كانت مبتسمه ع تشكراته الين قال دينا تكرمش وجهها : داليا مش دينااا
خالد ب ابتسامه وكل الي في راسه ان مها توافق تقابله ولا
بيخربها ويكلمها غصب : اوك شكرا داليا
داليا ب اب ابتسامه : عفوا كلك ذوق
راحت لـ مها والابتسامه شاقه وجههااا
واقفين لها ع الدرج الثلاثه
تركي معصب عليها خخخ ومحطم: اقول امسحي الابتسامه الغبيه ذي فشلتيني
عمر يقلد حركاتها وابتسامتها ولعبها بشعرها وهي تكلم خالد
امااا حسن قالها بجديه : وش صار ؟
داليا بكل حنيه : حرام عليكم ظلمتوا لـ الشب مش راسلوا ابو ياسر
وشكلوا بيعرفااا منيح ظل يوصي احاكيها منشان تحكي معوا بيقول انوا
من طرف ابن خالتهااا وانوا يعرفااا لـ مها
الكل مستغرب تركي : شباب تذكرون يوم قال انه عاش ب السعوديه
حسن : ايه اجل يمكن صادق ؟
عمر بجديه : اجل مالنا شغل دام الدعوه من طرف اهلهااا
داليا عينها كلها اعجاب : اهاااا منشان هيك يحكي سعودي كتير منيح
انا بدي روح حاكي مها ... الشب ينتزر تحت حرام
وراحت بسرعه
عمر يضحك : هههههههههه البنت خقت عليه
لو عيونها تطلع قلوب كان طلعت
حسن : ههههههه هذي الي نبيها تخرفنه
مثل صاحبنا هي تخرفنت ههههه
تركي معصب : انحرقوا انتم وهي و هو انا الزفت الي معطيكم
وجه لو مكمل نومتي ابرك
وطلع معصب
عمر يرمش بعيونه وضام يدينه يقلد داليا ويقول
بصوت ناعم : حرام عليكم زلمتوا لشب
انا كتيرررررر حبيتوا عيونوا بتجنن بتاخد العئل
يا لهوي ياخراشي بحبوا بحبواااا
حسن يضحك : ههههههههه بس لا تتحمس
وتقوم تبوسني الحين ... بعدين ي لهوي ماهي لهم يالنصاب
عمر : مافيه نصاب وانت عايش بس كل تبن و امش نطلع نغير جو
حسن : ونجر الزفت بسرعه نلحق عليه قبل ينام
وطلعواااا لشقتهم

مهاااا جالسه على كنب بحضنهااا طفل صغير نايم
تقلب بالقنوات وقلقانـه
حياتها كلها رعب بس تنتظر
يجي ايمن و يجرها بشعرها للبيت
الي سوته مو صاحي بس افضل حل لهااا
ب تدبير من ياسررر
الي لو درى ابوه نحره
مسوي انه ما يدري وين راحت
وهو مخليها امانه عند خاله حسن
الي ما يدري ايمن انه هنااااااا
وحسن طلب من داليا تخليها معاها فتره الين يدبرون لها مكان
....

قبل بعد ما تزوجته واخذها على جده
ما كان يضربها كان يعاملها كانها ملكه
من سافروا هناااا بسبب اعمال له وشراكه له مع شركه سويديه مقرها لندن
وعقد هالشراكه سنتين ومحتاجه تواجده بشكل دائم قرر يبقى
ويرجع اذا خلصت المده
صدمه كثيررررررررر
حمل مها منه
حملت وطلب منها تسقط ورفضت
ترك الفندق وصار قليل يمر يتطمن عليها هي وياسر
الي اصر يجي معاهم
تعب الين حولوا اوراق دراسته هنااا
ويدرس ب مدرسه تابعه لسفاره السعوديه
ب واسطات وحوسه بس هينه له
دام معاك فلوس ينحل لك
مو الصعب لا المستحيل
خصوصا انه اخر سنه ثانوي
ف كان الموضوع حوسه
نرجع لمها الي ولدت
وجابت ولد وقررت تسميه خالد ؟
وافق بكل هدوء بعدهااا
جن جنونه صار كل مايسكر ويشرب
يجي بس عشان يضربهااا
يضربها بجنون
يرفسها بدون رحمه
يشد شعرهااااا
يغرس اضافيره بجسمهااا
تغيرررررررررررررررررررررر
كرهها كرهه العمى
و صار شخص ثاني
بعد ماكان مدلعها اخر دلع خلى حياتها جحيييييم
قطع عليها ذكرياتها وتفكيرهااا صوت باب الشقه ينفتح
دخلت داليا تنادي عليها بصوت عالي : مهاااا مهااااااااا
مها خافت بصوت عالي قالت : في الصــالة
( النونو الي بحضنها خاف من الصراخ
مها تضمه بسم الله بسم الله يمه )
داليا جايتها بسرعه : مهاا في شب برا بدوا يحكي معك
حكا لي انوا من طرف ابن خالتك
مها تحاول تستوعب سكتت شوي
كانت مستغربه عمر ما احد سال عنها ثانيا ماعندها ولد
خاله الا خالد الله يرحمه غيرها ماتعرف واستغربت اكثر
شلون وصل لها ؟ وليه : هاه
داليا معصبه عشانه منطق ساعه برا ما درت انه
من الصباح تحت : الشب مسكين
ألوا ساعه ينتزرك بسرعه البسي حجابك وانزلي حاكيه ولا خبروا يطلع هووننيه؟
مهااا مستغربه وبراسها الف سؤال صار عندها فضول تعرف مين وليه
: لا انا بنزل له انتبهي لخالد
وقفت تمد لها خالد
داليا فرحانه انها ساعدته : اوك لك بعيوني هالامورر
.... بس ماتنسي تاخدي رقموا لو مو منشانك منشاني
اوكـــي ... حابه شوفوا
مها هي تلبس حجابها و العبايه
عبايه ع الكتف لونها بني تشبة شكل الجاكت الطويل
و حجاب لونه سكري عشان ماتكون مره ملفته للانتباه
عشان المضايقات وكذا
وهي تربط الحجاب مبتسمه ع سالفة الرقم
هالداليا ما تتوب ههه

��
��
��
��
��

27 - 4 - 2022, 12:58 AM

��
��
��
��
�� 18 ..

��
�� روايـــــــــــــة âœچ��
{ رواية : مُتبرعْ .��.
للكاتبة كَـيْوٍتَـوْ ..، âœچ��
(حينْ يسكنَ قلبكّ جسدْ شخصَ أخرّ )... }

�� كنت نازله اقابل شخص غريب
بس ماخفت
هذا الشيء الي استغربته
انزل الدرج بكل هدوء
بالعكس متشوقه اعرف هذا الشخص
الي من طرف ولد خالتي

كان تعبان مكسرررر
رفع عينه ع ظل احد واقف
وقف بهدوء
مو مصدق
نظر فيهاااا
ونظرر اكثرررر
كان الساعات توقفت مايدري كم نظر
وكأنه يملي عينه
وكانه كان عطشان لشوفتهاااااااااا
حول يخجل ينزل عينه
مو مصدق
هي
هي ايه هي
الي بذكرياته والي بخياله
هي الانثى الي رسمها من كان طفل و سكر هالباب
هي ( حلمه )
صحى فيه كل شيء وتجدد فيه كل جرح
وصرخ فيه كل يوم اشتاق لهااا فيه
وحرقه كل يوم تذكر فيه جرحها له
تذكر يوم رمته وتغيرت ملامح وجهه
اما مهااااا
مخها عورها متاكده انها شافته من قبل
متذكره ان هالنظره ماهي غريبه عليهاااا
نظرته لهااااا كش منها كل جسمها
وتذكرت على طول انه هو الي بالمستشفى
حيرها هالموضوع اكثررر
ونظرت فيه تستنى انه يتكلم
خالد احتاس مايدري من وين يبدأ وش يقول
ضييييييييييييع كل شيء
وش اقولك مهااا اشتقت لك ...؟
قال بعصبيه وهو يتذكر: الحين عشان تندسين من ايمن ؟
تسكنين مع ثلاث عزاب ؟؟؟؟؟؟
مها استغربت وش دخل امه ذا قالت معصبه : هيه هيه
أي عزاب انا ساكنه مع داليا
خالد بقهر : ولوووو .....
مهااا مستغربه : اول قولي السلام عليكم انا فلان جاي
عشان كذا فهمني انت مين مو تجي تحاسبني ؟ من انت
عشان تحاسبني .. ترى بطلع واتركك اذا ماعندك شيء
مهم ( قالت بخوف ) ماتعودت اكلم اغراب ..
خالد صحى على نفسه وانحرج هو ينظر لها بنظرة خالد انااا
ولد خالتك ما احتاج تعريف .. لهدرجه صرت غريب ؟ فكر
يقولها الكذبه الي رتبها من الصباح وهو جالس هنااا

: اااااا ااااا
اوك اعتذر منك
انا توني لوثر صديق خالد
خالد سوى لي معروف ما انساه بحياتي
كنت اتمنى ارجعه له الين جا اليوم
قالي مره وهو يزورني بالسجن لاني كنت معاه بزنزانه وحده قبل يطلع
بانه مريض بفشل كلوي واذا ما غسل كليه او زرع راح يموت في سنه ,
سال عنك قالوا انك سافرتي لـ لندن و عشاني بريطاني وراح اطلع
من السجن قريب قالي انتبهه لها و تطمن عليهااا
بين فتره وفتره كان حاس انه راح يموت
( مها غرقت عينها ورجف كل جسمهااا )
بس اناااا
شفتك بالمستشفى وسمعت بدون قصد كلام ( وقال بقهر ) زوجك
و ولده عن ضربك وانقهرت ما كنت ادري انه انتي بسسس قريت
اسمك على الغرفه وحسيت انه موغريب وتذكرت
مها عايد .. الي امني عليه خالد الله يرحمه
مها بحزن و دموعها تنزل وتمسحها ( الله يرحمه )
خالد ارتبك من دموعهااا بس مسك نفسه الا يكمل
....
وو سالت عنك بعدها قالوا طلعت بحثت عنك بكل مكان
وخفت عليك منه قلت لواحد بالسفاره اذا شفتها خبرني
توقعت انك راح تروحين هناك
خبرني قلت له الحقها وهو لحقك الين هناااا
مها تستوعب حست بشعور غريب خالد حتى وهو
ميت خايف عليها و يوصي ؟؟
رجف جسمهااا
واستصغرت نفسها كثيرررر قدامه
قالت بصوت مكسورر : ك كان فيه فشل كلوي ؟ ع عشان كذا مات
ما مات عشانه يفحط صح ؟
صح فحط بس كان تعبان
ما انتحر صح ؟
(كانت تقول صح شوي وتبكي )
خالد انصدم من تفكيرهااااا قال بتردد وهو يهز راسه : صح
مها معقده حاجبها : بس وش سبب جيتك هنا ؟
خالد بكل برائه : عشان تروحين معي ...

��
��
��
��
��

27 - 4 - 2022, 12:58 AM

��
��
��
��
�� 19 ..

��
�� روايـــــــــــــة âœچ��
{ رواية : مُتبرعْ .��.
للكاتبة كَـيْوٍتَـوْ ..، âœچ��
(حينْ يسكنَ قلبكّ جسدْ شخصَ أخرّ )... }

��

مؤخرا , ارتعب كثيرااا ..

اشعر اني لاشيء

لا اعلم من اكون
متمسك بـ قلب ينبض بداخلي
يتحكم بي يتملكني
اصبحت لا واعي
اساير الحياه فقط ..
واعيش كما ينبغى ان اعيش
هي فقط هكذا
حياه تمضي وامضي معاهااا
كـ شخص وجد نفسه بداخل سفينه
عطل محرك سفينته
وترك الرياح تذهب به اين ما تشاء

( حقا امرَ غريبَ , أنْ تعيشَ تحملَ الذكرياتَ ..

يبدوا ان فاقَد الذاكرهَ مرتاحْ البالَ .. ليس لديهَ انتماءَ

ليسَ لديه تلكَ الرغبهْ بتذوق شيءَ مضىَ زمنْ علىَ تذوقهَ
تحنَ الى شعورَ ... سكنَ بداخلك زمنْ .. اشخاصَ اماكنَ
وصوت ضحكات بداخلك تعلىَ , حكاياَ وقصصَ للكثيرْ من الاشخاصَ
.. اختفوا فجأه عن وجودكَ وبقيت تحمل صورهم في مخيلتكَ اينما ذهبتَ
لستَ اناَ ذلك العاشقَ الولهانْ المتيم بهاَ ولكنيَ ... حتىَ وان انكرت ذلكَ احبهااَ
هي فقطَ من بينهم جميعاَ تبدوا مؤلوفه ليَ هي فقط التي تذكرنيَ بهويتيَ
هي فقط التي تحمل دماء خالدَ .. هيَ فقطْ ( اخر جزء من ماضييّ)

مها معقده حاجبها : بس وش سبب جيتك هنا ؟

خالد بكل برائه : عشان تروحين معي

مها كانت كثير مستغربه من هالشخص
كل شيء فيه غريب
اجنبي ونظراته غريبه ويتكلم كأنه شخص يعرفها من سنين ويحاسبها!؟
غير كذا لهجته كأنه سعودي ...
لا وفوق ذا يبغاها تروح معاه بكل بساطه هههههه ..
مره مصدق نفسه ذا
(ابتسمت ع جنب بكل سخريه )
مها بكل جديه : شوف اخوي , شكرا على الي سويته وانك دورت علي كل هالفتره
بس انا ماني بزره واعرف اهتم بنفسي وما احتاج لرعايتك
اذا كان بس هذا الي متعب نفسك كل الأيام الفاتت ؟
فأنا اطمنك على نفسك انا بخير وان شاء الله انك رديت جميلك
واذا احتجتك راح اكلمك
(وجات بتلف تروح )
خالد احتاس ما يدري وش يقول لها : طــ طيب يعني انتي هنا بخير !!
مها : ان شاء الله , اكيد
خالد حس بالف حاجززززز وكانها اغرب خلق الله له ومايدري وش يسوي قال بيأس
: طيب خذي رقمي .. وااذا احتجتيني تتصلين طيب ؟!
مها برسميه وجديه : ان شاء الله ...
وقربعت في شنطتها وطلعت جوالها
مدته له عشان يسجل الرقم
خالد يوم اخذ الجوال شدته الخلفيه صورة طفل صغير
ابتسم وهو يشوفهااا توقع ولد من الي ساكنين هنا او شيء
بس قالت مها بصدمه : هذا ولدي خالد
خالد صحى من الصدمه ونظر فيهاااااا
مها تكمل وهي مبتسمه وعيونها كلها حزن على اسم صاحبك خالد
خالد انصدم ... ولد؟ واسمه علي ! مهاااا جابت ولد ؟
من مين من ايمن ؟؟؟
قال وهو مضيع : ااااا اااا الله يخليه لك
سجل رقمه و راح بدون يقول أي كلمة وهي
ما استغربت مشت وطلعت لفوق
كانت فرحانه
ان خالد مهتم فيهااا وموصي عليهاااا
فرحت لحظه , و بعدهاااا !!!
تكهرب جوهآآآآآ
الي من وانا طفله كان يحميني راح
ربي يرحمك ياخالد
تذكرت وهو يمسك بيدها وهم رايحين المدرسه
تذكرت وهو يقولها انا ابوك ..
يوم شافها تبكي لان ابوها راح عنهم
تذكرت
كسرت سنه يوم ضربوها عيال اكبر منه وجا دافع عنها وتصفق
وانكسر سنه وكانت تضحك وتقوله لا تبتسم ويبتسم لها تنكيد عشان تضحك
و تضحك على شكله المرعب
صدى ضحكهم في راسهااا مزعج
طلعت فوق
ودخلت ع طول على غرفتهاااا
فتحت شنطة سفر لها وطلعت علبه
فتحتها فيها دبلتين اشترتهااا امها لهم لانه كان في السجن
ما سوووـآ شبكه زي الناس
كانت تطالع فيها وتبكي
هي حلفت تقفل هالموضوع وتنسى
بس ما توقعت انه يفكر فيهاااا
حتى بعد ماجرحت ورمته و اخذت غيره
في اخر ايامه يوصي عليهاا
سمعت صوت ولدها يبكي
صحى من صوتهاا
راحت له تضمه
وتحركه شوي شوي
عشان يسكت
هااا يمه هااا
ها يمه خالد هااا
وتشهق تبكي
هاااا يمه لااااا
لا قلبوا لاتبكي لا
وتبكي هي
( تقول بصوت ضعيـف )
لاتبكي يمه لا تبكي

جلس بسيارته مصدوم ؟!

زي الصنم مايتحرك

كأنه استوعب توووه بس توه
انها تزوجت
صورة الطفل صحته
انقهرررررر
انقهرر من نفسه قد ايش هو طيب لا ورايح لهاااا
ومن الصباح ينتظررر
عصصصب من نفسسه بقهرر
شغل السياره وراح ع البيت
وصل فتح الباب
طيران ع السرير
رمى بنفسه
وهو الله يكرمك حتى بالجزمه
كان يدخل وجهه في الفراشش اكثر واكثرررر
مخنوق وده ينخنق اكثررر
نام بدون مايحسسس

��
��
��
��
��

27 - 4 - 2022, 12:59 AM

��
��
��
��
�� 20 ..

��
�� روايـــــــــــــة âœچ��
{ رواية : مُتبرعْ .��.
للكاتبة كَـيْوٍتَـوْ ..، âœچ��
(حينْ يسكنَ قلبكّ جسدْ شخصَ أخرّ )... }

�� ...
صحت على صوت ازعاج
راسها كان مصدع خلقه
صوت جوالها عااااااااااااااااالي واحد يقربع فيه
فتحت عينهااا
ولا داليا كااااااااااشخه
و تلعب بجوالهااا
مها مكسرره : وش تسوووين
داليا ببلاهه : يعني شو باخد رقموا , بيئولوا انوا بيدرس بالجامعتنا من غبائي عمري ماشفتوا
.. بدي شوفوا اشتئت شوفوا
مها تغمض عينها بقوه : ماتتوبين انتي ؟ ... خذي الرقم بس برا ازعجتي خلودي
داليا وهي تنقل الرقم مستعجله : ولي ع خلودي هلا انا بزعجوا ولا شخيررر امووو ,
مها فتحت عينهاا معصبه : انا ياكلبه اشاخر ؟؟؟
داليا ترمي عليها الجوال وطلعت مسرعه .. خايفه من مها وتضحك
مها مافيهااا لها غمضت عينهاا وحضنت خلودي وقربته منهااا
تحسها انهااا تملك الدنياااا وهي نايمه براحه بدون قلق و طفلها بين يديهااا

صوت رنين جواله
مززززززززززعج
صحاه من غيبوبةةةةة
فتح عنينه بصعوبةة يستوعب
هو وين وش صارررر
مد يده للجوال شاف رقم غريب
تذكر مهاااا
عقد حاجبه امس ماهي طايقته و لا تبغى تكلمه والحين متصله ؟؟؟
رد فرحان بلهفه : الو ؟
دالياااا مبسوطه : اهليـــن شووو صباح الخير ياكسلان
( خالد معقد حاجبه من هذي الي قاطه وجهها
ويتذكررر هالصوت واللهجه ....
مو غريبه تذكرهااا ) : اهلين دنيااا
داليا ابتسامتها الي شاقه وجهها تكسرت في لحظه : داليااا , شو صوتك
كلوا نوم منك جاي الجامعه ؟
خالد يتذكر جامعه !!!!!!!!
أيــــــــــــــه جامعه ويطالع بالساعه متأخرررر
: اااااا مع السلامه
سكر الخط ..
داليا الي بتقول مع السلامه
الا طوط طوط طوط
: اف سكر الخط , بس جاي ع الجامعه ح استناه عند البوابه
..

داخل مع الباب ولا بنت من بعيد تنادي عليه بصوت عالي
: هون هون خالد
خالد يطالع فيها وهي تاشر بيدها ع زاوية فيها طاولة
وجالسه فيها داليا
( ضحك ) هالبنت ماهي صاحيه مسوية اعرفها من سنين
راح لها مبتسم : مرحبا
داليا ب ابتسامه شاقه وجهها فرحانه انها شافته
اهلين
ومدت عليه موكا
خالد مبتسم :لا لا كذا راح تدلعيني!
داليا : ادلع ، وين المشكلة ؟ اي شو اخبارك اليوم ؟
خالد متنكد : ماشي حالي
قال خالد بقهر
اكيد بدت المحاضره من نص ساعه تاخرت عليها
داليا تطالع ب الساعه : مع مين دكتوره ولا دكتور
خالد : دكتوره
داليا : امممم روح ابتسم لدكتوره بس بتشوف وشك ح توافق ع طول انك تدخل
خالد جازت له الفكره : تتوقعين! ؟
داليا تسحبه بيده : وينا المحاضره ؟
خالد يطالع بيدها الي ماسكه يده يعني شيليها
داليا منحرجه شالتها بسرعه
داليا تتكلم وهم ماشين ع المحاضره
: بعتذر توقعت ايزي عندك بما انك مسيحي وانا كمان عادي عندك ماتوقعتك متل
السعوديين حتى ب تصرفاتك ؟
خالد معقد حاجبه وبعصبيه قال
: انا ماني مسيحي
داليا وهي تطالع ب الوشم الصغير الي في اخر رقبته من ورى ع
شكل صليب صغير قالت بصوت هادي وكانها تكلم نفسها : غريبه ؟
وصلوا لباب القاعه
ودخل خالد وهو متاكد انه راح ينكرش ابتسم لدكتوره ع تعليمات
داليا ابتسمت له الدكتوره واشرت له يدخل
خالد ماشي وهو مستغرب بس ابتسم ع داليا الي
تطالع فيه مع الباب و تاشر له بيدها اوك
خمس دقايق و خلصت المحاضره
طلع خالد لقى داليا تستناه راح لها يضحك : عفريته انتي وش عرفك. ،
الا قطع عليهم تركي جاي من بعيد :
داليا ماعندك وقت هههههههه
اول مره اشوف بنت تشبك ،!!
خالد معصب وتعاطف معاههاا
: هيه هيه وش تشبك عشان كلمتني وجابت لي كوفي صارت تشبك ،؟
تركي بضحكه : اجل جابت لك كوفي ، لا تطورات
ونظر في دالياااااا :
امممممم الاسبوع الي فات جبتي لـ رامي كوفي
لا .. صح اجل حبك له كان مغشوش ؟
داليا تنظر فيه معصبه يعني انطم قالت تدبر
الموضوع : ااا ههه هههه ااا يا الله عليك يا تركي شو مهضوم وينوا عمر
وقالت بعصبيه وهي تشد على اسنانهاا مقربه منه : عمر بيعرف يخرسّك!!
تركي بعصبيه ونرفزه :ها ها ومحد بيعرف يخرسك غيري !!
عمر وهو يشوفهم من بعيد يتناقرون ..
قال بصوت عالي : اخ فاتتناااا مناقرات المحبه
تركي معصب : محبه في سروالك ؟
حسن يضحك ويطالع في خالد الله يعينك ..
خالد مستغرب منه ع ايش الله يعيني ؟ : ع ايش
حسن يضرب كتفه وهو يطالع في داليا وتركي
وهم يتهاوشون : في ذولا انت الحين الضحيه
خالد طنشه مو فاهم ساكت ومسوي فاهم يهز راسه
وهو مافي مخه غير صورة جوال مهااا
تركي يضيع الموضوع : شباب تدرون انااا جايبين العيد ؟
حسن : افا ليش ؟

��
��
��
��
��

29 - 4 - 2022, 02:07 AM

��
��
��
��
�� 21 ..

��
�� روايـــــــــــــة âœچ��
{ رواية : مُتبرعْ .��.
للكاتبة كَـيْوٍتَـوْ ..، âœچ��
(حينْ يسكنَ قلبكّ جسدْ شخصَ أخرّ )... }

�� ...تركي : توي مار من عند حقين قسم الادب والمسرح
الناس تجهز لـالنشاط و يتدربون ويسوون عروضهم بروفات واحنا
ولا ندري وش نسوي الى الحين ؟!
عمر مرتبك : احنا وش ورطنا هالورطه ؟؟
حسن بعصبيه : درجاتك الي زي وجهك
خالد بحوسه يفكر : وش رايكم نروح نشوفهم يمكن ناخذ فكره !
داليااا : بس ما حدا فيكم يحكي انوا جايين ناخد فكره اعملوا حالكم
ح تعملوا بروفه و حدااا تأخر علينااا ؟
حسن : حلو مشينااا
تركي : بعدين انتي وش دخلك!
داليااا مطنشته الكل مشى وهو واقف : بدك تجي اهلا وسهلا
مابدك اضرب راسك في الحيط
تركي وده يصفقهاا يكرهه فيها هالصفه الي هي انهااا تقط كثيررر
تنرفزه ثقتها بالناس بسرعه وقطتها عليهم وكانها تعرفهم من سنين
ابدا ماعندهااا حواجز وحدود ورسميات عايشه الدنيا وكأن الي بالكون
كله يقربون لها اصحابهااا من جماعتهااا ماتعترف بكلمة
( غريب ) هو عارف انها يوم راح تاكلها ع وجههااا وقاهره هالشيء
تركي مقهور منها: اكيد بـ امشي الحيط راح تحتاجينه بعدين !

وصلوا على مسرح كبيررر
فيه الوان واشكال اضائات وناس بـ ملابس غريبه من كل الأنواع
ناس تمثل ع جزء منه ناس ع جزء تلقي والدنياااا حووووسـة
تعدى من جنبهم واحد لابس زي اماراتي
وهم خاقين الكل يطالع متوهق الناس تعبانه وهم ماهم مسوين شيءءء
قال الي يطالع فيهم مستغرب
: قادمون للبروفه ام للبحث عن شريك !
حسن : للبروفه , فقط ننتظر ... امممم عادل
تركي يضحك باين عليهم مايعرف يكذب والكل لحقه يضحك
ويحاولون يسكتون ..
داليا تضيع الموضوع لان هالطالب يطالع فيهم مستغرب : وانت ؟
: اناا ابحث عن شركاء , احتاج بشده لهذا النشاط ولم
اجد احد من جنسيتي بعد !
عمر بعتبار ان شكله اماراتي : نعم قليل العرب في هذه الجامعه ..
تركي : يمكنك الأنضمام الينااا
محتار ويطالع فيهم بخجل : ولكن ! ,
لماذا انظم اليكم هل انتم من الامارات العربية المتحده ؟
تركي يضحك عليه عشان سطر اسمها بالكامل مستغربين منه
يتكلم انقلش مو اماراتي وكانه اجنبي
بس شكله اماراتي قالوا يمكن فيه ان بالموضوع
تركي مستغرب اكثر : لا نحن من السعوديه ؟ و الامارات بالقرب منااا
جميعنا نشكل الخليج , شيء طبيعي ان تكون فاهم لهذا الامر ؟؟
الاماراتي منحرج : انا حقا لا اعرفهااا , ولا اعلم عن ماذا تتحدثون ..
ومد يده يسلم عليهم : اسمي وليد ..
الكل سلم .. خالد مستغرب منه قال : انا خالد واشر عليهم وقال اسم كل احد
والكل يبتسم له وفوق روسهم علامة تعجب ..
وليد : افهم سبب تعجبكم , انا تعرفت ع القليل من العرب في حياتي
ولا اعرف عنهم الكثير , عرفت لباس بلدي التقليدي وخلافه فقط ..
انا لم ازر الامارات في حياتي والدي انجبني من ام مغربية عاشت
طوال حياتها هناااا ولا تعرف المغرب هي ايضااا , توفي وانا صغيرر ..
وعشت طوال حياتي كـ بريطاني فقط لاني احمل االجنسيه ولكن ,
اريد معرفة الكثير عن اصلي لذالك قدمت الى هنا
هذه اول سنة لي بالجامعه ..! واعجبني هذا الامر
رغبت في المجيء الى هنا ربما اجد , احد من جنسيتي كي اشاركهم
خالد تحمس معاه حس قصته تشبة قصتة باختلاف شاسع خخخ ,
خالد ب ابتسامه : اوه ياوليد , انك أبن بلد عظيمه ستستمتع
وانت تتحدث عنها في هذا النشاط
وليد منحرج وفرحان : اشكرك ..
حسن : يمكنك المجيء فـ بلدك وبلدنا يشكلوون معااا ,
منطقة جغرافيه تدعى الخليج ..
جميعنا نتحدث تقريبا اللهجات متقاربه وعاداتنا ايضا ..
وسنبحث لك عن اماراتي في ما بعد للتتحدث معه . هل توافق ؟
الكل ياشر له يعني عادي ..
وليد : نعم ارغب في ذلك .. بشده .. ولكن سوف ازعجكم بالكثير من الاسئله ..
عمر يحط يده ع كتفه : ياشيخ خذ راحتك ....
ليد موفاهم : هذا الدرس الاول .. معناه .. ..
( وعقد حاجبه شباب اش معنى خذ راحتك بالانقليزي )
داليا تضحك : انتا ح تضل فاشل طول عمرك .. ( تيك يور تايم )
وليد : اهااا ... ويحاول ينطقهااا مكسرر وعمر يعدلهااا له
داليا بحزن : بدي كون معكوون ؟ شو فرئت يعني ما اكون خليجيه ؟
خالد : لك تامرين , انضمي وانا بروح اسئل يسري ولا لا ..
حسن : شباب وش رايكم بدال ما نشارك احنا بس نخليه
عن الدول العربية نروح ندور عليهم ونخليه عرض
موحد يسير احلى وربي وكمان بما انا مو مسوين
شيءء نسوي عرض بسيط وكل واحد منهم عرض
بسيط راح يكون افضل وناخذ درجات افضل ,
تركي : انت هذا الي هامك يالافور الدرجات ..
خالد : لا لا فكره حلوه يلا توزعوااا وكل واحد يشوف
أي عربي هناا يساله اذا يوافق اذا وافق جيبوه
هنا بذا المكان معاكم عشر دقايق ..
الكل راح الا عمر وليد الي مو فاهم شيء
عمر وهو يجره معااه : سـ اشرح لك ذلك ونحن نبحث ..
وليد : عن ماذا ,,

في الليل

حسن وياسر جالسين في الصاله
ياسر بقلق : متاكد ان الرجال يمديه يساعدنااا ,
حسن : والله ما ادري انتم روحوا جربوا حظكم
انا دبرت لك كم الف وتسلفت من الشباب انت خذ من ابوك ,
ياسر : حاولت واخذت لي مبلغ زين .. بس صار شاك فيني اني اسوي شيء غلط ؟
حسن : مخدرات ؟
ياسر : ايه
حسن : ياا ابوك ذا , يرفع الضغط ...
قطع عليهم اتصال
ياسر يرد : هلا خالتي ..
: ان شاء الله
: ابشري
: طالع ..
طالع في حسن تقولكم فيه عشااء ع النار بتخلي لكم الباب
مفتوح واحد فيكم يروح يسكر عنه بعد شوي
حسن محتاس : وداليا ؟
ياسر : اخذت اخوي وطالعه تمشية وتتمشى شوي وترجع
حسن محتار : عسى ما انسى ان شاء الله
وطلع ياسر

��
��
��
��
��

المواضيع المتشابهه لموضوع: رواية متبرع حين يسكن قلبك جسد شخص اخر لموضوع: رواية متبرع حين يسكن قلبك جسد شخص اخر
الموضوع	كاتب الموضوع	المنتدى	مشاركات	آخر مشاركة
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
عشق يسكن نفسي	جوهرة بغداد	همس الشعر والقوافي	8	3 - 1 - 2017 11:02 PM
من يسكن جسدك	سجات التهاويل	تطوير الذات والبرمجه اللغويه العصبيه	3	4 - 2 - 2015 07:33 PM
س حدثكم عن عشق يسكن نف سي	مــلآمـح خ ــجل	همس عذب الكلام والخواطر المنقوله	6	26 - 6 - 2012 04:42 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية متبرع حين يسكن قلبك جسد شخص اخر

همس للقصص وحكايات وروايات