رواية العابث ال خير في هذا الزمان

5 - 11 - 2020, 10:49 PM

البارت 46

رجعت ام خالد لختام
اللي نزلت عبايتها ووقفت قريب من الـ Tv تبي تشغلـه
التفتت بخوف ومن شافت ام خالد
ابتسمت بحرج : ااا كنت ابي اشغله
ام خالد بسرعه ؛ عادي يمه خذي راحتك
ختام ابتسمت بهدوء وشغلته ورجعت تجلس بهدوء
وام خالد تناظظظرها بصمت
ختام بتوتر : ءء فيه شيء خالتي ؟
ام خالد انتبهت لها ؛ هاه ؟ لا لا مافي شيء
ختام سكتت لثواني ثم اردفت : خالد وين !
ام خالد : ماعليك منه ماراح يدخل اذا تخافين يجي ارتاحي يمه
ختام بأستغراب : لا مو كذا
ام خالد بشك : إلا بسألك
ختام : تفضلي
ام خالد : وش يساعد خالد عمك فيه
ختام توترت وهي تتذكر وصية خالد انها ماتقول لامـه انه يشتغل عندها
ردت بأبتسامه مصطنعه :
مدري ، ما اعرف اللي يصير معه
ام خالد بهدوء وعيونها تتأمل ملامح ختام وحركاتها ناعمه لابعد درجه : بسم الله عليك يمه قمر نازل من السماء
ختام ابتسمت بحياء : فديتك خالتي عيونك الحلوين
ام خالد بأنفعال : بس صادقه وانا اتكلم يعني المفروض تنتبهي لنفسك تقرأي اذكارك وتحافظين ع صلاتك إن شاء الله تبعد عنك الشر والعيون
الحاسده
ختام برقـه وعيونها تبتسم مع شفتيها مسكت كف ام خالد وباستها بهدوء : الله لا يحرمني من قلبك الطيب وين انا عنك من زمان .
ام خالد ضمتها لها وهي تضحك : تبين تحرجيني عجيز وفنانه
حركت كرسيها وهي تصد ذاهبه للمطبخ : بروح اجيب كم شيء يحبه قلبك
ختام وقفت بسرعه : بروح معك
ام خالد بأنفعال : لا والله ي امي انتي ارتاحي جعلني فداك مانيب مطوله
جلست ختام وهي تحرك رجولها بملل
وقفت بهدوء وقربت لباب المطبخ كانت ام خالد مشغوله ترتب حلويات
رجعت ع وراء بهدوء وهي تتجه للباب اللي راحت له ام خالد قبل شوي
فتحته بشويش
انتبهت لشخص معطيها ظهره
وخالد نايم مقابله بطريقه مؤلمه مو متغطي ويده تحت راسه وحواجبـه معقده
رجعت ع وراء بسرعه
وقفلت الباب وركضت للصاله جلست وهي تتنفس بقوة ..

..

بعد رُبـع ساعـه .
فتح عيونه بـتعب ابتسم ببطء وجلس وعيونه ع ابـوه همس ببحه : مساك الله بالخير
ابو خالد بسخريه : ايه والله ذا من قلة السنع والا فيه ضيف ينام عند الناس
خالد رفع كفوفه يدلك رقبتـه بخفه تؤلمه بشده يشعر انها تتمزق مع كل حركه من اصابعه
فيها
كشر ووقف وخرج من المجلس ووالده نسي تماماً انه كان موجود
دخل للصاله وغمض بقوه
من سمع صراخ امـه
خرج يركض من استوعب وجود ختام
ابتسم واتسعت ابتسامته ليضحك
ام خالد من الصاله : ع خيبتك تضحك ! اذلف عند ابوك فشلتني مع
البنيـه
ختام ابتسمت ببلاه وهي مستغربه شفيها ام خالد !!!
خالد بصوت شبـه مرتفع : انا بروح اجيب لكم غداء قبل يأذن العصر تبين اجيب شيء ثاني !! ام خالد : لا الله يحفظك وييسر امرك
ختام وقفت بسرعه وهي تاخذ عبايتها
ام خالد باستنكار :علامك ؟!
ختام تلبس وقربت لها بسرعه
وهي تبوس راسها : عن اذنك ابيه يوصلني على طريـقه
ام خالد بصدمه : والغداء !!
ختام ابتسمت لها بخفه :بالعافيه عليكم
ركضت خارجه وراء خالد
كان واقف فالحوش وعيونه ع جواله انتبه لحركه فالخلف التفت وتجهمت ملامحه : شفيك !
ختام تتنفس بسرعه ووجهها احمر : بروح معك
خالد هز راسه بـ لا : ابقي هنا واذا رجعت وتغديتي وصلتك
ختام دمعت عيونها وكشرت : لاا لاا
خالد تنهد : وليش لا !
ختام بغصه : امانه خالد خذني معك
خالد بقله حيله : طيب يلا..

5 - 11 - 2020, 10:50 PM

البارت 47

ركب خالد السياره وقفل الباب وختام معـه
شغل السياره والتفت لها : وش صار ؟ ليش كل هالخوف والربكة امي زعلتك ؟ قالت لك شيء
ختام بأنفعال : لا بس مابي اجلس وانت تروح ابي نروح مع بعض
خالد تنهد : طيب وبعدها !
ختام : نروح للبيت تنزلني وترجع لخالتي
خالد ابتسم وهو يحرك السياره : كيف امي ؟
ختام ابتسمت بقوه :تجنن ياعمري عليها
قربت راسها له وهي تلتفت له وتبتسم برقه : زيك ترى
خالد انلـخم ولف للطريق
وهو متوتر
ختام عضت شفتها وببحه : خالد
خالد : سمي
ختام بملل : اقدر بكره كمان اروح لخالتي !
خالد عقد حواجبهه : بكره عندي مشوار على فكره فـ اذا ماكنتي محتاجه وجودي فـ اسمحي لي اروح ومانيب مطول .
ختام بنص عين ضربت كتفه بعفويه :
سامج عادي روح بكيفك وشو له تطلب الاذن !!
خالد تنفس بغضب : اقول اضبطي عمرك وابعدي وراء موب اصغر عيالك انا
ختام ضحكت : اسفه ي عمري خلاص توبـه
رجعت ع وراء وهي تفكر : طيب اذا رحت انت ، انا عادي اروح لخالتي
اللي هي امك !!
خالد بتفكير : آوك مو مشكلـة
ختام بهمس : بتطول !
خالد : اربع ساعات يمكن
ختام تنهدت : طيب انتبه لنفسك
خالد بهمس ونظراته عليها بالمرايه
وكأنه يتفقد مابداخل افكارها : انتي كذا مع الكل !
ختام ابتسمت وغمزت له : لا بس معك
خالد تجهم وجهه ونزل نظراته بربكه
ختام مسكت ضحكتها وميلت راسها ع الشبـاك .

..

عند ابو ألماس " عم ختام "
تنهد بضيق وهو يتكلم بهدوء : وش المطلوب !
مروان : بنت اخوك
ابو ألماس ابتسم ببطء : واذا هي ماتبيك !
مروان برفعه حاجب : ويصير لها مروان يجيها وترفض ! كلمها ورد علي
وقف وخرج من مكتب ابو ألماس تاركه في حيره من امره ..

..

في الفنـدق ..
وصل طلب رائد اكل وخلص قرب لباب غرفتها
ودق بهدوء : بنت ، هيه افتحي
وصله صوتها : اذلف
غمض بصبر : اقول افتحي
ريتان طنشته وهي تحس انها بدت تغط بالنوم
تنهد بيأس وعرف انها ماراح تفتح تكلم بخفوت : اكلك بالصاله بطلع وماراح ارجع إلا متأخر
صد وطلع تارك ريتان تردد اخر كلماته وهي تحس انه حلم
معقوله بيطلع ويفكها من شره !! '

..

وقف خالد عند بيت ختام ونزلت التفتت له وابتسمت ببطء : خذ السياره حركات انها مو لك ترى ما احبها
ابتسم خالد وضحك : آوك يلا روحي داخل
ختام قفلت الباب ورجعت ع وراء خطوتين واشرت له يمشي
نزل الشباك وناظرها بنص عين : ادخلي وانا اشوف يلا
ختام ميلت راسها ع جنب : لا والله ! مابي ادخل
خالد اسند راسه ع المقعد : وانا مو متحرك من هنا
ختام ابتسمت له وعضت طرف شفتها : آوك بدخل
صدت للبيت وتحركت بهدوء
وخالد يتتبعها بنظراته تأكد انها دخلت خرج من اسوار البيت العاليه
لاحد المطاعم ياخذ غداء ويرجع لامـه وابـوه ..

دخلت ختام للبيت وقفلت الباب انتبهت لصوت الـ Tv
فالصاله عقدت حواجبها بخوف الشغالات ممنوع يجلسون فيها لهم قسمهم الخاص
همست ببطء : كـاتي " الشغاله "

5 - 11 - 2020, 10:52 PM

البارت 48

همست ببطء : كـاتي
وصلها صوت عمها : ختام جيتي !
ابتسمت براحه واتجهت للصاله : هلا والله تو مانور المكان
ابو ألماس وقف وضمها لحضنه : نورك يبه ، آخبارك !
ختام ابتسمت وجلست مقابله : الحمدلله تمام ، اسال عنك
أبو ألماس : الحمدلله كل شيء زين
ختام جمعت شفايفها ع جنب : وش سبب الزياره الحلوه ؟
ابو الماس ؛ ابي اتطمن عليك واشوف متى بتسافرين ؟ او غيرتي رائك
ختام بخيبه : مدري انتظر صاحبتي تنتهي من دوامها بس بحاول
الاسبوع الجاي
ابو الماس : امممم طيب ،
وش قلتي آخبارك !! ختام عقدت حواجبها : عمي فيه شيء ؟
ابو الماس ؛ لا مافي شيء ،
كيف السائق معك !! ختام بتنهيده طويله : ماشاء الله ليته من زمان عندي ، مشاويره خفيفه وجميله حيل
ابو الماس : الحمدلله طمنتيني
ختام بنص عين : عمو ابي الصدق وش جايبك هالوقت ؟
ابو الماس بجديه : فيه واحد تقدم لك
ختام انقبض قلبها : هاه !
ابو الماس ؛ ايه فيه واحد تقدم لك وانتي تعرفينه زين
ختام طرى خالد ع بالها ابتسمت ببطء : من ؟!!
ابو الماس ارتاح من ابتسامتها : مروان اخو زوجتي
ختام شهقت بقوه : لا لا امانه عمي لاا
كانت تهز راسها بالرفض وعيونها كلها دموع ماتبيه تكرهه
ابو الماس بخوف وقف وقرب لها ضمها بحنيه له : افا ! ليش كل هالخوف ماعليك ماتبينه خلاص بقول ماتبيك وانتهينا المهم لا تضايقين نفسك
ختام سكتت وحركتها هدأت
ابو الماس بفضول : ليش بكيتي ؟
ختام ببطء : اكرهه
ابو الماس سكت ووقف ابتسم لها بضيق : يلا انا رايح قفلي الباب تاكدي انه مقفل زين
ختام ماردت عليه من عمرها ست سنين وهي عايشه لوحدها الحين يجي يوصيها !!
متأخر ياعمي جيت وفجعتني بـ مروان ورحت الله يهديك ويسمح دربك .
ابتسمت لخيال خالد في بالها
‏ما حبيتك عبّث والله انك عافية قلبيّ '
..

بعد خروج رائد اتجهه لـ بيته ليقابل رامز وبالاصح ياخذه للمطار
ويتأكد من سفره هو يكرهه بيتـه للغايه مستفز كئيب خالي من الحياه
صعد الدرج للطابق العلوي ليقابله رامز وهو يصرخ : حي حارس الامانات
ابتسم رائد وضمه له بقوه : البقى ، الله يبقيك لي
ابتسم رامز وبعد عنه شوي : هاه ! رحت تبوك
رائد بكذبه بارعـه : كلمتهم وماعندهم مشكلة كون واثق انه ماراح يقرب احد صوبها ومابيحرمك احد منها
رامز صرخ بقوه : يس
كفو ، سندي.
ضحك رائد وطلع وراه الدرجات الاخيره رامز وقف واشر ع جناح رائد :
وش قصتهم ! عمال الصيانه
رائد بهدوء : قلتها بنفسك صيانه !
رامز تنهد بقوه : مالي خاطر افارق الرياض
رائد تجهم وجهه : ليه ؟
وهو يتبعه لجناحه أجاب رامز : مدري
رائد بهمس ؛ ضروري تروح تتعالج الادمان عندك مو قادر تسيطر عليه نهايته يقضي عليك
رامز جلس ع السرير وكفوفه ترجف : ههه ايه صح
رائد لانت ملامحه وقرب له جلس بجنبه وضمه بقوه له وهو يبوس
خده ووجهه : بتكون بخير
مارد رامز وغمض عيونه ببطء وهو يحاول يضبط انفعالاته
قبل قدوم رائد تناول قليل من المخدر والان اقترب مفعوله من النهايه
يرتجف شوق ورهبـه لما سيقتله يوماً
" مدمن " وهذا هو حاله
رائد يفكر بالعصابه وكيف سيكتشفون
سفر رامز دعاء الله في صمت ان يضع بينه وبينهم سداً ‏يؤرقني الكلام الذي يموت في صدري
ويدفن لِما لم يتفجر الكلام بداخلي
كفيضان؟ لما لم أستطع أن أتخلص
من عبء إحتجازه ، خوفي عليك
يا اخي اقوى من ان ابقى أتوقف
عن مداولة الصمت ..

5 - 11 - 2020, 10:53 PM

البارت 49

بعد ساعات ..

فالفـندق .. فتحت عيونها ببطء الغرفـه ظلام
جلست وهي تحس بوجع في راسها رفعت كفها تتلمس جبينها كان متورم جمعت شفايفها بضيق وجلست بتعب : اااه ي راسي
تلمست السرير حولها تدور جوالها ماحصلتـه
وقفت وهي تتجه للشباك بتفتحه يدخل شوي نور من الشارع تشوف طريقها
اتجهت لباب غرفتها وفتحته
دخل نور من الصاله
وشغلت الاضاءه اللي كانت قريبه من الباب ، كان فيه وجبه
معلقه بكيستها على باب الغرفـه انتبهت لها لكن تركتها ورجعت للغرفه وهي تدور لجوالها
سمعت رنينه تحت السرير
انحنت بتأخذه كان بعيد استغربت كيف طاح ؟ اكيد وانا نايمه كالعاده اتحرك واضارب اففف
دخلت اكثر واختفت تحت السريـر انكتمت انفاسها من حست بصوت فالصاله
قفلت جوالها وهي تغلفه نهائياً
الاصوات تقرب اكثر للغرفـه
عضت شفتها بقوه مو صوت رائد هذا خشن وحاد ، يارب سترك
جمعت جسمها تحت السرير وهي تأكد لنفسها ان حياتها مع رائد كلها خطر في خطر
هذا ماينفع له بنت هذا يحتاج له وحده مامعها قلب ماتحس تتشكل على حسب وضعه
وتحارب عشان تعيش معه
اختفى الصوت وسمعت صوت الباب يتقفل بقوه
تنفست بعمق وهي حالفه ماتطلع من تحت السرير الا عند رجوع رائد .

فالمطار ..

رامز يكلم بجواله بعيد عن رائد ويضحك ويسولف انتبه لرائد معقد حواجبه ومكشر وعيونه ع اللي حولهم
يخاف احد من العصابه يرجع لـ رامز ويقضي عليه قبل يتحقق لو شيء بسيط من اللي يبيه
قفل رامز ورجع له : شفيك ؟ وجهك معبس !
رائد بنص عين : اجلس وصوتك اكتمه لا ينتبه لك احد
رامز جلس وكأنه تذكر همس ببطء : نسيت
رائد مارد عليه واشر له : يلا رحلتك
وقف رامز وقرب لرائد بأبتسامه وجهه شاحب يخفيه ذقن مهمل وهالات سوداء ..

رامز ودع رائد واتجه للطائره
ورائد يدعوا له بصمت
بطريقه مشابهه لما كانت تردد والدته
فالخفاء وفي اخر الصلوات
وماقبل النوم
رباه ان لي أخ لا اقوى العيش
بدونه ولا اريد حياة تخلوا من ضحكاته فـ احفظه ولا تجعل عيني تبكي فراقه ولا قلبي يُكسـر بوداعه انك على كل شيء قدير .

صد خارج من المطار لبيتـه
من الغد ستأتي ريتان للقصر المغلق تعيش حياه لم تكن تعلم
انها موجوده حتى فالعالم هي امـانه عندي وانا قدهـا .
..

عند خالد في غرفته الصغيره المتواضعة يضع راسـه ع الوساده
واحداث اليوم تتكرر في ذهنه من بعد ما جاب الغداء وامه تغمز
له وتضحك له بخبث وكأنها تقصد شيء هو لا يفهمه وعند سؤالها ردت بضحكة : ايه عندك ذا الزين ختام ولا تعلمنا
طيب قولي وابشر ان اروح معك واخطبها لك بعد ..
بمجرد ان انتهت من كلامها كأن السقف بأكمله وقع ع راسه " صدمة عمر ولا حسبت حسابها "
انا خويلد اخذ ختام !!؟ تخيل لوهله انها له ابتسم وانحرج من تفكيره وبهمس ؛ اعوذ بالله من ابليس
وافكاره الحلوه
استلقى ع يمينه وهو يدعوا بأذكار
النوم .

..
في بيت ختــام نايمه بسلام
لنصِف قليلاً مافيه هو قصر من ثلاث
طوابق الاول للضيافه والثاني خاص بغرف
النوم والثالث مكتبه واسعه وغرف للخدم
نظامه كلاسيكي راقي وانيق جداً
يوجد لديها سيارتين فارهه ،
واربعه حراس لهم ملحق خارجي
للنوم .. بالنسبه لحياتها لا يوجد لديها كلمه
لا او حرام او لايجوز هي لا تعلم ولم تجد من يربيها سواء عامله
هنديـه من عبدة الشمس يعني
الدين عندها ضعيف للغايه
والمدرسه كانت اهليه
تحضر يوم وتتغيب
عشره ايام عن الحضور
تحب السفر والسياحة
جواز سفرها مختوم من جميع الدول تقريباً ..

5 - 11 - 2020, 10:54 PM

البارت 50

يوم جديد ،،،
في تبوك الزاكيِه
ام ريتان تتحدث مع عُمر بالجوال وتطلب منه زيارة ريتان في بيتها والتأكد من احوالها هو يدرس
في الرياض ويجب عليه المرور على اخته
روز تسمع مايحدث حولها وتضحك بسخريه : يطردونها من البيت
ويجبرونها ع اللي ماتبي ثم يزورونها الله يسامحك يمه
وقفت وهي تتجهه لغرفة اخواتها الساعه الان ظ،ظ¢ ظهراً الدوام كان
خفيف جداً وخرجوا الساعه ظ،ظيمنع
بسبب اعمال صيانه ف المدارس
رُبى مستلقيه ع السرير ووجهها مغطى بقناع العسل
روز تتأملها بصمت هي الوحيده اللي عايشه عشان نفسها كل اللي تحبه تسويه وبدون ماتسبب مشاكل لاحد
عاش حالك وطاب فالك ي رُبى
روُدينا تلعب مع رُسل بـ السوني
روز بملل رمت نفسها ع السرير كل يوم نفس الروتين لمتى !!!!!
طفش البيت بدون رتيل وريتان اعوذ بالله اشتقت لهم ..

..
فالرياض ..

عند عُمر يقف مقابل بيت خالد ينتظره يخرج معـه
طلع خالد وهو يضحك ويسولف مع احدهم ثم يغلق الباب ويركب
مع عُمر : سلام
عُمر بأستغراب : وعليكم السلام ورحمة الله بُشرى عندكم !
خالد: لا ليش ؟؟
عُمر : اجل من مع خالتي
خالد ابتسم من تذكر ختام وخوفها من ابوه : ماعليك في امان يلا نمشي !
عُمر : توكلنا ع الله
حرك السياره متجهين لخارج الرياض لمشاهدة " سباق للخيول " يشارك
فيه احد اصدقائهم . '

بعد خروج خالد اغلقت ختام الباب ورجعت للصاله وهي تبتسم
ببطء : خلاص قفلت الباب
نزلت عبايتها وجلست مقابل ام خالد تسولف معها
قطع عليهم صوت ابو خالد ينادي
تحركت ام خالد خارجه له ثم عادت
بعد دقائق وهي منحرجه : بجلس معه شوي خذي راحتك يمه البيت بيتك
ختام بسرعه ؛ عادي خالتي مو مشكلة
صدت ام خالد وختام ابتسمت
بقوه وهي تهمس : اخيراً
وقفت وطلعت بسرعه من غرفة الضيافـة فتحت اول غرفه ع يمينها
كانت واسعه وفيها سرير لشخصين
قفلت الباب بسرعه من فهمت انها غرفه ام خالد
فتحت اللي بعدها كانت ورديه
فيها سرير ابيض وبجانبه
سرير طفل قفلت الباب وهي معقده حواجبها : طفل !!!
تخيلت لثانيه ان خالد عنده اطفال
حست بغضب يجتاح قلبها
كان اخر الممر باب اخير
فتحته ببطء وحست بشيء يضرب الباب
فتحته بقوه وانتبهت لملابس خالد مرميه ع الارض
ابتسمت بقوه وهي تشوف
صوره كبيره فوق السرير
له ولواحد معـه هي ماتعرفه " عُمر "
دخلت اكثر فالغرفه وهي ترفع ملابسه عن الارض
تتمنى لو تعرف ترتب كان رتبتها بس ماقد جربت هالشيء ولا مره
دارت ع نفسها بحيره
وقربت من ادراج الملابس وفتحتها
مرتبه بعضها وبعضها مرميه على بعض
اخذت قميص رسمي بنسفجي وشمتـه وتنهدت بلا شعور
وهي تهمس : اففف منك ي خالد
ريحة عطره تحبها
وقفت تتأمل صورته ماكانت في إطار كانت معلقه ع الحائط ورقة فقط
اطرافها مهترئة
قربت لسريره وجلست عليه واستلقت
سحبت وسادته تحت راسها
وابتسمت اكثر وهي تتمنى لو انها حبيبتـه وحلاله ولـه
جلست بسرعه من سمعت صوت في الحوش
خافت يكون رجع والشباك مفتوح لو رفع نفسه بيقدر يشوفها ركضت بسرعه
وطلعت من الغرفه
وهي تضرب بالباب بقوه
وتركض للصاله وقفت فيها وهي تتنفس بسرعه
انتبهت لام خالد طالعه من قسم
الرجال ؛ شفيك يمه !
ختام بأنفاس متسارعه : ولاشيء
ام خالد بشك ؛ وليش ماتروحين تجلسين
ختام اتجهت لغرفة الضيافه وهي تردف : سمعت صوت برا وخفت
ام خالد بأستغراب ؛ بسم الله عليك وش !
ختام بلعت ريقها بتوتر : مدري
تنهدت براحه من سمعت صوت الجرس ..

10 - 11 - 2020, 08:25 PM

البارت 51

ام خالد بأستغراب : غريبه ما احد قال لي انه بيجي !!!
ختام وقفت : بروح افتح انا
طلعت بسرعهه للباب وهمست : من !
وصلها صوت انثوي :افتحي ي حبيبه
قلبي ، بطلي الباب
ختام فتحت الباب وعقدت حواجبها :
من !!!
دخلت البنت و وراها طفل في عمر الثلاث سنوات وبطنها البارز امامها : من ؟ انتي اللي من ؟
ختام تكتفت : خير فيه شيء اسمه ادب اذا قلت لك تفضلي تدخلين مو كذا الدنيا مو هايته ..
طنشتها البنت ودخلت للبيت وهي تغني وولدها يرقص على صوتها
ختام عضت شفتها بقهر ولحقتها : هيييه انتـي وقفي
وقفت ولفت لها بعد ماسلمت على ام خالد ؛ نعم
ختام بحده : من سمح لك تدخلين
البنت ضربت صدرها بلطف : هااااو !! انا بشرى
بنت امي وابوي انتظر اذنك عشان ادخل ؟ تهبين وتعقبين
ختام بسخريه : ايه تنتطرين اذني البيت مو بيتك
ام خالد بضحكة : بس ي بنات
التفتت لـبشرى ؛ بشرى
اسكتي عن البنيه
بُشرى جمعت شفايفها بقهر : وشو له تسكتيني قولي لها هي اللي ماتحشمني
ام خالد بنص عين ؛ نعنبوا ابليسك
وش انا قايله لك يوم انتي مبرطمه !
ختام ابتسمت بنصر وعيونها ع بُشرى .
بُشرى بحده : هذي من هي وليش عندك
ختام مرت من عندها
وابتسمت بكبرياء ودخلت لغرفة الضيافه.
وبُشرى عيونها طايره فيها
ام خالد بهمس : ذي زوجة اخوك إن شاء الله
ان قام حظه ووافقوا اهلها .
بُشرى بشهقه : ايشششش مابقى الا هي
ام خالد خزتها بعيونها
ودخلت وراء ختام وهي تبرر : هذي بُشرى بنتي
وبكري .
ختام توسعت عيونها وتجمدت ملامحها : بنتك !!!!
بُشرى دخلت ووقفت عند الباب وحطت كفها اليمين وراء ظهرها
ليظهر بطنها المنتفخ اكثر وضوحاً : اييييه
ختام رمشت بلا وعي
ام خالد ضحكت من ملامحها
وبُشرى طلعت لسانها وختام انتبهت وبلعت ريقها بربكة بانت على وجهها كانت سبب في ان
تطلق بُشرى العنان لضحكاتها
على تعابير وجهه ختام ..

..

فالفندق ..
وصل رائد ودخل للجناح بهدوء بخطوات متأنيه اتجه لغرفة النوم
الخاصة فيه اخذ شاحنه والكاب تبعه وبعض البطائق والاوراق جمعها
بكيس وطلع لغرفة ريتان الوجبه معلقة بالباب ومفتوح !!!!
غريبه توتر خوف ان البنت صابها شيء او هربت !
دخل بسرعه وتجمدت ملامحه مالها اثر
وينها ! وين بتروح اهلها في تبوك وهي متغربه هنا مـاحولها احد دار ع نفسه بضيق وقهر
والغضب معمي عيونه
مشى لدورة المياه "
اكرم القارئ "
وماكان فيها احد
بلع ريقه الجاف
وهو يتنفس بقوه ويحس بحراره في عيونه
عض شفته بتفكير سريع
وين المكان اللي ممكن تروح له صديقـه لها او احد معارفهم !
تأفف والتفت للباب بيطلع
وقف فجاءه وعيونه ع السرير شيء يتحرك تحته ويضرب الارض
بقوه
قرب له بحذر وجلس وقرب راسه
للارض بيشوف اللي تحت
صرخ بقوه وطاح ع ظهره وهو يحس بشيء ضرب جبينه بقوه
فتح وشافها
تطلع من تحت السرير
وتوقف وتتكتف : احسن تستاهل ماجاك وش لقفك تحت السرير ؟
رائد انفرج فمه بأتساع وعيونه شوي وتطلع من راسه
ريتان ابتسمت بنشوة النصر وهي تحس انها انتقمت من الضربه اللي جاتها امس
رائد وقف وعدل ملابسه وابتسم ببطء : رتبي اغراضك ظ،ظيمنع دقائق
ونمشي
صد وطلع من الغرفة
ومن الجناح كامل دون انتظار لردها
ريتان تراقبه بصمت
مو مستغربه خروجه بهذا الشكل مو اول مره يأمر ويطلع دون رائيها لكن هي مستغربه
كيف سكت عن ضربتها له معقوله استسلم وحس مافيه حيله !
بس هو قوي ووجهه ودر
اكيد فيه بلا ومصيبه
وراه الله يستر !!!

10 - 11 - 2020, 08:26 PM

البارت 52

عند خالد وعُمر ..
يطول الطريق والحديث بينهم كل المواضيع الشبابيه افتتحوها
من سِوى " الطقطقه " وقليل من " البرستيج "
توقف عُمر اخيراً عند ارض فارغـه اشبه بصحراء فيها اسطبـل للخيول يحتوي ظ¢ظ¥ حضيره " وخيل "
ومجموعة شباب بملابس ركوب الخيل وعدد من المصورين
نزل خالد وعُمر من السياره واتجهوا لهم وخالد صوته يرتفع
: ليث ياولد
التفت لهم احدهم : ارحب ارحب
ركض ليث لجهتهم وهو يرحب فيهم بحراره سلم عليهم : ماتوقعت تجون
خالد بنص عين : جينا وصرنا عندك بنشجع ونصيح وينقطع صوتنا واحنا ننادي بأسمك لكن لو مافزت ياويلك بذبحك انا وعُمر
ضحك ليث : ازهل علمك ابشر بي
عُمر : كفوووووو
اتجهوا للاسطبلات
يشوفون خيل ليث المسابقة تبدأ بعد ربع ساعه فقط
خالد : هاه مستعد !
ليث : اييه إن شاء الله تتيسر
عُمر يمسح ع خيل ليث : ماشاء الله متى غيرت الاصيل
ليث ابتسم ببطء : الشهر اللي راح
خالد : لو انا بدالك ماغيرته قلبي مايقوى
اتركه وهو معي سنتين
واروح اخذ واحد ثاني
ليث بأنفعال : ماتركته
هو عندي بالبيت بس احس ماصار مثل قبل فجبت ذا بدله
عُمر بلا مبالاه : ماعلينا المهم تفوز
ليث بحماس : إن شاء الله املي كبير بالله
خالد + عُمر : سبحانه
ليث : بطلع الحين وانتم روحوا اجلسوا مابقى الا ظ،ظيمنع دقائق
خالد بغمزه : اذا فزت بزوجك
ليث التفت لـ عُمر : إن شاء الله عُمر يزوجني
دخل للحظيره يأخذ حصانه وملامح
عُمر لا تُفسر ، ازوجه ! وش يقصد لا يكون ريتان ؟ كفايه فيصل ولد خالتي جاء ورديته وكسرت وجهـي معه وانا ادري انه كان خاطره
في ريتان ومن زمان
تنهد عُمر بضيق
ليث ما ينرد وفيصل رجال لكن القدر والنصيب وداها لـ رائد اللي ما اعرفه ولا ادري وين ارضه حتى .
انتبه لـ خالد يهز كتفه :شفيك ! يلا ليث طلع
عُمر خرج مع خالد وباله مو معـه .

..

في تبوك ،،

روز ورودينا جالسين مقابل امهم ومعقدين حواجبهم بعدم الرضا
ام عُمر وهي تكلم بجوالها : ايه بكره مابه خلاف يلا الله بحفظ الله
قفلت الجوال وابتسمت :هاه سمعتوا صح !
روز بقهر : يمه دوامات ومو فاضين ليش عزيمه بنص الاسبوع !!!
ام عُمر : خواتي بس وامي جعلني فداها
رودينا ببحه : بس حرام تعب
ام عُمر صدت وهي تدق ع اختها الثانيه " ام فيصل "
روز بسخريه : مابترد كرامتها من كرامة ولدها
ام عُمر تقفل الخط ونزلت الجوال وهي تهمس : والله صدق ماردت بس كيف افهمها ان مالي دخل وانه النصيب كيف اعلمها ان عُمر كان بيضيع مني لولا هالزواج ؟ بنتي مو مرتاحه انها مع واحد مدري هو له اصل او ولد شارع بس المهم انها حيه
عايشه ع الارض اقدر اسمع حسها
روز بحنيه : يمه
وقفت ام ريتان وخرجت لغرفتها
رودينا ماسكه بكيتها : ي حياتي يمه
روز بتنهيده ضيقه : ماكنت ادري انها شايله هم ريتان هالكثر
رودينا : انا احب امي
روز ناظرتها بنص عين : ادري اجل تكرهينها ؟ هاه ؟! ردي
رودينا رمتها بالخداديه : اصص عني
اففف مو رايقه لسماجتك
وقفت وراحت للغرفه وروز اخذت علبه البوب كورن تاكل منها .

في بيت ابو بدر " عم ريتان "

رتيل مستلقيه بصمت ع السرير الواسع وراسها بحضن بدر يمسح عليه وملامحه جامده من الطبيعي ان تمر بنا لحظات
صامته اشبه بشخص يتحدث
امام جموع غفيره ولا ينتبه لحديثه
احد لا يسمع احد ولا يبالي ايضاً
لحظه تقدر بـ عُمر وتأخذ من العُمر
حيز وفراغ
قطع صلابه الموقف وهشاشه بلادته همس رتيل : بدر نمت !
ابتسم بخفه لينحني
يقبل راسها ويهمس : تقولين بدر نمت واسمعها منك احبك ! تصدقين
ضحكت والتفتت له بوله وحُب حّي حقيقي يتجدد بالثانيه الف مره : واذا قلت احبك وش تسمعها
رمش برقه : ما اسمعها هذي يحتاج له فعل
باسها ورجع ع وراء وهو يضحك على ملامحها المنحرجه " تتلون بالحمره " .

10 - 11 - 2020, 08:27 PM

البارت 53

في الرياض ..

دخلت خلفه من ابواب القصر الواسعه ونبضات قلبها لا تهدأ وملامحها لا تُفسر
يوم من الأيام التي يتهاوى
حولك كل شيء ، أينما اسندت كتفك
تميل إلى هاوية شعور اللحظه
لا يصف مشاعر ريتان
رهبه ! ربكه ! صدمه
قبل دخولهم اوضح لها رائد
شيء بقوله : ( انتي هنا ريتان زوجة رائد الحياة اللي عند اهلك انسيها )
كانت تنطق السخريه بملامحها ونظراتها لكن بعد دخولهم
تأكدت من صحة كلامه
نعم هذا شيئ مختلف تماماً هنا انا سأمر بالايام هي لن تمر بي .
قطع موجة افكارها كلام رائد : إن شاء الله الاسبوع الجاي الشغالات
يكونوا هنا حاولي ترتبين امورك حتى يوصلون
دار على نفسه وهو يشرح لها : هذا الطابق للضيافه وفيه مطبخ
بأخر الممر هذا
وفوق غرف النوم تعالي
طلع وتحركت وراه بخطوات ثقيله توقفت خلفه كان يأشر على باب : هذا جناحي واللي هناك جناحك اي باب ثاني لا تتلقفين وتفتحينه
ريتان بتنهيده : طيب
صد ودخل لجناحه وهي واقفه تراقبه قفل الباب
وبمجرد ماتقفل مر شيء
من خلف ريتان
تجمدت بخوف وغمضت
عيونها : بسم الله يارب سترك
ركضت لجناحها دون ماتلتفت للخلف دخلت وقفلت الباب وانفاسها تزيد
هزت راسها بلا : شكلي اتخيل اعوذ بالله
ابتسمت من انتبهت لمرايه معلقه قريب من الباب شكلها المرعوب ضحكها وكثير بعدد
تقدمت لداخل الجناح اكثر وهي تتأمله
تحركت بأتجاه التسريحه كان بجانبها صندوق ميك أب ضخم
بأبتسامه نطقت : وين رُبى ورودينا عن ذا كله
شكثر يحبون ذا الخرابيط
جلست تفتش فيه طلعت الارواج وجربتها ومن ثُم البلاشر ابتسمت وهي تضع من البلاشر المشمشي
كالعاده مع صفاء بشرتها تظهر كشخص اخر بمجرد وضع
اي زينه ع وجهها
جمعت شفايفها بقهر وهي تحرك شعرها : افففف اكرهككك
" شعرها المتموج اكثر مايميزها واكثر ما تكرهه هي "
وقفت وقربت لغرفة تبديل الملابس ادراج ضخمه تجهل ماتحتوي
شناطها باقي تحت
فتحت واحد منها وكان شبه فارغ
الا من فستان اسود واخر رصاصي قصير ضيق
خرجت من غرفة التبديل وهي
تهمس لنفسها : مصدق نفسه اني زوجته لايكون يبي البس له ! من زين وجهه عاد ، جعل شعره
الناعم بالصلع " واضح حاقده "
اخذت نفس عميق وركضت لترمي بنفسها ع السرير وهي تصرخ : ررراحححه اخيييراً
غمضت عيونها بقوه
وفتحت لتنتبه لعبايتها مانزلتها ضحكت وبدون ماتهتم ضمت الوساده لها وغمضت وهي تستعد للنوم

عند رائد واقف عند باب جناحها ومعقد حواجبه من سمع صرختها
ركض يبي يشوف شفيها !!!
لكن صمت وهدوء حل بالمكان مما شككه في
اللي سمعه تنهد ورجع لجناحه بلا مبالاه .

10 - 11 - 2020, 08:28 PM

البارت 54

عند خالد وعُمر ..
السباق بدأ وحماسهم واضح
صرخ خالد : ليييييث
عُمر مسكه يجلسه بجنبه : اصصص مايسمعك اجلس
خالد وقف بعناد :هييييييييه
عُمر عض شفته وصد للجهه الثانيه تجمدت ملامحه بمجرد مارأى شخص يبتسم من بين الحضور
وقف واتجه له بسرعه وهو يتنفس بضيق ودهشه : فارس
فارس التفت له وبلع ريقه بربكه ووقف : ءءءاا عُمر هلا بك
عُمر بنظرات شك : وش جابك هنا !
فارس بضحكة : سباق وكذا المهم آخباركم ؟ كيف رتيل مطول ماشفتها
عُمر بنص عين : انا مو بزر عندك تكلم وش جايبك هنا !!!
فارس : مشارك خويي وجيت اشجعه وانت !!!
عُمر بلا تصديق : مثلك
فارس ابتسم ببطء : يلا اخليك الحين ضروري امشي ، بااي
ابتعد وخرج من بين الحشود
وعُمر يراقبه بحده " فارس ذكي ويلعب بذيله قبل فتره اكتشفت انه يعرف رائد زوج ريتان وطلع بينهم شراكه
بالعمل مدري ليش اعجز استوعب كيف شخص مادخل للعشرين يملك كل ذا "
عُمر رجع لخالد بخطوات بطيئه وهو يحاول يربطط بين الاحداث
انتبه لصوت خالد : لاااااا لييييث
التفت لجهة ليث كان طايح حصانه وهو مرمي بعيد عنه والدم يملئ
المكان صرخ بقوه : لييييييييث
رجال الأمن اتجهوا للمكان
وبدأ الجميع بالازدحام
اقترب ليث من نهاية السباق وكاد ان يحقق المركز الاول لكن لوهله سقط حصانه ليرتمي
بعيد عـنـه ويتضح
انها " رصاصه " لم تخطئ ليث والمتسبب " مجهول !! " .

بعيد عنهم بمسافه قليله .. ابتسم فارس ببطء وهو يفتح جواله
: تم طال عمرك
اغلق جهازه وخرج وهو يبتسم على ماحدث اشبه بصخره هزت المحيط ففاض بثانيه فقط اختلفت المنافسه من سباق الى عزاء ! او حزن واصابات. '

..

في بيت ابو خالد
تجلس بُشرى على الاريكه وتبتسم لختام : ايه وش تدرسي الحين
ختام : وقفت المفروض اسجل بالجامعه بس مابي
بُشرى بتعقيده حاجبيها : المفروض تكملي دراستك مارح ينفعك ويوقف معك غير شهادتك
ختام بفضول : خالد يدرس !
بُشرى بضحكة : لا ، هو الحمد لله انه تخرج من الثانوي سنتين يرسب
ومتخرج بتقدير مقبول
ختام كشرت
بُشرى بتفكير : يوم الجمعه بنمشي لمكه
وش رائيك تروحين معنا !!
ختام برهبه : من بيروح !
بُشرى : انا وزوجي وامي وابوي
ختام بهمس : وخالد ؟
بُشرى ماسكه ضحكتها : لا مابيروح يقول عنده شغل
ابتسمت ختام ببطء وهي تفكر بيروحون مكه وانا رحلتي الجمعه لـ امريكا
ابتسمت من تخيلت اللي في بالها
وبسرعه سألت بُشرى : بكره ايش !
بُشرى بأستغراب : الاثنين
ختام ابتسمت : ايه طيب
بُشرى : ليش عندك شغل ؟
ختام بسرعه : ايه ايه عندي
ابتسمت بشرى ببطء :الله يوفقك
ختام : امين واياك . " الله يوفقني مع اخوك ومع قلبه وعقله ويسخره لي "

بُشرى تتأمل ختام وتبتسم بخبث انثوي " اجل طحت وما احد سمى
عليك ي خويلد ! طيب انا اوريك مابتروح لمكه عندك شغل ؟ او تبي ختام ! ياويله من ربي
قليل السنع يبي البنت ومايبي مكه "
فتحت جوالها وارسلت لخالد
" هلووووو "
مارد وعقدت حواجبها : شفيه !
عادته قاعد في الواتس ظ¢ظ¤ ساعه
رجعت ترسل له وعيونها
تلمع من شده الفرح انها
لقيت شيء تجننه فيه " ختام عند امي ، هاه !
اضبطها لك ؟ "
ضحكت بصوت عالي من
شافت خالد فتح الرساله وختام
تناظرها بأستغراب
رد عليها بجملة " من وين طلعتي لي ! "
قفلت جوالها بدون ماترد تبي تحرق اعصابه وابتسمت لختام : ايه وكيفك !

10 - 11 - 2020, 08:30 PM

البارت 55

ختام بإبتسامه : تمام
رن جوالها وحست بقلبها بيخرج من وسط جوفها " خالد !! " ارتبكت وطاح
الجوال من يدها
بُشرى عقدت حواجبها :شفيك ؟
ختام شالته بسرعه وطلعت للغرفه الثانيه : هلا
خالد بهدوء : وينك
ختام : عند خالتي
خالد : طيب ربع ساعه وانا عندك انتظري عند الباب
ختام ببحه : اختك هنا بجلس معها
خالد بتنهيده : ختام ماراح افضى ماراح امر البيت مره ثانيه وصعبه اتركك بدون ما أرجعك
ختام : طيب انتظرك
قفل ودخلت ختام تاخذ اغراضها بُشرى بشهقه : على وين بدري تو بيأذن العصر
ختام ابتسمت ابتسامه ضيقه : تذكرت شيء ، ضروري امشي
بُشرى بحسره كانت تتمنى تشوف وجه خالد اذا شافها : طيب ، الله يحفظك
لبست ختام عبايتها ولفت شيلتها بإهمال كالعاده وبُشرى تناظرها
اخذت شنطتها وجلست وهي بحضنها تتنتظر خالد
بُشرى بشك : ختام وين نقابك !
ختام عقدت حواجبها :وش النقاب !
بُشرى سكتت من شافت نظرات ختام المستغربه
همست في نفسها " اول الغيث قطره الشيخه ماتعرف النقاب "
دخلت ام خالد عندهم : علامك ي يمه بعباتك !
ختام ابتسمت لها :ضروري ارجع البيت
ام خالد : الله ييسر امرك ودي لو جلستي وتونستي معنا
ختام : الجايات اكثر إن شاء الله
بُشرى رفعت حواجبها بضحكة : إن شاء الله اذا جيتي كلميني ابي اشوفك
ختام ببراءه : إن شاء الله
طلعت كرت من شنطتها ومدته لـ بُشرى : ذا رقمي ارسلي لي عشان احفظ رقمك
بُشرى ابتسمت بفرحه : ابشري
وقفت ختام بسرعه من رن جوالها وودعتهم وطلعت
وبُشرى وراها تراقبها هزت راسها بأعجاب : ماشاء الله السياره تجنن
عقدت حواجبها بشك : هذي كانت واقفه عند البيت لما جيت معقوله
السائق ماتحرك من هنا ؟
فتحت ختام الباب وركبت وحركت السياره ،
لمحت بُشرى اللي في السياره وبهمس :
لو اني مو واثقه ان خالد راح مع عُمر كان قلت انه هو ..

فالسياره ..
همست ختام : آخبارك !!
خالد وجهه اسمر وملامحه تنطق التعب : الحمدلله
ختام بحماس : من فاز بالسباق ؟
خالد : واحد من
سكت وهو يستوعب سؤالها
التفت لها بسرعه : من قال لك اني رحت سباق
ختام ارتبكت : ءءء اا
خالد بتساؤل ؛ امي !!
ختام بسرعه : ايه ايه
خالد تنهد : مافاز ليث
ختام تتنفس بسرعه ماتبي ينتبه لها ارسلت وراه واحد يراقبه وين
بيروح من قالها عندي مشوار وهي تفكر تبي تعرف وين بيروح ؟
خالد : وين تبين تروحين ؟ البيت على طول ؟
ختام ماردت
خالد التفت لها : فيك شيء ؟
هزت راسها بـ لاا : بس ابيك في موضوع مهم مره مره
خالد ابتسم : مره مره !!!
ختام كشرت : لا تعلق على الكلمه
خالد : ابشري بنوقف بمكان رايق واسمع اللي تبينه
ختام ابتسمت وعيونها تأكله تحس لو بكيفها اخذته وخبته بوسط قلبها وما احد يشوفه او يكلمه او حتى يعرفه .
وقف عند كوفي ونزل ونزلت وراه دخلوا بصمت
وختام تقدمت لتصبح بجانبه وضمت كفه الايمن بكفها الايسر
ارتجف والتفت لها بسرعه
همست بخبث : عشان الهيئه مايشكون
خالد ارتبك من همسها اكثر
واتجهوا لطاوله في زاويه الكوفي
وجلسوا مقابل بعض
خالد بلع ريقه بربكه : وش اطلب لك
ختام : مابي شيء نتكلم وبس
خالد عقد حواجبه : فيه شيء !
اخطيت بحقك او شفتي مني الشينه تصرفاتك تربكني
ختام ابتسمت بقوه وبانت اسنانها : اربكك !!؟
خالد تجهمت ملامحه : قصدي موضوعك وش هو ؟
ختام وهي تضم كفوفها ببعض : ابي منك خدمه وضروري توافق
خالد : امري
ختام : تذكر السفره اللي قلت لك مع صاحبتي
خالد عقد حواجبه : ايه شفيها
ختام جمعت شفايفها بزعل : مابتروح معي ابيك تروح معي
خالد رمش بسرعه
وعيونه شوي وتطلع من راسه : هااااه !!!!!

المواضيع المتشابهه لموضوع: رواية العابث ال خير في هذا الزمان لموضوع: رواية العابث ال خير في هذا الزمان
الموضوع	كاتب الموضوع	المنتدى	مشاركات	آخر مشاركة
قطة الغابة النرويجية	همسه الشوق	همس لعالم النبات والثروه والزراعه والحيوانيه	4	25 - 9 - 2021 08:02 PM
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية فهد و نوره رواية رومنسية سعودية كاملة	سجات التهاويل	همس للقصص وحكايات وروايات	23	8 - 6 - 2018 01:07 PM
فندق على شكل فقاعة في الغابة	نظرة عين	همس للسياحه والسفر	8	22 - 2 - 2015 09:05 PM
شوف كيف بيتحمم ملك الغابة	لك مشتاق	همس الشعر و الشيلات الصوتيه	9	6 - 10 - 2014 10:21 PM

الذين يشاهدون محتوى الموضوع الآن : 3 ( الأعضاء 0 والزوار 3)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية العابث ال خير في هذا الزمان

همس للقصص وحكايات وروايات