رواية عشقي ال بدي مكتفي فيك عاشقك للفنى - الصفحة 21

27 - 11 - 2021, 04:20 PM

البارت 193

ببيت عبدالله
كانت خلود جالسه ع الفطور معها دلال وتالا اللي فرحو فيها بوجودها معهم حيل
خلود:تالا حبيبتي ليش ماداومتي انتي و دلال
تالا:اليوم جنى عندها اوف وكلنا بنغيب معها بس من شفناك صرنا مانبي المدرسه
دلال: جد ليت تجي العطله مليت
خلود:ي حياتي باقي شهر وتعطلون
تالا:طويل شهر
خلود:ههههههههههه عجز منك
جنى كانت نازله من الدرج ومن سمعت صوتها كذبت اذنها بالبدايه ومن شافتها انصدمت
جنى بصدمه:ههههي انتي وش جايبك
دلال وتالا انصدمو منها وخلود ابتسمت
خلود:بيت زوجي ولا نسيتي
جنى بعصبيه؛لا نسيت فوق سواد وجهك جايتنا
خلود رفعت حاجب؛بنت ترا طول فتره جلوسي عندكم مارديت عليك ولا ع امك بس هاللحين انسو خلود القديمه سامعه وابلعي لسانك لاابلعك اياه
هنا الصدمه جد لكل البنات خلود انقلبت ظ،ظ¨ظ درجه ماعادت الهاديه اللي ماترد وتاخذ حقها
جنى انقهرت من كلامها وجت بتطلع الدرج ع نزله عبدالله ونوال
جنى بقهر:يبه وش تسوي ذي عندنا
عبدالله ناظر لخلود وخلود صدت عنه
عبدالله؛اول شي ذي اسمها خالتك خلود
جنى؛تخسى
عبدالله بهدوء:متى راح تعقلين انتي؟
جنى؛ماااراح اعقل دام ذي وبنتها يحومون حولنا
لف عبدالله لنوال
عبدالله؛اعجبك كلامها
نوال سكتت وناظرت لجنى شوي وصدت
عبدالله صرخ:تكلممممممي اعجبك
نوال:جنى تقول اللي تحس فيه مااغلطت
عبدالله اخذ نفس كان مثل الاسفنجه يبلع هموم وهو ساكت ولا تكلم وبالنهايه وصلت معه وانتهى صبره
نزل من الدرج ووصل لجنى وجلس يناظر لها وهي متنرفزه
عبدالله اشر ع خلود:سوت لك شي؟
جنى استغربت
عبدالله:ردي سوت لك شي؟؟
جنى صرخت:ذبحت اخوي
عبدالله:خلود؟
جنى: ملك واكيد هي لها دخل
عبدالله؛ملك كانت تسوق؟
جنى سكتت وصدت
عبدالله صرخ صرخه خوفتهم كلهم:تكللللمممممي اسسئلك
جنى بهمس:لا
عبدالله؛اجل؟؟
جنى سكتت
عبدالله:بسس كذا ملك مالهادخل بس انتي وامك دخلتوها غصب صح
نوال بلعت ريقها اول مره تشوف عبدالله بهالعصبيه وخلود كانت منصدمه مع البنات
عبدالله:اسمعيني ي نوال
نوال بخوف:قول
عبدالله:بنتك ذي ورب البيت لو مامسكت لسانها قسم برب البيت اني لاادخلها هالمجلس ومايشتغل عليها الا الخيزران سامعه
جنى انصدمت:تضربني
عبدالله:واكسسسسسر راسك
جنى خافت وسكرت عيونها
عبدالله:خليني اسمعك تتكلمين عن اختك هالكلام او خلود واسمها خالتي خلود سسسسامعه
جنى سكتت
عبدالله مسك شعرها بقوه والكل شهق
عبدالله:رررردي سسسامعه
جنى:سامعه سامعه
وتركها ورفسها وطاحت
نوال منصدمه:عبدالله
عبدالله:بس انتي الثانيه ماابي مشاكل بعد اليوم
الكل يكر وعبدالله طلع من البيت متنرفز

27 - 11 - 2021, 04:21 PM

البارت 194

اول ماطلع عبدالله نوال ركضت لجنى اللي بكت اما خلود كانت منصدمه من دفاعه عنها بالطريقه وتنهدت وطلعت بسرعه لغرفتها قبل تبدا نوال وجنى
اما دلال وتالا كانو خايفات وساكتات ولاتكلمو بولا كلمه وهم يحسون بالتعقيد والمشاكل ببيتهم كل يوم تزيد
،
نروح لناصر بالطريق
الساعه كانت تقريباً ظ© فكر يتصل عليها ويسل وش تبي فيه ولا لا
تذكر ان عندها جامعه او نايمه لانها امس مواصله وارسلت الساعه ظ£ تنهد ونزل الجوال وهو يفكر وش كانت تبي
،
بالشركه دخل ونزل نظاراته الشمسيه بهيبته اللي تخلي كل اللي بالشركه يهابونه غصب ويعملون له الف حساب
كان يمشي والموظفين يسلمون عليه ويرد عليهم
ولما وصل لمكتبه استغرب عبدالملك من مكتب ابومتعب مفتوح عقد حواجبه وتوقع عمه ابوسامر موظف شخص جديد دخل المكتبه ونزل جواله ونظراته ع المكتب ورفع السماعه وطلب محمد
ورجع فتح الملف ع طق الباب
عبدالملك:تفضل
دخل محمد وابتسم:هلا طلبتني طال عمرك
عبدالملك:اي تعال،،
قدم له محمد:سم
عبدالملك:انا غبت تقريباً اسبوع بعد الحادثه والزواج
محمد هز راسه بااي
عبدالملك:حلو ،، ابي كل اللي صار بالشركه الموظفين الجدد واللي انتهى عملهم
محمد:دقايق واجيب لك الاوراق
حرك راسه ب طيب ومحمد طلع ع دخله ناصر
ناصر:شلونك محمد
محمد؛بخير الله يسلمك
وابتسم له ونزل وناصر استغرب وجلس يناظر له
وعبدالملك يناظر لناصر:وش فيك
لف له ناصر:مستغرب ذا وش فيه مستعجل
عبدالملك وعيونه ع الاوراق:ارسلته يجيب اوراق
ناصر:اها زين
وتقدم له وجلس
ناصر:اشوف الوجه منور
عبدالملك:لااله الله اذكر ربك
ناصر:هههههههه ماشاءالله بس شكلكم تراضيتو
عبدالملك رفع راسه له باابتسامه:مايخصك
ناصر؛الله واكبر
مارد عليه
ناصر اخذ نفس:طيب بقول شي
شافه عبدالملك:قول
ناصر:تذكر شغلنا والمشاريع بكندا
عبدالملك هز راسه بااي
ناصر:انا بروح اديرها اذا ماعندكم مانع
عبدالملك انصدم:نعم؟
ناصر:تكفى قل تم
عبدالملك سكر الملك:ماعندي مانع بس بعرف ليش
ناصر:كذا بتزوج نهايه هالاسبوع وبنروح نسكن هناك ع الاقل ظ¦ شهور
عبدالملك جلس يفكر
ناصر:قل تم
عبدالملك:تم براحتك
فرح ناصر:مشكور
وابتسم له عبدالملك

27 - 11 - 2021, 04:21 PM

البارت 195

ابتسم له عبدالملك ونزل راسه رجع للملفات
وناصر جلس يناظر فيه متردد يقول له عن ابومتعب او لا
اخذ نفس وكان بيقول له
ع دخله محمد وسكت
محمد:سم طال عمرك
لف له عبدالملك واخذ الملف منه
محمد:تبي شي ثاني
عبدالملك يفتح الملف:لا سكر الباب وراك
هز راسه ب طيب وطلع وناصر يناظر له
وعبدالملك عقد حواجبه
ناصر:وش فيك؟
عبدالملك رفع عيونه لناصر:الحين فايز مسكوه
ناصر:اي ليش
رجع عيونه للاوراق:لا بس مستغرب ابومتعب ماانمسك معه؟ وليش مالغو شراكته
ناصر عرف انه وصله الخبر وضغط ع سنونه
ناصر؛هذا اللي جيت بقولك
رفع عبدالملك راسه وهو عاقد حواجبه
ناصر بتوتر:ابومتعب رجع
عبدالملك عصب؛نعم؟
ناصر:هذا اللي صار
عبدالملك:وليش ماقلتو لي
ناصر:مالحقنا نقول لك كنـ
عبدالملك قاطعه:ولوووو هالادمي وش شغله هنا
ناصر سكت وهو يهز راسه بماادري
عبدالملك قام ومشى للباب
ناصر: وين
مارد عليه وطلع
،
نروح لعبدالله كان يفر بالسياره وصدره ضايق ورن جواله ورفعه شاف اسمها (خلود)
استغرب وش تبي فيه ورد
عبدالله بااستغراب:هلا؟
خلود اخذت نفس:وينك
عبدالله:وش بغيتي
خلود:ابي اتكلم معك
عبدالله تنهد:مو وقته خلود خليه بعدين
خلود:لا عبدالله الحين تعال
عبدالله صد يفكر:طيب تعالي مع السواق
خلود:وين
عبدالله:للحديقه...
خلود:طيب
وسكرت واخذت نفس (قبل فتره عبدالله كان يبتسم لها ويقول السواق للبنات وانتي معي بس الحين تغير حست بضيق وقامت اخذت عباتها ونزلت ولبستها بدون ماحد يشوف وطلعت مع السواق

27 - 11 - 2021, 04:22 PM

البارت 196

جمانه كانت ع سريرها وماداومت ومواصله تنتظره يتصل او ارجوان ترسل رقمه بس ماصار حست بقهر وتهز نفسها بقوه حست باحد عند الباب وسكرت عيونها سوت نفسها نايمه ودخلت امها بشويش وناظرتها نايمه قربت منها وغطتها وطلعت وسكرت الباب وجمانه فتحت عيونها وتنهدت بضيق لولا امها وش تسوي
صدت وهي تفكر ونامت بدون ماتحس
،
نرجع لشركه
كان يكلم ويضحك وانفتح الباب بقوه ولف
وهو خايف ووقف
ابومتعب؛نعم؟؟
عبدالملك بعصبيه:وششش مجلسكم بهالمكااان
ابومتعب:مكاااني
عبدالملك قدم له وناوي بشر بس ناصر اسرع ومسكه
عبدالملك بصعبيه:اتركني اعلمه وين مكانه
ناصر:عبدالملك الرجال كبر ابوك
عبدالملك:يخسى
ابومتعب ساكت ويناظر لهم بثقه
ناصر:خلاص عبدالملك هو بيروح
ابومتعب:لا ماراح اتحرك
عبدالملك فك نفسه بقوه ومشى بسرعه لابومتعب ومسك ثوبه
عبدالملك:وش تقول انت
ابومتعب حاول يبعد يديه ماقدر
عبدالملك:بتطلع واليوم
ابومتعب:اذا ابوسامر طردني اطلع بس انت ولاشي بدونه
عبدالملك دفه وطاح ع الكرسي وقرب له
عبدالملك:مو طاردك الا عمي وتشوف
وتركه ومشى وابومتعب يعدل ثوبه والقهر بقلبه
ناصر لف له:خل فايز زوج بنتك ينفعك الحين هههههههههه
وطلع وتركه وابومتعب همس:بنفعكم انا وتشوفون
،
بفله عبدالملك كانت جالسه طفشانه فكرت تروح لامها قبل تسافر بكرا قامت للجوال واتصلت باامها
وردت
خلود:هلا حبيبتي
ملك عقدت حواجبها:انتي بسياره
خلود:اي
ملك:يوه كنت بجيكي
خلود:ي حياتي ،خلاص شوي وراجعه وعشاكم انتي وعبدالملك علي اليوم
ملك ابتسمت:طيب يلا مااشغلك
خلود:لاتنسون تجون، يلا باي
ملك:طيب باي
وسكرت بفرحه وطلعت لغرفتها ومعها جوالها بتكلم عبدالملك

27 - 11 - 2021, 04:23 PM

البارت 197

وصلت ملك غرفتها ورمت نفسها ع السرير
وتطقطق بجوالها وطلعت رقمه واتصلت فيه
عبدالملك ع دخلته لمكتبه كان معصب وواصله معه وسكر الباب بقوه ورن جواله اللي ع المكتب
وجلس ومسك راسه بقوه يفكر ولا رد
وملك كانت مستغربه تنطره يرد توقعت عنده اجتماع او مشغول بشي وسكر المكالمه
وارسلت رساله
(عبدالملك اليوم امي عزمتنا ع العشاء لاتنسى تجي مقدم زين؟)
سمع صوت الرساله ورفع جواله وشافها من ملك ومن قراها عقد حواجبه
امها وعزيمه وعشاء يعني ببيت عبدالله تنهد بضيق كان وده يرسل بالرفض بس ماكان بيضيق صدرها او يزعلها ونزل جواله ورجع يشتغل وهو يفكر بشي ثاني
(ليش ابومتعب واثق ان عمه ابوسامر ماراح يطرده من الشركه)
،
وصلت خلود للحديقه
خلود لسواق ؛ تشوف سياره عبدالله؟
السواق:اي هناااااك
خلود:طيب
واخذت شنطتها ونزلت شافته جالس ع كرسي بالحديقه جنب سيارته وشكله معصب
قربت له
خلود بهمس:سلام
عبدالله بدون مايلف لها:وعليكم السلام
جت وجلست جنبه وهي تناظر لناس الرايحه والراجعه
عبدالله:اسمعك
خلود لفت له:وش مغيرك
عبدالله ناظرها بطرف عينه:غير هالسؤال فيه؟
خلود:كلامي كله تحت هالسؤال
صد عبدالله وتنهد:فكري انتي بااجابه اجل
خلود:فكرت
عبدالله بدون مايناظر لها:وش طلع معك
خلود؛عبدالله انت جد كنت كاتم كاتم كاتم لين اخر نقطه صبر فيك وفجاءه قفلت
عبدالله مارد
خلود تجرئت وحطت يدها ع يده ولف لها
خلود ابتسمت:اعرف انك من داخل مو متغير
عبدالله جلس يناظر عيونها
خلود بهمس:وادري اني اكثر وحده ساكنه هنا
واشرت ع قلبه
خلود:وادري انك تحاول تسوي نفسك القوي وانت من داخل حنون
عبدالله يناظر عيونها وكانه يتاملها
خلود:صح؟
عبدالله اخذ نفس وسحب يده من يدها وقام
وخلود استغربت
عبدالله؛قومي ارجعي البيت
خلود:ليش!!
عبدالله:بروح لشغل
واتجه لسيارته وخلود انقهرت منه وقامت بسرعه ومشت معه وركبت بسيارته وعبدالله استغرب منها
واخذ نفس بقل صبر وركب
عبدالله:خلود انزلي لسواق
خلود:ماابي انت وصلني
عبدالله لف لها مستغرب وخلود تكتفت وزفر وسكر الباب وهمس:عناد
ماردت عليه ومشى

27 - 11 - 2021, 04:23 PM

البارت 198

بالشركه انتهى ناصر من شغله وطلع ع طول
وركب سيارته ومشى
وتذكر رساله جمانه وشاف الساعه (ظ¢ الظهر)
فكر اذا الوقت يناسب يكلمها او لا
واخذ نفس واتصل
عند جمانه كانت مندمجه بنومها طول ليلها سهرانه
رن جوالها وتحركت باازعاج
ولا فتحت عيونها ورن ورن ورن
قبل ينقطع ردت بعصبيه
جمانه:نعم؟
ناصر استغرب؛الله ينعم عليك
جمانه تاففت وجت بتسأل من انت وقاطعها صوته
ناصر:جمانه؟
جمانه فجاءه تذكرت ناصر وانها تنتظر مكالمته وصحصحت وقامت جلست
جمانه:هلا
ناصر ابتسم؛هلابك ،، يقولون بغيتيني؟
جمانه سكرت عيونها وتوهقت حست كل كلامها ضاع
وناصر ساكت ينتظرها تتكلم
جمانه:ا اي
ناصر:امري
جمانه اخذت نفس وحاولت تهدي نفسها
جمانه:بقولك ليش مستعجل بالملكه؟
ناصر مسك راسه وضغط شفته ماعرف وش يرد
جمانه تنتظر اجابته
ناصر:عادي الزواج بكرا ولا بعد شهر ماراح يتغير يعني لو تغير الوقت
جمانه بااستغراب:بس انت قلت بعد شهر وانا وافقت ع هالاساس
ناصر :ليش
جمانه بقل صبر:لان دراستي تخلص بعد شهر وحظرتك بتقطعها
ناصر ابتسم؛احد مانعك تدرسين
جمانه عقدت حواجبه:كيف يعني
ناصر:يعني اذا رحنا كندا بتكملين هناك
جمانه انصدمت:وبااي حق تحدد وين ادرس
ناصر ارتفع ضغطه من كلامها واسئلتها
ناصر:بحق اني بصير زوجك خلصنا سلام
جمانه؛لا مـ....
قبل تكمل سكر بوجهها وجمانه انصدمت وصرخت :عمممممممى بعينك
اما ناصر كان طول المكالمه يسايرها والبنت تكثر اسئله وتنرفز منها ومن سكر جواله عاقد حواجبه وتفكيره باللي بيصير بكندا مع جمانه ونور وهي ماتعرف انها بنته
،
نروح لسياره عبدالله
خلود كانت تلف تناظر فيه وهو مندمج بالسواقه وترجع تصد وهو ماتحرك
خلود:وبعدين
لف عبدالله:هلا
خلود لفت له منصدمه:ي هوه شفيك انت وبعدين معك
عبدالله عيونه ع الطريق:مافيني شي
خلود:يمه صاير بااارد
عبدالله مارد
خلود تنرفزت واخذت كرتون المنديل ورمتهااا من النافذه لف لها عبدالله وناظر لها ورجع يناظر الطريق وخلود غصب من شافته متبلد ضحكت
خلود:هههههههههه لا انت مستحيل
عبدالله:طيب شدخل المنديل
خلود:ابيك تتحرك تخانق تسوي شي
عبدالله:ع فكره غبيه فكرتك
خلود تكتفت:ادري
ابتسم عبدالله بس خلود ماشافته

27 - 11 - 2021, 04:24 PM

البارت 199

بفله عبدالملك
الساعه ظ£
دخل عبدالملك للفله بهدوء نزل شماغه ع كتفه وطلع لدرج ودخل الغرفه شافها تضبط شعرها
لفت له وابتسمت
ملك:اخييييييراً جيت
رمى عبدالملك نفسه ع السرير
عبدالملك:توي خلصت
ملك قامت وتخصرت:وين وين بتنام؟
عبدالملك رفع صبعه:غفوه بس غفوه
ملك قربت له ومسكت يده وسحبته تقومه
ملك:قووووم مو وقت نومك بنروح نشتري شي لامي وامك والبنات
عبدالملك عقد حواجبه:ليش؟
ملك:كذا بشتري لهم هدايا
عبدالملك مسك راسه:مووو وقته قسم مصدع
ملك:عبدالملك قوم عاد
عبدالملك تنهد وجلس:طيب طيعي رايي وخلينا نجيب لهم هدايا بسفرتنا احلا
ملك:الحين وبسفرتنا
عبدالملك ناظر لها:ترا انتي ماتنعطين وجهه
ملك:شكراً ،، يلا انتظرك
وتكتفت
عبدالملك سكر عيونه وشوي فتح عين شافها بمكانها
عبدالملك:ي صبررررر الارض بس
ملك كاتمه ضحكتها:عليك
عبدالملك انسدح:اجل احلمي اوديك
ملك:امزح قوم
قربت منه تهزه
عبدالملك مارد وسكر عيونه
ملك:وربي ان ماقمت بماء ثلج شوف حلفت
ومشت لتسريحه
وعبدالملك مااهتم وغفى من التعب
،
نروح لفله عبدالله من دخلو الباب عبدالله وخلود لقو نوال بوجههم وتكتفت من شافتهم مع بعض
مااهتمت خلود:ساندي
جتهم الخدامه:هلا مدام
خلود:جهزي العشاء اليوم بيجوننا عبدالملك وملك
نوال بتتكلم بس ماقدرت وتذكرت خناق عبدالله اليوم
عبدالله تركهم وجلس بالصاله وجت نوال بسرعه وجلست جنبه وتتكلم باابتسامه
نوال:خير ي ابوخالد بك شي
عبدالله لف لها:لا
خلود:انا طالعه
هز عبدالله راسه بااي
نوال صدت عنها وتدلك كتف عبدالله وعبدالله ساكت وخلود ناظرت لها واستغربت من نوال بس مااهتمت وطلعت ونوال حست انها قهرتها او حركت غيرتها وفرحت بهالشي
بس ع طول فكرت بعبدالملك وملك ووجودهم اليوم وعبدالملك زعلان منها دعت ربها مايصير شي يخرب بيتها وبنفس الوقت جتها فكره وقامت من شافت عبدالله اندمج بالتلفزيون وماانتبه لها وطلعت لغرفه جنى

27 - 11 - 2021, 04:25 PM

البارت 200

طلعت نوال لغرفه جنى وفتحت الباب لقتها حاطه السماعات باذانها وترقص
قربت منها نوال وسحبت السماعات وخافت جنى
جنى:بسم الله وش فيك
نوال: وجعه زين؟
جنى:ليش
نوال:الناس تقهر امك تحت وانتي ترقصين هنا
جنى رمت نفسها ع السرير
جنى:وش بنسوي بعد اكثر
نوال رفعت حاجب؛نقهرهم مثل ماقهروني
جنى:شلون؟
نوال ابتسمت:اتصلي بصديقاتك لمياء وسلمى وغاده كلهم عشاهم عندنا اليوم
جنى انصدمت:ليش؟
نوال:اتصلي وانتي ساكته
جنى ابتسمت:طيب
وابتسمت نوال وجنى بدت تكلمهم ونوال تاخذ الجوال تعزمهم عشان يوافقون
،
بفله عبدالملك جلست جنبه وهو نايم شكله من جد تعبان كان معها كوب الماء وفيه ثلج بس كسر خاطرها شكله
ونزلت الكوب وهمست
ملك:عبدالملك
مارد
وتنهدت وقامت لغرفه الملابس وجلست تدور تدور لبس لها يناسب العزيمه شافت فستان ابيض قصير تذكرت الفستان اللي كان عبدالملك جايبه لها زمان لبسته كان ناعم وجميل عليها فتحت شعرها وتركته وبدت تحط مكياج ولما خلصت قامت وشافت شكلها واعجبها الشكل النهائي ولفت لعبدالملك كان مندمج بنومه والساعه قربت تصير ظ¤ ونص
وعن حلفها اخذت الكوب وبدت تقطر عليه قطرات بيدها
وعبدالملك عقد حواجبه وملك كاتمه ضحكتها
وماقدرت تكتمها من شكله وانفجرت ضحك وفتح عبدالملك عيونه ع ضحكها وابتسم وقام بسرعه مسكها ومسك الكوب وملك شهقت
عبدالملك:اكبه عليك؟
ملك:ههههههههه لالا ماصدقت اخلص
عبدالملك استوعب لبسها وابتسم وجلس يناظرها من فوق لتحت وملك استحت
عبدالملك:ملك
ملك:ممم
عبدالملك:شفيك رجعتي بزر
ملك:هههههههههههههههههه
شكلها كان بريء وكيوت
عبدالملك نزل الكوب وجلس يناظر لها وملك وقفت
ملك:حلو الفتسان مو
عبدالملك ميل راسه:هاه هاه
ملك:افااا
عبدالملك:لا بس وربي جميله
استحت ملك:ادري اصلاً
عبدالملك:طيب الساعه كم
ملك ناظرت لجوالها:ظ¥ الا
عبدالملك:الله بدري
ملك:اي ادري بس طفشت
عبدالملك ابتسم:طيب نروح نشتري هدايا؟
ملك بفرحه:يلا
قرب عبدالملك منها وباس راسها ودخل يغسل وملك بفرحه راحت لعباتها

28 - 11 - 2021, 05:17 PM

البارت 201

الساعه ظ¨ بالليل
بسياره عبدالملك
عبدالملك:وشريتي كل اللي بخاطرك وخلفتيهم واخرتينا
ملك:مااخرتك اصلاً تونا
عبدالملك؛الساعه ظ¨ وشوي الحين يقلون ماشبعتو من بعض
ملك جلست تناظر له وعبدالملك ضحك
ملك:لا لاتخاف مو قايلين كذا
عبدالملك:كيفك انتي واجهي كلامهم انا بسكت
ابتسمت ملك وصدت وعبدالملك وقف عند الاشاره ومد يده لدرج قدام ملك وملك تناظر له طلع عطر رجالي وتعطر وفتح المرايه وشخص بشماغه زين
ملك تناظر له مبتسمه
ومد لها العطر:تعطري
ملك:تجنن ريحته بس مااقدر فوق العبايه
عبدالملك ابتسم:طيب اخذيه معك وتعطري اذا نزلتي عبايتك
ابتسمت ملك واخذته:طيب اصلاً اعجبني احلم يرجع لك
عبدالملك:هههههههههه حلالك
دخلته ملك شنطتها ومشو من الاشاره وبعد شوي وصلو البيت وملك اخذت نفس وجاء بينزل عبدالملك وحس بملك تمسك يده ولف لها
وجلس يناظر لها
عبدالملك:يلا!
ملك:طيب بطلب طلب
عبدالملك ابتسم:امري
ملك:خالتي نوال من عرفت لها كذا لاتزعلها عشاني او عشان امي منك انت وهي مالكم ذنب اذا خالتي تكرهنا
عبدالملك يسمع كلامها منصدم:بس كلام امي وجنى كبير
ملك:بتحمله ماعليك مني
تنهد عبدالملك ولف يدها وباسها وملك تناظر له
عبدالملك:محسود عليك وربك
ابتسمت ملك:يلا
عبدالملك:يلا
نزلو ومسك يدها يمشون للباب،
،
فتح الباب عبدالملك ودخلو
بالصاله كانو كلهم متجمعين وكاشخين ينتظرونهم وموضي اخت نوال وبناتها وحصه بنت عم عبدالله كانت فيه (طبعاً اللي عزمهم نوال ، وخلود متنرفزه انو هي اللي عزمت عبدالملك وملك نوال مالها حق تعزم الناس ع عزيمه خلود)
وقامت تالا وركضت من سمعت الباب
تالا:جووو جوووو جوووو
عبدالملك ترك يد ملك وشال تالا
عبدالملك:هلااااا والله
تالا:يمه اشتقتلكم
عبدالملك:واحنا اكثر صح ملك
ملك:اكثر وحده اشتقت لها انتي اصلاً
نوال بصوت جهوري:حي من جانا
لفو لها كانو كلهم واقفين ويناظرون لهم ملك هنا ارتبكت
عبدالملك نزل تالا وباس خدها وشاف لامه:الله يحييك
وقدم لهم وملك نزلت طرحتها وعدلت شعرها ع السريع ومشت لهم
وسلم عبدالملك ع امه وخالته موضي وخلود اللي ماقدرت تخفي فرحتها
وملك قربت لنوال:شخبارك خاله
نوال بغرور:بخير
قربت بتسلم عليها ونوال نزلت راسها عشان تبوسه ملك وماقدرت تبعد وباسته قدامهم
وابتسمت نوال وسلمت ملك ع موضي وضمت امهااا
عبدالملك لبنات خالته المتغطيات:سلام بنات
البنات:هلا والله وعليكم السلام
ملك:شخبارك يمه
خلود باابتسامه:تمام ي عيوني
جتها دلال بسرعه وضمتها:قلبي ملك اشتقتلك
ملك:وانا بعد

28 - 11 - 2021, 05:17 PM

البارت 202

وسلمت دلال ع عبدالملك
دلال:حليااان ملوك
عبدالملك ناظر لملك:هههههههههههه
دلال:خلاص فهمت
ملك استحت ومشت للمرايه تنزل عباتها
ومن مشت قامت جنى من بين بنات خالتها واتجهت لعبدالملك وسلمت عليه
جنى:شلونك عبدالملك وربي لك وحشه
عبدالملك تنهد وصد:تسلمين، ايوه وشلونك عمتي حصه
حصه:زين تذكرتني
عبدالملك:هههههههه ماتنسين ي الغاليه
ابتسمت له حصه كانت بس متحجبه عنه ماتصير له ابد وتصير لعبدالله والبنات بس كانت متعوده عليه وعارفها
تقدمت نوال ومسكت يد عبدالملك
نوال:تعال حبيبي اجلس عندي
ابتسم عبدالملك وجلس وجلسو كلهم وطبعاً ابرار ونوره متغطيات
،
عند ملك نزلت عباتها واعطتها الخدامه وضبطت شعرها وطلعت عطر عبدالملك وابتسمت وتعطرت منه ع صوت الجرس استغربت
ملك:ساندي
جتها الخدامه
ملك:افتحي الباب
جنى من وراهم:انا بفتح
ملك ناظرت لها من المرايه ومااهتمت اما جنى اعجبها لبس ملك وعفست وجهها
جنى بهمس:وع
سمعتها ملك وماردت
ملك:ساندي شوفي في اكياس بسياره عبدالملك هاتيهم بعد شوي
ساندي:طيب مدام
ولفت ملك بترجع لهم وانصدمت من الصوت وراها
لمياء:هلا والله فيك جنو
لفت ملك لهم وعقدت حواجبها ولمياء ابتسمت لملك
وملك عصبت ومشت
طبعاً اللي جو لمياء وسلمى وغاده
ملك كانت تردد داخلها(وش جايبهم اوف)
ودخلت للصاله
وكلهم لفو لها ويناظرون شكلها الطفولي وهي كانت تدور مكان تجلس فيه عبدالملك جنبه نوال وموضي مشت لخلود وجلست بينها وبين ابرار وهي تبتسم بتصنع لهم
،
عند الباب البنات وقفو ينزلون عبيهم
جنى؛ههههههههههه شفتو نظرتها تو تضحك
لمياء:وربي لااطلع قرونها بس اصبرو علي
سلمى:عبدالملك فيه؟
هزت جنى راسها بااي
سلمى بفرحه:وناسه اخيراًبشوفه زين
غاده ؛عن نفسي مو مصدقه
جنى:اعتبروه حلالكم
لمياء رفعت حاجب لهم:تخسون انتي وياها عبدالملك حقي انا
سلمى ابتسمت:بس بنتاظر فيه
لمياء مشت بثقه وطرحتها قصيره ومطلعه لبسها وشعرها:بس لاتدققون ،يلا
مشو وراها وجنى زاد غرورها بااخوها وطبعاًكلهم طرحانهم قصير وماتغطي شي
،
نروح لناصر اللي كان جالس ونور تلعب قدامه ويناظر لها قطعت تفكيره ارجوان
ارجوان:خير نصور فيك شي
تنهد ناصر:لا بس قررت اسافر لكندا
ارجوان انصدمت:ايش
ناصر:اخر هالاسبوع بملك واسافر مع جمانه ونور
ارجوان منصدمه
ناصر تنهد:متضايق ي بنت كل اللي اسويه عشان هالبنت
لفت ارجوان لنور:بس مايصلح تغربها وهي صغيره
ناصر:مضطر
ارجوان:ليش طيب
ناصر لف لها وناظرها ومارد وارجوان مستغربه

المواضيع المتشابهه لموضوع: رواية عشقي ال بدي مكتفي فيك عاشقك للفنى لموضوع: رواية عشقي ال بدي مكتفي فيك عاشقك للفنى
الموضوع	كاتب الموضوع	المنتدى	مشاركات	آخر مشاركة
رواية تعرف حبيبي ان عشقي لك تعدى حدود الجنون	البارونة	همس للقصص وحكايات وروايات	3	30 - 10 - 2024 02:24 AM
مكتفي بك 2022	حنين الأشواق	همس الشعر و الشيلات الصوتيه	2	22 - 1 - 2022 11:22 AM
لاتبعثرني تراني مكتفي	جروح الم	همس الشعر والقوافي	2	27 - 12 - 2014 11:28 PM
قال نا عاشقك	استثنائيه	همس عذب الكلام والخواطر المنقوله	10	1 - 5 - 2013 01:53 AM
رواية عشقي	مــلآمـح خ ــجل	همس الشعر والقوافي	12	12 - 6 - 2012 12:46 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع